رواية ايام الحب الضائعة من الفصل الاول للاخير بقلم بسمله ابراهيم

رواية ايام الحب الضائعة من الفصل الاول للاخير بقلم بسمله ابراهيم

رواية ايام الحب الضائعة من الفصل الاول للاخير هى رواية من كتابة بسمله ابراهيم رواية ايام الحب الضائعة من الفصل الاول للاخير صدر لاول مرة على موقع التواصل الاجتماعى فيسبوك رواية ايام الحب الضائعة من الفصل الاول للاخير حقق تفاعل كبير على الفيسبوك لذلك سنعرض لكم رواية ايام الحب الضائعة من الفصل الاول للاخير

رواية ايام الحب الضائعة بقلم بسمله ابراهيم

رواية ايام الحب الضائعة من الفصل الاول للاخير

ادخلي غيري الفستان ده اكيد تعبتي من الفرح 
دخلت دون الرد بكلمه الي الحمام اللي في الغرفه وهو راح الحمام اللي في اوضه تانيه 
نوح تعالي يا ندي 
ندي بكسوف راحت قعدت جانب نوح 
نوح بصي انا عارف ان جوازنا كان بسبب اهلي واهلك مش عشان حب و كمان احنا منعرفش بعض كويس بس بصي يا بنت الحلال انا عمري ما اعرف بنت قبلك ولا حتي كنت بفكر في فكرت الجواز دي اصلا بس انا بقولك دلوقتي انا قلبي فاضي بيدك تخلي ليكي وبيدك تخلي لا لكي ولا لغيرك انا عايز اعرف دلوقتي وبكل صراحه ومتخافيش مني انتي كنتي تعرفي حد قبلي او بتحبي حد 
ندي اقسم بالله لا عمري ما عرفت حد ولا حتي كنت بحب انا كنت مهتمه بي دراستي قبل ما بابا يقعدني من الجامعه
نوح طيب اهدي احنا مش في محكمه خليكي علي راحتك 
ندي ساكته 
نوح مستعده تكوني مراتي 
ندي بخوف هزت رأسها لا لا انا مش مستعده لأي حاجة 
نوح طيب اهدي اهدي في ايه بصي يا ندي انا عمري ما اجبرك علي حاجه فمتخفيش مني 
ندي برتياح طيب انا عايزه انام هروح انام في الاوضه التانيه 
نوح خليكي نامي هنا لو عايزه ومتخافيش مني 
ندي لا هروح في الاوضه التانيه 
نوح براحتك تصبحي علي خير 
بعد ساعه ندي في السرير مش عارفه تنام 
ندي اوففففف يعني كان لازم اعمل فيها شجاعه واقول لا هروح انام في الاوضه التانيه و انا اصلا لحد امبارح كنت بنام في حضن ماما عشان بخاف انام لوحدي يا رب اعمل ايه دلوقتي أكيد زمانه نام اروح انام جانبه واصحي الصبح قبله وراحت عند اوضه نوح تتسحب لقته مغمض عينه راحت نامت جانبه نوح كان صاحي بس محبش يكسفها وعمل نفسه نايم مكنش عارف ينام بعد نص ساعه لقي ندي حطت رأسها علي صدره وايدها علي وسطه نايمه ضحك عليها لأنها عامله زي الطفله وحضنها ونام نوم عميق 
تاني يوم صحي نوح قبل ندي اللي لسه نايمه في حضن نوح أبتسم عليها وباس رأسها مفيش دقيقه كانت ندي بتصحي  عمل نفسه نايم عشان يشوف هتعمل ايه 
ندي يا لهوي انا لسه نايمه هنا وكانت هتقوم بس ركزت في ملامح نوح بشره بيضاء ورموش كثيفه و ملامح حاده 
ندي طيب والنبي قمر بس يا خوفي تكون زي وسكتت وقامت 
نوح استغرب اوي زي مين و قام بعدها اخد دوش ولبس وكان خارج من الحمام بينشف شعره 
ندي احم صباح الخير 
نوح صباح النور 
ندي اهلي وأهلك بره لسه جاين (كانت لابسه عبايه استقبال وطرحه )
نوح طيب ثواني وخارج ندي رايحه تخرج استني هخرج معاكي وسرح شعره وخرج معاها سلم علي اهلوا واهل ندي وهي كمان سلمت علي اهلوا وأهلها بس لاحظ انها سلمت علي ابوها بل ايد بس و مامتها فضلت في حضنها اكتر من دقيقه وقاعدت جمب مامتها اللي قالت معلش هاخد ندي علي انفراض 
سهره ام ندي عامله ايه يا حبيبتي كويسه 
ندي الحمد لله يا حبيبتي انا كويسه 
سهره طيب جوزك كويس معاكي 
ندي اه جدا والله ومحترم معايا اوي 
سهره ربنا يسعدك يا نور عيوني 
وطلعوا  ابو ندي شعبان يلا يا ام ندي نسيب العرسان وكمان اهل نوح مشيوا 
نوح فضل قاعد ماسك دراعه بواجع
ندي انت كويس 
نوح الحمد لله بس دراعي وجعني شويه 
ندي في سراها أكيد بسبب اني نمت علي ايدوا امبارح وراحت جابت كريم 
نوح ايه ده 
ندي ده كريم عشان الوجع 
نوح بمشاكسه انا مش عارف وجعني ليه زي ما يكون في حد كان نايم علي ايدي 
ندي بخوف معلش دلوقتي هتخف بإذن الله وبدأت بتدليك ايد نوح اللي كان مركز مع ملامحها بيضاء انف صغير وشفاه صغيره و منفوخه وحاسنه عند الفم كانت ملامح طفله وجسم أنثى مثيره 
ندي ملاحظه نظراته انا خلصت ان شاء الله تكون بخير وقامت 
نوح رايحه فين 
ندي هعمل فطار أكيد جعان
نوح ماشي ودخل الاوضه 
ندي خلصت ودخلت تنادي عليه لقيته منظف الاوضه ومغير الملايه انت اللي عملت كده 
نوح اه فيها ايه 
ندي ليه انا كنت هعملها بعد الفطار 
نوح عادي انتي تعمل حاجه وانا اعمل حاجة ما انا كده كده قاعد فيها ايه لما اسعدك 
ندي ابتسمت الفطار جاهز 
نوح طيب يلا 
علي الفطار 
نوح تسلم ايدك الاكل حلو اوي 
ندي ابتسمت الله يسلمك من كل شر الف هنا 
وقامت عشان تشيل الأطباق و نوح ساعدها 
ندي خليك انا هشلهم 
