نور : 

زى أى حكايه لازم أعرفك بالشخصيات.

الأستاذ عماد عبد الحق بابا  ، الاستاذه حنان ابراهيم ماما ، اكرم عبد الحق عمى ، امل ابراهيم مرات عمي وخالتي.

ماما وبابا اهلهم متوفين.

بابا وماما كان عندهم مشكله في الخلفة فضلوا 12 سنه بعد الجواز من غير اطفال وفضلوا مكملين مع بعض لانهم اصلا كانوا متجوزين عن حب عمي اكرم اصغر من بابا ب 10 سنين اتجوز بعد بابا ب 10 سنين وخلف بعد ما اتجوز بسنه خلف ابنه زياد وده خلي ماما دايما زعلانه وخصوصا انهم كانوا ساكنين في نفس العماره بس بعد ميلاد زياد بسنه خالتو امل حملت تاني في بنتها حنين بس ربنا اراد و ماما كمان حملت في نفس الوقت فيا ومرت شهور الحمل اللي كانت صعبه جدا على ماما ووقت الولاده ؛ ولاده ماما كانت متعسره و صعبه واضطر دكاتره يشيلوا لماما الرحم بعد الولاده.

يعني بقيت انا البنت الوحيده و للابد.

كنت انا وحنين قد بعض وزياد اكبر مننا بسنه.

بابا وماما كانوا بيخافوا عليا جدا ومن اقل حاجه.

وانا عندي ست سنين كنا رايحين الملاهي وكانت عيله عمي جايه معانا

عماد (بابا) : 

يلا يا نور انزلي وخلي بالك وانت نازله على السلم.

نور :

حاضر يا بابا.    حنين يا حنين خلصي يلا علشان نروح سوا.

حنين :

جايه أهو يا نور انزلي انت الأول .

نور :

انا نزلة لبابا يا ماما باي 

وانا نازله على السلم بلعب وفرحانه ان احنا خارجين مره واحده وقعت على السلم كانت الوقعه بسيطه حتى اني ما تعورتش ولا اي حاجه حصلت ليا. 

بابا جه جرى ليا .

عماد (بابا) :

نور نور انت كويسه حصلك حاجه.

نور : 

انا كويسه يا بابا .

وفضل بابا يدور في ايدي ورجلي ممكن اكون اتعورت.

اكرم (عمي) جاي من بره من عند العربيه :

انتم لسه مخلصتوش يلا العربيه جاهزه ايه ده مالها نور!؟ .

بابا : 

وقعت ومش عارف حصل لها حاجه ولا لا ؟

وكانت ماما و خالتو امل نازلين تحت و معاهم زياد وحنين .

ماما :

ايه إلى حصل  لنور ؟

بابا : 

وقعت من على السلم تعالي نروح للدكتور علشان نطمن عليها.

ماما بعد ما شالتني وخدتني في حضنها :

معك حق احنا لازم نروح نطمن عليها .

نور : 

يا بابا انا كويسه انا عايزه اروح الملاهي مع حنين مش عايزه اروح عند الدكتور انا كنت عنده امبارح علشان انتم عايزين تطمنو  عليه .

ماما وبابا في نفس الوقت :

اسكتي يا نور انت صغيره ومش عارفه حاجه .

عمو أكرم :

مش مستاهلا  تروح للدكتور يا عماد عادي يعني كل الاطفال بتقع كده و اكتر من كده .

بابا :

لا يا اكرم انا خايف يكون حصل لها حاجه وانا مش عندي اغلى منها دي بنتي الوحيده يا اكرم وجت بعد غلب انا هاخد بنتي واروح اطمن عليها .

يلا يا حنان كفاية تأخير .

حنين : 

يا عمو سيب نور تروح معايا الملاهي المره دي يا عمو .

حنان :

ما تزعليش يا حنين هنروح نطمن على نور ونيجي وراكم على الملاهي .

نور : 

بجد يا ماما 

حنين : 

بجد يا خلتو

حنان : 

ايوه يا حبايبي.  يلا يا عماد خلينا نلحق .

وبعد ساعه عند الدكتور اللي كان فاضل يحلف لاهلي اني كويسه وان مش كل شويه يجيبوني ليه .

ماما بعد ما طلعت من عند الدكتور : 

الدكتور ده مش كويس يا عماد احنا بعد كده نروح لدكتور غيره .

بابا : 

معاكي حق يلا بقى نروح .

نور : 

لا يا بابا انت قلت انت وماما ان احنا ها نروح الملاهي بعد الدكتور .

ماما : 

يا حبيبتي افرضي وقعتي ولا حصل لك حاجه  دانت وقعتي وانت نازله السلم بس وعموما احنا كلمنا عمك و خالتك و عرفناهم ان احنا مش رايحين الملاهي .

نور : 

لا يا ماما انا عايزه اروح الملاهي مليش دعوه .

ماما :

لا يا نور احنا عارفين مصلحتك اكتر منك لازم تسمعي الكلام .

وفضلت أعيط طول الطريق .

وبعدها باسبوع كان بابا قرر ان احنا ها ننقل الشقه اللي في الدور الارضي للعماره وانه كلم صاحب العماره ووافق وخصوصا ان الشقه دي كانت فاضيه من زمان وما فيش حد راضي يسكن فيها .

وبعد شهر كانت الشقه جهزت و انتقلنا فيها .

فى الوقت الحاضر 

نور : 

هاي يا امنيه اكمل ولا القصه دي مش مقنعه ؟!

كتبت أمنية:

لا كملي ازاي اهلك كانوا بيهتموا بيكي للحد الغريب ده وانت قدرتي تاذي نفسك ؟! دول كانوا بيخافوا عليك قوي ازاي سبوكي تعملي كده وانت قلتى انك حاولتي تنتحري اربع مرات !

نور : 

لو بتقولي على اللي انت سمعتيه ده اهتمام فانت لسه ما سمعتيش حاجه يا امنيه لو بتدوري على السبب اللي خلاني واحده من المرضى اللي كانوا هنا في المصحة فانا هأكمل بعدين  لاني لازم دلوقتي اروح اشوف المرضى اللي عندي و هاجي اقعد معاكي تاني بالليل .

بس هو انا ممكن اسال سؤال ؟!

أمنية كتبت : 

اسالي بس انا مش عارفه اذا كنت هأجاوب ولا لا .

نور : 

انت بتكتبي عادى  ليه مش استعملت الطريقه دي لو مش عايزه تتكلمي علشان تقولي اللي حصل معاكي ؟! 

أمنية كتبت :

حاولت اكتر من مره بس كل ما امسك القلم علشان اكتب عن الى حصل معايا انسى كل حاجه وما اعرفش انا عايزه اكتب ايه . 

نور : 

تمام انا هأمشي دلوقتي و ارجعلك بالليل .

بعد ما نور خرجت من عند امنيه :

نور : 

واحده واحده يا امنيه ها تتكلمي بس الموضوع عايز صبر وكمان لازم اكون انا قويه كفايه علشان اكمل لك اللي حصل معايا ممكن ده يفرق معاكي .

وبعدها راحت نور لقسم الشرطة.