رواية نبض الغرام من اول مرة من الفصل الاول للاخير بقلم سحر فرج

رواية نبض الغرام من اول مرة من الفصل الاول للاخير بقلم رحاب احمد

رواية نبض الغرام من اول مرة من الفصل الاول للاخير هى رواية من كتابة سحر فرج رواية نبض الغرام من اول مرة من الفصل الاول للاخير صدر لاول مرة على موقع التواصل الاجتماعى فيسبوك رواية نبض الغرام من اول مرة من الفصل الاول للاخير حقق تفاعل كبير على الفيسبوك لذلك سنعرض لكم رواية نبض الغرام من اول مرة من الفصل الاول للاخير

رواية نبض الغرام من اول مرة بقلم رحاب احمد

رواية نبض الغرام من اول مرة من الفصل الاول للاخير

تعلن شركه مصر للطيران عن وصول رحلتها القادمه من لندن .
وترحب بكل الركاب القادمين لارض الوطن .
وبعد هبوط طائرة مصر للطيران يفتح بابها ويبدأ نزول ركابها وافرد طاقمها .

تنزل همس بكل رقه وشياكه وهدوء وجمال .
جسم ممشوق وشعر طويل يصل لأخر ظهرها
جمال مصرى مختلط بالتركى وعيون عسلى وبياض يشع منه الضوء من كثرة جمالها .
والزى الرسمى لشركه مصر للطيران .
همس مضيفه الطيران المصريه من اب مصرى وام من اصول تركيه تبلغ من العمر 24 عاما .

من صغرها وهى تعشق الطيران وتحب الرحلات والسفر . وكان حلمها الوحيد ان تصبح مضيفه للطيران وتلف العالم . عندما تكبر وتمنت كثيرا ان تحقق هذا الحلم .
وفعلا تخرجت من الجامعه الامريكيه بتفوق وعملت فى شركه مصر للطيران لحصولها على التفوق الدراسى واللغات المتعدده التى اتقنتها لتحقيق حلمها .
تتجه همس نحو مكتبها المخصص لجميع المضيفات وتلقى عليهم التحيه والكل يرحب بها . وكانت محبوبه بين الجميع .
سلمى ... اهلا وسهلا .. حمد الله على السلامه يا هموس .

همس ... الله يسلمك يا قلبى وحشتينى موووت .
شريف ... حمد الله على السلامه يا قمر .
همس ... الله يسلمك يا شريف .
رغد ... حمد الله علي السلامه يا همس . وصلتى امتى .
همس .. الله يسلمك يا رغد . لسه واصله حالا . انتى هنا ليه مش المفروض تكون فى رحله فرنسا يا بنتى .
رغد .. لا ما انا مقدرتش اروحها وطلعت رهف مكانى .
همس .. ليه كده يا بنتى .. انتى تعبانه ولا ايه .
رغد ..

لا اصل ماما هى اللى تعبانه ومحبتش اسيبها وهى كده .
همس .. الف سلامه عليها وان شاء الله هابقى اعدى عليها باليل بس لما استريح من السفر .
سلمى .. ابقى عدى عليا ونروح سوا يا همس .. انا لسه واصله برضه من ايطاليا من ساعه ويادوبك الحق اروح واستريح شويه .
همس .. تمام يا سلمى اعملى حسابك نروح لها باليل انا وانتى .
رغد .. ياااااه ماما هاتفرح اوى بيكم والله ده انتم هاتنورونى .. واعملوا حسابكم نتعشى مع بعض كلنا يا بنات .
الكل ... اتفقنا يا رورو .وبعد شويه تخرج همس من المطار وتستقل سيارتها الجميله . وتخرج الموبيل من شنتطها وتتصل بوالدتها لتخبرها بيوصولها .

وفجاه تخرج امامها سيارة ضخمه وتصطدم بها من الخلف .
ومن شده الاصتطدام تفقد همس وعيها .
ينزل سائق السيارة الاخرى بسرعه ويتجه نحو سيارة همس ويفتح باب السيارة ويتفاجاه انها فقدت وعيها .
فارس من اشهر رجال الاعمال فى الشرق الاوسط ووريث عائله الحسن اكبر عائلات مصر .
فارس عنده 29 سنه .. شاب وسيييييم جدا ويتسم بملامح شرقيه اصيله . شعره طويل واسود كسواد الليل . وعيونه سوداء . جسمه رياضى لاستمراره بممارسه الرياضه مهما اخذه الشغل والشركه .

يتوجه فارس نحو سيارة همس ويحاول افاقتها لاكنها لاتستجيب الا بعده عده محاولات .
تفتح همس عينيها ليرى فارس اجمل عيون رآها فى حياته .
همس ... انا فين . وانت مين ؟
فارس يفوق من سرحانه من جمال عيونها .. حضرتك فى عربيتك يا ... ؟
انتى كنتى الظاهر سايقه سرحانه او بتتكلمى فى الموبيل اكيد .. وخبطى عربيتى من ورا .
همس بتعب ودوخه شديده من شده الخبطه .. انا اسفه . انا فعلا كنت هاكلم ماما والظاهر مختش بالى من الطريق . انا متأسفه جدا لحضرتك يا استاذ .
فارس .. طيب انتى محتاجه حاجه . تحبى اوصلك لاى مكان .

همس .. لا شكرا .. وانا اسفه على اللى حصل .
فارس .. ولا يهمك يا انسه ...
همس .. اسمى همس .
فارس .. اهلا بيكى وانا فارس الحسن .. وده الكارت بتاعى لو عوزتى حاجه . عن اذنك .
وسبها فارس وهى فى حيرة وصدمه كبيرة من اللى حصل وبعدها شغلت عربيتها وطلعت بيها فى اتجاه فيلتها .
وفعلا وبعد ربع ساعه وصلت همس للفيلا لانها بتعيش قريب جدا من مطار القاهرة فى حى مصر الجديده .
ركنت عربيتها فى جراج الفيلا وطلبت من الحارس انه يدخل الشنط على جوا .

دخلت همس من الباب ومكنش فيه حد موجود وسألت الشغالين عن مامتها وباباها .
امل الشغالة.. اهلا يا همس هانم حمد الله على السلامه .
همس الله يسلمك يا امل اومال ماما وبابا فين وعمر .
امل ... البيه الكبير فى المكتب حضرتك والهانم فوق فى اوضتها والكابتن عمر راح النادى .
همس .. تمام يا امل شكرا وروحى شوفى شغلك انتى .
وطلعت على فوق على طول لاوضه مامتها .
اتجهت نحو غرفه والدتها وقامت بالخبط عليها .
الام من الداخل .. ادخلى يا امل .

همس فتحت باب الغرفه .. مش امل يا ست الكل .. دى هموسه حبيبتك رجعت من السفر .
الام بفرحه .. همس روح قلبى .. حمد الله على السلامه حبيبتى . وصلتى امتى يا قلبى .وحشتينى موووووت .
همس .. الله يسلمك يا سوسو يا قمر انتى .. انا وصلت من حوالى ساعتين ويادوبك لسه واصله .
الام باستغراب ... همس حبيبتى ايه اللى فى راسك ده .. انتى اتخبطى فى حاجه ولا ايه .
همس حطت ايديها على راسها وافتكرت ساعه ما اتصدمت بعربيه فارس .
همس .. لا ابدا يا امى دى حادثه بسيطه متقلقيش .
الام .. حادثه ايه يا روحى طمنينى .

همس ... متقلقيش يا روحى انا زى الفل اودامك اهو .. وعن اذنك بقى هاروح اخد شور سريع وانااااااام علشان هلكانه موووت .
الام ... ماشى يا حبيبتى وعقبال لما تنامى وتستريحى هاروح اجهزلك كل الاكل اللى بتحبيه .
همس .. ماشى يا ست الكل عن اذنك.
فى مكان تانى خالص وفى شركه الحسن اللى من اكبر شركات الشرق الاوسط . يدخل فارس بكل وقاره . ويتجه نحو الاسانسير ليصعد لمكتبه فى الدور الثانى . وكل اللى يقابله يلقى له التحيه . وفارس بكل شموخ وبهزه من راسه يرد التحيه .
يخرج فارس ويتجه نحو غرفه مكتبه ويرحب به الجميع .
يدخل مكتبه ويغلق خلفه ويجلس على كرسيه ويتذكر الفتاه التى لفتت انتباهه بعيونها الساحرة وجمالها الهادى الرقيق . ( همس )
ويفوق من سرحانه وشروده ويقوم بالاتصال بصديق عمره وزميله عادل بالحضور لمكتبه فورا .
عادل ... انت وصلت يا هندسه امتى حمد الله على السلامه.

ومالك داخل سخن كده ليه على الصبح .
فارس .. اخلص وبطل طوله لسانك دى وتعالالى على طول عل المكتب .
عادل .. اشطى يا هندسه مسافه السكه واكون عندك .
فارس .. سكه ايه يا اهطل انت ؟ انت لسه ما وصلتش الشركه ولا ايه يا استاذ !
عادل .. لا انا خلاص اهو اعتبرنى وصلت .. هاركن العربيه على طول اهو واكون عندك فى لمح البصر .
فارس ... مع انى مش مصدقك اصلا وعارف انك لسه فى الطريق بس يالا انا مستنيك .
قفل فارس مع عادل وطلب من السكرتيرة انها تحضره القهوة بتاعته .

وفعلا بعد عشر دقايق بالضبط كانت جابتله القهوة وادته بعض الملفات المهمه المطلوبه .
فى مكان بعيد وبالتحديد فى شركه كبيرة من ضمن اسطول شركاته بالاسكندريه كان موجود فهد .
فهد الجبالى 35 سنه رجل اعمال كبير وبيتاجر فى كل حاجه مسموحه وممنوعه .
معروف فى السوق بالصقر والكل بيعمله مليون حساب الكبير قبل الصغير .
فهد فى مكتبه ... اخبار اخر صفقه ايه يا بلال .

بلال .. كله تمام يا باشا .. اطمن وان شاء الله هايحصل زى ما حضرتك طلبت بالضبط .
فهد .. مش عاوز اى غلطه يا بلال .. الكل عينه علينا ومش ناقصين مشاكل خالص مع الجماعه اللى برة .
بلال .. متخفش يا باشا .
فهد بعيون زى الصقر فعلا .. وانا من امتى بخاف يا حيوان انت .
بلال .. مش قصدى يا باشا والله .. انا عاوز اقول لحضرتك اطمن ومتقلقش من حاجه وكل اومرك هاتتنفذ .
فهد ... طيب يالا غووور من وشى وابعتلى المحامى واقفل الباب وراك .
بلال .. حاضر يا باشا . بعد اذنك .
وفعلا خرج بلال اللى بيعتبر الايد اليمين لفهد فى كل شىء وطلب من المحامى انه يروحله على المكتب .
وبعد اقل من خمس دقايق كان وصل المحامى .. اللى اول لما دخل لفهد اتهزق واتبهدل منه على شغله اللى معتش عاجب فهد خالص وفى الاخر طرده من مكتبه .

الساعه كانت وصلت لأربعه بعد العصر وهمس كانت بدأت تفوق من نومها .
بعد نوم عميق لاكتر من خمس ساعات .
فتحت عيونها وقامت من السرير ودخلت على الحمام وخدت شور سريع وخرجت وسرحت شعرها وغيرت لبسها ونزلت على تحت .
عمر اول لما شاف اخته جرى عليها وخدها فى حضنه وفضل يبوسها . صح النووووم يا هانم .
عمر اخوا همس واكبر منها بحوالى سنتين .. وخريج كليه تربيه رياضيه من كتر حبه للرياضه و كابتن فى احدى النوادى الشهيرة وبيعشق اخته همس .
همس ... ازيك يا عمووووره واحشنى يا كابتن والله .. بقى كده اجى القيك فى النادى .

عمر ... روح قلبى يا هموس ... وحشانى والله .. حمد الله على السلامه يا قمر.. انا جيت من بدرى وفرحت انك جيتى اول لما سوسو بلغتنى .
همس .. طيب كفايه عليك كده خدت نصيبك من الاحضان خلينى اعرف اسلم على بابا حبيبى يا عم انت .
الاب فتح ايده علشان يحضنها .. حمد الله على السلامه يا روح قلب بابا .. وحشتينى يا عمرى .
همس بكل حب وحنيه .. وانت اكتر والله يا بابا .. عامل ايه وازى صحتك .
الاب .. الحمد لله حبيبتى .. هو ضغط الشغل بس الايام دى فى المكتب .
همس بدلع ... ربنا معاك يا روح قلب هموس .
الام ... يا سلام يا سلام .. ايه قصه الحب والغرام دى كلها يا ست همس .

همس بابتسامه لامها .. اه منك انتى يا سوسو ياللى بتغيرى منى على بابا .
الاب .. اه والله يا هموسه .. مامتك هاتفضل تغير من حبى ليكى على طول .
عمر .. ايه يا جدعان نحن هنا . وموتونا من الجوع .. مش هانتغدا النهارده ولا ايه .
سيبوا مسلسل العشق الممنوع ده وكملوه بعد الغدا .
همس بضحك .. طول عمرك هايفضل لسانك طويل يا كابتن .. امتى بقى تتجوز ونستريح منك .
عمر .. لا يا اختى جواز ايه وبتاع ايه .. انا مستنى افرح فيكى .. قصدى بيكى انتى الاول .

همس .. وانا مش هاديك الفرصه دى ابدا انك تفرح فيا يا كابتن .. ويالا بينا بقى علشان عاوزة اتغدى واروح عند رغد .
عمر بحركات طفوليه ... اوبا ... انتى راحه لرغد .. والنبى يا اختى اجى معاكى .
همس ... هش ياض من هنا .. مش هاتيجى معايا طبعا .. انا مش راحه اتفسح انا راحه اطمن على مامتها علشان تعبانه شويه .
عمر .. وماله يا اختى .. انا كمان هاجى علشان اطمن على مامتها معاكى .
همس .. اتحرك يا عمر اودامى على السفرة ومفيش خروج معايا ويالا بقى علشان هاموووت من الجوع .
عمر بزعل مصطنع ... يالا يا اختى وانا مخصمك اصلا .
همس اللى عارفه اخوها وعمايله ... يااااه وانا كمان مخصماك . بس يالله علشان ناكل .

قعد الكل على السفرة وبدؤا يتغدوا من جميع الاصناف اللى بتحبها همس واللى طلبتها امها من الشغالين علشان يعملوها .
عدى حوالى ساعه وطلعت همس على اوضتها علشان تجهز نفسها للخروج وبعد شويه كانت خلصت لبس وخدت مفاتيح عربيتها ونزلت على تحت وحمدت ربنا ان عمر كان فى اوضته وهى خارجه علشان ميرخمش عليها .
ركبت عربيتها ومسكت موبيلها واتصلت على سلمى صاحبتها علشان تجهز نفسها وتعدى تاخدها من اودام عمارتها .
وفعلا وصلت للعمارة بتاعه سلمى وفضلت مستنياها تنزل لها وفجاه اتفاجات بشخص بيركن عربيته و داخل العمارة واستغربت اوى اول لما شافته.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وصلت همس بعربيتها اودام العمارة اللى ساكنه فيها سلمى وفضلت مستنياها تنزل لها .
وفجاه شافت الشخص اللى خبطته بعربيتها الصبح.
فحبت انها تنزل وتعتذرله مرة تانيه على اللى حصل منها.
وفعلا نزلت همس من عربيتها ولمحها فارس واستغرب الصدفه التانيه اللى جمعته بيها فوقف مكانه وهى قربت منه بكل هدوء و رقه وجمال غير طبيعى .

همس بابتسامه رقيقه ... مساء الخير يا استاذ فارس.
فارس .. مساء النور يا استاذه همس .
همس بابتسامتها اللى تدوب الجليد ... ايه استاذه دى مش متعوده عليها خالص .
فارس بضحكه كلها اعجاب بجمالها .. وانا كمان ايه استاذ دى مش متعود عليها خالص .
همس برقه .. خلاص نشيل استاذ واستاذه دى .. وانا همس وبس .
فارس .. وانا موافق وانا فارس وبس .

همس برقه لا توصف .. انا شوفت حضرتك بظروفها وانا راكنه عربيتى ومستنيه صاحبتى تنزلى .. فحبيت انى انزل واعتذرلك تانى عن اللى حصل منى الصبح . مكنش قصدى خالص والله ... وكنت راجعه يا دوبك من سفر طويل فأنا اسفه مرة تانيه .
فارس ... وانا قبلت اعتذارك الصبح وملوش لازمه الاعتذار تانى .
وبعدين شكلك كده مش متعوده على السفر الكتير الظاهر .
همس بضحكه جميله .. انا لااااا طبعا .. ده السفر ده متعتى وحياتى كلها وفى يوم من الايام كان حلمى الوحيد .. ولحد الان .
فارس .. ياااه للدرجه دى ليه انتى بتشتغلى ايه اصلا ؟

همس برقه ... انا مضيفه طيران .. وده كان حلمى من وانا صغيرة .. وعملت المستحيل علشان اوصل لحلمى ولهدفى ده .
فارس .. ما انا بقول برضه الجمال والرقه والشياكه والحلاوة دى ليه .
همس وشها احمر واتكسفت اوى من كلام فارس .
فارس .. انا اسف مش قصدى .. بس هى دى الحقيقه ولازم اقولها .
ولسه هايكمل كلامه جت سلمى اللى استغربت بفارس وهمس مع بعض .
سلمى .. ايه ده .. ايه اللى لم الشامى على المغربى .

فارس ... ازيك يا سلمى .. هو اخلص من عادل اخوكى تطلعيلى انتى .
همس .. كل ده يا سلمى .. اتأخرتى عليا اوى كده ليه .
سلمى .. قولولى الاول انتم تعرفوا بعض منين اعترفى ؟
همس بضحكه جميله لفتت نظر فارس .. ابدا يا سلمى ده وانا راجعه من المطار الصبح خبطه بالعربيه بدون قصد .
فارس باستغراب .. على كده بقى انتم تعرفوا بعض كويس .. واكيد زمايل فى الشغل .. ما ست سلمى مضيفه هى كمان .
سلمى ... شوووور .. هموسه .. قصدى همس رضوان .. مضيفه طيران معايا ومن اجمل وارق مضيفات شركه مصر للطيران كلها .. جمال ربانى ومصرى على تركى وايه اوعاااااا وشك .

همس بخجل ... وبعدين معاكى يا سلمى .. مش للدرجه دى يعنى.
سلمى ... اصبرى يا بنتى .. وفارس الحسن من اكبر رجال الاعمال وصاحب اكبر شركه فى مصر ووريث عيله الحسن . و صاحب اخويا عادل من وهما لسه اطفال وكنا عايشين زمان فى عمارة واحده .
فارس ... خلاص يا بنتى ايه كل ده .. انتى ما صدقتى واتفتحى . يالا اسيبكم بقى براحتكم وفرصه سعيده يا همس واوعدينى بصدفه جديده قريب تانى .. اسيبكم بقى واطلع للواد عادل ارخم عليه شويه .. مش محتاجين حاجه .
سلمى .. انا مش عاوزة انتى عاوزه حاجه منه يا همس ؟

همس بكسووووف واحمرار وشها اللى بقى زى الفراوله .. لا شكرا .
فارس اللى كان باصص ناحيه همس وكل عيونه اعجاب بيها وبجاملها ... تمام عن اذنكم انا بقى .. واتمنى اننا نتقابل تانى صدفه.
سلمى ... احم احم .. نحن هنا .
همس ضربت سلمى على كتفها . وبصوت هادى اوى اوى .. ماشى يا سلمى اما وريتك .
سلمى ... تمام يا فارس اتفضل انت .. براحتك يا باشا البيت بيتك .
وفعلا طلع فارس بعد ما استأذن من همس وسلمى وسلم عليهم .

وسلمى وهمس ركبوا العربيه بعد ما همس سمعتها كلمتين حلوين عن لسانها الطويل ده اودام فارس .. وبعدها راحوا على بيت رغد .
لكن طول الطريق وسلمى عماله ترخم عليها وتسألها على رايها بفارس .
لكن همس مكنتش مدياها فرصه خالص لكده وبتقفل معاها فى الكلام .
لكن من جواها هى فعلا اعجبت بيه وبشخصيته وهيبته ولباقته فى الكلام .
وحست باحساس غريب بدأ جواها ..
ايه هو الاحساس ده يا ترى ؟

فى مكان تانى خالص كان فهد قاعد فى فيلته هو وكام بنت من بتوع الليل و السهر والدلع .
بعد ما طلب من بلال انه يجبله كام بنت كده يدلعوه وينعنشوه لانه كان زهقان وقرفان من كتر الشغل وعاوز يغير جو شويه
والموضوع ده اتعود يعمله دايما كل لما يحس بخنقه جو الشغل ده .
وللاسف كان يسهر معاهم وياخدهم كلهم لحد سريره علشان يكمل السهرة معاهم بالجمله وايه معاهم كلهم .. زى مسلسل حريم السلطان كده .
من غير ما يخاف من ربنا ولا يعمل حساب لاى حد .
همس وسلمى كانوا وصلوا لبيت رغد اللى رحبت بيهم جدا ودخلوا واطمنوا على ام رغد اللى بيعملوها بكل حب وحنيه وبيحبوها جدا جدا وبيعتبروها فى مقام والدتهم بالضبط .

لانها تعبت جدا بعد وفاه جوزها لحد ما ربت رغد واختها جنه .
استأذنوا من الام وخرجوا من اوضه ام رغد وراحوا قعدوا فى الرسبشن .. ودخلت رغد وجنه علشان يجهزوا العشاء للكل .
وكان عباره عن بيتزا من عمايل جنه اللى معروفه بيها وبشاطرتها فى المطبخ وبالذات فى عمايل البيتزا .
جهزوا السفره وقاموا واتعشوا وفضلوا يشكروا جنه على حلاوه البيتزا وطعمها التحفه اللى اتعودا يكلوها دايما من ايديها .
جنه اخت رغد الصغيرة .. جميله جدا .. وطالبه فى كليه الاداب جامعه القاهرة .
وهى سبب اسرار عمر اخوا همس على طول انه يروح مع همس عند رغد علشان يشوفها .. لانه معجب بيها جدا وبدأ يحبها من غير ما يعترف لاى شخص بكده حتى هى لحد ما يتأكد من حبه ده ليها .

سلمى ... ما قولتيش يعنى يا همس ناويه تعملى عيد ميلادك فين السنه دى .. ده كلها تلت ايام عليه .
همس .. والله يا سلمى لسه مش عارفه وسايبه الموضوع على بابا وماما .. انتى عارفه انه هو اللى بيعملهولى مفاجأ. ولسه معرفتش اى حاجه .. بس شكلهم كده بيخططوا لحاجه كبيرة زى كل مرة .
رغد .. ايوا بقى يا همس .. المفروض تنزلى من بكرة وتجهزى نفسك وتجيبى فستان حلو وشيك علشان تحضرى بيه الحفله .. ويارب ماما تكون خفت شويه علشان احضر معاكم .

جنه .. وانا كمان نفسى احضر مرة عيد ميلاد همس واشوف الحاجات اللى بتفضلوا تحكولى عليها دى .
همس .. اه طبعا يا جنه ان شاء الله لازم تيجى وتحضرى معانا العيد ميلاد .. بس اعرف بس الحفله هاتكون امتى وفين واقولكم على طول علشان تعملوا حسابكم وتفضوا نفسكم علشان تكونوا معايا من بدرى .
رغد .. ان شاء الله .

قضوا البنات الليله كلها عند رغد وشويه وقاموا نزلوا وروحوا .. بعد ما همس راحت وصلت سلمى على بيتها الاول ورجعت هى على الفيلا .
دخلت همس اوضتها لانها لقت الكل نام خلاص وعمر هو اللى كان صاحى فى اوضته فاتح اللاب بتاعه .
همس .. انت لسه صاحى با كابتن .
عمر .. اهلا يا هموووس جيتى امتى ؟
همس .. يا دوبك لسه واصله من عند رغد .
عمر قلبه دق وقام وقف وقال .. ايه ده بجد واخبارها ايه .
همس باستغراب ومكر .. هى مين يا كابتن.

عمر خد باله من كلامه وحب يصلح الكلام ويهرب من السؤال مع انه كان يقصد جنه وقال ... ام رغد عامله ايه دلوقتى .
همس حست بيه ومحبتش تحرجه لحد ما هو يحكلها على كل حاجه ... فقالت .. كويسه ورغد كمان وجنه كلهم بخير .. سلام بقى علشان يا دوبك اروح انام .
عمر .. ماشى حبيبتى تصبحى على خير .

وفعلا خرجت همس وراحت على اوضتها وقفلت الباب و غيرت لبسها وراحت على سريرها بعد ما طفت نور الاوضه واترمت عليه وغمضت عيونها .
وسرحت وافتكرت فارس والحوار اللى حصل بينهم .. واد ايه هو انسان محترم .. وجذاب وشيك واموووور وكل حاجه فيه هى نفس الحاجات اللى بتتمناها فى فارس احلامها اللى دايما بتتمنى انها تلاقيه ويعيشوا اكبر قصه حب .. وتكون زى قصص حب كتير بتسمع عنها .. زى قيس وليلى .. وروميو وجوليت ... وقريب اوى هاتكون فارس وهمس .

وافتكرت نظراته اللى كان بيوجها ليها واستغربت من كده لانها كانت كلها نظرات اعجاب . وفضلت كده لحد ما راحت فى النوم .. ونامت من كتر التفكير فى كل اللى حصل بينها وبين فارس من شده التعب والارهاق اللى كانت حاسه بيه .
طلع النهار وفهد كان راح على المجموعه بتاعته .. وبلال كان معاه فى كل مكان طبعا بيروحه .
فهد طلب من بلال انه يتصل بالأستاذ رضوان المحامى .

رضوان ده بيكون ابوا همس وهو المحامى الاساسى لمجموعه الشركات اللى بيمتلكها فهد ..
لكن مكتبه الاساسى بيكون فى القاهرة واكتر الوقت بيبعت لفهد اكبر المحامين اللى عنده فى المكتب بتاعه علشان يباشروا الشغل بداله .
بس فى الحاجات التقيله والكبيرة هو اللى بيروح بنفسه اسكندريه ويقابل فهد .
وفعلا اتصل بلال برضوان ودا الموبيل لفهد علشان يكلمه بنفسه .
فهد ... ازيك يا رضوان .. فينك من زمان ما سمعتش صوتك .

رضوان .. اهلا فهد بيه .. موجود والله وتحت امرك .. بس المكتب فى قضايا كتير وانت عارف زحمه الشغل عامله ازاى بالذات فى فترة الصيف .
فهد .. اه طبعا انت هاتقولى .. بس جيت على بالى وكنت عاوز اشوفك لما اجى القاهرة خلال يومين .. فى شغل عاوزك انت بالذات اللى تخلصه وبلاش موضوع المحامين اللى انت بتبعتهم دول .
رضوان .. وانا تحت امرك يا فهد باشا .. اهو وبالمرة تحضر معانا عيد ميلاد همس بنتى .. عامله فى اكبر فندق فى القاهرة .. فندق الشيراتون .. اللى حضرتك بتنزل فيه دايما .

فهد ... ياااااه انا بقالى كام سنه ما شوفتش همس بنتك .. هى لسه صغيرة زى ما هى ومفعوسه وبضفاير ولا كبرت .
رضوان ... همس كبرت و بقت مضيفه طيران كمان .
فهد ... ايه الكلام اللى بتقوله ده يا رضوان .. همس البت المفعوسه ام ضفاير كبرت كده وبقت مضيفه كمان وانا ما اعرفش .. كويس انك قولتى .. ده انا كنت هابعت اجبلها هديه من بره تناسب البنات الصغيرين .. عروسه ولا دبدوب.

رضوان بضحك ... طب كويس انى قولتلك .. وكفايه انك تشرفنى الحفله . ملوش لازمه الهديه .
فهد .. خلاص اول لما اوصل القاهرة هابلغك على طول .. سلام دلوقتى علشان ورايا اجتماع مهم مع عميل كبير من فرنسا.
رضوان .. سلام يا فهد باشا .. وانا فى انتظارك .

صحي عادل من نومه وجهز نفسه علشان يروح على الشركه .. بس قبل ما يخرج .. طلبت منه سلمى انه يوصلها على المطار علشان عربيتها لسه بتتصلح عند الميكانيكى.
عادل .. نعم يا اختى .. ماليش فيه .. خدى تاكسى .. وكمان هاديكى حقه .
سلمى .. تاكسى ايه يا عم انت .. انا متأخرة خالص .. وبعدين عاوز مضيفه طيران زى القمر زيى كده تركب تاكسى . يرضيك يا عدوله .. وكمان هانعدى فى سكتنا ناخد رغد فى طريقنا.
عادل .. ايه .. رغد ! .. اذا كان كده ماشى بس يالا بسرعه علشان مش ناقص كلمه من فارس على الصبح .
سلمى .. ايوا كده عرفت نقطه ضعفك كويس .
عادل.. بتقولى ايه يا بت انتى .

سلمى .. ابدا ابدا يا عادوله .. يالا بينا زمان البت واقفه فى الشارع من بدرى .
وفعلا نزلت سلمى مع عادل وركبوا العربيه وراحوا خدوا رغد من اودام بيتها .
فتح عادل باب العربيه ونزل ورحب بيها وسلم عليها.
رغد بخجل .. الله يسلمك يا عادل اخبارك ايه .
عادل الحمد لله .. اخبارك انتى ايه وازى طنط دلوقتى وازى صحتها .. وازى جنه .
رغد .. بخير الحمد لله .. وفتح عادل باب العربيه ليها وركبها .
وطول الطريق عادل ما شلش عينه من على رغد فى المرايا.
وخلال نصف ساعه كانوا وصلوا المطار .

بس قبل ما سلمى تنزل .. طلبت من عادل انه يعدى يخدهم برضه بعد ما يخلصوا شغلهم .
عادل .. نعم يا اختى .. انتى مأجرانى النهارده لحسابك ولا ايه .. انتى ناسيه ان وريا شغل انا كمان .
رغد ردت بسرعه وقالت ... خلاص يا سلمى .. نبقى نرجع مع همس .. او نشوف عربيه من بتوع المطار او ناخد تاكسى .
سلمى .. ماشى هاشوف ظروف همس .. لكن اعمل حسابك .. لو هى مشيت قبلنا او ملقناش عربيه من لتوع المطار هاتصل عليك وتيجى تاخدنا .
عادل بقرف ... ربنا يسهل يا هانم . يالا بقى بطلى رغى واخلصى زمان فارس وصل قبلى على الشركه .
سلمى .. تمام يا باشا .. اتكل يالا انت .. شكرا على التوصيله .
عادل .. إتكل دى اخرتها يا بت انتى .
رغد ... معلش يا عادل هى ما تقصدش دى اختك برضه وانت عارف لسانها الطويل وشكرا ليك ومعلش تعبناك معانا .
عادل برقه .. علشان خاطرك انتى بس يا رغد .. انا مش عارف البت دى صاحبتك انتى ازاى .

سلمى بعصبيه .. ومالها بقى صاحبتها يا حبيبى .
عادل .. سلام سلام .. حقك عليا يا اخ ههههههه .. وفى ثوانى خد عربيته ومش بأقصى سرعه قبل ما سلمى ترد عليه .
سلمى بذهول وبغضب وعصبيه اكتر قالت .. رغد هو الواد ده قال يا اخ ليا صح .
رغد بضحك .. معلش يا سلمى بيهزر معاكى .
سلمى .. ماشى يا عادل بس لما اروحلك .

ودخلوا على جوا وفضلوا يضحكوا لحد ما دخلوا الاوضه المخصصة ليهم فى المطار .
وشويه جت همس وسلمت عليهم وعدى كذا ساعه عليهم .. وبلغتهم انها عرفت مكان العيد ميلاد وانه هايتعمل فى فندق الشيراتون زى السنه اللى فاتت .
وطلبت منهم انهم يبدؤا يجهزوا نفسهم لكده علشان خلاص مفيش وقت .

عادل كان لسه فى الشركه وكان قاعد مع فارس بيخلصوا شويه ملفات مهمه لاخر صفقه ليهم .. وشويه والموبيل بتاعه رن وكانت سلمى اخته .
عادل بص على الموبيل وعرف انها سلمى فامرديش يرد عليها .. وفضل الموبيل يرن لحد ما خلص رن .. ورن تانى وتالت ...
فارس .. ما ترد يا ابنى انت صدعتنى من رنتك دى .. مين بيرن ومش عاوز ترد عليه كده .
عادل ... دى ست سلمى .. كانت عوزانى اروح اجيبها من المطار بعد ما تخلص شغلها علشان عربيتها بايظه.. وانا هانفضلها ومش عاوز ارد عليها ولا اروح اجبها ..هى من قله التاكسيات يعنى .

فارس ابتسم وجت فكرة فى دماغه وقااااااال...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وفجاه خطرت على فارس فكرة .. اللى كانت ايه ؟
فارس .. طب يا عم عادل ما تروح تجبها .. وانا كمان هاجى معاك ولا تزعل وبالمرة اجى اتغدى عندكم النهارده انا ميت من الجوووع او اقولك نتغدا كلنا فى اى مكان ايه رايك .
عادل استغرب اوى من العرض بتاع فارس .. لانه اول مرة يعملها .. وباستغراب قال .. يعنى انت عاوز كده يا معلم .

فارس .. اعمل ايه بس ميت من الجوع وواحشنى هزار وضحك البت سلمى اوى اوى .
عادل .. طب ماشى اللى تشوفه .. اصبر بقى لما اتصل عليها .
عند سلمى كانت مش طايقه نفسها علشان عادل مش بيرد عليها .. وعماله تكلم نفسها وتقول .. ماشى يا عم عادل بس اصبر عليا لما اروحلك .
رغد .. خلاص بقى يا سلمى تعالى ناخد اى تاكسى من برة وخلاص .

همس .. وتاكسى ليه بس وانا موجوده .. تعالوا وانا اوصلكم وبعدين اروح انا اعمل الشوبينج لزوم العيد ميلاد .
وقبل ما سلمى ترد !
فجاه موبيل سلمى رن وكان عادل طبعا هايبلغها بالقرار اللى وصلوله هو وفارس .
سلمى للبنات .. اخيرا يا استاذ حنيت عليا وهاتكلمنى .
سلمى مسكت الموبيل وردت عليه وقالت ... نعم .. اخيرا افتكرت ان ليك اخت وصعبت عليك وهاترد عليها يا أستاذ انت .
عادل .. مش وقت الكلمتين الرخمين دول .. اجهزى يالا وهاجى انا وفارس وناخدكم ونتغدى كلنا فى اى مكان .

سلمى اى ده بتتكلم بجد .. طب احلف .
عادل .. يا نهار اسود عليكى وعلى التخلف اللى انتى فيه .. انا مش عارف انت مضيفه طيران ازاى .. يا بت اخلصى واحنا مسافه السكه وهنكون عندك انا وفارس .. يالا سلام .
وقفلت سلمى الموبيل وفضلت تتنطط زى الاطفال لما عادل قالها كده .. ورغد وهمس كانوا مستغربين ليها ومش عارفين بالضبط ايه اللى بيحصل .
همس .. فى ايه يا بنتى .. عادل قالك ايه لده كله ؟

سلمى .. حزروا فزروا عادل قالى ايه .
رغد .. قالك ايه اخلصى ؟
سلمى .. قالى انه مسافه السكه وهايجى هو وفارس ونتغدى فى اى مكان مع بعض كلنا .
همس حست بفرحه جواها انها هتشوف فارس تانى .. ومش عارفه ايه سبب الفرحه دى ولا عارفه ايه سبب سرعه ضربات قلبها اللى حست بيها اول لما سلمى قالت اسم فارس .
سلمى .. ايه روحتى فين يا همس وسرحتى كده .
همس .. هه لا أبدأ انا معاكى اهو .

سلمى .. احم احم .. هو حصل ايه من ورايا يا هانم وكنتى سرحانه فى ايه اول لما جبت سيرة فارس ؟
رغد ... فارس مين ده يا بنات اللى بتتكلموا عنه .
سلمى .. تعالى يا بت يا رغد لما احكيلك على الحكايه من اول طقطق لحد سلامو عليكوووووو .
همس .. سلمى بطلى رخامه بقى .. مفيش حاجه خالص يا رغد .. انتى عارفه سلمى بتحب تهزر .
وفجاه دخل عليهم شريف اللى كان يادوبك واصل من الرحله بتاعته وسلم عليهم وبالذات على همس .
سلمى قلبت 180 درجه وبقت كيوت خالص اول لما شريف دخل .
وقالتله ... حمد الله على السلامه يا كابتن شريف .. وصلت امتى ؟
شريف .. الله يسلمك يا سلمى .. يا دوبك لسه واصل .. اخباركم ايه يا بنات كلكم .
عامله ايه يا همس ؟

همس .. الحمد لله يا كابتن شريف وحمد الله على السلامه .
سلمى من جواها حست بالغيرة من معامله شريف الحلوة لهمس دايما لانها كانت معجبه بيه اوى اوى وهو مش واخد باله منها خالص و دايما كل اهتمامه بهمس وبس.

استاذنت همس علشان تمشى لما شافت نظرات شريف ليها .. ولسه هاتمشى .
سلمى ... ايه ده انتى راحه فين يا همس .. مش هاتيجى معانا ولا ايه نتغدى كلنا .
همس .. لا غدا ايه بس .. انا يا دوبك اروح اشترى الحاجات اللى محتجاها واروح على البيت .. انتى نسيتى رحله بكرة لإيطاليا ولا ايه .. وما تنسيش انى هارجع يوم العيد ميلاد باليل .. فامفيش وقت خالص للخروج .

رغد .. طب ما تشترى الى انتى عوزاه من ايطاليا .
وقبل ما همس ترد عليها وفجاه رن موبيل سلمى وكان عادل هايبلغها انه هو وفارس وصلوا اودام باب المطار من برة .
سلمى .. تمام يا عادل تلت دقايق بالضبط واكون عندك .
سلمى قفلت مع اخوها وخدت شنتطها وخرجت هى وهمس ورغد بعد ما استأذنوا من شريف .
وطول المسافه دى وسلمى بتحاول انها تقنع همس بالخروج معاهم .. بس همس كانت رافضه خالص .. لحد ما خرجوا من باب المطار وشافوا عادل مع فارس فى العربيه .

قربوا البنات منهم ونزل فارس وعادل من العربيه وسلموا كلهم على بعض .
فارس بابتسامه تدوخ الحجر ... ازيك يا همس ازيك يا سلمى .
سلمى .. الحمد لله ازيك يا فارس اخبارك ايه .
همس .. اهلا يا فارس .
فارس بنظرة كلها رومانسيه وعيونه فى عيون همس الحمد لله .. ولما شاف سلمى وعادل مستغربين من طريقه كلامه قاااال . احم مش تعرفينى بزميلتك يا سلمى .
سلمى .. دى رغد زميلتى انا وهمس هنا وكنا كلنا مع بعض من ايام الكليه .
عادل بنظرة اعجاب برغد .. ازيك يا رغد .
ازيك يا همس .

مش كفايه سلامات بقى .. احنا ميتين من الجوع انا وفارس ومكلناش حاجه من الصبح .
سلمى .. مش لما الهانم ترضى تيجى معانا .. بتحايل عليها من بدرى مش عاوزة تيجى خالص .. يرضيك كده يا كبييييير .
عادل .. ليه بس يا رغد مش عاوزة تيجى ؟
سلمى .. يا اختييييى .. مش رغد يا استاذ دى همس اللى مش عاوزه تيجى معانا .
وبدون مقدمات نطق فاااارس .. مين قال كده .. همس هاتيجى معانا .. مش كده يا همس .
همس من غير تفكير ردت وقالت ... ماشى هاجى معاكم .. مين قال انى مش جايه .
سلمى بصت ليهم هما الاتنين وبصت لرغد وقالت ... لا اله إلا الله.. هو فيه ايه يا جدعان ... ده انا عماله اتحايل عليها من بدرى .. تقوم انت مجرد كلمتين سحرتلها ولا ايه يا فارس بيه وبعدين مش وراكى مشاوير هاتعمليها و تشترى حاجات علشان عيد ميلادك يا هانم ولا نسيتى .

همس بكسوف .. خلاص بقى .. هاروح اتغدى معاكم وبعدين اروح اشترى الحاجات اللى محتجاها .
فارس .. ايه ده عيد ميلادك قرب ولا ايه ؟
همس .. اه بعد يومين وانا بعزمك اهو انت وعادل لازم تيجوا .. هو هايبقى فى فندق الشيراتون .
فارس .. اكيد طبعا هاجى .
عادل وانا كمان .. بس يالا بينا بقى يا جماعه . ولما نركب العربيات نشوف هانروح على فين بالضبط .
وفعلا كل واحد ركب عربيته ورغد وسلمى ركبوا مع عادل وكان وراهم همس بعربيتها وفارس بعربيته لحد ما وصلوا لمطعم كبير اوى .. فارس كان دايما يروح فيه .
اول لما دخلوا الكل رحب بفارس .. واختاروا ركن هادى وقعدوا كلهم وطلبوا الغدا .

فارس عينه كانت دايما على همس .. وده اللى خلى همس تهرب دايما من نظراته دى وتحاول انها تشغل نفسها بسلمى وهزارها وضحكها مع عادل ورغد .
بس على مين سلمى كانت واخده بالها جدا جدا من كل شىء وبالذات نظرات فارس لهمس .. وده اللى خلاها ترخم عليه شويه وغمزت لاخوها عادل علشان تنفذ اللى فى دماغها.

بس للاسف عادل كان فى دنيا تانيه خالص بيفكر فى حد تانى وهى رغد .
لكن ده مامنعهوش انه ياخد باله اوى برضه من نظرات فارس وهمس لبعض .. بس كان مشغول هو كمان برغد اللى معجب بيها جدا من فترة وحاول يقولها الاعجاب ده قبل كده بس سلمى كانت بترخم عليهم هما الاتنين .
ورغد لاحظت نظرات عادل لها . وكانت هى كمان معجبه بيه من زمان وخدت وقت كتير لحد ما خلت عادل ياخد باله منها . وطبعا من كسوفها كابنت فضلت مستنيه الوقت اللى يعترف لها بحبه واعجابه ده .
اول لما عادل خد باله من اللى سلمى هاتنفذه بدا يجاريها فى الكلام والضحك والهزار .

سلمى لفارس .. ايه الهنا اللى احنا فيه ده يا بنات .. فارس الحسن بجلاله قدره قاعد معانا على تربيزة واحده وكمان عازمنا على الغدا .
يا جدع ده احنا بقالنا سنيييين عارفين بعض وعمرك ما عملتها .. يا ترى ايه اللى جد فى الموضوع وغيرك كده يا فارس باشا.
عادل بنظرات لفارس ولهمس ... مش عارف والله يا بت يا سلمى .. انا صاحبه من كام سنه واول مرة اشوفه بالمنظر ده .
فارس قرب من عادل وهمس ليه بصوت واطى وقال .. لم نفسك انت واختك احسنلك انت فاهم بدل ما اعملها معاك اودام رغد .
عادل بصدمه .. خلاص بقى يا سلمى .. تعالوا نكمل الاكل بقى بدل الرغى ده .

فارس قرب تانى وقاله .. عالم تخاف ما تختيشيش .
سلمى .. انت بتوشوشه وتقوله ايه يا فارس بالضبط .
فارس .. خليكى فى حالك يا سلمى ده كلام رجاله وخبط عادل على كتفه وضحك وقال .. ولا ايه يا عادل
همس ورغد كانوا عمالين يضحكوا على طريقتهم مع بعض .. وفجاه قامت همس ووقفت وطلبت انها تستأذن علشان ما تتاخرش اكتر من كده .
فارس .. طب وانا كمان هاقوم علشان افتكرت حاجه مهمه ولازم ارجع على الشركه دلوقتى .
عادل .. شركه ايه يا هندسه دلوقتى؟

فارس ... خليك فى نفسك وخلى بالك من سلمى ورغد .. ولا تحبى اروحك يا رغد على البيت .
عادل .. تروح مين يا عم انت .. روح شوف انت رايح فين .. وبص لرغد وقال .. انا اللى هاروح رغد وما تشغلش نفسك انت .
وفعلا مشيت همس هى وفارس .. وخرجوا بره المطعم .. وفارس مد ايده وسلم عليها .. وده اللى خلى همس حست بكهرباء لمجرد لمسه ايده . وسحبتها على طول .
فارس حس بيها وقال .. انا سعيد جدا ان جمعتنا صدفه تالته النهارده .. ويارب يكون فى صدفه جديده تجمعنا .. ويا ترى لسه معاكى الكارت بتاعى ولا لا .
همس برقه .. اه طبعا معايا فى الشنطه.

فارس .. طب ممكن لما تخلصى مشوارك ترنى عليا علشان اطمن انك روحتى بالسلامه .
همس بتردد وخجل وهروب من الموقف اللى هى فيه .. تمام .. وسلام بقى علشان هاتأخر .
فارس لاحظ هروبها ده وعزرها طبعا .. تمام يا همس . مع السلامه .
وفعلا ركبت همس عربيتها وفضل فارس واقف لحد ما هى بعدت خالص بعربيتها عن عيونه .
فى اسكندريه كان فهد بدا يجهز نفسه للسفر تانى يوم الصبح وبدا يجهز كل الاوراق اللى عاوز يوريها لرضوان .
وطلب من بلال انه يجهز طيارته الخاصه علشان السفر من بدرى على القاهرة .
وطبعا بلال هايكون معاه لانه يعتبر زى ظله بالضبط ودراعه اليمين فى كل شىء .. مع انه ساعات مش بيرضى عن بعض تصرفات فهد .. بس مش بأيده اى شىء يعمله .. غير تنفيذ الاوامر .

عدى كذا ساعه وهمس كانت اشترت كل اللى هى عوزاه وجابت كمان شويه هدايا لرغد وسلمى زى ما اتعودت كل سنه انها تجيب لهم فى عيد ميلادها علشان يفتكروها بيها .
وكان فى علبه صغيرة وشكلها كان غالى جدا .. وكانت عبارة عن قلم دهب يا ترى القلم ده هايكون لمين ؟
طلعت اوضتها بعد ما اتعشت مع باباها ومامتها وفرجت مامتها على كل اللى هى اشترته وطبعا الا العلبه الصغيرة اللى احتفظت بيها زى ما هى فى شنطتها . واخوها عمر .. اللى كان عمال يهزر معاها زى عاويده وفرح جدا لما همس بلغته ان رغد وجنه اختها هايحضره الحفله .

طلعت اوضتها وغيرت لبسها وخدت شور سريع وراحت لسريرها .. وافتكرت كلام فارس ليها ونظراته واعجابه بيها . ولمسه ايده اللى اتكهربت منها ومتعرفش ليه .
وفجاه افتكرت وعدها لفارس انها هاتكلمه لما توصل البيت .. فقامت ومسكت شنتطها وخرجت الكارت بتاعه واترددت انها تتصل بس قررت اخيرا انها تتصل .
ومسكت موبيلها واتصلت عليه . بس كانت مكسوفه جدا .
فى مكان تانى وبالتحديد فى اوضه فارس .. اللى كان قاعد مش على بعضه رايح جاى .. رايح جاى فى الاوضه مستنى اللحظه اللى الموبيل فيها يرن علشان يسمع صوتها ويطمن انها وصلت البيت .
وكل شويه يتأكد من وجود شبكه للموبيل .
وفجاه رن الموبيل وبدات دقات قلب فارس تزيد وتزيد وابتسم ابتسامه فرح . ورد فى ثوانى عليها .

همس ... مساء الخير
فارس بتنهيده اول لما سمع صوتها .. مساء النور
همس .. انت نمت ولا ايه ؟
فارس .. لا طبعا انا كنت مستنيكى تتصلى بفارغ الصبر علشان اطمن عليكى انك وصلتى .
همس .. انت كنت متاكد انى هاتصل اوى كده ؟
فارس ... اه كنت متأكد يا همس .. مش هاهون عليكى تخلينى افضل مستنيكى تتصلى بيا .
همس .. ده انت كنت واثق اوى انى هاتصل .. بس على فكرة مكنتش هاتصل .
فارس .. بس اتصلتى فى الاخر .. وده وضحلى اوى حاجه كنت عاوز اعرفها .
همس برقه .. حاجه ايه يا فارس ؟

فارس .. الله . مكنتش اعرف ان اسمى حلو اوى كده .
همس .. احم احم .. طيب عاوز حاجه علشان هاقفل .
فارس .. لااااااا تقفلى ايه انا ما صدقت انى اسمع صوتك .. خليكى شويه لو سمحتى يا همس .
همس سكتت شويه من غير كلام .. وفارس كمان .. ويا دوبك كانوا سامعين انفاس بعض .
فارس .. سكتى ليه .
همس بخجل .. لا معاك اهو بس سرحت .
فارس .. وسرحتى فى ايه ؟
همس .. بعدين اقولك .. بس لازم اقفل دلوقتى . عندى رحله الصبح بدرى على ايطاليا ولازم اكون فى المطار الساعه اربعه الفجر .
فارس .. بدرى كده .
همس .. انت نسيت ولا ايه انا بشتغل مضيفه طيران وفى اى وقت بسافر مفيش وقت محدد .
فارس .. تروحى وترجعى بالسلامه .
همس .. يلا سلام تصبح على خير يا فااارس .
فارس وانتى من اهل الخير يا ( همسى) قصدى همس.

همس سمعت الكلمه اللى قالها فارس (همسى) .. وكل اللى عملته من خجلها انها تقفل الموبيل .
فارس حس باللى هى فيه وبخجلها وكسوفها منه .. وكل مادا كان إعجابه بيها بيزيد اكتر واكتر لحد ما فضل يفكر فيها لفترة طويله وراح فى النوم .
همس كانت نامت بعد تفكير طويل فى كل كلمه فارس قالها وحست فعلا واتاكدت باعجابه بيها وهى برضه بدات تعجب بيه وبشخصيته .وفضلت تفكر وتفكر لحد ما راحت فى النوووووم .

الساعه كانت تلاته ونصف الفجر والكل كان نايم فى الفيلا عند همس .. الا همس اللى كانت قامت من بدرى وجهزت نفسها للسفر
وخدت شور سريع وسرحت شعرها ولبست لبسها المخصص لشركه مصر للطيران وخدت مفاتيح عربيتها وشنتطها الصغيرة وخرجت بره الفيلا .
وركبت عربيتها وخرجت بعد ما الحارس فتح باب الفيلا .
وبعد شويه وصلت للمطار وركنت عربيتها ونزلت بعد ما اخدت شنتطها ويا دوبك بتلف نفسها للباب اتصدمت من اللى شافته واقف اودامها .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
فوقفت وركنت العربيه وخدت شنتطها ونزلت ولسه هاتتجه لباب اتصدمت من اللى كان واقف اودمها
همس بصدمه .. فااااارس .
انت بتعمل ايه هنا دلوقتى وايه اللى جابك .
فارس قرب منها وبأبتسامه جذابه قالها .. مكنش ينفع اعرف انك مسافرة ومجيش اودعك .

مكنش ينفع اعرف انك مسافرة ومجيش اودعك
همس وشها احمر واتكسفت اوى وقالت .. انت مجنون .
فارس .. اقولك على حاجه وتصدقينى يا همس .
همس برقه .. اه طبعا اتفضل .
فارس برومانسيه .. انا اول لما شوفتك كأنى اعرفك من زمان وكأنك حاجه كانت تايهه منى ولقيتها .. صدقينى والله يا همس .
همس بخجل .. طب انا لازم امشى حالا كده هاتاخر على الطيارة .

فارس .. هاتهربى تانى من كلامى يا همس.
همس .. لا ابدا بس بجد هاتأخر على الطيارة.
فارس .. طب اوعدينى لما ترجعى من السفر نتكلم مع بعض وما تهربيش منى .

همس بابتسامه دوبت فارس .. اوعدك يا فارس .. سلام بقى .
فارس بكل حب .. بالسلامه يا همسى .
همس بقت زى الفرولايه وجمالها زاد اكتر و اكتر من مجرد كلمه فارس ليها وهو بيقولها  .
همسى
وفضل فارس واقف لحد ما همس اختفت من اودامه خالص وركب عربيته ومشى رجع على فيلته .
وبعد حوالى تلت ساعات من سفر همس .. ووصولها لايطاليا .

الساعه كانت قربت على سبعه وبالتحديد فى الاسكندريه فى قصر فهد .. كان لبس وجهز كل حاجه لزوم السفر .
ونزل على تحت بعد ما بلال بلغه ان كله تمام وان كل حاجه جاهزة والطياره الخاصه فى انتظاره .
ركب طيارته وبعد حوالى نصف ساعه كان وصل لمطار خاص بيه فى القاهرة .. وركب العربيه اللى كانت فى انتظاره بره وراح على الفندق هو وبلال .
فى بيت سلمى .. كان عادل وسلمى صحيوا من نومهم وامهم جهزت لهم الفطار على السفرة زى كل يوم .
سلمى .. صباح الفل يا ست الكل .. وشدت كرسى وقعدت على السفرة .

الام .. صباح الخير يا حبيبتى .. اتاخرتى ليه كده النهارده عم شغلك.
سلمى .. لا ابدا يا ماما .. اصل معنديش شغل كتير النهارده ولا سفر .. وقولت اقوم براحتى .
عادل كان خرج من اوضته ولابس بدلته علشان هاينزل على شركه الحسن اللى هو شغال فيها مع فارس .
صبح على امه وعلى سلمى .. واخدت حاجه على السريع من على السفرة علشان كان مستعجل .
الام .. اقعد يا ابنى افطر كويس .

عادل .. معلش يا امى اصل ورانا شغل كتير النهارده انا وفارس . ولازم انزل حالا بدل ما يدينى موشح على تأخيرى على الصبح .
الام .. ربنا يقويكم يا حبيبى .. وابقى سلملى على فارس وقوله انى زعلانه منه علشان بقاله كتير مجاش يتغدى معانا زى زمان .
عادل باستعجال .. ان شاء الله يا ست الكل هاوصله سلامك .. سلام بقى لازم انزل .

سلمى قامت بسرعه من على السفرة وجريت وراه وقالت .. اعمل حسابك هابقى ارن عليك علشان تيجى تاخدنى بعد ما خلص شغلى .
عادل لف نفسه ليها وقال .. نعم يا اختى .. انا بقيت السواق بتاع الهانم ولا ايه . انتى مش سمعه وانا بقول ورانا شغل كتير .. شوفيلك تاكسى يا حلوة .. او ارجعى مع همس .. وسابها ومشى .

سلمى جريت تانى وراه .. استنى بس يا عادل اصل همسه زمانها سافرت النهارده يرضيك ارجع انا ورغد لوحدنا باليل من المطار .. والطريق بيكون هس هس .
عادل اول لما سمع اسم رغد لف نفسه وقال .. خلاص لما تخلصوا رونوا عليا واجى اخدكم .
سلمى نطت عليه فجاه وحضنته وفضلت تبوس فيه لحد ما زقها وقالها .. الله يخرب بيت اللى يزعلك يا شيخه اوعى هاتبهدلينى وخد بعضه ونزل من العمارة .

سلمى فضلت تضحك ودخلت من باب الشقه وقفلت وراها وراحت تكمل فطارها .
كل ده وفارس كان لسه نايم من ساعه ما رجع من المطار .
والدته تطلعتله على اوضته لما اتأخر على النزول للفطار .
وقربت منه وفضلت تصحي فيه لحد ما فتح عيونه .
اول لما شاف امه جنبه على السرير قام وقعد .
الام .. صباح الخير يا فارس .. كل ده نوم يا حبيبى .

فارس بصوت منعوس .. صباح الفل يا روح قلبى .. معلش اصل نمت متاخر امبارح .. هى الساعه كام دلوقتى .
الام .. الساعه داخله على تمانيه دلوقتى وحضرتك لسه نايم .. واول مرة تعملها .
فارس اول لما سمع ان الساعه تمانيه اتنطر من على السرير وجرى على الحمام وقال ...
يا خبر انا عندى شغل مهم جدا النهارده .

الام .. ما باباك قالى فعلا ان وراك شغل مهم النهارده وقالى اطلعى شوفى فارس لسه نايم ليه لحد دلوقتى وراح هو على الشركه .
وبعد نصف ساعه تقريبا كان وصل فارس على الشركه وكان فى انتظاره عادل اللى خدهاله زله ودى اول مرة تحصل ويوصل هو قبل فارس على الشركه .
بسرعه خدوا الملفات المهمه لزوم الاجتماع وراحوا على اوضه الاجتماعات وكان موجود فيها ابوا فارس لانه رئيس مجلس الادارة .ودائما بيحضر جميع الاجتماعات اللى بتخص الشركات العالميه والمشروعات الكبيرة .

