- خير يا سيادة الملازم؟

=  لو سمحت يا سيادة العقيد انا عاوزة اقدم شكوي ف الملازم لين عدلي بسببها خسرنا المهمة دي عشان لو هنتعرض لأي نوع من العواقب يبقي السبب واضح هي السبب مش احنا

- هي السبب إزاي؟ وضحي كلامك

= صْربت نا*ر على الهدف من دماغها من ان المقدم ياسين نبه علينا محدش يتحرك او يعمل اي حاجه لكن هي فجأة اشتبكت معاهم كأنها القائد!  و بتدي إشارة لو مش مصدقني تقدر تسألها وتسأل الكل.

العقيد بغضب: اتفضلي انتي

"مريم لفت ضهرها و ابتسمت بشر وبعدين مشيت"

>>>>>>>>>>>>>>>>>>>>>>>>>>>>>>>>>>>>

صلي على محمد

" الساعه 7 الصبح "

ياسين: ثابت احنا هنسخن انهارده و نلعب ماتش ملاكمه عشان في ماتش كبير بليل

عمر: بليل؟ اومال هنام امتي!

ياسين بصله و مردش: ابدأو جري

لف لقي العقيد قدامه: ياسين عاوزك ف مكتبي

" قال جملتة و مشي و ياسين شاور للمجموعة تكمل جري و راح وراه العقيد "

- تمام سيادتك

= طبعا انت عارف موضوع لين و مريم 

- عن اية بالظبط؟

= الورق بتاع مريم الى لين خدته واعتقد انهم كانو سوا فالتقديم

- ايوا

= الامور بينهم مش احسن حاجه مريم جاتلي المكتب وقالت ان لين سبب فشل المهمه و انها اتعاملت معاهم فالأول من غير إشارة منك و واضح جدا انها عايزه ترد الى لين عملته معاها بأنها توقعها في مشكلة

- ده حقيقي.. و حقيقي كمان ان لين اتصرفت من غير اشارتي.

= و الكلام ده متذكرش ليه اول لما جيت؟

ياسين بذكاء: ماهو قولت لحضرتك هما كشفونا من الجبل انا بس محكتش تفاصيل لين صْربت عليهم الأول لما شافت واحد منهم موجه سلا**ح ناحيه عمر و فاطمه و مريم لكن هما ميعرفوش ده هما فاكرينها غلطت هي قالت لي ده لما رجعنا لاني كلمتها بتحذير و لفت نظرها ان الى عملته مش مقبول

= برضو كل دا مشرحتهوش ليه؟ 

- سيادتك انا مكنتش لسه عارف هي عملت كدا ليه ؟

لأننا كنا بنشتبك معاهم اول ما صْربت واحد وفيهم

و يادوبك وصلت هنا حضرتك واللواء طلبتوني وانا اكيد مش هحمل ملازمه جديدة مشكلة دي مش طريقتي ابدا و سيادتك عارف انا مش برمي مشكلة على حد 

= اها كمل وبعدين ؟

- بعدين سألتها عملت كدا ليه وقالتلي وقبلها

اتكلمت قدام الملازمين كلهم و تقبلوا الموضوع و رفضوا انها تتعاقب لوحدها مع ان هي مفروض متتعاقبش يعني لكن انا مش هاخد و ادي معاهم واقعد اشرحلهم  ومع ذالك محدش عندة مشكلة غير مريم عشان زي ما حضرتك قولت لسه شايله من لين

= تمام دلوقتي الأمر وضح ، و كدا علاقة مريم و لين دي مرفوضة و لازم تتحل.

- يبقي واحده فيهم تتنقل حضرتك ده اسلم حل!

= و ليه ميتفقوش ؟ لازم يكونوا فريق اتمني تعمل ده و ان مقدرتش نلجأ لقرار تحويل حد فيهم

- تمام سيادتك

= ياسين مهمة بليل دي تبان بسيطه لكن اقل غلطه فيها هتعمل مشكلة!

- ان شاء الله مفيش اي غلطات.

