وقفت ايرين متسمرة مكانها اول ما شافته بس حاولت تتمالك نفسها و عدت من جنبة 

- دخل الياس اوضتها في المستشفى 

خرجت ايرين مع خالتها و سمعت صوت الياس اللي كان بينادي عليها في كل المستشفى 

ركبت العربيه وهي بتعيط و شافته خارج من المستشفى بيدور عليها بس معرفهاش بالنقاب 

جانيت : ايرين سلمي على خالك جيمي 

متكلمتش ايرين خالص و بس فضلت تعيط لحد ما حست بنزيف تاني و فضلت تصوت 

.......

فات ٣ ايام و الياس قالب عليها الدنيا كلها زي المجنون دخل بيت بيت يدور عليها و اخر تفكيره راح ناحيه فهد اللي كان قاعد بيشرب قهوته و لقى الباب انكسر عليه ، دخل الياس و مسكه من رقبته

- هي فين انطق ؟؟؟ 

ضر"به فهد بع"نف : انت اتجننت هي مين دي 

ردله الياس الضر"به : ايرين فين يا حيوان اتكلم 

جاله تليفون اتخض و بعد عن فهد : الو ايه يا ابويا في حاجه 

- الخزنة انسر"قت يا ولدي مين اللي عمل كده 

انا جاي دلوقتي حالا 

كان هيخرج بس اتكلم فهد : كل البلد عارفة انها هربت من معاملتك الحقي"رة لأختك ، تخيل بقى لو عرفوا انك اعتديت عليها على العموم اول ما هلاقيها هيكون يوم جوازي عليها و هشيل عنك مسؤوليتها 

رجعله الياس و نظرته فيها كره و شر : انا لو شوفتك في طريقي همحيك و لو قربت منها هقت"لك

خرج إلياس و ضحك فهد باستهزاء بس على وشه حزن كبير : أن كانت كل الغيرة دي و الحب ده و انت عارف انها اختك امال لما تعرف انكم مش اخوات هتعمل ايه ، بس انا مستحيل اسمحلك تاخدها مني انا اللي كبرتها وهي من حقي انا 

- رجع الياس البيت بسرعة و اتصدم من منظر الخزنة الفاضي اللي كان فيها فوق ال ٥ مليون 

كان الشيخ قاعد و بيتكلم بعصبية  : كنت فين و البيت بينسرق رد قولي يا كبير عيلتك 

- الفلوس هترجع و لو مرجعتش هديهملك من حسابي بس متتكلمش معايا كده ولا اي حد فاهمين كلكم ، انا اللي عملتكم انا اللي عيشتكم عيشه ملوك و انتو عاطلين كل الخير ده بتاعي انا 

سكتوا كلهم و محدش نطق 

بنتك و اختكم كلكم اختفت و انتو همكم الفلوس 

رقيه بعصبية : هي اللي سرقتها عشان كده اختفت 

قرب الياس منها و ضر"بها بالقلم : وليه متكونيش انتي اللي سرقتيها 

عيطت رقيه و خرجت من غير كلام 

......

- لييييييييه عملتي كده ازاي تسرقي فلوسهم حررررام عليكي 

حرام عليا ؟ خطفو"كي و اعتدوا عليكي و ضربو"كي لحد ما كنتي هتمو"تي مني في العربيه من يومين لولا ضر"به ليكي مكناش في سينا هلا و ده عقا"به اننا ناخد تمن عذابهم ليكي خليت خالك سرق الخزنة بتاعتهم و مكنتش متوقعة كل الفلوس دي طلعوا اغنياء جدا 

انهارت ايرين اللي كانت نايمه على السرير : هيقولوا عني حراميية منك لله انا مش عايزة من الفلوس دي رجعيها ارجوكي 

مسكت خالتها ايديها : الفلوس دي من حقك انتي و ابنك من حق كل قلم نزل على خدك و كل عقاب اخدتيه ...حق اخد عذر"يتك و برائتك متخليش الحب يعميكي انتي هنا الضحيه 

- لو سمحت سيبيني لوحدي 

خرجت جانيت و قفلت عليها الباب ووقفت تتكلم مع جيمي اللي كان عمره ٥٢ سنه و طويل و نحيف و شعره أغلبيته ابيض 

- صعب ندخل بيها الوطن وهي حامل كده لازم اوراق و حاجات كتير 

اتصرف يا جيمي اتصرف لازم نرجع بالكتير اوي بعد يومين انت عارف ابن سليمان لو لقانا هيعمل فينا ايه 

- يبقى نروح ألمانيا الاول بباسبور مزور و هويه مزورة و كل ده بالفلوس لحد ما تولد هناك و نرجع وطننا 

خلاص موافقة بس سرع في كل حاجه 

....

فضلت ايرين تعيط وهي بتلمس بطنها : اكيد عرف اني انا اللي سرقت الفلوس ..هيكر"هني انا دلوقتي مليش غيرك انت كل املي خليك معايا متسبنيش 

.....

