رواية حينما يجرح الحب من الفصل الاول للاخير بقلم حنين محمد
رواية حينما يجرح الحب من الفصل الاول للاخير هى رواية من كتابة حنين محمد رواية حينما يجرح الحب من الفصل الاول للاخير صدر لاول مرة على موقع التواصل الاجتماعى فيسبوك رواية حينما يجرح الحب من الفصل الاول للاخير حقق تفاعل كبير على الفيسبوك لذلك سنعرض لكم رواية حينما يجرح الحب من الفصل الاول للاخير
رواية حينما يجرح الحب من الفصل الاول للاخير
بنزل من علي سلم عمارتنا وانا ببص حوليا خايفه لقابل ولاد عمي احنا ساكنين في الدور الاول وهما في الدور التاني
ياسمين:ازيك يا رغد رايحه فين
رغد بخضه :يلهوي خضتيني
ياسمين بضحك :ايه دا انت شوفتي عفريت
من خلفهم مهاب :انتي لسه ممشتيش يا ياسمين..مهاب اخو ياسمين ولاد عمي محمود ملتزمين اوي علي عكسي… ياسمين بنت عمي مختمره ولبسها محتشم ..اما انا فانا بلبس بناطيل متقطعه وبشعري.. مش عارفه هيا ازاي بترتاح في البس دا انا مبحبش الدريسات والحجات دي انا برتاح بشعري وببانطيل مهاب ابن عمي ملتزم برضو بس مش اوي زي جاسر اخوه.. انا مبحبش اقابلهم عشان بيكلموني في لبس الطرحه واللبس المحتشم ..بس انا مبحبش اللبس دا انا بحب اكون براحتي!
قولت بعد مفقت من شرودي:ازيك يا مهاب ازيك يا ياسمين مديت ايدي اسلم عليهم سلموا عليا
ياسمن :عامله ايه ياروحي
رغد :الحمد لله كويسه
مهاب :طب يلا يا ياسمين روحي مشوارك وانتي يا رغد روحي كليتك
رغد في سرها:الحمد لله جاسر مش هنا
رغد:اوك يلا يا ياسمين
جاسر من وراهم:السلام عليكم … عينه جت في عيني بصلي بقرف وبعد عينه وقال بزعيق :ايه اللي انتي لابساه دا يا ست هانم اهلك ربوكي علي كده الله يرحمو عمي بقا ملحقش يربيكي بس انا اللي هربيكي من اليوم ورايح امشي غيري اللي انتي لابساه دا
رغد بدموع من كلامه:انا متربيه كويس يا دكتور وانا مش هغير لبسي
جاسر بتريقه :اه منتي عاجبك الولاد في الكليه يبصوا للحم المعروض لهم ببلاش
رغد عيطت جامد من كلامو ازاي يهين شرفها كده وسبتهم ومشيت راحت علي كليتها
انا مش عارفه هو بيعاملني كده لي ومبيحبنيش ليه
مشيت وانا زعلانه وقلبي مكسور بقا دا جاسر حب طفولتي …من دلوقتي لأ انا مبقتش احبو ومش هسمحلو يهين شرفي تاني
مسحت دموعي ومشيت وانا بفكر هو انا بلبسي دا بعرض جسمي ..نفضت الافكار دي من دماغي وركبت تاكسي للكليه عشان متأخرش
عند جاسر :بغضب هي ازاي تسبني وتمشي كده ونا بكلمها وكمان متسمعش كلامي
ياسمين :اهدي كده يا جاسر انت عارف رغد دماغها ناشفه وبتعمل اللي هي عاوزاه..وبعدين براحه عليها شويه مينفعش الكلام اللي انتي قولتهولها دا غلط
جاسرفي نفسه:والله لربيكي من اول وجديد يا رغد واعلمك ازاي تسمعي كلامي
جاسر:طب يلا انا همشي دلوقتي علي الكليه عشان هتأخر اشوفكم بعدين..ومشي
مهاب :ربنا يهديهم
ياسمين :يا رب… دا الاتنين اعند من بعض
…..عند رغد في الكليه
رغد تليفونها بيرن:الو ايه يا زفته انتي فين
ساره :انا قدام باب الكليه اهو يا ختي
رغد :طب يلا سلام يا هبابه البرك وقفلت بسرعه قبل ما ترد عليها
رغد راحت لي ساره
