رواية وقعت في متاهة حبها من الفصل الاول للاخير بقلم نعمه احمد

رواية وقعت في متاهة حبها من الفصل الاول للاخير بقلم نعمه احمد

رواية وقعت في متاهة حبها من الفصل الاول للاخير هى رواية من كتابة نعمه احمد رواية وقعت في متاهة حبها من الفصل الاول للاخير صدر لاول مرة على موقع التواصل الاجتماعى فيسبوك رواية وقعت في متاهة حبها من الفصل الاول للاخير حقق تفاعل كبير على الفيسبوك لذلك سنعرض لكم رواية وقعت في متاهة حبها من الفصل الاول للاخير

رواية وقعت في متاهة حبها بقلم نعمه احمد

رواية وقعت في متاهة حبها من الفصل الاول للاخير

"كان أول يوم ليا فالجامعه مكنتش  اتخيل ان فيها ناس كتير أوى كده ، كنت متوترة طبعاً لانى لوحدى"

"مجموعه بنات من بعيد بيتكلمو ويشاورو عليا"

_بت يا علياء شايفه البنت اللى داخله علينا دِ

*اه شكلها لسه جديده، وبعدين ايه اللى عملاه فنفسها ده

~آه شكلها اهبل اوى بالشوال اللى لابساه ده

+يا جماعه بطلو ده اسمه نقاب وبعدين بطلو كلام عليها

كلهم قعدو يضحكو

علياء:طب بس ، دى شكلها جايه علينا

"روحت عليهم عشان أسألهم لانى معرفش حاجه"

انا: السلام عليكم ورحمه الله

ردت علياء بسخريه:وعليكم يا حبيبتى

انا:علفكره لو قولتيها كامله هتاخدى 30حسنه 

ضحكت هيا والبنات ، استغربتهم جدا بضحكهم وطريقتهم فاللبس اللى بيكشف اكتر ما بيدارى وحاطين طرحه على رأسهم قال حجاب 

سكت شويه: ممكن أتعرف عليكم لانى جديده هنا ومعرفش حد

علياء اتكلمت: انا علياء ودى ريهام ودى ميار واخيرا مبروكه الشله مريم

"مريم دِ حسيتها مش شبههم كده "

ضحكت:مبروكه الشله ليه يعنى

علياء: يعنى زى ما تقولى كده زيك، شيخه فنفسها كده

اتكلمت:انا مش شيخه علفكره، واتشرفت بيكم انا اسمى نور

"بعدين لقيت شله من الولاد معديين من قدامنا"

ميار:الحقى يا لول ،بصى القمر دول

"وديت وشي الناحيه التانيه طبعاً عشان حرام "

ريهام:بصى يا نور عالقمر دول

_يا بنتى حرام، مينفعش اللى بيحصل ده

ضحكت وسابتنى ومشيت

"عند شله الولاد"

_شوفت يا محمد البت علياء عينها كانت هتطلع عليك ازاى

*يعم سيبها، اومال مين اللى كانت معاهم دِ

_تقصد اللى لابسه شوال دِ

*ما تتكلم عدل ياض أنتِ ، شكلها محترمه مش زيهم

_من امته الكلام دَ

*من دلوقتى يخويا

_اصلا مخدتش بالها انك معدى

*ماهو دَ اللى هيجننى، انا اللى بعدى قدام الكل بينبهر بيا و دِ ودت وشها الناحيه التانيه

_فكك منها بقا

*لا مستحيل

"نرجع تانى للبنات"

نور: يا بنات حرام اللى بتعملوه دِ ،ربنا هيحاسبكو

جت علياء قربت منى:ليه أنتِ شايفانا روحنا كلمناهم

_يا حبيبتى مجرد النظره حرام ، ومش بعيد بعدين تكلميه عادى

مريم:ايوه يا علياء نور معاها حق

_متقلقوش عليا انا بعرف احافظ على نفسى اوى

ميار:بت يا علياء الحقِ ده جاى علينا

'نور: ربنا يهديها يارب

مريم :هيا كويسه والله وطيبه بس زى ما تقولى مغشي على قلبها

_ربنا يهديها يارب

محمد مد ايده عشان يسلم عالبنات وسلمو عليه عادى 

مد ايده ليا:ازيك

_اسفه بس مبسلمش

شال ايده بحرج: متخافيش مش باكل بشر

_مش حكايه كده، بس حرام

محمد:أنتِ شكلك جديده هنا

_اه انا فعلاً جديده ، معلش يا بنات انا هستأذنكم على جنب لحد ما تخلصو

مريم:انا جايه معاكى

"مشيت انا وهيا على جنب"

محمد:هيا مالها دى

علياء: مش شايف لبسها ، اكيد معقده

محمد:او مُحترمه

علياء:تقصد ايه

محمد مشي وعينه على نور: ولا حاجه، سلام

لقيت علياء قربت عليا بعصبيه

_انتِ ايه بقا

بصدمه:فيه ايه مالِك

_ليه كل الناس شايفينك محترمه مش فاهمه انا، الاحترام مش باللبس 

فهمت انا متدايقه ليه:يا حبيبتى افهمينى

"صوتها بدأ يعلا وحسيت ان ربنا الناس خدت بالها وبتبص علينا حتى محمد"

