رواية انتي لي يحيي وليلي الفصل الاول 1 بقلم سلسبيل احمد
رواية انتي لي يحيي وليلي الفصل الاول 1 هى رواية من كتابة سلسبيل احمد رواية انتي لي يحيي وليلي الفصل الاول 1 صدر لاول مرة على موقع التواصل الاجتماعى فيسبوك رواية انتي لي يحيي وليلي الفصل الاول 1 حقق تفاعل كبير على الفيسبوك لذلك سنعرض لكم رواية انتي لي يحيي وليلي الفصل الاول 1
رواية انتي لي يحيي وليلي الفصل الاول 1
- هنعمل اي يا ست الفالحه دلوقتي؟
= مش عارفه
- كلمي يحيى !
= نعم؟؟ ده لو عرف انا فين ولا بنعمل اي هيقصْي عليا وبعدين انا قولتلك عايزه استقل بذاتي و اعتمد على نفسي ! ومش عايزه اكلمه تاني
- ليلي!
= مستحيل بقولك ! مستحيل اكلمه يا سارة!
* تن تن تن *
- الو ؟
= ايوه يا يحيى عامل اي
- كويس في اي؟
= لا ابداً كنا على حدود ليبيا ومحتاجين حد يلحقنا العربية عطلت وكده
قام من مكانه: بتقولي فين يا ليلي ؟؟؟؟
- في طريق إسكندرية يا يحيى في ربعه كده ملحقناش والله والعربية اغم عليها
= وانتي اي الى وداكي هناك ؟؟ ده انا هطين عيشتك !
- طب نتكلم لما تيجي بقا هبعتلك لوكيشن موبايلي قرب يفصل سلام يا حبيبي
"قفلت معاه و بصيت لسارة بتوعد"
- تعرفي حاجه؟ بعد ما نرجع هقطعي علاقتك بيا
= أحسن برضو
>>>>>>>>>>>>>>>>>>>>>>>>>>>>>>>>>>
" بعد حوالي ساعه ونص كان قدامنا "
- انتوا كويسين؟
" هزينا راسنا بالإيجاب "
- طب الحمدلله.. تعالي هنا بقا
مسكني من قفايا جامد وهو متعصب: مين اذن لك تطلعي اسكندريه ها ؟؟؟
= سيب قفايا!!
- ردي بقولك
= الاهههه ده كان يوم صد رد وهنرجع علطول حتي اسأل سارة
- ايوه والله كنا هناكل ايس كريم ونقعد عالبحر ونرجع
= بس اخرسي انتي وهي اخرسوا !
سابني بنرفزه و بص لسارة: عربيتك مالها يا استاذة !!
- مش عارفه عطلت فجأه
= اممممم طبعا مش عارفه طبعا
" راح فتح كابوت العربية و بعدين فضل يعمل حاجات وانا و سارة متنحين.. لحد ما دورت واشتغلت "
رجع بصلنا بقرف: ورايا انتوا الإتنين هنرجع دلوقتي وانتي حسابك معايا فالبيت
>>>>>>>>>>>>>>>>>>>>>>>>>>>>>>>>>
( صلي على محمد )
" وصلنا لحد بيت سارة ونزلت من العربية بتاعتها و ركبت معاه و فضل ساكت طول الطريق لحد ما بقينا قدام بيتي "
- ممكن اقولك حاجه قبل ما انزل ؟
= ...
- انا قولت لعمي علفكره اني رايحه! مرضتش اقولك عشان كنت هتقولي لاء و انا عايزه اعتمد على نفسي انا خلاص يا يحيى سنه و هتخرج ! وهشتغل ومش هينفع كل ما احب اعمل حاجه اقولك ؟
بصلي: بجد والله طب و بعدين حصل اي ؟ احتاجتي ليا فالاخر و كلمتيني !
- تقصد اي بتذلني عشان جيت! ولا تقصد مكنتش كلمتك!
= ولا ده ولا ده !!! اقصد انك مش مؤهله تقابلي العالم كله مره واحده وانتي فاتحه صدرك
- يعني اي !
= ليلي! متبقيش غبيه!
