*عادت الى العمل بكل حب وتفاهم مع اياد وكانت علاقتهم جيده الى حد كبير 

*بعد اسبوعين كان اياد يتحدث  مع عنود عن عودتهم مره اخرى او اعلان خطوبتهم  

عنود: اياد انت كده بتض-غط عليا سيبني انا من نفسي اجي واقول لك موافقه 

: انا عايز افهم هو انت مستنيه ايه

: مستنيه يحصل خلاف بينا

*نظر لها باستغراب 

: نعم مستنيه ايه

: مستنيه خلاف اشوف الحنية اللي انت بتعملها معايا دي هتستمر ولا وقت لما اوافق وترجع ريما لعادتها القديمه

: انا مش قادر افهمك انت بتفكري ازاي 

 :احنا كنا كويسين قوي مع بعض ولما حصل خلاف بعدنا و اتطلقنا 

:بس ده ما كانش اي خلاف وانت عارفه كده كويس قوي 

 :عارفه بس خايفه ولسه قلقانه 

*رد بحسرة وزعل

:خلاص براحتك وابقي عرفيني وقت ما ترضي عليا

: اياد مش عايزاك تزعل مني

 :مش زعلان بس تعبت من البعد وكل دقيقه بثبت اني بحبك المفروض ابقى مش محتاج الوقت ده كله و تتاكدي ان قلبي ما فيهوش غيرك

:  عارفه و على فكره الفتره اللي فاتت تعاملك معايا خلاني غيرت رايي في حاجات كثير 

*اقترب منها وهمس برقه :افهم من كده اننا قربنا 

*ابتسمت بخجل 

:خلاص يا قلبي اطمن هانت شويه صغيرين وهتلاقيني بقولك تعالى نروح للماذون ونحدد معاد الفرح كمان 

*قبلها في خدها فوضعت يدها فوقه وقالت بحدة

: اياد مش هتبطل بقى 

: عشان تساعدك على اتخاذ القرار 

: هههههه او يمكن تساعدني ارفض

: لا ابوس ايدك وراسك

*وقبل يدها ورأسها وكاد أن يقبل

: هاااه

: خلاص يلا يا دودو في اجتماع كمان شويه عشان عميل الفندق هيوقع العقد

*تم توقيع العقد وشكر جميعهم تصاميم وتنفيذ عنود للعمل

*بعد الاجتماع ارسلت عنود دعوة  لزملائها المقربين على الهاتف 

: الجمعة الجاية كلكم معزومين عندي على الغداء بمناسبه توقيع العقد وكنت عايزه اشكر دكتور اياد على وقفته معايا ... وفي مناسبه خاصه جدا بيا انا شخصيا لوحدي عشان ما حدش يفهمني غلط عايزه اشارككم فيها لانكم بقيتوا اقرب ناس ليا 

*كانت الدعوه موجهه لاياد و اصدقائه الشركاء وهند و دينا 

*بعد الرسالة توجه اياد لمكتب عنود التي كانت بمفردها وسألها 

 :مش هتقولي لي الدعوه دي لايه

 :لا زيك زيهم

: يعني مش اللي في بالي

 :ما انا وضحت عشان ما تفهمش غلط انت بالذات ولة كان المفروض احط اسمك بين قوسين 

:حبيبي هيطبخ بايده

 :اكيد طبعا امال هشكرك ازاي انا عارفه ان انت بتحب الاكل من ايدي

: مش عايزه مني مساعده

*نظرت له باستغراب 

 :هو انت كنت ساعدتني قبل كده مش فاكره فكرني كدة

 :مش جيت حضنتك وعرضت المساعده وقتها مامتك خرجتني من المطبخ بالعافيه وحلفت ما اناولك معلقة

:فاكره بس ما شفتش منك مساعده برضة 

 :النية  كانت موجوده 

:طب خليها في مكانها وتوصل معاهم

 :ليه يا قلبي اساعدك احط طبقين اقطع لك سلطه صباعك يتل-سع أقوله هووف

 :هههه طب هووف انت لان هند هتبقى معايا و اتلم يومها قدامهم وما تتسحبش و الاقيك فوق دماغي في المطبخ زي ما كنت بتعمل قبل كده 

