رواية ظننته حبا الفصل الـ 10 و 11 بقلم سحر السحرتي
رواية ظننته حبا الفصل الـ 10 و 11 هى رواية من كتابة سحر السحرتي رواية ظننته حبا الفصل الـ 10 و 11 صدر لاول مرة على موقع التواصل الاجتماعى فيسبوك رواية ظننته حبا الفصل الـ 10 و 11 حقق تفاعل كبير على الفيسبوك لذلك سنعرض لكم رواية ظننته حبا الفصل الـ 10 و 11
رواية ظننته حبا الفصل الـ 10 و 11
*تظاهرت جودي بانك-سار يدها وبدات في الصراخ
:اه الحقني يا باسل ايدي اتكس-رت
:فزع من صراخها
:ايه بتقولي ايه انا ما عملتش حاجه
: انت مش بتحس بنفسك حرام عليك الحقني
: اعمل ايه دلوقتي
:هات تليفوني اكلم سلوى
: وهي سلوى هتعمل ايه
:هي دكتوره علاج طبيعي اكيد تعرف دكتور عظام كويس نروح عنده لو كان جواد هنا كان اتصرف
:يا ريته ما سافر حاضر خذي التليفون ومش هوصيكي انت وقعتي
*نظرت له بغيظ وغضب
: اكيد طبعا او ممكن داس عليا قطر
:فيكي حيل تهزري
:اوعى تحط ايدك علي والله ما هسكت جسمي ما فيش فيه حته سليمه كفايه ايدي اللي كس-رتها
: انا مش هحاسبك عشان ايدك المك-سوره
:كثر خيرك
:حاسس انك بتتريقي
: انا اقدر روح هات لي ثلج احطه على ايدي على ما اكلم سلوى
*ذهب واتصلت على سلوى
: ايه يا عروسه وحشتك
:اسمعيني بسرعه الله يخليك الحقيني و نفذي زي ما هقول لك
*ذهبت للطبيب الذي رشحته لها سلوى و قابلتها بدورها عنده
:خليك يا باسل استريح انا هدخل معاها و اطمنك شكلك قلقان قوي
:اه يا سلوى انا مش هستحمل المها
:واضح وكنت فين لما وقعت
:كنت نايم وهي كانت بتجيب حاجه من فوق دولاب المطبخ
:غريبه دي قالت وقعت من على السلم
:مش مركز من الخضة عليها
*دخل الطبيب
:اهلا وسهلا خير بتشتكي من ايه انا ما اقدرش اتاخر على دكتوره سلوى
: انا اسفه يا دكتور بس انا فعلا محتاجه تركب لي جبس بس انا سليمه
: ليه كده
:ارجوك من غير اسئله وجوزي لازم يفهم انه ك-سر مضاعف ويا ريت استريح من اي حركه عشان الك-سر يلم وما يحصلش تشوه لليد
:محتاج افهم لان اللي هعمله غلط
بقلمي سحر السحرتي
: وانت بتجبسني هتلاقي علامات ض-رب على ايدي ولو كان ينفع كنت وريت لك بقيه جسمي
*سلوى بعصبيه
:انت هتفضلي ساكته لغايه امتى
: اديني بس فتره الجبس وانا هتصرف
: ازاي مش هترجعي غير لما تموتي في ايده
*تحدثت بدموع و حسره
:ارجوك يا سلوى ساعديني بس هشتكي لمين وانا ما كملتش 10 ايام جواز
:صعق الدكتور من سماعه لكلماتها
:انا هساعدك بس ممكن اعرف ناويه تعملي ايه
:هكمل دوره الدفاع عن النفس اللي بدأتها وانا في الجبس و هقعد عند ماما عشان اعرف انزل النادي ومش هرجع غير لما اقدر ادافع عن نفسي انا مش هسكت بعد كده
: انت شايفه ان ده الحل
: باسل من النوع الجبان ولو لقاني رديت عليه هيحترم نفسه واهي تجربه مش هخسر حاجه اكثر من اللي انا خسرته
:طب ما تدخلي اهلك عشان يقف عند حده