نوح عادي بسعدك وراح ودا الأطباق في المطبخ 
ندي غسلت الأطباق و طلعت
ندي تحب تشرب حاجه 
نوح لا تعالي اقعدي عايزك
ندي اتفضل 
نوح بصي انا سمعتك الصبح وانتي بتقولي يا رب ما تكون زي وسكتي ممكن اعرف زي مين 
ندي هو انت كنت صاحي 
نوح اه وتأكدي اني عمري ما اعمل حاجة تضرك
ندي باختصار كده زي بابا و مش عايز اقول تفاصيل ممكن 
نوح بتفهم ممكن 
ندي كنت صاحي في دي بس ولا في حاجه تاني 
نوح بصراحه كنت صاحي لما جيتي ونمتي جانبي بليل وكمان الصبح صحيت قبلك 
ندي بصدمه وكسوف يا لهوي 
نوح ضحك عليها في ايه يا بنتي انا جوزك علي فكره عادي يعني 
ندي بكسوف و دموع اتجمعت في عيونها بص انا نمت جانبك بس عشان انا بخاف انام لوحدي وكنت متعوده انام في حضن ماما عشان كده جيت 
نوح يا بنتي عادي في ايه لكل ده عادي انا مش مضايق والله دي كانت اول مره انام مرتاح كده اهدي بقي 
ندي طيب مسحت دمعها بظهر ايديها زي الأطفال 
نوح أبتسم علي طفولتها  بقولك ايه تيجي نخرج 
ندي بفرحة بجد 
نوح جد الجد يا ستي عايزه تروحي فين 
ندي الملاهي 
نوح ضحك ماشي يا قمر ادخلي البس وانا كمان هلبس 
وجريت علي الاوضه عشان تلبس
في الملاهي ندي كانت بتركب اللعب وهي مبسوطه وتضحك و نوح كان بيصورها ومبسوط وهما مروحين 
نوح اتبسطي 
ندي اوي اوي شكرا بجد 
نوح علي ايه انتي توامري 
ندي شافت محل ايس كريم نوح وقف العربيه بسرعه 
نوح في ايه 
ندي معلش عايزه ايس كريم مانجا 
نوح ماشي يا ستي عيوني ونزل جاب ايس كريم ورجع علي العربيه اتفضلي الايس كريم اهو 
ندي شكرا اوي انت جايب طعم ايه 
نوح فانيليا 
ندي ممكن ادوق ولا بتقرف 
نوح مد ايدو بل معلقه عند فم ندي 
ندي طعم الفانيليا حلو بس المانجا احلا دوق كده 
نوح واخد من اديها فعلا حلو اوي ورجعوا علي البيت وراحوا غيروا و نوح كان قاعد قدام التلفزيون وندي جات قعده جانبه 
ندي كان يوم حلو بشكل اتبسط اوي يا نوح 
نوح ربنا يقدرني وابسطك دايما يا ندي 
ندي انا هروح احضر العشاء 
نوح انا جاي معاكي 
ندي لا أكيد مش هتعرف 
نوح مش بعرف ايه يا بنتي انا كنت عايش لوحدي كنت بغسل واطبخ واعمل كل حاجة 
ندي بجد 
نوح اه والله تعالي نعمل العشاء واحكيلك بداء نوح يعمل العشاء مع ندي 
بصي يا ستي انا كنت بدرس هندسه بس في محافظه تاني فكنت قاعد لوحدي وانا مش بحب اكل من برا كتير كنت كل اجازه اتعلم من امي كام وصفه اعملها هناك 
ندي أكيد كنت بتبوظ المطبخ لطنط 
نوح انا يا بنتي ده انا كنت ولا الشيف براك في زمانه كنت البس مريلت المطبخ وابدع اه في الاول كان في كام حريقه علي طقم حلل باظ بس دلوقتي بقيت استاذ 
ندي ضحكت اوي يا لهوي طقم حلل بحالو لا انا مش مستعده اخسر طقم الحلل بتاعي وبقت تضحك 
نوح كان مركز مع ضحتها وبعدين قال يا بنتي ده كان زمان دلوقتي انا استاذ يح اتلسعت 
ندي لا استاذ استاذ مفيش كلام وضحكوا خلصوا تحضير العشاء وقعد ياكلوا قدام التلفزيون وندي كانت بتقلب في التلفزيون شافت كرتون ربانزل قالت الله وسابته وبعدين اسوعبت  
ندي لو عايز تقلب اتفضل 
نوح أبتسم لا عادي انا اصلا بحب اتفرج علي كرتون 
ندي بجد طيب هختبرك 
نوح بفخر وانا جاهز 
ندي السمك صحاب
نوح مش طواجن 
ندي اسم يوجين الحقيقية ايه 
نوح فلن رايدر 
ندي اقولك علي سر 
نوح انا اللي قتلت موفاسا
ندي مع كل اول ضحكه 
نوح لأي بيبي صغير في جنيه جديده بتتولد 
ندي الي اللانهايه 
نوح وما بعدها 
ندي لا شاطر اوي 
نوح اومال يا بنتي
 وضحكوا هما الاتنين بعد العشاء راحوا يناموا 
ندي واقفه احم احم 
نوح مالك تعالي نامي 
ندي اصل  
نوح اصل ايه تعالي بس 
و نامت ندي علي السرير 
و نوح قرب منها واخدها في حضنه 
ندي بكسوف ممكن تبعد
نوح لا انا مرتاح كده ودفن وشه في رقبت ندي اللي كانت مكسوفة اوي بس مرتاحه وفي ثواني نامت وعدي اسبوعين كان نوح وندي قربوا اوي من بعض ونزل نوح الشركه تاني عشان كان صعب ياخد اجازه اكتر من كده 
ندي نوح بعد اذنك هروح مع صاحبتي اجيب شويه حاجات 
نوح حاجات ايه 
ندي هي هتجيب هدوم و حاجات كده وعايزاني معاها 
نوح ماشي يا حبيبتي اوعي تتاخري ماشي وفي فلوس في الدرج خدي اللي انتي عايزها 
 ندي حاضر مع السلامه 
نوح رجع البيت الساعه ٩ بليل ندي يا ندي دور عليها في البيت كله بس مش موجوده رن علي الفون بتاعها بس سمع صوته في الاوضه وكمان ناسية الفون وفضل قاعد في الاوضه متعصب رجعت ندي البيت بعد ساعه الاربع لقت نوح في الاوضه 
نوح حاطت دماغه بين ايدوا وقاعد علي الكرسي كنتي فين لحد دلوقتي 
ندي انا اسفه والله بس الوقت سرقنا وكنا بنقيس الهدوم ونسينا نفسنا 
نوح بزعيق الزفت الفون بتاعك سيبه ليه
ندي بخوف والله نسيتوا ونزلت 
نوح ............
