رواية نصر في الارادة من الفصل الاول للاخير بقلم كوكي سامح

رواية نصر في الارادة من الفصل الاول للاخير بقلم كوكي سامح

رواية نصر في الارادة من الفصل الاول للاخير هى رواية من كتابة كوكي سامح رواية نصر في الارادة من الفصل الاول للاخير صدر لاول مرة على موقع التواصل الاجتماعى فيسبوك رواية نصر في الارادة من الفصل الاول للاخير حقق تفاعل كبير على الفيسبوك لذلك سنعرض لكم رواية نصر في الارادة من الفصل الاول للاخير
رواية نصر في الارادة بقلم كوكي سامح

رواية نصر في الارادة من الفصل الاول للاخير

__انا ود سعيد 20 سنه فى مصيبه من 4 سنين نمت ونسيت الدفايه وده كان سبب حريق الشقه وموت ماما واخواتى الولاد التؤام، بس انا وهاجر اختى الاصغر منى بسنه ربنا نجانا من الحادث بأعجوبه
بعد ما دخلنا المستشفى، محدش سأل علينا
غير عبده البواب وكنت كل لما اسأله على بابا
يتهرب منى، قعدنا شهور نتعالج من أثر الحروق
والاختناق وقبل ما نخرج بيوم
عبده قالى ان بابا تعب نفسياً بعد وفاه ماما
واخواتى الولاد اللى كان بيتمناهم من الدنيا
فقد وظيفته واطرد من العماره
سألته راح فين، قالى انه دبرله سكن 
خدت منه العنوان وخرجنا من المستشفى 
وقبل ما اروح فكرت اكلم خالتو 
رغم أنها مسألتش، بس قولت اكلمها 
لأنها مقتدره ماديا وجوزها مسافر بره 
وعندها معارف كتير وممكن تشوف شغل لبابا
وبكده ممكن افرحه ويخرج من الحاله اللى هو فيها، واحنا فى الطريق قابلت اول سنترال 
دخلت وكلمتها ولسه بقول الو _ عرفت صوتى
ورددت عليه بصرااااخ
يا قاتله، انتى قتلتى اختى الوحيده، حاولت 
اقولها ان ده قضاء ربنا واللى بتتكلم 
عليها دى تبقى امى أحن مخلوق على الأرض💔
يعنى مش بإيدى، قفلت السكه _______
كملنا طريقنا مشى ووصلنا لمكان سكن بابا 
منطقه عشوائيه كلها مقاهى وناس غريبه 
كنت مستغربه وخايفه من مصيرى انا واختى
ولما وصلنا البيت، خبطت على الباب فتح بابا
وكان شكله متغير جدا، دقنه طويله ونحيف
بصلنا بقرف ودخل قعد على الكنبه.
انا وهاجر دخلنا وراه وقعدنا ولسه بكلمه
وبسأله ازاى متسألش علينا، قام وسبنا ودخل
اوضه تانيه، قعدنا متسمرين ومش عارفين
نعمل ايه؟، مش ده بابا اللى اعرفه
بصيت حواليا لقيت شيشه على الأرض
استغربت، ده بابا مش بيشرب السيجاره
خرج من الاوضه وقال:
الشقه دى اوضين وصاله، اوضه ليه
واوضه ليكى انتى واختك. 
______ مع مرور الوقت قعدنا من المدارس رغم شطارتنا وبقى يعاملنى اسوء معامله، ضرب واهانه
وذل وكأننا خادمين مش بناته. 
دمر نفسيتى، وخصوصاً لما كان بيقولى يا قاتله
بعد مرور سنه حالنا اتبدل بعد ما دخلت بيتنا 
جارتنا المطلقه الهام، قصدى الحربايه، ادحلبت وخلت بابا خاتم فى ايديها، كنت بسمعها تتدخل فى نص الليل وتتدخل معاه فى اوضه نومه 
ومش بس كده الست الهام بقت تتحكم فيا انا 
وهاجر وكأننا خادمين عندها 
لما كنت بقولها يا طنط، تقولى انا ستك 
وست ابوكى يا بنت الكلب، لما كنت بضايقها
غصب عنى، كانت تذلنى وتخلينى ابوس رجليها😭 لحد ما فى يوم طلبت منى اشتغل 
وامسح السلالم علشان اصرف على البيت 
كنت وقتها 18 سنه، رفضت وبشده 
بس بابا منه لله ضربنى وذلنى لما الهام 
بعدت عنه بسبب رفضى، خدنى من شعرى 
لحد شقتها نزلت على رجليها وبوستها 
ووافقت اشتغل وامسح السلالم 
اشتغلت فى عماره كبيره، كنت بمسحها 
وكان تعب عليه اوى وفى يوم طلبت منى ساكنه
من سكان العماره اخرج اشترى ليها خضار
ويشاء الله انى اعمل حادثه وفقدت قدم 
واصبحت عاجزه بعكاز
بقدم واحده زى ما بابا، قاسى القلب كان بيقولى كده، يضربنى بقسوه ويقولى ان ده ذنب ماما واخواتى 
وان ربنا خد رجلى ذنب💔، منه لله
كان نفسى الاقى حد يقف جمبى انا واختى
خالتو بعدت عننا ورمت بنات اختها لراجل
ادمر نفسياً واتلمت عليه ست صايعه تتحكم فينا
مكنتش اعرف اى حد من عيله بابا خالص
لانه كان بيقول انه مقاطعهم. 
عشنا معاه فى ذل ومهانه 
بعد الحادثه بطلت امسح سلالم ومن هنا 
لقيت شباب غريبه وشكلهم مش ولابد
بيدخلوا بيتنا كتير وعرفت انهم تبع الست الهام 
بيتاجروا فى المخدرات وأصبح بيتنا مخزن 
للمخدرات وانا واختى لا حول لينا ولا قوة 
اما بابا اصبح سكير يشرب الخمر ويدمن المخدرات
__ ودلوقتى انا بقى عندى 20 سنه ورايحه
لبابا القسم زياره علشان اتمسك تعاطى
والبركه فى الست الهام
دخلت القسم وكان زحمه مووووت
واقفه على جمب وفى ايدى العكاز، وقع منى
غصب عنى، لسه بوطى علشان اجيبه
لقيت شاب وطى وجابه 
_مش تخلى بالك يا انسه. 
.. اسفه اسفه، لقيت عينه فى عينى 
وباين كده انه معجب بلون عيونى العسلى الفاتح 
الطرحه الحرير وقعت من على شعرى 
_ اتفضلى 
.. خدت العكاز منه ووقفت وحطيت الطرحه على شعرى ومتسمره مكانى أصله وسيم جدا وطويل وعريض وجسمى رياضى 
_ انسه، اى مساعده، انا تحت امرك 
.. عاااا 
_ يا بنتى، يا انسه 🤨
.. نعم 🥴
_ عاوزه اى حاجه 
.. لا لا شكرا 
_ برحتك 😃
_ بصلى وسبنى ومشى
لقيت شاب وواضح كده انه بيلعب كمال أجسام 
قرب منى، وانا خوفت 
هو.. ليه مخلتيش يونس بيه يساعدك 
.. نعم، يونس بيه مين!؟ انا معرفش حد بالاسم ده
_ شاور عليه، اللى اداكى العكاز 
هو فى حد ميعرفش يونس بيه 
ده راجل واصل وكلمته مسموعه 
وانتى شكلك بنت معاقه وغلبانه
كان ممكن يساعدك بقرشين، ده بيقدم 
خدمات لناس كتيره اوى وكلمته بتمشى على الكبير قبل الصغير
_ لما قالى معاقه قلبى وجعنى واتعصبت عليه 
انا مش غلبانه ولا معاقه ومش عاوزه خدمات 
من حد، يلا أمشى وسبنى 
هو.. اسف، هو انا غلط فى حاجه 
.. بقولك أمشى، انا مش عاوزه مساعده من حد
هو.. ممكن اعرف اسمك 
.. اسمى ود 
هو.. واوا اسم جميل ومش كتير وغير كده 
انتى قمر اوى وعينك حلوه وبصعبانيه، خساره 
بس الحلو ميكملش وبص للعكاز 
وطلع كارت ومد ايده، عموما الكارت ده 
فيه كل أرقام يونس بيه الأنصارى
وعنوان شركته، لو محتاجه حاجه كلميه 
هو هيساعدك 
.. مش هكلم حد 
مشى ورمى الكارت على الأرض 
لما بعد ووطيت وخدت الكارت وشيلته معايا
دخلت لبابا ولقيته خارج من القسم، روح معايا البيت
وطول الطريق يقولى يا عاجزه يا قاتله
_ رغم عجزى إنما كنت شاطره جدا غير هاجر
بعمل الأكل وانضف الشقه واغسل وكل حاجه
__ دخلنا الشقه وكانت الهام نظرتها غريبه
دخلت اوضتى وسمعتها بتقول ل بابا
يا انا يا البنات
انا مش عاوزاهم هنا، الكارثه ان بابا كان ساكت
ومش بيتكلم خالص وده خوفنى اكتر
وقولت اكيد فى مصيبه 💔
__بعد اسبوعين لقيت الهام داخله علينا الاوضه
وبتقول يلا كل واحده فيكم تحضر نفسها
علشان هتتجوز، انا تنحت، اتجوز مين وازاى؟ 
الهام بسخريه.. اسألى ابوكى يا اختى
_خرجت بالعكاز اسأله، بصلى بقرف وقالى
انا كلمت اخويا فى البلد واتفقت معاه
تتجوزوا من ولاده وبصراحه وافق
ود.. اخوك مين، انا اعرف انك مقاطع كل اهلك 
سعيد.. انا كلمته وكلها يومين تلاته وهيجى 
ياخدك انتى واختك على الريف تعيشوا هناك 
الهام.. مبروك يا عرايس.. وزغرطت 
ود.. ازاى ،وشكلى ده، انا اصلا منفعش اتجوز 
انت نسيت انى عاجزه ومش اى حد يقبلنى 
سعيد.. قولتلوا وقالى دول بناتى واحمدى ربنا انه
وافق يسترك انتى واختك 
 ومش كده وبس، ده انتم كمان هتعيشوا معاهم 
فى نفس البيت. 
مع حماتك وسلايفك وطلع شنطه مليانه فلوس 
وده المهر 
ود.. مهرى، من غير ما اشوف العريس🥺
الهام زقتنى.. يلا يا اختى على جوه بلاش هرى 
اعقلى وعقلى اختك، علشان تستروا زى البنات 
اومال هتقعدوا كده من غير جواز 
__ دخلت وانا مش عارفه اعمل ايه واتصرف 
ازاى، اتجوز وانا عاجزة، طيب ازاى؟ وبعدين 
راجل انا معرفوش ولا عمرى شوفته 
وكمان ارياف ومع حماتى وسلايفى 
ده انا وهاجر كنا نروح فيها 
__ اليومين عدوا بسرعه جدا وكأنهم ساعه
والنهارده فرحنا ودخلتنا على ولاد عمى اللى عمرنا ما شفناهم ولا نعرفهم اى حاجه 
كنا قاعدين وكل واحده فينا لابسه الفستان الأبيض وزى القمر، إنما أنا كنت عاجزه
بعكاز، رجلى مداريه تحت الفستان الطويل المنفوش
سمعت الهام داخله الشقه وبتزغرط
.. ابو العرسان وصل يا بنات، لولولولى
الموسيقى شغاله
دخل بابا ووراه عمى ، بصلنا اوى، قرب مننا
دول العرايس، وسلم علينا
الغريبه انه داخل لوحده ده حتى مش معاه
لا مراته ولا اى حد من قرايبنا
بابا طلب مننا انا واختى نخرج علشان العربيه
مستنيه بره وفيها العرسان 
هاجر بدموع.. انا مش عاوزه اتجوز يا بابا
ونزلت على رجله تبوسها 
زقها بقوه، وقعت على الارض والدم نزل من شفايفها، اصل هاجر ضعيفه وحساسه 
وطيت عليها وقومتها وخدتها فى حضنى 
وطبطبت عليها لحد ما هديت 
ود.. هو فين المأذون 
العم.. يلا يا عرايس، المأذون فى البلد
هو بابا مقلكيش اننا هنكتب فى البلد 
يلا العرسان مستنياكم 
خرجت وانا حاسه انى لابسه الكفن الابيض
ورايحه ادفن💔
ولما خرجنا انا وهاجر، قربنا من العربيه 
وكانت فاضيه مفيهاش عرسان 
لقيت عمى فتح الباب وطلب نركب 
ود.. فين العرسان يا عمى 
العم.. بقولكم يلا اركبوا 
الاب زق ود والعكاز وقع منها 
ود.. اركب فين يا بابا، هو احنا هنتزف من غير 
عرسان ولا ايه 😭 
الهام جايه تجرى، وشها اصفر وفى ايدها شنطه 
بوليس يا سعيد 
بابا اترعب وخد الشنطه وحطها فى صدرى  __
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_ بابا باعنا انا واختى
لما البوليس وصل انا وهاجر واقفين بفساتين الفرح قبض على بابا بعد ما الظابط أمر انى اطلع الشنطه اللى خباها معايا، اما عمو خد العربيه وهرب، رجعنا على البيت مع الهام بعد ما عرفنا
انه عمو طلع مش قربنا ده راجل قواد بيشترى 
البنات ويشغلهم معاه فى بيوت الدعاره 
كان جوايا بركان من نار وانا بسأل نفسى معقول فى أب يبيع بناته ويقبض تمنهم 
مكنتش مصدقه ولا مستوعبه اللى حصل
نمت والدموع مش فارقه عنيه، اما هاجر 
ضعيفه مكسوره ملهاش غيرى فى الدنيا 
قعدت معانا الهام رغم أنها مش على ذمه بابا 
بس اتحكمت فينا وبقت تعاملنا اسوء من الاول 
وطبعا بعد ما اتحكم على بابا ب 5 سنين سجن
كنا خادمين تحت رجليها، مفيش واحده فينا 
تقدر ترفض لها طلب 
ولو رفضت كانت بتمسك العكاز وتضربنا بيه 
العكاز اللى بيسدنى هو نفسه اللى بيعذبنى
وفى يوم قومت بالليل كنت عطشانه
خدت العكاز من جمب السرير
ودخلت المطبخ علشان اشرب، سمعت صوت
الهام وهى بتضحك، استغربت يا ترى مين معاها
كنت هفتح الباب عليها بس خوفت منها
بصيت من خرم الباب، وشوفتها فى أحضان
عشيقها، شاب من اللى كانوا بيشتغلوا مع بابا
كان اصغر منها، سكت ورجعت اوضتى 
وانا جبانه مش عارفه اعمل حاجه 
عاجزه قدامها وقدام أفعالها الدنيئه 
فى صباح اليوم التالى. 