ساره بمشاكسه:انتي مفكره نفسك هتروحي فين ..بقا انا هبابه البرك…..ساره بعد ما حست انا رغد فيها حاجه فهي صديقتها المقربه..مالك يا رغد
رغد والدموع بدأت تتجمع في عنيها:انا مش عارفه عملتلو ايه عشان يعاملني كده
ساره بزعل:جاسر مش كده
رغد بدموع:مفيش غيره بيزعلني علي طول ..دايما بيزعقلي من غير سبب
ساره :زعقلك النهارده؟
رغد:اه.. قال انا بلبس كدا عشان اعرض جسمي للولاد
ساره بعد ما نظرت لي لبس صديقتها وهو عباره عن تيشرت قصير وبنطلون ضيق:الصراحه يا رغد انتي مأفوره في لبسك النهارده ..وأكملت بضحك .يا حمار*ه هو زعقلك عشان غار عليكي ..قوليلي يا اخر صبري هببتي ايه
رغد:مسمعتش كلامو وعيطت ومشيت بسرعه
ساره :غبيه هو كدا مش هيحبك زي ما انتي عاوزه
رغد:مش مهم بقا انا مبقتش عايزاه يحبني ..انا مش هحضر اول محاضره عشان هو اللي هيدخلها ابقي اكتبيها وهاتيهالي انا هستنا في الكافيتريا
ساره :خلاص براحتك ..امشي انا بقا عشان لو اتأخرت انتي عارفه اللي هيحصل
رغد:بضحك ماشي يا قلبي
مشيت ساره وراحت رغد علي الكفتيريا قعدت تزاكر …
جاسر :السلام عليكم
الطلاب :وعليكم السلام يا دكتور
جاسر :قعد يدور بعينه عليه بس ملقهاش
بعد انتهاء المحاضره
جاسر بقلق:انسه ساره هي فين رغد؟
ساره بتوتر :رغد تعبت شويه وراحت علي الكافتيريا
جاسر سبها ومشي راح الكافتيريا
رغد :الو يا بنتي انتي فين كل دا
ساره :الدكتور جاي ليكي
رغد باستفهام :دكتور مين؟
شخص من خلفها :انا يا رغد
رغد في نفسها :انا عارفه الصوت دا يا رب مايكون هو
رغد في نفسها:انا عارفه الصوت دا يا رب ما يكون هو
مراد:رغد بصيلي
لفت رغد لتجد مراد…رغد:عايز ايه يا مراد ؟
مراد:عايزك تحبيني زي ما بحبك
كان جاسر قرب عليهم ..ولما سمع مراد بيقول كده كان فقد اعصابه وهيروح يضربه بس اوقفه رد رغد عليه..
رغد:وانا قولتلك مبحبكش يا مراد وابعد عني لو سمحت
مراد بزعل لردها اللي بترده عليه كل مره:ليه بس انا فيا ايه وحش
رغد:مش فيك حاجه وشه يا مراد
جاسر لما سمعها بتقول كده حس بغيره عليها وقال في نفسه:هو انا غيران عليها لي ما تولع ..بس دي بنت عمي عشان كده غيران عليها انا همشي من هنا احسن…ولسه هيمشي سمعها بتقول
رغد:انا بحب واحد يا مراد و اكملت بزعل حاولت تداريه.. وهو كمان بيحبني فا لوسمحت ابعد عني
مراد وقد يأس من محاولاته:خلاص يرغد ربنا يهنيكوا ببعض….. بس ممكن نبقا صحاب؟
رغد بابتسامه:ان شاء الله تلاقي اللي تحبك وتحبها +مفيش مانع نبقا صحاب ..صحاب وبس
مراد :تمام اتفقنا
مشي مراد وسابها في الكافتيريا
جاسر في نفسو:هي بتحب واحد وهو وبيحبها ونا اللي فاكرها بتحبني…جاسر ببرود عكس اللي جواه:عادي انا اصلا مش بحبها….. جاسر حس بنغزه في قلبو ..
بس فاق من شروده وراحلها
جاسر:رغد
رغد بخوف منه:في اي يا دكتور
جاسر:مجيتيش حضرتي المحاضره لي
رغد:كنت تعبانه شويه
جاسر زعل عليها:تعبانه ولا مش عايزه تشوفيني
رغد بدموع:انا بخاف منك عشان علطول بتزعقلي
جاسر قلبه زعلان علي دموعها اللي بتنزل بسببه بس هي اللي غبيه دايما بتستفزه بلبسها وتصرفتها : انا بزعقلك عشان انتي مبتسمعيش كلامي
رغد : لو تفهمني براحه انا هسمعلك بس انت ..
