- انا بقالي يوم كامل محدش بيرد عليا و بعدين انتوا بتعملوا ايه هنا ؟؟ 

"الكل سكت وادهم قرب ناحيتي وكان عايز يقول حاجه "

" بصيت عليهم بتركيز ومكنتش شايفه تميم "

- أدهم هو تميم فين؟ 

مردش عليا فا عيوني دمعت وبصيت لبابا: بابا؟ فين تميم يا بابا!

" بابا بص لمحمد و ندي " 

- انا قولت لكم تجبوها !! ؟؟ 

ندي: حضرتك مكنتش بترد علينا وهي رافضه تروح الشقه او تتحرك من المطار هناك غير لما ترودوا وبعدين كلمنا زمايلنا هنا وعرفنا الى حصل فا مكنش قدامنا حل لأن حضرتك مكنتش بترد علينا وهي اختارت ترجع

قاطعتهم بزعيق: ايه هو الى انا معرفوش ؟؟؟ تميم جراله حاجه ؟؟ حصله حاجه ؟؟ 

مصطفي قرب ناحيتي: ممكن تهدي يا ليلي دي حد*ثه بسيطه و ان شاءالله هيقوم منها و هيبقي بـ 

" بطلت اسمعه بعد ما قال كلمه حد*ثه ! انا كنت حاسه بيه حسيت انوه مش بخير! محستش بأي حاجه بعد كده غير اني بعافر و بصر*حْ بقوة عشان ادخله ومش فاكره حتي مين كان بيمنعني لحد ما وقعت واغم عليا "

>>>>>>>>>>>>>>>>>>>>>>>>>>>>>>>>>>>

- تميم انا عايزه اروح اللعب على اللعبه التانيه

= انا برضو كنت حاسس انك مش مبسوطه على دي

- هههه عرفت منين بقا!

= عشان بحس بيكي مش احنا تؤام!

ضحكت بطفولة: اها صح ! هاهاها طب قولي بفكر في ايه دلوقتي 

- بتفكري ناكل ايس كريم! 

فتحت بوقها بتعجب: ها ! عرفت منين

- شوكولاتة؟

= اكييييد!

- طيب يلا بينا 

>>>>>>>>>>>>>>>>>>>>>>>>>>>>>>>>>

بقلمي سلسبيل_أحمد slsbell ahmed 

" فتحت عيوني ببطئ وادركت اني كنت بحلم بصيت حواليا ولما شوفتهم افتكرت الى حصل قومت بسرعه من مكاني لكني دوخت أدهم رجعني على المخده بهدوء " 

- براحه! انتي ضعفتي جدا جسمك مدخلوش اكل بقالك قد ايه! 

= انت بتقول ايه؟ انا عايزه اقوم اشوف تميم !!!! 

خرجني من هنا يا أدهم 

بدأت اعيط فا قرب ومسح دموعي: اهدي تميم كويس بس الزيارة ممنوعه

- ممنوعه ازاي لو كويس !! انتوا كلكوا كدبتو عليا ! ازاي تعملوا كده؟ كنتوا عاوزين افضل هبله ومعرفش حاجه وتؤامي هنا بالحالة دي ؟ ده اخويا !! عملت كده ليه ؟؟ 

" بابا دخل على نهاية جملتي "

- انا الى قولتله ميعرفكيش حاجه لحد ما نطمن عليه

بصتله وانا بعيط بأنهيار: انا مكنش مفروض اسيبه انا حاسه ان كل ده حصل بسببي 

أدهم حضني ومسح وشي: اهدي يا ليلي ده نصيبه وانتي اهو جمبه 

بصتله بعيوني الى مليانه دموع: عايزه اشوفه عشان خاطري! هشوفه واخرج علطول

" بص لبابا بقله حيلة وبعدها ماما دخل وكلهم اطمنوا عليا و بعدين خرجت انا وادهم قدام اوضة تميم لقيت يوسف واقف فا جريت وحضنته "

- وحشتيني اوي يا يوسف

حضني بقوة ودموعه نزلت وكان ساكت خرجت من حضنه وبصتله: هيبقي كويس! انا بحس بيه يا يوسف انا حسيت بيه لما مكنش كويس لكن دلوقتي انا حاسه انوه هيبقي كويس صدقني