الهام.. يلا قومى منك ليها فى شغل 
ود.. شغل ايه ؟
الهام.. لسه قافله مع تاجر القماش وبيقول فى بضاعه
هاجر.. هو انتى اشتغلتى امتى فى القماش
الهام قربت منها ومسكتها من لايقه الترننج
ما اسمهاش انتى، أسمى ستك الهام 
وبعدين الحيطان ليها ودان 
قوليلها بضاعه ايه يا ود 
ود.. مستحيل، انا وهاجر مش هنشيل مخدرات 
ونجيبها هنا تانى 
الهام.. نعم يا اختى، وهتاكلوا منين 
المحروس بابا اتحبس وانا وانتم مش لاقين 
المم 
ود.. هو لازم ناكل حرام، انا ممكن اشتغل اى 
شغلانه حلال واصرف عليه وعلى اختى 
ومش عاوزين منك حاجه 
عاوزينك بس تسبينا فى حالنا 
الهام خدت العكاز ونزلت ضرب على ضهر ود 
ود.. آآآآآآه.. آآآآآآه.. ارحمينى يا ستى 
الهام.. وطى على رجلى وبوسيها وقولى انك موافقه 
ود.. حاضر.. وطت ود وهى مذلوله 
انا موافقه يا ست الهام 
هاجر قاعده مكانها بترتعش
الهام بصت لها ب شر.. تعالى اعملى زى ما اختك عملت 
هاجر.. حاضر يا ست الهام 
ومن يومها وانا وهاجر بنشتغل فى المخدرات 
نجيب البضاعه فى شنطه خروج 
ونرجع بيها على الشقه ولما صاحبها يطلبها 
نروح نسلمها ونقبض تمن تخزنها 
_ فى يوم كنت راجعه هلكانه وتعبانه
فتحت الدولاب وغيرت هدومى وشوفت
كارت يونس، ووقتها فكرت اكلمه
بس خوفت لا يحرجنى
اليوم ده هاجر نامت وكانت كويسه جدا
وفى نص الليل لقيتها سخنت فجأه وبترتعش
قومت وعملت لها كمادات وقولت هتبقى كويسه
إنما العكس قامت هزيله تعبانه ومش قادره تتحرك
من مكانها، وجع قلبى تعب اختى
طلبت من الهام اجيب لها دكتور فى البيت 
لأنها مش قادره تتحرك من مكانها
الهام.. فاكره نفسك بنت مين علشان يجى 
لاختك دكتور فى البيت، بصى يا ماما 
خودى اختك الميته دى وروحى بيها 
على مستشفى حكومى وشوفى فيها ايه 
وبعدين انا مش معايا فلوس لا لعلاج 
ولا لداكاتره 
ود.. ازاى وفين فلوسنا اللى بنشتغل بيها؟ 
لقيتها قربت منى وبسخريه.. هتعالجى اختك من الحرام وطبطبت على كتفى بقساوه، مش ده كلامك ولا ايه 
ود.. حاضر يا ستى، انا هاخد هاجر واروح بيها 
على اى مستشفى 
الهام.. والشغل؟
ود.. حاضر هشتغل 
__ شهرين وانا دايخه ب هاجر على المستشفيات
ومعرفش فيها ايه ولا فى دكتور عاوز يريحنى
ويقولى مالها، انا تعبت علشانها وكأنى انا المريضه
مش هى، كنت بموت كل يوم من وجع قلبى عليها
كنت ما بصدق ارجع البيت واخدها وأجرى بيها 
على المستشفيات علشان اعرف بس مالها
كانت حالتها بتتأخر ووزنها بينقص والمشكله 
محدش عارف عندها ايه 
لحد ما فى يوم قابلت دكتور محترم وابن حلال
اتولى حالتها وبعد اشعه وفحوصات عرف ان 
عندها حمه شوكيه وحالتها متأخره 
اتحجزت فى المستشفى وانا كنت بزورها يوم 
بعد يوم واطمن عليها بس للأسف مش بتتحسن 
اليوم زورتها ولاول مره تكلمنى قربت منها 
ومسكت ايدها، كانت هزيله الجسد 
ود بدموع.. حبيبتى عامله ايه دلوقتى 
هاجر بصوت خافت.. الحمد لله 
ود.. انا عاوزه اسمع منك الكلمه دى دايما 
وان شاء الله ربنا هيشفيكى وهترجعى احسن 
من الاول 
هاجر.. ود انا كده كويسه ومتخافيش عليه
على الاققل بعيد عن الهام وقرفها 
ود.. متتكلميش كتير، انتى لسه تعبانه 
هاجر.. انا مش تعبانه، انتى اللى تعبانه ودايخه 
بسببى، حبيبتى يا ود ربنا يسعدك ويكتبلك 
الخير كله❤️
لقيت عيونها بصت لفوق، يارب يارب
ود اختى أصلح حالها واسترها وابعد عنها اى شر
وغمضت عينها والاجهزة وقفت، قلبى راح منى
بقيت اصرخ، دكتووور، دكتووور
جريت فى المستشفى كلها، اختاااى اختاااى
الدكاتره والممرضات اتلموا على صوتى 
دخل الدكتور بسرعه ونقذها الاجهزه اشتغلت 
خرج قالى، المريضه راحت فى غيوبه 
ومحتاجه دعواتك، لأنها للأسف مش، عاوزه 
تعيش رافضه الحياه، انا حاولت وربنا كريم 
خرجت من المستشفى وانا منهاره 
وبدعى من قلبى، يارب بلاش تاخد روحى منى 
قعدت على مسطبه قصاد باب المستشفى 
كنت ببكى ومنهاره، لمحت شاب شكله ابن ناس
قرب منى وصورنى وجرى 
انا مكنتش فايقه بس شوفته ومعرفش صورنى 
لييييه؟؟ 
روحت البيت وأنا منهاره ولما فتحت الباب 
الشقه كانت فاضيه، الهام مش موجووده
دخلت الحمام اخد شاور، كنت تعبانه 
ولما بفتكر منظر هاجر بموت وحشانى 
دخلت اوضتى اغير هدومى، بصيت 
على مكانها انهارت وبكيت 
يارب اختى وبسسسس 
خدنى انا، بلاش هى 💔
وفجأه لقيت اللى بيحضنى من ورا 
بصيت ورايا، نفس الشاب القذر بتاع الهام 
نيمنى على السرير وبيحاول يغتصبنى 
زقيته وحاولت اضربه إنما كنت عاجزه 
خدت العكاز وضربته على دماغه 
لقيته وقع، خرجت من الشقه 
قام من مكانه، مش هسيبك يا عاجزه 
بقيت أجرى برجل واحده وخرجت بره للشارع 
وهو ورايا وبيقول، قتلتنى العاجزه 
لقيت نفسى باخد تاكسى وبقولوا 
اطلع على شركه يونس الأنصارى
مكانش عارف، قولتلو على العنوان 
وصلت هناك، نزلت من التاكسى 
وشوفت الشركه واضح انها كبيره اوى 
كان عليها امن كتييييير
قربت منها وبكلم واحد من الأمن لقيته بيقول 
لواحد واقف جمبه هى والله هى 
انا تنحت وطلبت منه اقابل يونس بيه 
بس قالى هكلم مدير اعماله الأول 
دخل وخرج بعد ربع ساعة وانا واقفه 
ومعاه نفس الشاب اللى ادانى الكارت 
ولما شافنى افتكرنى وسلم عليه 
ولاحظ عليه التعب 
وحكتلوا على كل حاجه وان الشاب عاوز يغتصبنى وانا واقعه فى عرضه ومش عارفه 
اعمل ايه؟ 
خدنى من ايدى ودخل بيا الشركه 
الناس كلها كانت بتبصلى وتقول هى 
وانا مستغربه ومش فاهمه فى ايه 
دخل بيا على يونس، دخلت وانا فى ايدى العكاز
يونس بصدمه قام وقف.. فى ايه يا حازم 
ومين دى؟ 
حازم.. دى ود يا يونس
__انا واقفه مكانى وحسيت من طريقه كلامه
ان فى بينهم صله قرابه مش مدير اعماله وخلاص، بس للأسف مفتكرنيش
يونس.. ود مين؟
حازم.. يونس انا عاوزك تتجوز ود حالا __
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
حازم.. يونس انا عاوزك تتجوز ود حالا __
يونس.. اتجوز مين انت عبيط! 
 حازم قرب منه، البنت غلبانه وعندها مشاكل
كتير ومحتاجه راجل يقف جمبها ويساعدها
_قاطع كلامه بصته ليه من فوق لتحت 
اه ممكن اساعدها، اديها قرشين، إنما اتجوزها
مستحيل _____
حازم.. البنت محتاجه مساعده وصدقنى
هى مش طالبه حاجه غير الامان
يونس مسكه من دراعه وبوشوشه
انا اتجوز دى ليه، انت مدرك بتقول ايه!؟ 
ولا شكل دماغك حصل فيها حاجه
وبعدين اقول لابويا ايه؟ ، اقولوا انا اتجوزت
من غير ما تعرف، واتجوزت مين واحده لا ليها
اصل ولا فصل، انت فى ايه بالظبط
انا حاسس ان عقلك جراله حاجه
شكلك كده اتجننت
__انا سمعت كده وحسيت ان رجلى مش شيلانى
انتهزت فرصه ان  محدش فيهم حاسس بيا خدت العكاز وخرجت _____
حازم.. اتجننت علشان بقولك تتجوز
يونس.. بقولك ايه انا فضلى تكه وافقد اعصابى 
حازم.. وطى صوتك البنت تسمعك 
يونس.. بنت مين، دى مشيت😏
حازم.. يا نهار اسود، مشيت، اكيد سمعت
كلامك اللى زى الدبش ده 
جرى على الباب 
يونس.. انت رايح فين؟ 
حازم.. راجعلك. 
__ خرج حازم وهو بيدور على ود بس مكانتش
موجوده لدرجه ان قلب الشركه عليها 
والغريبه لما سأل الأمن، واحد فيهم قالو 
ان البنت، مخرجتش من الشركه 
بقى يكلم نفسه زى المجنون 
اومال راحت فين، دى لسه موجوده هنا 
انا هتجنن، دخل جرى على يونس
وقالوا ان مش لاقى "ود" 
يونس.. وحضرتك عاوز اعمل ايه وبسخريه ، اجيب منادى وانزل معاه ويمسك مايك ويقول عيله تايهه يا ولاد الحلال زى ما بشوف فى الأفلام 
حازم قرب منه، انت بتتريق يا يونس
البنت اللى حضرتك بتتريق عليها دى 
هى الحل لكل مشاكلك مع عمى الأنصارى بيه 
يونس بتعجب شديد.. انت بتقول ايه؟ 
حازم.. بقول اللى سمعته، قعد على الكرسى 
حط رجل على رجل وطلع سيجاره
وقبل ما يولعها، مش عمى عاوزك تتجوز من بنت
المغاورى صاحب اكبر توكيل سيارات فى البلد
وحضرتك مش راضى، وقالك لو رفضت 
هيحرمك من الثروه كلها وهيتبرع بيها
على حياه عينه للمستشفيات ودار الأيتام 
قام وقف ومسكه من كتفه، وطبعا انت مش
راضى وحط ايده على قلب يونس
واكيد مش ده السبب، انا عارف ان قلبك حجر
إنما أنا وأنت بس اللى عارفين رفضك سببه ايه.
يونس قعد على الكرسى، طيب اسكت
حازم بغضب.. ابوك اللى هو عمى، ناوى يحرمك
من الميراث وهيذلك لو متجوزتش وشافلك حته
عيل، الراجل عاوز يطمن عليك
انت الوحيد اللى باقى من ولاده
من بعد موت مصطفى وحمزه فى حادثه
وهو تعبان ونفسيته فى النازل
يونس بتوتر وغضب، ضرب بإيده على المكتب
وانا اعمل ايه.. ها.. انا مش هتجوز 
وبعدين مال البنت بموضوعنا 
حازم.. ود عز الطلب، مش عاوزه غير مكان 
وأمان، لا عاوزه فلوس ولا عاوزه تتجوز اصلا 
هى عاوزه راجل يحميها وبس
يونس.. وايه اللى يجبرنى عليها ، ده بابا وماما لو شافوها، ممكن يحصلهم حاجه وخصوصا ان رفضت اتجوز بنت من بنات خالتى اللى كل واحده 
فيهم أجمل من التانيه ومفيهاش عيب واحد 
ماما من يومها واخده موقف منى ومش بتكلمنى
حازم.. اللى يجبرك ان ود غير اى واحده من دول 
بقولك البنت محتاجه حمايه، مش عاوزه جواز 
انت فاهمنى يا ابن عمى 
وطبعا عمى الأنصارى بيه وعدك ان بعد كتب 
الكتاب على عروستك وقدام المعازيم والعيله 
كلها، هيقدملك هديه الجواز 
وهتكون نقل ملكيه الشركات كلها بأسمك 
وكل الورق اللى يثبت ان ثروته كلها هتكون ملكك
وبعدها بشهرين طلق ود وطبعا بعد ما نتفق
معاها ان الجواز هيكون سورى على الورق بس
وبمده معينه مقابل مبلغ كويس وشقه تمليك 
وبكده انت مش هتخسر حاجه
وضربت عصفورين بحجر، ريحت الأنصارى بيه 
وضمنت الثروه، ونقذت نفسك من الفضيحه
قدام اهلك والعيله كلها
يونس بتوتر.. انا مش عاوز اتجوز بقولك
ولو سمحت اطلع بره
حازم.. فكر فى كلامى وصدقنى دى فرصه
ولو ضاعت منك، انت هضيع
وبعدين عمى كلم مغاورى باشا امبارح
وقالوا انكم هتكونوا عنده بعد اسبوع وتحديدا 
الخميس الجاى علشان تخطب بنته
يونس.. ومين قالك ان البنت اللى اسمها ايه دى؟ 
حازم.. اسمها ود 
يونس.. ود، مين قالك انها هتوافق
حازم.. البنت معاقه وطالع عينها 
وحالتها حاله، ده غير ان كانت معرضه
لحادثه اغتصاب ومش لاقيه مكان تروحوا 
يونس بتعجب.. انت عرفتها منين وعرفت عنها 
كل ده ازاى؟ 
حازم.. انا شوفتها فى القسم، وقولت هى دى 
اللى عليها العين 👌🏻
عرضت عليها انك تساعدها رفضت 
اديتها الكارت وقولتلها لو كانت محتاجه حاجه
تتصل بيا او بيك، وفعلا حصل 
لما احتاجت مساعده جت لحد هنا 
يونس.. وكمان رد سجووون، يا نهار اسود 
حازم.. انا معرفش كانت فى القسم ليه! 
