_واخيرا ي حبيبي بقينا لبعض انا حاسس اني بحلم  

غمضت عيني ودموعي بتنزل *طلقني ي زين 

ابتسامته اختفت وعقد حواجبه_نعم انتي شاربه حاجه   ي ندى

*لا انا مش شاربه حاجه انا عارفه انا بقول اي كويس 

عطيته ضهري وانا بتنفض من العياط 

قرب مني وحط أيده ع كتفي _مالك ي حبيبي انا زعلتك ف حاجه ؟،انتي خايفه مني ؟

بعدت أيده بضيق 

اتعصب_اي ي ندى للدرجه دي مش طيقاني دا احنا مستنين اليوم دا من عشر سنين 

 التفت *قول الكلام دا لنفسك ي استاذ ي محترم قولي عملتلك اي عشان تخوني مع نهله وتقولها انك هتتجوزها

حط أيده ع وشه بتعب _الموضوع مش زي مانتي فاهمه ي ندي 

*طب فهمني قولي ايه دا 

مسكت فوني وفتحتله الصور و الفيديوهات اللي كانت بينه وبين نهله  ف كافيه وقاعد مع نهله وماسك أيدها وبيقولها مش هسيبك وبيمسح دموعها بايده 

كل حركه ف الفيديو وكل صوره كانت بتفتفت  قلبي 

مقدرتش اتفرج اكتر من كدا   ورميت الفون من ايدي 

حط أيده ع كتفي وبصلي بحنيه _كل  اللي عايزك تتاكدي منه اني اقسم بالله عمري ماخونتك ولا فكرت حتي 

حسيت بالصدق ف عنيه  فعيطت زياده *طب فهمني مش دي نهله اللي كانت عايزه تتجوزك وبتحبك من زمان 

سكت وبص ف الأرض 

*ليه ي زين ليه تجرحني كدا 

كنت بخبطه ف كتفه وبعيط وهو واقف بيبصلي وساكت 

قعدت ع الارض وانا بعيط وصوت عياطي كان عالي حاسه الحب اللي فضلت سنين ابني فيه بيتهد ادام عيني طوبه طوبه وانا مش عارفه اعمل اي 

 نزل لمستوياورفع وشي ليه _ممكن تثقي فيا وانا ف اقرب فرصه هوضحلك كل حاجه انا مش عارف مين اللي بعتلك الفيديو دا ولا اي مصلحته بس اتاكدي أن الحقيقه مش زي مانتي شايفه ي ندى 

 غصب عني حركت راسي باإيماء قلبي رافض يكدبه وعقلي بيجبلي مليون سيناريو كلهم اسوء من بعض 

 سيبته ودخلت اوضتي وحاولت اغير الفستان بس معرفتش بس برضه مش هناديله قعدت ع السرير بتعب ومن كتر العياط وتعب اليوم نمت  حسيت بحد جمبي ف اتعدلت  بسرعه لقيته زين قاعد بيبصلي 

 *انت اي جابك هنا ؟

 _انتي اي اللي نيمك بالفستان 

 *ملكش دعوه قولي انت هنا من أمتي 

 رفع حاجبه _ هو انتي لقيتي حرامي نايم جمبك دانا جوزك وبطمن عليكي بس 

 *واطمنت !اتفضل برا 

 _طب هنام فين مفيش غير اوضة نوم واحده 

 *اتفضل نام ع الركنه أو ف الأرض مش مشكلتي 

 _نعم! دا بقالي شهرين ببص ع السرير وبحلم اني نايم عليه 

 *خلاص يبقي اقوم أنا انام برا 

رمي المخده عليا  وقام _وع اي خليكي انا اللي قايم هي جوازه منظوره والله انا عارف 

 خرج من الاوضه فنمت تاني بس هو جه تاني 

 _طب مش محتاجه مساعده

 خبطته بالمخده *اطلع برا ي زين وملكش دعوه بيا خالص 

 ف الصاله  عند زين 

 زين :مش عارف ليه الظروف ضددى كدا يوم ماامسك بايدي اغلي حلم حلمته ابقي متهدد ببُعده ف اي لحظه يارب حلها من عندك  

 افتكرت اللي حصل قبل فرحي بشهر  

 كنت ف البيت ونهله بنت عمي جت عندنا 

 بحزن "مبروك ي زين عرفت انك حددت فرحك خلاص 

ابتسمت  _الله يبارك فيكي ي لولو عقبال ماافرح بيكي واوصلك لعريسك بنفسي 

 بصت ف الأرض "أن شاء الله 

 دخلت اوضتي وكلمت ندى وفضلنا نرغي كتير ع ترتيبات الفرح وحاجات كتير وقغلنا كنت واقف مبسوط ف البلكونه وبغني :::ي آيه من الجمال جمبك لقيت القلب قال كل الكلام اللي مداريه ::::

 وقتها رنا اختي دخلت الاوضه عليا 

بغيظ 'انت اي ي اخي مش عارف تمسك نفسك شويه راعي شعورها شويه 

ضيقت بين حواجبي *في اي بتتكلمي عن مين ؟

'استهبل بقا متعرفش أن نهله بتحبك رايح تكلم خطيبتك وتضحك وتهزر معاها وهي موجوده 

رفعت اكتافي بلامبالاه * والله بقا انا كنت ف اوضتي وثانيا انا كتبت كتابي ع ندى يعني بقت مراتي واحنا احرار 

خرجت ورزعت الباب وراها وهي بتبرطم 'عديم الاحساس صحيح 

  مهتمتش وكملت غُني وانا بحلم باليوم اللي هكون فيه مع ندى ف بيت واحد 

  بعدها باسبوع الساعه 2صباحا كنت نايم وصحيت ع رنة فوني برقم غريب فتحت الخط 

  سمعت صوتها بتعيط "ال.. الحقني ي زين انا ..

 انتفضت من ع السرير _نهله!في اي مالك بتتكلمي من فون مين ؟! انتي فين 

 "انا ف الشارع ارجوك تعالي خدني انا ف..

 قومت بسرعه ولبست جاكت ع هدومي وخرجت روحت العنوان اللي ادتهولي اتفاجئت باللي شوفته وشها متبهدل من العياط والميكب وشعرها متلغبط وهدومها قصيره 

 _اي اللي عمل فيكي كدا ؟