رواية يا انا يا انتي يوسف وليلي الفصل الاول 1 بقلم سلسبيل احمد
رواية يا انا يا انتي يوسف وليلي الفصل الاول 1 هى رواية من كتابة سلسبيل احمد رواية يا انا يا انتي يوسف وليلي الفصل الاول 1 صدر لاول مرة على موقع التواصل الاجتماعى فيسبوك رواية يا انا يا انتي يوسف وليلي الفصل الاول 1 حقق تفاعل كبير على الفيسبوك لذلك سنعرض لكم رواية يا انا يا انتي يوسف وليلي الفصل الاول 1
رواية يا انا يا انتي يوسف وليلي الفصل الاول 1
- قومي يا ليلي ! يابت بقالي ساعه بصحي فيكي قومي يوسف وصل!!
= يوسف ايه و زفت ايه و مين ده اصلا اخرجي وسبيني اكمل نوم
- يخربيت دماغك يوسف ابن عمك!!
" فتحت عيني وقومت مشيت معاها واخدتها من ايدها خرجتها من الأوضة وقفلت الباب بالمفتاح ورميته في الاوضة بعشوائية وطلعت كملت نوم "
- منور يا حبيبي.. هي بس تعبانه حبتين فا مش قادره تصحي..
= ولا يهمك يا مرات عمي انا هطلع اوضتي جدو قالي تاني واحده علي الشمال صح كده؟
- اه يا حبيبي
>>>>>>>>>>>>>>>>>>>>>>>>>>>>>>>>>
" بعد حوالي خمس ساعات صحيت بصيت في الساعه لقيتها 4 العصر دورت على المفتاح ملقتوش فا اتنهدت بزهق وخرجت البلاكونه بتاعتي ونطيت للبلاكونه التانيه بتاعت الاوضة الى جمبي بعدين دخلت الأوضة لكني اتفاجئت بـ كائن غريب قاعد على السرير "
- انتي ايه حراميه ؟؟
بصتله بتعجب: انت مين !
- والله؟ مش عارفه يعني انا مين و داخله اوضتي فجأة بشكلك المنكوش ده!
= ينهارك اسود انت بتكلمني ازاي كده يا بتاع انت ؟؟
- بتاع؟ نو نو أكيد مش انتي ليلي مستحيل
= وانت مالك انت اصلا! تطلع مين؟
- يعني هتعملي برضو مش عرفاني!! انا يوسف!
ابن عمك!؟؟
= وانا مفروض اعرفك ليه؟ فاكر نفسك عمرو دياب؟
- انتي بالعه دبش ياحببتي؟
= اه خدلك ساتر
- انتي ايه مدخلك اوضتي برضو من البلاكونه مش فاهم انا؟!
بصيت حواليا وضحكت بسخريه: اوضتك؟!
" بصتله مره تانيه من فوق لتحت عيون ملونه وشعر كيرلي وابيض وعضلات؟؟ ده يوسف قلبظ؟؟ "
" مشيت وسيبته بعدم اهتمام ونزلت المطبخ لقيت ماما واقف هي والداده بيعملوا اكل "
بصتلي بتعجب شديد: والله بدري يا هانم روحي نامي شوية كمان وبعدين انتي ازاي نازله بشكلك المنعكش ده؟؟ مش قولتلك ابن عمك وصل؟
- هو الأكل ايه؟
= هو ده الى انتي فالحه فيه!
- الأكل ايه يا داده فاطمه عشان ماما هتقعد تعيد وتزيد فالاسطوانه بتاعت كل يوم
= مكرونه بشاميل و ورق عنب و صنيه بطاطس و كفتة وسمبوسه
- بس بس ايه كفاية هو مولد!
= مش عندنا ضيف؟؟
- ضيف اه هو جدو لسه موصلش صح؟
= لسه في الشغل
- طيب حلو
" طلعت تاني عشان ادخل اوضتي وافتكرت انها مقفولة خبط عليه فا قام فتح وانا تجاهلته ودخلت عشان ادخل اوضتي من خلال البلاكونه "
- انتي يابنتي داخله كأنك معديه على كيس جوافه ليه؟؟ دي قلة الذوق عامة
لفيت وبصتله: نعم؟
= زي ما سمعتي
- طب ريح يا قلبظ ها ريح واقعدلك في حتة
قربلي وابتسم: قلبظ؟ مانتي حلوة اهو و فاكره الاسم الغلس الى كنتي بتناديني بيه
ابتسمت ورديت بنفس نبرته: تؤتؤ الأسم ده انا عارفه انوه يخصك يا قلبظ! يعني مربوط بيك فا اي وقت لو حد قال ابن عمك هفتكر قلبظ
ضحك وهو بيدراي انه اضايق: انا وحشتني رخماتك والله!
بصيت لضحكته للحظه: اممم! ابقي تعالي كل يوم
- استني.. هو انتي مضايقه من حاجه؟؟
= وانت مالك؟!!
