رواية عشق تحت النار من الفصل الاول للاخير بقلم ندي الشريف
رواية عشق تحت النار من الفصل الاول للاخير هى رواية من كتابة ندي الشريف رواية عشق تحت النار من الفصل الاول للاخير صدر لاول مرة على موقع التواصل الاجتماعى فيسبوك رواية عشق تحت النار من الفصل الاول للاخير حقق تفاعل كبير على الفيسبوك لذلك سنعرض لكم رواية عشق تحت النار من الفصل الاول للاخير
رواية عشق تحت النار من الفصل الاول للاخير
"_لو سمحت..أروح للعنوان دا إزاي؟
بص في الورقه وقالي:_ أخر الشارع في أول شمال.
" _تمام شكرًا لحضرتك.
مشيت بالأسكوتر زي ما وصفلي الشاب، الوقت اتأخر وكنت عايزه أروح من التعب، بس لازم أوصل أخر طلب وأبقىٰ خلصت شغل النهاردة.
الدنيا كانت برد بحكم إننا في شهر ١٢ أول الشتا، وصلت العنوان وبصيت علىٰ البيت اللي مكتوب عليه ٣١٠.
ركنت الأسكوتر بتاعي وطلعت اخر طلب من شنطتي، شيلت شيلت شنطتي علىٰ كتفي ومسكت الطلب في إيدي.
#Nada_El_Shrief.
زقيت البوابة الحديد إتفتحت بسهوله، قربت من الباب وسمعت صوت حد بيقول:_
أبوس إيدكم أرحموني.
وقفت مكاني بعدها قولت إني مليش دعوه، خبطت الباب ووقفت مستنيه حد يفتح...
__________________حارث__________
كنا قاعدين في المقر بتاعنا وبنخلص مهمتنا اللي زعيمنا قالنا عليها، لحد ما إتفاجئنا إن الباب بيخبط...بصينا لبعض كلنا وقصي قالهم وهو حاطط السكي*نه علىٰ رقبه الواد اللي بنقرره:_
شوفوا مين اللي بيخبط؟
#Nada_El_Shrief.
واحد زميلنا فتح الباب وشفنا بنت لابسه بنطلون واسع وتيشرت عليه كرتون ولابسه كاب ماسكه في إيدها طلب زي بتوع شركات الشحن.
البنت أول ما شافتنا ماسكين الأسلحه وبنعذ*ب في واحد جريت..
قصي قال:_
هاتو البت دي..
جريت وانا اتنين معايا نجيبها، لحقناها قبل ما تركب الإسكوتر بتاعها، كتم*نا بوقها وشيلناها ودخلناها البيت وقفلنا الباب، ورميناها علىٰ الأرض
قصي شاورلنا عشان نشيل إيدينا من علىٰ بوقها...البنت قالت في خوف:_
آنا آسفه والله انا كنت جايا أوصل طلب وغلطت في العنوان.
قصي شاورلي فَ فتشت شنطتها والطلب اللي كانت ماسكاه...قولتله بعد ما فتشت الشنطه:_
صادقه يا باشا.
#Nada_El_Shrief.
قالها بجمود:_ مين اللي باعتك تتصنتي علينا؟!
البنت عيطت وقالت:_
والله العظيم أنا معرفكمش، ولا في حد باعتني، أنا مندوبة توصيل وجايا أسلم الأوردر وأروح.
"_فين العنوان؟
قالتله وسط دموعها:_
موجود علىٰ الطلب.
مسكت الطلب وقرأته وقولت للمعلم:_
يا باشا مكتوب بيت رقم ٣١٠،العنوان مظبوط.
قصي قالنا كلنا:_
حد منكم طلب حاجه علىٰ هنا؟
كلنا فضلنا ساكتين ومردناش، موبايل البنت رن، قصي شاورلي عشان أرد..
البنت كانت خايفه ومتوتره من الأسلحه اللي حواليها، فتحت الخط ورديت...بعد ما خلصت المكالمه قولت للمعلم:_
#Nada_El_Shrief.
البت دي غلطت في العنوان، صاحب الطلب رن يسأل عليه، بيقول انه بيت ٣١...بس الطلب مكتوب عليه ٣١٠،أكيد غلط وهو بيكتبه.
البنت قالت:_
ممكن أمشي.
قصي ضحك ولإني أقرب حد ليه عرفت إنه ناوي علىٰ شر بالضحكه دي.
قصي قالها:_
هو دخول الحمام زي خروجه؟
البنت بصت برعب علىٰ وشوشنا، وبصت علىٰ الراجل اللي كنا بنعذ*به...الراجل بصلها بحزن وبص في الأرض.
كانت صعبانه عليا بس خوفت اتكلم، كان زمان قصي طير رقبتي في ثانيه...
قصي قالها وهو بيهرش في دقنه:_
لو سيبناكي تخرجي هتبلغي عننا.
قولتله بصوت عالي:_
#Nada_El_Shrief.
من إمتىٰ يا أبو دمار وإحنا بنخاف من الح*كومه.
زميلي كمل وقال:_
دي الح*كومه نفسها بتخاف مننا من كتر اللي سمعته عن عصابه أبو دمار!!
قصي زعيمنا ضحك وقالنا:_
من إمتىٰ وحد فيكم شافني خايف!!
رجع ملامح وشه للجمود وقال:_
لو خرجت هتحكي عن شكلكم !!(وبص ليا وقال) وأنتم مبتظهروش بوشكم ولا أيه يا حارث؟
قولتله بتأكيد:_ عندك حق يا ريس، إنت الوحيد اللي الح*كومه عارفه شكلك وعارفه إنك رئيسنا، إنما إحنا بنخبي وشنا عشان محدش يعرفنا.....عشان نعيش حياتنا طبيعي.
____________________ورد_____________
كنت قاعده ما بينهم ومش فاهمه حاجه، إنا دخلت وسط عصااابه!!
مكانش في حد بيكلمني غير واحد، وكانوا كلهم بيقولوا ليه يا ابو دمار!!!
#Nada_El_Shrief.
كنت ماسكه نفسي بس إتصدمت لما لاقيت أبو دمار بيقولي بإبتسامه كله خبث:_
انتي هتفضلي معانا يا قطه.
قولتله بصدمه:_ ايه؟ لأ حضرتك مينفعش انا والله مش هبلغ عنكم انا عايزه أروح.
كمل بخبث وقالي بصوت واطي وهو بيغمزلي:_
متخافيش، انتي هتروحي معايا.
كمل بخبث وقالي بصوت واطي وهو بيغمزلي:_
متخافيش، انتي هتروحي معايا.
ملحقتش أعترض وخدت خبط*ه علىٓ دماغي أغمىٰ عليا.
لما صحيت لاقتني نايمه علىٰ الأرض، قومت اتعدلت لاقتني قاعده في مخزن أكل تقريبًا، كان مليانه أشوله...وواضح انها رز ومكرونه وبقوليات.
كان النور بسيط، قومت جريت علىٰ الباب وحاولت أفتحه منفعش، فضلت أخبط وأصرخ وانا بقول:_
حد يفتحلي انا عايزة أروح....يا جماعه
مجاليش رد، يئست وروحت قعدت علىٰ شكاره، بس لما أقعدت حسيت اني قعدت علىٰ حاجه بتشوك، كنت هفتح الشوال بس لاقيت باب الأوضه اتفتح.
قعدت بسرعه ولاقيت الراجل اللي كان هناك دخل وهو لابس تيشرت وشورت.
قفل الباب وجه قعد جنبي في سكات، قولتله وانا قربت أعيط:_
لو سمحت انا والله مش هبلغ عنكم، انا عايزة أروح، أنا عندي قطه ولو سيبتها من غير أكل هتموت.
فضل ساكت متكلمش، هزيته وانا بقوله:_ لو سمحت حضرتك.
بصلي مره واحده وكان شكله مرعب، عينه كانت حاده جدًا، بعدت شويه من نظرته وقولتله:_
آنا آسفه.
قالي بنفس النظره:_
مردتش أقت*لك مع اني قادر، هتمشي لما أنا أقرر إنك تمشي.
قولتله:_ حضرتك مش هينفع انا عندي شغل وقطتي هتموت لوحدها.
ملامحه تغيرت وبقا هادي، بصلي بصه غريبه وقام من جنبي وهو بيقول:_
هتخرجي لما أنا أقول.
جريت وراه عشان أخرج بس قفل الباب بسرعه.
خبطت علىٰ الباب بإيدي من الغضب، قعدت ورا الباب وفضلت أعيط، كنت خايفه ومرعوبه.
إفتكرت الشكاره اللي كنت قاعده عليها، روحت فتحتها ومدت إيدي فيها لاقيتها شكاره عدس!!
حسست بإيدي لاقيت حاجه ناشفه أوي، عدلت الشكاره وسحبت الحاجه مره واحده واتصدمت!!
سلاح!! كان ليه رهبه غريبه، حطيته تاني بسرعه جوا الشكاره ومعرفتش أقفلها للأسف، جرجرتها وحطيتها في حته بعيد عن العين.
مكانش في شباك في الأوضه، فضلت قاعده بندب حظي، وأفتكر قطتي "بيلا" وأخترع سيناريوهات مرعبه ممكن تحصلها.
بعد ساعه تقريبًا لاقيت الباب إتفتح، دخل واحد شكله من البادي جارد، لابس بدله سودا وضخم، قالي بدون مقدمات:_
الريس عايزك برا.