ساره :يا رغد يلا هنتأخر علي محاضره دكتور سامح
جاسربحب:روحي دلوقت محضرتك ونكمل كلامنا في البيت
رغد بفرحه انو بيكلمها كدا :حاضر
ومشيت هيا وساره راحوا علي المحاضره
دخلوا المحاضره
بعد انتهاء المحاضرات اللي عليهم
رغد بتعب:ايه اليوم المرهق ده يا بت يا ساره
ساره:اه والله …بس قوليلي المز كان بيقولك ايه
رغد:الله يخربيتك وضربتها علي كتفها …وقالت وهي سرحانه في ملامحو ..عيونه الزرقا ولا دقنه الرجوليه وشعره اللي نفسها تلمسه وتنعكشه
الصراحه هو مز اوي….
ساره بضحك :والله ووقع الجميل بتاعنا
رغد بعد ما فاقت :بس يا بت يلا امشي روحي من قدامي…
ساره:اه والله دا انا هروح انام علطول
رغد :يلا يا غيبوبه هانم
مشيت ساره وفضلت رغد واقفه مستنيه مواصلات رغد في سرها:يبختك يابت يا ساره بيتك قريب من الكليه
عدا وقت ومفيش ولا عربيه وقفت ل رغد
جاسر بعد ما خلص محاضراته لقي رغد لسه واقفه …
جاسر بجديه:ايه اللي موقفك لحد دلوقت مروحتيش ليه
رغد:مش لاقيه ..ولم تكمل كلامها
جاسربغرور:طب يلا تعالي اركبي معايا عربيتي
رغد بعند :لا مش عايزه شكرا يا دكتور
جاسر بغضب: خلاص براحتك..ومشي وسابها
رغد في سرها :مغرور……..هو ما صدق ولا ايه.. مشي علي طول حتي ما اتحايلش عليا …بعد مده
جاسرقلق عليها رن عليها تليفونها لقاه مقفول نزل الدور اللي تحت
عند بيت عمه …فتحت ست كبيره الباب
فوزيه :ايه يا جاسر يابني
جاسر:هي رغد هنا
فوزيه :لسه موصلتش …. بقلق فيه حاجه ولا ايه
جاسر مرضاش يقلقها:لا مفيش حاجه يا مرات عمي كنت بسأل عليها بس
مشي جاسر من عند مرات عمه ركب عربيته بسرعه ورن عليها لقا تليفونها مغلق لسه
وصل عند المكان اللي كانت واقفه عنده ولقا…
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
جاسر وصل عند المكان اللي كانت واقفه عنده ولقا رغد لسه واقفه
رغد بصتله بنظره مفهمهاش
جاسر:يلا يا رغد اركبي
رغد :لا مش عايزه اركب معاك وأكملت بدموع.. مش انتي سبتني ومشيت
جاسر:انتي اللي عصبتيني ..يلا يرغد واقفتك هنا ملهاش لازمه مامتك قلقانه عليكي
رغد باستسلام:ركبت بدون رد
جاسر ركب هو كمان
فضلنا طول الطريق ساكتين
اول ما وصلنا نزلت علطول من غير ما ابصله وجريت علي شقتنا
فوزيه :انتي جيتي يا رغد ؟
رغد وهي بتقفل الباب :لا يماما انا لسه في السكه
فوزيه :طب يلا يا خفيفه غيري هدومك عشان تتغدي
رغد :لا يماما انا مش جعانه انا هدخل انام وابقي صحيني بليل
فوزيه:ماشي يقلب امك
دخلت رغد غيرت هدومها وقعدت تفكر كتير وبعدين نامت
عند جاسر..
جاسر رجع شقته (هو ساكن في شقه لوحده في نفس العماره غير شقه اخواته)غير هدومه وهو بيفكر في تصرفاتها نفض التفكير دا من دماغوا وعمل لنفسوا قهوه وقعد يحضر لامتحان لطلابه في الكليه….
جه الليل…
عند رغد :صحيت من النوم الساعه ١٢ …..طلعت في البلكونه تشم شويه هوا
رغد :وهي بتبص في التليفون ..لقت رغد رساله من رقمه!
رقمه معاها من زمان وعمره من بعتلها حاجه جاسر_انا اسف اني خليتك تعيطي بسببي النهارده
رغد اول ما شافت الرساله دي حست بمشاعر متلغبطه ردت عليه:لا ولا يهمك
ايه دا… دا شافها علطول
رد عليا :يعني مش زعلانه مني ؟
ردت رغد:لا مش زعلانه
جاسر:حيث كدا بقا احب ابشرك انتي عندك امتحان في مادتي بكره
رغد:يلهوي دي ماده غلسه اوي مش فاهمه فيها حاجه..