" خرج يبص عليهم و بدء يركز مع نظرات مريم ل لين و بيفكر هيعملها ازاي و يقربهم؟! " 

- ثابت احنا كنا مفروض هنكمل ملاكمة لكن عاوزكم

ورايا على مكتب الاجتماعات

"اتحركوا وراه و مكنوش فاهمين في اية قعدوا في الغرفة المخصصه للاجتماعات وياسين بدء يتكلم"

- اسمعوني كويس بقي احنا بعد يومين او اقل هنبقي في تل أبيـ. ب في فلـ...طين

"الكل اندهشوا من كلام ياسين ليه هيوديهم عند مقلب الز*با**لة دول؟!"

" و لين اول ما بدء يتكلم سرحت و مكنتش معاهم خالص و بتفكر فحاجات تانيه..!!!! " 

عمر: ايه! هو مسموح لينا ندخل هناك اصلا!؟؟

ياسين: اكيد مسموح لينا و احنا مش هندخل بشخصيتنا المعروفة طبعا

فاطمة: ازاي؟

ياسين: الدخول للبلد هناك للمصرين من غير تأشيرة بس ما علينا احنا كدا كدا هندخل زي الأشـ. باح دخولنا مش هيتسجل عندهم لأننا هندخل بطريقة خاصة 

عمر: شامم ريحة مسلسل فرقة ناجي عطاالله 

احمد: قصدك فرقة المقدم ياسين!

ياسين: مش عايز تهريج! احنا هنقعد هناك اسبوع و الأسبوع ده اي غلطة فيه قد كدا مش اوبشن اصلا فاهمين يعني ايه؟ 

"ياسين لاحظ سكوت لين و انها مش مركزة"

- لين؟؟؟؟؟؟

" لين فعلا كانت فاصلة عنهم فعلياً و فعالم تاني  مسمعتوش "

خبط على المكتب: ليااااان! 

فاقت بسرعه وبصتله بأنتباه: ايوه يافندم

- احنا بنتكلم فحاجات مهمه و حضرتك سرحانه؟

= اسفة

" بدء يمكل و هي حاولت تركز معاه لكن تفكيرها شغال برضو في حاجات تانية "

زين: يعني سيادتك احنا مفروض نقعد هناك اسبوع و مش هيتعرف ازاي وجودنا؟! 

- لأننا هنبقي بعيد عن الكاميرات و الأنظار عمتاً انا عارف كل شبر هناك و معانا معلومات الكاميرات فين وهنغير شكلنا طبعا و كذا حاجه تانيه و هيفضل في تواصل بينا مع القيادة.

مريم: و طبعا هنستخدم طريقتنا الخاصة فا اننا منتكشفش هناك؟ و نتحرك بشكل معين 

- بالظبط اعتقد كل ده معروف و تم تدريبكم عليه؟ 

الكل رد: اكيد يافندم

"جميلة بعد صمت قررت تتكلم"

- في مشكلة

ياسين بصلها بأستخفاف: مشكلة اية ؟

= جهاز المخابرات عندهم هل عندنا علم بيه؟ يعني اي يضمنا اننا مناقبلش حد منهم و يتعرف علينا 

و هيتسجل عندهم وقتها وجودنا و هيخدوا حذرهم

ياسين ضحك: جهاز المخابرات بتاعهم ده ميسواش حاجه بالنسبالنا والكلام ده من وقت ما علمنا عليهم 

ف 73 و قالوا بلسانهم ان صْربتنا ليهم المفاجأة عبارة عن زلزال حصل عندهم و اتفاجئو كمان بالأسـ. حلة و الصْرب الى نزل عليهم من كل حتة

احمد بفخر: حتي الجيش بتاعهم مجرد لا شيء لأنهم اصلا لاشيء و احنا فقوة الجيش متصنفين أعلى منهم ده لو كان ليهم وجود من الأساس 

"لين بتسمعهم و مبسوطه بشعورهم تجاه كوم الز*باله"

عمر: تمام يعني كدا مفيش مشاكل اتمني حضرتك بقي  تشرح لنا طبيعية المهمه الصعبة دي.