يتبع 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
نوح قام وقف قدمها وكان مضايقه جدا حط ايدو في جيبوا و قال بعصبيه بيحاول يسيطر عليها اممم تمام اوي مفيش خروج تاني وسابها وراح الحمام غير هدومه وندي كمان راحت غيرت هدمها 
نوح كان قاعد علي السرير 
ندي احم تحب احضرلك العشاء 
نوح وهو بينام مش عايز حاجه اطفي الزفت النور ده 
ندي راحت طفت النور نامت جنب نوح 
ندي نوح انا اسفه والله ما هعمل كده تاني
نوح لا رد مديها ظهره و ساكت 
ندي طيب مش هتحضني لما لقت نوح مش بيرد عليها فضلت تعيط 
لقت نوح فقيها يعني انتي اللي غلطانه بتعيطي ليه دلوقتي 
ندي بعياط انا اسفه والله مش هعمل كده تاني 
نوح طيب خلاص بلاش عياط 
ندي مسحت عيونها يعني مش زعلان مني 
نوح لا انا زعلان 
ندي طيب اصلحك ازاي
نوح قرب من شفايفها وطبع قبله عميقه وبعدين بعد عنها وهو بيتنفس بسرعه مستعده ولا لسه خايفه 
ندي بكسوف مستعده 
في الصباح صحي نوح قرب من ندي وبعد شعرها اللي علي وشها وفي اللحظه دي صحيت ندي ابتسمت 
ندي صباح الخير 
نوح صباح النور صباحيه مباركه يا عروسه
ندي بكسوف الله يبارك فيك وقامته تاخد دوش ولما خرجت لقت الاوضه نظيفه و نوح باسها و دخل الحمام سرحت شعرها وراحت تحضر الفطار وهي بتحضرالفطار لقت ايد بتلف حولين وسطها و نوح بيدفن راسه في رقبتها 
ندي بكسوف شديد نوح ابعد كده هتتاخر علي شغلك 
نوح لا ما انا اجازه انهارده يعني براحتي 
ندي طيب ابعد عشان خاطري
نوح اهو يا ستي تحبي اسعدك 
ندي اه يا حبيبي خد الأطباق دي حطها علي السفره 
نوح عيوني يا حبيبتي وبعدين استوعب انتي قولتي يا ايه 
ندي انا مقولتش حاجه 
نوح يعني ايه انا سمعت غلط انتي مش قولتي يا حبيبي 
ندي انا لا مقولتش كده انا قولت نوح عادي 
نوح طيب واخد الأطباق ومشي 
بعد الفطار ندي و نوح قعدين قدام التلفزيون و نوح حضن ندي 
ندي ما تيجي نخرج بليل 
نوح ليه مش خرجتي أمبارح لحد الساعه ١٠ عايزه تخرجي تاني 
ندي بزعل لا مش عايزه وجات تقوم نوح مسك اديها 
نوح زعلتي ليه مش دي الحقيقة 
ندي وانا اعتذرت منك و مكنش قصدي اتأخر بره كده 
نوح خلاص يا حبيبي عايزه تخرجي فين 
ندي لا مش عايزه 
نوح لسه زعلانه خلاص بقي وبعدين انا كنت خايف عليكي 
ندي خلاص مفيش حاجة وصدقني مش هقرارها تاني 
نوح باس ادها ها حبيبي عايزه تروح فين 
ندي عايزه اروح النيل وكمان نتغدا بره 
نوح عيوني هخلص شويه شغل علي اللاب واقوم نلبس
بعد ٣ ساعات 
ندي انا خلصت 
نوح لا روحي البسي حاجه تاني 
ندي ليه ما حلو اهو 
نوح لا الفستان ضيق وكمان 
ندي بس لسه فيها كمان حاضر يا نوح هغير الفستان 
نوح وامسحي الميكاب 
ندي يا لهوي انا حيوانه اني قولت عايزه آخرج
 يا نوح انا مش حاطه غير مرطب شفايف ميكاب ايه ده 
نوح امسحي ولما نيجي حطي هنا 
ندي نوح تصبح علي خير 
نوح خلاص روحي غيري الفستان بس وتعالي 
علي النيل 
نوح يا بنتي خلاص بقي فيها ايه يعني لما قولتلك غيري الفستان 
ندي اغير الفستان ده انت خليتني اغير خمس فساتين صدقني لو كل خروجه كده انا مش عايزه اخرج 
نوح طيب انا اعمل ايه ما انتي اللي حلو زياده وبتحلي الحاجه اكتر 
ندي ضحكت بحب وسكتت 
نوح تطلبي ايه 
ندي مش عارفه مفيش حاجه معاينا 
نوح اطلبلك انا 
ندي ماشي 
خلصوا وهم مروحين نوح وقف عند محل ايس كريم 
نوح ايس كريم مانجا لاحلي ديدا في الدنيا 
ندي انت عرفت مين الاسم ده 
نوح الفون بتاعك كان معايا امبارح قبل ما تدخلي الاوضه صاحبتك بعتت وصلي يا ديدا 
ندي اممم تعرف اني بحب الدلع ده اوي بس بحب منك كلمه حبيبتي اكتر 
نوح أبتسم ليها وروحوا البيت 
تاني يوم نوح رجع من الشغل بدري
ندي بفرح حمدلله على السلامة أخير جيت بدري 
نوح ما انا جيت بدري عشان مسافر اسبوع في فرع لندن تبع الشركه 
ندي مسافر ليه 
نوح في مشاكل ولازم اروح الفرع بكره 
ندي طيب وانا 
نوح حقك عليا والله انتي لو كان معاكي جواز سفر كنتي جيتي معايا وكمان عشان اعملوا هياخد وقت طيب ايه رايك تروحي تقعدي مع مامتك وانا هحاول اخلص الشغل في اقل وقت و اجيلك 
ندي تروح وترجع بالسلامه يا حبيبي 
نوح حضن ندي اخير قولتيها يا شيخه هتوحشيني اوي 
ندي وانت كمان هروح احضرلك الشنطه 
نوح انا جي معاكي 
ندي طيرتك امته 
نوح الساعه ٩ الصبح هوصلك عندك اهلك وهروح علي المطار 
ندي بزعل تروح وترجع بالسلامه هروح احضر الغداء علي ما تخلص وتاخد دوش 
نوح ماشي يا حبيبي 
نوح خلص ودخل المطبخ لقي ندي بتعمل الاكل وبتعيط حضنها بتعيطي ليه 
ندي لفت ليه وحضنته هتوحشني اوي 
نوح والله غصب عني بس هحاول ارجع بدري 
بعد الغدا 
نوح تسلم ايدك يا روحي 
ندي الله يسلمك من كل شر الف هنا يا حبيبي 
ودخل الأطباق 
نوح روحي انتي انا هغسلهم 
