نجمة : بدر

بدر : انا بدر الحسيني اكيد انتوا تعرفوني

عمر : حضرتك عاوز اي

بدر :  أنا هتجوز نجمة 

عمر : نجمة بقت مرات الاستاذ حسن و هتمشي دلوقتي معه

نجمة بعصبيه : لا أنا مش موافقه على الجوازه ده حتى لو هموت 

عمر كان هيضربها بالقلم ، لكن بدر مسك ايده

بدر بنظره و صوت حاد : لو فكرت تمد يدك عليها تاني هقطعها لك

عمر خاف من نظراته 

عمر بتوتر : حضرتك مش ينفع تتجوزها علشان هي دلوقتي متجوزة 

بدر ببرود : عادي يطلقها 

رحاب  : بس هوا دفع 2 مليون فيها انت بقى هتدفع كام

بدر طلع دفتر الشيكات بتاعه و كتب شيك 3 مليون 

بدر : ده شيك ب 3 مليون 

رحاب كانت هتاخده بس بدر بعده عنها 

بدر : طلقها 

حسن : انتي طالق 

بدر : بالثلاثة 

حسن : انتي طالق بالثلاثه 

 و رحاب اخدت الشيك 

نجمة بحزن : أنا مكنتش متخيله إنك تكون بتحب الفلوس اكتر من بنتك الوحيده ، أنا هقولك حاجه أخيراً أنا عمري ما هسامحك على الي انت عملته فيها زمان و معاملتك ليا 

و خرجت نجمة من المنزل 

بدر بتحذير : إياكم حد يحاول يقرب ليها أو حتى تحاولوا تشوفها 

و خرج 

نجمة على وشك البكاء : لو سمحت ممكن نمشي من هنا 

بدر : تمام 

ركبوا السياره و كان الصمت سيد المكان ، إلى أن قطعها صوت شهقات نجمة 

بدر : لو سمحتي ممكن تهدي و تبطلي عيط

نجمة ببكاء :هوا ليه عمل كده فيا ده انا بنته الوحيد

نجمة بعصبيه وسط بكاء : هي بسبب الزفته مراته من يوم ما ماما ماتت و هي لفت عليه علشان فلوس ماما ، من يومها و أنا عايشه حياتي في جحيم ، و لما جوزني كان علشان مصلحته دايما بيفكر في مصلحتوا 

بدر بحزن علي معشوقه : طب ممكن تهدي و متخافيش محدش منهم هيقدر يقرب منك تاني

نجمة : انت دفعت مبلغ كبير جدا ليهم

بدر : ولا يهمك المهم خدوا الي عاوزينه و بكده محدش هيقرب منك تاني

بدر : كنت عاوز اسالك على حاجه 

نجمة : نعم 

بدر : هي صحبتك الي انتي كنتي في بيتها منتقبه 

نجمة بستغرب : اه بس ليه بتسأل 

بدر : اصلي لما وصلت بيتها كانت وقوعه في الأرض و راسها بتنزف

نجمة بصدمه : اه ازاي ده حصل

بدر : معرفش أنا بسألك علشان اعرف اي الي حصل 

نجمة : أنا مش فكره غير لما اغمي عليا بسبب بابا  ، طب هي فين دلوقتي 

بدر : في المستشفى 

نجمة : طب ممكن توديني هناك 

بدر : تمام 

نجمة : ممكن تلفونك اعمل مكالمه علشان موبيلي في بيت بابا 

بدر : اتفضلي 

و اعطها الهاتف 

نجمة اتصلت ب سيلا 

>>>>>>>>>>>>>>>>>>>>>

عند سيلا ...