ياسين: الي وصلنا ان للأسف في معلومات هتتسرب لهم و ده من خلال حد اتزرع عندنا نتمني ميبقاش حْاين لكن احنا متأكدين انوه لسه موصلهمش اي حاجه المعلومات دي موجوده على فلاشة و في معاها ورق مهم برضو

لين: هنجبهم ازاي و احنا منعرفش هويه الشخص ده؟؟

ياسين: عارفينه معانا صورتة و عارفين هيبقي فين وهنوصله كده كده الفكره بس ف اننا نوصلة قبلهم و من غير ما يعرفوا كمان و نرجعه معانا هنا لو قدرنا 

لين: طب ازاي هو عندهم و مقدروش يوصلوا له اصلا؟؟

ياسين: لا الموضوع مش كدا هما بيتمسكنوا لحد ما يتمكنوا و مش هيستخدموا العـ. نف معاه غير لما يخدوا المعلومات دي ، منعرفش اي سبب انوه مسلمهاش ليهم لكن سواء طلع حْاين او جاسو* س من عندهم احنا مش هنرجع من غيره يا اما هنخلص عليه هناك.

احمد: طب معلش حضرتك ف حال اتكشفنا

عمر: هي دي فيها سؤال؟! رقبتنا هطير يا احمد! 

ياسين: مفهاش نتكشف قولت مفيش اوبشن نفشل 

مريم: هنطلع أمتي بالظبط سيادتك ؟!

ياسين: بعد يوم ونص يعني 36 ساعة هنكون في البحر في طريقنا ليهم مفهوم؟ 

دولقتي هتعتبروا انكم ف اجازة تقدروا تتحركوا بره المبني واكيد تزوروا اهلكم و يعرفوا اننا هنغيب أسبوع و باقي المعلومات هنتكلم فيها بعدين.

= تمام يافندم

" لين كانت مستنيا السفر ده بفارغ الصبر و بدأت تخطط لكل الى هي عاوزاه بعد ما خرجوا من الاجتماع و الكل مشي من المبني إلا هي فضلت فيه " 

" و فات من الوقت 10 ساعات "

**********************************

( استغر الله العظيم واتوب اليه )

" تاني يوم الساعه 7 الصبح في الحلبة "

- يعني مروحتيش البيت زي باقي الملازمين؟ 

"لين بصت وراها لياسين و كملت تمرين"

= مانا روحت قبل كدا و بعدين مش عاوزة اقلقهم عليا

- و صاحية تتمرني لوحدك؟!

= اتمني اللقي منافس بس محدش هنا غيري!

- طب تعالي ورايا 

= على فين؟

- علي البسين.

******************************

( الحمدلله علي كل شيء. )

" ادينا نزلنا البسين و بعدين بقي انا كنت عايزة اللعب ملاكمه احسن عشان لو اتخانقنا هناك "

ياسين بصلها بتركيز: لين

- نعم؟

= اتمني تخلي بالك من نفسك هناك لأني بحس انك متهو**رة حبتين

- حبتين تلاتة

= بتكلم جد حطي في بالك اننا بعيد اوي عن ارضنا خلي ده في حساباتك فاهمه؟! 

- فاهمه سيادتك ، مش كفاية سباحه و نكمل ملاكمه؟

= انتي كويسة جدا في الملاكمه مش محتاجه تمرين الى محتاجه تبقي كويسة فيه السباحه

- اشمعنا! 

= احنا لما نوصل عند حتة معينه فالبحر بكره هننزل نكمل عوم فا اعتقد تتمرني في البسين احسن

بصدمه: ايه! حضرتك مقلتش كدا فوق هنعوم في البحر؟

= ده الطبيعي و محدش هيبقي عنده مشكلة غيرك لأن كل زمايلك بيعرفوا يعوموا كويس جدا

بخفوت: اها 

= متقلقيش همرنك تعملي اية بالظبط

" و فعلا كنت طول اليوم الى فاضل بنزل البسين و المقدم ياسين بيعرفني اعمل اي بالظبط و ازاي اتصرف فالمياه و كل التفاصيل لحد ما بدأنا نطلع اليخت و اتحرك بينا " 

*******************************

( اللهم صلي وسلم وبارك على سيدنا محمد )

المقدم ياسين: عاوزكم تسمعوني بتركيز يا رجالة

" الكل انتبه وبصله  "

- عارف انكم مشدودين شوية ده طبيعي احنا هنخرج بره ارضنا ، لكن ده اختبار حقيقي لازم يتعمل و محتاج اوضح حاجه كمان العقيد لما طلبني مكتبة قال على المهمه دي بسيطه

"بصوا لبعض بستغراب"

عمر: حضرتك بتقول مفيش مجال للغلط و احتمال رقبتنا تطير هناك و هنروح عند اليهـ.و** د و نجيب واحد قبلهم و كل ده و بسيطه؟! 