وبدأ الاجتماع وفضل مستمر لاكتر من تلت ساعات متتاليه .
وانتهى بتنفيذ وامضاء العقود بين شركه الحسن وبين الدوله الاوربيه على إنشاء اكبر منتجع سياحى فى الغردقه واللى هاتقوم بيه شركه الحسن . بعد الاتفاق على ميعاد التنفيذ والاستلام .
وعدى اليوم على خير وفارس رجع على فيلته وطلع على اوضته بعد يوم طويل ومجهود كبير .
بس كان حاسس بشىء مفتقده وهى همس .
وكان بيسأل نفسه ازاى حصل كده وقرب منها بالسرعه دى واعجب بيها كمان والظاهر انه بدأ كمان يحبها

وفجاه مسك موبيله وقرر انه يرن عليها ويطمن بوصوله وبميعاد وصولها بكرة .
همس كانت فى الفندق بعد وصولها لروما وفضلت طول النهار نايمه من كتر التعب والارهاق اللى كانت حاسه بيه .. وعلى اخر النهار كانت غيرت لبس النوم ولبست بنطلون جينز وبلوزة رقيقه ونزلت على تحت تلف شويه على المحلات وتشترى شويه حاجات لزوم عيد ميلادها وبالمرة تشوف هديه بسيطه كاتذكار لفارس .
فارس اللى كان شاغل بالها من ساعه ما سابته اودام باب المطار احد ما وصلت لروما .. وحست بحاجات كتير ملغبطه جواها . ومش قادرة توصل بالضبط على تحديد اللى هى حاسه بيه .

كل اللى هى عرفاه انها معجبه بيه وبشخصيته وبذكاءه والاهم انه موووووووووز ومليون واحده تتمنى القرب من فارس الحسن .
فضلت تلف كتير لحد ما دخلت كافيه تشرب عصير فراوله اللى بتعشقه .
وفجاه موبيل همس رن .. فحاولت انها تخرجه من شنتطها علشان تشوف مين بالضبط اللى بيرن عليها .
وابتسمت اول لما شافت الرقم بتاع فارس .. وردت عليه .
فارس اول لما هى ردت .. مساء الخير يا همس .
همس بعد ما خدت نفس كبير وحاولت انها تجمع نفسها وتضبط دقات قلبها اللى بقت سريعه جدا اول لما شافت رقم فارس .. وقالت .. مساء النور يا فارس .
فارس بدون اى مقدمات .. وحشتينى

همس اتفاجات من كلمه فارس وسكتت خالص من غير ما تنطق .
فارس لاحظ سكوتها فقال .. همس بجد وحشتينى وحاسس انى تايه ومحتاجك اوى اوى .
همس حاولت تجمع نفسها وقالت .. انت بتقول ايه يا فارس .
فارس بكل حب وشوق .. بقولك وحشتينى اوى اوى يا همسى .
سكتت همس تانى من كسوفها .

فارس ... انا مستعد دلوقتى حالا انى اروح على المطار واكون عندك خلال ساعات .
بجد يا همس .. انا مش عارف انتى عملتى ليه ايه بالضبط .
همس .. فارس لو سمحت .. انا لازم اقفل .
فارس .. علشان خاطرى خليكى متقفليش .. مش كل مرة تهربى منى ومن كلامى .
همس .. فارس انا لازم ارجع على الفندق طيارتى هاتقوم خلال ساعتين .

فارس خد نفس طويل ... وقال ماشى يا همس .. بس اوعدينى ما تتاخريش عليا وتيجى بالسلامه يا همسى .
همس سمعت كلامه ومن كتر دقات قلبها السريعه وخجلها ... قفلت الموبيل حتى من غير ما تقوله سلام .
فارس ابتسم ابتسامه طويله وفضل باصص للموبيل كتير وضمه لصدره وقال .. هاتوحشينى يا همسى .
همس جمعت نفسها من التوتر والخجل والشعور اللى سببهولها فارس بكلامه الروعه واعترافه ليها باعجابه بيها .. وقامت وخدت الشنط والحاجات اللى اشترتها ورجعت على الفندق علشان تاخد شنطة السفر وتطلع على المطار .

فهد طبعا كان وصل من بدرى واول حاجه عملها اتصل على رضوان المحامى الخاص لمجموعه شركاته وابوا همس وبلغه بوصوله .
ورضوان رحب بيه وفضلوا يتكلموا عن الشغل شويه على الموبيل وبعدها فهد طلب منه انه يعدى عليه بعد ما يخلص شغل المكتب .
وفعلا رضوان خلص شغله وركب عربيته وراح لفهد على السويت بتاعه فى الفندق وبالمرة ياكد على حجز القاعه للحفله تانى يوم .
طلع رضوان وفضلوا يتكلموا اكتر من تلت ساعات عن بعض مشاريع شركات فهد وبعض القضايا المتعلقه بشغله .

وعن اخر صفقه فهد خسرها اودام شركه الحسن اللى ملك فارس الحسن .
فهد .. انا زهقت من فارس ده ولازم اقضى عليه وعلى نفوذه وجبروته لان كل الشركات العالميه بتفضله دايما عن مجموعة شركاتى كلها .
هو بقى حوت السوق المصرى والعالمى للمعمار دلوقتى .
قولى اعمل ايه يا رضوان انا جبت اخرى منه .
انا ممكن بطلقه واحده استريح منه نهائى .
وابوه كبر وعجز خلاص ومش قالقنى فى حاجه خالص .

رضوان ... بلاش دم يا فهد بيه خالص مش هايحل حاجه .. وبعدين لو هو الحوت انت برضه الصقر .. اللى السوق كله بيخاف منه وبيعمله مليوووون حساب .
فهد .. بقى كلام الظاهر يا رضوان والصقر راحت عليه خلاص .. من ساعه ما كبر فارس الحسن ده ومسك شركات ابوه وبقى حوووت المعمار .. انا لازم اكسره .. قبل ما هو يكسرنى .
رضوان .. ما تزعلش نفسك انت وادينى يومين بالضبط وانا هاحاول اشوفلك حل فى موضوع فارس الحسن ده .
بس ياريت متعملش اى حاجه الا لما تبلغنى بيها .

فهد .. ماشى يا رضوان هما يومين بالكثير .
وفضلوا يتكلموا كتير وبعدها استاذن رضوان ورجع على فيلته .. بعد ما اكد عليه ميعاد الحفله .
همس كانت وصلت المطار وخدت شنتطها وحتطهم فى العربيه .. بس عيونها كانت بدور على حد معين .. كانت حاسه انها ممكن تلاقيه فى انتظارها وهو طبعا فارس . بس للاسف مكنش فيه حد فاركبت عربيتها ورجعت على فيلتها .

فارس كان من كتر التفكير فى همس وهو نايم على سريره بعد ما قفل معاها .. نام وراح فى سابع نومه .. ومع الاسف قفل جرس المنبه اللى كان ضبطه على ميعاد وصول طياره همس بعد ما اتصل بالشركه وعرف ميعاد الوصول ..علشان يروح يستقبلها ويضمها فى حضنه زى ما فضل يتخيل ويعترف لها كمان بحبه ليها .
وصلت همس والكل رحب بيها لانهم كانوا صحيوا بدرى علشان يستعدوا لحفله باليل .

وعمر كان رايح على النادى علشان يخلص شغله بدرى علشان السهرة بتاعه باليل .
عمر قرب من همس وخدها فى حضنه وقالها .. حمد الله على السلامه يا قمر وكل سنه وانتى طيبه يا عمرى .
همس .. بأبتسامتها الجميله اللى دايما على شفايفها .. الله يسلمك يا كابتن .. بس ما تضحكش عليا فين الهديه ؟
عمر .. اه طبعا موجوده واجمل هديه كمان بس هادهالك باليل فى الحفله ... وسلام بقى علشان متاخرش على النادى.
همس .. ماشى بس اوعى تنسى .. وخلص بدرى .. علشان البنات هايجوا على هنا ونمشى كلنا مع بعض .

عمر .. جنه جايه معاهم طبعا .
همس ... يالا يا كابتن على شغلك بدل ما تتاخر
عمر .. ماشى هاروح وارجع فووووريره يالا سلام . اوعى تخديهم وتمشى قبل ما انا ارجع .
همس .. لا ما تقلقش .
وخرج عمر وقعدت همس شويه مع مامتها علشان يتكلموا على اخر التجهيزات للحفله وبعدها طلعت همس على اوضتها علشان تستريح من تعب السفر .
قلعت لبسها ودخلت على الحمام تاخد شور دافى .. بس سمعت الموبيل بيرن وحست انه ممكن يكون فارس هو اللى بيتصل .. فالبست البورنس بتاعها وخرجت وقربت من الموبيل و..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
لبست البورنس وخرجت من الحمام بسرعه ومسكت الموبيل بس للاسف طلعت سلمى هى اللى بترن .
همس بزعل ... افندم .. ده وقته يا ست سلمى .
سلمى ... ايه السلام الحلو ده اللى على الصبح .. بقى كده اجى المطار الاقيكى مشيتى ومستنتناش انا ورغد يا هانم .

همس .. معلش يا سلمى اصلك خرجتينى من الحمام وطلعت بسرعه علشان اشوف مين بيرن .
سلمى ... ومن امتى وانتى بتخرجى من الحمام طول ما انتى جوه .. ياااااما كنا بنرن عليكى وانتى بتخدى شور وتسبينا نرن و رن ونرن .. ايه اللى شقلب حالك يا صاحبتى للدرجه اللى تخليكى تتنازلى عن الشور بتاعك
همس .. يا لهوووى عليكى وعلى دماغك اللى بتفهمها وهى طايرة .

سلمى .. اوووبااا يعنى فى حاجه وشكى فى محله يا همس .. اعترفى بسرعه .
همس بضحكه عاليه ... الله يخربيتك يا سلمى ضحكتينى .. المهم اقفلى دلوقتى خلينى اكمل الشور بتاعى وانام شويه قبل ما تشرفوا انتى ورغد وجنه .. ماتتأخروش عليا .
سلمى .. ماشى يا عروسه .. حمام الهنا على قلبك .
همس .. عروسه اقفلى يا بت اقفلى كتك ضربه .

وفعلا قفلت همس الموبيل ودخلت علشان تكمل الشور بتاعها بس للاسف اول لما دخلت وقفلت الباب وقلعت البورنس .. سمعت الموبيل تانى بيرن .. بس المرة دى كان فارس عاوز يطمن عليها ويشوفها وصلت ولا لسه ويعتذر لها انه مجاش لها على المطار واستقبلها بنفسه .
لكن همس توقعت انها تكون سلمى تانى ونسيت تقولها حاجه او ترخم عليها تانى وحلفت ما هى خارجه تانى من الحمام .
فارس كان صحى من نومه واول حاجه عملها انه مسك الموبيل قبل حتى ما يغسل وشه علشان يكلم همس .. بس طبعا همس كانت فى الحمام ومردتش عليه .. وده اللى خلى فارس يزعل اكتر وتوقع انها ممكن تكون زعلت منه علشان مكلمهاش لحد دلوقتى .

فارس بيكلم نفسه وقال ... ردى يا همسى عاوز اسمع صوتك واطمن عليكى يا ... حبيبتى !
اه حبيبتى .. فعلا انا بدات احبك واحبك اوى اوى كمان .. لااااااا انا بعشقك يا همس .
امتى وازاى مش عارف .
كل اللى انا عارفه دلوقتى .. انى عاوز اخدك فى حضنى واعترفلك بحبى ده .
قام فارس وساب الموبيل على السرير ودخل الحمام وخد شور سريع وطلع لبس قميص وبنطلون وجذمه وحط البرفان بتاعه المميز وخد مفاتيح عربيته ونزل على تحت علشان يروح على الشركه .
همس كانت خرجت من الحمام ومن كتر تعبها اترمت على السرير بعد ما سرحت شعرها ورفعته ديل حصان لفوق ونامت فى سابع نومه حتى ما فكرتش انها تشوف مين اللى كان بيرن عليها وهى فى الحمام .

وبعد كذا ساعه .. ام همس كانت تقريبا خلصت كل حاجه تخص العيد ميلاد وكل التجهيزات .. واتصلت على رضوان فى مكتبه علشان كانت عاوزة شويه حاجات يطلبها من ادارة الفندق بخصوص الحفله .. ويأكد عليهم بخصوص عدد ادوار التورته .. والتورته الكبيرة اللى بصورة همس .. وحاجات تانى كتير تخص الحفله .
وفى مكان تانى خالص .. مكان يشبه الجنه .. بشجرها وزرعها وزهورها .. كانت همس واقفه وسرحانه فى البحر وجماله والمنظر الجميل وصوت العصافير .. وفجاه جه شخص من ضهرها وحضنها وبدأ يشم ريحه شعرها ويضمها ليه .وقال وحشتينى اوى اوى اوى يا همس .

همس غمضت عيونها وخدت نفس طويل وعرفت انه فارس من ريحه برفانه .
فالفت نفسها ليه واتاكدت انه هو حبيبها اللى بتعشقه وبتحبه .. فدفنت راسها فى صدره وضمته بأيديها .. لكن فارس رفع وشها بايده وبص فى عيونها وقرب منها اكتر ويلمس خدودها ولسه يا دوبك هايبوسها !
سلمى بصوت مرعب ... اصحى بقى يا بنتى .. كفايه نووووم .. مفيش وقت على الحفله وانتى كل ده نايمه .

همس فتحت عيونها .. وفضلت تبص حواليها .. وشافت اودمها سلمى ورغد وكمان جنه .. وعرفت انها كانت بتحلم بفارس .. وان ده كان مجرد حلم .. بس حلم ايه .. لذيذ وجت ست سلمى وصحتها من اجمل حلم هى حلمته .. وده اللى خلاها تقوم وتضرب سلمى بالخوداديه بتاعه السرير .
سلمى .. لا اله الا الله فى ايه يا بنتى .. هو انا عملت ايه لده كله يعنى .. الحق عليا انى صحيتك يعنى .
همس .. حرااااام عليكى .. كنتى سبينى اكمل الحلم .. ليه صحتينى ليه .

رغد .. اووووبا .. ليه يا همس .. كنتى بتحلمى ولا ايه .. اعترفى ؟
جنه .. ايه يا بنات فى ايه .. كلكم عليها ولا ايه .. قومى يا همس يا بنتى .. يالا مفيش وقت .. يا دوبك تغيرى وتلبسى فستانك . الحفله قربت خالص .
همس .. هى الساعه كام دلوقتى ؟
جنه .. الساعه اربعه .
همس .. يااااخبر .. كل ده نمته .. وجت علشان تمسك الموبيل علشان تشوف فارس رن عليها ولا لا .. بس للاسف الموبيل كان فاصل شحن .
من جواها زعلت بس طلبت من سلمى انها تحطه فى الشاحن عقبال ما هى تدخل الحمام وتتشطف .

وفعلا دخلت همس وخدت الشور بتاعها وخرجت وبدات البنات تساعدها فى لبسها العادى ومكياجها . لانها كان ليها سويت مخصوص فى الفندق علشان تلبس فيه لبس الحفله .. وفجاه الباب كان بيخبط .
همس سمحت للى بيخبط انه يدخل .
عمر دخل وسلم عليهم ورحب بيهم لانه كان فى شغله لما هما جم وطلعوا لهمس وقال .. ايه يا بنات كل ده .. الوقت اتاخر وكان لازم نروح من بدرى على الفندق .. ده حتى بابا وماما سبقوا على هناك .. وماما طلبت منى انى اقولك ..اودامكم اد ايه وتخلصوا علشان انا اللى هاوصلكم .

همس .. انا خلصت اهو يا عمر .. بس لو سمحت خد الفستان اللى فى العلبه ده وحطه فى العربيه عقبال لما نيجى وراك .
عمر عيونه على جنه اللى اتكسفت من نظراته ليها .. قال .. العلبه بس .. مفيش حد تانى عاوز ينزل معايا ولا ايه ؟
همس .. انزل يا عمر واخلص بدل ما اخلى سلمى اللى تنزل معاك .
عمر سلمى لاااااا انا نازل لوحدى .
سلمى ... يا نهارك منيل يا عمر .. مالها سلمى يا كابتن الكباتن انت .
عمر .. معلش يا اخ .. مش قصدى .

سلمى .. اخ ! .. انت بتشوف عادل كتير الايام دى الظاهر .
الكل كان بيضحك على كلام سلمى وعمر .. وبدؤا ينزلوا كلهم على تحت .. وراحوا لحد العربيه .. بس للاسف همس نسيت الموبيل فى اوضتها .. وعمر مرديش يرجع تانى علشان يجيبه .. ولا خلى همس تروح تجيبه .. وركبوا كلهم وراحوا على الفندق .
وصلوا الفندق وعمر راح على قاعه الحفله هو ورغد وجنه ووصلهم لحد تربيزه كبيرة . لكن سلمى وهمس طلعوا على السويت علشان همس تلبس فستانها وتضبط مكياجها .

فارس كان زهق من كتر الرنات اللى كان بيرنها على همس وبيلاقى الموبيل مغلق .. وبدا يقلق عليها اوى .. وقرر انه يتصل على سلمى وهى اللى هاطمنه عليها .
مسك الموبيل ورن على سلمى .. والموبيل كان عمال بيرن لان سلمى كانت ملخومه مع همس .. لحد ما قررت سلمى انها ترد .. واستغربت جدا لما شافت اسم المتصل.

سلمى باستغراب .. فارس !
همس اول لما سمعت اسمه دقات قلبها زات اوى وقربت من سلمى وقالت لها بتقولى مين .
سلمى بضحكه خبيثه .. فارس يا همس فارس
سلمى .. الووووو اهلا فارس .
فارس بصوت كله قلق .. ازيك يا سلمى .. اخبارك ايه طمنينى .. انتى فين دلوقتى ؟

سلمى .. ايه كل ده .. واحده واحده عليا يا استاذ انت .
اولا انا كويسه .. ثانيا الحمد لله بخير .. ثالثا انا مع همس فى الفندق علشان حفله عيد ميلادها .. انت مش جاى ولا ايه .
فارس اول لما سمع اسمها وانها فى الفندق اطمن .. وقال لها .. لا طبعا جاى .. انا اتصلت بيكى اصل عمال ارن على عادل مش بيرد عليا علشان نيجى مع بعض .
سلمى .. تلاقيه مش سامع الموبيل او فى الحمام . رن تانى واكيد هايرد عليك . وبشويه هزار و رخامه قالت .. مش عاوز حاجه ؟او عاوز تكلم حد ؟ وبتبص على همس اللى كانت واقفه وعامله زى الغرقانه.

فارس بجرأه .. ادينى همس اطمن عليها .
سلمى .. انت تؤمر يا فارس بيه خد معاك اهى .. وادت الموبيل لهمس اللى خبتطها على كتفها من كتر كسوفها والوضع اللى هى حتطها فيه .
همس برقتها المعتاده .. الوووو
فارس خد نفس طويييييل من اعماق صدره وقال ... يااااااااه اخيرا قدرت اسمع صوتك يا همسى .
همس .. ازيك يا فارس .
فارس .. عيون فارس وقلب فارس يا همس.. وحشتينى ووحشنى صوتك .
همس بقت عامله زى الفارولايه من كتر كسوفها وبالذات من سلمى اللى كانت واقفه جنبها زى عفريت العلبه .. ومش عارفه ترد تقول ايه .. لحد ما سلمى خدت بالها وقالت انها هاتدخل البلكونه شويه تغير جو وتشوف المنظر من فوووق .

فارس ... همس روحتى فين ؟
همس .. ابدا معاك .. اصل سلمى كانت جنبى ومش عارفه اقول حاجه .
فارس .. طب كنتى هاتقولى ايه ؟
همس .. لا مش هاقولك .
فارس .. علشان خاطرى كنتى هاتقولى ايه ؟
همس بكسوف .. وانت كمان وحشتنى .. وقفلت الموبيل من كتر الكسوف .
فارس فرح اوى اوى باللى همس قالته ..وحس انها بتبادله نفس مشاعره .. وقرر انه يقولها حقيقه مشاعره اول لما يشوفها .
سلمى كانت خرجت من البلكونه وشافت همس واقفه سرحانه وماسكه الموبيل .

سلمى ... ههههههههه ... هو اكيد حصل
همس .. بتقولى حاجه يا سلمى ؟
سلمى .. لا يا حبيبتى بقولك يالا بينا ننزل زمان الضيوف بدؤا يجوا والكل بيستعجلونا .. وكمان علشان تكونى فى استقبال فارس باشا بنفسك ولا ايه ؟
همس خبطتها على كتفها وضحكت .. وقالت .. اه منك انتى اه دايما فهمانى .. يالا يا ناصحه ننزل .. وهابقى احكيلك على كل حاجه بعد الحفله .. وايه رايك تيجى تباتى معايا النهارده علشان نتكلم براحتنا طول الليل .

سلمى .. شكل الموضوووووع كبييير اوى .. وانا موافقه .. يالا بينا .
وفعلا نزلت البنات على تحت . وكانت همس طالعه زى القمر ولابسه فستان احمر فى منتهى الروعه وشعرها مفرود على ضهرها ولابسه جذمه كعب عالى اوى .
اول لما دخلت همس كل العيون كانت عليها من كتر جمالها وحلاوتها .. فاقربت من باباها ومامتها .. وباستهم .. والكل بدا يهنيها بمناسبه عيد ميلادها .
عمر اللى كان قاعد ومش عاوز يشيل عيونه من على جنه .. وقرر انه ياخدها فى مكان هادى ويصارحها باعجابه بيها .

عدى حوالى ساعه واكتر الضيوف كانوا وصلوا . وفجاه دخل فهد ومعاه البودى جارد بتوعه وبلال كمان .. فقام رضوان من مكانه وقرب منه ورحب بيه .. وخده على تربيزة مخصوصه ليه وقعدوا .. وبعت عمر يجيب همس علشان فهد عاوز يسلم عليها ويديها هديته .
وفعلا عمر راح جاب همس اللى كانت عيونها على باب القاعه علشان تكون فى استقبال فارس .
راحت مع عمر وقربت من باباها وكان فهد مديها ضهره .

قام رضوان وقف وحضن همس وعرفها على فهد .
فهد كان بيتكلم مع بلال واتفاجاه بالقمر اللى ظهرت ليه فجاه ووقفت اودامه .
رضوان .. همس بنتى يا فهد بيه ..ايه رايك شوفت كبرت ازاى وبقت عروسه حلوة .
فهد بعيون كلها شهوة من جمال وحلاوة همس مد ايده ومسك اديها وباسها .. كبرت وبس .. ده بقت زى القمر .. هى دى همس البنت الصغيرة ام ضفاير معقوووول .. لاااااا دى احلوت اوى يا رضوان .. كنت مخبيها عنى فين دى .

همس استغربت اوى من كلام فهد ونظراته ليها فشدت اديها منه وطلبت انها تمشى علشان تتابع ضيوفها .
فهد بنظرات كلها اعجاب .. وهما ضيوفك احسن منى يا همس .. وبعدين مش لما تشوفى هديتى ليكى هاتعجبك ولا لا .
همس .. لا طبعا يا فهد بيه .
فهد يا دوبك بنظره لبلال .. خلت بلال يطلع علبه شيك اوى من جيبه واداها لفهد بيه .
فهد خدها من بلال وقرب من همس ومد ايده تانى ومسك اديها وباسها. ولسه كان عاوز يحضنها .. بعدت همس بسرعه عنه وبصت لباباها ولعمر اخوها .. فاستغرب فهد واداها العلبه .. وقال كل سنه وانتى طيبه يا برنسيسه .

همس خدت العلبه واستاذنت ومشيت وكانت عصبيه من الموقف اللى حصل ده .. وراحت ناحيه التربيزه اللى عليها سلمى وجنه ورغد وقعدت معاهم .
سلمى حست ان فى حاجه زعلت همس .. فاسألتها .. فى ايه همس مالك ؟.
همس بغضب ... انسان حيوان .
سلمى بصت لرغد وقالت .. هو مين ده اللى حيوان يا بنتى وزعل القمر كده ؟
همس .. خلاص يا سلمى بعدين هاقولك .. خلينا فى الحفله دلوقتى .
سلمى عيونها جت على الباب فجاه و بضحكه وغمزه لهمس قالت .. وانهى حفله اهم وصلووا اخيرا البهوات .

همس دقات قلبها بقت سريعه جدا جدا .. وكانت خايفه انها تلف تشوف مين اللى جه .. لانها كانت متاكده ان سلمى قصدها على عادل وفارس .
فارس وعادل شافوا البنات وقربوا من التربيزه بتاعتهم .
همس قامت وقفت ولفت نفسها ليهم .. وعيونها جت فى عيون فارس .. وكان نفسها فى اللحظه دى انها تترمى فى حضنه .. بسبب اللى حصل لها مع فهد .. بس طبعا مسكت نفسها ويادوبك مدت اديها ليه وسلمت عليه هو وعادل .
فارس عيونه ماتشلتش من على همس وحس ان فى عيونها حزن غريب .. فقرب منها وقال.. فى حاجه يا همس .
همس .. لا طبعا مفيش حاجه خالص .. اصل انا بتوتر من الدوشه والموسيقى العاليه .

فارس .. ماشى يا ستى ..على العموم كل سنه وانتى طيبه وعقبال مليون سنه .. وطلع علبه قطيفه صغيره من جيبه واداها لهمس .
همس شكرته وفتحت العلبه اللى كان فيها سلسله صغيرة ورقيقه جدا جدا بحروف اسمها بس مش همس .. كانت ( همسى )
عجبت همس جدا جدا .. وسلمى طلبت انها تشوفها .. بس همس ما رديتش توريها لحد خالص وحطتها على طول فى شنتطها .
وقعد عادل وفارس معاهم .

عادل عينه كانت على طول على رغد . اللى هربت من عيونه اول لما الموسيقى والاغانى بدات و قامت همس والبنات والشباب كلها بما فيهم عادل وبدؤا يرقصوا .
لكن فارس فضل مكانه على التربيزه يراقب همس بعيونه وهى بترقص وتغنى مع اصحابها .
عادل بعد شويه راح جاب فارس علشان يكون معاهم وبدا فارس يندمج معاهم .. والموسيقى قلبت على سلوووووو وفارس مسك ايد همس ورقصوا مع بعض .
عادل طلب من رغد انه يرقص معاها بس هى رفضت فى الاول وبعد محاولات كتير وافقت .

عمر هو كمان طلب من جنه اللى كانت مكسوفه جدا بس بعد ما رغد وافقت انها ترقص مع عادل وافقت هى كمان انها ترقص مع عمر .
سلمى كانت واقفه تندب حظها .. وكانت تتمنى ان شريف يكون موجود فى اللحظه دى وترقص معاه .. ويادوبك بتلف نفسها شافت شريف واقف وبيبص على همس وعلى فارس وهما مع بعض .
سلمى طبعا فهمت النظرة دى معناها ايه .. فقربت منه وبهزار . انت جيت .. ده انا مستنياك من بدرى علشان ارقص معاك يا كابتن شريف ..
شريف .. ماشى يا سلمى .. تعالى نرقص .. وبعدين ابقى اسلم على همس واهنيها واديها هديتها .. بس قوليلى مين اللى هى بترقص معاه ده ؟
سلمى .. ده فارس الحسن لو سمعت عنه صاحب عادل اخويا .. وهو وهمس صحاب .

شريف .. فارس الحسن .. اه طبعا اسمع عنه .
يالا بينا نرقص .
فارس كان مندمج هو وهمس جدا على الموسيقى الرومانسيه الهاديه اللى كانت شغاله وكانوا فى دنيا تانيه خالص .
لحد ما راح عمر لما شاف منظرهم ده وقرب من همس وقال .. مش تعرفينا يا هموسه
همس فاقت من اللى هى فيه على صوت عمر ..وقالت .. ده فارس صاحب عادل اخوا سلمى يا عمر .
وده عمر اخويا يا فارس .
الشباب سلموا على بعض .. وعمر رحب بيه .. وطلب من همس انها تستعد علشان هايطفوا الشمع .. وفعلا الكل راح على التربيزه الكبيرة اللى عليها التورته .
لكن فارس حب انه يروح يقعد مكانه وفجاه عينه جت على تربيزة تانيه خالص واتفاجاه باللى قاعد عليها .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الكل راح على التربيزه علشان يطفوا الشمع .. لكن فارس رجع قعد مكانه ومرديش يقف معاهم .
بس عيونه كانت على همس ونظراته كلها ليها ولعيونها ورقتها وجمالها اللى بيعشقه.
بس فجاه عينه جت على شخص معين كان قاعد على تربيزه بعيده شويه عنه وواقف جنبه البودى جارد بتوعه .. واتصدم لوجوده هنا وفى المكان ده وبالذات كمان فى عيد ميلاد همس .

فهد الجبالى ... ! ؟
فارس لنفسه و بنظرات كلها كره وحقد ... ايه اللى جاب الحيوان ده هنا .
يا ترى ايه علاقته بهمس او بعيلتها علشان يجى ويحضر عيد ميلادها .
وبعد شويه قربت منه همس وقعدت على نفس التربيزه اللى قاعد عليها فارس اللى كان فى عالم تانى خالص .. وبهدوء قالت .
همس برقه .. نحن هنا .. يا ترى سرحان في يا استاذ فارس .

فارس انتبه لصوت همس .. لكن للاسف كانت نظراته كلها عباره عن علامه استفهام كبيرة .
فارس ... عيونه جت فى عيون همس وقال .. انتى تعرفى فهد الجبالى منين ؟
همس .. فهد الجبالى مين ؟ انا معرفش حد بالاسم ده .

فارس .. اللى هو ازاى يعنى .. اومال موجود فى عيد ميلادك ازاى يا همس .
همس .. انت قصدك على مين بالضبط يا فارس بجد انا مش عارفه تقصد مين .
فارس وجه عيونه ونظراته كلها على تربيزة فهد وقالها ... الحيوان اللى قاعد هناك وكلابه بيحرسوه هناك ده .
همس وشها احمر جدا وافتكرت لحظه تعارفها بفهد وقله ذوقه ونظراته الشهوانيه ليها ومعرفتش تنطق ولا كلمه .
فارس .. سكتى ليه .. تعرفيه ولا لا يا همس .

همس بكل هدوء .. ايوا اعرفه من شويه بابا عرفنى عليه وقالى انه فهد وبيكون زبون عنده فى المكتب .. لان بابا محامى كبير واكيد انت عارف كده .. واكيد هايكون ليه علاقات بناس كتير جدا زى الانسان الحقير ده .
فارس استغرب اوى من اخر كلمتين همس قالتهم وقال .. حقير
طب كويس انك عارفه انه حقير من خلال الدقايق اللى باباكى عرفك عليه .
الانسان ده اكبر اعداء شركه الحسن فى السوق .. انسان فعلا حقير وكل شغله قذر وعلاقاته كلها مشبوهه .
همس .. انا فعلا مستريحتش ليه خالص ولا لنظراته .

فارس بغيره واضحه ووشه بقى شخص تانى خالص .. ولسه هايقف ... اوعى يكون عملك حاجه تدايقك او تزعلك .. انا اروح اموته واقطعه حتت .. قوليلى يا همس .. حاول يعملك او يقولك حاجه زعلتك .
همس... اهدى يا فارس مفيش اى حاجه حصلت .. مفيش حاجه بجد .
وبعدين انت زعلت كده ليه من كلامى .
فارس احم ... لا ابدا .
همس .. متأكد .
فارس من ورا قلبه .. اه متأكد.

وفى وسط ثوران فارس وغضبه وغيرته جه عادل وسلمى وباقى البنات .. بس عادل لاحظ على فارس الحاله اللى هو فيها .. فقرب منه وسأله بشويش علشان ماحدش ياخد باله ... مالك يا صاحبى ايه اللى وصلك لكده ... وشكلك عامل كده ليه ؟ فى ايه يا فارس ؟
فارس كانت كل عيونه على فهد .. وعادل لف نفسه فى نفس اتجاه نظرات فارس واتصدم اول لما شاف فهد هو كمان .
عادل .. ياااااا حلاوة .. فهد الجبالى بجلاله قدره .

وللاسف الشديد فهد هو كمان شاف فارس ومن واقحته قام وراح ناحيته .. واول لما اتحرك من مكانه راح معاه طبعا .. البودى جارد وبلال .
فهد بضحكه صفرا وغل ... فارس الحسن
فارس بقوه ... اهلا فهد الجبالى .
همس كانت واقفه واعصابها بدات تتوتر من نظرات فهد وفارس لبعضهم .. وحاولت انها تهدى الموقف بس للاسف عكته اكتر واكتر .
همس قربت من فهد ومن فارس وحاولت تكون بينهم .
همس لفهد ... اهلا فهد بيه .. احب اعرفك بفارس وعادل اصدقائى .

فهد .. اه طبها عارفه وهل يخفى القمر .. ده فارس الحسن .. وريث عائله الحسن .
ومن قله ادبه وسفالته قرب اكتر من همس وحط ايده فى وسطها .
همس اتصدمت من القذاره اللى هو عملها دى .. وعيونها بسرعه جت فى عيون فارس اللى كانت بطلع ناااااااار .
همس بعدت عنه وقالتله لو سمحت يا فهد بيه .. انا مسمحلكش .
فارس قرب من فهد ومسكه من جاكيت بدلته وقاله .. ايدك لو اتمدت عليها تانى انا هاقطعهالك انت فاهم .
البودى جارد كانوا عاوزين يمسكه فارس .. بس بنظره من فهد ليهم بعده عنه .

همس حاولت تبعد فارس وتهديه .. وجه عمر وباباها وسألوا .. فى ايه يا جماعه ايه اللى بيحصل هنا .
فهد ... ابدا يا رضوان .. بس انا زعلان منك .. مش تقولى انك عازم فارس الحسن فى عيد ميلاد البرنسيسه همس .
فارس كان ماسك نفسه بالعافيه لانه اول مرة يتقابل برضوان .. بس للاسف رضوان رد على فهد وقال .
فين فارس الحسن ده .. انا معزمتش حد بالاسم ده .
همس .. فارس ضيفى يا بابا وانا اللى عزمته .. ووقفت جنب فارس ومسكت ايده وقالت .. احب اعرفك على فارس الحسن يا بابا .
رضوان برخامه .. اهلا فارس بيه .

فارس حس انه لو فضل اكتر من كده ممكن يعمل كارثه .. فطلب من عادل انهم يمشوا .
وطبعا عادل فهم الوضع اللى هو فيه .
فاسلمى ورغد بصوا لعادل وفهموا هو عاوز يقول ايه من غير ما يطلب .
فارس مد ايده و سلم على همس .
همس اعتذرتله على الموقف ده وعلى اى حاجه زعلته .

بس فارس عمل نفسه انه مش سامع اى حاجه ومد ايده وسلم على عمر واستاذن وخرج على طول من غير حتى ما يدى همس انها تقول اى كلمه تانى .
همس من جواها حست بشرخ كبير فى قلبها وحزن من نظرات فارس ليها اللى كلها اتهام بس بسبب ايه هى مش عارفه .
فاخرج فارس وعادل والبنات وكان الكل متوتر واعصابهم كلهم بايظه من الموقف اللى حصل .
عادل خد سلمى والبنات فى عربيته وراح علشان يوصل رغد واختها .. وكانوا طول الطريق نفسهم يعرفوا ايه بالضبط اللى حصل ومين فهد ده .
بس عادل كانت دماغه كلها فى صاحبه وصديق طفولته وعمره فارس .. ولانه اول مرة يشوفه بالمنظر ده .. ولانه كمان عارف كره فارس لفهد الجبالى اد ايه .
وطول الطريق حاول يتصل عليه بس للاسف فارس مش بيرد على الموبيل خالص .

سلمى .. مين ده يا عادل .. وايه اللى بينه وبين فارس بالضبط .
عادل .. مش وقته خالص يا سلمى .. ده موضوع كبير ومن زمان اوى بينهم .. بعدين اقولك .. المهم دلوقتى فارس .. انا هاوصلكم واحاول اوصله واشوف هو فين واروحله علشان اكون معاه فى الموقف ده .
سلمى بصت لرغد اللى كانت ساكته خالص بس كانت بتابع كل اللى بيحصل حاوليها ومن حاله عادل وتوتره ما نطقتش ولا كلمه .
وفى عربيه فارس اللى كان سايق زى الصاروخ ومش هامه السرعه الجنونيه اللى كان ماشى عليها .. موبيله كان عمال بيرن من همس ومن عادل .. وهو كان فى عالم تانى خالص ورجع بالذاكرة لورا من اول مره سمع فيها عن فهد الجبالى وعن شغله المشبوه ومحاولاته اكتر من مره انه يوقع ابوا فارس وفارس ويخلص عليهم علشان يستولى هو على السووووق كله .

وعن صندوق المخدرات اللى حطه فى الشحنه اللى كانت جايه من بره باسم ابوا فارس للشركه وفهد بلغ عليها واتقبض على ابوا فارس واتحقق معاه وفضل حوالى اسبوع محبوس لحد ما المحامى قدر يخرجه بعد اجراء تحاليل وثبت ان المخدرات دى بودرة اطفال .
وافظع حاجه افتكرها.. لما اكتشف فارس ان فهد الجبالى كان السبب الرئيسى فى موت اخوه الوحيد اسلام .. اللى كان اكبر منه بخمس سنين وهو كان دراع ابوه اليمين فى الشغل .. لان فارس كان ساعتها بيدرس فى الجامعه .. وللاسف مفيش اى دليل يثبت ان فهد له علاقه بموت اسلام .. بس كل اصابع الاتهام كانت عليه هو لانه عدوهم الوحيد فى السوق .

وعدت السنين و بسبب ذكاءه ودهاءه وشاطرته قدر انه يوصل فارس ويكون فارس الحسن وريث شركات الحسن .
وقلب الصوره واصبح هو الشبح بالنسبه لفهد اللى بيهدد دايما شغله ومجموعه شركاته .
وكان دايما فارس يشوف صوره ولقاءاته التلفزيونيه لكن دى كانت اول مرة يتواجهوا مع بعض .
فارس فضل راكب عربيته ومش عارف هو رايح فين ولا راح لفين .. ووصل اودام كافيه صغير على النيل وركن عربيته ونزل ودخل الكافيه .
عدى اكتر من حوالى ساعتين وكل ده وهمس بتحاول انها تتصل على فارس .. اللى كان قاعد كل الوقت ده فى الكافيه وشرب اكتر من اربع فناجين قهوة .
لحد ما قرر انه يرد عليها ويشوف هى عاوزة ايه .

فارس من غير اى مقدمات ... نعم عاوزة ايه ؟
همس .. اخيرا يا فارس رديت .. وانا كل ده بحاول انى اطمن عليك .
فارس .. وتطمنى عليا ليه يا همس .
همس .. فى ايه يا فارس .. مالك بتكلمنى كده ليه .
فارس .. عاوزة منى ايه يا همس .
همس ... عاوزة اطمن عليك .. واعتذرلك مرة تانيه على اللى حصل فى الحفله.
فارس برخامه .. خلصتى كلامك .
همس بتعجب ! اه يا فارس .

فارس .. طب سلام .. وقفل الموبيل على طول من غير حتى ما يديها فرصه انها ترد عليه .
همس قفلت الموبيل واتخنقت بالعياط واستغربت جدا من تغير طريقه فارس ليها وحست ان فيه حاجه كبيره بينه وبين فهد ده .. وفضلت تعيط اوى لحد ما تعبت من كتر العياط وراحت فى النوم .
فارس فضل قاعد لوحده تانى لحد ما عادل رن عليه وسأله على مكانه وراح قعد معاه شويه وشرب معاه قهوة .
عادل .. فى ايه يا صاحبى .. ايه اللى وصلك لكده .. كل ده علشان شوفت الزفت فهد ده .
فارس .. يعنى مش عارف مين هو فهد الجبالى يا عادل وعمل لعيلتى ايه .

عادل .. عارف يا ابنى .. بس مكنش ليه لازمه تنسحب من اودامه كده .. وتخلى الساحه ليه .. انت كنت ضيف زيك زيه بالضبط .
فارس .. مقدرتش اتحكم فى نفسى يا عادل لما شوفته اودامى .. والذكريات كلها بقت اودام عيونى .. وبالذات لما شوفته بيعامل همس ازاى .
عادل باستغراب .. اوووووباااا همس .
فارس .. والله هى مش نقصاك .. ولا ناقصه رخامتك يا عادل دلوقتى .

عادل .. لا انا مش متحرك من هنا لما تقولى فيه ايه بالضبط وحكايتك ايه مع همس .. انت مش على بعضك من ساعه ما شوفتها. فى ايه يا صاحبى بالضبط احكيلى.
فارس ... مش وقته يا زفت انت انا فى ايه ولا ايه .. ويالا بينا علشان نمشى .ورانا شغل كتير الصبح .
عادل .. ماشى يا معلم .. لينا قاعده تانى وتحكيلى على كل حاجه انا مش هاضغط عليك .
وقاموا و حاسب فارس على القهوة وخرج هو وعادل و راح على عربيته ورجع على فيلته وطلع على اوضته .

قلع بدلته ودخل خد شور وهو تحت الدوش الساقع واقف و فضل يفتكر كل اللى حصل فى الحفله لحد ما همس كلمته وعرف اد ايه هو كان رخم معاها وهى اكيد ملهاش ذنب لكل اللى بينه وبين فهد .. وقرر ان اول لما النهار هايطلع هايتصل بيها ويعتذر لها .. وبعد شويه خرج وكان لابس تيشيرت كت وشورت ودخل البلكونه وفضل قاعد فيها لحد ما راح فى النوم وهو قاعد لحد الشمس ما طلعت عليه .

همس كانت قامت من بدرى علشان تروح على شغلها .. وفعلا كانت خلصت لبسها وخدت شنتطها ومفاتيح العربيه ونزلت على تحت .
اول لما نزلت كانت مامتها على السفرة هى وباباها بيفطروا فراحت وسلمت عليهم .
الام .. اهلا يا حبيبه قلبى .. اقعدى افطرى معانا .
همس .. ماليش نفس يا ماما .. هابقى اخد اى حاجه فى الشغل .
الاب ... تعرفى فارس ده من امتى يا همس وايه علاقتك بيه بالضبط .

همس لباباها .. فارس صديقى يا بابا واتعرفت عليه من فتره صغيره .
الاب .. ياريت تقطعى علاقتك بيه يا همس ومتعرفهوش تانى .
همس باستغراب من كلام ابوها .. ليه يا بابا بتقول كده ومن امتى انت بتدخل فى صحابى واصدقائى .
رضوان .. هى كلمه يا همس ومش هاعيدها تانى .. فارس اكبر عدو لفهد بيه فى السوق .. وانا مش عاوز اخسر فهد الجبالى علشان استاذ فارس ده .. فهد الجبالى اكبر زبوووون فى المكتب عندى واعرفه من سنين طويله .

همس .. وانا مالى ومال فهد ده .. ده انسان قليل الذوق وانا لولا حضرتك امبارح كان هايبقى ليا معاه تصرف تانى خالص .. عن اذنكم .. انا لازم اروح على الشغل دلوقتى .. واعتبرنى ما سمعتش حاجه يا بابا علشان فارس الحسن ده صديقى ومش هابعد عنه علشان فهد الجبالى ده .. سلاااااام .
الاب ... طول عمرك دماغك ناشفه يا همس .. وتعبتينى معاكى .. انا مش اد فهد الجبالى .
كل ده وهمس كانت خرجت على بره وركبت عربيتها وراحت على المطار ...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وصلت همس اودام باب المطار وركنت عربيتها ويادوبك لسه هاتنزل شافت اللى واقف اودامها .
فلاش باااااك
فهد ... عاوزك تجبلى كل حاجه عنها

بتروح فين ؟ وبتاكل ايه ؟وتشرب ايه ؟ وبتحب ايه؟ وتكره ايه ؟ كل ثانيه بتقضيها فى حياتها بتعمل فيها ايه .
وبالخصوص تعرف ايه علاقتها بالضبط بفارس الحسن .. وهو ايه علاقته بيها ويعرفوا بعض من امتى .
كل ده عاوز اعرفه قبل ما يطلع النهار ..

انت فااااهم يا بلال .. ولا اشوف حد غيرك من الرجاله .
بلال .. بس يا فهد بيه مش شايف حضرتك ان مفيش وقت لده كله .. ده كلها كام ساعه والنهار هايطلع .
فهد بغضب ... نفذ اللى قولت عليه بالحرف الواحد يا بلال .. انت فاااااهم .
بلال بخوف .. انا تحت امرك يا فهد باشا .. وكل اللى سياتك امرت بيه هايتنفذ ويكون عند حضرتك قبل ما النهار يطلع .

باااااااك .
فهد كان وصل للمطار قبل ما همس توصل .. بعد ما بلغه بلال بكل تحركاتها وكل الاسئله اللى فهد كان عاوز يعرف اجابتها .. ومواعيد شغلها وكل حاجه عنها .. علشان كده قرر انه يروح لها المطار ويفاجأها .
همس اتصدمت اول لما شافته .. واستغربت جدا انه واقف اودامها .
بس بينها وبين نفسها قررت انها تمشى من غير حتى ما تسلم عليه .. لانها مش مستريحاله خالص وبالذات لنظراته الشهوانيه ليها طول الحفله . وفعلا مشيت ودخلت على طول على جوا .

فهد الحركه دى عجبته اكتر .. وشدته ليها اكتر .. وقال .. هاتروحى منى فين يا حلوة وللاسف دخل وراها وسال على مكتبها .
فارس كل ده وكان نايم فى البلكونه ... واتفاجاه بوالدته وهى بتصحيه .. اللى استغربت جدا انه نايم بالمنظر ده .
الام ... صباح الخير يا ابنى .
ايه يا فارس اللى منومك كده يا حبيبى.. معقول طول الليل وانت نايم هنا كده .
فارس بصوت كله نعاس .. صباح الخير يا ست الكل ... لا ابدا اصل انا رجعت متاخر بالليل وفضلت سهران هنا والظاهر راحت عليا نومه وانا قاعد .
الام ... ماشى يا حبيبى .. فوق كده وخدلك دوش عقبال ما اخلى الشغالين يجهزوا الفطار واشوف باباك لبس ولا لسه .

فارس .. حاضر يا امى .. هاخلص وانزل على طول .. بس معلش ما تعمليش حسابى فى الفطار ماليش نفس .
الام ... ليه بس يا فارس .. انت مش عجبنى خالص الايام دى .. على طول سرحان كده ومش على بعضك بقالك فترة .
فارس .. ابدا مفيش حاجه .. الشغل كتير الايام دى فى الشركه بسبب المناقصه الجديده .. وزى ما انتى عارفه انا اللى شايل الحمل كله لوحدى .
الام .. ربنا يعينك يا حبيبى .. يالا قوم اتشطف وانا هانزل على تحت واشوف باباك .

فارس ... ماشى .
وفعلا قام فارس ومسك موبيله على امل ان همس تكون كلمته .. بس ملقاش حاجه . و افتكر انه كان رخم اوى معاها اخر مرة .. واستحاله انها هاتسامحه .. فمسك الموبيل ورماه على السرير .
دخل على الحمام وخد شور سريع ولبس قميص لبنى وبنطلون جينز وخد مفاتيح عربيته وموبيله ونزل على تحت .
وفى المطار
فهد كان وصل لمكتب همس وطلب من بلال والبودى جارد انهم يستنوه بره .

ومن غير استئذان فتح الباب ودخل على طول .. وده اللى خلى البنات .. همس وسلمى يتفاجؤا بيه اودامهم .
همس بغضب ... ايه ده .. انت ازاى تدخل كده من غير استئذان ؟
فهد بكل برود قااال .. استئذان .. و بضحكه كلها سخريه ونظرات شهوة لهمس قاااال ... انا فهد الجبالى .. ومفيش حاجه تقف اودامى .. ومفيش حاجه اسمها استئذان عندى ياااااا قطه .
همس بغضب ... لو سمحت اطلع بره .. بدل ما انده الامن يطلعوك بره .
وكل ده وسلمى واقفه مرعوبه من منظره وطريقه كلامه .

فهد بضحكه عاليه جدا شد كرسى وقعد وحط رجل على رجل وولع السيجار بتاعه وقال .. وانا اهو اودامك .. واعملى اللى انتى عوزاه يا حلوة .
همس .. لو سمحت ارجوك اطلع بره .. هاتصل بى بابا واقوله على كل اللى حضرتك بتعمله ده .
فهد ... اتصلى يا قطه وانا قاعد مستنى رضوان لما اشوف هايعمل معايا ايه .
همس .. لاااااا انت الظاهر عليك مجنون .. انت عاوز منى ايه .. انا هاطلب الامن هنا فورا.
فهد قام وقف وقرب منها جدا .. جدا .. وانفاسه كانت فى وش همس على طول وقال .. عاوزك انتى يا حلوة .
ولف نفسه ليها وسابها مصدومه من كلامه هى وسلمى .. وفتح الباب ومشى .

سلمى بكل خوف وتوتر ... ايه الراجل ده يا همس.. وعاوز منك ايه بالضبط .. انا شويه كمان وكنت هاعملها على نفسى من كتر خوفى منه ومن منظره ونظراته الزباله ليكى .. انتى لازم توقفيه عند حده واحكى لباباكى كل اللى هو عمله وقاله ده .
همس كانت لسه مش مستوعبه اللى حصل واللى فهد قاله .. لحد ما فاقت على صوت سلمى وهى بتفوقها من اللى هى كانت فيه وسرحانها فى الكلام اللى حصل .
همس .. انتى بتقولى حاجه يا سلمى .

سلمى .. نعم .. انتى روحتى فين.. وانا عماله اكلمك .. الراجل ده اكيد مجنون وعاوز حد يوقفه عند حده .. ولازم تقولى لابوكى كل اللى حصل .. وبالذات كلمه .. انا عاوزك دى .
همس ... انا هاقدر اوقفه عند حده .. هو فاكر نفسه مين بالضبط.. اذا كان هو فهد الجبالى .. انا بكون همس رضوان .
سلمى .. انتى مش اد الاشكال دى يا همس .. الراجل ده اكيد مجنون .. وشكل كلامه وطريقته ونظراته ليكى تخوف .. انا خايفه عليكى يا حبيبتى .
همس .. متخافيش عليا يا سلمى انا ادها وادود . واهم حاجه متجبيش سيره اودام عادل ولا فارس بالذات .. مش عاوزة اسبب ليهم اى مشكله واديكى شوفتى فارس كان عامل اذاى امبارح اول لما شاف فهد فى الحفله .

سلمى . عندك حق يا همس .. بس اكيد فيه حاجه غريبه بين فهد وبين فارس .. وهى اللى وصلت فارس لكده امبارح اول لما شاف فهد ده فى الحفله .
همس .. اقولك على حاجه بس متجبيش سيره لحد .
سلمى .. قولى .
همس .. احلفى انا عرفاكى وعارفه لسانك مش بيتبل فيه فوله .
سلمى .. لا المرة دى مش هاقول لحد صدقينى .
همس .. انا كلمت فارس امبارح علشان اعتذرله على اللى حصل فى الحفله واطمن عليه . بعد ما رنيت كذا مرة وهو مش بيرد عليا .. وفى الاخر رد .. وكان بيكلمنى بطريقه وحشه جدا وكانت دى اول مرة بيكلمنى بالمنظر ده .
سلمى اول مرة ! هو انتم بتتكلموا على طول ولا ايه يا حلوة من ورايا .
همس بخجل يعنى مش دايما وبعدين هابقى احكيلك على كل حاجه .. خلينا بس فى الزفت اللى اسمه فهد ده .. وقوليلى اهبب معاه ايه .
سلمى ... وحياتك يا اختى مش عارفه .. بس بينى وبينك كده انا قلقانه من حاجه وخايفه لا يحطك فى دماغه ويكون عاوز منك حاجه كده ولا كده .. لان نظراته ليكى مش مريحه وزباله جدا .
همس بخوف اكتر .. انتى تقصدى ايه يعنى .
سلمى .. مش عارفه والله يا همس .. هو ده اللى حسيته من شكله ومنظره ليكى .. الراجل ده شكله كده عاوزك .
همس بخوف وتوتر اكتر .. يعنى ايه عاوزك دى .. ما تنطقى يا سلمى متوقعيش قلبى .
سلمى ... شكله معجب بيكى اوى وعاوزك ليه . وبصراحه كده عاوز قله ادب
همس ... عاااااااااااااااااااااا

سلمى .. اهدى يا بت انتى هاتفضحينا فى الشغل والمطار كله هنلاقيه هنا دلوقتى فى المكتب .
وفجاه دخلت رغد اللى كانت لسه يا دوبك جايه من البيت وبتستعد للرحله اللى هاتروحها لباريس .
بس استغربت من منظر سلمى وهمس اللى بيقول ان فى حاجه حصلت تانى غير موضوع حفله امبارح .
رغد ... صباح الخير يا بنات .. خير مالكم عاملين كده ليه .

سلمى بابتسامه مزيفه حاولت تخبى توترها .. صباح النور يا ستى .. مفيش حاجه يا رغد هايكون فى ايه يعنى غير الموضوع بتاع الحفله امبارح .. ده انا لسه كنت بتكلم فيه انا وهمس .. مش كده يا همس .
همس بحزن .. كده يا سلمى .. عن اذنكم هاروح اشوف ميعاد الرحله بتاعه بكره امتى ونتكلم بعدين .
ولسه يا دوبك خارجه من باب المكتب كان شريف وصل هو كمان علشان كان طالع على رحله لندن اللى هاتقوم كمان نصف ساعه وفرح اوى انه شاف همس .

شريف ... اهلا
ازيك يا همس اخبارك ايه ؟
همس .. الحمد لله يا شريف بعد اذنك .. ومشيت وسابته .
شريف استغرب جدا من همس ومن شكلها .. ودخل على جوا .
سلمى اول لما شافت شريف خدت نفس كبير وفرحت جدا انه وصل .
شريف .. ازيكم يا بنات .. مالها همس .. هو فى حاجه ولا ايه .. خارجه بسرعه وشكلها مدايق من حاجه .

سلمى غمذت لرغد بعنيها وقالت .. ابدا يا شريف هايكون فى ايه يعنى .. هى تلاقيها تعبانه من حفله امبارح .. واكيد ملحقتش تستريح ونام .. وانت عارف ان الاجازات ممنوعه عندنا الايام دى علشان ده موسم للرحلات .
شريف ... ايوا فعلا . بس لو كانت طلبت اجازة كنت انا كلمتلها المدير انتم عارفين انه صديق والدى .

سلمى .. لاااا على ايه بس .. هى شويه كده وهاتكون كويسه من اللى هى فيه .. انت اخبارك ايه .. وعرفت انى هاكون معاك على رحله ايطاليا انا ورغد الاسبوع الجاى .
شريف .. اه عرفت دلوقتى وانا فى مكتب المدير .. بس كان نفسى اطلع على رحله نيويورك مع همس .. بس قالى ان احمد هو اللى هايطلع هو ومريم وهمس .
سلمى بحزن ووجع فى قلبها ومالها ايطاليا يعنى يا استاذ شريف ؟
شريف ... ابدا مفيش بس بقالى كتير جدا مطلعتش مع همس على نفس الرحله .

فارس كان ركب عربيته ووصل للشركه والكل كان بيرحب بيه .. وهو يا دوبك بيبتسم ابتسامه بسيطه وبنظره بعيونه كانت بتكفى للرد عليهم .
وصل مكتبه ودخل واول لما قعد طلب من السكرتيرة انها تعمله فنجان قهوة كبير .
مسك فارس موبيله وطلب رقم همس .. وفصل يرن كتير بس هى مش بترد .
همس كانت فى مكتب المدير وكانت سايبه الموبيل فى شنتطها فى المكتب التانى .. وما عرفتش ان فارس فضل يرن عليها اكتر من عشر مرات علشان يعتذر لها عن طريقه كلامه ليها باليل .

فضل ينفخ اد كده من كتر غيظه علشان مش بترد عليه . ومسك الموبيل ورزعه على المكتب .
ورجع مسكه تانى بعد ما قرر انه يبعت لها رساله وقال فيها ؟
( صباح الخير
انا عارف انك زعلانه منى .. وحبيت اعتذرلك عن طريقه كلامى معاكى امبارح . وياريت تسامحينى .. وتسمحيلى انى اقعد فى اى مكان انا وانتى وافهمك على كل حاجه .. لو سمحتى يا همسى ).

