- ليلي فوقي ركزي معايا انتي كويسة اتنفسي.. خليكي معايا ها سمعاني؟ 

هزيت راسي بتعب: سمعاك

= قادره تقفي قومي حاولي تقفي 

سندني وقومت وانا مازلت دماغي تقيلة دخلني الأوضه وقعدت على السرير فضل يحرك راسي ويبصلي بتركيز: ركزي معايا كده دول كام 

ضحكت بتعب: اتنين 

- شاطره .. اهدي كده وفهميني في اي مالك؟ ده مجرد باب وعلق يعني يا ليلي

= ...........

بصلته وسكت مكنتش عارفه اقوله اي! 

- قوليلي يمكن اقدر اساعدك؟

= هو ..... يعني هو ... الموضوع انه ...

" بصلي بأهتمام وكانت نظراته بتطمني! "

= وانا صغيره مكنتش متعوده اقفل الباب ابدا انا مش بحب اقفل الباب 

- ليه؟ 

= عشان.. وانا صغيره قبل ما ماما متبقاش موجوده الباب بتاع الحمام علق و هي لحقتني كنت خايفه لكن مع وجودها هديت وعرفت انها دايما هتلحقني بس لما مشيت .. من بعد الحدثه وانا مش بقفل الباب ابدا في اي اوضه فالفيلا وكبرت وانا متأكده انوه انا ممكن اتحبس في اي وقت ومش هلاقيها تلحقني و مش هلاقي بابا عشان هو دايما بره و مش معايا 

- ده موضوع نفسي يا ليلي و 

قاطعته وانا ببتسم بحزن: انا عارفه قريت و عارفه انوه خوف نفسي و بيأثر عليا يمكن كنت اقدر اتك علي المقبض و افتحه بسهوله عادي لكن من التوتر ايدي كانت سايبه واعصابي فلتت و نفسي بدأ يضيق من الخوف 

- طيب ما نعالج المشكلة دي؟ 

= انا مش هقدر وانا عارفه اني هفضل لوحدي 

- هتقدري انتي قوية .. يمكن متعرفيش ده لكن انا ليا نظره و واثق فيكي

= المفروض أعمل اي 

- تعالي معايا 

دخلني حمام اوضتي تاني: بصي 

كده كده الازاز مكسو* ر انا هقفل وانتي افتحي بسهوله عادي مفيش حاجه وانا معاكي 

قفل الباب و كنت شيفاه قصادي باصصلي: ها افتحيه! 

- حطيت ايدي على المقبض ببطء وكانت بتترعش برضو

بصلي: ده طبيعيي متخافيش جربي هتقدري

" ثبت ايدي و اتكيت جامد وبعدين حطيت ايدي التانيه و اتكيت عليه بقوة وفتحته.."

- شوفتي؟ 

اتنهدت وبصتله: ده عشان انت موجود وانا عارفه انك ممكن تفتح وعشان هي كدا كدا مكسوره 

= طيب تعالي تاني 

جيت ادخل الحمام مسك ايدي: لاء مش هنا بقا 

روحنا عند حمام اوضه تانيه: الباب مش مكسور ادخلي بقا 

- حاسه اني مش هقدر لو معرفتش هتضطر تكسره! 

= حاولي يا ليلي وانا معاكي 

"دخلت وخرجت تاني"

= شغل عيال بقا؟ مش انتي كبيره! وعيد ميلادك بكره هتكملي 20 سنه ادخلي يلا

" دخلت و الباب اتقفل هو قفله بهدوء بعد ما اديته طمني نوعا ما فضلت واقفه مش بتحرك وسامعه صوته من بره "

- ها افتحيه .. يا ليلي ؟

= ايوه.. 

- يلا افتحي

= خايفه اجي افتحه معرفش 

ضحك بسخريه: يا ليلي جربي اللاه! 

