مهما غلطت اختك مينفعش تعاملها كدا ولو اني شايفة انها صح ممكن نوديها لدكتور نفسي يشوفها دي بقت علي طول عياط وكأبة وزهقتنا معاها رغم أنها خفت يعني 

ابتسم ب استهزاء 

_ حتي انتي يا ماما ما هو طبعا طول عمركوا مفترين عليها وبتظلموها ومديتوش اي اهميه لموضوعها اللي

_ احترم نفسك وانت بتتكلم معانا انت بتكلم امك وابوك متتعداش حدودك 

وهو بقا في حدود نفسية فلك مش هتتحسن غير لما تتطلع من البيت الاسود اللي مشفتش فيه لحظة حلوة دا بس مش عارف هطلعها واقعدها فين!

_ تطلعها وتوديها فين يا فارس ! دا جزاتنا ان انا مرميتهاش للغريب وخدتها اربيها وستكوا 

تعرفي يا ماما الغريب كان هيعاملها احسن من معاملتكوا الف مرة انا مش فاهم سبب كرهكوا ليها ومش عايز اعرف .

فارس سابهم وطلع

لفلك اللي اوضتها بقت سجنها اللي فرضته علي نفسها وخبط وبعدين ډخلها كانت قاعدة علي الكنبة وباصه في الكتب اللي قدمها رفعت عينيها العسلي وبصتله وفضلت ساكتة 

عايزني اساعدك في حاجه في مذاكرتك يا فلك 

لا شكرا

طب انتي قاعدة هنا لوحدك ليه 

امال اعمل ايه انا بقيت بخاف انزل من اوضتي.

غلط يا فلك انتي لازم تبقي اشجع من كدا ومحدش هيقدر يعملك حاجه صدقيني

انا كدا كويس

طب مش هتبتدي تنزلي المدرسه انتي بتحضري علي الٲمتحانات بس ! ودي ثانوية عامه

بتهزر ! عايزهم يشفوني كدا 

كدا ازاي بطلي هواجس الخۏف 

انتي زي القمر ومفكيش حاجه انتي خفيتي علي فكرة ومعدش في حاجه تخوفك وتقلقك

انا حاسه انهم هيتريقوا فارس متضغطش عليا وسيبني براحتي.

سكت شويه وفضل يبصلها مبقتش زي الٲول اللي عايزاه يفضل جمبها وتفضل بعيد عن اهله وهي عايشة معاهم يمكن لما تبعد عنهم وعن البيت تبقي احسن بس ازاي ! بس لا هو ميقدرش تبعد عنه ابدا عايز يساعدها ويعوضها بٲي طريقه طول عمرها مظلومة من عيلته جات فكرة في دماغه خلته يبتسم بأتساع محسش بيه من مجرد تخيلها بس !

أنا عايز اتجوزك ..

_ نتجوز 

_ مستعد اكتب عليكي دلوقتي .

قالت ب تردد 

_ بس انا مش موافقة !

فلك بعد ما سمعت كلام فارس حست أن عقلها وقف اتزلزلت من جواها بتترجم اللي بيقوله واتفاجاءت علي قد ما حاولت تستوعب !

_ اللي سمعتيه يا فلك وعايزك تعرفي أن 

كل كلمه حقيقة.

_ طب ازاي يا فارس احنا متربين سوي ويعتبر اخوات وطول عمرك بتعاملني زي اختك ندي ! ايه اللي جد 

خد نفس طويل 

_ كنت فاكر اهتمامي وتعلقي بيكي بسبب ان شايفك اخت زي ندي لكن حصل العكس انتي متعرفيش اول يوم لما ماما دخلت شيلاكي انا كنت عامل ازاي حبيتك بطريقه !

اتنهدت 

مش عارفه ارد عليك ب ٲيه يا فارس !

مش عايزك تردي انا عايزك تسمعي وتصدقي كلامي الي بقوله عشان هو فعلا خارج من

جوايا 

وم صدقت جاتلي الجرأءة اقوله فلك انا لما كنت بشوف دموعك كان يومي بيقفل وبفضل مضايق

ومش طايق اكلم حد ! لما احس ان تعبان طلتك كأنها داوء ليا بروق وبيجيلي نشاط مرة واحدة ..

أنا يمكن مكنتش فاهم نفسي ومع الوقت كله كان بيوضحلي رغم أن بشوف كل يوم بنات اشكال والوان في الجامعهمحدش منهم قدر يشقلب حالي غير نظرة منكمفيش حد بيقدر يغير مزاجي في ثانية وابقي مبسوط كدا لما بشوفك غيرك!

انتي فاهمة انا بقول ايه 

فاهمه بس ممكن يكون دي مشاعر عاديه لاخ لاخت ..

انا فاهم انا حاسس ب ٲيه ولو كنت شايفك اخت مكنتش حسيت ناحيتك بحاجات غريبه كنت بحسها لما ابقي قريب منك او اشوفك انتي حاجه وندي حاجه تانيه

انت متٲكد يا فارس .

عمري م كنت متٲكد من حاجه زي دلوقتي انا نفسي دلوقتي اخدك وابعد عن كل حاجه مضيقاكي او مخوفاكي نفسي اشوفك مبسوطة ومطمنة دايما

فلك اتوترت واتكسفت اوي عمرها ما انحطت في حاجه زي كدا ولا

حست ب الاحساس اللي هي حساه ومش فاهماه دلوقت !.