الباب اتفتح فجاه ودخل عادل عليه وشافه بالمنظر ده وتوقع ان منظره كده من اللى حصل امبارح .
عادل .. يا فتاح يا عليم .. مالك يا صاحبى شايل طاجن ستك كده ليه على الصبح؟
فارس ... بقولك ايه انا مش فايقلك على الصبح وعفاريت الدنيا كلها بتتنطت اودامى . سيبنى لوحدى وروح على مكتبك دلوقتى يا عادل .
عادل .. فى ايه طيب احكيلى .

فارس .. قولتلك مش وقته .. واتفضل دلوقتى .
عادل ما حبش يتقل عليه لانه اكتر واحد عارف فارس لما يكون زعلان ومدايق من حاجه مش بيحب يحكى . فخد بعضه وخرج من مكتب فارس وراح على مكتبه .
همس كانت وصلت لمكتبها ورغد بلغتها ان الموبيل كان بيرن كتير جدا .
فامسكت شنتطها وطلعت الموبيل .. وعرفت ان فارس رن اكتر من عشر مرات وشافت فى رساله كمان منه .
فافتحتها وقرتها وفرحت اوى اوى انه حاول يصالحها .

رغد .. خير يا همس فى حاجه ولا ايه .
همس .. لا ابدا مفيش .. هى سلمى راحت فين ؟
رغد .. دخلت الحمام من شويه .. وانا هاوصل لحد المدير لما اشوف نظام الرحلات ايه الاسبوع الجاى .
همس تمام .. واستنت لما رغد خرجت من المكتب وقفلت وراها الباب ومسكت الموبيل واتصلت على فاااااارس .
فارس كان عصبى اوى .. وكان رايح جاى فى المكتب مستنى رد همس على رسالته وفجاه سمع الموبيل بيرن فجرى بسرعه ناحيه المكتب ومسك الموبيل وفرح جدا اول لما شاف اسم همس على شاشه الموبيل .

فارس بلهفه ... الوووووو
همس برقه ... صباح الخير يا فارس .
فارس ... صباح الفل يا عيون فارس .
همس بخجل ... احم . احم انا زعلانه منك ومكنتش هارد عليك ولا كنت هاكلمك تانى .. بس حبيت اعرفك ان الموبيل كان فى الشنطه وانا كنت عند المدير وسايبه الشنطه على مكتبى .. علشان تعرف بس انى مش قليله الذوق .

فارس .. ومين قال كده بس .. انا الصراحه زعلت جدا لما مردتيش عليا واتاكدت انك زعلانه من طريقتى معاكى امبارح .. وحبيت اقولك انى اسف .. وياريت تقبلى اننا نتقابل النهارده على العشاء .. اكون سعيد جدا . وبالمرة عاوز احكيلك واقولك حاجات كتيييير اوى يا همس .
همس معرفتش تقول ايه وكانت متردده توافق ولا لا على موضوع العشاء ده وسكتت .
فارس لاحظ سكوتها فقال .. همس لو سمحتى وافقى انا محتاجك اوى اوى يا همس . محتاج احكيلك واقولك على حاجات كتير جوايا .
همس قلبها رق ليه وقالت .. انا موافقه يا فارس .

فارس مكنش مصدق اللى همس قالته ... بجد يا همس موافقه .
همس .. بجد يا فارس .
فارس ... يااااااااه قلب فارس وعيون فارس يا همس .
همس بكسوف .. سلام بقى علشان ورايا شغل كتير قبل رحله بكرة.
فارس ... لاااا استنى .. اعدى عليكى فى الفيلا الساعه سبعه .

همس ... لاااا لااا ابعتلى الابلكيشن وانا اجيلك على هناك .
فارس .. تمام اتفقنا .. سلام يا عمرى .
همس .. سلام يا ... ؟
فارس .. قولى يا همس .
همس .. سلام يا فاااارس.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
قفلت همس الموبيل وابتسمت ابتسامه طويله اوى وحست بدقات قلبها سريعه جدا وكلامها مع فارس نساها كل اللى حصل معاها من ساعه ما وصلت للمطار .. وكان عندها احساس حلو اوى بس هى مش قادرة تفسره .

دخلت سلمى وشافت همس بالمنظر ده والابتسامه اللى على وشها .. فقربت منها وفضلت تبصلها وهى مبتسمه هى كمان .
سلمى... نحن هنا.. ايه اللى شقلب حالك يا همووووس . وكنتى بتكلمى مين اعترفى .
همس خدت تنهيده طويله وابتسمت لسلمى وقالت .. وانتى مالك يا رخمه.. خضتينى.. اااااااه على العموم كنت بكلم فارس لانه اتصل بيا وعزمنى كمان على العشاء النهارده ايه رايك .

سلمى ... اوووووبا شكله حصل يا هموووس واخيرا هافرح بيكى قريب .
همس باستغراب .. بصت لها اوى وقالت قصدك ايه وهو ايه اللى حصل يا فيلسوفه عصرك .
سلمى .. اطلعى منهم يا بت انتى .. شكلك واقعه لشوشتك فى الحب انتى وفارس .. والصراحه انتم الاتنين لايقين على بعض جدا جدا .
وشكلكم حبيتوا بعض من اول نظره .

همس ... بجد يا سلمى .. انتى شايفه انه بيحبنى وممكن يعترفلى بحبه ده النهارده لما نتقابل على العشاء .
سلمى .. شووووور . هو اكيد طلب منك انه يقابلك علشان يعترف بحبه ليكى .
بس قوليلى بجد .. انتى كمان بتحبيه ولا لسه مجرد اعجاب ؟ اعترفى ؟

همس .. الصراحه يا سلمى مش هاخبى عليكى .. انا معجبه بي وبشخصيته وبأسلوبه وشايفه فيه كل حاجه كنت بتمناها فى فارس احلامى .. انا مش عارفه ازاى وامتى حسيت بكده .. بس الصراحه بحب اوى انه يكلمنى وبحب اكتر اشوفه معايا وقريب منى .. بحس وهو بعيد عنى ان فيه حاجه نقصانى .
سلمى .. هو ده الحب يا همس .. كل اللى انتى فيه ده دليل على انك بتحبى فارس .. واحساسى كده مش هايكون حب وبس لااااااا
شكله كده هايبقى عشقك كمان يا همس .

همس بتكلم نفسها وقالت ؟
فارس عشقى
سلمى .. ايه روحتى فين وبتكلمى مين .. اوعى تكونى بتكلمى نفسك يا صاحبتى .. لااااااا انتى خلاص حبك لفارس هايجننك .
همس ... بس انا خايفه من حاجه ؟
سلمى بتعجب ! من ايه يا همس .. اوعى تقوليلى من الزفت اللى اسمه فهد الجبالى ده .
اوعى تجيبيلى سيرته .. انا بتوتر من مجرد انى اسمع اسمه .
همس بحزن ... فعلا يا سلمى انا خايفه منه .

سلمى .. انتى لازم تحكى لباباكى اول ما ترجعى على الفيلا وتقوليله على كل حاجه حصلت منه .
همس .. هو ده اللى هايحصل .. بس سيبك منه .. قوليلى البس ايه باليل لما اقابل فارس .
سلمى .. نقى فستان حلو كده من بتوعك ويكون اول مرة تلبسيه وخليكى زى القمر كده.. مع انك دايما زى القمر يا حبيبتى .
همس .. ان شاء الله . ربنا يخليكى ليا يا سلمى من غير مش عارفه كنت هاحكى لمين عن الموضوع ده .
سلمى .. اياك يطمر فى جتتك يا همس وادعيلى انا كمان اللى بحبه يحس بيا بقى علشان خلاص فاض بيا وفاضلى تكه وانا اللى هاعترفله بحبى .
همس ... ان شاء الله يا حبيبتى .. هو هيلاقى احسن من الموززززه دى فين .

عدى الوقت بسرعه وفارس كان رجع من الشركه وبدا يجهز نفسه لمقابله همس .
ودخل اوضته بعد ما اتغدى مع مامته وباباه .. وفضل يتكلم معاهم شويه .. ويحكى لباباه على كل التفاصيل الجديده بالنسبه للمناقصه .
الام كانت واخده بالها اوى من الفرحه اللى جوه عيون فارس واللى اتغيرت عن لما شافته الصبح وكانت عيونه حزينه .. وحست من قلبها ان فارس بدا يحب .
وكل علامات الحب ظاهره عليه . وده شىء فرحها اوى .. لانها كانت دايما نفسها انه يحب ويتجوز وتشوف اولاده .. لان فارس هو ابنها الوحيد بعد وفاه ابنها الكبير على ايد فهد الجبالى .

استأذن فارس وطلع على اوضته ومسك موبيله واتصل بالمطعم يأكد الحجز اللى طلبه منهم .. وبعت الابلكيشن بتاع المطعم لهمس . وبعدها دخل خد شور وخرج بعدها وفضل واقف اودام دولابه علشان يختار احلى بدله عنده علشان يلبسها .
همس كانت فى اوضتها .. ونفس اللى فارس كان بيعمله هى كمان كانت بتعمله .. بعد ما خرجت من الحمام .. وقفت وبدات تسرح شعرها وحطت مكياج خفيف .. وقربت من دولاب لبسها وفضلت محتاره تلبس ايه وتختار انهى فستان علشان تلبسه .
وفى الاخر استقرت على فستان احمر روعه ورقيق زيها بالضبط .. وكانت اشترته وهى فى رحله ايطاليا اخر مرة وكانت لسه ملبستهوش .
وشالته من الشماعه ولبسته ولبست سلسله رقيقه جدا . وظبطت مكياجها تانى وسيبت شعرها.

وبعد ما خلصت مسكت الموبيل وكانت الساعه حوالى سبعه الا ربع وعرفت موقع المطعم .. فخدت شنطتها ومفاتيح العربيه ونزلت على تحت .
وهى نازله قابلها باباها وسلم عليها .
الاب ... ايه الحلاوة دى؟ راحه على فين يا حبيبتى .
همس .. ابدا يا بابا .. هاتعشى انا وصحابى مع بعض قبل رحله بكره علشان هافضل فيها تلت ايام .
الاب .. ماشى يا حبيبتى عاوزة حاجه .
همس .. ميرسى يا بابا .

الاب .. ماتتأخريش بقى علشان جايلنا ضيوف على العشاء .
همس .. يا بابا بقول لحضرتك انا هاتعشى انا وصحابى تقولى ماتتاخريش علشان جايلنا ضيوف .. اتعشوا انتم . وبعدين مين يعنى اللى جاى .
الاب .. فهد الجبالى طلب انه يجى ويتعشى معانا .
همس باستغراب .. يعنى ايه طلب !
الاب .. فى ايه يا همس وماله مش صديقى .
همس بغضب واضح .. سلام يا بابا سلاااااااااام .

ونزلت همس وسابت ابوها مستغرب لطريقه كلام همس معاه وكرهها لفهد الجبالى بالمنظر ده .
ركبت همس عربيتها وراحت على المكان اللى بعته ليها فارس .. وبعد شويه كانت وصلت وركنت العربيه وخدت شنتطها ونزلت .
فارس كان وصل قبلها وكان قاعد على التربيزه اللى كلها شموع وورد .
همس دخلت من باب المطعم . واتفاجأت ان المكان كله فاضى .. ومفيش حد خالص غير فارس اللى كان زى القمر ببدلته .
والمكان كله كان شمووووووع ووورد كتير وفرقه موسيقيه بتعزف موسيقى رومانسيه هاديه .
قام فارس وقرب من همس ومد ايده ليها علشان يسلم عليها .
همس مدت اديها ليه .. وده اللى خلى فارس يمسك اديها ويبوسها .
فارس بحب ... وحشتينى.

همس وشها احمر اوى وبقى زى الفرولايه من خجلها .
قرب فارس منها وسحب كرسى علشان همس تقعد .. وبعدها قعد هو كمان .
فارس كان عيونه فى عيونها ومش عاوز يشيلها من عليها وقال .. انا حاسس انى بحلم .
همس بخجل وابتسامه رقيقه .. لا يا استاذ انت صاحى ومش بتحلم .
فارس بدون اى مقدمات وابتسامه رومانسيه قال ... همس انااااااا ...

بحبك وعاوز اتجوزك

مش عارف امتى وازى .. كل اللى عاوزك تعرفيه انى مش بحبك بس .. انا بعشقك يا همس .. ويارب تكونى بتحبينى زى ما انا بحبك .
همس دقات قلبها كانت سريعه اوى ومش قادرة تقول اى حاجه .. واتفاجات ان فارس اعترف لها بحبه كده على طول .
فارس .. قوليها يا همس .. عاوز اسمعها منك .
همس حاولت تجمع نفسها وقالت ... وانا كمان يا فاااارس ...
فارس ... قوليها يااااا همس .
همس غمضت عيونها وقالت

بحبك يا فارس

فارس .. ياااااااه يا همس .. انا فعلا بحلم .. ومش مصدق انك معايا وبتقولى كلمه بحبك .. كان نفسى اسمعها اوى اوى منك .
همس ... هى دى الحقيقه يا فارس.
فارس .. روح قلب فارس .. وعقل فارس .. انا اسعد انسان النهارده .. ويارب نفضل كده دايما نحب بعض ونكون مع بعض طوووول العمر يا قلبى .
همس ... يارب يا حبيبى .. ومهما يحصل اوعى تبعد عنى يا فارس .
فارس .. عمرى ما هابعد عنك ابدا يا روح قلب فارس .. عمرى ما هاقدر ابعد عنك وعن حبك اللى بقى بيجرى فى دمى .
همس ... وانا كمان يا حبيبى .

قضوا السهرة كلها مع بعض وفضلوا يتكلموا كتير بعد العشاء .
عن كل شىء يخصهم هما الاتنين .
وعن ماضى فارس وكرهه لفهد الجبالى .. وحكى كل حاجه ليها .. وعن موت اخوه .. وشكه فى فهد الجبالى .
همس ... يااااااه يا فارس .. ده فعلا طلع انسان معندوش رحمه ابدا .. وانتم ازاى سكتوا على حاجه زى كده .. بدام شاكين انه هو السبب فى موت اخوك الله يرحمه .
فارس .. احنا ما سكتناش يا همس .. وبلغنا عنه وطبعا مفيش اى دليل او اثبات عليه .. وطلع منها زى الشعره .. ووالدتى فضلت بعدها كذا شهر تعبانه وحالتها كانت بتتدهور .. لحد ما ربنا شفاها .. وحاولنا اننا ما نجبش سيرة خالص عن الموضوع ده اودمها .

همس .. الله يكون فى عونها .
فارس .. انا اسف انى حكتلك على كل الكلام ده .. بس كان لازم احكيلك عن سبب كرهى لفهد وعن اللى حصل امبارح لما شوفته فى الحفله .. وكل اللى عاوزك تعرفيه .. انى بحبك وبعشك يا همس .
همس .. وانا كمان يا فارس بحبك .
فارس قرب منها ومسك اديها وباسها .. واستاذن انه يروح للفرقه الموسيقيه .
فارس .. قام وقرب من الفرقه الموسيقيه وطلب منهم موسيقى معينه علشان يرقصوا عليها هو وهمس .
وبعدها رجع لهمس ومسك اديها وراحوا يرقصوا مع بعض .

لف ايده على وسطها وقرب منها اوى اوى .. وهى رفعت اديها على كتفه وبدؤا يرقصوا على الموسيقى الهاديه .. وكانت همس حاسه بانفاسه السخنه على وشها .. وفارس كان حاسس بدقات قلبها اللى على صدره .
فضمها اكتر وعيونه جت فى عيونها وقرب من شفايفها اكتر واكتر وبشويش غرق فى كل ذره فيهم .
بمنتهى الرقه والشوق واللهفه .. وهى بادلته نفس المشاعر .

( نسيبهم بقى مع بعض علشان كده ما يصحش ودى خصوصيات ناااااس )
عادل كان سهران بيخلص بعض الملفات اللى طلبها منه فارس انه يخلصها على طول .
فقربت منه سلمى وحاولت تفتح معاه كلام .
سلمى .. قولى يا عادل .. فارس قالك حاجه عن همس .
عادل ... اشمعنى يعنى همس .. وبتسألى ليه يا شارلوك هولمز انتى .
سلمى بتضحك وقالت ... قولى بس والنبى يا عادل قالك اى حاجه عن همس .

عادل باستغراب .. انتى اكيد عارفه حاجه وحابه توقعينى فى الكلام .. بس من امتى فارس بيخبى عليا حاجه .. انتى عارفه انه بيحكيلى على كل حاجه يا هانم .
سلمى وقعت بلسانها وقالت . .. ما علشان كده قولت اسألك واكيد فارس قالك انه بيحب همس وزمانهم سهرانين مع بعض بيتعشوا دلوقتى .
عادل ... بقى كده .. من غير ما يقولى الواطى .

سلمى ايه ده .. يعنى انت مكنتش عارف ووقعتنى فى الكلام ..اخص عليك يا عادل والله ما هاقولك على حاجه تانى ابدا .
عادل بضحكه طويله هههههههه ... يالا يا هبله. يالى عامله نفسك ناصحه .
سلمى .. طب والنبى يا عادل اوعى تجيب لفارس سيرة بدل ما يقول لهمس وهمس تزعل منى والنبى والنبى يا عادل .
عادل .. ماشى ماشى بس بشرط .
سلمى شرط ايه ده بقى ان شاء الله ؟

عادل .. روحى اعمليلى فنجان قهوة من ايدك علشان شكل السهرة هاتطول مع الملفات دى .. والبيه سهران بيحب طول الليل .. وصدق المثل .. اخويا هايص وانا لايص .
سلمى .. بس كده .. من عينى يا عادوله .
عادل بقرف ... من اديكى يا هبله انتى مش بعيونك .
سلمى ... ماشى يا اخ انت تؤمر .
فارس وهمس كانوا خلصوا سهرتهم .. وخرجوا وودعوا بعض ... وهمس قالتله انها عندها بكره رحله وهاتفضل تلت ايام فيها .
فارس ... معقوله يا همس مش هاقدر اشوفك تلت ايام .. ده انا هاتجنن علشان انتى ماشيه دلوقتى وهاتسبينى .. تقومى تقوليلى هاتسافرى تلت ايام .
همس برومانسيه ... معلش يا حبيبى .. انت عارف ظروف شغلى كويس .

فارس .. انتى قولتى ايه ؟
همس باستغراب ... ظروف شغلى !
فارس قرب منها اكتر واكتر وقال ... قبلها يا همس قبلها ؟
همس بخجل ... حبيبى
فارس قرب اوى من وشها ولسه كان عاوز يبوسها .. همس فتحت باب العربيه بسرعه ودخلت .
فارس عمل نفسه زعلان وقال .. بقى كده .. خلى بالك .. انا زعلان .. ولما فارس الحسن يزعل .. بصعوبه تقدرى تصالحيه الا بشروط .
همس ... شروط كمان .. وايه هى الشروط .

فارس بخباسه .. شروطى على الصلح .. هى البوس .
همس بخجل ... لااااااا مش موافقه ويالا سلام بقى علشان اتأخرت يا بتاع الشروط .
فارس .. بقى كده .. كده الحكم بيزيد والشروط بتزيد يا همس خلى بالك .. لما ترجعى من السفر هايبقى عليكى احكاااام كتير اوى ولازم تتنفذ .
همس ... وانا مش هانفذ حاجه .. وسلام بقى .

فارس .. لما نشووووف .. ويالا اطلعى بعربيتك وانا هافضل وراكى بعربيتى لحد ما توصلى للفيلا واطمن عليكى .
همس ... ملوش لزمه يا فارس .
فارس .. هششششش خالص .. قولت هاوصلك يعنى هاوصلك .
همس .. اللى تشوفه.
وفعلا طلعت همس بعربيتها وفضل فارس وراها بعربيته لحد ما وصلت لباب الفيلا .. ودخلت كمان على جوا .
فارس اول لما همس دخلت .. كان لسه هايقوم بعربيته .. بس لفت نظره عربيه سودا كبيره وواقف نفس البودى جارد بتوع فهد الجبالى .. حتى بلال دراعه اليمين كان واقف اودام العربيه .. وده اللى خلى فارس يتوقع ان فهد الجبالى جوا فى الفيلا عند همس .

همس دخلت .. وشافت الكل قاعد .. باباها ومامتها وكمان فهد الجبالى .
بس بسرعه ومن غير ولا كلمه .. عيونها جت على فهد .. وبكل استحقار بصتله وطلعت على فوق .
الاب بغضب ... هااااااااامس
همس قبل ما تطلع على السلم .. وقفت من غير ما تلف نفسها وقالت .. نعم .
الاب .. مش عيب تشوفى فهد بيه فى بيتك وماتسلميش عليه .. وبعدين انا بكلمك .. لفى نفسك وكلمينى .
فهد ... بشويش على همس يا رضوان بيه .. تلاقيها راجعه تعبانه من السهرة الحلوة اللى كانت فيها مع فارس الحسن .

همس اتفاجات من كلام فهد ولفت نفسها وقربت منه وقالت ... والله انا حرة .. ده شىء يخصنى .. وانت ملكش دعوة.. واسهر مع اى حد انت مالكش فيه .
الاب ... لاااا ليه فيه .. وانتى من امتى بتكدبى عليا .. وقولتيلى انك خارجه مع اصحابك .
فهد بضحكه عاليه .. خلاص يا رضوان .. سيب القطه تطلع وتستريح .. علشان وراها رحله طويله بكرة .
همس بغيظ .. انت مالكش دعوة بيا خالص انت فاااااااهم.
وسابتهم وطلعت بسرعه على اوضتها ودخلت وقفلت وراها بالمفتاح واترمت على سريرها وفضلت تعيط.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
دخلت همس اوضتها واترمت على سريرها وفضلت تعيط على اللى حصل معاها تحت .. مع باباها والحيوان اللى اسمه فهد الجبالى .. وجراءته معاها وتدخله فى حياتها الشخصيه بالمنظر والاسلوب ده .. وللاسف اودام باباها كمان .. وباباها اللى اول مرة يرفع صوته عليها وبالاسلوب ده وكمان اودام فهد الجبالى علشان يرضيه .

فضلت تعيط كتير لحد ما سمعت موبيلها بيرن . ومسحت دموعها وابتسمت لماعرفت ان فارس هو اللى بيرن عليها .
همس مسكت الموبيل وردت عليه بس صوتها كان بيدل ان فيه حاجه حصلت وانها كمان بتعيط .
همس بحزن ... الوووووو .
فارس باستغراب .. همس ! مالك يا حبيبتى فى ايه .. انتى بتعيطى ولا ايه .

همس حاولت تتمالك نفسها بس للاسف مش قادره وما صدقت انها اتفتحت اكتر من الاول فى العياط .. وده اللى خلى فارس يتجنن لمجرد بس انه بيسمعها بتعيط .
فارس .. اهدى طيب يا روحى وقوليلى فى ايه .. انتى كويسه وبابا وماما كويسين . ولا فى حاجه حصلت .

همس حاولت تمسح دموعها وتقول لفارس على اللى مزعلها .. بس قررت انها مش هاتقوله على السبب الرئيسى وهو فهد الجبالى لانها عارفه حساسيه الموضوع ده بالنسبه لفارس .. وهى مش عاوزة يحصل مشكله لفارس بسببها .. فافضلت انها تقول ان السبب ان باباها زعل منها انها اتأخرت فى الرجوع وحصل مشكله بينها وبينه .
فارس .. همس ارجوكى .. قوليلى الحقيقه .. انا مش صغير علشان اسمع الكلام الفارغ اللى انتى بتقوليه ده .. اكيد سبب زعلك هو فهد الجبالى صح ؟

همس بتعجب ! انت مين قالك وعرفت ازاى .
فارس .. انا شوفت عربيته والبودى جارد بتوعه لما وصلت اودام باب الفيلا بتاعتكم يا همس .
واكيد حصل حاجه بينك وبينه علشان كده انتى وصلتى للحاله دى .
همس بخوف على فارس ... لا ابدا يا فارس مفيش علاقه خالص بفهد الجبالى .. والحقيقه زى ما قولتلك بالضبط . ده انت خيالك واسع اوى .
فارس .. لا يا همس هى دى الحقيقه واكيد الحيوان ده رخم عليكى باى حاجه وانا هاعرفه شغله كويس .. انا ممكن امحيه من على وش الارض لو حاول بس انه يقولك حاجه او يقرب منك او يزعلك .

همس .. وحياتك يا فارس مفيش حاجه حصلت .. كل الحكايه ان بابا اول مرة يزعلنى وكمان اودام فهد .. اهدى يا حبيبى مفيش اى حاجه .
فارس خد نفس طويييييييييل بيدل على زعله وقال ... ماشى يا همس بس لو سمحتى وحيات فارس عندك .. الحقير ده لو قرب منك او زعلك فى اى حاجه ياريت تقوليلى على طول .. ماشى يا حبيبتى .

همس برقه ... ماشى يا حبيبى . ربنا يخليك ليا يا قلبى .. وما اتحرمش منك ابدا .
فارس بعشق .. ويخليكى ليا يا روح قلب فارس .. وعقل فارس .. وعمرى كله اللى جاى يا عشق فارس .
همس .. للدرجه دى بتحبنى يا فارس.
فارس بحب ... انا بمووووووت فيكى يا همسى . وبعشقك .
همس .. وانا كمان يا فارس .. بحبك اوى .. وحاسه انى اعرفك من زمااااااااان اوى .
فارس .. نفسى اخدك بعيد .. فى اى جزيرة ونكون انا وانتى وبس. واضمك فى صدرى علشان تحسى اد ايه انا بحبك .

ههمس ... ياااااااريت يا فارس ياريت يا حبيبى .
فارس .. قريب يا عشق فارس قريب اوى اوى هانحقق الحلم ده وهانكون مع بعض .
همس ... سلام بقى يا حبيبى علشان الحق اجهز نفسى لرحله بكرة وانام الساعتين اللى فاضلين دول ماشى .
فارس .. ماشى يا عيونى .. بس اول لما تصحى وتفتحى عيونك اول حاجه تعمليها رنى عليا يا همس .. اتفقنا .
وتصبحى على خير يا حبيبتى .

همس .. اتفقنا يا فارس عشقى .. وتصبح من اهل الجنه يا عمرى .
قفلت همس الموبيل ومسحت دموعها وقامت وغيرت لبسها وبدات تجهز شنتطها لرحله ايطاليا اللى هاتفضل فيها تلت ايام .. وفجاه سمعت باب اوضتها بيخبط .. فاسمحت للى بيخبط بادخول .

الام ... عامله ايه يا همس .. انا عارفه ان بابا زودها اوى اودام فهد ده .. واكيد انتى زعلتى يا روحى .. حقك عليا يا حبيبتى .. اهو غار فى داهيه ومشى .
همس بعتاب .. عجبك يا ماما اللى عمله بابا ده .. وعلشان ايه .. علشان واحد حقير زى فهد ده .. ده انسان مجرم وحقير .. ونظراته ليا كلها شهوة .. وحاول اكتر من مره انه يتدخل فى حياتى .. هو عاوز منى ايه الحيوان ده ما يسبنى فى حالى .

الام .. اهدى يا بنتى .. واوعدك انى هاتكلم مع ابوكى فى الموضوع ده ما تقلقيش .
همس .. ماشى يا امى .. بعد اذنك بقى لازم انام دلوقتى علشان يا دوبك الحق انام شويه قبل سفر بكرة .
الام .. ماشى يا روح قلبى .. تروحى وتيجى بالسلامه .. وقربت منها وضمتها لحضنها وباستها .
وفعلا خرجت الام من اوضه همس وراحت على اوضتها وسابت همس تكمل تجهيز الشنط وبعدها راحت على سريرها وبدات تفتكر كل حاجه حلوة حصلت بينها وبين فارس من اول مرة شافوا بعض لحد سهرة النهارده واعترافه ليها بحبه .
وفضلت تتخيل حاجات كتير بينها وبين فارس ممكن تحصل .

لحد ما راحت فى سابع نومه وصحيت على رن موبيلها .. اللى كانت ظبتطه علشان تقوم وتروح على شغلها .
وطبعا زى ما طلب منها فارس اول لما تفتح عيونها انها ترن عليه .
وفعلا مسكت موبيلها واتصلت على فارس . وبصوت منعوس ... الوووووووو .. صباح الخير .
فارس بحب .. صباح الفل والورد والياسمين يا حبيبتى .
همس .. كل ده .. احلاااا صباح ده ولا ايه .
فارس .. احلا صباح .. لاحلى همس فى الدنيا .

همس .. بحبك يا فارس .
فارس .. وانا بموووووووت فيكى يا همس .
همس .. نفسى افضل جنبك على طول .. انت وبس .
فارس .. وانا نفسى اخدك وادخلك جوايا واخبيكى من اى حد يحاول انه يقرب منك .
همس .. يااااااااه يا فارس يااااريت .
فارس .. بعشقك يا همسى .

همس .. وانا بموت فيك يا فارس عشقى .
وسلام بقى علشان شكلى كده هاترفض قريب من شغلى بسببك .
فارس بضحكه عاليه .. مش مشكله هما يرفضوكى وانا اعملك مطار مخصوص ليكى انتى .
همس .. طب نتكلم فى كده بعدين علشان بجد هاتاخر على الرحله .. سلام يا حبيبى واشوفك لما ارجع من ايطاليا .
فارس .. سلام يا عمرى .. مع ان التلت ايام دول هايبقوا تلت قرووون مش تلت ايام بالنسبه ليا .. هاتوحشينى اوى اوى اوى .

همس بحب .. وانت هاتوحشنى اوى اوى اووووى يا روحى . سلاااااام .
وقفلت الموبيل وقامت ودخلت على الحمام .
سلمى كانت صحيت من بدرى وصبحت على مامتها وعلى عادل اللى كان صحى من بدرى هو كمان ولبس وفطر كمان .
عادل لسلمى .. ايه بتبصيلى كده ليه . اوعى تقوليلى انى هاوصلك على المطار .. انا مش فاضى خالص .. وعندى شغل اد كده انا وفارس النهارده .. وعندنا اجتماع مهم جدا واستحاله انى اتأخر عليه .

سلمى ... لا يا عم مش عاوزة منك حاجه .. وبعدين انا جب عربيتى من عند الميكانيكى امبارح .. بسسسسسسس .
عادل برخامه بسسسسس ايه يا سلمى اخلصى .
سلمى .. كنت عاوزة الفين جنيه لحد ما اقبض .. اصل العربيه خدت منى مبلغ كبير اوى .. وما كنتش عامله حسابى فى كل المبلغ ده .. انت عارف مصاريفى اد ايه يا وحش .
عادل ... اااااااه قوليلى .. لو مفيش توصيله يبقى فيها فلوووس صح يا اختى .
سلمى .. صح يا اخوياااا .. ايدك بقى على الفين جنيه .

عادل .. امرى لله.. ومد ايه فى محفظته وطلع الفلوس وقالها خدى الفين جنيه يا ست سلمى اهم .. خليكى فاكرة .. وعدى الجمايل اد ايه .
سلمى جريت عليه وحضنته .. وقالتله .. شكرا يا عادل باشا ما اتحرمش منك ابدا يا حبيبتى وتعيش وتديلى دايما .
عادل بحب اخوى .. ولا منك يا ام لسان طويل .. وسلام بقى علشان ما اتأخرش على الشغل . وسلميلى على صحبتك.

سلمى .. رغد اكيد يا نمس ههههههههه صح .
عادل .. صح .
ونزل عادل بعد ما خد مفاتيح عربيته وركبها وراح على الشركه .
فهد كان فى الفندق .. وكان مكلف بلال انه يبلغه بكل رحلات همس اللى هاتروحها الفترة الجايه كلها.
بلال باستغراب .. هو انا ممكن اسأل يا باشا .. انت بتعمل ده كله ليه وعاوز منها ايه .
فهد .. وانت من امتى بتتجرأ وتسألنى يا بهيم انت على حاجه .. وبعدين مش شغلك .. انت عليك تنفذ كل اللى اطلبه منك من سكات وخلاص . انت فاهم يا زفت .
بلال بخوف .. فاهم يا فهد بيه .

فهد .. هى الرحله بتاعتها هاتقوم امتى .
بلال .. كمان نصف ساعه يا باشا .
فهد بصوت يشبه الهمس ... تماااام .. وهاتكون اخر رحله ليها ان شاء الله .
بلال .. بتقول حاجه يا باشا .
فهد .. لا غووور انت وخليهم يجهزوا الفطار .
بلال .. حاضر يا باشا .. دقايق ويكون عندك .

همس كانت وصلت المطار .. وجهزت كل حاجه للرحله .. وطلعت على الطياره .
دقايق وبدات الطياره فى الطيران وبعد حوالى ساعتين .. كانت وصلت مطار روما .
همس كانت خدت شنتطها وراحت على الفندق .. وطلعت على اوضتها .
دخلت اوضتها وقفلت الباب وراها .. بعد ما وصلها عامل من الفندق بالشنطه .

بدات تفتح الشنطه بتاعتها و تقلع لبسها وقبل ما تدخل الحمام طلبت بالتليفون الخاص بالفندق فى اوضتها انهم يجهزوا الغداء ويطلعوه ليها على فوق .
وبعدها دخلت خدت شور سريع وبعد شويه خرجت وهى لابسه بورنس ابيض وسرحت شعرها اللى زى الحرير وواصل لنصف ضهرها .. وسمعت خبط على الباب .. وتوقعت انهم جايبين الغداء .
قربت همس من الباب وفتحت واتفاجات باللى واقف اودام عيونها .
همس بفرحه لا توصف... فاااااااااارس .
فارس برومانسيه ... عيووووون فارس .
همس .. انت بتعمل ايه هنا يا مجنووون . وجيت امتى .

فارس .. هو انا جيت فى وقت غير مناسب ولا ايه .. انتى كنتى بتعملى ايه يا همسى.
همس افتكرت انها لابسه البورنس اللى فوق الركبه . وشعرها مفروض على ضهرها ومنظرها تحفه .. فقالت .
احم ... ابدا كنت باخد شور .. وبعدين انت بتبص كده ليه .. عيب .. ما شفتش واحده قبل كده وهى خارجه من الحمام ولا ايه .
فارس بعشق ... لا شوفت كتير .. بس اول مرة اشوف القمر ده . و اعرف انك زى القمر كده وانتى خارجه من الحمام .
همس ... عيب بقى يا فارس بتكسف .

فارس بحب .. خلاص اسيبك براحتك ولما تخلصى وتستريحى من السفر .. رنى عليا علشان ورانا حاجات كتييييير اوى هانعملها .. مع انى مش عاوز امشى واسيبك وانتى بالمنظر ده لوحدك وقرب منها اكتر واكتر .
همس وهى بترجع لورا ... امشى يا فارس وروح على اوضتك وبلاش تهور .
فارس .. وانا هاموووت واتهور
همس .. امشى يا فارس .

فارس ... ماشى يا همسى.. نبقى نتهور بعدين الايام بينا كتير وهاتروحى منى فين سلام يا حبيبتى .. ما تتاخريش عليا .. علشان هانلف روما كلها .. وسابها وراح عند باب الاوضه .. وقالها على فكره انا الاوضه اللى جنبك على طول .
همس .. ماشى يا حبيبى .. وعاوزاك تبقى تقولى لحقت عملت كل ده امتى يا استاذ لما اشوفك . وقفلت الباب وراه .
فى القاهرة وبالتحديد فى الفندق اللى قاعد فيه فهد .

فهد .. عملت اللى طلبته كله يا بلال منك.
بلال .. كل اللى سياتك طلبته هايتنفذ يا باشا ..
وفى واحد هايراقب كل خطواتها وهى فى ايطاليا ويبلغنا بكل خطوه ليها .
فهد ... تمام يا بلال .. روح انت دلوقتى .

جه الليل .. وكانت همس جهزت نفسها ولبست فستان حلو اوى وسرحت شعرها وحطت مكياج خفيف يظهر حلاوتها اكتر واكتر . وبعدها رنت على فارس .. علشان تبلغه انها جاهزة ومستعده للخروج .. وفارس قفل معاها وبعد عشر دقايق بالكتير راح لحد باب اوضتها .
همس فتحت اول لما سمعت خبتطه .. وفارس اول لما شافها انبهر بحلاوتها ورقتها وجمالها . وفضل باصص عليها من غير ولا كلمه .
همس بابتسامه كلها حب .. نحن هنا .. فارس روحت فين .

فارس .. غرقت فى عيونك اللى سحرانى .. وجمالك اللى دوبنى .. ورقتك اللى هاتقتلنى .
همس .. عجبتك يا فارس .
فارس .. عجبتينى وبس .. انا بموووت فيكى يا همس .. انا بعشقك .
همس برقه .. طب قولى بقى ناوى تخرجنى فين .

فارس .. هانلف فى كل مكان .. كل مكان هانسيب فيه ذكرى حلوة علشان نبقى نحكى لاولادنا واحفادنا على حبنا وعشقنا لبعض .
همس .. عارف انا هاقولهم ايه كمان .. انك فارس عشقى .
فارس بشووووق .. وانتى همسى .. وحبى .. وعشق فارس يا همس .
همس .. طيب يالا بينا بقى علشان نلحق نلف فى كل مكان ولا هاترجع فى كلامك .
فارس ... لا طبعا يالا بينا .

وفعلا ركبوا الاسانسير و نزلوا على تحت بس للاسف كان فيه واحد من رجاله فهد ماشى وراهم فى اى مكان وكل حته بيروحوها وللاسف كان بيصورهم وهما مش واخدين بالهم خالص .
فضلوا يلفوا كتير اوى فى كل مكان وفى كل حته .
وخدها فارس وركبوا مركب كبير فى الميه بينقل الناس للناحيه التانيه من البحر .
وكان المنظر فى منتهى الروعه .
همس .. عارف يا فارس ان جيت هنا قبل كده كذا مره .. بس اول مره احس بجمال وحلاوة المنظر والبحر والجو .. وكأن اول مره اجى المكان ده .
فارس برومانسيه وهو ضاممها لصدره وواقفين على طرف المركب .. وليه المرة دى حسيتى بفرق يا ترى .

همس برقه .. علشان انا مع فارس عشقى يا فارس .. وحبيبى وروح قلبى .
فارس .. وانتى روح قلبى ونور عيونى يا همس .. ومسك اديها وباسها وضمها اكتر لصدره .
وكل ده واللى بيراقبهم بيصورهم بكل الاوضاع وفى كل مكان .
لحد ما المركب وقفت وبدا الركاب تنزل شويه شويه .
ونزل فارس وهمس وكان المنظر قمه الروعه والجمال .
اشجار كتير وزرع وزهووور بجميع الالوان وطيور فى كل مكان وكأنه جزء من الجنه .
فارس ... ايه رايك يا حبيبتى .

همس ... روعه يا فارس .. بجد المنظر والمكان هنا تحفه .. ياريت نفضل هنا على طول .. انا وانت والبحر والسماء وزقزقة العصافير .
فارس بحب .. وانا موافق انى اعيش واكمل عمرى كله هنا بدام جنبك يا روح قلبى .
وقرب منها وعيونه جت فى عيونها وقرب بشويش اكتر واكتر وعيونه جت على شفايفها اللى بيعشقها وبدأ يبوسها بمنتهى الرقه والشوق والعشق .. وبعد دقايق من التهامهم حضنها وحس بنبضات قلبها فى صدره .. وحس ان كل نبضه منهم بتنده باسمه .

فارس عشقى

و

كل ده وهما مش حاسين باللى واقف من بعيد بيصور كل لحظه ليهم للاسف اول بأول وهما فى عالم تانى يخصهم .
وفضلوا يتنقلوا ويلفوا فى كل الاماكن فى البلد لحد ما كانوا تعبوا وهلكوا من كتر اللف اللى بقاله اكتر من حوالى خمس ساعات .. ومش حاسين بالتعب من كتر الحب والعشق .

لحد ما راحوا على مطعم كبير وقعدوا وطلب فارس اكل كتير من كل اللى بتحبه همس .
همس ... ايه ده كله يا فارس .. ومنين عرفت انى بحب الاكل ده كله .. وبعدين انت كده هاتبوظ الدايت بتاعى .
فارس بغمزه ليها .. العصفورة قالتلى .. وبعدين طول ما انتى معايا انسى موضوع الدايت ده .. انتى فاضلك تكه وتختفى يا همس .
همس بضحكه رقيقه .. اعمل ايه بس يا حبيبى .. انت عارف شغلى اهم حاجه فيه المنظر والجسم الممشوق والشكل العام للمضيفه .. وانا مقدرش ازيد عن كده ولا سم واحد .. اترفض على طوووول .. يرضيك يعنى اترفض من شغلى.

فارس .. وايه يعنى .. تعالى اشتغلى معايا فى الشركه .. والشركه كلها تحت امرك حتى انا .
همس .. يا فارس الشغل بتاعى ده .. بالنسبه ليا حياتى وحلمى من وانا صغيرة .. ومقدرش اعيش يوم واحد وانا بعيده عنه .
فارس .. عارف يا حبيبتى .
ولسه هايكمل كلامه اتفاجأه باللى واقف اودامه ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
همس ... يا فارس الشغل بتاعى ده حلمى من وانا صغيرة واستحاله اعيش من غيره يوم واحد واتعودت على كده خلاص .
فارس بحب .. عارف يا حبيبتى
ولسه هايكمل كلامه اتفاجأ باللى واقف اودامه .!

فارس بعصيبه واتحول مليون درجه قام وقف وقال ... انت بتعمل ايه هنا وايه اللى جايبك هنا بالذات .
فهد بمنتهى البروووود وبضحكه خبيثه ومتحوط بالبودى جردات بتوعه قال ... انا اروح فى المكان اللى انا عاوزه وفى اى وقت انا احبه يا فارس باشا .. ووجه نظراته لهمس وقال .. ازيك يا همس .. يا ترى بابا عارف انتى فين و مع مين دلوقتى .. ولا تحبى ابلغه انا بنفسى .

همس بتوتر من الموقف وخوف ان فارس يدخل فى معركه معاه فضلت السكوت .
فارس بعصبيه اكتر واكتر قال ... كلمنى انا مالكش دعوة بيها .. وامشى غووووور من هنا بدل ما اطلبلك البوليس .
فهد بضحكه بارده ... انا قولتلك قبل كده انا اروح المكان اللى انا عاوزه واخد اللى انا عاوزه برضاه او من غير رضاه وقت ما انا احب ونظراته كلها على همس وميهمنيش اى حد .

فارس بكل قوته وبعزم ما فيه اداله بوكس فى وشه ووقعه على الارض .
البودى جارد حاولوا يمسكوا فارس بس باشارة من فهد سابوه وقام ووقف وقال ... حسابك تقل معايا اوى يا فارس باشا .. وهاندمك على كده قريب اوى .. سلام يااااااا همس هانم .
ولسه فارس هايقرب منه تانى ويضربه .. وقفت همس بين فهد وفارس واترجت فارس انه ما يعملش حاجه تانى وطلبت منه انهم يمشوا ويسيبوا المكان فى اسرع وقت.

فارس من الخوف و القلق والتوتر اللى شافه فى عيون همس .. سمع كلامها ومسك اديها وخد موبيله من على التربيزه اللى كانوا قاعدين عليها ومشيوا وسابوا المكان وسابوا فهد واقف برجالته وهو بيغلى من جواه على اللى حصل .
فهد بكل كره وغل قال .. وحياتك عندى يا فارس لأدفعك حساب كل ده و اخليك تندم على اليوم اللى مديت ايدك فيه على فهد الجبالى كويس اوى .. وفى اقرب وقت كمان .

وبعصبيه .. يالا ياااااا حيوان منك ليه رجعونى على الفندق .
همس طول الطريق وهما فى المركب متكلمتش ولا كلمه وفضلت السكوت .
فارس لاحظ عليها توترها وخوفها فحاول انه يمسك اديها ويقربها من شفايفه ويبوسها علشان يهديها ... وضمها لصدره وقال...

متقلقيش يا حبيبتى .. انسى اللى حصل وانا اسف انى عرضتك لموقف زى كده بس غصب عنى .. اول لما بشوف الحيوان ده بفتكر كل حاجه عملها معايا ومع عيلتى .
همس بعيون كلها دموع .. ده انسان حقير اوى .. ومش عارفه هو عاوز منى ايه .. انا مكنتش عاوزه اقولك واحكيلك على اللى عمله معايا تانى يوم عيد ميلادى .. بس انا فعلا خايفه منه اوى اوى .. ومش عارفه اعمل ايه معاه ومع تصرفاته دى معايا .. واشتكيت لبابا وبرضه مفيش فايده يا فارس .

فارس باستغراب قال .. ايه اللى انتى بتقوليه ده يا همس .. انتى مش عارفه انتى بقيتى بالنسبه ليا ايه ... انتى حبيبتى وروحى وقلبى .. ازاى ما قولتيش ليا حاجه زى كده ومعرفتنيش ليه .. هو الحيوان ده عمل معاكى ايه قوليلى .

همس والدموع نازله على وشها ... انا خايفه اوى يا فارس .. خايفه اوى .. خايفه اى حد يحاول يبعدنى عنك بعد ما حبيتك و عشقتك .
فارس ضمها بأيده لصدره اكتر ومسح دموعها وقال .. محدش يقدر يبعدنى عنك يا روح قلبى .. ومتخافيش لان من هنا ورايح انا اللى هاقف لفهد ده واوقفه عند حده كويس اوى .
همس ... مهما يحصل يا فارس اوعى تسبنى .. انا مقدرش اعيش من غيرك لحظه واحده يا حبيبى بعد كده .
فارس .. ولا انا يا روح قلب حبيبك .

عادل كان فى الشركه وكان مستغرب اوى من اختفاء فارس لحد دلوقتى وعدم مرواحه الشركه والاجتماع مبعاده قرب .. ودى كانت اول مرة يعملها وميجيش فيها .. واستغرب اكتر لما كان بيرن عليه وفارس ما يردش عليه .. فقرر انه يتصل بابوا ويعرف فى ايه ويطمن على فارس .
وفعلا مسك موبيله ورن على ابوه فارس اللى رد عليه وقال .. اهلا يا عادل يا ابنى .
عادل.. اهلا يا باشا .. ازى حضرتك.

ابوا فارس .. اهلا يا ابنى انا كويس الحمد لله .. خير فى حاجه . مش من عاويدك تتصل بيا .. فارس كويس .
عادل.. ابدا حضرتك انا قولت اطمن عليك وعلى طنط .. واستغربت ان فارس مجاش الشركه لحد دلوقتى وعندنا اجتماع مهم فقولت اطمن من سياتك .
ابوا فارس .. اطمن يا عادل يا ابنى .. فارس فجاه امبارح باليل لاقيناه نازل ومعاه شنطه صغيره وقال انه زهقان وهايقضى يومين فى الغردقه .. هو انت مكنتش تعرف اكيد .. علشان كده بتسأل عليه .. اكيد فارس ملحقش يبلغك بسفره ده .

عادل ... لا ابدا انا معرفش خالص .. وفارس مقلش ليا حاجه .. على العموم .. الحمد لله انه بخير وانا اطمنت عليه .. تؤمرنى باى شىء طيب سياتك .
ابوا فارس .. لا يا ابنى خلى بالك انت من الشركه واحضر الاجتماع بداله ولو احتجت اى شىء اتصل عليا على طول .
عادل .. حاضر يا افندم .

فارس وهمس كانوا رجعوا للفندق بس الكل كان متوتر .. همس كانت قلقانه من اللى ممكن فهد يعمله او يقول لباباها على اللى هو شافه وعرفه عن علاقتها بفارس .
وفارس كان كل توتره وقلقه على منظر همس وخوفها وقلقها .. علشان كده كان بيحاول يهديها ويطمنها ويحسسها بالامان .
فارس بحب لهمس ... انا مش عاوزك تخافى من اى شىء ابدا يا روحى .. ومهما يحصل عمرى ما هابعد عنك ابدا وان شاء الله انا ليا تصرف تانى خالص مع الحيوان ده حتى لو اطريت انى اقتله هاقتله ولا انى اشوف فى عيونك كل الخوف ده .

همس .. انا كل خوفى يا فارس انه يقول لبابا حاجه عنك .. لكن فهد ده انا اقدر اوقفه عند حده كويس اوى .. وياريت انت ما تدخلش فى الموضوع ده لحد ما اشوف انا هاعمل ايه وهاتصرف ازاى بليز يا فارس لو سمحت وشيل الفكره الرخمه دى من دماغك خالص .. واوعى تعمل حاجه ليه .. اوعدنى .
فارس اووووف ... ماشى يا همس اوعدك .. بس بشرط اوعدينى انتى بشىء .
همس ! اوعدك بأيه ؟

فارس .. ان مهما يحصل لازم تحكيلى عليه ولو الحيوان ده حاول يدايقك تانى لازم تقوليلى .. ومسك ايديها وقال .. اوعدينى يا همسى .
همس بحب ... اوعدك يا روح قلب همس .
فارس قرب منها وباسها على جبينها و وصلها لحد اوضتها فى الفندق واطمن انها دخلت وقفلت الباب بالمفتاح وراها زى ما هو طلب منها .. وهو دخل على اوضته اللى تفرق عن اوضه همس اوضه واحده بس .

وكل ده وكان فى كاميرا بتصور كل تحركاتهم حتى فى الفندق .. والكاميرا دى طبعا فهد هو اللى كان حاطتها علشان يعرف كل حاجه عن تصرافتهم .
فهد فى سويت حاجزه فى نفس الفندق كان قاعد بيتفرج على فارس وهمس وعلى تحركاتهم وعرف ان كل واحد دخل لاوضته . فاطمن ورن على بلال انه يجيله فورا على السويت بتاعه .. وكان فهد قاعد بيشرب خمره من ساعه لما رجع على الفندق .
بلال جه فى ثوانى معدوده لانه كان واقف بره السويت مع البودى جارد بتوع فهد .

بلال .. تحت امرك يا فهد باشا تؤمرنى بأيه .
فهد بدا يكون شبه سكران ... انت جيت يا بلال .
بلال .. انا تحت امرك يا فهد بيه.
فهد ... هاتلى بنت حلوة كده على مزاجك وتكون شبه همس رضوان .. عاوزها تدلعنى وتنسينى انا مين .. انت فاهم .
وخلى بالك لو مش شبه همس هاقتلك واقتلها .. فاهم يا حيوان .
بلال بخوف .. فاهم يا باشا .. دقايق وتكون عندك .

وخرج بلال من عند فهد ومكنش عارف يعمل ايه ويجيب واحده شبه همس منين .. فقرر انه يمسك موبيله ويتصل على حد يعرفه فى البلد دى .. وطلب منه بنت بمواصفات معينه وتكون عنده فى الفندق باسرع وقت لفهد بيه .
الطرف التانى استغرب الشروط والمواصفات دى بس مكنش اودامه غير انه يقوله حاضر يا بلال بيه ثوانى وتكون عندك .

وفعلا بعد تلت ساعه بالضبط كانت البنت واقفه بره السويت مع بلال اللى استغرب اوى الشبه اللى بينها وبين همس .. ففرح اوى ان فهد كده هايفرح بيها ومش هايقتله زى ما هو هدده .. فخبط على باب السويت ودخل هو والبنت دى .
فهد بقى سكران تماما ومش مركز خالص ان بلال والبنت جم وواقفين اودامه .. بس بدأ يشوفهم ويستوعب وعينه جت عليها وابتسم واتهيأله ان همس هى اللى اودامه.

ويادوبك باشاره منه لبلال خرج بلال من غير ولا كلمه وقفل الباب وراه .
فهد قام ووقف جنبها وبدا يلمس جسمها الشبه عريان وقال .. همس انتى جيتى .. انا كنت عارف انك مسيرك فى الاخر هاتكونى ليا وتسيبى الزفت فارس الحسن ده .. ونزل على الارض ورفعها وشالها وقعدها على كرسى .. ومد ايده على الجذمه اللى هى لبساها وفضل يبوس فيها وفى رجلها .
البنت كانت مستغربه اوى من تصرفاته دى ومن الكلام اللى هو بيقوله ليها ده .. بس ده شغلها وياما بتقابل ناس كتير بالمنظر ده .. فحاولت انها تجاريه فى تصرفاته وراحوا فى عالم تانى خالص من المحرمات لحد ما طلع عليهم النهار .

فى اوضه همس اللى كانت من كتر الاحاسيس الملغبطه اللى كانت حاسه بيها جواها نامت من كتر التعب وصحيت من بدرى وبدات تجهز نفسها علشان ميعاد رحلتها للقاهرة ورنت على فارس بالموبيل .
فارس كان صحى هو كمان من بدرى لانه كان حاجز على نفس رحله همس .. بس كان بياخد شور وما سمعش صوت الموبيل .
واول لما خرج مسك الموبيل اللى كان بيرن تانى وعرف ان اللى بيتصل هو عادل .
فارس بيقول لنفسه .. انا لازم ارد عليه كفايه اوى من امبارح بيرن عليا وانا مش برد عليه .. ده عيل مجنون و زمانه قالب الدنيا عليا .
فارس ... اهلا يا هندسه .. عامل ايه .

عادل برخامه ... لا والله .. اخيرا رديت عليا يا استاذ .. بذمتك انت صاحب انت .. رنيت عليك اكتر من خمسين مره .. وانت ولا انت هنا .. ولا اعرف انت فين اصلا غير من ابوك لما سالته عليك .. وقالى انك مسافر الغردقه من غير ما تقولى كمان .. قال ايه زهقان وبتغير جو .. اعترف يا فارس انت فين .
فارس ... اهدى يا ابنى انت .. ايه ما صدقت واتفتحت زى الماكنه ... واحده واحده خلينى اعرف افهمك .. ولا اقولك اقفل دلوقتى يا عادل انا مش فاضيلك وميعاد الطياره هايفوتنى سلاااااااااام .. وقفل الموبيل .

عادل مسك الموبيل وشاله من على ودنه وبص فيه وعرف ان فارس قفل من غير حتى ما يقوله هو فين واستوعب كلمه الطياره هاتفوتنى .
عادل بأستغراب .. طيااااااره ! وهاتفوتنى ! هو الواد ده فين بالضبط ؟ ماشى يا فارس بس اما اشوف خلقتك .
فارس عرف ان همس رنت عليه فاكمل لبسه بسرعه وخد شنطته وفتح الباب وراح على اوضه همس وخبط على الباب .
همس سمعت حد بيخبط على الباب واتاكدت انه اكيد فارس فراحت وفتحت بكل شوق وحب .

همس بكل حب ... صباح الخير.. لسه بدرى يا استاذ .. كل ده كنت فين الطياره هاتفوتنا .
فارس بحب .. صباح الفل يا احلا همس فى الدنيا .. انا اسف كنت فى الحمام وبعدها كنت بكلم عادل .
همس .. ولا يهمك .. ادخل ثوانى اجيب شنطتى وننزل على طول .
فارس دخل وقفل وراه الباب .. وقعد على الكرسى وساب شنطته على الارض.
همس كانت بتقفل فى شنتطها بعد ما لمت كل حاجه تخصها .. بس للاسف السوسته عصلجت معاها ومعرفتش تقفلها .
فارس لاحظ كده وانها مش عارفه تقفلها فراح جنبها وحاول يقفلها هو اكتر من مره لحد ما اتقفلت معاه .

همس برقه .. برافو عليك يا حبيبى .
فارس بشوق ليها مسك ايديها وباسها بشويييييش خالص .. وقربها منه اكتر واكتر وعيونه جت فى عيونها ولسه هايبوسها فى شفايفها.
فاقت همس وحاولت تقاوم الاحساس اللى هى حسته فقالت .. اظن اتاخرنا جدا واكيد الطياره هاتفوتنا يا حبيبى .
فارس برومانسيه اقرب اكتر وعينه جت فى عيونها وقال .. انتى شايفه كده .
همس .. يالا يا فارس وكفايك دلع .. انت السبب فى رفضى من الشركه انا عارفه .
فارس بضحكه عاليه .. ماشى يا حبيبتى يالا بينا بس خليكى فاكره ليا عندك بوسه .
همس بكسوف .. يالا يا فارس وانا مش عليا حاجه لحد اخلص وشيل الشنط .
فارس .. ماشى يا همسى .. مااااااشى .

وفعلا فارس شال الشنط ونزلوا على تحت وخدوا عربيه لحد المطار .
فى مطار القاهرة كانت رغد وسلمى فى مكتبهم بيخلصوا بعض الورق الخاص برحلات كل واحده فيهم وبياكدوا المواعيد لكل رحله .
شريف كان قاعد على المكتب معاهم فى الاوضه و شكله حزين وزعلان من حاجه .. سلمى لاحظت عليه كده فاحبت انها تسأله عن السبب لكن هو حب يهرب من سؤالها واستأذن وقام وخد شنتطه وسلم عليهم وطلب منهم انهم يسلموا على همس اول لما توصل . و خرج بره بحجه ميعاد رحلته اللى طالعه بعد نصف ساعه على امستردام .

