رواية مسيرة الأقدار من الفصل الاول للاخير بقلم زينب مجدي
رواية مسيرة الأقدار من الفصل الاول للاخير هى رواية من كتابة زينب مجدي رواية مسيرة الأقدار من الفصل الاول للاخير صدر لاول مرة على موقع التواصل الاجتماعى فيسبوك رواية مسيرة الأقدار من الفصل الاول للاخير حقق تفاعل كبير على الفيسبوك لذلك سنعرض لكم رواية مسيرة الأقدار من الفصل الاول للاخير
رواية مسيرة الأقدار من الفصل الاول للاخير
إنتي مش جوزك مات
ما تغوري في داهيه بقي وروحي اقعدي عند بيت أبوك . ولا مستنيه لما توقعي واحد من رجالة البيت وتتجوزيه
سلفتي قالتلي الكلمتين دول وطلعت لشقتها وأنا وقفت مكاني متجمده من الكلام إللي سمعته ودموعي نزلت على خدي مش قادره أوقفها
أنا عمري ما كنت ضعيفة ... أنا ليه مردتش عليها
أنا إزاي اسيبها تكلمني كده
أنا بسمه جوزي مات بقاله 5شهور بس ومن ساعة ما مات
وأنا حاسه إن شخصيتي بقت ضعيفة أوي
عندي 3سلايف كنا اكتر من الأخوات والله كنت بعاملهم أحسن من أخواتي .بس من ساعة جوزي ما مات وهما التلاته معاملتهم اختلفت معايا
كل واحدة فاكره إني هخطف جوزها منها
قلبي واجعني أوي على موت جوزي ومحدش حاسس بيا
وكمان معاملتهم اتغيرت معايا بقي محدش في البيت بيطقني . أنا بجد حزينه على نفسي أوي .
أنا نفسي اروح أقعد في بيت والدي بس والدي حالته المادية على قده خالص . أنا عندي أربع عيال 3بنات وولد
مين هيصرف عليهم لو قعدت عند بيت والدي
بس أنا نفسيتي تعبت جداً وقررت إني هروح أقعد عند بيت والدي أسبوع كده ونزلت علشان أبلغ حمايا بقراري ده
واتفاجأت من إللي سمعته
حمايا..... اعملوا حسابكم إنتو التلاته إن واحد منكم يتجوز ارمله أخوه . مينفعش تقعد كده في البيت والبيت فيه اربع رجاله
رد عليه محسن الكبير..... يابا. . إحنا كل واحد ممشي بيته بالعافيه .مين هيعرف يفتح بيت تاني بس
محمود الوسطاني..... فعلاً محسن عنده حق يابا إحنا مش عارفين نصرف على عيالنا
محمد الصغير ..... أنا ممكن اتجوزها .بس طبعاً لو ده حصل
مراتي مش هتعرف . هيبقي الموضوع من غير ما ولا ست في البيت تعرف
. اتصدمت صدمه عمري .. انا بيحصل فيا كده
أنا كل واحد بيرميني للتاني .
أنا وصل بيا الحال لكده .. واحد عايز يتكرم ويتعطف عليا ويتجوزني في السر
أنا حمايا بيجبرهم علشان حد فيهم يتجوزني
أنا كنت قولت لحد إني عايزه اتجوز اصلا
من الصدمه اغمي عليا ووقعت من على السلم محسيتش بنفسي غير وهما بيفوقوني
ولقيت سلفتي إللي طلعت شتمتني في شقتي بتقول
اهي أمور السهوكه بدأت أهي
هنمثل بقي وهنعمل نفسنا بيغمي علينا كمان
لقيت نفسي بقولها.... حسبي الله ونعم الوكيل فيك حسبي الله ونعم الوكيل فيكي
وجيت أقف على رجلي مقدرتش من الألم إللي فيها ووقعت علي الأرض
لقيتها بتقولي
أيوه كملي تمثيل كملي
بس المره دي حمايا إللي رد عليها
كل واحدة تحترم نفسها ومتغلطتش في التانيه
إيه يا ست علا محدش مالي عينك عماله تغلطي واحنا واقفين
وقف توك توك يا محسن خليني اروح اوديها عند الدكتور
وإنتي يا أميره يلي تعالي معاها
خدني حمايا للدكتور وطلعت رجلي مكسورة جبسهالي وروحت البيت
اتصلت علي أمي وابويا وعرفتهم وأمي أصرت إنها تاخدني عندها البيت علشان تعرف ترعاني وتخلي بالها من عيالي
وحمايا وافق على طول زي ما يكون هو كان عايز كده
روحت بيت والدي وعدي يوم والتاني والتالت لحد ما عدا أسبوع .
ولقيت حمايا جاي يعرض على أبويا الكلام إللي أنا سمعته
محمد سلفي يكتب عليا من غير علم زوجته فتره كده لحد ما يمهد ليها الموضوع علشان أبقي على ذمة راجل بدل قعدتي كده
والمصيبه إن بابا موافق والحل ده عجبه جداً
ولقيت أمي داخله تقولي..
الحمد لله يارب محمد سلفك عايز يتجوزك دا أنا كنت شايله همك وعماله أقول مين هيرضي يتجوزها بأربع عيال
بس الحمد لله جت من عند ربنا واهو عيالهم وهما أولي بتربيتهم
بسمه..... بإندهاش من كلام والدتها
ماما إنتي بتقولي ايه . إنتي مستوعبه الكلام إللي بتقوليه . إنتي راضيالي بالوضع المهين ده . عايزه بنتك تتجوز في السر زي إللي سارقه سرقه وخايفه صاحبها يعرف
شايفاني خطافه رجاله علشان اخد واحد من مراته
والدتها.... ولا خطافه رجاله ولا حاجه . أي واحدة جوزها بيموت سلفتها بيتجوزها .هما أولي يربو لحمهم
وبعدين إنتي عندك 28سنه واللي من سنك لسه متجوزش هتقعدي كده من غير راجل وتدفني شبابك
وكمان في رقبتك أربع عيال وملكيش حما علشان تسيبلها العيال وتتجوزي حماتك ماتت . ومحدش هيرضي يتجوزك بأربع عيال
بسمه بإنهيار..... إنتو ليه محدش محترم حزني على جوزي ليه مش مقدرين مشاعري . الدنيا كلها اتقفلت في وشي مره واحده ليه كده
........... ....... ............... .....
في منزل حما بسمه
اجتمع النساء الثلاثه.
علا...... انا جمعتكم علشان نعرف هنعمل ايه مع العقربه اللي عايزه تخفط حد من رجالتنا دي
آمال زوجة محسن.. إنتي خايفه من إيه يا علا على الأقل
محمد جوزك بيخاف منك وبيعملك ألف حساب الدور والباقي على رجالتنا
علا.... لأ برضه البت دي بتغير مني وممكن تعمل أي حاجة علشان تخطف جوزي مني
آمال..... الخوف كله من محسن جوزي هو أطيب واحد فيهم وممكن أبوه يأثر عليه ويخليه يوافق
علا..... يبقي البت دي لازم نقطع رجلها من البيت
ونحاول نخرجها منه بأي طريقة حتي لو هنعمل ايه
مالك يا اميره مبتفكريش معانا ليه
اميره. .. أنا شايفه إننا نسيبها في حالها كفايه عليها موت جوزها وبلاش نأذيها
علا.. إنتي مش خايفه لتخطف جوزك منك
اميره..... لأ مش خايفه علشان واثقه في جوزي وواثقة من حبه ليا
علا......مع إنك إنتي المفروض اكتر واحده تخافي
علشان إنتي مبتخلفيش وممكن جوزك يتجوزها أهي جوازه
ببلاش وكمان يجيب العيل إللي نفسه فيه
بدل ما هو صارف فلوسه أول بأول علي الدكاترة كده ومفيش نتيجة في الآخر
.......... .... ...............
في منزل والد بسمه
والد بسمه....... إيه رأيك يا بسمه يا بنتي في الجوازه دي
أنا شايف إن ربنا حلها من عنده علشان أنا كنت شايل همك
بسمه.. أنا مش موافقه يا بابا
والد بسمه....ليه إن شاء الله مش موافقه إنتي فاكره إن حد ممكن يبصلك وإنتي معاكي أربع عيال
بسمه ..... أنا مش عايزه اتجوز اصلا
والد بسمه.. بصي بقي علشان إنتي دايما واجعه قلبي كده
الجوازه دي لو ما تمتش اعتبري نفسك ملكيش بيت اب
بيتي مش هيتفحلك لا إنتي ولا عيالك
بصي بقى علشان إنتي دايما واجعه قلبي كده.لو الجوازه دي ماتمتش اعتبري نفسك ملكيش بيت اب
.بيتي مش هيتفتحلك لا إنتي ولا عيالك
سمعت بسمه هذا الكلام وبدأت بالصراخ
. إنتو ليه بتعملو فيا كده .
إنتو ليه بتعملو فيا كده.
هو أنا للدرجادي عاله عليكم
إنت أبويا المفروض تقف في ضهري
أنا تعبت . والله العظيم أنا تعبت
اااااااااه .ارحم قلبي يارب ارحم قلبي يارب
ووقعت علي الأرض مغشياً عليها
حاولو افاقتها ولم يستطيعوا فذهب والدها ليحضر لها طبيباً
وظلت والدتها بجوارها تبكي وتندب حظ ابنتها
حضر الطبيب . وبعد الكشف عليها أخبرهم أنها أصيبت بحالة انهيار عصبي .بسبب ضغط نفسي شديد
ونصحهم ألا يعرضوها لأي ضغط
لأنها في حالة نفسية سيئه. واعطاها مهدئ وتركها لتنام
جلست والدة بسمه ووالدها يتحدثون
والدة بسمه...البت هتروح مننا يا أبو إسلام
بلاش منها الجوازه دي عيالها محتاجنها . الحمد لله المره دي ربنا ستر . خايفه ليجرالها حاجه
أبو إسلام..... بحزن على ابنته
أنا كان نفسي اطمن عليها إنها في رقبة راجل . خايف عليها من الدنيا الصعبه دي .مش هتقدر تواجهها وهي لوحدها
وأنا مش هعيش ليها طول عمري .ومفيش واحد هيتجوز واحده وفي رقبتها اورطة عيال
أم اسلام.... ربنا موجود يا حاج . إحنا نقفل على موضوع الجواز دلوقتي .هي برضه لسه جرحها حي. وحزينه على جوزها . وبعد فتره لما تنسي ومسئولية العيال تكتر عليها هتوافق .بس خليها دلوقتي تتعافي .خليها تقوم لعيالها
أنا صحتي بقت علي قدي ومش قادرة على مسئوليه اربع عيال
أبو إسلام.... أنا هرن على أبو محسن واقولة علي إللي حصل واقوله يصرف نظر على موضوع الجواز دلوقتي
رن والد بسمه على حما بسمه وأخبره بكل ما حدث وما قاله الطبيب . وطلب منها أن يؤجل موضوع الجواز لفترة حتي تتعافي ...ووافق حما بسمه وهو حزين
كان يتمنى أن تتم هذه الزيجة على خير
فهو يريد أن يطمئن على أبناء ولده
فلم يجدوا أحد يعاملهم أفضل من عمهم
ويخاف أن يموت قبل أن يطمئن عليهم
فقرر في نفسه أن يكتب لهم ميراث أبيهم في حياته
حتي لا يجور عليهم أحد بعد وفاته فالنفوس تغيرها الفلوس
.. ............ ...............
فاقت بسمه وجدت والدها ووالدتها وأبنائها حولها
ابتسمت بسمه لأولادها واخذتهم داخل أحضانها وبكت
عندما رأي والدها دموعها رق لها قلبه وقال
خلاص يا بنتي كفايه عياط بقي . إحنا صرفنا نظر عن الجوازه دي
بسمه بفرحه.... بجد يا بابا محدش هيغصبني على الجواز
والدها..... بجد يا بنتي وسامحيني لو جيت عليكي
إنتي واخوكي نقطة ضعفي في الدنيا . عايز احميكم بأي طريقة . خايف عليكم من أي حاجة تأذيكم
فممكن اجي عليكم بس لمصلحتكم والله يا بنتي
بسمه بتأثر من كلام والدها
عارفه والله يا بابا . إن إنت عايز مصلحتي
بس أنا مينفعش اتجوز بعد احمد مفيش راجل في الدنيا هييجي زيه تاني
..... .......... ............. .... ...
في منزل حما بسمه
جمع من في البيت ليخبرهم أنه سوف يقسم لهم الميراث
حتي يعرف أولاد أحمد ميراثهم فهو لا يضمن عمره
لترد علا
ميراث إيه إللي ولاد احمد ياخدوه
هو مش أبوهم مات يبقي ملهمش حاجه الشرع هو إللي بيقول كده
.
محسن...... الشرع بيقول إنهم يورثو بوصية جدهم
آمال..... يعني لو جدهم ما وصاش خلاص مياخدوش حاجه
يبقي بلاش منها الوصيه دي .هما هياخدو حق ولادنا
محمود... يعني ايه بلاش منها الوصيه دي .
إنتي ياست آمال إنتي وست علا
كل واحدة عندها جوزها بيصرف عليها وبيصرف علي عيالها
ومش مخليهم محتاجين حاجه . هما أبوهم مات يعني مفيش حد يأكل ولا يشرب
وكمان مش عايزنهم ياخدو ورثهم
علا..... ماهو الايتام دول الناس كلها بتعطف عليهم وبياخدو فلوس أد كده
محمود بانفعال ..... قومو كل واحدة تطلع على شقتها .ومفيش واحده تدخل في إللي ملهاش فيه
وإنتي يا ست علا ولاد اخويا مش شحاتين علشان ياخدو صدقه من حد . لما اعمامهم يموتو يبقي يمدو ايدهم للناس
آمال.... ما إحنا قاعدين معاكم و.....
محسن..... كل واحدة على شقتها يلو ومحدش يتدخل في إللي ملوش فيه تاني
ذهب النساء كل واحدة على شقتها ولكن ظلت علا على السلم
تسترق السمع . وأتت إليها آمال أيضاً ففضولها دفعها لذلك
الوالد..... أنا قصدت اجمع النسوان معاكم وأنا بتكلم علشان اعرف كل واحدة في نيتها إيه
وكمان وقفت ساكت وبسمع علشان اشوف ردود أفعالهم
وماشاء الله عليك يا محمد منطقتش بولا حرف رغم إن مراتك غلطت....
وعلشان إنت شخصيتك ضعيفة أنا مش موافق على جوازك من أرملة أخوك.انا عايز واحد يحمي عيال أخوه ويحافظ عليهم
محمد..... بس أنا يابا أقدر أفتح بيتين ودخلي كويس
والدة..... مش الفلوس بس هي إللي هتربي العيال
العيال محتاجه حد يعرف يسيطر عليهم
كانت علا تجلس على السلم وهي واضعه يدها على فمها من الصدمه .فلم تكن لتتوقع أن محمد يفكر بأن يتزوج عليها
وصدمت آمال أيضاً .وخافت كثيراً أن يقتنع محسن ويتزوجها هو
فقامت علا وقالت .... تعالي عندي في الشقه
علا....... بقي أنا ابن التييييييييت يفكر يتجوز عليا
والله لوريه أسود ايام عيشته. والتيييييييت التانيه
إللي عايزه تخطف جوزي مني إن ما فضحتها إن ما خلتها متعرفش ترفع عينها في حد تاني يصبرو عليا بس هما الاتنين
آمال..... اهدي كده علشان جوزك ميعرفش إننا كنا بنتصنت عليهم .وخلينا نعرف نفكر هنعمل ايه
وسمعو صوت خطوات على السلم فقالت علا
خلاص اسكتي شكلهم طالعين روحي شقتك دلوقتي ويبقي نكمل كلامنا بعدين
دخل محمد شقته وخرجت آمال فقالت علا اتفقتو على إيه يا استاذ
محمد.... أبويا قال إنه هيدي كل واحد حقه بما يرضي الله
علا..... يعني عيالنا هتاخدو حقهم وتدوه لولاد بسمه
محمد..... بقولك ايه سيبك من وجع الدماغ ده . أنا تعبت من كتر النكد
........... ........... ...... ...........
في منزل والد بسمه
اتي اسلام من سفره فهو يعمل خارج المدينة شهر ويأتي أربعة أيام ثم يعود مرة أخري
جلس بجوار أخته يواسيها ويذكرها بجزاء الصابرين
وبأن الله سوف يعوضها خيراً على ابتلائها
ومرت الايام وعاد اسلام إلي عمله .
وبعد الشهر عاد مرة أخري وفكت بسمه الجبس وقررت العوده الى شقتها
فأخذها اسلام ليوصلها هي وأبنائها
وعندما وصلت إلى الباب فتحت لها علا وقالت بصوت عالي سمعه كل الشارع
اهلا بخطافة الرجاله.اللي عايزه تسرق جوزي مني وعماله تلف عليه .جيتي ليه تاني بعد ما طردناكي من البيت
جايه تخطفي مين تاني من مراته
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
علا.... جايه تخطفي مين تاني من مراته
اجتمع من في الشارع علي صوت علا وخرج حما بسمه أيضا وزوجها محمد
.
الجمت الصدمه لسان بسمه فلم تستطع الرد عليها
بينما رد إسلام .... تصدقي وتؤمني بالله إنتي لو مكنتيش واحده ست أنا كنت مسحت بيكي الأرض
ما إنتي لو متجوزه راجل كان لمك
علا.... خلاص يا اسلام
اسلام... لأ مش خلاص . جوزك اتقدملها واحنا رفضناه
طبعاً لازم يفكر يتجوز عليكي ما هو متجوز واحده
شر*شوحه
علا... الشر*شوحه دي تبقي خطيبتك وتبقي أختك
حما بسمه.... خلاص بقي كفايه فضايح في الشارع
أدخل يا اسلام . أدخلي يا بسمه
علا..... الواد إللي مش محترم ده ميدخلش البيت
حما بسمه..... لما يدخل بيت ابوكي يبقي تتكلمي لم مراتك يا محمد
محمد.... أدخلي بقي كفايه فضايح
علا.... هو إنت لسه شوفت فضايح ..بقي يا عرة الرجاله
رايح تبص لعرة النسوان . دا أنا ضفري برقبتها
محمد بعصبية وصوت عالي.....
قولتلك أدخلي متخلنيش أمد ايدي عليكي في الشارع
علا..... تمد إيدك على مين دا أنا كنت كسرتهالك
هم محمد بضربها ولكن والده أمسكه.وقال
رن على أبوها ييجي يا خدها
محمد..... وأنا ارن على أبوها ليه.. طالما أبوها معرفش يربيها في الأول أنا إللي هربيهاله دلوقتي
عندما علمت علا أن الموضوع سوف يذهب لوالدها دخلت إلي المنزل بهدوء وبدون اي كلام وطلعت إلي شقتها
ودخل اسلام وبسمه وجلسو مع حما بسمه
اسلام..... ينفع إللي حصل في الشارع ده يا أبو محسن . أنا أختي هاخدها معايا
حما بسمه... دا بيتي يا إبني وبيت جوزها مينفعش تسيبه وتروح تقعد عندكم ..وجدهم على وش الدنيا
اسلام..... أنا كفايه إللي أختي فيه جوزها مات وهي في عز شبابها وفي رقبتها أربع عيال . عايزه تشوف إزاي هتربيهم
وتعلمهم.... هي مش ناقصه واحده تقعد تلقح عليها بالكلام
وتحرق دمها وتتبلي عليها في الشارع
محمد..... حقك عليا أنا يا اسلام واختك هتقعد في شقتها معززه ومكرمه وأنا أوعدك إنها مش هتتعرض لأختك تاني
اسلام..... أنا آسف يا محمد علي الكلام إللي قولته.
بس إللي ييجي ناحية أختي افرمه
أبو محسن..... خلاص بقي العيال اتفزعو من إللي حصل في الشارع خد أختك وطلعها شقتها يا اسلام
نظر اسلام إلي بسمه وجدها تحتضن أبنائها وتبكي
والاولاد أيضاً يبكون في صمت
اسلام بانفعال.... أنا مش عايزك تعيطي ولا عايزك تطاطي لحد . إنتي تحطي صباعك في عين التخين
دا ولا عاش ولا كان إللي يكون السبب في دموعك
بسمه.... خلاص يا اسلام تعالي نطلع فوق
طلع اسلام هو وبسمه والاولاد إلي الشقه أدخلها اسلام وقال
علي عيني والله إني اسيبك هنا مع الست إللي تحت دي
بس أنا في دماغي حاجه كده. وإن شاء الله تنفع
ومش عايزك تسكتي لحد متخليش حد يستضعفك
خدي حقك ومتسكتيش
بسمه..... أنا حاسه اني اتكسرت يا اسلام بعد موت احمد
اسلام.... ما عاش ولا كان إللي يكسرك.... إنتي ربنا حطك في الإختبار ده علشان عالم إنك هتقدري عليه . إنتي بس الصدمه مأثره عليكي .بس لازم تفوقي يا بسمه علشان خاطر نفسك وعلشان خاطر عيالك
بسمه بتنهيده. ... ادعيلي يا اسلام أنا محتاجه دعواتك أوي
اسلام..... بدعيلك والله في كل صلاة .. استأذن أنا بقي وامشي علشان ورايا حاجات كتير.ولو احتجتي أي حاجة في أي وقت تكلميني هتلاقيني في دقيقه واحده قدامك
بسمه.. شكرا يا اسلام إنك واقف في ضهري . شكرا إنك ساندني .
اسلام... الشكر ده بيكون بين الناس الغرب مش بين الأخوات .يلي بقي سلام .خلي بالك من نفسك
تركها اسلام وذهب ودخلت هي إلي شقتها تصلي وتتضرع إلي الله بالدعاء أن يخفف عنها ألمها ويصبرها على محنتها
........... ........... ...................
في شقة محمد
محمد.... عجبك الفضايح إللي عملاها في الشارع دي وسمعتيني الكلام
علا .... وإنت رايح تتقدملها وعايز تتجوزها أنا مش ماليه عينك
محمد..... لأ مش ماليه عيني ....ومنكده عليا عيشتي وعايزه كلامك هو إللي يمشي عليا في كل حاجه
وأنا صابر . وبقول أسكت علشان العيال .بس إزاي
علا ..... كل أخواتك مرضيوش وإنت إللي وافقت .ليه
أخواتك مفيش بينهم وبين مراتتهم مشاكل خالص
محمد.... أيوه ما فيش. . أبويا ده قعد يتحلل على محمود إنه يتجوزها. علشان هو أخف واحد عنده مسئوليه فينا
بس عارفه رد وقاله إيه. ...
أنا أصرف على ولاد اخويا من جنيه لألف إللي هما عايزينه
أنا تحت أمرهم فيه .بس مقدرش اتجوز علي اميره واكسر قلبها . أنا خصصت ليهم ربع مرتبي
عارفه هو قال كده ليه ... علشان مراته واحده محترمه ومش معيشاه في مشاكل ليل ونهار
مش منكده عليه عيشته .بس والله العظيم يا علا إللي حصل ده أنا مش هسكت عليه . وصدقيني هتجوز يعني هتجوز
وهجبها تعيش هنا في الشقه دي
وقسما بالله لو اعترضتي لمرات احمد تاني لهتسوفي مني وش عمرك ما شوفتيه ولا هشتوفيه في حياتك
كانت كلمات محمد بمثابة صفعات تنزل علي خديها ...
لأول مرة محمد يخرج عن شعوره ويحدثها بهذه الطريقة
فطالما كان الزوج الهادي الذي لا يحب المشاكل
........ ................ .........
كانت بسمه تصلي فسمعت جرس الباب وعندما انتهت من صلاتها وجدت اميره على الباب
اميره. ... برن عليكي من بدري
بسمه.... معلش كنت بصلي اتفضلي
دخلت اميره وهي ممسكه بيدها صينيه وقالت
أنا لما عرفت إنك جايه انهارده عملت صينيه الكيك دي للاولاد علشان عارفه إنهم بيحبوها
بسمه.... شكرا يا اميره تعبتي نفسك ليه بس
اميره..... مفيش تعب ولا حاجه ...وسكتت قليلاً وقالت
معلهش يا بسمه على إللي علا عملته تحت
كانت هذه الكلمة بمثابة اشاره لبسمه لتتساقط دموعها
وتنهار من البكاء .وقالت من بين شهقاتها
هي ليه بتعمل كده مش كفايه عليا إللي أنا فيه
اميره ببكاء علي بكاء بسمه
اهدي بقي وكفايه عياط بقالك شهور بتعيطي فوقي لنفسك بقي علشان خاطر عيالك .وهي ربنا هيجازيها على إللي هي عملته
وأثناء حديثهم رن جرس الباب وكانت آمال
احتضنت بسمه واعتذرت لها عما فعلته علا
وجلست بجانبها تواسيها وتحاول أن تخفف عنها
وقامو بمناداة الاطفال
وجلسو ثلاثيهم برفقة الاولاد .يأكلون الكيك
.............. ........... .... .......
في منزل والد بسمه
حكي له اسلام علي كل ما حدث وأنه قرر شئ
اسلام.... بص يا حاج أنا قررت الجمعية إللي هقبصها هصب بيها الشقه إللي فوق شقتي لبسمه تعيش فيها هي وأولادها بدل التعب إللي هي فيه ده
والدة.... طيب وجوازك يا إبني دي الجمعيه إللي إنت عاملها علشان فرحك .... وبعدين أختك لو عايزه تيجي تيجي تقعد معانا تحت
اسلام..... الجمعية فاضل فيها سبع شهور وتخلص لما تخلص أبقي أدخلها تاني واخلي الراجل يديهالي في الأول واعمل فرحي. وبعدين إنت عارف ياحاج إن البيت من تحت ضيق
والعيال بتحب تلعب وتاخد راحتها في اللعب وإنت وأمي مش بتجبو الدوشه .خليها في شقه منفصله أحسن علشان تبقي على راحتها
والدة..... لأ يا إبني أنا مش موافق هي عندها شقتها إللي عايشه فيها إنت إيه إللي يخليك تأجل فرحك
اسلام.... يابا إنت مشوفتش الست دي كانت بتكلم أختي ازاي.انا كل ما افتكر دمي بيفور ومش عارف أنا سيبتها إزاي وجيت ضميري عمال يأنبني
أنا هستني لما أختي يجرالها حاجه من الزعل إللي هي فيه
هيحصل ايه يعني لما الجواز يتأجل كام شهر
والده..... خلاص يا إبني كلم أهل خطيبتك ولو وافقو ماشي موافقوش خلاص اصرف نظر عن الموضوع ده
اسلام.. إن شاء الله هيوافقو .ولو موافقوش يبقي كل واحد يروح لحاله . هي مش هتبقي أغلي من أختي
ترك اسلام والده واتصل على خطيبته يعرف رأيها أولا قبل أن يذهب إلى والدها ولكنه تفاجئ من رد فعلها
........ شقة إيه إللي عايز تعملها لأختك وتأجل فرحنا علشانها
إنت من ساعة ما اتخطبنا وإنت مش بتكلمني في التليفون غير كل فين وفين ولما حنيت عليا وبتكلمني بتحرق دمي
اسلام...... أنا حكيتلك إللي حصل رغم إن أنا مش بحب أخرج أسرارنا بره . علشان تبقي عارفه الموضوع ونتناقش بهدوء علشان نوصل لحل .دول هما كام شهر بس
.......... مفيش مناقشات لو نفذت إللي في دماغك
يبقي كل واحد يروح لحاله.
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
يبقي كل واحد يروح لحاله
اسلام...... أنا هسيبك تفكري يومين .وبلاش تاخدي قرارات وقت غضبك . أنا مش عايز اخسرك
وفي النفس الوقت مش هقدر أشوف أختي بتتبهدل واقف ساكت ومعملش حاجه
....... مينفعش إنك تبدي مصلحة أهلك علي مصلحتنا
وبعدين إحنا لسه مخطوبين وفي تأخير في الجواز
ومن أولها هتروح تضيع إللي وراك واللي قدامك على أختك
وهي اصلا عندها شقه قد شقتنا مرتين وأهل جوزها مرتاحين ماديا جداً ....
اسلام..... بصي يا دعاء أنا هقولك كلمتين . أنا جزم أهلي فوق دماغي من فوق . مينفعش من دلوقتي تقوليلي بتبدي مصلحة أهلك ومش عارف إيه
أنا أفدي أهلي بروحي . وإنتي لو حصل نصيب وبقيتي من أهلي .هفديكي بروحي وهتبقي فوق دماغي من فوق
بس خلينا يكون في تفاهم مابينا
أنا حكيتلك إللي حصل علشان تبقي عارفه أنا هعمل كده ليه
وكنت منتظر منك إنك تشجعيني وتقوليلي أقف جمب أختك
دعاء.... بص يا اسلام لو فعلا مش عايز تخسرني أصرف نظر عن الموضوع ده .وتمم الجواز في ميعاده
اسلام..... أنا آسف يا دعاء . أنا واخد قرار ومش هينفع أرجع فيه
دعاء..... يبقي كل واحد يروح لحاله
اسلام... إنتي بتبعيني بكل سهولة يا دعاء دول هما كلهم كام شهر . . على العموم أنا هسيبك تفكري يومين وهكلم والدك في الموضوع
دعاء.. وأنا هبقي اسيبلك ردي مع والدي..... سلام
أغلق اسلام الهاتف وهو في غاية الحزن فكان يتمني أن تسانده وتقف الي جواره
............... ....... . ............
في صباح يوم جديد. يوم الجمعة كانت كل عائلة حما بسمه مجتمعه على الفطار .فهذه هي عادتهم يأكلون يوم الجمعة الثلاث وجبات سويا
وقف محمود واميره.وقال محمود
يا جماعه إحنا بقالنا فتره في جو من الحزن وعايزين نفك شويه .ونفرح. وعلشان كده . بعد اذنك يا بابا طبعاً أنا عازمكم انهارده أنا واميره نخرج نقضي اليوم كله بره
وعلشان العيال برضه تفرح .
واميره مجهزة كل حاجه وسندوتشات وعصائر وكيك وكله
عايزين نقضي يوم حلو مع بعض
رحب جميعاً بالفكرة .فكلهم بحاجة إلى الخروج .
ولأن بسمه لا تحدث علا وتتجنب الاحتكاك معها قالت
معلش يا جماعه اعذروني أنا مش هقدر اجي معاكم .بس خدو الاولاد معاكم يلعبو ويغيرو جو
حما بسمه.وهو يفهم جيدا ما تفكر به بسمه قال
مفيش اعذار انهارده إحنا كلنا هنخرج مع بعضنا ..وكلنا مع بعضنا فاهمه
اطلعو كلكم جهزو نفسكم علشان نمشي
أنصرف كل واحد إلي شقته يجهز نفسه وأولاده
في شقة محمد
.
محمد.. إنتي بتعملي إيه
علا.. لبست العيال وبلبس
محمد..... إنتي مش هتروحي معانا
علا.....دا ليه إن شاء الله
محمد.. . إنتي مسمعتيش وهما بيقولو تحت إنهم عايزين يخرجو علشان يفرحو
يعني مش عايزين نكد . يعني مش عايزينك معانا نكد هانم
علا.... بغل.. طبعاً عايز تخرج لوحدك علشان يخلالك الجو مع الست هانم
نزلت صفعه قويه على خد علا مش شدتها تركت صوابع يده بصمتها علي خدها
علا بصدمه..... إنت بتضربني يا محمد
محمد..... أيوه ودي هتبقي المعاملة الجديدة بعد كده
صوتك هيعلي ولا هتغلطي .ايدي هي إللي هتتكلم
وادخلي نامي أجري
علا..... أنا هروح عند والدي
محمد...... لأ هتقعدي تجهزي عشا لينا علشان إن شاء الله هنتعشي سوا هنا مش هنتعشي بره
علا..... وأنا هجهز أكل للبيت دا كله لوحدي
محمد...... آه هتجهزيه لوحدك ناقصه ايد ولا ناقصه رجل
أنا نازل علشان محمود عمال يرن واللي قولته يتنفذ
.. . ........ ........... .............
في شقة بسمه
كانت بسمه تحدث اسلام علي الهاتف
بسمه.. ازيك يا اسلام
اسلام...... أهلا يا قلب اخوكي عامله ايه والعيال عاملين ايه
بسمه..... إيه ده استني صوتك مالو
اسلام......مفيش حاجه
بسمه....لا والله في حاجة صوتك في حاجة
اسلام.....يا بنتي مفيش حاجه إنتي لقيتي نفسك فاضيه قولتي تشتغليني صح
بسمه.....لا والله أصل عندنا في البيت قررو إننا نخرج انهارده كلنا سوا فقولت اتصل عليك علشان أعرفك
اسلام. أخرجي يا قلب اخوكي واتبصتي وسلفتك دي اتجنبيها خالص ولو كلمتك اوعى تسكتي ليها
بسمه.. حاضر يا اسلام بس بالله عليك تقولي مالك
أنا متأكدة إنك في حاجة صوتك باين
اسلام..... يلي يا بسمه علشان اتأخرتي واطمني أنا مفيش أي حاجة ... سلام
أغلق اسلام معها الهاتف وقال.... عرفت من صوتي إن في حاجة رغم إني ما بينتش ودعاء عايزاني اتخلي عنها ههههههه
......... ....... .
في شقة محسن
محسن...... يلي يا آمال اتاخرنا
آمال. خلاص بلف الخمار اهه
محسن..... طيب يلو نسبق إحنا يا أولاد
........... ................ ......
في شقة محمود
محمود..... إيه يا اميره كده في حاجة ناقصه
اميره.....مش فاضل غير الشنطه دي
محمود..... طيب هاتي أنزلها
اميره..... استني كنت هنسي الشنطه الصغيرة
محمود.... طيب هاتيها ويلي
اميره..... ماشي دقيقه واحده كنت هنسي الاطباق
متستعجلنيش بقي خليني اشوف إيه تاني نسياه
محمود.... طيب خلصي كلهم مستنينا تحت
اجتمع جميعهم في الأسفل وركبو عربيه حما بسمه
وعربية محمد فهو الوحيد الذي يملك عربيه
أبو محسن......مراتك مجتش ليه يا محمد
محمد.....مش هتيجي معانا
أبو محسن.....ليه بس
محمد..... يا حاج اركب متشغلش دماغك
ركبوا جميعهم السيارات .ووصلو إلي وجهتهم وكان الاطفال في غاية السعادة
جري الاطفال يلعبون في الجنينه واجتمع السيدات يرتبون الاشياء
واجتمع الرجال وقالو
إحنا رايحين نصلي الجمعه في الجامع وانتو صلو هنا وجهزو الأكل إللي هنتغدا بيه
اميره.... مفيش حد هييجي علينا واحنا بنصلي
محمود..... إحنا مختارين مكان بعيد عن الناس علشان تاخدو راحتكم
أنصرف الرجال إلي المسجد وصلي السيدات والأطفال
وبدأو في ترتيب الاشياء
وجاء الرجال من المسجد وتتناولو وجبة الغداء
أبو محسن.... الواحد محتاج كوباية شاي
اميره.... ودي حاجه تفوتني . أنا عامله تورمس شاي
أبو محسن..... الله ينور عليك يا اميره والله
جاء الاطفال ومعهم الكوره
فقال أحدهم
يلا يا بابا نلعب ماتش
محسن..... يلو بينا .يلا يا محمد يلا يا محمود
محمد. ... هنعمل فريقين
محمود... وأنا الحكم
محسن..... يا عم ألعب معانا
محمود.... أنا الحكم الشوط ده وكل واحد فينا هيكون الحكم مره
محمد.... وإنت يا حاج يلا ألعب معانا
أبو محسن. هو أنا قادر أجري
محمد.....قوم بس ولو مقدرتش تكمل يبقي نوقفك جون
ضحكو جميعهم
أبو محسن..... طيب إحنا نلعب بعيد شويه علشان لو الستات حابه تلعب.وانتو يا بنات العبو مع امهاتكم
ذهبو بعيدا عن النساء حتي يكونو أكثر حرية في حركتهم
واتو النساء بكوره أيضاً وكونو فريقين ولعبو جميعاً وكانو سعداء للغاية
كل مده بسيطة يلتقط محمد الصور وينزلها علي حسابة على الفيس بوك وتري علا الصور وتتوعد له
قضو يوماً جميل للغايه وكانو جميعاً في غاية السعادة
والتقطو الكثير من الصور التذكارية آلتي تجمعهم سويا
وتذكرهم بهذا اليوم السعيد
وعندما انتهو جمعو أغراضهم وهمو بالانصراف
ابتعد محمد قليلاً حتي يستطيع محادثه زوجته
محمد..... أيوه يا علا عملتي أكل زي ما قولتلك
علا..... هو إنتو تخرجو تتفسحو وتتبسطو والخدامه بتاعتكم تعملكم الأكل
محمد...... يعني عملتي ولا لأ
علا...... معملتش حاجه
محمد.... ماشي يا علا لما اجيلك
واغلق معها الهاتف ونظر لهم وقال
يا جماعه أنا عازمكم على العشا انهارده
في كنتاكي ... لأنه يعلم أن علا تحب كنتاكي كثيراً
فرح النساء والأطفال كثيرا بهذا الخبر وذهبوا جميعاً إلي المطعم
تناولو وجبة العشاء وسط جو من المرح والسعادة
واطلقو العديد من النكات . وعندما انتهو قال والد محسن
خد لمراتك أكل يا محمد من إللي كلنا منه
محمد...... ما تقلقش يا حاج أنا هاخد وبزيادة كمان
ولم يفوت محمد الفرصة والتقط صوره تجمعه بوالده واخواته وهم يأكلون وانزل الصورة على الفيس بوك
حتي تراها علا
أنتهي هذا اليوم الجميل والسعيد على قلوبهم جميعاً
وعاد كل إلي شقته
في شقة محمد
علا.....رايح توديهم يا حلو في كنتاكي
محمد....... مش قولتلك تعملي أكل ومسمعتيش الكلام
علا......آه يعني إنت وديتهم هناك علشان تغيظني
ويا تري عملت حسابي معاك في الاكل ولا لأ
محمد....... إنتي قاعده بتعملي إيه طول النهار علشان اجبلك اكل ومعملتيش أكل ليه وكلتي
علا...... قولت إنك هتجبلي أكل معاك لما لقيتك مصور الأكل ومنزلة
محمد...... لأ مجبتش غير أكل ليا بس علشان معرفتش أكل كويس من كتر الضحك إللي ضحكته هناك
جلس محمد وافرغ الطعام وظل يأكل بإستمتاع أمام نظرات علا المغتاظه منه ومن أفعاله الجديدة عليها
في شقة بسمه.....