ندي مستحيل اطلع بره يا نوح 
نوح والله انا اللي هغسلهم روحي يلا 
ندي اغسلهم بس انا هفضل واقفه وخضنت نوح من ظهره 
نوح هتفضل واقفه كده 
ندي بحاول اشبع منك بس مش عارفه 
نوح ولا انا والله 
قدام التلفزيون 
نوح غمضي عيونك 
ندي ليه 
نوح بس غمضي يلا 
ندي اهو 
نوح ايه رايك 
ندي فتحت عيونها الله السلسه دي عشاني 
نوح أكيد حلو 
ندي حلوه اوي يا حبيبي وباسه نوح من خدو لبسهاني 
نوح انا مكنتش اتخيل انها هتكون حلو علي رقبتك كده 
ندي دي عيونك اللي حلو 
نوح يلا بقي ننام عشان اعرف اصحي بدري 
تاني يوم 
ندي خلي بالك من نفسك 
نوح وانتي كمان اطلع معاكي 
ندي ماشي سلم علي ماما وبابا عشان مش هيصدق انك مسافر ويفتكر اني زعلتك عشان كده جيت 
نوح في حد يزعل من قمر زيك يا حبيبتي يلا يا روحي واخد الشنطه منها وطلع 
سهره بفرحة ندي وحشاني يا نور عيني وحشاني اوي يا حبيبتي
ندي وانتي كمان يا ست الكل  
نوح نحن هنا 
سهره نوح اهلا يا حبيبي معلش والله بس ندي وحشاني اوي 
نوح بص لندي عندك حق تنسي الدونيا وانتي معاها 
سهره أبتسم اتفضل يا بني اتفضل 
سمر مرات شعبان التانيه مين ندي انتي لحقتي يا ختي 
نوح تقصدي ايه 
سمر لا ولا حاجة ودخلت وشعبان جيه 
شعبان ايه ده اوعي تكوني زعلتي جوزك ما انا عارفك 
نوح تزعلني ليه ده انا ربنا أكرمني بجوهره بس انا مسافر اسبوع عندي شغل ومش عايزه اسيب ندي لوحدها قولت تيجي تقعد مع طنط 
شعبان ماشي 
نوح ندي تعالي يا حبيبتي عايزه 
ندي نعم 
نوح خدي دول معلش والله نسيت ادهملك تحت 
ندي بس انا معايا 
نوح معلش خليهم معاكي لو عايزه حاجه 
ندي ماشي يا حبيبي تروح وترجع بالسلامه نوح باس رأسها ومشي 
سهره تعالي يا حبيبتي اجبلك فطار 
ندي لا تسلمي يا حبيبتي انا فطرت مع نوح 
سهره طيب تعالي يا حبيبتي نقعد جوا 
في الاوضه 
سهره عامله اية مع جوزك مبسوطة 
ندي نوح احن واطيب وارجل راجل انا عرفته حنين عليا اوي يا امي 
سهره ربنا يسعدك يا نور عيوني يلا غيري هدومك واقعدي براحتك 
سهره. يا حبيبتي بردو مش عايزه تتغدي الغدا اتحط من ساعتين وقولتي مش جعانه هتفضلي كده 
ندي معلش يا ماما مليش نفس ودقيقة ورن فون ندي 
ندي اخدت الفون بسرعه الو يا حبيبي طمنئ عليك انت كويس وصلت وحشتني اوي اوي اوي 
نوح بضحك لو اعرف اني هوحشك كل ده عشان سبتك ٥ ساعات ؤبس  انا كنت سفرت من زمان 
ندي انت بتوحشني لو غبت عني دقيقه من خمس ساعات 
نوح  وحشاني اوي يا حبيبتي انا لسه نازل من الطائره المهم انتي كويسه  
ندي لا مش كويسه من غيرك هتيجي امته 
نوح يا حبيبتي انا لسه واصل بس بإذن الله هرجع في اقرب وقت 
ندي طيب خلي بالك من نفسك كويس وكلمني علي طول ماشي 
نوح حاضر يا نن عيوني كل شويه ارن عليكي خلي بالك من نفسك لازم اقفل دلوقتي ماشي 
ندي ماشي لا إله الا الله 
نوح محمد رسول الله وقفل 
دخلت نور اخت ندي بس من باباها بس 
نور هتفضلي قاعده كده يا ختي 
ندي بضحكة سخريه والله عمرك ما هتتغيري 
سهره ملكيش دعوة بندي واطلعي بره 
طلعت نور وهي بتتوعد لندي 
سهره متخديش عليها هروح اجبلك الغدا 
ندي ماشي يا ستي الكل 
عدي ثلاث ايام بدون أحدث غير أن ندي قاعده في الاوضه ملهاش علاقه بحد و نوح بيطمن عليها 
سهره مالك في ايه يا بنتي رايحه جايا في ايه 
ندي برن عليه مش بيرد يا ماما والفون مقفول خايفه يكون حصل حاجه 
سهره بإذن الله مفيش حاجه ادخلي يلا اتوضي وان شاء الله خير 
ندي بإذن الله ورحت خلعت السلسلة اللي جبهلها نوح وسبتها علي الكومدينو راحت الحمام و سهره خرجت بره الاوضه 
بعد ساعه 
ندي يا ماما ي ماما
سهره في ايه ياحبيبتي 
ندي شوفتي السلسه بتاعتي انا كنت سيباها هنا 
سهره ايوه انا شوفتك سبتيها هنا 
ندي انا عارفه مين اللي اخدها وخرجت 
ندي نور يا نور 
نور في ايه بتنادي كده ليه 
ندي راحت عليها ومسكت ايدها بغنف في السلسلة بتاعتي فين
نور سلسله ايه اوعي كده سيبي ايدي 
ندي مش هسيبك غير لما تجيبي السلسلة مش كفايه اخذتي فلوس مش شنطتي وشوفتك بعيني وسكت لاكن تاخدي حاجه جايبها ليا جوزي دي بقي مش هسكتلك عليها وزعقت فين السلسلة يا حراميه 
شعبان في ايه بتزعقي كده ليه 
سمر مالك ماسكه بنتي كده ليه سبيها 
نور بعياط تمثيل الحقني يا بابا بتقول عني حراميه كل ده ليه عشان شوفتها وقفه مع نبيل اللي كانت ماشيه معاه قبل ما تتجوز قولتلها اني هقولك عملت حوار اني سرقت السلسله بتاعتها عشان مقولش اللي هي عملته 
ندي بصدمه يخربيتك ده انا صدقتك انا اللي كنت ماشيه مع نبيل لا بجد مش انا اللي قفشتك في حضنه علي السلم وانتي جيتي قولتي اني انا اللي كنت وقفه معاه وبسببك قعدت من الجامعه وسكت جايا تسرقيني وكمان بتكدبي تاني انتي ايه القرف اللي فيكي ده 