بمقاطعة:عشان حته النقاب اللى لابساه ده ف بقيتى محترمه ، طب اهو

وراحت شدت النقاب من على وشي لدرجه انه اتقطع


بصدمه:.......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
"شدت النقاب من على وشي لدرجه انه اتقطع فنص الجامعه"
كنت بحاول ادارى وشى بخُمارى 
بعياط: حرام عليكى انا عملتلك ايه
بصدمه:أ انا آسفه م مك.مكنش اصدى
جريت بسرعه على حمام تحت نظرات الكُل واستغرابهم
دخلت الحمام وقعدت الارض وبعيط
""*""*""*
_رايح فين يا محمد
_هروح أشوفها
_تشوف مين يا عم اقعد بس
_اسكُت  أنتَ بعد إذنك
_يعم انت حُر 
""*""*""*
قومت وقفت لقيت محمد جاى وبيخبط عالباب
_ممكن ادخل
_بعياط : لو سمحت سيبنى لوحدى
_ اسمعينى بس دقيقتين
قومت وديت وشي للحيطه وهوا واقف ورايا
_بسرعه لو سمحت 
خلع كُوفيه من على رقبته ومد لى ايده
_خودى حُطيها على وشك
حطيت ايدى ورا ضهرى وخدتها منه
بدموع: شُكرا 
لفيتها على وشي
_خلاص حطيتها
_طب تعالى يلا ورايا
طلع هوا وانا وراه بحاول ادارى وشى ونظرات الناس طبعاً عليا
لف وبصلى: متخافيش اقعدى ف اى مكان متدارى لحد ما اروح اشتريلك واحد وأجى
_لأ شكراً أنا هروح اصلا
_مش معقول هتمشي اول يوم جامعه كده ، استنينى هنا مش هتأخر
طلعت فلوس من جيبي : طالما مصمم خود
_حط نظاره الشمس:اي ده!!
_دِ فلوس ايه مش شايف
_م أنا عارف انها فلوس ، اعمل بيها ايه يعنى
_ انت مُخك شكله تخين ، هيكون ليه عشان تشترى  يعنى
_لا شكراً انا معايا فلوس
_انا مش بعزم عليك ، ده نقابي انا يبقى انا اللى ادفع حقه ،لما تتنقب ان شاء الله ابقى ادفع لنفسك
_دمك خفيف واضح ، استنينى هنا مش هتأخر
جريت وقفت قدامى:لو سمحت خود الفلوس ، 
مبحبش حد يجبلى حاجه على حسابه
_ابقى رجعيلى الفلوس بعدين
_طب وليه افهم ، م احنا فيها خود منى الفلوس بدل ما ارجعلك وترجعلى 
_انتِ رغايه بشكل ، ايده
_يلا خود الفلوس
خطفها منى:هاتى
""*""*""*""*
مريم:ليه عملتى كده يا علياء حرام عليكِ
علياء:.......
ميار: مكنش ينفع اللى عملتيه ده
ريهام:مش معنى انك شايفه انها أحسن منك تعملى كده
بصدمه: احسن منى!!
ريهام:كان باين اوى غيرتك منها
قامت وقفت :بس بقا كفايه سيبونى لوحدى
مريم:راجعى نفسك يا علياء ، انا ماشيه يا بنات هروح عند نور عاوزين حاجه
ريهام: استنى جايه معاكى
ميار:خودونى معاكو
""*""*""*
محمد: أسمه ايه النقاب ده؟
_ده أسمه نقاب ماليزى وب 45 اوعى الراجل يضحك عليك
مشي بغرور:مش انا اللى يتضحك عليا
"لقيت البنات جايين عليا"
مريم:أنتِ كويسه يا نور
_انا بخير يا مريم ،اتطمنى
ريهام:معلش يا نور متزعليش
بإبتسامه:انا مش زعلانه خلاص
قربت منى ميار وطبطبت عليا :معلش علياء والله هيا طيبه، مكنش اصدها
_متخافيش انا مسامحاها ومُقدره ان ممكن كان فيه حاجه مدايقاها وطلعت فيا غصب عنها ، حصل خير
ميار:أنتِ جميله اوى يا نور ، معقول النقاب بيخلى الناس زيك كده
_ضحكت: لا هو  أنتِ لما تلبسي النقاب بتحسي كده انك مش عاوزه تغلطى ولا تعملى حاجات وحشه احتراما للنقاب اللى لابساه لكن مع الوقت فعلاً بيغيرك للأحسن
_طب وهو ده اي حد يلبسه
_اه طبعاً
_حتى لو بيغلط
_ضحكت:أنتِ ليه مُتخيله ان اللى لابسين نقاب ملايكه او مبيغلطوش، بالعكس كلنا بشر ولازم ثم لازم نغلط،بس الاهم من الغلط اننا نتوب ونصمم عالتوبه حتى لو بنقع فالغلط الف مره
_يعنى أنا كمان ممكن البسه
بفرحه:آه طبعاً ايه المانع،لو تحبي أجى معاكى فأى وقت تحبي مفيش مشكله
"حسيت انها مبسوطه ومريم كمان "
ريهام :لحقت تأثر عليكِ يا ميار
نور بإبتسامه:لي...
ميار بمقاطعه:معلش يا نور خلينى انا ارد عليها
نور ابتسمت :اتفضلى
ميار: احنا يا ريهام طول عمرنا باللبس ده،عمرى ما حسيت انى مرتاحه فيه، حاسه ان كل الناس عينها عليا مش واخده راحتى ، وعلفكره بقالى فتره بفكر فالموضوع ده ، لحد انهارده لما علياء شدت نقاب نور ، شوفت الولاد اللى عينهم على كل بنت فالجامعه لما وش نور اتكشف ودو وشهم الناحيه التانيه، عرفتى بقا ليه عاوزه اتغير
ريهام سكتت لفتره كإنها اقتنعت بالكلام
نور:ايه رأيك أنتِ كمان تاخدى الخطوه مع ميار
ابتسمت بفرحه:موافقه
مريم بحزن:كان نفسي انا كمان اخد الخطوه دِ بس للاسف ماما وافقت على الخُمار بالعافيه ادعولى بالله عليكم
ابتسمت نور:هتوافق أن شاء الله
ميار:طيب احنا هنسبقك عالمسجد بتاع الجامعه ونلبس اى هدوم من هناك لحد ما نشترى
_نور بإبتسامه: خلاص ماشي
"بعد شويه لقيت محمد جاى"
_اهو خودى
فتحت الكيس: شكرا
_طيب انا همشي بقا
_مش نسيالك الجِميل ده
ابتسم ولف ضهره عشان يمشي لقى .....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_مش ناسيالك جِميلك ده
ابتسم ولف ضهره عشان يمشي لقى علياء فوشه وكانت بتعيط ، وكانت عماله تبصله جامد ،لبس النظاره وتجاهلها ومشي
قربت عليا ومسكت ايدى:أنا آسفه
_ابتسمت وطبطبت على كتفها:بتتأسفى ليه انا اصلا مش زعلانه منك
بصتلى :بجد..يعنى مسامحانى