جاسر:انتي اللي ما بتحضريش معظم المحاضرات
رغد:طب بما انك الدكتور وابن عمي ما تقولي كدا كم سؤال من الامتحان
جاسر :من غشنا فليس منا ولا الكلام دا مش واكل معاكي
رغد :طب انا هعمل ايه؟
جاسرمن خلفها:هقولك انا تعملي ايه
رغد اتفجأت من اللي طلع من البلكونه
رغد بخضه:بسم الله الرحمن الرحيم خضتني يا جدع.. بلكونه رغد لازقه في بلكونه جاسر..
جاسر :يا جدع …بيئه اوي
رغد:انا بيئه!
جاسر:روحي اعمليلي قهوه وتعالي اشرحلك اللي مش فاهماه…..ونظر لملابسها …والبسيلك ازدال عشان اعرف اخد راحتي وانا بشرحلك
كانت لابسه بيجامه قطن بنص كم …بس كانت زي القمر …
رغد بكسوف :حاضر
جاسر في نفسه:ايه القمر دا…لا لا استغفر الله العظيم دي بنت عمي وتحللي لازم اغض بصري..
جاسر اول مره ياخد باله من ملامحها
شعرها الاحمر الناري ولا شفايفها الكبيره الوردي ونمشها الي زي النجوم المنثوره في السما وبشرتها التلجي …نفض الافكار دي من دماغو
جاسر :جاسر انت بدأت تحبها ولا اي ….
رغد بفرحه:هي مين دي اللي بتحبها يا جاسر
جاسر……
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
رغد بفرحه:هي مين دي اللي بتحبها يا جاسر
جاسر:الملوخيه ….الملوخيه اللي امك عملتها النهارده كانت دماار…. مع اني مكنتش بحبها حاسس اني بدأت احبها…
ابتسمت بحزن :اه فعلا دي كانت حلوه اوي
جاسر لاحظ حزنها بس من جواه كان مبسوط لانه حس انها بتحبه :طب مش يلا ولا ايه..
رغد بغباء:يلا ايه…
جاسر ابتسم ابتسامه بينت غمازته:انتي باين الملوخيه لحست دماغك …هاتي الكتب يلا
رغد سرحت في ابتسامته اللي بتعشقها:هاا
جاسر بجديه:احم احم … الكتب
رغد بكسوف:حا..حاضر
رغد جابت الكتب وقعدت …بينه وبينها البلكونه …بعد ساعه من الشرح
جاسر:ها فهمتي حاجه
رغد:اه والله دا نت طلع شرحك حلو عكس مكنت فاكره …شكرا اوي يا جاسر..
جاسر:انتي اللي مبتحضرليش محاضرات عشان تعرفي شرحي حلو ولا لأ…عامتا العفو يا ستي في اي وقت تعوزي اي حاجه مفهمتهاش اطلبي بس
رغد:حاضر
جاسر:طب يلا الوقت اتأخر ادخلي نامي عندك كليه بكره
رغد:تصبح علي خير
جاسر:ونتي من اهله
ودخل كل منهم غرفته
رغدكانت مبسوطه اوي انه بدأ يكلمها عادي وقعدت تفكر تخليه يحبها ازاي فقررت توسع لبسها شويه وكمان عشان ترضي ربها…وبعد ساعات من التفكير قررت تنام اخيرا…
صباح يوم جديد علي ابطالنا
صحيت اخدت شاور وقررت أبدأ صلاه من النهارده …كانت الصلاه تقيله عليا في الاول ولكن حسيت بعديها براحه رهيبه راحه محستهاش من ساعت ما بابا سبنا وراح …الله يرحمه
بعد ما خلصت صلاه قررت اجرب الطرحه عليا اشوفها حلوه ولا لأ بس كان في صوت جوايا بيقولي انو محدش هيحب شكلي وصوت تاني بيقولي ان انا كده برضي ربنا وكمان جاسر كده هيحبني…هيحبني!جاسر عمره ما هيحبني…..نفضت الافكار دي من دماغي وخلاص قررت هلبسها…ناديت علي ماما عشان تلفهالي …فوزيه:بجد يا رغد هتلبسيها!
رغد:ايوا يا ماما ..خلصي بقا عشان هتأخر علي الكليه..بس وحيات الغالي تلفهالي حلو..
فوزيه بدموع :حاضر يا بنت الغالي..