- طريقتك غريبة انا مش فاكر انك كنتي كده خالص انتي دمك كان خفيف و كيوت و بتعيطي كتير
= ملكش دعوة بيا فاهم؟؟ انت بالنسبالي واحد معرفوش وانا مبحبش الناس الغريبة
- ناس غريبة ؟ احنا ولاد عم بعدين انا كنت فاكر اننا صحاب!
ضحكت: صحاب؟!!
- ايوه .. انا مفيش حاجه رجعتني من بره غير اني عاوز استقر مع عيلتي على فكره بعد ما بابا و ماما ما ـتو رجعت عشان اكون معاكم مع عمي وجدو وانتي و مريم بنت عمك كلكوا.. لأني زهقت عشان لوحدي بعدين واحنا صغيرين كنا صحاب و كـ..
قاطعته: اديك قولت واحنا صغيرين.. من سنين كتير اوي! فا اكبر بقا وفكك من الجو بتاع ذكريات الطفولة ده! وعندك العيله كلها كون علاقات معاهم وعيش فالجو الأسري الى عايزه لكن انا مبحبش حد يختلط بيا مفهومه يابن عمي؟!
" سبته ودخلت البلاكونه دخل ورايا وشافني وانا بنط لبلاكونتي سمعته وبيصْرب كف على كف.. دخلت دورت على المفتاح ولاقيته بعدين اخدت حمام وجهزت و فتحت باب اوضتي عشان انزل "
" كنت نازله بدندن وبالي كان رايق اوي على غير العاده نزلت و لاقيته قاعد مع ماما فالصاله "
- انا خارجه يا ماما
= خدي رايحه فين؟
- خارجه مع صحابي باي
" خرجت و روحت عشان اركب البايك ( الموتوسكل) بتاعتي واتفاجئت بـ بايك تانيه لونها اسود.. وكانت حلوة اوي! خمنت انها بتاعته.! هممم قلبظ بس ذوقه مش بطال في البايك "
>>>>>>>>>>>>>>>>>>>>>>>>>>>>>>>>>>
|| في الفيلا ||
" كنت قاعد زهقان.. لحد ما لقيت جدو وعمي وصلوا وبعد سلامات كتير اوي قعدنا كلنا "
- وحشتني والله يا جدو!
عمي رد بحزم: طب كويس اديك قولتها بلسانك يعني مفيش سفر تاني يا عم يوسف
جدو بتأيد: عمك عبدالله عنده حق
- هو انا مش مش عارف بصراحه بس الأكيد اني كدا كدا هقعد هنا حبه حلوين و انزل الشغل معاكم
محمود: واضح ان نسل عزيز عبدالرحمن كله بتوع شغل
عزيز: يبقي مريم بنت عمك هتشرف عليك.
رديت بتعجب: متهزروش هي مريم كبرت للدرجه دي!!
محمود ضحك: اول ما اتخرجت من كلية بيزنس ياسيدي نزلت الشركه واتعينت رسميا عشان كانت بتنزل قبلها و عرفت كل حاجه القرده
ابتسمت وبعدين بصيت ناحيه مرات عمي: وليلي برضو بتشتغل في الشركة؟
- لا هي لسه فاضلها سنه وتتخرج
عزيز: هي فين صحيح يا هدي؟ مش اتقابلتو يا يوسف وسلمتوا على بعض
= اه.. اتقابلنا.
هدي: خرجت مع صحابها والمفروض كانت ترجع عشان نتغدا بس هعمل معاها ايه انت عارفها بقا يا عمي
" مرات عمي قامت بقلة حيلة وقالت للداده تجيب الاكل وبدأنا ناكل وانا كنت بفكر في ليلي.. "
>>>>>>>>>>>>>>>>>>>>>>>>>>>>>>>>>>
|| في المقطم | في منطقه جبلية ||
- كفاية يا ليلي لو طلعنا اكتر من كده هرجع
= ما تجمدي يا نادين فيه ايه
- تجمد ايه اكتر من كده يا متـ.هوره انتي!
= سكتي الواد بتاعك بدل ما ازقه اوقعه من هنا
- اتكلمي علي قدك بس
نادين بتوتر: اسكت يا عمر يا حبيبي مجنـ.ونه وتعملها
" طلعنا اخيراً لارتفاع مش بطال مكناش على الجبل اصلا! يا دوبك طلعنا زي هضبه صغيره و وقفنا و حوالينا رمل و حجر وكنا شايفين الحاجات صغيرة من فوق!.. "
بصيت ناحية احمد: ولع بقا يلا
ابتسم: دماغ انتي برضو بتختاري اماكن مميزه لما بالك يبقي رايق
"بدء يطلع الحاجه ويدينا"
نادين: انت كل مره تجيب حاجه مختلفه عن التانيه ليه؟
ضحكت: يابنتي الحاجه الى جابها المره الى فاتت دي اصلا كانت فستك!