سلمى .. خليك شويه يا شريف لسه بدرى على طلوع الطياره .
شريف .. لا يالا سلام يا دوبك اطلع الطيارة ومتنسيش تسلميلى على همس .. انا كل ده قاعد مستنيها لكن الظاهر ان رحلتها هاتوصل بعد ما رحلتى تطلع .. سلام يا سلمى واوعى تنسى .
سلمى بحزن سلام يا شريف وماتقلقش مش هانسى اسلم على همس .
رغد خدت بالها من نظرات سلمى لشريف وده اكد لها ان سلمى بتحب شريف وفى نفس الوقت زعلت لان الكل عارف ان شريف معجب اوى اوى بهمس .. وهمس مش مدياله فرصه خالص لكده .

سلمى راحت قعدت على مكتبها و زعلت على زعله لانها حاسه ومتاكده انه زعلان علشان غياب همس من يومين من غير ما يشوفها وهو رايح على هولندا وهايفضل هناك حوالى اسبوع كامل .
رغد بعطف على صاحبتها .. ايه يا سلمى فى ايه بس يا حبيبتى مالكم زعلانين ليه .. انتى شويه وشريف شويه .. هو انا ممكن اسالك سؤال وتجاوبينى بصراحه ؟
سلمى ... اسالى يا رغد
رغد...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
سيدي وحبيبى وعاشقى ..
عانق أحساسي
جاوب صمتي وهذياني
رتلني بين شفتيك عشقا
أعزفني بنبض قلبك همسا
أغرقني في بحر عينيك
وأملآني بعبق أنفاسك
تجاوز عن سيئات همسي
فوق السطور أن لم يجديك حرفي
ولكن لا تدعني أفرغ حرفي فيك هباءا
خبئني في ضلعك الأيسر وأتركني هنالك أهذي
فلا شوقا يرتد عنك يوما.. ولا حنينا يسافر عنك أن أباح
ألقي علي قلبي منك سلاما.. يبلغ العمر آمنا وأمانا

رغد ... انتى بتحبى شريف صح يا سلمى .
سلمى بإحراج اتفاجأت ان رغد سالتها سؤال زى ده وقالت .. انتى ايه اللى خلاكى تسألى سؤال زى كده .
رغد .. يا سلمى والله ما اقصد اى حاجه ولا اقصد انى احرجك .. بس بصراحه انا حاسه من زمان انك معجبه بشريف والصراحه اكتر الاعجاب ده قلب لحب .. وهو للاسف مش حاسس بيكى خالص .. وشكله كده بيحب همس.

يا سلمى انتى صاحبتى ومن زمان وبعتبرك زى اختى وزعلانه عليكى كل لما اشوف نظراتك لشريف وهو مش بيحس بيها خالص .
سلمى بعيون كلها دموووع .. عندك حق فى كل كلمه يا رغد .. انا فعلا بحبه وهو للاسف مش حاسس بحبى ده خالص .. وفى نفس الوقت هو بيحب همس .. وهمس صاحبتى .. علشان كده انا قلبى وجعنى اوى اوى كل لما اشوفه واعرف انه بيحب حد تانى غيرى والحد ده بيكون اقرب واحده ليا (همس)
قوليلى يا رغد اعمل ايه .. اعمل ايه ارجوكى .

رغد بحزن على صاحبتها ... اصبرى يا سلمى .. همس مش فى دماغها خالص شريف وعمرها ما هاتكون ليه .. هو اودامها على طول ومش بحس خالص انها معجبه بيه .. وهو بالنسبه لها مجرد زميل عمل وخلاص .. اصبرى مع الوقت اكيد هايعرف انه غلطان فى احساسه تجاه همس وهايحس بيكى انتى .
سلمى بألم ... انتى شايفه كده يا رغد .
رغد .. اه يا حبيبتى وقربت منها وضمتها لحضنها وحاولت تهديها وتواسيها .
وفى مكان تانى وبالتحديد فى المطار كانت طياره همس وفارس وصلت .. ونزلوا منها واتوجهوا للباب الخارجى علشان فارس يروح على بيته .. بعد ما همس بلغته انها لسه وراها شغل فى المطار بعد رحلتها ولازم تخلصه .

وفعلا سلموا على بعض وفارس ركب عربيته اللى كان راكنها هناك ووصاها انها تبقى تكلمه على الموبيل اول لما ترجع للبيت .
همس بعد ما سلمت عليه راحت على مكتبها ووصلت لحد الباب وفتحته .
همس ... اناااا جيت يا حلويييين .
سلمى بحزن ... اهلا يا همس حمد الله على السلامه .
رغد .. حمد الله على السلامه حبيبتى وصلتى امتى .

همس باستغراب من منظر سلمى اللى بيدل على انها معيطه ... قربت منها وسألتها .. ايه ده فى ايه يا سلمى انتى كويسه .
سلمى حاولت تدارى حزنها وقالت .. لا ابدا مفيش حاجه اصل تعبانه شويه .
همس ... لا بجد فى ايه انا اول مره اشوفك كده .. انتى هاتكدبى عليا يا سلمى هو انا مش عرفاكى كويس .. فى ايه يا حبيبتى .
سلمى اتفتحت فى العياط اكتر وقعدت على الكرسى وفضلت تعيط جامد وبحرقه .. وده اللى خلى همس تستغرب اكتر وتسال رغد فى ايه يا رغد مالها سلمى انطقى .
رغد ... الصراحه يا همس .. وماتزعليش منى يا سلمى لان همس المفروض تعرف كل حاجه .

سلمى .. لااااا يا رغد لاااا مش وقته .
همس .. حاجه ايه انطقى يا رغد حد حصله حاجه وانا مش موجوده .
رغد .. الصراحه يا همس .. سلمى بتحب شريف اوى .. وشريف بيحبك انتى . وده اللى بيبان فى كل تصرفاته .. وده اللى مخلى سلمى دايما حزينه وزعلانه . كل لما تشوف معامله شريف ليكى .
همس باستغراااب ... شريف .. طب ازاى .. استحاله طبعا .
انا بعتبر شريف ده مجرد زميل وبس وعمرى ما حاولت انى اشجعه على اى حاجه بالعكس انا دايما بهرب من نظراته ليا وعمرى ما فكرت فى حاجه تحصل بينى وبينه ابدا ابدا .

وقربت من سلمى وقالت .. والله العظيم دى الحقيقه يا سلمى .. انا ماليش علاقه بشريف ده خالص ..اطمنى يا حبيبتى ..واصبرى وهو اكيد هايحس بحبك ليه .
سلمى ... بجد يا همس .
همس .. بجد يا روح قلب همس .. انتى اختى يا بت .. وربنا يعلم انا بحبك اد ايه انتى ورغد .. ونستونى اقولكم على المفاجاه الى حصلت وانا مسافره .
رغد وسلمى بصوت واحد .. مفاجاه ايه قولى بسرعه .
همس .. عارفين انا لقيت مين هناك ونزل فى نفس الفندق اللى احنا بننزل فيه تبع الشركه دايما .
البنات بصوت واحد ! مين ؟

همس ... فاااارس الحسن.. وقضينا مع بعض يوم من اجمل ايام حياتى.
سلمى ... اوبااااااا ... انا كنت حاسه ان فى شىء بينكم .. شكله حصل يا همووووس.
رغد ... ايوا بقى اخيرا واحده فينا بدات تحب وتتحب.
احكيلنا ايه اللى حصل بالضبط .
همس .. انا قولتلكم كده علشان اطمن سلمى انى بحب فارس وماليش علاقه بشريف ده خالص .. وماكنتش عاوزه اقول حاجه دلوقتى عن الموضوع ده حاليا .. بس حبيت اعرف سلمى .
فهمانى يا سلمى يا حبيبتى .

سلمى بفرحه كبيره .. فهماكى يا روح قلب سلمى .. والف مبرووووك عليكى فارس.
واد موووووز فعلا حلاوة وجسم وعضلات وانتم تستاهلوا بعض .
ههمس ... وبعدين يعنى .. انتى هاتعكسى الواد اودامى كده عينى عينك ولا ايه يا ست سلمى .
رغد بضحك .. هو فعلا واد مووووز كده فى نفسه وحلو وامووور .
همس .. لااااا بقى اتلمى منك ليها .

وفضلوا يضحكوا ويهزروا وهمس تحكى ليهم على اللى حصل معاهم هناك وحكت كمان عن الزفت اللى اسمه فهد والكلام اللى قاله ليهم .
وبعد فتره همس خلصت كل اللى وراها ورجعت على بيتها .
دخلت همس الفيلا وسلمت على باباها ومامتها اللى كانت مشغوله فى المطبخ ... مساء الخير ازيك يا بابا .. اومال فين ماما وعمر .
الاب .. حمد الله على سلامتك يا همس .
ماما فى المطبخ مشغوله فى تجهيز العشاء علشان الضيف اللى جايلنا باليل على العشاء .
وعمر فوق فى اوضته.

همس باستغراب .. عشاء .. وضيف مين اللى جاى .
الاب حاول يتوه فى الكلام .. وقالها روحى طمنى ماما انك وصلتى علشان كانت قلقانه عليكى من الصبح .
همس .. ماشى يا بابا عن اذنك .
وفعلا راحت على المطبخ بشويش علشان تفاجاه مامتها وقالت .. انا جييييت يا ست الكل .
الام بفرحه ... همس حبيبتى .. حمد الله على السلامه .. وصلتى امتى .. رنيت على موبيلك كتير علشان اطمن عليكى بس كان مغلق .
همس .. شكله كده اكيد فصل شحن .. ولسه هاتسأل مامتها عن العشاء والضيف اللى جاى بس دخل عمر اخوها وفضلوا يسلموا على بعض ويهزروا ويسألها عمر جابتله ايه من الرحله دى .. والكلام خدهم وخرجوا من المطبخ وطلعوا على فوق كل واحد على اوضته .

فارس كان نايم فى سابع نومه فى اوضته من كتر الارهاق والتعب اليومين اللى فاتوا وقله النوم .
فاسمع صوت الموبيل بيرن فقام بسرعه لانه حس انها اكيد هاتكون همس .
وفعلا شاف اسم همس على شاشه الموبيل ورد بسرعه .
فارس من غير اى مقدمات ... وحشتينى اوى اوى اوى .
همس اتفاجأت بكلامه وسكتت خالص .
فارس .. ايه انا ما وحشتكيش يا همس ولا ايه .

همس بتروح فى عالم تانى خالص لمجرد انها تسمع اسمها من فارس .
فارس .. همس انتى معايا يا حبيبتى .
همس .. معاك يا فارس .
فارس ... وحشتك .
همس بخجل .. وحشتنى اوى .
فارس ... يااااه يا همس .. نفسى اغمض عيونى الاقيكى جنبى وفى حضنى .

ههمس .. وانا كمان يا فارس .. انا مش عارفه انت عملت ليا ايه .. لغبط حياتى كلها فى لحظه .. ده اسمه ايه بالضبط .
فارس ... اسمه العشق يا همس .
همس .. فارس عشقى يا حبيبى .
فارس بشووووق وحب .. وانتى عشق الفارس يا همس .
وفضلوا يحبوا فى بعض حوالى ساعتين ونسيوا الوقت خالص والعالم كله .. لحد ما همس سمعت حد بيخبط على الباب .
فاستأذنت من فارس انها هاتقفل وتبقى تكلمه تانى لما تغير لبسها اللى كانت لسه لبساه من ساعه لما رجعت ونسيت العالم وما فيه لمجرد بس انها بتتكلم مع فارس .. وبعدين هاتتعشى وتكلمه تانى .

فارس ... ماشى يا قلبى ما تتاخريش عليا .. هاستناكى على ناااار .
وقفلت الموبيل مع فارس وقامت تشوف مين اللى بيخبط على باب اوضتها .
فتحت الباب لقت عمر اخوها ساند نفسه على الباب ومستنى انها تفتحله .
عمر .. لسه بدرى يا اختى كل ده لحد ما تفتحى .. وايه ده بقى ان شاء الله انتى لسه بلبسك بتاع الشغل ما غيرتيش .. ايه ده كنتى بتعملى ايه يا همووووس من ورايا اعترفى .

همس خبطته على صدره بأيدها وقالتله ... يا شيخ اتلهى .. ابدا اول لما دخلت نمت على السرير وروحت فى النوم .
عمر .. على عمورة برضه يا همس .. ده بزمتك شكل واحده كانت نايمه .
همس بخجل .. يا عم بقى بطل رخامه .. وقولى كنت عاوز ايه اخلص عاوزة اغير لبسى اللى بيه من الصبح ده واخد شور .
عمر ... ماشى ماشى .. اهربى اهربى .. نبقى نشوف الموضوع ده بعدين المهم ماما بتقولك انزلى يالا علشان تجهزى معاها السفرة علشان الضيف اللى جاى يتعشى معانا النهارده زمانه على وصول .

همس باستغراب قلبها اتقبض وخافت لايكون اللى فى دماغها ! ضيف مين ده بقى ان شاء الله وجاى ليه .
عمر .. والله ما عارف يا همس .. انا لسه عارف زيى زيك بالضبط وسألت ماما لما قالتلى اطلع ابلغك .. قالتلى بعدين يا عمر بعدين .. فاطلعت واقولتلك .
وبعدين يا خبر بفلوس بكره هايبقى ببلاش .
همس بخوف ... ماشى يا عمر روح انت وانا هاروح اخد الشور والبس وانزل على طول .

فى شقه سلمى كان الكل قاعد وبيتعشوا مع بعض .. الام وسلمى وعادل .
عادل لسلمى .. مالك يا سوسو انتى تعبانه ولا ايه ولا فى حد مزعلك .. شكلك مش عاجبنى من ساعه ما رجعتى من المطار .. ومش عاويدك فين الهزار والضحك والرخامه بتاعتك اللى اتعودت عليها .

الام ... فعلا يا عادل يا ابنى من ساعه لما رجعت وهى بالمنظر ده مش عارفه مالها .. ولما سألتها مردتش عليا .
سلمى .. مفيش حاجه يا جماعه اطمنوا انا تعبانه شويه وزهقانه مش اكتر .
عادل .. عليا برضه يا سلمى هو انا مش عارفك لما بتكدبى يا سوسو .. قوليلى بس نين مزعل القمر ده وانا اموته والله.
سلمى بحزن .. مفيش يا عادل .. مفيشةحاجه خالص .. وقامت من على السفره واستاذنت وراحت على اوضتها .
الام بحزن على منظر سلمى .. ابقى ادخل يا ابنى شوفها مالها . لانى من ساعه ما رجعت وانا حاولت اعرف مالها وهى مش عاوزة تقولى .. انتم مش اخوات وبس انتم كمان صحاب وهى بتحكيلك على كل حاجه .

عادل بحب ... حاضر يا امى اطمنى انتى ومتزعليش نفسك لا الضغط يعلى عليكى .
الام ... قوم يا حبيبى ادخلها وشوف هى زعلانه ليه وابقى طمنى .
عادل .. حاضر يا حبيبتى .. هادخلها بس بعد ما اشيل انا السفرة بدالك .
الام .. لا سيبها مالكش دعوة انت وانا هاشيلها واحده واحده .. وروح لاختك .
عادل .. حاضر يا امى عن اذنك .

وفعلا قام عادل ووصل لاوضه سلم وخبط على الباب ولما سمحتله انه يدخل دخل على طول .
عادل قرب منها وضمها لحضنه وقال .. مالك يا حبيبتى فى ايه .. انا حسيت انك مش عاوزة تقوليلى حاجه اودام ماما .. فجيتلك اهو علشان تقوليلى كل حاجه مزعلاكى .. مش انا عدوله برضه اخوكى حبيبك اللى بيوصلك كل شويه بعربيته .
سلمى زى ما يكون عادل داس على الجرح وما صدقت واتفتحت فى العياط فى حضنه .
عادل فضل يهديها ويحاول يعرف ايه السبب لحد ما بدأت سلمى تحكيله على كل حاجه مزعلاها وعلى موضوع شريف بالخصوص .. وطلبت منه انه ما يحكيش لمامتها اى شىء ويقولها اى شىء تانى عندها فى الشغل مزعلها وخلاص .

وفعلا عادل وعدها بكده وقالها ان همس ملهاش اى ذنب ومتزعليش منها .. وشريف بكرة يعرف ان همس مش بتحبه ويعرف مين اللى بتحبه فعلا وبجد .
سلمى استريحت من كلامها مع عادل اخوها لانهم اتعودا يحكوا لبعض على كل شىء من صغرهم وده اللى مخليهم قريبين من بعض دايما .. عادل قام وقف وحاول يطلعها من المووود وقالها عاوز كوبايه شاى حلوة كده من ايدك يا سوسو بعد الغدا الدسم ده وهاتيهالى على اوضتى لو سمحتى .
سلمى هانرجع للرخامه تانى والطلبات الكتير بتاعتك يا اخ انت ولا ايه .

عادل ... ايوا كده انا عاوز دايما اشوف سلمى ام لسان طويل ااااااد كده .
سلمى .. ماشى ماشى هاروح اعملك احلى كوبايه شاى يا معلم وجريت بسرعه من اودامه .
عادل ! معلم ... هى حصلت .. المهندس عادل يتقاله معلم .. عشت وشوفت يا نااااااس .
وبعدها خرج وراح على اوضته بعد ما اطمن ان سلمى رجعت لطبيعتها ولسانها الطويل .. ودخل وقفل الباب وراه .
مسك موبيله ورن على فارس علشان يشوفه وصل ولا لسه .. وثوانى وفارس رد عليه .
عادل .. فارس باشا .. اخبارك ايه وصلت ولا لسه يا هندسه .

فارس ... اهلا يا استاذ .. انا كويس ووصلت من بدرى بس كنت نايم ولسه يا دوبك صاحى وكنت هاكلمك .
عادل .. طب كويس انا اللى سبقت وكلمتك .. هاتنزل الشركه بكرة طبعا .
فارس .. اكيد طبعا .. الشغل وحشنى .. وزمانك عاكك الدنيا انا عارفك ما تسدش ابدا طول ما انا غايب .
عادل ... لا والله اخس عليك انا برضه كده يا فارس لا انا كده هازعل .
فارس بضحكه عاليه .. بهزر معاك يا حمار والله .. وبعدين انا عارف انك ادها واودود .. وعارف انى سايب وحش ورايا .. بس بحب استفزك .. ازى البت سلمى وازى طنط .
عادل .. كلهم بخير الحمد لله .. المهم .. مش هاتحكيلى بقى كنت مسافر ليه ومع مين.

فارس ... ماشى يا عادل سلام يا حبيبى هاتوحشنى .
عادل .. اهرب اهرب .. ماشى يا فارس .. بكرة هاعرف كل حاجه .
فارس .. سلام يا صاحبى اشوفك بكرة فى الشركه .
وقفل فارس مع عادل وقام ودخل على الحمام علشان ياخد شور ويفوق .
همس كانت خلصت ولبست طقم حلو وحطت مكياج رقيق وسرحت شعرها ونزلت على تحت علشان تشوف مين الشخص اللى بيجهزوله العشاء من الصبح ده واتمنت من جواها ودعت ربنا مايكنش الحيوان اللى اسمه فهد .

نزلت همس وراحت على الرسبشن وشافت السفرة جاهزة والكل قاعد بيستنى الضيف اللى مش عاوزين يقوله هو مين ولا ليها ولا لعمر اخوها حتى .
ولسه همس هاتتكلم سمعت جرس الفيلا بيرن .. وتوقعت ان اللى وصل هو الضيف المنتظر .
راحت ناحيه الباب وفتحت واتصدمت من اللى واقف اودامها .. بعيونه ونظراته الشهوانيه ليها دايما .
فضلت واقفه من الصدمه حوالى دقيقه من غير ما تتحرك ولا تقول اى حاجه وفاقت على فهد وهو بيقول لها حمد لله على السلامه يا قمر .
بنظرات كلها كره وخوف من همس لفهد جريت همس من غير ما ترد عليه ولا حتى تسمحله انه يدخل من الباب وطلعت بسرعه على اوضتها .
الاب استغرب من تصرف همس ده وقام بسرعه وراح ناحيه الباب علشان يشوف مين .

وقرب من الباب وعرف ان فهد هو اللى رن الجرس فبدا يرحب بيه ودخله على جوا بعد ما سلم عليه .
الاب ... اهلا وسهلا فهد باشا .. معلش سامحنى على تصرف همس معاك .. تلاقيها تعبانه من السفر لسه .
فهد لرضوان ... ولا يهمك يا رضوان انا عمرى ما اقدر ازعل منها ابدا .. ومد ايده وسلم علا عمر وعلى والدته .
عمر مد ايده ليه وقال برخامه لانه هو كمان مش بيستريح لفهد ولا لنظراته لهمس .. اهلا عن اذنكم هاكلع اشوف همس .
الاب اتكسف من تصرف عمر هو كمان وحاول يتوه الموقف وطلب من زوجته انها تبدا تجهز السفرة .

وبعد خمس دقايق قام الكل وراحوا على السفره وكان نزل عمر بعد شويه وبلغهم ان همس تعبانه ومش هاتقدر تنزل للعشاء .
فهد عرف طبعا ان ده حصل بسبب وجوده هنا وعمر طول الوقت كان قاعد ومش طايق فهد ده خالص .. وبالذات لما طلع عند همس وهمس عرفته انها مش بطيق فهد ده خالص ولا بتطيق نظراته الوحشه ليها .

الاب حاول يفك حاله السكوت دى خالص وبدا يسال فهد عن اخر مشاريعه وشغله .
فهد مردش عليه ولا على أسئلته دى .. وفجاه قال لرضوان انه عاوزه فى موضوع تانى خالص مهم جدا وعاوز الاجابه والرد فى اسرع وقت ممكن قبل رجعوه للاسكندريه .

رضوان باستغراب .. موضوع ايه ده يا فهد باشا انا تحت امرك .
فهد بكل بجاحه ... انا عاوز ؟
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
رضوان ... خير يا فهد باشا موضوع ايه المهم ده ؟
فهد بمنتهى البجاحه .. انا عاوز همس .
رضوان باستغراب .. عاوز همس .. اللى هو ازى يعنى ؟
فهد بضحكه عاليه اوى هزت اركان الفيلااااا

عاوز همس يا رضوان .. يعنى عاوز اتجوزها فهمت .. وعاوز الرد باسرع وقت ممكن بالكتير خلال يومين قبل ما ارجع على الاسكندريه .. وقام وقف وقال لرضوان انت فاهم .
رضوان من المفاجأه دى مكنش عارف يرد يقول ايه بس حاول يجمع نفسه وقال .. بسسسسسسسس .

فهد بغضب وعيون زى الوحش لرضوان قال ... بسسس ايه يا رضوان ... مفيش حاجه فى قاموس فهد الجبالى اسمها بسسسس بتاعتك دى .
وانت عارفنى ومن زمان اوى .. لما يعجبنى حاجه واعوزها بخدها من غير ما اطلب .. بس المرة دى قولت اقولك الاول .. انت مهما كان صاحبى ومن زمان .. ولازم اقولك الاول .
رضوان اتهز من طريقه فهد وشاف الغضب فى عيونه وقال ... بس همس صغيرة لسه على الجواز يا فهد وفى فارق سن كبير ما بينكم .. واحساسى بيقول ان همس مش هاتوافق على الجواز ده خالص .

فهد بغضب اكتر واكتر ... ومن غير ولا كلمه قال .. مستنى الرد خلال يومين يا رضوان .. ولا تحب اعرف الناس كلها مين هو رضوان الكاشف على حقيقته .. وخرج من الفيلا من غير اى كلمه زياده .
رضوان بصدمه ... اهبب ايه انا دلوقتى .. اهبب ايه يا ربى بس .
جت ام همس من المطبخ وهى معاها اطباق الحلويات وسمعت رضوان وهو بيكلم نفسه فاستغربت وحطت الصينيه اللى فى ايديها على التربيزه وسألته و قالت ... خير يا رضوان فى ايه وفهد بيه راح فين .

رضوان ليها قال ... نصيبه يا سهير نصيبه وجت فوق دماغى .
سهير .. نصيبه ايه بس يا رضوان اهدى كده وقولى فى ايه بالضبط ومال وشك اصفر كده ليه .
رضوان بخوف وارتباك ... فهد يا سهير فهد .
سهير .. فهد ماله يا رضوان انطق .
رضوان بانكسار وخوف من اللى جاى ... فهد عاوز يتجوز همس .
سهير بصدمه .. انت بتقول ايه انت اكيد بتهزر صح .

رضوان .. اهزر ايه بس يا سهير .. انا فى مصيبه .. ولسه هايكمل كلامه كان نزل عمر من فوق من صوت ابوه العالى .. وقال فى ايه وصوتك عالى كدة ليه بابا؟
سهير اللى مكنتش مستوعبه اى حاجه من كلام رضوان ولا مصدقه كلامه اصلا ردت وقالت لعمر .. ابوك بيقول ان فهد عاوز يتجوز همس ... بس اكيد بيهزر .. صح يا رضوان قول انك بتهزر .

رضوان حط ايده الاتنين على وشه وقال .. انا مش عارف اعمل ايه ولا اتصرف ازاى .. انا عارف فهد كويس اوى وعارف لما يحط حاجه فى دماغه يبقى لازم ينفذها .. وانا مش هاقدر اقوله حاجه ولا موافق اصلا انه يتجوز همس بنتى .. ومتاكد ان همس كمان استحاله هاتوافق على الكلام ده ابدا ابدا . وعارف فهد كويس اوى ده انسان ما يعرفش حاجه اسمها لاااااا ومعندوش رحمه ابدا .. وهايخدها غصب عنها وعنى .. قولى يا عمر يا ابنى اعمل ايه واتصرف ازاى .

عمر بزهول .. انا مش مصدق ولا كلمه من الكلام ده كله .. وايه فهد ده كمان اللى هايمشينا على مزاجه وياخد حاجه مننا غصب عننا .. احنا لازم نوقفه عند حده .. انا هاروح واتكلم معاه وهاقوله انسى الموضوع ده خالص ... وعمر همس ما هاتكون لواحد مجرم ونصاب زيه ابدا .. واحد من عمر ابوها .. لا كده لانبلغ البوليس .
كل ده وهمس كانت واقفه على بعد مترين منهم وسمعت كل الكلام من ساعه ما عمر نزل لانها نزلت وراه على طول وفجاه الكل سمع حاجه وقعت جامد على الارض واتصدموا اول لما شافوا همس واقعه على الارض وفاقده الوعى .

جرى عمر بسرعه اول واحد ليها ونزل على الارض وحاول يفوقها .. همس .. همس .. همس .. حبيبتى فوقى .
وجه الاب والام بسرعه وحاولوا يفوقوها .
الام .. هااااااااامس بنتى حبيبتى .. فوقى يا قلبى .. فوقى .
الاب بعيون كلها دموع .. قومى يا بنتى .. قومى .. حقك عليا .. انا اللى استاهل من الاول .. انى اعرف واحد زى ده .. سامحينى يا بنتى ارجوكى تسامحينى .
عمر بسرعه شالها على ايده وطلع بيها على اوضتها علشان يفوقها .. وطلع وراه الام والاب .. بس للاسف فضلت فاقده الوعى رغم كل المحاولات اللى عملوها علشان تفوق .

لحد ما الاب طلب من عمر انه يطلب الدكتور فورا .
وفعلا اتصل عمر بالدكتور اللى جه فى اقل من عشر دقائق.
وكشف عليها الدكتور وبلغهم انها عندها صدمه عصبيه كبيرة ولازم تتنقل على المستشفى فورا وفى اسرع وقت .
الكل انهار واتصدم من كلام الدكتور .. واتصل الدكتور بالمستشفى وطلب عربيه اسعاف بسرعه على فيلا رضوان الكاشف وداهم العنوان .
فارس كان فى اوضته وكان مستنى على نار ان همس تتصل بيه زى ما وعدته انها هاتتصل بعد العشاء .
مسك موبيله واتصل عليها بس للاسف التليفون كان بيرن ويرن ومفيش حد رد عليه لان الموبيل كان فى اوضه همس على التسريحه والكل كان راح معاها على المستشفى .

عدى حوالى نصف ساعه تانى وفارس حاول يتصل مرة تانيه وبرضه مفيش اى حد بيرد عليه .
بدا فارس يقلق وحس بحاجه غريبه فى قلبه وقرر انه يتصل بسلمى اخت عادل ويحاول يطمن منها على همس .
اتصل فارس بسلمى اللى استغربت اوى اوى لما لقت موبيلها بيرن وعرفت ان فارس هو اللى بيتصل بيها فى الوقت المتأخر ده .

سلمى .. الوووووو
فارس .. ايوا يا سلمى .. انا اسف انى برن عليكى فى وقت زى ده .. اصل الصراحه انا قلقان على همس وبقالى فترة بحاول اوصل ليها مش قادر وحاولت كذا مره ارن عليها مفيش حد بيرد خالص .. فلو سمحتى يا سلمى ممكن انتى تتصلى بيها وتشوفى هى مالها علشان اطمن عليها .
سلمى .. حاضر يا فارس ولا يهمك وما تقولش كده .. انت تتصل فى اى وقت .. احنا اخوات .. ومفيش فرق بينا . .. تلاقيها قاعده فى الجنينه بتاعه الفيلا وسايبه الموبيل فى اى حته ومش سمعاه .. انا هاقفل معاك وارن عليها حاضر وابقى اطمنك .

فارس .. متشكر ليكى اوى يا سلمى معلش قلقتك معايا .
سلمى .. قولنا مفيش حاجه والله .. سلام دلوقتى هاتصل بيها وابقى اطمنك .
وفعلا قفلت سلمى مع فارس واتصلت على همس اللى موبيلها برضه كان بيرن ومفيش حد بيرد عليها خالص .
سلمى بدات تقلق هى كمان على صحبتها وقررت انها تتصل بام همس وتسألها عن همس .. وبعدين افتكرت ان الوقت متاخر اوى وزمان سهير هانم نامت من بدرى .. فقررت انها تتصل بعمر اخوه همس .

وفعلا اتصلت سلمى بعمر ورد عليها بعد كذا رنه .
سلمى .. مساء الخير ازيك يا عمر .
عمر بحزن باين اوى فى صوته قال .. مساء النور يا سلمى ازيك .
سلمى .. الله يسلمك .. معلش يا عمر كنت عاوزة اسألك عن همس اصل عماله ارن عليها علشان اسألها عن حاجه لرحلات بكرة اللى طالعه وهى مش بترد عليا خالص . وبقالى فترة على كده ومش قادرة اوصل لها .
عمر بألم .. همس فى المستشفى يا سلمى .

سلمى بصدمه .. انت بتقول ايه .. مالها همس يا عمر مااااااالها .
عمر بحزن .. تعبت شويه ونقلناها على المستشفى .. ادعيلها يا سلمى تقوم لنا بالسلامه ارجوكى .
سلمى... انتم فى مستشفى ايه انا هاجلكم حالا .
عمر اداها عنوان المستشفى وقفل معاها وراح وقف اودام الاوضه اللى فيها همس علشان مستنى الدكتور يطمنهم على حاله همس .
قفلت سلمى الموبيل وغيرت لبسها وخدت شنتطها وجريت على امها وعادل تبلغهم باللى حصل لهمس وطلبت من عادل انه ينزل يوصلها على المستشفى لان الوقت متاخر جدا .

عادل وامها اتصدموا من الخبر ده ووافق عادل انه ينزل معاها على المستشفى.. بس للاسف نسيت سلمى خالص انها تبلغ فارس اللى كان قاعد على نار مستنى رد سلمى عليه .
ركبت سلمى العربيه هى وعادل وبسرعه راحوا على العنوان الى عمر اداه لسلمى وسألوا عن اوضه همس وراحوا على هناك على طول .
وصلت سلمى لاوضه همس وخبتط ودخلت بسرعه وفضل عادل مستنى بره الاوضه .
سلمى اول لما دخلت شافت همس نايمه على السرير وفى دنيا تانيه خالص وبعيون كلها دموع .

قربت منها وقالت .. مالك يا حبيبتى الف سلامه عليكى .. فى ايه وايه اللى حصلك .
همس مش قادرة تقول ولا كلمه ودموعها هى اللى بتتكلم .
الام رضت على سلمى وقالت .. الحمد لله يا سلمى اطمنى يا بنتى .. هى هاتبقى بخير والدكتور طمنا .
قربت سلمى من همس وباستها وقالتلها الف سلامه عليكى يا حبيبتى ..ان شاء الله هاتقومى بالسلامه وتبقى احسن من الاول .
وفجاه موبيل سلمى رن وكان فارس هو اللى بيتصل عليها .. وسلمى طبعا ما قدرتش ترد عليه وعمر ورضوان وام همس واقفين جنبها فكنسلت عليه .
فارس طبعا كان مش طايق نفسه وقلقان على همس .. وزعل اكتر ان سلمى كنسلت عليه فارن تانى على سلمى .

سلمى سمعت الموبيل بيرن تانى وشافت اسم فارس .. فطلبت من عمر انه يدى الموبيل لعادل اخوها اللى واقف بره وخليه يرد .
عمر خد الموبيل من سلمى وعينه جت على اسم المتصل وشاف اسم فارس وافتكره لما شافه فى عيد ميلاد همس .
عمر خرج بره وسلم على عادل واداله الموبيل وبلغه ان سلمى عوزاه يرد على اللى بيتصل .
عادل استغرب باتصال فارس على سلمى وفى الوقت ده .. فامسك الموبيل من ايد عمر ورد على فارس .
فارس .. ايوا يا سلمى طمنينى همس مالها .

عادل مكنش عارف يقول ايه ولا يرد وعمر واقف .. بس فى الاخر رد وقاله ايوا يا فارس انا عادل .
عمر لما شاف ان عادل مش قادر يرد بحريه على فارس استاذن وراح على الكافيتريا .
فارس اتفاجاه ان عادل اللى رد عليه وساله عن سلمى .
عادل .. ايوا يا فارس معلش مش عارف ارد عليك .. انا وسلمى هنا فى المستشفى .
فارس بدقات قلبه اللى كانت مسموعه جدا من كتر الخوف والتوتر والقلق على همس قال .. انتم فى المستشفى ليه يا عادل همس حصلها حاجه .
عادل باستغراب .. الصراحه يا فارس ااااا ...

فارس .. انطق يا عادل .
عادل .. همس تعبت ونقولها على المستشفى واحنا عندها دلوقتى.
وقبل ما عادل يكمل كلامه كان قفل فارس الموبيل وشد مفاتيح عربيته من على التربيزه اللى جنب السرير .. وفى اقل من دقايق معدوده كان نزل وركب العربيه واتصل على عادل انه يبعت الابلكيشن بتاع المستشفى الى همس فيها .
وفعلا عادل بعت ليه الابلكيشن وساق بمنتهى السرعه الجنونيه ووصل اودام المستشفى.
عادل طبعا عرف ان فارس مجنون وهايجى وممكن يحصل مشكله بسبب وجوده.. فنزل تحت واستناه على باب المستشفى.
وفعلا وصل فارس بمنتهى السرعه وركن عربيته وجرى على ناحيه الباب و اتفاجاه ان عادل واقف مستنيه .

فارس بخوووووف وحزن وقلق .. مالها همس يا عادل ايه اللى حصلها .. انا لازم اطلع واشوفها واعرفها انى موجود وجنبها .. ارجوك يا عادل ودينى ( لهمسى ) ارجوووك .
عادل .. اهدى بس يا فارس ارجوك .. طلوعك دلوقتى وانت فى الحاله دى عند همس .. ممكن تسبب ليها مشكله كبيرة .. ابوها وامها واخوها فوق .. انا هاطلع بحجه انى اجيب سلمى وهاطمن بنفسى على همس واطمنك .

فارس .. انت بتقول ايه يا عادل انا لازم اطلع ودلوقتى حالا .
عادل .. ارجوك يا فارس اهدى واحلفلك انى هاطلع واشوفها بنفسى وانزل عل طول واطمنك .. لكن وجودك انت هايسبب مشكله ليها وليك .. انت مش عارف رضوان ده رخم اد ايه .
فارس بعيون كلها حب ودموع فى نفس الوقت .. بجد يا عادل .
عادل .. بجد يا فارس

فارس هدى شويه لما عادل وعده انه هايطمنه وقاله .. ماشى يا عادل ارجوك اطلع واطمن عليها بنفسك وخلى سلمى تقولها انى موجود ومعاها ومش هامشى من هنا الا وهى معايا .
عادل .. يااااه يا صاحبى .. ايه الحب ده كله وحصل امتى .
فارس .. مش حب يا عادل ده عشق .. همس بقت عشقى وعمرى وروحى وحياتى كلها .. من اول مرة عينى جت فى عيونها .
عادل .. ماشى يا صاحبى انا هاطلع وانزل اطمنك على طول .
وفعلا طلع عادل ووصل لحد اوضه همس وخبط على الباب وفتحله عمر اخوا همس وسمحله انه يدخل .
عادل .. مساء الهير يا حماعه .. والف سلامه على همس يا رضوان بيه وان شاء الله هاتقوم بالسلامه .. هى مالها وايه اللى حصلها .
رضوان .. تعبت شويه وان شاء الله هاتقوم على خير .

سهير .. باذن الله .. ادعيلها يا سلمى يا بنتى هى بتحبك وبتعتبرك اختها .
سلمى ان شاء الله هاتقوم بالسلامه .. واتفضلى انتى يا طنط ارجعى على البيت واستريحى وانا اللى هبات معاها النهارده .
الام .. لا طبعا انتى بتقولى ايه يا سلمى .
عمر لما شاف فى عيون عادل وسلمى كلام كتير عاوزين يقولوه لهمس قال .. سلمى عندها حق يا امى .. اتفضلى ارجعى على البيت انتى وبابا وانا هافضل هنا انا وسلمى وهانخلى بالنا من همس .

الام .. بسسسسسسسس .
الاب .. خلاص يا سهير ..عمر عنده حق . تعالى نرجع على البيت علشان تستريحى .. ومن بدرى هانيجى تانى .
وفعلا مشى رضوان وسهير بعد ما سلموا على الكل ووصوا عمر وسلمى انهم يخلوا بالهم من همس .
ولما نزلوا كان فارس واقف اودام الباب لسه واول لما شافهم حاول يبعد بعيد قبل ما حد فيهم يشوفه .. ويادوبك ركبوا عربيتهم ودخل فارس بسرعه وسأل على اوضه همس وطلع باقصى سرعه على فوق .

عمر وعادل كانوا راحوا يشربوا قهوة فى الكافيتريا ومفيش غير سلمى اللى معاها فى الاوضه .
باب الاوضه خبط وسلمى سمعته وراحت علشان تشوف مين على الباب .
فتحت سلمى الباب واتفاجأت بفارس اللى واقف وشكله ومنظره حزين جدا .
سلمى .. فارس .. انت هنا بتعمل ايه ؟

فارس .. همس عامله ايه يا سلمى انا لازم اشوفها.. فى حد معاها جوا .
سلمى .. لا مفيش بس عمر وعادل نزلوا الكافيتريا يجيبوا قهوة وطالعين تانى .
فارس .. انا لازم ادخل اطمن عليها ارجوكى يا سلمى .
سلمى .. بسسسسسسس .افرض عمر جه هانقوله ايه بس .
فارس .. اتصرفى يا سلمى ارجوكى .
سلمى .. ماشى يا فارس ادخل انت ليها وانا هاتصرف .

وفعلا دخل فارس وقفل الباب وراه .. وشاف همس وهى نايمه على السرير زى الملاك .
قرب منها ومسك اديها وباسها وقال .. الف سلامه عليكى يا همسى.. انا هاموت عليكى فوقى يا حبيبتى ارجوكى تفوقى .. انا بحبك اوى يا همس .. بعشقك يا روحى .. فوقى .. انا هنا وجنبك وعمرى ما هسيبك .. ودموعه كانت نازله من عيونه .. ودمعه منهم نزلت على وش همس .. اللى فتحت عيونها وشافت فارس اودمها وعيونه كلها دموع .

وبصوت ضعيف جدا قالت .. فااااااااارس
اطمن انا كويسه يا حبيبى .. متخفش عليا .
فارس .. انتى حصلك ايه وايه اللى وصلك لكده .
همس بعيون كلها دموع قالت .. مش وقته يا فارس ارجوك .. بعدين هاقولك على كل حاجه .. انا المهم عندى دلوقتى انك جنبى وحاسه بيك وشايفه خوفك عليا هو ده اللى انا محتجاه دلوقتى .. اوعى تبعد عنى يا فارس مهما يحصل ارجوك اوعدنى .

فارس باستغراب .. ليه بتقولى كده بس يا حبيبتى .. انا عمرى ما هاقدر ابعد عنك ابدا .. لاخر نفس فى حياتى هافضل جنبك بحبك وبعشقك انتى ( عشقى يا همسى ) وقرب من وشها وباسها بوسه رقيقه على خدها .
وللاسف الباب اتفتح ودخلت سلمى بسرعه وقالت .. الحق يا فارس .. عمر وعادل جايين هانعمل ايه بسرعه قول .
فارس .. مش هانعمل اى حاجه .. هاقول انى عرفت ان همس تعبت وفى المستشفى وانا جيت اطمن عليها .
سلمى .. ماشى .. ماشى .. وفى ثوانى كان دخل عمر الى كان شايل قهوة وسندوتشات كتير ليهم واتفاجاه بفارس اللى كان واقف قريب جدا جدا من همس . وده اللى خلاه يتاكد ان فى شىء بين فارس وهمس .. ومنظر فارس اللى بيدل على مدى حزنه وزعله على همس دليل كبير على شك عمر .
عمر .. فارس .. اهلا وسهلا بيك .

فارس ... ازيك يا عمر .. انا عرفت ان همس تعبانه وقولت اجى اطمن عليها .
عمر .. تنور يا فارس ويالا جيت فى وقتك .. تعالوا نقعد كلنا ونشرب القهوة وناكل السندوتشات دى علشان همس تتشجع هى كمان وتاكل اى حاجه علشان العلاج .. ماشى يا حبيبه قلبى .
عمر قرب من اخته وشاف عيونها المركزه اوى على فارس وفيها حب كبير ليه .. وده كان اكبر دليل لعمر على حب فارس وهمس .
عمر .. ااااايه روحتى فين يا همس بكلمك .
همس بتعب .. معاك يا عمر .
عمر .. طيب تعالى يالا اساعدك تقعدى علشان تعرفى تاكلى ولا اكلك انا بايدى .. ولا تحبى حد تانى يأكلك بنفسه.

همس ابتسمت وعرفت عمر بيلمح لأيه وقالت .. انا هاقوم لوحدى ما تتعبش نفسك انا الحمد لله بقيت كويسه .
عمر قرب منها اوى وقال بصوت واطى جدا ... يااااااه اخيرا الحمد لله .. بس ايه اللى حصل يعنى وقومتى على طول كده ولا فرحتى ان فارس جه يزورك .. اصل سلمى وعادل هنا من بدرى ..لكن اول لما شوفتى فارس .. قومتى على طول وعيونك بدات تنور تانى .
سلمى خدت بالها من عمر وهمس وقالت ... فى ايه يا عمر وبتقولها ايه خلتها تضحك كده .. ضحكونا معاكم .

همس ابتسمت واكتفت بالابتسامه دى .. وسلمى خدت ساندوتش وادته ليها وبدا الكل ياكل لكن فارس اكتفى بشرب القهوة .
وعدى حوالى ساعه على وجود فارس لحد ما حسوا ان عمر عاوز ينام ومحرج من وجودهم ده مع همس فى الوقت المتأخر ده .
عادل قرب من فارس وقاله انهم لازم يستأذنوا بقى ويمشوا علشان النهار قرب يطلع وكام ساعه كده يبقوا يرجعوا تانى .

فارس مكنش راضى بس من نظرات همس ليه فهمها على طول وقام وقف وطلب من عادل انهم يستأذنوا ويمشوا ويرجعوا تانى بعد كام ساعه .
وفعلا نزل فارس وعادل وعمر على تحت بعد ما طلبت سلمى من عمر انه يرجع هو كمان على الفيلا وهى اللى هاتبات مع همس .
الشباب نزلوا على تحت وخرجوا من باب المستشفى بس للاسف مخدوش بالهم من اللى كان بيراقبهم من بعيد وعرف انهم نزلوا .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الكل نزل وخرجوا من باب المستشفى ومخدوش بالهم من اللى كان واقف وبيتابع كل خطواتهم لحد ما ركبوا عربياتهم ومشيوا وبعدوا عن المستشفى خالص .
طلع موبيله واتصل بحد وبلغه ان همس لسه هنا وباتت معاها صاحبتها سلمى .
فهد ... تمام خليك عندك وراقب كل شىء وبلغنى بيه اول باول وانا جايلك حالا .
وفعلا خلال نصف ساعه كان وصل فهد بالبودى جارد بتوعه .. ووقف هو والراجل اللى تبعه وعرف كل شىء عن همس وعن حالتها ورقم اوضتها كمان .

فهد .. يعنى انت متاكد ان مفيش حد طلع لها تانى من اخر مرة كلمتنى .
الراجل .. لا يا فهد باشا .. انا متاكد ومتحركتش من مكانى لحد ما حضرتك جيت دلوقتى .
فهد ماشى اقف استنى هنا لما ندخل ونرجعلك ولو حد جه تعرفه من اهلها بلغنى على طول بالتليفون.
الراجل .. اوامرك يا فهد باشا .
فهد دخل للمستشفى ومعاه اتنين من رجالته وشاور لواحد منهم انه ينفذ اللى طلبه ومنه على طول .

وطلع فهد فى الاسانسير وكان البودى جارد اللى معاه شايل بوكيه ورد وعلبه شيكولاته ووصلوا للدور اللى كانت اوضه همس فيه .
ويادوبك خرجوا من الاسانسير وكانت سلمى خارجه من اوضه همس بس للاسف راحت اتجاه تانى غير اللى فهد جه منه .. ومخدتش بالها بوجود فهد واتجاهه ناحيه اوضه همس .

فلاش باك .
سلمى وهمس كانوا قاعدين فى الاوضه .. وهمس طلبت من سلمى انها تفضل قاعده لحد ما هى تدخل الحمام وتغير لبسها وتاخد شور دافىء علشان تعرف تنام كويس .. لانها كانت حاسه بالارهاق الشديد والتعب من كل اللى حصل وبالذات انها مش بتحب نوم السرير خالص ولا جو المستشفيات .
وفعلا دخلت همس وفضلت سلمى قاعده لوحدها وماسكه الموبيل وبتلعب فيه وفجاه التليفون الارضى الموجود فى الاوضه رن وقامت سلمى علشان ترد .
سلمى .. الوووو .. مين معايا .

الطرف التانى .. مساء الخير يا افندم .. احنا اداره المستشفى وعاوزين اى حد تحت فى الادارة طرف المريضه همس رضوان لو سمحتى .
سلمى بأستغراب ... ماشى حاضر ثوانى وانا هانزل بنفسى .. بس لو سمحتى هى الادارة فين بالضبط علشان مش عرفاها .
الطرف التانى ... حضرتك اخرجى من المبنى ده كله وهتلاقى مبنى اكبر اودام الباب الرئيسى للمستشفى وهناك المبنى الادارى كله .
سلمى .. حاصر خمس دقايق واكون عندكم سلام .
وفعلا قفلت سلمى معاهم وقربت من باب الحمام وقالت لهمس انها نازله لتحت وجايه علشان الادارة عوزاها .
همس باستغراب .. ماشى يا سلمى بس اقفلى الباب وراكى كويس عقبال ما اخرج .
سلمى .. ماشى يا حبيبتى .

باك .
وخرجت سلمى واتجهت اتجاه تانى خالص غير اللى فهد جه منه ونزلت على تحت .
فهد قرب من باب الاوضه وخد الشيكولاته وبوكيه الورد من البودى جارد وطلب منه انه يقف اودام الاوضه لحد ما هو يخرج .
وفعلا دخل فهد من غير حتى ما يستاءذن على الباب وقفل الباب وراه .
فهد دخل وعينه جت على السرير واستغرب ان همس مش موجوده فيه .. فاقرب من التربيزه اللى فى وسط الاوضه وحط الورد والشيكولاته وعينه جت على باب الحمام المقفول وتوقع ان اللى جوه همس .

فى عربيه فارس اللى كان حزين على همس واللى لحد دلوقتى مش عارف السبب الرئيسى لتعبها المفاجاه كده هو ايه .
كان طول الطريق من المستشفى للفيلا بتاعته سرحان فى همس وافتكر اول لقاء بينهم .. واد ايه هو اعجب بيها وحبها من اول نظره .. وافتكر لما سافر لها وقضوا احلى يوم فى حياتهم مع بعض .

وفضل فارس سرحان فى كل دقيقه وكل ثانيه قضاها مع همس اللى حبها بقى بيجرى فى دمه وبيعشقها وبقت عشق الفارس بالنسبه ليه .. وهايكون حبهم اسطورة كبيرة يحكوا لاولادهم واحفادهم عنه .

وفضل سرحان بالمنظر ده وافتكر لما كان معاها فى المستشفى .. لحد ما وصل لباب الفيلا بتاعته وعمل كلاكس العربيه علشان البواب يفتحله .
فهد قعد على الكرسى اللى جنب سرير همس وحط رجل على رجل واستنى لحد ما همس خرجت من جوا الحمام .
همس كانت لبست بيجامه رقيقه ولفت شعرها فى الفوطه وفتحت الباب واتصدمت اول لما شافت فهد اودامها .
همس بعصبيه ... انت ازاى تدخل اوضتى وتقعد كمان فيها من غير استأذان .. اتفضل اطلع بره .. بدل ما اخلى الامن يجى يطلعك بره .

فهد بضحكه عاليه ... امن يطلعنى برة هههههههه .. انا فهد الجبالى يا همس .. فاهمه مين هو فهد الجبالى .. وبعدين ادخل اى مكان انا عاوزه من غير استأذان يا حلوة .. وقام وقف وقرب من همس اللى بدات تتوتر وتبعد عنه كل لما يقرب هو .
فهد .. انا حبيت اجى بنفسى واطمن عليكى واقولك الف سلامه .
همس .. مالكش دعوة بيا خالص .. انا كويسه ومش عندى اى حاجه .. والموضوع الى انت طلبته من بابا ده تنساه خالص .. انا مش موافقه .. نجوم السماء اقربلك يا فهد بيه .. وبابتسامه كلها استحقار بيه قالت .. وبعدين مش عيب عليك تتجوز واحده من دور عيالك .
فهد بدات ملامحه تتغير للاوحش واتعصب وقال ... انا فهد الجبالى وهاتجوزك يا همس .. برضاكى او من غير راضاكى .. وهاتيجى انتى بنفسك وتطلبى انى اتجوزك .. وقريب اوى اوى .

همس بتوتر .. ده مستحيل يحصل وعلى جثتى انت فاهم واتفضل اطلع بره .
فهد قرب منها اوى وقال .. هو من ناحيه جثه فاهيبقى فى جثه .. لو مش هاتتجوزينى يا حلوة هاموت فارس الحسن حبيب القلب بتاعك انتى فاهمه ولا مش فاهمه .
وخلال يوم باكتير هاتسمعى خبره وتقرى عليه الفاتحه وهاتجوزك برضه .
همس بدات تعيط جامد وفضلت تصرخ لحد ما وقعت على الارض .. وفى اللحظه دى دخلت سلمى على صريخها وجريت عليها وشافت فهد اللى كان واقف قريب منها . واول لما دخلت سلمى فهد قال .. مستنيكى يا قطه .. اوعى تتاخرى عليا يا عروسه .

همس ... ااااااااااخرج برررررره يا حيوااااان .
سلمى .. اهدى يا حبيبتى اهدى ارجوكى .. وجريت بسرعه ورنت على مفتاح الجرس اللى فوق السرير بتاع همس علشان الدكتور يجى بسرعه .
لكن للاسف همس فقدت وعيها من كتر الصريخ والعياط الل كانت فيه .
والكل جه الداكترة والممرضين واستغربوا من همس اللى كانت نايمه على الارض وبسرعه شالوها ورفعوها على السرير وطلبوا من سلمى انها تطلع بره الاوضه خالص لحد ما يكشفوا على همس .

فهد طبعا كان مشى وساب المكان خالص .. وسلمى وقفت بره وكانت خايفه جدا على همس و حاولت تعيد كل اللى حصل لها من ساعه ما التليفون الارضى رن عليها لحد ما رجعت تانى على اوضه همس .
سلمى اول لما نزلت من المستشفى وراحت على المبنى الادارى اللى بلغوها بيه بالتليفون .. راحت وفعلا طلع المبنى الادارى .. ووصلت لحد اوضه المسوؤل وخبطت على الباب .

سلمى خبطت على الباب ودخلت وقالت .. مساء الخير .. انا سلمى اللى تبع المريضه همس رضوان وحضراتكم طلبتوا منى انى اجى دلوقتى.
المسوؤل باستغراب بص ليها اوى وقال .. اهلا بحضرتك بس مفيش حد اتصل بحضرتك وطلب انك تيجى دلوقتى .
سلمى بتعجب ... لا حضرتك فى حد كلمنى وطلب منى انى اجى دلوقتى لامر مهم .
المسوؤل .. لا طبعا مفيش حد .. وبعدين لما نبقى محتاجين اى شىء بنروح بنفسنا لاوضه المريض .
سلمى باستغراب .. مش فاهمه حضرتك طب ازاى وايه الغرض انى اجى هنا دلوقتى واسيب المريضه فوق لوحدها .
المسوؤل .. انا اسف لسيادتك .. بس انا متاكد من كلامى كويس واسفين على ازعاجك يا افندم .

باك ...
وفعلا عرفت واتاكدت سلمى ان الى عمل كده هو فهد والناس اللى تبعه علشان تنزل وتسيب همس لوحدها فى الاوضه وقالت لنفسها طب ليه وهو عاوز منها ايه وايه اللى يجيبه فى وقت بدرى اوى زى ده علشان يزورها ؟.. بس استغربت اكتر .. لما افتكرت انهيار همس بسبب فهد وايه السبب اصلا لتعبها ووصولها للحاله دى .
والى استغربت ليه اكتر لما قال فهد لهمس .. سلام يا عروسه .. وفاقت من سراحنها على فتح باب الاوضه.
وخرج الداكترة وطمنوا سلمى .. بس فى نفس الوقت سألوها عن سبب سوء حالتها بالمنظر ده بعد ما كانت بدات حالتها تتحسن وطلبوا منها انها ما تتعرضش لاى ضوغطات خالص واى شىء يزعلها لانه هايضرها اكتر ويقلب الحاله لانتكاسه ممكن تاذيها اكتر وتدهور حالتها .

سلمى شكرتهم وقالت .. انا متشكرة جدا .. وان شاء الله هانخلى بالنا منها ومن صحتها ونفسيتها .. واستاذنت ودخلت لهمس اللى كانت نايمه من الحقن المهدئه .. فشدت كرسى وفضلت قاعده جنبها لحد ما الساعه وصلت لتسعه .
فهد كان رجع على الفندق اللى هو كان نازل فيه وكان طلب من البودى جارد بتوعه انهم ينفذوا حاجه مهمه هو طلبها منهم وهى انهم يراقبوا خطوات فارس كويس اوى من اول لما يخرج من الفيلا بتاعته لحد ما يروح الشركه . ويبلغوه اول باول بكل شىء . وبالذات لو راح على المستشفى عند همس .

وفى فيلت فارس .. كان هو فى اوضته وعلى سريره بس للاسف مش جايله نوم خالص من ساعه ما رجع من عند همس من المستشفى وفضل يفكر كتير جدا فى كل حاجه حلوة حصلت بينهم من ساعه ما شافها ساعه الحادثه البسيطه اللى حصلت بينهم ..
لحد ما سابها نايمه على السرير فى المستشفى .

وفى الاخر اعترف لنفسه انه مش هايقدر يبعد عنها بعد كده خالص و قرر انها اول لما تخرج من المستشفى هايطلب اديها من باباها على طول لانه بيعشقها ومش قادر يبعد عنها نهائى وفضل يفكر كتييير لحد ما عينه راحت فى النوم فترة قصيرة جدا .
وعلى الساعه عشرة قام فارس من النوم واتفاجاه ان الساعه داخله على عشرة وربع واول حاجه عملها انه اتصل بسلمى علشان يطمن على حبيبه قلبه همس .
مسك الموبيل ورن على سلمى وفعلا سلمى ردت عليه على طول لانها كانت صاحيه وكانت يادوبك لسه قافله الموبيل مع رغد وبتبلغها بكل حاجه حصلت لهمس وانها معاها فى المستشفى وبالمرة تبلغ اداره المطار بكده علشان يبقى عندهم خبر .