فوزيه:ايه القمر دا رغد بسم الله ما شاء الله..زدتي جمال فوق جمالك
رغد بفرحه وهي بتبص علي نفسها في المرايه:بجد يا ماما… طيب انا ماشيه بقا عشان هتأخر
اول ما نزلت من علي السلم قابلت جاسر..
جاسر في نفسه :تبارك الرحمن ايه الحلاوه دي
رغد بكسوف :ازيك يا دكتور
كانت لابسه دريس موف وطرحه ..طرحه!!رغد اخيرا لبست الطرحه….طالعه زي الملاك..
جاسر بعد شويه:شال عينه من عليها ..احم احم ..ازيك يا رغد .. مبارك يا رغد..ربنا يثبتك عليها
رغد:بكسوف :الله يبارك فيك يا دكتور
جاسر :انا هنا جاسر لما نروح الكليه ابقي قوليلي يا دكتور…
رغد :حاضر يا جاسر ..عن ازنك بقا
جاسر:تعالي اوصلك انا كمان رايح نفس الكليه علي فكرا..
رغد بضحك:ماشي يا دكتور..قصدي يا جاسر
جاسر:طب يلا
مشي جاسر ورغد علي الكليه
اول ما وصلنا نزلت من العربيه
رغد:انا ماشيه بقا يا دكتور عشان اقابل ساره
جاسر:طيب خلي بالك من نفسك
رغد:حاضر
الو ..الو يبت يا ساره عملالك مفجأه
ساره:قولي بسرعه انا مبتحملش الصدمه
رغد:تعالي انا مستنياكي في الكليه
بعد مده
ساره:دا بجد!
رغد بضحك:ايه يا هبله مالك
ساره:انا مش مصدقه اخيرا لبستي الطرحه
رغد:لا صدقي يستي
ساره:زمان سي رميوو مشالش عينه من عليكي
رغد:بس يا بت… انا خلاص مش هحاول تاني انا حاسه انه بيحب واحده عشان كنت سامعاه بيقول في سره انت بتحبها ولا ايه وجيت عشان اسأله غير الموضوع
ساره:يهبله لي ميكونش انتي
رغد:فكك من المواضيع دي معدتش تفرقلي اهم حاجه علاقتي اتصلحت بيه الاحد ما …بقولك يلا عشان منتاخرش علي الامتحان
ساره:يلهوي امتحان ايه ده…
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
ساره:يلهوي امتحان اي دا !!!
رغد : امتحان لدكتور جاسر.
ساره بغمز:دكتور جاسر قولتيلي.
رغد ضربتها في كتفها:اه يا اختي دكتور جاسر ..الحمدلله ذاكرتله.
ساره :بس هو مقلناش علي امتحانات خالص..ااه دا امتحان مفاجئ وقلك عليييه.
رغد:بس بقي بلاش رغي يلا هنتأخر.
ساره :ماشي يختي يلا جاتك القرف وطلعت تجري
رغد :اما وريتك يا ساره الكلب مبقاش رغد.
وبعد انتهاء الامتحان ..
طلعت رغد وساره
ساره :بقولك اي متيجي نروح ناكل حاجه اهو نحتفل بالطرحه الحلوه دي .
رغد :انا معنديش مانع مادام علي حسابك
ساره :يحبيبتي مسميني ساره الكحيانه يعني مامعي مصاري ولا فلوس حتي ..المرادي علي حسابك
رغد : ماشي يا كحيانه هدفع انا وامري لله مش عارفه والله في كل الروايات بتبقي صاحبه البطله مليونيره كده وبتعزم البطله علي طول اما انا ربنا باليني بساره الكحيانه يلا الحمدلله ..
سمعوا صوت حد بيضحك من خلفهم
ساره لفت تشوف مين لاقته مصطفي ابن خالتها
ساره بصدمه :مصطفي ..انت هنا من امتي
مصطفي :من ساعه ساره الكحيانه..
ورغد انفجرت في الضحك
ساره بعصبيه : دا انتوا باردين صحيح ..
رغد وكتمه الضحكه:خلاص يساره اهدي احنا بنهزر وبعدين مش انتي اللي قولتي علي نفسك كدا..
ساره :استغفر الله العظيم ..المهم جاي ليه يا مصطفي انت فاشل ومبتجيش .
مصطفي : فاشل اي دا انا بيتحايلوا عليا علشان امسك مدير وانا رافض.
ساره بتريقه : والله !! طيب يا حضرت المدير عايز اي.
قبل ما يتكلم قطع حديثهم الدكتور علي اللي كان مركز عليهم من بعيد .
علي : انسه ساره ممكن دقيقه لو سمحتي .