ياسين: ايوا بسيطه و دي حقيقة ،  احنا عدينا بمهمات تعتبر انتـ.حارية احنا جه وقت كنا محتاجين ندخل جوه الموسـ .اد عند جهاز المخابرات بتاعهم يعني نعدي وسط الظباط و منتكشفش

زين بذهول: و عملتوا كده؟

ياسين: عملنا

لين ركزت جدا: ازاي ؟

ياسين: لا بعدين لسه شوية عالحاجات دي ، المهم انا بقول كلامي ده عشان بس تخدوا بالكم و تعرفوا ان الموضوع مفهوش اي هزار  و انتوا قدها انا شايف ده

خالد: كان عندي سؤال

- اتفضل

= افرض حصل و اتكشفنا حتي القيادة مش هتعرف ترجعنا ؟ 

- لاء احنا لو اتكشفنا مش هنقول احنا تبع اي اصلا يا خالد! ولا اي بلد

مريم: اها مش مسموح لينا نقول اي معلومات عشان سمعه البلد طبعاً

- بالظبط

فاطمة: طيب الاجهزة بتاعتنا هننزل بيها المياة ازاي

- مش هناخدها معانا هتوصل بطريقة تانيه و سط حاجات رايحه فلـ..طين و هنخدها من هناك هتوصل بري يعني مش بحر 

لين: في اي حاجه سرية تانية في المهمه دي 

ياسين: هي كلها سرية ، في حاجه بسيطه احنا طبعا كلنا معانا لغة عبري و انجلش 

الكل: تمام

ياسين: حد يعرف لغات تانيه؟! او ممكن يقول كام جملة بلغة تانيه ؟

زين: اعرف شوية فرنسي

لين: روسي و حاجات بسيطه ألماني 

جميلة: ألماني برضو

احمد و خالد: إيطالي 

عمر بصلهم: انا ساده معيش غير عبري و انجلش 

ضحكوا و ياسين اتكلم: كويس جدا عمتاً في حتت هنروحها مش هنتكلم فيها عربي خالص ده لو مكنش طول الأسبوع يعني 

= تمام يافندم.

*******************************

" بعد ساعات وصلنا للمكان الى هننزل فيه جهزنا نفسنا و كان النهار بيروح و محتاجين نلحق الوقت.. نزلنا و اليخت اتحرك بعيد عننا و بدأنا نعوم و كان معانا أكسجين عشان في وقت معين هننزل فيه تحت المياة "

" و فعلا وصلنا بعد الغطس و طلعنا على مكان غريب جدا و انا كان نفسي بيروح و معرفش مالي! " 

زين: لين انتي كويسة؟ 

ياسين قرب: في اية؟ 

زين: هي تقريبا مش عارفه تاخد نفسها 

ياسين: لين ركزي معايا احنا خرجنا خلاص! و لازم نتحرك حالاً

"كلهم بقوا قلقانين و لسوء الحظ فاطمة وقعت منهم خالص و مبقوش عارفين يلحقوا مين"

ياسين: فوقوها بسرعه مريم اعملي لها تنفس صناعي !!

رجع بص لـ لين و زعق: ليااااان فوقي !!

"و في وسط كل ده جه صوت تخين من وراهم اتكلم باللغة العبرية"

- מי אתה ומה אתה עושה כאן

ترجمه: انتوا مين و بتعملوا اية هنا ؟؟؟! 