بس المهم انا مش لاقى البنت دلوقتى مع انها 
جوه الشركه 
يونس عقد حواجبه.. اومال راحت فين؟ 
حازم.. معرفش 
يونس.. طيب شوف الكاميرات 
حازم.. تصدق نسيت 
__ خرج حازم للأمن وطلب منه انه يفرغ الكاميرات ويشوف ود
وبعد ما الكاميرات اتفرغت، شاف ود وهى داخله
الشركه.. إنما ما خرجتش منها. 
دخل جرى على يونس وبلغه
يونس طلب الأمن وبتوتر ، البنت لسه موجوده هنا 
اكيد هنلاقيها  اومال هتكون راحه فين 
الشركه كلها اتقلبت على ود وفجأه 
صوت طلق نارى خارج من الحمام😱
الكل مذهووووول 
خرجت عامله نظافه وهى بتصرخ 
الحقونيييييي.. البنت اللى فى الحمام ضربت 
نفسها بالرصاص 
حازم.. ود ؟؟؟؟؟؟؟
__ من جهه أخرى فى المستشفى 
"فى غرفه هاجر" 
الجهاز صفر وماتت هاااااجر 💔
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_ بعد سماع الطلق النارى وكلام عامله النظافه
حازم جرى ووراه الأمن على الحمام ولما قرب من البنت كان جمبها مسدس وغرقانه فى دمها 
كانت ماتت واتأكد انها مش ود 
يونس بغضب.. ايه ده فى ايه!
مين دى وازاى تقتل نفسها فى شركتى بالمنظر ده
حازم.. معرفش يا يونس بيه، مسك الفون 
وبلغ البوليس 
_خرجت ود من بوفيه الشركه مع إحدى العاملات
حازم بذهول.. ود، انتى كنتى فين؟ انا قلبت عليكى الشركه! 
عامله النظافه.. فى البوفيه يا بيه
كانت تعبانه وشكلها باين عليه الإرهاق 
طلبت منى كوبايه مياه، خدتها البوفيه 
علشان تشرب اى حاجه وبصت للعكاز، وتستريح
ود بفزع.. حصل ايه ومين دى اللى قتلت نفسها! 
حازم.. معرفش، المهم انا عاوزك تمشى دلوقتى
وطلع مفاتيح من جيبه وخدها وخرج بيها
بره الشركه وطلب من السواق ياخدها على شقه
فى الزمالك 
ود.. انا مش هروح فى اى مكان، انا مش رخيصه
يا بيه 
حازم بنرفذه.. متخافيش، ومش وقته الكلام ده ، روحى مع السواق دلوقتى
وبتوتر، الدنيا هتتقلب ومش هكون فاضى 
وانا هبقى اكلمك، فتح باب العربيه 
__ ركبت مع السواق وراحت معاه على شقه الزمالك، لما وصلت، دخلت الشقه
وعينها فى كل ركن 
السواق.. انا ماشى يا هانم، تأمرى بأى حاجه 
ود.. شكرا
فون السواق رن، وكان حازم وبعد ما خلص المكالمه، نزل وخد معاه المفتاح 
قفل الباب عليها، جريت عليه
وبصراخ، على فين يا عم انت، وبقت تكلم نفسها
هو حبسنى هنا ولا ايه، رجعت وقعدت على 
كرسى السفره، وبقت تبص على جدارن الشقه
ولاحظت ان فى صور كتير ومن ضمنهم صوره 
ليونس مع بنت وكانت حضناه 
قامت وقفت قصاد الصوره وسرحت فى اختها 
هاجر وبدموع، يا ترى عامله ايه دلوقت💔
فضلت واقفه مكانها، الوقت خدها
باب الشقه اتفتح، اتخضت
كان السواق وفى ايده كذا شنطه
دخل وحط الشنط على السفره
ود.. انت ازاى تقفل عليه بالمفتاح وتمشى
السواق.. انا عبد المأمور يا ست هانم
مسك الفون واتصل ب حازم وخلى ود تكلمه
قالها ان اشترى ليها أكل وكل حاجه تطلبها
ولو عاوزه حاجه تكلمه، وقبل ما تتكلم
قالها فيه فون مع "طه" السواق تاخده منه
وهيكلمها عليه، بس طلبت منه أنه يطمن على
هاجر ويطمنها عليها، خد منها عنوان المستشفى
وقالها ان هيروح وينقلها على خاصه
قفلت معاه، "طه" مشى وقعدت لوحدها فى الشقه
مسكت الفون وحاولت تفتحه معرفتش. 
__ فى الشركه __
البوليس وصل، بعد التحقيق فى الجريمه
اتبين ان البنت كانت مع عميل مهم فى الشركه
بنته ومديرة اعماله، وبسؤال الأب عنها 
قال، انها كانت بتمر بحاله نفسيه صعبه 
بعد وفاه زوجها وابنها الوحيد فى حادث اليم 
كان عندها اكتئاب شديد، ولم تخرج من المنزل 
خلال فترة العلاج، بس الدكتور طلب منه تمارس
عملها بالشكل العادى لان ده هيساعدها
فى تخطى محنتها وهيكون سبب شفائها
والأب استكمل كلامه، سمعت كلام الدكتور 
وبالفعل نزلت معايا الشغل، كانت تصرفاتها
عاديه جدا، واليوم طلبت منها تكون معايا 
فى شركه الأنصارى لامضاء عقود جديده معهم 
استأذنت علشان تدخل الحمام واتفاجأت زى
الموجودين بالحادث 😭😭😭😭
وانتهى التحقيق ______
بعد خروج البوليس والجثه فى عربيه الإسعاف 
__ فى مكتب يونس __
يونس قاعد وفى ايده سيجاره وفاتح الفون 
الباب اتفتح وكان حازم 
خلاص يا يونس الموضوع انتهى على خير 
يونس بغضب.. لأ منتهاش احنا اتفضحنا 
والفيس بوك كله بيتكلم على البنت المنتحره
حازم.. حضرتك وايه ذنبنا 
يونس.. ذنبنا يا استاذ وبسخريه يا مدير اعمالى
يا محترم قام وقف، ان الشركه مفيهاش رقابه 
والكل بيقول ازاى البنت تتدخل الشركه ومعاها
مسدس، عارف ده معناه ايه 
ان الشركه فيها خطر على كل العملاء 
وغير الكومنتات هيأ، واحده بتقول 
كان ممكن بالمسدس تقتل كل الموجودين 
واللى تقول الشركه لازم تتقفل 
حازم.. يا عم كل ده كلام وهرى 
الفيس كله بقى عباره عن ناس بتهرى وبس 
اللى قاعده وكارهه حياتها واللى جوزها مطلع 
عينها واللى مش لاقيه حاجه تعملها 
واللى عامله نفسها مصلحه اجتماعيه 
وهى اصلا حياتها مهببه وبزرميط 😂
فكككك 
يونس بتوتر.. بابا لما يعرف هتبقى مصيبه 
حازم.. متقلقش هو كلمنى وفهمته الموضوع كله 
المهم بقى خلينا فى موضوعنا، ود 
يونس.. مالها؟ 
حازم.. فى شقه الزمالك
يونس.. انت كلمتها فى الموضوع 
حازم.. لا انا مش هتكلم معاها غير لما انت توافق
يونس.. وانا مش موافق وخصوصا بعد اللى حكيته
حازم.. البنت محتاجه مساعده 
احنا نساعدها وهى كمان هتستفاد صدقنى 
اوعاا تضيع الفرصه من ايدك 
يونس.. اه وعلشان محتاجه مساعده وضعيفه
احنا بقى ندوس عليها ونستغل ضعفها 
انا مقدرش اعمل كده 
حازم.. لا حول ولا قوة الا بالله
انت مضطر، بقولك ايه، انا هروح دلوقتى
اطمن على اختها فى المستشفى
وانقلها على خاصه علشان البنت تطمن
وانت بقى تستنى هنا لحد ما ارجع واخدك
عندها علشان نتفق ___
__ خرج حازم وراح المستشفى ولما سأل على هاجر، عرف انها ماتت، اتأثر بموتها
كلم يونس وقالوا على خبر وفاتها
وطلب منه اجازه يومين علشان يقوم بالاجراءات
كلها، وفعلا خد عربيته وراح لود وبلغها بوفاه
اختها الوحيده، انهارت وطلبت تودع جثمانها
وتشوفها قبل الدفن، وفعلا حازم حقق لها
طلبها، شافت هاجررر فى الكفن الأبيض
كانت تودعها وكأنها عروس ليله زفافها
___ بعد اسبوع من وفاه هاجر
ود تجلس فى شقه الزمالك حزينه وحيده
كانت لا تأكل ولا تشرب 
تكلم نفسها طوال النهار والليل 
اختى ماتت 😭 وسبتنى لوحدى، حكمتك يارب 
انى انحرم من اهلى كلهم واعيش لوحدى 
___ من جهه أخرى يونس منهار بعد مشاده كلاميه بينه وبين ابوه الأنصارى علشان رفض
الذهاب لڤيلا المغاورى لطلب يد ابنته
اتصل ب حازم وقالوا على كل اللى حصل
كان رده، ان ود منهاره وحزينه
وطلب منه يروح معاه عندها الشقه ويتكلم معاها
رغم رفض يونس الزواج والتلاعب بيها
بس وافق لان الموضوع كبر لدرجه انه لو منفذش
هيمشى من الفيلا والشركه
_ نزل يونس لمقابله حازم فى كافيه
وكان اللى شغلوا ازاى هيقدم ود لعيلته 
وخصوصا انها وحيده وفقيره 
بس حازم اقترح عليه أن الموضوع يكون صدفه 
تمشى قدام الفيلا وترمى نفسها امام العربيه 
وتدخل الفيلا بحجه العلاج 
ولما يونس اعترض 
حازم..يا ابنى الموضوع كده هيكون مناسب 
لان مرات عمى بتخاف عليك من الهوا الطاير 
ولو عملت حادثه وود اتصابت، هتخاف لا تبلغ 
البوليس او تحصلك مصيبه وبكده ود تتدخل 
الفيلا من غير اى مجهود، ومع الوقت تقول
انك أعجبت بيها وتتجوزها 
وانا عارف عمى الأنصارى بيه ما هيصدق 
تقولوا تتجوز او أعجبت ببنت
يونس.. واقولو فين اهلها ان شاء الله 
حازم.. انا هتصرف بس المهم التنفيذ 
_ وافق يونس بعدم اقتناع 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_ وافق يونس بعدم اقتناع 
وطلب يشوفها ويقعد معاها قبل التنفيذ 
وقبل  المقابله كان حازم اشترى ليها كام فستان
بالحجاب، واتكلم معاها فى الموضوع 
وقالها الشروط ان الجواز هيكون سورى 
مقابل شقه ومبلغ فى البنك، الغريبه انها وافقت
من غير ما تعترض
ود بحزن.. انا موافقه، ولما حاولت تتكلم عن حياتها، حازم رفض يعرف 
بس هى قالت بابا مسجون لمده 5 سنين تعاطى
علشان كده كنت فى القسم 
حازم.. يا نهار اسود ومنيل، وطلب منها تخبى 
على يونسسسس، واتفق معاها على الخطه 
انه هيوصلها لحد الفيلا وترمى نفسها قدام 
عربيه يونس ___
فى صباح اليوم التالى يوم مقابلتها ل يونس 
قامت من النوم ولابست دريس ابيض وحطت 
الطرحة على شعرها وقعدت منتظره 
رغم حزنها على اختها الوحيده إنما كانت جميله
عيون عسلى وشعر بنى فاتح وبشره نقيه
إنما حازم اتصل بيها وطلب منها تنزل قدام
باب العماره
ود ب استغراب.. يونس بيه مش جاى
حازم.. انا واقف تحت مستنيكى، انزلى
خدت العكاز وقفلت باب الشقه وركبت
الاسانسير وهى قلقانه ونزلت ركبت معاه عربيته
وصلها لحد الفيلا الأنصارى
يونس واقف بعربيه فى الجانب الاخر
ود.. هو فى ايه، انا بكلمك مش بترد عليه ليه! 
حازم.. "ود" دلوقتى انتى هتنزلى وشاور لها
على عربيه يونس
ود بذهول.. قصدك ايه؟ 
حازم.. زى ما فهمتى، انتى هتنزلى وهترمى نفسك
قدام العربيه ولما تتدخلى الفيلا اى حد يسألك
متتكلميش وزى ما قولتلك واتفقت معاكى
لو حد قالك اهلك فين، تقولى ماتوا فى حادثه
وانا عايشه لوحدى وبشتغل
__ فتحت الباب ونزلت، حاضر 💔
حازم اتجهه الناحيه التانيه ونزل من العربيه
ومراقبها
ود نزلت والدموع فى عينها وبداخلها
انا لازم اموت واروح ل هاجر 💔
مش هقدر اعيش واكمل حياتى من غيرها
عربيه يونس اتحركت وود بتتحرك بالعكاز
رمته على الأرض واتجهت ناحيه على العربيه
يونس اتحرك وبسسسسرعه رهيييبه
ود بتقرب، لازم اموت، انا جيالك يا هاجر😭
وفتحت ايدها، يونس شافها وبطئ السرعه
ولما قرب منها مكانش متخيل اللى هيحصل
رمت نفسها تحت العربيه
نزل يونس بتوتر وفزع، كانت فاقده الوعى
تماما، شفايفها كلها دم، شالها، بص فى وشها
فتحت عينها وبصوت خافت، سبنى اموت
__ البواب دخل يجرى جوه الفيلا
يونس بيه عمل حادثه
الام بصراخ.. ابنى جراله حاجه 
البواب.. لا يا هانم، ده داس بنت بعربيته
الام.. ابنى راح فى داهيه 
__ دخل يونس وود على ايده وعينه مش مفارقه
النظر ليها، طلع على اوضته ونيمها على السرير
الام طلعت وراه وبصراخ وخضه
البنت جرالها حاجه 
يونس بتوتر.. مش عارف، بس هى فاقده الوعى 
طلب دكتور العيله وبعد ما وصل وكشف عليها 
قال، كدمات، كتب لها على علاج
خرج البواب يشترى العلاج 
يونس واقف قصادها جمب السرير 
وطى عليها وبهمس، انتى كنتى عاوزه تموتى 
نفسك بجد 💔
خرج من الاوضه وسابها نايمه
بعد مرور ساعه، ود فاقت ولقت نفسها 
على السرير وطبعا كانت عارفه ان ده بيت يونس
قامت من مكانها وهى مش قادره تتحرك 
ليه  مموتش يارب، كان نفسى اموت وأرتاح 
من اللى انا فيه، اروح ل هاجر 😭
فتحت الباب وخرجت وبصت
شافت الفيلا فاضيه وخافت تنادى على يونس
نزلت وهى ناويه على الانتحار 
كانت بتتعجز على السلم، وافتكرت انها نسيت 
العكاز، رجعت وخدته من الاوضه
سمعت صوت ست تصرح من الألم
ايه ده فى حد تعبان هنا 
كان صوت خارج من اوضه مامت يونس 
ود اتحركت ناحيه الاوضه وفتحت الباب 
لقيتها واقعه على الأرض وماسكه جمبها
وبتصرخ، قربت منها وهى بتتعجز 
وبخوف.. مالك، انتى تعبانه 
الام بوجع وصراخ.. بموت يا بنتى، اندهى اى حد
وقفت مكانها مش عارفه تعمل ايه، بصتلها 
انا معرفش حد هنا، ممكن اساعدك بأيه 
الام.. انا بموت وبتصرخ بأعلى صوتها 
يونس كان فى المطبخ وطالع على السلم 
سمع صوتها جرى على الاوضه ودخل وشاف
ود بتحاول تقومها، شال امه ونيمها على السرير
__ الاب وصل، كان معاه بنات اخت مراته
رضوى وأسماء" بنات خالته" ركن العربيه 
دخلو الفيلا وطلعوا على صوت 😱صراخ الام 
الأنصارى بقلق وخوف.. مالك يا نجاة 
رضوى وأسماء فى صوت واحد.. مالك يا خالتو 
اسماء قربت من يونس لما شافت ود 
رضوى متنحه ليها... 
