اياد:- اتفضلي 

ليلي تشاور علي غزل :- انت هتتجوزها

اياد:- لا خلاص 

ليلي:- الحمدلله ده انا كان ممكن اروح فيها 

اياد:- أقصد لا خلاص اتجوزتها 

ليلي نظرت إلى غزل التي تبتسم اليها ابتسامه صفراء 

ليلي:- انت بتهزر صح بتهزر 

اياد:- ماما اهدي وانا هفهمك كل حاجه 

ليلي :- مش عايزه افهم حاجة كل اللي اعرفه انك ملكش علاقه بيا تاني 

اياد:- يماما استني 

ولكن تركته قبل أن يكمل وذهبت مسرعه خارج القصر 

ماجد:- بعد اللي جدك عمله احنا مش هنقعد هنا في القصر ده لما تحب تشوفنا احنا في شقت الزمالك 

وذهب هو الاخر خلف زوجته 

               ــــــــــــــــــــــــــــــــــــ

في المساء في فندق ضخم يظهر عليه الفخامة الهندسة وبالتحديد في غرفة غزل 

عهد:- خلاص 

الميكب ارتست:- شويه ونخلص 

عهد:- الفستان تحفه ي غزل زوقك حلو 

غزل:- شكرا 

عهد:- طيب يلا بقي علشان الكل مستني تحت 

الميكب ارتست:- خلاص خلصنا بصي كده ايه رايك 

غزل:- تحفه تسلم ايدك 

عهد:- اه جميل جدا والميكب رقيق 

الميكب ارتست:- هي اللي طلبت 

عهد:- يلا يا غزل 

واخذتها وذهبت إلى أسفل حيث كان يقف سليم ينتظرها 

              ـــــــــــــــــــــــــــ

عند اياد كان يقف امام المراه ينظر إلى نفسه بتقيم بعدما انتهي من ارتداء ملابسه وهو يدندن اغنيه المفضلة 

اياد:- حلو 

مازن:- اه واكمل باستغراب:- هو انت ملبوس 

اياد:- نعم 

مازن :- والله جد ثم وضع يده على جبينه ولا انت سخن ولا ايه الحكايه 

اياد:- في ايه انا مش فاهم حاجه 

مازن :- يعني امبارح كنت مدايق ومش طايق نفسك علشان هتتجوز غزل وانهارده فرحان وبتغني 

اياد:- يا بني الحياه لحظه متستاهلش تعيشها حزين 

مازن بشك :- اممم وده من امتي 

اياد :- من دلوقتى يخربيت غلاستك ي اخي 

مازن :- طيب يلا 

اياد:- روح إنت الفرح وانا هجيب حاجه واجي وراك 

مازن :- والله ما يحصل رجلي على رجلك 

اياد:- تباتت اهلك دي مش دلوقتي اسبق انت وانا وراك

مازن:- ابدا هاجي اجيب الحاجة معاك 

اياد:- ي عم هو انا ههرب ما تغور وانا جاي وراك 

مازن:- إذا كان كده ماشي 

وذهب مازن الي الفرح واياد الي مكان اخر 

يقف سليم وبجانبه غزل بانتظار اياد 

سليم:- مازن اهو هروح اساله عليه 

مازن :- ازيك يا سلومه وحشتني والله 

سليم:- مش هحاسبك علي سلومه دي دلوقتى فين اياد

مازن :- قال هيجيب حاجه وجاي 

سليم:- حاجه ايه ده انا هعلقه لما يجي علي التاخير ده 

وبعد مرور ساعتان ولم ياتي اياد بعد وبدات الناس في التهامس وتنظر اليهم غزل بدموع ويقف بجانبها سليم التي يتوعد لاياد وفجاه ينشغل الناس بانقطاع الكهرباء فجاه وينظر الجميع الي النور المتصلت علي اياد التي يمشي بثبات ممسكا بيد ملك التي ترتدي فستان زفاف 

تنظر غزل اليه والي همسات الناس التي تعلو بدموع حتى صعد هو واخذ المايك 

اياد :- هدوء لو سمحتو هدوء اول حاجه اعرفكم على حب عمري ومراتي ملك بداو الناس بالتسقيف وصعد مازن اليه 

مازن :- انت متخلف ايه اللي بتعملو ده 

اياد:- لو سمحتو ي جماعة اظن اني معملتش حاجه غلط وان الشرع محلل ليا اربعه ونظر الي غزل لو الاولي مش عاجباني 

غزل اشتدت دموعها وعهد بجانبها تحاول تهدئتها 

 مازن:- كفايه 

 ‏اياد :- لو سمحت يا مازن اظن ان حقي اتجوز اللي بحبها واللي اخترها ومحدش المفروض يجبرني علي اي واحده وخلاص انا ذمبي ايه اني اتجوز واحده مجنونه ولا علشان محدش هيرضي يتقبلها بمرضها المفروض ان انا اللي اضيع مستقبلي علشانها 

 ‏بدات بعض الناس تتعاطف مع غزل التي انهارت في البكاء وبعض الناس تنظر باستحكار لملك 

 ‏وقاطعهم هذا القلم التي نزل علي وجه هذا الاياد من سليم التي كان سابتا طول الوقت 

 ‏سليم :- الظاهر اني غلط علشان مسمعتش كلامها لما رفضت تتجوزك وقولتلها هو اللي هيحافظ عليكي  من دلوقتى انت بالنسبة ليا ميت  واكمل يلا يا غزل 

 ‏اقتربت غزل التي كانت تبكي بشده منه وكادت أن تذهب معه لولا هذه اليد التي امسكت بها فالتفتو جميعا 

 ‏اياد :- ده كان زمان قبل ما تبقي مراتي دلوقتى هتفضل معايا انت اللي دخلتها الجحيم اللي مفيش فيه خروج 

 ‏سليم :- هتطلقها 

 ‏اياد :- طلاق مش هطلق وهي هتيجي بيتي ومش هتخرج منه واللي عندكم اعملوه 

 ‏سليم حضن غزل التي مازات تبكي 

 ‏سليم :- متقلقيش انا هفضل معاكي 

 ‏قال هذا وذهب بغضب الي الخارج وخلفه عهد التي تنظر الي اياد بعتاب وذهب خلفهم المعازيم جميعا ما تبقي سوي غزل واياد وملك ومازن 

 ‏كاد مازن ان يذهب لولا قاطعه اياد 

 ‏اياد :- حتي انت ماشي طيب وفرح صحبك 

 ‏مازن بسخريه ممزوجة بالعتاب :- افرح لوحدك بقي 

 ‏ذهب مازن وكان اياد يمشي ممسكا بيد ملك وخلفهم غزل 

 ‏ولكن قاطعته صوت اصتدام عنيف بالارض