: مش عارفة اليوم ده عدى عليا ازاي حرقوا دمي فوق مل تتخيلي 

قالتلها قسمت ليسرا وهى ماسكة مج القهوة وبتحكيلها عن عزومة امبارح 

يسرا : هتفضلي طول عمرك هبلة 

: يعني كنت أعمل إيه بس 

: يا خايبة عزمت خطيبك عشان توريله نفسها كنتي اتصلتي بجوزها تعزميه كأنك عاملة حمامة سلام وبتفكري تصلحيهم على بعض 

: يابنت الايه انتي بتجيبي الأفكار دي منين 

شاورت يسرا على مخها : من هنا يا بنتي  اسمعي انا عندي فكرة 

: ايه 

: لا هقولك بعدين 

أستسلمت قسمت لفكرة انه كده كده حياتي تزعل فهيحصل ايه اكتر من كده يعني 

فبطلت تسأل وتتخض 

الايام بتمر وهشام بيكلمها انه عايزين نعمل كتب الكتاب وبيسالها لو حابة تفرش شقتهم هنا ولا بلاش ونقضيها اوتيلات لما ننزل اجازة 

في يوم راحت شغلها لقت يسرا بتقدملها برشور بتاع مركز تجميل 

: ايه ده يا بنتي 

: ده شغل عرايس بقى يا امي هنروحلهم يقشروكي ويمسجوكي عشان تنوري كده 

: اناااا مبحبش الحاجات دي يا بنتي 

: شششش يلا انا حاجزالك يوم من أوله يادوب نلحق 

يسرا وصلتها مركز التجميل وسابتها هناك على اساس ترجع الشغل وتفوت تاخدها بعد كام ساعة 

هناك دخلوها اوضة تغير هدومها وتسيب موبايلها وكل حاجة 

وهى بتحط موبايلها في الشنطة رن 

: الو هشام 

:..... 

: لا انا مش في الشغل النهاردة انا في بيوتي سنتر 

:..... 

: عارفة ان انا حلوة من غير بيوتي بس هى يسرا بقى أصرت 

:......

: لا هتأخر وكمان بيقولولي اقفل الموبايل واسيبه في الامانات فأول ما اخلص هكلمك 

قسمت قضت اليوم في مركز التجميل بين جلسة الفراكشنال والتدليك والليزر 

الوقت مر عليها طويل قوي بمجرد ما خلصت نطت في اول تاكسي عالبيت 

وهى بتحط المفتاح في الباب كانت حاسة بانقباض مش عارفة مصدره 

عرفت لما دخلت لقت هشام قاعد على كنبة صباح جنب شاكيرا وبتفرجه على البوم صورها  

شاكيرا : اهلا يا قسمة ده هشام مستنيكي من الصبح 

بصتله من فوق لتحت : غريبة مع اني قايلالك هغيب طول اليوم 

هشام اتنحنح في حرج : كنت عايز اتفق معاكي على حاجة واتوترت لان موبايلك مقفول طول اليوم  

: اه وكنت عايز تتفق معايا على ايه انا جيت اهه 

دخلت صباح عليها بسرعة كأنها بتهاجمها 

: هه انتي عملتي ايه في وشك هو انتي ناقصة يابنتي 

: مافيش ياعمتي عاملة تقشير بس فوشي ملتهب شوية 

: يابنتي كفاية عمايل في وشك بقى وارضي بخلقة ربنا 

قسمت بزهول:  انا ياعمتي بعمل عمايل في وشي انا 

صباح : يوه يابنتي ماهو   هو انا يعني بكذب 

صرخت قسمت : ايوة ايوة بتقولي كلام محصلش انا عمري ما عملت حاجة في وشي 

اتجاهلت صباح صريخ قسمت ووجهت كلامها لهشام 

اهى على كده يابني دايما تعمل العملة وتنكرها ومهما نقولها بنخاف عليها انما برضه بتركب دماغها 

قسمت بصتله : انت مصدقها 

هشام:  قسمت مالك في ايه انا عايزك تهدي 

صرخت قسمت ولطمت على وشها:  مالي ايه واهدى من ايه 

انتي قولتليه ايه يا عمتي بتعملي كده ليه فهميني 

وقفت صباح تطبطب عليها بحنية وتمثل انها بتعيط 

: طيب معلش يا حبيبتي  اهدي تعالي ادخلك اوضتك 

في اللحظة دي قسمت كانت منهارة بجد لدرجة انها محستش ان صباح بتزقها زق جوا الاوضة 

في الصالة فضلت شاكيرا قاعدة جنب هشام اللي سألها 

: اول مرة كلمتيني في التليفون طلبتي مني اصالحك على قسمت ايه رأيك اصالحك على جوزك 

دمعت شاكيرا وهى بتكشف عن جزء من دراعها في كدمة زرقة 

: استحالة  انا خلاص 

اندهش هشام 

: معقول في حد بالبشاعة دي لدرجة يمد ايده على ست رقيقة كده 

لقطت منه الخيط صباح 

: هى كده طول عمرها متعذبة وقليلة البخت يمكن انت استغربت ان بعامل قسمت وحش 

الحقيقة فعلا ساعات غصب عني بعاملها وحش مبقدرش انسى انها ميلت بخت شاكيرا كتير  وكانت السبب في طلاقها كذا مرة 

هشام : يا خبر ازاي الكلام ده 

صباح : حالتها النفسية مش مستقرة خالص يابني وكان كل ما يجي عريس لشاكيرا تجيلها الحالة وتفضل تتشنج وتقول ده كان جايلي انا ده بيحبني انا  لدرجة انها خلتها اتطلقت مرة وكانت حامل وسقطت من الزعل وكانت هتموت مني 

غصب عني يابني ساعات افتكر وجع بنتي مانا ام برضه سامحني 

هشام:  اها دلوقتي بدأت الصورة تكمل قدامي

صباح بخبث 

: واظن ما قالتلك اني غبية عليها وقلبي قاسي طب دنا مهانش عليا اقعد مع بنتي واسيبها مبدياها على بنتي