" فضلنا احنا التلاته قدام اوضته و بابا خد ماما روحها لأنها متقدرش تقعد اكتر من كده بدون راحه عشان صحتها ومصطفي و ملك برضو روحوا وبعد ما الجو هدي أدهم قالي انوه هيدخلني من وراه الدكاتره اشوفه! " 

" وفعلا دخلت لقيت كذا جهاز حواليه و وشه متعور ! يمكن دي ابشع لحظه عشتها في حياتي انك تشوف اقرب حد ليك في حالة دي احساس صعب ! دموعي نزلت بهدوء وكأني مش حاسه بيهم ولا متحكمه فيهم حتي قربت عنده وقعدت حطيت ايدي على ايده وبصتله" 

- تميم.. انا جيتلك ومش هبعد عنك تاني مهما حصل سامعني؟ قوم بقا! على فكره يا تميم مش انت بس الى بتحس بيا! انا كمان حسيت بيك وجيت اهو عشان خاطري متسبنيش كده كتير و قوم رد عليا تميم لو قومت انا عمري ما هبعد عنك تاني !! 

" فضلت بصاله ومستنيا يفتح عيونه و يكلمني لكن محصلش دموعي نزلت و وطيت راسي بزعل وندم لحد ما حسيت بأيده بتتحرك رفعت راسي بلهفه وبصتله عينه كانت بترمش ببطء شديد فضلت باصه عليه بترقب لحد ما فتح عيونه !!! مكنتش مصدقه و عيطت بفرحه "

- تميم !!!! 

اتكلم بتعب شديد: ليلي! انتي هنا ولا انا بحلم!

ضحكت ودموعي نازلة: انا هنا معاك.. والله انا هنا جمبك

خرجت بسرعه انادي ادهم ويوسف بهدوء: تميم فاق! 

" دخلوا بسرعه و مكناش مصدقين انوه فايق كان تعبان جدا فا اضطرينا نكشف نفسنا وننادي الدكتور نعرفه انوه فاق خرجونا بره و فضلوا معاه شوية وقت وبعدين الدكتور خرج بعد حوالي عشر دقايق " 

أدهم: هو كويس ؟؟ 

الدكتور: هو بخير بس غلط يتكلم دلوقتي ومنعرفش ازاي صحي عموما ادناله حقــ.نه وعلى بكره الصبح هيقوم و تقدورا تدخلوا 

بصتله  بأبتسامه وانا مش مصدقه: حضرتك بتتكلم جد! 

هز راسه: ايوه بس أرجوكم محدش يدخله دلوقتي

أدهم ابتسم: اكيد ! 

حضنا بعض بفرحه ومكناش مصدقين يوسف مسح دموعه وادهم صْربه بخفه: خلاص يالا !! تميم فاق! 

يوسف بصلي وابتسم: و ليلي رجعت

" حضنتهم بقوة "

- انا بحبكوا اوي وعمري ما هبعد تاني 

>>>>>>>>>>>>>>>>>>>>>>>>>>>>>>>>>>>

صلي على محمد 

" بعد ساعات و بعد ما كلمنا بابا الصبح عشان نعرفهم الاخبار الحلوة كنا جوه اوضته الساعه 9 الصبح ف اول معاد للزيارة و مستنينه يفوق عشان نجري عليه كلنا ونحضنه وفعلا حصل كده وبعدها كلهم دخلوا واحده واحده عشان الزحمه كانت غلط عمي جلال و مصطفي وبعدها ياسين صاحبه و اتنين من صحابه تانين و بعدها احمد و ملك و فالأخر فضلنا انا و يوسف و أدهم. "

جريت عليه حضنته للمره الألف لقيته بصلي بدهشه: تعرفي اني مكنتش مصدق انك هنا انا افتكرت ان ده حلم انا مش مصدق لحد دلوقتي

بصتله وانا عيوني مدمعه: انا قولتلك انا جمبك في اي وقت يا تميم !

- ازاي عرفتي؟!