شعبان اه يا وس..خه يعني قولنا نجوزك عشان تنضفي بس زاي ما انتي وكمان بتقولي علي اختك حراميه عشان تداري علي فضحتك
ندي بانهيار والله العظيم ما في اوسخ من بنتك اللي مش محترمه اللي بترمي في حضن ابن الجيران اتأكد انك مربيها كويس وبعدين تعالي اتكلم معايا بس اقول ايه 
شعبان بزعيق انا بنتي انضف منك يا زباله ومسك شعرها وندي بقت تصوت 
الباب كان بيخبط سهره راحت تفتح يمكن حد يساعد بنتها من ادين جوزها المفتري
سهره نوح الحق ندي يا بني 
نوح بصدمه ندي ودخل بسرعه 
٠٠٠٠٠٠٠٠٠يتبع ٠٠٠٠٠٠٠٠٠٠
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
نوح دخل علي جوه بسرعه ومسك ايد شعبان وندي استخبت ورا نوح 
نوح بزعيق انتي ازاي تمسكها كده 
نور ما انت لو تعرف هي عملت ايه انت اللي هتموتها الهانم مراتك كانت ماشيه مع ابن الجيران 
ندي اقسم بالله ما حصل صدقني يا نوح دي كدابه دي سرقت السلسله بتاعتي ولما جيت اقولها انها سرقت السلسله قالت كده والله دي كدابه وبقت تعيط 
نوح اهدي يا حبيبتي انا عارف ادخلي البسي وهاتي هدومك وتعالي ندي دخلت تلبس ومامتها راحت وراها و نوح مسك الفون بتاعه وبيعمل حاجه عشر دقايق وجات ندي نوح تعالي يا حبيبتي هي اخدت السلسله صح 
ندي وهي بتعيط هزت رأسها باه 
نور يخربيت الكدب ده انتي زباله 
نوح طيب السلسه فيها جهاز تعقب الموقع بيقول انه قريبه مني بس الغريبه لما ندي مشيت الموقع متغيرش 
نور بخوف يعني ايه 
نوح بزعيق ونظره ترعب يعني تطلعي السلسله يا روح امك 
نور انا انا مش معايا حاجه 
نوح اخد ندي تعالي يا حبيبتي طلعي السلسله من جيبها 
نور ابعدي عني 
نوح اسبتي احسن ليكي 
وندي طلعت فعلا السلسله من جيبها 
نوح ها عرفت مين الزبالة يا شعبان 
ندي لشعبان انتي اللي بيربطني بيك هي امي غير كده انا مش عايزه اعرفك تاني 
شعبان يا بنتي انا 
ندي متقولش يا بنتي مفيش اب يشك في بنته انا مش بنتك انا بنت الست دي بس انا مش عايزه اعرفك تاني راحت عند نور وضربتها قلم قوي انتي اقذر واحده انا شوفتها في حياتي عملتلك ايه عشان تتهميني في شرفي دا انا اختك ليه كده 
نور بغل عشان انتي واخده كل حاجة مني 
ندي واخده منك ايه انا مش واخده حاجة خالص 
نور لا واخده التعليم دايما متفوقة حتي الولد اللي كنت بحبه وعملت كل حاجة عشان يكون معايا حبك انتي عشان احلا مني عارفه قالي ايه قالي انا بحب اختك محترمه عنك 
ندي انتي مريضه والله مريضه  ايه السواد اللي فيكي ده 
نوح يلا يا ندي وانت يا شعبان اوعي تفتكر ان موضوع رفع ايدك علي مراتي هيعدي كده انت مرفوض من الشركه عندي مش عايز اشوف وشك هناك ونصيحه مني ربي بنتك يلا يا حبيبتي  
شعبان بما اني بقيت قاعد وما فيش شغل ومش هلاقي اكل امك خديها معاكي وبص لسهره انتي طالق بالثلاثة 
سهره اتصدمت 
نوح طنط ممكن تجهزي شنطتك وتعالي معايا سهره مش عارفه ترد قال بعد اذنك يلا واعتبريني ابنك 
سهره راحت جهزت نفسها وهدمها وخرجت نوح اخد منه ومن ندي الشنط ونزلوا ركبوا العربيه وهما علي السلم سمعوا صوت صويت نور وزعيق شعبان 
وصلوا علي البيت 
اول ما دخلوا ندي ومامتها خضنوا بعض وقعدو عياط 
نوح مش عارف يعمل ايه ما تصوا علي النبي يا جماعه مش كده ايه العياط ده كله 
ندي و سهره بعدو عن بعض عليه افضل الصلاة والسلام 
نوح ليه العياط ده مش كل حاجة خلصت في ايه بقي 
سهره بعد ٢٧ سنه يعمل كده يرميني في الشارع 
نوح شارع ايه بس يا امي ده بيتك انا امشي وانت تقعدي في متقوليش كده تاني اعتبريني ابنك يا ست الكل واي حاجة عايزاها تومري وتكون عندك 
سهره ربنا يباركلك يا بني بس انا مش عايزه اتقل عليك انا هشوف مكان 
نوح مكان ايه يا ست الكل وتقلي ايه البيت بيتك ومش هتروحي في مكان انا هروح احضر الغدا وانتي خدي راحتك 
ندي انا رايحه احضر الغداء انا 
نوح لا يا حبيبتي خليكي زي ما انتي وبعدين انا عايز ادوق ست الكل من ايدي ارتاحوا أنتم وراح علي المطبخ 
سهره ربنا يهنيكي يا بنتي جوزك راجل بجد وحنين 
ندي يا رب يا ماما يلا يا حبيبتي ادخلي غيري هدومك وارتاحي عقبال الغدا ما يجهز وانا هغير واروح اساعد نوح 
سهره ماشي يا بنتي ودخلت اوضه الضيوف وندي راحت غيرت هدمها ودخلت المطبخ لقت نوح بيطبخ ندي حضنه نوح من ظهره 
ندي حمدلله على السلامة يا حبيبي 
نوح الله يسلمك يا حبيبتي 
ندي بعدت عن نوح روح خد شاور و ارتاح عقبال ما انا اكمل الغداء ومن غير كلام يلا بره المطبخ وطلع نوح وندي بقت تعمل الاكل وبعد حوالي ساعه ونص 
ندي نوح يلا الغداء جاهز يا ماما يلا يا حبيبتي الغداء جاهز 
نوح علي فكره يا امي انا عملت جزء من الاكل 
ندي حصل يا ست الكل خرط بطل زي الفل 
نوح ضحك الله مش مجهود ده عيني دمعت 
ندي يسلمو ايدك و عيونك كمان يا عم ولا تزعل وضحتكت 