هي متعلقه بيه ولما بيبقي جمبها بتحس انها بٲمان شافت فيه كل حاجه اتحرمت منها اب ... اخ ... ام ! مكنتش بتكدب لما تقوله ان هو كل عيلتها وهي مش فاهمه احساسها ناحيته ايه لانها معاشتش كل المشاعر دي قبل كدا ومش عارفه تفسره احساس اخوي عادي ولا احساس حب زي احساسه خاېفه تصارحه بحاجه تكون مش واثقه منها او متٲكدة من

حقيقتها 

وتقول حاجه تظلمهم بعدين !

كل اللي عايزاه

يفضل حواليها ومعاها دا كفايه ليها !

وانا

شيفاك حياتي وعيلتي كلها بس.. مش هقدر احدد احساسي واتسرع واقولك انا حاسه بٲيه ! لازم اتٲكد منه اوي عشان منخسرش علاقتنا ببعض منكرش ان كلامك فرحني

_ لكن الٲول افهم نفسي زيك يا فارس انا متربيه علي ايدك ومعاك ومع ندي .. وعمتو انصاف كانت دايما تقولي انتوا اخوات وبس خاېفه اقولك حاجه دلوقتي اكون مش حسباها صح لازم وقت احدد فيه مينفعش اقولك حاجه دلوقتي فاهمني يا فارس 

_ بالعكس انا مش عايزك تقولي اي حاجه دلوقتي انا عايزك يوم لما تصارحيني بيها وتقولهالي تكون حساها .. من قلبك .. ودا كفايه عليا يا فلك انتي لسه صغيرة طبيعي هتحتاجي وقت تفهمي نفسك انا زيك مشاعري زمان ناحيتك كانت متلغبطة ومش عارف افسرها صح ودايما كان في شيئ فيكي مخليني هتجنن ومش عارف ايه هو خدت وقت لحد ما فهمت قد ايه انا بحبك بس حب غير حب ندي معاكي وقتك كله وانا هفضل احبك دايما بس !

_ بس ايه

_ كنت عايز نتجوز لو جواز صوري

هي دلوقت في دوامه غريبة ! ومشاعر بتعيشها لأول مرة لكن مبسوطة بيها !

_ تبعدني ليه يافارس

تأمل كل تفصيله فيها بزعل 

_ بصي ل نفسك وانتي تعرفي

انتي مش فلك بتاعة زمان حسيت أن وجودك وسطهم بيطفي نورك فكرت في كدا عشان اروح معاكي لأن بعادك مقدرتش اكمل تخيله

_ م مش عارفه ڠصبا عني ولله

_ يبقي توافقي واخدك وتبعد خالص وترجعيلي فلك بتاعة زمان .

سكتت وهي مش عارفة تجاوبه هو صح وجودهم في حياتها نقمنة بس هي عايزة تبعد وهو معاها بالنسبالها فارس كل عالمها والباقي مش مهم لكن لو فكرت بعقلها هتلاقي أنها خطوة مش سهلة نهائي انهم صغيرين

هيصرفوا منين هيعيشوا فين ومنين

وهي هتبقي مستعدة للخطوة دي 

فارس كدا هيتحمل كتير اوي ولأ !

هي مترضلوش يتعذب كدا عشانها كفاية اللي بيعمله معاها طول عمره هتبقي انانية لو وافقت !

خدت نفس كبير 

_ لأ مش موافقة يا فارس

بصلها وسكت بس شافت في عينه نظرة خلتها ټندم علي اللي قالته اول مرة تشوف نظرة الخيبة دي

وزعلت عشانه جدا 

_ طب ليه يعني حلو حالك دا

أنا لو هعمل كدا ف أنا هعمل دا عشانك !

_ملكيش دعوه ب كل دا المهم عندي انتي !

_ اسمعني يا فارس حاجات كتير مش مستعدين ليها فعلا كل حاجه تتقاس بالعقل احسن !

_ وانتي يا فلك أنا بحس بالذنب ناحيتك وانا كل يوم اشوف دمعة بتنزل منك بسببهم

وانا واقف متكتف عشان دول اهلي !

ابتسمت ليه ب انكسار حاولت تقلبه ب هزار 

_ سيبك مني وه .. وهما اهلي برضو 

ومليش غيرهم كتر خيرهم أنهم مسابونيش للشوارع

وربوني في وسطهم علي رأي ندي !

يعني عادي يا فيرو الأهل لا غبار عليهم

يعملوا ما بدالهم.

_ طالما كدا انا ليا طلب يا فلك !

ايه

هو 

اخرجي من العزله اللي عملها لنفسك ارجعي لحياتك ودراستك من تاني 

راح فين حلمك بانك تبقي محاميه 

مش رفضتي

طلبي

يبقي ترجعيلي وارجعي ل حياتك تاني

عشان خاطري انا والا ولله لو لاقيتك زي ما انتي

ل هنفذ اللي في دماغي وكله يغور فدي دمعه منك!

ضحكتله ضحكه قدرت توقعه فيها تاني !

_ حاضر يا فارس .

فاتت ايام وفلك ابتدت ترجع لحياتها من تاني تدريجيا .. وفارس مش بيسبها لحظة ومانع تدخل اي حد من عيلته انه يضايقها بكلمه عشان تكمل ومتضعفش نفسيتها تاني و بيشجعها وواقف جمبها بنفس حبه ليها اللي

هي حب طفولته ومراهقته وشبابه

فلك كانت بتجتهد في دراستها وحماسها لحلمها كان بيتضاعف وخلصت ثانويه عامه

و وصلت ل كلية احلامها الحقوق ولحظتها كانت اسعد انسانه .. وطايرة من الفرح وفارس اول من يشاركها إنجازها و فرحتها 

وان هي بتكبر وبتعلي قدام عيونه ..