_مسحت دموعها:انا اصلا مش فاكره أنتِ عملتى حاجه تزعل
_ضحكت:ده انا عملت حاجه وبشعه كمان،مش عارفه أنتِ سامحتينى ازاى اصلا
ابتسمت:يعنى ربنا بيسامح انا مش هسامح،وبعدين انا عمرى مكنت هسامحك لولا أنى شايفه فعنيكى الندم
كملت بمرح: وبعدين معرفتيش بقا ان ميار وريهام هيلبسو النقاب
بصدمه:اي ده فعلاً
_آه والله، مش هتاخدى الخطوه معاهم ويبقى ربنا فتح عليكم كلكم مره واحده
ابتسمت ومسحت وشها اللى كان متبهدل من المكياج:بصى انا مش مستعده حالياً ،هاخدها خطوه بخطوه احسن، وصدقينى لو قررت اخد الخطوه خلاص هتبقى أنتِ اول واحده تعرف
ضحكت وحضنتها:ربنا يتمملك على خير يا حبيبتى
فتحت الكيس عشان البس النقاب
_تسمحيلى البسهولك انا زى ما خلعتهولك
_ابتسمت : طبعاً اتفضلى
"طلعت النقاب من الكيس "
_اى ده فيه فلوس وقعت خودى
بصيت شويه عالفلوس:بردو رجعتها 
"طلعت النقاب وربطتهولى"
_اهو خلاص
_شكرا جدا، تصدقى أول مره اخد بالى ان شكلى حلو اوى كده بالنقاب
ضحكت:طيب تعالى نروح يلا للبنات
_لا روحى أنتِ وانا هروح ف حته كده واجيلك بسرعه
_تمام هستناكى هناك
"روحت ادور على محمد عشان ارجعله فلوسه ،لقيته واقف مع صحابه ف شاورتله عشان يجى"
_ولا يا محمد
_ايه يا زفت
_الحق البت بتشاورلك
_ياعم فكك
_دى البت المُنقبه اللى جت جديد
"قام عشان يروحلها"
_ايه يا محما ما تفكك
_بصله بنظره حاده:ولا اخفى من وشى ها
_ماشي يا سيدى ربنا يسهلك
_ربنا ياخدك
"لبس النظاره ومشي"
نور : يعنى بردو 
_ايه!
مديت ايدى بالفلوس:رجعتها ليه
_انتِ تاعبه نفسك وجايه عشان ترجعيلى ال50 جنيه
_آه 
_روحى تصدقى بيها 
_خودها أنتَ تصدق بيها
خطفها منى:أدى ال50 جنيه اللى تعباكى
_بإنتصار: وبعدين ايه الخامه المُقرفه دِ ، جايبها من اى محِل
بصدمه:هيا دِ شكرا
_بص متعملش فيها هيرو وجدع لأنى قولتلك هروح وأنتَ عملت فيها چنتل
_طيب ، صح عملتى ايه مع علياء
_يعنى ايه!؟
_اتصرفتى معاها ازاى بعد اللى عملته دَ
_وانتَ مُنتظر منى اعمل ايه
_تاخدى حقك!
_ايه اضربها يعنى
_لأ بس عالأقل تشتكى للمُدير وتاخد جزائها
_وانا كده هستفاد حاجه. هل اللى حصل هيتغير
_لا بس هترتاحى أن...
بمقاطعة:هرتاح عشان أذيت بنى آدمه
_هيا اللى أذيتك الأول
_وانا مش هرد الأذيه ب أذيه ، ليه أذى حد وانا قادره أسامح ، العفو مقترن بالمقدره ،انا قادره أسامح يبقى ليه لأ
_بإعجاب بكلامها: ولو انا مش قادر  اسامح
_ليك حق الأختيار طبعاً، انا دايما عندى ايمان ان الدنيا بتلف ،يعنى انا حد أذانى انهارده وجيت سامحته وعفوت عنه،بكره انا أذيت حد وكلنا طبعاً بشر ومعرضين للأخطاء ،ساعتها بقا يتردلى جزائي بإنى امبارح عفوت عن حد ف انهارده حد هيعفو  عنى
بإعجاب شديد:لأول مره اقتنع بوجهه نظر للدرجادى، تنفعى مُذيعه، هتبقى شاطره اوى
ابتسمت: شكراً، عن إذنك
خلع النظاره وبص عليها: شكلك هتحيرينى معاكِ
ولبسها تانى وراح عند أصحابه
_ها عملت ايه مع البت ،علقتها ولا لسه
_لم نفسك ونقى الفاظك
_من امتى يا حنين
_من دلوقتى يا زفت
_هتحترمنى امتى بقا
_لما تبقى تحترم انتَ نفسك هبقى احترمك
+اوه عالكسفه اللى أنتَ فيها يا حازم
_طب بجد مقولتليش ،كانت عايزاك ف أيه
_وانتَ مالك
_هيا بقت كده
_ايوووه
 فسرّه :هنشوف بقا البت اللى لحست دماغه
ب شَر :طب يلا عشان المحاضره خلاص هتبدأ
""*""*""*
راحت نور عند البنات ف مسجد الجامعه 
 نور بمرح: السلام عليكم ورحمه الله وبركاته
ردو كلهم بصوت واحد:وعليكم السلام ورحمه الله وبركاته
علياء بهزار:خدنا تلاتين حسنه
ضحكت:آه شوفتى
نور:تعالولى انتو  الأربعه كده
قربو عليها كلهم
نور:تخيلو بقا ربنا راضى عننا قد ايه ، مش حاسين انكم مرتاحين فاللبس ده
ميار:تصدقى وتؤمنى باللّٰه ان دى اول مره احس حقيقى انى مبسوطه وطايره
حضنتها:ربنا يبسطك اكتر واكتر 
كملت:من النهارده احنا هنتفق اننا هنكون صُحبه صالحه نعين بعض ونساعد بعض على الطاعات،واللى يوقع مننا نقومه تانى ،اللى موافق يحط ايده على ايدى
كلهم حطو ايدهم على ايدى
علياء بصت فالساعه:يانهار ابيض باقى عالمحاضره عشر دقايق يلا ننزل بسرعه
"نزلو كلهم وراحو عالمُدرج واتفاجأت نور ان محمد معاهم فنفس القسم ونفس المُدرج"
خلصت المحاضره 
نور : يلا انا ماشيه يا بنات ، عاوزين حاجه
علياء:أنتِ بتروحي ازاى ، انا اخويا جاى دلوقتى لو عاوزه اوصلك
_لا يحبيبتى شكراً انا اصلا ساكنه قريب من هنا 
_خلاص ماشي أشوفك بكره
_نور:ان شاء..آاااه
علياء بخضه:فيه ايه
بضحك:متخضيش كده ، ده النقاب اتفك شكله من جوه هدخل الحمام اعدله
_خلاص ماشي،روحى يلا
"وراحت نور الحمام"
""*""*""*""*
"حازم صاحب محمد كان واقف بعيد وبيراقب نور"
_انا مش فاهم فيكى ايه يعنى عشان يتشدلك كده، عموماً انا متأكد انك بترسمى علينا الألتزام،ولازم أكشف حقيقتك.مش بس قدام محمد لأ،قدام الجامعه كلها
"وراح ف حمام الجامعه عند نور"
علياء:اي ده رايح عند نور يعمل ايه ده 
""*""*""*""