مصطفي : طيب يا ساره انا ماشي خدي الساندوتشات دي امك بتقولك لو مأكلتهاش هتضربك .
ساره في نفسها: يا دي الفضايح يا ارض انشقي وابلعيني
ساره من تحت سنانها: ههه ماشي يا مصطفي وشدته من ايده سلملي علي ماما قوي
مصطفي بهزار : طيب ماشي سلام يا كحيانه ومشي
ساره في سرها: رمي القنبله ومشي
رغد : طيب يا ساره انا هستناكي برا عقبال ما تخلصي مع الدكتور وسابتها ومشيت
علي وهو ماسك نفسه من الضحك علي وش ساره: اتفضلي يا انسه الكتاب اللي كنتي سألتيني عليه
ساره بحرج:شكرا اوي يا دكتور تعبتك معايا لو مكنتش لقيته مكنتش طلبته منك.
علي بعفويه: لا شكرا اي دا انتي غاليه عندي اوي
ساره بحرج اكتر: طيب تمام شكرا يا دكتور ولسه هتمشي
علي : انسه ساره..هو مين اللي كنتوا واقفين معاه ده؟؟
ساره : دا ابن خالتي يا دكتور
علي : طيب تمام ماشي
ساره : سلام يا دكتور.
راحت لرغد
رغد بضحك : ابقي كلي السندوتشات علشان امك متضربكيش.
ساره: اسكتي الله يكرمك دا انا كنت في نص هدومي ساعه ما قال كده قدام الدكتور مش عارفه اعمل اي مع امي والله
رغد:هي بس بتخاف عليكي من اخر مره فقدتي فيها الوعي بسبب انك مكالتيش
ساره : طيب دلوقتي انا اعمل اي في السندوتشات دي اكلهم ازاي واحنا هناكل برا
رغد:وريني كده دول سندوتشات اي
ساره: دايما همك علي بطنك كدا منا لازم اكلهم عشان متهزأش ..انا حاسه اني في الحضانه والله .
رغد قعدت تضحك
ساره : يبرادتك يبت … انا ماشيه بقي وهسيبك لوحدك
رغد: لي بس يا سرسور يعني مش هناكل في المطعم
ساره : هروح اشوف موضوع السندوتشات اللي خلاني في نص هدومي دا واكملت وطلعت لسانها وكمان معنديش محاضرات الدور والباقي عليكي
رغد:طيب يلا طرقينا بقي
بعد مده
رغد اخدت تاكسي علي البيت
رغد :افتحي بقي يا حاجه انا جعااااااانه افتحي بقي
فوزيه من خلف الباب : مفجوعه وهتفضحنا
فوزيه:اي يا زفته صوتك عالي ليه ادخلي ابن عمك جوه
رغد بحرج: ابن عمي مين
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
رغد : ابن عمي مين ؟؟!
فوزيه : مالك يبت وشك اصفر كده ليه ..هيكون مين يعني الواد مهاب جايب لنا طبق محشي من عندهم ادخلي يلا
رغد :الحمدلله
فوزيه وهي تدخل : ربنا يكملك بعقلك يبنتي
رغد في نفسهاوهي تغلق الباب خلفها : ..كويس انه مش جاسر
رغد :اهلا بيبو
مهاب : مش قولتلك يبنتي بلاش بيبو دي وبعدين انتي بتخبطي زي البوليس كده ليه يا مفجوعه
رغد : انا بحب اقولك يا بيبو وبعدين يا اخي انا ميته من الجوع وامي مبتردش عليا غير لما اخبط كده
مهاب : ماشي يختي
مهاب: اه صح مبارك الطرحه الحلوه دي
فوزيه علي الباب : ادخل يا جاسر يا حبيبي
رغد : حبيبي يا بيبو متغلاش عليك
جاسر بص لمهاب بتريقه : بيبو… يلا بيبو اطلع كلم والدتك وانا هخلص مع مرات عمي وجاي
مهاب وهو يضرب رغد بهزار: مش قولتلك بلاش بيبو دي اهو جاسر هيفضل يتريق كده كتير
مهاب بصوت يسمع فوزيه في المطبخ : انا ماشي يا زوزه هبقي اجيلك تاني
فوزيه : اقعد يا ولا شويه
مهاب : لا انا ماشي.. ويكمل وهو بيهمسلها: دا جاسر هيولع الدنيا دلوقتي
فوزيه بنفس الهمس: يلا خليه يعلمها الادب شويه
مهاب: متأكده ان دي بنتك يا زوز
فوزيه بضحك : يلا يا ولد امشي
