«بعد كام يوم» 

_ دخلت ندي هي وصحبتها نسرين المحاضره.. 

كانت ندي.رايحه تقعد ورا،فوقفتها نسرين وقالتلها : انتي رايحه فين تعالي نقعد قداام، ده البنات مقطعين نفسهم ع القعده قدام فمحاضرة الدكتور خالد وانتي عايزانا نقعد وراا..

ردت عليها ندي بهدوء: اقعد قدام عشان اتسوح تاني من المحاضره، لا بالناقص انا عايزه انجح من غير مواد لاحسن الحج احمد هيعمل مني كفته لو طلعت بمواد.. 

راحت معاها نسرين وقعدو ورا: بس انتي مستواكي حلو، لو تبطلي لماضه مع الدكاتره بس.. 

ردت عليها ندي وهي تقعد بملل: شخصية اللي جابوني كده اعمل اي وحباني كده، وع رأي الحاجه شرين خلو اللي يغير مننا يجي ويعمل زينا.. 

ضحكت نسرين وقالتلها: طيب ي ختي اسكتي اهو الدكتور جه.. 

_«سكتو هما الاتنين ودخل خالد بمنظره وملامحه الوسيمه للداخل، ليلقي الصباح ع الطلاب وبعدين فضل يدور بعينيه عن ندي، وشافها وهي قاعده جنب صحبتها وعناله تقلب فكتابها بملل،سرح شويه فيها من غير مياخد باله هي بجد حلوه شعرها الطويل وعنيها البني وبشرتها البيضه وملامحها الجميله جدا،،بس لما افتكر لسانها الطويل وانها شتمته قبل كده بعد عينيه عنها وبصلها بخبث من غير متاخد بالها،وبعد كده بدأ يشرح المحاضره».. 

_«عدي ساعتاان، وهو بيشرح فالمحاضره من غير تعب».. 

ندي بأرهااق وهي بتكلم نسرين بصوت واطي: خربيت سنينه مبيتهدش ده انا خلاص سخسخت، وهيجيلي هبوط هموت واكل.. 

خالد بزغيق: ي انسه اتفضلي اقفي.. 

وقفت ندي بسرعه وقالتله وهي فرحانه: نعم يدكتور اطلع بره صح حااضر هطلع.. 

بصلها ومش مصدق انها عايزه تطلع بجد بره،ورد عليها بخبث: استني، انا مقصدكيش انتي، الانسه اللي جمبك تتفضل بره لانها كانت بتتكلم فوسط المحاضره.. 

وقفت نسرين بتوتر واحراج شديد فقالت ندي بغيظ: ي دكتور انا اللي كنت بتكلم هي متكلمتش.. 

خالد بعصبيه وخبث: انا مش اعمي والانسه تتفضل تقعد هعديها لكن لو اتكلمت تاني هتطلع بره ومش هتدخلي محاضرات تاني.. 

وبص لندي وقال بخبث: انما بقي الانسه.. 

ندي بضحكه واسعه: اطلع بره صح؟... 

خالد بجديه: غلط، اقعدي وركزي لاني هسألك فالمحاضره بعد مخلص ولو مجوبتيش هتاخدي صفر فأعمال السنه بتاعت الشهر ده.. 

ندي بغيظ: اي ده ي دكتور كده مش فير.. 

_ مردش عليها وكمل شرح المحاضره وكانها مش موجوده،قعدت هي وحاولت تركز معاه بس بسبب انها كانت

 جعانه اووي معرفتش تستفاد بأي حاجه من اللي شرحها.. 

ندي وهي خلاص هتعيط : ربنا يهدك ي شيخ، ده اكيد ضاربله سجارتين حشيش عشان يقدر يقف الوقفه دي لتلات سعات..

نسرين بتوتر: اخرسي بقي ي شيخه ده عمال يبصلنا.. 

_ بعد. انتهاء المحاضر.. 

شاورلها خالد بخبث وقال: ي انسه اتفضلي اقفي.. 

وقفت ندي وهي بتتنهد.بصوت عالي وكانت عنيها بتطق شرار منه ومن تصرفاته معاها.. 

خالد ببرود: عايز القيود بتاعت المسأله دي.. 

ندي بهزار: عايزها فأي لامؤخذه.. 

خالد بغيظ: انتي هتستهبلي، هتعرفي تحلي ولا لا؟.. 

حركت شعرها بايدها بغرور وردت عليه بثقه: لا.. 

ضحك خالد بانتصار وقالها: يبقي صفر، والمحاضره الجايه انتي ممنوعه من دخولها.. 

ـــــــــــــــــــــــــــــــــــ 

_« دخلت ندي عيادة باباها وهي بتاخد نفسها بسرعه».. 

الممرضه بهدوء: في مريض جوه يطلع وادخلي.. 

ندي بملل وهي بتطلع ورق من شنطتها: لا انا مش هدخل امسكي انتي بس اديله الورق ده تقريبا اشاعة حد هو نسيها فالبيت.. 

الممرضه: ماشي حاضر.. 

ندي وهي بتمشي من قدامها: يلاا بقي فوتك بعافيه، ابقي سلميلي ع بابي.. 

_«جريت ندي بسرعه لتحت فبصتلها الممرضه باحراج وهي بتسمع كلام الناس اللي فالعياده ع انها ازاي تبقي بنت الدكتور احمد الراجل المحترم وحده مجنونه زي دي»... 