فارس ... صباح الخير يا سلمى .. اخبار همس ايه دلوقتى طمنينى .
سلمى .. صباح النور .. الحمد لله يا فارس هى بخير اطمن ونايمه من ساعه ما الدكتور... وسكتت
فارس حس بقلق فى صوت سلمى وقال .. فى ايه يا سلمى بالضبط ومال صوتك .. هى همس تعبت تانى ولا ايه .. انا عاوز اعرف فى ايه بالضبط وايه سبب تعبها ارجوكى يا سلمى .

سلمى .. ابدا ابدا مفيش حاجه بس هى نايمه دلوقتى وتعبت شويه بعد ما انت وعمر وعادل نزلتوا والدكتور جالها واداها حقنه مهدئه ومن ساعتها وهى نايمه .
فارس .. ايه اللى تعبها ما انا كنت سايبها كويسه.. على العموم ماشى يا سلمى مسافه السكه واكون عندكم يالا سلام .
فارس حس بحاجه فى صوت سلمى وقلق تانى على همس وقام بسرعه من السرير ودخل على الحمام علشان ياخد شور ويلبس ويروح على المستشفى .
سلمى بعد ما قفلت مع فارس اتفاجات بعمر ومامته داخلين الاوضه .

عمر .. صباح الخير يا سلمى اخبار همس ايه دلوقتى .
الام .. طمنينى يا سلمى بنتى عامله ايه دلوقتى .
سلمى .. اطمنوا همس كويسه والله وبقت احسن شويه بعد ما خدت الحقن المهدئه تانى .
عمر ! حقن ايه يا سلمى .. ما كانت كويسه ورجعت زى الاول .. هو حصل ايه بالضبط علشان تاخد مهدئات تانى .
الام قربت من همس وقلقت عليها وقالت .. فى ايه يا سلمى مالها همس .

سلمى .. اهدوا يا جماعه .. هى تعبت شويه تانى بعد ما انتم مشيتوا يا عمر والدكتور جه بسرعه واداها حقنه مهدئه ونامت .
عمر باستغراب ... لا اكيد حصل حاجه فى ايه يا سلمى .
سلمى ... الصراحه هى تعبت اوى وانهارت لما فهد جه وزارها وقالها حاجه زعلتها وبعدها على طول تعبت جدا وفضلت تصرخ لحد ما انهارت .
عمر ... الحيوان ده انا مش هاسيبه والله لاموته لو قرب منها تانى .. هو عاوز منها ايه .. أنا لازم اوقفه عند حده وقرب من الباب وكان عاوز ينزل يروحله لولا امه جريت عليه وحاولت تهديه لما شافته كده .

الام .. اهدى يا عمر علشان خاطرى .
عمر .. لا يا ماما مش هاهدا .. الحيوان ده مش هاخليه يقرب من همس تانى .. انا هاموته والله لو فكر حتى انه يقرب جنبها .
سلمى .. هو عاوز منها ايه يا عمر وايه اللى وصل همس لكده وايه سبب تعبها اصلا .. انا مش فاهمه حاجه خالص .
عمر .. الحيوان ده اللى من سن بابا تقريبا عاوز يتجوز همس اختى ومن ساعه ما همس عرفت بكده وهى مصدومه وتعبت ونقلناها على المستشفى .
سلمى اتفاجأت من كلام عمر وقالت .. انت بتتكلم بجد .. فهد ده عاوز يتجوز همس ازاى ده .

الام .. خلاص يا عمر مش وقته الكلام ده يا ابنى .
عمر .. لا مش خلاص ولو بابا مش قادر يقف ويبلغه برفض همس انا اللى هاقف واقوله ان همس مش عوزاك واستحاله انك تتجوزها .
وفجاه سمعوا صوت همس وهى بتنادى على عمر بصوت واطى جدا .
همس ... عمر .. عمر
عمر جرى بسرعه وقرب من اخته ومسك ايديها وقال .. حبيبه قلبى الف سلامه عليكى يا عمرى عامله ايه دلوقتى .

همس بصوت هادى قالت .. الحمد لله .. انا كويسه .. وارجوك يا عمر مالكش دعوة بفهد ده خالص .. ده انسان مجرم وممكن يأذيك .
عمر ... متخافيش عليا يا حبيبتى .. المهم دلوقتى انك تقومى بالسلامه وترجعى زى الاول واحسن .
همس .. اطمن انا كويسه .
الام ... الحمد لله يا حبيبتى قلقتينى عليكى.. ومتخافيش استحاله فهد ده يقرب منك تانى وانا بقى اللى هاقف لابوكى فى الموضوع ده .
سلمى اللى كانت واقفه مصدومه ومش قادرة تنطق باى كلمه بعد اللى عمر قاله وبلغها بسبب تعب همس .
وفجاه سمعوا خبط على الباب وراح عمر وفتح وشاف رغد وجنه جايين علشان يطمنوا على همس بعد ما سلمى بلغت رغد .

فلاش باك
سلمى .. صباح الخير يا رغد
رغد .. اهلا سلومه صباح النور .. ايه اللى اخرك يا هانم لحد دلوقتى الساعه داخله على عشرة ونصف ولا راحت عليكى نومه .
سلمى بصوت حزين .. ابدا يا رغد انا صاحيه من بدرى .. ده انا حتى مع همس فى المستشفى.
رغد بصدمه .. مستشفى .. مستشفى ايه .. ومين تعبان طمنينى فى ايه يا سلمى .

سلمى .. همس تعبت جدا باليل ونقلوها على المستشفى وانا اول لما عرفت بكده جيت لها انا وعادل وقولت اتصل بيكى دلوقتى علشان اعرفك وبالمرة تبلغى الادارة بكده .. وكويس ان همس ملهاش رحلات الاسبوع ده .
رغد .. طب هى مالها بالضبط وتعبانه من ايه دى كانت كويسه .
سلمى .. مش وقته خالص يا رغد انا مش عارفه اى شىء لحد دلوقتى .

رغد ... ماشى يا سلمى الف سلامه عليها وانا فورا هاكون عندكم .. ادينى العنوان بسرعه علشان اجيلكم .
وفعلا سلمى اديتها عنوان المستشفى ورغد اتصلت على جنه اختها علشان تبلغها هى كمان بتعب همس لان جنه بتحبها جدا جدا هى وسلمى وبالمرة علشان تقابلها عند الجامعه و تروح معاها على المستشفى .

باااااااك .
دخلت رغد وجنه اللى اول لما شافها عمر قلبه فضل يدق ويدق كتير لمجرد بس انه شاف جنه .
قربت رغد من همس وقالت .. الف سلامه عليكى حبيبتى وقربت منها اكتر وباستها .
جنه هى كمان بكل رقه قربت وسلمت على ام همس وعلى سلمى وعمر ..وراحت اتجاه همس وقالت لها الف سلامه عليكى يا قلبى .
عمر عيونه ما تشالتش من على جنه وحس بحاجه غريبه بتشده ليها اكتر واكتر وفضل على حال ده طول ما هما موجودين .
وفجاه موبيل سلمى رن وكان عادل بيتصل عليها .. ففتحت وردت عليه وفجاه صرخت سلمى بصوت عالى انت بتقوووووول ايه !
عاا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
سلمى ... انت بتقول ايه يا عادل وحصل امتى الكلام ده .
همس قلبها دق جامد وعيونها كلها على ملامح سلمى ورد فعلها من مكالمه عادل .
سلمى .. ماشى يا عادل ثوانى وهاكون عندك سلام .
همس بخوف .. فى ايه يا سلمى حد حصله حاجه .
سلمى بتوتر .. لا ابدا ابدا يا حبيبتى بس انا لازم انزل فورا .

ام همس .. خير يا بنتى فى ايه قلقتينى .
سلمى .. ابدا يا طنط بس لازم انزل دلوقتى حالا عن اذنكم .. وفتحت سلمى باب الاوضه وهى بتهرب من عيون همس علشان مش هاتقدر تبلغها باللى هى عرفته .
خرج عمر ورغد ورا سلمى بسرعه علشان يعرفوا فى ايه بالضبط .
عمر .. خير يا سلمى فى ايه طمنينى .
رغد .. فى ايه يا سلمى ومال وشك مش طبيعى اكيد حصل حاجه .

سلمى بعيون كلها دموع .. عادل قالى ان فارس عمل حادثه كبيرة اوى وناقلوه على المستشفى وحالته خطيرة جدا .
رغد بصدمه صرخت وقالت .. انتى بتقولى ايه .. فارس عمل حادثه طب ازاى وفين .
عمر .. ازاى حصل كده ده لسه كان معانا من كام ساعه وكان كويس .. هو فى انهى مستشفى وانا اجى معاكى .
سلمى ... اهدى يا رغد ارجوكى علشان همس ما تحسش باى شىء كفايه اللى هى فيه .

عمر فهم قصد سلمى .. واتأكد ان فارس وهمس بيحبوا بعض اوى .. ولو همس عرفت حاجه زى كده عن فارس ممكن تتعب اكتر وحالتها تتدهور اكتر واكتر .
سلمى .. انا لازم اروح دلوقتى على المستشفى اللى فيها فارس علشان اطمن عليه .
عمر .. طب ادخلى انتى يا رغد دلوقتى علشان زمان همس قلقانه واخليكى جنبها انتى وجنه لحد ما ارجع من عند فارس واطمنكم .
رغد .. ماشى يا عمر وابقى طمنى على الموبيل اول لما تطمنوا على فارس .
عمر .. ماشى يالا سلام .

وفعلا نزل عمر وسلمى وراحوا على المستشفى اللى عادل قال لسلمى عليها .
رغد كانت دخلت عند همس وشافت مليون سؤال وسؤال فى عيون همس بس طبعا حاولت تهرب منها علشان مش هاتقدر تقولها اى حاجه تخص فارس حبيبها .

عند فهد فى الفندق .. كان ماسك موبيله وبيتكلم مع حد وكان فرحان جدا من اللى بيكلمه وسمعه منه .
فهد .. برافووو عليكم .. هو ده الشغل الصح .. اهم حاجه ان محدش يكون شافكوا وانتم بتقطعوا فرامل العربيه او يكون فى كاميرات صورتكوا .
الطرف التانى .. اطمن يا فهد باشا عملنا حساب كل شىء ومحدش شافنا .. وفعلا كان فى كاميرات بس ما تقلقش قدرنا نكسرها .
فهد .. برافو يا رجاله وليكم عندى مكافأه حلوة .. بس ياريت تكون اصابات وبس وما يحصلوش حاجه .
الطرف التانى.. لا من ناحيه كده اطمن يا باشا .. احنا لسه نازلين من المستشفى اللى نقلوه فيها وعرفنا ان حالته خطيرة بس هايقوم منها ومفيش خطورة على حياته .
فهد بضحكه خبيثه زيه ... ماشى يا رجاله الله ينور عليكم .. يالا سلام .

اودام باب المستشفى كان وصل عمر بعربيته وركنها على جنب ونزل هو وسلمى وبسرعه دخلوا على جوا .
دخلوا على الاستعلامات وسألوا عن فارس الحسن .. وبلغوهم انه دخل العمليات من ربع ساعه .
وفعلا راحوا على الاسانسير ونزلوا اودام الدور اللى يخص اوض العمليات واول لما وصلوا .. كان الكل موجود .
عادل وابوا فارس ووالدته.

سلمى .. سلامو عليكم .. خير يا جماعه طمنونا .
عمر .. اخبار فارس ايه يا عادل طمنى .. وحصل كده ازاى وفين .
عادل بحزن على صاحبه وصديقه وبيعتبره اخوه قال ... هو فى العمليات دلوقتى وربنا يستر .
سلمى .. هو حصل ايه بالضبط يا عادل .

عادل .. انا كنت فى الشركه وعمى اتصل عليا وبلغنى ان فارس عمل حادثه ونقلوه على المستشفى.
الاب .. انا كنت فى البيت وجالى تليفون من المستشفى وبلغتنى ان فارس ابنى عمل حادثه كبيرة اوى وحالته خطيرة ونقلوه على المستشفى .. وطبعا اتصدمت ومعرفتش اتصرف غير انى اتصلت بعادل علشان ابلغه ويجى بسرعه على هنا لان الشركه قريبه جدا من المستشفى وهايكون اسرع منى .
وفعلا بلغت الحاجه والدته وجينا لقينا عادل هنا قبلنا بس للاسف ملحقناش نشوف فارس وربنا يستر ادعوله يا ولاد انا ماليش غيره من بعد ما اخوه مات فى حادثه برضه.

الام ... يا حبيبى يا ابنى .. يارب تقوم بالسلامه .. انا ماليش غيرك يا قلبى .. خدوا عمرى كله وهو يقوم ليا بالسلامه .. وفضلت تعيط جامد .
سلمى قربت منها وحاولت تهديها وطمنها . وتقولها انه ان شاء الله هايقوم بالسلامه ويرجع احسن من الاول .
الام .. ياااارب يا بنتى ياااااارب .
شويه وكان فى ضابط وصل واتنين عساكر وسألوا عن حد من طرف فارس الحسن .
عادل .. ايوا يا افندم خير فى ايه ؟

الضابط .. الف سلامه عليه .. بس كنت عاوز حد ابلغه باللى وصلنا ليه وبدانا نعاين مكان الحادث ونحقق فى سببه واكتشفنا ان الفرامل بتاعه العربيه مقطوعه وهى اللى اتسببت فى الحادثه .
عمر كان واقف جنب عادل وسمع كل كلام الضابط واستغرب جدا وسأل نفسه مين اللى ممكن يعمل كده لفارس وعاوز يخلص منه .. وحس باحساس غريب جدا وحس ان ممكن يكون فهد الجبالى ليه سبب فى كده .. بس رجع فى تفكيره ده وبعد الفكرة دى عن دماغه .
عادل والاب اتصدموا من كلام الضابط واستغربوا اوى مين اللى ممكن يعمل كده فى فارس .. لان فارس محبوب جدا فى مجال شغله والكل بيحترمه ويحبه .
عادل .. طب حضرتك فى ايه ممكن نعمله علشان نعرف مين ورا الحادث ده .

الضابط .. احنا هانحقق فى الموضوع ونعاين العربيه تانى ونرفع البصمات من عليها ونعاين مكان الجراج بتاع العربيه وكاميرات الفيلا كلها .
الاب ... انا عاوز اعرف مين اللى ممكن يتجرأ ويعمل كده فى فارس ابنى .. هما مش عارفين هو مين وابن مين .
الضابط .. اهدى يا افندم وان شاء الله هانوصل لكل شىء فى اقرب وقت .
الاب .. ان شاء الله .

همس كانت فى اوضتها واتوترت اكتر واكتر من ساعه ما سلمى جالها تليفون من عادل اخوها .. وحست ان فى شىء وحش حصل لفارس .. وافتكرت تهديد فهد ليها ان ممكن يأذى فارس علشان توافق بالجواز .
طلبت من رغد تقولها فى ايه بالضبط . بس للاسف رغد مش قادرة تبلغها باى شىء خوفا على صحتها .. فهربت من سؤالها وغيرت مجرى الكلام .
همس حست واتاكدت ان فعلا حصل حاجه لفارس فطلبت من رغد انها تديها موبيلها .
رغد .. هاتكلمى مين بس يا همس وانتى تعبانه كده يا حبيبتى .

همس .. ارجوكى يا رغد لو سمحتى ادينى الموبيل .
رغد .. يا بنتى انتى تعبانه بعدين ابقى اتكلمى براحتك .
همس بصوت عالى .. ادينى يا رغد الموبيل انتم اكيد مخبين عنى حاجه .. فارس حصله ايه قوليلى .. ارجوكى يا رغد قوليلى انا بمووووت من جوايا حرام عليكى .. فاااااارس يا فاااارس .

الام جريت على بنتها ورغد كمان وحاولوا يهدوها بس للاسف انهارت همس وبسرعه جريت جنه وفتحت باب الاوضه وطلبت الدكتور فورا .
فى المستشفى عند فارس كان الدكتور خرج من اوضه العمليات وجرى عليه الكل علشان يطمنوا على فارس بعد العمليه اللى فضل فيها وقت كبير .
الاب .. خير يا دكتور طمنى .. ابنى عامل ايه وحالته عامله ايه بالضبط ارجوك يا دكتور قولى الحقيقه .
الدكتور .. اطمن حضرتك .. هو كويس وان شاء الله هايقوم بالسلامه بعد ما عملنا العمليه .

احنا عملنا العمليه والحمد لله ان الجرح بعيد عن المخ بحاجه بسيطه جدا جدا وكل ده بفضل ربنا ودعواتكم طبعا .. هو هايفضل تحت الملاحظه اربعه وعشرين ساعه وبعدها هايكون كويس باذن الله .. اطمنوا .
الاب بفرحه .. الف حمد وشكر ليك يارب الف حمد وشكر ليك يارب .. انا متشكر جدا يا دكتور .
الدكتور .. الفضل والشكر لله وربنا يطمنكم عليه بعد اذنكم .
وفعلا مشى الدكتور والكل فرح ان فارس الحمد لله عمل العمليه ونجحت والدكتور طمنهم .

الدكتور بسرعه دخل لهمس وطلب من الكل الخروج بره الاوضه وبعدها حاولوا يهدوها وادوها الحقن المهدئه وطلبوا من الممرضه منع الزيارة نهائى عنها لان الحاله كل مادا تدهور اكتر واكتر .
الام .. يا حبيبتى يا بنتى .. ايه بس اللى حصل لده كله .. وفى ايه بينها وبين فارس الحسن ده يا رغد يا بنتى قوليلى كل حاجه .. انا امها ومن حقى اعرف بنتى فيها ايه ارجوكى يا رغد.
رغد .. اهدى يا طنط وان شاء الله هاتبقى كويسه .
الام .. لا قوليلى بنتى مالها ومال فارس وفى بينهم ايه؟

رغد .. الصراحه يا طنط همس وفارس بيحبوا بعض جدا من فترة .. وفارس عمل حادثه كبيرة .. وسلمى لما عرفت لما الموبيل رن اتصدمت ومكنتش مصدقه لانه صاحب اخوها عادل ومتربين مع بعض .. وعمر وسلمى راحوا بسرعه على المستشفى اللى فيها فارس علشان يشوفه حصله ايه بالضبط ... وهمس شكلها حست ان فارس حصله حاجه .. وانا مقدرتش ابلغها بكده .
الام .. يا حبيبتى يا بنتى .. الله يكون فى عونك انتى هتلاقيها منين ولا منين . مش كفايه اللى انتى فيه من ساعه موضوع فهد الزفت ده .. وهو السبب فى وجودك فى المستشفى وحالتك دى .

رغد .. هو فى ايه بالضبط يا طنط وايه سبب وجود همس فى المستشفى ووصولها للحاله دى .
الام بحزن على بنتها .. همس انهارت لما عرفت ان فهد الجبالى عاوز يتجوزها وطلب ايديها من باباها .
رغد بصدمه مين يتجوز مين؟ فهد ده عاوز يتجوز همس اللى من دور عياله هو اتجنن ده ولا ايه .. مش شايف الفارق الكبير اللى بينهم .. وازى يطلب حاجه زى كده اصلا.

الام بحزن وعياط .. اهو ده اللى حصل يا رغد يا بنتى .. ربنا يستر من الجاى .. قلبى مش مطمن .. ربنا يشفيكى يا بنتى يارب .
رغد .. ربنا يستر ان شاء الله . وهمس هاتقوم بالسلامه باذن الله وهاتبقى احسن من الاول .
وفى المستشفى عند فارس كان خرج من اوضه العمليات ونقلوه على اوضه خاصه بيه .. وكان معاه والده ووالدته وعادل .. وسلمى وعمر.
فارس وهو بيفوق من البنج كان الاسم الوحيد اللى بيقوله هو اسم حبيبته وعشقه وروح قلبه همس .
وطبعا الاب والام كانوا مستغربين مين همس دى اللى فارس مش بينطق غير اسمها .
لكن طبعا عادل وسلمى كانوا عارفين هى مين وبتكون ايه لفارس بالضبط .

لكن عمر كان واقف وعرف ان حب فارس لهمس كبير اوى .. ومش حب بس ده يعتبر عشق كمان .
ومن احراجه استاذن علشان يرجع لهمس .
بعد ما اطمن على فارس فاخرج عمر وسلمى ورجعوا تانى على المستشفى لهمس.
عمر بعد ما نزل هو وسلمى وركبوا العربيه بتاعته قال .. سلمى هو انا ممكن اسالك سؤال لو سمحتى وتجاوبينى بصراحه عليه .
سلمى .. اوى اوى يا عمر اتفضل .
عمر .. هو فارس وهمس بيحبوا بعض .
سلمى اتفاجات من سؤال عمر وسكتت .

عمر .. ارجوكى يا سلمى لان اجابتك على سؤالى ده هايعرفنى حاجات كتير لازم اعملها علشان احافظ على الحب ده .. علشان خاطر اختى اولا .. انتى عارفه انى ماليش غيرها ولازم اعمل كل اللى فى وسعى علشان اقدر اسعدها .
سلمى .. بجد يا عمر .
عمر بجد يا سلمى والله انتى اكيد عارفه همس بالنسبه ليا ايه .. دى اغلى ما عندى وعاوزاها دايما سعيده وفرحانه.

سلمى .. فارس وهمس بيحبوا بعض جدا جدا من فترة تعتبر قصيرة مش كبيرة .. بس الحب ده كأنه بقاله سنين طويله .. وهمس سعيده وفرحانه جدا بالحب ده لان فارس فعلا راجل بمعنى الكلمه واخلاقه كويسه و يعتبر صاحب اخويا عادل من وهما صغيرين وكنا ساكنين مع بعض زمان فى نفس العمارة .. بعنى اوضح اننا متربين مع بعض وبعتبره زى اخويا عادل بالضبط .. وانا عمرى ما هلاقى لهمس حد انسب من فارس والله يا عمر .
عمر خد نفس طوييييييل وقال .. كلامك مضبوط يا سلمى .. انا قابلت فارس مرتين تلاته وعرفت وحسيت انه فعلا راجل يعتمد عليه .. ولاحظت حب همس ليه وحبه لهمس من مجرد نظراتهم لبعض .

سلمى ... كل اللى انا خايفه منه يا عمر دلوقتى موضوع فهد ده .. هو عاوز ايه بالضبط من همس .
عمر .. للاسف يا سلمى هو طلب ايديها من بابا .. وهو سبب الحاله اللى وصلت لها همس من ساعه ما عرفت .. بس على جثتى انه يقرب منها او اى حد يقدر يغصبها على حاجه هى مش عوزاها حتى لو الحد ده هو بابا نفسه .
سلمى .. ربنا يستر يا عمر ويعديها على خير ويقوم فارس بالسلامه وتقوم همس هى كمان بالسلامه .
عمر .. يااااارب يا سلمى .

وصل عمر وسلمى عند المستشفى وراحوا على اوضه همس .. وكانت رغد استاذنت هى وجنه علشان سايبين مامتهم لوحدها ووعدوا ام همس انهم هايرجعوا تانى باليل ويطمنوا عليها .. وسابوا همس مع مامتها بعد ما اخدت العلاج والمهدئات بتاعتها .
دخلوا الاوضه وشافوا همس نايمه على السرير والام قاعده جنبها والحزن باين عليها .
عمر .. خير يا ماما همس عامله ايه دلوقتى.

الام بحزن .. همس تعبت اوى بعد ما انتم نزلتوا يا عمر وانهارت خالص والدكتور اداها حقن مهدئه وكان مانع عنها الزيارة خالص لولا انا اترجيته انى افضل جنبها من غير ما ازعجها او اكلمها وبدات تعيط تانى من حزنها على بنتها .. بنتى بتضيع منى يا عمر .
عمر قرب من والدته وضمها لحضنه وبدا يهديها وقالها ان شاء الله همس هاتقوم بالسلامه وتبقى احسن من الاول كمان بس انتى قولى يارب .
الام .. يارب يا حبيبى .. انا ماليش غيركم .. طمنى فارس حصله ايه بالضبط وعامل ايه دلوقتى .
عمر . فارس عمل حادثه كبيرة اوى وحالته خطيرة والضابط اكتشف بعد المعاينة ان الفرامل بتاعه العربيه اتقطعت بفعل فاعل .
الام .. لا حول ولا قوه الا بالله .. ربنا يخليه لشبابه ويقومه بالسلامه .. مين اللى ممكن يعمل كده فيه وعاوز يخلص منه .

عمر .. الله اعلم يا امى .
سلمى كانت متأثرة من كلام عمر ووالدته .. وطلبت من الام انها ترجع على البيت وتستريح وهى اللى هاتفضل مع همس.
الام .. لا يا سلمى يا بنتى .. روحى انتى وغيرى لبسك ونامى انتى فضلتى سهرانه جنبها طول الليل .
سلمى .. استحاله يا طنط اسيب همس وارجع على البيت .
عمر .. اسمعى الكلام يا سلمى ويالا تعالى انا هاوصلك ..استريحى كام ساعه وابقى تعالى تانى باليل .
سلمى .. بببببببس .

عمر .. مفيش بس يالا بينا .
وفعلا نزل عمر وراح علشان يوصل سلمى على بيتها علشان تستريح من السهر طول الليل مع همس .
للاسف همس كانت بدات تفوق وسمعت كل الكلام اللى كان بين عمر ووالدتها وبالذات بخصوص فارس .. فاستنت ان مامتها تدخل على الحمام وقامت من السرير وغيرت لبسها بسرعه وخدت موبيلها ونزلت من مبنى المستشفى كله قبل ما حد يشوفها .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
نزلت همس بسرعه من المستشفى واتصلت على عادل اللى استغرب جدا انها بتكلمه وهو عارف انها محجوزة فى المستشفى واترجته انه يقول لها على عنوان المستشفى اللى فيها فارس .

بس فى الاخر قالها عادل وعرفت منه مكان المستشفى .. وطلبت منه انه يستناها اودم باب المستشفى .
وفعلا ركبت همس تاكسى وطلبت منه انه يوصلها على العنوان اللى هى قالتله عليه وباقصى سرعه .
وفعلا بعد اقل من عشر دقايق كانت وصلت همس بالتاكسى على عنوان المستشفى وفضلت تدور على عادل لحد ما شافته وشاورت ليه انه يجى يحاسب التاكسى لانها نزلت من غير اى فلوس معاها .

عادل شافها وراحلها وحاسب التاكسى وخد همس على جوا وسألها عن صحتها دلوقتى وعن سبب وجودها فى المستشفى دى .
همس بترجى .. ارجوك يا عادل طمنى على فارس عامل ايه دلوقتى .. سيبك منى انا . انا كويسه .. بس لو فارس حصله حاجه انا هاموووت يا عادل ارجوك ودينى ليه .. انا السبب فى كل اللى هو فيه ده انا السبب.

عادل استغرب اوى من كلامها وبالذات من اخر جمله قالتها همس وقالها .. اهدى يا همس ارجوكى .. فارس صدقينى هايبقى كويس المهم انتى .. لونك وشكلك بيدل على انك لسه تعبانه .. تعالى وانا هارجعك للمستشفى حالا .
وفهمينى انت السبب ازاى فى اللى فارس فيه ده .
همس .. انا مش هامشى من هنا غير لما اشوف فارس واطمن عليه بنفسى .. ارجوك ودينى ليه يا عادل .
عادل .. اهدى طيب يا بنتى وانا هاخليكى تشوفيه بنفسك وتطمنى عليه.

همس .. طيب يالا بسرعه ودي ليه يا عادل الله يخليك .
وفعلا عادل خد همس وراح على الاسانسير ووصلوا لحد الاوضه اللى فيها فارس .. بس طبعا كان والده ووالدته معاه فى الاوضه .
عادل خبط على الباب ودخل واستاذن من والد فارس ووالدته ان فيه ضيفه واقفه بره وجايه تطمن على فارس وتشوفه .
الاب .. خليها تتفضل يا ابنى .
عادل خرج تانى وشاور لهمس انها تيجى .. وبسرعه قربت همس من الباب ودخلت وهى مكسوفه من وجود الاب والام .. بس كانت اكتر حاجه شغلاها انها تشوف فارس وتطمن عليه وبس .

همس .. مساء الخير انا همس صديقه فارس وعرفت انه عمل حادثه وجيت اطمن عليه .
الاب والام بصوا لبعض اوى والام قالت .. انتى همس .. انتى اللى فارس بينده باسمها من ساعه ما خرج من العمليات .. اهلا يا بنتى تعالى اتفضلى .
الاب رحب بيها وقالها اتفضلى يا بنتى .
عادل استاذن انه يقف بره شويه .. فالاب فهم ان همس دى اكيد حبيبه فارس وان وجودها هايحسن من صحه ابنه فطلب من ام فارس انها تسيب الضيفه شويه تقعد براحتها مع فارس وهما يروحوا يشربوا اى حاجه فى الكافيتريا.

وفعلا خرج الاب والام وعادل وقفلوا الباب على همس وعلى فارس وفضلوا مع بعض .
همس قربت من سريره ومسكت ايده وفضلت تلمسها بمنتهى الحب لكن هو كان لسه ما فقش من البنج وقالت ووشها غرقان بالدموع ...
فارس حبيبى الف سلامه عليك يا عمرى ما تزعلش منى انا السبب فى كل اللى انت فيه ده .. انا لازم اضحى بنفسى علشان خاطرك انتى يا روحى .. فهد ده شيطان وانا خايفه عليك منه .. وهو هددنى بيك وانا استهترت بكلامه وتهديده ده .. حقك عليا يا عشقى .. بس من هنا ورايح مش هاخليه يقرب منك تانى ابدا . انا هاضحى بنفسى علشان انت تعيش حياتك .. انا هابعد عنك علشان انت تعيش .. انا عارفه ان ده هايبقى صعب عليك وعليا .. بس كل اللى انا طلباه انك تسامحنى .. واوعى تفتكر انى بيعتك او سيبتك علشان خاطر الحيوان ده .

ده اكتر انسان انا كرهته فى الدنيا دى كلها ..
بس علشان خاطر حبى ليك يا فارس عشقى انا هارضى باى شىء علشان تفضل انت عايش .. وكفايه عليا انى اعرف انك بخير دايما . اوعدنى انك تفضل تحب همس مهما يحصل ومهما بعدت عنك لانك هاتفضل جوايا طول عمرى لحد اخر نفس فيا .
وانا هاوعدك انى هافضل همس زى ما انا .. وعمر فهد ده ما هايلمس او يطول شعرة منى طول ما انا عايشه واوعدك يا فارس بكده .
انا هاخليه يندم على اليوم اللى فكر فيه انه يخدنى منك . وعلى كل اللى عمله فيك وفى عيلتك .
سلاااااااام يا فارس عشقي

قامت همس وقربت من فارس اكتر وباسته فى خده ودموعها غرقت وشه .. وخرجت من الاوضه وكان واقف عادل بره مستنيها وشافها منهارة من العياط وحاول يهديها لكن الكلمه الوحيده الل همس قالتها لعادل خلى بالك منه وخليك جنبه يا عادل .
وحاول يوقفها بس هى للاسف مشيت بسرعه من غير ما تنطق ولا كلمه تانى .
وفجاه سمع عادل صوت فارس بينده على همس فجرى عليه وشاف فارس فتح عيونه وبينادى على همس .
فارس بتعب وصوت ضعيف .. همس همس همس .
عادل .. حمد الله على سلامتك يا صاحبى .

فارس .. فين همس يا عادل انا سمعت صوتها .. فين يا عادل فييييييين .
عادل .. اهدى يا فارس انت اكيد كنت بتحلم .. همس زمانها فى المستشفى .
فارس .. لاااااا انت بتضحك عليا .. انا حسيت بيها كانت جنبى وسمعت صوتها .. انت ليه هاتخبى عليا انها كانت هنا .
عادل .. اهدا يا فارس وانا هاخبى عليك ليه بس .

وفجاه دخل والده ووالدته وفرحوا ان فارس فتح عيونه فقربوا منه علشان يطمنوا عليه .
الام .. حمد الله على سلامتك يا حبيب قلبى انا خوفت عليك انا كنت هاموووووت من خوفى عليك يا عمرى .
الاب .. حمد الله على السلامه يا بطل .. ربنا يشفيك وتقوم لنا بالسلامه يا حبيبى .
الام .. انا لو كنت اعرف ان همس دى بوجودها هاتخليك تفتح عيونك وترجع لينا تانى انا كنت قولت لعادل يجبها من بدرى .
فارس عيونه جت على عادل بعتاب انه خبى عليه وجود همس وانكر كمان بس طبعا مش قادر يقول اى كلمه علشان وجود ابوه وامه .. فغمض عيونه ورجع تاه تانى من تاثير البنج .

همس كانت نزلت بسرعه من المستشفى ودموعها مغرقاها وركبت تاكسى وراحت على الفيلا بتاعتها .
ام همس كانت خرجت من الحمام واتفاجات ان همس مش موجوده فى سريرها . فافضلت تدور عليها فى الاوضه والبلكونه والممر اللى فيه الاوضه وفى الاخر اتصلت على عمر ابنها .
الام.. الووووو الحقنى يا عمر يا ابنى انا مش لاقيه همس خالص .
عمر باستغراب .. فى ايه يا ماما اهدى وواحده واحده مش فاهم حاجه .

الام بحزن .. انا كنت فى الحمام وخرجت منه ملقتش اختك فى سريرها انا خايفه لا يكون حصلها حاجه او حد خطفها الحقنى يا ابنى بسرعه .
عمر .. انتى بتقولى ايه بس يا امى .. اقفلى طيب وانا جاى بسرعه .
قفل عمر مع والدته وكان يادوبك وصل سلمى عند باب العمارة بتاعتها وكان راجع فى الطريق على المستشفى .
وفجاه موبيله رن وكان اسم همس اللى ظاهر على الشاشه بتاعة الموبيل .
عمر بلهفه .. انتى فين يا همس ماما قالبه الدنيا عليكى .

همس بحزن شديد .. اطمن يا عمر انا رجعت على البيت واطمن ماما .
عمر .. طب ليه خرجتى اصلا من المستشفى يا حبيبتى .. بس للاسف كان الخط اتقفل بعد ما همس قفلت الموبيل .

همس اول لما قفلت مع عمر راحت اوضتها واترمت على سريرها وفضلت تعيط وتعيط لحد ما راحت فى النووووم .
وبدأت تحلم بفارس انهم مع بعض فى مكان يشبه جزيرة كبيرة بيلعبوا ويهزروا وفرحانين وبيجروا ورا بعض .
فارس بحب .. انا هامسكك انتى هاتروحى منى فين .
همس .. لو شاطر تعال وامسكنى مش هاتقدر .

فارس فضل يجرى وراها وهى تجرى لحد ما همس وقعت على الارض من كتر الجرى ونامت على ضهرها .. فوقع فارس هو كمان جنبها ونام على الارض .
صوت انفاسهم ودقات قلبهم هو اللى كان مسموووع .. فقرب منها فارس وضمها ليه وبدأ يلمس شفايفها وخدودها ويرفع شعرها اللى كان نازل على عيونها .. وقالها اخيرا عرفت امسكك .. اخيرا بقيتى فى حضنى .. وقرب اكتر منها وبمنتهى الرقه باسها فى شفايفها وايده بدات تلمس جسمها وده اللى خلى همس تدوووووب بين شفايفه وتحطم كل حصونها .

بس للاسف فجاه سمعت صوت ضرب نار وحست بشىء دافى بينزل على جسمها فلمسته بايديها وعرفت انه دم من فارس .
وفتحت عيونها اوى وشافت فارس بعيون كلها حب وعشق وفجاه غمض عيونه .
قامت همس بسرعه وحاولت تطمن على فارس .. بس للاسف .. عرفت واتاكدت ان صوت النار ده جه فى فارس وشافت فارس غاب عن الوعى .
همس ... فاااااااااااااارس
فااااااااااااااااارس

عمر كان داخل من باب الفيلا هو ومامته بعد ما رجعوا من المستشفى .. ويادوبك فتحوا الباب وسمعوا صوووت صريخ همس اللى جاى من فوووق .
فجرى عمر بسرعه على فوق بعد ما رمى الشنط اللى فى ايده على مصدر الصوت وفتح باب الاوضه بتاعه اخته وشاف همس قاعده على السرير زى الاطفال وضمه رجلها لصدرها ومنهارة من كتر العياط .
قرب عمر بسرعه منها وحضنها وحاول يهديها لما شاف حالتها دى .

عمر بحب وحنيه الاخ ... اهدى يا حبيبتى .. اهدى انا جنبك .. انا مش هاخلى حد يقرب منك طول ما انا عايش .. اهدى يا همس ارجوكى .. متخافيش من اى حد وانا عرفت اد ايه انتى وفارس بتحبوا بعض .. ومحدش هايقدر يفرق بينكم .. اهدى يا قلبى .
همس .. خلااااص يا عمر .. خلااااص .. انا هاتجوز فهد علشان خاطر فارس يعيش .. انا هاضحى بحبى ليه وهابعد عنه علشان فهد ما يئذهوش .. كل ده علشان خاطر فارس عشقى يا عمر .. هو جه المستشفى وهددنى انه هايموت فارس وانا مسمعتلوش للاسف .انا اللى عملت فى فارس كده انا يا عمر انا.

عمر .. ارجوكى اهدى يا همس .. ومفيش اى حاجه من كل ده هاتحصل طول ما انا جنبك يا حبيبتى .
همس .. لا يا عمر .. انا هاتصل على بابا وابلغه انى موافقه بالجواز من فهد وايه فى اسرع وقت ممكن .
عمر .. استحاله يا همس الكلام اللى بتقوليه ده يحصل وعلى جثتى .
همس .. انا هاتجوزه يا عمر .. هااااااتجوزه .
وبدات تصرخ اوى واترمت فى حضن اخوها .
عمر كان هايتجنن على منظر اخته وقلبه بيتقطع علشانها .. فقرر انه يروح لفهد الجبالى ويمنع الكارثه دى قبل ما تحصل .
يا ترى فعلا عمر هايروح لفهد الفندق ويقدر يعمل حاجه .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عمر قرر انه يروح لفهد ويحاول يمنع الكارثه دى قبل ما تحصل فساب همس فى سريرها ونزل جرى علشان يروح لفهد
همس قامت بسرعه ورا اخوها علشان تمنعه من انه يروح لفهد علشان ما يأذيش عمر هو كمان .
للاسف عمر وهو نازل جرى من على السلم بتاع الفيلا وقع من عليه وخد السلم كله لتحت وللاسف فى اخر سلمه دماغه اتخبتط فى السور بتاع السلم وفقد الوعى خالص والدم غرق المكان .

همس شافت اخوها بالمنظر ده صرخت وقالت .. عممممممممممممممر
ونزلت بسرعه السلم وقربت من اخوها لكن للاسف كان فاقد وعيه ومش بيتحرك نهائى .
همس فضلت تصرخ وامها جت بسرعه على صريخها بعد ما كانت فوق معاهم فى الاوضه وسمعت كل كلام عمر وهمس بخصوص فهد الجبالى .
همس .. الحقى عمر يا ماما وقع من على السلم .. نادى على عم عبده البواب بسرعه يشيله معايا على العربيه علشان نوديه المستشفى .. بسرعه يا امى .
الام بحزن .. ابنى حبيبى عمر عمر ... رد عليا يا حبيبى .

همس .. مش وقته يا ماما .. يالا بسرعه علشان النزيف شديد .
وفعلا قامت الام بسرعه وندهت على عبده البواب وجه فى ثوانى وشال عمر هو وهمس وركبوه العربيه وركبت الام معاهم وراحوا بسرعه على المستشفى .
وخلال عشر دقايق نتيجه السرعه الجونونيه اللى كانت سايقه بيها همس عربيتها كانوا وصلوا اودام باب المستشفى ونزلت بسرعه همس وطلبت من الاستقبال ان فى حاله حرجه معاها .

وفعلا خرج بسرعه طقم كامل من المسعفين وخدوا عمر من العربيه على النقاله ودخلوا بسرعه على الطوارىء .
همس قربت من والدتها اللى كانت منهارة ومش عارفه ايه بالضبط اللى بيحصل مع ولادها الاتنين همس وعمر.
همس بحنيه .. اهدى يا ماما ان شاء الله هايقوم بالسلامه ويرجع احسن من الاول .

الام .. اهدى ايه بس يا همس وانا شايفه كل يوم واحد فيكم فى المستشفى .. انتم بتضيعوا منى يا بنتى وابوكى ولا هو هنا .. ولا فى دماغه عياله خالص .. همه الوحيد شغله ومكتبه وخلاص .. انا تعبت والله تعبت ولازم يبقى ليا تصرف تانى معاه بس عمر يقوم بالسلامه .
همس ... اهدى يا حبيبتى .. ان شاء الله هاتعدى على خير ويقوم بالسلامه بس انتى قولى يارب .
الام رفعت ايديها لربنا وقالت ... يااااااارب

 

فى الفندق عند فهد كان قاعد وهايس مع بنت جبهاله بلال .. بعد ما طلب منه فهد انه عاوز يسهر سهرة حلوة بعد ما عرف اللى جرى لفارس .
فهد قاعد اودام التربيزة اللى كانت مليانه حاجات كتير زى الخمرة والويسكى وشرايط برشام لزوم السهرة الحمرا دى .
والبنت كانت مشغله اغانى وعماله تتمايل وترقص بلبسها اللى كان شبه عريان .
فهد كان بيشرب ويسكر وفرحان بالبنت اللى واقفه وبترقصله وفى الاخر قام وقف وشدها وفضل يرقص معاها ويتمايل على الموسيقى
فهد ... انا عاوز ادلع ورينى هادلعينى ازاى يا حلوة.
البنت بدلع ومياسه .. انا هادلعك اخر دلع يا بيبى بس فى السرير .
فهد .. طب يالا بينا علشان انا هامووووووت وادلع يا قطه .

وفعلا خدته البنت اللى كانت سحباه من ايديه زى الحمار ودخلت اوضه النوم وغرقوا فى المحرمات اللى ربنا حرمها .
بلال كان واقف بره طبعا كالعاده وجاله تليفون من الراجل اللى كان بيراقب الفيلا بتاعه همس وبلغه ان فى حاجه حصلت لاخوها وراحوا على المستشفى .. وانه عمال يرن على فهد بيه ومش بيرد عليه .
بلال ... ماشى يا ابراهيم . خليك مكانك ما تتحركش وحاول تستفسر من البواب بتاعها على اللى حصل بالضبط علشان ابلغ فهد بيه .
ابراهيم .. اللى تؤمر بيه يا بلال باشا واول لما اعرف حاجه هاتصل عليك فورا .
بلال .. يالا سلام وانا هاستنى منك تليفون .

فى المستشفى عند فارس كان لسه عادل موجود هو ووالد فارس ووالدته . وفارس كان بدا يفوق ويتكلم معاهم بس كان فى شىء محتاجه ومخليه حزين ومتألم بعيد عن الحادثه والجرح والالم اللى هو حاسس بيه . فى شىء ناقص وطبعا هى همس .
فارس بصوت ضعيف قال ... بابا وماما يالا لو سمحتوا انتم زمانكم تعبتوا وانا بقيت كويس اهو .. خدوا بعضكم وارجعوا على الفيلا .
الام .. انت بتقول ايه بس يا فارس ..انا هافضل معاك يا حبيبى .. ازاى عاوزنى امشى واسيبك فى الحاله دى .

فارس بتعب .. اسمعى الكلام يا ماما لو سمحتى انا بقيت كويس اهو .. ولا تحبوا اقوم امشى وارجع على البيت بنفسى .
الاب ... انت بتقول ايه بس يا ابنى .. تمشى وتروح ازاى بس وانت فى حالتك دى .. امك خايفه عليك ومش عاوزة تمشى وتسيبك .
عادل .. عمى عنده حق يا فارس .. ازاى عاوز تقعد لوحدك وانت لسه يا دوبك فايق من من شويه صغيرين .
فارس .. هى كلمه واحده ومش هاعيدها تانى . لا اما تسبونى لوحدى هنا . لا اما هاقوم البس وامشى من المستشفى كلها لو فضلتوا معايا .
عادل ... اهدى يا عم انت .. خلاص خلى عمى وطنط يمشوا وانا هابات معاك بنفسى ايه رايك .

فارس .. مش عاوز حد خالص يا عادل انت مش بتفهم ولا ايه .
عادل .. خلاص يا عم فارس هانمشى كلنا ما تزعلش نفسك .
الام .. نمشى ازاى بس يا عادل يا ابنى .
عادل .. خلاص بقى يا طنط . هانسيبه ينام براحته ويستريح ونجيله الصبح بدرى . ايه رايك .
الاب .. عادل عنده حق يا حاجه .. يالا ننزل ونسيبه يستريح شويه .. لانه طول ما احنا موجودين ولا هاينام ولا هايستريح .
الام قربت من فارس وطبطبت على صدره بحنيه .. امرى لله يالا بينا .. ولو عزت اى حاجه موبيلك جانبك اهو يا حبيبى اتصل عليا وانا اجيلك فى ثوانى وقامت بيساه من راسه .

عادل بيغمز لفارس وقال .. اه الموبيل اهو جنبك بس ما ترغيش كتير علشان ما تتعبش اكتر .
فارس .. يالا يا رخم وحسابك معايا بعدين يا حيوان .
عادل .. انا حيوان .. يرضيكى كده يا طنط .
الام بابتسامه ... معلش يا عادل يا ابنى صاحبك واخوك وبيهزر معاك .
الاب .. طيب يالا بينا بقى وهانبقى نيجى من بدرى يا فارس ان شاء الله.. تصبح على خير يا حبيبى .
فارس بتعب .. وانتم من اهله .

وفعلا فتحوا الباب وخرجوا بس عادل حب يرخم عليه وقاله .. خلى بالك الرغى الكتير مضر بالصحه يا ماااان .. نام بدرى احسن .
فارس شد الخوداديه اللى كانت جنبه على السرير وحدفها فى عادل اللى بسرعه خرج من الباب وقفله وراه .
فارس خد نفس كبييييير ومسك الموبيل واتصل بهمس .
همس كانت فى المستشفى واقفه اودام باب الطوارىء مستنيه حد يخرج من جوا ويطمنها على عمر اخوها .. سمعت الموبيل بيرن فى شنتطها فاطلعته واستغربت ان فارس هو اللى بيرن عليها .

قلبها بدا يدق جامد اوى اوى لدرجه انها كانت سمعاه ولسه هاترد عليه .. رجعت عن قرارها ده وافتكرت فهد وتهديده ليها .
فخافت ترد على فارس وحطت الموبيل تانى فى الشنطه .
فارس طبعا استغرب ان همس ما ردتش عليه .. فطلبها تانى وقال يمكن اول مرة ما سمعتهوش او كانت نايمه .
همس موبيلها رن تانى ومسكته وعرفت ان فارس بيرن تانى عليها . وفى اللحظه دى كان اتفتح باب الطوارى وخرج الدكتور من عند عمر .. فدخلت همس الموبيل تانى فى شنتطها .

فارس بدات اعصابه تتوتر وقلق على همس لايكون حصلها حاجه ورزع الموبيل على السرير .
الدكتور خرج من عند عمر ووشه باين عليه الحزن فقربت بسرعه همس ووالدتها منه وبالهفه سألته عن حاله عمر اخوها .
همس .. خير يا دكتور طمنى لو سمحت عن اخويا اخباره ايه .
الدكتور .. للاسف لازم يدخل عمليات فورا لان الخبطه اثرت على المخ وفى فص من المخ مسؤل عن الحركه حصل فيه شرخ .
همس بصدمه .. انت بتقول ايه . يعنى عمر مش هايتحرك تانى ولا ايه !
الام .. يا حبيبى يا ابنى .. رحمتك ياااارب .

الدكتور .. اهدوا يا جماعه وادعوله .. بعد اجراء العمليه هايقوم بالسلامه ان شاء الله وهايبقى كويس .. وفى اسرع وقت لازم يدخل على العمليات . بس عاوزين اقرار الموافقه منكم قبل اجراء العمليه .
همس .. ليه يا دكتور هو فى خطورة فى العمليه .
الدكتور . يا ماما اهدى اى عمليه كبيرة بتتعمل لازم ناخد موافقه الاهل عليها .. وما تقلقوش هو ان شاء الله هايقوم بالسلامه .. بس لو سمحتى روحى على الإدارة واكتبى الموافقه باجراء العمليه عقبال ما نجهزه للعمليه .. واستاذن ومشى .

الام .. يا حبيبى يا عمر .. يارب انا ماليش غيره . اشفيه وقومه بالسلامه والنبى يارب .
همس حاولت تتمالك نفسها علشان خاطر والدتها فقربت منها وبدات تواسيها وتطمنها انه هايعمل العمليه وهايقوم بالسلامه . بس دلوقتى هاتتصل على باباها وتبلغه بكل اللى حصل .
وفعلا همس طلعت موبيلها وعرفت ان فارس اتصل اكتر من مرة وهى بتتكلم مع الدكتور .. بس طبعا مش وقته خالص الاهم دلوقتى صحه عمر اخوها.. فاتصلت على ابوها اللى كان فى عشاء عمل مع ناس تقيله جدا فى البلد وشاف الموبيل بيرن ومن مين من همس وكنسل عليها .

ولا همه همس اللى المفروض انه عارف انها فى المستشفى بتتصل ليه .. ولا همه ان ممكن يكون فى حاجه كبيره حصلت زى اللى حصل مع عمر.. كل اللى همه شغله وفلوسه وموكلينه وبس . ومش مشكله عياله ولا بيته .
همس استغربت جدا انه كنسل عليها فخدت بعضها ونزلت على الادارة وكتبت الموافقه على اجراء العمليه. وبالفيزا بتاعتها سابت مبلغ كبير تحت الحساب للمستشفى .
فارس كان على امل ان همس تكلمه بس للاسف فضل سهران طول الليل ومستنى اى تليفون منها .

وبدا يقول لنفسه .. ازاى ارن عليها كذا مرة ومتردش عليا .. للدرجه دى يا همس انا مش فارق معاكى . للدرجه دى وانتى عارفه انى عامل حادثه ومرمى فى المستشفى .. للدرجه دى انا هونت عليكى .. وانا اللى كنت هاموووت من حزنى عليكى وانت فى المستشفى .
ويرجع يقول لنفسه .. اكيد نايمه وعامله الموبيل سايلنت . همس بتحبنى واكيد زعلانه علشانى . ما هى جت وزارتنى وانا لسه فى البنج .. لا لا همس بتحبنى .. همس بتعشقنى وزمانها لسه تعبانه ونايمه من كتر المهدئات بلاش التفكير ده يا فارس وما تظلمهاش .
فمسك الموبيل ورن عليها تانى وفجاه ردت عليه همس.

فارس ... همس حبيبتى انتى نايمه ولا ايه ..انا رنيت عليكى كتير علشان اطمن عليكى يا روحى وعرفت انك جيتى وزورتينى انا حسيت بيكى جنبى .
همس وقلبها بيتقطع علشان الكلام اللى بيقوله فارس ليها بس حاولت تقاوم الاحساس ده وجمدت قلبها وقالت ببرود .. فى ايه يا فارس .. كل دى رنات عليا . افرض انا نايمه وفعلا كنت نايمه وانت بتليفونك ده صحتنى . عاوز ايه دلوقتى سياتك .
فارس اتصدم من رد همس وقال .. انتى بتقولى ايه يا همس.. انتى زعلانه انى رنيت عليكى وانتى نايمه . وانا اللى بتوجع وبتقطع من جوايا علشان انتى بعيد عنى ومش جنبى .. مش علشان الجروح اللى فيا .

همس حاولت تكره فارس اكتر فيها فقالت .. وعاوزنى اعملك ايه دلوقتى انا عاوزة اكمل نومى .. يالا سلام وقفلت فى وشه الخط .
فارس اتصدم من تصرف همس واستغرب هى بتعمل كده ليه .. وكمان تقفل الموبيل فى وشه .. مش معقوله يا همس .. اكيد فى حاجه غلط حصلت .. اكيد حصل حاجه خلتها تعمل كده معايا . وانا الل هاموووت وهى بعيده عنى .. ليه يا همس ليه يا حبيبتى .
همس كانت قفلت الموبيل واتفتحت بالعياط على طريقتها وردها مع فارس وانها كانت قاسيه عليه جدا بكلامها واكيد جرحته . بس افتكرت كلام وتهديد فهد ليها وقالت ان دى احسن حاجه علشان فارس يكرها ويبعد عنها ويبعد فارس عنه هو كمان .

همس تمالكت نفسها ومسحت دموعها وراحت على اوضه العمليات اللى دخلوا فيها عمر اخوها وفضلت واقفه هى ومامتها .
الام.. خير يا بنتى كتبتى الاقرار بالموافقه .
همس .. اه يا ماما كتبته ودفعت مبلغ تحت الحساب كمان.
الام .. طيب اتصلتى بابوكى وبلغتيه باللى حصل لعمر .
همس .. اه اتصلت بس الموبيل بتاعه مقفول ممكن يكون عنده شغل وموبيله فصل من غير ما يحس .
الام بحزن لانها حست ان همس بتكدب عليها ... ماشى يا حبيبتى.

عادل كان رجع على بيته وطلب من سلمى انها تجهزله لقمه خفيفه علشان كان ميت من الجوع عقبال ما يغير لبسه وياخد شور سريع بانه كان تعبان ومرهق جدا .
سلمى . ماشى يا عادل ثوانى واجهزلك العشاء . بس الاول طمنى على فارس اخباره ايه دلوقتى .
عادل .. كويس الحمد لله وسيبناه فى المستشفى لوحده بعد ما طلب من الكل انهم يمشوا علشان قال ايه تعبان وعاوز ينام لوحده . وانا اللى كنت فاهمه هو بيوزعهم ليه اكيد علشان يسهر يحب طول الليل هو وهمس مع بعض على الموبيل .

سلمى بضحك .. طب كويس انك قولتلى انهم زمانهم بيكلموا بعض ده انا لسه كنت هارن على همس واعتزر لها انى ما رجعتش لها تانى بعد ما صحيت من النوم .. بلاش ارخم عليهم بقى وهابقى اكلمها الصبح .. يالا اسيبك تاخد الشور واروح اجهزلك الاكل .
وفعلا دخل عادل على الحمام وراحت سلمى على المطبخ علشان تجهزله الاكل .

فى المستشفى كان عمر لسه فى العمليات اللى استمرت اكتر من خمس ساعات لانها كانت عمليه كبيرة وفى المخ وصعبه .
همس وامها كانوا كانوا قاعدين واعصابهم متوترة وخايفين على عمر لا الخبطه تاثر عليه .
الاب كان رجع على الفيلا متاخر جدا طبعا ومن كتر تعبه نام على كنبه الانتريه لانه كان مرهق جدا ومش قادر يطلع على فوق وطبعا نام ومعرفش ايه الى حصل لعمر.
باب العمليات اتفتح وخرج الدكتور اللى كان باين عليه الارهاق .
جريت همس عليه وسألته عن عمر وعن العمليه .
الدكتور .. اطمنى العمليه نجحت بس...

همس باستغراب .. بس ايه يا دكتور طمنى فى ايه بالضبط .
الدكتور .. العمليه نجحت بس هاتاثر على الجزء اليمين كله من الجسم وهاتأثر على الحركه بتاعته لمده طويله وان شاء الله مع العلاج الطبيعى والعلاج والصبر هايقدر يتحرك تانى ويرجع زى الاول .
همس بصدمه .. انت بتقول ايه يا دكتور .. عنر مش هايقدر يتحرك تانى .

الدكتور . انا مقولتش كده .. اهدى واستوعبى كلامى صح . انا بقول العمليه نجحت لكن الفص بتاع المخ ده بياخد وقت طويل ليرجع زى الاول . وان شاء الله هايعمل اللى هانقوله عليه ويرجع زى الاول بس انتم شجعوه وافقوا جنبه .. واستاذن ومشى .
همس بحزن وانكسار .. انا السبب . انا السبب فى اللى حصلك يا عمر . انا السبب فى كل اللى بيحصلكم انت وفارس .
كله بسبب فهد الجبالى .. مل اللى بيحصل ده بسببه وانا هادفعه تمن كل ده كويس اوى وهانتقم للى حصلك يا عمر وحصل لفارس كمان
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
همس بحزن وانكسار من كلام الدكتور عن حاله عمر ..
انا السبب.. انا السبب فى اللى حصل لعمر وحصل لفارس كمان .. انا السبب فى كل اللى بيحصلكم بسببى .. بس اوعدكم انى هاخد حقكم كويس اوى من فهد الجبالى وهاخليه يندم على كل اللى عمله معاكم.