فالحمام عند نور خلعت النقاب عشان تعدله فجأه لقت الباب بيتفتح جامد وحازم بيدخل......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
خلعت نور النقاب عشان تعدله لقت الباب بيتفتح جامد وحازم دخل بسرعه وقفل الباب
من الخضه النقاب وقع فالارض
نور بصدمه :أ .أنت .ب.بتعمل ايه.ه هنا
حازم:م أنتِ طلعتى زى القمر اهو،مداريه نفسك بحته القماشه دى ليه
حاولت تدارى وشها بخُمارها : انت حيوان،اطلع بره
"قعد يقرب عليها وهيا ترجع لورا لحد ما اتزنقت فالحيطه ، قرب عليها اوى وحط ايده عالحيطه اللى وراها"
_أنا حيوان،تؤتؤ دى اخلاق مُنتقبات
برعشه وخوف:أرجوك س.سيبنى فحالى
_ امم ولو قولتلك لأ
عيطت:لوسمحت،ارجوك اللى بيحصل ده مينفعش
_ليه هوا مينفعش معايا انا بس وينفع مع ناس تانيين
بعياط:انا مش فاهمه انت بتقول ايه وأرجوك ابعد عنى
حاولت تزقه وتجرى بس هوا مسكها تانى
بعياط:حرام عليك بقى
""*""*""*
علياء:اى ده الواد ده رايح عند نور ليه 
فضلت ماشيه وراه عشان اشوف رايح فين، لقيته داخل عند نور ، حاولت افتح الباب عشان ادخلها معرفتش 
روحت بسرعه عند محمد
_يا محمد يا محمد
_فيه ايه!!
_ن.نور
_اهدى
_صاحبك دخل على نور الحمام وقفل الباب وانا مش عارفه افتحه
محمد:يابن ال ..انا هوريك
"راح محمد وعلياء عند نور"
محمد:ارجعى لورا كده عشان هكسر الباب
_حاضر
رجع محمد لورا وكسر الباب برجله
ولقينا نور بتعيط ووشها مكشوف وحازم قدامها
محمد:انت بتعمل ايه يابن...
نور كانت بتعيط وجريت عند محمد وعلياء
علياء حضنتها:خلاص متعيطيش
محمد بص على نور وراح عند حازم مسكه من هدومه
_ليه كده يا حازم ،ليه
وضربه بالبوكس
نور بعياط:ارجوكم خلاص بقا كفايه
محمد كان هيضرب حازم تانى بس سابه
_اوعى تفتكر ان الكلام خلص
"علياء ربطت النقاب لنور ،وحازم مشي"
محمد راح عند نور:مش عارف اقولك ايه
_متقولش حاجه أنتَ مش غلطان 
محمد:هوا عملك حاجه!؟
بعياط:لا
_طيب خلاص خلاص
نور كلمت علياء
_خلاص روحى أنتِ يا علياء عشان اخوكى  ،وانا هروح 
_لا وانا مش هسيبك تمشي لوحدك وانتِ كده
_صدقينى انا كويسه
علياء _:لا...
تلفونها رن لقيته اخوها
_تعالى يلا يا نور اوصلك بسرعه اخويا جه
_با علياء الله يهديكى خلاص روحى انا كويسه
محمد:خلاص روحى انتِ يا علياء متقلقيش
علياء بحزن:متأكده
_ابتسمت :متأكده يلا روحى
"اول ما علياء مشيت نور  قعدت عالارض وانهارت فالعياط"
محمد:خلاص معلش 
نور:انا مش عارفه ليه بيحصل معايا كده 
_مش بيقولك المؤمن دائما مُبتلى ، يعنى دى حاجه حلوه
_ونعم باللّٰه 
_طب قومى يلا
"قامت نور من عالارض"
_مش عارفه من غيرك كنت هعمل ايه، كل مره تلحقنى من مصيبه شكل
_ضحك: ....
_بس ان شاء الله جمايلك دى كلها هردهالك
_هتردى ايه ولا ايه يا شيخه يلا
ابتسمت:طيب انا همشي بقا عشان اتأخرت
_طيب استنى اوصلك
_لا انا ساكنه قُريب من هنا
_مُتأكده هتعرفى تروحى لوحدك
_متاكده ، يلا السلام عليكم ورحمه الله وبركاته
حط النظاره: وعليكم السلام
لفت ضهرها:كملها للآخر اهو تاخد 30 حسنه
ابتسم: وعليكم السلام ورحمه الله وبركاته
"طلعت من باب الجامعه عشان اروح البيت"
مشيت حبه لقدام وحسيت بخيال حد ماشي ورايا ،اتجاهلت الموضوع فالأول وفضلت مكمله ،لحد ما حسيت انه قريب منى بدرجه كبيره ،فجأه لفيت بضهرى ولقيت....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
طلعت بره الجامعه لقيت محمد موطى عالأرض وبيعمل حاجه
قربت شويه عشان اشوف بيعمل ايه
لقيته بيحط طبق فيه اكل وميه
بإستغراب: ايه ده؟
قربت شويه عشان اشوف لقيته بيحطهم لقطه صغيره
ابتسمت وكنت لسه همشي لقيت تلفونه محطوط عالأرض وبيرن وهو مش واخد باله
قربت شويه عشان اقوله
بصدمه:ايه ده!!!؟
محمد بخضه وقام وقف:مالِك
_اى.ده
_ايه!؟
_انت تعرف ماما
_بربكه:وانا هعرفها منين
_اومال رقمها بيرن عندك ازاى
_يعنى ايه
_يعنى شوف تلفونك وانا اقولك يعنى ايه
_تلاقيه تشابه ارقام،انا ماشي عاوزه حاجه
_ده رقم ماما انا مش هتوه عنه
_نور بقولك ايه،روحى يلا عشان متتأخريش عشان مامتك قلقانه عليكِ
بصدمه:ماما!!!
_انا قولت ماما
_اه
_اصدى مامتك وباباكى هيقلقو عليكِ وكده،طبيعى يعنى
_انا مش همشي من هنا غير لما اعرف رقم ماما بيعمل عندك ايه
بإنفعال: هيكون بيعمل ايه يعنى،قولتلك تشابه ارقام
_بدل ما هو تشابه ارقام ورينى
وانا بتكلم لقيت ماما جايه جرى:نور
بصدمه: ماما
_اتأخرتى كده ليه يا حبيبتى
_اتأخرت ازاى يعنى،منا دائماً بطلع فالوقت ده، ولا هو بقا قالك تيجى تلحقينى
_هوا مين،ومين اللى انتى واقفه معاه ده اصلا
محمد:انا زميلها فالجامعه يا طنط 
_ماشي يابنى،يلا يا نور عشان نروح
بصتله : كلامنا لسه مخلصش علفكره
بص الناحيه التانيه :ياااه اخيرا مشيت
ماما مسكتنى من ايدى:يلا يا نور يلا
_ماما قوليلى بصراحه هوا أنتِ تعرفيه
_بربكه:هعرفه منين يعنى
_طب وانا 
_انتِ ايه
_انا ليه حاسه انى اعرفه من زمان، انا عمرى ماوقفت اتكلم مع اى حد كده عادى،انا مش فاهمه مالى