اتنفس بهدوء وبصلي: من وقت موت والدتك وانا وبابا مخلين بالنا عليكي و انا جمبك و عمري ابداً ما زهقت ولا مليت من اني اخلي بالي عليكي وانتي كنتي ف صدمه بسبب فقدان طنط فا طول الوقت الى فات انتي خبرتك صفر فالعالم! كان اخرك الجامعه وكام خروجه خفيفه مع صحابك؟؟ تقومي فجأه تنطي لمرحله سفر لوحدك؟ و عايزه تعملي كل حاجه لوحدك فجأه كنتي هتعملي اي لو مردتش عليكي مثلا و لا حصل اي ظرف و اتأخرت عليكي؟ كانت الشمس هتغيب عليكم لوحدكم على طريق زي ده ؟
" فضلت افكر فكلامه.. عيوني فضلت تدمع وبصتله وانا بعيط"
- انا تعبت مبقتش عارفه أعمل اي ! يحيى أنا.. انا فعلا مش قادره اعمل حاجه لوحدي و انت كل كلامك صح بس انا مينفعش أفضل كده
سحب منديل من قدامه و مسح وشي: بطلي عياط الأول ، واحده واحده يا ليلي و هتتعودي على كل حاجه محدش اتولد بيعرف يعمل كل حاجه
= يحيى
- نعم
= انا في حاجه عايزه اقولك عليها و خايفه
- عملتي اي تاني يا ليلي؟
ضحكت: دي حاجه حلوة.. حاجه جميلة يا يحيى
ابتسم: طيب قولي
= انا بحبك
بصلي بتركيز: طب مانا كمان بحبك؟
- بس انا مقصدش بحبك عشان ابن عمي او عشان اي حاجه
ضحك بسخريه: يبقي أكيد هلوسه من الطريق اطلعي ريحي يا ليلي
- لاء يحيى أنا
قاطعني بهدوء: انتي تعبانه فا الاحسن تطلعي ماشي؟
بصتله بصدمه ومكنتش مستوعبه الى حصل و لكن نزلت بعد ثواني.. طلعت الأوضة وفضلت افكر ليه قولت كده! ولكن مقدرتش اتحكم ف مشاعري و هو.. ! طلع مش بيحبني زي ما كنت فاكره هو بس بيعمل كده عشان انا بنت عمه لكن مش بيحبني !!!
" فضلت نايمه على السرير وبفكر فيه مش قادره ابطل تفكير فيه! وفضلت صاحيه طول اليل! "
>>>>>>>>>>>>>>>>>>>>>>>>>>>>>>>>>>
" فات أسبوع و التاني .. يحيى جمبي و بيتجاهل خالص انا اعترفت له بأيه كان بيوصلني كالعادة و لكن واحده واحده فعلا كنت ببعد و بقوله اني عايزه اعتمد على نفسي! و بقيت أتعامل بشكل مختلف معاه ولا كأن حصل حاجه! نسيت اني قولتله بحبك اصلا
غريبه صح؟ لكن انا يومها عيطت كتير عشان حبي لي! وعيطت بعدها برضو و لكن مع خروج عياطي كنت بخرج حبه من قلبي! و بجاهد عشان ابقي كويسة و اديني اهو بقي عندي الخبره الكافيه و فاتت سنه !
و اتخرجت اخيرا!!! مبقتش اخاف اخرج! ولا اتخصْ لو حصلي موقف جديد عليا بس الجديد الى بجد والى مقدرتش اتعامل معاه كان طريقة يحيى بعد لما مبقتش محتاجه له !!!"
- هوا اي الزعيق ده انت اجننت يا يحيى !!؟
= انا برضو الى اجنتت؟؟ هو طبيعيي تظهري فجأه بواحد عايز يتجوزك !!!
- انت يابني بتفهم منين ! بقولك هيجي يقابلك انت وعمي و لسه هنتعرف ونعمل خطوبه !!!!!
= يعني اي ؟؟ طلع من تحت الأرض!
- لا من الشركه !! انا بقالي سنه بعد التخرج بشتغل فيها يعني مش فجأه ولا حاجه
= والله؟ هنبدء بقي حورات الشغل صح ؟
- حورات شغل؟ انا مش فاهمه انت مالك في اي ؟؟ علفكره انا مش هتكلم معاك تاني بطريقتك دي! وهستني عمو بره اوعي كده
" سبته وخرجت قعدت فالجنينه وانا متعصبه جدا ! هو جرا لمخه حاجه ؟؟ لا بجد ماله ! "
- ليلي ، ازيك يا حببتي عامله اي اي مقعدك بره؟
= الحمد الله يا عمي كنت مستنيا حضرتك
- طيب تعالي يا حببتي
" دخلنا الفيلا تاني بصيت حواليا ملقتوش شكله ف اوضته .. "
" قعدنا و كنت متوتره و لكن فتحت الموضوع مع عمي وفهمته كل حاجه "
- طيب عظيم و قولتي ليحيى بتقولي؟
= اها بس رد فعله غريب! علي العموم حضرتك اتكلم معاه
- هو بس بيخاف عليكي حبتين
= وانا مقدره ده همشي بقا عشان الوقت اتأخر
- استني نتغدي سوا
= مش جعانه خالص والله
- طيب يا حببتي خلي بالك من نفسك و هكلمه بكره اديله معاد
= تمام شكراً يا عدول
ابتسم: على اي ؟ انتي عارفه انك بنتي يا ليلي
"بصتله بأمتنان و سلمت عليه وبعدين مشيت و قولت انام بدري عشان بكره عندي يوم طويل!"