مهاب: انا ماشي بقي وبعتلها بوسه علي الهوا
فوزيه بصوت عالي : اقعد يا جاسر عقبال ما اخلص اللي في ايدي ثواني وجايه
جاسر في سره : لا خدي راحتك خالص
رغد : انا داخله اوضتي بعد اذنك
جاسر : استني
رغد : نعم
جاسر : مش قايلك مليون مره متقوليش لمهاب الاسم الزفت دا
رغد بشجاعه اول مره تعملها وتقف في وشه : وانت مالك اناديه بالاسم اللي يعجبني
جاسر بصدمه : والله واتعلمت الاستاذة رغد ترد عليا
رغد : وما اردش عليك واسمع كلامك لي اصلا
ولسه هتمشي
جاسر : حلو يا رغد هانم برافو عليكي وكمان بتسبيني وتمشي
رغد مردتش عليه ودخلت اوضتها علطول
جاسر: ماشي يا رغد اما وريتك ازاي متسمعيش كلامي
رغد اول ما دخلت اوضتها انهارت في العياط : هو لي بيعاملني كدا انا عملت اي لكل دا
بعد مده نامت
فوزيه : اي يا جاسر يا ابني كنت عاوز اي يا حبيبي
جاسر : كنت جاي اقولك يا زوز ان هنعمل لياسمين خطوبه صغيره في البيت بعد بكرا وماما عايزاكي معاها من اول اليوم
فوزيه : مبارك يا حبيبي ان شاء الله هنيجوا انا ورغد من الصبح
جاسر : حبيبتي يا زوز انا مش جاي اعزمكوا انتم اهلنا
فوزيه : امال يا حبيبي ان شاء الله هنكونوا هناك
جاسر : طيب انا ماشي بقي عشان عندي شويه شغل
فوزيه : ماشي يا حبيبي
جاسر : السلام عليكم ورحمه الله وبركاته
فوزيه : وعليكم السلام ورحمه الله وبركاته يا حبيبي
فوزيه : ربنا يهديكوا يا رب
بليل At night يعني
فوزيه : اصحي يا بت يا رغد
رغد بنوم : اي بس يا ماما في اي هو انا لحقت انام
فوزيه : لحقتي اي يبنتي دا الجيران بتشتكي من شخيرك
رغد : بقي انا بشخر وانا نايمه طيب ماشي ان ما سجلتلك وسمعتك نفسك
فوزيه : قومي يا بت بقي
رغد : خلاص قومت اهو
قامت رغد و قعدت تذاكر شويه
فوزيه : خدي يا دودو كبايه القهوه دي من ايدي الحلوه
رغد : هو مش المفروض انا اللي اقولك كده
فوزيه : منا بقول لنفسي عشان انا بsupport نفسي علطول
رغد : عرفتيها منين دي يا ماما ؟؟!!
فوزيه : البت ياسمين بتقولها علطول فلزقت في لساني بس اي رايك
رغد بضحك : اهي البت ياسمين دي اللي هتودينا في داهيه
فوزيه : الا صحيح ياسمين خطوبتها بعد بكرا جاسر كان جاي يقولي النهارده
رغد في سرها : هو كان جاي علشان كده
رغد : بجد يا ماما ومقالتليش ليه البت دي
فوزيه : اكيد العريس هو اللي كلم جاسر وقاله هي هتعرف منين
رغد : ربنا يهنيها دي طيبه اوي وانا بموت فيها
فوزيه : اعملي حسابك هتروحي معايا من الصبح علشان نساعدهم
رغد : ان شاء الله لو معنديش محاضرات هاجي معاكي
فوزيه : طيب يا قلبي انا طالعه اسمع المسلسل ولو احتجتي حاجه ناديني
رغد : باست ايديها : ربنا يخليكي ليا يا ماما
بعد ساعه
رغد : اخيرا خلصت ..اهو اكتر حاجه بكرها المذاكره
قعدت رغد تفتح تليفونها وتتصفح فيه
جاتلها رساله من رقم غريب
&هلو رغود
* مين؟؟
&وحشتيني
رغد : دا مين دي ؟ ممكن تكون نور اللي اخدت رقمي من يومين
* مين؟؟ نور ؟
&لا مش نور
* اومال مين ؟
مردش
رغد : يا تري مين ؟ انا اعمل بلوك احسن ولا لأ ..ممكن تكون واحده صحبتي انا هستني اما ترد عليا
عند شخص تاني : هجيبك يعني هجيبك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
في صباح يوم جديد