***********************************

" صلي على محمد "

ياسين ساب لين وبص ل زين: زين خليك معاها

" بدء يتكلم معاه بالعبري و سألة عن اسمه بطريقة معينة عشان يعرف هو غريب ولا لاء"

رد بالعربي وفهمه: انا سامح انت المقدم ياسين مش كدا؟ 

"الكل اتنهد بأرتياح انه طلع معاهم"

" ياسين رجع بص ناحيه لين كانت بتاخد نفسها وبتقوم"

سامح: مفيش وقت لازم نتحرك ياباشا و إلا هيحصل مشكله

ياسين قومها و بص لجميلة الى مغم عليها: مفيش وقت فعلا احمد شيلها

"خالد برقله مرة واحده"

احمد: ايه؟! مين انا؟؟... ءءء اصلي عندي شد عضل يادوبك شايل نفسي 

خالد قرب وشالها بدون مقدمات: يلا بينا 

واتحركوا كلهم مع سامح من طريق يعتبر تحت الأرض: نورتوا فلـ. طين يا باشا

ياسين: الحاجة بتاعتنا وصلت؟! 

سامح: كله تحت السيطرة 

مريم: فاضل قد اي و نوصل ؟

سامح: احنا خلاص وصلنا 

" بصلوا كلهم كان بيت بسيط و حولية بيوت صغيرة و يعتبر مهجور شوية و البيوت بعيد عن بعض "

مريم: احنا هنقعد هنا؟!

سامح: اها لحد ما نجيب العربية تبعنا و ناخدكم بيت تاني في مكان مستخبي شوية

فاطمه: طيب يجماعة يلا ندخل نغير الهدوم المبلولة دي هاتو جميلة

" دخلوا البنات و معاهم جميلة الى كانت بدأت تستوعب الى بيحصل حواليها "

********************************

" صلي على محمد "

- المكان هنا هادي دلوقتي محدش هيجي خليكم جوا كلكوا عبال ما اشوف العربية اتأخرت ليه اها و في اكل جوا يا ياسين باشا

= تمام

"سامح اتحرك و ياسين عمل مكالمه للعقيد"

- طمني اي الأخبار 

= وصلنا اهو

- عملتوا اي حاجه؟ 

= لسه مستنين العربية اهو و بعدين هنرتاح  و نكمل 

"العقيد مكنش متعود ياسين يتكلم عن الراحه"

- ترتاحو؟ حد حصله حاجه؟! 

= لا ابداً كلنا تمام بس هما تعبانين شوية من المياه ، لكن متقلقش انا هرتب كل حاجه

- اللواء محمود عبد الرحمن لسه قافل معايا و قلقان جداً يحصل حاجه مش مترتب لها خصوصاً انهم لسه مستجدين.

= لا سيادتك متقلقش لو كنت شايف انهم مش قدها مكنتش هطلع المهمة دي لكن حضرتك أول ما قولتلي مترددتش لأني واثق فيهم.

- طيب يا سيادة المقدم و احنا واثقين فيك

" قفل معاه و قبل ما يدخل لقي رقم تاني بيرن فضل ثواني يفكر يرد ولا لاء  رد و استني يسمع الى هيتكلم " 

- حبيب قلبي وصلت بالسلامه ولا اية ؟ 

= الله يسامحك يا آسر! ده وقته؟ اقفل يعم

- استني بس ياعم بطمن الله

= جبت الرقم منين  اصلا؟ 

- جرا اية مستقل بيا؟. 

= انت وصلت ألمانيا؟ 

- اها انت عامل اي مع اليهــ ود

= لسه هعمل انت عامل اي مع المافيا عندك 

- لسه بنحاول نهـ. كر الاجهزة عشان نوصلهم اهو

= طيب انا هقفل دلوقتي الوقت مش في صالحي خالص حالياً لا إله إلا الله 

- محمد رسول الله.

قفل بعد ما لقي لين خرجت وقرب عندها: بقيتي كويسة؟ 

= الحمد الله و فاطمة فاقت ادخلوا غيروا انتوا سيادتك 

" دخلوا غيروا بسرعه و حطوا الاكل " 

خالد خرج يناديهم: ادخلوا بقي 

- جميلة انتي كويسة؟ حاسه بحاجه؟

= لا انا تمام يا خالد شكراً

دخلوا و بعد ما ياسين خرج زين حدف التي شيرت بتاعه ف وش احمد: شوفت خالد كان هياكلك لو قربت للقطة 

خالد بصلهم: لا انت وهو هتحفلوا هزعلكوا

احمد: اوبا الواد واقع خالص

عمر مكنش مركز وسمع كلمه واقع: لا تقع فين مش وقتة يحبيب اخوك ياسين قال الى هيقع هنسيبه ونمشي!