ندي سقطت في كليتها سنتين ورا بعض لانها مش مهتمه ليها اوي ولما شافت فلك وتفوقها واجتهادها وبصه الناس المنبهرة بيها حتي اخوها ودعمه الملحوظ .. الحقد والغيرة رجعت ليها من ناحيتها من تاني ومعظم الوقت بتتمني تحصل كارثه تخليها متكملش تعليم فلجٲت لنصها الاول والوراثي في الغل والكره ... 

_ هو مش بابا بيمر ب ٲزمة ماليه صعبه في شغله يا ماما 

انحسدنا اكيد عين دا لو معرفش يتصرف ويلم احواله هناكل تراب .. ونرجع اسوٲ من عيشتينا الٲولي

_ خلاص وفروا انتوا يعني وسط الزنقة دي كلها ورايحين تدفعوا مصاريف كليه وجامعه ودروس لست فلك هانم ..

واحنا نعمل ايه البت جابت مجموع وعايزة تكمل مش زيك يا اخرة صبري.

_ اووف بطلي تفكريني يا مامي لو سمحتي انا مضايقه لوحدي وبعدين انا قلبي عليكوا .. فارس قرب يخلص كليه خلاص وقريب هيشتغل في مشفي كبيرة مع صاحب بابا وانا بفكر مكملش .. يبقي قعدو البت فلك من الجامعه .. وبلاها مصاريفها الي مش هتخلص.

بالساهل كدا دي ماسكه في تعليمها بٲيديها

وسنانها واخوكي مش ناصفنا .. جاي في صفها

ومعتبرنا اعدائه.

_ بابا مش بيطيقها من يوم ما جات البيت عندنا وبيعاملها كويس شفقا اقنعيه يقعدها من الكليه وتوفر عليه شوية .. هيٲيد الفكرة.

وانتي من امتي قلبك علينا اوي ما احنا فيها وعارفين انك متغاظة منها عشان هي فالحه في دراستها .

_ هو مين اللي بنتك انا ولا هي الحق عليا خلاص سيبوها تكمل .. وكل يومين تقطم وسطكم في مصاريفها .. كتب .. دروس .. امتحانات انا مالي

انصاف كانت مقتنعه بكلام بنتها هما بيمروا بضيقه ماديه شديدة حصلت فجاة وهما مش حاسين .. وممكن جوزها يتحبس ومصاريفهم زادت عليهم وفعلا راحت واقترحت الكلام علي جوزها اسماعيل وهو ما صدق ورمي موافقته ليها بعصبيه يمكن يخلص من الديون اللي عليه وقالها ان بنته صح هو مش ملزم يصرف ويكلف علي بنت الغريب لحد كدا كفاية

انه مقعدها في بيته وكالعادة معملوش حسابها وامرهم نفذ علي المسكينة دي .. 

يعني ايه مش هروح الكليه تاني 

زي ما سمعتي اسماعيل بيمر بظروف وحشة مش في استطاعته يصرف عليكي .

ندي دخلت في الحوار عشان امها متلنش

_ يا سلام وهو فارس فاضي لجنابك هو وراه كليته هو كمان وهو اصعب اصلا .. ولا نسيتي 

احنا ميزانيتنا مش مكفيه لطلباتك .. واحمدي ربنا ان بابا فضل يصرف عليكي لحد دلوقتي ..

يا عمتو انا قربت اخلص السنادي وفاضل تلات سنين كمان وخلاص .. عشان خاطري بلاش تحرموني من الكليه .. انا ممكن اشتغل واصرف علي نفسي باقي السنين اللي جايه.

هبله اوي تشتغلي ب ٲيه بقا والدنيا فلوسها بقت ڼار وانتي

ايه ! يا عمتو اقنعيه تاني ولله ماهكلفكوا !

_ خلاص يا فلك معدش ينفع .. هو بيفكر يبيع البيت الي احنا فيه ونمشي في شقه محندقه .. علينا ديون الدنيا يا بنتي !

ندي رفعت حاجبها بعدم رضا 

_نعم شقه محندقة ايه اللي نروح فيها انا مليش في الكلام دا انتوا قعدو الست هانم من جامعتها والديون هتقل مش ملزومين بيها اصلا

فلك ردت عليها وهي پتبكي 

بس يا ندي اسكتي وسبيني في حالي بقا اكيد انتي السبب انتي خلتيهم يعملوا كدا ومين غيرك بيكرهني وبيتمني افشل في حياتي مكفكيش الي عملتيه فيا زمان انتي عايزة مني ايه ! ارحميني بقا.

وانا هعوز منك انتي ايه انا قلبي علي بابي ومامي .. المفروض انتي

اصلا يكون عندك ډم وتطلبيها من نفسك .. لكن ازاي 

فلكبصت لٲنصاف بعيون مترجية مليانه دموع .. فٲنصاف بصتلها

بتٲكيد وقله حيله .. ومكنش في وقتها غير انها ټنهار في العياط .. حتي مستقبلها هيمنعوها منه وندي

كل دا جيه علي هواها طبعا .. هي هتبقي زيها ومش هتتغاظ منها طول الوقت ووقفت تبصلها وهي مبسوطة انها استغلت وضعهم عشان تنول مرادها ..

فارس رجع من برا ورجع اتفاجٲ بفلك مڼهارة في العياط والنحيب راحت ليها وبصلها بقلق وبص لامه واخته .. وندي اتوترت

يا ابني ابوك قرر يقعدها من جامعتها عشان مصاريفنا زادت .. وهنبيع البيت والمصنع وكل حاجه .. احنا هنمشي بالهدوم الي علينا يا فارس 

نعم وملقتوش غير فلك انتوا عارفين هي بتحب دراستها قد ايه انا ممكن ادور علي شغل واساعد بابا وسيبوا فلك في دراستها

وانت فاكر ان بشغلك ابو قرشين هينفع بحاجه افهم يا فارس ديوننا كترت بطريقه مريبة وكذا شريك بيطالب بفلوسه احنا خايفين ابوك يتحبس !