= عشان مش انت بس الى بتحس بيا

يوسف: يا عيني يا عيني 

بصتله ورجعت ابص لتميم: والى بيتريق عليا ده مبطلش عياط شايف عينه منفوخه ازاي

تميم ضحك بتعب فا يوسف قرب بسرعه وسنده: انت كويس

- زي الفل

أدهم: طب يلا كفاية عليه كده! غلط كل الكلام ده

- لا متمشوش خليكوا

أدهم: طب انا هخرج اشوف ملك فين و ارجع 

>>>>>>>>>>>>>>>>>>>>>>>>>>>>>>>>>>

" أدهم لاقاها بره فا خدها ونزلوا بره المستشفي و دخلوا الجنينه الى كانت قدامها " 

- يا ادهم! ما تفهمني نازلين نعمل ايه و سايبين تميم

= دي بقت بتحبه اكتر مني !

- ممكن نطلع طيب ؟ 

= انا اطمنت عليه يا ملك دلوقتي جه دورنا انا وانتي

- انا مش فاهمه منك حاجه

= ملك انا بحبك

- على فكره ده مش وقته

= علفكره انا بحبك

- أدهم؟! 

= بحبك!

ضحكت غصب عنها وبصتله: مش هينفع طريقتك دي بطلها بقا بجد 

- طيب.. نغير الطريقه انا مش قادر اعيش من غيرك و حاسس ان في حاجه صغيرة كدا ناقصه في حياتي حاجه كده يعني مزعجه حبتين بس بحبها و بتصحيني فنص اليل تقولي خايفه و في بعبع تحت السرير بس برضو على قلبي زي العسل.. و اه كمان هي لمضه شويتين و قماصه بشكل! تصوري ؟ عاوزة تبعد عني! طب بذمتك يرضيكي؟ 

" ملك كانت متفاجئة تماما من طريقه و كلامه و ازاي اتغير 180 درجه بصتله وهي عيونها مدمعه و وشها احمر من الخجل " 

- هو انت بتتكلم بجد!

= اكتر مره اتكلم جد فيها و اطلع الى جوايا.. انا يمكن فعلا الشغا طبع عليا وبقيت رسمي جدا زيه بس انتي قدرتي تغيري ده وانا غيرته عشانك لأني مستحيل اقبل بموضوع الطلاق ده ولا انك تبعدي عني انا فعلا حبيتك لكن مكنتش قادر اعبر مش اكتر لكن والله من اول يوم وانا بحبك

ملك قربت وبصتله بكل حب: وانا كمان! 

- انتي ايه! 

جريت على حضنه: بحبك 

أدهم حضنها حضن سريع وبعدين بعد عنها: الشارع وكده بقا وانا ماسك نفسي بالعافيه.

ضحكت جامد: ماشي بس بحبك على فكره

- بموت فيكي والله..! 

= احم طيب انا هطلع اشوف تميم بقي 

- شوف البت برضو..

>>>>>>>>>>>>>>>>>>>>>>>>>>>>>>>>>>

سبحان الله و بحمده سبحان الله العظيم 

|| في غرفه تميم ||

- ملوكه.. اتفضلي

تميم: نسيت اقولك بقا يا ليلي ملك دي ادتها دموع بعد سفرك مقولكيش

ملك: شوف شوف مين بيتكلم؟ الى قفل على نفسه يوم كامل؟ 

يوسف: وبعد كده راح سبق عر_ ه من ورانا قال يعني الواد مضايق 

أدهم: ده انت تقوم بس وبابا هيعجنك

تميم: انا كنت زي الفل و كنت هكسب لولا الى كسـ.ر عليا ده ! منه لله بقا

يوسف: صح يا أدهم انتوا عملتوا معاه ايه؟ 

ادهم: من حظ امه ان السباق ده كان رسمي وفي كاميرات والناس كلها شافت عمل ايه

بصتله بتركيز: لحظه واحده هو السبب فالي حصل لتميم !! 

تميم: ايوه كنت هكسبه فضل يحْبط فيا و خلاه العربية تتقلب لأني كنت هحْبط في حد بسببه لكن فرملت بسرعه 

أدهم: متقلقش مشدود دلوقتي فالقسم محبو*س بيتحقق معاه و هيتحكم عليه قريب ان شاءالله 

قولت بأرتياح: لو مكنتش قولت الجمله دي حالا كنت هولع من الغليان و الغيظ ال**** ده ازاي يعمل كده !!! الغل عماه !!! 