قومت من مكاني ومشيت وراه، أول ما خرجنا من الباب طلعنا سلم صغير وبعدها انبهرت باللي شوفته!!
كانت ڤيلا ضخمه وكبيره، يتقال عليها قصر، كان فيها خدامين كتير، مشيت ورا الراجل وانا بتفرج علىٰ المكان، جه في بالي أجري وأهرب بس لاغيت الفكره لما شوفت كميه الحرس والكلاب الموجودين برا، شوفتهم من حيطه الڤله المعمول نصها من إزاز.
الراجل وقف قدام أوضه وشاورلي أدخل، فتحت الباب ودخلت.
كانت أوضه كبيره وضخمه، كانت مكتبه كبيره، وفي نصها طرابيزه سفره طويله، وقاعد عليها الراجل أبو شورت.
قالي من بعيد:_
تعالي.
قربت بهدوء ووقفت جنبه، شاورلي بإيده عشان أقعد، قولتله بصدمه:_
هاكل معاك؟
قالي وهو بيمسك المعلقه:_ أكيد مش هتاكلي تحت في المخزن.
قعدت بعيد عنه بكرسيين ومسكت المعلقه وبصتله، كان مركز في الأكل، بدأت أكل براحه والحقيقه كنت جعانه جدًا.
قالي وهو بياكل:_
انتي عايشه لوحدك؟
هزيت راسي ب أه، كمل وقال:_
ليه.
بلعت الأكل وقولتله:_
أهلي أتوفوا، وانا قاعده مع قطتي، ربنا بيحميني.
الأكل كان حلو أوي، نسيت اني مخطوفه وكلت بمزاج!
قاطعت أكلي لما لاحظت انه وقف أكل، بصتله لاقيته باصصلي وانا باكل، كان سرحان! أول ما شافني بصتله رجع كمل أكل.
"_هو انا ينفع أسأل حضرتك؟
:_قولي.
" _هو انت بتاكل لوحدك ليه؟
قالي بدون اهتمام:_ عايش لوحدي.
"_طب هو انا همشي امتىٰ؟
مردش عليا، فَ كملت أكل، مش عارفه ليه ملامحه المرادي مختلفه، كان قمحاوي وواضح من جسمه انه بيلعب رياضه، حسيت بإحساس غريب وانا ببصله بس كنت برجع أفتكر إنه زعيم عصابه.
قولتله وانا بمسح بقي:_هو ليه حضرتك شرير؟
حسيته كان هيضحك بس مسك نفسه وقالي:_
متدخليش في حاجه متخصكيش.
هزيت راسي بتفهم وإستغبيت نفسي علىٰ السؤال، كنت هقوم أغسل إيدي بس قالي:_
رايحه فين؟
" _هغسل إيدي.
نده علىٰ واحده إسمها وديده، دخلت وهيا بتجر طرابيزه فيها طبق واسع شبه الحوض وماسكه كوبايه مايه كبيره.
قالي:_ اغسلي إيدك.
صبتلي المايه وغسلت إيدي...وخدت بعضها ومشيت، قولتله وانا بنشف إيدي بالفوطه اللي ادتهاني:_
هو حضرتك إسمك ايه؟
"_ليه؟
:_انا سمعتهم بيقولولك يا ابو دمار بس انا مش حابه اقولك كدا.
بصلي وسرح تاني، وقالي المرادي بِ لطف:_
قصي.
ورفع صباعه في تحذير وقالي:_
إياكي حد يعرف الإسم، فاهمه!
هزيت راسي بموافقه، نده علىٰ الراجل اللي جابني ومشيت معاه، اتوقعت اننا هننزل المخزن تاني، بس المرادي دخلني أوضه وقالي برسميه:_
الريس قال ان دي أوضتك، خدي راحتك.
وقفل الباب مره واحده، لفيت أتفرج علىٰ الأوضه واتفاجئت لما شوفت قطتي علىٰ السرير، جريت عليها وحضنتها، قولتلها بإستغراب:_
انتي جيتي ازاي.
مردتش عليا أكيد، سيبتها علىٰ السرير بصيت علىٰ الأوضه كانت واسعه وفيها كل حاجه، كان فيها بابين تانيين، قومت وروحت لأول باب كان حمام، تاني باب فتحته واندهشت، كانت أوضه كامله من اللبس والجزم والشنط، اتفاجئت ان الأوضه فيها لبسي وحاجتي.
كنت تعبانه وخدت" بيلا" في حضني ونمت.
_______________قصي______
طلعت وقفت في البلكونه، قولت في نفسي:_
في ايه؟ مالك؟ هتنسىٰ نفسك، ولا نسيت اللي فات!
رديت علىٰ نفسي وقولت:_
لأ منسيتش، بس البنت دي شكلها طيب، و انا متعاطف معاها مش أكتر، وشويه وهتمشي.
رجعت قولت جوا نفسي:_
انت حسيت لما شوفتها بإحساس مش غريب عليك! الحب.
"_لا دا أعجاب عشان هيا جميله بس.
وقولت لنفسي بصوت مسموع وانا ببص في السما:_
هيا جميله فعلًا.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
ورد...
تاني يوم فضلت قاعده في اوضتي مع "بيلا" لحد الليل، وأول ما الشمس غربت اتفاجئت ب باب أوضتي بيخبط.
"_إدخل.
كان قصي اللي بيخبط، كان لابس قميص وبنطلون، ساب الباب مفتوح وجه وقف جنب السرير.
قولتله بلهوجه:_ ايه هروح دلوقتي؟
قالي بجمود:_ وديدة قالتلي إنك مخرجتيش من الأوضه من الصبح، حتىٰ الأكل كان جوا الأوضه، ليه؟
" _خوفت أخرج.
:_ليه؟
"_عشان انا معرفش حد هنا، معرفش غير قطتي.
لف ضهره وراح ناحيه الباب وقالي:_
طب تعالي.
بصيت ل" بيلا " وقولتلها:_
تفتكري هيقتلنا.
خدتها علىٰ إيدي وخرجت برا، كان واقف مستنيني، مشيت جنبه في صمت، قالي وهو بيشاور بإيده علىٰ الڤيلا:_
تقدري تقعدي في أي حته في الڤيلا، وفي أي وقت، ما عدا أوضتي.
"_ليه فيها ا..
قاطعني وقال بحزم:_ مفهوم!
حضنت" بيلا" وقولتله:_ مفهوم.
خرجنا برا الڤيلا واتمشينا في الجنينه، بصلي وقالي:_
بما إنك عايشه لوحدك أكيد فكرتي في الإرتباط...مش كدا.
رديت بدون اهتمام:_ لا انا مش فاضيه للأمور دي، عندي شغل ومذاكره، حتىٰ حضرتك هتتسببلي في طرد من الشغل عشان غيبت....انا عايزه أروح والله مش هبلغ عنكم.
كان هيرد عليا بس إتفاجئت بِ "بيلا" نطت من إيدي وجريت، جريت وراها وورايا قصي.
فضلت أنده عليها بس مكانتش بترد......الحرس بدأو يقلوا لحد ما وصلنا لورا سور الڤيلا ومكانش في حد خالص.
" بيلا" لفت مع حوده الڤيلا، كنت بجري بسرعه ومعرفتش أوقف لما شوفت بيسين قدامي ووقعت فيه، وقعت في حته غويطه أوي، تقريبا ٣ متر، مكنتش عارفه أعوم لإني مش متعلمه سباحه، رفصت في المايه وكنت خلاص هتخنق بس اتفاجئت بحد رفعني وحطني علىٰ طرف البيسين، فتحت عيني وخدت نفس وكان هاين عليا أسحب كل الأكسچين الموجود في المكان.
بصيت على اللي رافعني كان قصي، كان بصصلي وشعره عمال ينقط علىٰ وشه وكان قالع القميص ...كان باصصلي بصه غريبه، بس حبيت نظرته...قالي بخضه:_
انتي كويسه؟
قولتله وانا بقعد وبعيط:_ لأ مش كويسه انا اتبليت.
نط من البيسين وقعد جنبي وقالي:_ انا كمان اتبليت.
بصيت حواليا لاقيت "بيلا" واقفه علىٰ شجره وبتبصلي!!
قومت من مكاني بس معرفتش من الرخام المبلول ووقعت تاني في المايه، بس المرادي مسكت في قصي وانا بقع وخدته معايا.
رفعني بسرعه وفضل شايلني في المايه، مسحت ايدي بوشي وقولتله وانا باخد نفسي:_
مش قادره، هموت.
بصتله لاقيت باصص في عيني، بصيت في عينه وحسيت بِ سكينه، خدت بالي اني حاطه ايدي علىٰ كفته فسحبتها وقولتله بِرجاء:_
ممكن أروح.
قالي وهو بيتحرك بيا في المايه:_
لما انا اقرر.
___________________قصي____________
لما وقعت في المايه اتخضيت، قلعت القميص ونطيت أجيبها، بس سرحت في عيونها، كانت جميله أوي، وحسيت بإحساس مختلف وانا جنبها وقريب منها.
بعد نص ساعه كنت غيرت هدومي ودخلت أوضه التدريب اللي في الڤيلا.
قولت لنفسي بعصبيه وانا شايل الحديد:_
انت مجنون....ازاي تسرح فيها!؟انت مبتحرمش!؟
انت مجرم...قلبك ميت...مش هتصحيه حته بت.
