في صباح يوم جديد حيث في الاسكندريه و تحديدا في منطقة عروس البحر الابيض المتوسط حيث تسطع الشمس صباح يوم جديد في غرفه نومها نائمه في ثبات عميق مثل الملائكه ك طيفله صغيرة دخلت والدتها لكي تيقذها لاجل اول يوم بالكلية في السنه الدراسيه الاولي ليها في هندسه 

أسماء: كارما قومي يلا يا حبيبتي عشان الكلية انتي كده هاتتأخري

(كارما): سبيني شويه يا ماما لسه بدري صحيني ٩:٠٠ 

أسماء: يا كارما الساعه ٩:٠٠ انا بصحي فيكي من بدري قومي يلا

(كارما): ايه الساعه ٩ انا قايمه اهو 

استيقظت (كارما) من نومها العميق دلفت الي الحمام لكي تغتسل و و ترتدي ثيابها من أجل الكلية ارتدت بنطلون چينز واسع قليله من اللون الكحلي مع تيشرت لونه الابيض من القطيفه لان الجو شديد البرودة و ارتدت كوفيه من اللون الاحمر و مشطت شعرها الذي اطلقت له العنان

(كارما): ماما جهزيلي الفطار عشان افطر بسرعه عشان امشي

أسماء: الفطار عندك علي السفرة يا حبيبتي افطري حلو قبل ما تنزلي خدي مصروفك اهو باباكي سابهولك قبل ما ينزل

(كارما): حاضر يا ماما ربنا ما يحرمني منكم يا حبيبتي

أسماء: ولا يحرمنا منك يا (كارما) و اشوفك دايما مبسوطه يا بنتي يارب

(كارما): تسلميلي يا ست الكل يلا بااي بقي عشان اتاخرت

أسماء: مع السلامه يا بنتي لا اله الا الله

(كارما): محمد رسول الله مع السلامه

تقابلا الفتتان لكي يرحلا سويا الي الكلية لم يخلو سيرهم من المزاح و المرح و المشاكسات حتي وصلو الي الكلية زهبو الي المدرج من أجل ان يحضرو اول محاضره لهم في عامهم الاول 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

              في قسم الشرطه حيث يعمل (دياب)

(دياب): قولي يا محمد الواد الي تحت في الحجز ده نطق ولا لسه

محمد: لسه عمال اقرر فيه مش عايز ينطق بحرف حتي

(دياب): طيب سبهولي انا هانطق امه بس افوق كده و اشرب القهوة بتاعتي و انا هانزل اقرره بنفسي

محمد بمرح: طبعن انتا هاتقولي دا انتا عليك إيد ايه تخلي الواحد يجيله ارتجاج علي طول

(دياب): طيب خلاص يا ظريف روح شوف شغلك انتا علي لما اخلص الي ورايا انا كمان

محمد: ماشي يا صاحبي سلام

( محمد الصديق الاقرب ل( دياب)من ايام الطفوله و هما الاثنان مثل الاخوات و اكثر)

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

               ( في شركه حسن والد (دياب) )

حسن: خد يا حمزة الملف ده و روح مكتبك راجعه كويس و بعد كده هاتروح شركه المجدي للاستراد و التصدير و تتفق معاهم علي الالات الي هنحتاجها عشان دي احسن شركه و بعد كده تيجي عشان نشوف باقي العقود

حمزة: حاضر يا بابا بعد اذنك انا بقي عشان اروح اخلص الي ورايا سلام

حسن: سلام يا بني

ذهب حمزة الي مكتبه و طلب من السكرتيره مجموعه ملفات عشان يراجعم و يروح شركه مجدي

( مجدي و حسن اصدقاء جدا من ايام الدراسه في الكلية لاكن لم يسبق ان تعرف الاولاد علي بعض دونن عن الفتتان الي اتعرفه علي بعض من ايام الطفوله و لم يسبق ان تعرفت (كارما) عن اهل مريم سابقا)

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

في الكلية جلسن الفتتان في الكفتريا الخاصة ب الكلية بعد المحاضرة الاول يتناولون النسكافيه

مريم: اه ياني الجو برد اوي مش قادره و انهارده عندنا يوم طويل في الكلية ربنا يعنا

(كارما)؛ فعلا الجو برد جدا النهارده و المحاضرات الي عليا كتير اوي كان نفسي نروح المكان بتاعنا علي البحر انهارده بس مش هاينفع بقي

مريم: خلاص نعوضها بكره او في يوم تاني يلا بينا بقي عشان المحاضرة التاني هاتبدأ كمان خمس دقائق

(كارما): يلا بينا

ذهبو الي المدرجه لكي يحضره باقي المحاضرات و لم يلاحظه هاذا الشاب الذي يتطلع عليهم من اول دخولهم الي الكلية

علاء: هاي انتو اول سنه ليكو مش كده

اتوترو البنتين لانهم مش متعودين على الكلام مع اي شاب غريب ردة مريم بأحترام ممزوج بالتوتر

مريم: ايوة اول سنه

علاء و انظاره علي (كارما): انا علاء في سنة تانيه ممكن نكون اصدقاء لو مش هاتتديقه طبعن

(كارما) و قد لاحظن نظراته: لاسف مالناش كلام مع شباب عن اذنك

علاء: طيب ثانيه انا قصدي خير انا بقول اصدقاء مش اكتر

مريم: لا والله مش هاينفع عن اذنك لازم نمشي يلا يا (كارما)

ذهبو الفتتان من امامه بسرعه و ذهبو كل واحده منهم الي منزلها و مر اسبوع علي الجميع بدون احداث جديده غير محاولات علاء علي التحدث معهم و هم يرفضون و في يوم بعد انتهاء الكلية ذهبو الي منزلهم كالعاده و ما ان دلفت (كارما) حتي اتصدمت من مالم تتوعقه

يتبع.......