كانت سعيدة للغاية بهذا اليوم الجميل ورنت على إسلام حتي تخبره بسعادتها بهذا اليوم
ولكن أتاها إتصال من دعاء قبل أن ترن عليه
بسمه...... ازيك يا دودو عامله ايه
دعاء..... أهلا بخرابة البيوت
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
دعاء... أهلاً بخرابة البيوت
بسمه.....نعم إنتي إزاي تكلميني كده
دعاء..... إيه زعلتي اوي . استريحتي دلوقتي لما فشكلتي الخطوبه
بسمه... خطوبه إيه إللي اتفشكلت أنا مش فاهمه حاجه
دعاء.... أيوه اقت*لي القت*يل وامشي في جنا*زته .بس مش هقول غير حسبي الله ونعم الوكيل
وأغلقت الهاتف .... شعرت بسمه بسخونة الدموع علي وجهها
حاولت أن تهدئ نفسها قليلاً قبل أن تتصل على اسلام
اسلام...... إيه يا قلب اخوكي اتبصتي انهارده
بسمه.....في إيه إللي حصل بينك إنت ودعاء يا اسلام
وخطوبه إيه إللي اتفشكلت
اسلام.... مين اللي قالك
بسمه... مش مهم مين اللي قالي . وايه دخلي أنا في الموضوع ده . أنا مش فاهمه حاجه
اسلام..... هي دعاء كلمتك ولا ايه
بسمه... أيوه كلمتني وأنا مش فاهمه حاجه قولي في إيه
اسلام...... قوليلي هو قالتلك إيه
بسمه.... بتقول إن الخطوبه اتفشكلت وأنا السبب وإني خرابة بيوت .فهمني في إيه
اسلام..... أنا كنت محتاج فلوس الجمعية إللي هتجوز بيها في حاجة مهمة .وقولتها هنأجل الجواز كام شهر بس لحد ما تبدأ الجمعية وهاخدها في الأول . وهي رفضت إنها تستني وهي إللي فشكلت الخطوبه
بسمه... حاجه إيه المهمة دي إللي هتأجل فرحك علشانها
اسلام..... كنت ناوي أصب الشقه إللي فوق شقتي
بسمه... هتصبها ليه ما إنت شقتك جاهزة
اسلام.. هصبها علشان إنتي تيجي تقعدي فيها . أنا لما شوفت سلفتك بتعاملك كده وجوزها واقف مش عارف حتي يسكتها وأنا مش مآمن عليكي تقعدي وسطيهم
بسمه بدموع غزيرة وابتسامه عريضة على وجهها.
إنت كنت هتأجل جوازك علشان خاطري .
وكمان كنت هتفشكل الخطوبه علشان خاطري برضه
اسلام.. إنتي أهم عندي من فرحي ومن أي حاجة في الدنيا
بسمه.. يارب يباركلي في عمرك يا سندي ويا ضهري ويا أغلي حاجه عندي في الدنيا . إنت كنت هت*ضحي براحتك وسعادتك والبنت اللي بتحبها بقالك خمس سنين علشاني
أنا مش مصدقه نفسي.. إنت كبرت أمتي كده يا اسلام
اسلام... أنا عندي 24سنه يا بسمه إنتي كنتي نايمه ولا ايه وأنا بكبر
بسمه..... لأ يا قلب أختك كنت صاحيه بس مكنتش اعرف إنك بقيت راجل أوي كده. المهم... أنا دلوقتي بقيت مرتاحه جدا....وعلا بطلت تتعر*ضلي خالص جوزها شادد عليها جامد
وآمال واميره معاملتهم رجعت معايا زي الأول وبقينا كويسين مع بعض
وكمان حمايا كتبلي ورث عيالي بإسمهم وكتبلي الشقه إللي قاعده فيها برضه .مفيش داعي إنك تفشكل الخطوبه بسببي
أنا دلوقتي بقيت مرتاحه جدا الحمد لله .تمم إنت فرحك في ميعاده
اسلام..... الموضوع خلاص أنتهي وأنا نهيت كل حاجه مع أبوها
بسمه..... عادي يا اسلام ترجع كل حاجه تاني دي حب خمس سنين
اسلام.... اوقات الإنسان بيكون مختار غلط..وقلبه ممشيه غلط . وربنا علشان يعرفك إنك ماشي غلط بيحطك في موقف علشان يعرفك إنت ماشي إزاي
بسمه..... طيب يا اسلام هي معزوره برضه وعملت كده علشان بتحبك
اسلام.... لو كانت بتحبني كانت اتناقشت معايا وفهمت وجة نظري . ولو أنا غلط تحاول تعرفني غلطي..ولو أنا صح تقف جمبي وتساعدني ..مش أول محتاجها تصبر عليا كام شهر بس.. ترفض وتخيري بينها وبين الحاجة إللي عايزها.
طيب دي هتصبر إزاي على حياتنا بعد كده... أكيد هتواجهنا مشاكل هتتعامل معاها إزاي...... الموضوع ده خلاص اتقفل
علي كده
بسمه.... علشان قلبك ما يوجعكش ياحبيبي.. إنت بتحبها من زمان يا اسلام وكنت دايما بتدعي وإنت بتصلي القيام إن ربنا يرزقك بيها .
اسلام..... وربنا فعلاً استجاب دعواتي ورزقني بيها وعلشان ربنا بيحبني اداني الحاجة إللي أنا عايزها وخلاني اشوف مميزاتها وعيوبها . علشان يقولي الحاجة إللي إنت عايزها اهه
شوف بقي هتقدر تستحمل عيوبها ولا لأ . وشوف اختيارك ده صح ولا غلط ..
بسمه... يا اسلام علشان خاطري فكر تاني
اسلام... الموضوع بقي منتهي بالنسبة ليا يا بسمه والشقه هعملها يعني هعملها
بسمه.. بص يا اسلام نتكلم بالهداوه أنا كده كده مش هاجي أعيش عندكم أنا عندي شقتي وعندي أرض عيالي
وحمايا مش مخلي عيالي محتاجين أي حاجة وبيتمني لينا الرضا نرضي .. وأنا لو حبيت اجي أقعد عندكم يومين ولا حاجه هقعد في البيت مع أبوك وأمك ... واستحالة حمايا يوافق إني اسيب البيت وكتبلي الشقه علشان مخرجش واسيبها . يعني استحالة ينفع اجي أقعد عندك
وبعدين دي شقتي أنا وأحمد وذكرايتنا فيها وكل حاجه جميله عيشتها فيها
اسلام..... يا بسمه أنا كنت عايز اريحك
بسمه... والله يا حبيبي أنا مرتاحه جدا وكلهم معاملتهم اتغيرت معايا وبقو احسن من الاول
اسلام....طيب هعملها احتياطي.وقت ما تحتاجيها تلاقيها
بسمه... بص يا اسلام هي فلوس وهترميها في الارض وخلاص ... أنا كده كده مش هاجي أقعد عندكم . وعلشان تتأكد.. والله العظيم والله العظيم والله العظيم أنا مش هعرف اسيب شقتي واجي أقعد عندكم ..روح لحماك ورجع الموضوع تاني يا اسلام
اسلام..... الموضوع خلاص أنتهي بالنسبة ليا يا بسمه . سواء عملت الشقه أو معملتهاش
بسمه.... طيب أنا هكلم دعاء وارجع أنا الموضوع.طالما أنا إللي كنت السبب إنكم تسيبو بعض
اسلام..... أولا لو كلمتيها اعتبري نفسك ملكيش اخ هزعل منك بجد يا بسمه وإنتي عارفه كلمتي
ثانيا إنتي مش السبب إننا نسيب بعض الموضوع ده ربنا خلاه يحصل علشان يشيل الغشاوة إللي كانت على عيني
وسلام بقي علشان أجهز شنطتي علشان ماشي بكره
خلي بالك من نفسك وخلي بالك من العيال سلام
أغلق معها الهاتف وظلت بسمه تضحك وتبكي مع نفسها
عندما تتذكر ما فعل اخوها من أجلها تضحك . وعندما تتذكر أن أخاها حزين الآن على فراق حبيبتة تبكي
وقامت تصلي قيام الليل وتدعو لاخاها أن يريح الله قلبه
ويلهمه الطريق الصحيح وعندما انتهت من صلاتها دخلت إلي جوار اطفالها نامت بينهم حتي تشعر بالطمأنينة
. وانتهي يوم بفرحته وكآبته واتي يوم آخر يحمل في طياته الكثير والكثير .
اتي الصباح علي اسلام.صلي الفجر وجهز اشيائه وقبل رأس أمه وودعها
الأم..... قلبي مش مطمن يا اسلام بلاش يا إبني تسافر انهارده
اسلام. ههههههههههه إنتي كل مرة تقوليلي كده يا حاجه
الأم..... بجد يا اسلام قلبي مش مطمن
اسلام..... ادعيلي إنتي بس ومتخافيش عليا
الأب.....ادعيله يا أم اسلام بلاش تخوفيه مع السلامه يا إبني
وراجع نفسك تاني في موضوع الخطوبه ده فكر تاني
اسلام.... مع السلامه يا حاج والموضوع ده خلاص أنتهي بالنسبة ليا بالله عليك بلاش تفتحه تاني.
.
الأم..... استودعتك الله الذي لا تضيع ودائعه
أحفظ إبني بحفظك يارب
وجد تليفونه يرن برقم بسمه فقال وبسمه كمان بترن اهي هكلمها وأنا ماشي بقي سلام
بسمه.. إيه يا قلب أختك مشيت ولا لسه
اسلام. ..يا قلب اخوكي أنا في الطريق ادعيلي
بسمه... بدعيلك والله روح ربنا ينور طريقك ويسهلك الصعب وينجيك من كل شر
اسلام.... اللهم امين يارب العالمين ...مع ألف سلامة
أغلقت بسمه معه الهاتف وظلت تقرأ في مصحفها وتدعو الله له
وعندما طلع الصباح واشرقت الشمس وجدت بسمه حماها يناديها
ايقظت بسمه اطفالها ونزلت إلي الأسفل وجدتهم مجتمعين
آمال واميره وعلا .. ومحمد وحماها
محمد..... ياأم ياسين علا كانت عايزه تعتذرلك على إللي حصل منها.وترجعو تاني تكلمو بعض
بسمه.... الاعتذار أنا مش قبلاه واستحالة أرجع معاها زي الأول تاني .دي فضح*تني في الشارع وقالت عني حاجات عمري ما كنت أتخيل إن حد يتهمني بيها
حماها.....هي عرفت غلطها وجايه تعتذرلك
بسمه.... أنا أسفه يا بابا مش قابله الاعتذار ده
محمد....يا أم ياسين إحنا داخلين على شهر رمضان
ومينفعش الشهر يدخل علينا واحنا في زعل ما بينا
وهي جايه تعذرتك
بسمه..... الموضوع أكبر من الاعتذار
حماها.... يا بنتي لازم نسامح علشان نعرف نعيش ولازم تكلمو بعض
بسمه. أنا علشان ربنا يتقبل مني صلواتي وعلشان رمضان داخل علينا ...هيبقي مفيش بيني وبينها غير السلام
واللي في القلب في القلب
محمد..... طيب سلمو على بعضكم بقي وربنا يبعد عنكم الشيطان إللي دخل بينكم ده
سلمو على بعضهم واعتذرت علا لبسمه وذهب محمد إلي شقته وذهبت علا ورائه
علا...... أنا عملت إللي إنت عايزه واعتذرت رغم إني معملتش حاجه غلط.. أنا كنت بحافظ على بيتي
محمد. أنا نفسي لما تغلطي تحسي بغلطك مش تقعدي تكابري . خايفه علي بيتك من إيه
بيتك لو إنتي محافظة عليه ومخليه بالك منه مش هتخافي عليه . محدش اصلا هيقدر ييجي جمبه
في منزل والد اسلام
كان يجلس هو وزوجته اتي له إتصال
..... حضرتك والد اسلام مصطفى شاهين
أبو إسلام..... أيوه أناابوه إبني فيه حاجه
..... إبن حضرتك عمل حاد*ثة على الطريق وهو حاليا في مستشفى. .
أم اسلام..... . ابناااااااااااااااااااااي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
كانت المستشفى مليئه بأهالي الحادثه
النساء يبكون والرجال يجرون في الطرقات يحاولون أن
يعرفوا حالة أبنائهم.ولكنهم لم يجدوا أحد يبرد النار التي
تشتعل في صدورهم ويطمئنوهم على أبنائهم
فالأطباء داخل غرفة العمليات وحولهم الممرضات يساعدوهم كانت الحادثة كبيره وعدد الضحايا كثير
عندما كانو ينتهون من حاله يخبرو أهلها بحالتها الصحية ويطمئنوهم ...كان والد اسلام قد انهكه التعب من كثرة
الانتظار.وهو لا يعلم شيئاً عن ولده وكانت بجانبه زوجته تبكي وتتضرع إلي الله أن يحفظ ولدها ويطمئنها عليه
وبجانبها بسمه تبكي . تبكي أخاها تبكي سنداً قوياً
تبكي حالها.تتذكر زكرياتهم سويا وتزيد في البكاء .كم كان حاميا لها منذ طفولتهم كم كان عطوفا عليها.
كم ضحي من أجلها .. تدعو الله ألا يريهم فيه مكروهاً
كم انتظرو حتي خرج عليهم الطبيب يطمئنهم أن ابنهم بخير ويستطيعو الآن أن يروه
دخلو الغرفة التي يوجد بها اسلام وبعض من الضحايا
دخلت بسمه رأت أخاها الشاش حول رأسه واخبرهم الطبيب أنه أخذ فيها اثنان وعشرون غرزه ووجه به بعض الخدوش
ويده اليمين في الجبس. وقدمه اليمين في الجبس ومعلقة لأعلي.عندما رأت أخاها في هذه الحالة وقعت على الأرض
مغشياً عليها .اجتمع حولها الممرضات ونقولها إلي غرفة
الكشف ....كشف عليها الطبيب وعلق لها محلول
كان والدها ووالدتها مابين غرفة اسلام وبين الغرفه التي
ترقد بها بسمه... عندما أفاقت بسمه كليا واستطاعت أن تقف
على قدميها ذهبت إلى غرفة أخيها وجلست بجواره وبكت بكاءا شديدا كأنها لم تبكي من قبل
أخرجت المصحف من حقيبتها وظلت تقرأ وتبكي كانت أمه تمسك في يده السليمه وتقبلها وتبكي وعند قدميه يجلس والده والدموع محبوسه في عينيه يحاول أن يحافظ على ثباته حتي لا ينهار من حوله
وبعد وقت وجدت أم اسلام أن أحد ما يمسح دموعها بوهن شديد ويقول لها بصوت ضعيف يملأه التعب
.
متعيطيش يا أمي . مبحبش اشوف دموعك
هبت أم اسلام واقفه وذادت دموعها وقالت
يا حبيبي يا إبني .نور عيني يا إبني
ياريت أنا كنت مكانك
اسلام.. بعد الشر عليكي
وهنا لم يتمالك والد اسلام دموعه وانهمرت على خديه
معلنه إنهيار حصونه
اسلام امتلأت عينينه بالدموع... متعيطش ياحاج أنا والله كويس وحاول أن يقوم من مكانه لكنه لم يستطع أن يتحرك
.
امسكته بسمه ووالدته من يديه
بسمه وكانت عينيها بلون الدم وخدودها شديدة الاحمرار من كثرة بكائها وكانت تتكلم بصوت متقطع من كثرة بكائها
إنت بتعمل ايه يا حبيبي خليك مستريح
اسلام.... إيه إللي إنتي عملاه في نفسك ده يا بسمه
بسمه..... ربنا ما يخضني أبدا عليك يا حبيبي
كان جيران المنطقة التي يسكن فيها والد اسلام جميعهم مجتمعين خارج المستشفى .لا يستطيعون الدخول من كثرة الناس داخل المشفي فمنعو دخولهم .وكان معهم حما بسمه ووالديه محسن ومحمد
دخل عليهم الطبيب واخبرهم أنه يجب أن يتركو المستشفى فيوجد حالات كثيرة تحتاج إلي سراير عندما يخرجون من غرفة العمليات . وكتب لهم على خروج.واخبر كل عائله بما يجب عليهم فعله تجاه المريض
خرج والد اسلام من المستشفى حتي يأتي بتاكسي يأخذ فيه ولده
وجد كل رجال منطقته يجرون عليه ويحاولون أن يطمئنو على اسلام
أبو إسلام..... إيه ده يا جماعه تعبتو نفسكم ليه وجيتو
أبو محسن..... دول هنا من الصبح وبحاول معاهم إنهم يروحو يشوفو مصالحهم محدش رضي منهم يمشي
اصحاب اسلام...... طمنا على اسلام هو كويس
احد رجال منطقته.....قلبنا واقع في رجلنا من الصبح طمنا عليه
والد اسلام. .هو الحمد لله كويس واتكتبله على خروج وأنا رايح اجيب تاكسي
محمد..... أنا معايا العربية بتاعتي وابويا كمان معاه عربيه
علي ما تنزلوه أكون جهزت العربيه
طلع محسن مع أبو إسلام وأصدقاء اسلام حتي يأتو به
عندما رأي اصدقاء اسلام .. اسلام. لم يتمالكو انفسهم واجهشو في البكاء
اسلام..... يا جماعه أنا بخير والله
أخو دعاء خطيبته السابقة واحد اصدقائه.ببكاء ...
علي عيني أشوفك كده يا حبيبي ومقدرش اخفف عنك تعبك
اسلام..... والله أنا بخير يا جماعه دموعكم دي غاليه عليا أوي
محسن..... ألف سلامة عليك يا اسلام . الحمد لله إننا اطمنا عليك إنك بخير .قوموه معايا علشان نعرف نشيله يا جماعه
التف حوله أصدقائه ورفعوه من على السرير وكانو يمشون ببطئ يخافون أن يألموه
عندما خرج خارج المشفي وجد الرجال يلتفون حوله ليطمئنو عليه ويحاولون أن يحملوه
أبو محسن.....براحه عليه يا جماعه نوديه البيت وتعالو اطمنو عليه براحتكم
دخل اسلام في عربه محمد ومعه والده وأحد أصدقائه
وركبت بسمه ووالدتها في عربه حماها
ووصولو إلي البيت وكان البيت عند ابو اسلام ممتلئ بالناس يريدون أن يطمئنو على اسلام لطالما كان اسلام ووالده محبوبين من الجميع
ادخلوا اسلام إلي سريره وجلسو بجواره واستأذن البعض عندما رأي البيت مليئا بالناس
وبعد وقت كثير جداً عاد كلا إلي بيته
ولكن أصدقاء اسلام ظلو بجانبه
أخو دعاء.... هروح أغير هدومي يا حبيبي واجيلك على طول
اسلام.... متتعبش نفسك يا طارق أنا كويس
طارق..... لأ والله لازم ابات معاك انهارده
غادر طارق بسرعه حتي يأتي إليه سريعاً وعندما وصل إلي المنزل وجد دعاء في انتظاره
دعاء. ... اسلام عامل إيه يا طارق
طارق...... كويس الحمد لله
دعاء.. بإحراج .. يعني ماله حالته ايه
طارق.....بتسألي ليه يا دعاء مش خلاص كل واحد راح لحاله
دعاء.....فضول يا طارق في إيه
طارق.....تعبان يا دعاء تعبان أوي ادعيله ربنا يشفيه ..عمال يكابر وبيحاول يرسم الابتسامة على وشه على شان يطمن إللي حواليه ..بس تعبه باين أوي على وشه
............... ............. ......... ......
في شقة محمد
علا..... طول النهار قاعد بتعمل ايه هناك
محمد.....نسيبنا تعبان وعامل حادثة وعايزاني أروح زيي زي الغريب
علا كانت الغيره تتحكم بها..... فقالت
ولا قاعد هناك علشان تواسي أخته
محمد... بزعيق احترمي نفسك شويه علشان أنا جايب أخري متخليش إللي أنا فيه يطلع عليكي
تركته علا وذهبت من أمامه حتي لا يتهور عليها فهو في حالة عصبيه شديده
........ .... ............ ....... ...
في شقة محسن
آمال...... أخو بسمه عامل ايه يا محسن
محسن......تعبان أوي يا آمال
آمال...... طيب بسمه وأمها عاملين ايه
محسن.....هناك هيموتو عليه
وجيرانهم يا آمال ناس كويسه أوي من الصبح وهما قدام المستشفى محدش فيهم رضي يمشي
آمال.....هما ناس محترمه وكويسين مع الدنيا كلها علشان كده تلاقي الدنيا كلها بتحبهم
........... ... . .......... .........
في شقة محمود
محمود... .هما فين ولا احمد أخويا نامو ولا ايه
أميره..... آه نامو. محمود إنت روحت شوفت أخو بسمه
محمود..... أيوه طلعت من الشغل علي هناك
اميره.....طيب هو عامل ايه .وبسمه عامله ايه
محمود..... الحمد لله كويس .وهي كمان كويسه
اميره... الحمد لله ربنا يتم شفاه على خير .
..محمود كان في حاجة كده كنت عايزه اقولك عليها
محمود....قولي خير
اميره. . العادة الشهرية متأخره بقالها سبع أيام وإنت حلفت عليا إني مشتريش إختبار حمل ممكن تنزل تشتريه إنت
بالله عليك نفسي أفرح
محمود.. .. يا اميره كل شهر بتجبيه وتفضلي منكده على نفسك بعدها اسبوع
اميره برجاء..... علشان خاطري يا محمود علشان خاطري
محمود.... ماشي يا اميره بس اوعديني لو مفيش حاجه متعيطيش زي كل مره
اميره.. أوعدك
ذهب محمود إلي الصيدليه وجاء بالاختبار واعطاه إلي أميره
دخلت أميره إلي الحمام وخرجت بعد وقت قصير وهي مزهوله ولا تتكلم
محمود.. مالك كده في إيه
اميره..... بزهول شرطتين يا محمود أنا حامل . أنا حامل
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بسمة..... اقتربت من ودن اسلام وقالت عامل ايه دلوقتي يا حبيبي
اسلام..... أنا كويس والله يا أم ياسين .اطمني عليا خالص إنتي وأمي
أنا عايزك تطلعي تنامي في الشقه إللي فوق إنتي وأمي
علشان أصحابي مصرين إنهم يباتو معايا
بسمه....خلينا في الاوضه إللي جمبك علشان لو احتجت حاجه
اسلام....بقولك في شباب هيباتو معايا تنامي في الاوضه إللي جمبي إزاي
تاخدي أمي وتطلعي ومتنزليش غير لما ارن عليكي تنزلي
بسمه..... طيب لو احتجت حاجه
اسلام.... معايا ابوكي ومعايا أصحابي..اطلعي بقي
مش عايز ألمح طيفك تحت يا بسمه
بسمه... حاضر يا اسلام.بس لو عوزت أي حاجة أي حاجة
ترن على طول أنا مش هنام
اسلام..... لأ نامي وخدي راحتك أنا لو احتجت حاجه الرجاله معايا اهه اطلعي يلي
ذهبت بسمه إلي الشقه العلويه ودخلت أم اسلام إلي اسلام واطمئنت عليه وأصر عليها اسلام أن تذهب إلى الأعلى
وبعد الكثير من المجادلات رضخت لطلبه وذهبت للاعلي
توضأت وصلت وظلت تحمد الله أنه حفظ لها ولدها
وكانت بجانبها بسمه تصلي وتتضرع إلي الله أن يتم شفاء أخاها على خير
وعندما فرغت من صلاتها قامت بالاتصال على اميره لتطمئن علي أولادها
اميره...... السلام عليكم..ازيك يا بسمه وإسلام عامل ايه دلوقتي
بسمه.... إحنا كويسين والله الحمد لله في نعمه
الاولاد عاملين ايه تعبوكي
اميره.....لأ والله دول هاديين خالص ربنا يحفظهملك يارب
بسمه.....هما نامو
اميره....رؤي ورقيه نامو من بدري
وياسين وياسمين لسه نايمين من شويه
همت اميره بإخبار بسمه بالحمل لكن محمود أشار لها ألا تخبرها بعدما أغلقت مع الهاتف
اميره. .. إنت مخلتنيش أقول لبسمه ليه على الحمل
محمود.... نروح بكره الأول نكشف ونتأكد وبعدين نقول للدنيا كلها
اميره.. . يارب فرح قلبي يارب
................ ................. ......... ......
في شقة محمد
.علا.... محمد أنا عايزة بكره أروح عند بسمه
محمد....... طبعاً روحي ده واجب
وأثناء حديثهم سمعو صوت صراخ ولدهم
دخلو عليه بسرعه
علا بلهفه.....مالك يا معاذ
معاذ.....بطني هموووووت
محمد..... بسرعه لبسيه اوديه أي مستشفى
علا....... أنا جايه معاك
.محمد....هتروحي فين بالليل كده لبسي الواد وأنا هكلم محمود ونروح أنا وهو
رن محسن على محمود ونزلو سريعاً بالطفل
استيقظ جميع من في البيت على صوت صراخ الطفل
خرج محسن من شقته.....ماله معاذ يا محمد
محمد بسرعه.... بطنه تعباه هوديه المستشفى
محسن..... استني هاجي معاك
محمد.... محمود رايح معايا خليك ولو احتجتك هرن عليك
محسن..... ماشي يبقي طمني عليه
والد محسن..... ماله الواد يا محمد بيصرخ ليه كده
محمد.... بطنه تعباه هوديه المستشفى أنا ومحمود
والده...... استني هاجي معاك
محمد...... ملوش لزوم يا حاج معايا محمود
والدة...... لأ إنت شايف الولد بيصرخ إزاي دقيقه واحده واجيلك
اخذو الولد إلي أقرب مستشفى وكشف عليه الطبيب
محمد......ماله يا دكتور
الدكتور.بسرعه .... ده عنده حالة تسمم
....................... ................ ...... ........
عند اسلام
كان أصدقاءه بجواره يحاولون أن يخففو عنه ألمه
احد أصدقائه......بس إنت اتخرشمت أوي يا اسلام
اسلام.....اتريق يا خويا اتريق
احد اصدقائه..... بس إللي يشوف وشك يقول واخد علقه تمام
اسلام......هديك واحده زيها بس لما اقوملك
صديق اخر.....بس بقي إنت وهو ده مش وقت هزار الواد تعبان ...بس تحت عينك أزرق يا اسلام كأن حد مديك بونيه فيها
ضحكو جميعاً....هم يحاولون أن يضحكوه ويخففو عنه ولو قليلاً
اسلام...... إللي يصاحب ناس زيكم يتوقع منهم إيه.....لازم يكون معندكمش دم
صديقه...... اسكت اسكت دا إحنا دمنا زي العسل....اش عرفك إنت بخفة الدم
صديق اخر......بس بقي يا جماعه بجد....مش عايز أي حاجة يا اسلام....اعدلك المخده اقومك تقعد
اسلام......هو لو مش هتقل عليك اسندني أدخل الحمام
هب أصدقائه كلهم واقفين وقالو..... لأ إحنا هنشيلك
اسلام...... لأ يا جماعه متتعبوش نفسكم هتشيلو إيه..
اصدقائه...... إحنا نشيلك فوق راسنا يا اسلام متخافش مش هتتعبنا
ادخلوه الحمام ووقف معه والدة أنا هدخل معاك
اسلام..... لأ يا حاج متقلقش أنا تمام
والده......لأ يا بني مينفعش ...اسندك حتي دا أنا أبوك يا اسلام ...هتتكسف مني
اسلام.....بص يا حاج أنا هدخل ولو معرفتش اتعامل هنادي عليك ...ماشي
دخل اسلام.واصدقائه جميعاً واقفين أمام الباب منتظرينه
وعندما نادي عليهم دخلو جميعاً وحملوه ووضعوه على السرير
اسلام..... شكرا يا جماعه تعبتكو معايا
صديقه.....تعبك راحه المهم إنت بس تقوم بالسلامه
نام بعض أصدقائه والبعض الآخر ظل مستيقظ حتي يستطيعوا أن يأخذوا بالهم من اسلام إن احتاج لأي شئ
أقترب طارق من اسلام...ووضع بعض النقود في يديه
خلي دول معاك يا اسلام
اسلام..... إيه ده يا طارق والله معايا الفلوس
طارق..... خليهم معاك بس هتحتاجهم
اسلام......يا إبني والله معايا
طارق.... . اسلام إنت زعلان مني علشان موضوع دعاء
أنا قولتلك من ساعة ما جيت خطبتها إن أي حاجة تحصل بينك وبينها ملهاش علاقه بصداقتنا .. إحنا طول عمرنا واحنا صحاب
اسلام.... والله أبدا مفيش أي حاجة من الكلام ده
طارق.....طيب علشان خاطري خليهم معاك
رفع اسلام المخده حتي يضع النقود تحتها وجد الكثير من النقود.فأصدقائه عندما كان داخل الحمام وضع كل واحد منهم بعض النقود حتي يساعدوه بهم
............. ..................... ........
في المستشفى
محمد بلهفه.....خير يا دكتور إبني عمل إيه
الدكتور...... الحمد لله عملناله غسيل معدة وهو دلوقتي كويس
هيبات في المستشفى لحد الصبح وبعدين يقدر يرجع البيت
سجد محمد علي الأرض شكراً لله أنه نجا إبنه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
في منزل اسلام
في الصباح استيقظ اصدقائه وذهب كل واحد منهم إلي عمله
وبقي اسلام ووالده فقط فنزلت والدة اسلام التي لم تستطع أن تنام طوال الليل من فرط قلقها علي ولدها دخلت عليه قبلت رأسه وقالت
عامل ايه دلوقتي يا حبيبي طمني عليك
اسلام..... والله يا ماما أنا كويس اطمني إنتي بس
والدته.....مش هطمن غير لما اشوفك بتمشي وتتحرك طبيعي تاني
مش قولتلك يا اسلام متروحش أنا كان قلبي حاسس
اسلام..... يا حبيبتي دا نصيبي ومحدش يقدر يهرب من قدره
والحمد لله إنها جت على قد كده
بسمه..... حضرتلك الفطار يا غالي قوم كل لقمه
اسلام.... أكل على الصبح كده يا بسومه...مليش نفس والله
بسمه.....ملكش نفس إيه دا إنت هتاكل الصنيه دي كلها
اسلام..... تعالي بس في موضوع كده كنت عايز أكلمك فيه
أنا كنت ماشي في الموضوع ده.بس مش هعرف أكمله وأنا كده فإنتي إللي هتكمليه
بسمه..... موضوع إيه خير....اوعي تكون ناوي تخطب
دا أنا هفرحلك أوي
اسلام..... لأ خطوبه إيه .بصي هو إنتي عجبك عقدتك كده في البيت
بسمه.... يعني ايه مش فاهمه
اسلام...... يعني إنتي مش عايزه تشغلي وقتك بحاجه
بسمه..... حاجه زي إيه
اسلام.....بصي أنا سألتلك علي موضوع الجامعه المفتوحه دي
وإنتي ينفع ترجعي تكملي تعليمك ... روحي الجامعه واتعرفي علي ناس جديده...واخرجي وشوفي الدنيا
بسمه..... أنا معايا أربع اطفال يا اسلام
اسلام..... الجامعة بتكون يوم الجمعه بس وتقدري تسيبي العيال هنا مع أمك
بسمه.....دا بيقولو مصاريفها كتير اوي يا اسلام
اسلام... . أنا رقبتي سداده يا حبيبتي من جنيه ل100الف جنيه ... الفلوس اللي كنت هصبلك بيها الشقه.تاخديهم وتخليهم معاكي وقت ما تحتاجيهم يكونو تحت عينك
ولما يخلصو تقوليلي واديكي غيرهم
بكت بسمه ونظرت إليه.... إنت إزاي ملاك كده ربنا يخليك ليا يا حبيبي شايل همي حتي وإنت كده تعبان
اسلام..... أنا اخوكي يا عبيطه لو أنا مش هشيل همك مين اللي هيشيله
أم اسلام.....بس يا اسلام هو حماها هيرضي
اسلام....... أنا هكلمه يا ماما وهقنعه
أم اسلام......ولو مرضيش بقي هتعمل ايه
اسلام..... أولا هو ملوش حكم عليها دلوقتي... أنا هكلمه واستأذنه علشان الأصول مش اكتر
وبعدين هو راجل محترم ومتفهم ومش هيعترض
أم اسلام......طيب إنتي إيه رأيك يا بسمه في الموضوع ده
بسمه.....مش عارفه والله يا ماما هفكر
اسلام...... لأ هتفكري إيه أنا كنت ماشي في الموضوع وكنت بجهزلك الورق وابوكي عارف وموافق وبيجهزلك الورق معايا
اعملي حسابك إنك هتروحي بإذن الله السنادي مفيهاش تفكير دي
جاء إلي بسمه إتصال فخرجت حتي تستطيع الرد على الهاتف فقالت والدة اسلام له
يا إبني يمكن هي مش عايزه تروح متغصبش عليها
اسلام.....يا ماما بسمه طيبه أوي ومش بتيجي غير بالأمر الواقع ولازم أعمل معاها كده علشان تخرج من الحزن إللي هي فيه ده وتخرج وتتصاحب علي ناس جديده
وتدرس وتتعلم
أم اسلام.... وإنت هتجيب فلوس منين لده كله
اسلام.....كل حاجه بتيجي برزقها يا أمي
أم اسلام......وابوك إزاي وافق
اسلام..... أنا بقنع فيه بالموضوع ده من ساعة ما مات جوز بسمه وهو رافض ...وفاتحته تاني بالموضوع لما بسمه تعبت وجالها إنهيار عصبي كان ساعتها بدأ يلين للفكره
وبما إن الزن على الودان أمر من السحر وافق
وافق في الآخر
أم اسلام...... ربنا يصلح حالك يابني يارب ويرزقك ببنت الحلال إللي تكون طيبه زيك
................. ................ ...........
في الخارج كانت بسمه تتحدث في الهاتف
استغربت بسمه كثيراً عندما وجدت أن المتصل دعاء خطيبة اسلام السابقة
بسمه..... السلام عليكم ازيك يا دعاء
دعاء بإحراج.....ازيك يا بسمه عامله ايه
بسمه..... أنا تمام الحمد لله إنتي إيه أخبارك
دعاء. الحمد لله.انا كنت بتصل بيكي علشان اعتذرلك على آخر مره كلمتك فيها على التليفون كنت قليلة الذوق أوي معاكي
بسمه.....لا خلاص ولا يهمك حصل خير
دعاء..... يعني إنتي مش زعلانه مني.يعني ينفع نرجع نتكلم في التليفون مع بعض تاني
بسمه..... آه عادي وقت ما تحبي تتكلمي معايا هتلاقيني موجوده
دعاء بإحراج......طيب أنا كنت عايزاكي تطمنيني علي اسلام
علشان طارق اخويا مش عايز يطمني
بسمه.....هو كويس والله الحمد لله
دعاء.....طيب هو فيه ايه يعني حصله ايه
بسمه......ايده ورجله اليمين مكسورين وواخد واحد وعشرين غرزه في دماغه
شهقت دعاء بصوت عالي وقالت بصوت يغلب عليه البكاء
ألف سلامة عليه ولو سمحتي يا بسمه متقوليش ليه إني أنا كلمتك وسألت عليه..ولو تسمحيلي كل فتره ارن عليكي
بسمه..... ماشي يا دعاء.. مع السلامه
وأغلقت بسمه معها الهاتف وقالت خسرتي كتير اوي يا دعاء
خسرتي راجل بمعني الكلمة ربنا يرزقه ببنت الحلال.. إللي تطلع حبك من قلبه ... أو ربنا يهديه ويرجعلك ولو أنه صعب يرجعلك
.. .................... .........................