انت بتضحك على نفسك...انت عارف انها مش هتبلغ عن رجالتك، انت عايز تشوفها...
انت شوفتها يومين بس، دي أوهام.
حطيت الحديد علىٰ الأرض لما سمعت الباب بيخبط.
زعقت وانا بقول" _انا مش قايل محدش يخبط عليا.
الباب اتفتح ولاقيتها واقفه وبتبصلي بخوف، معرفش ايه حصل بس هديت، قولتلها:_
في ايه يا ورد؟
قالتلي بصدمه:_ هو حضرتك تعرف اسمي؟
:_أكيد عارفه، في ايه؟
"_ انا كنت عايزه أستأذن حضرتك اخد كتاب من المكتبه...وهرجعه بعد ما اخلصه.
مسحت العرق اللي على وشي وقولتلها:_
خدي اللي تحبيه.
إبتسمتلي وقفلت الباب، قولت في نفسي:_
وبعدين بقا.
_________________ورد___________
كنت قاعده بقرأ الرواية في الجنينه، كل شويه كنت ببص حواليا عشان أشوف ممكن أهرب ولا لأ!
بعد شويه من القرايه لاقيت قصي لبس جلابيه وبيكلم حد في الموبايل بعصبيه، سمعته بيقول:_
خلص عليه واخلص....طيب....قسم الفلوس علىٰ الرجاله وقولهم بكرا عندنا طالعه..(وقفل الخط)
قرب مني وقالي وهو بيقعد جنبي علىٰ الكرسي:_
بتقرأي ايه؟
قفلت الكتاب وقولتله:_
بقرأ رواية حب، بيتكلم عن بنت دخلت حياه البطل وبدأت تغيرها للأحسن.
قالي بإهتمام:_ امم، انا عمري ما قرأت كتاب.
قولتله بإستغراب:_ أومال ايه المكتبه اللي جو دي؟
رجع بضهره لورا وقالي:_
ديزاين مش أكتر.
:_هو انا ينفع أسأل بخصوص العمليه اللي عندكم بكرا...انا سمعتك في المو...
قاطع كلامي وقالي:_
لأ مش ممكن، احكيلي الرواية بتكلم عن ايه؟
فتحت الكتاب وقولتله:_ مش هتفهم معناها غير لو حبيت واتجرحت قبل كدا!
وبصتله وقولتله:_
حبيت قبل كدَا؟
قالي بجمود:_حبيت..
قولتله بالتصوير البطيء:_طب واتجرحت؟
"_اتجرحت!
:_حبيت بعد كدا؟
بصلي وسكت بعدها قالي:_معرفش، بس لأ.
فضلت انا وهو نتكلم كتير عن الروايات، والقصص، وإكتشفت انه متعلم وكان في كليه فنون جميله!! وانه بيعرف يرسم.
إستغربت إن شخص بالذكاء دا، يكون زعيم عصابه!! وكمان محدش يعرف إسمه، غير ناس قليله!
كان كل شويه يسرح فيا، وانا حبيت ملامحه، في نص الكلام خدت بالي إننا قريبين من بعض جدًا.
قولتله وانا بقوم:_
انا هروح أنام بقا.
قالي بإبتسامه وكنت أول مره أشوفه بيبتسم:_
تصبحي علىٰ خير يا ورد.
قولتله بتذكر:_ اه صحيح، عرفت إسمي ازاي؟
كمل بنفس الإبتسامه:_ تفتكري عرفته ازاي؟
سكت وافتكرت إنه زعيم عصابه وإستغبيت سؤالي، قولتله بإبتسامه:_
وانتي منه أهله يا قصي.
لما قولت إسمه لاقيت ملامح وشه اتغيرت، اديته ضهري ومشيت.
________قصي_____
كنت راجع من العمليه الجديدة وكنت تعبان، روحت البيت العصر، أول ما وصلت لاقيت نفسي لا إرادياً بتوجه ناحيه أوضتها.
خبطت بس مجاليش الرد، فتحت الباب براحه وندهت، مجاليش الرد برضه، دخلت الأوضه ودورت عليها ملقيتهاش، خرجت بسرعه سألت عليها وديده اللي قالتلي:_
مشوفتهاش من الصبح يا بيه.
قلبت عليها الڤيلا ودورت في كل حته ملقتهاش، قولت في نفسي بخضه:_
معقول تكون هربت؟
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
قلبت عليها الڤيلا ودورت في كل حته ملقتهاش، قولت في نفسي بخضه:_
معقول تكون هربت؟
خرجت بسرعه في الجنينه، سألت الأمن قالوا انهم شافوها من شويه بس مخادوش بالهم راحوا فين.
قولتلهم يدوروا معايا عليها، معرفش ليه كنت قلقان تكون هربت، فضلت واقف مكاني بستوعب اللي بيحصل لحد ما لاقيت واحد من الأمن شايلها علىٰ إيديها وقطتها بتخربشه عشان ينزلها.
قال وهو بيشو*ط القطه برجله:_
لاقينها نايمه تحت شجره في الجنينه..
بصيت عليها، شيلتها منه وانا بقوله:_
دا مش شكل واحده نايمه، كانت حست بيك.
___________ورد_______
لما فوقت حسيت ان عيني تقيله مش قادره افتحها، حركت إيدي براحه وفتحت عيني ببطء، شوفت بنتين معايا في الأوضه، واحده بتعملي كمدات، والتانيه كانت بتساعدها.
قولتلهم بصوت تقيل:_
انا فين؟
اللي بتعمل كمدات قالت للي معاها:_ روحي قولي للباشا انها صحيت.
وبصتلي وكملت:_ حمدالله علىٰ السلامه، بقالك يوم نايمه!
قولتلها بتعب:_ انا مش فاكره حاجه.
شالت الفوطه من علىٰ راسي وقالتلي وهيا بتقوم:_ أسيبك انا بقا عشان دوري خلص.
قومت اتعدلت وبصيت حواليا لاقيت "بيلا" بتلعب في كوره.
ندهت عليها فَ جريت عليا، شويه والباب اتفتح، كان قصي، قالي بطريقه مريبه:_
صباح الخير.
"_صباح النور.
قعد علىٰ اخر السرير وقالي:_
ايه اللي حصل امبارح دا؟
قولتله وانا بهرش في شعري:_ مش فاكره، بس اخر حاجه فاكرها اني كنت بلعب" بيلا" في الجنينه، ومره واحده في حاجه شكتني في دراعي، وبعدها مش فاكره.
قالي بريبه:_ حاجه ايه؟
:_معرفش! كانت إبره صغيره.
قالي وهو بيقوم بسرعه:_ كنت واقفه فين؟
:_مش فاكره بس ماكان ما خدتوني.
قصي خرج بسرعه ودخلت طنط وديده، واضح انها أقرب حد ليه، كانت بشوشه، قالتلي وهيا ماسكه صنيه أكل:_
خضتيني عليكي يا بنتي.
إبتسمت بحزن وقولتلها:_ انا عايزه أروح.
قعدت وحطت الصينيه قدامي وقالتلي:_
في حد يبقىٰ عايش مع قصي بيه ويعوز يمشي؟
"_انا...انا مش حابه القاعده هنا، وهو مقعدني عشان مفكر اني..
قاطعتني وقالت وهيا بتهز راسها:_
عشان مفكر انك هتبلغي عنه..
" _عرفتي ازاي؟
إبتسمت وقالت:_ مش انتي لوحدك اللي قعدتي هنا عشان عرفتي عنهم حاجه.
"_مش فاهمه!؟
:_ انا كمان كنت زيك، سمعتهم وعرفت أسرارهم، كانوا هيقتل*وني، بس قصي شاف اني ست كبيره، وجابني هنا وخلاني كبيره الخدم، ولإني وحيده ف فضلت هنا.
" _فضلتي مع مجرم؟!
:_قصي مكانش مجرم..
"_عرفتي منين؟
:_انا بعامل قصي كأنه إبني، وهو مبيزعلنيش، وبيحكيلي كل حاجه، وانا بسمعه لإني عارفه شعور الوحده.
في يوم حكالي عن ماضيه، قصي طيب يا بنتي.
قولتلها بعدم اقتناع:_ مفيش طيب بيتق*ل ناس، ويبقىٰ مسؤول عن عصابه كمان.
قربت من الصينيه وقالت:_
هيا السبب.
" _هيا مين؟
:_حبيبته القديمه، خليته يتحول للي هو فيه دلوقتي، بس لسا محتفظ بشويه من طيبه قلبه، هو محتاج اللي يرجعه.
"_هيا حبيبته عملت ايه؟
:_خانته..الخيانه بتحصل كتير، بس قصي مستحملش، وكره البني ادمين.
" _عنده حق.
:_يلا كلي يا حبيبتي، ولما تخلصي إندهي عليا.
"_ماشي يا خاله وديده.
خرجت من الأوضه وانا قعدت أكل، وأفكر في كلامها، انا دايمًا بسمع عن شخص إتجنن بسبب حبيبته، لكن يبقىٰ مُجرم؟! جديده دي.
__________حارث________
كنت قاعد في الكافيه بشرب قهوه لحد ما قصي يجي، بعد نص ساعه من انتظاري شوفت عربيته بتركن بره.
دخل بهدوء وقعد قدامي، قولتله بهزار:_
ايه يا عم طالبني هنا وبعيد عن الرجاله في ايه؟
اتصدمت لما لاقيته بيطلعلي علبه حمرا قطيفه، قولتله بقلق:_
في ايه يا قصي، انا مليش في كدا.