رغد وهي بتصحي من النوم: صباحوا يا رغووود
فوزيه : يوه انتي بتكلمي نفسك يا ضنايا
رغد :بصبح علي نفسي يا ماما فيها اي يعني
فوزيه : ربنا يصبرني علي ما بلاني
قامت رغد واتوضت وصلت
رغد : الفطار فين يماما هتأخر
فوزيه : تعالي يلا هنا
فطرت ولبست جزمتي ومشيت استنيت ساره عند باب الكليه
ساره : هلوز يا رغوود
رغد : اي فينك كل دا مستنياكي من بدري
ساره :خناقه كل يوم مع ماما
رغد بضحك : السندوتشات مش كده
ساره : اه يا اختي يلا بينا
دخلوا علي المحاضره الاولي
رغد : محاضره مين النهارده
ساره : دكتور جاسر
رغد : طيب احضريها انتي وانا همشي دلوقتي
ساره : لي يبنتي حصل اي
رغد : مشكله صغيره هبقي احكيلك بعدين ..همشي انا بقي قبل ما يجي
جاسر: السلام عليكم ورحمه الله بركاته
المدرج رد عليه السلام
رغد : يووو بقي مش هعرف امشي
ساره : اقعدي بقي احضري عادي
جاسر : الصوت ورا لو سمحتوا
رغد بصوت واطي : استغفر الله العظيم
جاسر : الانسه اللي ورا في حاجه
رغد : انا يا دكتور
جاسر : ايوا انتي
رغد : لا مفيش حاجه انا اسفه
جاسر : تمام يلا نبدأ
رغد في سرها : متعجرف وبارد
خلصت المحاضره
ساره : فهمتي حاجه
رغد : انا معرفتش اركز اصلا من التوتر اللي حصل في الاول ..ابقي هاتي الجدول وريحيني
ساره : طيب هبقي ابعتهولك ..تعالي نقعد في كافيه برا عقبال المحاضره اللي بعديها
رغد : طيب يلا ولما نخلص تيجي معايا نروح نشتري فستان لخطوبه ياسمين بنت عمي
ساره : ماشي
رغد : متجيبي انتي كمان وتيجي معايا ياسمين هتفرح اوي وخصوصا انكم مشفتوش بعض من زمان
ساره : والله فكره بس انا معملتش حسابي علي فستان
رغد : تعالي وهجبلك واحد بس عدي الجمايل
ساره : يا شيخه اتنيلي..
في نفس الوقت
جاسر واقف بعيد لكن شايفهم
مراد: رغد
رغد : اهلا مراد عامل اي
مراد :الحمدلله انتي عامله اي ومد ايده يسلم
جاسر : كانت نقصاك انت كمان ..اي دا اوعي يا رغد تعمليها والله هقتلك
رغد : معلش يا مراد مش هقدر اسلم
مردا : وزاد اعجابه اكثر : لا ولا يهمك.. مبروك الحجاب
رغد : يعني لسه مش كامل بس بحاول
مراد : ربنا يثبتك ..اسف ازيك يا ساره مأخدتش بالي معلش
ساره : الحمدلله انا تمام ولا يهمك
رغد : طيب احنا ماشين دلوقتي
مراد : السلام عليكم
رغد وساره : وعليكم السلام ورحمه الله وبركاته
جاسر : ايوا كده شطوره وانت يا سي مراد لازم اشوفلك حل
علي : اي يا جاسر بتكلم نفسك ولا اي
جاسر : ها لا بس شويه مشاكل ..انت اخبارك اي
علي : تمام انت عامل اي
جاسر : الحمدلله كويس ..بقولك اي انا عايزك تحضر بكرا عندنا خطوبه اختي
علي : لا معلش خليها مره تانيه
جاسر : هو انا بعزمك دا خطوبه اختي يا جدع
علي : جدع ؟؟!
جاسر بضحك :الكلمه دي لزقت في لساني بسببها
علي : بسبب مين ؟
جاسر : لا ولا حاجه المهم انك هتشرفني بكرا
علي : هعمل اي امري لله
جه معاد المحاضره التانيه لساره ورغد
رغد: يلا بينا يا بنتي هنتأخر
ساره : لا قايمه اهو
وهما في الطريق وقربوا علي الكليه
رغد : ااه بطني بتوجعني جامد يا ساره
ساره : من اي يعني
رغد : مش عارفه حاسه بدوخه فظيعه
ساره : طيب تعالي نقعد علي جمب
رغد : ااه مش قادره
ساره بدأت تخاف : طيب انا اعمل اي دلوقتي
رغد : اتصرفي مش قادره
ساره : رغددددد