الام بعيون كلها دموع .. اهدى يا حبيبتى .. ما تقوليش كده ... بكره يقوم لنا بالسلامه ويملى الدنيا بضحكه وهزاره زى الاول ويرجع لشغله فى النادى قولى يارب .
همس اترمت فى حضن امها وبدات تعيط جامد وقالت .. انا هاسفره لاكبر مستشفيات فى العالم وهاخليه يرجع زى الاول ان شاء الله .. ياااااارب .. ياااااارب .
وفضله على الحال ده لحد ما النهار طلع وكانوا خرجوا عمر من اوضه العمليات وودوه على اوضه خاصه بيه .

فى الفيلا كان الاب صحى لانه مكنش عارف ينام على الكنبه كويس وكان عنده جلسه مهمه فى المحكمه ولازم يحضرها .. فقام وطلع على فوق واستغرب ان مراته مش موجوده فتوقع انها تكون مع همس فى المستشفى ..
فادخل الحمام وخد شور وجهز لبسه اللى هايلبسه ولبس وخد بعض الملفات من مكتبه ونزل على تحت ونده على الشغاله علشان تحضرله الفطار .
صفوان .. يا هناء جهزيلى الفطار بسرعه .

هناء .. هو حضرتك معرفتش اللى حصل لعمر بيه امبارح يا صفوان بيه .
صفوان باستغراب .. هو هايكون حصل ايه يعنى .. ماله الاستاذ عمر حصله ايه انطقى .
هناء .. الاستاذ عمر كان نازل من فوق من عند الست همس والظاهر كان نازل بسرعه فوقع على السلم واغمى عليه ودمه كان سايح ومغرق الدنيا .. والست همس خدته فى العربيه ومعاها الست الكبيرة وراحوا على المستشفى ومن ساعتها ومحدش يعرف عنهم حاجه .

صفوان .. انتى بتقولى ايه .. يعنى عمر فى المستشفى دلوقتى .. وهمس اصلا خرجت امتى من المستشفى مش كانت محجوزة هى كمان .
هناء .. ما الظاهر يا ساعه البيه انها خرجت امبارح بس شكلها لسه تعبان لانها كانت عماله تصرخ اوى امبارح بصوت عالى .
صفوان .. طيب غورى انتى دلوقتى على المطبخ .

هناء .. طب والفطار يا صفوان بيه اجهزه لحضرتك .
صفوان بغضب ... غوووورى من وشى مش عاوز زفت .
ومسك موبيله ورن على همس اللى ردت عليه بعد فترة .
صفوان .. خير يا همس حصل ايه لعمر وانتم فين دلوقتى .
همس بحزن .. ياااااااه لسه فاكر يا بابا تتصل بينا وتشوفنا فين والله كتر خيرك .

صفوان .. مش وقته الكلام ده يا همس وطمنينى على عمر حصله ايه .
همس .. عمر للاسف الخبطه كانت جامده واثرت على فص من المخ .. وعمله ليه عمليه امبارح والدكتور بعد العمليه قال انه مش هايقدر يحرك الجزء اليمين ده خالص وهاياخد وقت علشان يرجع زى الاول مع العلاج الطبيعى وبعض الادويه .

صفوان بص فى الساعه بتاعته وقال .. لا حول ولا قوه الا بالله .. طيب انا عندى قضيه مهمه جدا دلوقتى فى المحكمه ولازم احضرها بنفسى واول لما اخلصها هاجلكم على المستشفى .. ادينى العنوان يا همس .
همس اتصدمت من رد فعل ابوها على حاله عمر وعلى طول قفلت السكه من غير ما حتى ما صفوان يكمل كلامه .
صفوان استغرب ان الخط قطع .. فتوقع ان الشبكه هى السبب وقال .. مش مشكله بقى يادوبك الحق الجلسه وابقى اروح لهم .

فى المستشفى عند فارس كان حزين على تصرف همس معاه ومكنش متوقع ردها عليه هايكون بالمنظر ده بعد الحادثه .. اللى لسه لحد دلوقتى ما يعرفش انها بفعل فاعل وان فى حد دبرها وحاول انه يموته .
وفضل على الحال ده لحد ما راح والده ووالدته اول لما النهار طلع علشان يطمنوا عليه .
واول لما وصلوا لوضه فارس كان الدكتور والممرضه معاه وبيغيروا على الجرح بتاعه .
الام قربت منه وباسته وقالت .. اخبارك ايه يا حبيبى دلوقتى .
فارس .. الحمد لله اطمنى يا امى .

الاب .. عال عال يا بطل شد حيلك كده الشركه لوحدها .. والكل بيسأل عليك وزعلوا لما عرفوا اللى حصلك .. قوم بالسلامه بقى علشان تشوف اللى وراك .
فارس بحزن .. ربنا يسهل . ان شاء الله انا هانزل من بكرة على الشركه مالوش لزمه القاعده فى المستشفى اصلا .
الام باستغراب .. ازاى بس يا فارس يا ابنى ده انت مكملتش يومين على بعضهم وبعدين انت عامل عمليه كبيرة وما ينفعش تخرج من هنا غير لما نطمن عليك يا عمرى .
الدكتور .. والدتك عندها حق يا فارس خروج ايه اللى بتتكلم عنه ده لسه بدرى اوى على الكلمه دى .

فارس بصوت عالى ... هى كلمه واحده مش هاقعد فى المستشفى تانى دقيقه واحده .
وفجاه دخل عادل وكان معاه سلمى على صوت فارس العالى واستغربوا اوى من كلامه .
عادل .. صباح الخير يا جماعه .. وخروج ايه بس يا فارس اللى بتتكلم فيه ده .. انت مش شايف نفسك عامل ايه .
سلمى .. ازيك يا فارس عامل ايه دلوقتى .
فارس عيونه جت فى عيون سلمى وكأنه بيحاول يوصلها حاجه او يسألها عن همس .. فسلمى لاحظت نظراته دى وفهمت وقربت منه وكأنها بتسلم عليه وقربت اوى وقالت .. مالك يا فارس عاوز تقول حاجه .

فارس ما صدق ان سلمى تقرب كده منه وقالها فين همس وعامله ايه دلوقتى طمنينى .
سلمى باستغراب .. همس اكيد لسه فى المستشفى انا سبتها امبارح ورجعت على البيت .
فارس .. همس جاتلى هنا يا سلمى امبارح بس انا كنت لسه نايم من تأثير البنج وجيت كلمتها باليل على الموبيل علشان اطمن عليها ردت عليا باسلوب انا استغربتله اوى .. هى حصل معاها حاجه انا معرفهاش .. ولسه لحد دلوقتى معرفتش ايه سبب تعبها ده ومروحها المستشفى اصلا .. ارجوكى يا سلمى لو تعرفى اى حاجه قوليلى متسيبونيش كده مش فاهم اى حاجه بتحصل حواليا .

عادل كان خد باله من الحوار اللى بين سلمى وفارس وتوقع ان السبب اكيد هايكون عن همس فقرب من ابوا فارس وامه وحاول يشغلهم شويه لحد ما سلمى وفارس يخلصوا كلام .
سلمى .. الصراحه يا فارس حصل حاجه المفروض انت تعرفها كويس اوى .
فارس باستغراب .. حاجه ايه يا سلمى انطقى .
سلمى بتردد انها تقول .. الصراحه سبب تعب همس هو فهد الجبالى .

فارس اتحول خالص لشخص تانى اول لما سمع اسم فهد الجبالى وقال بغضب .. ماله الحيوان ده بيها وعاوز منها ايه يا سلمى .
سلمى .. فهد الجبالى طلب ايد همس من باباها .. وهمس لما عرفت كده انهارت وتعبت وعلشان كده دخلت المستشفى .
ومن واقحته راح لها المستشفى بعد ما انتم كنتم موجودين انت وعمر وعادل ونزلتوا وهو جه وقالها كلام وحش جدا ومستفز وهددها كمان وخلاها تتعب اكتر وتنهار وفضلت تصرخ لحد ما الدكتور جه وايداها الحقن المهدئه .

فارس فجاه قام من السرير وشال كل المحاليل اللى فى ايده وحاول يفتح الباب ويخرج .. لولا عادل وابوا وقفوه واستغربوا هو بيعمل كده ليه .
فارس ... سيبونى سيبونى انا هاروح اقتله .. انا هاموته انا هاموت فهد الجبالى بايدى واخلص منه كل اللى عمله معانا .. سيبوووووونى .. ووقع على الارض والجرح انفتح وغرق المكان دم للاسف .
عادل جرى ينده الدكتور بسرعه وفى ثوانى كانوا جم وشالوه على السرير وحاولوا يوقفوا النزيف .
الاب كان فى صدمه هو والام اول لما شافوا فارس فى الحاله دى واول كمان ما سمعوا اسم فهد الجبالى.
الاب لعادل .. ايه علاقه فهد الجبالى بفارس يا عادل .

عادل اتلغبط ومكنش عارف يقول ايه او يتصرف ازاى .. وفضل انه يسكت احسن علشان يهدى الموقف .. وقال بعدين يا عمى مش وقته لما نطمن على فارس الاول .
الدكتور كان قدر يوقف النزيف واداله حقنه مهدئه وفى اقل من تلت دقايق كان فارس هدى خالص وغمض عيونه .
الام كانت عماله تعيط وافتكرت كل اللى حصل زمان مع ابنها الكبير وموته وكان فهد الجبالى هو السبب فى كده .. ورغم كل التحقيقات بس مقدروش يوصلوا لاى دليل يدين فهد .

سلمى فضلت تهديها وتطمنها انه هايبقى كويس وهايرجع زى الاول .
الاب فجاه قال .. انا عرفت دلوقتى مين ورا حادثه فارس ابنى .. اكيد فهد الجبالى زى ما عمل ما ابنى زمان وكان سبب فى موته كان عاوز يعمل مع فارس كده علشان السوق يفضاله ويبقى ملكه هو وبس .. انا هابلغ عنه واوديه فى ستين داهيه .

عادل .. اهدى يا عمى لحد ما فارس يفوق من اللى هو فيه ده ونشوف هانتصرف معاه ازاى .. اهدى يا عمى علشان خاطر صحتك .
الاب .. اهدى ايه بس يا عادل وانا بتفرج على عيالى وهما بيضيعوا منى .. اهدى ازاى بس قولى .
عادل .. ان شاء الله الامور هاتتصلح وانا بنفسى هاعدى على قسم الشرطه وابلغ عن فهد الجبالى .

فهد كان قام من النوم وخد شور بعد الليله الحمرا اللى قضاها فى الحرام .. وطلب انهم يجهزوا الفطار بسرعه .. ومسك موبيله واتصل على صفوان .
فهد .. صباح الخير يا صفوان .. طمنى اخبار تلجلسه و النطق بالحكم ايه .
صفوان .. صباح النور يا فهد بيه .. القضيه اتأجلت لشهر اودام .
فهد .. ماشى يا سيدى وانت لسه فى المحكمه ولا رجعت على المكتب .
صفوان .. لا انا لسه خارج من المحكمه وركبت عربيتى وطالع على المستشفى.
فهد ابتسم ابتسامه خبيثه وقال .. هى العروسه لسه فى المستشفى ولا ايه .

صفوان .. لا يا سيدى همس الظاهر خرجت وعمر هو اللى اتحجز فى المستشفى وعمل عمليه وانا رايح دلوقتى علشان اشوفه .. لان همس ووالدتها معاه من امبارح وانا معرفتش غير الصبح قبل ما اروح على المحكمه .
فهد بخبث قال لنفسه همس معاه طيب .. ماشى يا صفوان الف سلامه عليه وانا مسافه السكه وهاكون عندكم .. ادينى عنوان المستشفى .
صفوان .. هههههه تصدق مش عارف هما فى انهى مستشفى .. انا هاتصل على همس واخد العنوان وابقى ابعتهولك .
فهد .. ماشى يا صفوان يالا سلام .

فهد قفل الموبيل وقال .. اخيرا هاشوفك يا عروسه وضحك ضحكه عاليه اوى وقال هاتروحى منى فين .. كلها يومين بالكتير وتبقى فى حضنى واخد كل اللى انا عاوزه منك .. وبعدها نده على بلال وقاله جهز العربيه علشان هانروح مشوار مهم بسرعه .
بلال .. ثوانى والعربيه تكون جاهزة يا فهد بيه .
وفعلا دخل فهد وغير لبسه ولبس بدله حلوة واخد موبيله ولبس نضارته ونزل من الفندق وركب العربيه وكان وراه عربيه البودى جارد بتوعه .. اللى بيمشوا وراه زى ضله.

وبعد شويه كان وصله موقع المستشفى الى بعته صفوان وراح على العنوان بعد ما كلب من سواق العربيه يوديه عليه .. ونزل اودام باب المستشفى ودخل على طول هو وبلال وواحد بس من البودى جارد بتوعه .
ووصل لاوضه عمر بعد ما سأل على رقم اوضته وطلب من بلال والراجل بتاعه انهم يفضلوا بره الاوضه وهو دخل على طول وزى عاويده من غير استئذان .
كان عمر نايم على سريره وصفوان ووالدة عمر قاعدين على كنبه من غير كلام خالص واتفاجؤا باللى دخل من غير ما يستأذن.

صفوان اول لما شاف فهد اودامه قام وقف ورحب بيه وشد كرسى ليه علشان يقعد عليه .
فهد مد ايده لام همس علشان يسلم عليها لكن هى مرديتش تسلم عليه وقامت خرجت من الاوضه خالص .
صفوان اتحرج من موقف مراته تجاه فهد بس اعتذرله وقال ان نفسيتها تعبانه بسبب كل اللى بيحصل لهمس وعمر .
فهد .. مش مشكله .. المهم عمر عامل ايه وفين همس مش شايفها يعنى .
صفوان .. دقيقه وتكون همس هنا .. انا اصلا جيت من شويه وسألت عليها وامها قالت انها راحت الكافيتريا تشرب قهوة لانها طول الليل سهرانه جنب اخوها ومنمتش خالص .. زمانها جايه على طول ما تقلقش.

فهد .. تمام .
صفوان .. تحب اطلبلك شىء تشربه يا باشا .
فهد حط رجل على رجل وسند ضهره لورا وقال .. هاتلى قهوة .
صفوان قام وقف وقال .. دقيقه وتكون عندك يا باشا وطبعا بتحبها مضبوط صح .
فهد .. اه مضبوط .

فارس كان لسه نايم من تاثير الحقن وسلمى كانت قاعده بره فى الرسبشن الخاص بالزوار مع عادل ووالد فارس .. فمسكت موبيلها وحبت تطمن على همس وتعرف اخبارها ايه .
همس كانت فى الكافيتريا لسه بتشرب فى القهوة وسرحانه فى فارس واللى عملته معاه .. وفجأه سمعت الموبيل بيرن ففرحت انه ممكن يكون فارس علشان تسمع صوته اللى وحشها بجنون .

للاسف مسكت الموبيل وشافت اسم سلمى وردت عليها .
همس .. اهلا يا سلمى .
سلمى ... همووووس اخبارك ايه .. وعامله ايه يا حبيبتى دلوقتى .
همس بأرهاق .. الحمد لله يا سلمى.. انا هنا فى المستشفى مع عمر وبدأت تعيط ...
سلمى .. خير يا همس عمر ماله طمنينى يا قلبى .

همس حكت لسلمى كل شىء حصل لعمر اخوها من ساعه ما سابت المستشفى وراحت لفارس لحد ما حصل اللى حصل لعمر .
سلمى بحزن .. يا لهوووى كل ده حصل فى الكام ساعه اللى سيبتك فيهم يا همس .. اخص عليكى وليه ما اتصلتيش بيا وقولتيلى وانا كنت جيت ووقفت معاكى فى موقف زى ده .. انت اختى وعمر اخويا يا همس .

انا مسافه السكه واكون عندك مش عاوزه اى شىء اجيبه ليكى وانا جايه انا وعادل .
همس .. ما تتعبيش نفسك وتنزلى مخصوص يا سلمى . ولا تتعبى عادل معاكى .
سلمى .. يا بنتى احنا اصلا هنا عند فارس فى المستشفى واول لما اقول لعادل هايجى معايا على طول انتى عارفه انه بيحب عمر جدا وهايزعل عليه اوى وعلى اللى حصله .

همس ... فارس عامل ايه دلوقتى يا سلمى .. ما سألكيش عليا ؟
سلمى .. لما اجى هاحكيلك على كل اللى حصل .. سلام دلوقتى ومسافه السكه وهاكون عندك .
همس .. ماشى يا سلمى.
وفعلا قفلت سلمى مع همس وبلغت عادل بكل اللى حصل مع عمر اخوا همس ..

عادل زعل جدا جدا وقام وقف واستاذن من والد فارس وخد سلمى ونزلوا على تحت وركبوا العربيه وراحوا على المستشفى اللى فيها عمر .
فارس كان بدا يفوق وبينده على همس كل شويه وكانت والدته معاه وقلبها بيتقطع عليه واتمنت ان همس تيجى علشان فارس يفرح ويخف بوجودها .
دخل الاب علشان يطمن عليه وشاف مراته وهى بتعيط على منظر فارس .. فقرب منها وفضل يهدى فيها.

الام بحزن ودموع مغرقه وشها .. هاتله همس من ساعه ما بدا يفوق وهو بينده عليها .. قول لعادل يجبهاله علشان ابنى يفرح هو بيحبها اوى اوى.
الاب .. عادل نزل هو وسلمى وراحوا على المستشفى لان اخو همس محجوز وعمل عمليه كبيرة واكيد هى مش هاتسيب اخوها وتيجى لفارس يا ام فارس .
الام بحزن .. ماشى يا حاج .. ربنا موجود وقادر يخفف عنه .

همس كانت خلصت قهوتها ورجعت على اوضه عمر واتفاجأت بفهد قاعد مع ابوها .
فهد فرح اوى اول لما شافها وقام وقف ومد ايده ليها وقال .. ازيك يا همس وياريت تكون رسالتى وصلتك .
همس بنظرات كلها استحقار لفهد قربت من سرير عمر وقالت ... اه وصلت وحسابى ليك بعدين .
فهد بنظره شهوة ليها وجابها بعيونه من اول شعرها لحد ... ( عيب )
قال .. وانا اموت فى الحساب اللى يجى منك يا حلوة .. لان اى شىء يجى منك هاحبه اوى اوى اوى .

همس .. اتفضل اطلع بره بقى علشان الدكتور مانع الزياره عن عمر .
صفوان فى ايه يا همس عيب الكلام اللى بتقوليه لفهد بيه ده .
فهد .. سيبها يا صفوان براحتها الظاهر ان الرساله اللى بعتهالها مش مكفياها .. بس اوعدك ان المرة الجايه الرساله هاتعجبك اوى اوى يا عروسه .
همس سكتت خالص و خافت من تهديده ليها تانى وافتكرت المرة اللى فاتت وتهديده اللى حصل وكان ممكن فارس يموت فيها لولا ستر ربنا فخافت من تهديده دلوقتى وفجأه وقفت اودام فهد وقالت...
انا موافقه على الجواز منك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
همس حست من كلام فهد انه بيهددها تانى وانه ممكن ياذى فارس وممكن المرة دى يموته فعلا فخافت على حياته ففكرت للحظات وخدت تنهيده كبيييييرة وقربت من فهد ووقفت اودامه وقالت ... انا موافقه على الجواز منك.

فهد بفرحه انتصار ... وانا تحت امرك حددى الوقت اللى يناسبك وانا اعملك فرح الكل يحكى عنه .. واجبلك الشبكه اللى تختاريها واجبلك فستان الفرح من باريس .
رضوان .. احسن قرار انتى ختيه يا همس يا بنتى .. بنات كتير تتمنى ان فهد بيه يتجوزها .
لكن هو ساب بنات الدنيا كلها وطلب ايدك انتى .

همس عملت نفسها انها مسمعتش اى حاجه من كلام ابوها ووجهت كلامها لفهد وقالت ... وانا مش عاوزة فرح ولا عاوزة شبكه ولا عاوزة فستان .. كل اللى انا عوزاه اننا نخلص من الموضوع ده فى اقرب وقت ونعمل قاعده صغيره فى البيت عندنا .
طلبى الوحيد هو انى افضل زى ما انا فى شغلى واعيش هنا ف القاهرة طبعا علشان اكون قريبه من المطار .
فهد بصدمه .. شغل ؟ وتعيشى فى القاهرة ؟ طب ازاى وانا كل شغلى فى اسكندريه .

همس .. مش شغلى هو ده شرطى الوحيد على الجوازة دى موافق ولا لا .
فهد .. موافق موافق وامرى لله .. تحبى نتجوز امتى يا روحى ولسه هايقرب منها ويلمس ايديها رجعت لورا وقالت .. نطمن على عمر الاول ويرجع للبيت ونبقى نحدد ميعاد .. وسابتهم مستغربين كلامها ده .

وفتحت باب الاوضه وخرجت وحست انها عاوزة تصرخ بأعلى صوتها وجريت ووقفت ناحيه شباك لانها كانت فى امس الحاجه للهواء وبعدها اتفتحت فى العياط .
فى اللحظه دى كانت سلمى وصلت هى وعادل وشافوا همس فى الحاله دى فاستغربوا عن سبب حالتها دى وهمس ما صدقت شافت سلمى واترمت فى حضنها .
.سلمى .. اهدى يا همس ..خير يا حبيبتى انتى كويسه .. وعمر كويس .

عادل .. مالك يا همس فى ايه يا بنتى .
هما افتكروا عمر حصله حاجه لا قدر الله بس بعد دقايق اتفاجؤا باللى خارج من اوضه عمر واتصدموا اول لما شافوا فهد الجبالى .
سلمى .. ايه اللى جاب الحيوان ده هنا يا همس .. هو زعلك تانى ولا ايه .
فهد شاف نظراتهم ليه فحب يدايقهم اكتر فاقرب من همس وقال .. متنسيش بقى يا حبيبتى تبقى تكلمينى علشان ننزل نجيب احلى شبكه لاحلى عروسه ماشى يا روحى وايده كانت على خدها .

همس نطرت ايده بعيد عنها وعيونها جت فى عيونه باستحقار .
سلمى اتصدمت هى وعادل وقالت .. شبكه ايه يا همس اللى بيتكلم عنها الراجل ده .
فهد .. ايه ده انتم متعرفوش .. انا وهمس هانتجوز وقريب اوى باركولها .. وسلام يا روحى بقى وبينا تليفون علشان اروح اضبط شغلى فى اسكندريه تشااااااو .
سلمى وعادل الكلام ده مضبوط يا همس .

همس كل اللى جه عليها السكوت والدموع اللى كانت مغرقه وشها .. بس للاسف عادل طلب من سلمى انهم يمشوا من غير حتى ما يستنوا رد من همس .
عادل .. بقولك يالا يا سلمى مالوش لازمه الكلام خلاص ومبرووووك يا عروسه عليكى فهد الجبالى.
همس بنظره عتاب لعادل وسلمى كانت كفيله انها تفقدها الوعى .
وفى ثوانى كانت همس واقعه على الارض فقرب منها ابوها وحاول يفقوها
رضوان .. همس .. همس .. فوقى يا بنتى .. اطلبولنا الدكتور بسرعه .

بس للاسف عادل شد ايد سلمى ونزلوا من المستشفى خالص من غير حتى ما يطمنوا على همس .
عادل وسلمى ركبوا العربيه وكانت الصدمه لسه مسيطرة عليهم .
سلمى .. انا مش مصدقه الكلام ده خالص .. واستحاله همس توافق على الحيوان ده وتسيب فارس اللى بتحبه .. اكيد فى حاجه غلط غصبتها على كده .
عادل .. ولا فى ولا مفيش .. هى بصت مين اللى عنده فلوس ونفوذ اكتر يا هانم .. همس لو بتحب فارس بجد ما كنتش وافقت على المسخرة دى .

سلمى .. ما تظلمهاش يا عادل لو سمحت .. همس صاحبتى وزميلتى من زمان .. انا حاسه ان همس بتمر بحاجه غريبه فى حياتها ومش عاوزه تقولى عليها .. ده لسه كانت بتسألنى على فارس وعلى صحته .. ومنين هى دخلت المستشفى وانهارت لما عرفت ان فهد ده طلب ايديها .. اكيد فى حاجه انا مش عرفاها .
المهم دلوقتى يا عادل اوعى تقول لفارس على اللى انت سمعته ده كفايه اوى اللى هو فيه .. بدل ما يتهور ويروح يقتل فهد الجبالى ده . مع ان حلال فى القتل والله .
عادل .. لا لازم فارس يعرف حقيقه الهانم اللى بيحبها وكان ممكن يموت بسببها .. انا كده اتاكدت فعلا ان فهد الجبالى ليه يد فى حادثه فارس .. ولازم اروح ابلغ الشرطه بكده .

سلمى ارجوك يا عادل اهدى ومتخلهاش تيجى منك انت .. متقلوش اى شىء لحد لما اعرف من همس ليه هى وافقت على الجوزاه دى وقدرت انها تبعد عن فارس بالسهوله دى .
عادل بقله حيله .. خلاص ماشى بس فى اقرب وقت اعرفى منها السبب وبلغينى علشان مش هاقدر اشوف فارس بيضحك عليه من همس وهاسكت .
سلمى .. وانا موافقه بس ادينى فرصه لكده وانا هاقولك والله كل اللى هى قالتهولى وكان السبب فى انها تسيب فارس وتضحى بحبها ليه بالسهوله دى وعلشان مين علشان الزفت فهد ده .

فى المستشفى عند فارس كان فاق وقام وقف وكان مصمم انه يخرج من المستشفى بحجه انه سايب الشركه لوحدها وعاوز يرجع ويشوف شغله .
الاب .. اصبر يا ابنى يومين تلاته كده عقبال لما ترد صحتك .. الشغل مش هايطير وكده كده عادل واخد باله من كل شىء وانا بروح شويه واخلص كل الشغل اللى متعطل .

الام .. اسمع الكلام يا فارس يا ابنى علشان خاطرى .. احنا ما صدقنا انك بقيت كويس .
فارس .. هى كلمه واحده انا هامشى يعنى هامشى ولسه هايكمل كلامه الدكتور دخل وسمع ان فارس عاوز يسيب المستشفى دلوقتى .
الدكتور .. ياه للدرجه دى زهقت مننا يا فارس ولا ايه .. خليك معانا يومين لحد منطمن عليك خالص ونسمحلك بالخروج .. وبالمرة نضمن ان الجرح لم خالص وماشى مضبوط على الادويه .

فارس .. لا يا دكتور انا اصلا مش بحب نوم السرير ده خالص ولا جو المستشفيات اطلاقا وبعدين انا اصلا بقيت كويس وبعد اذنك اكتبلى على الخروج واوعدك انى هاخد العلاج وهابقى تمام .
الدكتور بص لابوه فارس ووالدته وقال امرى لله بس كمان اسبوع لازم ترجع المستشفى علشان نطمن على الجرح .
فارس .. اوعدك بكده .. انا هانزل دلوقتى يا بابا اروح على الشركه وابقوا حصلونى على البيت .
الاب .. اللى تشوفوا يا ابنى وخلى بالك من نفسك .. وعلى فكرة مفاتيح عربيتك الجديده اهى انا بعت جبتلك واحده هاتعجبك اوى واحسن من الاولى كمان .
فارس .. شكرا يا بابا يالا سلام .. وقرب من امه وباس راسها وفتح الباب وخرج من المستشفى خالص .

فارس اول لما نزل ركب العربيه واول حاجه فكر فيها انه يتصل على همس ويعرف هى فين بالضبط .
للاسف همس كانت سايبه موبيلها على السرير بتاع عمر فى المستشفى وهى كانت فى الكافيتريا بتشرب قهوة زى العادة اللى بقت ادمان بالنسبه لها .
عمر سمع الموبيل بيرن فمسكه علشان يعرف مين بيرن على همس .. وشاف اسم فارس فامرديش يرد عليه وفضل الموبيل يرن لحد ما وقف وبعدها على طول الموبيل رن تانى وبرضه كان فارس فارد عليه .

عمر بتعب وارهاق .. الو ايوا يا فارس انا عمر .
فارس استغرب ان عمر اللى بيرد عليه فقال .. اهلا يا عمر اخبارك ايه .. هى همس فين عاوز اطمن عليها .
عمر .. انا بخير الحمد لله .. وهمس نزلت كافيتريا المستشفى بتشرب قهوة وزمانها جايه .
فارس بتعجب ! هى همس لسه محجوزة ولا ايه فى المستشفى يا عمر .
عمر لا لا ابدا همس بقت كويس .. ده انا اللى محجوز وهى اللى قاعده هى وماما معايا .. وبدا يحكى لفارس عن سبب وجوده فى المستشفى وكمان عن السبب الرئيسى وهو طلب فهد الجواز من همس .

فارس .. كل ده يحصل وانا معرفش .. ادينى عنوان المستشفى لو سمحت يا عمر .
وفعلا عمر اداله اسم المستشفى وخلال عشر دقايق كان وصل فارس اودام باب المستشفى نتيجه سرعته الجنونيه .
فارس وصل المستشفى ودخل على طول وسأل على الكافيتريا علشان يروح لهمس هناك .
وفعلا اول لما دخل الكافيتريا شافها قاعده فى ركن لوحدها وباين عليها الحزن والأسى.
قرب فارس بشويش من همس وحط ايده على كتفها وقال .. وحشتينى اوى يا همسى .
همس اتفاجأت بفارس وقامت وقفت وعيونها جت فى عيونه وعلى طول اترمت فى حضنه وبدأت تعيط جامد .

فارس استغرب جدا من تصرف همس وعيونها وشكلها اللى بيدل على ان فى شىء كبير اوى حصل لها فابدأ يهديها ويطمنها وقال .. انا عرفت كل شىء وعرفت ان الحيوان ده عاوز يتجوزك .. اطمنى انا جنبك ومش هاسيبك لوحدك تانى ابدا يا عمرى .. اوعى تخافى منه مهما يقول او يعمل او حتى يهددك واوعدك انه لا يمكن يقرب منك طول ما انا جنبك .

همس برقه وبصوت كله الم وحزن .. انا بحبك اوى يا فارس .. انا بعشقك يا حبيبى وعمرى ما حبيت حد غيرك انت وبس . وعمرى ما هاقدر ابعد عنك ولا اكون لاى حد غيرك .. اوعدنى يا فارس انك مهما تعرف او تسمع عنى انك تنسانى او تكهرنى لاى سبب ..اوعدنى يا فارس ارجوك .
فارس باستغراب .. ليه بتقولى كده بس يا حبيبتى .. اوعى تخافى او تضعفى او تعملى اى شىء يبعدنا عن بعض .. انا مش هاخلى اى حد يخدك منى فاهمه .
ولسه هايكمل فارس كلامه سمعوا صوت حد بيقول .. ما شاء الله .. ممكن اعرف انتم بتعملوا ايه مع بعض .

ههمس اتصدمت اول لما سمعت صوت فهد وهى فى حضن فارس فابعدت بسرعه عن فارس ووقفت بعيد عنه .
فارس لف نفسه اول لما سمع صوته وبعزم ما فيه اداله بوكس جامد خلاه يقع على الارض .
البودى جارد فى ثوانى جريوا وشالوا فهد من الارض وراحوا لفارس وفضلوا يضربوا فيه هما الاتنين وده اللى خلى همس تصرخ وتترجى فهد انهم يسيبوه وطبعا هى عارفه انه تعبان وصحته ضعيفه ولسه خارج من المستشفى .

فهد كان فرحان بالضرب اللى خده فارس ومن محايله همس ليه أمر البودى جارد انهم يسبوا فارس .. وقال .. خلاص سيبوه بدام همس هانم امرت بكده يا بهايم .
وفعلا سابوه على الارض وكان منظره وحالته فظيعه .. وعيونه كلها على همس .

ولسه همس هاتقرب من فارس شدها فهد وقال .. يالا يا عروسه ورانا حاجات كتير لزوم الفرح .
فارس اتصدم من كلام فهد وحاول انه يقوم ويقف وقرب من همس وقال .. فرح ايه يا همس اللى بيتكلم عنه ده ؟
همس زادت فى العياط وقالت .. سامحنى يا فارس غصب عنى سامحنى يا عمرى .
فهد بضحكه انتصار .. اديك سمعت بنفسك يا فارس الحسن انا وهمس هانتجوز قريب اوى .. واياك اشوفك بعد كده تيجى جنبها انت فاهم .
فارس بغضب وبصوت عالى ... انت تخرس خااااالص ما اسمعش صوتك وقرب من همس وشدها من دراعها وقال .. جواز ايه اللى بيقول عليه ده يا همس فهمينى .. انتى هاتتجوزيه بعد كل الحب اللى بينا .. بعد كل اللى قولتهولك عنه اااااانطقى .. اوعى يكون مهددك باى شىء او خايفه منه انا جنبك وهافضل جنبك دايما وعمره ما هايقرب منك .

همس بحزن ودموع مغرقاها .. سامحنى يا فارس غصب عنى انا بعمل كل ده علشان وبصت لفهد بكره ... وسكتت .
فارس .. علشان ايه انطقى .. ومع سكوت همس قال .. انا ندمان على كل دقيقه انا حبيتك فيها .. على كل لحظه اتمنيت انك تكونى ليا .. ده انا عمرى كله محبتش حد غيرك انتى يا همس .. تقومى فى الاخر تسيبينى انا علشان الحيوان ده اللى فى يوم من الايام كان السبب فى موت اخويا .
بس على العموم انتم الاتنين تشبهوا بعض مبروووووووك عليكى يا عروسه.

وسابهم ومشى وهو مش مصدق ان همس ممكن تعمل معاه كده رغم كل الحب اللى حبه ليها بس خلاص من هنا ورايح مفيش همس ولا فيه حب
وعند همس اللى كانت منهارده من كتر العياط والكلام اللى قاله ليها فارس وقلبها المجروح .. وعيونها على المكان اللى فارس خرج منه .. قرب منها فهد ومسك اديها وقال .. ولا يهمك يا قطه سيبك منه وانا هاعوضك عن كل ده وهاخليكى اسعد واحده فى الدنيا .. وكل ده وهمس فى عالم تانى خالص ولسه هايضمها فى صدره وياخدها في حضنه الا وخد حته قلم من همس رن رنه وقالتله ابعد عنى يا قذر يا حيوان وسابته ومشيت .
فهد حط ايده على وشه وبمنتهى السفاله والقذاره قال .. اووووووووف امووووت انا فى الخربشه والشراسه دى يا قطه ومد ايده على شفايفه وباسها .. ولما لاحظ نظرات رجالته ليه فاق وقال فى ايه يا بهيم منك ليه .. ورايا على العربيه .

فارس كان وصل اودام باب الشركه وركن عربيته ونزل بمنظره ده ووشه كان فيه دم من اثار الضرب بتاعه رجاله فهد والكل كان بيبص عليه وفى نفس الوقت كانوا مفكرين ان اللى هو فيه ده من الحادثه بتاعته فبدؤا يسلموا عليه لكن هو مداش حد فرصه لكده ولاحتى رد عليهم بالعكس هو مكنش شايف اودامه اصلا وراح على طول على مكتبه حتى السكرتيرة بترحب بيه مردش عليها ودخل على اوضته ورزع الباب وراه .
شد كرسى المكتب وخد نفس كبيييييييير وفى ثوانى كان كل اللى على المكتب على الارض وكسر كل شىء اودامه .
السكرتيرة كانت بره مستغربه جدا جدا من اللى هو بيعمله واتفأجات بدخول عادل للمكتب .
السكرتيرة بلهفه ... كويس ان حضرتك جيت يا باشمهندس عادل كنت لسه هاتصل عليك فى مكتبك .
عادل .. خير يا هند ؟ انا عرفت ان فارس وصل الشركه بجد الكلام ده .

السكرتيرة .. ايوا يا افندم علشان كده كنت هابلغ حضرتك .. لانه من ساعه ما وصل وشكله وتصرفاته غريبه جدا وعلى ما اعتقد كده كل شىء فى الاوضه جوه اتكسر وعمال يكسر لسه .. الظاهر فى حاجه مزعلاه .
عادل باستغراب ... طب خلاص انا هادخله واشوف فى ايه بالضبط اهدى انتى ومتدخليش اى حد علينا .
وفعلا فتح عادل باب مكتب فارس ودخل وقفل وراه الباب .. وعينه جت على فارس اللى كان قاعد على كرسى المكتب ومديله ضهرة وحاطط ايده على راسه .. وكل شىء فى الاوضه متكسر ومرمى على الارض فاتأكد ان فى حاجه سبب كل اللى عمله فارس ده .
فقرب منه وقال .. حمد الله على السلامه يا فارس الشركه كلها نورت بيك يا صاحبى .

فارس بغضب وعيون حمرا ... عاوزك تجبلى كل شىء يخص فهد الجبالى .. بيشتغل فى ايه بالضبط جوه مصر وبره مصر غير اللى احنا عارفينه عنه .. ومين الشركات اللى بتموله من برة مصر ؟وكمان الصفقات اللى بيعملها وياخدها لصالح مين ؟عاوز اعرف كل حاجه وفى اسرع وقت يا عادل.
عادل ضربات قلبه زادت وشك ان فارس عرف عن جواز همس من فهد وقال .. انت اكيد عرفت صح ؟
فارس .. عرفت ايه انطق .

عادل بتردد .. عرفت موضوع جواز فهد من همس صح .
فارس قام وقف وقرب من عادل وبعيون كلها غضب قال ... انت كنت تعرف وما قولتليش يا عادل ؟ ازاااااى فهمنى تبقى عارف حاجه زى كده وانا معرفش ازاااى يا صاحبى يا اخويا .. تسيبنى مضحوك عليا الفترة دى كلها فهمنى .. انا خلاص هاتجنن . انا بموووووووت يا عادل بموووت ومش مصدق اللى همس عملته معايا ده .. انا اكيد بحلم.

عادل .. اهدى يا فارس ارجوك اقسملك بالله انى لسه عارف النهارده بس عن موضوع فهد وهمس ده وعملت معاها موقف وكنت هاعرفك كل شىء صدقنى يا فارس .
فارس بحزن بص لعادل وبعيون كلها عتاب شد مفاتيح عربيته من على المكتب ومن غير ما يرد على عادل فتح باب المكتب وخرج .
عادل .. رايح فين يا فارس ارجوك استنى ..فارس فاااااااارس .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عادل فضل ينده على فارس ... فااااارس .. فاااارس استنى يا ابنى .
فارس كان نزل خالص من الشركه وكان مش طايق نفسه ولا عاوز يشوف اى حد خالص فاركب عربيته وساقها باقصى سرعه .

فضل سايق كتير ومش عارف هو رايح فين خالص ..وكل تفكيره فى اللى حصل من اول مرة شاف فيها همس لحد اللحظه اللى اعترف فيها بحبه ليها وهى اعترفت بحبها ليه وافتكر كمان رحله ايطاليا واليومين اللى قضاهم مع همس وكانوا احلا يومين عاشهم فى حياته .
لحد ما دمعه نزلت من عيونه لما افتكر همس وهى واقفه اودام فهد وبمنتهى القسوة تعترف انها هاتتجوز من عدوه الوحيد طول حياته فهد الجبالى .

وبكل قوته فضل يضرب على الدركسيون اوى اوى وفرمل فاجأه مع سرعته دى ونزل من العربيه وراح وقف اودامها وفضل يضرب العربيه بايده ويقول
ليه يا همس لييييه تعملى فيا كده بعد كل الحب اللى حبيته ليكى ليه يا همس لييييييييييه .
ودموعه نازله ودى كانت اول مرة تنزل على حد عزيز اوى كده عليه
فضل يضرب ويضرب لحد ما تعب ووقع على الارض وقعد وحط ايده على راسه .. وفضل مده طويله على الوضع ده لحد ما الليل ليل عليه وهو على حاله ده .
و فى المستشفى كانت همس قاعده هى وعمر اخوها وامها .

وعمر كان فاق من اللى هو فيه وعرف ان همس خلاص وافقت على الجواز من فهد وفضل يكلمها ويترجاها انها تلغى الفكرة دى خالص من دماغها هو وامها لكن هى صممت انها هاتكمل اللى هى بدأته خوفا على فارس اللى بتحبه وعلى حياته .
عمر .. بس يا همس ده مش حل ولازم فارس يعرف كل حاجه ويعرف تهديد فهد ليكى وهو قادر يحمى نفسه كويس اوى منه .. فارس كبير برضه وقوى وليه نفوذه ومش ضعيف ومش ممكن واحد زى فهد ده يعمله حاجه .

همس بضحكه هستيريه ... فهد ده حيوان وقدر انه يوصل لفارس وكان هايموته يا عمر لولا ربنا ستر ولا نسيت وانا مش هاقف اتفرج لحد ما يحاول يموته تانى اودام عيونى .
انا هاضحى بحياتى علشان احافظ على فارس يا عمر .. انت مش عارف انا بحبه اد ايه واللى بيحب حد للدرجه دى يضحى بحياته علشان يحميه .. وانا هايجى الوقت اللى هاقدر اقف اودام فهد واحاسبه على كل شىء عمله فيا وفى فارس حتى انت يا عمر لانه كان السبب فى اللى انت فيه دلوقتى ده .. وهايندم اشد الندم على كل حاجه وحشه هو عملها فى حياته .

عمر بحزن ... بس انا خايف عليكى يا حبيبتى ومش عاوز الزفت ده يقرب منك غصب عنك انتى فهمانى يا همس .. ده هايكون جوزك ولو عرفت انه اذاكى انا هاموته اقسم بالله .
همس .. انا عمرى ما هاكون ليه يا عمر والنجوم السماء اقربله من انه يلمس شعرة منى او يقرب منى حتى وبكره افكرك بالكلام ده كويس اوى .
المهم عندى دلوقتى صحتك انت وبس ولازم تاخد العلاج مضبوط وتعمل العلاج الطبيعى يا حبيبى .
الام ... منك لله يا فهد منك لله وفضلت تعيط .

عمر .. انا شاء الله .. انا راضى باللى ربنا كتبهولى وباذن الله هابقى احسن من الاول بكتير .
وفجاه الباب خبط وكانت سلمى ورغد واختها جنه جايين يطمنوا على حاله عمر .
همس بحزن .. اهلا وسهلا يا بنات اتفضلوا .
سلمى ورغد اتصدموا من منظر همس والحاله اللى هى فيها وقربوا منها وسلموا عليها هما وجنه .
جنه برقه قربت من عمر ومدت اديها وسلمت عليه وقالت . حمد لله على السلامه يا كابتن عمر والف سلامه عليك وان شاء الله ترجع زى الاول واحسن .
عمر بنظره كلها حب قال ... الله يسلمك يا جنه ومتشكر ليكى جدا مكنش ليه لزوم تتعبى نفسك .
جنه .. ما تقولش كده ده انا زعلت اوى من ساعه عرفت اللى حصلك وصممت انى اجى واطمن عليك بنفسى انت متعرفش انت عزيز عندى اد ايه ☺... قصدى انت وهمس.

عمر .. متشكر جدا ليكى وما تحرمش منك .
وقربت سلمى ورغد وسلموا عليه وفضلوا يقوه ويشجعوه علشان يواظب على علاجه الطبيعى والادويه وان شاء الله يرجع زى الاول واحسن .
سلمى خدت همس على جنب وسألتها على حالها ومنظرها ده .. وهمس ما صدقت وحكت لها على كل اللى حصل .

سلمى بحزن .. لا يا همس انتى غلطانه ولازم تقولى لفارس على كل حاجه .. فارس بيحبك اوى وانتى بتحبيه واستحاله واحد مجرم زى فهد ده يفرق بينكم اوعى يا همس اوعى مهما يهددك او يقولك الحيوان ده .. فارس هايقدر يقف قصاده ويوقفه عند حده والبلد فيها حكومه وقانون ويقدروا يوقفوا برضه عند حده هو مفكر نفسه مين .. وانا معاكى وعمر اخوكى معاكى وكلنا هانقف فى ضهرك متخافيش يا حبيبتى .. وربنا كبير قادر يخسف بيه الارض .

همس بعيون كلها دموع على حالها واللى وصلت ليه .. انا خايفه اوى يا سلمى .. وكل خوفى على فارس نفسه وعلى حياته .
المرة اللى فاتت لما فهد هددنى انا مسمعتش كلامه واستهونت بتهديده وكانت النتيجه الحادثه اللى دبرها لفارس ونجى منها .. وانا مش هاستنى مرة تانيه يهددنى ويموته يا سلمى افهمينى .

سلمى .. يا حبيبتى افهمينى قولى لفارس واحكيله كل حاجه وهو هايقف قصاده وهايقدر يحميكى منه ويحمى نفسه .. لازم فارس يعرف كل حاجه يا همس .
انا مش عارفه ابوكى فين فى ده كله الصراحه .. همه الوحيد الشغل والفلوس وبس .. ازاى يوافق و يبيعك كده لواحد كبير عنك وعارف كل البلاوى بتاعته ليه وعلشان ايه .. يغور الشغل اللى هايجى على حساب وحياه اعز الناس ليا .

اسمعى كلامى يا همس قولى لفارس كل حاجه ولا هاقوله انا واللى يحصل يحصل بقى .
همس ... لا يا سلمى ارجوكى متخلنيش اندم انى قولتلك على كل حاجه .. اوعى تجيبى سيرة لفارس او حتى عادل .. انتى كده ممكن تقضى على حياته وتكونى سبب فى موته يا سلمى اوعى اوعى .. اوعدينى يا سلمى.
سلمى همس صعبت عليها اوى اوى وقربت منها وخدتها فى حضنها وقالت .. خلاص يا همس مش هاقول حاجه لفارس بس خلى بالك من نفسك وفكرى مليون مرة فى الكلام اللى انا قولته ليكى .

همس.. ادعيلى يا سلمى انى اكون بحلم وفهد ده مجرد كابوس ودخل حياتى .
سلمى .. قولى يارب يا همس هو اللى سامع دعاكى وحاسس بيكى .
رغد استغربت تأخير همس وسلمى بره الاوضه فراحت علشان تنده لهم وشافت همس وهى بتمسح دموعها فقالت ... مالك يا حبيبتى شكلك مش عاجبنى خالص .. ودبلانه وحزينه فى ايه يا همس .

همس .. ابدا يا رغد مفيش حاجه .. كل اللى فيها انى زعلانه اوى على الحاله اللى وصل لها عمر وخايفه ما يرجعش زى الاول والخبطه تأثر عليه .
رغد بحب .. ان شاء الله اطمنى حبيبتى هايتحسن ويرجع زى الاول .. عمر انسان رياضى وبيحب الرياضه وهاياخد علاجه ويعمل العلاج الطبيعى وان شاء الله هايتحسن على طوووول .

همس .. يارب يا رغد ياااااااارب .
جنه كانت لسه جنب عمر والكلام خدهم ولما حست ان البنات كلها خرجت بره وام عمر قاعده على الكرسى وبتقرا فى المصحف اتكسفت واستاذنت من عمر انها تروح تشوفهم .
عمر .. انتى زهقتى منى ولا ايه وعاوزة تهربى بحجه انك تشوفى البنات .

جنه .. ابدا والله يا كابتن عمر اصل مش معقول افضل ارغى معاك كل الوقت ده والبنات واقفه بره وبعدين طنط تقول عليا ايه بس .
عمر .. اولا ايه كابتن دى .. خليها عمر على طول فاهمه .. وبعدين متخافيش طنط بتحب اللى انا بحبهم.
جنه اتكسفت اوى من كلام عمر وجريت عند الباب وفتحته وراحت عند البنات .
عمر ... دى بتتكسف وشها احمر كمان ... لا انا لازم اخف بسرعه واشوف ايه حكايتها معايا بالضبط جنه دى .

البنات كلهم استاذنوا ونزلوا وراحت همس معاهم توصلهم لحد تحت وقربت من سلمى وبصوت ضعيف جدا وقالت .. اوعى تقولى لحد يا سلمى ارجوكى .
سلمى .. متقلقيش يا حبيبتى مش هاقول لحد حاجه متخافيش .. المهم خلى بالك من نفسك انتى وشجعى عمر انه يمشى على كلام الدكتور بالضبط علشان يتحسن على طول .
همس .. بأذن الله يالا سلام .

فارس عدى وقت طويل عليه وهو قاعد على الارض فى الشارع وكان سايب موبيله فى العربيه . فقام وركب عربيته وهو حاسس انه متكسر ومتدشدش .. ومسك موبيله وشاف عليه اكتر من خمسين اتصال من عادل ومن ابوه وامه .
فاتصل على امه وطمنها عليه وقالها انه فى شغل وكان سايب الموبيل فى العربيه وقالها تبلغ ابوه بكده .
وشغل العربيه ومشى بيها بسرعه وبعد شويه وقف اودام العمارة اللى فيها عادل .
ركن العربيه وطلع فوق وخبط على شقه عادل .

عادل كان فاتح اللاب وبيخلص شويه حاجات مهمه للشغل فاسمع جرس الباب بيرن فافتكر سلمى وقال ما الحمارة دى معاها مفتاح مفتحتش ليه . ماشى يا سلمى فقام وقف وراح اتجاه الباب وفتح وقال .. يا جذمه انتى مش معاكى مفتاح بترنى الجرس ليه واتصدم اول لما شاف فارس اودامه .
عادل باحراج .. اهلا فااارس اتفضل ادخل .. معلش كنت مفكر سلمى رجعت من المستشفى.
فارس من غير ولا كلمه دخل وراح قعد على اقرب كرسى.
عادل ... كنت فين يا ابنى .. انا غلبت اتصل عليك وانت مش بترد قلقتنى عليك .

فارس ... مش وقته يا عادل انا تعباااان جدا ومش عاوز اتكلم عن اى حاجه دلوقتى .
عادل .. ماشى يا صاحبى هاسيبك براحتك دلوقتى .. بس قوم ادخل الحمام وهاجبلك غيار من هدومى وخد دوش يفوقك كده عقبال لما اجهزلك لقمه تاكلها .
فارس بتعب وارهاق وقلب مكسور ... انا هاقوم فعلا اخد دوش لكن مش عاوز اكل انا عاوز سرير انام عليه لحد ما النهار يطلع علشان مش هاقدر ارجع على البيت دلوقتى بالمنظر ده .

عادل .. ماشى يا فارس بس قوم يالا معايا هاطلعلك لبس واوريك الاوضه اللى هتنام وتستريح فيها .
فارس .. انا متشكر ليك يا عادل .. بس معرفتش اروح فين وانا بالمنظر ده وملقتش غيرك انت .
عادل .. ما تقولش كده يا فارس .. احنا عشرة عمر ومش اول مرة يعنى تيجى وتبات معايا ما انت ياما جيت وسهرنا مع بعض كتير من واحنا صغيرين .
فارس .. انت بتقول سلمى فين ولا انا من كتر التعب سمعت غلط .!

عادل .. سلمى راحت هى ورغد يزورا عمر فى المستشفى ويطمنوا عليه وعلى همس .
فارس قام وقف ومن غير ولا كلمه دخل على الحمام اول لما سمع اسم همس .
عادل اتحرج انه قال اسمها بس ما كنش يقصد واكيد فارس هايعزره .
عادل راح على المطبخ وحاول يجهز اى حاجه خفيفه لفارس علشان ياكل اول لما يخرج وفعلا جهز شويه حاجات كده وسابها على السفره لحد ما فارس يخرج وراح علشان يكمل بقيت شغله على اللاب .

وبعد شويه سلمى كانت وصلت وطلعت المفتاح وفتحت باب الشقه وشافت عادل قاعد على اللاب وجنبه شويه ملفات .
سلمى .. مساء الخير ازيك يا عدوله .
عادل .. اهلا يا سلمى اتاخرتى كده ليه يا بنتى قلقتينى عليكم .
سلمى .. اسكت يا عادل اصل انا زعلانه جدا وقلبى وجعنى اوى على منظر همس والحاله اللى هى بقت فيها .
عادل .. هى لسه برضه صعبانه عليكى يا سلمى .. دى وحده سابت حبيبها فى عز تعبه وراحت تتجوز عدوه .
سلمى .. انا هاقولك على كل حاجه بس اوعى تجيب سيرة لفارس والنبى يا عادل علشان همس ما تزعلش منى .. همس مظلومه يا عادل ماتظلمهاش انت كمان زى ما فارس ظلمها .

همس وافقت على الجوزاة دى علشان بتحب فارس وخايفه عليه وعلى حياته لما فهد هددها انه هايموت فارس لو هى مرديتش تتجوزه .
وهددها اول مرة وهى اتهيئلها انه مجرد كلام لكن تهديده ده نفذه ودبر الحادثه بتاعه فارس وكان ممكن يموووت فيها .
وهى مش هاتستحمل انه يعمل حاجه تانى لفارس .. ووافقت انها تضحى بحبها وبحياتها وتتجوز فهد بس علشان فارس يقدر يعيش .
وفارس مفكر انها سابته واستغنت عن حبها علشان تتجوز فهد وبس .

همس بتمووووووت يا عادل ومحدش حاسس بيها .. بس كل ده علشان حبها لفارس كبير اوى اوى .
وفجاه عادل بيلف نفسه اتصدم اول لما شاف فارس واقف وسمع كل كلام سلمى .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
سلمى بدموع ... همس بتموت يا عادل ومحدش حاسس بيها وبتعمل كل ده علشان بتحب فارس اوى اوى وهى صعبانه عليا جدا .
ولسه عادل هايقوم يقف وبيلف نفسه شاف فارس واقف مصدوم من الكلام اللى سمعه من سلمى عن همس .

عادل بصدمه ... فاااااارس !
انت خرجت امتى من الحمام .
سلمى .. ايه ده هو فارس هنا من امتى وماقولتليش ليه يا عادل ان فارس عندنا .. مكنش ينفع انه يعرف اى حاجه همس محلفانى انه ما يعرفش .
فارس كانت الصدمه لسه مسيطرة عليه فقرب من سلمى ووقف اودامها وقالها ... الكلام اللى سمعته ده مضبوط .
فهد هدد همس انه يموتنى وهى بتعمل كل ده علشان تحمينى منه يا سلمى . وهاتضحى بحبها وحياتها علشان فهد ما يقربش منى .
سلمى بتوتر... اصصصل...

فارس قرب منها ومسكها من درعها وقال .. قوليلى كل حاجه يا سلمى ارجوكى .. انا بمووووت وهى بعيد عنى .. وقلبى مجرووح وبتعذب اوى ومش مصدق ان همس تعمل معايا كده وتسيبنى علشان واحد زى الحيوان ده .. ارجوكى يا سلمى احكيلى على كل حاجه انتى تعرفيها ارجوكى يا سلمى .. لازم انقذ همس من الزفت اللى اسمه فهد ده وانتقم منه عن كل لحظه دايق فيها همس وزعلها وخلاها تعيش اللى هى فيه ده .. وهانتقم منه وهاخلص منه القديم والجديد وهاوديه فى ستين داهيه .. انطقى يا سلمى انطقى ارجوكى .

عادل قرب من فارس وقاله .. اهدى يا فارس واقعد علشان نشوف هانتصرف ازاى ونعمل ايه .
وسلمى هاتقولك على كل حاجه .. وبص لسلمى وقال خلاص يا سلمى ملوش لازمه انك تخبى حاجه عن فارس هو سمع كل حاجه خلاص ولازم نشوف هانعمل ايه علشان نمنع الجوازة دى باى شكل قبل ما همس تضيع مننا كلنا .

همس حست ان كل شىء انكشف وفارس عرف كل حاجه فقعدت وطلبت منه هو وعادل انهم يقعدوا وهى هاتقولهم على كل شىء .
وفعلا فارس قعد هو وعادل وسلمى بدات تقولهم عن كل حاجه عملها فهد مع همس ومرواحه ليها المطار ومدايقته ليها اكتر من مرة وحاحات كتير جدا وعلى موضوع ٦مر والوقعه الى وقعها من على السلم بسبب فهد برضه لانه كان نازل بسرعه وعاوز يروح لفهد ويموته بسبب همس اخته والى عمله فيها وفى صحتها ورفضه جوازه منها طبعا .

وطبعا عادل وفارس محدش فيهم كان يعرف ان وقعه عمر من على السلم ايه سببها اصلا .
وقالت كمان ان همس رافضه ان اى حاجه تحصل وبالذات موضوع الجواز ده غير لما عمر يخف خالص وتطمن عليه وبعدها هى موافقه عن الجواز من فهد بشرط انه يبعد عن فارس نهائى .