يونس بحزن.. كريزه الكلى يا بابا 
بس صعبه، انا اديتها المسكن ويارب تبقى كويسه 
قعد على الكرسى، كان مضايق وقلقان على زوجته
وبص ل ود وبتعجب.. هى مين دى!؟ 
رضوى قربت من ود.. انتى بقى الخدامه الجديده. 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
رضوى قربت من ود.. انتى بقى الخدامه الجديده.
الانصارى بغضب.. تانى خادمين وقرف، وضرب بإيده على رجله، مش كفايه اللى حصل قبل كده، ما كفايه علينا ام الخير 
تراكمت الدموع فى عينها، خدت العكاز وخرجت
من الاوضه
رضوى بسخريه.. يا حرام واضح انها معاقه
اسماء نغزتها فى ايدها، اسكتى بقى
يونس.. بابا حضرتك فهمت غلط، البنت دى مش خدامه، ده انا عملت حادثه قدام باب الفيلا وكنت هموتها 
الانصارى.. حادثه، مش قولتلك تخلى بالك 
من سواقتك، حرام عليك يا ابنى، احنا مش ناقصين وجع قلب، بص لصوره ولاده ونزلت دموعه، مش كفايه اخواتك راحوا مننا فى غمضه عين، وسأله.. طيب انت كلمت أهلها؟ 
بدل ما يحصل لنا مشاكل 
يونس بتوتر.. انا انا لسه معرفش حاجه عنها
أصلها كانت فاقده الوعى، انا اتصلت بالدكتور وقالى عندها شويه كدمات وهتبقى كويسه مع الراحه والعلاج
الانصارى بغضب.. لازم تكلم أهلها وتعرف دى مين واصلها ايه، يعنى علشان عملت حادثه تتدخل بيتنا واحده منعرفهاش، افرض يا ابنى حراميه
ولا حد وزها عليه من اعدائى علشان تسرقنى زى ما حصل ما البت الخدامه
رضوى بغل.. اه لازم تعرف أصلها من فصلها يا يونس
قرب منها.. لو سمحت بلاش تتدخلى ما بينا
فاهمه ولا لأ
رضوى بغيظ.. انت بتزعقلى علشانها يا ابن خالتى
يونس بنرفذه.. يو بقى ، انا مش عاوز وجع دماغ
الانصارى.. بنت خالتك بتتكلم صح! 
الام بصوت خافت.. انصارى، انصارى
بصلها وقام قعد جمبها، مسكت ايده
سيب البنت معانا لحد ما تبقى كويسه
شكلها غلبان وبعدين انا مضمنش تخرج من هنا
وتبلغ عن ابننا الوحيد وبتوسل، علشان خاطرى
اجبر بخاطرها واطلع اعتذر لها، قولها انك مكنتش
تقصدها، وخصوصا انها لما سمعت انى تعبانه
رغم عجزها، بس عملت اللى عليها وحاولت تساعدنى، يبقى بدل ما نشكرها، نهينها بالشكل ده
الانصارى.. حاضر يا نجاة، انتى تؤمرينى يا حبيبتى ❤️ وباس ايدها
يونس.. والله ماما عندها حق ، لازم نشكرها
ورضوى كمان تعتذر لها وبداخله.. كله منك يا عقربه، كان لازم لسانك السم يقول انها خدامه
__ خرج يونس وهو مضايق علشان ود
راح عندها الاوضه وكان الباب موارب
كانت واقفه جمب الشباك، ماسكه الستاره
وبتعيط، قرب منها..
ود، انت بتعيطى، بصتلوا
عادى حتى لو عيط هتفرق ايه؟
يونس.. بابا وبنت خالتى هيعتذروا ليكى
هما مش قصدهم اهانه وبابا على نياته
قطعت كلامه، انت بتبرر ايه بالظبط؟! 
يا يونس بيه، انا جايه فى مهمه، ومش فارق
معايا كل ده، انا موجوده هنا بس علشان
نتجوز سورى زى ما اتفقنا، يعنى كلها شهرين
وامشى من هنا، حازم قالى كده؟
من ورا الباب
رضوى بصدمه ةة😱 يا نهار اسود ومنيل
يونس هيتجوز البت السنكوحه دى
وكمان متفق معاها وبتوعد.. ماشى يا حازم الكلب
خرجت رضوى على اوضه اسماء اختها وقالت لها كل اللى سمعته
اسماء بدموع.. يونس هيتجوز
اترمت على السرير وقعدت تعيط
رضوى.. ايه يا بنتى، انتى صدقتى نفسك ولا ايه
اوعى تكونى فاكره نفسك بتحبيه بجد 
ده اتفاق ما بينا وكمان واحده فينا لازم تتجوزوا
مش شرط انتى يعنى
اسماء.. بس انا اتعلقت بيه
رضوى.. ونبى يا اختى، هو شايفك اصلا
انا وانتى بالنسبه لى شفاف، حاولت معاه كتير
ومش نافع، مش عارفه اعمل ايه
قلبه حجر ابن الانصارى، بس مش هسيبه
يفلت منى ويروح لغيرى 
اسماء.. عاااا
رضوى بسخريه.. لغيرنا.. ارتحتى😏
__ خرج يونس بعد ما اطمن على ود
وراح اطمن على مامته لاقاها نايمه
محبش يزعجها
نزل وقال لام الخير تجهز عشا
بعد ساعه كانت أم الخير جهزت العشا
الانصارى والبنات قاعدين على السفره
يونس شد الكرسى وقعد، طلب من ام الخير
تطلع بعشا فوق ل ود فى اوضتها
رضوى ضربت اسماء بالرجل
اسما بوجع.. ايه، فى ايه
رضوى باحراج وزعيق.. انتى يا ام الخير فين
الشوك والمعالق وكمان فين الشوربه
انا مبعرفش اكل من غير طبق الشوربه
ام الخير طالعه بالصينيه ورجعت لما سمعت 
زعيق رضوى، حاضر يا ست هانم 
يونس بعصبيه.. انتى مش شايفه انها مشغوله 
وبحده.. اطلعى يا ام الخير 
فعلا سمعت كلامه وطلعت 
يونس.. وبعدين بتزعقى ليه، شاور 
على الشوك والمعالق، ومسك معلقه 
المعلقه موجوده وكمان فيه شوكه، اما بقى 
طبق الشوربه، قومى هاتيه من المطبخ 
رضوى بغضب ضربت بإيدها على السفره 
مش واكله، ارتحت، وطلعت اوضتها 
الانصارى.. تعالى يا بنتى كملى اكلك 
اسماء.. معلش يا جماعه، أصلها تعبانه شويه 
واستأذنت وطلعت وراها
يونس.. فكك منها، دى انسانه مستفزه وبتاعت مشاكل، بصراحه مش بطيقها 
الانصارى.. ماما تزعل يا يونس 
يونس.. ما علشان ماما انا ساكت
__ دخلت ام الخير وحطت الصينيه على السرير
ود.. انا مش جعانه، انا عاوزه انام وبس 
ام الخير.. لازم تاكلى يا بنتى، يونس بيه موصى 
عليكى جامد اوى، وكمان انتى تعبانه وبتاخدى
علاج، يعنى لازم تاكلى 
ود.. شكرا، انا مش جعانه 
ام الخير شافت العكاز، لامؤاخذه هو عكازك ده 
ود.. اه العكاز بتاعى 
ام الخير.. لا حول ولا قوة الا بالله وبداخلها 
سبحان الله زى القمر بس يا خساره الحلو ميكملش، حكمتك يارب 
ود.. بتقولى حاجه؟ 
ام الخير.. اصلك شبهه بنتى بالظبط 
وبدموع.. ربنا يديكى طولت العمر 
ود.. ليه، هى ماتت؟ 
ام الخير.. لأ، بس بالنسبه ليه ماتت 
ود.. ليه كده بس! 
ام الخير.. الموضوع طويل، انا هسيبك تاكلى 
وبعدين احكيلك حكايه بنتى الملعونه 
ود بذهول.. ملعونه 
ام الخير.. ايوه ملعونه، ربنا ينتقم منها 
انا مش راضيه عنها لا دنيا ولا آخره 
ود.. ممكن تحكيلى حكايتها 
ام الخير بابتسامه.. بعدين، يلا كلى يا 
اسمك ايه؟ 
ود.. انا أسمى ود 
ام الخير.. عاشت الاسامى 
ود مدت ايدها وأكلت بسيط اوى وبعد ما خلصت نامت __
 خرجت ام الخير وطمنت يونس عنها وقالت 
انها اكلت ونامت وكان طلبه منها انها تخلى 
بالها منها طول ما هو مش فى البيت
___ نزل يونس وقعد فى المكتب
ولع السيجارة وبيفكر فى اللى جاى
الباب خبط وكانت رضوى ومعاها قهوة
رضوى.. احم احم، القهوه يا يا ابن خالتى
يونس.. تعالى، اقعدى
حطت القهوه على المكتب وبابتسامه
انا اسفه، متزعلش منى
يونس.. يا بنتى انتى عندك انفصام
والله ده اللى مصبرنى عليكى
رضوى. بغير عليك وانت عارف، قربت منه
ومسكت كتفه وقربت شفايفها من شفايفه، 
بحبك يا يونس
يونس بحده بعدها عنه.. انا قبل كده قولتلك
انا مش للحب ولا للجواز، لا انتى ولا غيرك
فاهمه، انتى بنتى خالتى وبسس.
