يونس بتفكير: بس مين ممكن يفكر في كدا الاستاذ عبد القادر ملوش اعاداء فمين عايز يأذيه وكان هيستفاد ايه 

امين: اكيد اللي قتل الاستاذ عبد القادر ليه هدف وهدف كبير 

"بابا "

بص يونس وراه لقي نور واقفه وعينيها مليانه دموع وقالت بحزن شديد: بابا اتقتل

قام يونس وقرب منها وقال وملامح الحزن علي وشه: نور... 

قاطعته نور وقالت وسط شهقاتها: بابا وماما ماتو مقتولين 

مسك كتفها بحنان وهوا مش عارف يقولها اي بصتله نور وقالت بعياط وانفعال: قولي يا يونس اللي سمعته صح بابا اتقتل... مكنتش حادثه طبيعيه كان في حد ورا الموضوع ده 

يونس بحزن: في حد كان قاصد يعمل كده 

نور بعياط وحزن شديد: بس بابا عمره ما اذي حد كان بيحب يساعد الكل عمره ما جرح حد يحصل معاه ليه كده ليييه عمله في كده حرام عليهم 

خدها يونس في حضنه جامد وهوا بيطب طب عليها بحنان وبيحاول يهديها... شويه وهديت نور فجأه استغرب يونس بصلها جسمها ارتخي وكانت هتقع بس يونس كان ماسكها بصلها وكانت غابت عن الوعي 

امين بقلق: اطلب الدكتور 

بص يونس علي ملامح وشها الحزينه والدموع اللي علي خدها وهيا صعبانه عليه جدا وقال بحزن: مفيش داعي لدكتور هيا كويسه 

امين: تمام همشي انا ولو في جديد هبلغك 

هز يونس راسه بهدوء... مشي امين شال يونس نور وطلع بيها علي اوضتها حطها علي السرير برفق ورفع ملاية السرير عليها مد ايده ولمس بشرتها الناعمه ومسح دموعها بحنان وهوا بيتوعد للشخص اللي كان السبب في حزنها ونزول دموعها... مد جسمه علي السرير وفضل جنبها محبش يسيبها وهيا في الحاله دي 

بعد شويه صحيت نور بفزع وهيا بتصرخ بخوف وتقول: بابا 

قام يونس بهلع بصلها وانصدم من حالتها... شال الغطا من علي كوباية الميا ومسك الكوبايه وحطها قدام شفايفها وقال: اهدي اشربي شويه ميا 

شربت نور بؤ ميا وكانت خايفه ومرعوبه.. حط يونس كوباية الميا علي الكمود وبصلها وقال بهدوء: اهدي يا نور متخافيش انا جنبك 

نور بعياط وحزن: ليه عمله مع بابا كده ذنبه اي عشان يقتلوه ويحرموني منه 

مسح دموعها بحنان وقال: صدقيني مش هرتاح غير لما اعرف مين اللي عمل كده و وعد منى هيتحاسب وياخد جذاته علي اللي عمله بس انتي اهدي 

نور بدموع: انا خايفه اوى 

خدها في حضنه عشان تحس بالامان وقال بنبره صوت طمنتها: متخافيش انا جنبك ومش هسيبك ولا هسمح لحد انه يأذيكي 

رفعت ايديها وحضنته جامد وهيا حاسه بدفئ وامان ومكنتش عايزاه يبعد عنها في اللحظه دي 

*******

وصل يونس نور المدرسه وهو بيطمنها ان كل حاجه هتبقي كويسه ابتسمت ليه ابتسامه خفيفه وخدت شنطتها ونزلت.. شغل السواق العربيه ومشي... قابلت نور بسمه وطلعو مع بعض علي الفصل 

*في الشركه *

خبط الباب ودخلت السكرتيره وقالت: يونس بيه في واحد بره اسمه البشمهندس يعقوب وعايز يقابلك 

يونس بهدوء: خليه يدخل 

هزت السكرتيره راسها وطلعت شويه ودخل يعقوب... قام يونس وسلمو علي بعض باحترام 

يونس بهدوء: اتفضل اقعد 

قعد يعقوب وقال بهدوء: اكيد انت عارف ان هنا لي 

يونس: طبعا.... انا شوفت المشروع اللي مقدماه الشركه بتاعت حضرتك والمشروع ممتاز جدا 