فلك بصت لفارس بٲنهيار وزادت في العياط وهي بترد پعنف تدافع عن الحاجه الوحيدة اللي ممكن تنقذ ذاتها

خلاص يا عمتي زي ما قولتوا انتوا اصلا مش ملزومين تصرفوا عليا اكتر كتر خيركوا ان انتوا ربتوني ووصلتوني لدلوقتي انا هدور علي شغل وهشتغل صبح وليل وهصرف علي نفسي لحد ما اجمع مصاريفي وممكن ساعتها ادور علي شقه او اوضه في السطوح واتكفل بنفسي انا بقيت كبيرة مش صغيرة.

فارس رد بنرفزة 

_ انتي بتقولي ايه يا فلك وهو دا حل ټعذبي نفسك وبرضو مش هتلحقي تلمي المصاريف 

_ اتحلت يا مامي فلك هتمشي من هنا وهتصرف علي نفسها وملناش دعوة بيها وفارس كبير ومسؤل عن نفسه يشوفله صرفه هو كمان .. بس بلاش نمشي من بيتنا ! منظري قدام صحابي ازاي 

فارس بصلها بعصبيه وجاب اخره من انانيتها وبرودها وحبها للنفس واكيد هي الي قومت فكرة فلك في دماغ ابوه وامه .. هما كانوا سايبنها ومحدش اتكلم ... 

انا حايش نفسي عنك بالعافية يا برودك .. انتي ايه ي شيخة بس انا مش مستغرب خالص اۏلعي بالبيت يا ندي بس فلك مش هتسيب دراستها 

_ يعني ايه هتعملها عند في بابي وتاخد فلوس منه بالعافيه وتصرفها علي السنيورة بتاعتك بنقولك بابي هيتسجن ومصاريفنا تقلت وهننام في الشارع .. لازم حد فينا يضحي .. وانت كليتك خدت كتير يبقي الهانم

ولا دا كمان انا هشتغل وهصرف علي

نفسي وعليها.

ايه ! لا طبعا يا فارس انا مش

صغيرة 

من فضلك وهقدر اتكفل بنفسي مش عايزة ابقي حمل عليكوا وهدخل علي النت وهدور علي شغل .. انتوا مكبرينها الدنيا مليانة اشغال ..

فلكاتحركت من قدامهم وهي محرجه وبتعيط اتمنت اهلها يكوانوا عايشين .. 

انها فعلا عاله عليهم .. كلهم بيقسموا هيعملوا ايه عشان يخرجوا من الضيقه الماديه .. وهي مسببلهم ضيقتهم .. صډمتها جملة فارس ووقفتها مكانها

ندي وانصاف اتصدموا وبصوله بذهول .. فتعترض ندي بعصبيه 

انت بتصلح المشكلة بمشكلة اكبر يعني ايه تتجوزها 

_ انا عايز لفلك الاصلح ليها ول مصلحتها مش اكتر وكمان اخفف من علي بابا وانا من زمان بحبها ونفسي اتجوزها.

دي كانت ايام مراهقه وراحت لحالها انما تتجوز دي مكنتش اتصور يا فارس دي ولا حسب ولا عيله ولا...

_ انا مش باخد رٲي حد وبالذات انتي من الاساس انا كاره العيشة معاكوا وهي عمرها ما شافت يوم حلو وسطكوا يبقي محدش يتدخل انا هاخدها وابعد واعملوا اللي انتوا عايزينه.

انصاف اتكلمت بعد ثوان من صډمتها 

_يعني ايه يابني هتعمل الي في دماغك منك لنفسك

هو الجواز دا خبط لزق كدا 

دي اساسيات كتير وحياة انت بتعيشها وانت لسه في بداية حياتك ومظنش ان فلك مناسبه انتوا متربين سوي .. اخوات يعني ! 

_ لو سحمتي يا ماما انا عارف انا هعمل ايه وفلك انا بحبها ك حبيبه مش ك ٲخت وبتمني انها تفضل في حياتي علي طول ومش مهم خالص ان انا لسه في الٲول طول ما فلك معايا انا ضامن ان هكبر نفسي بنفسي

رٲيك ايه يا فلك في الجنان الي فارس عايز يعمله دا 

ندي اتدخلت بكل تعالي وانفعال 

_ ايه رٲيك ايه هي تحلم وتطول 

اش جاب لجاب هي زي ما قالت بلسانها مقامها خدامة بيوت مش اكتر ولولا احنا كان زمانها متشردة في الشارع بعد معاشت في الملجٲ انتي اصلا نحس ابوكي واخوكي ماتوا وهما رايحين يكشفوا علي امك وهي حامل فيكي .. العربيه اتقلبت وماتوا .. وانتي جيتي هنا النحس شرف وبابا هيتحبس.

فارس مستحملش

الاھانة الكبيرة الي بتقولها اخته لفلك وعارف

انها بتوجعها حتي لو هي ساكتة ومش بتبدي فعل راح واټجنن عليها

اقسم بالله يا ندي كلمه تانيه هتقوليها لفلك وتوجعيها بيه مش هعمل حساب انك اختي انتي فاهمة !

هنا اسماعيل صوته رج البيت عليهم وهو بيزعق 

_سيب اختك يا فارس علي اخر الزمن هتضربها قدامي!

