رواية عشقت جحيم المغرور اياد وغزل الفصل السادس 6 بقلم هاجر حسين
رواية عشقت جحيم المغرور الفصل السادس 6 هى رواية من تأليف الكاتبة الصاعدة المميزة هاجر حسين رواية عشقت جحيم المغرور هي رواية رومانسية تقع احداثها بين شخصيتين اساسيتين وهما اياد وغزل
لا يسمح بتناقل الرواية الي مدونات اخري واذا تم ذلك سيتم حذف الرواية من نتائج محرك بحث جوجل DMCA Copyright
وتحرير طلب الي Google Search Console بالازالة
رواية عشقت جحيم المغرور اياد وغزل الفصل السادس 6
اياد:- جدي !! ازاي تعمل كده
سليم:- شوف شغلك يا حضرت الظابط
شريف:- اتفضلي معانا
ليلي :- اجي معاكم فيه انا مش هروح مع حد
شريف:- اتفضلي معانا بالزوق ومتخلينيش استخدم أساليب تانيه
ماجد:- طيب اتفضل حضرتك واحنا هنيجي وراك
شريف:- لا مش هينفع انا عندي اوامر متحركش من هنا غير وهي معايا واكمل للعساكر خدوها يلا على البوكس
ليلي:- يخدو مين انت مجنون انا معملتش حاجه
اياد:- متقلقيش يا ماما انا معاكي وان شاء الله مفيش حاجه
اخد العساكر ليلي وانطلقو بها الي قسم الشرطة وخلفهم اياد وماجد
ـــــــــــــــــــــــــــــــــــ
في قصر البحيري
عهد ببكاء :- جدو بالله عليك اتنازل عن القضية وانا اوعدك ان ماما مش هتتعرض لغزل تاني
سليم:- امك غلطت وكل واحد لازم ياخد جزاته
عهد:- يا جدو و
سليم بمقاطعة:- الموضوع ده اتقفل خلاص
ـــــــــــــــــــــــــــــ
في قسم الشرطة
شريف:- ها سليم بيه موجه بلاغ ضدك بمحاوله قتل غزل البحيري ايه اقوالك
ليلي:- انا مقتلتش حد
شريف:- بس كنتي عايزه تقتليها
ليلي :- وانا هستفاد ايه لما اقتلها
شريف:- والله ده سؤال الموجه ليكي ليه كنتي عايزه تقتليها
ليلي :- انا مكنتش عايزه اقتلها ومليش مصلحة في كده
شريف:- طيب وايه تفسيرك لتعرضك ليها وفتح دماغها واللي ادي لفقدان البصر
ليلي:- مكنتش أقصد اني افتح دماغها كان شجار عائلي عادي وهي لللي وقعت على الكوميدو ودمغاها اتفتحت
شريف:- امممممم اكتب يابني يتم حبس المتهمه أربعة أيام على ذمة التحقيق
واكمل منادي للعساكر خدوها على الزنزانة
ـــــــــــــــــــــــــــــــــــــ
في قصر البحيري
غزل:- جدو
سليم:- نعم
غزل:- اتنازل عن القضية بتاع طنط ليلي انا خلاص مسامحها
سليم:- ملكيش انتي دعوه بالموضوع ده
غزل :- بس يا جدو حرام عهد كل شويه تعيط وتترجي حضرتك علشان تخرج مامتها وانت مش راضي
سليم:- غزل قولتلك متشغليش دماغك انتي بالموضوع ده وأكمل بهدوء اخدتي العلاج بتاعك
غزل:- لا
سليم:- ليه مش قولنا لازم تمشي على العلاج علشان ترجعي تشوفي تاني بسرعه
غزل:- حاضر
سليم:- صفاء ي صفاء
صفاء:- نعم يا سليم بيه
سليم:- خدي غزل اكليها كويس واديلها العلاج بتاعها
صفاء:- حاضر يا سليم بيه يلا يا غزل
ــــــــــــــــــــــــــــــــ
بعد يومين عند سليم في المكتب دخل اياد
اياد:- جدي عدي كده يومين وامي مبيته في السجن مع البلطجية والمجرمين اظن كفايه كده حضرتك عايز ايه تاني
سليم:- اقعد
اياد جلس على المقعد امامه :- اهو قعدت اتفضل
سليم:- انا موافق اتنازل عن القضية ومن دلوقتى لو تحب بس بشرط
اياد:- موافق من قبل ما تقول
سليم:- طيب مش تسمع الاول
اياد:- ايه
سليم:- انا اتفقت معاك الاول انك تتجوز غزل ومحدش هيعرف بجوازكم غيرنا هنا اما دلوقتي بقي انا عايزك تتجوزها قدام الناس كلها وتعملو فرح وتتجوزو زي اي اتنين طبيعي وسعتها بقي ابقي اتنازل عن القضية واخرج امك
اياد:- ايه انت عارف انت بتقول ايه انا متعبتش وطلعت دكتور وكونت نفسي وجبت فيلا وشغال ببني مستشفى خاصه بيا وده كله بمجهودي علشان اتجوز البنت اللي بحبها وتيجي في الاخر حضرتك تفرض عليا اني اتجوز واحده مجنونه تقدر تقولي ايه نظره الناس ليا
سليم:- انا اللي عندي قولته لو عايز تخرج امك يبقي تركن غرورك ده علي جمب وتتجوز بنت عمك
اياد:- وانا مش موافق وامي هقوملها احسن محامي وهخرجها من القضيه دي بس ساعتها ي جدي انا ولا هتجوز غزل ولا قدام الناس ولا قدامك انت بس
سليم:- انت بتقف قدامي ده جزاتي بعد ما ربيتك العمر ده كله بس ماشي انا هستناك لما تيجي راكع
اياد:- يبقي هتستني كتير سلام
وخرج واغلق الباب خلفه
ــــــــــــــــــــــــــــــــــــ
تاني يوم في الصباح
عند غزل
غزل تستيقظ من نومها لتنادي علي عهد لتنزلها الي اسفل ولكن لا تستمع إلى إجابة
غزل :- عهد عهد يا عهد
....................
غزل:- عهد يا عههههههههد
....................
غزل:- داده صفاء يا داده يا داده صفاااااااااااء
......................
غزل:- اوف بقي شكل مفيش حد البيت هادي اوي هما راحو فين كلهم انا هنزل اشوف حد تحت
واستندت علي الحائط وبدات في تحسس المكان حتي خرجت من الغرفه وظلت تحسس وتنزل الدرج ولاكن تعثرت قدميها في شيء وسقطت على الدرج حتي وقعت مغشيا عليها