في المنزل عند حما بسمه
كانت آمال واميره يجلسون حول علا يحاولون أن يهدأوها
فمنذ أن علمت أن ولدها عنده حالة تسمم وهي في حالة إنهيار تام.... رغم أن محمد لم يخبرها إلا في الصباح
وهو آتي من المستشفى بالولد سليم ... إلا أنها لم تكف عن الصراخ
دخل عليها محمد بالولد جريت عليه وأخذته داخل أحضانها وظلت تبكي
اطمأنت أميره وآمال علي الولد وعادت كل واحدة إلي شقتها
نظر محمد إلي علا بغضب وقال
شايفه نتيجة استهتارك إبنك جاله تسمم من أكل الشارع الملوث إللي اكلتيه للولد امبارح
ورايحه تقولي للولد متقولش لأبوك
إبنك كان هيموت يا هانم لولا لطف ربنا بينا فوقي بقي.. شويه
فوقي لنفسك ولعيالك...سيبي التليفون من إيدك وشوفي عيالك محتاجين إيه واعمليه في البيت
مش تستسهلي وتبعتي الواد يجيب أكل من الشارع
الواد لو كان جراله حاجه أنا كنت سودت عيشتك يا علا
وده آخر إنذار ليكي إلا العيال
دول هما دول إللي أنا مستحملك علشانهم
جلست علا على الأرض بإنهيار..وكلما تذكرت أن ولدها كان سوف يموت بسبب إهمالها تبكي بشدة
................ ة. ................ ...............
في منزل والد بسمه
كان البيت ملئ بالناس الذين أتوا ليطمئنو على صحة اسلام
وأتت أميره ومعها أولاد بسمه وآمال
استقبلت بسمه أولادها بالاحضان ورحبت ببسمه وآمال وادخلتهم
جلسو قليلاً ولكثرة الناس الذين يأتون ذهبوا بعدما اطمئنوا على اسلام.وعلي بسمه
اميره......هاتي الاولاد معايا يا بسمه مش هتعرفي تاخدي بالك منهم الناس إللي داخله وخارجه كتير اوي
بسمه.....لا متقلقيش أنا هخلي بالي منهم وشكراً يا أميره علي تعبك معايا ومع أولادي..... أما أنا شوفتلك رؤية حلوه أوي من كام يوم وكان تفسيرها إن في أخبار سعيده جايه
اميره بفرحه...... إن شاء الله يكون في أخبار سعيده أنا رايحه أكشف انهارده ولو اتأكدت إن في حاجة هرن عليك على طول افرحك
بسمه بسعادة...... بجد يا اميره إنتي شاكه في حاجة
اميره...... آه ادعيلي إنتي بس
بسمه........ بدعيلك والله ليل ونهار ربنا يفرح قلبك يارب
ذهبت آمال وأميرة إلي منزلهم وذهبت بسمه إلي المطبخ تكمل ما كانت تفعله ومعها أطفالها الذي وحشوها كثيراً
عادت اميره إلي شقتها تعد الساعات والدقائق والثواني
حتي يأتي ميعاد رجوع محمود من عمله وميعاد الدكتوره
استنفزت كل الصبر الذي لديها حتي اتي محمود من عمله
كانت قد استعدت ولبست ملابسها وعندما علمت أن محمود في الأسفل نزلت له سريعاً قبل أن يأتي ويطلب منها تجهيز العشاء فليس لديها أي صبر آخر للإنتظار
ذهبت الى الطبيبة وانتظرت دورها حتي اتي ودخلت إلي الطبيبه وهي تدعو الله أن يفرح قلبها
بعدما فحصتها الطبيبة قالت
ألف مبروك يا مدام اميره إنتي فعلاً حامل الكيس ظاهر قدامي اهه خر محمود علي الأرض ساجداً يحمد الله ويشكره على نعمه آلتي لا تعد ولا تحصى عليه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
عاد محمود واميره إلي المنزل وهم يشعرون بسعادة كبيرة
فحلم كان صعب المنال أصبح الآن حقيقة
اميره..... محمود أنا مش بحلم صح
محمود..... أنا إللي خايف إني أكون بحلم .بقولك ايه اقرصيني كده.علشان لو بحلم اصحي
اميره....طيب خلينا لما نروح البيت علشان ميبقاش شكلنا أهبل في الشارع
وصلو إلي المنزل واخبروهم بهذا الخبر السعيد
فرحو لهم كثيرا
محمد..... علشان الخبر السعيد ده إنت لازم تعملنا حاجه حلوه
خروجه مثلاً.....عشوه مثلاً
محسن.....خلو الخروجه دي عليا... الحمد لله إن ربنا فرحنا
والد محسن.... مفيش خروجات غير لما اميره تقوم بالسلامه
مينفعش تركب عربيات
محسن..... خلاص نخليها عشوه... أنا عازمكم على العشا
واختارو كل إللي نفسكم فيه
محمود...... خلو طيب الموضوع ده عليا
محسن..... لأ عليا أنا
والد محسن......نخليه المره دي على محسن... ومحمود يعزمنا كمان مره لما مرات احمد ترجع البيت ونبقي متجمعين كلنا سوا.....
.... ............... ...... ............... .........
عند اسلام
اسلام.....بسمه أصحابي هيباتو معايا تاني انهارده تاخدي أمك وعيالك وتطلعي فوق متنزلوش
والدته...... مينفعش كده يا إبني إحنا تعبناهم وبعدين أنا ببقي هموت واطمن عليك
اسلام.....هما إللي أصروا والله يا ماما أعمل إيه
خدي بسمه إنتي بس واطلعي وهما بيخلو بالهم مني وبعدين أبويا ربنا يباركله في صحته معايا ومش بيسبني أبدا
والده......يا إبني معنديش في الدنيا كلها أعز منك أنت واختك افديكم برقبتي
بسمه..... ربنا يباركلنا فيك يا حاج
اسلام...... ربنا يحفظك لينا يارب واحنا معندناش أغلي منك إنت وأمي
والدته... هقوم اجهزلك لقمه تاكلها
والدة.... وأنا هقوم أصلي العشا
ظلت بسمه وإسلام بمفردهم
بسمه...... اسلام إنت ليه مش عايز تطاوع قلبك وترجع لدعاء
اسلام.... لما يكون قلبي مختار غلط طبيعي إني مش هطاوعو
بسمه......بس إنت بتحبها وهي بتحبك وممكن الحب إللي بينكم يخليكم تعرفو تتفاهمو
اسلام......هي على فكره ماحبتنيش هي ممكن تكون منبهره بإن أهلها دايما بيشكرو فيا ... إن أخوها بيقول عليا كلام كويس . إنما موصلتش لمرحلة الحب .... إللي بيحب عمره ما يعرف يفرط في إللي بيحبه بسهولة ... إللي بيحب بيواجه المشاكل علشان إللي بيحبه . مش من اول مشكله يروح قافل بابه....ولما كلمتك انهارده الصبح علشان تطمن عليا كان فضول بس مش اكتر
بهتت بسمه وقالت
إنت مين إللي قالك إنها كلمتني انهارده
اسلام.....كان باين علي وشك أوي وإنتي داخله ومتوترة وكأنك عايزه تداري حاجه..ولما فتحتي الموضوع دلوقتي اتأكدت إنها كانت هي
بسمه.....طيب إنت بتحبها يا اسلام ارجعلها وريح قلبك
اسلام.... أنا مش عارف أنا بحبها ولا لأ أنا ممكن أكون كنت معجب بشكلها الحلو .كنت عمري ما اتكلمت معاها فكان فضولي عايزني أعرفها أعرف طريقه تفكيرها
بس لما حصلت الخطوبه وقربت فعلاً... حسيت إن إحنا بينا مسافه مش سهل إن إحنا نقربها
كانت تقولي أنا عايزة دهب اكتر من إللي جه لصاحبتي
أنا عايزة اعمل في الشقه ديكورات أحسن من إللي شوفتها عند بنت خالتي
أنا عايزة اعمل الفرح في قاعة احسن من قاعة صاحبتي كذا
إنتي عارفه هي لو بتطلب الحاجات علشان هي فعلاً عجباها وعايزه زيها...كنت هقول ماشي
إنها هي بتبص لغيرها عايزه الحاجات دي علشان تبقي أحسن من غيرها.....مش عايزاها علشان هو ده اختيارها وذوقها
ولما حصلت المشكلة الاخيره بينا ...وهي بسرعه اختارت البعد وماحولتش حتي تقف جمبي
اتأكدت إنه لأ.... الموضوع ده مينفعش يكمل
أنا عايز أم لعيالي .... أم تعرف مشاكلهم وتواجهها مش أم بتهرب من المشاكل
عايز زوجه صالحه ليا تقدر تواجه معايا الحياه وتقف في ضهري..لما يكون ظروفي وحشه ومش معايا... تستحملني
وتصبر عليا لما ظروفي تتحسن....تبقا الحياه بينا مشاركه
وحياه لطيفه وكلها حب.. علشان نعرف نربي عيالنا صح....
وأنا بقولك الكلام ده دلوقتي علشان متفتحيش معايا الموضوع ده تاني... أنا ودعاء صعب نرجع لبعض
هي مش هتكون الزوجة إللي بتمناها أم لعيالي
ولا أنا هكون الزوج إللي بتتمناه
ومش محتاج أقولك يابسمه إن الكلام إللي بينا ده مش عايز حد يعرفه.... علشان أنا واثق فيكي فتحتلك قلبي
دخلت عليهم والدتهم في هذا الوقت وهي تحمل الطعام
............. ................ .................
عند طارق
دعاء...... إنت ليه مقولتليش يا طارق إن اسلام ايده ورجله مكسورين وكمان دماغه مفتوحة
طارق..... طالما كل واحد فيكم راح لحاله يبقي مينفعش إنك تقفي تسأليني عليه .... والمفروض إنك ملكيش دعوة بيه
دعاء بتوتر...... إحنا جيران وعشرة سنين ومفيهاش حاجه لما نطمن على بعض
طارق...... دعاء إنتي عايزه توصلي لإيه .... إنتي عايزه الخطوبه دي ترجع تاني
دعاء.....هو متمسكش بيا ياطارق ... أول لما أبوك قاله إني مش عايزه أكمل في الخطوبه وإن كل شيء قسمه ونصيب
محاولش مع أبوك....مرجعش تاني وطلب ايدي تاني
طارق..... إنتي عبيطه.. إيه تفكيرك المتخلف ده .هيرجعلك تاني بعد ما مافشكلتي الخطوبه ومحاولتيش حتي تقفي جمبه إن شالله بالكلام حتي...جو الروايات إللي إنتي عايشاه فوقي منه .وعيشي علي أرض الواقع
دعاء...... يعني مفيش أمل إنه ممكن يرجع يخطبني تاني
طارق......بيتهيألي خليكي في العريس إللي متقدملك أحسن
ظروفه المادية كويسه وإنتي بتحبي الماديات
دعاء..... مش عيب ولا حرام إني أكون عايزه أعيش عيشه كويسه وظروفي تبقي كويسه وأكون مرتاحه
طارق.... فعلاً مش عيب ولا حرام بس عمرها الدنيا ما بتمشي حلوه على طول لازم ييجي وقت وتضيق ساعتها هتعملي إيه
لازم تبقي عارفه من جواكي إن الدنيا ساعات كويسه وساعات لأ...تكيفي نفسك على كده وكده
دعاء..... خلينا في المهم.. اسلام محاولش يلمحلك إنه عايز يرجع الخطوبه تاني.
نظر لها طارق مطولاً وقال....هو لمح
نظرت له دعاء بفرحه وقالت... بجد يا طارق لمحلك
طارق...... آه بس كنت عايز اقولك حاجه قبل ما تفرحي كده
اسلام لما يفك الجبس من رجله...رجله مش هيعرف يمشي عليها طبيعي تاني هيمشي يعرج بيها
نظرت له دعاء بصدمه وقالت بجد...طيب لو لمحلك بحاجة بعد كده أقفل معاه الموضوع ده
نظر لها طارق بخيبة أمل وقال...علي فكرة هو ملمحليش بحاجة
دعاء..... يعني ايه
طارق.... لأ متخديش في بالك أنا نازل... سلام
.......... ............. ................
في شقة محمد
محمد....انزلي جهزي معاهم العشا وحسسيهم إنك فرحانه زيهم حتى ولو بالكدب
نظرت له علا بهدوء وقالت.... حاضر
محمد.....يحضرلك الخير يا اختي
علا..... ممكن اطلب منك طلب يا محمد
محمد. ومالك بتتكلمي بأدب كده..مش واخد عليكي كده خايف تتحسدي
علا.....لو سمحت يا محمد ممكن نرجع كويسين مع بعض
ترجع تعاملني زي الأول بلاش معاملتك الجافة دي معايا
محمد......بقالنا اكتر من تسع سنين وأنا بعملك كويس وبما يرضي الله....عملتي ايه إنتي ..صوتك بقي عالي وبقيتي بتقلي ادبك على الكبير والصغير ومش محترماني
وقليتي من نفسك ومني قدام الناس...وخليتي الناس تبصلي بعين الراجل الضعيف إللي ملوش كلمه علي مراته
وخليتي عيل صغير زي أخو بسمه يقولك
ما إنتي لو ليكي راجل كان لمك
خلتيني صغير في عيون الناس كلها وجايه بكل سهولة تقوليلي نرجع تاني مبقاش ينفع يا مدام
تركها محمد ورحل وجلست علا مع نفسها تبكي
................. ..... ................
في منزل اسلام
تجمع أصحاب اسلام حوله يمزحون معه ويحاولن أن يضحكوه.
احد اصدقائه...... فاكر يا اسلام لما كنا صغيرين وقررنا نطلع يوم اسكندريه نصيف .وابوك مرضيش وإنت ساعتها قعدت تعيط
ضحكو جميعاً.فأكمل صديقه
وإنت صحيت تاني يوم الصبح وقولت لأبوك إنك رايح الشغل وجيت روحت معانا
اسلام.......وهو يضحك دا أنا كلت حتة علقة في اليوم ده
وطارق..... وأنا روحت قولت لأبوك إنك كنت هتغرق
اسلام......ورجع ضربني تاني علقه أسود من العلقه الأولي
ضحكو بشدة أكثر
اسلام..... ياريتني كنت سمعت كلامه أنا فعلاً كنت هموت في اليوم ده....لولا إن الراجل جه انقذني
وانتو السابعه مفيش واحد فيكم بيعرف يعوم
طارق.... مش عارف لما إحنا مش بنعرف نعوم إيه إللي ودانا
اسلام.....كنا داخلين بقي على مرحلة الشباب وعايزين نثبت لنفسنا إننا رجاله
ظل اصدقاء اسلام حوله يتذكرون زكرياتهم ويضحكون عليها
صدق الذي قال الصديق وقت الضيق
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
داعبت نسائم الهواء اللطيفة خد بسمه لتستيقظ مبتسمة بهذا الشعور الجميل فلطالما أحبت هذا الهواء
استيقظت وايقظت أبنائها لأداء فريضة الفجر فهذه عادتهم يصلون الفجر في جماعة
بسمه.... ياسمين ياسمينا قومي يا قلبي نصلي الفجر
رؤي رقيه الفجر أذن يا حبايبي
ياسمين.... صباح الخير يا ماما
بسمه.... صباح النور ياقلب ماما..روحي صحي ياسين وتيته
رؤي ورقيه..... صباح الخير يا ماما
بسمه.....حبايب ماما صباح الفل والياسمين عليكم يلو يا حبايبي
رؤي..... أنا عايزة أنام شويه يا ماما
بسمه....نصلي الأول ونامي تاني يا حبيبتي
رؤى..... لأ أنا عايزة أنام
بسمه..... لأ يا قلبي كله إلا النوم عن الفريضة.. إحنا مسلمين صح
رؤي....صح يا ماما
بسمه..... مفيش مسلم يا رؤي بيأجل الصلاة....مش إنتي حافظه سورة الماعون
رؤى..... أيوه يا ماما
بسمه..... شوفي ربنا بيقول فيها إيه.....ويل للمصلين.. الذين هم عن صلاتهم ساهون
يعني الناس دي بتصلي... بس بيأجلو الصلاة.. ربنا بيتوعدهم
بوادي في جهنم إسمه ويل.. عايزه تبقي مع الناس دي يا حبيبتي في النار
ولا عايزه تدخلي الجنه وتلاقي فيها كل حاجه نفسك فيها
رؤي..... لأ عايزه أدخل الجنه يا ماما
بسمه... طيب يلي نصلي
رقيه... هو ليه يا ماما ربنا هيدخل الناس النار إحنا بنحب ربنا
بسمه.... إللي بيحب حد يا رقيه بيسمع كلامه
ينفع تقولي أنا بحب ماما وكل ماما ما تقولك اعملي حاجه تقوليلي لأ ما أنا كده هبقي زعلانه منك
ينفع تبقي رؤي بتسمع كلامي في كل حاجه وإنتي مش بتسمعي كلامي خالص..ينفع اساوي بينكم في المعاملة طبعاً لأ
هجيب لرؤي حاجة حلوة علشان هي بتسمع كلامي ومريحة قلبي وإنتي مش هجبلك.ومش من حقك إنك تزعلي علشان إنتي مش بتسمعي كلامي ..
كذلك ربنا هيكافئ الناس إللي بتنفذ أوامر ربنا بالجنه
شوفي ربنا مديكي نعم أد إيه..
اداكي بوقك وعنيكي ومناخيرك وودانك وايدك ورجلك
وقلبك... واداكي جسم سليم معافى من الأمراض
واداكي أم بتحبك أوي أوي
واداكي عيله بتحبك وبتخاف عليكي
يبقي ربنا مديكي النعم دي كلها وإنتي متسمعيش كلامه عز وجل ينفع يا حبيبتي
رقيه.. لأ يا ماما أنا بحب ربنا أوي أوي وسمع كلامه.
بسمه. ... شاطره يا حبيبتي وإنتي علشان بتسمعي كلام ربنا ربنا هيدخلك الجنه وهتلاقي فيها كل إللي نفسك فيه واكتر كمان
والدة بسمه.....يلي يا بسمه هاتي العيال وتعالي هنبدأ الصلاة
اجتمعو وصلو الفجر في جماعه
وكان والد اسلام وأصدقاء اسلام في الأسفل يصلون الفجر في الجامع وإسلام يصلي وهو راقد على سريره
أنتهي كل شخص من صلاته وعاد والد اسلام إلي منزله
وذهب أصحاب اسلام كل إلي عمله طالبا للزرق في هذه الساعة التي تقسم فيها الأرزاق
جلست بسمه تقرأ وردها حتي أضاءت الدنيا من حولها بنور الصباح ونزلت إلي الأسفل كي تقوم بتجهيز الفطار
جهزت الفطار وجلست هي ووالدتها وأولادها يتناولون وجبة الإفطار وإسلام يأكل على سريره
أم اسلام.... أما يا اسلام شوفتلك حتة عروسه إنها أدب إيه وأخلاق إيه
اسلام.. عروسه إيه يا ماما وأنا متخرشم كده وكمان لسه مفشكل خطوبتي
أم اسلام.....ما انت بكره تقوم بالسلامه...دا أنا من ساعة ما شوفتها وأنا بقول يسلم إللي رباها..ونعم الاخلاق يا اسلام
لما شوفتها كنت أنت خاطب وقولت لو كان اسلام مش خاطب كنت قولته عليها وخطبتهالو وطالما إنت مش هترجع تاني لخطيبتك شوفها كده يمكن تكون من نصيبك
جت في دماغي وأنا بصلي الفجر وقولت يارب تبقي من نصيبك يا اسلام
اسلام..... أنا حالياً يا أمي مش بفكر في الجواز
أم اسلام.... ليه يا إبني.داانا نفسي أفرح بيك
اسلام.....يا ماما كل شيء بأوانه...وهييجي وقت واتجوز فيه بس مش دلوقتي
.......... .. ............ ............ ........
في منزل طارق
دعاء..... أنا موافقه ياماما علي العريس إللي متقدم
والدتها.....فكرتي يا بنتي كويس ...دا ابوكي حساه مش ميال ليه...بس مستني يسمع ردك الأول... وبعدين إنتي لسه مفشكله خطوبتك خدي وقتك في التفكير
دعاء..... أنا فكرت يا ماما
والدتها. .. إيه هي مميزاته إللي خلتك توافقي عليه
دعاء.... وايه هي عيوبه إللي تخليني ارفضه
والدتها....لما قعدتي معاه حسيتك نفسك مستريحاله
سألتيه على إللي إنتي بتتمني تلاقيه في شريك حياتك
دعاء.... إنتي أمي وأنا مش هكدب عليكي.. أنا شايفه أنه شكله كويس ومستواه ماديا كويس...ودي اكتر حاجه تهمني فيه
والدتها....بس يا بنتي المفروض تفكري في دينه قبل مستواه وأخلاقه قبل شكله
دعاء.....دينه ده حاجه بينه وبين ربنا.. وأخلاقه أنا مشوفتش منه حاجه وحشه
وبعدين لما اسلام اتقدملي إنتي كنتي مش موافقه علشان حالته المادية على قدهم
والدتها..... أنا كأم بتمني لبنتي احسن حاجه في الدنيا وإسلام كان كله مميزات علشان كده وافقت في الآخر وتغاضيت عن موضوع حالته المادية دي
............. .............. .....
في منزل حما بسمه
كانت النساء مجتمعين في المطبخ يحضرون الطعام
آمال... محسن عايز ياكل جلاش باللحمه
علا بحزن.... محمد قال هياكل من أي حاجة هتعملوها
اميره بفرحه.... محمود بقي بيحب المحاشي هنعمل تصنيفه محاشي
آمال... وحمايا بيحب الحلويات أوي. عايزين نعمل كذا نوع
اميره.. طيب عايزين نكتب كل حاجه هناحتجها قبل ما نروح نشتري علشان مننساش حاجه
علا بنفس الحزن.... خليكي يا أميره إنتي أنا هروح مع آمال
علشان متشليش إنتي حاجه تقيله
آمال....مالك يا علا تعبانه ولا ايه
علا.... لأ مفيش أنا كويسه الحمد لله
اميره....معاذ في حاجة ولا ايه
علا بدموع.... الحمد لله كويس كان ممكن يموت بسبب اهمالي.... أنا إللي اذيت إبني بإيدي
آمال.....هوني علي نفسك يا علا الحمد لله بقي كويس
وربنا نجاه . ...سيبك من إللي فات بقي وخليكي في إللي جاي
علا.... خلاص مفيش حاجه..يلي يا آمال علشان منتأخرش
ذهبت آمال وعلا واحضرو متطلباتهم
وقامو بتجهيز الطعام بين جو من الفرحة والسعادة
واجتمع الرجال في المساء وقامت النساء برص الطعام
أبو محسن.... اللهم صل على سيدنا محمد. إيه الأكل الجامد ده
محمود.... شكراً والله يا جماعه على المحشي كان نفسي فيه
اميره.... إحنا لو عملناه كل يوم هتقول كان نفسي فيه
محمود.... أعمل إيه بحبه
محسن..... وأنا عملتولي الجلاش شكراً والله ياجماعه تسلم ايدك يا آمال
آمال....علا هي إللي عملت الجلاش
محسن.... تسلم ايدك يا أم معاذ
علا.... الله يسلمك يا رب
محمد..... يعني كده هتاكلو محشي وجلاش سيبولي أنا بقي اللحمة والفراخ أنا بحب البروتين
اميره... كلو بألف هنا الأكل لسه جوه كتير
محسن.. تسلم ايديكم والله يا جماعه على الأكل الجامد ده يلو يا اولاد يلو قربو علي الأكل
اجتمعو على الطعام وكلهم سعيدين
............... ................... ............
في منزل طارق
طارق..... إنتي متأكدة من قرارك يا دعاء
دعاء.... آه متأكده
والدها. خدي وقتك في التفكير يا بنتي
دعاء....بقالي يومين بفكر يا بابا
والدها.... خلاص أنا هرن عليه وأبلغه بموافقتك
رن والدها على العريس وأخبره أنهم موافقين
فطلب منهم المتقدم أن يأتي اليوم لقراءه الفاتحه مع أهله ووافق والد طارق
والد دعاء.. أنا قولتله أننا موافقين وهو قال إنه هييجي انهارده يقرأ الفاتحة
دعاء.... بالسرعة دي يابابا
طارق.... طيب كنت قولتله بعد اسبوع
والدة..... طالما كده كده موافقين يبقي نقعد نأجل ليه خير البر عاجله
ام دعاء.. إحنا مش مجهزين أي حاجة يا حاج ينفع كده
هنضايف الناس إزاي دلوقتي
والد دعاء.....في دي عندك حق. انزل ياطارق اشتري دستتين جاتوه وهات حاجه ساقعه
والدة دعاء..... وإنتي قومي البسي وجهزي نفسك يا دعاء وأنا هقوم اظبط اوضة الصالون
قامو بتجهيز كل شئ وحضر العريس مع عائلته
وقامو بالاتفاق على كل شيء. وأن الفرح بعد ثلاثة أشهر
كانت دعاء واقفه في غرفتها تغلي من هذه المدة القصيرة
ولكن الرجال اتفقو على كل شيء وامتلأ البيت بالزغاريد
معلنه على انتهائهم من الاتفاق وقبول الطرفين شروط بعضهم البعض
.............. ؟..........
عند اسلام
اسلام...... إيه صوت الزغاريد إللي في الشارع دي يا ماما
والدته.....دا جاي من بيت طارق صاحبك
اسلام...... معقول طارق هيخطب من غير ما يقولي
والده..... لأ دي دعاء إللي اتخطبت
اسلام بصدمه حاول أن يداريها..... بجد مين اللي قالك يابابا
والده.. قابلت طارق كان بيشتري جاتوه وهو إللي قالي
اسلام في نفسه.... بالسرعة دي يا دعاء للدرجادي مكنتش فارق معاكي
والدته.. . اوعى تكون زعلان يا اسلام
اسلام..... لأ هزعل من إيه ربنا يتمملها على خير يارب
أنزل اسلام عينيه حتي لا تري والدته الحزن الذي بداخلها
ولكنها الأم التي تشعر بأولادها وحزنهم قبل أن يشعروا هم به
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
مساءا في منزل اسلام
كانت بسمه تجلس مع اسلام
بسمه..... إنت زعلان ليه بس يا اسلام ما أنا قولتلك ارجعلها وإنت رفضت تماما
اسلام....مين إللي قالك اني زعلان.انا تمام الحمد لله
بسمه..... أنا بسمه يا اسلام...والحزن إللي في عينك لو داريته على الدنيا كلها مش هتعرف تداريه عليا أنا
اسلام..... اقولك ايه بس يا بسمه
بسمه.....قولي إللي في قلبك فضفض وخرج من جواك متكتمش في نفسك
اسلام..... إنتي عارفه لما يكون حاجه في خيالك بالنسبة ليكي كبيرة أوي...وصعبه توصليلها وبعيده
ولما تقربلها..تبدإي تتصدمي من الأفعال والتصرفات إللي عكس إللي في دماغك...بتصعب عليكي نفسك
بيصعب عليكي قلبك
بس هي العيب مش منها....دي شخصيتها ودي حياتها
العيب في خيالي أنا إللي رسم صورة وعايز الواقع يبقي
زي الصوره إللي رسمها بالظبط ...هي عمرها ما غلطت ولا عملت حاجه غلط.....بس الصورة إللي في خيالي منزهه عن الغلط وطبيعي طالما إحنا بشر إننا نغلط
نظر إلي بسمه وجدها تبكي
اسلام.....يا بنتي هو مش بتشبعي عياط هتخليني متكلمش معاكي تاني
بسمه.... نفسي اخفف عنك ومش عارفه
اسلام.... عايزه بجد تخففي عني...وافقي إنك تدخلي الجامعة
بسمه.... مش هينفع بجد يا اسلام أنا مش فاكره أي حاجة
اسلام... لما تدخلي هتفتكري كل حاجه بتيجي بالممارسة
بسمه..... اسلام إنت طول عمرك فاهمني... أنا بحد مش عايزه اروح احترم رغبتي يا اسلام
اسلام.....هو إنتي بتثقي فيا ولا لأ
بسمه..... طبعاً بثق فيك
اسلام...يبقي لازم تعرفي إني بعمل كده علشان مصلحتك
وواثق ومتأكد إن نفسيتك هتبقي أحسن لما تخرجي وتشوفي الدنيا وتتعلمي
بسمه... بعد تفكير ماشي يا اسلام علشان خاطرك بس
بس هجرب سنه ولو حسيت إني مش عايزه أكمل مش هكمل
اسلام.. ماشي المهم تروحي
كانت والدة اسلام في الغرفه المجاوره لهم تسمع ما يقولون وتبكي علي وجع ولدها
............... ............ ..............
في منزل طارق
دعاء.. . إيه يا بابا المده الصغيرة أوي دي 3شهور بس هو سلق بيض
والدها..... إنتي جاهزة من كله ولوكنتي كملتي خطوبتك الأولي كان زمانك هتدخلي بعد شهر بس.. ايه اللي فارق معاكي
دعاء.....لسه معرفوش يابابا و3شهور قليلين أوي على إني أعرفه
والدها.....بطلي دلع بقي..... أنا خلاص قولت كلمتي
دعاء.....يابابا أن
والدها..... خلاص الكلام خلص إنتي طالما وافقتي عليه يبقي قعدتي شهر قعدتي سنه هتتجوزي في الآخر
ومفيش حد بيتعرف في فتره الخطوبه بعد الجواز كل حاجه بتبان
طارق.. .. يابابا خليها تاخد وقتها علشان تتعرف عليه براحتها
والده.....ماهي قعدت مخطوبه لإسلام أد كده...وحتة واد ربنا يحميه لشبابه مفيش في أخلاقه اتنين.وجت في الآخر وقالت ماخدوش.يعني مخدوش ومش عايزاه وحرام عليكم تغصبو عليا....كل واحد هتقعد تتخطبله سنه واتنين وفي الآخر تسيبه
أنا ادتها حريه الاختيار في الموافقة بس طالما وافقت وبإرادتها يبقي إن شاء الله الخطوبه هتكمل حتي لو جت في الآخر وقالت مش عايزاه
سمعت دعاء كلام والدها.فبكت ودخلت غرفتها تبكي بها
دخلت عليها والدتها وقالت
بتعيطي ليه إنتي اتخطبتي انهارده عايزاكي تفرحي كده وتنبسطي.هو إنتي هتتجوزي كل يوم ياعبيطه
دعاء..... إنتي شايفه بابا بيزعق إزاي يا ماما
والدتها.... هو خايف على مصلحتك....و3شهور مش قليلين برضه يا دعاء...فكي كده وافرحي.. .دا إنتي أول فرحتي وعايزه أفرح بيكي
..... ..................... ........
في شقة محسن
آمال..... إيه رأيك في الأكل يا محسن
محسن..... تسلم ايدك يا رب شرفتيني قدام أبويا واخواتي
وجبتي كل حاجه ومبخلتيش
آمال....ماهو كله من خيرك يا محسن تعيش وتعمل
محسن....تسلمي يا اصيله
......... ........ ....
في شقة محمود
محمود..... اليوم انهارده كان جميل
اميره..
مكنتش اعرف إن البيت كله هيفرح لنا كده
محمود....سيبك بقي من البيت. مش نفسك في حاجة
مش عايزه تاكلي رنجه ....مش هتصحيني في نص الليل بقي وتقوليلي أنا عايزة أكل ملوحه دلوقتي حالا نفسي فيها
اميره..... هههههههههههه قصدك على الوحم... لأ لسه متوحمتش...دا أنا لما اتوحم هخرب الأرض من الأكل
استني عليا بس
محمود...... أنا مستنيكي اهه تتوحمي بفارغ الصبر...سنين وأنا مستني الوحم ده
....... ... ...... ... ..............
في شقة محمد
علا..... محمد أنا عايزة أقعد اتكلم معاك
محمد..... عايزه تتكلمي في إيه
علا......عن شكل حياتنا وعيشتي معاك إللي بقت مش مفهومه دي
محمد.......هي دي هتبقي طريقتي بعد كده
ولو مش عجبك الباب يفوت جمل
علا....... إنت بقيت بايعني أوي يا محمد
محمد...... والله إنتي مشترتيش في الأول
علا..... أنا كنت غلطانه وبقولك أهه نرجع زي الأول تاني ونبقي كويسين مع بعض
محمد...... آه أرجع محمد إللي بيتقال عليه دلدول لمراته
أرجع محمد إللي الناس بتبصله على إنه جوز الست
أنا دلوقتي محمد جديد خالص..... محمد إنتي إللي شكلتي شخصيته بإديكي .. .. محمد إللي كان في غفلة وفاق
ومستنيش منه يرجع محمد القديم تاني
تركها محمد وذهب وجلست هي تبكي وتندم على مامضي
......
..... ........ .........
وتمر الأيام على هذه الوتيرة كل شخص يسير في الطريق الذي اختاره لنفسه ويمر شهر تلو شهر حتي أنتهي ثلاثة أشهر
في خلال هذه الأيام فك اسلام الجبس وأصبح سليم معافى
وقدمت بسمه في الجامعه
وظلت معاملة محمد لعلا كما هي
وأصبحت اميره في الشهر الخامس من الحمل
وظلت المعاملة بين آمال ومحسن يسودها الود والتفاهم
وهذا الشهر الذي سوف تتزوج به دعاء
وفي صباح يوم جديد. سعيد على البعض . ومخيف بالنسبة للبعض الآخر رن اسلام علي بسمه
اسلام...... إيه يا بسبوسه جهزتي ولا لسه
بسمه... قولتلك متقوليش يا بسبوسه.. وبعدين أنا متوترة وإنت فرحان وعمال تضحك
اسلام......يا حبيبتي هو أول يوم بس وبعدين هتاخدي على الموضوع وهتحبيه كمان.... وبعدين أنا جاي معاكي اوصلك وهرجع اخدك تاني
نزليلي العيال بقي علشان اوديهم عند أمك
بسمه...... ماشي هنزلهم اهه وهاجي معاكي اوديهم علشان أخلي أمي تدعيلي شويه علشان أنا خايفه أوي
نزلت بسمه وسلمت على اسلام وذهبت إلى والدتها
أخذتها والدتها داخل أحضانها وظلت تدعو الله لها
اطمئنت بسمه كثيرا بعد دعاء والدتها لها وذهبت هي وإسلام
وفي الطريق قابلت بسمه دعاء واوقفتهم دعاء
مشي اسلام بضع خطوات للأمام حتي يتركهم يتحدثون
دعاء..... رايحه فين بدري كده يا بسمه
بسمه... . أول يوم ليا في الجامعه دعواتك
دعاء..... ايه ده إنتي هتكملي تعليم
بسمه..... اسلام أصر إني لازم أكمل
دعاء..... إن شاء الله فرحي الاسبوع الجاي طبعاً مش عايزه عزومه
بسمه بابتسامة صفرا... طبعاً.... سلام بقي علشان اسلام مستنيني
ذهبت بسمه ومشيت بجوار اسلام
بسمه.....مالك مبتسم كده
اسلام.. أول مرة أشوفها من ساعة ما موضوعنا أنتهي
والحمد لله الحمد لله محستش بأي مشاعر نحيتها
ربنا استجاب دعواتي وخرجها من قلبي
بسمه.... الحمد لله
بعد وقت.وصلت بسمه وإسلام الي الجامعة
بسمه..... أنا خايفه يا اسلام
اسلام.....متخافيش وجمدي قلبك كده
أنا داخله ادعيلي وخلي تليفونك في حتة فيها شبكه علشان لو احتجتك
اسلام... إنتي داخله تحاربي يابسمه مع السلامه
دخلت بسمه وهي تشعر بالخوف والضياع وكأنها طفل صغير أول مرة يذهب إلى المدرسة بمفرده
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
كانت بسمه تشعر بالضياع وهي داخل الجامعة لا تعرف في أي اتجاه تمشي ولا تعرف احد في هذا المكان
للحظه شعرت بالندم الشديد لأنها وافقت أن تأتي الي هنا
فجاءت إليها واحده منتقبه وقالت لها
مالك يا بنتي شكلك خايفه ومتوترة ليه كده
بسمه وفي داخلها بعض الخوف فهي عادة لا تآمن للناس ولا تثق بهم من أول لقاء.. قالت
أنا أول يوم ليا هنا ومش عارفه حاجه في أي حاجة
الفتاة..... متخافيش أنا هعرفك كل حاجه هنا
بسمه.....شكرا جدا
الفتاة.....هو إنتي مجتيش ولا مره هنا..هو مين إللي قدملك ورقك
بسمه..... أخويا ووالدي هما إللي عملو كل حاجه
الفتاه..... والدك ...هو إنتي لسه مش متجوزه
بسمه وهي تشعر بالريبه.... لأ ارمله جوزي متوفي
الفتاه..... معاكي اطفال على كده
بسمه..... آه معايا أربعه
الفتاه.....بسم الله ماشاء الله.بس شكلك صغيره إن يكون معاكي أربعة
بسمه.....هما كل اتنين توأم ياسين وياسمين الاول وبعدين رؤي ورقيه
الفتاه..... ماشاء الله ربنا يحفظهملك
رن تليفون بسمه برقم اسلام
اسلام..... إيه يا بسمه إنتي بدأتي محاضرات ولا لسه
بسمه..... لأ لسه أنا مش عارفه أي حاجة
اسلام.....طيب أخرجي دلوقتي علشان عايزك
بسمه.....في حاجة ولا ايه
اسلام...... آه فيه أخرجي يلي علي طول أنا واقف بره اهه
نظرت بسمه إلي الفتاه وقالت..... اسلام اخويا بره عايزني شكل في حاجة... أنا لازم أمشي
الفتاه.....طيب استني هاتي رقم تليفونك علشان أعرفك إيه إللي حصل انهارده واعرفك الجدول
اعططتها بسمه رقم الهاتف سريعاً وخرجت نادت عليها الفتاة وقالت.....مقولتليش اسمك إيه
ردت عليها بسمه وهي تخرج سريعاً.. إسمي بسمه
سجلت الفتاه رقم بسمه وقامت بالاتصال على شخص ما
الفتاه....لقيتلك واحده فيها كل المواصفات إللي إنت عايزها
الرجل..... إيه هي معاكي
الفتاه.... لأ ملحقتش اخوها جه واخدها
الرجل.....طيب هي ظروفها إيه
الفتاه.... ماشاء الله عليها جميله...وارمله واسمها بسمه
الرجل....هي دي كل المعلومات إللي تعرفيها عنها
الفتاه....بقولك ملحقتش بس إن شاء الله اجبلك كل المعلومات بكره
الرجل....طيب عايزك تشوفي بنات تاني....