" قاطعنا دخول خبط على الباب يوسف قام يفتح لقيناه زين الى اول ما شوفته عيوني تلقائي عملت قلب..! "

" كان معاه ورد و داخل و في واحده في ايده وغالبا دي مامته! " 

زين: احم.. الف سلامه عليك.. دي ماما من كتر كلامي عنكم اصرت تيجي تزورك.!

" تميم سلم عليها وهي كانت لطيفه جدا سلمنا عليها كلنا وانا حرفيا كنت عايزه اقوم احضنها من لطافتها طبيعيي تكون كده ماهي جايبه زين! "

" يوسف خد زين وخرجوا بره "

- انا مش عارف اقولك ايه على وقفتك جمبنا بس متزعلش مني عشان اخر مره 

= مش زعلان على فكره ده حقك

- لا مانا عارف انوه حقي وانت غلطان 

زين ضحك: هدي نفسك بس 

يوسف ابتسم: هي بتهب مني فا خلينا ننسي الموضوع دلوقتي انت بجد راجل و وقفتك جمبنا في رقبتي 

- لو تردهالي و تجوزني اختك.

يوسف قلب وشه: فا بص بقا مش عاوزك تفكر انك تخدها خالص دي لسه راجعه! 

زين ضحك: خلاص تمام المهم اننا كويسين

يوسف هز راسه: كويسين ياعم.

" وبعد ما سلمت علي زين برسميه عشان العصابه قدامي طبعا و مشي هو وطنط هدي الى كانت هتاكلني فضلنا كلنا جمب تميم و بنروحله كل ثانيه و حتي زين كمان لحد ما فاتت الأيام و خرج الكتكوت و رجع معانا على الفيلا طبعا كان في حاجات كتير متعطله بسبب الى حصل ومنهم موضوع سفري و رجوعي قولت قراري لبابا وهو اني هكمل الترم التاني هنا و لما اجي داخله سنه تانيه اشوف هعمل ايه وحدث بالفعل. وكملت السنه الاولي في مصر وكنا كلنا بنساعد تميم يذاكر الترم التاني عشان يقدر يعدي حاولنا بكل جهدنا لأن الموضوع كان صعب بسبب الكسو*ر الى كانت عنده فا حركته كانت صعبه بس الى كان بيعدي ياخدنا كان زين! وبيساعد تميم دايما لاننا في نفس الكلية! ؛ قرب جدا مننا كلنا الفترة دي هو و طنط هدي لكن الى كان مدهش فعلا قرب يوسف من نور! وانا كده كده كنت سامحتها و رجعنا كويسين حتي قبل ما اعرف علاقتها بـ يوسف لكن حبي لها زاد لما عرفت هو بيحبها قد ايه و انها ساعدته لما وقع بعد ما مشيت.. وبعد كل ده متوقع النهايه بتاعتهم.. يوسف مترددش انهم يتجوزوا كان تاني اجمد يوم بعد فرح أدهم لكن المختلف ان انا وتميم مكناش زعلانين اوي لسبب كده.. مهم اوي ! " 

>>>>>>>>>>>>>>>>>>>>>>>>>>>>>>>>>>

|| في فيلا السيوفي ||

- ها يا بابا قولت ايه على عرضنا ده؟ 

= موافق طبعا هو انا اقدر اقول حاجه! طالما هتسافري و اكيد هبقي مطمن لما تميم يسافر معاكي

زين بأعتراض: لا لحظه بس ياعمي حضرتك انا مصدقت اتخرج وخلاص مش ورايا غير ليلي انا عايز اتجوزها  ده انا بقالي سنه مستني! 

فريده ضحكت: يا حول الله يارب احنا مش وافقنا و خطبتها ده انتوا مكملتوش شهر مخطوبين يابني

هدي: ما تصبر يا واد وبعدين انت مزعلها ليه 

زين: يا امي ونبي خدي صفي شوية انا الى زعلان دي هتسافر سنتين !

- احم.. زين هما تلاته انا كليتي اربع سنين فات سنه وهكمل التلاته بره انا وتميم هنكمل دراسه بره

= كمان تلاته !! لا انا مليش دعوة بتميم ما تشوف اختك يا ادهم

أدهم: يوه ماهي خطبتك يا حبيبي انا مالي

- شوفها انت يا يوسف

- والله انا اصلا مش موافق زي زيك مش عاوزين بعد تاني! 

