اكرم رفع المسدس في وش حسين وقال بصوت عالي

اكرم = ليه ... ليه انت احسن مني .. هااا اديني سبب واحد 

حسين= اهدي  يا اكرم ...  شيل الزفت ده من وشي 

اكرم = مش شايلو يا حسين... رد عليا ..انت احسن مني في ايه ... مترد 

حسين= اكرم .. انا اخوك الصغير ... عيب ...عيب الي انت بتعملو قصاد الناس ده

اكرم = ايه جاي احيك في فرحك .. 

حسين = اكرم ..انااا

اكرم= شششششششش...  هااههه فاكر ... فاكر يا حسين اللعبه الي كنا بنلعبها واحنا صغيرين 

حسين  بزعيق = اكرم انت بتقول ايه 

اكرم =  ايه مش فاكر افكرك ...ضحك بهستريه هههههههه...

Flash Back 🔙 

 كانو بيجرو في حديقه المنزل .. وهما بيضحكو. 

اكرم =.مسكتك يا حسين .. 

حسين=. يووووه ...انا زهقت  اللعبه دي انت ديما  بتفوز فيها 

اكرم = ولا تزعل نفسك .. نلعب لعبه تانيه 

حسين = ااااييه 

اكرم = بص احنا نلعب عسكر وحراميه ...

حسين= الله انا بحب اللعبه دي اوي 

اكرم =  طب عايز تبقي ايه الظابط ولا الحرامي 

حسين = الظابط 

اكرم = خلاص روح هات المسدس الي بابا جابو ليك ..ويلا نلعب 

حسين= انت فين يا حرامي... هلاقيك ... هتروح فين 

اكرم بضحك= انااا هناااا 

حسين= هتروح مني فين ...... اوف لاقيتك ..طاخ طاخ طاخ 

اكرم وقع في الأرض ومثل انو مات

 حسين = هاااااا كسبت كسبت ...

اكرم = اتبسط يا حسين 

حسين= اوي .. يلا نلعب تاني .. 

Back 🔙 

اكرم = ايه افتكرت ... كنت بستغربك يا حسين ..ديما تلعب دور الظابط وتقتلني وتبقي مبسوط اوي  .. .بس النهارده هنقلب اللعبه يا اخويا 

حسين = انت مجنون يا اكرم .. هتقتلني تقتل اخوك ...

اكرم = اتشاااهد احسن يا حسين 

حصل ضرب نار في المكان والنور قطع وكل المعازيم مشيو وهما بيصرخووو

----------------------------------------------------------

  في الظلام الحالك .. جه البوليس .. واخدو اكرم .. علشان يحققو معااا 

ميرا = اكرم 

اكرم = ميراا .. والنبي طلعيني من هنا 

ميرا = حاضر  .. انت ايه الي وداك الفرح بس 

 اكرم = كنت عايزه اشوفها وهي عروسه 

ميرا بحزن = للدرجه دي يا اكرم 

اكرم = .احنا لازم نتصرف .. لازم أخرج 

ميرا = اخرجك ازاي دي محاوله قتل .. والمعازيم كلهم شهدو عليك يا اكرم .. بما فيهم اخوك و امو 

اكرم= بصي روحي البيت عندي .. وخدي فلوس وخليهم يتنازلو.. احلفلك بي ايه مكنتش في وعي .. الزف*ت عادل ..خلاني.اشرب ..لحد ما

ميرا = مفهوم. هحاول اتصرف .. 

مشيت ميرا .. من عند اكرم .. وراحت علشان تتفاوض مع حسين 

----------------------------------------------------------

حسين  بهمس = تعرفي أن اليوم احلي يوم في عمري كلو 

هند بكسوف = ليه 

حسين= علشان اتجوزنا .. انتي كنتي حلم حياتي يا هند .. 

هند = والحمد لله وصلتلو... بس لازم تنفز الي اتفقنا عليه 

حسين= طبعا.. من بكره .. انتي مديره  الشركه الي هنا في مصر 

هند بدلع= سوناااا... انت عارف اني بموت فيك صح 

حسين= وانا بعشق.

هند= .. انا عايزاك تنفز وعدك ليا 

حسين = الي هو ايه 

هند= اكرم... 

حسين = متقلقيش بابا كتبلي كل حاجه.. وهمحي من حياتنا خلاص ..