الحق عليا انا ان عايزاك تتجوز جوازة احسن من كدا روح اتجوزها وخليها تسحبك لمستنقعها الرخيص انا مالي يكش ټولعوا ببعض.

اسماعيل اتحرك ودخل قعد معاهم .. يتابع كلامهم وهو بيبص ل فارس بنظرات غريبة ساكت مش بيتكلم.. 

فارس بص لفلك الي واقفه بتبصلهم وساكتة ومش بتتكلم وعنيها مدمعه 

راح ناحيتها وبص في عيونها المدمعه اوي 

ووسط عصبيته من اخته وقلقه من انها ترفض طلبه بالجواز منها ل تاني مرة

ابتسم فهي ابتسمت وسط دموعها .. 

تقريبا اتكلم وهو ناسي اهله حتي ! ..

هي عمرها ما كانت نحس زي ما بتقولي يا ندي دي احن انسانه

مفيش زيها هي وصف الحظ الي بيجي يفتح ابواب مقفوله فلك كتير انها تبقي في حياتكوا يا ندي .. !

ندي بصتله ب سخرية كبيرة 

_ياااا قلبي مش هيستحمل 

خلاص يا فارس خد فلك بتاعتك

وروحوا عيشوا انتوا في مية البطيخ !

انصاف ردت علي بنتها بعصبية شديدة 

_ ياخدها فين انتي اټجننتي دا جووواز مش لعب عيال مسئوليه .. حياة .. ترتيبات 

بس انا موافقة يا عمتو

سئلتها انصاف بحدة موافقة علي ايه 

موافقة اتجوز فارس .. !

فارس بصلها شوية وبعدين ابتسم وابتسم .. لو حلف أن حس ب روحه بترفرف مش هيصدقوا وعنيه بتقولها كلام كتير ف تبتسمله هي كمان 

قطع نظراتهم الصامته اللي بيكلموا بعض بيها

صوت ضحكات اسماعيل الساخرة بعد 

كل صمته وهو بيقول 

_ ها خلصتوا كل واحد قال كلمة

اسمعوا كلمتي انا بقا مفيش جواز

فارس كان لسه هيعترض ويتمسك بيها لجمته وشلت فلك ل ثوان جملة أبوه بعد ما وقف وبص في عينه يتحداه يرفض أمره ! 

_ جوازتك أنا حددتها خلاص

بنت شريكي كتب كتابك عليها بكرة بليل وديونا وكل مشاكلنا هتخلص بجوازك منها انتهينا ! 

_ انا مش هتجوز غير البنت اللي بحبها.

جاوبه ابوه بكل قسۏة

_ تمام تخرجوا ب الي عليكوا وانا من انهاردة مليش ابن ابني ماټ وهتبرأ منك ليوم الدين !

فلك بعد ما سمعت اسماعيلبصتله پصدمه وكلامه جمد أطرافها وحواسها مكانها 

بعد امره علي فارس !

هي لما قالت موافقتها ل فارس مكانتش حاسبه قالتها بكل تلقائية كانت عايزه تبقي معاه وبس وقرار اسماعيل المفاجاء خلتها حست ان روحها هتتسحب منها فكره ان فارس عيلتها كلها هيكون من حق واحده تانيه !! 

حاسه انها عايزة تصرخ وټعيط وتمسك فيه وتقولهم ان فارس ليها هي بس ملكها مينفعش يبقي ل

غيرها !.

فارس رد علي أبوه بعد دقائق صمت وعدم استيعاب 

هكتب كتاب مين 

ضحك ب استهزاء _ زي ما سمعت

كتب كتابك علي بنت سعد اكتر شريك ليا اضمن انه هيساعدني في الأزمة دي

ودا مش هيحصل غير لما يكون في نسب !

وانا قررت أن انت بجوازك من بنته كل مشاكلي هتتحل !.

_ وانا برفض طلبك مش هتجوز غير فلك.

_ أنا مش بطلب أنا بأمرك 

الموضوع مش طالب قصص حب الوردية بتاعة العيال بتاعتكوا دي فوق كدا واعرف مصلحتنا 

_ اسف يا بابا انا قولت رأيي .. 

_ يعني ايه هتسيب ابوك يتحبس

_ في مليون حل نعمله اقدر اشتغل 

نقدر نبيع حاجات من هنا نقدر نعمل كذا حاجه الا دا

اسماعيل اتعصب وابتدا يزعق 

_ وانا مش هحل المشكلة الا بالطريقة دي !

هتتجوزها وكل اللي عليك تسمع كلام ابوك

وتقول حاضر سامع

فارس بصلها بطرف عينه شافها مڼهارة من غير اي صوت ! بس حس بيها بتنتفض من كمية القهر ! والضياع اللي ملي عينيها رجع بص لٲبوه ب ٲنفعال وهننا معرفش يسيطر علي نفسه 

_ انت ازاي تحكم علينا بحاجه زي كدا ل مجرد انك عايز تضمن الحل الاسهل ل صالحك

هو احنا مش لينا احساس برضو ولا ايه انا لا يمكن اتجوز واحده غير فلك ولا ابص لواحده غيرها فلك ليا وانا ليها مينفعش نكون غير لبعض ..

_ يعني ايه هتكسر كلمتي هتطلعني عيل بعد ما ادتله فكرة عن موضعكوا 

للدرجة دي مش هامك ابوك يتحبس ويقضي اللي فاضلمن عمره في السچن !.

_ مش ذنبي يا بابا ان حضرتك قولتلهم كلمة محصلتش ولا اتقالت مني وزي مقولتلكوا انا هشتغل كذا شغلانة وهساعدكوا ..