قالي وهو بيفتحها:_
بطل غباء.
لما فتحها شوفت فيها إبره رفيعه، قولتله بعدم فهم:_
ايه دي؟
" _انا جايلك عشان كدا، دي عمليه بس من غير الرجاله، عايزك تخ*طف أي دكتور يقدر يعرفلي الإبره دي فيها ايه؟ لو لمست سنها، هيغمىٰ عليك وحرارتك هتزيد، وعايزك تعرفلي علاجها ايه؟
خدت منه العلبه وقفلتها وانا بقوله:_
اعتبره خلصان، بليل يكون عندك الجواب.
قالي وهو بيرجع بضهره لورا:_
قولي ايه اخبار الشغل.
:_والله الرجاله مرضيين واخر حلاوه، وفي واحده ست عايزانا في مصلحه.
اتنهد وقالي:_
حارث، تفتكر إنك تقدر علىٰ الرجاله لوحدك؟
"_جرا ايه؟ دا انا حارث، محدش فيهم يكسر كلامي، انا تحتيك علىٰ طول.
:_وايه رأيك تبقىٰ مكاني؟
قولتله بصدمه:_ ايه؟ لأ طبعًا!! انت ريسنا، وبعدين ايه الكلام دا انت ناوي تخلع؟
بصلي بتفكير وقالي:_ ولا حاجه يا حارث.
تصرفاته كانت غريبه، كان دايمًا مليان خبث وهو بيتكلم، المرادي بيتكلم وحاسس من كلامه ان في حاجه مغيراه.
قولتله بقلق:_ في حاجه يا قصي؟
بصلي بنظرته الحاده وقالي:_
انت شايف ان في حاجه.
رجعت بضهري وقولتله:_ لأ ابدًا مفيش.
___________ورد__________
فضلت قاعده طول النهار في الأوضه، حرارتي كانت بتزيد بطريقه مخيفه، لدرجه انهم حطوني في بانيو بمايه متلجه، وكل ما أقولهم اني هبقى كويسه كان ردهم:_
الباشا موصينا عليكي.
بعد نص ساعه خرجت من البانيو لما قالولي حرارتك اتحسنت، طلبت منهم يخرجوا، لبست الروب وخرجت وانا بنشف شعري، لاقيت الباب بيخبط، قولت:_
مين؟
" _الباشا تحت وطالع البسي بسرعه.
بصيت حواليا وجريت علىٰ الدولاب ولبست بأقصىٰ سرعه، أول ما لبست العبايه الباب خبط..
"_أدخل.
__________قصي________
خبطت وسمعت صوتها الرقيق بيقول:_
ادخل.
فتحت الباب براحه ودخلت، لاقيتها واقفه بقامتها القصيره قدام المرايا بتسرح شعرها، وقفت فتره أستوعب جمالها لحد ما لفت وقالتلي:_
نعم.
قولتلها وانا محافظ علىٰ وشي الثابته:_
عامله ايه دلوقتي.
ردت بإبتسامه:_ الحمدلله.
لما شوفت إبتسامتها حسيت اني بلين، تماسكت في جمودي وقولتلها وانا بقعد علىٰ كنبه جنب السرير:_
خدتي الدوا عشان حرارتك؟
قالتلي بإبتسامه أوسع وعيون بريئه:_ أيوا.
اعصابي خانتني وإبتسمتلها انا كمان، ومحستش اني عايز أصطنع عليها القوه!
:_بقالك كام يوم هنا؟
" _أربعه.
:_اممم.
"_عايزه أروح! حضرتك واثق فيا صح؟!
كنت هقولها انا واثق فيكي بس مش عايزك تمشي، قولتلها وانا بقوم:_
خلصي وتعالي تحت، عايزك في موضوع.
مردتش عليا واتفاجئت بيها قالتلي وهيا بتطوح:_
قصي.
ووقعت علىٰ الأرض.
يتبع..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
مردتش عليا واتفاجئت بيها قالتلي وهيا بتطوح:_
قصي.
ووقعت علىٰ الأرض.
جريت عايها وشلتها حطتها علىٰ السرير، ندهت علىٰ الشغالين يشوفوا مالها، حرارتها ارتفعت بطريقه مرعبه، ودا سبب أغمائها.
وديده خرجتني برا عشان قالوا انهم هيحطوا في البانيو تاني.
فضلت واقف برا اوضتها لحد الساعه ١، وارتحت لما وديده طمتني وقالتلي ان حرارتها رجعت، كنت أول مره أحس بالخوف دا! مع اني متعاملتش معاها كتير، بس خوفت انها تروح مني.
بعد ما خرجوها، دخلت اقعد معاها، كانت نايمه علىٰ السرير، كانت شبه الملايكه جدًا.
وشها بريء، عينيها واسعه ورموشها طويله، شعرها البني كان محليها.
فضلت اتأملها، كان وشها أحمر من الحراره، حسيت اني عايز أدعيلها، بس اتكسفت بعد كل اللي عملته في حياتي.
وانا قاعد ببصلها تليفوني رن، كان حارث علىٰ الموبايل، رديت عليه بسرعه وقولتله:_
ها عملت ايه؟
جالي الرد:_ كله تمام، الإبره فيها نسبه من سم بيستخرج من حشره، بيخلي الجسم يولع من السخونه اللي بتسببله أعراض تانيه توصله للموت.
:_قالك ليه علاج؟
"_اه يا باشا، كتبهولي اهو، بس قالي انه قليل واحتمال كبير يكون مش موجود.
:_اتصرف وهاته.
" _ طب اعمل ايه دلوقتي في الدكتور دا.
كنت هقوله خلص عليه بس بصيت عليها وهيا نايمه، قولتله بتنهيده:_
روحه يا حارث.
:_نعم؟!
زعقت فيه وقولتله:_ انت تناقشني.
وقفلت الخط، فضلت قاعد جنبها، قولت لنفسي:
طب وبعدين فيكي؟ هتيجي بت زيك تحرك قلبي؟
فضلت سهران لحد الفجر جنبها، وكل شويه كنت بعملها كمدات، اللي طلبتها من وديده وبعتتهالي من واحده من الخدم، واللي استغربت اني هعملها بنفسي!
حرارتها كانت بترجع بمجرد اني أشيل الفوطه، سيبت الفوطه علىٰ دماغها وقولت في نفسي:_
أعملها حاجه، لو ماتت هتكون انت السبب.
محسيتش بنفسي غير وانا خارج من حمامها بعد ما أغتسلت واتوضيت، فرشت المصليه وانا حاسس بكسوف.
_________________ورد___________
فتحت عيني براحه من التعب، كنت حاسه بسخونه مش طبيعيه في جسمي، سمعت صوت حد بيعيط جنبي، قومت براحه من السرير واتصدمت.
قصي كان ساجد وعمال يعيط بطريقه هيستريه...سمعته بيقول وسط عياطه:_
يارب سامحني....اشفيها يارب...سامحني يارب...ساعدني اتوب.
معرفتش اعمل ايه بس عملت نفسي نايمه، وفضلت سمعاه، صعب عليا وكنت هعيط معاه.
بعد شويه كان خرج من الصلاه، الصمت كان عامم الأوضه لحد ما سمعته بيكلم في الموبايل وبيقول:_
الو....عملت ايه....(كمل بفرحه) بجد!...طب هاته وتعالىٰ فورًا.
بعدها سمعت صوته جنبي وقالي:_
هتخفي يا ورد...هتخفي.
بعد شويه فتحت عيني براحه، بصيت حواليا ولاقيته قاعد جنبي علىٰ السرير بيبصلي.
قولتله بهدوء:_ في ايه؟
اتعدل في قعدته وقالي:_
مفيش، كنت بشوف حرارتك.
كان جميل منكرش، وزي ما قالت خاله وديده، لسا محتفظ بطييه في قلبه.
من ساعه ما اهلي اتوفوا محسيتش بأمان وسكينه، ماعدا دلوقتي!!
قولتله وانا بقوم عشان أقعد:_
شكرًا عشان فضلت جنبي.
قالي وهو بيعمل نفسه مش فارق معاه:_
خوفت بصراحه تموتي بسببي، عادي يعني لازظ انقذك.
ضحكت علىٰ تمثيله وفضلت قاعده، انا وهو في صمت.
__________حارث________
كنت داخل الأوضه اللي ست وديده شاورتلي عليها، خبطت ودخلت.
لاقيت قصي قاعد جنب بنت علىٰ السرير، كان حاله متغير، مش دا قصي اللي اعرفه، قصي الجبروت!!
قولتله وانا داخل بهدوء:_
العلاج اهو، لاقيته بعد تلت ساعات لف.
سمعت البنت بتقولي برقه:_
شكرًا لمساعدتك.
بصيت لِ قصي علىٰ اساس أفهم حاجه بس قالي:_
روح انت دلوقتي ونتكلم بعدين.
بصيت للبنت، لاقيتها بتبصله برومانسيه، قولتله وانا خارج:_
ماشي...نتكلم بعدين.
خرجت من الأوضه وانا مش فاهم حاجه، لمحت خدامه ماشيه ندهت عليها وسالتها مين دي؟
قالتلي:_
دي بنت الباشا جابها القصر من كام يوم، بس من ساعه ما جات والباشا حاله متغير.