بصلي برفعه حاجب: انتي الى بتشربي بقالك كتير فا مفيش حاجه بقت تعجبك
- لا يا احمد حاجتك بايظه اعترف و غير المكان
= هو انا بشتري من أمازون! الحاجه بتيجي بالعافيه بعدين فككوا من الشغل ده ونتكلم في الجد
هنعمل اي في حوار السباق ؟
- انا مش فاهمه انت مقلق من ايه! فتحوا الاشتراك لناس جديده وبتحصل كل سنه وبنكسب برضو بطل ندب يا حبيبي
= ليلي انا شوفت ناس كتير بتسجل وفرق كتير واحنا فرقتنا مفهاش غيري انا و خالد وانتي
- واحنا التلاته عمرنا ما خسرنا يا احمد اطمن
= اممم ربنا يستر بقا
>>>>>>>>>>>>>>>>>>>>>>>>>>>>>>>>>>
" قعدنا كتير ومكناش حاسين بالجو التلج بعد شوية بصيت في الساعه لقيتها 12 فا قومت بسرعه خصوصا اني لقيت كذا رنه من ماما و جدو "
- جماعه انا همشي
" طلعت جاكيت غير بتاعي وحدفت الى كنت لابسه لنادين"
- خليه معاكي... اوف انا نسيت البادي سبلاش
= خدي ياستي غرقي نفسك
عمر بصلي وضحك: لو اتقفشتي هيبقي شكلك مضحك اوي بعد الى عماله تعمليه ده
- معلش مش كلنا اهلنا مهاجرين وسايبنا زيك
احمد: مش بتسكت غير لما تديك ع عينك ؛ استني انا جاي معاكي
- ليه؟
= هوصلك
- لا خليك
= لا هركب البايك بتاعتي واجي معاكي الدنيا ليل
ضحكت: فاكرني بخاف؟
- ياستي لا عارف انك مش بتخافي هاجي اسليكي في الطريق لحسن يطلع عليكي ديب
ضحكت: طيب يلا
>>>>>>>>>>>>>>>>>>>>>>>>>>>>>>>>>>>
" ركبت البايك بتاعتي وهو ركب بتاعته واتحركنا وفعلا وصلني لحد بوابة الفيلا سلمت عليه وبعدين دخلت وكالعادة مهما دخلت براحة جدو بيقفشني وبيبقي مستنيني قلبت عيني بملل لما حسيت بيه "
- ليلي
= جدو! احم.. ازيك؟
- تعالي هنا.. الساعه كام؟
= 12 ونص
- الساعه واحده ونص
= كنت مع صحابي
- اقعدي قدامي
قعدت قصاده: كنت مع صحابي وحضرتك عارف اظن
= وابن عمك الى اول يوم له انهارده مش من الذوق كنتي تفضلي نتغدا سوا؟
- اسفه مش مهتمه بالحاجات دي وحضرتك عارف برضو
مسح على جبينه بقلة حيلة: ياحببتي هو انا كلامي معاكي ليه بيترمي فالبحر؟ مجربتيش تفكري فيه؟ مجربتيش تظبطي حياتك دي؟ ولا تركزي في الكلية حتي؟؟ انتي هندسه؟؟ فاضلك سنه واحده و تتخرجي و
= مجربتش لأنها عجباني؟؟ انا حياتي عجباني كدا لكن مش عجباكم انتوا؟ وانا مش هغير حاجه بحبها او مقتنعه بيها عشان حد وعلى فكره انا ممكن جدا اقعد مخرجش في حتة ولا اشوف حد لو ده هيريحكم.. !!!
- انتي بتعاندي قصادي يا ليلي !!
= حضرتك الى عاوز تجبرني على حاجات مش عايزه اعملها !!
- انا مش بجبرك ! انا بقولك جربي
" سكت فا كمل وبصلي "
= يوم الجمعه بكره.. هرجع مش الشغل بدري مريم بنت عمك وعمك ومامتها جايين و يوسف هيبقي موجود هنتجمع كلنا يا ليلي وبأكد عليكي لو مكنتيش موجوده انا مليش دعوة بيكي بعد كدا ها
" سابني ومشي وطلع اوضته فضلت ادبدب بزهق !!! "
" طلعت اوضتي وقفلت الباب عشان لو ماما صحيت وفكرت تيجي تكلمني هي كمان متعرفش تدخل. "
" قلعت هدومي بنرفزه ورميتها كنت متعصبه اوي لدرجه اني عايزه اكسر اي حاجه!!! طلعت علبه السجا ـير الى محْبياها و ولـ.ـعت واحده وطلعت البلاكونه كنت زهقانه وعماله انفخ بقرف وانا ببص حواليا لقيت يوسف واقف في بلاكونته بيبصلي بتركيز وادركت وجوده وقتها..! "
بصلي بسخريه: ولا يكون عندك فكره كملي كملي ولا كأنك شوفتيني معاكي واحده زياده؟
بصتله بتعجب:......
>>>>>>>>>>>>>>>>>>>>>>>>>>>>>>>>>>>
يتبع..