............. .............. ..............
بسمه.....في إيه يا اسلام
اسلام......حماكي تعبان أوي وفي المستشفى
بسمه....تعبان إزاي أنا لسه مكلماه حالا قبل ما اجي
وكان قاعد معايا عمال يدعيلي
اسلام..... معرفش بقي يا بسمه محسن كلمني وقالي اجيبك واجي
........... ............ .....
في المستشفى.
كان الرجال في حالة انهيار
محسن كان متماسك بعض الشيء
ولكن محمد ومحمود في حالة انهيار تام
محسن.....مش وقت انهياركم خالص دلوقتي
إكرام الميت دفنه.... يلا يا محمد نجهز إجراءات الدفن وإنت يا محمود روح الترب وجهز التربه لأبوك.. وعندما قال كلمة لأبوك اجهش بالبكاء...وبعد. وقت هدأو قليلا
وقام كل واحد بفعل الشئ المطلوب منه وأخذوا والدهم إلي البيت ليقومو بتغسيله
عادت بسمه إلي البيت وجدت البيت ممتلئ بالناس وصوت القرءان يصدح في المكان والنساء في حالة سكون تام ماعدا عن صوت علا التي تصرخ بصوت عالي ومن حولها النساء يحاولون تهدأتها وآمال واميره يبكون في صمت
دخلت بسمه وهي مصدومه اقتربت من آمال واميره وقالت
في إيه حمايا ماله. أنا لسه كنت بتكلم معاه قبل ما أمشي مكانش فيه أي حاجة...قعد يدعيلي..ويقولي خلي بالك من العيال... يعني هو كان بيوصيني.وبدأت في الصراخ
ردو عليا كان بيوصيني
قامت أمها وجذبتها داخل أحضانها..اهدي يا بنتي اهدي
بسمه بعياط... كان حنين عليا أوي يا ماما ...وكان حنين على عيالي.... يعني كده عيالي خلاص....ملهمش أب ولا ليهم جد
والدتها....يا بنتي صلي على النبي وادعيله هو ده اكتر وقت محتاج فيه الدعاء
بسمه.....قلبي تعب يا أمي قلبي تعب أوي. صبرني على ابتلائك يارب....صبرني يارب
.....قامو بتغسيله وتكفينه. وعندما خرجو من المنزل انهار النساء من البكاء . ..وحملو الرجال والدهم على أعناقهم
وهم يحاولون أن يتماسكو ولا تظهر دموعهم أمام الناس
ولكن الدموع دائما تكون خارج سيطرة الإنسان
فانسابت رغماً عنهم..ذهبو به إلي المسجد وصلو عليه صلاة الجنازة وحملوه إلي مسواه الأخير
حيث لا ينفع المال ولا الولد...لا ينفع سوا العمل الصالح
ترك الدنيا بكل متاعها.... لينتقل إلي حياته الحقيقية
لا يؤنسه فيها إلي أعماله....فليت كل انسان يعلم أن الدنيا لا تساوي أي شيء....ففي لحظه واحده تجد نفسك داخل قطعه قماش هذا هو الشيء الوحيد الذي تستطع أن تأخذه معك من الدنيا..... تترك الأرض وتترك الاحباب
عاد الرجال إلي المنزل اخذو عزاء والدهم وذهب كل واحد إلي شقته
........... ............. ..........
في شقة محسن
محسن.... أبويا مات يا آمال..... سندي وضهري في الدنيا
حاسس كأني اتعريت
حاسس إني ضعيف أوي كنت بستقوي بيه
آمال بدموع.. ..الموت هو الحقيقة الوحيدة إللي في حياتنا
وكلنا هنموت لما ييجي أجلنا
محسن.... مش قادر يا آمال تعبان أوي
آمال. ..طيب هو دلوقتي محتاج دعانا قوم نصلي وندعيله
ونقرأ قرءان ونهب الثواب ليه هو دلوقتي محتاج لكل حسنه
............ ... ................؟..
في شقة محمود
محمود... مات يا آميره.. كان قلبه حاسس
جمعني أنا وأخواتي وقعد يوصي كل واحد على مراته وعياله
وقعد يوصينا على أولاد أحمد
آميره.....الله يرحمه أنا مش مصدقه إنه مات حاسه اني بحلم
محمود..... آه قلبي وجعني أوي احساس اليتم وإن إنت ملكش حد تتسند عليه صعب أوي
اميره....بدموع.كنت بعتبره زي أبويا إللي اتحرمت منه
اتيتمت مرتين يا محمود
محمود.....هوني علي نفسك.... أنا هنزل اشوف أي صدقه اطلعهاله تنفعه دلوقتي هو دلوقتي محتاج إن يكون عنده ولد صالح
....... .......... . ......
في شقة محمد
كان داخل غرفته يجلس علي مصلاه يقرأ في المصحف ويبكي بشده
دخلت عليه علا وهي تبكي على بكائه
علا..... كفايه عياط بقي يا محمد دمعتك منشفتش من الصبح
محمد. أبويا مات يا علا أنا مش مصدق إني همشي علي الشغل الصبح ومش هشوفه.. مين هيقعد يدعيلي
علا.... الله يرحمه ادعيله
محمد.... أنا مش مصدق إنه قاعد دلوقتي لوحده في التربه
مش مصدق إنه قاعد دلوقتي والباب مقفول عليه وهو جوه
هي دي اخرتها...هو ده بقي الإنسان آخرته يبقي قاعد في تربه مترين في مترين.....هو الانسان إللي فاكر نفسه قوي وماشي فارد دراعاته في الدنيا يطلع ضعيف أوي كده
علا....هون على نفسك يا محمد....هي دي اخرتنا
.............. ............... ....
في شقة بسمه
والدتها... كفايه عياط بقي يا بنتي قلبك وجعك من العياط
بسمه.....كنت عايشه في البيت على حسه....كان بيحاول يعوضهم بحنانه عن أبوهم
والدتها.... يابنتي إللي خلقهم مش ناسيهم...ليهم رب
بسمه.....كان حاميني يا أمي ومكنش حد في البيت يقدر يكلمني.... دلوقتي هعمل ايه.. هعيش وسطهم إزاي
كان فيه حنية الدنيا كلها... ومحتوى عيالي
والدتها.... كله هيموت يا بنتي. وطالما ربنا موجود اوعى تخافي على عيالك.... إحنا كلنا عايشين في حما ربنا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
مر شهر على وفاة والد محسن وأصبح البيت خاوي ليس به روح....كل شخص منغلق علي نفسه....لا يريدون التجمع سويا
فأي تجمع بدون والدهم يعد عذاب لهم..... أقام له أولاده العديد من الصدقات الجاريه....تجمع الرجال الثلاث واتفقوا أن يخرج كل شخص منهم ربع ميراثه صدقه على روح والده
فهي نقوده وهو الآن في أمس الحاجة لها....لم يخبرو بسمه ولم يأخذوا منها أي شيء من ميراث أولادها
......... ......... .......... ..........
في شقة بسمه كان اسلام يحدثها على الهاتف
اسلام.... إيه يا بسمه مش هترجعي تروحي الجامعة بقي
بسمه..... اسلام أنا مش هرجع الجامعة تاني ودا قراري
اسلام.....طيب نتفاهم بالراحة
بسمه بإنفعال...... مفيش تفاهم يا اسلام دا قراري وياريت تحترم قراراتي أنا مش عيله صغيره علشان تقرر عني
اسلام..... أنا مقدر حالتك النفسيه و....
بسمه.... أنا مش عايزه تقدر حاجه...سبوني في حالي بقي
اسلام..... أنا آسف يا بسمه إنتي حره
بسمه..... أيوه أنا حره متدخلش في حياتي بقي
اسلام.... ماشي يا بسمه..دي آخر مره اتدخل فيها في حاجة تخصك..
أغلق اسلام معها الهاتف وجلست بسمه تبكي...كان اسلام في شقته فنزل إلي والدته
اسلام..... ماما يا ماما
والدته..... أيوه يا اسلام
اسلام.....بقولك ايه عايزك تروحي تشوفي بسمه شكلها نفسيتها تعبانه
والدته..... أنا لسه بجهز في الأكل ودلوقتي أبوك جاي من الشغل
اسلام.... أنا هكمل الأكل وإنتي روحيلها
والدته.... إنت إللي هتعمل الأكل،؟... وبعدين طالما قلقان عليها كده روحلها إنت
اسلام..... إنتي أمها هتقعد تفضفض معاكي براحتها... وبعدين هي لو زعلانه مع حد من البيت مش هترضي تقولي
إنتي روحلها ولو حد زعلها هاتيها معاكي وإنتي جايه بعيالها
وأنا هتصرف معاهم لو حد قالها نص كلمه
والدته..... ياريت ملكش دعوه بيها سيبها عايشه زي ما هي عايشه هتروح تعملها مشاكل في بيت جوزها كمان
اسلام..... بحزن ماشي يا ماما روحلها شوفي مالها ومتقوليش إني قولتلك تروحلها
والدته .. ماشي...كمل بقي تحمير الرز ويبقي حط الفراخ في الفرن ولو أبوك جه قبل ما اجي يبقي حط وكل إنت وهو
ذهبت والدة إسلام لبسمه وجلس إسلام في المطبخ يكمل ما كانت تفعله والدته
.......... .... ... .......
في شقة محمد
محمد.....هو إنتي مش ناويه تجبيها لبر مش هتستريحي غير لما اطلقك يعني
علا.... إنت بتتكلم عن إيه
محمد.....كنتي بتعملي إيه عند مرات احمد فوق
علا بتوتر.. هعمل ايه يعني...كنت قاعده معاها شويه
محمد... اقسم بالله العظيم يا علا ...هوريكي اسود أيام حياتك على ايدي
علا.. في إيه يا محمد هما خدوهم بالصوت
محمد.... أبوك جاي في الطريق جهزي هدومك علشان هتمشي معاه
علا بصدمه.. نعم...دا بيتي وبيت عيالي
محمد... إنتي ملكيش حاجه هنا وأنا خلاص قرفت من نكدك وارفك
علا..... يبقي بتحلم لو فاكر إني هسيب عيالي ولا هسيبك لوحده غيري
محمد بانفعال.... إنتي انسانه مريضه... إنتي عمرك شوفتيني ببص لأي ست.....هو إنتي شيفاني عيل صغير علشان واحده تاخدني
ورن جرس الباب ودخل والد علا
والد علا.....صوتكم عالي كده ليه
محمد.....بنتك بعد ما كنت فاكرها اتعدلت وهنرجع نعيش حياه طبيعيه.... طالعه لمرات احمد تطردها من البيت
وبتقولها لو مخرجتيش بمزاجك هخرجك بفضيحه
علا بغل..... وأنا كنت بقول كده ليه مش من عمايلك إنت وهي
محمد......احترمي نفسك
علا.....مش هحترم....كنت واقف معاها قدام شقتها ليه يا محترم
محمد... كنت بعرفها مواعيد الدروس بتاع أستاذ الانجليزي
إللي ولادك بيروحوله..وكنت قايلك قبل ما اطلع...وقولتلك إنتي اطلعي ومردتيش
علا....مثل مثل.... إنت بتتلكك علشان تطلعهلها.. وهي ما تغور تشوف مدرس ولا عنها ما شافت
إنت اصلا راجل مش محترم وهي واحدة مش محترمه علشان تقف مع رجاله...ولو ما بعدتش عنك هفضحها في الدنيا كلها
محمد..... إنتي طالق بالتلاته ياعلا
...... ............. .... ...
في شقة دعاء الزوجيه
دعاء... إيه يا عاصم مكملناش شهر متجوزين وإنت كل يوم والتاني بتبات في الشغل
عاصم..... اهدي بس يا دعاء مش بعمل كده علشان اوفرلك حياه كريمه
دعاء..... إنت مش بتحاول حتي تعوضني في الوقت إللي إنت فاضي فيه
عاصم.... دعاء أنا راجل عملي ومكدبتش عليكي وقايلك كده من قبل الخطوبه
دعاء..... أنا عايزة أحس أني متجوزه أنا طول الليل والنهار قاعده لوحدي
عاصم..... دعاء أنا مش حارمك من حاجه وكل حاجه نفسك فيها بتجيلك...بيتهيألي إن أي واحدة بتحسدك على النعيم إللي إنتي عايشه فيه
دعاء.... طيب سيبني أخرج أروح النادي أروح أقابل صحابي
عاصم. صحابك لو عايزين ييجو يقعدو معاكي اهلا وسهلاً
إنما مراتي متخرجش في الشوارع
........... ..... ..........
في شقة بسمه
بسمه.. تعبت منها أوي يا أمي مش سايباني في حالي
والدتها بإنفعال.. هو محدش عارف يكلمها ليه أنا هنزل اوريها مقامها كويس
بسمة... أنا رديت على جوزها وقالي أنا هتصرف معاها
والدتها..... هاتي حاجتك وحاجة عيالك وتعالى روحي بيت أبوك مفتوح إنا هستني لما يجرالك حاجه.من عياطك ليل ونهار ده
بسمه...... أنا مش هسيب بيت جوزي علشانها
هي حسبي الله ونعم الوكيل فيها أنا مش مسمحاها
حسبي الله ونعم الوكيل
. .. ........ ..........
في شقة محسن
محسن... إيه الصوت العالي ده
آمال.. ده جاي من شقة محمد وعلا
محسن......هما مش بيبطلو خناق ابدا
آمال.... ربنا يهديهم
محسن.... محمد اخويا أهدي واحد فينا ومش بيحب المشاكل أبدا ولا الخناق
ربنا يهديهم
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
استريحتي دلوقتي لما اطلقتي....خلي غيرتك الغبيه تنفعك بقي
نطق بهذه الجملة والد علا بعدما أخذها الي منزله
منذ أن نطق محمد بالطلاق لم تنطق علا بأي كلمة فهي تحت
الصدمه بعد
دخلت إلي غرفتها القديمه وجلست على السرير بدون أي تعبير علي وجهها
........ ............ .............
في شقة بسمه
بسمه....يا لهوي طلقها
آمال..... محمد قال إنه رمي عليها الطلاق ومحسن بيحاول يهديه علشان يعرف إيه إللي حصل
اميره....لا حول ولا قوة إلا بالله... ربنا يصلح بينهم
بسمه لنفسها ...يارب ميكونش إللي حصل ده بسبي
......... .. ......... ..........
في منزل اسلام
اسلام.....يا حاجه أم اسلام
أم اسلام..... قولي عايز إيه طالما قولت أم اسلام تبقي عايز حاجه
اسلام..... حبيبتي يا ماما فهماني
هي بسمه عامله ايه
أم اسلام....تعلم جيدا إن علم اسلام بما حدث سوف يذهب إلى أخته ويأخذها رغماً عنها... وسوف يحدث الكثير من المشاكل بينه وبين محمد.. فقالت
العيال كانو تعبنها شويه
إسلام.... أنا مش مقتنع باللي إنتي بتقوليه ده...بس ما علينا طالما بتدارو عليا براحتكم.... المهم أنا عايز أخطب وعايزك تشوفيلي عروسه على زوقك المره دي
أم اسلام..... ربنا يفرح قلبك زي ما فرحت قلبي
عروستك عندي... فاكر البنت إللي قولتلك عليها.
اسلام.... آه خلاص هقول لأبويا ياخد معاد من أهلها ونروح نعمل رقيه شرعيه
أم اسلام..... اتصل ببسمه بقي فرحها
اسلام بتوتر.... لأ أنا مش فاضي يبقي كلميها إنتي
أم اسلام.....متزعلش من أختك يا اسلام هي حكتلي على إللي حصل وهي حزينه إنها كلمتك بأسلوب مش كويس
اسلام..... أنا مقدر كويس إللي هي فيه وعارف ومتأكد إن في مشكله كبيره حصلت معاها في البيت علشان توصلها للأسلوب إللي هي كلمتني بيه ده...
أنا اللي مضايقني منها إنها بقت ضعيفة أوي ومستسلمه
مش مرتاحه هناك تيجي تقعد في بيت ابوها... إيه إللي مقعدها هناك وسط المشاكل وتعب القلب
أم اسلام.....مش سهل على أي ست يا إبني إنها تسيب بيت جوزها وترجع لبيت أبوها تاني....بتبقي من جواها حاسه إنها تقيله عليهم
........... ............ ............
في منزل والد دعاء
دعاء.....يا ماما أنا تعبت من تحكماته دي أنا مكنتش متخيله إن الجواز وحش كده
والدتها.... يا بنتي هو بيكلمك بأسلوب مش كويس..بيغلط فيكي يعني ولا بيقولك كلام يضايقك
دعاء..... لأ مبيغلطش فيا خالص ودايما بيكلمني بهدوء
والدتها.... طيب بخيل مش بيصرف عليكي ومش بيديكي إللي إنتي عايزاه
دعاء.... بالعكس مش مخليني عايزه حاجه ودايما الفلوس معايا بزيارة
والدتها بإنفعال..... آمال هي فين المشكلة إللي عندك
دعاء....يا ماما افهميني....هو مش فاضيلي هو شغله رقم واحد في حياته.... وأنا آخر اهتماماته
ممنوع أخرج مع صحابي... ممنوع اجي ابات هنا
والدتها..... هتيجي تباتي هنا وإنتي لسه مكملتيش شهر متجوزه.... وبعدين أي راجل في الدنيا شغله بيكون أهم حاجة في حياته.... وطالما مش حارمك من حاجه وكل طلباتك مجابه... وكمان بيحترمك يبقي إنتي كده بتتدلعي
دعاء.....يا ماما افهميني
والدتها.... افهمك إيه بس يا دعاء.... لسه بدري أوي على المشاكل دي إنتي لسه بتقولي ياهادي في الجواز
دعاء.....يا ماما أنا مخنوقه بجد حسي بيا
والدتها..... إنتي كانت كل اهتماماتك إنه يكون غني ويوفرلك العيشه إللي إنتي عايزاها.... وربنا رزقك باللي إنتي عايزاه
اكتر من كده يبقي إنتي بتتبتري على النعمه جوزك كويس ومحترم... حاولي كده تكسبيه بالكلمه الحلوه والضحكه الحلوه..هتكسبيه ومتبقيش نكديه خليكي فرفوشه
خلي الشويه إللي هيقعدهم معاكي في البيت يكون ده احسن وقت في يومه كله .... كفايه عليهم الهم إللي بيشوفوه في شغلهم
نظرت لها دعاء بخيبة أمل كانت تظن أن والدتها ستنصرها
كما كانت تنصرها من قبل
............ و .........و ..............
في شقة محمود
اجتمع محمد ومحسن ومحمود
محمود.....ليه كده يا محمد مش عارف تمسك نفسك عن الطلاق
محمد..... محدش حاسس بالهم والنكد إللي كنت فيه
محسن......طيب مكنتش عارف تصبر شويه علشان ولادك حتي.... محدش هيضيع في الرجلين غير العيال
محمد...... العيال كانو هيضيعو فعلاً لو كنت كملت معاها
العيال اصلا نفسيتهم تعبت من كتر المشاكل والخناقات إللي بتحصل قدامهم
محمود.....طيب وناوي تعمل إيه دلوقتي
محمد......حقها كله هيروحلها ولو عايزه العيال تخليهم معاها
مش عايزاهم بيت أبوهم مفتوح ليهم
محسن...... بصراحه كده وأحنا اخوات مع بعضينا
إنت ممكن تتجوز بسمه مرات احمد...عينك منها يعني
محمد......بص يا محسن... والله العظيم والله العظيم
بسمه دي بالنسبة ليا مرات اخويا وعمري ما بصيت ليها بصه تاني....ولما قولت هتجوزها معرفش أنا قولت كده ليه ولا إزاي
يمكن كنت عايز اثبت لعلا ولنفسي إني هقدر اتجوز وافتح بيت تاني... والدنيا مش واقفه علي علا ونكدها
أما بالنسبة لبسمه فهي زي أختي وانسانه محترمه عمري ما شوفت منها حاجه وحشه...ولا عمرها زعلت اخويا الله يرحمه
محمود...... وإنت ناوي على إيه دلوقتي
محمد......اتفقت مع أبوها إننا هنروح بكره عند المأذون وننهي كل حاجه
محسن.... طيب ما تراجع نفسك يا محمد علشان خاطر عيالك
محمد......عايز افوق يا محسن....كتير عليا أعيش مرتاح في حياتي
............... .............. ...................
في منزل اسلام
والد اسلام...... أنا كلمت أبوها وقال تنورو في أي وقت وأنا قولتلهم نيجي بكره بعد العشاء
اسلام. .. تمام إللي فيه الخير يقدمه ربنا وأنا هصلي استخاره تاني
والدته.......يارب يتمملك على خير يا إبني
اسلام......يارب يا ماما.....كلمتي بسمه وقولتيلها
والدته..... أيوه دي فرحت أوي وقعدت تدعيلك
...........مر الليل سريعاً على البعض وبطيئا على الآخر ليأتي يوم جديد ملئ بالاحداث
عند المأذون تمت اجراءات الطلاق واحضرت علا أولادها معها
علا. .... عيالك عندك أهم مش أنا أقعد أربي وابوهم يدور على حل شعره
محمد..... أنا مش هرد عليكي.. علشان منزلش لمستواكي ده
وعيالي إنتي مش عايزاهم أنا عايزهم
علا......روح وديهم لحبيبة القلب تربهملك
محمود.. ..أم معاذ مفيش داعي للكلام إحنا خرجنا بالمعروف سيبي كل واحد في حالة
علا.....اسيب مين في حاله لو مفضحتهمش في البلد وخليت سيرتهم على كل لسان مبقاش أنا علا
محمد.. ....مكنتش اعرف إني ربنا بيحبني كده غير دلوقتي علشان خلصني من واحده زيك في فقلبها الحقد ده كله
طبعاً ما إنتي دلوقتي واحده فاضيه ومطلقه هيكون وراكي إيه غير الكلام على الناس
علا...... إنت بتعايرني ماشي يا محمد إن ما اتجوزت تاني يوم العده ماتخلص ما ابقاش أنا علا..... أنا هخليك تندم على اليوم إللي فكرت تطلقني فيه
....... .............. ..............
عند اسلام
ذهب هو ووالده ووالدته إلي العروس وقدمو لهم واجب الضيافة....وجلس إسلام مع العروسه ليتعرفو على بعضهم البعض
اسلام...... إنتي متوترة ليه كده يا استاذه ياسمين
ياسمين. مش متوترة ولا حاجه
اسلام.. طيب في اسئله معينه عايزه تسأليها ليا
ياسمين بتوتر وصوت يكاد يكون مسموع.... عرفني عن نفسك
اسلام....... إسمي اسلام...خريج كلية تجارة... بشتغل حاليا في أعمال حره علشان لسه ملقتش شغل مناسب ومقدم في كذا شركه ولسه موصلش الرد
ياسمين..... إنت بتصلي وكده
اسلام......آه الحمد لله محافظ على صلاتي وخاتم القرءان
ياسمين..... طيب معلهش هو آخر سؤال ولو مش عايز ترد براحتك...... إنت فسخت خطوبتك الأولي ليه
اسلام......لأ عادي هرد...... إحنا كنا متفقين إن الفرح هيكون في معاد محدد .... بعد ما اقبض جمعيه كنت عاملها
فأنا احتجت الفلوس دي في حاجة كانت بالنسبة ليا ضرورية أوي....وكانت بالنسبة ليها حاجه عاديه.. فكان دي نقطة الاختلاف.... أنا طلبت نأجل الفرح مده بسيطة وهي رفضت فكل واحد راح لحاله
ياسمين......آه كده تمام
دخل عليهم كرم أخو ياسمين ووضع يده علي كتف اخته وقال
كرم..... إيه يا جماعه كل ده كلام مش كفايه بقي
اسلام بمزاح.....فهو علي معرفه سابقه من كرم براحتنا ياعم في إيه وبعدين إنت قاعد عمال تبصلي بعنيك كده ليه
كرم........ إنت جاي وعايز تاخد أغلي حاجه عندنا في البيت
وعايزني ابصلك إزاي دا أنا حاسي إني عايز اضربك
اسلام.بضحك ...لا ياعم قلبك ابيض.... أنا أمشي على رجلي أحسن
استأذن اسلام وأهله وغادرو إلي منزلهم وعندما عادو
والدته.... إيه رأيك يا إبني في العروسه
اسلام..... والله يا ماما أنا حاسس إني مستريح جداً وهصلي استخاره تاني برده.....بس مبدأيا كده موافق
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
مر شهر على أبطالنا
تمت فيه خطبة اسلام وياسمين والفرح سيكون عندما تنهي ياسمين جامعتها....ولكن اليوم هو كتب كتابهم
بدأت علا تتأقلم مع حياتها الجديدة وبحثت عن عمل
وتتمني كل يوم أن تري أولادها او تسمع حتي صوتهم
لكن كبرها وعندها يمنعها من أن تتصل على محمد حتي تطمئن على أولادها
..صالحت بسمه اسلام واعتذرت منه كثيراً ولم تعلم أنه لم يغضب منها أبدا فهي أخته واغلي شئ عنده
تمر شهور الحمل صعبة على أميره وفي حالة نفسية تجعلها تبكي بدون سبب ومحمود بجانبها يحاول أن يطمئنها ويمرو بخير من هذه المرحله
آمال ومحسن الأمور بينهم مستقره فكل شخص منهم يحترم الآخر ويقدره....فلا تحدث المشاكل إلا نادراً
.... عند دعاء منذ أن علمت بخطبة اسلام وهي تشعر بالضيق الشديد ولا تعرف هي تفسير هذا الشعور.... ولماذا هذا الغضب
وزوجها أكثر ما يهمه هو نجاحه فى عمله..ولا يهتم لغضبها منه
............. .............. ........... ..
في منزل اسلام
كان البيت ممتلئ الزغاريد والفرحة هي كانت عنوان هذا اليوم
بسمه..... ألف مليون مبروك يا حبيبي ربنا يتتملك بخير يارب
اسلام وهو سعيد.... الله يبارك فيك يا بسمه عقبال ما تفرحي بياسمين بنتك.... صدقيني هعملها أحلي فرح في الدنيا
بسمه... . طبعاً ماهي علشان إسم عروستك
اسلام..... طبعاً
بسمه..... معقول شهر واحد ياسمين تجيبك علي ملا وشك كدا وتوقعك في حبها
اسلام.....عليها حياء وخجل يا بسمه بجد تخلي أي حد يحبها
متكلمتش معاها غير كام مره بس وفي وجود أخوها بس كل الاحترام إللي في الدنيا فيها
بسمه.... يارب يتتملك بخير ياحبيبي
دخلت والدة اسلام وهي تزغرد.... وقالت
الله اكبر اللهم صل على النبي..يارب احفظي ماعليكي
واحتضنت اسلام وقالت
ألف مليون مبروك يا حبيبي عقبال ما اشيل عيالك على أيدي يارب
اسلام....طيب إنتي بتعيطي ليه يا ست الكل دلوقتي
والدته..... دموع الفرح يا حبيبي... أصحابك بره مستنينك ويلا علشان منتأخرش
دخل عليه والدة
والدة..... ألف مبروك يا اسلام ربنا يتمملك بخير يا إبني
اسلام..... ربنا يباركلنا فيك يا حاج
والدة....يلا يا اسلام أنا كلمت المأذون ورايح على هناك
اسلام..... أنا جاهز يا حاج يلا بينا
.......... ..... ..........
في منزل ياسمين
كانت ياسمين أتمت لبسها وبجوارها أصدقائها فرحين لفرحتها
يغنون لها....دخل عليهم كرم فستأذنو البنات وخرجو
كرم..... ألف مليون مبروك يا أحلي عروسه في الدنيا
ياسمين.... الله يبارك فيك يا كرم.... أنا حاسه اني خايفه أوي
كرم.... متخافيش يا حبيبتي أنا لو مش واثق في اسلام ومتأكد من أخلاقه مليون في الميه مكونتش وافقت ولا دخلتو بيتنا
دا إنتي فرحة البيت....هديكي لأي حد كده
ياسمين..... حبيبي كلامك ده بيقويني أنا مش عارفه أنا هسيبكم إزاي واروح أعيش في بيت تاني
كرم..... والله أنا إللي مش عارف هقعد في البيت ازاي بعد ما تسبيه وتمشي...بقولك ايه يا ياسمين ما تحاولي كده تسقطي السنه دي في الجامعه خليهم يأجلو الفرح شويه
ياسمين..... هههههههههههه يرضيك أختك تبقي ساقطه في الدراسة
كرم..... بصراحه يرضيني
دخل عليهم والدهم
والدها..... ألف مبروك يا حبيبتي
ياسمين..... الله يبارك فيك يا بابا
والدها.....يلا يا كرم المأذون جه تحت وأهل العريس جم جهزي نفسك يا بنتي
شعرت ياسمين بالتوتر فأمسكت يد كرم
كرم......ما تخافيش يا حبيبتي إحنا هنسلمك لراجل بجد
حضر أهل اسلام وبدأ المأذون في كتب الكتاب ووالد ياسمين ووالد اسلام يضعون أيديهم في أيدي بعضهم
وانتهي المأذون بجملته الشهيرة
بارك الله لكما وبارك عليكما وجمع بينكما في خير
وهنا كانت اشاره لبدأ الزغاريد آلتي زلزلت المنزل
أصبحت ياسمين على إسم اسلام
كانت دعاء عند والدها في هذا اليوم فدفعها فضولها أن تذهب إلى كتب الكتاب واشترت نقاب وارتده حتي لا يعرفها أحد
دخلت المنزل لتري من هي الفتاه التي سيتزوجها اسلام
نظرت إلى ياسمين....فرأتها فتاه بملامح عاديه جداً مثل كل الفتيات..ولا تضع أي من مساحيق التجميل على وجهها
مقارنة بدعاء فدعاء أجمل بكثير...من حيث الملامح
نظرت إلي اسلام ورأت الفرحه على وجهه لتقول لنفسها
هو فرحان كده ليه آمال لو عروسته حلوه ولا فيها حاجه مميزه كان عمل إيه.... إيه إللي عجبه فيها دي
كان طارق يقف بجوار اسلام وعندما رأي دعاء عرفها فذهب إليها واقترب منها قليلاً وقال
دعاء انزلي يلا ورايا
صعقت دعاء عندما رأت أخاها يحدثها كانت تظن عندما ترتدي النقاب لم يعرفها أحد
نزلت ورائه فقال طارق
إيه إللي جابك هنا يا دعاء إنتي ست متجوزه واللي إنتي بتعمليه ده ما يصحش
دعاء..... إنت إيه إللي جابك جاي تقف في جوازة إللي كان هيتجوز أختك وسابها...جالك قلب
طارق.... استاذه في قلب التربيزه.....
أمشي قدامي واقلعي النقاب ده حطيه في الشنطه.. وقوليلي إيه إللي جابك
دعاء بتوتر .... فضول كنت عايزه اشوف مين العروسه دي
طارق..... إنتي دلوقتي على ذمة راجل ومينفعش تفكري في حد تاني... كان معاكي وإنتي إللي سيبتيه
دعاء..... إنت السبب إنت إللي قولتلي مش هينفع يمشي على رجله تاني وهيمشي بيعرج بيها
طارق..... أولا في الفتره دي كان خلاص سيبتو بعض
ثانياً إللي بيحب حد هيعيش معاه سواء رجله سليمه أو لاء
وبلاش دايما أخطائك تحمليها لغيرك
.... ............... ...........
عاد محسن وعائلته من كتب كتاب اسلام...ووجد الهاتف يرن برقم علا...لترد علا بدون أي مقدمات
علا... كنت عايزه أكلم عيالي
محسن..... ماشي هطلع ليهم التليفون
طلع محسن إلي شقه محمد وأخبره أن علا تريد محادثه أبنائها...وافق محمد واعطاهم الهاتف وفتح الاسبيكر
علا.....ازيكم يا حبايبي عاملين ايه وحشتوني
أولادها ببكاء عندما سمعوا صوت والدتهم....ارجعي بقي يا ماما وحشتينا أوي
علا.... مش هينفع أرجع خلاص يا حبايبي ابوكم طردني من البيت ومش راضي يخليني اشوفكم
نظر محمد بصدمه لمحسن وقال
شوف بتقول إيه للعيال
محسن تكلم على الهاتف
تعالي يا أم معاذ خدي عيالك في أي وقت شوفيهم
الاطفال.....يا ماما تعالي بقي وحشتينا أوي
محسن.....هجبلك العيال بكره يقضو اليوم معاكي
علا..... لأ أنا عندي شغل يبقي هاتهم يوم الجمعة
محسن... ماشي طالما مش فاضيه ليهم يبقي متقوليش للعيال إن أبوهم مش عايزك تشوفيهم...بلاش تشوهي صورة أبوهم قدامهم
علا....لا... صورة أبوهم كده كده مشوهة قدامهم.... بكره يكبرو ويعرفو إن أبوهم طلق أمهم علشان يتجوز مرات عمهم
محسن بإنفعال..... أم معاذ الكلام إللي بتقوليه ده ما يصحش
أغلقت علا الهاتف في وجهه وابتسمت ابتسامة نصر وقالت
طالما العيال بيعيطو كده ومش عارفين يعيشو من غيري
يبقي هتيجي يا محمد ترجعني ورجلك فوق رقبتك
وهقولك علي كل شروطي
ما إنت نقطة ضعفك عيالك ومبتعرفش تشوفهم زعلانين
............ .............. .........
في شقة محمد
محمد بغضب.....شايف بتقول إيه للعيال
محسن..... أهدي علشان خاطر عيالك
نظر محمد إلي أولاده الثلاثة وجدهم يبكون وفي عينيهم نظرة اليتم
أقترب منهم واحتضنهم وقال
إنتو بتعيطو ليه يا حبايبي
أولاده..... عايزين نشوف ماما إنت ليه يا بابا مش عايزها تيجي
محمد.....يا حبايبي. ماما دلوقتي مش فاضيه عندها حاجات مهمة بتعملها....ولما تخلصها هتيجي علي طول تاخدكم عندها
بقولكم إيه....مين عايز يخرج دلوقتي
رفع أولاده الثلاثة أيديهم وقالو أنا أنا
محمد.... إيه رأيكم نروح نتعشي بره ونتمشي بالعربيه
ابتسمو أولاده الثلاثة ودخلو يرتدو ملابسهم
................ ...............
في شقة محمود
محمود... مالك يا ميرو
اميره... أنا جعانه أوي وعايزه أكل كبده من علي العربية
محمود.....هي القمر إللي جوه طالباها من على العربية
اميره..... آه وعايزاها مليانه بصل. اممممم لأ بجد نفسي فيها أوي
محمود.....طيب يلي البسي بسرعه ننزل نتمشي شويه واجبلك
اميره.... بجد. .. دقيقه واحده وأكون لابسه
..... .......... ... .........