*نظرت للاسفل بخجل ردت سلوى
:هو للاسف يا دكتور ظروفها العائليه تمنع
:طب انا هعمل لك جبس تقدري تفكيه و اعرفك تخلعيه و تركبيه ازاي عشان تقدري تتمرني وابقي طمنيني عليك
:متشكره قوي يا دكتور
: دكتوره سلوى تؤمر بس وانا انفذ
*نظرت له وجدته ينظر لسلوى بحب واعجاب
:وانا زياده شكر كل ما اجيلك هجيبها معايا
*ضحك :لا مش محتاجه تتعبيها احنا خلاص كلها كم يوم و هنعلن خطوبتنا
:الف مبروك يا حبيبتى
:اقعدوا هنا بقى شويه وانا هطلع لجوزك نستنى الاشعه و اهول من الاصابه واقترح عليه يخليك تباتي عند مامتك وما تنسيش تتالمي شويه
*بعد ان خرج حضنت سلوى
:مبروك يا سولي ايه الدكتور العسل ده يا رب تفرحي
*نظرت لها بحزن
:مالك يا سلوى مش فرحانه
: لا زعلانه عليك انا خايفه من اللي ناويه تعمليه المفروض تبلغي اهلك احسن يض-ربك يم-وتك
:انا كده كده مي-ته بس ناقص الدفنه يا ريت م-ت مع جوري زمان كنت هريح و استريح
: ليه بتقولي كده يا حبيبتي يعني هشتكي لمين ما انت عارفه الظروف انا هقعد عند ماما وباسل خلاص بعد بكره راجع الشغل و هروح النادي اتدرب لما اشوف اخرتها معاه
بقلمي سحر السحرتي
*خرج الدكتور فعلا بدا في شرح الاص-ابه كم هي قويه ومؤلمه لا يستطيع انسان ان يتحملها وقد علم من جودي انها كانت مك-سوره وهي صغيره في نفس الزراع فاستغل ذلك ايضا
: يفضل يا استاذ باسل لو والدتها موجوده تقعد معاها لانها ممنوع عنها الحركه ومش هتقدر تخدمك ولو انت تقدر تخدمها خلاص تمام
: لا اخدمها ايه هي تقعد عند مامتها وانا عند ماما هيبقى الوضع احسن لينا وعموما هما الاثنين في نفس العماره يعني مش هبعد عنها
*نظر له بدهشه من هذا الزوج الجاحد فهو من تسبب في اص-ابه زوجته ويرفض ان يكفر عن خطؤه بخدمتها فاستراح ضميره لما سيقوم به
*اوصل باسل جودي على منزل والدتها وعلامات الحزن المصطنعه على وجهه
مها :خير يا جودي ايه اللي حصل
باسل :وقعت من على السلم يا طنط معلش بقى مضطره تقعد معاكي الدكتور قال ترتاح وانا هنزل الشغل بعد بكره ومش هقدر اخدمها وانت عارفه بتاخر في الشغل لو كانت اجازه كنت حطيتها في عينيا
جودي: طبعا يا حبيبي انت هتقول لي
*كان قد اخبرها الطبيب بحواره معه وانه رفض خدمتها
:مع السلامه انت بقى يا باسل عشان تلحق تطلع لطنط قبل ما تنام
مها :معقول قبل ما ياكل
: لا ما هو ماكلني كويس كفايه اكل كده
*نظر لها بحده فهو يعلم مغزى ما تقول
:تعالى اوصلك غرفتك و اطمن عليك
*همست له: لا حنين قوي
*دخلت وتحدث بعصبيه
: معناه ايه كلام اللي كنت بتلقحي عليا بيه بره ده
: زي ما فهمت انت حتى ما اعتذرتش … اسمع يا باسل اخر كلام عندي ممكن تروح تكشف عند دكتور متخصص لان بجد تعبت ومش هسكت
: هتعملي ايه يعني
:مش هرجع البيت و ما تخافش مش هقول لحد حاجه بس ممكن اقول ان حصل خلاف بيننا وانت اللي ك-سرت ايدي