: ما اقدرش اوعدك بس ازاي هتعزمي شباب وبنات في البيت عندك وانت لوحدك 

:مش هكون لوحدي اكيد عم جاد هيكون موجود ومن بدري 

:ما تتعبيش الراجل اصله بقى كبير في السن هاجي مكانه

 :هو بيحب يتعبلي وكمان بيحب اكلي قوي

: انا كمان بموت في اكلك هكون موجود من بدري

 :مش هفتح لك

 :معايا المفتاح

 :غيرت الكالون 

:نعم بتهزري

 : هههههه اكيد بس لو سمحت تعالى معاهم ممكن عشان ما تحرجنيش قدامهم 

: ممكن ...  ما تعمليش حلو 

:مش عايزاك تكلف نفسك وتجيب

: واجيب ليه وانت موجوده

 :يا رخ-م

 :تصدقي حبيت الكلمه بقيت بحسها دلع ليا

: طب يا رخ-م. .. يا رخ-م

: الله احلى رخ-م سمعتها 

:ايه ده بجد

 :ما انت بطلتي تقولي لي اودي 

:لما ارجع زي الاول 

:هو لسه كثير

: سلام يا دكتور ما تعطلنيش ورايا مشوار 

: على فين 

:واخده اذن عايزه اشتري فستان جديد للعزومه

: انا حاسس اني هسمع خبر كويس فيها

: ما تتعشمش قوي عشان مش اللي في بالك وباكد عليك 

 :اوعي تكوني هتتخطبي لحد غيري 

:يمكن ليه لا قول يا رب 

 *جذبها من ذراعها بش-ده

 :بتهزري قولي انك بتهزري 

:سيب ذراعي اه بهزر اعوذ بالله وجع-تني

: طب بلاش هزارك الرخ-م ده 

:بتعلم منك اجرب الرخ-امه شويه تصدق طلعت لذيذة

 :شكرا يا عنود 

:حقك عليا ما تزعلش

: طب صالحيني

 *قبلته في خده 

:مبسوط كده 

 :شويه لكن لو كانت في 

: اوعى تحلم سلام

: هاجي معاكي ينفع

*نظرت له بدلع

: ينفع

 *امسك يدها فلم تمانع شعر ان هناك امل كبير 

*في يوم العزومه رحبت عنود بأصدقائها بما فيهم اياد الذي استغل الوضع وذهب خلف عنود في المطبخ و قبلها من خدها و كاد ان يحتضنها

: اوعى واطلع بره 

:طب الحلو احطه فين

: اي مكان قدامك ولة بتتلكك 

 :طب مش هاخذ حق الدليفري 

:بعدين وانت بتغسل المواعين

 :ده انا اغسل المواعين  واغسل الغسيل واغسل الشقه كلها بس انت تؤمري وترضي عني

: اما نشوف بتقول بس كلام على الفاضي 

: لو هتديني مكافاه مش هيبقى على الفاضي يا قلبي

: بعينك هتعملهم من غير حاجة 

: يا مسيطر انت

*اجتمع الجميع على السفره رن جرس الباب فتحت عنود 

*عادت عنود وهي تحتضن رجل كبير ووسيم وتقبله من خده

*فاست-شاط اياد غض-با ولاحظ حسن فامسك يده كي يهدا الى ان تحدثت 

: يا جماعه مناسبتي السعيده احب اقدم لكم خطيبي وحبيبي وكل حاجه في حياتي 

*وضحكت بصوت عالي وهي تشاهد تغير لون بشره اياد للون الاحمر واكملت

:بهزر يا جماعه بابا الحمد لله رجع بالسلامه

 *اتى من خلفها احمد و خبط-ها على راسها بمزح 

: تمام وثقت اللحظه دي وتعبير وشه زي ما وصفتي بالظبط 

*ابتسم اياد من قلبه وهو يسلم على والدها وعلى احمد بحرارة

:شكرا يا احمد مردوده لك 

:هي اللي طلبت عشان تذلك باللحظه دي بس بصراحه عمري ما شفت كده 

عنود:بابا دكتور اياد اللي حكيت لك عنه وبدات تعرفه بالجميع

دينا : شكلك كان صعب قوي يا دكتور 

: انت عارفه بالمقلب 

: لا بس كنت عارفه انه باباها انت ناسي اننا اصحاب من ثانوي ففهمت قلت اسيبك تاخد نصيبك هههههه 

: مردودة في جوزك هشغله لما تبطلي تشفيه خالص 

: هسلط عليك صاحبتي تديله اجازه بمرتب لمدة سنه 

: نعم ومين هيوافق على كده 

عنود : يعني لو طلبت منك مش هتوافق

: انت تؤمري بس 

: بس ايه هههههه ما تخافش بنهزر

*رن جرس الباب فأسرع اياد كي يفتحه بحكم العادة وصدم من الزائرة وفتح يده ليحتضنها

: ام جابر وحشتيني بقالي كتير ما شوفتك 

: وسع كده زعلانه منك بقى تطلق البت والست فاطمه موصياك عليها 

: خلاص كان سوء تفاهم وراح لحاله حنيني قلبها عليا 

: دى انا هقول لباباها يجوزها حد غيرك 

: يرضيكي دى انا الدكتور الحليوة اللي حضر الفرح بتاع بنتك

: خلاص عشان الست فاطمه كانت بتحبك بس اوعى تزعلها

عنود: ادخلي يا ام جابر وحشتيني 

: انت وحشتيني أكثر يا عنود معلش ما عرفتش اجي وانت تعبانه كنت بشتغل عند ناس رزل-ة رفضوا اغيب يومين ولما قلتي عايزاني اشتغل عند باباك اديتهم اللي فيه النصيب وجيت جري