قام الياس على أوضته و رزع الباب وهو بيفكر في طريقة يلاقيها بيها لحد ما دخلت رقيه ووشها احمر و عيونها مليانة شر من الياس و ايرين 

انت كذ"بتني و ضر"بتني قدام اهلي و جوزي و انا جيت اثبتلك ان كل كلمه بقولها صح 

- اطلعي برا و متجيبيش سيرة اختك تاني فاهمة 

اختي اه طب افتح التحاليل دي كده دي مش اختنا ولا حتى قريبتنا و سرقت فلوسنا و كمان ز"انيه للاسف انت وقعت في حب واحده حراميه ............

Part 18

فتح الياس التحاليل و حط أيده على رأسه من صدمته و بص لرقيه و عيونة حمرا 

انتي جبتي دي منين ؟؟

- ده كل اللي همك بقولك دي مش اختنا 

قام الياس و ضر"بها بالقلم : التحليل ده جبتيه منين ردي قبل ما امو"تك 

عيطت رقيه و خافت و رجعت لورا : لقيته هنا 

- من امتى ررررردي 

من ...من وقت ما ياسر عمله 

نزل الياس ضر"ب فيها بكل عنف : كل ده مخبية عني 

دخل الشيخ سليمان و بعده عنها و خدها من تحت أيده : الياس انت انجنيت اختك حامل 

- فتح الياس الباب و خرج 

.......

فات 3 سنين بعد كل الحوادث اللي حصلت و حاولت ايرين تبعد ولادها التؤام عن اي مشاكل و اي ضغوطات تأثر عليهم و على حياتهم خصوصا أن لغتهم الأم بقيت الألمانية و كلامهم العربي قليل 

الياس ...الياس انت فين نادي ليث و تعالى 

جري عليها ولادها اللي كانوا نسخه مصغرة من ابوهم : مامي انا اللي هاجي معاكي المعرض مش ليث اصلا اللوحه الجديدة عليها اسمي انا 

زعل ليث : لان ماما بتحب الياس اكتر من ليث 

ابتسمت ايرين و حضنتهم : انتو الاتنين روحي بس المره دي انا هروح لوحدي عشان خالتو جانيت جايه ألمانية و عايزة تشوفكم و جايبه هدايا كتير 

اتنطط ليث : بجد هدايا من Egypt 

اتخضت ايرين لما قال مصر : لا لا و بعدين انت عرفت مصر منين 

الياس بسرعة : مامي ليث كان بيخبي كل التيكت بتاعت الهدايا و بيشوف مكتوب عليها Egypt 

اتعصبت ايرين بس مزعقتلهوش : انا عارفة انك ذكي بس مينفعش تخبي حاجات زي دي من ورا مامي لازم تقولي 

حاضر يا مامي اسف ...

ابتسمت ايرين و قامت عشان تلبس وهي بتبص لكل اللوح اللي حوليها اللي كانت بتحاول تنسى بيها الماضى و جراحه و موهبتها في الرسم اللي اكتشفتها مؤخراً 

لبست لبس محتشم و صلت و قلعت الحجاب و راحت عشان تنزل 

- وصلت ايرين للمعرض اللي عارضه فيه رسوماتها 

اول ما دخلت جوا جري عليها مدير أعمالها : مدام ايرين لوحه ٧٠٧ اتباعت بسعر عالي جدا 

انبسطت ايرين بس لوهله ظهر على وشها الصدمه : اني لوحه ؟؟ 

طلع جون صورة اللوحه اللي كانت عبارة عن إلياس 

صرخت ايرين فيه : لا لا لا دي مش للبيع دي كانت للعرض فقط انت ازاي تبيعها و لمين 

- أعتقد أنه ثري عربي لانه أخدها بسعر عالي 

ايرين بغضب واضح : خدني حالا ليه و جهزلي المبلغ اللي دفعة اللوحه دي بتاعتي مش للبيع 

ركبت ايرين العربيه و جنبها جون : مدام اهدئي أعتقد أنه لن يقول لا فهم يقولون عنه بأنه لطيف 

ايرين : ممكن تسكت ..و اعتبر نفسك مرفود بس بعد ما ترجعلي اللوحه 

وصلوا لفندق فخم جدا 

نزلت ايرين و خلت جون في العربيه : لو اتاخرت اكتر من نص ساعة اطلعلي فاهم 

سالت عن الثري العربي و عرفت رقم أوضته 

- كانت واقفة قدام باب الاوضه بتتنفس بصعوبة : أن شاء الله يرجع اللوحه 

خبطت بهدوء بس لقيت الباب مفتوح اصلا 

دخلت بعفويه : Hello ...

قفل الباب بهدوء من وراها بعد ما دخلت لاكتر من نص الأوضه سمعت صوت جاي من وراها : مع انك عارفة اني عربي و برضوا بتتكلمي انجليزي 

خافت ايرين و مبصتش وراها قفلت عينيها و فضلت تدعي أنه ميكونش الصوت اللي مسمعتهوش من ٣ سنين 

- فضل يتحرك و صوت أقدامه كانت في كل مكان و كل ما كان بيتحرك كل ما نبضات قلبها تزيد : لوحتك مغرية جدا يا ترى ايه قصه صاحبها كنتي بتحبيه فعلا ولا سرقتي فلوسه زي ما بيقولوا 

لفت ايرين و فتحت عينيها و حست ب قلبها بيطلع منها : ال...الياااااس .........

يتبع...