رواية انتي لي يحيي وليلي الفصل الثاني 2 بقلم سلسبيل احمد
رواية انتي لي يحيي وليلي الفصل الثاني 2 هى رواية من كتابة سلسبيل احمد رواية انتي لي يحيي وليلي الفصل الثاني 2 صدر لاول مرة على موقع التواصل الاجتماعى فيسبوك رواية انتي لي يحيي وليلي الفصل الثاني 2 حقق تفاعل كبير على الفيسبوك لذلك سنعرض لكم رواية انتي لي يحيي وليلي الفصل الثاني 2
رواية انتي لي يحيي وليلي الفصل الثاني 2
" لقيته يحيى وغالبا كان خارج من اوضته وقال يجي يتنح عليا شوية"
بصتله و رجعت احط الايلاينر: لا عندي شبه خطوبه يا ظريف يابو دم س.م
- اها نسيت.. الخطوبة شوف ازاي
رجعت ابصله بتركيز لاقيته لابس بيجامه: هو انت هتقابله كده ؟؟؟
قرب مني واتكلم ببرود: ومالو؟ اصلي بصراحه مكسل اللبس وانتي عارفه اني مليش فالبدل وانتي برضو مكنتيش بتحبي الفساتين؟ الاه الفستان ده لو دلقت عليه شوية مانجا من الى ف ايدي دول يجرا حاجه؟
بصتله بدهشه وبعدت: يحيي بطل جنا* ن !!!
قرب مره تانيه: خايفه يبوظ وتتأخري علي الحلو ولا اي
- انت يابني اهب_ل ؟ بتعمل كده ليه
= عشان مش عاجبني!
- عاجبني انا وانت مالك !
"جز على سنانه وبصلي بغضب مكتوم"
قاطعنا دخول سارة والى انقذتني من المتحْ_لف ده!!
" خرج وسابني وانا كملت الى كنت بعمله ولكن كنت.. احساسي اتغير مودي كله اتغير فجأه! "
" كنت جاهزه فالمعاد و سمعت صوت الباب عرفت انوه وصل و فضلت ف اوضتي و سارة معايا مفروض انزل ولكن خايفه معرفش حصل اي فجأه! فضلت افرك ف صوابعي لحد ما الباب خبط و يحيى دخل "
" دخل وفضل باصصلي حسيت عيونه بتتكلم.. مندهش عشان شكلي و فيه نظره حزن فنفس الوقت.. انا حقيقي مكنتش فهماه! "
- شكلك حلو.. كالعاده.
=................
- مش هتنزلوا ولا اي ؟
= انا جاهزه
كان بيتكلم بدون تعابير: طيب يلا بابا قالي اناديكي
" مد دراعه وانا اتفاجئت بس مسكت فيه ونزلنا سوا سلمت على عمر و يحيى قعد قصادي طول القعده بيتكلموا وانا فعالم تاني سرحانه ف.. يحيى!! "
" استأذن بعد فترة عشان يمشي وعمي قاله انوه هيرد عليه قريب خرجت معاه لحد بوابة الفيلا "
- مالك يا ليلي انتي كويسة؟
= ايوه يا عمر تمام
- مش باين ؟ كان في حاجه شغلاكي طول القعده
= مفيش.. ممكن ضغط بس
- لو كده خليكي اجازة بكره كمان! متجيش الشغل
= لا لا هبقي كويسة ، متزعلش!
-انا مش زعلان يا ليلي انا بس قلقان عليكي
"حاولت ابتسمله لقيته مركز ع حاجه و لما بصيت كان يحيى واقف وباصص علينا من بعيد و معاه سارة "
- بس شكلك حلو فالبدله يا يحيى هنفرح بيك امتي؟
= لما نشوف حوار صحبتك ده الأول
- وانت بعدها علطول يعني؟!
ضحك بسخريه: انا مليش فالجو ده حب و بتاع ومش بفكر اتجوز اصلا
ساره بصتله بفقدان أمل: عشان مجربتش ده حاجه بتختارها اصلا يا يحيى الحب عمر ما حد بيختاره!
"يحيي سكت و بص قدامه عليهم.."
