رواية خارج عن المألوف مراد ومريم الفصل الخامس والثلاثون 35 بقلم نشوه عادل
رواية خارج عن المألوف مراد ومريم الفصل الخامس والثلاثون 35 هى رواية من كتابة نشوه عادل رواية خارج عن المألوف مراد ومريم الفصل الخامس والثلاثون 35 صدر لاول مرة على موقع التواصل الاجتماعى فيسبوك رواية خارج عن المألوف مراد ومريم الفصل الخامس والثلاثون 35 حقق تفاعل كبير على الفيسبوك لذلك سنعرض لكم رواية خارج عن المألوف مراد ومريم الفصل الخامس والثلاثون 35
رواية خارج عن المألوف مراد ومريم الفصل الخامس والثلاثون 35
-انت بتقول ايه ي جدى انا...انا مالى ومال الكلام ده وازاى يعنى اصلا وامتى؟!
محمد: امك مكنش بيعيش ليها ولاد كل مرة تحمل الحمل يكمل طبيعى وتتم الولادة وهو يوم واحد والطفل يم*وت وبدون سبب ابتدى الجيران يقولوا سحر وعمل لكن لا ابوك ولا امك اهتموا ولما الموضوع اتكرر حسوا بالقلق لحد ما فى يوم سمعت امك مرات عمك بتتكلم مع حد فى الفون وبتقوله ان ميعاد الولادة قرب ولازم يعمل زى ما بيعمل كل مرة عشان الجنين يم*وت
يزن بحزن: مرات عمى... طب ليه؟! وايه اللى حصل بعد كده؟!
محمد: مرات عمك مكنتش بتخلف وزى ما تقول كده الغيرة عميتها لما امك جات حكت ليا كان فيه عندنا ف البلد شاب من دور ابوك اسمه عثمان كان كفيف والحمدلله ربنا رجعله بصره بس كان عنده خدمة وبيستغلها ف مساعدة الناس روحت ليه وحكيتله كل حاجة وهو اللى عرف يوصل لمكان العمل ويفسده ولما ده حصل وشرفت حضرتك كنت بخير وبعدها اخوك واختك
يزن: ايوة بس انا فاكر كويس ان بعد ولادتى بيوم كنت سمعت ان مرات عمى ماتت ف حادثة
محمد: ده الكلام اللى احنا قولناه ليكم بس زى ما تقول السحر انقلب ع الساحر واللى موتها كان الجن كانتقام وفى بيتها
يزن: لا انا حاسس انى بحلم صح ي جدى قولى انك بتهزر ارجوك!
محمد: للاسف ي ابنى هى دى الحقيقة اللى محدش يعرف بيها غيرى انا وابوك وامك والشيخ عثمان وعمك حتى بعد اللى حصل عمك مقدرش يفضل بالبلد وهاجر ع ايطاليا وبقى يكلمنا كل فين وفين
يزن: طب والحل اعمل ايه؟!
محمد: الحل انك متقولش خرافات يمكن البنت دى تكون ممسوسة فعلا وحل قضيتك انك تخلصها من اللى عليها مش انك تدور ع مجرم مجهول
يزن: شكرا ي جدو حقيقى مكالمتك جاتلى ف وقتها دعواتك
محمد: ربنا معاك وينصرك ي حبيبى مع السلامة
قفل محمد وفضل يزن يفكر ف كلام جده كتير لحد ما سمع الاذان وراح يصلى ف الجامع وهناك قابل رضوان وبعد الصلاة
يزن: بقولك ايه ي حاج رضوان انت مفكرتش تجيب شيخ يقرأ قرآن ع بنتك؟!
رضوان باستغراب: انت جيبت الكلام ده منين؟!
يزن : يعنى ايه ؟!