"كلهم ضحكوا"

زين: انت فالمهلبيه انت اسكت 

خالد: متهزروش يجدعان بقي 

ياسين دخلهم و البنات دخلت و بدء يتكلم: بصوا جوا هنا آمن اكتر محدش يخرج او يعمل حاجه ملفتة و ياريت ناكل بسرعه عشان نتحرك

عمر: اكل اي انا مش قادر انا حاسس اني لسه بعوم فالبحر و بطني هتموتني

ياسين طبطب على كتفه: لازم تاكل يا عمر بيه عشان لو حد وقع تاني هنسيبه ونمشي طبعا عارفين

عمر بتمثيل الحزن: هتتخلوا عني! و انا مريض كمان؟

مريم: بكل سهولة كمان 

عمر: تمام اوي الساندويتش ده بيقول اية وريني كدا

" شد من مريم الساندويتش و قطم منه وهي بصاله بغيظ و ذهول" 

عمر بأبتسامه سمجه:  انتي هتفضلي بصالي شوفيلك غيره؟ يلا يا حببتي يلا كلي لحسن تقعي انتي كمان

مريم: دمك يلطش شبه د*م الصراصير بالظبط

زين: الصراصير معندهاش د*م يا مريم

مريم: فعلا زي عمر 

عمر بص لزين: اسكت! اسكت كلامك بيجيب مشاكل

احمد شد هو كمان ساندويتش من لين فا راحت مزعقه: هات يعم الساندويتش بتاعي! 

ياسين: شششش ايه متخرجوا تزعقوا برا احسن!

لين بصتلة بطفوليه فظيعه: خليه يديهوني !!

ياسين: متخدي غيره !

لين: لاء انا عايزة بتاعي! 

ياسين مد له ايده بنفاذ صبر: هات يا احمد الساندوتش 

"احمد رجعه و قعد يضحك على ردة فعلها"

مريم: شوية عيال!! 

جميلة: كل واحد يخلي باله من ساندوتشه

خالد: انا هطلب بأدب ممكن حتة؟! 

جميلة قسمت الساندويتش بينهم

و احمد بص لـ لين: عاوز انا كمان مومكن؟!

لين: لاء 

ياسين: خلصوا العبث ده انا سامع صوت عربية يلا اتحركوا و هاتوا الساندويتش معاكم اصلنا فالمدرسة هنا

" و فعلا كل واحد خرج بباقي أكله و كانت العربية وصلت و ركبوا فيها   "

***********************************

( أستغفرك ربي وأتوب إليك انه لا يغفر الذنوب إلا أنت )

" في بيت لين " 

- انت بتقول اي يا علي فهمني؟؟؟!

= انا نفسي مش فاهم معرفتش ادخل المبني مع اني دخلت قبل كده و بيقولوا محدش جوه كلهم في شغل

- يعني راحوا فين! 

= انا مش عاوز اقلقك لكن هما تقريبا يعني نزلوا عمليات كدا شغل 

- عمليات! يبقي لازم تتصرف وتعرف هي فين! ، كلم العقيد مدحت كان صديق عدلي الله يرحمه

= مش معني انوه كان صديق لبابا يبقي هيديني معلومات بسهولة يا ماما

- انت هتسأله عن بنتي ! معلومات اي الى بتتكلم عنها دي انا لازم اطمن عليها و ترجعلي يا علي فاهم؟؟ 

= انا كنت هرجعها لو لقتها لكن دلوقتي مش عارفة بس قبل ما اروح شغلي هكلم الى نعرفهم عشان اقابل العقيد بتاع المبني نفسه هو اكتر واحد ممكن يفيدني 

- ايوه روحله و قوله ان لين مش كويسة و عندها صدمه من وقت مو**ت ابوك 

= تقصدي اية؟

- اقصد تقوله انها مش واعيه لو وصلت تقول مجنو**نه اعمل كدا عشان يخرجوها من هناك خالص!

