بدأ الهجوم على العصابه واشتبكت مع رجاله الشرطة وكان احمد بيحاول ينفذ الخطه ويحاول أن ميكونش فيه خساير ف الأرواح خصوصا بعد معرف أن فيه كذا بنت غير هناء مخطوفين برضوا

احمد لأحد زملائه:انت هتفضل هنا يا قاسم انا هحاول احرر المخطوفين ولو معرفتش هلهيهم وانت تبدأ بالخطه البديله انا مش عاوزة غلطات ياريت ننهي المهمة بدون خسائر

قاسم :لا يا احمد انا مش هسيبك لوحد انا معاك انت ليه محسسني أن الي جوا دول اهلك ليه بايع روحك المره دي

احمد:مش وقت كلام يلا مفيش وقت انا اخترتك انت بذات لانك بتنفذ كلامي بدون مناقشه وكمان لأن ايدك حلوه ف النيشان

قاسم حب يتكلم بس احمد شاور بايدوا يعني خلاص

بدأ احمد يتسحب عشان يشوف الغرف الي ممكن يلاقي هناء والبنات التنيين فيها بس كل ما يخطئ كان بيدعي أن ظنه ميخبش ويلاقيها وتكون بخير بس استغرب نفسه هو ليه خايف عليها اوي كدا ودعي ربنا انها تكون موجوده وفجاه بص لقي شويه بنات متكتفين وتقريبا بيعيطوا اول ما شافوه شاورلهم🤫🤫 وكان فيه واحد واقف ماسك مسدس وفجاه احمد ضربه بقي ف الأرض وابتدي يفكهم واحدة واحدة وسأل واحدة منهم فيه حد تاني قالت لا احمد استغرب وخاف طب ازاي وهناء هتكون راحت فين بس فيه بنت قالتلوا انا سمعتهم بيتكلموا ع واحده وأنها محبوسه ف الاوضه الي اخر الطرقه سمعتهم بيقولوا انها متوصي عليها جامد فاللحظه دي احمد اتاكد انها هناء

احمد :تعالوا ورايا واخدهم وابتدي يخرجهم ورجع هو عشان يشوف هناء

ف نفس الوقت علي سمع صوت الرصاص ونده ع واحد من رجالته

علي: ايه بيحصل برا

الراجل:البوليس برا وبيقتلوا فينا يا باشا

علي: اغبياء يلا روح شوف السلاح الي عندك وكلم رجالتنا

الراجل: حاضر يا باشا طب والبنات

علي :مش مهم لو الي ف بالي صح يبقي انا مش عاوز غير واحده بس هي كارتي الكسبان يلا غور من وشي

علي ف نفسه ولله لو انت يا جندي ما هرحمك حتي لو فيها موتي انت الي جيت لقضاك

راح علي فتح باب الاوضه الي فيها هناء ومسكها من حجابها لدرجه انها صرخت باعلي صوت وأحمد سمع صوتها وبقي يمشي ف اتجاه الصوت

علي وهو مازال ماسكها:شوفتي اني كنت ع حق لما قلت انو الهيروا بتاعك أو مصدق وجه عشان ينقذك بس تؤتؤ ياحرام ميعرفوش أنهم بيلعبوا معايا انا انا كنت حاسس انوا هييجي بس بصراحه مكنتش متوقع انوا بسرعه دي ع العموم ملحوقه يلا قدامي وجرها وراه بكل قسوه

هناء وهي بتبكي وتتوسله انوا يسبها ولكن لا حياه لمن تنادي فضلت تصرخ بأعلى صوت : سبني بقي فجاه اه

قلم نزل على وشها

علي ؛اسكتي بقي صدقيني انا مش هرحمك انتي الي اتحدتيني وخليتي الظابط دا يوقف ف وشي اسكت