- طيب انا هشوف اهو.. هجرب 

فات حوالي دقيقه وهو متكلمش: سيف !!! انت روحت فين ! سييف ؟؟ 

= يابنتي واقف مستني اهو 

- طيب.. انا مش عارفه افتح

= انتي محاولتيش اصلا! 

- لاء مش قادره خرجني حاسه اني اتحبست

اتكلم بجديه: ليلي ده مش حقيقي انتي مش محبوسه

اتكلمت بسرعه وصوتي مكنش طالع: لا محبوسه انا مش عارفه افتح انا محبوسه! 

- اتنفسي بهدوء و فكري صح بلاش تخلي الخوف يسيطر على افكارك ! افتحي الباب خليكي واثقه فيا انا عارف انك هتقدري 

= .............. 

- ليلي ؟؟ ليلي ! 

" جز على سنانه وخدت خطوه لورا و قبل ما يكس**ر الازاز سمع صوت التكه و الباب اتفتح"

بصلها بفخر: كنت عارف. 

اتنهدت بهدوء وضحكت: حاسه اني دايخه 

- تؤ تؤ نمسك نفسنا كده.. هجبلك كرتون مكافأة.

= ياريت عشان اعصابي تهدا شوية

" ونزلنا فعلا وشغلي كرتون تنه و رنه وكنت برضو بحبه اوي الكرتون ده!!" 

- احنا ليه مش بنفتح التلفزيون و دايما تشغل افلام متحمله؟ 

سيف بذكاء: عشان الإعلانات و كده و المتحمله احسن 

= اقصد ان احنا مفيش تواصل خالص مع العالم الخارجي! هو ده من ضمن التأمين! 

- حاجه زي كده

= ليه هو التلفزيون حْطر ! 

- انتي هتفضلي تتكلمي وتسيبي الكرتون ولا اي ؟! 

رجعت اتفرج: لاء طبعا 

" فتح موبايله وهو جمبي ولكن معرفتش اشوف الباسورد..! " 

- ها الفيلم خلص قومي نامي بقا

= انت بتوزعني؟ 

- انا هاروح اتمرن تحبي تيجي معايا

= هتفرج بس

" فضلت اشوف تمارينه وقد اي بالنسبالي مستحيله عضلاته متقسمه في جسمه بشكل متناسق و ده دليل انوه مش بيلعب عشان يضخم شكله و لكن بيمرن عضلات جسمه كلها بالتمارين .. وده صعب " 

بصلي: ها هتيجي تتمرني ولا لاء

- كفايه الصبح! هيبقي الصبح وبليل

= تعالي مرني صْربتك على الأقل اللبسي القلبظات و يلا 

" لبستهم و وقفت قصاده وبدات اضرب الحركات الى علمهالي مكنش بيصد صْرباتي! "

- انت بتسبني اصْربك ليه

= عادي قولتلك انتي كيس مخده انا حرفيا مش حاسس بصْربتك 

- والله !!

" اندفعت عشان اصْربه بكل عْل فا وقعت على الأرض وضحك عليا. "

- قومي قومي هاتي ايدك

= شكرا بعرف اقوم لوحدي !

- محتاجه تلعبي بالحديد الى جبتهولك

= سيف انا هصارحك 

- ايه؟ 

= الاربعه كيلوا دول مستحيل اقدر اشيلهم انا اخري تلاته وبشيله بالعافيه 

- عاش لا حقيقي عاش انتي لازم تتمرني وغصب عنك مش بمزاجك عشان تتعلمي ازاي تدافعي عن نفسك على الاقل! 

= حاضر.. معاك حق بس هطلع بقي انام احسن

- تصبحي على خير 

ابتسمت: وانت من اهله

>>>>>>>>>>>>>>>>>>>>>>>>>>>>>>>>>>

صلي على محمد 

" وانا على سريري قبل ما انام كنت حاسه بسعاده وشعور امان بقالي كتير محستوش بقي عندي دلوقتي !

