عاصم بزعيق ...حبيبههه انتي اتهبلتي ولا ايييه 

انتفضت بخوف و معرفتش تقول ايه....عاصم ا ا انا

كمل و هو لسه زي م هو متعصب...انتي عندي زيك زيها بالظبط مفيش فرق 

عشان بس عقلك مياخدكيش لبعيد و متنسيش انها مراتي الاولى

عيطت مره واحده...في ايه يا عاصم انا مقولتش حاجه لكل دا انت جاي من برا مش طايقني ليه انا عملتلك ايه لكل دا 

كملت و هي بتقوم من على السرير و بتمسح دموعها

حبيبه بخبث...و حاضر ياسيدي م هنسى انها مراتك الاولى 

انت بس الي متنساش ان انا كمان مراتك 

و خرجت من الاوضه و هي بتعيط

صفيه بلوم...ليه كدا يبني الزعيق دا كله

دا انت حتى مطمنتش على كيان  تشوفها مالها

حمحمت كيان صوتها و هي بتمسك ايد صفيه

كيان بمقاطعه...مالي يا ماما ما انا كويسه اهو 

صفيه بدهشه...كويسه ازاي دا انت حـ...

قاطعتها كيان بحده خفيفه

كيان...في اي يا ماما ما انا قاعده اهو و بخير

اتكلم عاصم بزهق و هو متجاهلها تماما 

عاصم ....اهي قالتلك انها كويسه و مفهاش حاجه

و قام وقف انا خارج اشوف حبيبه

و خرج من الاوضه

فضلت كيان باصه على اثره بدموع و هي صعبان عليها نفسها

.....

في نفس الوقت برا في الصاله 

كانت حبيبه قاعده على الكنبه بتعيط بغل  و بتكلم نفسها بحقد

حبيبه...بقى يزعقلي انا عشانك يا زباله  والله لاوريكي....هتشوفي هعمل فيكي ايه 

ي انا ي انتي في ام البيت  دا

سمعت صوته و هو بينده عليها  عدلت نفسها بسرعه و اول م حست بيه دورت وشها الناحيه التانيه

قعد جمبها و مسك وشها لفه ليه بهدوء

عاصم بحنيه...ينفع الي انا سمعته دا

شالت ايده من على وشها و ادته ضهرها و فضلت تعيط جامد 

لفها ليه تاني

عاصم....انتي عارفه اني مبحبش كدا و الحركه دي بتنرفزني عشان لما اتعصب مترجعيش تعيطي

حبيبه و هي لسه الدموع في عينيها...ماتتكلمش معايا

ضحك عاصم بخفه...لا مقدرش

حبيبه بقهر..لا عادي م انت قدرت تزعقلي و قدامهم كمان

اتكلم عاصم  و هو بيحاول يراضيها...م خلاص بقى

مردتش عليه و فضلت تعيط 

طلع علبه قطيفه زرقه من جيب الجاكيت بتاعه 

عاصم بحب...طب بصي انا جبتلك ايه عشان عيد ميلادك

بصتله بسرعه و هي مبستمه بتمسح دموعها ..ايه

فتح العلبه و ظهرت سلسله فيها حرف اسمها

اتفجئت بفرحه....الله حرفي

خد السلسله و قرب لبسهالها

مسكتها بفرحه ...حلوه اوي يا عصومي  

كملت بحب..بحبك

ابتسملها و كان لسه هيرد بس سمع صوت صفيه

الي كانت واقفه

صفيه...انا نازله يا بني اجهز الاكل على السفره

عاصم ...خدي كيان تساعدك

صفيه...كيان عندها دوخه  خفيفه كدا و نامت هبقى اعملها شوربة خضار تغذيها 

كملت و هي بتبص  لحبيبه

صفيه...ما تيجي تساعديني انتي يا حبيبه

بصت حبيبه لعاصم  و كانت مضايقه 

بس قامت بقلة حيله لما قالها انه هينزل هو كمان

.....

عدى وقت كانوا خلصوا اكل و حبيبه أصرت أنها هي الي تغسل المواعين

كانت صفيه مستغربه أمرها بس سكتت

دخلت البلكونه و هي ماسكه كوبايه الشاي في ايديها

حبيبه بحب...جبتلك الشاي يا حبيبي

خدته منها ...تسلمي 

شرب منه شويه....احلى كوباية شاي شربتها

ضحكت جامد...انت لحقت تشرب اصلا

ابتسم على ضحكتها

كملت بهدوء و هي مبتسمه...عارف من و انا صغيره و انا نفسي اوي اسمي بنتي هدير

عاصم..اممم

حست إن معالم وشه اتغيرت فرحت أن خططتها هتنجح

حبيبه باستغراب ....مالك يا عاصم ملامحك اتغيرت ليه

بصلها و اتكلم بجمود...قولتلك قبل كدا خلفه دلوقتي لا حصل

اتكلمت باندفاع.مره واحده....هو ايه دا إن شاء الله...هو مش انت قولت ان انا و هي عندك واحد ليه بقى متكلمتش معاها هي كمان و منعتها من الخلفه

استغرب عاصم كلامها و يصلها بتركيز ...قصدك ايه

حبيبه...قصدي أن كيان حامـ...

سكتت مره واحده و حطت ايديها على. بوقها بخبث و هي بتبصله بارتباك

مسك عاصم ايديها و هزها..انطقي كنتي هتقولي ايه

حبيبه فضلت بصاله و ساكته

كرر عاصم كلامه بحده اكبر...اخلصييي 

حبيبه بإرتباك مصطنع...كيـ كيان حامل 

احمر وشه من كتر الغضب و خرج مره واحده من البلكونه 

فتح باب الشقه نده عليها بصوت عالي و هو طالعلها بعصبيه...كيااااااااااان ووووو

يتبعع