هناء بتبكي ومش قادره خلاص

احمد اتجنن ومبقاش قادر يسيطر على غضبه اول ما علي ضرب هناء بالقلم والي زاد لما لقي هناء خلاص مش قادره تتحرك وهو عمال يجرها وراه فجاه احمد انقض عليه بالضرب لدرجه ان علي ملامحه مظهرتش

احمد،انا هعرفك ازاي تمد ايدك الوسخه دي عليها تاني وفضل يضرب فيه بكل قوة لولا تدخل قاسم صحبه ف اخر لحظه

قاسم،كفايه يا احمد بلاش تضيع مستقبلك عشان واحد زيه

احمد بص لهناء الي مستسلمه ونزل لمستواها ورفع وشها بصوبعه

احمد هناء فوقي كدا انا قلتلك قبل كدا متخافيش طول ما انا موجود انتي قويه ومسح دموعها ووقفها قصاده ،،هناء لازم متسكتيش ع حقك متبقيش سلبيه وهزها قوي وبصوت عالي بقولك فووووقي

هناء اتنفضت وبتشهق وقاسم قاله مش كدا يا صاحبي راعي انها كانت مخطوفه انت مش شايف حالتها عامله ازاي

احمد ،هناء بصيلي انتي دلوقتي ف حمايتي محدش هيقدر ياذيكي فهمه

هناء هزت دماغها باه

احمد ،طب كويس انا بقي عاوزك تاخدي حقك وزي ما مد أيدوا عليكي انا بقي عاوزك تردي القلم الي ادهولك

هناء بقت تهز دماغها بلا وهي بتبكي

احمد،،بقولك اضربيه وبصوت عالي يلااااااااا ورفع عليه المسدس لو مردتيش القلم انا هموته يلا اختاري

هناء مش عارفه تعمل ايه وقاسم استغرب طريقه احمد هو أول مره يعمل كدا واتاكد أن احمد عمل كل دا عشان هناء ونظره الخوف الي كانت ف عينه قبل العمليه كان سببها خوفوا علي هنا

قاسم كفايه يا صاحبي واخد علي العربيه وساب احمد وهناء الي كانت مموته نفسها من العياط

احمد كفايه كده انت ايه كل حاجه دموع مبتعرفيش غير تبكي انتي ضعيفه حتي وانا معاكي كان ممكن تاخدي حقك بايدك انتي ليه كدا هه فهميني ليه عاوزه دائما تكوني بالضعف دا

هناء وهي بتصرخ:ايوه انا ضعيفه عارف ليه عشان مليش ضهر مليش سند😭😭😭عشت طول عمري ماشيه جنب الحيط ولو اطول امشي ف الحيط نفسه انا اتولدت لقيت نفسي وحدي انا وامي بس عارف يعني ايه تكون وحيد من غير اخ من غير اب امي شقيت وشربت المر عشان تربيتي عشان اكون احسن بس الناس مبتسبش حد ف حالوا عمي طردنا من البيت عشان

امي مرديتش تجوزوا كان عاوز يجزوها من ورا مراتوا اتبهدلت من سكن لسكن ومن شغل لشغل كل الناس كانت طمعانه فينا كنا بالنسبالهم لقمه طريه محدش معانا لغايه ما انكل شريف والد سمر صحبتي جالنا وقالنا انوا كان بيدور علينا لأن بابا كان موصيه علينا قبل ما يموت وهو الي اهتم بيا انا وماما

احمد كان بيسمع كلامها وهو قلبه بيتقطع عليها هو مكانش قصده انوا يجرحها كل الي عاوزه انها تبقي قويه وتبطل ضعف لانوا خايف عليها اوي

هناء خلاص مش قادره تتكلم وبقت تتنفس بصعوبه احمد لاحظ دا وقالها بلاش تتكلمي خدي نفس يلا

هناء مش قادره تتنفس وفجاه وقعت بين أيديهم

احمد 😲هناااااااء

🌺ياترا ايه حصل وايه الي مستخبي لهناء