_عادى يحبيبتى
_لا مش عادى،وانتِ عارفه انه مش عادى
_طب يلا بس نروح عشان اخوكى زمانه راجع البيت وانا واخده المفتاح
_ماشي يا ماما 
""*""*""*""*
روحنا البيت
_ماما بقولك ايه،انا نازله بعد العصر كده
_ليه
_صحابي نازلين يشترو نقاب ف عاوزيننى انزل معاهم
_ماشي يا حبيبتى
_انا ممكن اتأخر شويه وكده لأنى هروح كذا مكان ف متقلقيش
_ماشي يا حبيبتى
نزلت الشارع وروحت عالمكان اللى هنتقابل فيه ولقيت ريهام واقفه
_ازيك يا رورو عامله ايه
_انا كويسه الحمد لله 
_اومال فين ميار
_ مش عارفه ومش بترد
طب تعالى نستناها هنا يمكن مشغوله وهتتصل
_ماشي
after 10 minutes
ميار:اهيه بتتصل
_رودى
_الو يا ميار فينك
*........
_طيب خلاص ،تتعوض ان شاء الله
نور:ايه فى ايه
_بتقولك مش هتعرف تجيلنا انهارده عشان مامتها تعبت شويه وهتفضل معاها
_طيب نروح انا وانتى ولا نستناها ونروح مع بعض احسن
_ايوه خلينا نستناها ونروح مع بعض
_طيب ماشي،يلا سلام عاوزه حاجه
_لا يحبيبتى مع السلامه
"رجعت البيت تانى بس لقيت باب الشقه متوارب"
_اي ده سايبينه مفتوح ليه
_سمعت صوت اخويا جوه وماما ومعاهم حد تقريباً_
دخلت براحه عشان مخضهمش
_السلام ع...اى ده !!!!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
"رجعت البيت ولقيت الباب متوارب وسامعه صوت ماما واخويا ومعاهم حد"
دخلت:السلا.اي ده!!!!!
ماما بخضه:ن.نور
بصدمه:انت بتعمل ايه هنا
محمد:اا.انا..
_انت ايه!؟
بصيت لأخويا:ما تتكلم يا زياد ،بيعمل ايه هنا، ويعرفكو منين ويعرف بيتنا منين اصلا
_زياد:هوا.هو ككان جاى ع.عشان..
_عشان ايه اخلص
بسرعه: عشان يطلب ايدك
بصدمه:يطلب ايدى أنا!؟
ماما: ايوه
بِشك:انت كنت جاى عشان كده فعلاً
_آه ،اومال هكون جاى اطلب ايد اخوكى مثلاً
زياد بهزار:وانا موافق
بجديه:عرفت بيتنا منين اصلا
_مفيش حاجه صعبه عليا
_طب وليه مقولتليش انك جاى
_كنت عاوز اعملها مُفجأه
_وياريتك ما عملتها
_يعنى ايه يعنى
_يعنى انا مش موافقه
ماما:ايه اللى بتقوليه ده يا نور
_ايه ؟
_طب فكرى
ربعت ايدى بتفكير:هو انا اعرفك قبل كده
وده وشه الناحيه التانيه:ازاى يعنى
_معرفش،بس حاسه ان شاء اعرفك من زمان
_بيتهيقلك
_لا
_طيب أنا همشي بقا يا طنط ها
_اه طبعاً يا حبيبي اذنك معاك
_وياريت لو سمحت تبعد عنى وعن طريقى ولو سمحت مشوفش وشك تانى
_ايه لازمتها لو سمحت، بس عموماً موعدكيش
_تماام، انا هدخل يا ماما تصبحى على خير
"دخلت الاوضه وقعدت أفكر"
اتكلمت بصوت مسموع:فيه حاجه غلط ، فيه حلقه ناقصه فالنص ، ليه الشعور القوى انى اعرفه وليه حاسه انه على سابق معرفه بينه وبين ماما
حسيت بصداع 
_ماما حاسه ان دماغى مصدعه اوى
بخضه:يلهوى من ايه دِ
_ضحكت:مالِك يا ماما بقولك صداع عادى يعنى
_لا أنتِ عارفه انه مش عادى وانى بقيت بخاف عليكِ من ساعت الحادثه
"طبعاً انتو مش فاهمين حادثه ايه ولا انا والله بس حاسه انى هكتب حاجه جامده يعنى 😂😂"
_يااه يا ماما أنتِ لسه فاكره ،
 ده انا نسيت
_اه لسه فاكره ومش هنسي
_طيب يا ماما ، كان نفسي تطلعى زى بقيت الامهات وتقوليلى ماهو كله من التلفون، قد ايه أنتِ ام عظيمه
_امشي من هنا يا نور امشي
بجديه:ماما ، انا حاسه انى ناقصه
_ناقصه!!!
_لا مقصدش المعنى اللى وصلك، اقصد انى حاسه ان فيه حلقه مفقوده فحياتى، فيه حاجه نقصانى
طبطبت عليا بحنان:صدقينى يا بنتى، كل حاجه وليها وقتها،وهتعرفى كلامى ده بعدين
بزعق:عدا سنه يا ماما،سنه وانا مش عارفانى،مش لاقيانى، زهقت يا ماما زهقت
_كل حاجه بتحصلنا فحياتنا لسبب ، هتعرفيه هتعرفيه،مش مهم بقا امتى، المهم اننا يكون عندنا ايمان بالله ويقين
_ونعم باللّٰه يا ماما ، انا هقوم ارتاح شويه بقا
_روحى يا بنتى روحى،ربنا يريحلك قلبك
""*""*""*
تانى يوم صحيت من النوم
_عاااا بسم الله الرحمن الرحيم،حتى احلامى بتطلعلى فيها،منك لله،اهدى يا نور اهدى ده مجرد حلم... حلم عادى
""*""*""
_ماما
_خير
_مش هروح الجامعه انهارده
_هوا ده اللى مستقبلى
_لا طبعاً انتى عارفه ان المرأه ملهاش غير بيت جوزها وقره عينها
_نورر
_نعم يا ماما نعم
_فيكِ ايه
_مفيش عادى
_متاكده
_اه
"لبست وروحت الجامعه"
دخلت من الباب:يارب مشوفوش يارب يارب
صوت جه من ورايا: نور نور
_يادى النيله
مديت اكتر وعملت نفسي مش سامعه
_يا نور ياانور
_يادى اليوم اللى باين من اوله
وقفت فجأه ولفيت:يووه بقا نعم
علياء بخضه:اي فيه يبنتى خضتينى
_بصدمه:اي ده علييييياء ازيييك
_هوا اللى بيسلم ع حد بيقطعله الخلف كده
_معلش يا بنتى اعصابي تعبانه شويه
_طب تعالى نقعد هنا
_بقولك يا علياء هو محمد ده جديد هنا
_ايوه يا بنتى دِ اول سنه ليه هنا
_طب متعرفيش هوا كان فين قبل الجامعه دى
_لا
_طب هو....
سمعت صوت من ورايا:بتيجبو فسيرتى ليه
بصدمه:......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
اخر حاجه لما نور كانت بتسأل علياء على محمد 