رضوان: اصل مراتى قالت نفس الجملتين دول ليا قبل ما انزل واسيب البيت
يزن: شوف ي حاج رضوان بعد كل اللى بيحصل والجر*ايم اللى ملهاش اى تفسير ده غير كلام الظابط فهد والعسكرى اشرف انا بأكد ليك ان بنتك تحت تأثير جن وقوى كمان
رضوان: طب ازاى؟
يزن: الاجابة مش عندى يمكن لازم نشوف شيخ
رضوان: انا بسمع عن واحد هنا اسمه ايهاب الضوى الكل بيشكر فيه تفتكر اروحله
يزن: تمام وانا هاجى معاك
رضوان: كتر خيرك ي ابنى مش عاوز اتعبك
يزن: مفيش تعب ولا حاجة انا لو قدرت اخلص بنتك من اللى عليها هقفل ملف القضية للابد ووقتها هاخد الترقية اتفضل معايا
وصل رضوان ويزن ع منزل ايهاب وحكوله ع كل حاجة باستثناء بعض المعلومات
ايهاب: تمام احب اشوفها بنفسى
رضوان: طيب اتفضل معايا ع البيت يا شيخ
وبالفعل راح ايهاب ع منزل رضوان واول ما دخل ايهاب احس بخنقة رهيبة وقعد يستعيذ بالله ويقرأ قرآن كتير
ايهاب: واضح ان الاذى طايل البيت واهله كلهم وده معناه ان اللى ع بنتك مش جن عادى ومش هقدر احكم الا بعد ما اشوفها
رضوان: ي رتيبة اندهى ع خديجة
دخلت رتيبة وندهت لخديجة اللى اول ما خرجت وشافت ايهاب فضلت ترجع بضهرها عشان ما تقابلوش
ايهاب: قربى ي خديجة متخافيش
خديجة: انا مبخافش من حد انت هنا ليه وعاوز منى ايه؟!
ايهاب: عاوز اساعدك ي خديجة
خديجة: تساعدنى ليه وعشان ايه ومن مين؟!
ايهاب: من اللى انتى عارفة انه موجود وملازمك ع طول خديجة بصى ليا
بدأ ايهاب يقرب منها بالراحة وهو بيقرأ قرأن ...خديجة بصريخ: خلصنى منه
وفى نفس الوقت يتحول صوتها: لسه متخلقش اللى يتحدانى
وترجع تانى خديجة لحالتها: ارجوك خلصنى منه ...خلصنى منه
وبصوت مرعب تانى: خديجة اسيرتى اللى بتقدملى الضحايا ع طبق من دهب ويا تنفذ اللى بأمرها بيه ي تكون هى الضحية الجاية
ايهاب: انت بتخليها تعمل كده غصب عنها هى بتدعى وانت بتنفذ
خديجة: بالظبط زى ما هيحصل دلوقتى
رجع الكل لورا وكذلك ايهاب واتحولت عيون خديجة وقالت: هتت*حرق وتتحول لرماد مش هيتبقى منك حتى العضم ي شيخ ايهاب
انتفض الكل وبعدها فقدت خديجة الوعى شالها خالد دخلها الاوضة وخرج...رتيبة: خير ي شيخ بنتى مالها؟!
ايهاب بتنهيدة: بنتك تحت تأثير شيطان من نسل ابليس ويعتبر من المقربين ليه
رتيبة: ي مصيبتى ازاى طب ...طب والحل ايه ؟!
ايهاب: لسه مش عارف عشان نحارب الكائن ده محتاجين نواجهه بقوة اكبر منه بس من هنا لوقتها بنتك متشوفش الشارع ولا تقابل ناس هتتعب شويه وهيأذيها عشان تخرج بس ميقدرش يمو*تها لان هى الوحيدة اللى بتقدمله الضحايا واللى متحكم ف جسدها
رضوان: ان شاء الله اتفضل
خرج رضوان وخالد مع يزن والشيخ
رضوان: حقك عليا ي شيخ ع اللى حصل وخلى بالك من نفسك
ايهاب: قل لن يصيبنا الا ما كتب الله لنا ربنا خير حافظ وهو الستار
مشى يزن مع ايهاب وقاله: انا هفضل معاك الليلة دى ده من بعد اذنك
ايهاب: طبعا تشرفنى بس ليه؟!
يزن: لانى متأكد ان الكائن ده هيحاول يإذيك لازم احميك منه
ايهاب: الحامى هو الله ي حضرت الظابط وفكرك لو ظهر انت هتقدر عليه!
يزن: هو انت عارف مين هو الشيطان ده؟!
ايهاب: لسه معرفش هو اى واحد فيهم بس اللى باين انه قوى جدا وقوته ملهاش حدود وووو ....... يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا