رواية هوس قلب عاشق بيجاد وهمس الفصل السابع 7 بقلم سحر خالد
رواية هوس قلب عاشق بيجاد وهمس الفصل السابع 7 هى رواية من كتابة سحر خالد رواية هوس قلب عاشق بيجاد وهمس الفصل السابع 7 صدر لاول مرة على موقع التواصل الاجتماعى فيسبوك رواية هوس قلب عاشق بيجاد وهمس الفصل السابع 7 حقق تفاعل كبير على الفيسبوك لذلك سنعرض لكم رواية هوس قلب عاشق بيجاد وهمس الفصل السابع 7
رواية هوس قلب عاشق بيجاد وهمس الفصل السابع 7
اتكلم بيجاد بغضب....
_ انتي مجنونة،، يعني ايه عايزه ترجعي له بعد كل اللي عملته ده،،، طالما عايزه ترجعي له صاحبتك بتكلمني ليه من البدايه....!!!!
همس بدموع.....
_ بيجاد لو سمحت انت مش فاهم اي حاجه خليني امشي انا لازم ارجع مش هينفع اسيب عمر خليني اخد زين وامشي من هنا،،
عشان اطلع عمر من الحبس اللي انت بتعمله ده كله غلط...!!!!!
بيجاد بغضب شدها قبل ما توصل للباب وبقت قريبه منه جدا وهو بيقول....
_ واللي بيحصل ده هو الصح انتي ازاي كده ازاي تعلقيني بيكي وكل مره تسيبيني وتختفي من حياتي كاني ولا حاجه،، بس اوعدك المره دي لو مشيتي من البيت ده مش هتشوفي وشي تاني يا همس،،،، فاختاري دلوقتي يا اما اطلقك منه و اوعدك انه مش هيظهر في حياتك تاني وابنك هيكون زي ابني بالظبط يا اما مش هتشوفيني تاني....!!!!!
همس بدموع و هي بتحاول تبعد....
_ انت مش فاهم اي حاجه اللي احنا بنعمله ده غلط ما ينفعش كده لو سمحت..!!
_واللي بتعمليه انتي ايه بظبط تروحي تتجوزي واحد غيري بسهوله كده وتنسيني،،، انا عارف اني غلطت اما بعدت عنك وصدقت كلام مالوش اي لازمه بس انتي لحد دلوقتي مستمره في الغلط يا همس ليه عايزه تعاقبيني على حاجه ما كانش قصدي اعملها همس انا بحبك ماتسيبنيش....!!!!
هزت همس راسها بدموع....
_ مش هينفع صدقني مش هينفع خليني امشي...!!
في الوقت ده بص لها بيجاد بغضب وغضب كبير جدا،، نظرة عمرها ما هتنساها و ندى على الخدامه اللي دخلت وهي بتقول....
_ امرك يا بيجاد بيه....!!!!
_هاتي زين لمدام همس عشان هتاخده وتمشي وخلي الحرس يفتحوا لها البوابه ويوصلوها بالعربية لـ مكان اللي هي عايزاه عشان ما تتاخرش اكتر من كده....!!!!
همس بدموع بعد ما خرجت الخادمه تجيب زين اتكلمت وقالت....
_انت مش فاهم اي حاجه انا....
اتكلم بيجاد بغضب شديد.....
_انا مش عايزه اشوفك في حياتي انتي لعنه،،، حبي ليكي لعنه يا همس وصدقيني هتخلص من اللعنه دي و ساعتها عمري ما هبص ورايا ولا عايز اعرف اي حاجه عنك،، اشبعي بيه وروحي خليه يكمل عليكي المره الجايه يا عالم هيعمل فيكي ايه تاني بس اوعدك مش هساعدك مهما طلبت مني المساعده.....!!!!!
قال كلامه وبص لها بغضب شديد و سابها وخرج من الاوضه...
اما هي فـ قعدت على الارض وهي بتعيط بتعيط بقلب مقهور،، لانها بتحبه بس ما تقدرش ما تقدرش لان في اسباب كتير تمنعها انها تكون مع بيجاد...
وفي اسباب اكتر تمنعها انها تسيب عمر....؟!!!
♡♡♡♡♡♡♡♡♡♡♡♡♡♡♡♡♡♡♡♡
في البيت عند همس كان واقف قصادها عمر وهو بيقول...
_مين اللي اسمه بيجاد انا سمعت اسمه في القسم و هو اللي اتدخل واخدك من المستشفى وهو اللي عايزك تطلقي منه،،،، يعني طلعتي على علاقه بيه و كان عندي حق اما كنت بتعامل معاكي بطريقة اللي انتى تستاهليها.....!!!!!
رجعت همس لـ ورا وقالت لابنها بخوف....
_ ادخل ادخل يا زين جوه دلوقتي وانا جايه على طول يا حبيبي..!!!
دخل زين وهو مرعوب وقفل الاوضه بتاعته وقعد على السرير و هو بيرتعش لانه عارف اللي هيحصل كالعاده،،،، اما همس فـ بصت لـ عمر وهي بتقول....
_ما فيش حاجه بيني وبين بيجاد انا مااعرفوش مجرد انه كان زميلي في الجامعه زمان مش اكتر..!!!
_وزميلك في الجامعه هيعمل كل اللي عمله الاستاذ بيجاد ده ليه الا لو كان بيحبك او بينكم حاجه اقسم بالله ما هرحمك،،، ازاي تعملي فيا كده،،
وانا اللي كنت بفكر اقرب منك ونصلح علاقتنا طلعتي ما تستاهليش اي حاجه....!!!!!
قال كلامه و مسكها من شعرها فقالت هي وهي بتعيط،،،،
_ حرام عليك انا رجعت رجعت اهو ماعملتش اي حاجه ولا هربت،، كان قدامي فرصه انك ماتشوفش وشي تاني ونتطلق،، بس انا رجعت و ماتعملش اي حاجه حرام عليك انا.....
_انتي ايه انتي واحده ماتستاهليش اي حاجه واحده خاينه خانت جوزها ابو ابنها ودايره على حل شعرها مع واحد مفكره اني مش هعرف،،، وبعتيه عشان ياخدك ويهرب بيك ويطلقك مني فاكره انك هتخلصي مني بالاسلوب ده ولا بالسرعه دي،،، لا ده انا لسه هفضل في حياتك اكتر وهخليكي تتمني الموت اكتر واكتر.....!!!!!
قال كلامه وزقها فوقعت على الارض وهي بتعيط حطت ايديها على بطنها بالم بص لها بغضب ومسك التليفون وهو بيقول....
_ هايدي عايزك تبعتي لي مفتاح الشقه بتاعتك محتاجها...
_ايوه اللي هي في محافظه تانيه وما تساليش ليه ابعتي المفتاح و بس واعملي حسابك اني هتجوزك قريب قوي وهتكوني مراتي....!!!!!
ابتسمت هايدي بسعاده وقفلت معاه وفعلا بعتت له المفتاح و اخد همس وابنها في العربيه اللي كانت بتعيط طول الطريق،،
لحد ما وصل الشقه اللي تبع هايدي دخل ورماها على الارض وهو بيقول.....
_ من النهارده هتعيشي هنا هتعيشي هنا ومش هتشوفي النور لا انتي ولا ابنك،،، انا هعلمك الادب و اما اعرف علاقتك ايه باللي اسمه ايه بيجاد ساعتها ولو طلع في بينكم حاجه موتك هيبقى على ايدي..!!!
قال كلامه بغضب و وقفل الباب بالمفتاح اما هي فقعدت بتعيط وندمانه انها رجعت له،،، بس تعمل ايه ما كانش في ايديها حاجه غير كده...!!!!
♡♡♡♡♡♡♡♡♡♡♡♡♡♡♡♡♡♡♡♡
في مكان تاني،، اتكلم بيجاد....
_ وصلت البيت يا عمران و خرجت اللي اسمه عمر من السجن زي ما هي عايزه صح..!!!
عمران بص له باستغرب وهو بيقول.....
_ مع أني مش فاهم هي إيه اللي عملته ده، ازاي ترجع له بعد اللي عمله؟ كان قدامها فرصة عمرها إنها تتحرر منه من اللي بيعملوا فيها،
بس هي رفضتها. مع كده هي حرة. اتمنى أنك ماتتدخلش في حياتها تاني،
أنا مش عايزك تدخل في مشاكل، مالناش دعوة بيها أصلا."
_عندك حق انا اصلا وجودي في البلد دي كان غلط انا لازم ارجع اسافر تاني واكمل شغل وطريقي...!!!!
عمران....
_هو أنا بقولك كده ولا بسالك على الموضوع؟ عشان تقول أنا همشي؟ انت لسه ماكملتش يومين في البلد دي وعايز تمشي! تعالى الله يهديك. خلينا نمشي ونبقى نتكلم في الطريق."
مشي ببجاد مع عمران من المكان، باختفاء همس. حس ان روحه انسحبت منه، وإن ده آخر لقاء بينهم. كان حاسس بحزن، لانها ولـ تاني مرة، اختارت حد غيره، وبعدت عنه...
غلطة واحدة، غلطها زمان، خاسرها كذا مرة بسببها."
♡♡♡♡♡♡♡♡♡♡♡♡♡♡♡♡♡♡♡♡
في مكان تاني، كان قاعد عمر مع هايدي، اللي بتقول:
_قلت لك إنها زيها زي غيرها، وقلت لا، دي أم ابني ومش عارفة إيه. فضلت دي عليا، إهي بانت على حقيقتها، وطلعت تعرف راجل عليك. دلوقتي راجع، وعايزنا نكون مع بعض."