عمر رمي نظرة سريعه ناحيه يحيى: اصلي مش حاسس انوه مستلطفني؟
= لاء هو بس لسه ميعرفكش يحيى طيب اوى علفكره
- عمالين يرنوا واضح فيه مشكلة فالشركه همشي بقا
= ابقي طمني
" ركب عربيته و مشي و لقيت يحيى جاي عليا "
- هو كان بيقولك اي كل ده
= ولا حاجه بنتكلم عادي
- هتقولي لبابا انك موافقه؟
= لو مش موافقه هقوله يجي ليه يا يحيى؟
- مش عارف ليه حاسس انك مش بتحبيه؟
= اظن مش هنفتح الموضوع ده ! ولا اي
- لا نفتحه انتي مش بتحبيه يا ليلي !
= مين قالك ؟؟ احنا لسه فالأول و أكيد بعدين هحبه اكتر من دلوقتي
وشه احمر و قلب عيونه عليا: انتي بتختاري غلط خلي بالك و متسرعه
ضحكت بحزن وبصتله ف عينه: حاولت اختار صح قبل كده و طلع اختياري غلط برضو فا مش هتفرق !!
ساره جت على صوتنا العالي: في اي انت وهي اهدوا !
يحيى بعصبيه: في غباء و قرارات غبيه
رمي جملته ومشي و ساره بصتلي بعدم فهم: ماله ده! كان كويس من شوية
- صدقيني معرفش!! من اول ما عرف وهو بيتصرف بع** بط زي ماتكون دماغه تعبانه
= غريب اوي!
- سيبك منه ، اجي معاكي اوصلك؟
= لا مهي عربيتي معايا
- طيب لما توصلي عرفيني
" دخلت عشان اخد حاجتي وامشي و لكن عمي قالي ابات انهارده ف اوضتي بما ان الوقت اتأخر فا قررت افضل "
>>>>>>>>>>>>>>>>>>>>>>>>>>>>>>>>>
( صلي على محمد )
" تاني يوم صحيت روحت الشغل عادي و عمر كان معايا فالمكتب بنخلص شغل سوا "
- المفروض كده الفايل ده يتسلم دلوقتي
= متأكده انوه تمام ؟ مش هراجع وراكي
- لا طبعا راجع زياده تأكيد
ابتسم: ماشي ياستي
" موبايلي رن و كان يحيى فا رديت "
- أيوه؟
= انا تحت الشركه انزلي
- انا مخلصتش شغل في اي ؟
= انزلي بدل ما أطلع؟
مرضتش اتخانق معاه وعمر متابع المكالمه فا قفلت وبصتله: ده يحيى واضح فيه حاجه هنزل اشوفه
- هو تحت ؟
= أها
- طيب اجي معاكي؟
= لا لا خليك
نزلت لقيت واقف ساند على عربيته بمنتهي البرود فا روحت ناحيته بعصبيه و خبطه جامد ف صدره: انت عايز اي بقا مش بتزهق !
بصلي عشان صْربته: ماشي.. اركبي
= يابني انت مخك فيه حاجه اركب فين ؟
- عاوزك عاوز اتكلم معاكي! مش هنتكلم فالشارع
= وانا مش همشي لسه عندي شغل وحاجتي فوق ! لما ابقي اخلص وتبقي تعرفني قبلها نبقي نشوف
ابتسم: شغل أها واخد معاد ده انتي بتسني سكا* كينك عليا بقا ؟
مردتش عليه قرب جدا مني: تعرفي انك لو مجتيش معايا هدغدغ شغلك الى فرحانه بيه ده ؟
" وهنا فهمت انوه مش قصده الشغل خالص.! "
سمعت صوت عمر من بعيد: ليلي في حاجه؟
يحيى ابتسم بشر: اهو جالي بنفسه عشان ادغدغه مُرزق.
