رواية عشقت جحيم المغرور اياد وغزل الفصل الثالث عشر 13 بقلم هاجر حسين
رواية عشقت جحيم المغرور الفصل الثالث عشر 13 هى رواية من تأليف الكاتبة الصاعدة المميزة هاجر حسين رواية عشقت جحيم المغرور هي رواية رومانسية تقع احداثها بين شخصيتين اساسيتين وهما اياد وغزل
لا يسمح بتناقل الرواية الي مدونات اخري واذا تم ذلك سيتم حذف الرواية من نتائج محرك بحث جوجل DMCA Copyright
وتحرير طلب الي Google Search Console بالازالة
رواية عشقت جحيم المغرور اياد وغزل الفصل الثالث عشر 13
فتح اياد باب الغرفه لينصدم عندما وجدها ملقاة على الأرض مغلقة العينين وجهها شاحب شحوب الموتي ولازالت اثار الدماء موجوده على جسدها فاسرع اليها وحملها الي غرفته ووضعها على الفراش ومسك يدها ليري نبضها فرآه ضعيف للغايه
اياد:- سمر سمر
سمر:- نعم يا بيه لم تكمل حديثها حتي رات غزل وذهبت اليها بخضه ممزوجه بالدموع :- غزل غزل مالها
اياد:- اطلبي دكتوره بسرعه
سمر:- حاضر
لم يمر الي وقت قصير حتي اتت الطبيبة وفحصتها إلي ما انتهت
اياد:- هي كويسه صح
الطبيبة:- والله مقدرش اقولك اه ومقدرش اقولك لا
اياد بقلق:- يعني ايه
الطبيبة:- والله بص انت لحقتها على اخر لحظة من الموت القلب بينبض بس نبضات ضعيف جدا ده غير ان عندها هبوط في الدوره الدمويه ووشها باين عليه الجفاف من فتره قليله
اياد:- طيب والحل دلوقتى
الطبيبة:- انا ادتها ابره وشويه وهتفوق ولازم تمشي على الأدوية دي ده طبعا مع الغذاء الكويس جدا الفترة دي علشان جسمها يقدر يعوض
اياد تناول منها روشتة العلاج :- شكرا جدا لحضرتك
الطبيب:- على اي ده شغلي عن اذنك
اياد:- اتفضلي
ووصل الطبيبة الي الخارج وذهب لإحضار الدواء ثم عاد إلى غزل مره اخرى وكانت سمر تجلس بجانبها
اياد:- لسه مافاقتش
سمر:- لسه
اياد:- طيب حضري اكل ويكون صحي
سمر:- حاضر
وبعدما ذهبت اقترب هو وجلس بجانبها وظل يمسد على شعرها بحنان على غير العادة الي ما افاقت وظلت تنظر حولها باستغراب فنعم انها لم تري هذه الغرفة من قبل ولاكن عندما نظرت بجانبها ووجدت اياد يجلس جوارها ابتعدت عنه بفزع وظلت تبكي بهستريا
غزل بهستريا :- والله معملتش حاجه والله ده كداب انا معرفوش والله
اياد:- طيب اهدي طيب اهدي اهدي خلاص
غزل بهستريا :- لا انت هتضربني جامد وهتحبسني في الاوضه الضلمه وانا بخاف من الضلمه والنبي ببلاش الاوضه الظلمه والنبي دي فيها فيران كبيره وحشرات بلاش انا بخاف منهم هعملك اي حاجه بس مودينيش فيها تاني علشان خاطر ربنا والنبي
اياد شدها اليه فوقعت في احضانه
اياد:- خلاص اهدي انا مش هعملك حاجه تاني بس اهدي
حاولت غزل ان تبتعد عنه ولاكن كان هو اقوى منها فظلت تبكي داخل أحضانه وهو يربت على ظهرها بحنان الي ما هدئت قليلا
غزل:- هو ينفع ينفع اا أطلب حاجه
اياد:- طبعا قولي عايزه ايه
غزل:- هو ممكن ممكن
اياد:- ممكن ايه
غزل:- ممكن اشرب مايه
نظر لها اياد بحزن :- اكيد طبعا خليكي هنا ثواني هجيبلك مايه
غزل:- حاضر
ذهب اياد واحضر لها كوبا من الماء
اياد:- اتفضلي
اخذت غزل منه كوب الماء بسرعه وظلت ترتوي منه بعطش شديد لدرجة أنها كانت توقع بعض القطرات علي فمها وبعدما انهته كاملتا انزلت الكوب ثم مسحت فمها بزراعها ونظرت إلى اياد بخوف