*حاول استعطفها بكلمات الحب والغزل كما كان يفعل
:ما بقتش باكل من الكلام ده
:يعني يرضيكي هروح اقول للدكتور ايه
:المرض مش عيب مش يمكن تكون حاجه بسيطه محتاج مقويات مثلا ايه المانع ترحم نفسك من العذاب ده و ترحمني من ايدك المرزبه دي
: حاضر يا جودي بس عشان منظري ما تقوليش لحد
: قلت لك مره و هقول تاني دي اسرار بيت ما ينفعش حد يعرفها
:طب يا حبيبتي عايزه حاجه
:منك لا شكرا
بقلمي سحر السحرتي
: انت لسه زعلانه مش عايزه تعذريني ولا تقدري موقفي و تقفي جنبي
:كل ده ومش واقفه جنبك عايز تك-سر رجلي كمان ولا ايه
: يا باي انت زعلك وحش دي مش عيشه
: فعلا دي مش عيشه روح عند مامتك مع السلامه
*نظر لها بسخريه منها وكانه لم يفعل اي خطا
*اغلقت باب الغرفه وبكت الى ان جفت الدموع طرق الباب ودخل فريد
: ازيك يا حبيبتي عامله ايه
:كويسه يا حبيبي انت عامل ايه
:كويس انت كنت بتعيطي
:اه الك-سر وجع ايدي والمسكن مش عامل حاجه
:معلش يا حبيبتي هتبقي كويسه لو محتاجه حاجه انا جنبك
:ليه بتقول كده
:شكلك باين عليه وغيري البيجامه دي عشان الكدم-ات باينه
:دي كدم-ات من الواقعه على السلم
:جودي انا صحيح اصغر منك بس بفهم و العبايه اللي كنت لابساها يوم ما جينا نبارك لك في الصباحية وانت بتقعدي بينت رجلك وشفت برده كدم-ات زيها بس ما رضيتش اتكلم …. هو اه ابن عمي بس مش هسكت لما اعرف انه بيض-رب اختي
: ده مش ض-رب دي غشوميه هناخد وقت على ما نتعود على بعض و طباع بعض
: انا جنبك و سندك يا جودي
:كبرت يا حبيبي
*بكت وهي تقول
: يعني لو حصل حاجه اقدر اعتمد عليك
:ما تبكيش تحبي تشوفي دلوقتي يوضع سره في اصغر خلقه
:لا مش عايز اشوف انا فعلا وقعت
:عيني في عينك
*ضحكت: انا وقعت على بوزي هههههه
*ضحك معها وضمها و طبطب عليها وكانه اكبر منها ب 10 سنوات وليست هي الاكبر
: انا فعلا كنت محتاجه الحضن ده
:عارف يا حبيبتي اسيبك تستريحي
*تعجبت لهذا القدر فها هو اخيها الصغير الان احن من اي شخص
*بدات جودي في تنفيذ خطتها بتعلم الدفاع عن النفس
*بعد مرور اسبوع دخل باسل غرفة جودي وهو سعيد
:خير يا باسل مبسوط قوي كده ليه
:انا لسه راجع من عند الدكتور وقال لي اني سليم وما فيش اي مرض هو مجرد توتر وارهاق بس هيروح مع الوقت
: الحمد لله كويس شفت لما سمعت كلامي طلع الموضوع بسيط
:طب يلا بينا
:على فين ان شاء الله
: نروح عايزك في كام كلمه
: لا مش هعمل اي حاجه قبل ما افك الجبس انت ناسي انه ك-سر مضاعف وعايز راحه وانت لو اتعصبت و ض-ربتني ممكن دراعي يبوظ خالص
:ما تخافيش مش همد ايدي عليك ما انا عرفت ان هو توتر
:لا اخاف وكذا مره قلت مش همد ايدي وعملتها ثلاث مرات خلال 10 ايام منهم مره الك-سر
:جودي بقول لك ايه
:نعم
*بتحدي
: انا قلت اللي عندي اصبر لما عملتك السوداء تخف و اديني طلعت مش السبب لا انا بارده ولا جبله زي ما انت قلت وطلع توتر