رضوى فتحت باب المكتب وطلعت على اوضتها
وهى بتعيط
يونس شرب القهوة ومن الإرهاق والتعب
نام فى المكتب
__ فى صباح اليوم التالى
ود قامت من النوم الساعه 9 الصبح
كانت عاوزه تتدخل الحمام، مخدتش بالها 
ان فى حمام عندها، خرجت 
وهى بتتعكز على العكاز، وراحت على اوضه يونس تسأله، خبطت على الباب اتفتح
كانت فاضيه وضلمه
دخلت وبداخلها.. يااه الاوضه مكتومه اوى
وضلمه ةةةة، معقول دى اوضه يونس المليونير 
قربت من الشباك، شدت الستاره وفتحته 
ايوه كده الشمس حلوه ونور ربنا جميل 
كان الدولاب مفتوح والسرير متلغبط 
ابتدت ترتب الدولاب، وتظبط السرير
__ يونس نايم فى المكتب وصحى على صوت
الفون وكان حازم، رد عليه وقالو انه هيأجز النهارده 
وبعد ما خلص مكالمه قام من مكانه
ود نازله وفى ايدها العكاز والفيلا فاضيه
الفيلا كبيره وهى مش عارفه مكان اى حاجه 
بقت تدور وشافت المطبخ، لمحت رضوى واقفه
وبتجهز أكل وقالت.. هى دى اللى قالت عليه 
خدامه، خرجت وهى بتتعكز وقابلت يونس 
فى وشها 
ود.. صباح الخير 
يونس بغضب.. ايه اللى نزلك، يلا اطلعى بسرعه 
ود.. مش ترد الصباح الأول 
يونس.. اسف، بس انتى عارفه والمفروض انك 
تعبانه، فاهمه يا ود 
ود.. اسفه، انا كنت عاوزه الحمام 
يونس.. اوضتك فيها حمام 
ود.. مخدتش بالى 
طلعت ود وسابته واقف مكانه 
كان واقف ومضايق من تصرفها 
خايف لا ينكشف 
رضوى خارجه من المطبخ وفى ايدها صينيه 
فطار، شافت يونس ابتسمت 
صباح الخير يا يونس، انا اسفه من اللى حصل
منى امبارح بالليل 
يونس.. انا اللى اسف 
رضوى.. انا قلبى ابيض وطيوبه وانت عارف 
وعلشان تصدق، انا طالعه للبنت بتاعه الحادثه 
وعملتلها بإيدى فطار، إنما ايه، مبيتعملش غير 
للحبايب، وهعتذرلها زى ما طلبت منى 
يونس بابتسامه.. فعلا فى حاجه فى عقلك 
مش بقولك ان عندك انفصام 
طلعت رضوى عند ود ومعاها الفطار
اما يونس دخل المكتب يخلص شويه تليفونات
__ ود خرجت من الحمام واتفجأت بدخولها عليها
رضوى..صباح الخير.. انا رضوى بنت خاله يونس 
وحطت الصينيه على الترابيزه
ود.. صباح النور، اهلا 
رضوى.. انا عارفه انك زعلانه منى بس والله 
ما كنت اعرف انك عامله حادثه ولا كلام من ده 
وبابتسامه.. انا جايه اعتذرلك على اللى حصل منى امبارح وده فطار عملاه بإيديه ليكى 
ياريت تقبليه منى وتعتبرينى زى اختك بالظبط 
ود.. شكرا
رضوى.. يبقى مقبلتيش أسفى، انا زعلانه 
ود.. لا والله قبلته 
رضوى خدت كوبايه اللبن وطلبت منها تشربها 
بنفسها 
ود.. بجد شكرا، بلاش تتعبى نفسك انا هشربها 
وخدتها منها وشربتها واكلت وراها قطعه جبنه 
نستون _____
خرجت رضوى وعلى وشها ابتسامة خبث
وبعد مرور ساعه فى اوضه ود 
صوت صرااااخ وتكسير 
كان صوت الصراخ والتكسير  عااالى لدرجه الكل سمعه، خرج يونس من المكتب وطلع يجرى على فوق ووراه ام الخير، خبط على الباب 
ومحدش فتح، وابتدى يزقه، إنما كان فى قوه تمنع الباب من الفتح 
تظهر "ود" خلف الباب بعيون مليئه بالشر وفى ايدها العكاااااز وكله دم..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تظهر "ود" خلف الباب بعيون مليئه بالشر وفى ايدها العكاااااز وكله دم 
__ يونس بيحاول يفتح الباب إنما مكنش قادر
ومش عارف ايه اللى بيحصل، ابتدت تصرخ 
من جديد وتكسر، الصوت كان عالى جدا 
ام الخير بقت تخبط على الباب، افتحى يا ود 
يونس واقف متلغبط، دخل اوضته وفتح الدرج 
خد نسخه من المفاتيح اللى معاه، خرج جرى
على اوضه "ود".. فتح الباب 
كانت واقفه عند الشباك ونظره عيونها متغيره
قرب منها، مالك يا ود، فى ايه؟ 
بصتلوا بغيظ وبغضب.. عاوز منى ايه 
ابعد عنى، يلا اخرج من هنا
ابتدى يقرب اكتر ولمس شفايفها، بص للمرايا
لقاها متكسره وبذهول، انتى متعوره شفايفك
وايدك كلها دم
ود بغضب زفته.. بقولك ابعد عنى، انت ايه
مبتفهمش
ام الخير بصت وشافت صينيه الفطار واقعه
على الارض وكمان كوبايه اللبن 
وبداخلها.. اللبن، اكيد كان فى حاجه وانا عارفه مين اللى عمل كده، أنا لازم الحق المسكينه دى قبل ما تموت نفسها
خرجت جرى على اوضه رضوى، فتحت الباب بعنف
اسماء بعصبيه.. فى ايه انتى، ازاى تدخلى علينا كده من غير ما تخبطى على الباب يا ست انتى 
ام الخير بغضب.. انا عاوزه الست رضوى 
كانت قاعده على السرير وماسكه اللاب 
قامت بغرور وقرف.. نعم عاوزه ايه؟ 
قربت منها ومسكتها من هدومها.. عملتى ايه 
للمسكينه اللى جوه، وزقتها، ردى عليه
رضوى بتوتر.. تقصدى مين يا ست انتى 
ام الخير.. اقصد ود البنت الغلبانه العاجزه 
انا عارفه ان اللبن فى حاجه
واكيد من عند "رضا" بنتى الملعونه 
انا واثقه ومتأكده انها بتساعدك فى خراب البيت
ده، بس اقسم بالله لو البنت جرالها اى اذى
انا هبلغ يونس بيه والست نجاه هانم 
واقولهم على كل حاجه، زقتها على السرير
فاهمه يا رضوى وبسخريه، يا هانم
رضوى بغضب قامت، قولى ان بنتك بتساعدنى
علشان تتقلب عليه وعليكى
ام الخير بتوعد.. انا بقولك اهو، ابعدى عن ود 
وبقسم، هقول السر القديم فاهمه؟ 
رضوى قعدت مكانها وبانهيار، هتاخد منى يونس
ام الخير بسخريه.. قولى هتاخد منك فلوس يونس، انا عارفه انك عمرك ما حبتيه علشان 
اللى بيحب حد مش بيأذيه 
انتى بتحبى فلوسه واسمه وبس🤚
انا مش هسكت ولازم انقذ البنت قبل ما تموت 
خرجت ام الخير من الاوضه ونزلت المطبخ 
جابت مياه، حطت فيها ملح وطلعت عند ود 
طالعه على السلم بتكلم نفسها 
يارب تشربها وترجع اللى فى بطنها
كان يونس بيحاول يهديها، خد العكاز منها 
وبيمسح لها الدم، قعدت على كرسى 
عينها كلها شر وبشراسه
مسكته من وشه، خربشته، بصراخ ودموع، انت خدت منى اعز ما املك، ورمتنى، قتلتنى ليه؟
كنت مستنى انى اموت، انا اهو قدامك عايشه 
 ومش هسيبك، يا تموت انت، يموت انا 
وانا اللى زى ميموتش ابدااااا
يونس بذهول.. لا لا لا لا 
انتى مش ود، نزل على الأرض وقعد على ركبته
وبصرخه وجع، مين اللى بيعمل فيا كده 
ود خدت الفازه وهتضربه على دماغه
ام الخير شافتها، رمت المياه من ايدها 
جريت عليها، قوم بسرعه يا يونس بيه 
خدتها من ايدها
ود بشر.. يبقى اموتك انتى بقى 
ام الخير.. موتينى، بس فوقى يا بنتى 
ود مسكت بطنها وبقت تصرخ بخباثه، اه اه 
يونس، مالك، قرب منها 
ود.. بطنى بتتقطع، مسكت جسمها، حاسه 
ان دمى بيغلى وسخونيه فى جسمى كله
يونس لمسها..انتى مش سخنه، شالها 
وخدها على اوضته، نيمها على السرير 
كانت عينيها بتزوغ شمال ويمين وكأنها مسبله 
يونس.. اجبلك دكتور
كانت عينها فى عينه، نامت، غطاها بالكوڤرته 
وخرج بره الاوضه، بيضرب كف على كف 
ام الخير بتوتر.. هى عامله ايه؟ 
يونس.. نامت، بس مش عارف 
انا خايف عليها، لا تموت زى نوره 
كانت نفس حركاتها، وبدموع، فاكره نوره يا داده
ام الخير.. هو حد ينسى ست نوره بردوا 
الله يرحمها، كانت ملاك 
بس انا مش هسيب ود تحصلها حاجه
لازم انقذها يا يونس 
يونس.. تقصدى ايه بكلامك ده!؟ 
ام الخير بتوتر.. ولا حاجه، انا بس نفسى اساعدها
يونس..ياريت يا داده، البنت غلبانه وانا مش عارف فى ايه؟ 
مين فينا المقصود ، لو انا المقصود، يبقى انا اولى 
بالموت، إنما تموت بسببى، حرااام 
ام الخير بداخلها.. اى بنت تقرب منك مش هتعيش 
يا ابنى، بس انا مش هسيب رضوى وأمثالها 
يعملوا اللى هما عاوزينه، ان شالله اموت بنتى 
وارتاح، لازم الملعونه تموووت
__نزلت ام الخير وسابت يونس على اوضتها
لابست عبايه وخرجت بره الفيلا
وقفت تاكسى وراحت على المقابر ___
__ من جهه أخرى الانصارى شاف يونس
ولما سألو قاعد ليه، قالوا انه واخد اجازه
علشان مرهق من الحادثه ويطمن على ود
الانصارى.. يعنى البنت كويسه
يونس.. الحمد لله، بقت احسن وبداخله.. كويس 
انه محسش باللى حصل، كان ماسك شنطه سفر
صغيره فى ايده
يونس خدها منه، على فين يا بابا
الانصارى.. مسافر يومين الغردقه
فى عقد جديد ولازم امضيه بنفسى
يونس.. معاك حد من الموظفين
الانصارى.. معايا " حكيم" مدير العلاقات العامه
انتى عارف مبقدرش اتحرك من غيره
يونس.. اه، عمو حكيم 
_السواق دخل وخد الشنطه وبلغه ان العربيه جاهزه خرج الانصارى معاه بعد ما وصى يونس على مامته____
يونس سأل على ام الخير وعرف انها خرجت 
استغرب لأنها خرجت بدون استأذان 
دخل المكتب وولع سيجاره، كان متوتر 
وقلقان من اللى بيحصل وافتكر نور خطيبته الأولى وليه يحصل ل ود زيها 
 الفون رن كان حازم 
رد عليه، طلب منه يستعجل موضوع الجواز 
إنما يونس قالوا ان ود تعبانه وفيها حاجه 
متغيره، ولما سأله مالها 
قالوا نفس موضوع نووور بالظبط 
حازم اتخض واتفزع وطلب منه أن ود تمشى 
من البيت علشان محدش فيهم يلاحظ حاجه
وخصوصا عمه الانصارى 
يونس بلغه انه سافر يومين
حازم بخيبة امل.. واضح كده ان الموضوع هيبوظ
يونس.. ده اللى همك، ما يبوظ ولا يتنيل 
المهم البنت اللى ممكن يحصلها حاجه 
بسببنا، وبردوا معرفش ليه؟
قفل معاه وهو مخنوووق
بيكلم نفسه.. كلام ود ليه ونظره عينها
كانت نفس نظره نوره ونفس اللى كانت بتقولوا
وبتعجب شديد.. مين دى اللى انا رمتها وقتلتها؟
خرج من المكتب، الفيلا فاضيه
طلع يطمن على "ود" فتح الباب لقاها نايمه 
قفلوا وراح على اوضه مامته يطمن عليها 
كانت رضوى قاعده معاها وعامله عبيطه انها متعرفش حاجه، سألته على ود، قالها نايمه فى اوضته، استأذنت وقالت إنها هتسببه مع خالتها
يقعدوا مع بعض براحتهم، وخرجت على اوضتها. 
قعد معاااها وقت طووويل.. 
__كانت الساعه 8ونص مساءا، وصلت ام الخير المقابر، ضلمه وصوت الكلاب بتنبح 
مشيت وهى بتتلفت شمال ويمين لحد ما وصلت
لاوضه قديمه، خبطت، الباب اتفتح 
قابلتها رضا بنتها 
ام الخير مسكتها بقووه وبعنف.. بلاش ود 
يا رضا، يأما اقتلك واشرب من دمك
رضا بسخريه.. متقدريش تقتلينى، وبخباثه 
تقتلى بنتك حبيبتك يما 
ام الخير.. انتى مش بنتى ولا اعرفك وطلعت سكينه من شنطه فى ايدها وبتهديد، وبقولك بلاش "ود" 
رضا.. خايفه عليها.. كلها ساعه وتفارق الدنيا 
الساعه 9 هترمى نفسها زى اللى قبلها ___
ام الخير بفزع.. 9 😱
__ رضوى خرجت من الاوضه وهى بتتسحب 
ودخلت على "ود" ، قفلت الباب وراها وقربت منها
هزت جسمها، يلا قومى ويهمس الساعه 9 تنفذى المطلووووب، وسابتها وخرجت ___
الساعه 9 الا 5 قامت ود من على السرير 
وبتتسند ووصلت لحد البلكونه، قفلت الباب عليها، مسكت السور بقوه __
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
__ خرجت ام الخير من المقابر بعد ما عرفت ان
ود فى خطر، ركبت تاكسى وراحت على الفيلا
ود واقفه، ماسكه سور البلكونه بقوه وبتحاول تطلع علشان ترمى نفسها، الساعه دقت "9" 
الباب اتفتح، دخلت اسماء جرى على البلكونه
فتحت الباب وشافتها، شدتها بقوه
دخلت رضوى وراها وشدت اختها بعنف، انتى
بتعملى ايه يا مجنونه سبيها ترمى نفسها
علشان تموت ونرتاح منها
اسماء.. الظاهر كده ان حصل فى عقلك حاجه
انتى قولتى هطفشيها مش تقتليها
انتى عاوزه تودى نفسك فى داهيه
ده غير ام الخير اللى عارفه عنك كل حاجه
عارفه عنك اللى انا معرفوش يا رضوى!؟؟
رضوى ضربتها على بوقها،اخرسى خالص ومسكتها من ايدها ،تعالى نطلع من هنا بسرعه قبل ما تفوق ونتفضح، وابن خالتك يعرف وتبقى مصيبه.
ود بتوهان، سامعه صوتهم زى الوش، الرؤيه 
عندها مزغلله، بصت لنفسها وبذهوول
انا فين، ايه اللى جابنى هنا؟ 
رضوى بعنف، مسكتها من ضهرها وبزعييق
ايه يا مجنونه اللى بتعمليه ده، عاوزه ترمى
نفسك من البلكونه وشدتها على جوه الاوضه
انتى عاوزه تودينا فى داهيه، زقتها على السرير
ود حطت ايدها على دماغها وبذهول
انا كنت عاوزه اموت نفسى!
رضوى بزعيييق ،فتحت باب الاوضه 
يونس يونس، مشيت وبتنادى عليه 
تعالى يا ابن خالتى شوف المصيبه اللى 
حلت على دماغنا 
__ خرج من اوضه مامته وهو مفزوع 
مصيبه ايه؟ 
رضوى شاورت على اوضته، ادخل شوف الهانم 
اللى حضرتك انقذتها من الموت كانت عاوزه تعمل فينا وفيك ايه؟ 
يونس دخل جرى ولقاها قاعده وعيونها كلها دموع
قرب منها، انتى كويسه، مردتش عليه. 
اسماء بتوتر.. دى كانت عاوزه ترمى نفسها من البلكونه، انا كنت واقفه فى الجنينه تحت وشوفتها، طلعت جرى ولحقتها الحمد لله 
حصل خير يا ابن خالتى 
رضوى.. لا محصلش خير، الهانم عاوزه تجبلك وتجيب لأسم الانصارى مصيبه، وندخل 
فى س وج وتروحوا فى داهيه، احم، قصدى كلنا
ود بتسمع الكلام وساكته، بتعيط بس
يونس شاف دموعها، بص لبنات خالتو، خلاص يا جماعه حصل خير، هى كانت اعصابها تعبانه 
شويه وان شاء الله هتبقى كويسه 
وبداخله.. الحمد لله انها منتحرتش، انا غلطان
مكنش لازم اسيبها لوحدها 
اسماء.. انا رايحه على اوضتى ، عاوز حاجه؟ 
يونس.. شكرا، بس عاوزك تنادى ام الخير 
اسماء.. انا نزلت علشان اقولها تحضر عشا
بس ملقتهاش، معرفش راحت فين؟
يونس بص فى ساعته, معقول لسه مرجعتش
اومال راحت فين؟ 
__ اسماء خدت رضوى وراحت على اوضتها 
ود عينها فى عين يونس وشافته متخربش
مسكت خده، ايه ده، مين اللى خربشك كده؟
حست بألم فى ايدها، مسكتها وبوجع، انا كمان ايدى متعوره؟ 
وب استغراب.. هو ايه اللى حصل!؟ 
يونس.. مش عارف، انا فجأه لقيتك انسانه تانيه
بتصرخ وتكسر فى الأوضه، كان شكلك تعبان خالص، ومش مظبوطه، بطنك وجعتك، كنتى بتقولى ان جسمك سخن، بس انا لمسته مكنش سخن ولا حاجه، عملتلك اسعافات وجبتك هنا
بعد ما الاوضه اتكسرت، لقيتك نمتى، سبتك ترتاحى شويه، كنت عند ماما وطلعت على صوت رضووى
ود.. انا مش عارفه مالى، ومش فاكره حاجه
يونس.. ان شاء الله هتبقى كويسه
انا هنزل اعملك اى حاجه تاكليها
ود.. انا مش جعانه
يونس.. انتى نايمه طول النهار ومأكلتيش خالص
سابها ونزل المطبخ يحضر عشا
ود قاعده مكانها والدموع نازله من عينها
وكأنها ما صدقت انه خرج من الاوضه
بتسأل نفسها.. هو انا ايه اللى بيحصلى ده 
قامت وملقتش العكاز جمبها
دخلت البلكونه وبصت منها وبذهول معقول
انا كنت عاوزه ارمى نفسى من هنا! طيب ليه!؟ 
بصت لفوق، السماء صافيه وشكلها جميل
شافت نجمه, نفس النجمه اللى كنت بشوفها
من البلكونه فى بيتنا 😭
__ رضوى شدت فى الكلام مع أسماء
بعد ما قالت لها ملهاش دعوه بيونس وهى اللى 
هتتجوزوا, بعد ما اتهمتها بالهبل والسذاجه 
وانها هضيعه من ايدها وخصوصا بعد ما نقذت ود 
ولما سألتها على علاقتها ببنت ام الخير وايه 
اللى بينهم، وسر ايه اللى تعرفه عنها 
ده غير اتفاق رضا معاها على جنان وقتل ود؟
رضوى.. مش هقولك على اى حاجه؟
اسماء.. انتى اختى وانا خايفه عليكى 
اه انا وانتى اتفقنا ان واحده فينا تتجوز يونس
بس متفقناش على القتل
رضوى.. قتل ايه؟انتى مجنونه 
اسماء.. انا سمعت كل حاجه 
رضوى بتوتر.. سمعتى ايه 
اسماء.. بعد ما ام الخير اتخانقت معاكى وهددتك
وقالت إن فى حاجه فى اللبن
فتحت الدولاب وطلعت منه كيس ابيض بلاستيك
رضوى بغضب.. ايه ده انتى عرفتى مكانه ازاى؟ 
اسماء.. ام الخير قالت ان فى حاجه فى اللبن
وانا شوفتك بنفسى وانتى بتحطى من الكيس
ده فى اللبن قبل ما تتدخلى اوضه ود
بس مكنتش اعرف ده ايه! 