"خوفت يعمل حاجه فعلا معرفش بقي مجنو*ن بالشكل ده امتي فا وقفت قدامه لما عمر قرب"
- عمر .. هو في مشكلة بس فالبيت وكده عندك مانع اروح معاه و ارجع تاني؟
= حصل اي عمي كويس؟
يحيى برطم: يا حنين ياه يلهوي
- كويس متقلقش انا هاجي بسرعه ماشي؟
" عمر بص ل يحيى بعدم ارتياح و يحيى مكنش نزل عينه من عليه اصلا و عايز يمسكه يفرتكه.!! "
= تمام
" ركبت العربية و هو ركب بعد ما رمي ابتسامه سخيفه ل عمر "
- بقالك نص ساعه سايق ؟؟ انت موديني فين
= متحْافيش مش هحْط* فك
- مش حْايفه انا مبقتش عيله
"ابتسم وسكت"
" وصلنا كافيه اول مره اروحه و طلعنا لآخر دور عشان اتفاجئ بالبحر كله قصادي و الشمس كانت بتغيب كان منظر يطير العقل! "
"مقدرتش اشيل عيني و فضلت سرحانه لحد ما يحيى قاطعني"
- انا جبتك هنا عشان عارف انك بتحبي البحر و في نفس الوقت مقدرتش احجز يخت و نتحرك بيه وسط البحر عشان برضو عارف انك بتخافي منه
بصتله بقله حيلة: ....
= الى مش قادره افهمه يا ليلي ؟ ازاي تحبي و تخافي من حاجه فنفس الوقت
بصيت ناحيه البحر مره تانيه: بحبه عشان شكله جميل ريحته حلوة وصوت الموج فيه مريح
و بخاف منه عشان.. عشان بيعْدر وانا مش بحب العْدر و كنت هغرق فيه قبل كده
- طب تفتكري الحاجه وعكسها ممكن يجتمعوا ف شخص بدل البحر؟
= مش فاهمه؟
- يعني مثلا انتي بتحبيني.. و بتكرهيني فنفس الوقت تفتكري ممكن نكمل حياتنا كده؟
= مش فاهمه تقصد اي نكمل حياتنا ازاي ؟ وبعدين انا مش بكرهك انت بتستفزني
- بتكرهيني أكيد
= ليه بتقول كده!
- لأنك شايفه اني جر* حتك لما قولتلي بحبك و وقتها مردتش عليكي
= يحيي انا نسيت الموضوع ده!
- خليكي اتكلم.
= لا انا عايزه اقولك اني خلاص مبقتش
قاطعني: انا بحبك عايز نكمل سوا عشان أنا بحبك يا ليلي! ومش عايز ابعد عنك ولا هقدر اسيبك تبعدي
بصتله بصدمه: هو انت بتقول اي بتحبني؟! بعد كل ده! جاي دلوقتي تقولي كده؟ دلوقتي ؟
= مقدرتش اقولها قبل كده!
- بس انا قولتها! وانت الى وصلتني لهنا! انت مش قادر تشوفني مع حد تاني فا جاي تقولي بحبك؟ هو انا لعبه!!!
= انتي مش فاهمه حاجه !
بعصبيه: طب فهمني !!
= ليلي انا بقولك كده قبل ما بابا يرد عليه و يبقي في حاجه رسمي ! انا حسيت انك بضيعي مني
- انا فعلا ضعت لأنك ساكت كل السنين دي من غير سبب ؟؟
خد نفس وبصلي: لاء كان في سبب
انا وقتها كنت خايف متكونيش بتحبيني !!! ليلي انا حرفيا فحياتك غصب عنك! من وقت ما بقيتي لوحدك وانا دخلت حياتك فجأه مفروض عليكي انا كنت خايف تكوني متعوده على وجودي! او معجبه بس بشخصيتي وشيفاني حد بيحميكي و بيبقي جنبك وقت ما تحتاجيه انتي كان عندك 19 سنه وقتها! كنتي صغيرة! انا كنت بحافظ عليكي
دموعي نزلت: اها وانت و جاي برضو دلوقتي تقولي كل ده ؟ مكنتش قادر حتي تفهمني قبلها
- مقدرتش! انا كنت بحبك ومقدرتش اقول اي حاجه عشان منخسرش بعض وانتي كنتي لوحدك كان يهمني افضل جمبك كا ابن عمك الى بيخلي باله عليكي اكتر من حبيبك
= و اي الى حصل بقا ؟ اي نتيجه تفكيرك؟؟
- محسبتش حساب انك هتحبي غيري ! او حد غيري ممكن يخدك مني! وانا بحبك من زمان ليلي انتي والله متعرفيش انا عملت اي عشان تفضلي جمبي!!