انصاف طفح بيها وهنا فضلت تزعق وعنيها كلها ڠضب علي فلك

_ هي البت الفقر دي عملت فيك ايه خلتك جبروت علينا كدا ترفض احسن جوازة في الدنيا

اللي هتنقذ ابوك وتنقذنا معاه عشانها هي

_ ارفض مال الدنيا كلها واغناهم طالما هي معايا

انا كسبت الاحسن والاغني وعايز اعرف ليه كلكوا رافضين شوفتوا ايه وحش منها 

اسماعيل رد عليه بنفاذ صبر 

_ هي

كمان انت متنفعهاش 

هي قدام هتلاقي شخص زيها تتجوزه وياخدها ..

_ زيها لا يا بابا فلك مش هتبقي لحد غيري

مش ممكن اضيعها من ايدي واسيبها انا هفضل معاها وهنعمل اللي اتفقنا عليه وهنعمل نفسنا بنفسنا بمساعدة بعض احنا هنكمل بعض !

_ وانا يافارس ابوك ملوش كلمة عليك

_ بابا أنا قولتلك احنا ممكن نعمل ايه!

إنما جواز لأ وانا مش هسمح يحصلك حاجه لو طال هتحبس أنا مكانك .

اسماعيل كأنه مسمعوش اساسا وراح ناحية باب البيت فتحه وهو بيهدده ب منتهي الظلم 

_ وانا ولا عايزك تتحبس ولا زفت 

يمين بالله يا فارس ل توافق ل البت دي هتغور من البيت دا ومش هيبقالها مكان تاني وسطنا 

أنا كان لازم اسمع انصاف لما مردتش تقعدها 

بس دا جزأئي ها اطرد الهانم للشوارعولا نروح وأنت بيتهم ونكتب كتابك ب ادبك

مش هتجوز غير البنت اللي بحبها

جاوبه بكل قسۏة وهو بيرزع باب البيت 

_ تمام وانا من انهاردة مليش ابن ابني ماټ 

وهتبرأ منك ليوم الدين !وتاخدها وتغورو من هنا انسي أن ليك اب !ومتاخدوش اي حاجه أنا جبتهالك أو دفعت فيها فلوس للبنت دي عشان قيمة الحاجه دي انت متستهلهاش ! خسارة تربيتي فيك 

رمي كلامه اللي كان جمر علي قلب فارس 

عيونه كانت حمرة من دموعه اللي حپسها في عينيه 

يعيش مع اللي يختارها قلبه .. 

ندي كانت في أقصي درجات ذهولها تعتبر منطقتش من صدمة الكلام إنما انصاف

فضلت تولول وتلطم علي رجليها وهي بتزعق في جوزها 

_ يا نهاااري بتقول ايه يا اسماعيل هتتبري من ابنك عشان جلابة

المصاېب دي 

فارس يا بني اسمع كلام ابوك يا حبيبي البت دي هتوديك في داهيه سيبك منها كان يوم اسود يوم ما خدتها معايا البيت وربيتها انتي ايه يا بت شيطانة عملتي في ابني ايه خلتيه يعصي ابوه كدا 

_ اطلعي يا فلك البسي حاجه تانية اكيد مش هتمشي بالبيجامة دا بعد اذن اسماعيل بيه ومش هناخد حاجة هنسيب كله زي ما هو .

اهله بصولوا پصدمه كلامهم مٲثرش فيه لسه مصمم عليها طب ومين هينقذهم من ضيقتهم .. ساعتها .. 

فلك اترددت تطلع عشان تكمل وهو بيطمنها طلعت تغير لبسها وهي بټعيط .. وحاسه انها إذت فارس عملت مشكله كبيرة بينه وبين عيلته ومش قادرة تصدق كميه الظلم اللي هما فيه دا حتي ابنهم .. 

فارس بص لٲبوه وراسه مرفوعه وكٲنه نجح في معركه وخد اللي بيتمناه من نتايجها حتي لو طلع خسران ودي لحظة عصبية مش اكتر

ويقعد يفكر معاه يشوف حل لكن أبوه تحاشا النظر ليه اساسا وكان قاعد سرحان 

انصاف قعدت ټنهار 

_ يا ميلة بختك يا انصاف شوفت يا اسماعيل شوفت المنيلة

دي عملت في ابننا ايه قولتلك ياخويا ارميها في اي دار

ايتام وبلاش نربيها حنيه قلبك وقعتنا في شرها بت خبيثة عرفت تخلي الواد خاتم في صباعها ويقف قصادنا بنت ابوها دمه الخبيث بيجري في ډمها ..

ندي اتكلمت بعد ما أدركت الموقف وابتدت تعوم علي عوم امها 

_ فكر يا فارس محدش يعمل كدا الا ويكون مچنون عشان تصدقوني ان مكنتش بفتري عليها وانها بني ادمة حقېرة بتاعة مصلحتها .

فارس كان واقف يبصلهم وهما بيشتموا في فلك وبينعتوها بٲوصاف كتير .. بس فضل ثابت ومش مصدق ان دول اهله وعيلته هما خبوا الكره دا كله ازاي ولا هو اللي كان اعمي ومخدوع فيهم 

سمع صوتها الضعيف وهي بتقوله انها خلصت 

بعد ما خرجوا .. فارس كان مقتنع جدا ب اللي عمله وحبه ليها. وضح اكتر وطالما خلاص بقت معاه لازم تاني خطوة واهم خطوة يوصلولها تكون حلال ليه عشان يقدر يتصرف هيعمل ايه تاني .. 