سلمى سكتت خالص وفارس وعادل استغربوا جدا واتصدموا من كلام سلمى والهدوء سيكر على المكان وفجاه ...
خبط فارس ايده على التربيزه اللى قصاده وزقها بعيد عنه وقال.. انا ازاى افكر فيها كده .. انا ازاى محستش انها مظلومه واستحاله انها تبعد عنى وتبيع حبى علشان خاكر فهد ..انا ظلمتك يا همس ظلمتك يا همسى وحبى وعشقى .

وقام وقف وعيونه بتطلع نااار وقال .. انا لازم اروح اموته .. انا هاموته علشان الكل يستريح منه انا هاقتله يا عادل هاقتله .
عادل بسرعه قرب منه ومسكه قبل ما يتحرك من مكانه وقاله اهدى يا فارس ارجوك واقعد موتك ليه مش هايحل حاجه بالعكس انت هاتروح فى ستين داهيه علشان كلب ولا يسوا وهاتتسجن او ممكن كمان تتعدم .
وبكده هاتبعد عن همس وترجع تندم طول حياتك .

سلمى .. عادل عنده حق يا فارس احنا لازم نفكر كويس اوى ونخطط اننا نوديه فى ستين داهيه ونشوف شغله والبلاوى كلها بتعتوه اكيد عنده حاجات توديه لحبل المشنقه برجليه.
فارس استوعب كلام عادل وسلمى وهدى شويه وقال لسلمى .. همس فين دلوقتى يا سلمى ارجوكى انا لازم اشوفها حالا .
سلمى قالت لفارس .. يا سيدى انا كنت سيباها بايته مع عمر فى المستشفى .

فارس رجع على الاوضه بسرعه وغير لبسه وخد مفاتيح عربيته وقالهم انه رايح لهمس على المستشفى .
سلمى .. طيب استنى اجى معاك يا فارس .
عادل .. سيبيه يا سلمى .. الوقت ده بالذات لازم يكونوا هما الاتنين لوحدهم .
وفعلا نزل فارس من عند عادل وركب عربيته بسرعه وباقصى سرعه ساق العربيه وراح على المستشفى .
وبعد عشر دقايق بالضبط نزل فارس من عربيته ودخل المستشفى وسأل على اوضه عمر رضوان وطلع على طووول .
بس للاسف كانت رجاله فهد قاعده اودام باب الاوضه ومنعوا فارس من الدخول بأوامر من فهد طبعا .
فارس حاول اكتر من مرة انه يدخل وهما طبعا منعوه وبدا فارس يضربهم بكل قوه فيه وافتكر كل حاجه وحشه حصلت ليه ولعيلته ولهمس بسبب فهد وطلع كل غله فيهم وهو بيضربهم .

همس كانت سمعت صوت دوشه بره وصوت حد بيزعق ففتحت الباب بسرعه ولسه هاتخرج لقت اللى واقف زى الفارس اودامها .
همس بصدمه ... فاااااااارس .
فارس بحب وعشق... عيون فارس وقلب فارس يا همسى .
همس حست انها بتحلم وصعبت عليها نفسها اوى وبدات عيونها تدمع .. فقرب منها فارس وشدها لصدره وضمها اوى اوى لحضنه .
وقال بهمس .. انتى ليا انا وبس يا همسى فاهمه .

همس بدات تعيط جامد وهو يضمها لصدره اكتر علشان يحسسها بالامان ويطمنها انه معاها وقريب منها وهايقدر يحميها ويحافظ عليها .
مد ايده لوشها ورفع راسها لفوق وبص فى عيونها بكل شووووق ولهفه فبدا وشها يحمر من الكسوف فثار اكتر واكتر وبحركه لا اراديه منها عضت على شفتيفها فاشعلت جنونه اكثر.

فاقترب من شفتيها والتهمهم حتى تكاد انفاسهم تنقطع.. وهمس امام شفتيها بطلاصم عشق تدل على عشقه لها.. واقترب مرة اخرى من شفتيها والتهمها فى قبله عصفت بكيانهم.. فبادلته قبلته بعمق اكثر وتمسكت برقبته وكاد ان ينقطع انفاس العاشقين .

ليفترقوا على صوت عمر ... هو فى ايه عندك يا همس .. وايه صوت الزعيق ده .
فهد طبعا كان رجع اسكندريه . ووصله خبر من الراجل بتاعه اللى واقف اودام المستشفى ان فارس الحسن دخل المستشفى .
فهد بغضب ماشى يا حيوان انا هاكلم البهايم الى موقفهم فوق اودام الاوضه واشوف محدش بلغنى ليه لحد دلوقتى
وغور انت وخليك واقف مكانك وبلغنى بكل شىء .

وفعلا قفل فهد الموبيل فى وش الراجل بتاعه واتصل على الاتنين التانين اللى موقفهم اودام باب الاوضه وطبعا من كتر الضرب اللى خدوه من فارس محدش رد عليه خالص .. فاتجنن اكتر وارجع اتصل باللى واقف تحت وقاله اطلع للبهايم اللى فوق وشوفهم مش بيردوا ليه .
همس كانت فاقت من اللى هى فيه وسمعت صوت عمر بصعوبه من الحاله اللى هى كانت فيها وبسرعه دخلت على جوا وردت عليه .
همس .. فى حاجه يا عمر بتقول حاجه .

عمر استغرب الحاله اللى همس فيها وقال .. فى ايه بره وايه الى بيحصل بالضبط .
همس ☺☺☺ااااااا... ومعرفتش تقول ولا كلمه .
وفجاه دخل فارس بكل وقار وقال .. انا اقولك يا عم عمر فيه ايه بالضبط .
عمر اتفاجاه بدخول فارس وقال .. فارس .. انت هنا من امتى وخرجت امتى من المستشفى .

فارس قرب من عمر وقال .. انا هاحكيلك على كل حاجه . وفعلا قاله وفهمه كل حاجه هو ناوى يعملها علشان يوقف فهد ده عند حده .
عمر ... ايوا كده يا فارس انا كده اطمنت على اختى وعلى حبها .. وعرفت واتاكدت انك تستاهلها وانك راجل هايقدر يحافظ عليها وكويس انك عرفت كل حاجه .
فارس عيونه جت فى عيون معشقوته وغمز لها بعيونه من هنا ورايح انا اللى هاقف لفهد .. وياريت تسامحينى يا همس .. ياريت يا حبيبتى .. انا كنت اعمى ومقدرتش اشوف الحقيقه بعيونى .. وناوى النهار يطلع وهاروح اجيب الماذون ونتجوز هنا فى المستشفى .

ايه رايك يا عمر .
عمر بص لهمس وقال .. اللى تشوفه همس انا موافق عليه .
همس بعد ما كانت فرحانه وسعيده بكلام فارس ليها .. رجعت خافت تانى وحست ان فهد مش هايسبهم فى حالهم لو عرف موضوع الجواز ده .. وابوها كمان لانه موافق على فهد ودايما فى صفه علشان مصلحته وشغله وبس .
فارس حس بقلق همس فقام وقف وقرب منها ومسك اديها وقال .. انا مش عاوزك تخافى من اى شىء خالص يا روحى طول ما انا جنبك .. واعتبريه كابوس وحش وقومتى منه .

ههمس ابتسمت ليه وقالتله .. اوعى تبعد عنى تانى يا فارس ارجوك انتى فارس عشقى .
فارس .. وانا استحاله ابعد عنك تانى يا همسى من هنا ورايح .
عمر كانت عيونه عليهم وكان فرحان بيهم اوى اوى وحس ان لسه فيه حب حقيقى يستاهل التضحيه زى ما همس كانت هاتضحى بحبها علشان تحمى اللى بتحبه .. وانه من هنا ورايح هايقف فى وش اى حد حد ابوه نفسه اللى كل تفكيره فى الفلوس والشغل وبس ومش مهم عنده عياله وحياتهم .

الراجل بتاع فهد كان طلع على فوق وملقاش الاتنين الرجاله واقفين اودام الاوضه فاستغرب اوى وفضل يدور عليهم .
لان فارس كان شدهم فى اوضه وربطهم من أيديهم ورجليهم وربط بلاستر على بوقهم كمان وقفل الباب بالمتاح .
فهد كان قاعد على نار ومستنى تليفون من الرجاله بتاعته واخر ما زهق اتصل على الراجل تانى وقال .. ما تقولى يا بهيم انت عملت ايه .
الراجل .. يا فهد باشا من ساعه ما طلعت وانا بدور عليهم فى كل مكان ومش لقيهم خالص وكأنهم ملح وداب.
فهد باستغراب .. يعنى هايكونوا راحوا فين الكلاب دول بس .. خليك واقف اودام المستشفى وبلغنى بكل شىء واستنى اى اوامر منى .
الراجل .. اللى تؤمر بيه يا فهد باشا .

فارس كان لسه مع همس وعمر .. وبدا النهار يطلع .. فاستأذن انه هايروح يغير لبسه ويجيب الماذون واتنين شهود ويجى ويكتب كتابه على همس .
همس .. ماشى يا حبيبى وانا كمان زمان ماما هاتيجى واول لما تيجى هارجع على البيت وانقى فستان حلو لزوم كتب الكتاب واقول لسلمى اللى حسابها معايا بعدين على لسانها الطويل ده واجى ونتقابل هنا كلنا .
فارس .. ماشى يا حبيبتى.. وانت يا عمر مش عاوز اى حاجه اجبهالك وانا جاى .
عمر بهزار قال ... اه عاوز جنه.

همس عيونها جت فى عيون فارس وفضلوا يضحكوا .. وفارس قال .. وانا هاروح بنفسى اجبلك جنه يا عم واخت جنه كمان ايه رايك .
وفضلوا هما التلاته يضحكوا وفارس وقف وسلم عليهم ووعدهم انه مش هايتاخر عليهم ومسافه السكه وهايجى على طول .
عدى الوقت ومامت همس كانت راحت المستشفى وعمر وهمس عرفوها كل شئ وفرحت اوى اوى لهمس بنتها .
وهمس كانت بلغت سلمى بكل اللى حصل واتصلت على رغد وقالت لها اعملى حسابك ان عادل وسلمى هايعدوا عليها هى وجنه علشان يجبوهم على المستشفى علشان يحضروا كتب كتاب همس وفارس .

الكل كان فرحان اوى لما عرف الخبر ده وبدؤا يستعدوا ويلبسوا ويروحوا على المستشفى.
عادل وسلمى كانوا خلصوا ونزلوا ركبوا عربيه عادل وراحوا على بيت رغد علشان يخدوها هى وجنه .
عادل فضل يبص على رغد وجمالها اللى بيزيد فى عينه كل مرة يشوفها فيها وقرر انه فى اقرب وقت هايعترف لها بحبه ده ويروح يتقدم لها .
فارس كان خلص لبس واتصل على همس علشان ياخدها فى سكته على المستشفى .
فارس بغشق وشوووق .. همسى .

همس بحب .. فارس عشقى .
فارس بهيام ... نور عينى يا همسى .
همس .. روح قلبى يا فارس .
فارس .. خلاص يا حبيبتى كلها ساعه بالكتير وهاتكونى ملكى انا وبس ملك فارس الحسن .. او اقولك .. مدام فارس الحسن افضل .
همس ... يااااااه يا فارس .. نفسى اوى فى اللحظه دى اللى اكون فيها ملكك انت وبس .
واعيش انا وانت بعيد عن الناس دى كلها فى جزيره فى قلب البحر .. ونعيش اجمل ايام حياتنا .

فارس .. وانا اخدك فى حضنى واضمك لصدرى ونغمض عيونا ونعيش اجمل لحظات حياتنا يا همسى انا وانتى والبحر وبس .
همس .. وانا مش هلاقى مكان افضل من حضنك احس بيه بالامان يا فارس وفجاه
عااااااااااااااااا الحقنى يا فارس عاااااااا وانقطع الصوت عن فارس .
يا ترى حصل ايه لهمس ؟
تواقعتكم ايه .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عادل كان وصل هو والبنات اودام باب المستشفى فاركن العربيه ونزلوا منها .. بس افتكر حاجه مهمه المفروض يعملها فاستأذن من سلمى ورغد انه هايرجع تانى يجيب حاجه مهمه .

سلمى باستغراب .. حاجه ايه اللى عاوز تجيبها دلوقتى يا عم انت زمان فارس وصل هو وهمس من بدرى .
عادل .. يا بنتى عاوز اروح اجيب بوكيه ورد وعلبه شيكولاته انا متاكد ان فارس مش هايفتكر حاجه زى كده من اللى هو فيه .. هاروح بسرعه واجى .
سلمى .. ااااه فى كده عندك حق يا عادل .. بس هاتروح لوحدك ولا ايه ؟ مش عاوز حد معاك وعنيها جت على رغد .
عادل فهم قصد سلمى ايه .. فقرب من رغد وقال .. لو مش يدايقك ممكن تيجى معايا وتنقى بوكيه ورد على زوقك يا رغد لو سمحتى انتى اكيد عارفه زوق همس كويس .

رغد بخجل .. مفيش مانع بس نرجع بسرعه .
عادل بفرحه ... وانا موافق هو انا هاخطفك يا بنتى ولا ايه .. هانروح نجيب الحاجات دى ونرجع فوريرة .
سلمى بضحك ... فوريره يا باشمهندس .. فى حد لسه بيقول فوريره هههههههه انا مش عارفه هندسه ايه اللى انت اتخرجت منها دى .
عادل ومالها فوريره يا هانم .. هى وحشه يا رغد ولا ايه .
رغد بابتسامه ... لا ابدا حلوة ولذيذه كمان بدام منك .
عادل اتغاظى بقى يا سلمى اهى عجباها .

سلمى .. وانا مالى يا اخويا هو انا هاتجوزك .. افضل ارغى كده كتير لحد ما كتب الكتاب يتكتب واحنا بنتناقش فى كلمه فوريرة بتاعتك دى .. انا هاخد البت جنه واطلع على فوق وخليكم انتم اتناقشوا براحتكم سلام يا هندسه ... ولا اقولك .. روحوا وتعالوا فوريرة ههههههههه .
عادل مالها البت دى هو انا قولت حاجه غلط ولا ايه .
رغد بضحك .. انا مش عارفه انتم على طول كده زى القط والفأر بتنأروا فى بعض كده على طول .
عادل .. والله انا غلبان هى اللى بتجرجرنى للكلام الفاضى ده على طول .

رغد .. طيب يالا بينا بقى بسرعه علشان شكلنا كده مش هانلحق الكتب كتاب .
عادل قرب من باب العربيه وفتحه وقال .. اتفضلى سياتك .
وفعلا ركبوا وراحوا على اقرب محل ورد واشتروا الورد واشتروا كمان علبه شيكولاته وحاول عادل انه يستغل الفرصه دى انه يقولها انه معجب بيها .
عادل .. ممكن اقولك حاجه مهمه يا رغد .
رغد بخجل .. اه طبعا اتفضل .

عادل .. انا الصراحه كده ومن غير لف ودوران معجب بيكى وبدأت احبك من فترة وعاوز اعرف رايك علشان عاوز اجلكم البيت واطلب ايدك من الحاجه.
رغد بكسوف ووشها احمر من الخجل .. اااااااا
وسكتت خالص .
عادل .. افهم ايه انا من ... ااااااا بتاعتك دى .
رغد عيونها على الارض وقالت .. انا موافقه .
عادل ... وانا اسعد انسان النهارده .. وبما ان فارس هايكتب كتابه النهارده ايه رايك نكتب كتابنا احنا كمان .
رغد .. لاااا طبعا .. لازم تيحى عندنا البيت وتطلب ايدى من ماما الاول .

عادل .. يا بت انا بهزر .. ومسك اديها وباسها .
وبعد شويه كانوا وصلوا اودام المستشفى ونزلوا وخدوا بوكيه الورد وعلبه الشيكولاته وطلعوا على فوق .
واول لما تطلعوا قال للكل انه هايخطب رغد والكل بدأ يبارك ليهم .
سلمى .. ايوااا بقا يا فوريرة .. مكنتش اعرف ان هى الباس ورد بتاعكم يا حلوين ههههههه.
الكل كان فرحان للعرسان دول وكانوا فى انتظار العرسان الاصلين .
وعمر قرب من جنه وقالها عقبالك يا جنه انتى كمان وقريب اوى
جنه بخجل .. قوم انت الاول بالسلامه .

نيجى بقى لعرسانا .
همس ... عاااااااااااااا فااااااارس
الحقنى يا فااااااااارس .
وفجاه الخط اتقفل وفارس اتصدم اول لما سمع صوت همس بتصرخ ومش عارف فى ايه او ايه اللى حصلها وفضل ينادى عليها ويصرخ همممممممممممس همممممس ردى عليا يا روحى
همممممممس .
وبسرعه شد مفاتيح العربيه وخد مسدسه ونزل من اوضته .

الام .. فى ايه يا ابنى بتجرى كده ليه حد حصله حاجه .
فارس ما كنش سامع اى حاجه ولا شايف اى حد غير صوت همس وهى بتصرخ وبتنادى باسمه ... وركب بسرعه عربيته وشغلها وساق باقصى سرعه تتخيلوها وكذا مرة كان هايعمل حادثه فى الطريق وفضل يكلم نفسه بصوت عالى ويقول .. جايلك يا حبيبتى جايلك والله متخافيش يا همسى وفضل يفكر فى حاجات كتير وحشه حصلت لها .. وفضل على الحال ده كده لحد ما وصل وراح على الفيلا عند همس .

ركن ونزل من العربيه بسرعه ودخل من باب الفيلا وهو داخل شاف البواب مرمى على الارض وغرقان فى دمه .. فخاف جدا وقلبه اتقبض وحس ان ممكن يكون حصل حاجه وحشه لهمس فاجرى ولقى الباب مفتوح ومفيش اى حد نهائى موجود فى المكان فاطلع على فوق وطبعا مش عارف انهى اوضه من الاوض دى كلها اوضه همس.

فافضل يدور ويفتح باب باب لحد ما لمح باب مفتوح فاطلع مسدسه بشويش و راح ناحيه الباب واول لما وصله شاف حاجات كتير متكسرة على للارض وصوره همس بلبس الطيران متعلقه على الحيطه فاتأكد ان دى اوضه حبيبته .
فضل يدور فى كل مكان ولمح على الارض سلسله دهب بتاعه همس كانت على طول لبساها فى رقبتها وعليها اسمها بالانجليزى .
قعد على الارض ومسك السلسله وضمها بايده اوى وباسها ودموعه نزلت واتاكد ان همس فهد خطفها .

طلع بسرعه موبيله واتصل على عادل اللى كان وصل المستشفى من بدرى هو ورغد والكل كانوا مستغربين ان العرسان لسه ما وصلوش لحد دلوقتى .
اخيرا العريس ظهر اهو انا خايف لا يكون عملها من بره بره وسافر فى اى حته هو وهمس .
عادل بهزار رد على فارس وقال .. ايه يا عم انت .. اتأخرت كده ليه يا عريس فينكم كل ده وفين العروسه .
فارس بحزن ووجع والم قال ... همس اتخطفت يا عادل همس اتخطفت .
عادل بصدمه ... انت بتقول ايه .. همس اتخطفت ازاى ومين اللى خطفها انطق يا فارس .

لكن فارس من صدمته من اللى حصل قفل الموبيل .
كل اللى كان موجود فى الاوضه اتصدم .
الام ... بنتى حبيبتى حصلك ايه يا عمرى ومين عمل كده .
عمر بغضب .. اكيد الحيوان اللى اسمه فهد خطفها لما عرف انها هاتتجوز فارس .. انا هاموتك يا فهد هاموتك لو لمست شعرة من اختى .
عادل اهدوا يا جماعه وخلينا نفكر هانعمل ايه بس دلوقتى .
سلمى .. لازم نبلغ البوليس هو اللى هايقدر يرجع همس .

عادل انا هافضل ورا فارس لحد ما يرد عليا واعرف حصل ايه بالضبط ومين اللى عمل كده وانتم خليكم كلكم هنا واللى يعرف حاجه يقول للتانى .
الام .. وانا هاتصل برضوان واقوله ان همس اتخطفت و اكيد فهد الزفت ده اللى خطفها .
عمر فضل يضرب ايده فى السرير لانه مش عارف يتحرك من ساعه واقعه السلم وحس انه لاول مرة عاجز ومش قادر يعمل حاجه لاخته .
جنه شافته فى الحاله دى فاقربت منه وحاولت تهديه وتطمنه انه يطمن وهمس هاترجع تانى ان شاء الله .
رغد وسلمى حاولوا يرنوا على موبيل همس وكان بيرن بس للاسف مفيش حد بيرد .

وحاولوا كذا مرة تانى وفجاه حد رد عليهم .
سلمى .. ايوا يا همس يا حبيبتى انتى فين .
فارس ... ايوا يا سلمى .. انا فارس والموبيل بتاع همس هنا فى اوضتها .
سلمى بخضه .. هى اتخطفت من الفيلا يا فارس ولا ايه وايه اللى حصل بالضبط .
فارس بحزن وقلب مجروح .. اقفلى يا سلمى وانا جايلكم على المستشفى .
سلمى .. ماشى يا فارس واحنا فى انتظارك وعادل نزل يدور عليك .
وفعلا قفل فارس معاها ونزل وركب عربيته وراح على المستشفى .
سلمى اتصلت على عادل علشان يجى وبلغته ان فارس جاى على المستشفى .

فى مكان تانى خالص وبالتحديد فى قصر على البحر كانت همس نايمه على سرير و موجوده فى اوضه ومقفول عليها بالمفتاح .
همس بدأت بشويش تفوق وتفتح عنيها واستغربت اوى هى فين وايه المكان ده . وفضلت تبص لكل حته فى الاوضه .
فحاولت تقوم بس كانت لسه داخيه فقامت ووقفت وقربت من شباك جنب السرير وفتحته واتفاجأت اول لما فتحته .
شافت جنينه كبيرة اوى وفيها شجر عالى ونخل كتير والبحر اودامها على طووول .

اتصدمت بالمنظر اللى شافته وراحت ناحيه الباب وحاولت تفتحه بس للاسف كان مقفول بالمفتاح .
همس فضلت تصرخ وتخبط على الباب علشان حد يفتلحها لحد ما تعبت من كتر الخبط وقعدت على الارض وضمت رجلها عند صدرها وفضلت تعيط .
وفجاه حست برجلين جايه جنب الباب فاقامت ووقفت ورجعت لورا خطوتين والباب اتفتح واتصدمت اول لما شافت اللى دخل .
همس بصدمه... فهد .. انت اللى بعت رجالتك وخطفونى .. انا هاوديك فى ستين داهيه يا حيوااااااان .. وقربت منه ولسه هاتضربه بالقلم على وشه بس للاسف كان هو اسرع منها ومسك اديها وضمها لصدره .

همس فجاه لقت نفسها فى حضن فهد فحاولت تزقه وتبعده بس هو كان اشد منها وضمها لصدره اكتر واقرب وشه منها اوى ونفسه كان نااااار على جسمها وفضل يشم ريحتها ويقول ... اخيرا بقيتى فى حضنى يا همس .. ومفيش حد فى الكون هايخدك منى .. انا فهد الجبالى ومحدش يقدر ياخد حاجه انا عينى عليها .. انا كنت هاتجوزك علشان اخد اللى انا عاوزه منك وبعد كده كنت بفكر ارميكى للكلب فارس الحسن .

بس بعد اللى كنتى عاوزه تعمليه معايا وتتجوزى فارس من ورايا ومفكرانى مش هاعرف .. انا مش هاتجوزك و هاخد اللى انا عاوزه وهنا ودلوقتى كمان .
همس اتصدمت من كلامه وفضلت تصرخ وتنادى على اى حد ينقذها من فهد .. بس للاسف مفيش اى حد جه .
فهد بكل غرور .. لو فضلتى تنهدى من هنا لبكرة مفيش حد هايسمعك يا قطه .. القصر ده فى اخر الدنيا ومفيش اى حد ساكن قريب منه .. دى منطقه على البحر وبعيده جدا عن العمار .

همس اتصدمت من كلامه فرجعت لورا بسرعه ومسكت فازه على التربيزة اللى فى وسط الاوضه وحدفتها فى دماغ فهد .
فهد بغضب ... عااااااا يا بنت المجنونه فتحتيلى دماغى .. انا مش هاسيبك وهاخد اللى انا عاوزه منك ودلوقتى وبدا يقلع فى هدومه .. وقرب منها وشدها لحضنه تانى وهى بتقاوم وهو يحاول ولسه كان هايقطع لها هدومها .

فهد سمع الباب بيخبط فقال .. عاوز ايه يا حمااااار .
بلال .. عاوز حضرتك فى شىء ضرورى يا باشا .
فهد .. غووور انت وانا نازل وراك يا بهيم .
وفعلا نزل بلال على تحت واستنى فهد انه ينزله .
فهد .. بدا يلبس هدومه تانى وقال لهمس .. راجعلك يا قطه .. اشوف البهيم ده عاوز ايه وارجعلك على طول سلام مؤقت يا حلوه وفتح الباب وخرج وقفل تانى بالمفتاح.

همس كانت منهارة وحاولت تعدل هدومها وتلم شعرها وفضلت تعيط بحرقه اوى اوى .. وتقول .. انت فين يا فارس .. انا بمووووت من غيرك يا حبيبى .. تعال يا فارس تعال بسرعه قبل ما اضيع منك يا حبيبى .

نزل فهد على تحت وكان بلال واقف مستنيه وبلغه ان رضوان اتصل اكتر من مره عليه وعاوزه ضرورى .
فهد .. شد بلال من بدلته وبغضب وعيون حمرا .. انت مجنووون يا حماار انت .. تخرجنى من المود اللى كنت فيه علشان تقولى سى زفت اتصل عليا كذا مرة ..
ما يتصل ولا يتحرق بجاز حتى اهببله ايه وقام ضربه بالقلم على وشه .
بلال بصدمه .. انت بتضربى يا فهد بيه بعد العمر ده كله .. ده انا من سن والدك الله يرحمه .
فهد بعزم ما فيه ضربه تانى بالقلم وقاله .. انت بترد عليا يا كلب .. انت مش عارف انا مين وممكن اعمل فيك ايه دلوقتى .
بلال بزل .. انا اسف يا باشا مكنتش اقصد .. سامحنى يا باشا ابوس ايدك .

فهد زقه من اودامه وقاله غووور من وشى وهاتلى كام ازازه وكوبايه .. عاوز اعمل مزاج عالى اوى .. انا ورايا مهمه صعبه والبت دى مش هاتيجى غير بالعافيه .. ومتنساش تطلع لها اكل تاكله زمانها جاعت .
بلال .. اللى تؤمر بيه يا بيه هانفذه حالا .
وفعلا راح بلال وجابله من المخزن كام ازازة ويسكى وكوبايه وتلج ووداهم ليه .
فهد .. ما تنساش الاكل تطلعه للبت اللى فوق دى عاوزها جامده وشديده .
بلال .. حالا يا افندم هاتطلعه بسرعه .

وفعلا بلال راح على المطبخ وجاب صينيه وعليها اكل لهمس وعلبه عصير وطلع بيهم على فوق .
فتح الباب بالمفتاح ودخل وعينه جت على همس اللى كانت قاعده على الكرسى ومنكمشه فيه وحالتها تصعب على الكافر .
بلال .. الاكل اهو يا بنتى .. كلى ولو عزتى حاجه اطلبيها منى .
همس حست ان بلال ممكن يكون شخص مختلف عن فهد ده وممكن يتعاطف معاها .
فقامت وقفت وقربت منه وقالتله بترجى .. لو سمحت خرجنى من هنا ارجوك .. انا همس بنت رضوان المحامى بتاع فهد واكيد انت تعرفه .. ارجوك خرجنى من هنا وكل اللى تطلبه هادهولك .

بلال .. انا لو عملت كده فهد بيه يموتنى يا بنتى .. ده انسان معدوم الضمير ومعندوش رحمه ولا يعمل حساب صداقه ولا قرابه .. كل همه نفسه ومزاجه وخلاص .
همس .. طيب ممكن تدينى الموبيل بتاعك وانا اتصل باهلى وابلغهم انا فين بالضبط وهما يجوا ينقذونى بنفسهم .
وفجاه اتصدمت همس من الصوت اللى سمعته واترعبت عاااااا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
همس .. طيب لو سمحت ممكن تدينى الموبيل وانا هاتصل باهلى وهما هايجوا وينقذونى من فهد .. ارجوك لو سمحت وحيات اغلى حاجه عندك .. انت معندكش ولاد .. اعتبرنى بنت من بناتك .. وفجأه سمعت صوت عالى اوى وده الى خلاها تتصدم من الصوت ده وتصرخ اول لما سمعته لانه اخر حاجه ممكن تتوقع انه يكون موجود هنا .

همس .. عاااااااااااا ايه ده ؟ ده صوت أسد !
بلال .. اهدى يا بنتى ايوا صوت أسد .. فهد بيه مربى أسد هنا فى القصر بقاله كام سنه .. هو غاوى تربيه الحاجات دى .. بس ما تخفيش هو جوه قفص كبير اوى واستحاله يخرج منه لانه مقفول عليه كويس اوى .

همس بصدمه ... أسد ازاى ده معقول فى حد يربى أسد فى بيته ده انسان استحاله يكون طبيعى دا اكيد مجنون .
بلال .. فى ناس كده كتير يا بنتى بيوصل بيهم التكبر والغرور لتربيه الحيوانات المفترسه دى .. وده مكنش اسد واحد دول كانوا اتنين متربين مع بعض من صغرهم ومن ساعه ما واحد فيهم عور راجل من رجالتنا .. فهد بيه قتله بالمسدس فى قلب القفص .. ومن ساعتها والاسد ده مبقاش طبيعى .. حتى الحارس اللى بيربيه بدا يخاف منه.

همس برعب .. وحيات اغلى حاجه عندك هربنى من هنا ابوس ايدك .
بلال .. سامحينى يا بنتى مش هاقدر اعملك حاجه بخصوص الهرب ده .. انا لازم انزل قبل ما فهد بيه يحس انى لسه هنا ولو عزتى حاجه نادى عليا وانا اجيلك على طول .. لان مفيش فى القصر ده غيرى انا وفهد بيه وانتى .
همس .. ابوس ايدك اوعى تسبنى هنا .. فهد مش ممكن يسبنى .. انا خايفه منه . ارجوك هربنى من المكان ده او ادينى الموبيل وانا اتصل على حد من اهلى ويجيلى .. اعتبرنى زى بنتك والنبى ارجوك وبدات تعيط جامد .

بلال سمع صوت رجل فهد طالع على السلم وخاف اوى لو عرف انه لسه واقف مع همس وكمان بيتكلم معاها .. فاستأذن من همس بسرعه وقالها فهد طالع معلش يا بنتى مش هاقدر اساعدك سامحينى .
همس .. ارجوك اوعى تسيبنى .. ارجوك لو سمحت .
بلال .. سامحينى يا بنتى ومشى وسابها وخرج من الاوضه بسرعه .
همس خافت اوى ومعرفتش تعمل ايه غير انها تاخد المفتاح من الباب من بره وتدخل بسرعه و تقفل الباب عليها بالمفتاح .

فى المستشفى عند عمر كان الكل قلقان وزعلان على اللى حصل لهمس .. ومش عارفين يعملوا ايه او يتصرفوا ازاى .. والكل كان حاسس انه متكتف ومش قادر يعمل اى شىء .
فارس كان وصل من بدرى وحاول انه يوصل لاى حته ممكن يكون فهد مخبى همس فيها .
ورضوان كان وصل اول لما مراته بلغته باللى حصل وراح على الاوضه ومكنش واخد باله مين موجود .. لانه كان قلقان على بنته لاول مرة تحصل .. وحاول انه يتصل بفهد كذا مرة بس للاسف كان الموبيل بتاع فهد بيرن فى الاول وبعد كده كان بيدى انه خارج التغطية .

عمر .. انت هاتفضل قاعد كده يا بابا وماسك الموبيل ومش قادر تعمل حاجه ولا تقولنا فهد ده بيته فين .. مش كفايه انى عاجز ومش قادر اتصرف ولا اعمل حاجه وانا عارف ان اختى مخطوفه .
عادل .. اهدى يا عمر واحنا موجودين وان شاء الله هانقدر نوصل لها .
فارس اللى كان واقف ومش سامع اى شىء خالص لانه كان فى دنيا تانيه خالص .. وكان هايتجنن على همس وبيسأل نفسه يا ترى انتى فين والحيوان ده عمل فيكى ايه.

وفاجأه رضوان خد باله من وجود فارس وبص عليه اوى ووجه ليه الكلام وقال .. انت بتعمل ايه هنا ؟
فارس بغضب ... انت بتكلمنى انا الكلام ده .
رضوان قرب منه ووقف اودامه وقال ايوا بكلمك انت يا فارس الحسن.
فارس قرب منه اوى وبكل غضب قال ... وانت مالك .
عادل شاف فارس قلب خالص وكان على اخره اصلا وخاف يحصل مشكله بينه وبين رضوان .. فقرب من فارس وقاله .. اهدى يا فارس .. الموضوع مش ناقص تعقيد اكتر من كده .. ياريت نهدى خالص علشان نقدر نرجع همس .

رضوان بغضب .. انت بتكلمنى انا كده يا استاذ .. انت صلتك ايه اصلا بهمس ومالك ومالها .. ليك عندها ايه .
عمر ... بابا ارجوك مش وقته الكلام ده خالص.. اهم حاجه دلوقتى اننا نعرف فهد خطف همس وخباها فين ولازم نكون كلنا ايد واحده .
رضوان .. ماشى يا سى عمر لما اشوف اخرتها ايه وياكم كلكم .
انا نازل وهاحاول اوصل لاى حاجه توصلنى بفهد ولو عرفت اى شىء هاكلمكم على طول .
فارس .. وانا جاى معاك .

رضوان .. وتيجى معايا بصفتك ايه بقى ان شاء الله يا بيه .
فارس لسه هاينطق ويقول ...
عادل .. قال ماشى يا عمى .. ولو قدرت توصل لاى حاجه رن عليا على طول وخد رقمى معاك اهو .
رضوان بغيظ من نظرات فارس ليه قال .. مش عاوز رقم حد ولو عزت حاجه هارن على موبيل عمر .
يالا سلام .

ام همس بدموع وحرقه على بنتها .. حسبى الله ونعم الوكيل .. حسبى الله ونعم الوكيل .. انت اب انت روح يا شيخ الله يسامحك .
عمر .. اهدى يا امى لو سمحتى وان شاء الله همس هاترجع ونفرح بيها هى وفارس .. وبابا ده ربنا هايحاسبه على اهماله لينا السنين دى كلها لان همه الوحيد كان الفلوس والشغل وبس .. محسناش فى يوم انه اب خايف على حد فينا او همه حد فينا للاسف .
جنه بحزن على عمر قربت منه وقالت .. لو سمحت يا عمر ماتزعلش نفسك ارجوك علشان صحتك .

عمر .. غصب عنى يا جنه .. انا تعبت اوى وحاسس بالعجز لاول مرة فى حياتى .. همس اتخطفت ومش قادر اعمل اى حاجه ليها .
عادل.. خلاص بقى يا عم عمر خلينا دلوقتى فى همس وبس .. ولسه هايلف نفسه ويشوف فارس .. للاسف ملقاش فارس واقف مكانه .
فخرج بسرعه يشوفه واقف بره .. بس كأنه فص ملح وداب.
عادل .. ايه ده معقول يكون نزل ورا رضوان بيه ؟

الكل بصدمه ... مش معقول ربنا يستر وما يعملوش مشكله مع بعض لو رضوان بيه عرف ان فارس ماشى وراه او بيراقبه هايعمل مشكله وممكن فارس بحالته دى يعمل جنايه .
عادل .. انا عارف دماغ فارس كويس .. اكيد هايفضل يراقبه علشان يوصل لاى حاجه توصله لهمس .. لانه اكيد عارف كل الاماكن اللى ممكن فهد يروح فيها .
وفعلا زى ما توقع عادل بالضبط .. فارس كان نزل وراء رضوان وركب عربيته وفضل ماشى وراه فى اى مكان يروحه ويدور على فهد فيه وفجاه لقى نفسه داخل على طريق اسكندريه الصحراوى .. فكمل وراه بعربيته وبعد اكتر من ساعه تقريبا كان رضوان ماشى سريع جدا وفارس كذلك هو كمان كان سريع جدا .. وفجاه فرده كاوتش من عربيه رضوان انفجرت ومن شده السرعه قلبت العربيه تلت مرات وفى الرابعه جت مقطورة وداست عليها.

وعند همس اللى كانت قافله على نفسها بالمفتاح وكانت مرعوبه وبتدعى ربنا انه يكون معاها ويحميها من فهد .

لكن كان وصل فهد وفضل يخبط جامد ويحاول يفتح الباب وينده على همس ويقول بصوت سكران .. افتحى يا همس
افتحى البااااااب بقولك افتحى الباب بدل ما اكسره .
همس بعياط وخوف .. مش هافتحه مش هافتحه .

فهد .. افتحى بقولك ... متفوقنيش من اللى انا فيه .. مزاجى عاااالى اوى .. وهابسطك اوى اوى يا قطه .. يالا افتحى بقى متفوريش دمى .
همس برعب .. مش فاتحه .
فهد .. طيب اما وريتك .. وبكل عزم فيه كسر الباب ودخل وكان منظره بشع .
واقف ومش لابس غير شورت وباقى جسمه مكشوف .

همسه اول لما كسر الباب ودخل فضلت تصرخ وتجرى من اودامه وتترجاه انه يبعد عنها .. لكن هو للاسف معندوش اى احساس بالرحمه وحاول انه يمسكها اكتر من مرة وهى تجرى منه بس فى الاخر مسكها وحاول يشدها لصدره ولسه هايقطع هدومها ويبوسها جه بلال من ضهره وخبطه على راسه بشومه ووقع فهد على الارض وغرق فى دمه .
لكن همس من الصدمه ومن اللى حصل اودام عنيها فضلت تصرخ وتصرخ لحد ما وقعت على الارض وفقدت الوعى .

وعند فارس اللى نزل بسرعه من عربيته اول لما شاف اللى حصل اودام عيونه لرضوان جرى وقرب من العربيه بتاعته اللى كانت عبارة عن كتله حديد من شده الحادثه فاحاول هو وبعض الاشخاص اللى اتواجدوا فى مكان الحادث انهم ينقذوا رضوان بس للاسف كان عباره عن اشلاء .
فحاول انه يجمع نفسه من المنظر اللى شافه وبعد شويه ووقف فى ذهوووول تام .. وبعد شويه طلع موبيله علشان يتصل
بعادل ويبلغه باللى حصل وقاله ان يبلغ اللى عنده كلهم .

عادل اتصدم من كلام فارس وحاول يعرف بالضبط ايه اللى حصل .. بس للاسف فارس قاله مش وقته خالص يا عادل وبلغه بمكان الحادثه وطلب منه انه يجيله على هناك بسرعه علشان يشوفوا هايعملوا ايه .. وانه يطمن عمر انه موجود بداله فى حاجه زى كده .
عادل قفل معاه وشاف فى عيون كل اللى حواليه الف سؤال وسؤال .
عمر .. فى ايه يا عادل همس حصلها حاجه .
عادل بتوتر ... مش همس يا عمر ؟

عمر بخوف وعلامات استفهام كتير قال .. انطق يا عادل فى ايه بالضبط .
عادل بتردد ... للاسف رضوان بيه عمل حادثه فى طريق اسكندريه الصحراوى وى...
عمر .. انطق يا عادل .
عادل .. البقاء لله .. رضوان بيه اتوفى فى الحادثه .
الكل اتصدم ومحدش كان مصدق ان رضوان اللى كان لسه معاهم من حوالى ساعه .. يعمل حادثه ويموت كده فى ثوانى .
الام بصدمه و بعيون كلها دموع من الخبر ده ... ان لله وان اليه راجعون .. ان لله وان اليه راجعون .
عمر .. يعنى ايه ؟ بااابا مااات .. وهمس مخطوفه ومعرفش هى فين ؟ وانا نايم على سرير فى مستشفى وعاجز ومش قادر اتحرك .. ليه كده يااارب .. ليه كده يارب .. ااااااااااااه .
ااااااااااه .

عادل جرى عليه هو ونه وحاولوا يهدوه ويصبروه على اللى هو فيه . لكن للاسف ومهما يكون ده واحد وفقد والده مهما كان الاب ده وحش او مش كويس .. او بعيد عنهم .. بس هو ابوه .. طلع وكبر وهو عارف انه حته منه ومن لحمه ودمه .

همس كانت وقعت على الارض من الصدمه .
بلال هو اللى جه من ضهر فهد وضربه على راسه بشومه كبيرة .
همس بعد شويه كانت فاقت وفتحت عيونها وقامت من على الارض وافتكرت كل اللى حصل اودام عنيها وشافت الدم فى كل مكان وبدات تعيط جامد وعدلت هدومها اللى اتقطعت ولمت شعرها .

وقربت من الباب وخرجت بشويش .. وبرضه كان الدم فى كل مكان فامشيت براحه علشان محدش يحس بيها .
وفضلت ماشيه لحد ما شافت سلم ونزلت عليه وعيونها كانت فى كل مكان حاسه ان ممكن حد يشوفها ويأذيها .. او فهد يطلع لها من اى مكان .
نزلت السلم براحه وشافت باب القصر مفتوح ومفيش حد واقف خالص .
فراحت عند الباب وشافت جنينه كبيرة وكلها شجر عالى ومفيش اى حد من رجاله فهد فى المكان كله .. فافضلت تدور على باب للخروج من المكان ده وباسرع وقت ممكن .

راحت ناحيه اليمين وبشويش خالص فضلت تدور على باب تخرج منه .. بس للاسف شافت اودام عنيها منظر استحاله تنساه طول حياتها .
همس بصدمه عاااااااااااااااااا
وفضلت تصرخ اوى اوى وباعلى صوتها اول لما شافت قفص حديد كبير وفيه أسد كبير وضخم وبيأكل فى بعض اجزاء شخص بيصرخ.

بلال جرى عليها وحاول يهديها ويطمنها .. متخافيش يا همس .. متخافيش يا بنتى .. انا ريحتك من فهد وريحت العالم كله من شره .
هى دى اخرته .. هو يستاهل اللى بيحصله دلوقتى .. ياما ازى ناس كتير ويتم اطفال كتير وخرب بيوت ناس كتير .. وياما جاب ناس صاحيه ورماهم للأوسود دى وهما عايشين .. وكان بيقف ويفرح اوى وهما بيتكلوا اودام عنيه .. والاهم ان مفيش دليل ولا شرطه يدوروا وراهم لانهم اتكلوا من الاسود .
فهد بيصرخ بأعلى صوته والأسد للاسف أكل جزء من رجله وايده وفهد بيزحف على الارض وبيترجى ويتوسل بلال انه ينقذه .
فهد .. ارجوكى يا همس .. افتحوا الباب بسرعه .. وانا اوعدك انى مش هاجى جنبك تانى .. ارجوكى خدى المفتاح من بلال وافتحيلى قبل ما الأسد يجى جنبى .. وبيزحف على الارض اللى كانت غرقانه دم .. ابووووس ايديكم افتحوا الباب .. هايكولنى ... افتحوا الباااااااب .

بلال طلع مفتاح عربيه من جيبه واداه لهمس وقالها .. اهربى بسرعه من هنا .. وخدى الموبيل ده واتصلى باهلك يقبلوكى .. بسرعه يا بنتى .. بسرعه اخرجى من المكان الملعوووون ده .
فهد بتوسل .. افتحيلى يا همس .. افتحيلى ابوووس ايدك .. الاسد هاياكلنى
لكن مع بشاعه المنظر همس جريت بعد ما خدت مفاتيح عربيه بلال وموبيله وشافت بوابه كبيرة اوى ..قربت منها وفتحتها بصعوبه .. وشافت العربيه واقفه فجريت عليها وفتحت الباب وركبت بسرعه وشغلت العربيه وساقتها باقصى سرعه .
وبعد شويه حست انها بعدت عن القصر ده خالص واطمنت فامسكت الموبيل واتصلت على
فااااااااااارس

فارس كان قاعد فى عربيته ومستنى عادل يوصله بعد ما بلغه بخبر وفاة رضوان .
سمع موبيله بيرن وشاف رقم غريب عليه .
فسابه يرن مرة واتنين وتلاته لحد ما بطل رن .
بس حس باحساس غريب اوى .. وحس ان قلبه بيدق جامد ولسه هايفتح ويرد .. كان اللى بيتصل قفل السكه .
فارس مسك الموبيل واتصل هو بالرقم اللى كان بيتصل واول ما فتح سمع ... فااااااااارس .
فارس بصدمه ... همس .. حبيبتى انتى فين .. عمل فيكى ايه الحيوان ده .. قوليلى بسرعه انتى فين يا عمرى .
همس كانت ماشيه باقصى سرعه بالعربيه وقابلت لوحه عليها الكيلو 22 .

همس برعب .. حبيبى انا كويسه اطمن .. انا جايه فى طريق اسكندريه الصحراوى ودلوقتى فى الكيلو 22.
فارس ... بجد .. انا جنبك على طول انا فى الكيلو 18 خليكى عندك وانا هايجيلك على طول يا حبيبتى .
همس بالهفه وخوف .. بسرعه يا فارس محتجاك اوى اوى يا حبيبى .
فارس .. خليكى معايا على الموبيل لحد ما اوصلك اوعى تقفلى .. انا معاكى وجنبك يا عمرى .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
همس بخوف وتوتر ... تعال بسرعه يا فارس ارجوك .. انا محتجاك اوى اوى يا حبيبى ومحتاجه اكون فى حضنك انا خايفه اوى .
فارس بشوق ... متخافيش يا قلب فارس من جوا .. مسافه السكه واكون عندك اهدى انتى خالص وانا تلت دقايق بالضبط واكون عندك يا روحى .. وخليكى معايا على الموبيل علشان تكونى مطمنه .

همس .. ماشى يا حبيبى .
وفعلا فضلت همس هى وفارس مع بعض على الموبيل بيحاول انه يطمنها ويحسسها بالأمان بعد كل اللى هى مرت بيه .. وهمس كانت قالتله على العربيه اللى هى معاها وعلى نوعها ولونها علشان يعرفها .
وفجاه وهى بتكلمه الصوت راح خالص والموبيل كان مفتوح وده اللى جنن فارس اكتر وقلق عليها .
فارس برعب .. همس .. همس روحتى فين يا حبيبتى .. همس هممممممس .. فذود السرعه اكتر .

وعدى تلت دقايق بالضبط وباقصى سرعه بالعربيه من فارس كان لمح العربيه اللى همس قالته عليها فى الاتجاه التانى بس كانت فاضيه وهمس مش موجوده والباب بتاعها مفتوح على اخره .
ومع اول فتحه قابلته لف ووصل للعربيه اللى كانت مع همس .
وركن اودامها على طول ونزل بسرعه راح للعربيه وملقاش فعلا همس موجوده .. وشاف الموبيل واقع جنب العربيه على الاسفلت.
دقات قلبه زادت جدا واعصابه باظت وكان هايتجنن ومش عارف يتصرف ازاى او يعمل ايه .

عادل كان وصل لمكان الحادثه بتاعه رضوان وكان فيه ناس كتير وبوليس واسعاف وشاف منظر العربيه اللى عباره عن كتله حديد وشاف بعض اشلاء من رضوان داخل العربيه وخارجها وهما بيحاولوا يجمعوها ويدخلوها عربيه الاسعاف .
ومن شده بشاعه المنظر حط ايده على عينه وبدا يدور على فارس وعلى عربيته بس للاسف مكنش موجود .
عادل استغرب ان فارس مش موجوده فطلع موبيله واتصل عليه علشان يعرف هو فين بالضبط .

فارس اللى كان واقف جنب عربيه همس ومش عارف هى اختفت فين وبدأ يقلق جدا عليها وخاف لا يكون حد عمل فيها حاجه تانى . وفجاه سمع صوت حد بيتألم ويتوجع من شده الوجع والصوت ده كان قريب من العربيه فابسرعه لف من وراء العربيه واتصدم اول لما شاف همس واقعه على الارض .
فارس من الصدمه جرى عليها بسرعه وقرب منها ورفع راسها لفوق وحاول يفوقها .

همس بحركه ضعيفه رفعت راسها وعيونها جت فى عيون فارس وابتسمت .. ومع الابتسامه كانت دموعها نازله على خدها .
فارس بلهفه وشوق .. حبيبتى انا جنبك ومعاكى متخافيش من اى حاجه ولا اى حد اطمنى يا عمرى كله .. انا كنت هاتجنن عليكى لما جيت وملقتكيش فى العربيه اتصدمت .

همس .. خدنى من هنا يا فارس ارجوك .. ابعدنى من المكان ده بسرعه .. ودينى عند عمر .
خدنى فى حضنك يا فارس وضمنى لصدرك .. نسينى كل اللى مريت بيه .
فارس .. حبيبتى انا جنبك وانتى بين ايديا عاوزك تنسى كل اللى فات وتعتبريه كابوس ويالا بينا نبعد عن هنا خالص قومى اقفى .
همس بضعف .. مش قادرة اقوم اقف يا فارس حاسه انى مش هاقف تانى على رجلى من اللى شوفته ومريت بيه .
فارس بحزن .. قومى يا حبيبتى .. ولا اقولك .. فتح باب العربيه وفجاه لف ايده حاولين راسها وايده التانيه حولين جسمها ورفعها لفوق من الارض ودخلها العربيه وقرب منها وباسها من خدها وقفل الباب تانى بشويييييش .

همس خدت نفس كبيييييير وبدات تحس بالامان اول لما شافت فارس عشقها اودام عنيها .
فارس لسه هايلف ويركب العربيه .. سمع الموبيل بيرن فامسكه وعرف ان عادل هو اللى بيرن عليه .. وافتكر اللى حصل لرضوان وانه طلب من عادل انه يجيله على مكان الحادث.

فارس وهو بيقرب من باب العربيه يفتحه رد على عادل وقال ... ايوا يا عادل انت وصلت .
عادل .. ايوا يا عم انا جيت من شويه انت فين مش شايفك ليه .
فارس .. انا مع همس لقيتها .. وهاروح بيها على المستشفى عند عمر .. خلص انت كل الاجراءات اللى عندك وحصلنى على هناك فاهمنى يا عادل .
عادل باندهاش .. ايه ده معقول انت لقيت همس .. وهى عامله ايه دلوقتى طمنى عليها .
فارس .. الحمد لله هى بخير سلام دلوقتى واعمل اللى قولتلك عليه وفى اسرع وقت وخلص كل حاجه .
عادل .. ماشى يا فارس .. انا فهمت كل حاجه من غير ما انت توضح انا عارف ان همس معاك ومش قادر تتكلم براحتك ..بس اطمن هاخلص الاجراءات كلها واجيلكم على هناك .

فارس .. ماشى يا عادل يالا سلام .
وقفل فارس مع عادل وشغل العربيه ومشى بيها وكانت همس جنبه وباين عليها الارهاق والتعب .. فامد ايده ليها وضمها لحضنه اللى هايمووووووت وتفضل جوه حضنه كده على طول .

فى الاوضه عند عمر كان الكل لسه موجود وطلب عمر من جنه ورغد وسلمى انهم ينزولوا يرجعوا على البيت لان الوقت بدا يتاخر .
سلمى .. انت بتقول ايه بس يا عمر احنا استحاله ننزل غير لما نطمن على همس ونشوف فارس هايقدر يوصل ليها ولا لا .
الام اللى كانت قاعده على كرسى جنب عمر وحزينه مهما كان على اللى حصل لرضوان .. بس مهما كان دى عشرة سنين طويله عاشوها مع بعض وعمرها ما هاتنساها فى ثوانى .

فكانت حزينه ومتاثرة بموته وبالشكل البشع ده .
وفى نفس الوقت قلبها كان بيتقطع على همس اللى اتخطفت ومش عارفه عنها اى حاجه لحد دلوقتى .
والوحيد اللى كان هايوصلهم بفهد كان رضوان ومات خلاص .
عمر كان حزين برضه لفقد ابوه .. بس كان خوفه على همس اشد واكتر ومأثر عليه اكتر .. وده اللى خلى جنه تقرب من رغد وتقول ...
رغد ممكن لو سمحتى ترجعى انتى على البيت علشان خاطر ماما اللى سايبنها لوحدها من الصبح وانا هافضل هنا معاهم .

رغد ... بس يا جنه لازم افضل انا لحد ما اطمن على همس.. قومى انتى روحى وخليكى جنب ماما علشان خاطر علاجها برضه .
سلمى كانت سامعه الحوار بين رغد وجنه فقالت ... قومى انتى وهى وارجعوا على البيت علشان تكونوا مع طنط ورتبوا حالكم انتم الاتنين وابقوا تعالوا الصبح .
حتى علشان عمر يستريح هو وطنط شويه .. انتم عاجبكم حالهم إللى من الصبح ده .. من فضلكم قوموا يالا .. ولو عرفت اى حاجه عن همس هاتصل بيكى على طول يا رغد .. ماشى يا بنتى .

رغد بصت لجنه وقالت .. سلمى عندها حق يا جنه .. تعالى نرجع على البيت احنا الاتنين ونشوف ماما ونجهز لبكره ونشوف هانعمل ايه لانه هايكون يوم طويل .
جنه عيونها جت على عمر .. وعمر خد باله وبنظره منه وإشاره براسه .. وافقت انها تقوم مع اختها ويرجعوا على البيت .
وفعلا قامت البنتين وسلموا على الكل وخدوا نفسهم ونزلوا وخرجوا من باب المستشفى وركبوا تاكسى .

وفى نفس الوقت كان فارس وصل بالعربيه اودام باب المستشفى ونزل وفتح الباب لهمس وقرب منها وقال .. تحبى اشيلك واطلعك على فوق بنفسى .
همس بتعب ... لا يا حبيبى انا بقيت احسن وهاقوم واطلع بنفسى متقلقش عليا .. وربنا يخليك ليا يا عمرى .. وده اللى خلى فارس يمد ايده ليها ويمسك اديها ويبوسها ويقول .. تمام يا قلبى يالا بينا .

وفعلا نزلت همس ومسكها فارس بشويش بكل حنيه وحب وقفل الباب ودخلوا على المستشفى .
ووصلوا لحد الاسانسير ودخلوا ووصلوا للدور اللى فيه اوضه عمر .
خرجت همس وفارس وراحوا على اوضه عمر ودخلوا على طول .
عمر ووالدته وسلمى اتفاجوا وفرحوا جدا اول لما شافوا فارس داخل ومعاه همس .
همسسسسسسسسسسس .

همس جريت على حضن امها واترمت فيه واتفتحت فى العياط بصوت عالى وكانها ما صدقت لقت الحضن ده بالذات واترمت فيه .
عمر من السرير بفرحه نسته موت ابوه ... همس حبيبتى . حمد الله على السلامه يا قلبى .. طمنينى عليكى .
همس اول لما سمعت صوت اخوها سابت حضن امها وجريت واترمت على صدره وفضلت تعيط وتحضن فيه .
عمر .. طمنينى عليكى حبيبتى حد عملك حاجه .. فى حد اذاكى .
همس .. اطمن يا عمر انا كويسه يا حبيبى .

سلمى .. وانا ماليش نصيب من الاحضان دى كلها ولا ايه يا هانم يالى قلقتينى ورعبتينى عليكى .
همس ابتسمت وراحت على سلمى وحضنتها وفضلوا يعيطوا هما الاتنين .
فارس ... خلاص بقى يا سلمى كفايه عليكى كده حوشى شويه لبعدين .
سلمى بضحك .. اطلع منها انت يا عم فارس وما متخفش هاسيبلك شويه
وفجاه افتكرت سلمى موضوع موت رضوان وانكسفت من الكلام اللى قالته واتاسفت لمامت همس وعمر .