:يعني مش هتيجي
: اسفه سوابقك معايا كثير و بطلت اسامح واعدي ما فيش قدامك الا الصبر
: انت اتغيرتي قوي
: البركه في حضرتك وبعدين بقى لك اسبوع لاجيت ولا اتصلت انت لك عين كمان تتكلم
:هو المفروض مين اللي يتصل على مين
*تحدثت بحده وغضب لانها تحتمي في اهلها
: والله اللي اعرفه ان اللي غلطان اللي زي جنابك وانا اصلا مريضه حتى لو انت مش غلطان المفروض انت اللي تسال
:هو انت هتذليني
بقلمي سحر السحرتي
*دخل فريد على صوتهم العالي فقد كان شاب في الصف الثاني الثانوي ولكنه كان طويل مفتول العضلات نظر لباسل نظرة حاده
:صوتك عالي ليه يا باسل
*تخوف باسل منه
:ايه باسل دي من غير ابيه
:ما انت بقيت ابو نسب ما فيش داعي بقى للالقاب
*نظرت له جودي باعجاب وفخر وكانت تريد ان تذهب و تحتضنه وتقول له :ادي له على دماغه
*تخوف باسل من رده ونظرته
:ايه يا عم مراتي و بتكلم معاها و شدينا شويه
: مراتك اه بس خذ بالك انها اختي واللي يفكر بس .. يفكر يزعلها ما يلومش غير نفسه
*باسل حب يعمل فيها جامد دفعه هو يمزح معه
: يا عم وسع انت هتخوفني دي اختك دي في عيني
: طب خلي بالك لو نزلت من عينك هقلع-ها لك
:هي ايه دي
:عينك
: هههههه هزارك تقيل يا فريد
*بكل جديه :مش بهزر
*ونظر لجودي :مزعلك ولا حاجه
:ده انا اصلي وحشته و عايزني اروح بقول له مش هتقدر تخدمني
*بنفس الجديه :عندك حق مش هتمشي من هنا الا لما تخفي واللي يقول لك روحي قولي له خذ الاذن من فريد
*كانت جودي طائره من السعاده ولكنها اخفتها خوفا من بطش باسل
: اصل هفهمك يا استاذ فريد احنا لسه عرسان جداد وهي وحشتني وانت شاب بقى نفسي احضنها
:ما تحضنها حد كلمك هنا وبعدين واحده و مريضه ايديها مك-سوره استحملها يعني انت لو كنت وقعت ورقبتك اتك-سرت كانت هي هتقصر معاك
*تحسس باسل رقبته
: بعد الشر يا اخي دى فال تقوله
:بعرفك ان اختي اصيله بس يلا روح عشان معاد الدواء بتاعها وهي بتاخده من هنا و بتنام من هنا ما تقطعش الجوابات
: طب يا جودي يا حبيبتي عايزه حاجه
:لا يا باسل شكرا
*خرج باسل واسرع من خطواته خوفا من فريد
*قامت جودي و احتضنت فريد بقوه وهي تبكي
:انا مش عارفه من غيرك كان ممكن اعمل ايه معاه
:هتيجي لاخوك حبيبك طبعا ياما دفعتي عني وانا صغير لما كنا بنلعب تحت عند جدو
: انا بحبك قوي يا فريد انت مش عارف سندتك ليا فرحت قلبي ازاي
: انا معاكي يا قلبي بس بلاش تبكي بالشكل ده بتقط-عي قلبي
:انت مش عارف انا كنت مفتقده الاحساس ده ازاي انا ابيع عمري كله واشتري لحظه واحده من دي
:بعد الشر عنك يا حبيبتي طول ما انا موجود ما تشيليش هم
:ربنا يحفظك ويبارك لنا في عضلاتك دي هههههه ما شاء الله ده انا خريجة تربيه رياضيه ما عملتش ربعهم
: اصلي راسم ابقى زبوط جيش أو شرطه مش فارقه