"_متغير ازاي؟
:_انا عارفه يا سعاده البيه! بس الصراحه هو بقا أحسن، دا امبارح واحده زميلتي منضفتش السفره كويس كان هيطردها لولا إن البنت الجديده اتدخلت وطلبت منه انها تقعد.
" _وقعدت؟
:_وقعدت...تخيل!
"_طب امشي انتي دلوقتي.
قولت لنفسي وانا ببص علىٰ باب الأوضه:_
عملت فيك ايه يا قصي؟
ورجعت فكرت في دماغي وقولت وانا نازل علىٰ السلم:_
لازم اكرهه في البت دي، عشان ممكن يسيبنا في أي لحظه، انا مش مرتحلها.
بعدها قولت بصوت مسموع:_
بطل انانيه البنت باين عليها طيبه.
ورجعت وقولت:_
طيبتها دي هتخسرنا كتير....انا هكره فيها بمعرفتي.
__________ورد______
خدت الدوا اللي كان طعمه وحش جدًا، بس قصي اتحايل عليا كتير وخدته في الأخر.
خاله وديده دخلت حطت قدامنا عصير وكيك، وشغلت شاشه التليفزيون...
قولتله بعفويه:_
مش هروح؟
سكت شويه و بعدها بصلي بحزن وقالي:_
لما تخفي، هروحك.
إبتسمت بسعاده وقولتله:_
شكرًا.
بصيت علىٰ خاله وديده اللي كانت مواقفه تسمعنا، وبعدها خدت بعضها ومشيت...
______وديده______
خرجت من الأوضه وانا قلقانه، ورد هتمشي! استحاله اخليها تمشي...
وافتكرت انه قالها انها لما تخف هتمشي...قولت جوا نفسي:_
اعذريني يا بنتي....هتسبب في مرضك تاني.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
قصي....
خرجت من الأوضه لما لاقيتها نامت، قفلت التليفزيون و النور ورايا، أول ما خرجت لاقيت حارث بيرن عليا، كانت الساعه ٧ الصبح، قفلت عليه ونزلت أتمرن.
وانا بجري علىٰ المشايه مكانش في بالي حاجه غيرها، كان جوايا أحساسيس كتير.
كان بقالي كتير محسيتش الإحساس دا، الحب!! بس هيا إستحاله تحبني وانا مجرم.
بعد ساعه ونص خرجت من الأوضه، كسلت أخد حمام ونمت علىٰ طول.
__________حارث____
كنت واقف جنب عربيتي مستنيه يجي...لحد ما لمحته جاي من بعيد...قولتله بزهق:_
جرا ايه يا محسن!! كل دا، فاكر نفسك عضو مجلس النواب.
"_يا باشا وعهد الله الطريق كان زاحم، وبعدين الوليه مراتي منكده عليا.
:_سيبك من مراتك دلوقتي، عايزك في مصلحه.
" _أؤمر.
طلعت صورتها من جيب البنطلون وانا بقوله:_
شايف دي.
بص عليها وقالي:_
حلوه..مالها؟
"_بعد بكرا الساعه ١ بليل، هديك عنوان المكان اللي هيا قاعده فيه، بس خد بالك المكان مليان حراسه.
قالي بثقه:_
عيب يا باشا لما تقول كدا، دا انا محسن!
" _عايزك تروحلها أوضتها...(غمزتله وانا بقوله) وانت فاهم بقا..
ضحك بصوت عالي وبانت سنانه الصفرا وهو بيقول:_
احب الشغل من النوع دا.
كملت بجد وقولتله:_
أول ما تخش أوضتها تبعتلي رساله، وانا خمسايه وهدخل عليك انا وواحد، أول ما تشوفنا هتعمل إنك حبيبها، وبعدها تاخد نفسك وتخلع.
"_وانا ايه يضملني اني مش هتمسك.
:_عيب عليك.
:_طب هاخد كام في المصلحه دي؟
" _نص أرنب
قالي بفرحه:_نص مليون جنيه حلوين برضه.
قولتله وانا بركب عربيتي:_
هبعتلك العنوان علىٰ الواتس...متنساااش...الساعه ١ بعد بكرا.
___________قصي_______
صحيت المغرب علىٰ صوت خبط علىٰ الباب، قولت بنعاس:_
مين؟
سمعت صوت واحده بتقول:_
أستاذ حارث مستني حضرتك في الجنينه.
قومت من السرير غسلت وشي ولبست الجلابيه ونزلت...خدت كوبايه عصير تفوقني، خرجتله لاقيته قاعد مربع إيده ومستنيني.
قعدت قدامه وانا بقوله:_
خير؟
قالي بإبتسامه:_
خير انت! انا جاي أفهم ايه اللي بيحصل؟
"_بيحصل في ايه؟
غمزلي وقالي:_ البت دي عملت فيك ايه؟
قولتله بغضب:_
عملت ايه؟ انت هتنسىٰ نفسك.
رجع بضهره ورا وقالي:_
عليا انا يا قصي، دا انا اخوك، وحافظك..انت بتحبها صح؟
" _لأ طبعًا...
:_كداب وعينك فضحاك، علىٰ فكره انا حاسس إنها معجبه بيك، امبارح كانت بتبصلك برومانسيه كدا.
قولتله بفضول:_ شوفتها؟
قالي بتأكيد:_ اه والله زي ما بقولك.
قرب بجسمه من الطرابيزه وقالي:_
وهتعترفلها؟
هزيت راسي ب لأ ف قالي:_
قصي مينفعش تفضل في قصتك القديمه، الدنيا دي دروس، وانت اتعلمت ومش كلهم خاينيين.
"_لا كلهم.
:_لا يا قصي، مش معنىٰ ان الأولىٰ خانتك ان التانيه كدا، الأولىٰ هيا اللي خلتك مجرم صح؟
" _صح.
:_وانا شايف ان التانيه هتحسن حياتك، وهترجع زي الأول، قصي الرسام! مش زعيم عصابه إسمه أبو دمار!!!
بصتله بشك وريبه، قولتله وانا بجاريه:_
عندك حق.
ندهت علىٰ الخدامه اللي كانت واقفه بتمسح أرضيه الڤيلا من برا...قولتلها في ودنها تجبلنا عصير وكيك.
حارث كمل وقال:_
المهم نتكلم في الشغل.
فضلنا نتكلم لحد ما الخدامه جات حطت الصينيه ومشيت، مديت إيدي خدت كوبايه العصير وشربتها.
بعد عشر دقايق حارث قام عشان يمشي، قولتله وانا بحضنه وبطبطب علىٰ ضهره:_
شكرًا يا حارث مش عارف من غير كنت هعمل ايه؟
سمعت صوته بيقول:_
انت أخويا.
حارث مشي وفضلت قاعد مكاني، ببص في السما وبرتب أفكاري.
____________ورد_________
زهقت من القاعده في الأوضه، قومت إتمشيت في الڤيلا واتفرجت عليها، وانا بتمشىٰ فيها لمحت باب لونه أسود مختلف عن باقي أبواب الڤيلا، عرفت انها أوضه قصي، مردتش أدخل لأنه منعني ودي خصوصيه.
فضلت إتمشىٰ لحظ ما لاقيت أوضه المكتب بتاعته، كان بابها مفتوح!!
إفتكرته جوا وحبيت أرخم عليه، فتحت الباب براحه ودخلت، كانت الأوضه فاضيه، كنت هخرج منها بس وقفت لما لمحت في أخر الأوضه لوحات كتير علىٰ الأرض، وألوان في كل حته، واضح ان كان في حد بيرسم هنا.
قربت بهدوء من اللوحات، فضلت أتفرج عليها وانبهرت من جمالهم، قولت في نفسي:_
رسمك حلو يا قصي.
كان في لوحه متعلقه علىٰ خشبه، ومتغطيه بقماش، واضح انها كانت بتترسم من قريب.
كنت هرفع الغطا من عليها، بس سمعت صوت خدامه قريبه بتقول:_
الباشا قال انه طالع المكتب إمسحي قدامه كويس.
خرجت بسرعه قبل ما حد يشوفني، الخدامه كانت مدياني ضهرها ومشافتنيش وانا خارجه، فضلت باصه ورايا أشوفها هتلاحظ ان الباب اتفتح ولا لأ لحد ما أتخبطت في حد.
بصيت عليه كان قصي، خدت بالي انه طويل اوي، لما لاقيت نفسي واصله عند صدره بس، قولتله وانا ببعد:_
انا اسفه مشوفتكش.
إتفاجئت بيه شدني وحضني!!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بصيت عليه كان قصي، خدت بالي انه طويل اوي، لما لاقيت نفسي واصله عند صدره بس، قولتله وانا ببعد:_
انا اسفه مشوفتكش.
إتفاجئت بيه شدني وحضني!!
قولتله بصدمه:_
قصي.
بعد عني وهو ماسك زرار الجلابيه:_
استني شعرك كان ماسك في زرار الجلابيه بفكه.
اتنهدت وقولتله:_
افتكرتك...افتكرتك...
قالي بنظره إستغراب:_ حضنتك؟
سكت ومردتش عليه، قالي بهدوء:_ انتي اخر واحده ممكن أكون سبب إني أج*رحها، انتي بريئه.
قولتله بهزار:_ مش أوي يعني.
ضحك وقالي:_
انا اتبسطت اني اتعرفت عليكي، بس لما ترجعي هتعملي ايه؟
"_عادي هرجع الشغل، واعيش زي الأول.