>>>>>>>>>>>>>>>>>>>>>>>>>>>>>>>>>>
( صلي على محمد )
" تاني يوم الصبح صحيت و روحت الشغل لقيت كذا رسالة من يحيى ولكن مردتش عليهم وقفلت الفون و حطيته على مكتبي وكملت شغل لحد ما سمعت الباب بيخبط"
- احم ممكن ادخل..؟
بصيت قدامي وضحكت: اتفضل يا أستاذ عمر!
"دخل وقعد وانا كنت على مكتبي بخلص شغل"
- عمك كلمني و خت بعد كام يوم!
= فعلا!
- متفاجئة ليه؟
" افتكرت طريقة يحيى معايا والى خلتني اعتقد انوه هيبوظ الموضوع بأي شكل"
= لا ابداً كويس.. سبني اخلص الشغل بقي لحسن يتقال عليا مش شايفه شغلي؟
- انتي بتكلمني مدير الشغل! وانا شايف انك تستحقي امتياز و ترقيه اي رأيك بقا
ضحكت: طبعا بتطبل لي!
اتكلم بجديه: ابداً انا حقيقي يا ليلي مشوفتش حد بيحب شغله زيك و ذكي كده مش عايز احسدك بس انتي فعلا مميزة عن اي حد!
ابتسمتله بحب: مش عارفه اقولك اي الحقيقه!
- متقوليش حاجه! انا بشكر ربنا انوه وقعك في طريقي و بقيتي معايا هنا ، و بصي انا عارف انوه بدري على كلامي لكن لو اتجوزنا انا هفضل ادعمك ف شغلك و عمتاً ف اي حاجه هكون اول حد بيدعمك وجمبك يا ليلي
" قال كلامه وخرج وانا من فرط السعاده كنت عايزه اقوم ارقص..! "
>>>>>>>>>>>>>>>>>>>>>>>>>>>>>>>>>
(سبحان الله و بحمده سبحان الله العظيم)
" جه معاد مقابلة عمر لعمي يومها خت إجازه و روحت البيت خت لبسي و الميكب وكل حاجه وروحت الفيلا.. ليا اوضه هناك حطيت فيها حاجتي و بدأت اجهز ولأني ارتيابيه كنت مقرره اللبس واجهز فالفيلا عشان مبقاش محتاجه اي حاجه من البيت عندي و كده كده المقابله هتبقي فالفيلا..
و كلمت سارة تيجيلي! "
- اوعا القمر
= سارة ! اتأخرتي ليه؟
- مكنتش عامله حسابي انك هتبقي بتجهزي فالفيلا يا ست ليلي
= قولت هنا احسن بما ان القاعده هتكون هنا
- أكيد هنا احسن همو * ت واعرف اصلا ليه عايشة لوحدك ومش قاعده معاهم فالفيلا
= عشان استقل بذاتي!
- يشيخه اتلهي حد يسيب فيلا زي دي
= انتي كل مره هتيجي هنا هتقوليلي نفس الكلام؟
- لا علي اي .. هو يحيى فين؟
= مش عارفه بس اكيد جاي
- احم طيب انا هنزل الجنينه شوية اشوف الكلام على اي و اخدلي كام صورة مع الزهور
ضحكت: ماشي
- مش محتاجه اي حاجه؟
= لاء يا سولي تسلمي
" نزلت و انا كملت تجهيز بصيت فالساعه و لقيت لسه فاضل ساعتين عبال ما عمر يجي "
ظهر صوت ورايا: اي ده خير عندك فرح؟
" لقيته يحيى وغالبا كان خارج من اوضته وقال يجي يتنح عليا شوية"
بصتله و رجعت احط الايلاينر: لا عندي شبه خطوبه يا ظريف يابو دم س.م
- اها نسيت.. الخطوبة شوف ازاي
رجعت ابصله بتركيز لاقيته لابس بيجامه: هو انت هتقابله كده ؟؟؟
قرب مني واتكلم ببرود: ومالو؟ اصلي بصراحه مكسل اللبس وانتي عارفه اني مليش فالبدل وانتي برضو مكنتيش بتحبي الفساتين؟ الاه الفستان ده لو دلقت عليه شوية مانجا من الى ف ايدي دول يجرا حاجه؟
بصتله بدهشه: يحيي بطل جنا* ن !!! .......
يتبع..