:اه يا واد يا فيري و اتصور وانا معاك و هض-رب لك تعظيم سلام وانت رايح وانت جاي
: وا د وفيري خلاص هعملها واشوف احلى تعظيم سلام
: تمام يا فندم
*وهي تؤدي التحيه بكل جديه و ضحكا
: بس جوزك مشي من هنا و قفاه بيامر عيش
: تصدق كان نفسي تض-ربه
:هيحصل بس يغلط غلطه عمره و يزعلك هشلف-طه
:فيري يا جامد
*مرت الايام وكانت تنتظر جودي الذهاب للطبيب لتفك الجبس المزعوم علمت ناهد باليوم فاتفقت مع سيلا على تنفيذ الخطه
#كيف كانت خطوات الخطه وهل تم تنفيذها كلها بطريقه صحيحه
*اتصلت سيلا على جودي مساء
:جوجو حبيبتي عايزه فستان سهره عشان خطوبه واحده صاحبتي
:امتى يا قلبي
:بكره
:ايه بكره ما قلتيش من بدري ليه عشان اقدر اروح اجيبه
:بصراحه كنت مستنيه واحده صاحبتي طلعت ندله وكانت وعداني هنلبس زي بعض بس حصل لها ظرف ومش هتحضر وهي اللي كانت هتجيب الفساتين
:صعب يا سوسو بكره عندي معاد مع الدكتور عشان افك الجبس
:طب خلي باسل يديهوني ولا فيها مشكله
بقلمي سحر السحرتي
:لا تمام خلاص هروح للدكتور و احصلك على البيت
:في حد رايح معاكي
: فريد كان هيجي بس المدرس هيدي له حصه زياده عشان امتحان الكورس فبابا هو اللي هيجي معايا
:خلاص خليه يروح معاكي على شقتك عشان يوصلني للخطوبه بعدها
: هههههه كده هناخذه مقاوله هيض-ربنا احنا الاثنين
:لا ما تخافيش هو بيحبنا وانا كنت قايله له عليها
:يعني هتلبسي عندي
:اه وانت هتعملي لي ميك اب عشان بابا ما يزعقش ويقول لي مزوداها
: من عيني اول استغلال لايدي بعد فك الجبس اشوفك بكره
*اغلقت سيلا مع جودي ونظرت لناهد
: تمام يا ماما
: تعالي بقى نراجع هتعملي ايه بكره كده ضمنا ان ابوك هيبقى موجود …. خدي الخاتم ده اوعي تقلعيه ده ترشيه في وش باسل لما تحسي انه خلاص فكر نفسه اتمكن من هجومه عليك عشان لو ابوك ما رضيش انه يتجوزك تبقي ما خسرتيش حاجه
: وهو هيوافق يتجوزني وهو ما عملش حاجه
: و هيعرف منين هيبقى ملهي في مصيبته … المهم اوعي تنسي الحبايه اللي هتحطيها في كوبايه العصير عشان يتهجم عليك …. و القطره بعد ما ينام اللي هتخليكي بتعيطي و مكسوره
: حاضر مش هنسى
*ذهبت سيلا الى منزل جودي قبل وصولها الى المنزل بساعه و رنت الجرس ففتح باسل
: ايه يا عم كل ده نوم بخبط من بدري خلص عندي خطوبه و مستعجله
:ايه الازعاج ده راجع من الشغل تعبان
:طب هات لي عصير احسن الجو حر
:انجري اعملي لنفسك و اعملي لي قهوه معاكي
: ايه ده هو انت عمرك ما تعمل حاجه مفيده
: لا ان كان عاجبك
*دخلت سيلا واستغلت انشغال باسل ووضعت له الحبه في داخل فنجان القهوه وانتظرت قليلا حتى ياتي مفعولها وبدات في تنفيذ باقي الخطه
:طب انا هدخل بقى اشوف الفستان اللي انا عايزاه
: ادخلي بس انجزي عايز اكمل نوم قبل اختك ما ترجع
:هو انت ما رحتش معاها ليه عند الدكتور مش انت جوزها برده
بقلمي سحر السحرتي