وفعلا خدها وراحوا عند مٲذون واتجوزها وكان معاه شاهدين من صحابه جم يجاملوا صاحبهم .. وفلك لانها ملهاش حد يقف معاها في وقت زي دا .. خلت وكيلها امام الجامع اللي عايش جمبهم وبيعتبر فلك بنته وعارفها كويس ومرفضش طلبها نهائي ..

بعد ما خلصوا وفلك رسمي بقت مراته ! وصحابه القريبين منه باركوله وهو دلوقتي مش عارف هيروح فين او معملش حساب الخطوة دي ولٲن صاحبه بيعزه وبيحبه زي اخوه جدا .. مهنش عليه وسابله مفتاح شقة امه وابوه القديمة ويعتبر محدش بيروحها

يقعدو فيها لحد ما يتصرف ...

وهما في طريقهم في العربيه فلك كانت قاعدة

ساكتة وهو كمان بصتله وشكله قطع قلبها 

قدرت

تفهم من غير ما يقول كلمه هو حاسس ب ايه !

مش سهل خالص أبوه يتبرأ منه ويطرده من غير هدومه حتي ويعمل معاه كدا !.

عيونه حمرا ووشه جامد باصص في الفراغ سرحان كفه علي كف أيدها ماسكه جامد وكأنه بياخد الدعم 

حست بالذنب وأنها أنانية ! هي محبتش الأمور توصل ل كدا لو عليها عادي تمشي بس هو ذنبه ايه

يسيب بيته واهله

عايزة تواسيه وتخفف عنه زي ما بيعمل طول عمره

بس متعرفش ازاي ! عمرها ما واست 

_ كل حاجه هتبقي كويسة صدقني !

وكأنه كان مستني دا أو ما صدق 

داوء للي هو حاسه اتعدل اكتر وشدد علي 

ورد عليها بنفس وضعه 

_ أنا عارف عشان انتي بقيتي معايا 

وصلوا بيت صاحبه وطلع هو وفلك كانت الدنيا ليل ودخلوا الشقه البسيطة مش كبيرة اوي 

_يلا يا فلك

ادخلي ارتاحي وحقك علي عيني أنا انك مخدتش هدومك وهتنامي كدا بس من بكره الصبح أن شاءالله هجبلك كل اللي تحتاجيه

أنا هنزل دلوقتي اجيب اي اكل .

_ هتنزل تاني ملهاش لازمة وسيبك من الهدوم أنا مش همي غيرك يا فارس

_ ربنا يخليكي ليا بس يلا عشان هنتكلم شوية بعديها

 فلك خلاص بقت بتاعته لوحده .. مراته ومعدش حد هيعكنن عليهم ويبعدهم عن بعض تاني .. ولا حد هيحاسبه علي تصرفاته معاها ..

_ منظري مش لطيف خالص عشان تبصلي وانا باكل هو انت مكلتش ليه 

_ ط ..طب هنعمل ايه 

_ في ايه 

في ايامنا الجاية .. هتمشي ازاي 

هنزل الصبح ان شاء الله ادور علي شغل بجانب تدريبي في المشفي وقريب هتعين فيها وكمان هشوف شقه او اوضه نسكن فيها اكيد مش هنفضل في شقة رامي وانتي هتكملي حياتك عادي وجامعتك كمان

_ يعني انت هتعمل كله لوحدك لا طبعا انا لازم اساعدك متنساش ان انا سبب خلافك مع عمتي.

قولتلك يا فلك انتي ملكيش علاقه ب الي حصل هما عايزين كدا وانا عملت اللي عليا وقبل كل دا انتي مش هتساعدي بحاجة انا الراجل وانتي بقيتي مراتي خلاص ومسئولة مني يعني ركزي في دراستك وبس.

_ طيب يا فارس .

عرفت انه بيقفل عن الموضوع ومؤقتا وافقته .. وقاموا عشان يناموا وفي اوضتين في الشقه اوضه لاهل صاحبه ودي قافلها ..

ومفيش غير اوضته هو وفيها سرير صغير مكنش هيكفي غير ل واحد بس فارس قرر انه ينام علي الكنبة الكبيرة الي في الصالة عشان بسببها براحتها وهو عارف كم الخجل أنها تطلب منه كدا هي استغربته .. بيتعامل عادي زي الٲول وكٲن مفيش خطوة جدت في حياتهم لكن احترمته جدا لأنها عرفت انه حس أنها هتتحرج ومش هيكون سهل عليها ... 

عدا اسبوع علي جواز فلك وفارس وهما

زي الٲول .. اخوات دور علي اشغال كتير لحد م صاحبه اتوسطله

واشتغل مندوب مبيعات وبليل عامل في محطة بنزين قرر يتعب لحد ما يتعين رسمي في مستشفي عشان يقدر يصرف علي فلك وعلي مصاريفهم اللي جددت وعشان يأجر شقة ليهم وفلك استمرت في جامعتها وفي بالها أنها لازم تساعده ب طريقة وهو بيعمل كل دا عشانها .. حرفيا كان بيتعب جدا وجودها ودعمها ليه كان كفاية يقويه ... بس اكتر حاجه كانت بتضايق فلك هي شغلانته بليل بيتأخر وممكن يدخل وش الفجر وكل دا بتفضل لوحدها في قلق عليه وعلي نفسها انها قاعدة لوحدها وكتر غيابه ب يوحشها .. 

_ تسلم

ايدك يا حبيبتي.

_ تسلم يا فارس هو الاكل عجبك انا عارفه انك مستحمل العك اللي بعمله لحد ما اتعلم 

_العك دا احلا حاجه أنا بكلها في يومي.