_ فنفس الوقت اتفتح باب الاسانسير وخرج منه خالد وهو ساند باباه وداخلين للعياده،بس خالد اكتشف انه نسي موبيله تحت فالعربيه»...

. 

خالد: اووف بابا معلش ادخل انت انا هنزل اجيب الفون نسيته فالعربيه.. 

محمد بأيماء: ماشي ي حبيبي روح انت وانا هستناك جوه.. 

_«رجع خالد تاني بالاسانسير لتحت،ودخل محمد باباه العياده وهو وداخل خبط فندي اللي كانت طالعه تجري».. 

ندي بأحراج: انا اسفه والله ي عمو، انت كويس..

محمد بألم: ي بنتي ع مهلك مش كده.. 

ندي وهي تجري بسرعه بسرعه: معلش ي عمو بس العيال مستنيني الماتش هيبدأ.. 

رفع محمد حواجبه وهو مش مصدق ان في بنت كبيره بتلعب كوره مع عيال،وقال لنفسه: عيال وماتش، ي حول الله يارب، ربنا يشفي اهي زي القمر بس دماغها مش فيها ربنا يشفي ويسلم ياارب.. 

_ ندي وهي بتتكلم مع الاطفال فالشارع بعصبيه: لا ي حبيبي منك ليه احنا اتفقنا هنلعب ع كانزات من ام خمسه جنيه، طلعتولي منين بالاندومي.. 

احد الاطفال: خلاص ي ندي هنتنازل عن الاندومي عشانك المره دي، هروح انا والعيال نجيب الحاجه خليكي انتي هنا استنينا.. 

ندي وهي تمسك منهم الكوره: متعوقوش يلاا.. 

_«راحو الاطفال يجيبو الحاجه بسرعه، و هي فضلت مستنياهم، وبعد شويه انتفضت بقوه لما سمعت صوته من وراها».. 

خالد بضحك وسخريه: انا قولت من الاول مش طبيعيه، وتعاملي معاملة اطفال.. 

ندي بصدمه: دكتور خالد.. 

خالد وهو بيقرب منها بخبث: ااه دكتور خالد، مكنتش اعرف ان في عيادة مجانين هنا لحد مشوفتك، بوووم اين جبهتك انا لا اراهاا.. 

ندي بغيظ ردت عليه: لا ي خفيف انا كنت عند دكتور نسا وولاده واظن انك انت طالعله برضو.. 

بصلها خالد بغيظ، فقالت  هي بمرح: هات الدكتور عشان يخيط هع هع هع.. 

خالد بجمود: المفروض اني دكتورك فالجامعه وتحترميني.. 

ندي بغضب: اا اي  ده عندها  ، بقي انت ي اصفر تديني صفر فأعمال السنه وكمان اي مش معاك غير تهزأ فيا فالمحاضره.. 

خالد وهو يشاور لها بايده كده 🤏🏻 وقالها ببرود: ده مقامك اصلا عشان تغلطي فخالد الشاذلي كويس.. 

ندي بغيظ وهي بتبص للاطفال اللي جم بخبث، وبعدين بصتله هو  وقالت بحقد: انت لسه شوفت غلط.. 

اتكلمت بصوت عالي للاطفال : ي عيال الواد ده بيعاكسني.. 

_«بصولها  الاطفال وهما مش فاهمين قصدها، ليكتم خالد ضحكاته بشماته».. 

ندي بغيظ: الواد ده بيغلط فالاهلي ي عيال.. 

بصو الاطفال ناحية خالد بغضب، فقال خالد بخوف: محصلش دي كدابه، انا اصلا مليش فالكوره.. 

قال واحد من الاطفال بغضب: انت ازاي تغلط فالاهلي ده انت هيتحفل عليك النهارده، هجوووووووم ي رجاله .. 

جري عليه عدد كبير من الاطفال اكتر من ال10،فجري هو من قدامهم بخوف وقال لندي بعصبيه : ربنا ياخدك ي ندي وحياة امك مااشي.. 

ـ ضحكت هي عليه بشماته وهي بتشوفه بيحري من العيال بخوف..

ــــــــــــــــــــــــــ

_ بالاعلي.. 

احمد بهدوء: الف سلامه عليك ي حج محمد، الحمد لله اتحسنت عن الاول بكتير وقلبك زي الفل.. 

محمد وهو بيقعد قدامه بهدوء: ده بفضلك بعد ربنا ي احمد ، وبيني وبينك بشكر ربنا انه جاب شوية التعب دول عشان شوفتك ورجعت صداقة الطفوله تاني.. 

احمد بسعاده: ي راجل متقولش كده المهم صحتك.. 

محمد بخبث: سيبك مني وقولي ندي والدكتوره الهام كويسين..

احمد بهدوء: الحمد لله كويسين وبخير.. 

محمد: هو عماد عزمك ع فرح ابنه.. 

احمد: ايوه امبارح قالي.. 

محمد بخبث: طيب كويس اتمني تجيب المدام والعروسه الصغيره، لان انا ومراتي وخالد ابني انتي عارفه هنكون هناك واهو نتعرف ع بعض اكتر اي رئيك.. 

فهم احمد اللي بيقصده محمد وانه عايز خالد يشوف ندي ويتعرف عليها عشان يخطبها، فضحك ورد عليه بسعاده: انا معنديش مانع اصلا ده شرف ليا.. 

قام محمد وسلم عليه وقاله: يبقي اتفقنا.. 

_يتبع.....