يعقوب: افهم انك موافق تكون الشركه بتاعتك شريكه مع الشركه بتاعتنا في المشروع دا 

هز يونس راسه بهدوء وقال: طبعا مشروع زي دا مهم وهيفيد البلد ف اكيد موافق 

يعقوب بابتسامة خفيفه: ممتاز جدا 

وطلع يعقوب ملف من الشنطه اللي كان ماسكه وحطه قدام يونس.. خده يونس وفتحه فقال يعقوب: الملف دا فيه كل حاجه بخصوص المشروع بالتفصيل.... شوف الوقت المناسب لحضرتك ونبداء بالتنفيذ 

بص يونس شويه في الملف وقفله وحطه قدامه وقال: تمام اوى انا هظبط المواعيد عندي وهبقا ابلغ حضرتك 

هز يعقوب راسه بتفهم وقام وقال: تمام وانا بانتظار مكالمتك.. مع السلامه 

يونس بهدوء: مع السلامه 

وطلع يعقوب من المكتب فتح يونس الملف من تاني وبداء يشوفه بتركيذ اكتر ويشوف اهم التفاصيل فيه 

*********

في حوش المدرسه وقت الاستراحه... بصت نور ولاحظت حزن بسمه فقالت: انتي ليه دايما بشوفك سرحانه و زعلانه كده انها بقينا اخوات دلوقتي تقدري تحكيلي علي اللي جواكي 

بسمه بحزن و دموع: انا موجوعه اوي يا نور ومش عارفه اعمل ايه 

حطت نور ايديها علي كتف نور بحنان وقالت بحزن: مالك احكيلي طيب 

حكت بسمه عن قصتها مع حمزه وانهت كلامها وقالت بحزن: مش عارفه عمل معايا كده ليه معقول يكون فعلا مش بيحبني 

نور بتفكير: احتمال 

بصتلها بسمه بدهشه اضافت نور وقالت: بس احتمال كبير لا... هوا عمل كده عشانك وعشان هوا بيحبك مش عايز تتعذبي معاه وتطلعي من عيشة الاميرات اللي انتي عيشاها وتعيشي معاه فعذاب كل يوم ودي اسمها تضحيه عشان انتي تعيشي مبسوطه بس هوا هيتعذب اوي قصاد انه يشوفك مبسوطه وعايشه مرتاحه 

بسمه بدموع وحزن: انا عمري ما هرتاح الا وانا معاه انا من غيره بموووت 

نور بحزن: انتي مش شايفه انك صغيره علي كل دا 

بسمه بدموع: الحب مبيعرفش سن.... ممكن تقعي في الحب في اي سن صغيره كبيره مش هتفرق.... انتي مش بتحبي 

سكت نور شويه بعدين هزت راسها بـ لا 

بسمه: هيجي يوم وهتحبي وقتها هتعرفي انا حاسه ب اي دلوقتي 

نور: يعني كل المشكله دلوقتي ان مش بيشتغل شغل مناسب و راتبه قليلا 

هزت بسمه راسها وهيا بتمسح دموعها... سكتت نور شويه بعدين قالت: سيبي الموضوع عليا انا هفكر فيه يمكن الاقيلك حل 

بسمه بأمل: بجد يا نور 

نور بابتسامة: ان شاء الله 

حضنتها بسمه جامد وقالت: بجد مش عارفه اقولك ايه 

حصنتها نور وقالت: مش لازم تقولي حاجه احنا اخوات يا بت

****

بعد ما خلص دوام المدرسه..... طلعو كل الطالبات افتكرت نور انها نسيت الدفتر بتاعها فوق وهيا محتاجاه فرجعت بسرعه عشان تجيبه.. بصتلها بسمه وقالت: انتي رايحه فين 

نور وهيا بتطلع علي السلم من غير ما تبصلها: هجيب الدفتر من فوق نسيته روحي انتي انا جايه وراكي 

هزت بسمه راسها ونزلت.... دخلت نور الفصل وراحت التخت بتاعها واخدت الدفتر فجأه حست بايد بتحاوط حصرها بعدته بفزع وخوف وانصدمت لما شافته المستر اللي بيدرسها فقالت بغضب وقوه عكس اللي جواها: في اي يا مستر اي اللي انت عملته دا 

المستر وهوا بيبصلها برغـ به: متخفيش مش هأذيكي تعالي معايا هفسحك واجبلك كل اللي انتي عايزاها 

رجعت نور لورا بخوف وقالت: انا مش عايزه حاجه سيبني امشي 

قرب منها وهوا بيسحبها ليه بقوة وهوا بيحاول يبوس*ها وسط صراخها وهيا بتحاول تبعده عنها وبتعيط جامد 

يتبع