حور :دكتور احمد ممكن اسالك عن حاجه

احمد:طبعا اتفضلي

حور:مين الدكتور المسئول عن عمليات الاجها"ض اللي بتم في المستشفي

احمد:دكتور عزيز ابن صاحب المستشفى

حور:ودا نظامه اي...

احمد:بص يا دكتوره حور..... دكتور عزيز من النوع اللي يقبل اي حاجه مدام في مقابل.... عشان كدا مفيش بينا احتكاك

حور:يعني متقدرش تعرفلي جودي النجار كانت بتعمل اي هنا... و ليه جايه مع راغب الصاوى

وليه دخلت اوضه العمليات الخاص بالاخها"ض

احمد:جودي النجار... مش دي طليقه نوح الشرقاوي جوزك

حور بارتباك و لمعه دموع:اه هي... جودي ونوح مطلقين من فتره صغيره و ممكن تكون حامل في ابنه.... و بسبب الانفصال هي جايه تجه"ض

احمد:طب معلش ثواني... راغب الصاوى دا مش هو شريك نوح الشرقاوي في شركاته ... ليه هو اللي جاي مع طليقته

حور بارتباك:معرفش معرفش... أحمد انت من شويه قالتلي اعتبرني اخوكي... جايز انا لسه عارفك من ساعه تقريبا بس عندي احساس انك شخص كويس ارجوك تساعدني

احمد:قصدك اي يا دكتوره حور انا في أيدي ايه عشان اعمله

حور:ممكن تعرفلي ليه جودي هنا و ليه معها راغب الصاوي

احمد:معليش هو انتي شاكه انها حامل من راغب

حور بسرعه:أعوذ بالله من الشيطان الرجيم انا لايمكن اط"عن في شر"ف بنت زي انا بس عايزه أعرف ليه هي هنا وليه راغب دا معها

احمد:شوفي يا حور هو صعب جداااا جدا لأن دي مستشفى خاص و مدام دخلوا لدكتور عزيز فدا معنه انهم عايزين الموضوع يكون سري جداا

بس اوعدك اني هحاول اعرف و لو اضطريت اخد عينه من د"م الجنين

حور:انا متشكره جدا

أحمد بابتسامه :انتي قلتي انا زي اخوكي مفيش بينا شكر تعالي معايا بقى اعرفك على باقي الزملاء و لوريكي المكان اللي احنا هنكون مسئولين عنه

حور:طبعا اتفضل

بعد مده كانوا اندمجوا جدا مع بعض و بيناقشوا حاله طفل مع دكتور سهير و الممرضه عشق

حور بحزن:الحاله دي لازم تدخل عمليات في أسرع َقت البنت عضله القلب عندها ضعيفه جدا

دكتوره سهير:للأسف المستشفي مش راضيه انها تعمل لها العمليه لان حاله عيلتها الماديه على اد الحال و دي مستشفى خاص

احمد:للأسف في الالف الأطفال زي حاله البنت دي

حور:بس يا جماعه البنت مش هتستحمل اي تأخير و العمليه عايزه تجهيزات على مستوى عالي جدا ودا مش موجود في اي مستشفى حكومي

احمد:طب واي الحل

حور:ان حد يتكفل بمصاريف العمليه....

شغف:بس المبلغ كبير جدا يا دكتوره

حور :ان شاء الله خير انا هحاول اتصرف عايزه عنوان اهل البنت دي

سهير :اوكي هبعتهولك..

شغف:الوقت اتأخر انا همشي ياله يا جماعه سلام

حور :انا كمان لازم امشي مع السلامه

بعد دقايق

كانت واقفه أدام المستشفي و بتوقف تاكسي لكن لقيت احمد بيقف جانبها

:ممكن اوصلك معايا عربيه

حور باحراج:معليش يا دكتور احمد مش هينفع

احمد:متخافيش انا مش هضايقك

نوح من جنب حور:قالتلك مش هينفع اي حضرتك واقع على ودانك

أحمد باحراج:انا اسف بس كنت.. انا اسف بعد اذنكم

سابهم ومشي وهو حاسس بالاحراج

حور :ليه كدا... احرجته

نوح بغيره:اي صعبان عليكي... تحبي اروح اعتذرله ولا زعله فارق معاكي

حور بغضب :لو سمحت اتكلم معايا بأسلوب افضل من كدا... انا لحد دلوقتي ساكته على كل تصرفات حضرتك الغبيه وكأني جاريه لازم اسمع واسكت واقول يا بنت دا جوزك فتعالي على نفسك شويه لكن لا يا بشمهندس مش معنى كدا ان حضرتك تكلمني بالاسلوب دا

انا اصلا مش فاهمه حضرتك بتعاملني كدا لي انا مراتك على فكره مش جاريه من جواريك

و مسمحلكش انت او اي حد انك تكلمني كدا

نوح برفعه حاجب :ودا من أمتي... يا حور هانم

حور بكبرياء انثي مجروحه:دا من زمان اوي لكن كنت عامله حساب اني متجوزه شخص متفهم لكن لا حضرتك كل شويه بتتمادي بس مش معنى اني بحبك