*اشاح بيده
:يا شيخه راجع تعبان من الشغل وعمي قال لي خلاص خليك
:لا فعلا رجوله
:امشي يا بنت ما بقاش الا العيال
:انا مش عيله على فكره انا رايحه ثالثه جامعه
:مش كنت هتتاخري
:اه صحيح فكرتني
*دخلت سيلا غرفه النوم و انتقت فستان وبدات في خلع ملابسها واصبحت ترتدي اقل القليل …. وحتى يدخل عليها باسل اوقعت زجاجه عطر و كس-رتها وصرخت بصوت عالي …. فدخل باسل مسرعا
:في ايه
:الازازه وقعت و اتك-سرت معلش ما اخذتش بالي
*نظر لها وهو مذهول من جمالها و انوثتها التي حركت مشاعر مكبوته بداخله فتحولت نظراته الى وقاحه
:ولا يهمك القزازه وصاحب القزازه تحت امرك
*فتظاهرت بالرعب
:انت دخلت كده ليه يا باسل اطلع بره على ما اخلص وهلم القزاز ده
*فاقترب كالذئب الذي يهجم على فريسته ولم يكن يعلم انه هو الفريسه
:ابعد يا با سل انت عايز ايه
*لم يتحدث ولكن يده جذبتها وبدا في اله-جوم عليها وكما هو متفق مع والدتها بدات في الدفاع عن نفسها واحداث بعض الاصابات مع اطلاق عده ص-رخات …. وبعد ان تاكدت انه ترك بعض العلامات على جسدها جراء الاع-تداء رشت من الخاتم في وجهه و ابعدت الرزاز عن نفسها بكتم نفسها فسقط فاقد الوعي
*اسرعت ووضعت قطره الدموع في عينيها وجهزت وضعه على السرير بطريقه يظن بها انه نجح في الاعت-داء عليها
*استمعت لعوده جودي فرشت الرزاز المضاد كي يستيقظ باسل وقد كان
:انت عملت ايه حرام عليك ده انا بنت عمك واخت مراتك
*بدموع التماسيح ودخلت جودي في هذه اللحظه
*تسلسلت الاحداث كما شرح في السابق وطبعا كانت ناهد قريبه حتى لا تستغرق وقتا وتذهب لدعم سيلا وتنفيذ باقي الخطه …. وقد نجحت نجاح ساحق …. لكن ناهد ارادت ان تتذوق جودي مرار زواج زوجها من الاخرى واستمرارها معه مجبره
بقلمي سحر السحرتي
*لكن جودي كس-رت هذا التوقع وفضلت الفرار بجلدها من هذا الزواج الذي لم تتذوق منه سوى المر العلقم في فتره قصيره جدا
*عادت سيلا لبيت والدتها
*وعادت جودي لبيت فهمي
فرات مها حقيبه جودي فتوجست
:خير يا جودي راجعه بشنطه هدومك و بتعيطي ليه
*استمع فريد لصوت امه العالي فاسرع ليرى ماذا حدث
:ما فيش يا ماما اراده ربنا اطلقت من باسل
*طرقت مها فوق صدرها بصدمه
:هو انت لحقتي انت لسه راجعه النهارده بعد ما خفيتي من الك-سر ايه اللي وصلك للطلاق
: اختلفنا وما قدرناش نتفاهم ما فيش نصيب
*تحدث فهمي: لا يا جودي لازم مامتك تعرف اللي حصل عشان فرح سيلا كمان شهر
*حكى فهمي مصيبته مع باسل و اعت-دائه على ابنته وكيف تورط في زواج سيلا منه فتحدثت مها بعصبيه وعلا صوتها
:وانت طبعا فضلت مصلحه بنتك على مصلحه بنتي واول لما قالت لك اتطلق قمت مطلقها
:افهمي بنتك اللي اصرت
:وهي اصرت وانت ما صدقت تداري فض-يحه بنتك لكن بنتي فض-حتها تبقى على كل لسان و طلاقها بعد شهر واحد من جوازها قضت منهم بس 10 ايام مع جوزها