كانت قلقانه على صديقاتها و هاتفها رن و كان رقم مجهول تردت في الرد لكنها اعتقد ان تكون مها او نجمة و ردت

سيلا : الو

نجمة : الو سيلا أنا نجمة 

سيلا : نجمة انتي كويسه 

نجمة : أنا كويسه متقلقش 

سيلا : انتي فين و مها ليه مش في بيتها و اي الدم الي على الأرض ده 

نجمة بتوتر : الصراحه مها في المستشفى 

سيلا بصدمه : اااه ليه في المستشفى و اي الي حصل 

نجمة : معرفش أنا رايحه دلوقتي ليها 

سيلا : امال انتي كنتي فين 

نجمة : هحكيلك بعدين 

سيلا :  تمام ، طب هي في مستشفى اي 

نجمة : الحسيني 

سيلا : تمام أنا جيه بسرعه 

نجمة : ماشي سلام 

سيلا : سلام 

خرجت بسرعه سيلا من منزل مها و أخدت تاكسي 

بعد 10 دقائق 

وصلت سيلا و نجمة في نفس الوقت ، استغرب سيلا من ان نجمة نزله من عربيه شاب 

نجمة : سيلا 

سيلا : مين ده يا نجمة و ليه كنتي راكبه معه

نجمة : بعدين يا سيلا 

دخلوا البنات المستشفى و سألوا على غرفة مها هشام 

سيلا : لو سمحتي غرفة مها هشام فين 

موظفه الاستقبال : لحظة واحدة يا فندم ، لا معنديش الاسم ده 

سيلا : ازاي يعني 

نجمة : هي واحده جت كانت رأسها بتنزف و منتقبه 

موظفه الاستقبال : اه رقم 299 الدور الثاني 

نجمة : تمام شكرا لكي 

كانوا هيمشوا بس الموطفه وقفتهم 

موظفه الاستقبال : لو سمحتي عاوزين بيانات الحاله و لازم حد يمضي الورق ده 

بدر ادخل : مش مهم دلوقتي 

موظفه الاستقبال : بس يا فندم...

بدر بحده : أنا قولت مش مهم دلوقتي 

موظفه الاستقبال : تمام يا فندم 

بدر : اتفضلوا اطلعوا علشان تطمنوا عليها 

نجمة : تمام 

و طلعوا بسرعه و دخلوا غرفتها و كانت الممرضه بالداخل 

سيلا : هي كويسه 

الممرضه : اه الحمدلله حالتها مستقره 

سيلا : هوا اي الي حصل 

الممرضه : اتخبطت في رأسها و نزفت كتير بس الحمدلله الخبطه كانت مش قويه و مأثرتش عليها 

نجمة و سيلا بارتياح : الحمدلله 

نجمة : هي امتى هتفوق

الممرضه : شويه ، و الف حمدلله على سلامتها

و خرجت الممرضه 

سيلا : الحمدلله إنها بخير 

نجمة : الحمدلله 

سيلا :  نجمة مين اللي كان تحت معنا و ليه كنتي راكبه معه 

نجمة : ده بدر الحسيني 

سيلا : بجد 

نجمة : اه والله 

سيلا : ليه بقي كنتي معه 

نجمة : ده حكاية طويله بس بأختصار هوا اللي أدنى حريتي 

سيلا : مش فهمه 

مها بدأت تفوق 

مها بتعب : اه 

نجمة : انتي كويسه 

مها : الحمدلله 

سيلا :حمدلله على سلامتك يا حبيبتي 

مها : الله يسلمك 

نجمة : في حاجه وجعكي

مها : شوية صداع ، هوا اي الي حصل 

نجمة :إحنا الي مفروض نسألك اي الي حصل 

مها : اخر حاجه فكرها اني كنت بحاول اخليهم مش يخدوكي و رحاب ذقتني و اتخبطت بس هوا ده كل الي فكره 

سيلا : ثانيه هوا رحاب و باباكي  راحوا لبيتك يا مها 

مها : ايوه 

نجمة :هوا برضوا كل الي أنا فكره اني اغمي عليا 

سيلا : لا ثانيه انا عاوزه افهم كل حاجه من اول لما راحوا بيتك يا مها لحد نزولك يا نجمة من عربية بدر 

و بدأت مها تحكي ليها الي حصل ، و بعدها نجمة بدأت تحكي ليهم كل حاجه 

نجمة : اكيد فهمتي دلوقتي يا سيلا  معنى انه أدنى حريتي

يتبع ...