ذهب اياد وخرج من الغرفه بعصبية وخلفه ملك التي تتمتم بضيق وحقد 

سمر:- يخربيتك يا غزل انت لسانك ده إيه 

غزل بفرحه:- مش مهم المهم اني استفزيته

سمر بضحك:- مجنونه والله 

ـــــــــــــــــــــــــــــــــــــــــــــــــ

عند ملك  في سيارة غيث 

غيث:- بقالي نص ساعة بحاول اعرف مالك مش راضيه تقولي 

ملك:- مفيش

غيث:- يعني انتي جايباني هنا علشان نفضل ضاربين بوز كده 

ملك:- انا أسفه زهقتك 

غيث بابتسامة:- ياست زهقيني انتي بس علطول 

ملك بابتسامة:- طيب اطلع بقي شوف هتودينا فين 

غيث:- طيب بردو مش هتقولي مالك 

ملك:- مفيييييش 

غيث بغناء:- اوقات كتيره بسرح لما ببصلك وبقول ياسلام لو فيكي زرار ادوسو افصلك لما اسالك مالك ما تقوليليش مفيش والزن والشكوى يتلغو من سستمك 

ملك بضحك وتشترك معه :- كالعاده طبعا قصدك اني بعذبك

غيث بضحك:- طبعا 

 ملك :- ولو شكيت في حاجه ابقي بكدبك نفسي اعمل هاك علي دماغك وادخل واعيش واعرف اللي أنا عايزاه من غير ما استجوبك 

 ‏غيث :- انا نفسي في حد اتحكم فيه اصحيه والناس نايمين اقولو يمين ميروحش شمال اقوله شمال مايروحش يمين 

 ‏ملك :- اديلو الاوردر ميفكرش وميرغيش ويجيبلي صداع وبكيفي اختار كل التفاصيل ويكون ليه بديل لو باظ او ضاع

 ‏ــــــــــــــــــــــــــــــــــــــــــ

 ‏عند اياد كان يتحدث في هاتفه 

 ‏اياد :- بقولك ايه انا زهقان تعلا نسافر يومين 

 ‏مازن :- اشطا هنروح فين 

 ‏اياد :- اي زفت 

 ‏مازن :- ايه رايك نروح الغردقه 

 ‏اياد :- ماشي انا هجهز الشنط ونروح بليل 

 ‏مازن :- ماشي بس هنقعد قد ايه علشان اكون عامل حسابي 

 ‏اياد :- يعني بتاع أسبوع 

 ‏مازن :- خلصانه هتيجي وحدك طبعا 

 ‏اياد :- اه ليه 

 ‏مازن :- علشان ملقكش جايب ملك معاك وانت عارف انها بت سمجه ولا تطاق 

 ‏اياد :- احترم نفسك بقي واقفل 

 ‏مازن :- ماشي يا عم سلام 

 ‏ــــــــــــــــــــــــــــــــــــــــــــــــــ

 ‏في المساء كانت غزل تجلس ممسكة بهاتفها بفرحه بعد ما اعطاه لها اياد ولكن فؤجئت عندما نظرت الي ذالك الذي يضع ثيابه في حقيبة السفر دون أن يعطي لها اي اهتمام 

 ‏غزل بتوتر :- انت بتعمل ايه 

 ‏اياد :- همشي 

 ‏غزل : ليه 

 ‏اياد :- علشان تبقي كويسه مانتي مش بتبقي كويسه طول ما انا موجود 

 ‏غزل بضيق لا تعلم سببه :- مكنتش اقصد كده انا بس

 ‏اياد بمقاطعة:- ولا تقصدي ما انتي قولتي اللي في قلبك 

 ‏غزل بدموع  :-  طيب خلاص انا اسفه 

 ‏اياد ببرود :- انتي مقولتيش حاجه غلط علشان تعتزري 

 ‏غزل :- طيب هتقعد قد ايه 

 ‏اياد باستغراب من اهتمامها :- أسبوع 

غزل:- هتروح فين 

اياد:- رايح الغردقه 

غزل بفرحه :- الله انا عايزة اجي معاك 

اياد:- اهو ده اللي انا كنت عامل حسابه 

غزل:- والنبي والنبي 

اياد:- ريحي نفسك علشان مش هاخد حد 

غزل:- والنبي بقي مره دي بس 

اياد:- قولت لا 

غزل بدموع :- انت كل شوية تخرج وانا زهقت من القعده هنا 

اياد بتفكير : طيب بصي انا هسافر انا ومازن اسبوع واول ما ارجع هنروح اي مكان انتي عايزاه 

غزل :- جوا بقي او برا مصر براحتي 

اياد بابتسامة:- ماشي يا ستي

غزل:- وعد 

اياد:- وعد يلا بقي سلام علشان متاخرش 

غزل :- ماشي بس متعوقش هو أسبوع واحد 

اياد:- ماشي هو اسبوع واحد باي بقي 

غزل :- باي 

خرج من الغرفه ووجد ملك تصعد على السلم 

اياد:- لا واضح انك ماخراتش خالص 

ملك وهي تنظر إلى الشنط :- انت رايح فين 

اياد:- مسافر 

ملك:- هتاخر 

اياد:- لا هو اسبوع 

ملك :- ماشي بقولك ايه انا هسافر مع صحابي السخنه 

اياد بضيق فهي لم تساله حتي الي اين سيذهب:- تمام 

ملك :- سلام انا هطلع انا انام 

اياد:- ماشي سلام 

ـــــــــــــــــــــــــــــــــــــــــــــــــــــــ

عند ليلي 

ليلي:- ايه عايش عايش دي يعني ايه 

مجهول:- زي ما بقولك كده يا هانم 

ليلي :- ازاي ده هو اللي عارف كل حاجه ده انا ممكن اروح في داهيه 

مجهول:- بس ي هانم إيه اللي يخليه يقعد الفترة دي كلها ميتكلمش 

ليلي :- مش عارفه انا مش مرتحاله ده طول عمره مش سهل 

مجهول:- ممكن يكون فاقد الذاكرة ومش فاكر حاجه 

ليلي :- مش هنعنمد على ممكن انت لازم تخلص عليه في اقرب وقت 

مجهول:- حاضر يا هانم 

ماجد من وراها :- هو مين ده اللي هتخلصي عليه