علي بصلها بستغراب:  لكن ده مش حقيقي !! لو عملت كدا لين هتعند اكتر معانا

بدأت تزعق وكانت صحتها فالنازل وصوتها رايح: مش حقيقي؟؟  والى كان بيحصلها و هي نايمه؟ و الصويت و السريخ فالحلم ده الى طبيعي؟ انت مش حاسس بيها!! لكن هي مش طبيعيه!! وفي حاجه في دماغها بتسعي ليها 

- ماما ارجوكي اهدي افهميني اقصد احنا كدا بنعقدها زيادة و لو لين عرفت احتمال  تهـ. رب و مرجعش لنا للأبد 

- وهي هتعرف منين! محدش هيقولها حاجه من كل ده يا علي هو يتصرف و يقولها اي حاجه ! 

= حاضر بس ممكن تهدي! 

زعقت: انا مش ههدي غير لما تجبهالي هنا!! 

- هاروحله بكره صدقيني و هعمل الى انتي عاوزاة بس اهدي عشان صحتك و الضغط

" وفعلا علي قرر المرة دي ينفذ كلامها كله لأنها كانت بتتعب و حالتها عماله تسوء "

***********************************

( سبحان الله وبحمده سبحان الله العظيم )

" في فلـ . طين كانوا وصلوا بالعربية و دخلوا المكان "

سامح: في هنا اوضتين كل اوضة سريرين كبار و فرش و عمتاً لو احتجتوا اي حاجه كلموني 

ياسين: متأكد المكان امان

عمر كان متابع الحوار و ميل على زمايله: احنا وسط صحرا تقريبا يا رجالة!! هوا أمان اكتر من كدا؟؟ و لا سيادة المقدم خايف علينا من الرمل!؟

زين: اصبر بس احنا هنقعد هنا اسبوع ازاي! 

" سامح سلم على ياسين و اتحرك و هما دخلوا حاجتهم و دخلوا ينامو بعد ما ياسين قالهم معاهم راحه كام ساعه عشان لازم ينزلوا بليل."

_________________________

" في مكان تاني "

- انت بتعمل اي يا دنيال ؟ 

= بحاول اكلم جابر مش بيرد

- انت عاوزة ف اية ؟ 

بعصبيه: مش شايف انوه اتأخر علينا يا ديفيد

= يعني هو هيروح مننا فين سيبه

- لازم يجي البار انهارده و نتكلم معاه و يعرفنا المعلومات فين عاوزين ننفذ العملية ! 

= سبلي انا الموضوع ده 

***********************************

( الحمد لله )

|| بعد اربع ساعات | الساعه 8 مساءً ||

ياسين: انتوا فايقن؟؟

الكل: تمام يافندم

ياسين: دلوقتي بقي هنشتغل على الإجهزة دي طبعا احمد و خالد معاهم شغل البرمجه و غيره و متخصصين فيه هندور ف اماكن معينه على الهدف بتاعنا اسمه جابر بجانب حاجات تانيه

لين: حاجات زي اي؟! اشرح لنا سيادتك 

ياسين: يعني انتي و مريم و جميلة هيجي لكم لبس معين و حاجات تغير في شكلكم شوية عشان هنطلع معاكوا انا و زين على بار 

جميلة: ده عشان اي؟ 

ياسين: عشان عاوزينكم تقربوا من الى مشغل جابر اسمه ديفيد و معاه واحد تاني اسمه دنيال دي صورتهم ،

احنا هننتشر هناك كأننا مش مع بعض و تلفتوا الأنظار لحد ما هو الى يطلب واحده فيكوا عشان ميشكش فينا 

مريم: اها هو لامؤاخذه يعني هيطلبنا عشان...؟

ياسين: بالظبط كده و اظن برضو كلنا مدربين على الكلام ده ولا اية يا زين ؟

زين: اكيد انا اقدر اوقع اي واحده هناك .