سمعت صوت من ورايا:بتجيبو فسيرتى ليه
لفيت بصدمه:انت بتراقبنى بقا؟
_وانا هراقبك ليه
_والله أسأل نفسك
_انا سمعتكو بتتكلمو عليا ف جيت
_مكناش بنتكلم عليك اصلا
_ومحمد...
_مفيش غيرك اسمه محمد
_لا فيه
_طيب لو سمحت متعترضش طريقى تانى
_طريقك ده كان معايا ،بس....
بصدمه:ايه!
لف ضهره عشان يمشي
_استنى ، قصدك ايه 
مردش عليا وكمل طريقه
_رد عليا، انا اعرفك قبل كده صح
"طلع بره باب الجامعه"
_ارجعى يا نور
_قولتلك مش هرجع غير لما تفهمنى تقصد ايه، وليه سكت
_:........
عدى طريق فيه عربيات وانا وراه حسيت بضوء شديد جاى على عينى وصوت عربيات
حطيت ايدى على عينى:عاااا
محمد:نووور(ريأكشن زعيق بالبطئ بقا 😂)
فتحت عينى براحه:ا انا فين
بصيت حواليا لقيتنى واقفه مكانى لسه
محمد بخضه:انتِ كويسه
_آا..اه ك.كويسه
الراجل اللى كان راكب العربيه نزل:انا اسف والله بس انت اللى طلعتى فجأه قدامى
_انا اللى آسفه 
حسيت دماغى مصدعه شويه:آااه
محمد:اوديكى المستشفى
_لا لا انا كو..آاه
مسكت دماغى كانت وجعانى جدا فيه حاجات طشاش بتظهر قدامى ، انا شايفه...شايفه محمد،حاسه انى شايفاه فعالم تانى ..غير اللى احنا فيه ده 
محمد:لا شكلك تعبانه ،هتصل على مامتك تيجى
"مردتش..مكنتش واعيه اصلا ، ايه اللى انا بشوفه ده ،يعنى انا كنت صح،انا اعرفه قبل كده ، ومن قريب جدا كمان"
الناس مشيت وهوا واقف قدامى
بصيت عليه وعينى بتدمع:انت تعرفنى صح 
_سكت....
_يعنى انا معايا حق ، طب ليه مش عاوز تقولى ليهه
_مينفعش تعرفى يا نور مينفعش ، كده احسن
_ليه مينفعش ، لو سمحت انا مش حِمل اى حاجه 
_ما علشان كده مينفعش تعرفى، آسف يا نور
_ليه، آسف ليه
_يعنى انا آذيتك
ابتسم :يمكن اللى حصل ده فرصه من ربنا ليكِ عشان تعيشي حياتك صح ، متدوريش عاللى فات بقى
_الواحد من غير ماضيه ميسواش ، سواء بقا كان حلو او وحش 
_صدقينى كده احسن، انا مكنتش عاوز ارجع بس...
_هوا انت كنت قربت عشان تبعد
_سامحينى يا نور مش هقدر اتكلم اكتر من كده
لف ضهره عشان يمشي : سلام
"مشي هو وانا فضلت واقفه مكانى ، بحاول استوعب ،او اجمع ، ايه اللى بيحصلى ده وليه اصلا"
رجعت البيت وماما اول ما شافتنى جت عليا: أنتِ كويسه
_هزيت راسي بمعنى آه
كنت لسه همشي بس وقفت قدامها تانى وحضنتها
_مش كويسه
طبطبت عليا:مالِك بس
وقفت قدامها ومسكت أيدها:ماما هوا انا اعرف محمد قبل كده
_وانا هعرف منين يبنتى هوا معايا انا فالجامعه ولا معاكى
_لو كنت اعرفه اكيد كنت هاجى اقولك
_لا مقولتليش حاجه، وبطلى بقى تتعبي نفسك من غير سبب
_انتِ شايفه كده
_اه ونص كمان
_اوافق...
_من رأيي انا اه ،وافقى
_ماشي يا ماما ، هفكر وابقى اقولك، واللى فيه الخير يقدمه ربنا
_ربنا يسعد قلبك يا بنتى
"دخلت الاوضه وقولت انام شويه"
بعد وقت معرفش قد ايه ساعه او ساعتين تقريباً قومت طلعت فالصاله
لقيت ماما بتتكلم فالتلفون  
لفيت ضهرى عشان امشي بس سمعت..
_ايوه يابنى هيا هتوافق ان شاء الله تتجوزك
فنفسي:اي ده لحقت تقوله الخبريه
لفيت عشان امشي بس سمعت صوته عشان الصوت كان عالى
_تتجوزنى؟!
_ايوه يابنى
_هتجوزها ازاى اصلا وانا متجوزها....
بصدمه:......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_هتجوزها ازاى وانا متجوزها
اتصدمت:...
حسيت ان الدنيا بتلف بيا ، بعد وقت معرفش قد ايه لقيت نفسي عالسرير
قومت:ده كان حلم ولا ايه، انا الايام دى بقيت بخرف كتير
بصيت عالساعه لقيتها 10
_ماااماااا
_جت عليا بسرعه:مالِك
_مصحتنيش ليه عشان اروح الجامعه
_لقيتك تعبانه ف قولت اسيبك
_ماشي يا أمى ماشي
"عدى الوقت بسرعه بدون حاجه تُذكر"
عالساعه اتنين كده لقيت الفون بيرن
_السلام عليكم، ازيك يا ميار
_وعليكم السلام، ايه مجتيش انهارده ليه؟! كويسه
_انا تمام متقلقيش،ماما يستى قالتلى ارتاحى انهارده
_اه طيب، انا كنت بتصل اقولك انتى فاضيه انهارده ننزل
_اه اوى اوى ، نتقابل كمان ساعه فنفس المكان عشان نلف براحتنا
_خلاص هبلغ ريهام
_ماشي يا حبيبتى 
""*""*""*
"جت الساعه تلاته واتقابلنا فالمكان"
_بصو بقا احنا هنروح المحل ده الأول، عنده حاجات تحفه
ميار وريهام: يلا
"دخلنا المحل ولقيت ست هناك"
_لو سمحتِ
*اتفضلى
شاورت:دول صحابي وعايزين يلبسو النقاب، ف عاوزين نشوف المناسب ليهم
_اتكلمت بسذاجة:هما الاتنين مره واحده
_اه هو فيه حاجه
_لا مفيش 
شاورت على ميار:وانتى هتلبسيه ليه
ميار:يعنى ايه؟!!
_يعنى انا اعرف اللى بيلبسو النقاب بيكونو حلوين ف بيخبو جمالهم ، انتى بقا هتخبي ايه
_اتدخلت فالحوار:معلش يا ميار خلينى انا ارد
بصتلها:مش فاهمه حضرتك تقصدى ايه ، مين اصلا فهم حضرتك اننا بنلبسه عشان ندارى جمالنا ، وازاى تقيمى بنى آدم من شكله ، يعنى ايه انتى مش حلوه هتلبسيه ليه,من امتى واحنا بناخد بالمظاهر 
_ده مجرد رأي
_ده مش رأى ابدا ده قله ذوق ، أنتِ متعرفيش كلمتك ده اذتها اد ايه ده الحديث بيقول من كان يؤمن بالله واليوم الآخر فليقل خيرا او ليصمت، مش هتقولى خير،يبقى متتكلميش اصلا ، ربنا خلقنا كلنا حلوين  ،انا مش فاهمه الناس بتفكر ازاى