خرج محمد برفقة أولاده ودخلو مطعم. ووجد أحد أصدقائه يقترب منه ومعه سيده
محمد.... أهلا مهاب عامل ايه اتفضل أقعد معانا
مهاب......لا مش هينفع معايا أختي.. أنا لقيتك قاعد قولت اسلم عليك
نظر محمد إلي أخته وجدها تنظر إلى أولاده والدموع تترقق في عينها فستأذنت منهم أن تذهب إلى الحمام
محمد...... أقعد طيب يا مهاب علي ماتيجي مالك يا إبني حزين ليه كده
مهاب.... أختي تعبانه أوي كانت متجوزه وتعبت واضطرو يشيلو ليها الرحم وجوزها طلقها من سنتين ومن ساعتها كل ما تشوف اطفال تعيط.... قولت أخرجها انهارده تفك عن نفسها شويه شافت عيالك عيطت
محمد......لا حول ولا قوه الا بالله... ربنا يعوضها خير على ابتلائها
رجعت أخته من الحمام حاولت رسم ابتسامه على وجهها
جلست بين الأطفال وظلت تبتسم لهم
ارتمت هند ذات الأربع سنوات في حضن هذه السيده
نظرت لها بذهول واستسلمت لهذا الشعور الجميل التي كانت تحلم به
............. .......... .........
عادت بسمه وعائلتها إلي المنزل وكانو سعداء للغاية
وبعد وقت قليل حضر اسلام
بسمه.... إيه يا عريس ملحقتش
اسلام.... كده كويس أوي عقبال أولادك يا بسمه
بسمه.... يارب يا حبيبي يا رب.... أنا كنت خدت قرار كده وعايزه اقولك عليه
اسلام..... ربنا يستر من قراراتك قولي
بسمه...... أنا قررت أنزل اشتغل في حضانه. إيه رأيك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بسمه.....حضرتك اجي استلم الشغل أمتي
..... تيجي أول الشهر إن شاء الله
بسمه....... أولادي هيحضرو من أمتي و أولادي كده أوراقهم تمام
...... أولاد حضرتك هيحضرو من بكره عادي واوراقهم مظبوطه
خرجت بسمه من الحضانه وهي تشعر أنها فعلت شئ جيد لنفسها.....ودخول أولادها الحضانه هو الذي دفعها للعمل بها
ذهبت الى بيت والدها وجدت اسلام يهم بالمغادرة
بسمه..... إنت خارج ولا ايه
إسلام..... آه راجع الشغل بعد بكره يا ستي وبجهز شويه حاجات كده
بسمه..... ربنا معاك...لو عوزتني في أي حاجة كلمني
اسلام..... إنتي قاعده شويه ولا هتمشي على طول
بسمه.... لأ قاعده شويه
اسلام.... تمام علشان كنت عايزاك في موضوع كده
بسمه.... خير
اسلام.... لما اجي هقولك
.......... ...... ....... . .......
عند محمد
كانت هند تبكي
محمد.... بتعيطي ليه يا حبيبتي
هند.... عايزه اروح لماما..... أنا عايزة ماما
محمد... لا حول ولا قوه الا بالله....طيب إيه رأيك نخرج أنا وإنتي ونجيب آيس كريم وشيكولاته
زادت هند في البكاء..... أنا مش عايزه آيس كريم أنا عايزة ماما....وديني عند ماما
محمد.....طيب يا حبيبتي تطلعي تلعبي مع رؤي ورقيه أصحابك
هند بصراخ يبكي الحجر..... أنا عايزة ماما
يا ماما تعالي بقي... أنا عايزة ماما
قام محمد بالاتصال على والد علا
والد علا... إيه يا محمد العيال فيهم حاجه
محمد..... هند بتعيط جامد وعايزه تشوف أمها
والد علا دخل إلي علا واخبرها أن محمد علي الهاتف ويريدها أن تحدث ابنتها لأنها تبكي بشدة وتريد أن تحدثها أو تراها
فكرت علا قليلاً واخبرت والدها أن يقول لمحمد أنها نائمه
فعل والدها مثل ما قالت و
نظر لها والدها بغضب شديد وقال
إنتي قلبك ده حجر هما دول مش عيالك..... أنا مش عارف إنتي أم إزاي.... تعالي شوفي بنتك هتموت إزاي من العياط على التليفون
أدمعت عين علا وقالت
أنا لو معملتش كده مش هيرجعني تاني لعيالي....لازم العيال يضغطو عليه...هو نقطة ضعفه عياله
والدها.... وإنتي هتقبلي على نفسك إن جوزك يرجعك علشان خاطر العيال
علا..... أيوه هقبل.... بس هو يردني لعصمته تاني.... أنا بحبه اوي..مش هقدر اعيش من غيره
والدها.....ما إنتي كنتي على ذمته .وكان بيتمنالك الرضا ترضي....احلو في عينك بعد ما سابك
علا....كان بيتمني رضايا لحد أخوه ما مات .... ومن ساعة مامات ومرات أخوه حليت في عنيه وبدأ يعاملني وحش....هي السبب في طلاقي.... هي السبب في بعد عيالي عني....بس والله مش هسيبهم ...
والدها..... غيرتك العميه كانت ممشياكي غيرتك خلتك تفتري على خلق الله وتتهميهم بالباطل....غيرتك ربت جوا قلبك حقد وغل للناس.... مفيش حد كان السبب في خراب بيتك غيرك
إنتي إللي مشيتي ورا شيطانك. وهو إللي خرب عليكي
إنتي لو كنتي حكمتي عقلك كنتي عرفتي تحافظي على جوزك
إنتي بتحاربي في مكان غير المكان إللي المفروض تحاربي فيه
كنتي متخيله إنك هتحافظي على بيتك لما تبعدي عنه الناس إللي برا
مع إنك لو كنتي اهتميتي ببيتك من جوا مكنش أي حد من بره يقدر يقربله من برا
فوقي لنفسك دمرتي بيتك بلاش تدمري عيالك كمان
........... ......... .......
أغلق محمد الهاتف وظل ينظر إلى ابنته التي تبكي بشدة لا يعلم ماذا يفعل لها كي تهدأ
تقرقرت الدموع في عينيه وقال لها اعملك إيه طيب يا حبيبتي . ماما نايمه ومش هتعرف تكلمك
هند. وديني طيب عند طنط نورا
محمد.. مين طنط نورا دي
هند... إللي كانت مع عمو امبارح في المطعم
محمد.. إنتو اتصاحبتو على بعض. بس يا حبيبتي الوقت متاخر ومش هينفع نكلمها
بدأت هند في البكاء من جديد...لم يدري ماذا يفعل فبعد تفكير طويل قام بالاتصال على مهاب ورد عليه مهاب وبعد التحيه قال محمد
والله مش عارف اقولك ايه يا مهاب أنا محرج منك أوي
مهاب.... في ايه يا محمد خضتني
محمد.... هند كانت عايزه تكلم أختك في التليفون رغم إن هي ماشفتهاش غير مره واحده بس اتعلقت بيها
وهي دلوقتي عماله تعيط وأنا مش عارف اسكتها
مهاب..... دقيقه واحده هقول لنورا
غاب مهاب وقليلا ورجع إلى محمد وقال
بتقولك لو إنت مش هتعترض هاتها تبات معاها انهارده
ومتقلقش خالص بجد نورا بتحب الاطفال جدا وهتحافظ عليها
شعر محمد بالقلق الشديد وفكر لفتره وكان سوف يرفض لكن عندما رأي دموع أبنته وافق
محمد.. خلاص يا مهاب هجبها واجي بس مش محتاج اوصيك عليها.. هند أول مرة تبعد عني
أوصل محمد هند إلي نورا فرحت هند كثيرا عندما رأتها وجرت عليها وكأنها تعرفها منذ زمن طويل
ظل محمد يوصي نورا علي هند كثيرا ولحظة ندم أنه وافق من البداية ولكن ابتسامه ابنته وفرحتها طمئنته قليلاً
.......... ......... ..... .......
عند اسلام
بسمه.......كنت عايزني في إيه يا اسلام
اسلام بقلق....بصي أنا عارف إني مش من حقي إني أتدخل في حياتك تاني....بس أنا نفسي تروحي الجامعة وتكملي تعليمك نفسي يكون معاكي شهادة وتحضري مجاستير...وتكلمي ويبقي معاكي دكتوراه
أنا بجد شايفك في مكان عالي أوي
بسمه بقلق....يا اسلام أنا جبانه أنا بخاف اختلط بالناس
اسلام... ماهو ده أهم سبب عايزك تكملي تعليمك علشانه
بسمه..... طيب هفكر
اسلام. .. علشان خاطري وافقي صدقيني أنا عايز مصلحتك
بسمه. خلاص موافقه
اسلام..... هروح اوديكي بكره ماشي
بسمه.. بكره على طول كده خليها الاسبوع إللي بعده
اسلام.. خير البر عاجله بكره إن شاء الله هوديكي
......... ... ......... ........
عند ياسمين
كانت ياسمين تجلس على سريرها..وتمسك الهاتف فستأذن كرم اخوها ودخل
جلس كرم بجوارها وأمسك الهاتف وقال
إنتي بتقرإي قرءان من على التليفون... ظلمتك
ياسمين.... كنت بتحسبني بعمل إيه
كرم... قولت بقي البت اتخطبت وكل ما ادخل عليها الاقيها ماسكه التليفون بتكلم خطيبها وكده
ياسمين بتمثيل....دايما ظلمني يا كرم وأنا بنوته رقيقه وكيوته
كرم.. إنتي كيوت إنتي دا الله يساعد اسلام الواد يا عين أمه هياخد حتة مقلب....شكلها أمه داعية عليه في ليلة القدر
ياسمين......اخرررس...دا هتلاقي أمه بتنام تدعيله وتقوم تدعيله... علشان هياخد واحده زي العسل زيي كده
كرم...... إنتي عسل.... أنا التاني بقول إيه إللي لامم النمل والصراصير في البيت اتاري أختي عسل وأنا معرفش
ياسمين.....طيب كويس إنك عرفت السبب. .. إيه بقي إللي جابك ترخم عليا دلوقتي
كرم... اسلام ياستي كلم ابوكي يستأذنه إنه يكلمك في التليفون وابوكي وافق.....يقوم الراجل المحترم يرن عليا برضه يستأذني إنه يكلمك في التليفون رغم إن ابوك وافق
بس قالي لازم أنا كمان أوافق علشان إنتي متحسيش إنك بتعملي حاجه غلط...فأنا بصراحه لقيت الواد مؤدب فوافقت
يسكت بقي الراجل... لأ يقولي استأذن ياسمين وشوفها هتوافق ولا لأ....ولو موافقتش براحتها أنا مش هزعل
بذمتك ده راجل محترم وخسارة فيكي ولا لأ
بهتت ياسمين وقالت.. .. أكلمه في التليفون إزاي يعني
لأ يا كرم مش هعرف
كرم ....بصي يا ياسمين بجد إسلام محترم جداً جداً
أنا كان عمري ما وافق إني أشوفك بتكلمي خطيبك في التليفون .. بس دي الفتره إللي المفروض تتعرفو على بعض فيها وبعدين الراجل كاتب الكتاب يعني ملناش ألحق إننا نقوله لأ.... ورغم ذلك استأذن مننا بكل أدب.... أنا إللي بقولك كلميه... علشان تحاولو تعرفو طباع بعض
.......... . .........
في شقة دعاء
كانت دعاء تتحدث على الهاتف بعصبية
دي مابقتش عيشه دي كل يوم والتاني تبات في الشغل
راعي حتي إني لسه عروسه جديده وبخاف أنام لوحدي
زوجها...... أنا آسف أنا عارف إني زودتها بس غصب عني شغلي .. أعمل إيه
دعاء...... إنت إزاي بارد كده هتشلني
زوجها.... دعاء احترمي نفسك
دعاء......احترم نفسي إيه وزفت إيه دي الفتره إللي المفروض نخرج أنا وانت فيها نتفسح ونعزم ناس والناس تعزمنا
مش أنا أقعد لوحدي وإنت تبات في الشغل
زوجها......معلهش بكره تجيبي بيبي صغير يسليكي علشان متقعديش لوحدك
دعاء.....بيبي دور بقي على إللي تجبلك بيبي.... إنما أنا مش عايزه عيال
....... ........ ..........
في شقة محمود
محمود.....حبيبي قاعد لوحده بيعمل ايه
اميره.........بدور على النت على أسماء بنات حلوه
محمود. ... كان نفسي أسميها هند علي اسم أمي بس محمد سبقني وسماها هو
اميره.... معلهش ندور على إسم تاني.... إيه رأيك في تغريد
وإنت عارف إني بحب ساعة الصبح وهي العصافير بتغرد
محمود..... لأ شوفي إسم تاني.... إيه رأيك في إسم زينب
إنتي تعرفي إن إسم زينب ده ربنا عز وجل هو إللي نزله علي سيدنا محمد... علشان السيدة فاطمة تسميه
اميره..... بجد.. المعلومة دي أول مرة أعرفها....بس أنا عايزة إسم من الأسماء الجديدة
محمود...... إيه رأيك في فريدة...... إسم قديم وجديد في نفس الوقت
اميره...... لأ فريدة إيه هيبقي إسمي أم فريدة..... أنا كنت قرأت في روايه إسم أسيل وحبيت الإسم أوي ساعتها إيه رأيك
محمود.....هو حلو بس معناه إيه
اميره..... معناه اللينه والملساء.... وكمان الدمعه إللي كانت بتنزل علي خد النبي إسمها أسيل
محمود...... صلى الله عليه وسلم....حلو الإسم نسمي بيه
........... ............. ....
في شقة محسن
آمال... إيه يا محسن عملت الصدقه الجاريه إللي كنت رايح تعملها لوالدك ووالدتك
محسن. آه الحمد لله عملتها وكمان عملتها بإسم ابوكي الله يرحمه
آمال بفرحه..... بجد يا محسن أنا كان نفسي أوي أعمله أي حاجة تنفعه في آخرته... شكراً يا محسن
محسن..... شكراً على إيه دا أنا المفروض أطلع كل يوم صدقه على روحه... علشان عرف يربي صح
ابتسمت آمال وقالت....طيب إيه الصدقه إللي عملتها
محسن.....عملت وصلات مايه لناس مفيش مياه داخللهم
وكمان عملت كولدير مايه للشرب
آمال.... ربنا يباركلك يا رب ويجعل ذلك في ميزان حسناتك وحسناتهم
............. ....... أنتهي هذا اليوم وأشرق يوم جديد يحمل الكثير
قام اسلام بتوصيل بسمه إلي الجامعة وعاد إلى المنزل ودخلت بسمه وهي تشعر بنفس الخوف والرهبه
قابلتها البنت ذات النقاب مره أخري
الفتاه...... إيه يا بنتي جيتي يوم ومجتيش تاني وبرن عليكي مش بتفتحي عليا
بسمه..... أنا أسفه والله أصل أنا مش برد على ارقام معرفهاش
وكمان معرفتش أسمك المره إللي فاتت
الفتاه..... أنا إسمي نعمه
بسمه....عاشت الاسامي....طيب الدنيا إيه هنا
نعمه..... الدنيا تمام أنا دلوقتي همليكي الجدول والمحاضره الاولى فاضل عليها نص ساعة تعالي نشرب حاجه علي ما تبدأ
بسمه..... ماشي..بس أنا معرفش أي حاجة عنك
نعمه....بصي يا ستي أنا إسمي نعمه علي الحجار بنت رجل الأعمال علي الحجار
واخويا.. رجل الأعمال المعروف عبدالرحمن الحجار تعرفيه
بسمه..... لأ مش متابعه أخبار رجال الأعمال
نعمه.....لو دخلتي على جوجل هتلاقي كل المعلومات عنه.... المهم اخويا ده من الناس المحترمه جداً بس مفيش حد كامل...الكمال لله وحده
أخويا اتجوز تلات مرات وكل مره يطلق بعدها بمده بسيطة
علشان الخلفه... أخويا عنده عقم ومش بيخلف...وهو شال موضوع الجواز من دماغه نهائي
بس أنا مش ساكته بدورله على عروسه طول الوقت تكون مثلاً مش بتخلف زيه علشان يقدرو يكملو مع بعض.... أو واحده مطلقة ومعاها أولاد علشان متكونش بتفكر في الخلفه تاني...وكل ما أحس إن في واحده مناسبة ارن عليه فوراً واقوله عليها وهو يقعد يجاريني في الكلام وفي الآخر يقولي تصدقي إنك هبله
بسمه. ... هههههههههههه والله إنتي فعلاً هبله
نعمه بطيبه..... إنتو ليه كلكم بتقولو عليا كده علشان عايزه مصلحه اخويا يعني
بسمه..... لأ علشان عامله نفسك المفتش كرومبو إللي هيجيب الديب من ديله
نعمه.....طيب يلي بقي المحاضره هتبدأ..... وأحب أقولك إن تحريات المفتش كرومبو نفعت ولقيتله عروسه فعلاً وهيروح يخطبها الجمعه الجايه
بسمه..... ربنا يتممله بخير يا ستي يلي بقي علشان تفهميني أي حاجة في أم الجامعة دي
.............. ............ ...........
عند محمد....
اتصل على مهاب ليخبره أنه سوف يأتي الآن ليأخذ أبنته
ذهب محمد إلي ابنته وجدها مبتسمة وسعيدة وتحتضن نورا
وعندما هم محمد إن يأخذها تشبث هند بنورا وابت أن تتركها
فكر محمد طويلاً ونظر إلى نورا وقال
ممكن يا مهاب اتكلم مع أختك خمس دقايق بس
نظر مهاب إلي نورا يسألها فوافقت
محمد......بصي أنا مش عارف ابدأ كلامي إزاي .... أنا هعرض عليكي عرض ولو وافقتي ماشي موافقتيش اعتبري نفسك مسمعتيش حاجه
نورا......اتفضل
محمد......بصي أنا لسه مطلق جديد...وكانت فكرة الجواز دي حاجه بعيده بالنسبة ليا.اوي ...بس إنتي دخلتي حياة بنتي وحبتك....فأنا محتاج أم لأولادي...تحبهم
وإنتي احم..محتاجه اطفال في حياتك برضه
فلو وافقتي أننا نتجوز وكل واحد يدي للتاني إللي محتاجه.... إنتي محتاجه للأولاد وأنا محتاج أم لأولادي
أنا آسف لو قولت كلام دايقك أو قولت كلام بصيغه غلط
فكري وردي عليا...وعايزك قبل ما تفكري تعرفي إن جوازنا هيكون على الورق
لإني تقدري تقولي عليا اتعقدت من الجواز
نظرت له نورا وقالت..... أنا موافقه...بس شرطك ده هو شرطي برضه
أنا مش محتاجه راجل في حياتي أنا محتاجه لأطفال بس أحس أني أمهم وهما محتاجني مش محتاجه لأكتر من كده
محمد.... تمام أنا هتقدم لمهاب
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
تقدم محمد لمهاب...ورفض مهاب زواج أخته من محمد... بل عنف أخته لموافقتها
بدأت بسمه تحب الجامعة ولكنها مازالت تواجهه صعوبة في تذكر المواد وفي المذاكرة
دعاء مازالت ناقمه على حياتها تريد أن تحصل على كل شيء
وهذا هو المستحيل بعينه
علا تشعر بالاشتياق الشديد إلي أولادها ولكنها ما زالت تكابر
اميره الحمل اتعبها كثيراً وتحاول ألا تظهر ذلك أمام محمود لأنه يقلق عليها بشده
نشأت مشكله بين آمال ومحسن سببها الخفي علا عندما أتصلت بآمال واخبرتها أن سبب طلاقها من محمد أنه يوجد علاقة حب بين محمد وبسمه وكشفت علا الأمر وفضحتهم مما اضطر محمد إلي تطلقيها....واخبرتها انها رأت محسن وبسمه يتحدثون كثيراً وأن بسمه تريد أن تتزوج بأي رجل من البيت ولا يهم من تتزوج.....فانفعلت آمال بكلامها وقامت مشكله بينها وبين محسن
.
الامور بين اسلام وياسمين تسير طبيعية ملتزمون بخوابط الخطوبه وكل شخص منهم يحترم الآخر
......... .......... ............
في شقة محسن
محسن بإنفعال.....بتكلمي علا في التليفون يعني هي سبب المشكلة إللي حصلت امبارح
آمال....بتفتح عيني بدل ما أنا مغفله كده
محسن.....هي دلوقتي مش هتستريح غير لما تبقى إنتي التانيه مطلقة زيها هي واحدة مش بتحب الخير لحد
آمال.... يعني إنت مكنتش واقف معاها يعني وقاعد تسبل
محسن.....احترمي نفسك يا مدام... أنا لو عايز اتجوز مش هخاف منك هتجوز.... أنا مكتفي بيكي. مش حبب يكون في مشاكل بينا
آمال..... أيوه طبعاً ما إنتو كل واحد بقي معاه ورثه...وصدقت علا لما قالت الرجاله لما تكتر في الفلوس في ايديها أول حاجة بيعملوها بيتجوزو
محسن..... تصدقي بالله إنتي تستهلي حرقة الدم إللي إنتي فيها دي.... عارفه ليه علشان إنتي واحده ودانيه
راميه ودانك لأي واحده ترمي فيهم كلمتين تشعلل الدنيا بينك وبين جوزك
آمال.... أيوه طبعاً دلوقتي شايفني كلي عيوب.. وإنت في دماغك واحده تانيه هتشوفني أنا كويسه إزاي
محسن... بلاش تكسري الاحترام إللي بينا يا آمال
أنا أبويا عرض عليا إني اتجوزها وهو هيتكفل بكل حاجه وهيجبلي شقة على حسابه وكمان هيصرف على العيال
وأنا رفضت علشانك إنتي علشان بحبك
آمال.... ماكنش في حد بيحب زي ما محمد بيحب علا وفي الآخر اتطلقو بسببها....هي لازم تمشي وتسيب البيت
محسن بإنفعال شديد.... إنتي شكلك اتجننتي خالص... هي قاعدة في ملكها وملك عيالها وشقتها مكتوبه بإسمها
وإنتي ملكيش الحق إنتي تدخلي في حياتها....يا شيخه اتقي الله... واحده جوزها مات وشايله مسئوليه أربع عيال لواحدها
وكان ليها سلفه كل شويه تحرق دمها بالكلام
دي حتي إنتي ست زيها المفروض تكوني حاسه بيها
آمال بانفعال.... أحس بواحدة عايزه تخطف جوزي
نظر لها محمد بغضب وأمسك بالعديد من ملابسه جمعهم وتحرك خارجا
آمال.. إنت رايح فين
محسن... مش قاعد معاكي في الشقه هنزل أقعد في شقة أبويا تحت...ولسانك ميخاطبش لساني تاني
طالما إنتي كده راميه ودانك....وخلي علا تنفعك
........... ........... ........... ......
في شقة محمود
اميره بألم شديد.... محمود قوم أنا مش قادره معايا وجع شديد وعمال يزيد شكلي بولد
محمود..... بتولدي إزاي إنتي لسه في السابع
اميره. معرفش وديني المستشفى بسرعه
انزل أقول لبسمه تيجي معايا بسرعه مش قادره
قام محمود بإخبار بسمه واتصلت بسمه على والدتها تأتي تجلس مع ابنائها حتي تعود إليهم
وقامو بتجهيز كل شئ وأخذها محمود إلي المستشفي واخبرهم الطبيب أنها حالة ولادة فعلاً
عانت اميره معاناة شديدة مع طلق الولادة وكانت تظن أنها سوف تموت من شدة الوجع
ولكنها ولدت على خير وانجبت ملاك صغير جداً اضطروا أن يضعوه داخل الحضانه لأنه يحتاج لذلك
فاقت اميره من البنج وجدت محمود معها وبسمه وآمال ومحسن
اميره بصوت ضعيف...فين بنتي
قبل محمود رأسها وقال.. الحمد لله على سلامتك يا حبيبتي
بنتك زي القمر.
اميره.... هي فين
محمود..... دخلوها الحضانه علشان هي نازله بدري قبل ميعادها وعلشان يطمنو عليها متقلقيش هي كويسه
اميره..... عايزه أشوفها
بسمه....هتشوفيها و تفرحي بيها. بس إنتي مكنتيش بتاكلي فيها ولا إيه...دي صغنونه أوي
آمال.. دي زي العسل ربنا يفرحك بيها يارب
محسن.....اخترتو إسم ولا لسه
محمود.....اختارنا أسيل
بسمه..... إسم جميل
..... ............. .............
عند دعاء
دعاء.....تتحسد انهارده قاعد معايا
زوجها..... حاسس اني مقصر معاكي فقولت اخدك اخرجك انهارده تغيري جو
دعاء بفرحه.... بجد أخيراً هتخرجني أنا هلبس
زوجها.....هنفوت علي أمي الأول نسلم عليهاعلشان مشوفتهاش من زمان شغلي واخدي منها
دعاء بتأفف..... وطبعاً نروح و الست أمك تحلف علينا مش هنمشي غير لما ناكل وبدل ما نخرج ...نقضي اليوم عند أمك
وشها في وشنا
زوجها بعصبية .... إنتي إزاي تكلميني بالاسلوب ده احترمي نفسك شويه ولا إنتي متعرفيش يعني ايه احترام
دعاء بزعيق.... إنتي بتعلي صوتك صوتك عليا ولا إيه
زوجها.....نعم يا أختي ... إنتي إزاي نكديه كده... أنا موقف شغل هيخسرني الوفات علشان اخرك وإنتي في الآخر تقلي ادبك وكمان تعلي صوتك عليا
دعاء بزعيق....مش إنت إللي بتقولي أمك أصل أنا ناقصه أمك التانيه...مش كفايا عليا إنت فاقع مرارتي
زوجها...... ماشي يا دعاء أنا غلطان.. مفيش خروج
هتقعدي هنا في الشقه وأنا هنزل أقضي اليوم كله عند أمي
........... ........... ........
عند اسلام كان يحدث ياسمين علي الهاتف
اسلام..... عامله ايه
ياسمين...... الحمد لله بخير
اسلام..... والمذاكرة عامله فيها إيه
ياسمين. اديني بذاكر... ادعيلي إنت أجيب تقدير كويس
وإنت عامل ايه في شغلك قربت تيجي ولا لسه
اسلام. قدامي لسه اسبوعين ادعيلي بس إن الشركة إللي مقدم فيها يقبلوني بدل شغل السفر ده
ياسمين... حاضر هدعيلك. أنا هقفل علشان كرم بينادي عليا
ياسمين... ماشي مع السلامه وسلميلي على كرم
أغلقت معه الهاتف وتنفست سريعاً
كرم... مالك بنادي عليك مش بتردي ليه
ياسمين. كنت بكلم اسلام
كرم.....وطيب وقفلتي معاه ليه
ياسمين.دا أنا ما صدقت إن ألاقي حجه أقفل بيها أنا بكون متوترة أوي وأنا بكلمه وبيبقي نفسي أقفل بس بخاف يزعل
كرم..... على فكره هو صمم إنه يكتب الكتاب علشان تتكلمو براحتكم وتعرفوا بعض وميكونش في شبه حرام في الموضوع..... وأنا اخوكي أهه إللي دايما مضيقها عليكي
ومش بخليكي تكلمي حد... بقولك هو انسان محترم جداً
وكلميه براحتك افتحي قلبك متخافيش مش هيخزلك
......... ........... ..........
عند مهاب
مهاب بإنفعال..... محمد اتقدملي تاني ياست نورا
نورا بتوتر. طيب وأنا مالي.. وبعدين أنا مش لاقيه سبب لرفضك أصلا وأنا موافقه
مهاب. يعني إنتي موافقه .... إنتي عارفه هو هيتجوزك ليه
علشان خاطر عياله مش علشانك إنتي
نورا. . وأنا موافقه عليه برضه علشان خاطر عياله مش علشانه هو
مهاب......موافقه إنك تكوني خدامه لعياله.....
نورا بدموع...... أنا نفسي أحس بإحساس الامومه إللي عمري ما هحس بيه.... أنا نفسي أكون أم يا مهاب...بنته خليتني أحس بحجات أنا نفسي أحس بيها.. أنا موافقه أكون خدامه ليهم بس أحس إني أم
إنت مش عارف يعني ايه ست تتحرم من إنها تكون أم
أنا تعبانه أوي
أنا راضية بقضاء ربنا.. الحمد لله
بس غصب عني أحس إني عايزه اطفال في حياتي
دي غريزة في البنت
بالله عليك توافق يا مهاب أنا نفسي في اطفال علشان خاطري وافق
مهاب. إنتي أختي عايزلك أحسن حاجه في الدنيا
إنتي تستهلي واحد يكون بيحبك ويكون عايزك علشانك إنتي مش عايزك علشانك عياله
نورا بدموع غزيرة.... أنا شيلت الرحم يا مهاب يعني استحالة أخلف....مين هيحب واحده مش بتخلف.مين مش عايز اطفال.....الجوازه دي أنا إللي محتجاها مش هو...وافق علشان خاطري
مهاب ...
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
نورا... علشان خاطري وافق
مهاب....قبل ما اقولك موافق عايز اقولك شويه حجات مهمه
...طليقته ست صعب جداً ...متفتكريش إنها هتسيبك في حالك...ولا تفتكري أنها هتسيبلك جوزها وعيالها بالساهل..
دي هتنكد عليكي عيشتك ...خدي برأي اخوكي بلاش
اخو محمد مات وهي مبهدله مراته آخر بهدله الكلام ده بشهادة جيرانهم... علشان فاكره إن ممكن جوزها يتجوزها
مابالك بقي إنتي إللي فعلاً هتاخدي جوزها
نورا.... هي متقدرش تعمل أي حاجة هي دلوقتي طليقته مش مراته ..وملهاش أي سلطة في البيت
مهاب..... أنا حذرتك وقولتلك سبب رفضي.بس الظاهر إن إنتي داخله الموضوع بقلب جامد ...وشكلك مقتنعة أوي بمحمد
نورا..... أنا حبيت هند أوي ونفسي بجد تعيش معايا
مهاب.. علي العموم أنا هوافق علشان إنتي موافقه بس أحب أقولك لما تعرف إن محمد اتجوز هتاخد العيال مش هتسيبهم ليكي... علشان تبقي عامله حسابك ومتصدميش...
نورا..... أنا مستعده لأي مواجهه
مهاب..... تمام وأنا هرن عليه وأعرفه إنك موافقه
........... ............. ...........
عند بسمه ذهبت إلى الجامعة ورنت على نعمه
بسمه.... إيه يا نعمه إنتي فين
نعمه..... أنا واقفه على باب الجامعة إنتي إللي فين
بسمه..... خلاص أنا شوفتك جايالك اهه
نظرت نعمه إلي أخوها الواقف بجوارها وقالت
أقعد في العربيه وهي جايه عليا اهه عايزاك تشوفها وهقف اكلمها شويه علشان تعرفها اكتر
بسمه.... إيه يا بنتي واقفه عندك ليه مدخلتيش
نعمه.. كنت مستنياكي
بسمه....طيب يلي ندخل
نعمه..... أنا واقفه شويه مستعجله ليه
بسمه.... أنا داخله علشان ارن على اسلام واطمنه إني وصلت
نعمه.....نقف خمس دقايق بس
بسمه... إنتي مالك انهارده كده في إيه.... أنا داخله مش هفضل واقفه في الشارع كده
نعمه....طيب يلي
دخلو إلي الجامعة ورنت بسمه على اسلام ورنت نعمه علي أخيها وابتعدت قليلا حتي لا تسمعها بسمه
نعمه..... إيه رأيك بقي عسوله أوي مش قولتلك
أخوها.....بس إنتي مش عارفه توقفيها شويه كمان مبتعرفيش تخلقي حوار أبدا
نعمه... يعني أنا تاعبه نفسي وعماله ادورلك على عروسه وإنت مش عجبك حاجه أبدا
أخوها....طيب أنا عايزة أقعد اتكلم معاها ماتعزميها على الغدا في أي مطعم
نعمه.....بتخلص وتروح جري علشان خاطر عيالها..مش هترضي
أخوها... ماشي خلاص لما تخلصي محاضرات رني عليا اجي اخدك وابقي احاول اتكلم معاها في أي حاجة
نعمه..... أيوه بقي شكلها عجبتك.... أول واحده تحاول تتكلم معاها.....يارب تكون من نصيبك... سلام بقي علشان هي جايه عليا
بسمه.. كنتي بتكلمي مين
نعمه.....كنت بكلم أخويا أصله بيخاف عليا أوي... بصراحه أي حد يخصه بيخاف عليه.. عليه شهامة وجدعنه يابسمه مشوفتهاش على حد...مش علشان هو أخويا هو بجد جدع
بسمه.... ربنا يخليكو لبعض يلي بقي المحاضره هتبدأ
............ ............. ...........
عند محسن
آمال..... مش كفايه خصام بقي هتفضل زعلان مني كتير
لم يرد عليها محسن
آمال....طيب أنا جهزتلك الأكل إنت ما اكلتش حاجه من امبارح
محسن....مش عايز منك حاجه... وقولتلك متتكلميش معايا
آمال.... أنا آسفه... إنت عارف أنا بحبك أد إيه
وعارف إني مليش حد غيرك.. وخايفه إنك في أي وقت تسيبني أو تتجوز عليا
محسن بإنفعال.... أنا عملت ايه يوحيلك بكده.... إنتي واحده تملي دماغك بكلمتين وتسمعي كلامها
أنا مسكت نفسي بالعافيه امبارح إن اغلط أو أفقد أعصابي زي ما محمد فقد أعصابه على مراته
بلاش تبقي نسخه منها والناس تكرهك
آمال.... أنا عارفه إنك قد وعدك....اوعدني إنك عمرك ما تتجوز عليا...ولا تسيبني
محسن....لا حول ولا قوة إلا بالله... أوعدك ياستي
آمال بفرحه .. طيب يلا نطلع شقتنا وأنا أوعدك إني مش هزعلك تاني
......... ....... ... .......
في شقة اميره
محمود.... إيه يا اميرتي زعلانه ليه
اميره بدموع.... عايزه بنتي يا محمود
محمود.... بكره إن شاء الله ترجع لنا بالسلامة وتملي علينا البيت
اميره.... أنا عايزة أشوفها
قام محمود بفتح التليفون..خدي شوفي صورتها.. شوفي زي القمر إزاي
اميره.... حبيبتي أموره أوي.... عايزه اخدها في حضني
محمود.... بكره إن شاء ترجع وتشبعي منها وتحبيها اكتر مني كمان.. وأنا أبقي غيران منها علشان هي اخدت كل الاهتمام وأنا لأ
اميره..... محدش يقدر ياخذ الاهتمام منك إنت هتفضل الأول في كل حاجه في حياتي
محمود.... أيوه ثبتيني بقي علشان ما اغرش بس أنا غيران برضه
اميره..... خلاص بقي براحتك أنا حاولت... وبعدين بتغير قبل ما تيجي استني لما تيجي الأول... وإنت هتلاقيني واحده تانيه خالص
هتقولي حطي الأكل يا أميره... أقولك حط لنفسك مش شايفني بأكل أسيل
تقولي اغسليلي الهدوم.... أقولك اغسل لنفسك مش شايفني شايله سيلا
محمود..... إيه ده كده الست سيلا جت عليا بالخسارة هههههههههههه. وضحكو سويا
........... ........... ........... ..........
عند محمد
محمد..... بجد موافقين يا مهاب
مهاب.... آه موافقين.. المهم ناوي تعملها فرح ولا لأ
محمد..... إللي إنتو عايزينه أنا موافق عليه
مهاب. خلاص تعالي انهارده نتفق على كل حاجه وطبعاً معاك أخواتك
أخبر محمد إخوته بخبر زواجه فاستغربو جدا
محسن..... بالسرعة دي عايز تتجوز
محمود....ما تفكر الأول يا محمد بلاش تسرع
محمد. ياجماعه هي بجد واحده كويسه جدا جدا
واولادي حبوها ودا أهم حاجة عندي
محسن.....طيب صلي..صلي استخاره الأول
محمد... صليت والله ومرتاح جدا...عايزكم تيجو معايا بالليل نروح نتقدم لها
محمود... طالما إنت مصمم خلاص ربنا يتمملك بخير ويجعلها زوجه صالحه ليك
............. ........... ...
عند بسمه
كانت تخرج هي ونعمه من الجامعة
نعمه.... اخويا هياخدني معاه انهارده علشان رايحه الشركة عند بابا
بسمه... طيب سلام أنا بقي
نعمه.... إيه ده هتسبيني واقفه لوحدي في الشارع استني لما ييجي... بقولك ايه ماتيجي معايا افرجك على الشركه بتاعتنا
بسمه.... لأ اجي فين. أنا عايزة أروح بسرعه الصاروخ علشان اولادي
نعمه.... خلاص هو جه أنه
بسمه...خلاص أمشي أنا بقي
حضر أخو نعمه وقال.... طالما مستعجله تعالي نوصلك
بسمه.. شكراً مبركبش مع حد سلام
أخو نعمه... استني بس نتعرف حتي
نظرت بسمه إلي نعمه بحده وقالت.... أنا مش من بتوع نتعرف
أخو نعمه.... اهدي بس علشان نعرف نتكلم
نظرت بسمه إلي نعمه وقالت.... اخوكي عايز يعرف يتكلم وكمان عايز يتعرف ليه يا نعمه
جايبه اخوكي تفرجيه عليا... ماشي يا نعمه ياريت تمسحي رقمي من عندك وكمان تنسي إنك كنتي تعرفي واحده إسمها بسمه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
أتفق محمد ومهاب على كل شيء والفرح بعد اسبوعين.. وأصرت نورا علي عدم إقامة فرح فهي ليست صغيره...
