انور بتحذير: اظن اننا كنا متفقين يا رندا ان محدش يعرف موضوع جوازنا دلوقتي 

رندا برقه: مهو كدا كدا الكل هيعرفو دلوقتي او بعدين 

انور بحده: بس مش دلوقتي يا راندا 

هزت راسها وقالت برقه: حاضر هعمل اللي انت عايزه..... قولي كنت عندهم 

بصلها وعرف انها تقصد احلام و وسيم... هز راسه بهدوء وقال: اه روحت لهم 

حاوطت رقبته وقالت برقه: وحصل ايه 

انور: وسيم كان غريب بقاا جريئ و قوي في الكلام معايا مكنش كدا 

راندا: اكيد اللي ما تتسما احلام هيا اللي حرضته ضدك 

انور بتفكير: لا مظنش في حاجه تانيه

مررت صباعها علي شفايفه بإغراء وقالت برقه ودلع: انت مش جعان ولا ايه 

بلع ريقه برغـ به وقال: وانتي 

وقالت وهيا بتعض شفايفها: جعانه اووووي 

هجم علي شفايفها برغـ به... وهيا بدات تتفاعل معاه.... شالها وهوا لسه بـ يبو*سها وطلع علي اوضته وقفل الباب وراه 

........... 

خدت نورهان خالتها احلام وطلعتها اوضتها بعد ما هديت.. قعدتها علي طرف السرير وهيا قعدت جنبها وقالت: هوا حصل ايه.... ليه وسيم اتكلم بالطريقه دي مع باباه وانتي كمان..... بس لو مدايقه ومش عاوزه تحكيلي مفيش مشكله 

وسابتها وكانت لسه هتمشي وقفت علي صوت احلام وهيا بتقول بصوت حزين: انفصلنا 

بصتلها نورهان بدهشه ورجعت قعدت جنب احلام وقالت: انفصلتو.... قصدك اطلقتو 

هزت احلام راسها وهيا بتمسح دموعها.... بصتلها نورهان بحزن وقالت: ليه مقولتليش كدا من بدري.... ليه مش بتحكيلي علي اللي جواكي... هوا انتي مش بتعتبريني بنتك 

احلام بدموع: مش عايزه اشغلك بحاجه عن دراستك 

نورهان: انتي عندي اهم من اي حاجه.... قوليلي حصل كده 

احلام بحسره: من تلت سنين... بعد ما اكتشفت خيانته ليا 

شهقت نورهان بصدمه وقالت: كان بيخونك 

هزت احلام راسها بدموع وقالت: خاني بكل نداله ولا فكر فيا ولا في مشاعري... كسرني وكسر قلبي اللي كان بيحبه ولسه لحد دلوقتي مش عارفه انساه مش عارفه... حاولت بس معرفتش قلبي معرفش ينساه برغم خيانته ليا.... كنا دايما بنتخانق كل يوم خناقه و وسيم كان بيتأثر من كتر المشاكل اللي بينا وانتهي الموضوع بالطلاق 

بصتلها نورهان بحزن وخالتها صعبانه عليها اوي وقالت: طيب هوا ليه لحد دلوقتي بيقول انك مراته 

احلام: هوا كان رافض فكرة الطلاق بس انا رفعت عليه قضية خلع وكسبتها ولحد دلوقتي هوا مش معترف بالطلاق دا.... ومن تلت سنين معرفناش عنه حاجه.... لحد ما جي النهارده وفتح كل الابواب اللي كانت مقفوله 

نورهان بحزن: عشان كده كان وسيم بيتعامل معاه بالطريقه دي

احلام بدموع: وسيم ابني اكتر واحد اتضر من العلاقه دي... بس الغلط مني انا اللي معرفتش اختار اب كويس ليه 

نورهان بحزن: ملكيش ذنب انتي مكنتيش تعرفي انه بالاخلاق الوسخه دي.... متلوميش نفسك 

نزلت دموع احلام بوجع وكسره... خدتها نورهان في حضنها وهيا بـ طب طب علي ضهرها وبتحاول تهديها 

........... 