عمر...
_بقولك إيه يا هايدي؟ أنا مش ناقص، لو عايزاني امشي، أنا ممكن امشي ومش هتشوفيني تاني."
هايدي....
_انت بتقول إيه يا عمر؟ أنا مش بقول كده عشان تمشي، انت عارف إن أنا بحبك، وإن انت الشخص الوحيد في حياتي. خلينا نتجوز في أقرب وقت، وأنا هعيش خدامه تحت رجلك، والله."
عمر.....
_جرى إيه يا هايدي؟ انتي هتعملي عليا شويتين بتوعك؟ إذا كنت قلتِ ان احنا هنتجوز، فده جواز عرفي، انما تبقى على اسمي رسمي. انتي فاكرة إنكِ تستاهلي اتجوزك بالطريقة دي؟ أكيد لا!
و انتي فاكرة بردو إن أنا هصدقك؟ أما تقولي لي إن أنا الوحيد في حياتك؟ انتي بنت ليل يا ماما، يعني مجرد واحدة اتسلى بيها، مش أكتر، مش تكون أم لولادي...!!!!
عمر.....
_يعني همس هي اللي تستاهل إنها تكون أم لاولادك ما هي طلعت على علاقة بحد غيرك أهو؟ ولا انتِ ما بتعرفش تتشطر غير عليا أنا وبس!"
مسكها من شعرها ورماها في الأرض، وهو بيقول بغضب:
_دي أحسن منك ومن مليون زيك، يا بنت الكلب! انتِي فاكرة إن أنا هسيبها عشانك؟ ولا هتاخدي مكانها؟ همس مهما حصل عمرها ما هتخرج من حياتي،..
وعمري ما هسيبها ولا هطلقها، وأنتي هتفضلي في حياتي مجرد عاهره، مش أكتر."
بدا يضرب فيها بغضب لحد ما تعب، فسابها ودخل الاوضه. كانت بتعيط وهي بتتوعد بالانتقام:
"وانها هتخلص من اللي اسمها همس دي باي طريقة، و عمر بكل حاجة بيملكها ليها هي وبس....!!!!
♡♡♡♡♡♡♡♡♡♡♡♡♡♡♡♡♡♡♡♡
بعد كذا يوم كانت واقفه هايدي مع عمر وهي بتقول
..
_ شوف الصور دي كلها الصور لـ حبيبه القلب مراتك و بيجاد وهم في الجامعه كانوا بيحبوا بعض حب كبير قوي وهو سافر وسابها واما رجع وحب يرجعها عارف انها متجوزه فقرر ان هو يطلقكم يعني مراتك مش ملاك ولا حاجه......!!!!!
عمر بغضب مسكها من شعرها وهو بيقول.....
_ انتي بتقولي ايه انتي اكيد كدابه والكلام ده كله كدب هم يعرفوا بعض بس ما كانش في بينهم اي علاقه همس مستحيل تعمل كده...؟؟!!
_هو انت ليه مش مصدق اي حاجه عليها كانها ملاك واحنا الشياطين لا هي عملت كده الكلام ده انا متاكده منه انا خليت حد يجيب المعلومات دي،، وعرفت انها كانت على علاقه بيه وهو سابها وسافر ويا عالم ما يمكن زين ابن بيجاد مش ابنك...؟!!!
قعد عمر على الكرسي في صدمه و مش مستوعب اي حاجه من اللي هي بتقوله فـ كملت بغضب وهي بتقول بشر.......
_ لا و كمان خد الكبيره عرفت ان مراتك حامل وقالت للدكتور في المستشفى مايقولش انها حامل اما كشف عليها اما انت خبطتها،،، يمكن كانت بتخطط انها تبعد عنك ويمكن الطفل ده هو كمان ابن بيجاد،،،
الشاطر اللي يتعلم من غلطه ومايغلطش كذا مره وانت ما شاء الله عليك اتخدعت وغلطت مرتين مش مره واحده وبقى عندك ولدين تقريبا مش ولادك. للدرجه دي همس بتلعب بيك الكوره وانت مش حاسس...!!!!!
قام ضربها بالكف بغضب وهو بيقول....
_اخرسي مش عايزه اسمع لك صوت اقسم بالله لاقتلها....!!!!!
قال كلامه وسابها وحرج وهو زي المجنون وهو بيتوعد لهمس انه مش هيرحمها،،
ركب العربيه ومشي بيها اما هي اتنهدت بغضب،، وهي مبسوطه من جواها انها اخيرا هتخلص من اللي اسمها همس.....؟!!!