" بصتله بستغراب و انا بعيط فا كمل "
= ياما ناس تعرف بابا شافتك معانا و طلبتك للجواز ساعات ناس طلبتك مني انا ذات نفسي و ناس كلمت بابا على مدار الفترة بتاعت الكلية كلها و عمري ما جبت لك سيرة! لما كنتي بتلاقيني بتخانق مع بابا كان ده السبب! كان عايز يقولك وانا كنت خايف! خوفت تحبي حد غيري و انا عارف ان محدش هيحبك و يخلي باله عليكي قدي!
وكمان شوفتك قصاد عيني بتنجحي ف دراستك وبعدها الشغل مكنتش عايز حاجه توترك او تبوظ حياتك
" كنت مصدومه كلياً من الى بسمعه منه "
- بس دي أنانيه و كان من حقي اعرف كل ده
= صدقيني انا عمري ما لقيت فيهم واحد اطمن عليكي معاه! وبعدين تمام
لو انا اناني فالحاجه الوحيده الى هكون اناني فيها هي حبك! واني هعمل اي حاجه عشان تفضلي كويسة و ماشيه فحياتك كويس
بصتله بعصبيه و زقيته بعيد عني: كنت قولي !!!!!! كنت تقول قبل ما اعلق شخص تاني بيا !
- يعني اي؟ ليلي استني !
"مشيت وسيبته جريت! جريت عشان خايفه ومش قادره اواجهه مش قادره اخد قرار فا كلمت ساره عشان نتقابل انا و هي فالمكان بتاعنا.."
- جيتلك بسرعه و سيبت الى ف ايدي حصل اي؟
" حضنتها اول ما شوفتها وفضلت اعيط "
= يحيى قالي انوه بيحبني يا سارة
سارة بصتلها بصدمه: اي! بيحبك؟ هو .. مش انتي قولتي انوه مش بيحبك ولما اعترفتي له سكت وبعدين انتي مفروض مع عمر !
بعياط: مش عارفه اعمل اي يا سارة !
حضنتها: طب بس اهدي بطلي عياط اهدي تعالي ندخل العربية عشان الناس
"دخلنا و حاولت تهدي و سارة جابتلها مياه"
- ليلي.. هو انتي لسه بتحبيه؟
"ليلي بصتلها بدموع وهزت راسها وهي ساكته"
ساره بلعت ريقها ورفعت راسها ناحيتها: ليلي بصيلي لو بتحبيه كفايه كده
مسحت دموعها: كفايه اي؟
- كفايه تعب ليكوا عرفيه و سيبي عمر هو ميستاهلش يتخدع وانتي تستاهلي تكوني مع حد بيحبك و عمر انسان كويس!
= معاكي حق انا غلطت لما وافقت بيه وانا جوايا مشاعر ليحيى ولكن كنت فاكراها ما. تت ! وهو بكل سهوله رجع كل حاجه و رجعني انا لنقطه الصفر لما قالي كده
- ليلي انتي مش في نقطه الصفر انتي ف بدايه حياتك و يحيى بيحبك و انتي كمان بتحبيه! اظن كفايه تعب وعناد انا عايزه افرح بيكوا!
بصتلها وعيوني بتدمع: انا بحبك اوي يا سارة
" حضنتها بكل قوتي و مسحت دمعه نزلت مني و نزل معاها اخر امل كان عندي .. "
- تيجي تباتي معايا انهارده
= أيوه انا مش قادره اعمل اي حاجة بجد
>>>>>>>>>>>>>>>>>>>>>>>>>>>>>>>>>
( صلي على محمد )
" روحت انا و سارة البيت عندها و كانت مامتها بس الى موجوده "
- لولو ازيك! وحشتينا كل ده متجيش؟
= الشغل بقا! بس اديني جيت اهو وهبات كمان
- تنوري يا حببتي
بصتلها بتعب: ومحتاجه شوية نصايح منك يا هدهد!
- يسلام؟ تعالوا بقا المطبخ نعمل كيكه ونشوف
ابتسمت لها بحب: يلا بينا
>>>>>>>>>>>>>>>>>>>>>>>>>>>>>>>>
"في الفيلا كان قاعد يحيى و مستني عادل.. "
- بابا.. ممكن اتكلم معاك ؟
= خير يا يحيى
- انت موافق على عمر ؟
= مش هوافق ليه؟
- بابا! انت عارف اني بحبها!
= وانا هغصبها عليك يا يحيى ؟!
- لاء! بس اعمل اي ؟؟ انا تعبت و مبقتش مستحمل هو انا كنت غلط لما خوفت عليها مني؟ و من أنها تتسرع ف اي قرار هتخده؟ كنت غلطان عشان خبيت حبي !