عبدالرحمن: طيب انا عندي حل 

يوسف: بالظبط صاحب اليله وصاحب الفكره يحلها اتفضل يا بوص 

عبدالرحمن: هتدرسي بره سنه بس و تركزي فيها و تجيبي التقدير الى انا عايزه سامعه؟  وبعدين ترجعي تكملي هنا انتي وتميم سوا برضو.

زين: طب لازمتها ايه؟ 

- لازمتها اني لازم ابقي سترونج وومن 

= يا عمي الى بتكلم دي بتعيط لما تلاقي السوبر ماركت معندوش ميكس شوكلاتة 

" ضحكوا كلهم على طريقه زين "

عبدالرحمن: ده اخر كلام عندي هي لازم تسافر و تستحمل شوية وتجمد

فريده: فعلا معاه حق

هدي: ايوه مينفعش كل ما حد يكلمك يضحك عليكي لازم تسافري كده و تتعاملي مع ناس و تبقي جامده و مسؤلة 

زين: طيب يا جماعه تقريبا دي مش امي و لقتني على باب جامع..

>>>>>>>>>>>>>>>>>>>>>>>>>>>>>>>>>>

" استغفرالله " استغفروا ."

" استقرينا على خطه بابا و خلاص بقيت فالمطار للمره التانيه في حياتي و بودعهم كلهم واخيرا انا و زين لوحدنا.! " 

- خلي بالك هتأخر على الطيارة 

= خلي بالك انا لو متجوزك مش هخرجك من باب الشقة. 

- دي هي سنه! وبعدين تكون رتبت شغلك فالمصنع يا زين وانا ابقي غيرت من نفسي زي ما كنت عايزه مش انت كنت بتشجعني! 

= انا شجعتك و بعدها روحت اعيط في حضن هدي ونبي اسكتي

" فضلت اضحك جامد لدرجه ان عيوني دمعت وهو بصلي وفضل مركز معايا "

- بحبك اوي والله 

= احمم احمم يوسف وراك.

زين ابتسم: حبيب قلبي اخو خطيبتي ازيك

يوسف: مش يلا عشان الطيارة ؟؟ 

- احمم اها يلا

>>>>>>>>>>>>>>>>>>>>>>>>>>>>>>>>>>

" يومها مشيت وانا مطمنه ومرتاحه غير المره الأولي تمامًا عشان تميم جمبي.. وعشان زين بقي خلاص معايا! بدأت السنه وكانت صعبه اوي عليا تميم كان بعيد عني وكنت اغلب الوقت لوحدي كل واحد فينا كان مشغول في دراسته اكتشفت حاجات كتير و اتعلمت حاجات كتير لقتني فعلا ببقي اقوي بقع ايوا بس بقوم تاني.. نزلنا انا وهو في اجازة الصيف و بعد كده رجعنا بقوة عشان نخلص على السنه دي.. و بالفعل حصل تميم جاب درجات كويسة جدا! وانا كمان واحنا الاتنين كنا عاملين كذا بحث وحاجات فادتنا اوي لما رجعنا.. عشان نكمل بقا في مصر ؛ انا خلصت السنتين و ده طبعا بعد ما اتجوزت زين الى اول ما رجعت فضل يزن على بابا لحد ما تقريبا زهق منه و وافق كان صعبان عليا حبيبي و أدهم و يوسف و تميم بيحذروا كل دقيقة لو زعلني هيحصله ايه! لكن هو كان اللطف حاجه حصلت لي في حياتي.. " 

>>>>>>>>>>>>>>>>>>>>>>>>>>>>>>>>>>

|| في فيلا زين الجمال ||

- يعني ابقي مستني تخلصي السنتين دول بفارغ الصبر تقوليلي هنزل الشغل مع اخواتي

= مش دايما انا يا دوبك هعرف حاجات بسيطه و اتعلم شوية في الشغل يعني يبقي بابا عنده كذا شركه معرفش فيهم اي حاجه؟

"حضني كأني هجري منه حرفيا"

- لاء انتي بتاعتي لوحدي

ضحكت وانا مايله عليه: يا زين انا هنزل وقت لما انت تنزلللل متبقاش لازوقه كده 

- انا لازوقه و ملزق وبحبك ومش هسيبك تعالي اشتغلي معايا انا 

= بذمتك العصابة هتسبني؟ 

- انتي مراتي دلوقتي 

= طيب اوكيه قولهم الكلام ده في عزومه بليل 

- اها هقول مقلش ليه ! 