واليوم هو يوم الزفاف
.....قاطعت بسمه نعمه ولم ترد على تليفوناتها الكثيره
وذهبت مره واحده إلي الجامعة وحاولت نعمه أن تحدثها لكن بسمه لم تسمع لها...
..... بين دعاء وعاصم خلافات دائما بسبب نقمها على حياتهما
.... اتصل محمد بوالد علا مره أخري لأن أولادها يبكون دائما ويريدون أن يروها ولكن علا أبت أن تحدثهم...كنوع من الضغط على محمد
....اتي اسلام من سفره ..واقترب موعد فرحه يقوم بعمل التشطيبات النهائية في شقته
.... حاولت علا أن تحدث آمال مره اخرى وتفعل مشكله بينها وبين زوجها....لكن آمال هذه المره استمعت لها...ولكن لم تفعل مشاكل
.....ما زالت اميره تبكي بسبب بعد ابنتها عنها ومحمود يحاول طمئنتها
............. ............. .....
في منزل نورا.....تم كتب كتاب محمد ونورا
وأقامت بسمه وآمال... الزغاريد
بسمه.... ألف مليون مبروك يا عروسه
نورا.... الله يبارك فيك يارب
آمال.... ألف مبروك يا نورا
نورا..... الله يبارك فيك
مهاب..... محمد أنا مش هوصيك على نورا حطها في عنيك
محمد..... متقلقش والله دي في عنيا
مهاب. نورا خلي بالك من نفسك...لو زعلك ولا لو عملك أي حاجة تقوليلي
نورا. .. حاضر
محسن....يلو بقي يا جماعه
ركبت نورا مع محمد في عربيته
وركب معهم مهاب
وركب الباقي مع محسن
وصلو إلي المنزل واقامو الزغاريد ليعلم الجيران بزواج محمد
وبعد الكثير من المباركات ذهب كل واحد إلي شقته
دخلت نورا علي استحياء شقة محمد... أصرت بسمه علي أن تأخذ اولاد محمد عندها اليوم
محمد.... أدخلي مكسوفه ليه
نورا.... مش مكسوفه ولا حاجه ...ما تحاول مع بسمه تنزل الاولاد
محمد.... هي صممت بقي مش هينفع..
نورا....طيب هي فين اوضتي إللي هنام فيها
محمد.... تعالي نتعشي الأول ونتكلم شويه وبعدين ننام
جلسو سويا يتحدثون كثيراً وفتح كل واحد منهم قلبه للأخر
......... ........ى. ...........
في منزل اسلام
كان الصنايعيه يعملون عنده في الشقه بجد فهو يريد أن ينهي أعمال الشقه قبل أن تنتهي هذه الإجازة...فقام اسلام بالاتصال على ياسمين
بعد السلام قال لها اسلام
اخترتي الوان ايه
ياسمين..... إنت مصمم برده تغير ألوان الشقه مش إنت إللي كنت مختارها
اسلام.... بصراحه لأ مش أنا
ياسمين بغيره....مش إنت.ماشي...اختار إنت الالوان إللي تعجبك
اسلام....لا دي شقتك إللي هتقعدي فيها اختاري الالوان إللي تعجبك
ياسمين..... ماشي قولي على الألوان إللي كانت موجودة الأول قبل ما افكر علشان أختار ألوان غيرها
اسلام بإبتسامه.....طيب ما تختاري الأول يمكن تطلع نفس الالوان إللي إنتي عايزاها
ياسمين....حتي لو ألوان أنا بحبها وعايزاها مش هختارهم برضه
اسلام.... إللي تحبيه... شوفي إنتي عايزه إيه وأنا هعمله
....... .......... ........
انتهى يوم على ابطالنا ليأتي عليهم يوم جديد
تفاجئ محمود في الصباح بهاتفه يرن برقم الحضانه ويخبرهم أن أبنته بخير وأنه يجب أن يأتي حتي يستلمها
زف البشري إلي اميره لتقوم سريعاً بسعادة
لبسو هدومهم سريعاً
محمود.....دي أول مرة من ساعة ما اتجوزنا تلبسي بالسرعه دي
اميره. .دي بنتي نور عيني أنا عايزة أطير واروحلها
ذهب محمود واميره واحضرو ابنتهم...ظلت اميره تحتضنها وتقبلها ودموع الفرح على وجهها
اميره.... أنا مش مصدقه نفسي إن بنتي في حضني
محمود.... الحمد لله رب العالمين... الحمد لله إنه طمنا عليها
اميره.....دي بتعيط يا محمود...يا قلب ماما متعيطيش
..... .... ..............
في شقة دعاء
عاصم...... مالك يا دودو زعلانه ليه
دعاء.....مش عارف ليه.... منعني أخرج من أسبوعين وبتسألني زعلانه ليه
عاصم... مش إنتي إللي بتعلي صوتك عليا وكمان بتغلطي في أمي.... وأنا كله إلا أمي
دعاء.....واهه بقيت لا بزعق ولا بتكلم خالص
عاصم..... أنا عايزك تتكلمي..وعايزك تكوني مبسوطه...بس من غير ما ترفعي صوتك ومن غيرما تغلطي... وأنا أخدت انهارده اجازه وهعوضك الخروجه إللي فاتت
وبرضه هنفوت علي أمي الأول
دعاء بهدوء..... حاضر
......... .............. ......
في شقة محمد
استيقظ علي صوت نورا
نورا.... صباح الخير اصحي جهزتلك الفطار
محمد.... صباح النور صاحيه بدري ليه كده
نورا..... أنا بصلي الفجر ومش بنام.... تعالي بقي نادي للأولاد يفطرو معانا
محمد... مصحياني بدري عشان الاولاد صح
نورا... بصراحه آه
ورن هاتف نورا
محمد..... مين إللي بيرن
نورا.... رقم غريب مش عارفاه
نظر محمد إلي الهاتف وعلم أنه رقم علا فقال لها
بصي افتحي وقولي الو وهاتي أنا هشوف مين
فتحت نورا الهاتف واعطته إلي محمد
لترد علا
إيه يا خطافة الرجاله...يا زبالة النسوان....يا ارض بور
ملقتيش غير جوزي وتجري وراه...وربنا ما هسيبك في حالك
أنا عملك الاسود
محمد....هنتظر إيه يعني من واحده زباله زيك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
نورا....مين إللي بتغلط فيها دي يا محمد
محمد....دي طليقتي....
نورا.. طليقتك جابت رقمي منين وبتتصل عليا ليه اصلا
محمد..... دي واحده الله يهديها في عقلها... مكنتش أتخيل انها مريضه كده
نورا....جابت رقمي منين
محمد.... معرفش يا نورا..بس دي تتوقعي منها أي حاجة
معلهش لو لقيتي رقم غريب رن عليكي مترديش...
علشان تريحي دماغك....
نورا.....سيبك بقي منها واطلع هات الاولاد هند وحشتني أوي
محمد..... بعد اذنك ممكن اتكلم معاكي شويه الأول
نورا.... اتفضل
محمد....بصي معاذ كان متعلق بأمه أوي طبعاً هو أول عيل ودايما كان معاها وكان قريب منها.....
وجت لما أمه سابته وكل ما يحاول يكلمها مترداش تكلمه
الولد زي ما يكون جاله صدمه....فهيكون التعامل معاه صعب شويه...فلو عمل أي حاجة تدايقك أنا آسف....هنتعب معاه شويه على ما يتأقلم على وجودك معانا في البيت وكمان هتحلي مكان أمه.... فالموضوع هيكون صعب عليه شويه
... بالنسبة بقي لسليم ده إبني التاني.....هو طفل هادي جداً جداً وممكن متحسيش بوجوده في البيت....بس هو شخصية حساسه أوي وبيدقق في أبسط التفاصيل. ..بيلاحظ حتي لو ابتسمت ابتسامه بسيطة جداً حتي لو مجامله في وش أخوه أو أخته...وهو لأ. .. محتاج معاملة خاصة وتركيز معاه
أما بقي هند دي إنتي عارفاها وأنا مرتاح جدا من نحيتها علشان حبتك
أنا عارف إني ولاد شخصيتهم مختلفة وممكن يتعبوك... أنا هكون معاكي دايما مش هرمي الحمل كله عليكي
نورا....ما تقلقش من نحيتي أنا متحمسة جدا للتعامل معاهم
اطلع هاتهم
........... .......... ..............
عند بسمه
اتصل والد بسمه على بسمه واخبرها أن تأتي اليوم فيوجد موضوع هام يريد أن يحدثها به
ذهبت بسمه إليهم سريعاً لأنها شعرت بالقلق
كان يجلس والد بسمه ووالدتها وإسلام والثلاثه فرحين للغاية
بسمه....خير يا بابا إيه هو الموضوع إللي عايزني فيه
والدها بفرحه...جالك عريس
بسمه بصدمه.... إيه أنا مش عايزه اتجوز يابابا
والدتها.... اصبري بس لما تشوفيه وتعرفيه
بسمه.... أنا مش عايزه أشوفه ولا أعرفه وأنا مش هتجوز أنا هقعد اربي عيالي
والدها....هو موافق إنه يتجوزك بعيالك وعارف عنك كل حاجه وعارف كل ظروفك
بسمه بدموع.... بالله عليك لأ يا بابا.. أنا مش عايزه اتجوز
اسلام.... اهدي يابسمه أنا سألت عليه كويس وطلع رجل محترم جداً....وكلمني وأنا في الشغل وكلم والدك وموافق على كل طلباتك...قالي موافق على كل شروطكم وشاريكي
رغم إني رفضته أول مره وقولتله إنك مش هتوافقي بس صمم واتقدم تاني
بسمه... بالله عليكم تحسو بيا أنا مش عايزه اتجوز سيبوني براحتي أقعد أربي عيالي
والدتها....يابنتي دا راجل أعمال كبير في البلد...ومشاء الله عليه طول بعرض راجل ملو هدومه ... وهيدخل عيالك مدارس خاصة وقال هعاملهم كأني أبوهم
بسمه....لما هو كده إيه إللي يجبره ياخد واحده معاها أربع عيال مايروح لأي واحده غيري ..مايكونش وراها عيال
والدتها....هو اختارك إنتي وعايزك إنتي.. وبعدين هو صارحنا وقالنا إنه مش بيخلف ..وعايز واحده تكون ظروفها زي ظروفه مش عايزه عيال
بسمه.....يا جماعه أنا مش عايزه اتجوز احترمو رغبتي واحترمو قراري
اسلام.. اعرفي بس هو مين الأول.. قبل ما ترفضي
اقعدي معاه ولو مش مستريحه أوعدك إنه محدش هيغصب عليكي
بسمه.... قعدتي معاه مش هتغير حاجه في قراري
اسلام..... إسمه عبد الرحمن علي الحجار... هتلاقي كل المعلومات إللي تحبي تعرفيها عنه على النت
صدمت بسمه عندما سمعت الإسم فقد علمت من هو
أخبرتهم بسمه برفضها القاطع.. ليس بهذا الرجل فقط ولكن بكل رجال العالم.....واستأذنت منهم وغادرت إلي شقتها تبكي بها
........... ................ ..... ........
عند دعاء.
كانت تقف في غرفتها تنظر إلى إختبار حمل بصدمه شديدة
دخل عليها عاصم وقال.... إنتي بتعملي إيه... إيه إللي في إيدك ده
دعاء بتوتر...دا دا دا اختبار حمل
عاصم.... إختبار حمل وطلع إيه
دعاء بنفس التوتر.. هو ظاهر قدامي شرطتين بس هروح اتأكد عند دكتوره الأول
عاصم بفرحه.... شرطتين يعني إنتي يعني إنتي حامل
دعاء.... إن شاء الله لأ.... إحنا ملحقناش...لسه بدري أوي
عاصم بحزن.... ليه كده يا دعاء مش عايزه تخلفي مني
عندما رأت الحزن في عينيه قالت بسرعه
لأ مش القصد..... أنا قصدي إن إحنا لسه قدامنا العمر طويل
هنجيب عيال بدري ليه
عاصم......بس أنا نفسي يكون عندي عيال.....البسي علشان نروح نتأكد
شك عاصم في دعاء وخاف إن علمت أنها حامل تقوم بتنزيل الطفل دون اخباره لذلك أصر أن يأخذها إلي الطبيبه
ذهبو سويا إلي الطبيبه وطلبت منهم عمل تحليل حمل
فعلوه وعادو إلي الطبيبه فقالت لهم الطبيبة
ألف مبروك إنتي فعلاً حامل
ظهرت علامات الفرح علي وجه عاصم.....ووضعت دعاء يدها على بطنها وشعرت بشعور جميل وظهرت ابتسامه على وجهه
عندما رأي عاصم هذه الابتسامة اطمئن وحمد الله
.............. ............. ..........
عند اميره
كانت أميره تقوم بتغيير الملابس لإبنتها وتقول
يا اخواتي بحبها...دي حبيبة أمها
أسيل بكره تكبر وتروح المدرسة....ويقولو بنت شاطره ونمارها كويسه
يا أخواتي....يا اخواتي....يا أخواتي بحبها...دي حبيبة أمها
محمود...... بالنسبة لحبيبة أمها....نامت ولا لسه علشان أنا جعان
اميره..... لأ مش هتنام دلوقتي... تعالي شيلها على ما احط الأكل
اخذ محمود منها أسيل وذهبت اميره إلي المطبخ وجلس محمود يحدث أسيل ويقول
وحشتيني اوي...يا سيلا أنا هدلعك واقولك يا سيلا ماشي
إنتي عارفه بقالنا كام سنه مستنييك بقالنا ١٢سنه ....اتأخرتي علينا ليه كده
إنتي عارفه إن أمك كانت كل يوم بتنام بتعيط علشان عايزه تشوفك وتشيلك في حضنها
إنتي عارفه أنا كنت بحس بإيه قبل ما تيجي تنوري حياتنا
مش مهم كل إللي فات. المهم إنك دلوقتي بين ايدينا
اميره بصوت عالي نسبياً....يلا يا محمود جهزت الأكل
خرج محمود وهو يحمل أسيل
اميره.. هاتها علشان تعرف تاكل
محمود... متقلقيش عليا هعرف أكل كلي إنتي بس
اميره....من زمان مشوفتش الابتسامة الحلوه دي على وشك
محمود..... طالما أسيل في حياتنا هتخلينا دايما فرحانين
....... ..................
عند محمد
جهزت نورا وجبة الغداء واجتمعو جميعاً على السفرة
نورا.....مش بتاكل ليه يا معاذ
معاذ بغضب.....مش بحب الأكل ده
نورا.....طيب قولي على الأكل إللي إنت بتحبه وأنا اعملهولك
معاذ.... مش عايز منك حاجه وترك الأكل وذهب إلى غرفته
كان محمد سوف يذهب ورائه ليعلمه خطأه ولكن نورا أشارت إليه أن تذهب هي
نورا.....سليم يا حبيبي الأكل عجبك ولا تحب اعملك أكل تاني
سليم بفرحه لأنه لأول مرة يأخذ أحد رأيه فيما يحب
آه حلو...بس نفسي أكل كيكه
نورا.... بفرحه لانها شعرت بتجاوب سليم معها....لما تخلص أكلك كله ...هنقوم أنا وانت نعمل كيكه كبيرة إيه رأيك
سليم بفرحه.....هخلص طبقي كله بسرعه
نورا بإبتسامه. ....شطوره يا سليم.. وإنتي يا قلبي تحبي تعملي معانا كيكه
هند بفرحه.... أيوه أيوه
ذهبت نورا إلي معاذ استأذنت قبل أن تدخل إليه
نورا..... إنت زعلان ليه يا معاذ ومش عايز تاكل
معاذ بعصبيه.....ملكيش دعوة... إنتي جيتي عندنا ليه
مشيتي ماما علشان تيجي إنتي أنا بكرهك
نورا بصدمه.... أنا يا حبيبي مش مشيت ماما مين إللي قالك كده
معاذ.... إنتي كدابه ماما قالتلي إنك خليتي بابا يمشيها علشان تيجي إنتي
نورا.....كده عيب يا معاذ أنا مش كدابه أنا معرفش ماما اصلا
وبعدين إنت كلمت ماما أمتي وقالتلك كده دا تاني يوم ليا هنا في البيت
معاذ..... امبارح كلمتها من تليفون آمال مرات عمي وهي قالتلي
نورا.....بص يا معاذ أنا هقعد معاكم هنا فتره كده صغيره ولو إنت مش عايز أقعد معاكم تاني صدقني همشي
بس علشان تعرف تحكم عليا لازم نكون اصحاب الأول
معاذ..... لأ أنا عايزك تمشي علشان ماما ترجع مش عايزك تقعدي معانا
.... ............ .........
في شقة بسمه كانت تبكي.. ووجدت جرس الباب يرن ووجدت آمال أمام الشقه
بسمه.... اتفضلي يا آمال
آمال.....مالك يا بسمه وإنتي طالعه كان باين عليكي معيطه قولت أطلع أشوفك
بسمه.....في عريس متقدم لأهلي وأهلي موافقين عليه
آمال بفرحه داخلية......عريس. وعارف إنك معاكي أولاد
بسمه....عارف وعايز يتجوزني واخد معايا أولادي
لمعت عيون آمال بفرحه فهذه فرصة لن تعوض.... وجود بسمه أمامها يشعرها بالخوف أن يفكر محسن بالزواج منها
خاصة بعد زواج محمد فكانت تأمل أن يتزوجها محمد بعد طلاق علا
وطبعها طبع كل النساء تشعر بالغيرة فجلست معها تقنعها ان توافق
آمال. إنتي لسه صغيره برده يا بسمه اتجوزي وعيشي حياتك
بسمه. كلكم بتقولولي اتجوزي... أنا مش عايزه اتجوز أنا عايزة أقعد أربي عيالي في حالي
ليه لازم اتجوز مينفعش أعيش من غير جواز
آمال بشفقه عليها. . والله إحنا عايزين مصلحتك وبنقولك كده علشان بنحبك
بسمه..... لو بتحبوني بجد ريحوني... ومحدش يقولي اتجوزي أنا نفسي أعيش مرتاحه كتير عليا أعيش مرتاحه
قامت أمسكت الهاتف ورنت على إسلام وأخبرته برفضها التام من الزواج عموما
واستأذنت منها آمال وذهبت
فقامت بسمه بالاتصال على نعمه
نعمه....ازيك يا بسمه عامله ايه
بسمه. أنا مش كويسه من ساعة أخوك ماجه أتقدم لوالدي
وياريت تقوليله إني مش موافقه...وميتقدمش تاني لأهلي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بعد مرور كذا شهر
ألف مليون مبروك يا بسمه
عقبال ما اباركلك على الجواز
نطق إسلام بهذه الجملة بعدما علم نتيجة بسمه في السنه الأولي لها في الجامعه
بسمه.... الله يبارك فيك يا حبيبي قولتلك مليون مره مش هتجوز
إسلام.... الراجل اتقدملك فوق الخمسين مره ولسه عنده أمل توافقي
بسمه..... إنت كده خلاص حددتو معاد الفرح... طبعاً بقي ياسمين نجحت وإنت الفرحه مش سيعاك
اسلام.....غيري الموضوع براحتك....بس أنا فعلاً فرحان ادعيلي بقي
بسمه.. بدعيلك والله دايما يا حبيبي
......... ........... .............
في شقة محمد
كانت نورا تجلس مع الاولاد
هند.... إحنا هنعمل ايه يا ماما
نورا ..... هنعمل أحلي تورتايه علشان معاذ هيختم القرآن انهارده
معاذ بفرحه داخلية لا يريد أن يظهرها..... لأ شكرا أنا مش عايز حاجه
نورا بفرحه..... شكراً إيه بس دا أنا لو أطول اجبلك حته من السما...كنت جبتلك أنا فرحانه اوي
بص بقى قولي على أي حاجة نفسك فيها وأنا اجبهالك هديه
معاذ..... أنا عايز بابا يوافق إنه يجبلي العجله السبق إللي نفسي فيها
نورا....يا حبيبي أنا اجبهالك ودي هتبقي هديتي... وبابا مش هيعترض عليها علشان دي هديه
معاذ بفرحه.... ماشي
نورا.... تيجي بقي تلعب معانا القطه العاميه
معاذ... لأ نلعب استغمايه
نورا.....موافقه.. نادي لسليم ويلا نلعب
ظل يلعبون لوقت طويل وكان الاطفال سعداء للغاية
وكانت نورا سعيده بسبب تقدم العلاقه بينها وبين الاولاد
وأنهم أصبحوا لا يبكون على أمهم كما كانو يفعلون في السابق
نورا.....يا نهار ابيض بابا خلاص جاي من الشغل ولسه معملناش الأكل
معاذ....مش إنتي عملتي تورتا
نورا..... لأ التورته بعد الأكل.. يلو تعالو ساعدوني بسرعه في المطبخ نعمل اكل
معاذ وسليم وهند... ماشي
دخلو إلي المطبخ وقالت نورا
إيه رأيكم نعمل صينيه بطاطس بسرعه
سليم..... ماشي
نورا.....خد يا سليم قشر البطاطس بالمأشره بتاع البطاطس دي
وإنت يا معاذ خد اقطع الطماطم و خلي بالك من السكينه
وأنا هقطع البصل بسرعه...واجي اساعدكم
هند.... وأنا هعمل ايه
نورا..... إنتي اقفي جمب سليم وناوليه البطاطس
كل شخص منهم كان يعمل بسرعه..وانجزو بسرعه..ووضعوها داخل الفرن
نورا..... الحمد لله خلصنا
هند....يلو نلعب بقي
نورا بمشاكسه..... إنتي مش بتزهقي أبدا من اللعب
سليم.... وأنا كمان عايز ألعب
نورا.... وإنت يا معاذ هتلعب معانا
معاذ.....لو هتلعبو حاجه حلوه هلعب معاكم
نورا.. إنت عايز تلعب إيه
معاذ بتفكير.... خلاص نلعب القطه العاميه
نورا.... وإنت إللي فيها
ربط معاذ عصابه على عينيه وظل سليم وهند ونورا يجرون أمامه وهم يضحكون وهو لا يستطيع إمساك أحد منهم
دخل عليهم محمد. فرح جدا عندما رأي معاذ يلعب معهم
وظل ينظر إلى أبنائه بفرحه. فلم يكونو بهذا النشاط وهذه السعاده.. في وجود والدتهم ..وظل ينظر إلى نورا بابتسامة عذبه ونظر إليها بنظرات تحمل الشكر
نظرت إليه نورا.. .. محمد.. الحمد لله على السلامه
محمد..... الله يسلمك يا رب... بتعملو إيه
هند... بنلعب... تعالي ألعب معانا
محمد... أنا جاي من الشغل تعبان...هتغدا الأول وبعدين نلعب
نورا... علي ما تاخد شاور نكون جهزنا الأكل.... إنت انهارده هتاكل أحلي صينية بطاطس.. علشان معاذ وسليم وهند هما إللي عملوها معايا
محمد.....بجد إيه الشطاره دي
معاذ يا حبيبي ألف مليون مبروك... خلاص كده هتختم انهارده
معاذ بفرحه.... أيوه يا بابا وهنعمل الحفله الاسبوع الجاي.. علشان في كذا واحد خاتمين
محمد.... ألف مبروك ربنا يجعل القرءان شفيع لينا وليك يارب
إنت عارف ياابني إنت عملت أكبر إنجاز في الحياة
حفظ القرآن ده هو الإنجاز الحقيقي إللي يستحق إن الواحد يفرح بيه.... وإنت عقبالك يا سليم
سليم.... أنا قربت اخلص سورة الأعراف وماما نورا وعدتني
إنها هتجبلي القطر إللي عجبني لما خرجنا المره إللي فاتت
نورا... وأنا لسه عند وعدي...يلو نجهز السفره بقي
دخل الاولاد ووقف محمد ونورا
محمد.... شكراً يا نورا على كل حاجه حلوه بتعمليها مع اولادي
نورا..... أنا إللي بشكرك علشان. خلتني أحس إني أم
محمد.... أنا بجد كنت أتمني إنك تكوني أمهم...وكنت أتمني لو كنت شوفتك الأول واتجوزتك إنتي..
أنا آسف على الطريقه اللي اتجوزتك بيها....وتسمحيلي أطلب إيدك للجواز من أول وجديد.... إنتي فعلاً نعم الزوجه
نورا بابتسامة عريضة ولمعه في عينيها....موافقه..
وجرت من أمامه بسرعه
....... .............. ...........
في منزل دعاء....كان اليوم هو سبوعها
كان عاصم يحمل الطفل وهو سعيد...وينظر إليه بابتسامة
اتت إليه دعاء وحملت منه الطفل ونظرت لولدها بسعادة
شايف يا عاصم حمزه أمور إزاي
عاصم. حلو زي أمه.... ربنا يباركلنا فيه
والدة عاصم....يلو يا اولاد هاتو الولد علشان نبدأ السبوع
كان البيت ممتلئ بالناس أهل عاصم وأهل دعاء وكان جميعهم سعيدين للغاية....كانت والدة دعاء تمسك الهوم وتدق جمب الطفل.... ووالدة عاصم تغربل الولد
وتقول....اسمع كلام ابوك
والدة دعاء.... لأ يا حمزه اسمع كلام ماما وتيته بس
طارق....اسمع كلام خالك يا حمزه وتدق الجده الهوم وتقول دعاء
لأ يا حبيبي أنا إللي تعبت فيك اسمع كلامي أنا بس
وتدق الهوم ويقول طارق
أنا أبوك يا حمزه اسمع كلامي أنا بس علشان اجبلك إللي انته عايزه....لو طلعت بتسمع كلام أمك مش هجبلك حاجة
والد دعاء..... إنتو هتزلو الولد.. أسمع كلام جدك يا حمزه وأنا اجبلك إللي إنت عايزه
حملت دعاء الولد ووقف بجانبها عاصم وظلو يلفون بالولد وورائهم كل الموجودين يغنون حلاقاتك برجالاتك..حلقه دهب في وداناتك
........... ..... .. ............
في منزل علا
كانت تحدث المحامي علي الهاتف
دخل عليها والدها وقال بغضب..... إنتي برده عملتي إللي في دماغك
علا.... أنا عايزة اولادي والحضانه ليا
والدها....ماهو قالك خوديهم وإنتي إللي مردتيش
علا.... الكلام ده قبل البيه ما يتجوز...ومن ساعة ما اتجوز والزفته إللي اتجوزها كرهت عيالي فيا وخلاص بقي مش عايزين ييجو عندي
والدها.....قسوتك هي اللي كرهت عيالك فيكي
علا.....ما أنا كنت بتعذب أنا كمان...كان عندي أمل إنه يرجعني لأولادي....بس هو رماني وراح اتجوز... واحده ملهاش لازمه
والدها....زي ما هو شاف حياته وشالك من دماغه....شيليه من دماغك وشوفي حياتك...هتضيعي عمرك وإنتي بتجري وراه وهو خلاص نسيكي
علا..... محمد ده عمل المستحيل علشان يتجوزني واتحدى أبوه وأمه...عمره ما يقدر ينساني....هو بس بيعاند فيا مش اكتر...وهيرجعني يعني هيرجعني... اصلا هو بيحبني
والدها....فوقي بقي يا بنتي فوقي..هو خلاص شاف حياته
علا.... أنا هاخد عيالي بالمحكمة...وغصب عنه هيرجعني علشان خاطر عياله
المحامي قالي إن القضية ماشيه وخلاص هاخد عيالي بالمحكمة ومش هخليه يشوفهم تاني...ويشوف بقي هيقدر يعيش من غير عياله إزاي
......... .............. .........
في شقة محسن
آمال..... في مفاجأة كده مش عارفه هتعجبك ولا لأ
محسن....خير...فجأيني
آمال. أنا حامل
محسن بصدمه.... حامل إزاي إنتي داخله على الأربعين سنه
آمال بصدمه... أربعين إيه يا محسن أنا عندي ٣٧سنهةخليتهم أربعين
محسن.... مش مهم سنك دلوقتي.... المهم هو الحمل مش خطر عليكي في سنك ده
آمال بعصبيه....في إيه يا محسن كل شويه سنك سنك
إللي في سني لسه متجوزوش أصلا
محسن بتريقه....لسه متجوزوش قصدك لسه مخلصوش جامعه
آمال....في إيه يا محسن ... إنت بتتريق عليا
محسن..... لأ مش بتريق ألف مبروك يا حبيبي
آمال..... ومالك كده بتقولها من غير نفس
محسن....هي هرمونات الحمل هتشتغل بدري ولا ايه
استهدي بالله وادخلي جهزي الأكل
آمال..... لأ أكل إيه أنا مش قادره أدخل حط إنت لنفسك
محسن..... صلاة النبي أحسن.... إنتي الحمل ده بادئ بدري أوي
آمال..... أعمل حسابك نروح عند الدكتورة بالليل سوا
محسن....خدي نورا ولا بسمه معاكي.. أنا مش بحب أدخل عيادة السيدات....بيكون العياده كلها ستات ومفيش رجاله
آمال.... أنا عارفه إنك مش فرحان علشان كده كده مش عايز تروح معايا
محسن.... لأ والله فرحان... أنا بس متفاجئ.. إنتي عارفه اصلا إني بحب الاطفال
....... ...... .......
في شقة بسمه
كانت تتحدث ف الهاتف وتبتسم فقد كانت تحدث ياسمين خطيبة اسلام
بسمه.... بجد اسلام عمل كده مش مصدقه...دا طول عمره خجول
ياسمين.... آه والله بيقول لكرم أنا عايز اخرج معاها بصيت لقيت كرم وشه أتغير...وكان خلاص عايز يقوم يضربه
بسمه... وإسلام عمل إيه
ياسمين.....قاله على فكره أنا كاتب الكتاب والفرح الاسبوع الجاي وعايز انزل اشتري شويه حاجات أنا وهي
بسمه.. لأ اسلام اخويا بقي جرئ
ياسمين..... يعني كرم أخويا سكتله قاله عايز تخرج أنا هخرج معاكم.... وإسلام قاله.... أنا كده كده كنت هاخد بسمه أختي معايا... ومش هينفع تخرج معانا وبسمه موجودة
بسمه....ولا قالي أنه هيخرج أصلا....بس هو واخوكي ناقر ونقير كده على طول
ياسمين......ده كرم أخويا وقفله علي الكلمه
بسمه.... أحسن خليه يدوق إللي كان بيعمله في أحمد واحنا مخطوبين
دا كان بيكرهه ييجي عندنا
ظل يتحدثون لوقت طويل وبعدما أغلقت معها الهاتف وجدت رساله جديده على الهاتف
عايز اعرف كل مرة اتقدم فيها ليه بترفضي أنا طالب الحلال
خلتيني أعمل حركات عيال صغيره وابعتلك رسايل
أنا هتقدم تاني بكره لأبوكي... واتمنى إنك توافقي
أصل علشان تبقي عارفه أنا هتجوزك يعني هتجوزك..
اه كنت هنسي ياريت تردي علي نعمه هي ملهاش ذنب
......... ........ .........
في شقة محمد
نورا بإنهيار..... يعني ايه... يعني هتاخد العيال مني
بالله عليك يا محمد قول لأ... بالله عليك أعمل حاجه
محمد.... اهدي بس يا نورا ..هي نيتها تعمل مشكله
هي مش هتخلي العيال معاها اكتر من شهر
نورا.... بالله عليك ولا يوم واحد مش بعد لما ملو عليا حياتي تاخدهم مني.. أنا مش هقدر اعيش من غيرهم
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بسمه.... كرم وافق إنك تخرج معاها عادي
اسلام... لأ ما أنا جاي اخدك علشان تخرجي معانا
بسمة.... لأ يا عم ماحبش أبقي عزول
اسلام....لما إنتي تبقي عزول أحسن ما أخوها يبقي عزول
....
بسمة... ما كلها كان يوم وتبقي في بيتك ويبقي أخرج معاها براحتك
اسلام....بصي يا بسمه أنا شايفها خايفه من الجواز..وبتتعامل معايا بحذر كده ....عايز اطمنها شويه من نحيتي
بسمة... ماشي يا عم موافقه أخرج معاكم..وهبقي عزول طيب مش رخم
اسلام.. ماشي يا ستي البسي بقي علي ما اخد العيال اوديهم عند أمك
....... .......... ............ . .......
في شقة محمد
محمد.....يا نورا إنتي بقالك يومين بتنامي معيطه وتقومي معيطه
نورا.. مش مصدقه إنهم هيبعدو عني بعد ما خلاص اتلعقت بيهم أوي
محمد....بصي أنا متأكد إنها مش هتخليهم معاها كتير....هي حست إن خلاص الدنيا فضيت من حواليها أنا طلقتها والعيال خلاص مش بيسألو عليها زي الأول قالت تعمل أي حاجة تضايقني....بس أنا في دماغي حاجه كده هعملها
نورا بأمل.... هتعمل ايه
محمد..... هاخد العيال اوديهم ليها انهارده
نورا بصدمه.... إنت بتقول إيه يا محمد طبعاً لأ أنا مش هقدر
محمد....بصي بس هما يومين تلاته بالكتير أوي اسبوع وهتبعتهم صدقيني وثقي فيا
أنا برده مقدرش استغنى عن أولادي.. دول هما حياتي
وهي علشان متأكده إنهم نقطة ضعفي عملت كده
أنا مش هدخل عيالي محاكم ولا هخليهم يختارو بين أمهم وابوهم.... وبعدين المحامي قالي إنها الحضانه ليها وكده كده هتكسب القضيه.... أنا بقي هبوظ ليها كل مخططاتها
نورا.... ماشي يا محمد أعمل إللي إنت شايفه صح
محمد.... ماشي أنا هخرج بقي للأولاد واخليهم يجهزو نفسهم
خرج محمد إلي أولاده وقال لهم
مين عايز يشوف أمه
معاذ وسليم وهند... أنا أنا أنا
محمد..... خلاص كل واحد يجهز نفسه علشان هتروحو تشوفوها وتقعدو معاها يومين
جري الاطفال بفرحه كل واحد منهم يجهز نفسه
وقامت نورا بتجهيز ملابس لهم ليأخذوها معهم وهي تبكي
هند..... إنتي بتعيطي ليه يا ماما
نورا..... علشان إنتي هتوحشيني يا حبيبتي
هند.... إيه ده إنتي مش هتيجي معانا لأ أنا هقول لبابا علشان تيجي معانا
نورا... مش هينفع يا حبيبتي
جرت هند علي والدها تبكي وتخبره أنها تريد أن تذهب نورا معها...حاول أن يقنعها محمد ولكن ظلت تبكي على فراق نورا
وصل محمد إلي منزل والد علا بعدما ودعت نورا الاولاد بالدموع
دخل محمد عليهم وكان والد علا وعلا في انتظاره
عندما رآها الاطفال جرو سريعاً عليها وهي احتضنتهم بإشتياق شديد
محمد.. ادخلوا يا اولاد جوه شويه علشان عايز أكلم امكم في موضوع مهم
دخل الاولاد وانسحب والد علا ليترك لهم مجالاً للحديث وفرحت علا كثيرا وظنت أن محمد يريدها أن ترجع له
محمد.... رافعة قضيه ليه وأنا قولتلك لو عايزه تاخدي العيال خديهم وإنتي إللي رفضتي
سكتت علا ولم ترد فلا تعرف بما تجيب فأكمل محمد
علي العموم إنتي كده عملتي خير.. أنا أصلا عايز ابعتلك الاولاد من زمان... إنتي عارفه إني اتجوزت والعيال قاعدين معانا فمش عارفين ناخد راحتنا في وجودهم
واديني جبتهم ليكي من غير محكمه وهبعتلك المصاريف إللي إنتي عايزاها ليهم...هما كده كده مع أمهم ومش هكون خايف عليهم
وبيني وبينك عايز اعمل شهر عسل.. العروسه بردو ظلمتها طول النهار بتخدم العيال وبتنام مهدوده فدي فرصة علشان هي ترتاح
علا بغل.... إنت عايز تغيظني يا محمد...عجبتك في إيه إللي مش بتخلف دي...دي واحده ملهاش لازمه
محمد بغضب حاول أن يداريه....حبيتها بقي أعمل إيه... أنا ماشي بقي علشان هي مستنياني.. سلام
علا بغضب شديد... أنا عارفه كويس إنك بتحبني ومتقدرش تعيش من غيري وبتقول كده بس علشان تغيظني
محمد....افتكري إللي تفتكريه أنا ماشي بقي علشان مراتي مستنياني وعلشان نلحق نجهز للسفر
تركها محمد وذهب.. وظلت تقرأ علا واقفه في مكانها تغلي من الغضب
........... ............ ..........