= مش مهم الى حصل فالماضي يا حبيبي انت دلوقتي لسه عندك فرصه تبين حبك ده و هي بالتأكيد لو حست انك صادق يمكن تديلك فرصه!
" فضلت افكر في كلام بابا و كنت عايز اروحلها البيت بس قولت اديها وقتها و خليها تفكر براحتها مع اني مكنتش عارف انام "
" دخلت اوضتي عشان انام و اترميت على السرير بتعب بس لقيت موبايلي بيرن و اتفاجئت لما لقيتها ليلي "
- الو انتي كويسة؟
= انا كويسة.. انا عند طنط هدي و ساره كنت هبات معاهم
- وبعدين؟
= هو انت ممكن تجيلي ؟
- في اي يا ليلي ؟
مردتش فا يحيى قام من مكانه: طيب انا جايلك سلام
>>>>>>>>>>>>>>>>>>>>>>>>>>>>>>>>>>>
" فضلت قاعده مستنياه في البلاكونه انا و سارة و لما جه سلمت عليها عشان انزله"
- معرفش اي غير رأيك يا ليلي ما كنتي هتباتي معايا!
= معلش أنا .. كنت ناسيه اني عندي شغل
" نزلت بسرعه وانا متوتره و ركبت معاه وهو مستنيني اتكلم "
- اركن على جمب يا يحيى
ركن وبصلي: انتي غريبه وانا مش فاهمك متقوليلي في اي
= انت في اي حاجه بينك و بين ساره؟
- حاجه اي يا ليلي
= هيكون
- مجرد صحبتك! مفيش حاجه
= ليه اسمك في المذكره بتاعتها و بتتكلم عنك!
بصلي بدهشه: اسمي انا ؟ كنتي سألتيها انا معرفش حاجه عن الكلام ده
بصتله بدموع: مسألتهاش عشان خوفت ! دي صحبتي الوحيده انا خوفت اسألها و ده يوصلنا لنتيجه اننا نخسر بعض انت تعرف هي لو بتحبك فعلا هبقي جرحتها قد اي ؟؟ فاهم ده
يحيى مسك ايدها: ليلي انا مليش ذنب انا بحبك انتي ومليش دعوه بيها ولا عمري كلمتها بطريقه تخليها تفتكر ان بينا حاجه
بعدت عنه: واضح ان القدر مش عايزنا سوا! انا خلاص وعدت عمر اني هبقي معاه! و انت ساره بتحبك صحبتي الوحيده! الى بقعد في بيتها كأنه بيتي و مامتها زي أمي
يحيى بصلها بضعف: وانا مش بتفكري فيا ليه؟ ولا في نفسك انتي بتحبيني ! وانتي عارفه ده كويس انا حاسس بيه! انا حاسس بحبك يا ليلي
" فضلت اعيط وهو حضني حاولت ابعد ولكن استسلمت فالنهايه .. مش قادره اهرب تاني! انا فعلا بحبه "
- متخافيش كل حاجه هتبقي كويسة صدقيني طول ما احنا مع بعض و ساره بتحبك يا ليلي متخافيش عليها الأحسن ليها انها تلاقي حد يحبها و يقدرها مفيش حد يستاهل يكون ف علاقه حب من طرف واحد! ده شيء متعب!
بصتله و هو مسح دموعي: خلاص؟ اهدي انا معاكي!
- انا خايفه
= لاء و انا معاكي متخافيش
- هبقي انانيه لو
قاطعني: ليلي انتي عمرك ما هتحبي عمر وانا عمري ما هحب غيرك! مفيش انانيه فالموضوع لو في ابقي اعتبريني انا الى اناني حلو كده؟ وانتي بتاعتي محدش هيخدك غيري فاهمه يا لولي؟
ضحكت: انا معرفش ليه لما خوفت كلمتك لما اتوترت ومكنتش عارفه اعمل حاجه ملقتش غيرك يا يحيى شكلي بحبك ولا اي؟
يحيى تنح: اي! قولي كمان
ضحكت جامد: انا .. محتاجه اروح عشان
شدني ناحيته: ليلي! قولي
بصيت لعيونه وابتسمت: بحبك..
حضني: بموت فيكي..♥️