سهره ربنا يخليكم لبعض يا حابيبي انا كده اطمأنت علي ندي معاها راجل يحافظ عليها 
نوح وندي ربنا يخليكي لينا يا ست الكل و خلصو غداء 
ندي اعملكم شاي 
سهره ماشي يا بنتي 
نوح انا مش عايز يا حبيبتي انا هموت وانام تصبحوا علي خير 
ندي و سهره وانت من اهل الخير 
ندي راحت عملت الشاي اتفضلي يا ست الكل 
سهره لا الشاي ده هروح اشربه في الاوضه روحي انتي لجوزك وقامت وندي دخلت الاوضه كان نوح لسه صاحي بس مغمض عيونه ندي قربت منه نوح انت نمت 
نوح لا يا حبيبتي صاحي سبتي ماما ليه متخفيش مش محتاج حاجه 
ندي بجد يعني مش عايزني طيب علي العموم يا سيدي ماما هي اللي دخلت الاوضه وقالت روحي لجوزك بس شكل كده جوزي مش عايزني نوح مسك اديها واخدها في حضنه 
نوح وحشاني اوي يا حبيبتي 
ندي وانت اكتر وبسته من خدو شكرا يا نوح 
نوح علي ايه 
ندي علي انك صدقتني ودفعت عني وكمان جبت لي حقي من شعبان و نور 
نوح يا حبيبتي انتي مراتي وده اقل حاجه اعملها معاكي 
ندي ربنا يباركلي فيك يا حبيبي تعرف اول مره احس  بأمان كان معاك حتي أمي كنت بحس معاها بحنان بس تعرف ديما لما مرات ابويا تروح تقول لابويا اني ضربت نور وكسرت لعبه وتكون اتكسر من نور مش مني يجي يقوم مكسرلي اللعبه الوحيد اللي كانت معايا اللي امي قعدت تحوش فيها عشان تجبهالي ويضربني في ثانوي كان مستحيل انزل درس او اخد فلوس اجيب ملزمه عشان نور لازم تركز ورغم كده طلعت التانيه علي الجمهوريه ودخلت هندسه واخد منحه من الوزارة 
كنت كل لما اقول عايزه اجيب حاجه عشان الجامعه مكنش يرضه حتي فلوس المواصلات أوقات كتير ميرضاش يديني جيت في سنه رابعه هندسه وانا نازله علي السلم لقيت نور في حضن ابن الجيران معملتش حاجه سكت ومشيت لاكن ازاي اشوفها رجعت من الجامعه لقيت بابا موجود اول لما دخلت مسكني من شعري وضربني وماما حتي مش عارفه تدافع عني لقيته بيقول يا زباله يا فجره وافظع الالفاظ بيقولي اني ماشيه مع ابن الجيران وحضنها علي السلم يا زباله كنت في الترم التاني الامتحانات كان فاضل عليه شهر بوست رجله عشان اروح الامتحانات بضحكه سخره  بصراحه كتر خير خلاني اروح الامتحانات ومش هروح آخر سنه وضاعت عليا آخر سنه من الجامعه بعد كام شهر جيه قالي في واحد متقدملك وقالي عشان اخلص من وسختك مسالتش علي اي حاجة الكلمه وجعت قلبي اوي لما شوفتك لما جيت مع اهلك حسيت براحه دعيت ربنا كتير انه يعوضني فيك وفعلا 
بقيت ليا الظهر والسند تعرف ماما بردو شافت منه كتير ماما قعدت اربع سنين مش بتخلف راح اتجوز عليها سمر في السنه اللي حملت فيها سهر ماما حملت فيا شافت قاسيه واتحملت عشاني وعشان ملهاش حد كانت سمر تروح تقول حاجات محصلتش يجي يضرب ماما وفضلت تعيط 
نوح اهدي يا حبيبتي اهدي كل حاجة خلصت انا معاكي مفيش حد يقدر يقرب منك 
عدي ٦ سنين عمر نوح مخلاني زعلانه كان بيعملني احسن معامله حتي أمي زي امه بظبط ربنا رزقني منه ب يعقوب و عيسي توام وكمان ساره وسما توام بردو احن راجل عليا وعلي عياله وعلي امي أحب أقولكم مهما حصل عوض ربنا جميل اوي وهو عوضي الجميل وكمان في اول سنه في جوزنا قدم ليا اني ارجع الجامعه تاني واتخرجت 
نوح اهلا اهلا يا بشمهندسه نورتي المكتب 
ندي بنورك يا نور عين المهندسة 
نوح جايا بصفتك زوجتي ولا بصفتك المهندسه ندي شعبان 
ندي لا طبعا معاك انت لازم اجي بصفتي الاتنين 
نوح اه جايا عشان المنقصه صح 
ندي بظبط كده 
نوح قولي 
ندي اتفضل الملف اهو في كل التفاصيل 
نوح عظيم بس ليه مقدما المشروع باسم الشركه بتاعتي
ندي عيب عليك ده انت قبل ما تبقي المنافس بتاعي في السوق كنت جوزي وانا عارفه ان جوزي مفيش حاجه زي دي تعادي من تحت ايدو انا عارفه انك كنت هتقدم العرض بتاعك بسعر اعلي من اللي كنت محدده عشان انا اكسب الصفقه بس عيب عليكي مراتك شاطره بردو وهتنجح من غير ما انت تخسر ولا انت مش واثق فيا
نوح لا طبعا انا واثق فيكي اكتر من نفسي عارف انك شاطره جدا وذاكيه بس الصفقه دي هديه مني لكي انا مش عايزها بس انا عايز اعرف انتي ازاي جايبه السعر اللي كنت محدده بظبط 
ندي يا حبيبي انا مش اي حد وكمان انا كنت حاطه سعر اقل منك كمان وجوده اعلي
نوح ازاي ده 
ندي بس قدم انت المشروع بتاعك ونشوف مين اللي هياخد الصفقه دي واه انا لو كسبت في هديه عشاني 
نوح ابتسم بحب ده كده كده يا نور عيوني هترجعي الشركه ولا هتروحي البيت 
ندي لا هروح البيت انت خلصت 
نوح يعتبر اه 
ندي طيب يلا علي البيت عايزه اطمن علي الأولاد وماما الفون رن ابتسمت ده يعقوب 
ايوه يا اوب عامل ايه يا حبيبي 
يعقوب بعياط مش كويس يا ماما 
ندي في ايه يا حبيبي مالك 
يعقوب تيتا في حد رن عليها وبعدين وقعت ومش بتقوم ومش عارف اعمل ايه 
ندي ..............
......يتبع.........