في شقة دعاء
كانت تحمل الطفل وهو يبكي بشدة
دعاء بغضب....قوم بقي يا عاصم شيل حمزه شويه أنا تعبت وهو كل حاجه عليا
عاصم... إنتي عارفه إني عندي شغل بكره بدري ولازم اكون نايم كويس
دعاء..... وأنا مش من حقي أنا كمان أنام ولا أنا مش بني ادمه
عاصم.....في إيه يا دعاء هو إنتي أول واحده تخلفي
ما كل الستات بتسهر بعيالها
دعاء.....بس ده أول عيل ليا ومش متعوده
عاصم..... إتعودي بقي.... وبعدين سكتي الواد ده رضعيه ولا اعمليله حاجه
دعاء....مش راضي يرضع أعمل إيه
عاصم.....متعمليش حاجه أنا هسبلك الاوضه كلها علشان عايز أنام وورايا شغل بكره كتير
خرج عاصم من الغرفه وتركها تبكي هي والولد
وانتهي اليوم وأصبح يوم جديد
.......... ........... ........
في منزل اسلام
كان اسلام يتحدث في الهاتف مع ياسمين
اسلام....بس إنتي عجبتك الخروجه بتاع امبارح ولا لأ
ياسمين.....بس إنت ملكش حل يا اسلام أحرجت بسمه أوي
كان المفروض تقولها الأول
اسلام..... بصراحه أنا مكنتش عامل حسابي خالص إنه ييجي
هو رن عليا علشان ييجي تاني يتقدم لوالدي والكلام جاب بعضه لحد ما عرف إن إحنا خارجين واقترح عليا إنه ييجي يتكلم مع بسمه بهدوء وبعيد عن البيت
ياسمين.....طيب وبسمه زعلت منك ولا لأ
اسلام.....برن عليها من امبارح مش بترد عليا هههههههههههه
ياسمين. . من حقها والله دي وشها جاب ميت لون لما شافته جاي يقعد معانا امبارح....وكانت بتبصلك بطريقة ..كانت عايزه تقوم تضربك
اسلام.....اعملها إيه هي عنيده ومش بتيجي غير بالغصب
علي العموم أنا هرن عليها تاني ولو مردتش هروحلها البيت
ياسمين.... طيب يبقي سلملي عليها بقي وأنا هقوم اكلم ماما.... سلام
............. .............. ..........
كانت بسمه جالسه في شقتها تتذكر ما حدث بالأمس
كانت جالسه هي وإسلام وياسمين في مطعم ويضحكون فجأه وقف أمامها عبد الرحمن بهيبته... انتفضت بسمه عندما رأته ونظرت إلى اسلام بغضب فقد ظنت أن اسلام هو من دبر هذه المقابلة.. وغضبت أكثر عندما تركها اسلام وذهب إلي التربيزه المجاورة لهم
عبد الرحمن.....ممكن أعرف إنتي كل مرة بترفضيني ليه من غير حتي ما تتكلمي معايا وتعرفيني
بسمة.... أنا مش رفضاك إنت بس أنا رافضة الجواز نهائي
عبدالرحمن. طيب ليه إنتي لسه صغيره
بسمه.. أنا عايزة أربي عيالي ومش عايزة اجبلهم زوج أم
إنت بقي إيه سر تمسك بيا وأنا مفييش أي ميزه وفي ناس أحسن مني ميت مره
عبدالرحمن..... هتكلم معاكي بصراحه
أنا أول مرة شوفتك فيها فيكي حاجه غريبه شدتني ...بس إللي هو عادي يعني.. مجرد لفتي نظري
وبعدين مع كلام نعمه المستمر عنك وعن شخصيتك وعن المواقف إللي بتحصل معاكي ..حسيت إني بدأت اتشد نحيتك...اتقدمتلك أول مرة ورفضتي استغربت جدا
هي في واحده ترفض عبدالرحمن الحجار....مش تكبر والله بس أنا دايما البنات بتتمني إني ارتبط بيهم
الموضوع دخل معايا في اتجاه العند وقولت لأ هتجوزها يعني هتجوزها حتى لو أنا مش بحبها
وبعدين لما قعدت مع اسلام وعرفت منه إنك أهم حاجة عندك عيالك....وانك حارمه نفسك من كل حاجه وانك تعيشي حياة طبيعية علشان خاطرهم..وانك بتضحي براحتك وسعادتك علشان خاطرهم كبرتي في نظري أوي
قولت أنا عايز واحده يكون مش أهم حاجة في حياتها نفسها وخروجها والنادي والكوافير
عايز واحده تخاف عليا وعلى إسمي.... صليت استخاره مره واتنين وتلاته وكل مره ببقي مرتاح جدا
حاسس إن ربنا حطك في طريقي علشان تكوني عوض ليا عن جوزاتي إللي فاتت
وأنا أكون عوض ليكي عن الايام الصعبة إللي عشتيها
وصدقيني عيالك هيكونو زي عيالي بالظبط إنتي عارفه أنا اتحرمت من إني أخلف.. واتمنى إنك إنتي وعيالك تكونو عوض ليا....
أنا هسيبك تفكري براحتك وتصلي استخاره ولو وافقتي أنا هكون أسعد انسان في الكون ولو حسيتي في يوم إني مش بعامل أولادك كويس سبيني وامشي
إنتي واحده ربنا جعل اختبارك في حرمانك من زوجك
وأنا اختباري جه في حرماني من الخلفه
وكل واحد فينا يقدر يعوض التاني من إللي اتحرم منه
فاقت بسمه من ذكرياتها على صوت جرس الباب وجدت اسلام
اسلام....قولت طالما مش عايزه تردي عليا اجيلك أنا
.............. .............. ........
في شقة محمد
استيقظ علي صوت الموبايله
ووالد علا يخبره أن يأتي يأخذ أولاده... لأن علا سوف تتزوج الخميس القادم
محمد بمفاجئه.... بجد طيب أنا جاي حالا
خرج وجد نورا تجلس على سجادة الصلاة وتمسك المصحف وتبكي فقال لها
إنتي بتعيطي ليه
نورا ببكاء..... الاولاد وحشوني أوي
محمد بفرح....طيب امسحي دموعك أنا رايح اجيبهم
هبت نورا واقفه بسعادة... إنت بتتكلم بجد
محمد.... آه والله بجد أبو علا كلمني وقالي تعالي خدهم
مش قولتلك مش هيكملو معاها يومين تلاته
نورا....احمدك واشكر فضلك يارب
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
اسلام....فكري يابسمه وصلي استخاره عبد الرحمن متمسك بيكي اوي....
بسمه..... خايفه يا اسلام عايزني أروح أحب واحد تاني واتعلق بيه وفي الآخر يموت ويكسر قلبي
عايزني ادوق من نفس الكاس تاني
اسلام بصدمه من تفكير أخته.....لا حول ولا قوة إلا بالله إيه إللي إنتي بتقوليه ده...هو حد فينا ضامن عمره ولا حد عارف مين هيموت قبل مين ... إنتي بتتكلمي على أساس إن إنتي مخلده في الدنيا ....شيلي التفكير ده من دماغك يا عالم مين هيموت قبل مين
وبعدين إنتي معاك أولاد محتاجين يحسو بوجود أب في حياتهم
بسمه..... ربنا يباركلي في صحتك إنت وابويا وكمان اعمامهم مش مخلين الاولاد محتاجين حاجه
اسلام....بس في الاخر كل واحد بييجي بالليل ويقفل بابه عليه وإنتي إللي هتكوني لوحدك
فكري يابسمه...مش هتخسري حاجه لما تفكري
............ .......... ... .............. ........ ....
في منزل علا
كانت جالسه تتذكر وتفكر في الاتفاق بينها وبين المحامي
علا..... محمد جابلي العيال انهارده وبيقولي هيروح يعمل شهر عسل هو والزفته إللي اتجوزها
المحامي.... طالما جابلك العيال يبقي ملهاش لازمه القضيه
علا..... إيه يا متر ما تركز معايا أنا حكيالك كل حاجه وإنت عارف إنه قالي خدي العيال عادي.. أنا كنت عايزه الوي دراعه علشان يرجعني لما أقوله إنه مش هيشوف العيال تاني
بس هو طلع بايع وجابلي العيال... علشان يبقي فاضي للزفته إللي اتجوزها
المحامي..... خلاص رجعيله العيال تاني
علا.....ما أنا كده هبقي مشفتش غليلي منه برده
المحامي .... إنتي عايزه إيه
علا.... عايزه انحره... عايزه اجننه
المحامي.....طيب هو لو عرف إنك هتتجوزي الموضوع ممكن يفرق معاه
علا.... دا ممكن يموت فيها....دا بيحبني بطريقة متتخيلهاش
إنت مش عارف عمل إيه علشان يتجوزني..دا اتحدي الدنيا كلها علشاني
المحامي.....طيب أنا هتفق معاكي اتفاق لو وافقتي ماشي موافقتيش خلاص
أنا دلوقتي مراتي شايفه نفسها عليا شويه..وكل شويه تسيب البيت وتمشي وتسيبلي العيال... علشان عارفه إني بحبها ومقدرش استغني عنها.... إيه رأيك لو كتبت عليكي
وجبتك عندي البيت
ويبقي كده ضربنا عصفورين بحجر واحد
إنتي غيظتي جوزك وخلتيه يغير.... وأنا مراتي تعرف إني اقدر اتجوز عليها وحالها يتصلح معايا شويه
علا..... أنا عايزة ارجع لجوزي مش عايزه اتجوز غيره
المحامي بذكاء واستغلال لحقدها....دا هيبقي جواز لفتره صغيره بس علشان نعلمهم الادب..... وبعدين جوزك لما يعرف إنك اتجوزتي وعيشتي حياتك...هينكد على مراته ليل ونهار بسبب إنك ضيعتي من ايديه ... ومش بعيد يطلقها
ويستني بفارغ الصبر إنك تطلقي علشان يرجعك تاني
علا بتفكير.. أنا قلقانه
المحامي... وقت ما تحبي تطلقي هطلقك...واهو جوزك يبقي عارف إنك مش قاعده مستنياه... وإن ألف واحد يتمناكي
وأنا هعاملك كأنك ملكه لحد ما تقرري نطلق ونخرج بالمعروف
علا.. خلاص أنا موافقه هبعتله عياله بكره هقضي معاهم انهارده علشان وحشوني وبكره هبعتهم للحلوه إللي عايز يعملها شهر عسل
فاقت علا من ذكريتها.. وهي تشعر بالقلق الشديد....لم تخبر والدها بالاتفاق بينها وبين المحامي حتي لا يمنع زواجها
أخبرته فقط أنه طلب يدها وهي وافقت
........... ........... . .......
في شقه. محسن
آمال.... محسن جهزتلك الأكل تعالي أفطر علشان متتأخرش على الشغل
محسن.....هصلي الضحي وجاي يا آمال
جلست آمال بتعب تنتظر أن يأتي... بعدما فرغ محسن من صلاته ذهب إليها
محسن ... إنتي لميتي فرش البيت ليه كده
آمال...هغسل الفرش وامسح البيت
محسن.... مش الدكتوره قالتلك مينفعش تتحركي كتير علشان الحمل مش ثابت
آمال... سيبك من كلام الدكاترة.. ماهي في كل عيالي كانو بيقولو كده
محسن.....سيبي بس الفرش أنا هوديه المغسله ومتتعبيش نفسك
آمال..... أنا مش بثق غير في غسيلي وبعدين معايا العيال هيسعدوني
محسن... بلاش يا آمال. خافي على إللي في بطنك
آمال....متقلقش خالص. افطر إنت بس علشان اتأخرت على الشغل
............. ........ ....... ....
في شقة محمود
محمود....في إيه يا اميره
اميره.....البنت سخنه خالص وعماله أعمل كمادات طول الليل ليها وادتها دوا للسخونيه.. الحرارة تنزل شويه وبعدين ترتفع تاني
محمود.. طيب مصحتنيش ليه... روحي طيب اكشفي عليها
اميره... إن شاء الله هوديها انهارده
محمود....هتستني لما اجي من الشغل واروح معاكي
اميره... لأ أنا هروح مش هستناك
محمود.... ماشي روحي ويبقي رني عليا طمنيني
............. .............. ...........
في شقة محمد
احتضنت نورا الاطفال بسعادة كبيرة
هند... ازيك
يا نورا
محمد..... إيه ده مش إنتي بتقولي ماما..
هند.....ماما قالتلي إن نورا دي وحشه.وان هي إللي خلت بابا يمشيها من البيت...ولما قولت ماما نورا..ماما ضربتني وقالتلي لو قولتي كده تاني هضربك
معاذ بغضب....مش ماما قالتلك متقوليش لحد.. إنتي فتانه
سليم....بس ماما قالت إن نورا دي وحشه.. وإن هي بتعمل إنها بتحبنا علشان تموتنا ومحدش يعرف إنها هي
إحنا بنكرهك علشان إنتي عايزه تموتينا
جلست نورا بصدمه تبكي لا تصدق ما تسمع
اقترب محمد من أولاده وقال بغضب مكتوم
إنتو شوفتو حاجه وحشه من نورا علشان تقولو كده
معاذ. ماما قالت إنها بتعمل نفسها بتحبنا علشان تموتنا
او تحط لينا سم في الأكل... علشان نموت.. علشان هي بتكرهنا
كانت نورا تسمع وهي تبكي بكاء مرير قطع قلب محمد
اقتربت منها هند وقالت. ببكاء
بس أنا بحبك يا ماما علشان خاطري متموتنيش أنا وأخواتي
محمد.....ماما نورا بتحبكم أوي أوي يا هند وعمرها ما تأذي حد فيكم
معاذ....بس ماما مش بتكذب.... إحنا مش عايزينها في البيت إحنا عايزين ماما ترجع البيت
سليم..... أيوه أمشي إحنا مش عايزينك في البيت.. إحنا عايزين ماما هي بتحبنا وإنتي عايزه تموتينا
هند..... أنا بحبك أوي يا ماما خوديني معاكي بس متموتنيش
............ ............ ............
في شقة محسن
بعدما فرغت آمال من غسل الفرش وجدت الكثير من الدماء
علي ملابسها
أمسكت آمال بطنها بصدمه .وقالت إبني
قامت بالاتصال على محسن الذي جاء سريعاً ووجد معها بسمه واميره يجهزوها لكي تذهب إلى المستشفى
وذهبو معها إلي المشفي
أخبرهم الطبيب أنه حدث لها اجهاض
عندما علمت آمال ظلت تبكي وتلوم نفسها أنها السبب وكان بجوارها محسن كان غاضب منها جدا لأنها لم تحافظ على الجنين لكنه لم يظهر لها ذلك . بل جلس بجوارها يواسيها ويحاول تهدأتها
نظرت بسمه إلي إلي محسن وآمال نظرة طويلة
فزوجها بجانبها يساندها رغم علمه أنها مخطئه فقد حكت آمال لهم كل شيء.... يحاول تهدأتها ويحاول أن يخفف ألمها
وقالت لنفسها... أليس من حقك أن يكون بجوارك شخص يساندك.... أليس من حقك أن تجدي من يخفف عنك
أليس من حقك أنه حتي عندما تخطئين تجدي من يواسيك
ففكرت أن تعطي لنفسها فرصة وأن تفكر في الزواج من عبد الرحمن
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
تمر الأيام سريعه واتي فرح اسلام وياسمين
وفرح علا والمحامي أيضاً
كان البيت عند اسلام مليئ بالفرح والسعادة
والزغاريد...
وكان ملئ بالمعازيم والمهنئين
كان يوجد الجيران والأهل والاقارب كلهم سعيدين
بسمة..... ألف مليون مبروك يا حبيبي
أنا مش مصدقه نفسي إني أخويا خلاص هيتجوز انهارده
اسلام بسعاده ظاهرة على وجهه.... الله يبارك فيك يا بسمتي وعقبالك كده يارب
بسمة.... إيه رنيت على العروسه وشوفتها خلصت ولا لسه
اسلام.... آه كله تمام متقلقيش
بسمة.... ياسمين برضه مصممه إنها متحطش مكياج ...ده يوم واحد في العمر
اسلام...تعرفي يا بسمه كبرت أوي في نظري لما طلبت فرح إسلامي منفصل وكبرت اكتر لما قالتي أنا مش عايزه احط مكياج وحد يشوفني بيه...دي هتبقي حاجه لجوزي فقط
الكلمتين دول دخلو أ قلبي اوي...عرفوني يعني ايه تختار واحده
مش عارف اقولك ايه بس أنا مبسوط من الكلام ده أوي
بسمه.... ربنا يتمملك بخير يا رب
اسلام....يلو بينا بقي اتاخرنا
........... ............. .........
في منزل علا
والدها....يا بنتي لآخر مرة بسألك إنتي متأكدة من قرارك ده
المحامي إللي إسمه عماد أنا مش مستريح له
علا بقلق هي أيضا.....ماله بس عماد يا بابا الراجل طالب الحلال
والدها....يا بنتي متجوز ومطلق مرتين وعنده خمس عيال
غير إن الاتنين إللي كان متجوزهم اتمسكو بقضايا ومحبوسين.... وفي واحده تالته على ذمته
الموضوع كله قلقني قولي لأ وأنا هنهي كل حاجه
دخل عليهم عماد في ذلك الوقت
عماد.... المأذون وصل يا عمي يلا يا علا
نظر والد علا لإبنته منتظراً أن تقول لا وينهي كل شيء في الحال لكنها خيبت ظنه
ذهبت علا إلي عماد وقالت بصوت منخفض
إحنا على اتفقنا وقت ما احب أطلق هتطلقني
عماد.... طبعاً أنا عند وعدي ليك...يلي بقي اتاخرنا على المأذون
......... .......... ........
وصل اسلام إلي منزل ياسمين
وجد الكثير من المهنئين عند منزل ياسمين
دخل كي يأخذ عروسته
نظر إليها وابتسم ابتسامه واسعة وفي عينيه نظرات الانبهار بجمالها أقترب من أذنها وقال
إسلام..... ألف مليون مبروك يا أحلي عروسه شافتها عيني
تلونت خدود ياسمين بالاحمر القاني
اسلام بمزاج.... إحنا كده مش محتاجين مكياج بطلي تتكسفي علشان خدودك بتحمر ذياده
ياسمين....بطل بقي تكسفني يا اسلام
أقترب منهم كرم وفي عينيه دموع يحاول أن يمسكها
وقال.. أختي أمانه في رقبتك يا اسلام .... أختي دي اغلى حاجه في حياتنا حطها في عنيك ....واوعي تزعلها
اسلام..... متقلقش عليها خالص يا كرم دي في قلبي قبل عنيا
كرم....ماتحترم نفسك يا اسلام وتراعي إنك بتكلم أخوها
ضحك اسلام وياسمين على كرم
أقترب كرم من ياسمين واحتضنها وقال
خلي بالك من نفسك يا سوسو ولوزعلك بس قوليلي
أدمعت عين ياسمين وبدأت تزيد في البكاء
كرم.... اهدي يا حبيبتي. أنا مديكي لراجل عارف كويس إنه هيخلي باله منك
دخل والد ياسمين واحتضن ياسمين وظل يوصي اسلام عليها... ودخلت والدتها أيضا واحتضنتها وظلت تبكي على فراق ابنتها الوحيدة..فقال كرم
إحنا كده المصريين زعلانين نبكي فرحانين نبكي
يلو يا جماعه اتاخرنا على القاعه
ذهبو إلي القاعه واستقبلهم المهنئين بالزغاريد
دخلت ياسمين إلي الجزء الخاص بالسيدات وإسلام إلي الجزء الخاص بالرجال
كان الفرح هادي وجميل والسعادة مرسومه على وجوه الجميع
ظلو يحتفلون لوقت طويل...فالجو جميل وجميعهم سعيدين
.......... ......... ............. ...........
في منزل علا
تم الانتهاء من كتب الكتاب وغادر المأذون والشهود وما تبقى سوي علا. ووالدها وعماد
عماد.... طيب أخد علا واستأذن أنا يا عمي
والدها..... لأ لازم اوصلكم
عماد.... ملوش لزوم متتعبش نفسك
والدها... مفيش تعب ولا حاجه وبعدين دي بنتي هتعب لأغلي منها يعني
قام والد علا بتوصيلهم حتي باب المنزل واستأذن منهم وذهب بعد أن أوصي عماد على علا
ذهب وهو يشعر بالقلق الشديد عليها لا يعلم لما هو قلق عليها لهذه الدرجة...ظل يدعو الله لها ألا يعاقبها بأفعالها وأن يهديها
.......... .......... ........
عند اسلام..
أنتهي الفرح وعاد كل شخص إلي منزله
وأخذ اسلام ياسمين.. وذهب بها إلي شقته
اسلام..... اتفضلي يا عروسه مالك مكسوفه كده
ياسمين.... مش مكسوفه ولا حاجه
اسلام..... تعالي افرجك على الشقه
ياسمين بتوتر..... ماشي
دخل اسلام اولا إلي غرفة الاطفال وقال
إيه رأيك بقي في الاوضه..... أنا حابب الألوان بتاعتها أوي
ياسمين. طبعاً علشان إنت إللي مخترها
اسلام... طبعاً... تعالي بقي افرجك على الرسيبشن ألوانه على الطبيعة تحفه
ياسمين بإنبهار.... فعلاً جميل...شكله حلو أوي...طلع زوقي جميل وأنا مش واخده بالي
اسلام. طبعاً جميل.... استني بقي لما تشوفي اوضه النوم هتعجبك ألوانها اكتر
ياسمين.... ألوانها جميله زوقك حلو
اسلام.....طيب مش يلا نصلي بقي
ياسمين..... ياريت...لما بكون خايفه ومتوترة بحب أصلي
اسلام.... وإنتي خايفه من إيه.... اوعى تكوني خايفه مني يا ياسمين
ياسمين... مش خايفه منك طبعاً.... إنت عارف بقي حياه جديده وكده ومسئولية
اسلام... أنا أوعدك إني مش هحملك فوق طاقتك
وإني مش هزعلك أبدا .. وإني هعاملك بما يرضي الله
ودايما هيكون في ما بينا موده ورحمه... وإني هتقي ربنا فيكي
ياسمين.... وأنا أوعدك إني هكون زوجه صالحه ليك وإنتي عمري ما هزعلك أبدا
اسلام بابتسامة. ...طيب يلا نصلي بقي
واغلق الباب على اسلام وياسمين وهما يقفون بين يدي الله يبدأون حياه جديده في طاعة الله
.......... .......... ............
في شقة عماد زوج علا
عماد.... اتفضلي يا علا
دخلت علا وجدت أولاد عماد الخمسه جالسين
عماد..... إيه يا اولاد إللي جابكم هنا
احد ابنائه.....ماما قالتلنا نقعد هنا وهي راحت عند جدي ومش راجعه
إبنه الصغير.....بابا أنا جعان
عماد.....لو سمحتي يا علا ممكن تجهزي العشا للأولاد
علا بصدمه.... وبصوت عالي...نعم أجهز إيه
عماد.....ماتحترمي نفسك يا بت وصوتك ما يعلاش
علا..... إنت إزاي تكلمني كده...هو ده وعدك ليا إنك هتخليني ملكه
عماد.. عصر الملكات خلص ياحبيبتي واحنا دلوقتي رجعنا لعصر العبيد... أمشي يابت على المطبخ جهزي الأكل
علا ومازالت مصدومه.... إنت اتجننت إنت إيه إللي بتقوله ده
أخذها عماد ودخل إلي غرفة نومه وخلع حزام بنطاله وقال
مكنتش عايز أول يوم ما بينا يبدأ كده بس طالما إنتي صوتك عالي ولسانك طويل ما تلوميش إلا نفسك
علا..... إنت هتعمل ايه.. دا أنا اسجنك
بدأ عماد بضربها بشده وقال....شكلك ما تعرفيش أنا مين
أنا عماد المحامي يا بت
أنا سجنت اتنين من نسواني وديتهم ورا الشمس
وشكلك هتحصليهم قريب
علا.... أنا عملت فيك إيه علشان تعمل فيا كده
عماد.....مش لازم تكوني عملتي حاجه.... إنتي دخلتي دماغي كده
علا.....طيب أنا عايزة أطلق مش إنت قولتلي وقت ما تحبي تطلقي هطلقك
عماد... هههههههههههه دا كان كلام علشان توافقي بس واديكي وافقتي وكمان في بيتي
علا..... وأنا مش هقبل بالوضع ده. أنا هرجع بيت أبويا وهقول لأبويا على كل حاجه
عماد.... يظهر إنك لسه مستوعبتيش إنك متجوزه محامي
شايفه الشيك إللي ب١٠مليون جنيه ده وعليه امضة ابوكي
وشايفه الشيك إللي ب١٠مليون جنيه وعليه امضتك ده
علا... أنا مامضتش على حاجه ولا أبويا مضي حاجه
عماد.....الشيكات دي كانت في قلب الورق بتاع كتب الكتاب
وإنتي وابوكي مضيتي عليها
هتحكي لأبوكي على حاجه الشيك بتاع ابوكي هيوصل للنيابه وابوكي هيتسجن شويه حلوين
إنتي بقي محترمتيش نفسك وعيشتي معايا بأدب مش هسلم الشيك بس دي في حاجات كتير اوي أنا عملهالك
واولهم عيالك مثلاً يتخطفو.... وأنا هعرف ابيعهم بطريقتي للي يدفع اكتر
علا والصدمه شلت تفكيرها..... إنت بتقول إيه... إنت بتقول إيه
عماد.... قومي يا بت على المطبخ جهزي الأكل للعيال أنا معنديش أغلي من عيالي... وبعد ما تخلصي الاقيكي قاعده مستنياني في اوضه النوم
علا... إنت مش قولت جوازنا هيكون على الورق
عماد.....ما قولنا بقي انسي الاتفاقات دي
وكل ما تكوني كويسه معايا ومع عيالي هكون كويس معاكي
لو دوستي لحد من عيالي على ترف هتشوفي مني وش هخليكي تكرهي حياتك
قامت علا بألم ودموع دخلت إلي المطبخ ومازالت تحت تأثير الصدمات تشعر أنها في حلم لا بل كابوس
فعلت كل ما طلبه منها الاولاد..وهي تشعر بالضيق الشديد وتلعن نفسها على غبائها الذي اوقعها هذه الوقعه
............ ............. .....
وانتهي يوم كان من أسعد أيام البعض ومن اسود واتعس أيام البعض الآخر....واتي يوم جديد
استيقظ فيه اسلام علي صوت ياسمين
اسلام... إيه الصباح الجميل ده
نظرت ياسمين إلي الارض بخجل وقالت.. في حد بيخبط على الباب قوم شوف مين
قام اسلام وفتح الباب وجد بسمه واقفه وتحمل صينيه بها طعام
بسمه... لولولولولولولي.. ألف مليون مبروك يا حبيبي جبتلك الفطار
اسلام..... الله يبارك فيك يا حبيبتي تعالي أدخلي
بسمه...... لأ اسيبك تفطر إنت وعروستك..صبحلي عليها وقولها ألف مبروك
نزلت بسمه إلي الأسفل وجدت والدها ووالدتها جالسين
والدتها... صحيو ولا لسه يابسمه
بسمه.....لسه قايم من النوم. واديتله الصنيه
والدته.....يارب أسعده وهنيه وفرح قلبه وارزقه بالخلف الصالح يارب
والد بسمه.... تعالي يا بسمه كنت عايز أكلمك في موضوع
بسمه..... اتفضل يا بابا
والدها..... عبدالرحمن...باعت عايز يعرف ردك إيه
نظرت بسمه إلي الأرض في خجل وقالت....موافقه يا بابا
وقامت سريعاً من أمام والدها
عندما سمعت والدة بسمه الموافقة... أطلقت الزغاريد
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
إسلام.... أخيراً وافقتي نشفتي حلق الراجل... ألف مليون مبروك يا حبيبتي
بسمة.... بكسوف... الله يبارك فيك يا اسلام
ياسمين.... ألف مبروك يا بوسي ربنا يتمملك على خير
إسلام....شوفتي وشك حلو علينا إزاي...بسمه أخيراً هتتجوز
والدة اسلام.... فعلاً وشك حلو يا ياسمين
اسلام.... عبد الرحمن جاي انهارده علشان نقرأ الفاتحة ونتفق
بسمه.. على طول كده يا اسلام....طيب استني امهد الطريق لعيالي.... وبرضه أخوات جوزي لازم اقولهم
اسلام.... أخوات جوزك أنا ممهد ليهم الطريق من ساعة أول مرة عبد الرحمن اتقدم فيها.. وهما ناس متفهمين وقالو دي حياتها وهي لسه صغيره حرام تدفن شبابها..
وأولادك لسه صغيرين برده واحنا هنقعد معاهم ونحاول نفهمهم متقلقيش.... المهم إنتي ركزي كده في حياتك ومستقبلك
............... ............. .... ..
في منزل عماد
دخل عماد وفي يده زوجته
علا.... إيه ده مين دي
عماد.... دي ست البيت أم العيال...تقوليلها يا ست سهي
علا. ناااااااعم ست ايه.... إنت مش عارف إنت بتكلم مين ولا إيه
عماد.... يظهر إنك نسيتي....تحبي تشوفي الحزام تاني
علا بعصبية..... إنت متقدرش تعملي حاجه مش علشان سكت مره هسكت تاني
أخذها عماد داخل غرفة النوم وخلع عنه حزامه وقال.. يظهر
إنك مش هتتعلمي الأدب بسهولة.. وظل يضربها بشده
علا.....يا حيوان هوديك في داهيه
عماد.. احترمي نفسك يا زباله...دا أنا هموتك من الضرب
ظل يضرب فيها لفتره كبيرة وعندما شعر بالتعب الشديد خرج وتركها تنزف الدماء من جسدها
عماد.... ايه يا سهي يا حبيبتي ارتاحي إنتي لسه واقفه
سهي..... أنا جعانه قول للبت إللي جوه دي تقوم تعملي الأكل
عماد.....من عنيا إللي تؤمري بيه
دخل عماد على علا وجدها تكلم والدها في الهاتف وتحكي له كل شيء....انتظر حتي قالت علا كل شيء.. ودخل عليها وقال أنا قولتلك متقوليش لأبوك. .. وإنتي اختارتي تقوليله
اتحملي بقي نتيجة قرارك.... قومي يا زباله جهزي أكل لستك سهي
كانت علا مرعوبة منه..وخافت أكثر من هدوئه فقامت وتحاملت على نفسها ودخلت إلي المطبخ تعد الطعام
وقام عماد بإجراء بعض الاتصالات... وبعد وقت قصير حضر والد علا كالثور الهائج... يريد أن يأخذ روح عماد لما فعل في ابنته...دخل علي عماد وظل يكيل له اللكمات.. وعماد واقف في ثبات لم يفعل شئ... وبعد وقت قليل حضرت الشرطة والقت القبض على والد علا
والد علا.... إيه ده إنت بتبلغ عني هقتلك يا عماد هقتلك
عماد.... حضرتك طبعاً شاهد إنه بيهددني..وبيتهجم عليا في بيتي وقدام مراتي وعيالي
علا.... إنتو بتعملو إيه... أبويا ...دا كان بيدافع عني...إنتو بتقبضو عليه ليه... أبويا
منك لله يا عماد منك لله
أخذت الشرطة والد علا وجلست علا على الأرض وانهارت في البكاء... إنت ليه بتعمل كده...هو عملك إيه
عماد.... معلش أصله معرفش يربي فلازم يتحمل نتيجة غلطته دي
سهي.... قومي يا بت هاتي الأكل
علا بزعيق....مش هعمل حاجه..سبوني في حالي أنا عملت ايه علشان يحصل فيا كده
دخل عماد إلي الغرفه وأحضر الحزام وظل يضربها به... قولتلك تسمعي الكلام وتقولي حاضر وبس.. قومي يا بت
دخلت علا إلي المطبخ وقدمها لا تستطيع حملها مش شدة الضرب... جهزت الطعام..ووضعته على المائده واجتمع عماد وسهي على المائده وقالت سهي
ايه الأكل إللي شكله يسد النفس ده...وامسكت الأطباق وسكبتها على الأرض..وقالت
أنا مش هاكل من الأكل ده يلا يا عماد ننام
عماد....يلي يا قلبي... ونظر إلى علا وقال.... وإنتي يا بت نضفي مكان الأكل ده
جلست علا على الأرض بإنهيار تبكي والدها وتبكي نفسها
وتبكي الحاله التي وصلت لها
............. ............... ................
في شقة محمد
محمد......مش كفايه زعل بقي يا نورا من الاولاد...بقالك مده مش بتكلميهم وهما حسو بغلطهم وعايزين يصالحوك
نورا..... أنا مش زعلانه منهم يا محمد.... أنا زعلانه على نفسي
محمد......الغلط في الأول والآخر غلطي أنا.. أنا إللي معرفتش أختار ليهم ام صالحه من البداية... جريت ورا الشكل الحلو
فضلت الجمال على الأخلاق...واديني بدفع التمن أنا وعيالي
بس خلاص هي اتجوزت وبعدت عننا بشرها... ربنا يصلح حالها مع جوزها ويبعدها عن عيالي
انادي العيال بقي علشان عايزين يصالحوك
نورا..... ماشي... أنا إللي هخرج اصالحهم علشان وحشوني أوي
دخل محمد ونورا على الأولاد وفتحت نورا يديها إلي الاولاد فجري الثلاثة داخل أحضانها
وبكي معاذ
نورا.....مالك يا حبيبي إنت زعلان ليه
معاذ..... الحفله إللي كانت معمولة علشان ختمت القرآن.ماما وعدتني إنها هتحضر معايا...ومجتش. وإنتي كنتي وعدتيني إنك هتحضري معايا ومجتيش وكل واحد كان معاه أمه وأنا إللي كنت واقف لوحدي مش معايا حد....حتي بابا نسي ومجاش معايا
نورا......ياحبيبي أنا فاكره إنك مش عايزني احضر معاك علشان كده مروحتش.... وبابا في اليوم ده حاول ييجي بدري من الشغل ومعرفش... وأول ماجه راحلك على طول بس كانت الحفله خلصت
علي العموم أنا أسفه.....وهعملك أحلي حفله بكره في البيت وبعد إذن بابا طبعاً تعزم أصحابك ونعملك حفله هنا ومعاك أصحابك
معاذ بفرحه.....بجد هعزم صحابي وكل إللي أنا عايز اعزمه
والدة.....اعزم يا حبيبي إللي إنت عايزه وأنا آسف إني ملحقتش الحفله بتاعتك
................ ...؟.............
في منزل والد بسمه.
والد بسمه......كده اتفقنا على كل شيء
والد عبد الرحمن.... إحنا تحت أمركم في كل إللي إنتو عايزينه
والد بسمه..... الأمر لله وحده يا حاج علي
عبدالرحمن..... خلاص كده كتب الكتاب الخميس الجاي.والدخله الجمعه إللي بعدها
كانت بسمه في الداخل تشعر بالخجل الشديد وداخلها شعور بالسعادة الشديدة
ياسمين..... مبروك يا بوسي.... ألف مبروك
بسمه..... الله يبارك فيك يارب
ياسمين.....بس إيه العريس إللي شبه الناس إللي بتطلع في التلفزيون ده.....وراكب حتة عربيه اللهم بارك ساده الشارع
بسمه... شكلك بتحسديني يا ياسمين
ياسمين.. لا والله يا حبيبتي أنا بقر بس...وضحكو سويا
دخل اسلام إلي بسمه وقال عبد الرحمن عايز يقعد معاكي شويه
بسمه بتوتر....ليه
اسلام... واحد عايز يقعد مع عروسته اقوله ليه
خرجت بسمه حيث يجلس عبدالرحمن ووالدة ألقت عليهم السلام وجلست بجوار والدها
تركها والد علي ووالدها يتحدثون سويا...وخرجو
عبدالرحمن.... اخيرا وافقتي.... الحمد لله...تحبي تتكلمي معايا في حاجة... اعتبريها قاعده نحط فيها النقط على الحروف
بسمه.....مش عايزه اكتر من إنك تتقي ربنا فيا وفي عيالي
عبدالرحمن..... إنتو الاتنين في عنيا
بسمه.....واوعدني إنك تعامل اولادي كويس ومتزعلهمش أبدا
عبدالرحمن..... أوعدك.... بس كمان اوعديني إنك تحافظي على بيتنا... ومش أي ريح مهما كانت بسيطة تهده
بسمه..... أوعدك
.............. ..............
في شقة محسن
محسن.... إنتي عامله ايه دلوقت يا آمال
آمال.... الحمد لله أحسن من الأول كتير...بس تفتكر ربنا يسامحني
محسن.....استغفري لربنا وإن شاء الله يسامحك
آمال.... خايفه أوي من حساب ربنا يا محسن وخايفه إن ربنا مايسمحنيش
محسن..... إن الله يغفر الذنوب جميعا إلا أن يشرك به.... وإنتي مأشركتيش بالله..... وكمان مكانش في نيتك إنك تنزليه.... المهم دلوقتي إنك تستغفري وتطلبي من ربنا إنه يسامحك
آمال..... استغفر الله الذي لا اله الا هو الحي القيوم و اتوب اليه.... سامحني يارب
.............. ...........؟........