:_هتشتغلي مندوبه برضه؟
" _انا بشتغل شغلانتين.
:_طب حاسبي بقا المره الجايا تروحي لعصابه تانيه رئيسها يخلص عليكي.
قولتله بإستغراب:_
كنت متوقعه إنك هتكون قاسي، وتظلمني وتعذبن*ي.
قالي بصدمه:_ أع*ذبك؟
"_ايوا، زي الأفلام.
:_ممكن...
سيبته ومشيت علىٰ أوضتي، أول ما دخلت لاقيت النور مطفي، مع اني فاكره اني سيبته مفتوح عشان" بيلا" لو صحيت متخافش.
كنت لسا هَلف أقفل الباب ورايا بس ملحقتش وحسيت ب*شكه في رقبتي من ورا...اتشل*يت لثواني معدوده وبعدها محسيتش بنفسي.
__________وديده______
خرجت من الأوضه بعد ما وقعت علىٰ الأرض، وقفت برا الباب ودخلت تاني وصرخت...
الخدم اتلموا وقصي جه، كنت فرحانه وانا شيفاه شايلها وقلقان عليها.
حطها علىٰ السرير بعد ما سحب الإب*ره اللي حطتهالها في رقبتها، كنت عارفه انه جابلها علاج ودا شيء متوقع، بس علىٰ الأقل، هأخرها شويه عن معاد مروحها.
حرارتها بدأت تعلىٰ، كنت الوحيده الفرحانه بخوفه عليها، بصلي وقالي:_
خليكي جنبها يا وديده لحد ما أجبلها الدوا.
____________قصي_____
نزلت من الأوضه جري، رنيت علىٰ حارث اللي رد عليا بنعاس:_
في ايه يا قصي؟
قولتله بسرعه:_ عايزك تجبلي الدوا اللي جبتهولي اول إمبارح.
"_ليه حصل ايه؟
:_إنجز متعوقش.
" _حاضر مش هعوق عليك.
قفلت الخط وطلعت أوضتي وانا بعيد حسباتي وفتحت اللاب وقعدت أتفرج، بعد ساعه حارث كان جه، طلعلي الدوا مع واحد من الأمن، خدته منه شيلته في درج الكمودينو وطلعت شريط العلاج اللي معايا.
طلعتلها الأوضه لاقيتها فاقت، خرجت كل الموجودين من الأوضه وقعدت جنبها، قولتلها وانا بديها كوبايه المايه عشان تبلع:_
ايه اللي حصل؟
قالتلي بتعب:_ كنت داخله الأوضه ومره واحده في حد شكني في رقبتي من ورا.
" _طب أشربي.
شربت المايه وانا فضلت متابعها بعيني، خدت منها الكوبايه وقولتلها:_
انتي متأكده انه كان حد وراكي؟!
هزت راسها بأه وقالتلي:_ انا كنت حاسه بيه.
بوست راسها في حركه عفويه مني، بعدها حسيت بصدمه من اللي عملته، بس لاقيتها مبتسمه ليا، قولتلها بإبتسامه علىٰ غير العاده:_
ممكن أطلب منك طلب؟!
"_اتفضل!
:_وافقي الأول.
بصتلي بشك بعدها قالتلي:_ ماشي..موافقه.
________________________________
الخدم كلهم كانوا واقفين صف، و وديده علىٰ راسهم، قولتلهم وانا بتمشىٰ قدامهم:_
طبعًا انتو مستغربين انا جمعتكم ليه؟...خصوصًا ان دا محصلش قبل كدا.
بصيت في عينيهم وقولتلهم:_
الحقيقه ان واحد من الموجودين هنا، هو اللي بيدي ل ورد الإبره.
هتقولولي أنهي إبره!؟ اللي إدهالها هو عارفها كويس، فَ بهدوء وعشان ميتسببش في طرد كل الموجودين هنا، اللي عمل كدَا يقدر يجي يعترفلي علىٰ إنفراد، قدامه ساعه واحده بس...يإما يعترف، يإما هيعرض نفسه للطرد هو وباقي الشغالين.
الكلام واضح؟
هزوا راسهم كلهم في طاعه، بصيت علىٰ وديده بطرف عيني كانت باصه في الأرض زيهم.
طلبت منها تطلع أوضتي تكويلي القمصان بحجه ان الخدامه اللي عملتهم قبل كدا حرقتهم.
سيبتهم وطلعت ل ورد، بس قبل ما أطلع خدت من الحارس بوكيه الورد اللي طلبت منه يجبهولي.
خبطت عليها وسمعت صوتها اللي بيخليني أهدىٰ:_
أدخل.
دخلت وانا حاطط إيدي ورا ضهري، قالتلي وهيا بتحاول تشوف انا مخبي إيه:_
ايه اللي مخبيه دا؟
" _انتي مالك؟
:_علىٰ فكره دي مش أخلاق مجرمين.
قولتلها وانا بقعد علىٰ السرير:_
تعرفي انك من ساعه ما جيتي هنا وانا معملتش غير عمليه واحده.
"_لا معرفش.
:_ طب غمضي عينك.
" _ليه.
:_غمضي يا ورد.
غمضت عينيها بحماس، حطيت ايدي قدامي وقولتلها:_
فتحي.
فتحت عينها وشوفت علىٰ وشها علامات الإنبهار والفرحه، قالتلي وهيا بتاخده:_
دا عشاني؟!
قولتلها بصوت واطي:_
الورد للورد يا ورد.
كنت متوقع تقولي شكرًا او مرسي بس إتفاجئت بيها نطت وحضنتي وقالتلي بنفس برائتها:_
انا أول مره حد يجبلي ورد، شكرًا يا أبو دمار.
كنت متلغبط ومش عارف أعمل ايه، مسكت ايدي بإيدي التانيه ورا ضهري عشان أمسك نفسي.
بعدت وقالتلي بفرحه طفل بلعبه جديده:_
دا حلو أوي...شكرًا.
"_عجبك؟
:_جدًا جدًا...انت جميل أوي يا قصي.
"_ايه؟
قالتلي بإرتباك:_ أقصد انت ذوقك جميل.
قالتلي وهيا بترجع مكانها علىٰ السرير:_
نستني اني تعبانه.
إتبسطت من كلامها، سألتها بفضول:_
حبيتي قبل كدَا يا ورد.
" _لأ...عشان زي ما قولتلك قبل كدا، مش فاضيه، ومحدش عجبني ودخل قلبي.
:_طب ودلوقتي؟
سكتت وبصتلي بصه حلوه أوي، عيونها الواسعه كنت حاسس إنها بتطلع قلوب زي الإستيكر، قولتلها بفضول:_
طب ودلوقتي؟
فركت إيديها وهيا بتقولي:_ يعني، ممكن.
"_طب يلا يا ستي، قربتي تمشي أهو، إعتبري الكام يوم اللي قضتيهم هنا كانوا أجازه.
قالتلي وهيا بتنام:_ علىٰ فكره انا متأكده إنك مخدتنيش معاك عشان كنت خايف أبلغ عنكم.
إتوترت من كلمتها وقولتلها:_ قصدك ايه؟
قالتلي بمشاكسه:_ يعني...تقريبًا انت حسيت بحاجه بتقولك خدها معاك...أصلك مع*ذبتنيش.
قولتلها وانا بقوم:_ يادي الع*ذاب، يبنتي انتي اتولدتي في فرن؟!
________وديده_______
كنت قاعده علىٰ سرير أوضتي قلقانه وخايفه قصي يكتشف اني السبب، انا عارفاه، أذكىٰ مما نتوقع.
كنت قاعده بستغفر ربنا عشان أهدىٰ لحد ما الباب خبط، قولت:_
مين اللي برا.
إتوترت لما سمعت صوته بيقول:_
قصي.
عدلت نفسي وانا بقوله:_
إتفضل يا حبيبي.
دخل الأوضه وكان لابس شورت بس، قولتله وانا بشاور عليه:_
هتبرد كدا، انت كنت نايم ولا ايه؟
قالي وهو بيقعد علىٰ كرسي جنب التسريحه بتاعتي:_
والله يا وديده انا مخنوق، حاولت انام معرفتش، وجاي أفضفض معاكي، مش انا زي إبنك؟
إتوترت أكتر لما قعد جنب التسريحه، قولتله وانا بصطنع الإبتسامه:_
إحكي يا حبيبي مالك.
" _ورد يا وديده.
:_مالها؟
"_مش عارف، من أول مره شوفتها وحسيت بإحساس غريب ناحيتها، لما دخلت علينا البيت واحنا بنعذ"ب الراجل عشان يعترف، في حاجه جوايا قالتلي مت*موتهاش، جبتها تقعد معايا في الڤله مع اني قادر أحبسها في أي حته بعيد عني، بس برضه...
قاطعته وقولتله:_
بس برضه قي حاجه قالتلك خدها معاك.
قالي وهو بيبص في السقف:_
ايوا يا وديده، من ساعه ما جات وانا متغير، حاسس اني مبقتش زي الأول...تصوري بسببها صليت الفجر!!
قولتله بدهشه:_ بجد يبني؟!
كمل وهو لسا باصص في السقف:_
مش عارف مالي! مبقتش عايز أق*تل حد وأفشي غليلي في الناس زي الأول، حتىٰ المشاريع اللي كنت بغس*ل فيها فلوسي، بدأت أهتم بيها، وأهملت الإج*رام، الإج*رام اللي كنت بستلذه!! بس خايف..