_هوا احنا خلطنا فالبُخارى يعنى
بصيت لهم
_يلا يا جماعه نمشي، عشان منضيعش وقتنا عالفاضى
طلعنا بره المحل
_يا ساتر ، انا اصلا اول ما دخلت حسيت بحاجه طابقه على نفسي كده ، فيه مليون محل احلى
لقيت ميار بتدمع وبتبصلى:هوا انا فعلاً وحشه؟!
بصيتلها بحزن:أنتِ هتبقى وحشه فعلاً لو حطيتى كلامها فدماغك، انتِ جميله ، بشكلك،بروحك،بطيبتك،انتى جميله عشان أنتِ ميار،اللى ربنا خلقها وأحسن صنعها،انتِ جميله عشان أنتِ صنع الجميل ،لازم تبقى جميله يا ميار
حضنتى : شكراً
طبطبت عليها: على ايه يعنى ، يلا بقى عشان نروح نجيب الحاجات
ريهام:ده أنتِ احلى من احلى واحده فيكى يا دُنيا
"ضحكنا كلنا ومشينا"
after3 hours
_اخيرا خلصنا كل حاجه
ريهام:معلش تعبناكى معانا
_ولا تعب ولا حاجه،فرحتى بيكو نسيتنى اى تعب، انا هروح بقا ع اتأخرت وأمى هتبيتنى فالشارع
ضحكو:.....
""*"""*""*
روحت البيت وحكيت لماما عاللى حصل
_وبس كده ، والست دى بصراحه كانت غريبه اوى، فيه حد بيفكر كده دلوقتى
_الدنيا دى يا حبيبتى فيها الحلو والوحش الابيض والاسود مش هتلاقى الناس كلها زيك وزى تفكيرك
_دمعت'بس هيا صعبت عليا يا ماما، لو شوفتيها وهيا بتعيط كان ممكن تروحى تقتلى الست دِ ،ازاى فيه ناس مؤذيه كده ، ازاى بيرتاحو وينامو عادى كده وفيه ناس مش هتشوف طعم النوم بسببهم.
_كل واحد ظلم حد بيتردله ، ربنا اسمه العدل.، ازاى تخافى وربك اسمه العدل 
قومت حضنتها:ونعم بالله يا ماما
_جهزى نفسك بقا عشان محمد جاى بعد العشاء
_مانا..محمد ده ناقص يطلعلى ف أحلام...ماهو طلعلى فعلاً
_اي ده حلمتى بيه
_اه ياماما وقال ايه أنه كان متجوزنى وانتِ عارفه
حسيتها ارتبكت:اه ده مجرد حلم،المهم ابقى جهزى نفسك
_حاضر 
""*""*""*
"دخلت وجهزت نفسي وفضلت قاعده لحد ما جه"
ماما:تعالى يا نور يلا
_حاضر جايه اهو
طلعت وعينه كانت معايا لحد ما قعدت ، قعدو يتكلمو وانا مش معاهم اصلا لحد ما 
محمد قام وقف فجأه:لو سمحتِ يا طنط،انا مش هقدر 
آسف
اتأكدت ان فيه حاجه متخبيه عليا
ماما بصتلى 
_ماما انا لازم افهم كل حاجه
_عاوزه تفهمى
_آه
_انا هفهك كل حاجة
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_عايزه تفهمى..انا هقولك كل حاجه
لقيت محمد جه تانى
_معلش يا طنط سبينى افهمها انا احسن
_اتفضل
_بصلى بحزن :يُعتبر احنا متجوزين يا نور
بصدمه:ازاى يعنى
_كان مكتوب كتابنا قبل ما تعملى الحادثه وتفقدى جزء من الذاكره
_طيب ليه مفكرتنيش بيك عادى
_لانك عملتى الحادثه دى بسببي
_ازاى يعنى
_يعنى انا دايقتك ف انتى وانتى ماشيه بسرعه العربيه خبطتك
"حسيت ان دماغى وجعتنى وصدعت وبدأت اشوف تشويش،بشوف وانا بجرى ومحمد ورايا والعربيه بتخبطنى"
_آاااه
_انتِ كويسه
_اه ،انت مش السبب ده قدرى بيك او من غيرك هيحصل
_مش هو ده السبب الأصلى 
_اومال
_عارفه انتى كنتى بتجرى منى ليه
_ليه
_عشان انا
وطى راسه فالأرض بندم:خونتك
اتصدمت ومكنتش حاسه بأى حاجه حواليا
بدموع:ي.يعنى ايه
_يعنى بقالى اكتر من سنه مش عارف اقولك انى ندمان وغبي ، اكتر من سنه عاوز اقولك سامحينى
_ليه علمت كده
_لحظه شيطان، وندمت والله ندمت
_لا لا ، مفيييش مبرر ابدا
_ مش كلنا بنغلط
_بعياط: ايوه كلنا بنغلط، بس صدقنى فيه اغلاط لا تغتفر
مسك ايدى:انا آسف، انا لو كانت نيتى وحشه كنت كملت معاكى عادى وانتى مش فاكره بس معملتش كده،مقدرتش
_بعياط:طب ممكن تسيبنى لو سمحت
_يا نور ربنا بيسامح وانتى مش مش هتسامحى
_لو سمحت سيبنى، محتاجه ابقى لوحدى
_ماشي يا نور، بس عايزك تعرفى حاجه، حتى لو قرارك البُعد هفضل احبك لحد ما اموت  .
مشي محمد وانا دخلت الاوضه مش مصدقه اللى بيحصلى، اي ده ازاى اطلع متجوزه وكمان خاننى، طب ليه ، مفيش مبرر للخيانه،يا ريتنى ما عرفت 
(حكمه من حكمى بقا 😂)
فيه حاجات بتبقى مجهوله فحياه كل شخص فينا، بيسعى
 انه يعرفها ،يقعد يدور ويتعب نفسه عالفاضى ، من
 الحاجات المجهوله مثلا الرزق ، واحد يبقى شايل هم بكره
 وهاكل ايه واشرب ايه وهكسب كام، وبيبقى شاغل نفسه
 فالتفكير وواحد تانى يبقى مثلا عنده انترفيو فشغل ويبقى
 مموت نفسه تفكير هتقبل ولا لأ، ومواقف مشابه لدول
 بتحصلنا فحياتنا ، ليه...ليه تشغلو نفسكو بحاجه فعلم
 الغيب ،ماهو يبنى لو الوظيفه دى خير ليك هتاخدها، لو
 المكان الفلانى كويس ليك هتروحه، الرزق والاكل واللبس
 والفلوس ف أيد ربنا اللى أنتَ ناسي، شاغل نفسك اوى
 بالدنيا وناسي مالِك الدنيا ، الخلاصه من الموضوع محدش
 يشغل نفسه ويقعد يدور انه يعرفها كده كده هتعرفها بس
 فالوقت اللى ربنا شايفه مناسب مش أنت)
لقيت ماما دخلت عليا وقعدت قدامى
_انتِ قويه وعارفه ان كل اللى بيحصلنا خير
_طبعا يا ماما ، انا متاكده من ده
_فكرى كويس ، وحكمى قلبك المره دى
_حاضر يا ماما
"قومت اتوضيت وصليت قيام الليل، منا هرتاح ازاى، ربنا حاسس بيا ،اتا متأكده"