>>>>>>>>>>>>>>>>>>>>>>>>>>>>>>>>>>

|| في فيلا السيوفي ||

أدهم: تاخد مين يابا يشتغل معاك ؟ 

يوسف: ريح يا حبيبي ليلي هتشتغل معانا احنا

أدهم: بالظبط كده انا شوية و يوسف شوية

زين بص لتميم: مش هتقول حاجه؟ 

- لا انا لسه محشور في كلية طب سبوني في حالي

زين: طب مراتي بقا وانا حر فيها 

ملك: وهي ملهاش رأي يعني ولا ايه! 

نور: ايوه صحبتي تختار براحتها 

يوسف و أدهم بصولي ومستنين ردي وكذلك زين..

اتنهدت بتعب اعصاب: ياربي انا كنت فاكره اني هخلص منهم يطلع واحد كمان عليهم عشان الخناقات تبقي مضاعفه! 

زين: شوفتو زهقتوا مراتي ازاي؟ 

يوسف: يابني دي اختنا انت الى جديد واكيد زهقانه منك

نور: ايه ! انت قصدك انكم زهقانين مني؟ 

ملك بصت لأدهم: شايف اخوك! يعني زهقانين مني انا كمان؟ 

أدهم ضحك: عجبك كده؟ اهم قلبوا الترابيزه علينا

ضحكت و بصتلهم بفخر: العصابة بتاعتي.

ماما جت هي و طنط هدي: عملنا لكم بطاطا عشان السقعه ياريت تبطلوا خناق صدعتونا 

" الباب خبط و دخل مصطفي و مراته.. أها اتجوز بنت مزه معانا في الشركه اسمها مريم "

أدهم: تعالي يا ابني احضرنا 

نور: الرابعه بتاعتنا جت. 

ضحكت: بس هما لسه خمسه واحنا اربعه

ملك: تميم ميتحسبش

تميم: انا سامع خلي بالكم

نور: على فكره ياريت تتجوز بقا عشان نبقي متساوين. 

تميم ضحك: مانا متجوز كلية الطب

يوسف بتلقيح: ايوه كلية الطب الى اول حرف من اسمها ايه ؟ 

نور بغباء: ط ؟ 

يوسف غمز: لاء سـين 

تميم بصله بنرفزه: بقولك ايه! انا قولتلك انا و سلمي احنا مجرد صحاب بطل بقا 

"كلنا ضحكنا جامد على الجملة الى مش بتقدم ابدا..!"

أدهم: شكلنا هنحضر فرح قريب 

ملك: احممم هو الى هنحضره قريب هو حدث مهم تاني صراحه..

بصينا ليها بستغراب: ايه ؟

- انا اخيرا.. هجيب لكم أدهم الصغير.

أدهم بصلها بعدم تصديق: انتي بتهزري صح؟ 

" هزت راسها بنفي وطلعت التحليل و السونار "

ردت بدموع: تؤ العلاج جاب فايده! واخيرا بقيت حامل

" شالها بحب حضنها ولف بيها وكلنا باركنا لهم العيلة بتاعتنا كبرت جدا! ومبقتش انا و اخواتي بس! حياتنا بجد اتملت تفاصيل حلوة حتي لو حزينه اتعلمت كتير ! كلنا اتعلمنا كتير! أدهم اتعلم ميشلش كل حاجه لوحده ويوسف بقي سنده. ويوسف اتعلم يتحكم في اعصابه و اتعلم ميسبش افكاره تتحكم فيه وكمان اتعلم يسامح عشان رصيد الأب والام كبير اوي ومش كل الناس لسه في حياتها اب و ام زي ملك.. و نور الى قربوا مننا و حاولنا نعوضهم الفقدان ده كل واحد نصه التاني كمل..

وكلنا اتعلمنا حاجات كتير اوي و خططنا نعلمها لأولادنا و اتمني انتوا كمان تكونوا مبسوطين و مستفيدين من قصتي.. انا واخواتي.♡ " 

>>>>>>>>>>>>>>>>>>>>>>>>>>>>>>>>>>>

تمت الحمد لل