اياد:- عايزه تاني
اومت له بنعم فأحضر لها كوبا اخر
وبعد وقت قصير احضرت سمر الطعام وذهبت لتطمئن على غزل
سمر:- غزل حبيبتي
واخذتها داخل أحضانها وابعدو مره اخرى
سمر:- عامله ايه دلوقت
غزل:- أحسن الحمدلله
سمر الحمدلله طيب خدي كلي
ثم وضعت صنيه الطعام امامها
غزل نظرت إلى اياد التي يتابع بصمت ثم نظرت اليها مره اخري
غزل:- مش مش عايزه
سمر:- بس انتي مكلتيش حاجه بقالك كتير
غزل:- صدقيني مليش نفس
سمر :- بس وكادت أن تكمل لولا قاطعها اياد
اياد:- روحي انتي ي سمر
نظرت له غزل بخوف ثم امسكت في زراع سمر وقالت بهمس سمعه هو :- خليكي متمشيش
اياد :- متخافيش مش هاكلك روحي ي سمر
ذهبت سمر وبقي اياد وغزل بمفردهم
اياد:- الاكل يخلص
غزل:- بس مش قادره
اياد:- قولت الاكل يخلص
غزل:- مش جعانه
اياد:- غززززل متعنديش معايا واللي اقوله يتسمع
غزل انزلت راسها إلي اسفل وقالت بدموع :- حاضر
اياد رفع راسها لتنظر له :- بتعيطي ليه دلوقتى هو انا عملتلك حاجه
غزل:- 🥺🥺🥺
اياد بهدوء :- طيب خلاص انا هدخل اخد شور وعايز اطلع ملقيش حاجه في الطبق علشان في مفاجأة حلوه اوي
غزل بفرحه:- بجد مفاجأة ايه
اياد:- لا ما انا لو قولت مش هتبقي مفاجأة
انتي خلصي اكلك كلو علشان تعرفيها
غزل :- حاضر هخلصو كله
اياد بابتسامة:- كده تبقي شطوره
وذهب إلى المرحاض وظلت غزل تاكل الاما انتهت وبعت نصف ساعة خرج اياد وكان يرتدي بنطالا فقط وعاري الصدر
غزل:- اهو خلصت الاكل كلو يلا بقي ايه المفاجأة
اياد وكان يجفف شعره :- شطوره
غزل نظرت ليه ثم ادارت وجهها مره اخرى بخجل
غزل:- كده عيب علفكرا البس هدومك
اياد:- انا حر دي اوضتي
غزل ومازات كما هي:- خلاص انا هروح اوضتي
اياد:- تعرفي لو اتحركتي مفيش مفاجات
غزل:- اوف بقي طيب ما كده عيب البس هدومك
اياد ويقترب منها اكتر :- ما في اوضتي
غزل:- يعني ايه في اوضتك اومال انا ايه يعني اقلع هدومي قدام الناس وقول انا في اوضتي
اياد:- والله براحتك لو عايزه تقلعي دلوقتى انا مش هقولك حاجه
غزل:- انت قليل الادب
اياد:- طيب مش عايزه تعرفي المفاجأة
غزل بفرحه وقد نسيت ما تتحدث عنه لتوها :- اه قول إيه هي
اياد:- مش عايزه تشوفي جدو سليم وعهد
غزل بفرحه:- بجد هتجيب جدو سليم
اياد:- لا احنا هنروحله
غزل قبلته على خده:- انا بحبك اووووي يلا بسرعه بقى عشان نروح عند جدو
اياد بصدمه :- أنتي عملتي ايه
غزل بخجل:- انا أسفه مكنتش اقصد بس علشان فرحت
اياد:- طيب ما تجربي تاني
غزل:- انت زباله وقليل الادب
اياد:- ليه هو مين فينا اللي بدا
غزل:- خلاص بقي
اياد:- طيب روحي بقي خدي دش والبسي بسرعه
غزل:- ثواني
وكادت أن تقف فوقعت مره اخري
اياد:- انتي لسه دايخه وتعابانه
غزل بالم :- لا بس رجلي متعوره
اياد:- من ايه
غزل ببكاء:- كان فيه كان فيه فار كبير في الاوضه وانا كنت خايفه منه اوي وكنت ببعد عنه في اخر الاوضه بس كان فيه حاجه في الحيطه عورتني في رجلي
اياد أخذها داخل أحضانه واخد يربت على ظهرها:- هشششش خلاص طيب بتعيطي ليه دلوقتى
غزل بشهقات :- انا مش عايزه اروح هناك تاني والنبي
اياد:- خلاص انا اسف والله مهوديكي هناك تاني