"صليت وقعدت شويه ونمت مكانى
شوفت حلم غريب اوى
محمد واقف بعيد وبيبصلى ، وقالى انا آسف،سامحينى ،
 واختفى،قعدت اجرى وراه عشان الحقه بش للاسف
 ملحقتوش ، مشي"
صحيت من النوم مفزوعه
جريت عند ماما عشان اقولها
لقيت تلفونها بيرن برقم محمد
روحت صحيتها
_ماما،ماما ، قومى
_بسم الله الرحمن الرحيم، فيه ايه
_محمد بيرن رودى كده عليه
_ليه بيتصل فوقت متأخر كده
_معرفش، رودى بس
فتحت الفون وردت
_الو 
_حضرتك تعرفى صاحب الرقم ده
_آه ، هوا فين
_لقينا عربيته مخبوطه، وهوا جواها ونقلناه عالمستشفى
_يلهوى ، مستشفى ايه
نور:مستشفى!!!!!؟
_مستشفى****
_طيب احنا جايين
"قومنا لبسنا وصحيت اخويا وروحنا عالمستشفى"
_روح يا زياد أسال عليه هو فين بسرعه
ماما:فيه ايه..اهدى ، هيبقى كويس ان شاء الله
_انا فكرت ياماما
_وقررتى ايه
_هقولك بعدين
جه زياد بسرعه وبينهج
_بيقولو ان الحاله اتوفت ونقلوها فالاوضه التانيه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
جه زياد وهوا بينهج بسرعه
_بيقولو ان الحاله اتوفت للأوضه التانيه
اتصدمت وسكت ثوانى ،رجلى مش شايلانى، انا السبب..هوا اكيد كان مدايق ف عمل الحادثه، انا ردتهالك بس المره دى تمنها موتك
_بصوت متقطع:ع.عاوزه ااشوفه
_مُتأكده
_ايوه
ماما طبطبت عليا:أنتِ قويه
بصتلها والدموع فعينى و لأول مره احس بالضعف:المره دى لأ
_لا أنتِ قويه
دخلت مع زياد الاوضه كان نايم عالسرير ووشه متغطى ، مكنتش قادره اتحرك،بجُر رجلى بالعافيه، ملحقتش اقوله قرارى
قربت من السرير ووقفت قدامه،حطيت ايدى على وشه عشان اسحب الغطاء واشوفه لأخر مره
شيلت الغطاء وكان هو.....ولأول مره عيطت
بعياط:ليه مشيت...ليه سيبتنى 
انا على فكره سامحتك
بس...بس ليه كده
زدت فالعياط وحطيت القماشه على وشه عشان امشي
لفيت تانى:على فكره انا بكر*هك ، ده انا مشوفتش ف غباوتك ولا تناحتك 
لقيت زياد بيضحك
_انا هوريكو كلكو واحد واحد 
_وانا مالى يا لمبي ، هو اللى مخطط لكل حاجه 
لقيته طلع يجرى:بالسلامه انا بقا عشان هتقلب مجز*ره
لقيته قام مره واحده من عالسرير:م احنا كنا كويسين
_بص متتكلمش معايا احسنلك
_ليه يا نونو كده
_جه وقف قدامى:بتحبينى صح..صح
_بكر*هك
_يا سلام
_لفيت ضهرى:انا كنت هسامحك لو كنت مت،لكن بما انك عايش ،ف لا مش مسامحاك، وبعدين كنت اكتم نفَسك عشان تمثل صح
_اعمل ايه بقى مبقدرش اسيطر على نفسي وانتى معايا
_طب يلا ادينا عملنا الواجب وجينالك، كان نفسي احضر العزاء يلا بقى هنقول ايه
لفيت عشان امشي لقيته مسك ايدى
_دخول الحمام مش زى خروجه
_ليه هو احنا فالحمام وانا معرفش
_لا أنتِ فقلبي
_ده انت رومانسي جدا، بس مش وقتها للأسف
_مسك ايدى جامد:آنا آسف، هتسامحينى!؟
_انا سامحتك اصلا 
_بحبِك
_وانا
_وانتِ ايه
_بحبنى ، م انا اتحب اصلا
_نفس الغتاته،سبحااانه
_طيب طيب...هقول
_يلا بقا
_ايوووه
_يلاا
_يا فرج الله
_انت سامع اللى انا سامعاه
_احنا هنهزر
_لا بجد والله فيه صوت
_ايوه صح
_انا عارفه النغمه دى
_وانا كمان
سمعت ماما بتتكلم
_انتِ يا زفتااااااااااه، المنبه الزفت بيرن، قومى اطفيه
قومت من النوم مفزوعه
_بسم الله الرحمان الرحيم...انا فين
ماما: انتى فالبيت ياختى
_ايوه منا عارفه؛جينا امتى من المستشفى ومحمد فين
_محمد مين يا بت و مستشفى ايه
_ايه يا ماما انتى فقدتى الذاكره ولا ايه، محمد جوزى
_نعم ياروح ماما،جوز مين ، انتى متجوزه من ورانا يا بت
ضحكت: ماما انتى شكلك فقدتى الذاكره بجد ولا ايه، مش انا عملت حادثه وفقدت الذاكره وكنت متجوزه محمد اللى خاننى بس انا سامحته عشان قلبي طيب وبتاع، هو فين بقا
_لا انتى ضربت منك عالآخر
قومت وقفت عالسرير:لا بقا ماهو مش معقول يعنى 
جه زياد على صوتنا:ايه مالكو
روحت جريت عنده:احضرنا يا زياد، امى مش فاكره انى متجوزه محمد
_مسكنى من قفايا: محمد مين يا بت انتى 
_ايه يا زياد انت نسيت انت كمان ولا ايه ، محمد اللى هيكون جوزى وكده
_جوز مين
_بلاش دى ، اللى هوا خاننى وانا سامحته
_اه انتى شاكلك فايقه ورايقه، انا نازل
_استنى يا زيااااد
_اجرى من هنا يلا
يا ماما طب قوليلي مش انا المفروض رايحه الجامعه انهارده
_ايوه
ابتسمت ابتسامه عريضه: شوفتى
_انهارده اول يوم
ابتسامتى اختفت:اول يوم ازاى يعنى، احنا هنهزر
مسكت الفون بتاعى عشان اشوف التاريخ
_آاه هو فعلاً اول يوم، يبقى ده كان حلم
_عوض عليا عوض الصابرين يارب
_هوا انا منتقبه كمان ولا طلع حلم
_لا يختى منتقبه، روحى شوفى شغلك بقا
ماما مشيت وانا قعدت اكلم نفسي
_يعنى مفيش محمد ولا خيانه ولا حادثه، ده انا حالتى بقت صعبه اوى
"قومت لبست ونزلت ع الجامعه وكنت ماسكه الكتب ف ايدى، وببص حواليا"
_ماهى نفس الجامعه اهى ، انا سرى باتع تقريباً
وانا ماشيه خبطت فواحد
_آاااه....اي ده 
_انا آسف آسف
بصيتله بصدمه:محمد...!

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
تعليقات