فجأه سكتت ووشها احمر و سابته و رايحه توقف تاكسي

لكن مسك ايديها بسرعه

نوح بلهفه:انتي قلتي اي

حور وهي بتمسك ايديها و بتبعدها :انا مقلتش حاجه انا أتمنيت حضرتك تفهم اني بنت ناس و مش هتستحمل زعيقك ليا في الشارع و لا عامل حساب ليا ولا لكرامتي

نوح بتصميم:انتي قلتي اي

حور بتوتر و ارتباك:انا مقلتش حاجه

نوح بابتسامه جانبيه :طب ممكن نروح بيتنا ونتخانق هناك براحتنا

حور:لا شكرا اتفضل روح انت انا هروح بتاكسي

نوح برفعه حاجب :حور مش وقت جنانك

حور:مالكش دعوه

نوح بغضب :بقى كدا

حور:ايوه هو كدا بالظبط

نوح :طب يمين عظيم لو ما جيتي بالهداوه معايا يا حور لاتندمي

حور بخوف:اي هتضر"بني...

نوح بحزن وهو بيقربها منه:تنق"طع أيدي قبل ما تلمسك بسوء

حور بحزن:انت ليه بتعاملني كدا انا بس عايزه افهم.... انت ليه اتجوزتني مدام مش معتبرني مراتك....

نوح بتهرب:طب ممكن نمشي من هنا دلوقتي.. خلينا نرجع البيت

حور بدموع وغضب من طريقته :مش عايزه اروح في حته و امشي بقى انا هاخد تاكسي

نوح :طب انتي ليه بتعيطي دلوقتي

حور بغضب :مش بتنيل امشي بقى عايزه اروح لوحدي

نوح:حور.... حوررر

قالها بخوف و هو بيشدها لحضنه كانت على وشك تفقد الوعي بسبب الإرهاق و تعبها

حور بدموع:انت ليه بتعمل معايا كدا

نوح بسرعه شالها وراح ناحيه عربيته بيفتح الباب وبيدخلها

بيروح الناحيه التانيه و يركب عربيته بيزبط ليها الحزام

نوح:حور انتي كويسه؟

حور:اه بس دوخت شويه

نوح:تعالي ندخل نطمن في المستشفي

حور:لالا مالوش لازمه انا كويسه

نوح بخوف:متأكده

حور:اه

نوح ساق عربيته و في طريقه للبيت هي كانت ساكته وهي سانده راسها على ازاز العربيه

نوح كان بيبصلها ببروده المعهود (وكأنه واخد قسم على نفسه انه ميظهرش على طبيعته ادامها)

كان حاسس باللغبطه و غيره و غضب و نفسه يكسر نفوخها و مع ذلك نفسه يحطها جوا عنيه

نفسه يرجع بالزمن لأول مره شافها و ينسى كل مخططاته و يتجوزها عادي زي اي اتنين لكن.....

بعد نص ساعه

دخل بعربيه القصر حور نزلت بسرعه وطلعت على اوضتها و هي خايفه دموعها تخو"نها وتنزل

نوح كان عارف انها محتاجه تاخد مساحتها لأنها مش في افضل حاله

وهو طالع قابل شريفه هانم

شريفه بخبث وانتصار:مراتك بتعيط لي....

نوح وهو بياخد نفس عميق:ممكن تبعدي عنها

شريفه بارستقراطيه:اامم واضح ان حضرتك نسيت هدفك الأساسي يا نوح بيه

نوح بابتسامه جانبيه :لا يا ماما بس خالص الاتفاق اللي بينا انتهى و حور مراتي مقبلش ان اي حد يجي عليها ولو حتى حضرتك

شريفه بغضب وعصبيه :يعني اي يا نوح

نوح بابتسامه جانبيه وسيمه:يعني انا قررت انسى موضوع الأرض و من هنا ورايح حور  لو زعلت بس يا أمي هيكون ليا تصرف تاني مع حضرتك اظن انتي عارفه مين نوح عيس الشرقاوي

شريفه:انت بتهددني.... انت فاكر اني ممكن اقبل ان دي تكون مرات ابني

نوح:افهميها زي تفهميها يا شريفه هانم و حور فعلا مراتي و هي خط أحمر تعرفي يا أمي اول مره استحقر نفس على الخطه الد"نيئه اللي عملتها دي لاول مره انزل من نظر نفسي لأول مره اقابل حب بكرا"هيه لأول مره انسى ان ابويا علمني ان مك"سرش بقلب حد..... ويوم ما ك"سرت كان قلب البنت اللي جوا دي لكن لا يا أمي أنا آسف مش هكمل اللعبه الو"سخه دي بعد اذنك