وفي نفس الوقت دخلت ملك ورات اياد وهو محطضن غزل
ملك:- ايه ده هو ايه اللي بيحصل هنا
غزل خرجت من حضن اياد بدموع ممزوجة بالخجل
غزل:- انا اسفه
اياد:- غزل متعتزريش لحد غيري مره تانيه تمام
غزل:- حاضر
اياد:- في حاجه ي ملك
ملك:- ايه البرود اللي انت فيه ده انت إزاي بتحضنها كده اصلا وازاي بتقولها متعتزرليش في ايه يا اياد
اياد ببرود:- متنسيش انها مراتي وزيها زيك بالظبط
ملك:- والله زيها زي انت بتشبهني بدي
اياد:- ملك متنسيش دي مين وبنت مين واللي يغلط في حد من عيلتي كانه بيغلط فيا انا
ملك:- اه تمام اوي اتفضل روحي اوضتك بقي ي واكملت بسخريه ي غزل هانم علشان عايزه انام
اياد ببرود:- لا غزل هتفضل هنا انهارده
ملك بغيظ:- يعني ايه
اياد:- يعني الاوض كتير روحي انتي اي اوضه انهارده مفرقتش يوم
ملك:- بقي هو كده تمام اشبعبها بقي علطول انا مش داخله الاوضه دي تاني واكملت مناديه سمر يا سمر
سمر:- نعم
ملك:- انقليلي هدومي اي اوضه تانيه
سمر:- حاضر
اياد:- استني ي سمر هي مش دي كانت هدوم غزل من الاول
ملك:- يعني ايه
اياد:- يعني تفضل مكانها وليها
ملك:- طيب وانا
اياد:- معاكي الكريد كارت اشتري الهدوم اللي انتي عايزاها
ملك ذهبت من امامه بعصبية نظر اياد الي غزل التي تتابع بصمت واستغراب
اياد:- في ايه
غزل:- ممكن تخليها تيجي تقعد هنا عادي علشان دي أصلا اوضتها وهي زعلت
اياد:- دي اوضتي انا وانا اللي مين يقعد ومين لا
غزل:- انا اسفه مش قصدي أتدخل
اياد:- طيب ايه مش عايزه تروحي عند جدو
غزل:- اه عايزه
حملها وذهب إلى المرحاض وضعها على الكرسي
اياد:- خدي دش والبسي ولو معرفتيش تخرجي انا بره نادي عليا ماشي ولا تحبي اساعدك
غزل:- اطلع برا
اياد بضحك:- خلاص يا ست متزقيش
وخرج واغلق الباب خلفه وجلس على السرير ممسكا بهاتفه وبعد مرور نصف ساعة خرجت غزل وكانت تلف فوطه على جسدها الصغير
غزل بتوتر:- ا ا اسفه نسيت اخد هدوم
اياد وهو مركز عليها :- ي ريت تنسي كل مرة
غزل:- نعم
اياد:- لا بقولك عادي ولا يهمك انا زي جوزك بردو
غزل اخذت ملابسها وذهبت مره اخري الي المرحاض وبعد مرور وقت قصير
غزل:- يلا انا خلصت
اياد بتقيم:- ايه ده انت هتخرجي كده
غزل:- اه مالو
اياد:- طيب وشعرك
غزل:- مالو شعري
اياد:- مش هتلميه
غزل :- لا انا مش بحب المه هسيبه مفرود
اياد :- اه لما تبقي تحبي بقي نبقي نروح
غزل:- يعني ايه
اياد:- يعني مافيش خروج غير لما تلمي شعرك
غزل:- أوف بقي انا
اياد بمقاطعة:- نسمع الكلام علشان منزعلش
غزل بتذمر:- حاضر
ذهب لتلم شعرها وهم تتمتم بصوت واطي
غزل ببرطمه:- مش عارفه هو مالو هو الم شعري ولا اسيبه مفرود حشري يخربيت الحشرية
اياد لنفسه:- وانا مالي انا تلم شعرها ولا لا اوف بقي يلا مش مشكله
غزل:- خلصت اهو يلا
اياد:- ماشي يلا
واخذها وذهبوا الي قصر البحيري
ــــــــــــــــــــــــــــــــــــــــ
عند ملك تتحدث في الهاتف
ملك :- أيوه يا رغد زي ما بقولك كده انا دخلت لقيته حاضنها و قعد يكلمني باسلوب
رغد :- ...........
ملك :- احب مين يا ستي هو اياد ده يطاق اصلا مانتي انتي عارفه ان انا متجوزاه علشان فلوسه
رغد :- .........
ملك :- حتي ولو مش بحبه بس بردو ميعملهاش حلو
رغد :-.........