رضوى شدت منها الكيس وخدته بقوه 
اسماء نزلت شنطه من على الدولاب ولمت 
كل هدومها ولابست 
رضوى بذهول..انتى بتعملى ايه يا مجنونه
اسماء.. انا ماشيه من هنا يأما تقوليلى 
ايه اللى بيحصل بالظبط 
رضوى.. مش هقول اى حاجه لو عاوزه تمشى بالسلامه. 
اسماء فتحت الباب وخدت شنتطتها ونزلت 
من غير ما حد يحس بيها 
رضوى بغضب.. يلا غورى فى ستين داهيه 
قال اقولك قال، علشان تخربيها على دماغى 
وبتوعد.. انا فضيتلك يا ست ود 
وقتيله يونس، يجننك يموتك 
وبعد ما اخلص منك ابقى اكلم وبسخريه 
اسماء هانم واصالحها ____
__ يونس أكل ود بنفسه! كانت صعبانه عليه
من اللى حصل لها وسألها اذا كانت فاكره الكلام اللى قالته ولا لأ
ود.. انا ناسيه كل اللى حصل ومش فاكره 
غير الخربشه دى ومسكت وشه
طلب منها تنام وترتاح 
قالها انه هينزل ينام فى المكتب ويخلص شويه تليفونات وتنام براحتها خالص 
__ نزل على مكتبه، والوقت كان متأخر 
بص فى ساعته, قلقان على ام الخير 
رضوى دخلت عليه بالقهوة 
قعدت معاه وبلغته ان اسماء رجعت شقتهم 
علشان بتظبط فيها شويه حاجات، استغرب 
بس مهتمش، شرب القهوة 
 خدت سيجاره من علبته وحطتها على شفايفه
مش هتشرب سيجاره ولا ايه 
يونس.. انا شربت كتير النهارده وتعبتنى، فرد رجله على الفوتيه وحس بالتعب والارهاق
قربت منه كانت لابسه قميص بالروب 
__ ود قاعده فى اوضتها قلقانه وبتكلم نفسها، انا لازم اكلم يونس بيه واقولو انى عاوزه أمشى 
من هنا ومش ناويه اكمل معاه فى الموضوع ده
خدت العكاز، فتحت الباب نزلت وهى بتتسند
رضوى بداخلها.. ايه الصوت ده، ركزت 
اه ده صوت خطوات العاجزه 
قلعت الروب وقربت من يونس، مكانش فى وعيه
قعدت على حجره، مسكته من رقبته، بحبك يا يونس، قربت شفايفها من شفايفه 
كان بيبادلها نفس الشعور بدون ما يحس وكأنه 
متخدر 
ود قربت من المكتب، خبطت محدش رد 
فتحت الباب وشافته فى حضنها 
ود ارتبكت وقفلت الباب 
وقفت خلفه، كانت مضايقه وبداخلها 
انا مالى، بس باين كده انه بيحبها، مع انى بشوف
عكس كده خالص، لما هو بيحبها، جايبنى هنا ليه؟ 
ما يتجوزها بدل ما يبهدلنى معاه
على الاققل هى من مقامه
وانا بنت فقيره وبابا فى سجن 
-حطت ايدها على قلبها، كان بيدق اوى 
بقت تكلم نفسها واتجهت لباب الفيلا 
انا لازم أمشى من هنا، احساس غريب جوايا 
عمرى ما حسيته وافتكرته وهو فى حضنها 
فتحت الباب وخرجت، ماشيه تتعكز فى الجنينه
لما وصلت للبوابه الكبيره 
فتحتها وقابلت فى وشها ام الخير 
ود بذهول.. ام الخير
ام الخير بقلق وبتبص شمال ويمين، مسكت ايدها
انتى كويسه يا بنتى 
ود.. الحمد لله، بس كنت هموت 
ام الخير بفزع .. انت هنا فى خطر 
تعالى معايا بسرعه، لازم اخدك بعيد عن هنا 
كان معاها تاكسى واقف قدام الباب
ود.. انا اصلا كنت ماشيه من هنا خالص
ام الخير بتوتر فتحت الباب وركبت 
ود قربت منه وهى بتتعكز، حطت العكاز جوه 
ركبت وقفلت الباب 
التاكسى اتحرك بيهم وفى الطريق
ود.. هو انتى كنتى فين؟ 
ام الخير.. انا انا، التاكسى فرمل 
اتنين هجموا على التاكسى وخرجوا منه
ود وأم الخير، بعد ما ضربوا السواق على دماغه
كانوا بيصرخوا ومحدش حاسس بيهم 
ام الخير بصررراخ.. انتوا مييين؟ 
ود بصرااااخ.. عاوزين مننا ايه؟ 
المكان ضلمه ومفيش رؤيه خالص 
رموا الاتنين على الأرض وقيدوهم بالحبال
وفجأه ظهرت رضا بنتها من الضلمه وفى ايدها
كيس اسود كبيييير، وبصوت مرعب، فاكره نفسك 
هتنقذيها من ايدى، انا قبضت تمنها خلاص 
ام الخير بفزع😱 وصرااخ.. لالا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
ام الخير بفزع😱 لالالالالااااااا
__ رضا قربت منها، انتى خايفه عليها اوى كده
ام الخير.. البنت غلبانه و متستاهلش الأذيه، فكينا
وسبينا نمشى، لا نأذيكى ولا تأذينا 
رضا بسخريه.. دلوقتى بقيت بنت بطنك
مش كنت ملعونه ورميتى طوبتى من زمان
وابتدت تتكلم معاها بلغه غريبه 
ردت عليها ام الخير بنفس اللغه
ود قاعده مكانها مرعوبه ومش فاهمه بيقولوا ايه؟ 
رضا قربت منها وبغضب، موافقه يما 
ام الخير.. لا مش موافقه 
رضا ب شر.. وافقى بدل ما اخليكى تتمنى الموت 
ام الخير بصراخ.. قولتلك لأ وكانت بتحاول تفك
ايدها.
طلبت من الشاب اللى واقف معاها يقلع الحزام
خدته منه، خلعت الحديده بسهوله
طلعت ازازاه من الكيس الأسود فيها ماده
لونها شفاف تشبهه الصمغ
حطت منها فى الحديده، قربت من ود
وطلبت منها تلحس الماده الى فيها
ود بفزع.. ايه ده؟
رضا.. نفذى اللى بطلبه منك ولا اوريكى الوش التانى
وهنا ابتدت ام الخير تكلمها بنفس اللغه الغريبه
وبعد ما خلصوا كلام شاورت للشباب
علشان يفكوا ايدهم
رضا انا ماشيه.. متنسيش ميعادنا بعد شهرين اول  جمعه فى الشهر التالت، هستناكى الساعه 1 بالليل وبتوعد، لو مجتيش اكيد عارفه هيحصل ايه؟؟؟؟
__ قام يونس واتنفض وبزعيييق، ابعدى عنى
رضوى.. بس انا بحبك يا يونس
يونس.. وانا قولتلك كذا مره انى مش بفكر فيكى
وياريت تسبينى علشان انا تعبان وعاوز انام
خرجت رضوى، طلعت على اوضتها بس متأكده
ان ود شافتها معاه
__ ام الخير اقنعت ود ترجع الفيلا وخصوصا بعد ما اتكلمت مع رضا وهتنفذ لها اللى هى عاوزاه؟
إنما ود مكانتش خايفه على قد ما هى حست انها
غيرانه وطبعا مقالتش على اى حاجه من الاتفاق
لأم الخير واضطرت ترجع معاها، دخلوا فى صمت 
من غير ما حد يحس بيهم 
__ فى صباح اليوم التالى 
الكل صحى على صوت صراخ الام 
وقعت من على السلم ورجليها اتكسرت 
يونس اتخض عليها وخدها المستشفى واتجبست
رجعت البيت وكانت بتتوجع من الألم ومش قادره
تتحرك، قعدت فى اوضه فى الدور الارضى. 
اثناء تاعبها، ام الخير كانت نفسيتها مش كويسه
كانت تعمل الأكل ومش مهتمه بيها خالص
اما رضوى كان اللى شاغلها، ازاى تخرج ود من الفيلا واخبار يونس وبس 
الام متجبسه ومش قادره تمشى على رجليها 
وفجأتها كريزه الكلى من جديد، تعبت اكتر 
ومن هنا ود قربت لها واهتمت بيها رغم عجزها
إنما كانت مهتمه بعلاجها وأكلها وملابسها، 
يونس استجدعها بس كان مبسوط انها قربت 
من مامته علشان لما يتكلم فى جوازه منها توافق
وتقنع والده
رجع الانصارى وابتدت رضوى تزن على ودانه 
انه يمشى ود من الفيلا وكفايه لحد كده وخصوصا 
ان الكدمات اللى فى جسمها خفت وبقت كويسه 
كانت المفاجأة لما رد عليها وقالها :
ان وجودها بجانب زوجته أصبح جميل فى رقبته
الغيره دبت فى قلبها، واتملك منها الشر
وابتدت تتصل ب رضا من تانى إنما كان خارج نطاق الخدمه، اتجننت وعملت زياره ليها فى المقابر، ولما راحت عرفت انها مش موجوده 
نقلت فى مكان آخر ومحدش عارف طريقها
من جهه أخرى 
ام الخير كانت كل يوم تخرج الساعه
1 بالليل وترجع الفيلا فى صمت من غير ما حد يحس بيها ___
بعد مرور شهر على أبطال قصتنا
"بعد ما الام فكت الجبس وصحتها اتحسنت" 
يونس طلب من باباه يتجوز "ود" اعترض وبشده لانه ميعرفش حاجه عنها ولا عن أهلها
يونس.. بابا انا سألت عليها وعرفت انها يتيمه
وملهاش حد، بتشتغل وبتصرف على نفسها 
الانصارى.. انا مش موافق، ممكن نساعدها
إنما تتجوزها ازاى! اققول لناس ايه ؟
انت رفضت بنات كتير وغير بنت المغاورى 
ورفضت تتجوز من بنات خالتك 
وفى الاخر تتجوز واحده معرفش عنها حاجه 
يونس.. انا اللى هتجوز مش الناس 
وحاسس انى هرتاح معاها وبعدين البنت كويسه 
وشالت ماما فى تعبها 
الانصارى.. انا عارف كل ده وعلى دماغى من فوق
إنما جواز لا يا يونس وبتوتر، لو مامتك عرفت 
هتتضايق على الاققل علشان بنات اختها
يونس.. انا كلمت ماما ووافقت 
الانصارى بغضب.. طيب لو وافقت على الجواز 
هنعمل ايه فى موضوع الخلفه 
يونس.. ماله؟ 
الانصارى.. انت بتستعبط ولا ايه 
هتخلف ازاى وهى معاقه وبتسند على عكاز
دى لو حامل ومشيت بيه ممكن تسقط 
وانا نفسى اشوفلك حته عيل يا اخى 
يونس بتوتر.. انا انا سألت والدكتور قال ترتاح
فى حالات زى حالاتها وخلفت
عمر الاعاقه ما تكون مانع للخلفه
الانصارى.. انا مقولتش مانع وكلامى واضح
يونس.. لما يحصل حمل ترتاح يا بابا التسع شهور
ومتقومش من السرير، هجبلها ممرضه تتابع حالتها
الانصارى بعصبيه.. معرفش بقى، انا غلبت معاك
وتعبت خلاص، وسابه ومشى
رضوى خلف الباب 
لازم ود تموت قبل ما ادمر حياتى 
بعد مرور اسبوع، الام بلغت يونس ان باباه
وافق على زواجه من ود 
ولازم يبدأ فى ترتيبات الفرح
وبالفعل ود ابتدت تجهز، كانت بتخرج يوميا مع يونس علشان تشترى كل اللى يلزمها 
من ميك اب وملابس حتى فستان الفرح
وفى يوم راجعوا البيت تعبانين جدا 
يونس طلع اوضته كان مرهق، قال انه هيرتاح شويه 
ود دخلت المطبخ شافت ام الخير معاها قماشه
بتقرأ عليها كلمات بنفس اللغه اللى كانت
بتتكلم بيها مع رضا
بس لما شافتها خبتها منها
ود بداخلها.. يا ترى وراكى ايه يا ام الخير انتى وبنتك الملعونه، وسألتها بتعمل ايه؟ 
ردت وقالت انها كانت بتعيط من ألم فى ضهرها، وطبعا مصدقتهاش
ام الخير.. انتى عاووز حاجه من المطبخ 
ود فتحت التلاجه وطلعت منها بيض ولبن 
هعمل كيكه، اصل انا بحبها اوى 
وكمان هدوق منها يونس، يارب تعجبه 
فتحت دولاب المطبخ، طلعت دقيق 
وكل إللى يلزم الكيكه ووقفت وعملتها 
حطتها فى الفرن ولما اتعملت قطعت منها وهى 
ساخنه، خدت طبق، طلعت وهى بتتسند 
لحد اوضه يونس، فتحت الباب من غير ما تخبط 
يونس كان خارج من الحمام ولافف بشكير على 
جسمه وبخضه.. ايه ده مش تخبطى 
ود باحراج.. اسفه، لسه هتخرج
يونس.. كنتى عاوزه حاجه؟ تعالى 
ود قربت منه، كنت عاوزاك تدوق عمايل ايديا وبأبتسامه اصل عملت كيكه وكان نفسى تشوف بقى انا ست بيت ولا لأ، سندت العكاز على الكرسى
مسكت الشوكه، خدت حته وبتأكله فى بوقه 
يونس بقسوه وزعيق.. زق ايدها  ايه اللى بتعمليه ده انا مالى ست ولا لأ، مسكها من دراعها
ميخصنيش يا ود، همس فى ودانها، احنا هنتجوز سورى وبأتفاق، مجرد ما اخد الثروه من بابا هطلقك، فاهمه ولا لأ
