زينب ام رحيل : اهلا بيكم نورتونا اتفضلي ي حجه 

اتفضلو ي بنات البيت بتكم ..وبعد كده يشوفو الزيارة الي عمال فهد وعامر بيطلعوها من تحت

محمد : ليه كده تعبتو نفسكم والله كفايه دخلتكم 

علينا ي حجه كده كتير والله 

الحجه راضيه : ولا كتير ولا حاچه ي راچل 

ي طيب ..

فهد وهو بينهج : ايه مرات عمي ف حاچه تاني  مش چيبه الخيل معاكي بالمرة ليه 

لتضحك الحجه راضيه : لا خلاص ونبي انا مني عيني اچيب الدنيا كلها لخطيبة ولدي 

ليرد العم ابراهيم : ادخل ي معدول ادخل ديما 

فضحنا ..

ويجلسو ف غرفه الضيوف وتقدم ام رحيل الضيافه من قهوة وفاكهه وحلويات شرقيه 

زينب : اهلا بيكم نورتو حصلت لينا البركه

بدخلتكم علينا والله ي حجه ..مش هتعرفنا 

ي حسن ولا ايه 

حسن بفرحه : ايوه طبعا دي امي الحچه راضيه 

وده عمي ابراهيم وده هشام ولدو  ودي ندي بنته 

ودي شهد اختي ونور بتنا ومرات هشام ود عمي 

ودول طبعا فهد وعامر چم معايه جبل سابج 

الاب والام  بترحيب : حصلنا الشرف نورتو ي جماعه ليجلسو ويتحدثو بأمور مختلفه 

حتي يفتح العم ابراهيم الحديث 

ابراهيم : والله ي استاذ محمد احنا ريدين نطلب يد بكرك الرشيد 

الدكتورة رحيل لولادنا حسن... 

وحسن ونعم الزوج والسند وانشالله مش 

هتندم ابدا انك عطيته بنتك 

ليرد الاب : وانا ي حج قبلت طلبكم  وانا بديكم

‏ عين من عيوني رحيل بنتي دي روحي وشمعة

  بيتي وانشالله حسن هيحافظ عليها .

يرد حسن بفرحه : وانا اوعدك ي عمي هحطه ف عيوني وانشالله هتنور حياتي ديما ..

الحجه بحب : ربنا يفرحكم ي ولدي .. اومال فين عروستنا والي خطفت جلب ابني 

زينب : ثانيه وحده هجبها وجايه ..لتذهب لغرفة 

رحيل ...

رحيل بتوتر : ايه ي ماما ف ناس كتير بره 

الام بحب : اه ي ستي وحسن فرحان اووي 

ومستنينك تطلعي تسلمي عليهم  

رحيل : انا قلقانه اووي ي ماما واعصابي سيبه 

زينب : لا يحببتي متقلقيش دي ناس طيبه 

اووي وهترتاحي ليهم 

رحيل : طب فستاني حلو طب ف حاجه اوفر  

ولا كده تمام 

زينب بحب : لا ي نور عيني زي القمر كبرتي 

ي رحيل وبقيتي عروسه ي اول فرحتي 

رحيل : ربنا يخليكي ليا ي ماما و ...

لتقاطعهم رقيه : طب يلا كلاكيت تاني مره نخلص العشق الممنوع ده بعد ما الضيوف تمشي طيب 

ولا ايه 

الام : طب بس ي مقصوفة الرقبه وتعالي 

سلمي ع الضيوف انتي كمان ف بنتين بره 

والحجه ام حسن 

رقيه بنكش : ده طبعا انا هطلع معاكم بس المهم ..سيبك من البنات اخبار الرجاله ايه حلوين ولا مش لازم اطلع 

زينب وهيا بتجري وراها : طب وربنا لربيكي 

ي قليلة الادب انا معرفتش اربيكي اصلا 

ويدخل الاب: ايه ي زينب فينك الناس مستنيه 

عيب كده ..يلا ي رحيل ي حببتي 

وتاخذ رحيل صنية العصير وتدخل عليهم وهيا 

متوترة وتقدم للضيوف ..

الحجه : اللهم صلي ع النبي الله اكبر عرفت تختار ي ولدي ربنا يفرحكم مشالله مشالله 

رحيل بكسوف : اتفضلي ي ماما  ...