صوت خبط علي الباب 

حسين = عن ازنك افتح الباب 

هند  = اتفضل 

هند لنفسهااا+= ايواااا اخيراا.. الواحد هيعرف يطلع لفوق ..  مش انت يا اكرم .. سبتني علشان حسين بحبني .. طيب .. أناا هوريك .. أن مخربتش حياتك مكونش هند الشامي 

===============================================

اكرم لنفسو=  ايه الي انا عملتو في نفسي ده .. معقول توصل اني اقتل اخويااا 

انا غبي غبي سمعت كلام عادل وتنيلت شربت 

العسكري= المتهم اكرم ادم الحوسيني 

اكرم= ايوه يا فندم 

العسكري = قوم يا شملول .. يلا في زياره 

اكرم = حاضر 

قام اكرم .. وراح علي اوضه الي فيها الظابط .. 

الظابط = الاستاذه بتقول انها المحاميه بتعتك 

اكرم= حصل يا باشا

مريم =  عايزه موكلي في كلمتين علي انفراد ممكن 

الظابط = من حقك .. هسيبكم عشر دقايق 

مريم= متشكرين جدا 

خرج الظابط 

مريم= ايه يا اكرم .. اسافر يومين تعمل مصيبه زي دي 

اكرم = والله مكنتش في وعيي.. هي ميرا محكتلكيش 

مريم= لا حكتلي ..  .. في حد يسكر ويعمل البلاوي دي 

اكرم = اتصرفي يا مريم .. انا لازم أخرج من هنا بسرعه 

مريم= هحاول ..

اكرم=  لازم تحاولي .. بصي في ورق مهم جدا محدش يعرف مكانو غير انا وحسين .. لو وقع في ايد هند  كل حاجه هتروح 

مريم= ورق ايه ده 

اكرم= هفهمك بعدين .. انتي تخرجي من هنا علي الشركه تاخدي الورق الي في الخزنه كلو .. وتخبي 

مريم= حاضر اهدي .. اهدي ..وانا هحاول اخرجك 

اكرم = أديهم فلوس وهما هيتنازلو 

مريم = ميرا راحت تتفاوض معاهم .. يارب يقبلو   ... انا همشي دلوقتي .. وهحاول اتصرف 

=============================================

ميرا = كاااام!

حسين= زي مسمعتي  ٨٠ مليون جنيه .. علشان انا وكل الشهود نقول انو كان سكران ونخرجو 

ميرا= يا وا*طي ...يا حق*ير .. 

حسين= كلمه كمان هضاعف المبلغ 

ميرا= ده اخوك.. في حد يعمل كده في اخو.. وعلشان مين علشان الزفت*ه الي فوق دي

حسين  ضربها بلقلم=  اخرسي .. متشتميهاش فهما و لا.. 

ميرا بصدمه= بتضربني .. بتضرب اختك علشان دي ..ايوه مخلاص ..انت وامك عاملين عصابه علي حته الواد.. علشان انا وهو من بطن فاطمه مرات ابوك وضرتها صح ماشي يابن كريمه 

حسين= اخرسي .. واطلعي برا يلا ..

ميرا= هتشوف .. يا حسين مين هيضحك في الاخر .. 

============================================

ميرا كلمت مريم  علشان يتقابلو وراحو كافيه

مريم بصدمه= معقول طلب المبلغ ده 

ميرا= وطردني كمان ...  هنعمل ايه 

مريم = المشكله  حتي .. الكاميرات الي كانت في الحفله كلها مش شغاله 

ميرا = مرتب كل حاجه الزبا*له  علشان يوقعو 

مريم= انا بفكر اروح اتفاوض  مع أي حد كان في الحفله 

ميرا = كل الي كانو في الحفله تبع حسين يعني محدش هيفيدك 

مريم = انا زهقت والله .. بس هروح اتكلم معاه تاني 

ميرا= روحي ..

مريم= لازم تيجي معايا .. مش هروح لوحدي 

ميرا= مقدرش .. ده طردني 

مريم= معلش علشان اكرم .. يلا 

راحو الڤلا وهما داخلين قابلو عم محمود البواب .. 

محمود= استاذه ميرا .. ازيك 

ميرا = الحمدلله .. انت اخبارك ايه يا راجل يا طيب 

محمود= بخير .. طمنين استاذ اكرم بقا كويس 

ميرا لسه هنتكلم مريم وقفتها 

مريم = احنا مشوفنهوش .. ليه وهو مش جه امبارح 

محمود= ايوه جه 

مريم = انت متأكد انو جه شفتو يعني 

محمود= دنا مسندو بأيدي دي .. لما وقع الظاهر كده كان سكران 

مريم وميرا بصو لبعض 

مريم = اتحلت .. والله لوريك .يا  حسين  يابن كريمه