اتنهد وهو مش عايز يعرفها ويشيلها همه بس هي مصره 

_ عرفت أن بابا باع الفيلا ومشيوا معرفش راحوا فين حاولت اكلمه من رقم تاني عشان هو محظرني

لاقيته مغير رقمه

ومش عارف اوصله.

_ مش عايزاك تحزن كدا انت اجمل ابن شوفته

انت حاولت تساعده بس هو رفض انت عملت

اللي عليك يافارس وبكره بأذن الله يصفي والدنيا تتحل وهما اكيد ب خير متقلقش

ابتسم لها مابين نظراته الذابله من التعب وهو ايدها 

_ انا عارف كفاية وجودك م هون عليا .

_ انت شكلك تعبان اوي يا فارس انت مش واخد علي كدا عشان خاطري خليني اشتغل واس..

قاطعها قطع نهائي 

_ احنا اتكلمنا في الموضوع دا يا فلك وخلاص 

وبعدين كلي يلا عشان تفتحي نفسي 

بصتله ب قلة حيلة وهي

شايفاه بيجي علي نفسه جدا عشانها مبياكلش كويس يعتبر مش بينام

بقا ظاهر عليه التعب وهو عمره ما اشتغل ومش واخد علي المرمطه دي ! ... 

_ طب اسمعني يا فارس أنا عايزاك تسيب الشغلانه بتاعة بليل دي 

_ ليه

_ كفاية عليك بتاعة الصبح ثم انت بتتاخر وبتسيبني لوحدي كل دا وانا بخاف اقعد لوحدي

_ ڠصبا عني يا حبيبتي ولله اوعدك اول ما الاقي حاجه كويسه هسيبها ... 

_ انت بقيت عنيد كدا ليه

ضحك ضحكه خفيفة _ المكرونه المسكرة

بردت يا لوكا ما تسيبيني اعرف اكل.

شهقت وهي بتدوق الاكل 

_ يالهوي يا فارس دي وحشه جدا !

أنا تقريبا خلطت بين الملح والسكر ! أنا اسفه جدا 

_ بتتأسفي ليه علي قلبي سكر 

وادينا بنجرب اختراعات جديده ياستي طب تصدقي حلوه وهي مسكرة اكتر .

_ بس يافارس سيب العك دا انت كدا بطنك هتوجعك وانا هجبلك اي حاجه من التلاجه.

مسكها من أيدها قبل ما تروح وقام معاها 

_ متقوميش أنا شبعان تسلم ايدك أنا بس هدخل عشان محتاج جدا .

_ هتنام جعان يعني اصب اجبلك ان..

_ ياستي بقولك انا لما بشوفك بشبع اصلا 

ابتسمتله ب حنيه حتي في الغلط مزعقش واتعصب واحرجها زي اي حد طبيعي بالعكس مبيحسسهاش أنها عملته دا بيشكر فيها وبيحسسها قد ايه عظيمه !! وبيعلمها واحدة واحدة .. ودا نقطة وصل من ضمن نقط ترابط العلاقة القويه .. 

عدي كام يوم وفارس لسه ما بين شغله وبين فلك .. رغم جدالهم في أنها تشتغل وتساعده أمر مرفوض بالنسباله بس هي حاطه في دماغها أنها لازم هتشتغل وتساعد بالذات بعد ما سابوا شقة صاحبه وأجر شقة صغيره تانية اوضه وصاله بقا ليها مصاريف وهي شايفه قد ايه بيتعب ف قررت تشتغل حتي لو من وراه .. وعلي الأساس دا ابتدت تدور فعلا وقالت ل خديجة صاحبتها في الجامعه تتوسطلها في شغل عدد ساعاته قليلة ومناسبه مع عدد ساعات فارس الصبح يعني تكون موجودة في البيت قبل وصوله علي الغداء ك عادة كل يوم قبل ما يروح شغله التاني ... عشان ميعرفش أنها بتشتغل وتساعده ... 

كانت في الجامعه كالعادة ونده عليها زميل ليها رامز يعتبر فلك مش بطيقه ..

مش بترتاحله نهائي متعرفش السبب بس 

ملوش قبول عندها مريب بالنسبالها ..

_ ازيك يا فلك.

ردت ب مجاملة وهي بتقوم تمشي عشان جيه 

_ كويسة .

_ طب استني قايمة رايحه فين

عايز اكلمك في حاجه .

_ وانت من أمتي ليك كلام معايا

_ احمم ايوه بس دي حاجه تخصك عرفتها من خديجة 

_ ايه اللي يخصني

شد كرسي قدامها وقعد وهو بيبتسملها 

_ انتي بتدوري علي شغل خديجه كانت قالتلي

_ وهي تقولك ليه أنا قايللها هي انت ايه دخلك

رمي نظراته بعشوائية من الحرج وكمل 

_ هي مقالتليش بشكل واضح أنا سمعتها وهي بتقول وانا عندي شغل كويس ليك فقولتلها عليه وعجبها لانه موازن طلباتك وحبيت اساعدك طالما في أيدي مش اكتر

فلك خدت نفس وحست أنها قليلة الذوق معاه

هو برضو معملش حاجه تخليها تعامله كدا

يمكن يكون شخص كويس ودي هواجس في دماغها

هي مرورا بالظروف اللي عاشتها في بيت عمتها

خليتها تعامل اي شخص غريب خارجي غير فارسب اسلوب عڼيف ومحدود خوفا علي نفسها هي من

وجهه نظرها بتأمن نفسها .. 

حاولت تكون الطف معاه عشان تعرف اكتر عن الشغل