مبقتش جبانه وحسيت اني ممكن اقفل الباب مش اسيبه موارب.. ابتسمت براحه نفسية وفعلا العلاج النفسي بيتم من خلال تأثير وشعور نفسي " 

|| الساعه 9 الصبح | 2 سبتمبر || 

"صحيت على خبط هادي على الباب وقومت افتح" 

- صباح الخير

= انا سبتك نايمه لحد 9 عشان بس ده يوم عيد ميلادك يلا ننزل نتمرن اجهزي

اتاوبت بنوم:  اوكيه

" جهزت هدومي و دخلت اخد شاور في حمام اوضه تانيه من اوض الفيلا و قفلت الباب برضو! بس لأني كنت واثقه فيه." 

*************************************

- هاه انا جاهزه

= كل سنة وانتِ طيبة يا ليلي. 

- دي عشاني!! جبتها منين!

" لقيت معاه تورتة وكان مكتوب عليها رساله

 بدأت اقرأ.. " 

- حبيبيتي ليلي كل سنة وانتي طيبة بحبك 

بصتله بصدمه: ده بابا !!! هو بابا بعتها!!!! 

هزيت راسي: هو موصيني من اول يوم اخدتك فيه 

"كنت مصدومه و فرحانه فنفس الوقت"

- هو فين ! هينفع نروحله ؟ 

= بصي هو حاليا لاء بس يعني 

طلعت موبايلي: تقدري تكلميه 

اتنطط مكاني: شكرا شكرا شكرا بجد !! 

طلب رقمه و اداني الموبايل حطيته على ودني بلهفه واول ما فتح اتكلمت: بابا !! 

- كل سنة وانتي منورة حياتي يا ليلي 

عيوني دمعت: بابا انت وحشتني اوي انا عايزه اشوفك انت هتيجي امتي! 

= قريب ان شاء الله انتي كمان وحشتيني جدا هجيلك قريب يا حببتي 

- انت اول مره تسبني لوحدي كل الفترة دي يا بابا 

= انتي عارفه اني بحبك ولا لاء؟ 

- عارفه

= يبقي خليكي متأكده انوه غصب عني ، لكن عشان خاطر عيونك هشوفك قريب.. قوليلي عامله اي مع سيف اكلتي دماغه زي عادتك؟ 

بصتله وضحكت: مش اوي يعني.. هقدر اكلمك تاني؟ 

- كل ما اقدر اكلمك مش هتردد انا هقفل دلوقتي واسيبك تحتفلي بعيد ميلادك. 

= بابا الإحتفال الى بجد هيكون لما اشوفك

- إن شاءالله يا ليلي و ايا كان خليكي عارفه ان بابا بيحبك 

= وانا بحبك سلام يا بابا 

- هاه خلاص ياستي ؟ 

بصتله بفرحه مفرطه وحضنته حضن سريع: شكرا بجد يا سيف دي احلي هدية عيد ميلاد جاتلي فالدنيا انا لو مكنتش كلمته كنت هبقي زعلانه لدرجه متتخيلهاش! 

ابتسملي: يعني هتبطلي زن خلاص؟ 

- موعدكش! ... سيف بس .. بابا صوته كان غريب كأنه مش مبسوط او مضايق 

سيف قاطعها بسرعه: بيتهيقالك اكيد بس مرهق من الشغل ولو زعلان فا يمكن عشان مش معاكي 

= ايوه صح معاك حق 

- انا خت إذن رسمي اننا نخرج انهارده بس في أماكن معينه يعني في مكان محدد في دماغك؟ 

= انت بتهزر صح

- لا بتكلم جد

= عايزه اروح عند طنط هدي.