*تدخلت جودي: ماما افهميني يا حبيبتي كل ده ما فرقش معايا لكن اعيش مع انسان خاين لا …. انا في حاجات كثيره حصلت في الفتره القصيره دي ما اقدرش اتكلم عنها بس انا مستريحه كده وبابا حاول معايا هو وطنط ناهد عشان افضل متجوزاه فتره …. بس مش هتفرق لانه هيتجوز كمان شهر في جميع الاحوال الناس هتتكلم
:هتتكلم تقول ندل اتجوز على مراته بعد شهرين يبقى لك حق وقتها تطلقي انما دلوقتي انت متخلفه ليه ما فكرتيش كويس …. ليه ما استنجدتيش بيا زي سيلا ما استنجدت بامها هو انا مت خلاص وما ليش لازمه انا اتهاونت بحقك زمان لما ابوكي ض-ربنا و رمانا لكن اكيد ما كنتش هتهاون في حقك دلوقتي …. وزي ما ناهد اشرطت عشان بنتها كنت هتشرط و خالك محامي هيعرف يجيب حقك منه
: ماما كفايه اللي انا فيه ارجوكي كل اللي عايزاك تعرفيه اني مستريحه كده سيبيني بقى انا تعبانه و مرهقه
:ادخلي وانا حسابي مع فهمي ادخل جوه يا فريد
: لا انا نازل عندي مشوار مهم
*نزل فريد مسرعا والغضب يحرق من يقترب منه ظنت مها انا لديه مشوار فعلا فلم تهتم فلديها مص-يبه اكبر ووجهت حديثها لفهمي
: بقى لو بنتك هي اللي كانت متجوزه باسل كنت عملت كده
:مها انا مش قادر احنا عمرنا ما كان في بيننا بنتك وبنتي واظن اني ما قصرتش مع جودي بس قدري حجم المص-يبه بنتي اعت-دي عليها و ضيعت حقها باني كافئته و جوزتها له وكمان على عفش جودي
: كمان يعني مش هتاخد منه لاحق ولا باطل ضاع كل حاجه وطبعا هتعمل فرح لسيلا
: امال هتتجوز في السر احنا خايفين تكون حامل من الورطه دي
:واللي جوه مش خايف تكون حامل هي كمان
:هي لو حامل مش مصي-به لانها كانت متجوزه انما سيلا مص-يبتها اكبر ارجوك افهمي وحسي بيا واقفي جنبي
: اقف جنبك اعمل ايه
: ساعديني نكمل الجوازه دي
: و الغلبانه اللي جوه دي ما فكرتش فيها الناس هتقول عليها ايه مين ممكن يتجوزها مستقبلها كله ضاع
بقلمي سحر السحرتي
:اكيد لها حل ما تقلقيش وبكره الناس تنسى
:تنسى الا دي عمرها ما هتتنسي عمري ما هسامحك يا فهمي طول عمرها حقها ضايع
: مها بلاش تقولي كلام احنا الاثنين نندم عليه ادخلي شوفي بنتك و هديها وانا داخل انام يمكن ما اقومش منها هيبقى احسن ليا وليكم
*شعرت بنغزه في قلبها
:بعد الشر عنك بس اللي بقوله من قهرتي على بنتي ما تزعلش مني حقك عليا
: تفتكري انا كمان مش مقهور انا ليا فيها اكثر من ابوها الحقيقي انا اللي ربيتها و اعتبرتها بنتي هي كمان … النهارده طلقت بنتي و جوزت الثانيه تفتكري سعيد و طاير من الفرحه ربنا يزيح من علينا كلنا و يحلها من عنده
*عند سيلا وناهد كانوا يحتضنوا بعضهم
:حبيبه ماما عايزاك بقى يبقى عندك شخصيه مش زي جودي وتمشي باسل على العجين ويوم ما يتكلم وصل الامانه تهدديه بيه و المؤخر كمان
: بس انا زعلانه على جودي