فتح وسيم دوش الميا عليه... رجع شعره لورا والميا بتنزل علي جسمه غمض عينيه جامد وهوا بيفتكر خيانة ابوه اللي شافها بعينه 

فتح وسيم باب الاوضه براحه وبحلق عينيه بصدمه كبيره لما شاف ابوه نايم مع واحده علي السرير وهيا بتضحك له بدلع.... قفل الباب وهوا بيرجع لورا وهو مصدوم 

فتح وسيم عينيه وكانت حمرا من الغضب.... قفل الميا ونشف جسمه ولبس هدومه وطلع.... سمع صوت الباب بيخبط راح وفتح الباب وكانت نورهان 

نورهان بهدوء: ممكن نتكلم مع بعض شويه 

بصلها شويه بعدين راح قعد علي الكنبه وقال ببرود: نتكلم فـ اي بالظبط 

كانت واقفه علي الباب وخايفه تدخل... بصلها وقال: واقفه عندك ليه ادخلي 

نورهان بتوتر: لا انا هفضل هنا 

بصلها باستغراب... بعدين افتكر اول مره دخلت اوضته عمل معاها ايه يمكن عشان كده خايفه تدخل فقال بسخرية: متخافيش مش هعملك حاجه ادخلي 

استجمعت وقتها ودخلت..... بصلها وقال: هتفضلي وقفه اقعدي 

قعدت نورهان علي طرف السرير قباله وقالت بتوتر: انا عارفه انه مش من حقي اتدخل بس.. من ساعة اللي حصل وخالتي زعلانه اوى ومش عارفه اعمل لها ايه 

وسيم بهدوء: شويه وهتبقي كويسه.... ومن الافضل انك متفتحيش الموضوع ده تاني 

كانت لسه هتتكلم بس قاطعها وسيم وهو بيقول بحده: خلاص يا نورهان اقفلي علي الموضوع 

دمعت عينيها بخوف من نبرة صوته... اتنهد وهو بيحاول يهدي نفسه وقال بهدوء: اسف.. مكنش قصدي اتعصب عليكي 

هزت راسها وقامت وهيا بتمسح دموعها وكانت لسه هتطلع بس وقفها وهو بيقول: نورهان 

بصتله اول ما قال اسمها بطريقه دخلت قلبها... قام وقال: بخصوص الجامعه قدمتلك في احسن جامعه هنا 

هزت راسها بابتسامة خفيفه وقالت: شكرا 

بصتله وحست كأنه كان عايز قول لها حاجه بس في حاجه منعاه انه يتكلم.... سابته ومشيت وقفلت الباب وراها بص لطيفها وهوا مدايق من نفسه اوى

....... 

في الشركه 

خبط الباب فسمح وسيم للي بيخبط الدخول... دخل عمه مالك... قعد قصاد وسيم علي الكرسي وحط ملف قدام وسيم وقال بهدوء: دا ملف اللي طلبته 

هز وسيم راسه بهدوء وقال: تمام شكرا 

مالك بهدوء: هوا صحيح انور جي عندنا في البيت 

بصله وسيم وقال: اه بس طردته 

مالك ببساطة: يستاهل كل اللي يجراله

ساب وسيم الملف من ايديه وقال بهدوء: عمي هوا انت مش زعلان منى 

استغرب مالك: وهزعل منك ليه يا بني... ربنا ما يجيب زعل 

وسيم: يعني عشان انا اللي ماسك الشغل والمسؤل عن كل حاجه مفكرتش مره ليه مثلا انت متبقاش المسؤل 

ضحك مالك وقال: مش فارقه وبعدين اي يعني مسؤل ولا مش مسؤل كل واحد واخد الشغل اللي يعرف فيه واللي بيحبه وبعدين فيه اب يزعل ان ابنه هوا المسؤل 

بصله وسيم من اللي قاله مالك وكمل مالك وقال: انت زي ابني يا وسيم وانا ببقا مبسوط بنجاحك في كل حاجه.. ومش فارق معايا المكانه او المنصب  كل ده مجرد شكليات بس مش اكتر 

هز وسيم راسه بابتسامة خفيفه.. قام مالك وقال: انا راجع البيت هترجع معايا 

وسيم: لا روح انت عندي شوية شغل هخلصه وارجع علي طول 

هز مالك راسه وطلع وقفل الباب.... خد وسيم الملف وكمل شغله 

بعد ما خلص وسيم شغله قفل الشركه وركب عربيته وكان راجع علي البيت.. بس فجأه العربيه وقفت... استغرب وسيم بص لقي البنزين خلص ازاي وهوا لسه حاطت فيها بنزين الصبح 

نزل من العربيه عشان يعرف اي المشكله حس فجأه بـ خبطه جامد علي راسه من ورا... حط ايده مكان الخبطه بص علي ايده لقاها كلها دم وبينزف... مسك في العربيه بعد ما حس بالدنيا بتلف بيه 

بص وراه عشان يعرف مين عمل فيه كده بس مقدرش يشوفه كويس كانت الصوره منغنشه ومش واضح مين اللي واقف قدامه وقع وسيم و اغمى عليه