" _خايف من إيه؟
قالي وهو بيفتح درج التسريحه اللي جنبه:_ معندكيش مشط أسرح شعري وانا بكلمك؟!
إتخشبت مكاني لما فتح الدرج وطلع منه علبه الإبر اللي معاها علبه الس*م وقالي:_
ايه دا يا وديده؟!
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
إتخشبت مكاني لما فتح الدرج وطلع منه علبه الإبر اللي معاها علبه الس*م وقالي:_
ايه دا يا وديده؟!
قولتله بإرتباك مقدرتش أخبيه:_
دي إبر للخياطه.
طلع واحده وقالي:_
بس دي مش شكل إبره الخياطه...
قومت من مكاني وانا بقوله:_
لا هيا انت بس متعرفش شكلها.
مديت إيدي عشان أخد منه العلبه بس لاقيته رماها علىٰ الأرض والس*م إتدلق.
بصتله بصدمه وخوف، لاقيته باصصلي وبيقولي بغضب:_
عملتي كدا ليه؟
رجعت لورا وانا بقوله:_
عملت ايه يا إبني.
زعق فيا وقالي:_
عملتي كدا ليه؟
بكيت وقولتله برجاء:_
أنا آسفه والله يبني مقصدتش.
مسكني من إيدي جامد لدرجه حسيت عضمي هيتك*سر، قالي وعر*وقه كانت بار*زه من الغضب:_
كنتي فاكره إني مش هعرف...إنتي يا وديده، اللي بعتبرك زي أمي.
قولتله بعياط وانا ماسكه في هدومه:_
والله انا نيتي خير..
زعق فيا وقالي:_
خير...دا ايه الخير دا!؟
ه*زني جامد وهو بيقولي بحده:_
من ساعه ما شوفت نظرتك وانا شايلها بعد ما أغمىٰ عليها وانا بشك فيكي، طلعتك تكويلي الهدوم ودخلت أوضتك عشان أدور علىٰ دليل قبل ما أظل*مك...بس يا خساره.
ساب إيدي وشاور على قلبه وهو بيقول:_
كنتي عايزه تك*سري قلبي، استنيتك تيجي تقولي بس مجتيش، جتلك بنفسي، وراقبت ملامحك وانا قاعد جنب الدرج اللي في س*م.
وطيت علىٰ رجله وقولتله وسط دموعي:_
والله يبني الس*م دا مش هيأذيها، انا كنت عارفه انك هتجبلها العلاج، انا بس كنت عايزها تفضل موجوده معاك شويه كمان..
شال رجله وقعد جنبي علىٰ الأرض، هزني وقالي بحده:_
كنتي عايزاها تقعد ليه؟ عشان تم*وتيها؟
مردتش عليه وفضلت أبكي، ه*زني جامد وص*رخ في وشي وقالي:_
إنطقي.
قولتله وانا بمسح دموعي:_
عشان كان أملي فيها، من ساعه ما دخلت البيت وانت حالك متغير، شوفت نظرتك ليها، عرفت انك بتحبها، بس بتكابر، عملت كدا عشان تفضل معاك، وتتقرب منها أكتر..
قالي وبان عليه انه بدأ يهدىٰ:_
وتاني مره اديتهالها ليه؟
"_عشان سمعتك بتقولها هتمشي لما تخفي، إديتهولها تاني عشان تقعد شويه كمان.
فضل ساكت وباصصلي بحده وغضب...قولتله وانا ببوس إيده:_
سامحني يبني والله مقصدتش.
سحب إيده وقام ومشي، مسكت فيه وقولتله:_
مش هتشمي غير لما تسامحني.
شال إيدي ومشي وقفل الباب وراه، سمعته بيقول لحد:_
متخرجش من هنا إلا بأمري.
سندت ضهري علىٰ السرير وفضلت أعيط...
__________ورد_________
صحيت الضهر وكنت حاسه بتحسن، خدت الدوا اللي قصي سابه امبارح جنبي.
خرجت وقفت في البلكونه أشم شويه هوا، وأتفرج علىٰ المنظر البديع اللي قدامي، مقصدش الشجر والزرع، أقصد قصي.
كان قاعد علىٰ كرسي في الجنينه بيلعب مع" بيلا"، حسيت إني مش عايزه أمشي، واني مرتاحه هنا، بس شيلت الفكره من دماغي، ودخلت خدت شاور عشان أنزل أفطر.
_________حارث______
ركنت عربيتي برا الڤيلا ودخلت علىٰ طول، ولأن الأمن عارفني فدخلت من غير أسئله.
لاقيته قاعد في الجنينه وجنبه قطه، قولتله وانا فاتح دراعي:_
واحشني يا أبو دمار.
أول ما شافني فتحلي دراعاته وقالي:_
ما خلاص بقا وقفنا دمار...
ضحكت وقولتله:_ متقولش كدا يا صاحبي.
قالي بتساؤل:_
الشغل عامل ايه؟
قولتله وانا بقعد:_ عنب....بقولك.
"_امم.
غمزتله وقولتله:_ عامل ايه مع البت.
" _بت مين؟
:_البت اللي بتحبها.
"_والله مش عارف.
:_انت بتضحك علىٰ نفسك علىٰ فكره...انا شايف انك تعترفلها وتعيش حياتك بقا.
" _خطوه تقيله..وانا معرفش هيا بتحبني ولا لأ!؟
:_طب أقولك..خدها وروحوا (.....) هتسهروا هناك أحلىٰ سهره.
"_انت اتجننت يا حارث، بقولك بنت بريئه وخجوله تقولي أوديها ديسكو؟
:_انا غلطان اني عايز مصلحتك.
" _لا يا سيدي متعوزش.
فضلت ساعه أكلمه وأحاول أقنعه إنه يعترفلها، يإما خطتي هتبوظ!
وأخيرًا قالي بإقتناع:_
عندك حق يا حارث، هعترفلها النهارده.
"_متبقاش غشيم، خليها بكرا بليل.
:_ليه؟
"_تكون لمحتلها شويه وبعدين بكرا الخميس يوم مناسب...وانا يسطا هجبلك خاتم.
وقومت وقولتله:_
أسيبك بقا تقضي يومك وهروح انا عشان مراتي منكدتش عليا النهارده ومش مرتاح.
وسيبته ومشيت...
_______________________________________
(وتمر الدقايق والساعات
وقصي و ورد
بتدور ما بينهم حكايات)
_________وديده______
فضلت يوم كامل محبوسه في أوضتي، الشغالين كانوا بيحطولي الأكل ويمشوا.
بس يوم الخميس الصبح اللي هو تاني يوم، صحيت علىٰ صوت ورد بتقولي:_
خاله وديده، يا خاله وديده.
فتحت عيني براحه، لاقيتها واقفه هيا وقصي ومبتسمين مكنتش مركزه عشان لسا صاحيه،بس قولتلهم بفرحه:_
سامحتوني؟
قصي وطىٰ علىٰ الأرض باس إيدي وقالي:_
نيتك خير يا وديده.
قولتله بفرحه:_
ربنا يخليك...هو انت قولتلها؟
اتصدمت لما ورد قاطعت كلامها وقالتلي:_
ايوا قالي يا خاله،وقالي كمان انه بيحبني!
قولتله بصدمه:_
امتى دا حصل؟
ضحكوا الإتنين وخرجوا من غير كلام، بس قصي قالي وهو خارج:_
إجهزي يا وديده، إبنك هيتجوز قريب..
قفلوا الباب وانا فضلت في ذهول!! وكل اللي في دماغي أسئله عايزه جواب..
هو إعترفلها إمتىٰ وإزاي؟ وكمان اتفقوا يتجوزوا!! الحكايه ناقصه، ولازم أعرفها.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
محسن..
إتسللت وسط الحراس من غير ما حد ياخد باله...مسكت واحد من الأمن ضر*بته وأغم*ىٰ عليه، خدت هدومه و لبستها، دخلت الڤيلا وانا بتسحب، كان الخدامين قليلين، طبيعي الساعه ١دلوقتي، محدش لاحظ اني غريب من كتر عدد رجاله الأمن، فإستحاله تعرف شكلهم كلهم.
إفتكرت كلام حارث في التليفون لما قالي امبارح:_
هسيبلك علامه بقلم جاف علىٰ بابها، هرسملك قلب.
فضلت باصص علىٰ كل باب وكنت هيئس لحد ما شوفت قلب كبير مرسوم علىٰ باب في أخر الطرقه.
بصيت حواليا مكانش في حد شايفني، فتحت باب أوضتها براحه من غير صوت..
شوفت بنت في منتهىٰ الجمال، كانت واقفه بتسرح شعرها قدام المرايا.
كانت مضلمه الأوضه ومفيش غير نور بسيط عند المرايا..
قلعت چاكت البدله وكنت بقلع الحزام لما شافتني ولفت وراها بخوف وقالت:_
انت دخلت ازاي؟
________حارث_______
وصلت الڤيله وفضلت قاعد في العربيه، لحد ما لاقيت رساله من محسن بيقولي انه داخل أوضتها.
نزلت من العربيه وخدت معايا العلبه اللي فيها الخاتم...قصي كان مستنيني قدام الڤله، أول ما شافني قالي بحماس:_
ها جبت الخاتم.
