رواية عالق في هواها ادهم ومريم الفصل الثاني 2 بقلم فونا

رواية عالق في هواها ادهم ومريم الفصل الثاني 2 بقلم فونا

رواية عالق في هواها ادهم ومريم الفصل الثاني 2 هى رواية من كتابة فونا رواية عالق في هواها ادهم ومريم الفصل الثاني 2 صدر لاول مرة على موقع التواصل الاجتماعى فيسبوك رواية عالق في هواها ادهم ومريم الفصل الثاني 2 حقق تفاعل كبير على الفيسبوك لذلك سنعرض لكم رواية عالق في هواها ادهم ومريم الفصل الثاني 2

رواية عالق في هواها ادهم ومريم بقلم فونا

رواية عالق في هواها ادهم ومريم الفصل الثاني 2

فضلت مع مهرى شوية وبعدين دخلت عشان اتغدي معاهم 
كان الجو لطيف وكنت مبسوطه أوي بس الفرحة مكملتش للأسف بسبب المسدچ اللي جاتلي علي الفون
فتحت لقيت ڤويس
"مفكرة أنك أما تروحي الصعيد مش هعرف أوصلك يا مريومة قلبي" ضحك بطريقة مستفزة وبعدين كمل"ده أنا لو شاورت كده بس اجيبك راكعه تحت رجلي..مواجهتنا قربت أوي"!! 
عملت بلوك للرقم بسرعه وقفلت الفون بسرعة كل ده تحت أنظار اللي قاعد
بابا قرب مني وهمس_في ايه يا مريم 
بصيتله شوية مكنتش عارفه اقوله ولا لاء 
اتنهدت_بعد الأكل هقولك
بصلي بقلق فابتسمت حاولت اطمنه
كملنا أكل وأنا قاعدة متوترة بس حاولت مبينش
رفعت عيني لقيته باصصلي بهدوء فاتوترت أكتر 
خلصت أكل ودخلت أوضتي بهدوء 
مكملتش دقايق ولقيت الباب بيخبط ودخل بابا
_حبيبتي في ايه بقي احكيلي 
ـ بابا أدهم بعتلي تاني وسمعته الڤويس
ملامح وشه اتحولت للصدمة_ازاي وعرف يوصلك منين 
دموعي نزلت_معرفش يا بابا معرفش
خدني في حضنه وطبطب عليا_متخافيش يا حبيبتي أنا موجود جنبك 
عيطت_مش عارفه هو عايز مني ايه تاني أنا تعبت 
كان بيحاول يهديني_متخافيش يا مريم ميقدرش يلمس شعره منك طول مـ أنا عايش
خرجت من حضنه وبصيتله_أنا خايفه يتهور يا بابا أنت عارف أنه مجنو ن
باس راسي بحنان_متخافيش طول مـ أنا موجود 
كلام بابا هداني شوية فضل قاعد معايا لغاية ما روحت في النوم 
               ــــــــــــــــــــــــــvonaـــــــــــــــــــــــــــــ
نامت مريم بوستها من راسها وطلعت من أوضتها وأنا كلي غضب تجاه أدهم 
نزلت وأنا في دماغي قرار اندمه علي اليوم اللي شاف مريم فيه
_خالي
بصيت لمصدر الصوت لقيته سمير_نعم يا حبيبي 
_عايز أتكلم معاك أنا وچدي
_ماشي يا حبيبي
روحنا قعدنا في مكتب أبويا 
كنت قاعد وباين عليا إني مش كويس
*مالك يا ولدي فيك ايه
اتنهدت بخنقة_مفيش حاجة يابا 
_خالي معتخبيش علينا حاچة حصلك إيه أنتَ ومريم من وجت الأكل وفي حاچة حصلت لو في حاچة جول يمكن نقدر نساعد
اتنهدت بتعب وقررت احكيلهم_مريم بنتي كانت مخطوبة لواحد اسمه أدهم الشخص ده كان محترم جدا معاها وكانو بيحبو بعض لكن مع مرور الوقت بدأ يصدر منه تصرفات غريبة وبقي يتخطي حدوده مع مريم وطبعاً مريم اضايقت من الحوار ده المهم يعني قررت تنفصل عنه بس هو مسبهاش في حالها كان كل شوية يكلمها بطريقة غريبة شوية يهددها وفي مرة اتعرضلها وضايقها وعملناله محضر ومن ساعتها منعرفش عنه أي حاجة وكنا فاكرين أن الموضوع خلص خلاص بس للأسف مخلصش 
بعتلها رسالة تاني انهاردة ومش عارف وصلها ازاي 
أتكلم أبويا بغضب_وه وهو معرفش هي مين ولا بت مين 
وسمير كان بيحاول يكتم غضبه_متجلجش يا خالى طمن مريم وسيبلي الموضوع ده أنا هتصرف 
_لاء يا سمير يا ابني أنا مش عايز ادخلكم في مشاكل 
*اوعي تجول اكده يا ولدي إحنا أهل 
_متخافش يا خالى أنا هتصرف متقلقش طول مـ أنت ومريم هنا أنتم في أمان بس لو تسمح يا خال أتكلم مع مريم شوية 
اتنهدت_مريم دلوقتي نايمة يا حبيبي لما تصحي هقولها وهبقي اقولك