سلمى .. معلش يا طنط والله انا اسفه .. انا من فرحتى بهمس نسيت ... وسكتت
الام بحزن ... ولا يهمك يا سلمى يا بنتى المهم عندى ان همس رجعت تانى لينا .. وشوفتها بعيونى واطمنت عليها .
همس باستغراب .. هو في ايه يا سلمى وبتتأسفى ليه لماما .. هو حصل حاجه وانا مش موجوده .. وبابا فين مش شيفاه معاكم يعنى ولا هو اصلا معرفش اللى جرى ليا .. ومشغول فى شغله وبس ! ؟ لا بس بابا مش معقول يعرف اللى حصلى ومايكنش موجود فى وسطكم دلوقتى .. اكيد راح يدور على الحيوان فهد .
الام بدات تعيط وعمر حاول يهرب بعيونه من همس .. وهمس حست من نظرات الكل ان فى شىء كبير مخبينه عليها مش مجرد انها اتخطفت وبس .. فقربت من سلمى وعيونها جت فى عيون سلمى وقالت .. قوليلى انتى يا سلمى فى ايه بالضبط !؟

سلمى بتوتر ... قولها انت يا فارس لو سمحت .
فارس عيونه جت على عمر وعمر هز راسه على انه موافق انه يبلغها بوفاه رضوان فاقرب منها فارس ووقف اودامها ومسك اديها وقال ... البقاء لله يا همس فى باباكى .
همس بصدمه
انت بتقول ايه يا فارس بابا ماااااااااات .
ازاى معقول ده حصل عااااااااااااااااااا .
فارس .. اهدى يا حبيبتى ارجوكى .. رضوان بيه عمل حادثه وهو بيدور عليكى وعلى فهد الزفت علشان يوصلك ويلحقك منه .. باباكى كان خايف عليكى جدا وكان بيحبك اوى يا همس .. ربنا يرحمه .

همس فضلت تعيط اوى واترمت فى حضن فارس وفارس فضل واخدها فى حضنه لحد ما هديت خالص والكل كان بيعيط على حاله همس وصدمتها من الخبر ده.
وبعد شويه هديت همس وبدات تحكى ليهم على كل التفاصيل اللى هى مرت بيها
وعلى اللى فهد عملوا معاها من ساعه ما رجالته خطفوها من الفيلا .. وكان لسه عاوز يعمل اكتر من كده وعلى مساعده بلال ليها ووقفته جنبها وانه لولا بلال كانت همس ضاعت وضيعت اغلى حاجه عند اى بنت .

الام .. ربنا يمهل ولا يهمل وزى ما عمل فى الناس اتعمل معاه بالضبط .
سلمى ... ياااااه موته بشعه اوى ربنا انتقم منه اشد الانتقام .
الكل حمد ربنا على رجوعها و
عدى ساعه وبدا عمر وفارس يتفقوا هايعملوا ايه ويتكلموا فى كل الاجراءات بتاعه الدفن اللى قرروا يعملوها اول لما النهار يطلع .
بس اصعب حاجه حس بيها عمر انه مش هايقدر يقوم ويقف على رجله ويحضر دفن ابوه ويحضر العزاء بتاعه .

فارس حس بالحاله اللى فيها عمر دلوقتى واحساسه وشعوره باااالنار اللى جواه فراح قعد جنبه على السرير وقال ... عمر انا عاوز اقولك انى هاعمل كل شىء هاتطلبه منى واطمن انا بدالك وموجود انا وعادل ومش هانأثر ابدا وكانك موجود بالضبط .
عمر .. انا عارف والله يا فارس .. ربنا ما يحرمنيش منك ومن وقفتك معايا .. ومن زمان كنت بتمنى ان يكون ليا اخ وفعلا انا بعتبرك من هنا ورايح اخ وسند .
فارس مد ايده وحطها على كتف عمر وقال وده شىء يسعدنى طبعا .. ويشرفنى انى اكون من هنا ورايح اخوك .
عدى الوقت بصعوبه عليهم وعادل كان وصل وطمن فارس وعمر انه نفذ كل شىء بخصوص بكرة وجاب تصريح الدفن.

وبعدها فارس خد همس وسلمى ووصلهم للفيلا علشان يستريحوا من اليوم الطوووووويل ده وساب والدة همس مع عمر وبلغها انه هايعدى عليها من بدرى علشان تحضر دفن رضوان .
وصل فارس مع البنات ودخل بيهم على الفيلا ومرديش يمشى غير لما يطمن عليهم خالص .
سلمى حبت تسيبهم مع بعض لوحدهم شويه فقامت بحجه انها هاتطلع تاخد شور وتغير لبسها وتشوف حاجه من لبس همس وتلبسه .
اول لما طلعت سلمى فارس قام وقعد جنب همس وعيونه جت فى عيونها وقال ...

حبيبتى حمد الله على سلامتك يا روحى .. انا مش مصدق انى ممكن كنت اخسرك وتضيعى منى .. انا هافضل احمد ربنا انه رجعك ليا تانى .. انا من غيرك يا همسى ممكن امووووت او اتجنن .. ربنا ما يحرمنى منك ابدا وتفضلى معايا ونفضل نحب بعض لاخر نفس فى حياتنا.
همس خدت نفس كبييييير وبكل براءه وعشق قالت.. انا بحبك اوى يا فارس.. ومش حب لا ده عشق واقسملك بالله انى بعشقك فعلا وهافضل اعشقك لاخر دقيقه فى عمرى .

انت قلبى وروحى وحياتى وكل ذرة فى همس بتعشقك .
فارس قرب من وشها ولمس خدودها بايده وقال .. انا اللى بعشقك يا همسى وقرب وباسها من جبينها بمنتهى الرومانسيه .
وقالها .. اسيبك بقى تنامى وتستريحى علشان بكرة هايكون للاسف يووووم طويل .
تصبحى على خير يا روح قلب فارس .
همس .. عندك حق يا فارس .. انا مش مصدقه خالص كل اللى حصل ده .. وان بابا ماااات خلاص ومش هاشوفه تاتدنى .. بس ده امر الله وربنا يرحمه ويسامحه على كل شىء عمله ..

فارس .. امين يارب العالمين .
همس .. يالا قوم ارجع على البيت ونام واستريح انت كمان تعبتك معايا يا حبيبى .
فارس حط ايده على شفايف همس وقال .. ما تقوليش كده تانى .. ياريت التعب كله يكون بالطعامه دى.
ويالا اطلعى على فوق بسرعه قبل ما اتهور ووووو...
سلمى من فوق وصوت عالى ... قبل ما ايه يا فااارس بيه انت لسه هنا وروحتش .
فارس ... اعوز بالله من الشيطان الرجيم .. بتطلعى امتى يا سلمى .. يالا يا همس تصبحى على خير يا حبيبتى قبل ما سلمى تنزل ونسمع كلمتين من لسانها الطويل .
همس بضحكه بسيطه .. وانت من اهل الخير يا حبيبى .

وفعلا قام فارس واستاذن وخد مفاتيح عربيته وموبيله ومشى .
وبعدها قامت همس وقفلت وراه الباب كويس وطلبت من الشغاله انها تعمل ليها فنجان قهوة وتجيبه ليها فى اوضتها وتشوف سلمى تشرب ايه .
وبعدها طلعت على فوق .. بس اول حاجه عملتها انها دخلت على اوضه باباها .

واول لما دخلت شافت صورة كبيرة لباباها على الحيطه فقربت اكتر ووقفت اودمها وبدات تفتكر كل لحظه مرت بيها وهى صغيرة واجمل ذكريات ليها مع ابوها .
واد ايه كان حنين عليهم وهما صغيرين وكان دايما معاهم وهما كل حياته .. بس للاسف الشهرة والشغل والاهم ليه الفلوس خدته منهم .
وفاقت همس على صوت سلمى وهى بتقول ... الله يرحمه يا حبيبتى .. اطلبى ليه الرحمه يا همس .. ويالا يا بنتى ملهاش لزوم الوقفه دى .. انتى زمانك ميته من التعب وبعدين الشغاله جبتلك القهوة وانا كمان طلبت قهوة .. تعالى ندخل اوضتك ونشربها مع بعض .

فى مطار القاهرة .. كانت طيارة شريف وصلت من الرحله اللى فضل فيها اسبوع .. واول حاجه عملها انه يروح على المكتب بتاعهم .. وفتح الباب على اساس انه هيلاقى حد بس للاسف استغرب جدا لما ملقاش حد خالص من البنات موجود .. ولما سأل عليهم زمايل تانيه عرف بكل اللى حصل لان سلمى كانت بلغتهم الصبح انها هى ورغد فى اجازة علشان هايحضروا خطوبه همس على فارس .
شريف بصدمه هزت كيانه... بتقولوا خطوبه مين همس وفارس .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
شريف اتصدم اول لما عرف بخطوبه همس من فارس وحس ان كل احلامه فى لحظه انهارت .
استاذن من زمايله وخد شنتطه وخرج بره المطار وركب عربيته علشان يرجع على بيته .
وطول الطريق وهو مش مصدق ان همس هاتكون لحد غيره .. وكان ناوى انه يصارحها بأعجابه بيها اول لما يرجع من رحلته دى .. بس للاسف الظاهر انه ملحقش همس وهاتبقى لحد تانى غيره .

ليه يا همس .. لييييييه يا همس .. مش قادرة تستنى انى اعترفلك بمدى أعجابى وحبى ليكى .. وبحزن وقلب مكسووور قال .. بس يالا كل شىء نصيب وربنا يكتبلك كل خير يا همس .. اللى بيحب حد بيتمنى ليه السعاده حتى لو مش هاتكون معاه .
اتمنالك كل السعاده يا همس .. وربنا قادر انى الاقى انسانه تكون فى رقتك وتربيتك بأذن الله .

فى الفيلا عند فارس اللى كان وصل وطلع على اوضته واترمى على سريره من كتر التعب واليوم الطويل .. راح فى النوم العميق اول لما حط راسه على المخده .
وبدا يحلم كأنه فى مكان كبييييير جدا عباره عن شاطىء ورمله كتير حواليه بس خارج منها شوك كتير .. وبحر لون ميته سودا وموجه عالى اوى اوى .
وكان فى شجرة صغيرة فى وسط الشاطىء ده وكان شايفها من على بعد .. فقرر انه يروح لها ويشوفها وكل لما يقرب منها خطوه يحس انها بتكبر اودام عيونه وغصونها بتكبر واورقها بتزيد لحد ما بقى واقف اودمها واتفاجاه انها اتحولت لقلب كبير .

وشاف ان القلب ده اتفتح فتحه كبيرة وسامع صوت حد بينده عليه فااااارس .. فاااااارس فقرر انه يدخل جواه .
اول لما دخل جواه شاف بنت جميله جدا بس حزينه قاعده على كرسى ومربوطه من اديها .
فقرب منها واتاكد من ملامحها وحس انه يعرفها من زمان بس مش فاكر فين شافها او عرفها .
البنت بسعاده لما شافته .. انت جيت يا فاااارس .. انا مستنياك من زمان يا حبيبى ليه اتأخرت عليا .. انت مش عارفنى .. انا همس حبيبتك .. خطفونى منك وبعدونا عن بعض من سنين .. وكل ده وانا مستنيه اللحظه اللى تلاقيتى فيها يا فارس عشقى .

فارس كأنه فاقد الذاكرة ومش فاكر اى كلمه من اللى هى بتقوله عليها .. بس كان حاسس انه شافها قبل كده بس مش قادر يفتكر شافها فين.
البنت .. انا همس يا فارس حبيبتك من سنين انت مش عارفنى .. هات ايدك اوريك دليل كلامى .
وفعلا فارس مد ايده ليها وطلبت منه انه يفكها لانها كانت مربوطه من ايدها .. واول لما فكها شاف سلسله فى اديها فامسكها وقالتله الدليل اهو .
مد ايده ومسك السلسله كانت عباره عن قلب اخضر فافتحه وشاف صورة البنت دى وصورته بلبس زفاف ابيض فى ابيض .
وحس بلغبطه فى دماغه وحاجات كتير مر بيها .. فى اللحظه دى افتكر كل شىء وقال همسى حبيبتى

وفجاه حسوا ان فى شىء بيجذبهم وطلعهم بره القلب ده وشافوا نفسهم على الشاطى اللى اتملا شجر وورد وزرع كتير والبحر بقى لونه ازرق وموجه هادى .
عيونه جت بعيونها اللى تشبه لون البحر فقرب منها اوى ومد ايده على جسمها وقربها منه بشويش وضمها لصدره .. وقرب بشافيفه من شفايفها ولسه هايبوسها حس بحاجه على شفايفه فعلا وبجسم غريب على صدره فاصحى مخضود من نومه واتنطر من على السرير .
فارس بخضه .. بوسى ! انتى بتعملى ايه هنا .. صحتينى من اجمل لحظه حراام عليكى .

اظن انتم كمان كان نفسكم فارس يكمل الحلم مع همس .. بس بعينكم
طلع النهار والشمس نورت المكان بنورها وضوءها لتعلن عند بدا يوم جديد بس للاسف حزين بالنسبه لهمس وعمر ووالدتهم لفقد والدهم .
مهما كان ومهما يحصل ده اب ومات .. والشعور بفقده شىء كبير جدا ويكسر القلب .
حتى لو كان الاب ده مش قريب منهم وكان كل همه هو الشغل والفلوس ومصالحه وبس .. وعياله وبيته واسرته اخر شىء يفكر فيه .
وحتى لو الاب ده كان هايبيع بنته لواحد من سن ابوها لمجرد ان في مصالح مشتركه بينهم .. وايه كان عارف كل البلاوى بتاعته و انه انسان مجرم ومعندوش رحمه .. وبرضه كان هايبيع بنته ومش مهم عنده سعادتها او حياتها اكتر من مصلحته هو وبس .
اول حاجه عملها فارس اول لما القطه بوسى صحته من نومه انه يتصل بهمس ويطمن عليها .

وفعلا مسك موبيله ورن عليها .
همس كان الحزن مسيطر عليها وعلى نفسيتها لسبيبين اولهم موت ابوها وتانيهم اللى فهد عمله معاها واستحاله تنساه فى يوم من الايام .
كانت لسه على سريرها ويادوبك نامت حوالى ساعتين بالعافيه لانها افتكرت كل اللى مرت بيه وختم بموت الاب .
فتحت عيونها على رن الموبيل وبشويش قامت ومسكته وعرفت انه فارس .. وبصوت منعوس قالت ... صباح الخير .
فارس.. صباح الفل يا حبيبه قلبى .. انتى لسه نايمة ولا ايه وانا اللى صحيتك .

همس بتعب .. لا ابدا يا فارس .. اصل انا فين وفين لما جالى نوم وعرفت اغمض عينى وانام .. مبطلتش تفكير فى كل اللى حصل امبارح ومش مصدقه ان ربنا انقذنى من فهد واللى كان ناوى يعمله معايا.. وكمان موت بابا مش قادره اصدق لحد دلوقتى انى خلاص مش هاشوفه تانى .
فارس .. حاسس بيكى يا حبيبتى والحمد لله انها عدت على خير .. وموت بابا دى حاجه مش بأيد حد غير ربنا وربنا يرحمه .. المهم دلوقتى جهزى نفسك انتى وسلمى علشان انا هانزل كمان عشر دقايق بالضبط واروح على المستشفى اجيب طنط عندكم علشان تجهز نفسها هى كمان ونروح كلنا على الجنازة .. لان عادل جهز كل شىء وزمانه فى انتظارنا من بدرى .

همس .. ماشى يا فارس .. عقبال لما تيحى انت وماما هاكون صحيت سلمى وجهزنا نفسنا ونمشى على طول .
فارس .. ماشى حبيبتى ولو عزتى اى شىء اتصلى عليا .. يالا سلام .
وفعلا قفلت همس مع فارس وراحت على الاوضه بتاعه عمر اللى كانت سلمى نايمه فيها علشان تصاحيها .
لكن سلمى كانت صحيت من بدرى من النوم واتصلت على كل زمايل همس فى المطار وبلغتهم بوفاه رضوان علشان يحضروا الجنازة ويكونوا جنب همس فى حاجه زى كدة وبالمرة تاخد اجازة تانى ليها النهارده .

والاهم من ده كله انها تطمن على وصول شريف اللى كانت عارفه وحافظه ميعاد وصول رحلته بالدقيقة .
ومسكت موبيلها تانى ورنت على شريف علشان تبلغه بوفاه رضوان .
شريف كان لسه نايم طبعا لان رحلته وصلت متأخر وبدا يفوق على لما سمع صوت الموبيل بيرن ورد وقال .. صباح الخير.
سلمى قلبها بدا يدق جامد اول لما سمعت صوت شريف وحست بحاجات غريبه بتحصل لها .. فحاولت تجمع نفسها وتقاوم احساسها وقالت .. صباح النور يا شريف .. حمد الله على السلامه .

شريف .. الله يسلمك يا سلمى .. خير مش عاويدك تتصلى عليا بدرى اوى كده فى حاجه ولا ايه .
سلمى .. معلش انا اسفه انى بتصل بيك بدرى كده وانا عارفه انك راجع من الرحله متأخر بس كنت عاوزة ابلغك بوفاة رضوان بيه والد همس وان الجنازة هاتكون بعد شويه ولازم نكون كلنا موجودين جنبها .
شريف بصدمه .. بتقولى مين .. رضوان بيه والد همس ماااات امتى .
سلمى .. مات امبارح فى حادثه فى طريق اسكندريه الصحراوى .

شريف .. امبارح ! طب ازاى وانا عرفت ان خطوبه همس كانت امبارح برضه .
سلمى .. لااااااا ده موضوع كبير ومش وقته خالص انى احكيلك عليه .. بعدين هاقولك على كل اللى حصل .. المهم دلوقتى .. فوق وجهز نفسك وتعال علشان تحضر الجنازة .. وانا هابقى ابعتلك الابلكيشن بتاع المكان الى هانتجمع فيه .
شريف .. ماشى يا سلمى .. مسافه السكه اكون عندكم .. ومتشكر جدا انك بلغتينى بكده .
سلمى ... ولا شكر ولا حاجه يا شريف .. ده واجب وكلنا لازم نقف جنب همس فى ظرف زى كده .. احنا زمايل وعشرة ولازم نقف مع بعضنا .
شريف .. عندك حق يا سلمى ومرة تانيه شكرا ليكى .. سلام .
وفعلا قفل شريف مع سلمى .. وسلمى فضلت ماسكه الموبيل وقربته من شفايفها وقالت .. ااااااه لو تعرف انا بحبك اد ايه يا شريف

الكل حضر صلاه الجنازة على رضوان .. فارس وهمس ووالدتها اللى الحزن كان مسيطر عليهم .. والدموع كانت سيده الموقف واللحظه دى .. وعادل وسلمى ورغد وجنه وشريف وكل زمايلها فى الشغل حضروا .
همس كانت مش مبطله عياط وكانت واقفه جنب والدتها بتحاول تواسيها.
شريف من على بعد شاف همس فحاول يقرب منها ويعزيها .
شريف بحزن مد ايده لهمس وقال .. البقاء لله يا همس .. انا زعلت جدا لما سلمى بلغتنى بوفاه والدك .
همس مدت ايديها لشريف وقالت .. ونعم بالله يا شريف ومتشكره جدا لحضورك .

كان فى واحد من على بعد بيراقب الموقف وشايف نظرات شريف طول الوقت لهمس ومن ساعه حفله عيد ميلادها وحاسس ان نظرات شريف لهمس فيها حاجه ومش طبيعية .. فابدأت الغيرة تسيطر عليه وعيونه ووشه بيدل على غضبه .. وبالذات لما فضل شريف ماسك ايد همس وهو بيتكلم معاها وواقف قريب اوى منها ..
عادل خد باله من فارس ومن وشه اللى اتقلب فجاه .. وشاف عيونه اللى بقت زى الدم والشرار بيخرج منهم وحس ان فى مصيبه ممكن تحصل بعد شويه .
عادل قرب من فارس وبصوت هادى قال .. مالك يا ابنى .. انت اتحولت فجاه كده ليه .. فى حاجه حصلت .

فارس بغضب وعيونه على شريف وهمس قال .. انا مش عارف الحيوان ده عاوز من همس ايه .. ومقرب منها اوى كده ليه .
عادل ... بزمتك ده وقته الكلام ده .. طيب استنى ندفن الراجل الاول واعمل اللى تعمله . لكن هو طبعا كان عارف من سلمى ان شريف بيحب همس .. بس طبعا مش هايقدر يبلغ فارس بكده فحاول يهدى الموقف وقال .. فى ايه يا عم انت .. احنا فى ايه ولا ايه .. زميلها وزعلان على موت ابوها وبيعزيها .. جرى ايه يا عم فارس .. مش وقته تفكيرك اللى زى الزفت ده .

فارس بصوت شبه عالى قال .. بقولك ايه يا عادل انا مش ناقصك سيبنى فى حالى دلوقتى انا هاروح واشوفه عاوز منها ايه .. ولسه عادل هايمسكه من دراعه .. كان مشى فارس وقرب من همس ومن شريف وعيونه بطلع نااااار .
همس لاحظت كده وشافت فارس بالمنظر ده فحاولت انها تهديه وقالت اول لما فارس وصل .. تعال يا فارس .. احب اعرفك بشريف زميلى .. اكيد انتم شوفتم بعض فى حفله عيد ميلادى .

ده فارس خطيبى يا شريف .. كانت خطوبتنا امبارح .. وجه حصل اللى حصل لبابا .
فارس من مجرد كلام همس هدى خالص ومد ايده وسلم على شريف وقال .. اهلا شريف وشكرا على حضورك .
عادل حاول ينهى الموقف وبلغهم ان العربيات جاهزة لبقيه إجراءات الدفن و الجنازة .
وفعلا بعد الصلاه راحوا على مدافن الاسرة بمدينه سته اكتوبر وقاموا بدفن رضوان وقراءة ايات من القران الكريم على روحه .
بعد الدفن الكل بدا يمشى .. وفارس خد همس ووالدتها فى عربيته وراحوا على عمر ..اللى زمانه زعلان انه محضرش حاجه زى كده ووقف وحضر جنازة والده .
عادل كان اخد سلمى ورغد وجنه ووصلهم للبيت .. وبعد ما رغد نزلت نزل وراها عادل وقرب منها وقال ... رغد لو سمحتى .. ممكن رقم الموبيل بتاعك .. انا عارف انه مع سلمى .. بس حبيبت اخده منك انتى شخصيا .

جنه سمعت كده فاستاذنت وسبقت رغد على فوق .
رغد اتكسف اوى وقالت .. ماشى يا عادل مفيش مشكله ومدت اديها ليه وخدت منه الموبيل بتاعه وسجلت عليه الرقم بتاعها .
عادل .. متشكر اوى يا رورو يالا علشان ما خلكيش تقفى اكتر من كده فى الشارع .. يالا سلام .
رغد بخجل .. عندك حق يالا سلام .
فارجع عادل على العربيه وقفل الباب وراه وعيونه فضلت على رغد لحد ما دخلت بيتها واطمن انها دخلت وقام مشغل العربيه ومشى بيها وفضل سرحان فى رغد .
سلمى طبعا مش هاتعدى المشهد الرومانسي ده بسهوله فحبت ترخم عليه وقامت ضرباه على صدره فجاه وقالت ... ايه يا عم عادل سرحان فى ايه يا حبيبى.
عادل اتخض وقال ... الله يخرب بيتك .. الله يخرب بيتك يااااا سلمى .. فى ايه يا بلوة سرعتينى .

سلمى فطست على نفسها من الضحك من منظر عادل وقالت ... ايه اتخضيت يا روميو .. مكنتش اعرف انك رهيف كده يا عادوله .
عادل برخامه .. عادوله .. عارفه انا ممكن دلوقتى ارميكى من قلب العربيه على الحركه بتاعتك دى .. بس عامل حساب العيش والملح اللى بينا وحته القرابه كمان .
سلمى مش قادرة تتكلم من كتر الضحك وقالت ... يا شيخ طب اعملها كده يا عادل وانا هاقول لرغد على كل البلاوى بتاعتك .
عادل فرمل فجاه ووقف العربيه ولف نفسه ليها وقال .. بت انتى .. لمى نفسك احسنلك .. واياك اى حاجه عنى تقوليها لرغد .
سلمى بضحك .. ياض بهزر معاك .. متخفش .. انا جدعه ومش هاقول حاجه .. بس يالا بقى علشان انا ميته من التعب وما تقلقش سرك فى بير يا هندسه . ولا اقولك يا فوريرة.

عادل برخامه ... لا ظريفه يا بت .. ابوووو شكلك .
وفضلوا على الحال ده لحد ما وصلوا لحد باب العمارة .

عدى حوالى اسبوعين وكانت حاله عمر بدات تتحسن بالعلاج الطبيعى ووقوف جنه جنبه يوميا .. وبدا يحرك الجزء اليمين من جسمه ورجع على البيت .. ورجعت همس لشغلها تانى بس فى المطار وبس وكانت بتعتذر عن اى رحله خارج البلد لحد ما نفسيتها ترجع تانى زى الاول .
فارس وهمس قربوا من بعض اوى خلال الاسبوعين دول وكان بيتصل بيها فى الساعه اكتر من مرة .. وبيقابلوا بعض باستمرار بعد شغله وشغلها .
وده كان بيقربهم من بعض اكتر واكتر وكانوا بيفضلوا طول الليل يحبوا فى بعض .. مع بعض المشاجرات الصغيرة اللى بينهم زى الفلفل والشطه كده وفى اسرع وقت كانوا بيصالحوا بعض .

بس طبعا مفيش اى حاجه تمت بينهم غير لما تعدى فترة على موت بابها وده كان قرار من همس وفارس وافق بيه .
وعادل ورغد قربوا من بعض اكتر .. وراح طلب اديها من مامتها وقروا الفاتحه .
عمر حب جنه اكتر من الاول بكتير لوقفتها جنبه فى الظروف اللى مر بيها دى .. وهى اللى شجعته وقوته على العلاج لحد ما رجع وبقى احسن من الاول ورجع لشغله فى النادى تانى .

ووعد جنه انه هايروح ويتقدم لها ويخطبها من مامتها بس بعد سنه من وفاه ابوه .
شريف حاول انه يشغل نفسه بشغله ورحلاته علشان يقدر ينسى همس وده اللى كان مخلى سلمى حزينه على طول لانها عارفه هو بيعمل كده ليه .. بس فى نفس الوقت مقطعتش الامل انه فى يوم من الايام هايحس بيها وبحبها ليه .

فضلوا على الحال ده وعدى سنه وهما على الوضع ده
فارس وهمس
عادل ورغد
عمر وجنه
وللاسف كانت سلمى هى الوحيده اللى فضلت لوحدها لحد ما فى يوم كانت فى شغلها لوحدها فى الاوضه ودخل شريف وعلى وشه ابتسامه جميله فقرب منها .
شريف .. ازيك يا سلمى عامله ايه .

سلمى من مجرد انها تسمع اسمها منه قلبها بيدق جامد وبتتوتر .. فقالت ... الحمد لله يا شريف بخير .
شريف قرب اكتر وقال .. سلمى انا كنت عاوز اقولك على حاجه مهمه ولازم تعرفيها كويس .. انا الفترة اللى فاتت دى كنت لازم اشغل نفسى بالشغل والسفر علشان امسح وانسى اى شىء جوايا وفى قلبى كنت فى يوم من الايام حاسس بيه تجاه شخص دخل حياتى وكان مجرد اعجاب من طرف واحد علشان ابدا افتح قلبى تانى لشخص انا معجب بيه من فترة ولازم اعترفله بكده .

سلمى بدات تتوتر ومش مصدقه انها فى يوم هاتسمع الكلام ده ومن شريف بالذات اللى بتعشقه بقالها فترة كبيرة .. وعمرها ما فقدت الامل انه هايحس بحبها ده .
شريف بدون اى مقدمات .. تتجوزينى يا سلمى.
سلمى اتفاجات من كلام شريف وعيونها اتملت بالدموع وقالت ... اخيرا يا شريف حسيت بيا وبحبى ليك .
شريف بحب .. اه حسيت انك الانسانه الوحيده اللى مش ممكن اقدر ابعد عنها خالص او تكون لحد غيرى .. بحبك يا سلمى اوى اوى اوى ومد ايده ومسح دوموعها .
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
اصوات كتير وهيصه وزحمه .. وناس طالعه وناس نازله والمكان بقى عباره عن مسرح كبييير .
بعد تفكير طويل بين فارس وهمس وعادل وعمر ورغد وسلمى وشريف وجنه .. وصلوا اخيرا وقرارو انهم هايعملوا كلهم فرحهم مع بعض فى ليله واحده وقاعه كمان واحده .

 

وكمان اشتروا فيلا كبيرة اربع ادوار فى التجمع الخامس وهايعيشوا كلهم مع بعض فى نفس الفيلا .. وفرشوا الشقق كلها على احدث طراز .
الكل كان فرحان للقرار ده واختاروا اكبر قاعه للافراح فى القاهرة وفى اجمل فندق على النيل .
وطبعا قررت البنات انهم يتجمعوا كلهم عند همس فى الفيلا ويعملوا اجمل ليله حنه ليهم هما الاربعه بشرط ان الشباب مفيش حد فيهم يحضر الحنه .. ويشوفوا مكان تانى خالص بعيد عن الفيلا ويتجمعوا فيه هما كمان .

طبعا الشباب كانوا معترضين للقرار اللى وصلتله البنات وكان نفسهم انهم يحضروا ليله الحنه دى ويكونوا مع بعضهم .
لكن طبعا راى البنات وقرارهم هو اللى مشى وبدؤا كمان ينفذوه .
وكانوا قبلها حجزوا مع اكبر ميكب ارتست للعرايس .. وانها تروح ليهم الفيلا ويطلعوا عرايس من هناك .

الشباب طبعا كانوا قاعدين ومتجمعين عند عادل فى شقته ومش عاجبهم الوضع كله على بعضه .. بس طبعا مش قادرين على قرار البنات وفى النهايه وافقوا وقرروا هما كمان انهم يسهروا هما الاربعه فارس وعادل وعمر ومعاهم شريف اللى راح واتقدم لسلمى وطلب اديها من عادل ووافق طبعا علشان عارف ان سلمى بتحبه .
فقرروا انهم كمان يعملوا سهرة شباب أخيرة ويودعوا فيها العزوبيه .

وبالنسبه لام عادل وام فارس وام شريف وام رغد وجنه كانوا صحيوا من بدرى وراحوا علشان تجهيزات ليله الحنه ويكونوا موجودين قبل ما اى حد يوصل من المعزومين على الحنه وطبعا كانوا بعض بنات عائلاتهم واهلهم وبعض الزملاء والاصحاب للبنات كلها .
الفيلا كانت عبارة عن شعله حركه ونشاط وكل واحد مسوؤل عن حاجه بينفذها .

لكن فى اوضه همس واوضه عادل كانت الدنيا مقلوبه ومتشقلبه واللبس فى كل مكان وكل ركن من الاوض الاتنين .. بسبب البنات واختيارهم للفساتين اللى كانوا هايلبسوها فى ليله الحنه وبعض اللبس الهندى والنوبى والبدوى والخليجى اللى هايلبسوه للحنه .
البنات كانت فرحانه جدا ومش مصدقين انهم كلهم هايتجوزا فى ليله واحده بالمنظر ده .
وكانوا قرروا مع الشباب ان الموبيلات هاتتقفل منهم اول لما حفله الحنه تبدا وأنهم مهما عملوا او حاولوا يتصلوا بيهم عن طريق حتى الأمهات مش هايردوا عليهم ولا يشوفوهم غير وهما لابسين لبس الفرح وفساتين الزفاف .

سلمى ... حلال فيهم والله الموبيلات اللى هاتتقفل دى خليهم يشتاقوا لينا .. يالا بينا نقفل الموبيلات كلنا من دلوقتى علشان محدش يتصل بينا واحنا بنلبس .
همس.. لسه بدرى يا سلمى انتى مستعجله على ايه بس .. لاحسن يعوزوا حاجه ولا بتاع وما يعرفوش يوصلوا لينا .
رغد .. همس عندها حق يا سلمى مستعجله على ايه .
جنه .. انا من راى سلمى .. وبعدين هما متجمعين عند عادل من بدرى فى الشقه واحنا مش على بالهم خالص وزمانهم بيجهزوا للسهرة بتاعتهم هما كمان .
همس ... يا خوفى من السهرة بتاعه الشباب دى انا بسمع انهم بيعملوا حاجات غريبه فيها وكمان ممكن يشربوا اى حاجه .
سلمى .. ياريت تيجى على الشرب وبس يا اختى .. ده ممكن يكون معاهم كمان ...
رغد وهمس وجنه فى نفس واحد... اوعى تقولى بنات .

سلمى .. احتمال والله .
همس .. لااااااا الا كده ده انا اموته
رغد .. وانا كمان
جنه .. وانا هاموته وبعدين اموت نفسى والله
سلمى ... كل شىء جايز ربنا يستر .
همس.. انا عندى فكرة حلوة اوى .
الكل !؟
ايه قولى .

همس .. ايه رايكم بعد لما نخلص الحفله هنا وليله الحنه دى .. نطب عليهم فى الشقه عند عادل ونشوف هما بيعملوا ايه ؟
سلمى ... والله فكرة حلوة .
رغد ... ياريت علشان نقبض عليهم متلبسين .
جنه ... ياااااريت .. بس يا بنات هانخرج من هنا ازاى ونقول لامهاتنا رايحين فين فى الوقت المتأخر ده .

سلمى .. سيبولى انا المهمه دى .. ويالا بينا دلوقتى نبدا نجهز نفسنا للحفله قبل ما حد يوصل من البنات .
وفعلا قامت البنات كلها وبدؤا يستعدوا لي ليله الحنه ويلبسوا فساتين الوان واشكال ومكياج .. و السماعات والاغانى كانت شغاله فى كل ركن من الفيلا .
والتربيزات اللى عليها جميع انواع الحلويات والمشروبات .
والامهات قامت وبدات تستقبل الضيوف وترحب بيهم .
وبدأت ليلتهم والكل كان فرحان وسعيد بيهم
وكانوا مش مبطلين رقص ولا غناء مع الاغانى اللى شغاله .. ولا رقص مع امهاتهم اللى كانوا فرحانين اوى بيهم .

وكانوا جايبين واحده نوبيه وفرقه بنات معاها وطبول ودوف و حاجات كتير لزوم الليله دى .
وفضلوا على الحال ده اكتر من خمس ساعات لحد ما الناس بدأت تمشى والكل رجع على بيته الا الامهات والبنات اللى كانوا فاصلين من كتر التعب والارهاق اللى حسوا بيه فى اليوم ده .. وبدأوا يطلعوا على اوض النوم اللى فوق وكل اتنين مع بعض فى اوضه .. لكن البنات كلها اتجمعت فى اوضه همس علشان يخططوا لباقى الليله دى ويروحوا ينقضوا على الشباب فى شقه عادل .

سلمى آخر واحده دخلت الاوضه عند همس بعد ما اطمنت ان الامهات فعلا ناموا من كتر الارهاق والتعب اللى شافوه .
سلمى .. اخيرا اطمنت انهم كلهم ناموا ومش هايقوموا خالص دلوقتى .. يالا بسرعه منك ليها غيروا لبسكم ده وتعالوا هنا وانا هاقولكم هانعمل ايه فيهم لأنى وصلت لحته دين خطه ما تخورش الميه .
بس اهم حاجه عاوزين اربع عبايات سودا واشربات سودا بسرعه .
الكل باستغراب!؟
ليه يا سلمى ناويه على ايه بالضبط .. احنا عندنا فرح يا بنتى مش جنازة .

سلمى .. نفذى يا هانم منك ليها وبكرة تدعولى على اللى خططت ليه .. المهم دلوقتى اننا نلاقى اربع عبايات سود .
همس بعد تفكير طويل ... دى محلوله ولقيتها يا بت منك ليها .. انتم نسيتوا ان الست النوبيه جابت لينا هدوم كتير علشان نغير فيها ونلبسها لزوم ليله الحنه .. ومن ضمن الهدوم فى اربع عبايات بدويه سودا والاشربات بتاعتهم وغطا كمان للوجه وكده ممكن نلبسهم .. لانها قالت انها هاتبعت بكرة عربيه تخدهم .. واديها فرصه اننا نلبس العبايات دى .

البنات ... يا بنت الايه يا همس .. اه صح .. تصدقى اننا نسينا العبايات دى .. يالا بسرعه نجيبهم ونلبسهم ونشوف هانعمل ايه تانى .. الساعه داخله على اتنين باليل منك ليها .
وفعلا البنات جابت العبايات ولبسوها ولبسوا معاها الاشاربات وحطوا حاجه زى النقاب او غطاء للوش علشان مش يبان غير العيون وبس .. ولبسوا بعض الاكسسورات النوبيه
سلمى ... يا لهووووى على منظرنا .. احنا عرايس و فرحنا ودخلتنا بكرة.

ولا احنا زى ريا وسكينه بالمنظر والعبايات دى .
البنات بضحك .. اه والله يا سلمى منظرنا فظيع والشباب لو شافونا كده ممكن يرجعوا فى كلامهم .
همس .. طيب يالا يا اختى منك ليها خلينا نشوف الاساتذه دول بيعملوا ايه بسرعه قبل ما يضيعوا مننا.
ومن خوفهم من كلام همس استعدوا فعلا وخدوا مفتاح عربيه همس وفتحوا الباب بشويش خالص علشان محدش يحس بيهم ونزلوا واحده واحده وراء بعض لحد ما نزلوا وفتحوا باب الفيلا براحه وخرجوا كلهم وراحوا على العربيه وركبوها .
واتحركت همس بالعربيه وخرجت من باب الفيلا الخارجى وراحوا على العمارة الى فيها شقه عادل بعد ما وصلوا لخطه هاينفذوها معاهم .

فارس كان قاعد ولابس شورت من تحت وصدره كله مكشوف.
وعادل كذلك شورت وبس .
وعمر وشريف كل واحد فيهم لابس شورت وفانله حماله .
فارس كان فقد الامل هو والشباب ان البنات ترد عليهم لانهم حاولوا كتيييييير جدا انهم يتصلوا بيهم ويطمنوا عليهم لكن للاسف البنات كانت قافله الموبيلات كلها .
وبعد فترة من فقد الامل اتجمعوا وقعدوا على الارض .
وكانوا متجمعين فى الصالون كلهم . والهزار والضحك كان على ودنه ومشغالين اغانى اجنبيه عاليه جدا .. وللاسف كان معاهم مشروبات مش عاديه لزوم السهرة وعادل اللى جابها ليهم.

وفعلا شربوا كتير وكل لما يخلصوا اللى اودامهم حد يروح يجيب من التلاجه تانى ويجيب مزات بتتاكل مع المشروبات دى .
الشباب بدؤا يفقدوا توازنهم وعقلهم وجالهم حاله من هسيتريا الضحك .
فجاه قام عادل وبدا يمد ايده لفارس ويقول .. تسمحيلى بالرقصه دى يا حلوة .
فارس رفع وشه وبص لعادل ومد ايده ليه وقال .. ماشى يا قطه شدينى بايدك الحلوة دى .
وقام فارس مع عادل وفضلوا يرقصوا وعمر وشريف ميتين من كتر الضحك .
وبعدين عمر قام وقف وفضل يدور على حاجه يتحزم بيها علشان يرقص لحد ما شد مفرش تربيزة الصالون واتحزم بيه وفضل يرقص .
شريف بقى قام وقف فوق تربيزة السفره وفضل يتهز ويتمايل ويرقص على الاغانى .
وفجاه.

سمعوا جرس باب الشقه بيرن .
فارس لعادل... هو جرس الباب بيرن ولا انا بتهيئلى يا حبيبتى .
عادل مش مجمع نفسه ولا فيه توازن خالص .. اه يا حلوة شكل الباب بيخبط .. استنى هاقول لعمر يفتح .
عادل ... يا عاااادل .. يا عادل قصدى يا...
انت ياض ياللى لابس فانله .. اسمك ايه.

فارس ... لا استنوا انا هاروح افتح .
وفعلا فارس راح ناحيه الباب وهو بيطوح ومش ماسك نفسه وفضل يسند على الكراسى والتربيزات لحد ما وصل لباب الشقه .
وصل للباب وحط ايده على الاوكرة وفتح .. واول لما فتح شاف واحده اودامه لابسه اسود فى اسود وعامله زى العفريت .
لان البنات كانوا غيروا مكياج عيونهم علشان مش يبانوا ويتقفشوا .. ومحدش يعرفهم من الشباب وحاولوا يغيروا كمان اصواتهم .
سلمى اللى كانت واقفه واتصدمت من الحاله اللى فيها فارس ومنظره .

وبصوت مغيراه قالت .. لو سمحت .. اختى مريضه جدا ومش عارفه اتصرف معاها ازاى .. واحنا معاكم هنا فى العمارة وكنت نازله بيها على المستشفى بس للاسف وقعت منى على الارض اودام الشقه بتاعتك حتى شوف .
فارس مش مركز اصلا فى الكلام اللى بتقوله وفجاه قرب من سلمى ومد ايده ومسكها من ايديها ودخلها على جوا وقفل الباب .
سلمى .. انت بتعمل ايه يا استاذ انت.. لو سمحت سيب ايدى .. لو سمحت ارجوك .
وفارس ولا هو هنا ودخل بيها على جوا عند الشباب .
سلمى اتصدمت من الحاله اللى فيها الشباب كلها وشافت مناظرهم كده وشافت شريف بيرقص فوق التربيزه ومش مصدقه انه شريف وكانت مكسوفه ومش عارفه تتصرف ازاى .

 

شريف اول لما شاف سلمى بالمنظر ده نط من فوق التربيزة وقرب منها وفضل يلف حواليها رايح جاى .
همس برة هى ورغد وجنه استغربوا جدا من اللى حصل وقامت همس وقفت اودام الباب وخبطت جامد ومشلتش اديها من على الجرس .
شريف انتبه للجرس وراح يطوح ناحيه باب الشقه وركز شويه وفتح الباب .. واول لما فتح شاف همس اودامه وقال... مش انا سايبك جوه دلوقتى .. انتى جيتى هنا ازاى ومسك اديها ودخل وقفل تانى الباب وراه .

مسك ايد همس ودخلها على الصالون واول لما دخلت شافت سلمى واقفه والشباب كلهم بيلفوا حواليها وبيرقصوا على الاغانى .
سلمى جريت على همس وقالت ... الحقى يا همس .. العيال عملوا ايه فى نفسهم .
والشباب ما ادهومش فرصه انهم يتكلموا مع بعض فامسكو ايد البنات على طول وفضلوا يرقصوا على الاغانى .
وكل ده ورغد وجنه واقفين بره ومش عارفين اى حاجه عن اللى بيحصل جوة .. وبدأوا يرنوا الجرس كتير لحد ما راح عمر بشويش وبراحه لانه كان دايخ ومش قادر يوصل للباب الا بعد محاولات كتير لحد ما وصل وفتح الباب وشاف الاتنين واقفين اودامه متنحين على منظره ومن غير ما حد ينطق ولا كلمه منهم ولا منه مسك ايد الاتنين ودخلهم هما كمان على جوا ورزع الباب وراه .

البنات دخلوا واتصدموا من اللى شافوه اودام عنيهم وخافوا جدا لان الشباب مش فى وعيهم كلهم والخطه اللى اتفقوا عليها انهم ينفذوها باظت خلاص ومش عارفين يتصرفوا ازاى .. فاجريوا ووقفوا مع همس وسلمى والشباب علت الاغانى اكتر وفضلوا يلفوا حوالين البنات .
سلمى ... يا نهار ابيض .. ايه اللى هببوه فى نفسهم ده .
همس .. انا اول مرة اشوف فارس وعمر فى المنظر ده .. الحل ايه دلوقتى يا شملوله منك ليها .
رغد .. انا مصدومه من اللى شيفاه اودام عيونى ودماغى وقفت عن التفكير خالص .
جنه ... احنا لازم نتصرف ونشوف حل بسرعه .. دى كلها كام ساعه والنهار هايطلع واحنا هنا كلنا وبالمنظر ده .. وكده ولا هايبقى فى فرح ولا هايبقى فى دخله للاسف.

همس طيب ايه رايكم ناخدهم على الحمام كلهم ونفتح عليهم الدش لحد ما يفوقوا .
سلمى .. فكرة والله بس انا خايفه لما يفوقوا ويشوفونا اودامهم .
رغد .. انا عندى فكرة تانيه .. ايه رايكم ندخلهم فى اوضه كلهم ونقفل عليهم علشان ما يشربوش اى حاجه تانى من القرف ده كله.

جنه .. لا الحل بتاع همس هو عين العقل .. لان لو دخلناهم اوضه وبالمنظر اللى هما فيه ده وننزل ونسيبهم ايه ضمنا انهم هايصحوا قبل ميعاد الفرح .. دول بشكلهم ومنظرهم ده ولا يومين تلاته علشان يوفوقوا من الى هما فيه .
همس .. طيب بالا بينا نشيل الاشاربات والحاجات الى لابسنها دى وكويس اننا لابسين من تحت لبسنا ونشدهم واحد ورا التانى وندخلهم على الحمام يالا بينااااا .
وفعلا البنات كل واحده مسكت ايد خاطبها وحاولوا انهم يدخلوهم على الحمام بس للاسف .
همس مسكت ايد فارس .. فافارس ما صدق وقرب منها وحاول يشدها ليه ويبوسها اول لما شاف وشها وقال ... هممممممس انتى جيتى يا حبيبتى .
همس .. اهدى يا فارس .. انت هاتعمل ايه يا مجنون .. ارجوك فوووق وشدته على الحمام .

رغد شدت عادل من ايده فافاجأها وشالها وراح على اوضه وكان لسه هايقفل الباب وراه لولا جنه وسلمى صرخوا ووقفوا بسرعه اودام الباب وشدوه على الحمام .
وبالنسبه لعمر وشريف اللى كانوا متبهدلين جدا من كتر الشرب .. اتفجأت سلمى وجنه لما رجعوا من الحمام انهم دخلوا البلكونه فراحوا بسرعه ناحيه البلكونه على مصدر صوتهم واتصدموا من اللى شافوه .

سلمى .. الحقى يا جنه عمر واقف فوق سور البلكونه .. المجنون هايقع فى الشارع .
جنه ... يا لهوى وشريف كمان بيحاول يقف جنبه اهو وطالع على الكرسى احنا لازم نتصرف بسرعه .
سلمى... طيب خليكى واقفه هنا بسرعه واوعى حد يقع لحد لما اشوف عادل او فارس فاقوا ورجعوا لوعيهم وهما اللى هايقدروا ينزلوهم .
جنه ... يا لهوى يا سلمى انا ميته من الرعب افرضى حد وقع .
سلمى .. هاروح بسرعه وارجع استنى هنا وخلى بالك .

وفعلا راحت سلمى جرى وشافت فارس وعادل قاعدين على الارض ورغد وهمس ماسكين الدوش ومغرقينهم بالمياه علشان يفوقوا .
سلمى .. الحقوا يا بنات عمر وشريف طلعوا فوق سور البلكونه وعمالين يرقصوا . الحقوا بسرعه قبل ما يقعوا من الدور الخامس .
همس ورغد .. يا نهار ابيض وبسرعه سابوا عادل وفارس على الارض ورموا الدوش وكانوا غرقانين بالمياه وراحوا على البلكونه واتصدموا من منظر عمر وشريف وهما واقفين على سور البلكونه .

همس قربت بشويش من عمر وحاولت تتكلم معاه وتنزله وبعد محاولات كتير نزل معاها وخدته بسرعه على الحمام وقعدته جنب فارس وقفلت عليهم الباب ورجعت للبلكونه .
واول لما رجعت شافت سلمى بتحاول تنزل شريف اللى مكنش عاوز ينزل خالص ومصمم انه يكمل رقص .. وبعد محايلات من سلمى ودموعها اللى بدات تنزل من كتر خوفها نزل معاها براحه وخدته على الحمام .
دخلوا شريف بعد ما فتحوا الباب بالمفتاح ورزعوه على الارض هو كمان مع باقى الشباب وبدأوا يفتحوا عليهم المايه تانى لحد ما بهدلوهم من كتر المياه اللى فتحوها واتبهدلوا هما كمان معاهم لحد ما الشباب فاقت خالص واتصدموا من اللى هما فيه واتصدموا من منظرهم ومنظر البنات والحاله اللى وصلوا ليها بسبب الشرب.

البنات اول لما شافوهم فاقوا بصوا ليهم بغضب واستحقار على الحاله اللى وصلولها فى يوم زى ده وخرجوا من الحمام بسرعه وراحوا ناحيه باب الشقه وفتحوه .
ولسه هايخرجوا الشباب قاموا جرى وحاولوا يصلحوا الوضع ويعتذروا ليهم .. بس للاسف البنات ما سمعتش منهم وما ادتهمش فرصه حتى للاعتذار وخرجوا بسرعه ورزعوا الباب وراهم .
الشباب كل واحد فيهم قعد فى مكان واتصدموا من المكان واللى كان معمول فيه ..
وتخيلوا الحاله اللى البنات شافتهم فيها ووصلولها وهما شاربين .

النهار طبعا كان طلع والشمس بدات تشرق والبنات كانت وصلت للفيلا وحمدوا ربنا ان الامهات كانت لسه نايمه .. فابسرعه دخلوا على اوضه همس بشويش خالص وقفلوا وراهم الباب .. وبداوا يدخلوه واحده ورا التانيه على الحمام علشان تغير لبسها اللى كان متبهدل على الاخر وغرقان مايه .
عدى حوالى ساعه عقبال لما كلهم خلصوا واترموا على السرير زى الميتين واتفقوا انهم مش هايعدوا اللى حصل ده على خير ولا بالساهل وهايطلعوا عيون العرسان بس بعد ما الفرح هايخلص و هايمنعوهم انهم يقربوا منهم لما يتقفل عليهم باب اوضه واحد ليله الدخله .. وانهم هايكونوا طبيعين اودام الناس .. وده اقل عقاب ممكن يعملوه معاهم على كل اللى حصل .
ومن كتر التعب والارهاق اللى شافوه الكام ساعه الاخيرة دى راحوا فى سابع نومه بعد القرار اللى وصلوله ده .

الامهات كانت صحيت واستغربوا ان البنات لسه نايمه لحد دلوقتى والميعاد بتاع الميكب ارتست قرب علشان تلحق تمكيجهم كلهم لانهم كذا عروسه .
وبعد محاولات كتير من الامهات الاربعه للعرايس .. صحيوا معاهم بالعافيه وطبعا ما حكوش الليله اللى قضوها مع الشباب والحاله اللى كانوا فيها .
وفعلا بعد شويه كانت وصلت الميكب بتاعتهم وبدات تمكيجهم ولبسوا فساتين الفرح الجميله وبقوا زى الاميرات فى الحواديت كلهم اجمل من بعض .
وطبعا الشباب حاولوا يوصلوا ليهم باى طريقه علشان يعتذروا عن اللى حصل .. بس للاسف البنات فضلت قافله الموبيلات كلها .
الوقت عدى وميعاد وصول العرسان جه وفعلا وصلوا الفيلا عند همس علشان يخدوهم ويطلعوا على القاعه اللى فيها الفرح .
وكان العرسان طالعين حلوين اوى لما لبسوا البدل وطالعين زى القمر كلهم وبالذات فارس.

اول لما دخلوا سلموا على الكل والكل هناهم وبارك ليهم ..وفضلوا فى انتظار البنات ونزولهم مع ابوا فارس وابوا شريف و اتفاجأت الشباب بالبنات اللى كانت جميله جدا وحلوين اوى بفساتين زفافهم .. بس اللى استغربوه ان البنات عاديه جدا ومبتسمه و كأن مفيش اى حاجه حصلت .. فحمدوا ربنا انهم مش زعلانين من اللى حصل وما يعرفوش طبعا بالقرار اللى وصلولوا وهايتفاجؤا بيه بعدين لما يدخلوا اوضهم فى الفندق اللى كانوا حاجزين فيه .
كل واحد مسك ايد حبيبته وباسها وبارك لها وخرجوا وطلعوا بره وركبوا العربيات وراحوا على الفندق اللى فيه القاعه .
بدا الفرح واشتغلت الاغانى والرقص والكل كان فرحان و سعيد .. والبنات كانت عاديه خالص ولا كأن فيه حاجه حصلت . وده اللى ريح الشباب واطمنوا ان الليله هاتعدى على خير .

وبعد كذا ساعه اشتغلت الاغنيه الاخيرة لانتهاء الفرح وكل واحد قرب من عروسته وبدؤا يرقصوا على الاغنيه دى .
شو كانت حلوة الليالى
والهوى يبقى ناطرنا
وتيجى تلاقينى
اه يا سهر الليالى
اه يا حلو على بالى
غنى اه
غنى اه
غنى على الطرقات
ياى يا سهر الليالى ياى يا حلو على بالى غنى
اه غنى غنى على الطرقات .
وانتهى الفرح وكل واحد خد عروسته على اوضته بعد ما ودعوا امهاتهم واهلهم .
والكل أتمنى ليهم حياه سعيده .

طلع كل واحد فعلا على اوضته واتقفل عليهم باب واحد .. وللاسف ياريته ما اتقفل لان البنات اتحولت خالص وبقوا بنات تانيه خالص .
شريف لسه هايقرب من سلمى اتصدم من اللى سمعه .. انت بتعمل ايه انت مالكش دعوة بيا .. اوعى تكون مفكر اللى حصل هايعدى بسهوله لا انسى خالص انى هاسمحلك تيجى جنبى .
ومن اول نظرة ولمسه من شريف لسلمى وعيونه جت فى عيونها استسلمت خالص ورفعت الرايا البيضه .
وعند عمر وجنه .. عمر قفل الباب ولف نفسه شاف جنه قعدت على السرير ووشها احمر من كتر الخجل والكسوف ويادوبك عمر قرب منها نسيت كل اللى هما اتفقوا عليه وبادلته نفس مشاعره.

عادل قفل الباب وشاف رغد واقفه فى مكانها وباصه فى الارض وجسمها بدا يرجف من كتر الخجل اللى حاسه بيه .
عادل قرب منها وحاول يهديها بس هى بعدت عنه .. فقرب عادل تانى وحاول بكام كلمه حلوة انه يهديها ويطمنها .
لحد ما قرب اكتر وعيونه جت فى عيونها وبدا يلمس وشها وقرب من شفايفها وباسها بمنتهى الرومانسيه ونساها الدنيا والى فيها والخطه اللى كانوا متفقين عليها كلها .
اما بالنسبه لابطالنا الرئيسين فارس همس
فالليله كانت مختلفه خالص .

اول لما دخل فارس وقفل الباب وراه ولف نفسه .. شاف همس واقفه فى وسط الاوضه وحاطه ايديها فى وسطها وقلبت واتحولت لانسانه تانيه خالص .
فارس بابتسامه صغيرة .. خير يا حبيبتى فى ايه !؟
همس مرة واحده ... اطلع بره يا فارس واقفل الباب وراك علشان انا تعبانه وعاوزة انام واستريح .
فارس بدا يضحك وقال ... لاااااا انتى اكيد بتهزرى يا همسى .

همس قلبت اكتر وقالت بصوت عالى .. اطلع برة يا فارس وكفايه اوى اللى انا شوفته امبارح والحاله اللى انتم كنتم فيها انت والبهوات التانيه .. واحمد ربنا انى كملت الفرح اصلا .. لكن اللى انت بتفكر فيه يحصل استحاله هايحصل يا فارس .
فارس مصدوم من كلام همس وحاول يقرب منها ويفهمها كل اللى حصل بس للاسف هى رفضت انه يفسر اى شىء ليها وكفايه اوى اللى هما عملوه .
فارس .. لا لازم تسمعينى يا همس وانا هاشرحلك كل شىء .. وبعدين ده شىء عادى وبيحصل لاى واحد بيودع العزوبيه وانتم اصلا ايه اللى جابكم على الشقه عندنا .
همس .. انا مش عاوزة اعرف حاجه واتفضل اخرج يا فارس بره وسيبنى لوحد...
وملحقتش تكمل كلامها لفارس علشان فاجئها بيبوسه فى شفايفها نهت كل الحوار وحطمت قلعه وحصون همس ودابت بين ايد فارس وراحوا فى عالم تانى خالص للعشق والحب والرومانسيه واللهفه والشووووق .

انتهت روايتنا رواية فارس عشقي

تقول الكاتبة سحر فرج في نهاية روايتها:

يارب اكون اسعدتكم بها وقدرت اوصل ليكم حاجه مهمه بخصوص الاب وبعده عن بيته واولاده .. وان الشغل والفلوس مش هايعوضه عنهم .
لكل اب ... بيتك واولادك هم اهم شىء فى الحياه عن اى حاجه تانيه .. والحب والحنيه والعطف واللمه والعيله اهم من الفلوس ومن الشغل حتى لو كانت العيشه بسيطه وعلى الاد .

وبالنسبه لفهد مش هاقول غير ( ربنا يمهل ولا يهمل )
وبالنسبه لبلال واللى حصل معاه هافسر ده ان شاء الله فى الجزء التانى من الروايه وهايكون بعد العيد الاضحى بأذن الله .

تمت بحمدلله

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تعليقات