ندي سمعت كلامه ولطمت علي وشها وهي بتعيط وتصوت وتدعي عليه 

ندي :منك لله ..منك لله ربنا يوريني فيك يوم..حسبي الله ونعم الوكيل فيك ...مش هستغرب اللي اتعمل في اختك ...طالما أخوها طلع بيستحل شرف غيره 

بصلها بغضب وشاف كميه الألم اللي علي وشها وشاف فيها أخته اللي في آخر فتره ليها كانت علطول حابسه نفسها لحد ما ضعفت ونحفت من التعب بس سأل نفسه  هل فعلا أخته كانت بتدعي علي الحيوان  أيهم بالحرقه اللي ندي بتدعي عليه كده وبتتذللة   بالطريقه المهينه دي ..هل هي  فعلا كانت بتتوسله علشان يتجوزها ويستر عليها ويصلح غلطته معاها ...إستني علشان يشوف رد فعلها اللي أدهشه  فعلا لما لاقاها قامت  من غير صوت ولفت الملايه علي جسمها وإتحركت تخرج بره ولكنه صرخ فيها بصوت عالي وهو يمنعها من الخروج 

حسن :رايحه فين 

بصته ندي بضعف وهي بتبعد إيده بإشمئزاز

ندي :إبعد عني ...أوعي تلمسني تاني ..أنت مش إنتقمت مني وأخذت اللي إنت عاوزة ...سيبني أغور وأمشي من هنا 

لف حسن قبضه إيده علي رقبتها وضغط علي عروق التنفس كانت ندي بتتخنق ولكنها فضلت الصمت والموت مخنوقه علي إيده ولا إنها تستنجد بيه وتترجاه انه يسيبها ...مما زاد من دهشته أكتر وجعله في حيره من امرة فخفف إيده علي رقبتها وتكلم في وشها مابين سنانه 

حسن : إياكي تعلي صوتك تاني والا موتك هيكون علي إيدي وهتفنن فيه 

شال إيده من علي رقبتها  ودفعها ناحيه السرير وقالها بأمر

حسن :لو رجليكي خطت بره الاوضه قبل ما آجي هكسرهالك فاهمه 

زي المرة اللي فاتت بردة ما ردتش عليه فقرب منها يهددها ولكنها المرة دي كانت أقوي من المرة اللي فاتت ...المرة دي ماعندهاش اللي تخسرو وتخاف عليه من وجهه نظرها 

حسن :مش قلت لما اكلمك تردي عليا 

بصلته بقوة لدرجه عيونها إخترقت قرنيته من قوتها 

ندي :لو مفكر إنك هتهددني بالطرق بتاعتك الرخيصه دي وهسكتلك تبقي غلطان لأني زي مانت عارف مابقاش عندي اللي أخسرو واللي أخاف عليه .. قام وقف ومالقاش  كلمات تواجه قوتها ..هي دلوقتي  عامله زي اللبؤه  الجريحه تفضل الموت والخلاص  ولا إنها تعيش مهزومه ومذلوله لحد...واللي هيحاول يقف بوشها وهي كدة هتنهشه ومش هتسمي عليه .

خرج حسن ورجع  بعد وقت مش  كبير   وكأن بإيده  شنطه بيها هدوم نظيفه رماها بوشها علشان تبص له بغيظ 

حسن :البسي الهدوم وإطلعي للسواق بره هيوصلك 

مسكت الملابس بضعف وهو كان بيبصلها مستنيها أنها تتحرك وتلبسها ولكنها ماتحركتش من مكانها بصتله بحرج ثم دورت وشها الناحيه التانيه

ندي :إطلع بره ...بص لها بغيظ 

حسن : مش مستني إنك تقولي ..كنت طالع علي فكرة ..مش هتفرج علي السفيره عزيزه أنا 

حمحم بحرج وطلع بره وعقله مشغول بندي واللي عمله معاها هل هو صح ولا غلط

خرجت ندي بعد ما غيرت هدومها المقطعه فبصلها وبدأ يقيمها من فوق لتحت ولكنها بصتله بإشمئزاز وما إهتمتش

فتجاهل بصتها ليه وطلع تليفون جديد من جيبه وعطهولها ووقف وبقا بيدور حوليها علشان يخوفها منه 

حسن :ده تليفون جديد وفيه خط جديد ..لو في مرة رنيت عليكي وماردتيش هتلاقيني أدامك وساعتها ماحدش هيرحمك من إيدي .

خدت منه التليفون   وهي بتحاول أن تخمد  النار الشاعله جواها علشان ماتحرقهاش ويعاقبها او يرفض إنها تخرج من المخزن القذر اللي هي فيه وشهد أسوأ كوابيسها فهي أقصي ما تتمناه دلوقتي  أنها تخرج من هنا وتنهي اليوم وتعود لبيتها وحضن مامتها اللي زمانها قلقانه عليها دلوقتي  تطمنها وتطمن بيها وترمي نفسها في حضنها تشتكيلها من اللي عملته فيها الدنيا .

ركبت العربيه مع الراجل اللي خطفها وكل شويه أعد يبصلها بحزن علي حالتها وأعد يتكلم مع نفسه وهو شايفها مكسورة كده

سامحيني يا بنتي ما كنتش أعرف انك غلبانه زينا كدة والله  

أول ما شافت شط البحر أدامها بصتله وقررت تنزل تقعد علي البحر شويه 

ندي :لو سمحت استني هنا 

ليه يابنتي هروحك لحد البيت.... ندي والانكسار كان باين علي ملامحها .

ندي :معلش خليني أنزل هنا وروح إنت ..شوف طريقك 

عند حسن 

إستني حسن لحد ندي ما خرجت مع الراجل اللي خطفها علشان يوصلها البيت   وبعد كدة خرج وراح علي فرع شركه الوهابي اللي أول ما عربيته وقفت أدام الشركه .... الشركه كلها وقفت علي رجل من أول حارس الأمن اللي علي الباب لحد السكرتيره اللي فتحتله الباب طواعيه منها لنفسها كدة ودخلته علي الحاج  عبد الرحيم حتي من غير ما تسأله 

إستقبله عبدالرحيم وهو في قمه غضبه من قله احترام حسن له ولكن ما بيده حيله الآن الا  الصمت لحين وقوعه بالفخ اللي  بيحاول ينصبه ليه وساعتها هيقلب السحر علي الساحر من وجهه نظره...ولكنه ما قدرش يمسك لسانه لما حسن قعد بكل برود علي كرسي مكتبه ولا كأنه صاحب الشركه .