إديته العلبه وانا بقوله:_
عيب عليك...حاجه مفتخره.
فتحه وشافه وانبهر من جماله، عدل ياقه القميص وقالي:_
تفتكر دا الوقت المناسب عشان اقولها.
قولتله بثقه:_
عيب عليك، دا أحسن وقت تقولها انك بتحبها..
يلا بقا...
قالي بصدمه:_ رايح فين؟
:_جاي معاك.
"_وانت مالك انت.
:_كدا يا صاحبي، كنت عايز أشوف لحظه اللقاء.
"_ تعالىٰ بس خليك برا الأوضه..وانا هخرج أحكيلك.
دخلت انا وهو الڤيلا، كنت متحمس أشوفه وهو مكسور، عشان يكرهها..
وصلنا الطرقه اللي بتوصل أوضتها، إتحمست أكتر..قصي عدل شعره وقالي:_
أتوكل علىٰ الله.
قولتله:_ أمان يا صاحبي...
_______ورد______
كنت قاعده بسرح شعري وبدندن وانا بحاول أتقمص الدور اللي قصي قالي عليه...
سمعت صوت الباب بيتفتح، عرفت إنه جه..مردتش أبص علىٰ الباب في المرايا.
أول ما أتقدم خطوه لفتله وانا بمثل اني خايفه وقولتله:_
أنت دخلت ازاي؟
ضحك وقالي:_في ايه يا ست هانم...هنمثل علىٰ بعض؟
ضحكت وقولتله:_
مش لازم أتقمص الشخصيه!
قالي وهو بيقلع الحزام:_ طب يلا عشان زمانهم طالعين!!
قومت من علىٰ الكرسي وقلعت العبايه اللي كنت لبساها وفضلت قاعده بعبايه تانيه متقطعه قصي جبهالي.
هو فتح قميصه وقلع جزمته وفضل واقف مربع إيده...
قولتله وانا بهرش في دماغي:_
هما أخروا كدا ليه؟
ملحقش يرد عليا لما جهاز السينسور طلع صوت، مادام عمل صوت يبقىٰ في حد قرب علىٰ الأوضه..
محسن قالي:_
يلا بسرعه.
نمت علىٰ الأرض بعد ما كتم بقي، فضلنا باصين لبعض وأول ما سمعنا الباب بيتفتح، عملت نفسي بحاول أفك نفسي، وهو كان بيستجاب مع زقه إيدي كأني بحوشه.
عملنا نفسنا مصدومين لما قصي قالي بصدمه:_
ورد!؟
_________حارث_____
كنت متحمس أشوف محسن عمل ايه؟ قصي فتح الباب وانا كانت عيني علىٰ وشه بس، محسن كان منيمها علىٰ الأرض وهيا بتحاول تزقه بعيد عنها...بصيت علىٰ قصي اللي قال بصدمه:_
ورد!!
محسن بعد عنها وانا بقولها:_
يا خاينه يا حي*وانه!!
وجريت مسكت محسن من ياقه قميصه وقولتله بتمثيل:_
انا هوريك يا إبن الكل*ب.
وضربته بوكس في وشه... بس الصدمه اللي بجد لما لاقيت قصي شدني من قميصي من ورا، قولتله بصدمه:_
انت بتعمل ايه..دي بتخونك!!
قالي بإبتسامه:_
الحقيقه يا حارث ان مفيش حد في الأوضه خاين وإبن كل*ب غيرك...
وإداني بوكس في وشي...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
قالي بإبتسامه:_
الحقيقه يا حارث ان مفيش حد في الأوضه خاين وإبن كل*ب غيرك...
وإداني بوكس في وشي...وقفت مصدوم مش فاهم حاجه!!
وقبل ما أتكلم خط خب*طه علىٰ دماغي وأغ*مىٰ عليا!!
فوقت لاقيت نفسي في أوضه مليانه شكاير، تقريبًا دا مخزن أكل...
حاولت أحرك إيدي لاقتني متكتف، سمعت صوت ورايا بيقول:_
عامل ايه يا حبي.
لفيت وشي كان قصي، قولتله وانا بحاول أفك إيدي:_
قصي...في ايه؟
قالي بإبتسامه:_
ايه يا قلبي، مخضوض ليه؟
قولتله بإرتباك:_ لا مش مخضوض بس مش فاهم حاجه.
قعد علىٰ شكاره جنبي وقالي بنفس الإبتسامه:_
مشكلتك يا حارث إنك برضه مفهمتنيش...كنت فاكرني أهبل برياله؟
كنت هرد عليه بس إتفاجئت ب محسن دخل من الأوضه، قولتله وانا بتف عليه:_
انت اللي فتنت عليا يا ك*لب.
قصي قالي وملامح وشه بدأت تقلب:_
حرام تظلمه...انا هفهمك عشان بحبك بس...
والله انا مكنتش شاكك فيك، لحد ما انت جيتلي الڤله، عشان تكلمني في موضوع البنت اللي بحبها، والحقيقه اني عارفك اناني وإستحاله تساعدني...شكيت فيك وقتها...لو تفتكر معايا كدا.
انا قولت للشغاله تجبلنا عصير في ودنها...صح!
هزيت راسي وانا بسمع وتعابير الصدمه علىٰ وشي..كمل وقال وهو بيلف حواليا:_
الحقيقه إني قولتلها تجبلي حاجه كمان، ولمت حطت الصينيه خدتها مع الكوبايه عشان متشوفهاش، والحقيقه يا قلبي إن وانا بحضنك وانت ماشي...وبقولك انا مش عارف أعمل ايه من غيرك!! كنت بحطلك كاميرا في شعرك.
إتفاجئت بيه مد إيده في شعري وطلع حاجه صغير أوي، شبه حجم الدبانه، حطها قدام عيني وقالي:_
شايف يا صاحبي...صغير آه...بس نينچا.
قولتله وانا قلبي قرب يخرج من مكانه:_
قصي...انت فاهم غلط..انا خايف علىٰ مصلحتك.
إتجاهل كلامي وقالي وهو لسا بيلف حواليا:_
الكاميرا دي جاتلي من ألمانيا، صدقني مكنتش عارف هعمل ايه بيها، بس وقتها جه.
راقبتك بعد ما خرجت...شوفتك مع محسن، وطبعًا من غير كلام كنت جبته، خد نصيبه واتفقت معاه علىٰ اللي هيعمله بعد ما قالي الخطه اللي انت عايز تعملها.
اتفقت مع ورد، اه صح نسيت انت متعرفش إسمها، إسمها ورد إحفظه بقىٰ، واتفقت مع الإتنين، دا انت حتىٰ لما رنيت عليك تاني مره وقولتلك هات العلاج، راقبتك في الكاميرا من علىٰ اللاب.
بلعت ريقي وقولتله:_
والله العظيم انا...
قطع كلامي وقالي:_
عارف هتقولي ايه، بس يا جدع بقولك واحده تعبانه، تجبلي منوم وتحطه في علبه الدوا الأصليه، أقولك ايه طيب إبن كل*ب بصحيح.
كنت لسا هكلم بس إتفاجئت بجسمي بيتهز، ص*رخت من كميه الكهربا اللي دخلت جس*مي.
جسمي وقف حركه، سمعت صوت قصي بيقول:_
كفايا يا وردتي، إكرام الضيف واجب.
قولتله بوهن:_
وردتك؟!
سرح شعري بمشط وقالي:_
اه وردتي، اصلا انا نسيت أقولك، يوم الأربع لما جيت عشان تقولي إعترفلها، بعد ما انت مشيت أنا أعترفتلها...
Falsh back _______________يوم الأربع_________
ورد..
كنت قاعده بقرأ أسماء الكتب الموجوده في المكتبه بتاعته، لحد ما أتفاجئت بصوته ورايا:_
ورد.
لفيت لاقيته واقف ورايا، قولتله وانا بحط الكتاب مكانه:_
نعم!
إتنهد تنهيده طويله وقالي:_ تجوزيني يا ورد؟!
إتفاجئت من اللي قاله، بصيت في الأرض وقولتله:_
ايه المفاجئه دي؟!
وطىٰ علىٰ ركبته وطلع من جيب البنطلون خاتم وقالي:_
انا حسبتها يا ورد، مينفعش تمشي وتبعدي عني بعد ما غيرتيني، مينفعش تبعدي، انا بحبك يا ورد، وأوعدك هتصلح عشانك.
كنت واقفه مصدومه من اللي بيقوله، فركت إيدي وقولتله:_
انت فاجئتني بصراحه.
فضل ساكت وباصصلي بصمت، مديت إيدي وانا بقوله:_
موافقه يا ابو دمار...
ضحك ولبسني الخاتم وباس إيدي، قولتله وانا بحذره بصباعي:_
بس بشرط تبطل دمار...ها.
________عوده للواقع____
ورد...
بعد ما شديت سك*ينه الكهربا، قصي قالي كفايا وشاورلي أخرج..
خرجت في الجنينه أشم هوا، كان منظر جميل، فضلت واقفه شويه، لاقيت قصي جه حط إيدي علىٰ كتفي وقالي:_
تفتكري بقا، نعمل فرح ولا لأ.
شيلت إيده وانا بقوله:_
لأ منعملش، عشان محدش يعرفنا، هنحتفل هنا في الڤيلا.
ضحك وقالي:_
أسيبك بقا، زمان محسن خلىٰ حارث شاورما.
تمت بحمدالله.