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
ندي بصدمه ماما الفون وقع من ندي 
نوح في ايه واخد الفون من علي الارض في ايه يا يعقوب
يعقوب تيتا يا بابا مش بتقوم 
نوح متخافش يا حبيبي انا اطلب الإسعاف بسرعه وقف وطلب الإسعاف كل ده وندي في حالة صدمه 
ندي حبيبتي ماما كويسه متخافيش يلا بسرعه نروح البيت 
ندي في حالة لا وعي وبتردد كلمه ماما بس 
نوح بينادي عليها وهي مش بترد راح شايل ندي واخدها العربيه وصل البيت كانت الإسعاف جات واخدو سهره ندي اول لما شافت امها رجعت تاني لوعيها وجريت علي امها 
ندي ماما يا ماما ردي عليا يا نوح ماما مش بترد ليه 
نوح اهدي يا حبيبتي ماما كويسه كويسه والله اهدي 
الممرض لو سمحت لازم ننقل المريضه بسرعه 
ندي انا جايا معاها ركبت عربيه الإسعاف 
نوح جيه يركب معاها 
الممرض واحد بس يا استاذ 
نوح ندي انا جاي وراكي اوعي تخافي ماشي ورح ركب العربيه 
الاولاد بعياط يا بابا 
نوح حابيبي كل حاجة كويسه مفيش حاجه اهدوا هاجر (المربيه)خدي الأولاد علي جوا خلي بالك منهم وجري ركب العربيه وراح ورا عربيه الإسعاف 
بعد مده وصلت عربيه الإسعاف و وراها نوح دخلوا بسرعه علي الطواري وندي ماسكه في ايد امها و نوح جانبها 
الممرض ممنوع حد يدخل 
نوح اخد ندي في حضنه وقعدت تعيط
ندي بعياط ماما يا نوح
نوح اهدي يا حبيبتي والله هتكون كويسه اهدي 
ندي يا رب بعد ربع ساعه من الانتظار 
الدكتور جريت عليه ندي بخوف ماما يا دكتور هي كويسه صح
الدكتور هي عندها غيبوبة سكر بس الحمد لله لحقناها هي هتفوق بعد ساعه بس لازم تبعد عن اي مشاكل او ضغط بعد اذنكم ومشي ودخلت ندي عند امها و نوح وراها ندي فضلت قاعده ماسكه ايد امها بعد ساعه سهره حركت اديها وهي ماسكه ايد ندي 
ندي ماما انتي كويسه حاسه بحاجه 
سهره عايزه مايا عايزه مايا 
نوح امسكي يا ندي اخدت شربت امها 
ندي الف سلامه عليكي يا حبيبتي ايه اللي حصل 
نوح الف سلامه عليكي يامي 
سهره الله يسلمكم يا حبايبي انا كويسه والله
الدكتور خبط ودخل الف سلامه عليكي يا حجه 
سهره الله يسلمك يا دكتور اقدر اروح امته 
الدكتور اول ما المحلول ده يخلص تقدري تروحي علي طول 
نوح طيب في اي مضاعفات يا دكتور 
الدكتور لا الحمد لله عدت علي خير بس لازم تاخد العلاج بتاعها بانتظام 
نوح شكرا يا دكتور 
الدكتور بعد اذنكم 
بعد ساعتين وصلوا البيت الأولاد كانوا قاعدين واول ما سهره و نوح وندي دخلوا البيت جريوا علي سهره 
الأولاد تيتا انتي كويسه 
سهره انا كويسه يا حابيبي 
سما انا بكيه (بكره) الياجل (الراجل) اللي اللي زعل تيتا 
ندي مين يا حبيبتي اللي زعل تيتا 
سما معيفش (معرفش) يا ماما 
يعقوب يا ماما في حد رن علي تيتا وهي قاعده تزعق وبعد شويه وقعت علي الارض 
نوح طيب يلا كل واحد علي اوضه تيتا بقت كويسه 
عيسي يا بابا انا عايزه اقعد مع تيتا 
ساره وانا كمان 
سما وانا زي سايه (ساره) 
نوح بكره ان شاء الله هنقد زي ما أنتم عايزين بس تيتا لازم ترتاح يلا كل واحد علي اوضه 
الأولاد راحوا سلموا علي سهره وراحوا علي الاوضه
ندي مين يا ماما اللي كلمك 
سهره بتعب شعبان
ندي عايز ايه 
سهره بيقولي ان نور هربت من البيت هي وامها واخدو كل حاجة منه وعايز يشوفك وانه قاعد في الشارع ومش لاقي حته يروح فيها وكمان عايز يرجعني علي ذمته 
ندي دلوقتي عايز يشوفني ليه عشان بقي في الشارع طيب نسي اللي عملوا فيا افتكر دلوقتي ان عنده بنت طيب لما طلق مفتكرش لو نوح مكنش رضي تقعدي معانا انا وانتي كنا هنبقي في الشارع مفتكرش كل ده ليه 
نوح اهدي يا ندي ارتاحي انتي يا امي وانا هتصرف واخد ندي وخرج 
نوح انا عارف انك مدايقه بس ممكن تهدي عشان طنط تعبانه 
ندي ليه راجع دلوقتي ليه يا نوح ليه يفتح الوجع تاني 
نوح حبيبتي انا عارف انك مدايقه وعارف اللي هقوله هيديقك بس ده الصح انتي مش بتثقي فيا 
ندي اه
نوح يبقي اسمعي الكلام ،ده ابوكي مهما كان وانا عارف انتي اتوجعتي قد ايه بس صدقيني انتي محتاجه تقعدي معاه عشان قلبك الأبيض ده في نقطة لازم تتشال وهو خلافك مع شعبان انا عارف ان عمر الوجع اللي في قلبك ما اتقفل حتي لو انتي مش بتظهري ده خليكي واثقه فيا انا عمري ما هوجعك 
ندي بس يا نوح 
نوح من غير بس متخافيش انا معاكي 
ندي ماشي بس بس هتيحي معايا صح 
نوح ابتسم صح يا حبيبي تعالي وراح عند سهره 
نوح ندي هتقابل شعبان 
سهره ابتسمت هي دي بنتي ام قلب ابيض زي الفل 
نوح هاتي يا امي الرقم اللي كلمك منه واخد الرقم منها واتواصل مع شعبان وحدد تاني يوم انه يتقابل معاه 
تاني يوم 
نوح يلا يا حبيبتي
ندي نوح مش عايزه 
نوح تاني يا ندي احنا مش اتفقنا يا حبيبتي انا معاكي 
ندي طيب 
وصلوا عند المكان اللي كان عباره عن كافيه كان شعبان واقف مستني ندي 
نوح جيه ومعا ندي اللي اتصدمت من شكل شعبان اللي بقي رفيع جدا وهدومه متسخه 
نوح اذايك يا عمي 
شعبان الحمد لله يا بني 
نوح واقف كده ليه كنت دخلت جوا 
شعبان بحرج اصل محدش رضي يدخلني عامله ايه يا بنتي وكان جاي يحضنها 
ندي .........