: هههههه اعرفك بابا 

: ايه ده شكله مش كبير وشياكة ووقار امال سابكم وطفش ليه دي ست فاطمه كانت بلسم ازيك يا ابو عنود

: هههههه اسكتي عشان يرضى تشتغلي معاه وده احمد اخويا 

: ايه الشاب القمر ده هو كلكم حلوين كدة هو متجوز يا عنود 

: لا ليه عايزه تتجوزيه

: لا عندي بنتي وبيقولوا في المثل حماتك بتحبك وانا حبيته قوي 

احمد: انا يشرفني طبعا يا ام جابر بس مش بفكر في الجواز دلوقتي 

: مش مشكله مش انا هشتغل عندكم طول ما انا موجوده هخليك تغير رايك 

: لا ما انا مسافر تاني 

: فقري ما لكش في الطيب نصيب ابقى حماتك 

عنود: تعالي اقعدي عشان ناكل ونشوف الموضوع ده بعدين 

*همست لاحمد 

: حاول تسافر بسرعه احسن تدبسك في بنتها هههههه 

: مش انت اللي رجعتيها تشتغل تاني 

: وانا مالي بابا اللي قال إن ماما وصته عليها لو رجع ويقدر يشغلها ما يتاخرش

: وهو بابا هيستحمل طولة لسانها

: ما تقلقش هيتعود غير انها هتقعد تحكيله عن ماما هتكيفه قوي هههههه ومش بعيد يتجوزها

*ض-ربها خلف راسها 

: اخرسي هو في بعد امك

: اي ... بهزر يا رمضان ما بتهزرش

*شكر والدها الجميع على وقوفهم بجانبها

 *بداوا في تناول الطعام وهمس اياد  لعنود

 :لحقتي نفسك في المقلب قبل ما تنطقي الشهاده 

:لا ما انا عارفاك يا حبيبي ما رضيتش اطول عن دقيقه كفايه عليك اصلك صعبت عليا 

: بس ما قلتليش ليه 

:عاملها لك مفاجاه انت كنت متوقع حاجه ثانيه صح

 :صح ... دلوقتي هطلب ايدك منه  .... هو عرف التفاصيل ولا لسه مفكرنا متجوزين

: لا عرف كان سمعني وانا بكلم  احمد لما كنت في اسكندريه كان راجع لأنه نسي حاجه و أصر عليه يحكي له كل حاجه 

:مش احمد كان خايف لا يتعب

 :هو تعب فعلا واحمد لحقه يا حبيبي ما استحملش يعرف كل اللي حصل لي اصله بيحبني قوي 

*غمز لها 

: بصراحه انت فعلا تتحبي 

*وحاول مسك يدها 

: بس اسكت ماما كانت بتبقى فاهمه وتفوت لك لكن بابا اصعب وما يعرفكش زي ماما 

: ربنا يستر لما اطلب ايدك منه الموضوع كان سهل مع مامتك لانها كانت بتحبني 

: ما تخافش جمد قلبك وانا هقف معاك 

: بجد يا دودو 

: عندك شك 

: بصراحه انا اوقات بخاف منك

: هههههه لا ما تخافش 

*بعد ان انصرف الجميع دخل اياد غرفه مع والد عنود كي يتحدث معه عن عودته لعنود مرة أخرى

*وخرج وهو غاض-ب فاندهشت عنود

 :في ايه يا اياد حصل ايه بينك وبين بابا

*تحدث بغ-ضب 

: اتمنى لك حياه سعيده مع اي انسان هيكون في مستواكي من اختيار والدك

 :نعم معناه ايه الكلام ده 

:جايباني النهارده ليه عشان باباك يشكرني و يشوف لو في فلوس صرفتها يرجعها  ...اصل لما رجعت له ثروته بقيت مش من مستواكي

: ايه الكلام ده هو اللي قالك كده 

*توجهت للغرفة كي تستفسر من والدها وقبل ان تدخل 

 *خرج والدها من الغرفه وقال بص-رامة وتكبر

:شرفت يا دكتور واعمل حساباتك و بلغني بالمصاريف

#هل انتهت علاقتهم ام ستستطيع عنود إقناع والدها