♡♡♡♡♡♡♡♡♡♡♡♡♡♡♡♡♡♡♡♡
عند همس كانت في البيت هي وابنها من ساعه ما سابهم كانت حاسه بواحده فظيعة وبتفكر يا ترى هي هتفضل طول عمرها تحت رحمه عمر،،ولا هيجي اليوم وتتخلص من العيشه دي وتعيش حياتها بحريه فجاه الباب اتفتح....!!!
اول ما دخل عمر و باين على وشه الشر دخلت ابنها الاوضه وقفلت الباب و بصت له و هي مش فاهمه اي حاجه،، اما هو فرد انه ضربها بالكف،،،
وقعها في الارض بصت له بصدمه و دم كان بينزل من بوقها...!!!!!
اتكلم وهو بيقول.....
_ بقى انا بقى انا تخونيني مع بيجاد اقولك ليكم علاقه ببعض تقولي لا يا ترى عمر ابني ولا ابن بيجاد ويا ترى اللي في بطنك ده ابني ولا ابنه ولا ابني مين بالظبط،، انا عمري ما كنت اصدق انك خاينة وبالشكل ده..!!!
حطت همس ايدها على بطنها بصدمه كبيره ازاي اعرف انها حامل ما رضيتش تطلق عشان ابنها وقررت تدي له فرصه تانيه بس طلعت غلطانه كانت مرعوبه لا يعمل فيها حاجه،،،
وهو فسر سكوتها على انها الحقيقه ،، وانها فعلا على علاقه بـ بيجاد...!!!!
_انطقي انتي ساكته ليه هي دي الحقيقه صح وانا كنت المغفل الوحيد في الحكايه دي....!!!!!
_لا والله يا عمر دي مش حقيقي انا ماليش علاقه بـيه من ساعه ما اتجوزتك وبقيت على اسمك وما ليش علاقه باي حد صدقني بلاش تعمل فيا كده انا
قالت كلامها بعد ما وقفت فزقها مره تانيه وقعت على الارض وبدا يضرب فيها بغل بايده و برجله زي المجنون وهو بيصرخ....
_ انتي واحده خاينه خاينه انا بكرهك اقسم بالله لاقتلك وقتل للي اسمه بيجاد يا خاينه....!!!
قال كلامه و ما سيبهاش الا اما اغمى عليها اتنهد بغضب شديد واخرج زي المجنون من البيت وقفل الباب،،،
في الوقت ده خرج زين من الاوضه واتصدم من المنظر،، والدته كانت على الارض و الدم حواليها من كل مكان...
قاعد جنبها وهو بيعيط ومرعوب مر الوقت لحد ما سمع تليفون والدته بيرن راح فتحه بسرعه.....
كانت هدير اللي قالت....
_ جرى ايه يا همس الحيوان ده لسه حبسك طب قولي لي مكانك وانا هاجي اخدك انتي فين انا مش عارفه انتي ازاي وافقتي انك ترجعي معاه او تخلي الحيوان ده يخرج السجن ده مجنون.....!!!!
بكى زين برعب فاتكلمت هدير بصدمه...
_ زين زين حبيبي فين ماما ايه اللي حصل وانت بتعيط ليه،، ايه اللي حصل يا زين..!!!!
_ماما ماما بتنزف بابا ضربها مش عارف اعمل ايه انا خايف قوي،،، و ماما مش بتفوق....!!!!!
هدير بصدمه....
_انت بتقول ايه طيب بص يا حبيبي اطلب منك طلب صغير هقولك على شويه حاجات تعملها في التليفون عشان تبعت لي الموقع بتاعك واعرف اجي واساعد والدتك تمام.....!!!!
_ايوه يا طنط انا بعرف ابعت الموقع...
_ايوه يا حبيبي شاطر ابعته وانا جاي على طول اهو مش هاخر عليك ماتخافش يا زين انا مش هاخر
قالت كلامها وقفلت مع زين وركبت عربيتها بسرعه وطلعت التليفون مره تانيه و اتصلت بيجاد،،،
اللي رنت كذا مره وماردش،، لحد ما رد في المره اللي ما تعرفش عددها وهو بيقول بغضب....
_عايزه ايه يا هدير انا في المطار ومش هرجع ومش عايزه اعرف اخبارك لا انتي ولا صاحبتك قولي لها تنساني زي ما انا ما نسيتها ورميتها من حياتي خلاص....!!!!!!
_الحقني الحقني يا بيجاد همس بتموت الحيوان ضربها وزين ابنها بيقول انها بتنزف ومش بتفوق وهو حابسهم في بيت في مكان بعيد قوي،،، ساعدني ما انا مش عارفه اعمل ايه....!!!!!
صدمه كبيرة خدها بيجاد، وهو حاسس إنه مشلول. حبيبته في مكان تاني بتتألم،
حس إن روحه بتنسحب منه. و قلبه من كتر الدق، خلاص هيطلع من مكانه. صرخ بصوت عالي وهو بيقول.......