ملك :- عملتلي ايه ازاي ده انتي متعرفيهاش دي بت عقربه
رغد :- ........
ملك :- بقولك ايه انتي فين
رغد :- ...........
ملك :- كويس اوي انا هنزل اقابلك في كافيه****
رغد :- ..........
ملك :- ماشي سلام ثواني وهكون عندك
وبعد مرور ساعة كانت تدخل الكافية
رغد :- ملك انا هنا
ملك :- شوفتك
رغد :- اقعدي
ملك جلست امامها
رغد:- احكيلي بقي فيه إيه
ملك بدات تحكي لها كل شيء
ولكن قاطعها صوت من خلفها
غيث:- لو سمحتي ي انسه
ملك:- نعم
غيث:- عربيتك حضرتك اللي راكنه دور تاني بره
رغد :- اه عربيتي ملها
غيث:- طيب الحقي دي متكسره ميت حته برا
رغد:- إيه وذهبت مسرعه الي الخارج
وجلس هو مكانها
غيث مد يده ليصافح ملك :- غيث الحسيني صاحب سلسلة شركات الحسيني للمعمار
ملك مدت يدها لتصافحه :- ملك البحيري
غيث :- انتي من عيله البحيري
ملك :- اه
غيث:- ثواني انا افتكرتك انتي مرات اياد التانيه صح
ملك :- اه
غيث كاد ان يذهب :- طيب اسف لو ازعجتك
ملك:- لا استني
غيث:- نعم
ملك:- عادي يعني ممكن نبقي صحاب
غيث:- اه طبعاً ده يشرفني جد بس ده مش هيدايق اياد
ملك :- لا طبعا هو مالو
غيث بابتسامة خبث:- إذا كان كده تمام
ملك:- عرفتي بيك بقي اكتر
غيث:- انا ي ستي غيث الحسيني 28 سنه الوريث الوحيد لعائلة الحسيني خريج كلية هندسة وعندي الشركه الام دي بتاعت العيله هنا في القاهره اما بقي في شركه في اسبانيا وفرع في تايلاند وفرع تاني في تركيا دول خاصين بيا انا امي وابويا متوفين وانا عايش وحدي في فيلا بتاعت العيلا بس ليا فيلا تانيه وفي عماره في الزمالك و
كومباوند كبير في مدينة نصر وعندي رصيد في البنك يعدي ال28 مليار دولار
ملك بإعجاب:- واو انتو اكيد تعبتو لحد ما وصلتو لكده
غيث :- اه جدا
وقاطعه صوت رنين هاتفه
غيث:- ايوه ي شهد
...............
غيث:- طيب متشوفو حل عبال ما ارجع
.................
غيث:- تمام خلاص انا شويه وهكون عندكم
انهي كلامه واغلق الهاتف
ملك:- دي مراتك
غيث:- لا أنا مش متجوز دي السكرتيرة في مشكله في الشركه ولازم اروح ضروري
ملك بحماس :- هو ينفع اجي معاك
غيث :- اكيد طبعا يلا
ـــــــــــــــــــــــــــــــــــــــــــــــ
عند غزل واياد
اياد:- جدي قولتلك انا اسف خلاص
سليم:- واسف بتاعتك دي هترجع الفضيحه اللي عملتها في الفرح
اياد:- ي جدي خلاص بقي قلبك ابيض انت عارف اني مقدرش علي زعلك
سليم:- لا ما انت أكدت لي كده عموما غزل اللي اتاذت وانا مش هسامحك الي مهي تسامحك
اياد نظر إلى غزل بحزن
غزل:- جدو خلاص انا مش زعلانه
سليم:- يعني مسمحاه
غزل:- اه
سليم:- خلاص ماشي
اياد:- يعني صافي يا لبن
سليم:- حليب يا قشطه
اياد:- ايوه كده أنام وانا مرتاح
واكمل لغزل هروح مشوار واجي اخدك ونروح
غزل:- ماشي
وذهب وبقي سليم وغزل
غزل:- جدو
سليم:- نعم يا قلب جدو
غزل:- انا زهقت من الموضوع ده انت لازم تقول للكل ان أنا معنديش تاخر عقلي
سليم:- غزل اهدي شويه على الموضوع ده
غزل:- الناس مش بتقول ان ده مرض وهتعالج منه لا ده الكل بيقولي مجنونه
سليم:- معلش استحملي شويه
غزل :- انا زهقت انا عايزة اقول للكل اني مش مجنونه ومعنديش تاخر عقلي ولا حاجه
اياد من خلفها :- مش مجنونه ومعندكيش تاخر عقلي
يتبع