......يتبع......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
شعبان حضن ندي اللي كانت واقفه مش عارفه تعمل ايه بس بدلت شعبان وفضلت تعيط وشعبان كمان فضل يعيط 
شعبان بعياط سامحيني يا بنتي سامحيني انا ظلمتك و ظلمت اطيب ست في الدنيا انا عارف ان مفيش اي سبب علي اللي عملته انا اسف يا حبيبتي ربنا اخدلك حقك مني انا اسف اني مكنتش الاب اللي نفسك في انا مش جاي اجبرك علي حاجه ولا عايز حاجة غير انك تسامحيني ابوس ايدك يا بنتي سامحيني وكان ماسك ايدها عشان يبوسها 
ندي سحبت ادها بسرعه وهي بتعيط اسامحك انت عارف انا تعبت قد ايه انت اذيتني اوي يا حاج شعبان تعرف الحاجه الحلوه الوحيده اللي عملتها انك جوزتني نوح عمره ما كان قاسي عليا كان احن عليا منك صدقني وقف معايا ومع امي اللي ما فكرتش وانت بتطلقها فيها طيب ايه الفرق بيني وبين نور عشان تحبها وانا لا ليه يا استاذ شعبان 
شعبان بدموع يا بنتي انا مش عارف اقولك ايه انا فعلا ما استاهلش بنت زيك وست طيبه زي امك انا اسف يا بنتي وقام يمشي 
ندي هتسبني تاني ليه ما وحشتكش
شعبان جري علي ندي حضنها وحشتني اوي يا بنتي اوي يا حبيبتي 
ندي اوعدني انك تعوضني وتحبني زي نور 
شعبان اخدها في حضنه واكتر يا حبيبتي 
كل ده و نوح واقف في صمت فرحان ان اخيرا ندي اتصالحت مع ابوها مهما كان الخلاف ده اللي لازم يحصل 
نوح ايه يا عمي مش عايز تشوف احفادك 
شعبان بفرح احفادي اسمهم ايه 
نوح يعقوب و عيسي وساره و سما 
شعبان ما شاء الله انا عايز اشوفهم وامشي علي طول 
ندي مش هتمشي تاني انا صدقت لما جيت مش هتروح في مكان 
شعبان أبتسم انا ازاي كنت اعمي كده ازاي ماشوفتش قلبك الأبيض ده انتي احسن بنت في الدنيا 
راح نوح وندي وشعبان الفيلا اول ما دخلوا عيسي راح عليهم هو و سما 
عيسي مين ده يا بابا 
نوح ده جدو يا حبيبي 
سما جدو يعني زاي جدو منصوي(منصور)
نوح ايوه زي جدو منصور ابويا 
ندي ده ابويا انا يا حبايبي 
عيسي اذايك يا جدو شعبان خضن عيسي وسما 
شعبان الحمد لله يا حبايب جدو 
ندي فين ساره ويعقوب 
سما سايه (ساره) فوق يا ماما في المطبخ 
عيسي ويعقوب في المطبخ كمان
يعقوب جاي ومعا ايس كريم مانجا 
ندي تعالي هنا يا يعقوب سلم علي جدو ابويا 
يعقوب اذايك يا جدو 
شعبان ما شاء الله ده شبه اخوه اوي وحضن يعقوب 
نوح عشان توام يا عمي 
ساره جايا زعلانه يا بابا يعقوب اكل ايس كريم المانجا كله 
نوح معلش يا روح بابا هجيب تاني بس تعالي سلمي علي جدو ابو ماما 
شعبان ماشاء الله توام بردو عامله زي امك بتحبي ايس كريم المانجا 
ندي انت عارف 
شعبان اه 
وجات سهره 
شعبان اذايك يا ام ندي 
سهره الحمد لله يا ابو ندي
شعبان ممكن تسامحيني علي اي مره زعلتك فيها 
سهره من غير ما تقول انا مسمحاك من غير ما تقول ومن زمان 
شعبان طول عمرك قلبك ابيض يا ست الستات 
فضل يلعب مع الأولاد 
ندي خلاص يا اولاد جدو تعب اتفضل يا بابا ادخل الاوضه خد دوش وارتاح شويه 
شعبان فعلا كان تعبان وراح مع ندي الاوضه اخد دوش ونام مرتاح 
بعد اربع ساعات 
ندي بابا يلا العشاء جاهز يا حاج شعبان يلا اصحي بابا 
مفيش رد قربت منه تشوف النفس بس مكنش في نفس 
ندي بعياط نوح الحقني
نوح جه بسرعه في ايه يا ندي 
ندي بعياط بابا مش بيصحي 
نوح قرب منه لقي النفس مقطوع  انا لله واليه راجعون 
ندي بصدمه مات سابني تاني انا مصدقت رجع ده وعدني هيعوضني ويحبني مشي ازاي و صرخت لااااااا أكيد لااااااا قوم يا بابا انا مصدقت رجعت نوح قرب منها واخدها  في حضنه 
نوح اهدي هو راح مكان احسن اهدي يا حبيبتي 
سهره جات بسرعه علي الصوت فيه ايه شعبان ماله 
ندي سابني تاني سابني تاني 
تمت اجرات الدفن زعلت اوي انه سابني ومشي بس كنت هزعل اكتر لو كان مشي وانا وهو كان لسه في خلاف بينا نوح كان معايا في كل وقت وبسببه قدرت اتخطي كل حاجه 
بعد ٢٣ سنه 
ليلي تيتا تيتا
ندي عيون تيتا 
ليلي يلا هنتاخر علي فرح عمتو 
ندي حاضر يا عيون تيتا فين بابا 
يعقوب انا اهو يا ست الكل ايه القمر ده كان عندك ٢٠ سنه 
نوح جه جرا ايه يا واد انت انا بس اللي اتغزل بحبيبتي 
عيسي ايوه يا حاج يا عسل طبعا ما انت معاك حلويات 
نوح احلا من الحلويات 
ندي ابتسمت بحب علي نوح 
عيسي العب يا حاج ضحكت يعني قلبها مال
ندي اتلم يا واد فين مراتك و مراد حفيدي 
مراد انا جيت يا تيتا 
ندي حبيب تيتا وحشتني 
مراد وانتي كمان يا تيتا 
نوح وجدو ملوش حضن وحضن مراد 
وبعد ساعتين كانت ندي واقفه في القاعه مع نوح بتبص علي يعقوب وهو بيرقص مع مراته وعلي عيسي مع مراته وساره اللي اتجوزت من سنه وعلي العروسه الشقيه  بتاعت البيت اللي ماشيه مع جوزها بصت علي عليتها الحلوه وبعدين بصت علي نوح بحب اللي اخدها وراح يرقص معاها واول ما بداء يرقص الكل قعد يسقف ليهم 
نوح هتبقي بتاعتي انا وبس وضحك
ندي انا بحبك اوي يا عوضي الجميل 
نوح اخدها في حضنه وشالها ولف بيها قدام تصفيق من الجميع ونظره الفخر من اولادهم 
......تمت .....

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تعليقات