- ماما! طب فكري حتي ن 

قاطعته: انا حبيتها وعايزه اروحلها مش عايزه تفكير وهات التورتة معانا ياريت 

= اممم اي اوامر تانيه يا فندم

ضحكت: تؤ شكرا يا استاذ سيف تعبينك معانا 

**************************************

استغفروا 

||في فيلا المقدم توفيق || 

هدي: ليلي !! ازيك يا حبيبيتي 

سيف بصلها بستغراب: طب انا اي ؟ ابنك برضو

هدي حضنته: وحشتني يا حبيبي ادخلوا ادخلوا

سيف: هكلم فريده و امير ينزلوا 

هدي: ماشي يا حبيبي

ليلي: انهارده عيد ميلادي وقولت احتفل معاكم و جبت التورتة هي سايحه حبيتن بس حلوة 

هدي: تورتة؟ انتوا جبتوا تورتة! 

ليلي: اها بابا بعتهالي 

هدي: انا بعرف اعمل تورت خلي بالك لو كنتوو بس عرفتوني لكن ملحوقه انا هعملكم اكل الأول 

ليلي: لا لا انا جايه اقعد معاكم! هتسبيني وتعملي اكل وبعدين احنا اصلا مش جعانين

هدي: وبعدين معاكي بقا اقولك تعالي معايا ها لكن لازم اعملكم اكل 

ابتسمت: طيب.. هنعمل اي؟ 

هدي: محاشي خليت فريده تجبهم وكنت هكملهم بكره بس هي هتنزل وانتي موجوده اهو تساعدوني ونعمله

- اوي اوي عيوني يلا بينا 

" وفعلا بدأنا نعمل الاكل بعد ما فريده نزلت و حسيت نفس الشعور تاني..! الدفا و شعور العيلة الى كان المرة دي بزياده أوي " 

امير:  ليلي اللعبي معايا متمشيش! 

سيف: معلش بقي يا امير هي اتأخرت كده 

ليلي: اوعدك هنتقابل تاني احنا صحاب فاكر! 

هز راسه وابتسم: ايوه.

" خرجنا و ركبنا العربية وانا مكنتش عارفه اشكره ازاي"

- مش عارفه اقولك اي بجد شكرا على كل حاجه

= العفو يا استاذة ليلي

ضحكت: هو مينفعش اخد موبايلي! 

- لاء دي لاء انسي 

= ليه

- من غير ليه 

= طب عايزه اشتري حاجه من السوبر ماركت استني هنا

- هتجيبي ايه! 

= حاجات شيبيسي كده 

- هبقي اجيب انا

= لاء انا عايزه اختار 

- طيب .. 

" ركن العربية على جمب و طبعا كان ورانا عربية تانيه ماشيه معانا كا تأمين فا نزل منها واحد "

- خير وقفنا ليه؟ 

= هنجيب حاجه من السوبر ماركت خليك هنا معاها يا وليد باشا لحد ما ادخل اتأكد انوه امان

- وفعلا سابه معايا و دخل معرفش يأمن اي بالظبط 

" كنا واقفين قدام كافيه و قناة الاخبار شغالة على الشاشه مكنتش مهتمه.. انا مكنتش مهتمه لحد ما سمعت اسمه " 

( مازال رجل الأعمال الشهير أنور النصر في غرفه العمليات ولم يتم التأكد حول بقائه على قيد الحياه بعد عملية الاعْتيال التي تعرض لها و هو في طريقه لاحدي شركاتة ) 

" هي بتتكلم عن بابا؟ حسيت الدنيا بتلف بيا مكنتش واعيه لأي حاجه حواليا عايزه اروح البيت واشوفه! عايزة اروح الشركه اي مكان اللقيه فيه واتأكد انوه عايش انا ازاي كنت مغفله كل الايام دي! " 

" جريت من قدامهم بكل قوتي "

وليد زعق فالجهاز: سيف باشا الهدف بيهرب !!!! 

" جريت بسرعه وكأني بحار* ب كل الى سمعته!! لحد ما سمعت صوته ورايا وكان بيزعق عشان اقف لكن مش قادره .. وللأسف كام اسرع مني ومسكني " 

بزعيق:  انتي اتجنني اي الى عملتيه ده !!!!!! 

زقيته بعيد عني: ابعد عني !!!! انت كداب ابعد فاهم !!!