مر الوقت سريعا ليعود ذلك الصقر ليقف متسمرا امامها

صقر : مالك!!! شكلك اتغير عن ما سبتك

مليكه بقلق واضح وهى تفرك يديها ببعضها وتحاول أن تجعل صوتها يبدو رجوليا بعض الشئ

مليكه : شكلى اتغير ازاى ؟!

صقر : يعنى يمكن علشان غيرت هدومك وغسلت وشك ...

المهم ونظر إلى فؤاد وأخرج من جيبه

اتفضل يا عم فؤاد دا مكافئه بسيطه

هديه منى ليكم على كرم الضيافه

وكل شهر هيوصل ليك مرتب مالك

فؤاد بفرحة : ربنا يخليك يا بيه

دا أقل واجب ممكن نقدمه

صقر : تقدروا تزوروا مالك وحموكشه فى اى وقت دا العنوان بتاعى

يلا يا مالك انت وصاحبك علشان عندى

شغل كتير النهارده ..

حموكشه : ينفع احضر بس الدفنه بتاع والدى الاول

صقر وهو ينظر فى ساعته

صقر : ايوا طبعا ..واطمن جميع مراسم الدفن جهزت

ويلا بينا

مالك : جهزت ازاى ؟!

صقر : رجالتى خلصوا كل حاجه

ودعت مليكه اخواتها التوأم بدموع

ونظرت لوالدها الذى لم ينتبه لها فكل ما يشغله أنه جلس يعد المال الذى أعطاه إياه صقر ..

نزلوا جميعا وحضروا الدفن والجنازة

وبعد مرور أكثر من ساعتين

ذهبوا اخيرا إلى فيلا صقر

مليكه : شايف يا حموكشه اللى أنا شايفه ...

حموكشه وهو مذهول : هى دى الجنه يا ابله مليكه

مليكه : هشش اسمى مالك ما تنساش

حموكشه : اه صح ...بقلم منال عباس

لينادى عليهم صقر

صقر : واقفين ليه عندكم ادخلوا

صقر وهو يتحدث مع : ام رجب الداده

صقر : عايزك توصليهم كل واحد لاوضته

ام رجب وهى تنظر لهم بتعجب لمظهرهم البائس : بس يا باشا ازاى تطمن لوجود الاشكال دى فى بيتك

لترد مليكه بتسرع : مالها الاشكال دى يا اختى اشحال الحال من بعضه

مفكره نفسك هانم ولا ايه

صقر : مالك عيب كلامك دا

ام رجب هنا ست الكل وهى الدادة اللى ربيتنى وليها قدرها ...اتفضل اعتذر ليها

وانتى يا ام رجب اطمنى مالك وحموكشه دول أصحاب فضل عليا

مليكه باحراج : اسفه واقتربت منها لتحتضنها وتقبلها ..ولكن أم رجب ابتعدت واستغربت تصرفه

حموكشه بصوت هامس : انتى راجل ايه اللى هتعمليه دا

مليكه : اه صح .وابتعدت بسرعه

ام رجب : خلاص مفيش حاجه وذهبت أمامهم كى تدلهم على طريق غرفه كل منهم

فى الطرف الآخر

يقف متشنجا ويضرب يده بقوة على مكتبه

جاسر الحربي: يعنى ايه لسه عايش ؟!

انت مش قولت شوفت العربيه وهو بتولع

رجب بخوف : ايوا يا باشا والله انا حتى سمعت صوت انفجار العربيه

معرفش ازاى نجا منها

دا انا اللى قطعت الفرامل بايديا

اعرفكم ب جاسر الحربي

جاسر الحربي هو صديق صقر منذ الطفوله ولكن غدر الاصدقاء لم يسلم منه صقر ...فقد أخذ منه حبيبته وفاز بها بالرغم من معرفته كم كان صقر يهيم بها عشقا ...

لتتبدل الصداقه إلى عداوة محتمه منذ ذلك الوقت

ليصبحا الد الأعداء لدى بعضهم حتى فى مجال العمل لقد أصبح صقر المنافس الشرس ل جاسر فى جميع الصفقات ....بقلم منال عباس

نعود عند صقر

صقر متحدثا فى هاتفه : لا طبعا مش هبلغ عن حد ..كدا اللعب على المكشوف ..

سيف : بس يا صقر دا زودها اوووى توصل بيه الحقارة أنه يفكر فى قت*لك

صقر : حاسبه معايا تقل ...

المهم دلوقتى عايزك تبعت ليا حد ياخد مقاس مالك وحموكشه عايز ليهم هدوم كويسه ..

سيف : مالك وحموكشه !! مين دول ؟

صقر : مالك دا الشاي اللى انقذنى ..بعدين احكيلك

سيف : لا انا كدا جاى ليك عايز افهم ايه اللى بيحصل يا ابن خالتى ...

اعرفكم ب سيف صديق صقر المخلص كما أنه ابن خالته ...شاب طيب القلب

أرمل توفت زوجته بعد معاناة طويلة مع المرض يعيش على ذكراها ...ويرفض الارتباط بأخرى ..