:حبيبتي دي ديون و بتترد ….امها السبب هي اللي حرمتنا من ابوكي ومن اننا نعيش حياه طبيعيه زوج وزوجه واولاد وعلى يدك استحملت كم سنه وهي ضرتني ما كانش عادل وحرق قلبي خليهم يجربوا حرقه القلب …. وما تقلقيش جودي حلوه و مسيرها تتجوز المهم افتكرتي تاخدي علبه الحبوب اللي خالك كان مديها لك لباسل اللي عملت له عجز مؤقت
: اه مشيت على خطوات الخطه مضبوط
:كويس عمره ما هيعرف ان الحبوب اللي جواها كانت متبدله
:طب هعمل ايه يوم الفرح لما يعرف اني لسه بنت
:هتقولي له وانا اعرف منين انت اتهج-مت علي وانا كنت منهاره ولو اعرف ما كنتش دبست نفسي مع واحد زيك …. تتكلمي بكل عين وثقه ان هو اللي غلطان
:طب هعمل ايه مع جودي هقطع معاها
:لا كم يوم كانك كنت منهاره من اللي حصل ومش مصدقه تروحي تعتذري لها و لامها انه شيء غصب عنك و تواسيهم وتخليها بعد كده تنزل معاكي تشتري مستلزمات الجواز
:ايه ده يا ماما مش كثير عليها كده هنبقى قادرين قوي
: لا ده حقنا و بنخلصه منهم وفلوس ابوك اللي صرفها عليهم بدون وجه حق ابوها كان ملزم بيها بس طبعا لقى اللي يشيل مكانه فشيله و بزياده كمان …. هي لو يتيمه كنت قلت ماشي لكن مش يتيمه يلا روحي استريحي
*دخلت مها على جودي وجدتها تبكي فاحتضنتها
:معلش يا حبيبتي نصيب ومقدر ومكتوب ما تزعليش بكره ربنا هيبعت لك احسن منه شفتي ربنا عوضني بعد ابوك بفهمي شلنا في عينه بس غصب عنه اضطر يقف جنب سيلا هي مصيب-تها اكبر
بقلمي سحر السحرتي
:انا مش عايزه اتجوز تاني انا خلاص اخذت نصيبي
: ليه كده يا جودي
: ماما لو سمحت باسل كرهني في كل الرجاله فارجوكي مش عايزه اسمع عنهم حاجه …. وعايزه اقول لك على حاجه مهمه تسمعيها عشان تعرفي ان طلاقي احسن بس بلاش حد يعرف ممكن
:قولي يا حبيبتي
: احنا من اول يوم جواز شدينا مع بعض ض-ربني كذا مره واخر مره هو اللي ك-سر ايدي اتض-ربت خلال 10 ايام ثلاث مرات مش عارفه لو كنت كملت كنت م-ت في ايده
:انت بتقولي ايه وما اشتكتيش ليه كنا علمناه الادب
:اشتكي لمين وانا عروسه جديده مين هيقف معايا ما انت عارفه … فدلوقتي مش عايزاك تلومي على بابا انه وافق على طلاقي لاني كنت مصره و لقيتها فرصه
: يا خبر يعني هيعمل فسيلا زيك
: لا اطمني سيلا مش زيي سيلا شخصيتها قويه عني وامها في ظهرها و هيعلموه الادب غير انهم ماسكين عليه ذله وصل امانه و مؤخر الصداق هيبقى زي الكلب في ايديهم
:يعني انا ما كنتش هقف في ظهرك ده معنى كلامك
:يا ماما انا وانت لا حول ولا قوه لينا ظروفنا مختلفه انما طنط ناهد قدرت تعلمه الادب وممكن كمان تخلص حقي منه وبعدين مين قال لك اني هسيبه سيلا تتجوز بس و هربيه
: يعني ايه
:بكره تعرفي بس سيبيني استريح
*خرجت مها فوصل على تليفون جودي رساله فيديو ما ان فتحته حتى ظلت تضحك كان محتواه
#ما هو محتوى الفيديو وماذا تنوي جودي ان تفعله مع باسل لاحقا