في منزل عماد
علا..... أبوس إيدك ورجلك روح طلع أبويا من القسم أبوس إيدك
عماد..... قولتلك متقوليش لأبوك صح ولا لا.... وقولتلك هدخله السجن صح ولا لا
علا....... أنا أسفه بس خرجه بابا مريض ومش هيستحمل السجن
عماد..... أنا كنت ناوي أقدم الشيك للنيابه بس طالما اعتزرتي خلاص مش هقدمه...بس بشروط
إنك تسمعي الكلام...وتقولي حاضر ونعم بس...ولو ستك سهي زعلت منك...هفرمك
علا . . حاضر إللي إنت عايزه.طيب وقضيه إنه اتهجم عليك دي
عماد..... لأ بقي دي هتمشي علشان يعرف يحترم نفسه بعد كده...ويعرف هو بيتعامل مع مين
علا..... علشان خاطري أتنازل علشان خاطري يا عماد
عماد.....خاطرك إيه يا بت محسساني أننا واخدين بعض عن قصة حب ليه.... وبعدين أنا متجوزك وكيفي إني اذلك
فعلشان خاطري والكلام ده ميجبش نتيجة معايا
قومي امسحي الأرض واغسلي هدوم العيال إللي قلعوها...واكويلي بدله من الدلاب
علا بإستسلام وكسره.... حاضر
عماد.... أيوه كده مش عايز أسمع غير حاضر ونعم
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
تمر الأيام سريعه واليوم هو كتب كتاب بسمه وعبد الرحمن
....ساوم عماد والد علا على مبلغ مالي كبير حتي يتنازل ويخرجه من السجن ووافق والد علا وخرج فعلاً
في منزل والد بسمه
تم كتب الكتاب وقال المأذون كلمته الشهيرة بارك الله لكما وبارك عليكما وجمع بينكما في خير.
كان في الداخل بسمه ووالدتها وياسمين ونعمه ووالدة عبدالرحمن
دخل اسلام إلي بسمه واحتضنها وقال
ألف مليون مبروك يا بسبوسه.... عبدالرحمن بره وبيقولك يلي
ياسمين..... مبروك يا بوسي ربنا يسعدك يارب
نعمه.....مليون مبروك يا حبيبتي وبقيتي رسمي مرات أخويا
والدة عبدالرحمن.... ألف مبروك يا بسمه عايزاكي تحطي عبد الرحمن في عنيكي...عبد الرحمن ده اطيب واحن راجل في الدنيا
والدتها... ألف مليون مبروك يا بنتي.... أنا كده قلبي اطمن عليكي وبدأت في البكاء
بسمه... متعيطيش يا حبيبتي...
والدتها.... دي دموع الفرح يا بنتي ربنا يهنيكي يارب ويسعدك
بسمه..... ماما أنا مش هوصيكي على الأولاد
ياسمين.....دول في عنينا يابسمه وبعدين كلها اسبوع ويجولك
بسمه.... أنا مش عارفه هقعد اسبوع إزاي من غير ما اشوفهم
بس هكلمهم على التليفون طول النهار
دخل والد بسمه وقال
ألف مليون مبروك يا بنتي... يلي حماكي وجوزك بره مستنينك
احتضنت بسمه أولادها بشدة وودعتهم بالدموع
في شقة محمد
اتصل والد علا بمحمد وأخبره أنه يريده في شئ هام
وذهب إليه محمد
والد علا.... شكراً يا إبني إنك متأخرتش عليا
محمد... الشكر لله يا عمي بس خير قلقتني
والد علا وصوته أوشك على البكاء.. أنا واقع في عرضك يا ابني تنقذ بنتي
محمد.... مالها علا يا حاج
والد علا....اتجوزت جوازه زفت.. وقعت في أيد إللي مش بيرحم
محمد.. طيب ما تحاول تطلقها ولا تخليها ترفع قضية خلع
والد علا....دي متجوزه محامي يا إبني .ومن ساعة ما اتجوزته وهو بيزل فيها ليل ونهار وبيضريها وبيخليها تخدم مراته وعياله.....ودخلني السجن....وخد مني مبلغ كبير أوي علشان يخرجني... وطلع ممضيني على شيك فيه ملايين ومضي بنتي على شيك تاني زيه .. مش سهل أبدا يا إبني
وروحت لكذا محامى...وحكيتلهم موضوع بنتي.. وكلهم حذروني منه. وطلع ساجن اتنين كان متجوزهم... واحده بشيك زي إللي علا مضت عليه... وواحدة ملابسها قضيه تانيه.... وأنا تعبت ومش عارف انقذ بنتي منه إزاي..حتي المحامين محدش فيهم قادر يساعدني... ومش قدامي حد غيرك... بالله عليك يا إبني تساعدني....بنتي هتروح مني
دي بقي حالها يصعب على الكافر
محمد....لا حول ولا قوة إلا بالله هحاول والله يا عمي اساعدها... علشان خاطر عيالي وعلشان خاطرك يا عمي
...... .......... ...........
في شقة محمود
اميره.....قوم بقي يا محمود كفايا نوم.. وبعدين إنت قولت إنك هتروح تحضر كتب كتاب بسمه ونمت ومروحتش
محمود..... هروح اشوف مرات اخويا وهي بتتجوز راجل غير أخويا...هيصعب عليا احمد أوي وأنا شايف مكانه راجل تاني
اميره... احمد الله يرحمه يا محمود وهي برده لسه صغيره.وشايله على أكتافها مسئوليه أربع عيال
محمود..... عارف والله الكلام ده كله....ودا نفس الكلام إللي قولته لإسلام أخوها....بس غصب عني جوازها خلاني أحس كأن اخويا لسه ميت امبارح
اميره.. بصراحه بقي يا محمود كده احسن....كده كله هيعيش مرتاح...مفيش واحده فينا هتنام وهي خايفه إن جوزها يفكر يتجوزها.. ويقول علشان أولاد اخويا
محمود.... إنتي التانيه يا اميره بتفكري كده
اميره....مفيش ست في الدنيا هتتحط في نفس الموقف غير لما هتفكر كده ...بس في ست تقدر تبين ده وفي ست تاني لأ
.............. ..................... ............
في منزل والده دعاء
والدة دعاء..... عامله ايه يا بنتي في حياتك بقالك فترة مش بتشتكي
دعاء....اديني عايشه يا ماما... هعمل ايه... الدنيا اتغيرت معايا كتير بعد ما جه حمزه...ملا عليا الدنيا
وخلاني اتغاضي عن حاجات كتير مدايقاني
بقيت بسكت كتير علشان خاطره
علشان ميطلعش عايش وسط المشاكل من صغره
عايزاه يعيش حياة طبيعية....تكون هاديه
دخل طارق وقال.... ربنا يكملك بعقلك يا أختي
دعاء.....اتريق يا اخويا اتريق... بكره لما تتجوز وتخلف هتعرف معني الكلام إللي أنا بقوله إيه
طارق.....بما أنكم فتحتو سيرة الجواز أنا عايز اتجوز... شوفولي عروسه حلوه كده على زوقكم
والدته..... عايز تتجوز مش لما تعقل الأول يبقي تتجوز
طارق.....ليه أنا مجنون ولا ايه
والدته.... أيوه مجنون...قولي يا اخويا مين هتتجوز واحد بيلعب كوره مع العيال في الشارع
طارق.....هوايتي المفضلة في إيه لما امارسها في الشارع بقي في الملعب....مع عيال مع كبار مش هتفرق... المهم إني أكون مبسوط
دعاء....طيب لو خطبنالك وعروستك كانت معديه كده صدفه وشافتك بتلعب مع العيال في الشارع...هتعمل إنت إيه بقي
طارق.....هخليها تقف تشجعني وتقول طارق طارق
دعاء..... أنا بقول بلاش نبلي بنات الناس احسن
طارق....ما إحنا عادي بلينا ولاد الناس وجوزناكي لعاصم الراجل المحترم
دعاء..... أخرس هو لو لف الدنيا كلها هيلاقي ضفري
والدتهم...... والله إنتو مهما كبرتو هتفضلو عيال صغيره
مش بتبطلو مناكفه في بعض أبدا
............. و .................
في منزل عبد الرحمن
عبدالرحمن..... ألف مبروك يا بسمتي
بسمه بكسوف..... الله يبارك فيك
عبدالرحمن..... عندي ليكي مفاجأة حلوه أوي.....
بسمه..... إيه هي
عبدالرحمن.....هنطلع نقضي اسبوع عسل في أي مكان تختاريه
بسمه.....بس أنا مخرجتش قبل كده ومش عارفه أماكن وكده
عبدالرحمن..... خلاص هوديكي أول مرة على ذوقي الغردقه
أنا بحب الغردقه أوي وبحرها
بسمه. بابتسامة... ماشي تمام. كنت عايزه أسألك إنت ليه موافقتش أننا نعيش في الفيلا مع والدك واخترت اننا نعيش في شقة بعيد عنهم...نعمه قالتلي إنهم زعلانين
عبدالرحمن.... أولا أنا هعرف أراضيهم متقلقيش
ثانيا... أنا أخترت إننا يكون لنا شقة لوحدنا علشان تكوني براحتك إنتي والاولاد. والاولاد يعملو إللي هما عايزينه براحتهم وميكونوش خايفين من حد
بسمه.... أنا بجد متشكره ليك أوي يا عبد الرحمن.. إنك مهتم براحة اولادي.... وكمان بشكرك علشان إنت بتتعامل مع اولادي كويس وخليت ياسين يتعلق بيك أوي...والبنات كمان يحبو وجودك ويكونو هما إللي بيقولولي عايزين نعيش مع عمو عبدالرحمن
عبدالرحمن.....دا أنا إللي متشكر ليكم إنكم هتخلوني أعيش جو الاسره والاولاد.... وبعدين عيالك فيهم حاجه كده غريبه الواحد أول لما بيشوفهم بيحبهم على طول.....
تعرفي يا بسمه أنا كنت مسميكي إيه قبل ما اخطبك
بسمه بفضول..... إيه
عبدالرحمن.....لما شوفتك في المرتين تلاته إللي شوفتك فيهم في الجامعه...كنتي دايما بتبتسمي ابتسامه فيها وجع
فكنت بقول عليكي بسمه.... صاحبة البسمه الموجوعه
حتي مسميكي على التليفون بسمه موجوعه
ضحكت بسمه وقالت.....تعرف إن اسلام اخويا بيقولي نفس الكلام... إني دايما ابتسامتي موجوعه
عبدالرحمن...... إن شاء الله بعد كده ابتسامك هيكون كلها فرح وسعاده....وساعتها هغير أسمك من على التليفون من بسمه موجوعه....لبسمه مسروره
ابتسمت بسمه على كلامه فقال
طيب إحنا ورانا سفر بكره عايزين نقوم نصلي بقي علشان ننام
بسمه.. فعلاً أهم حاجة قولتها....نصلي أنا عايزة أصلي
وقفو بين يدي الله...يبدأون حياتهم بطريقة ترضي الله
في منزل عماد
كانت علا تشعر بالانكسار... تفكر في حياتها الماضية.. وتفكر في حياتها الحاليه..وتقارن بينهم...نزلت دموعها رغماً عنها
دخل عليها عماد وقال
أنا علي اتفاقي مع أبوك وممدتش ايدي عليكي من ساعة الفلوس اللي اخذتها منه....بس للأسف الفلوس دي بتخلص
وأنا عايز غيرها علشان الضرب بالحزام ميرجعش تاني
علا.....هو أبويا هيجبلك فلوس منين كل شويه كده
عماد.....نعم يا أختي....ابوكي عنده عمارتين.... وليه نسبه في شركه الملابس....وعنده فلوس في البنك أد كده
المهم قوليله إنه الفلوس توصل بدل...اصورلك فيديو حلو كده وأنا بضربك بالحزام...وكل شويه هبعتله فيديو شكل شوفي بقي إنتي أهم عنده ولا الفلوس
خرج عماد وجلست علا تبكي على غبائها وتسرعها وعدم تفكيرها وتدعو الله... أن يرفع عنها هذا البلاء
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
بسمة موجوعه.....السابع والعشرون
في الغردقه
بسمة بإنبهار..... سبحان الله إيه الجمال ده
عبدالرحمن.. . إيه رأيك في الغردقه وجمالها
بسمه.... تحفه.... معقول الجمال ده كله موجود في مصر
عبدالرحمن...... مصر فيها أماكن كتير جميله جدا.... إنتي بس إللي لسه مشوفتيش... وإن شاء الله أنا هوريكي كل إللي إنتي مشوفتهوش
بسمه بفرحه.... بجد إحنا ممكن نخرج خروجه زي دي تاني
عبدالرحمن..... إن شاء الله هنخرج كتير اوي
بسمه... والاولاد هيكونو معانا
عبدالرحمن..... طبعاً دول ليهم خروجه حلوه أوي بس لما نرجع القاهره
بسمه... طيب تعالى نكلمهم فيديو علشان وحشوني أوي
عبدالرحمن.....يلي بينا
.............. ................ ........ ....
في منزل عماد
عماد.....ابوكي مبعتش الفلوس يعني
علا...... أنا أصلا مقولتلوش على فلوس.. كفايا بقي أبويا يتأذي بسببي..... دخل السجن لأول مرة في حياته بسببي
خسر فلوس كتير اوي بسببي....عايش حزين بسببي
كفايه مشاكل بقي بسببي.... أنا بخدمك وبخدم عيالك.. ومش بقولك لأ على أي حاجة.....سيبني بقي عايشه زي ما أنا عايشه
وسيب أبويا في حاله
عماد..... يظهر إنك متعرفيش أنا متجوزك ليه
أنا متجوزك علشان فلوس ابوكي....لما جتيلي المكتب ولقيت الحقد مالي قلبك...وعايزه تنتقمي من جوزك وخلاص عملت بحث حلو كده عنك.... وعرفت الفلوس اللي على قلب ابوكي
قولت لأ بقي نعمل خطه استغل بيها فلوس ابوكي.... وبصراحه معرفتش... لقيت ابوكي مش طايقني...قولت مبدهاش أدخله من ناحية طمعك واتجوزك.....وطلعتي أسهل
واغبي مما أتخيل....في واحده عايزه ترجع لجوزها تروح تتجوز واحد غيره....غبيه فعلاً
دخلت عليكم ساعة كتب كتابنا ولقيته عمال يقولك بلاش تتجوزيه....دا مطلق مرتين والاتنين مسجونين....لقيته تقريباً عارف عني كل حاجه...وكان عايز ينهي الجوازه وإنتي كنتي بدأتي تليني.لحقته بسرعه ودخلت عليكم وبصراحه مكونتش ناوي اخليه يمضي على شيكات..بس بعد الكلام إللي سمعته قولت لازم أعلمه الأدب وحطيتله الشيك بين الورق
والفلوس إللي اخدتها دي حاجه بسيطه أوي من إللي عند ابوكي... ولسه ناوي أخلص إللي عنده كله
................ ................. ................
في شقة محمد
اتصل والد علا علي محمد وقال له....علا بعتتلي تسجيل ليه وهو بيعترف إنه اتجوزها علشان ياخد فلوسي
محمد.. كويس أوي كده... خليها بقي تمسحه من عندها علشان ميمسكش عليها حاجه
والد علا.....متقلقش مسحته بعد ما بعتته على طول
محمد... تمام أوي.... وأنا خلاص قربت أوصل للي اتفقنا عليه
ابعتلي بقي التسجيل...
والد علا....هقفل معاك وابعتهولك....
محمد.... المهم الكاميرات إللي بعتهم ليها مع بتاع الخضار ركبتهم في هدومه
والد علا..... أيوه هي عملت كل حاجه زي الفيديو إللي بعتناه ليها بالظبط
. ............ ... ..............؟......
في مكتب عماد...
كان يجلس على مكتبه.ورن التليفون بوصول رساله
فتح..ووجد ما يجعله يقف مزهول
كان يوجد اتنين فيديو له
واحد وهو يستلم احدي الرشاوي من احد الرجال
وفيديو وهو يبيع طفل صغير لأحد تجار الاعضاء
ورن هاتفه برقم مجهول ليرد بترقب شديد
احد الرجال....طيب الفيديوهات وصلتلك
عماد..... عايز إيه
الرجل.... كل الشيكات إللي عندك في خزنه المكتب ترميهم قدام السله إللي هتلاقيها تحت العمارة...وتجيلي على العنوان ده....
عماد.... شيكات إيه أنا مش فاهم حاجه ومش معايا شيكات
الرجل..... افهمك الشيكات إللي مضيت نسوانك كلهم عليها
والشيك بتاع أبو مراتك الجديدة متنساهوش.....الشيك إللي هيكون ناقص متلومش غير نفسك عليه
عماد بعصبية..... إنت مين وعايز مني إيه
الرجل..... أنا مين هتعرف لما تجيلي على العنوان إللي قولتلك عليه .... عايز إيه..هتعرف لما تيجي
وأي حركة هتعملها فيها رقبة عيالك هيتباعو للي إنت بتبيع عيال الناس ليهم..... وأي تأخير متلومش غير نفسك
أنا حذرتك من اللعب معانا....واغلق الهاتف
وقف عماد وهو يشعر أن الأرض تميد به.من هؤلاء الناس هو لا يترك أي غلطه ورائه كيف سجلو له...وصوروه
أتته رساله.... وجد صوت إبنه الكبير وهو يصرخ....ا
..ووجد بعدها رساله أخري محتواها اتأخرت وشكلنا هنبدأ بإبنك على ما تخلص تفكير وتيجي
خرج عماد وهو يشعر بالجنون..رمي الشيكات في السله المتفق عليها...ووجد رجال الشرطة يحاوطوه من كل مكان
ذهب والد علا ومحمد برفقة أحد الظباط.الي علا
واخرجوها من الشقه المحبوسه بها..احتضنها والدها وبكي عندما رأي حال أبنته
نظر إليها محمد.ورآها شخص آخر غير علا التي يعرفها
فقد فقدت الكثير والكثير من وزنها... وآثار الضرب على وجهها واضحة ويوجد نظرة انكسار في عينيها...تمني محمد لو لم يراها بهذا الوضع
علا بدموع.... بابا هو فين... أنا خايفه ييجي ويسجنك تاني
محمد..... متخافيش يا علا هو دلوقتي في السجن وعنده قضايا تخليه ميخرجش عمره كله منه
علا..... لأ بتاع الخضار ده تبعه وأنا خايفه يروح يقوله
بتاع الخضار.... أنا ظابط على فكره أنا إللي وصلتلك التليفون والكاميرات الصغيرة... أنا إللي كنت بحطهم.. مش والدك إللي كان بيحطهم من ورايا زي ما فهمك...بس لازم متعرفيش علشان ممكن مره تتوتري وهو موجود وتبوظي لينا الدنيا
علا.....هو أنا بجد خلصت منه يا بابا
الظابط.....مش إنتي بس إللي خلصتي منه... ناس كتير اوي خلصت من شره....وبسبب إللي حصلك ده انقذتي اطفال كتير اوي...وانقذتي بنات تاني كانو هيتحطو في نفس موقفك
تقدري تروحي مع والدك دلوقتي ترتاحي...وتقدري ترفعي عليه قضية طلاق... وطبيعي جدا هتكسبيها
وعيشي حياتك طبيعيه يا مدام علا....كابوسك أنتهي
والد علا..... أنا مش عارف اشكرك ازاي يا محمد علي كل إللي عملته معايا ومع بنتي....لولاك كان زمان بنتي لسه تحت رحمته.... محمد يا علا هو إللي عمل كل حاجه...هو إللي راح القسم وهو إللي أتفق مع الظباط على كل شيء وفكرة إن إحنا نسجله ونصوره دي فكرته....وصرف مصاريف كتير اوي اوي من جيبه
محمد.... بتشكرني على إيه بس..علا دي أم اولادي وعشرة عمر برضه..... ألف سلامة على كل إللي حصلك يا أم معاذ
ارجعي بيت والدك وعيشي حياتك طبيعيه خالص ووقت ما تحبي تشوفي الاولاد أنا هبعتهملك
علا بدموع..... أنا أسفه على كل حاجه وحشه عملتها معاك
واوعدك إني عمري ما هدايقك تاني وجميلك ده هفضل شايلاه فوق راسي من فوق
عادت علا إلي منزل والدها وما زالت لا تصدق أن هذا الكابوس أنتهي.... وأنها الآن في منزل والدها
اخدت حمام وفرشت سجادة الصلاة وظلت تصلي وتبكي وتحمد الله أن انجاها من هذا الرجل
................ ................ .....................
عاد محمد إلي منزله وهو يشعر بالاسي الشديد على حال علا
استقبلته نورا بإبتسامتها الجميله.... وقالت
مالك يا محمد شكلك مجهد أوي ليه كده
محمد.....حاسس إني كنت بهد جبل لوحدي حاسس إني مجهد أوي
نورا.......ليه إنت كنت فين
محمد......كنت في مشوار صعب الوصول ليه بس بفضل ربي وصلت
نورا..... إنت كلامك كله الغاز ليه كده انهارده..... تعالي اتعشي علشان الاولاد مستنينك ومش عايزين ياكله غير لما تيجي
وبعدين نتكلم
محمد..... المشوار إللي كنت فيه مينفعش اتكلم عليه
نورا..... مالك يا محمد طيب أنا مش قادره أشوفك كده ومش عارفه اخفف عنك
محمد......متقلقيش عليا أنا كويس هنام بس شويه وهكون تمام إن شاء الله
............ .............. ...........
في شقة اسلام
ياسمين......هو إنت دايما ماسك التليفون ده مش بتسيبه
اسلام.... التليفون ده فعلاً لعنه مكنه بتحرق في الوقت
من غير ولا حسنه بتتضاف لسجل حسناتك
ياسمين..... أنا لما لقيت نفسي بمسك التليفون كتير وفعلا بياكل وقتي فكرت في فكره حلوه أوي
نزلت برنامج المصحف.وخليته أول ما أفتح التليفون يكون هو بس إللي قدامي...وكل مره أمسك فيها التليفون.قبل ما افتح البرنامج إللي أنا عايزاه.... أفتح برنامج المصحف الأول
أقرأ منه صفحه بقي ربع ربعين زي ما ربنا يفتح عليا...بس أقل حاجه صفحه.... وأنا ممكن أمسك التليفون ييجي خمسين مرة في اليوم شوف بقي بكام صفحه... وبعدين وإنت بتقرأ الصفحه مش بتاخد منك وقت كبير
بس الصفحه الواحدة فيها كمية حسنات كتيره جدا بتتضاف لسجل حسناتك....غير إنك بتمسك التليفون كذا مره في اليوم يعني كذا صفحه يعني حسنات اكتر
ومش هتكون هاجر للقرءان علشان كل يوم بتقرأ قرءان
اسلام..... بجد فكره حلوه أوي هعملها
ياسمين... كويس ولو تعرف حد بيمسك التليفون كتير قوله وإنت تكسب حسنات اكتر علشان إنت إللي عرفته...وممكن حد يكون مش بيقرأ قرءان في يومه خالص...وتعجبه الفكرة دي ويبدأ يقرأ قرءان ويكون إنت السبب فتاخد معاه الثواب
اسلام......يااختي على تفكير مراتي الجميل إللي كله حسنات
بقولك ايه أنا مش بخرجك خالص إيه رأيك لو نخرج نتمشي شويه كده أنا وإنتي وناكل دره مشويه
ياسمين بفرحه.......موافقه طبعاً... دقيقه واحده وأكون لابسه
.................... ................
في الغردقه
كانت بسمه تجمع الملابس في الشنط استعدادا لرحيلهم في الغد
عبدالرحمن..... خلاص لميتي الشنط.. يا بنتي فكري كنا قعدنا كمان اسبوع
بسمه.....نفسي أقعد والله..بس الاولاد وحشوني أوي وأول مره أبعد عنهم كده
عبدالرحمن..... خلاص نعوضها مره تاني بس يكون معانا الاولاد علشان نقعد براحتنا
بسمه...... ياريت..دي هتكون أحلي فسحه في الدنيا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
.... أصبحت علا انسانه اخري غير الإنسانه الحقود.. التي تحمل الكره في قلبها للآخرين... أصبحت لا تتمنى شرا لأحد
كانت التجربة التي مرت بها بمثابة صدمة افاقتها من غفله خسرتها الكثير والكثير من الناس
ذهبت إلى بسمه واعتذرت لها كثيرا وطلبت منها السماح
وذهبت إلى نورا وشكرتها على تربيتها لأبنائها ورعايتها لهم
واعتذرت لأمال لأنها كانت سوف تهدم لها بيتها بسبب بث سمومها في أذنها
واعتذرت لمحمد كثيراً جدا على ما بدر منها في حقه...وتسويئ سمعته أمام الناس وأمام ابنائه
وشكرته على مساعدته لها في محنتها
عادت إلى عملها...وبدأت تحفظ القران الكريم
وتتعلم دينها التي كانت غافله عنه .....تم طلاقها من عماد واصبحت الآن حره طليقه
ونزعت فكره الزواج من عقلها تماماً الآن
...... حاولت دعاء أن تتأقلم مع حياتها الجديدة...وتنسي ما كانت تحلم به من خروج وفسح وشراء الكثير من الملابس
وساعدها في ذلك وجود حمزه الصغير الذي ملأ عليها الفراغ الموجود في حياتها.... وهي الآن في انتظار بيبي جديد
...... العلاقة بين آمال ومحسن يسودها الود والتفاهم المشترك بينهما... واحترام كل طرف للآخر
........ أصبحت الحياة بين محمود واميره جميله وتنيرها صغيرتهم أسيل آلتي ملئت البيت عليهم فرحا وسعادة
........... ذهب اولاد بسمه إليها... وتفاجئت بسمه من معاملة عبد الرحمن الحنونه لأبنائها وتعلق أولادها الشديد به
وحمدت الله أن عوضها بزوج حنون عليها وعلى أبنائها
يجلس يتحدث معهم ويعرف مشاكلهم ويحاول حلها لهم وكأنهم أبنائه الذي يخاف أن يمسهم أي مكروه....يصر دائما على أن يجلسون سويا في المساء بعد أن يعود من عمله
يتحدثون ويضحكون ويمرحون.... وفي كثير من الأحيان يلعبون...عوضهم عن وجود والدهم....وشال حمل كبير من على اكتاف بسمه
........ .............. ................ ..........
في منزل عبد الرحمن
دخل عبدالرحمن منزله بعد يوم عمل طويل وشاق
ووجد رؤي ورقيه يجرون نحوه يحتضونه مثل عادتهم كل يوم... وهو يحتضنهم وينسي تعب اليوم
بسمه بإبتسامه..... الحمد لله على سلامتك يا عبده
عبد الرحمن وهو يحمل رؤي ورقيه..... الله يسلمك يا رب
فين ياسين وياسمين
بسمه....بيذاكرو في اوضهم
عبد الرحمن..... على ما تجهزي العشا ادخل أنا أسلم عليهم
ذهب إلى غرفة ياسمين وطرق الباب عليها واذنت له بالدخول
عبد الرحمن..... الدكتوره القمر بتاعتنا بتذاكر
قامت ياسمين وهي مبتسمة... وقالت....عمو عبدالرحمن جيت امتي
عبدالرحمن....لسه داخل حالا.. عامله ايه والمذاكرة عامله معاك إيه
ياسمين..... المذاكرة سهله..والاستاذ بتاع الحساب بيقولي
يا تلميذتي النجيبه....وبيخلي آلعيال يسقفولي كل ما أحل حاجه صح
عبدالرحمن..... شطوره يا سمكه أنا عايز كل المدرسين يشكرو فيكي
ياسمين بفرحه..... حاضر يا عمو
عبدالرحمن. ..طيب يلي جهزي العشا مع ماما على ما اشوف ياسين
ذهبت ياسمين إلي والدتها وذهب عبدالرحمن إلي غرفة ياسين طرق عليه الباب وأذن له ياسين بالدخول
عندما رآه ياسين قام من على مكتبه واحتضنه
ياسين.....يا عمو وحشتني عامل ايه
عبدالرحمن... إنت إللي وحشتني يا بطل عامل ايه والمذاكرة عامله ايه
ياسين..... كله تمام...بذاكر من الصبح علشان اطلع من الاوائل وتجبلي العجله إللي وعدتني بيها
عبدالرحمن..... علشان كده مرضتش تروح معايا الشركة الصبح... علشان اجبلك العجله.....صدقني لو طلعت من الاوائل هجبلك أحلي عجلة في الدنيا
سمعو صوت بسمه وهي تدعوهم إلي الطعام
خرجو وانضموا جميعاً على السفرة
ياسمين..... قومي يا رؤي أنا إللي هعقد جمب عمي عبدالرحمن
رؤي..... لأ أنا قعدت الأول جمب بابا مليش دعوه
بسمه.....كل يوم تتخانقو علشان مين إللي يقعد جمبه
عبدالرحمن..... تعالي يا رؤي يا حبيبتي اقعدي على رجلي
رؤي بفرحه......هييييييييييييييي
رقيه.... وأنا يا بابا
عبدالرحمن....... تعالي يا حبيبتي على الرجل التانيه
بسمه......ينفع كده يا بنات بابا كده مش هيعرف ياكل
عبدالرحمن..... لأ متقلقيش عليا أنا هاكل.... المهم كلي إنتي شكلك مجهده
بسمه.....رؤي ورقيه مطلعين عيني طول النهار
عبدالرحمن......ليه كده يا حبايبي حد يزعل ماما
بسمه.......ده الطبيعي بتاعهم ربنا يهديهم يارب
عبدالرحمن..... ربنا يهديهم ويباركلنا فيهم يارب
بسمه..... عبدالرحمن... محمد عم الاولاد عازمنا كلنا بكره هو هيدبح وهيعمل أكل وعازم البلد كلها علشان إبنه ختم القرآن
عبدالرحمن.... هو كلمني على التليفون وعزمني وإن شاء الله هنروح
بسمه.... بس إحنا هنمشي بدري علشان أجهز معاهم أي حاجة
وعلشان الاولاد كمان يلعبو مع أولاد عمهم
عبدالرحمن..... ماشي يا بسمه روحي بدري وأنا هبقي اجي اخدكم بالليل
.................. ................. .............
في منزل عاصم ودعاء
عاد عاصم من عمله ووجد دعاء تجلس مع حمزه وباين عليها الإجهاد بوضوح
عاصم..... مالك يا دودو شكلك تعبانه ليه كده
دعاء...... الحمل المره دي صعب أوي يا عاصم دا حمزه كان أسهل من كده.... وكمان حمزه مطلع عيني طول النهار
عاصم.... خلاص خليكي إنتي مستريحه وأنا أجهز العشا
دعاء..... بصراحه أنا معملتش أكل... علشان مقدرتش
فكر عاصم قليلاً وقال.... خلاص قومي البسي ونخرج نتعشى بره
دعاء بفرحه.... بجد هنخرج نتعشي بره... دقيقه وأكون لابسه
عاصم.... إيه ده دا إنتي خفيتي اهه
دعاء بتمثيل..... إيه ده الدوخة رجعتلي تاني
عاصم بمزاح.....لا يا راجل
وضحكو سويا هي وعاصم
............... ............... ..............
في شقة اسلام
ياسمين......عندي ليك خبر جمييييييييل أوي بس مش متأكدة منه
اسلام......خبر جميل ومش متأكده منه....طيب قولي يارب يفرحني
ياسمين...... أنا شاكه إني حامل....وجبت إختبار بس مش عارفه استخدمه إزاي
اسلام بفرحه..... بجد شاكه إنك حامل....انزلي لأمي وهي تقولك تستخدميه إزاي
نزلو إلي والدة اسلام واخبروها بكل شئ...وهي أخبرت ياسمين كيف تستخدمه
فعلت ياسمين مثلما قالت لها والدة اسلام وخرجت إليها وفي يدها الإختبار
والدة اسلام بفرحه..... ألف مليون مبروك يا حبيبتي واحتضنتها.... وبعدما تركتها ذهب إلي اسلام واحتضنته.... ألف مبروك يا حبيبي.... الحمد لله
اسلام..... بسعادة.... بجد يعني هي خلاص كده حامل
والدة..... أيوه يا إبني الإختبار اهه شرطتين
اسلام..... ألف مبروك يا ياسمينا.... هنروح عند الدكتورة انهارده علشان نطمن عليكي وعلى البيبي
ياسمين بفرحه وهي تضع يدها على بطنها..... بجد أنا حامل يا اسلام.... أنا فرحانه اوي
والدة اسلام.....بس يا بنتي متتنططيش كده غلط على إللي في بطنك
........انتهي اليوم على الجميع وجميعهم سعداء للغاية
وبدأ يوم جديد يشرق بالأمل والفرحة على الجميع
............... ............... .........
في شقة محسن
محسن...... آمال قومي يلي علشان الجزار إللي هيدبح جي
آمال.... ده لسه الفجر بيأذن
محسن......ماهو إحنا هنصلي الفجر في المسجد ونيجي نبدأ على طول
آمال.....بس كده مش بدري أوي
محسن....... لأ دا يدوب إنتي عارفه إن الناس هتطلع من صلاة الجمعة على هنا على طول... وبعدين محمد هيوكل طول النهار....شدو حيلكم بقي
آمال..... والله الواحد فرحان أوي.... فاكر لما عملنا كده لسجده بنتنا لما ختمت....كان من أجمل الايام إللي مرت عليا
محسن...... وإن شاء الله نعمل قريب لمازن لما يختم قرب يختم اهه
آمال...... احلى فرحه في الدنيا فرحة حفظ القرءان ده الإنجاز الحقيقي إللي يستحق إن الواحد يفرح بيه
محسن........ ربنا يفرحنا بأولادنا كلهم يارب
................. .................. ..............
في شقة محمود
اميره وهي تحمل أسيل..... محمود محموووود قوم بقي الفجر أذن
محمود بنعاس....سيبيني نايم شويه
اميره......قوم يا محمود وبطل كسل بقي علشان الفجر ما يضعش عليك..... وكمان الجزار دلوقتي جاي
محمود بابتسامة ظهرت على وجه....يارب عقبال ما نعمل لأسيل
اميره.... يارب يارب....هما الطباخين هييجو أمتي
محمود..... على الساعة ثمانية كده
عايزك تنزلي إنتي ونورا وآمال تجهزو الرسيبشن تحت
محمد هيجيب ترابيزات وكراسي...شوفو هترصوهم إزاي
وكمان الصاله الكبيرة إللي مقفوله هتفتحوها وتنضفوها وتظبطو فيها الكراسي
اميره.... متقلقش إحنا هنظبط كل حاجه.دي علا هتيجي وبسمه هتيجي...وهنكون لمه
محمود..... محمد...بيرن عليا أنا هصلي وانزل شكل الجزار جه
جاء الجزار وذبح الذبائح. وقامو بتقطيع اللحم وحوله الرجال يساعدونه في كل شيئ
وكان النساء قد اجتمعوا وجاءت بسمه بأولادها واستقبلوها بالترحاب الشديد
وجاءت علا ولأول مرة تشعر أنها غريبه بينهم
نظرت إلى نورا ووجدت هند متشبسه بها لا تريد أن تتركها
وسليم ومعاذ كلما أرادوا شيئاً ذهبو إلي نورا
علمت أن نورا بحنيتها وحبها للأطفال جعلت الاطفال يلتفون حولها حتي في وجود والدتهم الحقيقية
حاولت أن تنفض هذه الأفكار من رأسها فذهبت إلى النساء تعمل معهم وتحاول أن تندمج معهم
حلت صلاة الجمعة وصلي الرجال في المسجد واتو إلي منزل محمد
وامتلأ البيت بالرجال والنساء...
كان محمد ومحمود ومحسن ومعهم اسلام. ومهاب أخو نورا
ووالد علا.... جميعهم يقدمون الطعام للرجال
وفي الداخل.كان البيت ممتلئ بالنساء
وكانت علا ونورا وبسمه وآمال واميره.. جميعهم يقدمون الطعام للنساء
وكان يوجد في البيت روح جميله....روح الفرحه والسعادة كانت مسيطره على المكان
وقف محمد وسط الرجال وهو ممسك بمعاذ من يده وقال
أنا انهارده أسعد يوم في حياتي... إبني الكبير ختم القرآن....معاذ هو إللي هيلبسني تاج الوقار يوم القيامة
مش عارف أوصف فرحتي....حاسس إن في كلام كتير اوي قلبي بس مش عارف اوصفه...بس أنا عايز أنصحكم نصيحه
مهما كان عند ولادك من دروس أو نادي أو تمارين... اوعى تفضل أي حاجة من دول على حفظ إبنك ولا بنتك القرآن
متقولش مش هيروح يحفظ انهارده علشان عنده تمرين....التمرين يتأجل بس حفظ القرءان ميتأجلش
إنت وإنت بتحفظ إبنك القرءان إنت بتعمل حاجه عظيمه أوي لنفسك ولإبنك.... إنت بتربي إبنك بالقرءان...شوف بقي إنت تربيه القرءان لإبنك هتخليه عامل ازاي.....
ونظر إلى معاذ وقبل رأسه...وقال له
إنت انهارده رافع راسي للسما يا معاذ ربنا يبارك فيك يا إبني ويحفظك
وسقف جميع الحضور على كلام محمد
انتهت