يدخل صقر مكتبه ويجلس على الكرسي ويستند برأسه للخلف ويغمض عينيه ليتذكر ما حدث

فلاش بااااك

صقر : عجبتك الفيلا يا حبيبتي

انا صممت اعمل كل حاجه فيها على زوقك زى ما طلبتى بالرغم أن والدى كان عايزنى اعيش معاه في القصر بس

طلبات حبيبتى أوامر

ليندا : الحقيقه مش بطاله ...بس انت عارف بابي مصمم انك تكتبها باسمى قبل كتب الكتاب

صقر : يا عمرى كل اللى تؤمرى بيه ينفذ فى الحال ...يكفينى انك هتبقي معايا بقيه عمرى ووضع يده على بطنها

وابننا اخيرا هيجى على وش الدنيا واحنا مع بعض

ويقترب منها ويحتضنها ...

لتأتيه رساله على هاتفه ..

كان مكتوب فيها

اوعى تتنازل بأى حاجه ل ليندا

هى بتخونك مع اقرب الناس ليك ..

ولو عايز تعرف الحقيقه روح على العنوان دا بعد ما هى تسيبك ...

فاعل خير..

صقر : مستحيل ..اكيد دا مقلب ليندا مستحيل تخونى ....بقلم منال عباس

اقتربت منه ليندا

ليندا : مالك يا حبيبي فى حاجه

صقر بابتسامه باهته : لا يا حبيبتي مفيش حاجه

ليندا وهى تنظر إلى ساعتها

ليندا : طب هسيبك دلوقتى علشان عندى مشوار مهم يا روحى وما تنساش من بكره تجيب المحامى علشان نسجل عقد الفيلا باسمى

صقر : اه طبعا ..طب اجى اوصلك

ليندا بارتباك : لأ مفيش داعى اصلى مستعجله وتركته وخرجت بسرعه

انتظر خروجها من الفيلا وخرج وراءها

وقاد سيارته خلفها حاول بقدر الإمكان أن يترك مسافه خلفها حتى لا تراه ...

ظل متتبعها حتى أوقفت سيارتها أمام إحدى العمارات ...ونزلت لتنظر حولها بقلق ثم تدخل العمارة

صقر : يا ترى مخبيه وراكى ايه يا ليندا

نزل من سيارته ودخل العماره

ولكنه لا يدرى اين ذهبت

إلى أن رأى الاسانسير يشير للطابق الثالث...

فهم أنها بذلك الطابق ليصعد بسرعه على السلالم

ويقترب من تلك الشقه ليجد الباب متوارب

يستمع لصوت ليندا

ليندا : وحشتينى يا بيبي

أحد الأشخاص : وانتى اكتر ..هه عرفتي تخليه يكتب الفيلا باسمك

ليندا بضحكه عاليه : عيب عليك انا ليندا ...صقر زى الخاتم فى صباعى وما يقدرش يرفض ليا طلب ..

دا غير أنه فاهم أنى حامل منه وعايز يرضينى بأى طريقه ...

احد الاشخاص : كدا تعجبينى ..ويلا بقي عايز سهرة حلوة وليله من ليالينا الحمرا ويغمز لها بعينيه ...

ليندا بمياعه : طب يلا اقفل الباب مع انى كنت ناويه انزل بسرعه بس انت كمان واحشنى ...

صقر وهو يضرب يده فى الحائط والله لادفعكم التمن غالى يا اندال ...

ونزل بسرعه قبل أن يراه ...

عودة من الفلاش

يستفيق صقر على طرق الباب

صقر : ادخل

يدخل سيف ومعه الديزاينر الخاص ب صقر

صقر : كويس انك جيبت حسام

حسام : امرك يا صقر بيه

صقر : عايزك تصمم كذا حاجه على زوقك ل مالك وصاحبه

عايزك تحولهم لرجال أعمال هما اه صغيرين فى السن بس الاتنين دول بالاخص انا محتاجهم ضرورى

حسام امرك يا باشا

سيف : تعالى بقي احكيلى ايه الحكايه

صقر : طب نوصل بس حسام بيهم وانا هحكيلك كل حاجه

وبالفعل دخل حسام إلى حجرة مليكه هى حموكشه وبدأ فى أخذ المقاسات

أما صقر بدأ يقص ل سيف كل ما حدث معه منذ الأمس ولماذا قرر أن ياتى بهذين الشابين ...إلى هنا

سيف : بس خلى بالك يا صاحبي الدنيا مش امان ..

صقر : اطمن انا عامل حسابي ...ليقفا الاثنين مصدومين على صوت صراخ ياتى من الاعلى

يجرى صقر بسرعه إلى حجرة مليكه ليجدها تمسك بحسام وتضربه

وحموكشه يساعدها

صقر بصوت غاضب : ابعد عنه ويخلص حسام من بين يديها

حسام : عجبك يا صقر باشا المتوحش دا واللى عمله

مليكه : انت ليك عين تتكلم بعد اللى عملته ..بقلم منال عباس

صقر وسيف بذهول : عمل ايه

مليكه بتسرع : قليل الادب حط أيده وأشارت على صدرها ...بحجة أنه بياخد المقاسات

صقر باستغراب : انت مجنون يا ابنى .....يتبع