ياسين: كويس لأننا عاوزين نتكلم مع الى كان يعرفهم قبل كدا عشان هو بيشغل البنات فحاجات مش*بو*هه

عمر: و انا هعمل اية بقا ؟ 

ياسين: انت و فاطمه هتكونوا هنا حراسه مع احمد و خالد عشان لو حصل اي حاجه و هما بيهكـ. روا المعلومات الى احنا عاوزينها 

حمد: بس حضرتك اننا لازم نكون قريبين من شبكه و حاجات

ياسين: الاجهزة الى معاك هتساعدك على ده احنا اكيد مش جاين لحد فلـ. طين نفسها من فراغ 

خالد: فاهمين عشان نقدر نطلع معلومات موثوق فيها

ياسين: بالظبط 

لين: بس سيادتك قولت مينفعش حد يعرفنا 

ياسين: مانا قولت هنغير في شكلنا في حاجات هتمحي ملامحنا خالص ميكب و غيره هنعملها بنفسنا بسهوله

مريم: تمام اعتقد نبدء 

ياسين: اها يلا نجهز و هكلم العربية تيجي 

" و بدأ ياسين يحط زي شنب و دقن و يلبس حاجات معينه هو و زين لحد ما غيروا فشكلهم فعلاً و البنات حطوا ميكب و عدسات و لبسوا باروكة غير لون شعرهم لحد ما فعلا شكلهم اتغير اكتر من زين و ياسين كمان." 

جميلة: احيه شكلنا صايع اوي! 

مريم: شكلنا بنات يا حببتي 

لين: قصدك فتيات ليل

"جميلة ضحكت و خرجوا هما التلاتة و الملازمين تنحوا و بالذات خالد مع جميلة.."

ياسين بص للرجالة: مش احنا مدربين نمسك نفسنا برضو ولا انا بيتهيألي؟؟ 

" اتحمحموا كلهم و البنات ضحكت عليهم "

"ياسين خرج علبة و بدء يوزع عليهم حاجه صغيرة جدا لونها اسود"

- دي سماعه كلنا هنلبسها و هنسمع بعض طبعا بتدخل جوه الودن مش بتتشاف كدا كدا حجمها صغير 

= تمام.

" و خرجوا مع ياسين و زين و كل واحد كان بينفذ الى ياسين قال عليه "

************************************

" في البار و صلوا كلهم و مدخلوش سوا ياسين دخل فالأول و بعدين دخلوا واحد واحد وراه بعدوا عن بعض و بدأو يتكلموا فالسماعه " 

لين: انا شايفة ناس كتير فين ديفيد ده؟؟ 

ياسين: ركزي هتلاقيه ف ركن لوحده فالزاوية عالشمال 

جميلة: جماعة ده يعتبر قدامي

زين: و انا كمان 

مريم: تمام انا كمان شوفته 

ياسين: خليكوا مركزين من بعيد و شايفينه لكن محدش يقرب عند البار غير جميلة دلوقتي

" وفعلا كله كان بعيد و جميلة بتحاول تلفت النظر ليها عشان يبصلها بتفرك كتير و بتضحك بصوت عالي جدا بس هو مش مركز معاها " 

جميلة و هي بتحاول متبينش انها بتتكلم: اعمل اي ؟ 

ياسين: خليكي قدامه يا جميلة و انت يا زين تابعها

مريم بصت قدامها بصدمه: سيادة المقدم!!! 

ياسين رد: في اية؟ 

مريم: انا شايفة جابر قدامي !!!!! ده داخل يسلم عليهم

مريم: حضرتك سامعني؟؟

ياسين بلهفه: محدش يتحرك لحد ما اتكلم جميلة خليكي مكانك و اقفي عادي 

" ياسين بص بسرعه ناحيتهم يتأكد هو جابر ولا لاء وقبل ما يتكلم لقي لين بتقرب من الترابيزة بتاعتهم "

ياسين و هو بيحاول يهدا عشان ميلفتش الانظار بص للأرض واتكلم بعْضب مكتوم: لين ارجعي حالاً اوعي تتحركي خطوة واحده ناحيتهم!!!!!

" لين سمعته من السماعه و لكن ابتسمت و راحت عندهم و سلمت على ديفيد و قعدت "

" ياسين قبض ايده و كان عاوز يكـ. سر اي حاجه قدامه"

مريم: اية الغباء ده هنتصرف ازاي دلوقتي!!

يتبع..