وبسخريه ، بعدين بلاش شغل الخدامين ده
ود بانفعال.. يونس بيه انا مش خدامه على فكره وعارفه اننا هنتجوز سورى وكلها مسأله وقت 
بس حضرتك لازم تعرف انى بنى ادمه وكان ليه 
بيت وأهل وحياه اتمنى ترجع لو دقيقه 
انا بنت ناس وكنت فى ثانوى وبتعلم 
بس ربنا أراد ليه حياه تانيه، ان ماما واخواتى 
يموتوا فى حادثه بسببى 😭 بابا ادمر نفسيا 
خسرنا بيتنا وخسر شغله، الظروف حكمت علينا نعيش عيشه تانيه خالص، اختى ماتت من الفقر💔 وسابت ليه وجع القلب، بصت لرجلها، انا مش عاجزه، دى حادثه، وعارفه انك بتحب رضوى 
بس اللى مكنتش اعرفه انك من غير قلب 
قلبك حجر وقادر تجرح الناس لمجرد انهم اققل
منك، عن اذنك، العكاز وقع الأرض 
خدته وسابت الطبق على الترابيزه، خرجت وهى 
منهاره ____
يونس بداخله.. اسف يا ود، مينفعش💔
        ___________________________
تجهيزات الفرح انتهت والفيلا جاهزه لاستقبال
العروسين ود ويونس
بحضوور اكبر رجال أعمال فى البلد والعائله
والاهل والاصدقاء، والعاملين فى الشركه
اما حازم كان ماسك الفون ومتوتر جدا
اسماء واقفه على جمب، ماسكه منديل وبتعيط
رضوى.. بتعيطى يا موكوسه وبداخلها، مش هيتم 
اسماء بغضب.. ابعدى عنى بقى، مش ناقصاكى
المأذون وصل وقاعد مع الانصارى
الام ظهرت فى أجمل صوره، كانت لابسه فستان 
مقفول، محجبه، مبتسمه، رغم الثراء إنما كانت بسيطه جدا 😍
" فى الطريق، تظهر عربيه يونس" 
قاعد ورا، جمبه ود، كانت مثل الاميرات، ملكه
"السواق ضرب فرامل" 
ود مسكت ايده وحضنته وباحراج.. اسفه
يونس.. محصلش حاجه، كان قاعد جمبها متوتر 
الفون رن، كان حازم رد عليه 
يونس.. الو 
حازم.. ايوه يا يونس، عاوزك تسمعنى من غير ما ترد عليه خالص 
يونس.. فى ايه يا ابنى 
حازم.. بعد ما تقفل معايا، افتح الفيس فى مصيبه
يونس.. مصيبه ايه؟
من جهه أخرى تظهر ام الخير على باب الفيلا 
بملامح متغيره وملابس سوداء وبجانبها ابنتها الملعونه_
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
يونس.. مصيبه ايه؟؟؟ 
قفل معاه، حاول يفتح النت مكنش مجمع 
يونس بداخله.. يا ترى فى ايه؟ 
كان متوتر طول الطريق وقلقان 
        _________________________
الانصارى قاعد مع المأذون، حس بنغزه فى قلبه
فى وصول ود ويونس 
وصلت العربيه، نزل منها العرسان
دخلوا الفيلا وأول لما ابتدت الزفه، الانصارى وقع 
من طوله، الام قربت منه وبصراااخ الحقوونى
يونس شافه ساب ايد ود وجرى عليه بخضه 
وقفت متسمره مكانها ، اول لما المعازيم شافتها 
الكل اتجمع حواليها، معقول انتى العروسه 
ود ب استغراب.. هما بيبصوا ليه كده ليه؟ 
وبداخلها.. اكيد علشان فقيره وعاجزه
يونس بصراخ.. بابا😱، دكتور بسرعه 
مجهوله.. انتى العروسه، معقول بس زى القمر 
فتحت الفون وخدت سيلفى معاها 
ود.. هو فى ايه؟ 
_المعازيم كلها اتجمعت حوالين ود، هى واقفه مستغربه، فتحوا الموبايلات وبياخدوا صور معاها
؟؟؟؟؟؟؟؟؟؟؟؟؟؟؟ 
كانت بتحاول تبعد عنهم ومش فاهمه حاجه 
مجهوله.. حضرتك اسمك ايه؟ 
ود.. انا أسمى ود
فى الوقت ده كان يونس بجانب ابوه لوحده 
والكل مهتم ب ود ، الإسعاف وصلت 
خرج يونس مع باباه ولما شافته سابت الناس
وخرجت وراه، ركبت معاه عربيه الاسعاف
الفرح اتفركششششش، المعازيم مشيت 
            ____________________
داخل الفيلا، الام قاعده على كرسى ومش قادره
تتنفس، قربت منها رضوى 
شوفتى يا خالتو، المعازيم كلها بتتكلم على وش
النحس اللى اسمها "ود" 
اسماء نغزتها فى جمبها.. مش وقته، اسكتى خالص
رضوى.. ما انا عاوزة افهم فى ايه؟
الناس كلها عاوزه تتصور معاها،مش عارفه على ايه، دى حتى داخلتها نحس علينا
الام قاطعت كلامها بصراخ.. حرام عليكى كفايه، كفايه، هو فين حازم؟ 
رضوى.. انا شوفته قبل ما يونس يوصل 
ركب عربيته ومشى، معرفش راح على فين؟ 
الام بصراخ.. عاوزه اطمن على حبيبى وعشره عمرى، وبصرخه وجع اه يا انصارى😭 ، اتصلى بابن خالتك يا اسماء
اسماء.. حاضر يا خالتو، انا هكلم يونس وهطمنك
مسكت الفون، اتصلت، غير متاح ____
__ داخل عربيه الإسعاف
الانصارى حالته بتسوء والدكتور جمبه بيعملوا 
اسعافات. 
يونس ماسك ايده وبدموع.. هتبقى كويس يا بابا
ود.. ان شاء الله هيكون بخير، متقلقش
يونس.. يارب 😢
العربيه وصلت ودخل الانصارى العنايه 
كان يونس واقف بره الغرفه منهار
ود.. هيبقى بخير، اطمن 
وفجأه اول لما الممرضه شافت ود 
قربت منها وبصتلها اوى، اه هى والله هى 
ود بذهول.. فى حاجه 
الممرضه.. ممكن أتصور معاكى 
ود..هو فى ايه النهارده! 
يونس.. نعم، تتصورى معاها ليه؟ 
الممرضه بفرحه.. ثوانى 
طلعت تجرى ورجعت معاها مدير المستشفى 
ولما شاف ود عرض عليها خدماته 
وقالها انا ممكن اساعدك واركبلك طرف صناعى 
على حساب المستشفى
ود.. حضرتك بتكلمنى انا؟! 
المدير.. ايوه ،وياريت تقبلى مساعدتى 
قاطع كلامهم فتح باب الغرفه ، خرج الدكتور وبلغ يونس بوفاة الأنصارى، وكانت الصدمه 😱
يونس انهار، اما ود مش مصدقه نفسها
__ وابتدى يونس يعمل الإجراءات بعد ما بلغ العيله كلها، اتصل ب حازم مكانش بيرد خالص
اما الام فقدت الوعى وكانت فى حاله انهيار
رضوى طلعت على المستشفى علشان تكون
جمب يونس وتحضر الجنازه
اما اسماء كانت بجانب خالتها
يونس طلب من ود ترجع البيت 
ود.. ممكن احضر معاك الجنازه
يونس.. انا عاوزك تبقى جمب ماما، اكيد هى
تعبانه دلوقتى، اتصل بالسواق وطلب منه يجى ياخدها 
وبعد ربع ساعه كان وصل وخد "ود" رجع
بيها على الفيلا ____
دخلت الفيلا وهى عارفه ان خلاص الجوازه مش هتم، كانت حزينه، وفجأه شافت رضا خارجه من جوه، حاولت تمسكها إنما زقتها وجريت زى المجنونه
ود بصررراخ.. رضاا.. رضا.. إنما كانت مشيت 
طلعت على غرفه الام، فتحت الباب، شافتها نايمه 
وأسماء قاعده جمبها 
دخلت وقعدت على الكرسى، هى عامله ايه دلوقتى؟ 
اسماء.. هتكون عامله ايه يعنى، اكيد مش كويسه
ود بدموع، قامت من على الكرسى، قربت منها 
قعدت جمبها، حسست على دماغها، مسحت دموعها، انا حاسه بيكى لأنى جربت وجع الفراق
بيكون زى النار بيكوى القلب وباستها 
الام بصوت خافت.. انصارى، حبيبى وعشره عمرى 
خلاص راح ومات 😭
اسماء.. عجبك كده اهى صحيت 
ود.. ومين قالك انها نايمه
اسماء قامت من جمبها.. يو بقى ،انا خارجه 
قربت من الباب، لما تحتاجى حاجه يا خالتى 
ابقى نادى عليه انا قاعده تحت وقفلته
وخرجت...
بعد مرور ساعه "ود" قاعده مكانها ومش عارفه
مصيرها ايه، وايه اللى مستخبلها
الباب اتفتح عليها بشويش
ود بخضه.. مين؟
كانت أم الخير بتشاور لها.. تعالى
ود..ام الخير، قامت من مكانها
خرجت بره الاوضه 
ام الخير اتجهت لاوضه يونس فتحتها ودخلت
ود مشيت ودخلت وراها
ام الخير قفلت الباب وشدت ود من ايدها
وقعدت معاها على السرير
كان شكلها متغير ومبهدل
ود.. مالك عامله كده ليه
ام الخير.. اسمعينى كويس
ود.. شوفتى الانصارى بيه مات 😥
ام الخير.. عارفه يا ود، بس لو سمحت اسمعينى
ود.. حاضر _____
__ من جهه أخرى حازم عرف بوفاة عمه وطلع
على المستشفى عند يونس يجهز معاه الإجراءات
ويحضر الجنازه
             ______________________
ام الخير.. طبعا انتى عارفه رضا بنتى الملعونه
ود.. كانت هنا ولما شافتنى زقتنى وجريت
ام الخير مسكت ايدها.. قولى ل يونس بيه 
ان رضوى بنت خالته هى اللى قتلت نوره خطيبته 
الأولى بمساعدة الملعونه منها لله 
ود بصدمه 😱 قتلتها، وبداخلها يعنى كان خاطب ومقالش، يبقى اكيد هى اللى كانت معاه فى الصوره
ام الخير.. زى ما كانت عاوزه تقتلك 
ود بفزع وخوف.. تقتلنى انا، بس ده هى اللى نقذتنى 
ام الخير.. بيتهيألك كله رسم قدام يونس، اى حد هيقرب منه هيموت 
علشان هى عاوزاه لنفسها وبس،، دى شيطانه فى صوره انسانه، عارفه اللبن اللى انتى شربتيه من ايدها، كان فى عمل يخليكى تموتى نفسك
تقولى قبلها شويه تخاريف كلها كذب وكأنك بتنتقمى من يونس وبعدها وبكام كلمه منها 
متعلموهم من الملعونه، تنتحرى، تقتلى نفسك بقى
ترمى نفسك، اللى هى هتقولك عليه تنفذيه
بس ربنا نقذك وبدموع.. زى ما عملت مع نوره 
انا ملحقتهاش، موتت نفسها قدام حبيبها يونس
وكله بسببها منها لله
ود.. يعنى بنتك رضا دجاله وبتاخد فلوس 
ولا ايه بالظبط 
ام الخير ب انهيار.. انا السبب وكله منى
ود.. ازاى؟ 
ام الخير.. هقولك على كل حاجه
عارفه لما السحر يتقلب على الساحر
انا بقى السحر اتقلب عليه
انا اتجوزت 16 سنه كنت عيله مش عارفه حاجه
ابو رضا كانت امه ليها فى الاسحار والاعمال
كنت بقعد معاها على طول لحد ما اتعلمت منها 
وشربت الصنعه، هو مات وسبنى لأمه، اتعلمت منها كتير، اللى يأذى الناس واللى يساعدها وكله بالفلوس 
رضا كبرت وحماتى ماتت، مكنتش اعرف ان بنتى 
اتعلمت كل حاجه، حاولت معاها كتير علشان تبطل 
مرضيتش، اشتغلت هنا وبعدت عنها، اما هى سكنت المقابر وعاشت هناك، واتسمت بالملعونه
ود.. علشان كده كانت بتتكلم معاكى باللغه غريبه
طيب كانت عاوزه منك ايه؟ 
ام الخير.. كتير، ناقصها حاجات كتيره
ومش هتقدر تعملها من غيرى، انا توبت وهى 
عاوزانى ارجع واشتغل معاها
وانا مش موافقه، وبتهور وعدم وعى 
لازم تموت علشان للكل يرتاح منها 
ود.. يعنى هى موتت نوره خطيبه يونس
ام الخير.. رضوى العقربه بس بمساعدة رضا، ومش كده وبس كمان بتحطلوا حاجه فى البن تعجزه جنسياً، مش عاوزاه يتجوز 
ود.. قصدك ايه! يونس بيه مالوش فى الجواز 
وبداخلها.. علشان كده وافق اننا نتجوز وطلب انه يكون جواز سورى 
ام الخير.. هو عارف كده وببفتكر انه مريض 
إنما كله فى البن، السر فى قهوة رضوى
ود.. طيب والميعاد اللى بينك وبين الملعونه
انا سمعتها بتقولك اوعى تنسى بعد شهرين
ام الخير.. ما انا بقولك عاوزانى فى شغل كبير
مش هتقدر تعملو من غيرى، بس انا مش ناويه اروح لأنى هتخلص منها 
ود.. ينفع تقولى الكلام ده قدام البوليس؟ 
علشان لازم رضوى تاخد جزائها وتتربى. 