الحجه : يزيد فضلك ي حبة عيني 

وتقدم لباقي الضيوف واخر واحد حسن لترفع عينها تجدو يبتسم وهو يهمس بكلمة قمري 

جعل رحيل يزيد توترها بس انقذتها 

الحجه : تعالي هنا چمبي ي عروسه 

رحيل بطاعه : حاضر

الحجه بحب : يحضرلك الخير ي نور عيني 

شهد : قمر بسم الله مشاء الله عليك ي عروسه 

انا شهد اخت حسن ودي ندي بت عمي واخت 

چوزي وانشالله هنبجا صحاب وحبايب

رحيل بحب : تسلميلي ي رب ده عيونك الحلوة 

اكيد ي قلبي واكتر كمان  

العم : ع بركة الله نجر الفاتحه ..يقرأو الفاتحه 

ابراهيم : جول لنا طلبتك ي استاذ محمد 

محمد : عيب ي حج ابراهيم احنا بنشتري راجل انا مش عايز غير ان بنتي

تكون مرتاحه مع جوزها 

ابراهيم : ده اكيد ي استاذ بس برضو نعرف طلباتك من مهر وشبكه وعفش 

محمد : الدهب ده هدية خطيبها ليها والمهر ده مقام بنتي عند حسن 

اما للعفش ام رحيل مجهزها 

جهاز عروسة كامل وزياده 

ابراهيم : اذا كان كده فعلي بركة الله حسن ينزل مع عرسته بكره يختارو الشبكه و نكتب الكتاب بعد بكرة والفرح الاسبوع الجاي عشان الحچه وحنا نلحج نحضر فرح ولدنا جبل 

ما نعاود ع بلدنا ..

الاب : طب ليه الاستعجال ده ي حج 

ابراهيم : خير البر عاجله ي استاذ محمد 

محمد : انتي ايه رايك ي بنتي 

رحيل بخجل : الي تشوفه ي بابا 

محمد : طب ع بركة الله 

لتقوم شهد وندي وام رحيل بلزغريط 

الحجه بمباركه : مبروك ي مرات ولدي 

مبروك ي حسن ربنا يرزجكم الخلف الصالح

ويتمم ع خير ..

وتخرج نقوط مراد وتعطيه لرحيل 

رحيل : ايه ده كلو ي ماما 

الحجه : ده نجوط مراد بيه ليكي 

اخو حسن الكبير بس حصلت 

ظروف ف الشغل ومجدرش 

يجي بس انشالله هيبجا 

يزوركم 

رحيل : ايوة بس ده كتير اووي 

الحجه : ولا كتير ولا حاچه ي بتي خودي مني 

وتخرچ سلسال ثلاثة ادور وهو ورث عائلي 

وتمده لرحيل : وده مني انا 

رحيل بتنظر لوالدها ليرد محمد : خودي من الحجه ي رحيل متكسفيش ايدها ي بنتي 

رحيل : حاضر ي بابا ..شكرا ي ماما الحجه 

وشكرا لمراد بيه

ثم تعطيها شهد السلسال : اتفضلي ي رحيل 

دي حاچه بسيطه كده يرب تعجبك 

رحيل بحب : تعبتي نفسك ليه ي شهد 

شكرا ليكي واكيد هتعجبني كفايه 

انها منك ثم تقبلها من خدها 

لتحتضنها شهد بحب وفرحه 

وكذلك الامر مع ندي وتعطيها السوار وتبارك لها 

ثم يخرج لها العم ابراهيم وهشام وفهد وعامر 

النقطة وكل واحد يعطيها رزمة من المال 

فهم عائله الخير والكرم ..

الام : والله تعبتو نفسكم ي جماعه كده كتير 

وبعدين ده رحيل هتكون بنتكم مش وحده 

غريبه ..

الحجه : ولا كتير ولا حاچه مجام بتنا رحيل 

غالي وبعدين نعمل ايه بالغريب ده بنتنا 

ونحطوها ف عنينا وزيها زي شهد وكتر 

كل ده وحسن ينظر لعائلته بفخر

فهم رفعو رأسه 

وينظر لرحيل بحب وهو يهيم بها وبكلامها وضحكتها الخجوله وحركاتها ..

محمد : طب يلاه ي جماعه نسيب العرسان مع 

بعض شوية ونتعشا مع بعض كده حاجه خفيفه  ليذهبو لغرفة السفره وتذهب زينب بصنيه 

لحسن ورحيل ..

ليقترب منها حسن : مبروك ي رحيل 

رحيل بخجل : الله يبارك فيك ي حسن 

حسن بحب : احله حسن منك ي رحيل 

انا نفسي اصرخ بعلو صوتي وجول 

للناس كلها اني بحبك 

رحيل بحمرة خجل تجنن : بس ي حسن ايه 

الكلام ده 

حسن : كلام انتي شوفتي لسه كلام

انا لولا العيب لكنت خدتك ف حضني

ولفيت بيكي الدنيا من فرحتي 

.. تهب رحيل واقفه تريد 

الذهاب من خجلها ليمسك حسن 

يدها :طب خلاص اجعدي 

مش هتكلم تاني 

ليخرج لها الهدية الي جبها ليها : اتفضلي ي ست البنات ..لتاخذ رحيل منو العلبه بخجل 

حسن : ايه مش هتفتحيها 

رحيل : حاضر ....وتفتح العلبه وتخرج خلخالين 

من الذهب الخالص  ..ايه ده ي حسن خلخال 

حسن : ايوة ي جلب حسن عشان كل ما تمشي 

ترجصي بنغمات رنة خلخالك ف جلبي 

لتجري رحيل بخجل ع غرفتها ويدها ع قلبها 

تتحسس نبض خافقه الصغير من كلام حسن 

فهو برئ ونقي ولاول مره يستمع

لهذا الكلام ......

‏*********