       ____________________________
بعد دفن الانصارى فى عربيه حازم
حازم.. هى فين رضوى عاوزين نمشى؟ 
يونس.. مش عارف، انزل شوفها
علشان انا مصدع وتعبان، وبدموع الله يرحمك يا بابا
حازم.. الله يرحمه
يونس.. لسه ورايا عزا وحاجات كتير
انا بجد تعبان
حازم واقف قصاد الباب بيشوف رضوى
وقرب من يونس وقال
انا عارف انه مش وقته، بس لازم تعرف
يونس.. فى ايه؟
حازم.. انت شوفت الفيس؟ 
يونس.. مكانش مجمع، مشفتش
حازم.. خود المفاجأه وجهز نفسك للصدمه
يونس.. اكتر من اللى انا فيه
حازم.. ود بقت تريند الفيس بوك وكله بيتكلم عنها
يونس بذهول.. نعم.. ازاى ؟
حازم.. معرفش.. بس بفتح الفيس لقيت رسام 
مبتدأ تقريبا منزل صورتها وبيقول انه مشترك بيها فى المعرض وخد المركز الاول واحتمال تبقى عالميه، وواخده شير ولايكات وكومنتس بالهبل 
يونس.. انت بتقول ايه؟ 
حازم.. اه والله زى ما بقولك كده 
خود عندك وكاتب انه بيدور على صاحبه الصوره 
لانه خد مكافأه كبيره وهتبقى بالنص ما بينهم 
ده غير العروض والشغل اللى جاى ل ود 
ده غير ناس كتير عرضت عليها مساعدات 
اصل الصوره غريبه كانت بتعيط وحزينه 
وبنفس شكلها بس قاعده على باب مستشفى 
والاعاقه اللى فى رجليها باينه 
يونس.. انت بتتكلم جد 
حازم فتح الفون وجاب البوست وقالوا 
اتفضل، شوف كده 
يونس خده من ايده بسرعه وشافه 
شاف صوره "ود" كانت أجمل من الموناليزا 
ومكتوب من فوق
اللى يعرف صاحبه الصوره يكلمنى ضرورى 
لأنها صاحبه الفضل عليه، وكسبت المركز الاول
والمكافأه بالنص _____
يونس.. فعلا مصيبه 
حازم.. كانت مصيبه، إنما دلوقتى خلاص بقى 
عمى مات والثروة من حقك ومفيش جواز 
يونس بلجلجه.. اه اه 
حازم.. كويس والله البنت حظها حلو جالها شغل واشتهرت
بس بردوا لازم تاخد مبلغ منك يا يونس
يونس بعصبيه.. فين الزفته اللى اسمها رضوى
انا عاوز أمشى
وبعد دقايق رضوى جت وركبت معاهم وطلعوا
على الفيلا، الطريق كله يونس ماسك الفون 
وبيقرأ التعليقات، كان مضايق، مخنوق
__ العربيه وصلت، نزلوا منها... 
يونس بصدمه.. ايه البوكس اللى قدام البوابه ده
حازم.. بوليس، خير فى ايه
رضوى بداخلها.. يا ترى فى ايه؟
يونس جرى على البوابه ووراه حازم ورضوى
دخلوا جوة الفيلا
كانت ود قاعده ومعاها ظابط واتنين عساكر
يونس وحازم بصوت واحد.. فى ايه؟
رضوى واقفه مكانها
الظابط.. هى دى رضوى يا انسه ود؟ 
ود.. ايوه هى
يونس قرب منه.. خير يا افندم رضوى تبقى بنت 
خالتى، فى حاجه 
ود.. هى دى رضوى حضرتك 
الظابط.. يا يونس بيه فى ان الانسه رضوى قاتله
ومطلوب القبض عليها، ده غير التحريض لقتل 
الانسه ود 
يونس.. انا مش فاهم حاجه 
حازم.. رضوى قتلت مين؟ 
رضوى بتبعد عند الباب، العسكرى قرب، منها ومسكها.. 
الظابط قرب من رضوى، هى عارفه كويس قتلت مين
رضوى بصراخ .. انا مقتلتش حد كله بسببها 
 انا مقتلتش وهنا خرجت ام الخير من الاوضه
قتلتى يا رضوى وانا شاهده 
واعترفت بكل اللى قالتو ل ود قدام حازم ويونس
والام وأسماء اختها 
رضوى قربت من ام الخير وخنقتها، كذابه، كذابه
ام الخير جريت على المطبخ وجابت البن 
وكانت الصدمه بالنسبه ل يونس وعرف 
ان عجزه كان خطه مدبره من بنت خالته وكانت صدمته كبيره فيها
_رضوى انهارت واعترفت، خرجت وفى ايدها 
الكلبشات ووراها ام الخير 
_ام الخير لمحت رضا واقفه على الباب وناويه
على الشر، ساهتهم، جريت عليها عند البوابه 
حضنتها وضربتها بالسكينه وضربت نفسها 
وكانت نهايتهم...
            ____________________
بعد مرور 3 ايام العزاء.. 
_تظهر الام فى حاله من الحزن بعد فقدان زوجها 
وصدمتها فى ابنه اختها اللى ربتها بعد ما عرفت انها السبب فى دمار حياه ابنها الوحيد.. 
اما اسماء انسحبت بهدوء ولم تحضر العزاء 
بعد اكتشاف حقيقه رضوى
__ فى المكتب __
يونس بعصبيه.. انتى ازاى تقولها على موضوع التريند ده
حازم.. كان لازم تعرف بتوتر.. وبعدين ليه! مقولهاش مش فاهم!؟ 
يونس.. مكانش لازم تعرف
حازم.. علشان تشوف حالها، البنت جايلها شغل كتير ومساعدات
يونس.. اوووف وضرب بإيده على المكتب
حازم.. من غير ما تتعصب سواء قولت او مقولتش كانت هتعرف، يا ابنى دى اتشهرت، تقريبا الناس كلها عارفاها 
يونس.. والحل ايه؟ 
حازم.. اكتب لها شيك وقولها الف شكر 
هتتبسط اوى 
يونس قرب منه، بقولك ايه, لما عرفت موضوع. التريند ،فرحت يعنى 
حازم.. دى مكانتش عارفه اصلاً يعنى ايه تريند 
مكانتش مصدقه نفسها وعلى فكره افتكرت الشاب اللى خد منها الصوره وقالت انه غفلها
وقتها كانت قاعده على باب المستشفى اللى فيها 
اختها الله يرحمها 
يونس بتوتر.. يعنى ايه قالتلك انها هتمشى من هنا ولا هتقعد 
حازم.. وتقعد ليه، مش مفيش جواز وخلصنا 
يونس.. اه اه 
الباب خبط وكانت الشغاله الجديده 
يونس.. فى حاجه 
الشغاله.. فى ناس عاوزين حضرتك بره 
يونس.. مقالوش مين؟ 
الشغاله.. لا يا بيه 
خرج يونس يشوف مين ووراه حازم 
الشاب.. اهلا يا يونس بيه
يونس.. مين حضرتك
الشاب.. انا اللى رسمت انسه ود
يونس.. ممممممم.. اتفضل.. بص لست اللى معاه
ود نازله من على السلم ماسكه العكاز
ولما شافت الست بصدمههه " خالتو"
معقول ولسه هتنزل تحضنها افتكرت قسوتها
يونس.. المدام مع حضرتك؟ 
الشاب..هى خاله انسه "ود" وطلبت منى تعرف 
طريقها، طبعا، حضرتك عارف موضوع التريند والصورة اللى انا رسمتها، خدت المركز الأول
كنت كاتب اللى يعرف طريقها يقولى
وبصراحه الكومنتات كانت كتير
ومن ضمن اناس اللى  عرفت هى مين
كانت الاستاذه وشاور على خاله ود
بس مكانتش عارفه طريقها
إنما لقيت حد مكلمنى خاص وبيقولى
ان اسمها "ود" وساكنه هنا فى فيلا الانصارى
واتصلت بالاستاذه لأنها حلفتنى
لو عرفت طريقها اققولها وطلع شيك بالمبلغ
وقال، عموما ده نصيب انسه ود من الجائزه 
وطلب يشوفها 
ود قربت وسلمت عليه وعاتبته انه خد الصوره 
غصب عنها 
الشاب.. بس كانت وش السعد عليه وعلى حضرتك
وبابتسامه.. وفى شغل كتير علشانك معايا ومع غير من الرسامين الكبار
لو حابه انا مستعد اتفق معاهم وان شاء الله 
تعملوا حاجه كويسه 
ود.. بس انا مش بفهم فى الحاجات دى خالص
الشاب قرب منها وبدون ما يقصد لمس ايدها 
انا هفهمك على كل حاجه 
يونس وشه احمر وبعصبيه، انتى ناويه تشتغلى معاه وبعد ايده عنها 
ود.. هفكر؟ 
يونس.. يعنى ايه؟ 
ود بصت للشاب وخدت رقمه والشيك واتفقت 
معاه انها هتفكر كويس ولو كده هتكلموا
خرج الشاب وكان مبسوط من لقائه مع ود
الخاله قربت منها وبتحضنها، بنت اختى حبيبتى
الف مبروك بقيتى مشهوره والناس كلها بتتكلم
عليكى وعلى جمالك
ود بحضن بارد، مش كنت منبوذه ووش، النحس عليكى، يوم ما كلمتك فى الفون، من غير حتى
ما تكلفى نفسك وتقابلينى، قفلتى فى وشى السكه وكسرتى بخاطرى انا واختى هاجر الله يرحمها💔
يونس.. عن اذنكم انا
ود.. خليك، دى مش غريبه، وبسخريه، دى خالتى
اللى رمت بنات اختها
الخاله.. انا سألت عليكى ورحت المنطقه وبالقماره
شوفت الهام وقالتالى ان سعيد مات فى السجن
من شهر، وبخباثه، بس والله ما اعرف ان هاجر ماتت
ود قعدت على الكرسى.. بابا مات
الخاله.. إنما لما شوفت صورتك على الفيس
بعد ما بنات خالتك عرفوكى قالولى على طول 
فرحتلك يا حته منى وحته من اختى الغاليه 
ود بسخريه.. فرحتى، ده انا مشفتش فى عينك دمعه واحده لما عرفتى ان هاجر ماتت 
يلا اطلعى بره، انا مش عاوزه اعرفك 
انا مليش حد فى الدنيا دى 
انا مليش اهل وهفضل كده من غيرهم 
اهلى ماتوا كلهم، امى واخواتى دول اهلى 😭💔
الخاله.. طيب وحضرتك قاعده هنا ليه 
مع راجل غريب، يا بنت اختى 
يونس.. ود كانت هتبقى مراتى بس بابا اتوفى يوم الفرح 
ود.. انت بتبرر لمين لواحده رمت بنات اختها 
فى الشارع لكلاب السكك 
اوعا تكون فاكر انها خايفه على سمعتنا وشرفنا 
لا يا يونس، طول عمرها طماعه وبتحب الفلوس
هى جت هنا بس لما اتشهرت وعرفت انى بقيت 
معايا فلوس، وبمعنى أصح لما عرفت انى فيلا 
الانصارى، قربت منها ومسكتها بقسوه وصراخ 
وكل قوه، اطلعى بره، يلا بره وانهارت 
ابوس ايدك يا يونس طلعها من هنا واترمت 
فى حضنه، كان حاسس بحضنها، ضمها لى وبدموع بداخله، بحبك يا ود ❤️
حازم طلب من الشغاله تخرج الخاله بره الفيلا
__ بعد ما الخاله مشيت، ود طلبت انها تمشى 
وقالت إن كلامها صح، ازاى تقعد هنا وخصوصا 
بعد ما الجواز اتفشكل ومش هيتم اساسا لان الانصارى مات 
قربت من باب الفيلا وكانت بتودع يونس 
يونس.. انتى ماشيه خلاص وبداخله خليكى متمشيش
ود.. انا مليش وجود هنا وبداخلها، بس حبيتك 
يونس.. طيب محتاجه اى حاجه 
ود.. شكرا يا يونس بيه 
يونس قرب منها وسلم عليها ___
ود خرجت وهى بتتعكز ومعاها شيك المكافأه
خرجت من الفيلا وهى مش عارفه هتروح على فين؟ شاورت لتاكسى، وقف وركبت فيه 
وطلبت منه لو يعرف اى بينسون يوديها عنده 
راح بيها على بنسيون فى وسط البلد
نزلت ودخلت البنسيون وحجزت غرفه
قعدت فيها لمده اسبوع، مكانتش بتخرج منها
خالص غير للحمام وبسسس 
__ من جهه أخرى حازم كان عارف طريق ود 
بعد ما مشى وراها وعرف طريقها 
يونس كان تعبان نفسياً، رغم الفلوس والثراء
إنما كان حاسس انه لوحده بعد فقدان ود 
ومشيها من البيت، اتصل بيه ناس كتير 
وكلهم كانوا عاوزين ود فى شغل بعد التريند 
وغير المساعدات ____
              ___________________
بعد مرور اسبوع ود قاعده فى الغرفه ماسكه 
الفون بعد ما عملت اكونت وبتتفرج على صورتها
والكومنتات كانت مبسوطه بيها اوى 
الباب خبط 
خدت المفتاح وقامت فتحت كانت الام 
ود بفرحه نجاه هانم وحضنتها، وبصت شافت 
يونس، لما شافها الفرحه بانت عليه جدا 
ابتسمت بخجل 
ود.. اتفضلوا، ادخلوا 
الام.. انتى اللى هتيجى معانا يا ود 
ود.. بس انا مش خدامه يا هانم 
الام.. انتى هتيجى معايا زوجه لابنى 
انا النهارده جايه اطلب ايدك ل يونس 
ود بخجل.. انا انا 
يونس بابتسامه.. انتى ايه ؟
الام.. ها رأيك ايه 
ود.. انا موافقه بس بشرط
قربت من يونس، نفسى اكمل ثانوى حتى لو منزلى واكمل تعليمى، نفسى ادخل الجامعه 
عاوزه اليق بيك 
يونس.. حاضر، وفى مفاجأه علشانك 
انا هسفرك بره علشان تركبى طرف صناعى 
ود بدموع.. بصت لرجليها، انا مبسوطه كده 
دى امانه وربنا اخدها وانا راضيه بقضاؤه
الام.. يسلم لسانك يا حبيبتى 
يونس.. بحبك 
ود.. وانا كمان بحبك ❤️😘
مشيت ود معاهم، كانت مبسوطه وطايره من الفرحه
           ____________________
وبعد مرور اسبوع تم الزواج 
وليله الزفاف طلبت منه تروح على قبر امها وأخواتها، ركبت معاه العربيه بفستان الزفاف
كانت جميله جدا، وصفت مكان القبر ولما وصولوا
نزلت وقعدت ودعت لها وقالت النهارده
انا بفستان الزفاف يا امى، كان نفسك تشوفينى بيه وانا اهو جايه لحد عندك، قرأت الفاتحه
وطلبت منه تزور قبر اختها هاجر
لما وصلت عند قبر هاجر، قعدت وانهارت من البكاء، النهاردة بتجوز يا نور عينى، بس عارفه ان ربنا كريم وانتى عروسه فى الجنه 💔
وانهارت من البكاء، يونس حضنها ومسح دموعها. 
خرجت من القبر وكانت ماسكه فى ايد يونس 

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تعليقات