_تمام
               ـــــــــــــــــــــــــ ڤونا ـــــــــــــــــــــــــ
صحيت من النوم مش عارفه نمت قد ايه ومش فاكره غير أني كنت بعيط في حضن بابا 
قومت وغيرت هدومي ونزلت تحت لقيت بابا قاعد مع تيتة وبياكلو كيك
_خيانة بتاكلو من غيري
ضحكو فقربت منهم وقعدت جنب تيته
_وده ينفع برضو يا بتي تعالي تعالي كلي يلا افتحي بوجك
فتحت بوقي وحطتلي حتة كيك كبيرة في بوقي
ضحكت وأنا بتكلم بصعوبة_كل دي يا تيتة 
ضحكنا وقعدنا نهزر شوية 
_مريم حبيبتي 
ـ نعم يا بابا
_سمير عايز يتكلم معاكي شوية 
استغربت_ فـ إيه 
_أنا حكيتلهم علي أدهم 
بصيتله وبعدين أتكلمت بهدوء_وبعدين
_وسمير هيساعدك
اتنهدت بحزن_مش هيعرف يا بابا بلاش أنتَ عارف أن أدهم شراني وممكن يضره 
*متجلجيش يا بت خالى
بصيت علي سمير اللي كان نازل علي السلم 
*متجلجيش ومتشليش الهم خلاص الموضوع ده في يدي أنا بس عايز أتكلم معاكي شوي
بصيتله وبعدين بصيت لبابا فابتسملي بحنان وهزلي رأسه
_تمام
بالفعل روحت وراه فضلت ماشيه وراه لغاية ما وصلنا لجنينة تقريبا في ضهر البيت بس شكلها تحفة
_الله 
أتكلمت بانبهار وأنا شايفة الورد مالي الجنينة 
ـ عچبتك
أبتسمت_دي تحفة فنية
أبتسم بس داري ابتسامته بسرعه 
ـ أحم أتفضلي اجعدي عشان نتكلم
روحت قعدت وأنا كل ده عيني علي الورد ومبتسمه 
_ممكن تكلميني علي الزفت ده
بصيتله شوية وسكت فكمل_متخافيش يا مريم صدجيني هساعدك
اتنهدت بحزن لأول مرة اظهره لحد غير بابا_أنا شوفت منه كتير أوي يا سمير 
كان باصصلي بهدوء فكملت_كان أول حب في حياتي كان أول مرة قلبي يدق لحد كنت بحبه جدا وهو كذلك لغاية ما في فترة لقيته متغير معايا وبقي يتعامل معايا بطريقة مش محببه ليا وبقي في تعدي سواء بالكلام أو باللمس وطبعا الموضوع ده كان مضايقني جدا وطبعا مسكتلوش 
أنا كنت بحبه فعلا بس توصل للي عمله فمع ألف سلامة
كنت بحاول أمنع دموعي أنها تنزل_لما قولتله إحنا لازم ننفصل فضل ورايا عشان ارجعله بس رفضت وفي يوم كنت راجعه من الكلية لقيته في وشي ومكانش طبيعي 
خوفت!! لاء اترعبت وحاولت ابعد عنه بس حاول يتصرف معايا تصرف مش كويس وأكيد أنتَ أدركت قصدي ايه
ساعتها عملتله محضر واختفي من ساعتها بس انبارح اتفاجئت من المسدچ اللي بعتهالي  وعرف اني في الصعيد خوفت وعملتله بلوك بسرعه
_ممكن أشوف الرساله دي
ـ حاضر
فتحت الشات وسمعته الڤويس
شافها بعدين لقيته بيعمل حاجه 
_بتعمل ايه
ـ سچلت رقمي عندك  أي حاچة تبعتلك كلميني علي طول وأخدت نسخة من الشات وخدت الرقم عندي
_وهتعمل ايه بيهم 
عطاني الفون وقام_متشغليش بالك يا بت خالي...عن إذنك
سابني ومشي وأنا فضلت قاعدة مكاني الصراحه مرضتش أقوم كنت مبسوطة بالمنظر 
الجو بدأ يليل وبقي في نسمة هوا باردة بس حقيقي كنت مستمتعة جدا 
فضلت قاعدة وقت كبير ببص علي النجوم وبضحك 
_شكلك اتجنيتي
بصيت لمصدر الصوت لقيته بابا فضحكت_تعالى تعالى
قرب وقعد جنبي فدخلت في حضنه_يا بت أنتِ لازقة علي طول فيا كده ليه
ضحكت_قاعدة علي قلبك يا حبيبي 
ضحك وضمني لحضنه 
مر اليوم بسلام وبابا طلع عشان ينام وأنا دخلت المطبخ عشان أعمل قهوة 
وقفت في المطبخ بهم_كل ده مطبخ
ـ قولي الله أكبر 
أتخضيت وبصيت ورايا لقيته!!
_خضتني يا سمير
ـ سلامتك
بصيتله ورجعت بصيت للمطبخ تاني بقلة حيلة
_محتاجة ايه
ـ في قهوة هنا
_في اعملك معايا أنا كده كده هعمل
ـ طب مـ أعملك أنا وتدوق قهوتي
كان بيطلع القهوة من درج_لا شكرا
ـ أنتَ الخسران
قولتها بلامبلاه وقربت اخدتها من ايده بكل برود وبدأت أعمل قهوة ليا 
بصلي وضحك بغلب
عملت القهوة وطلعت علي أوضتي دخلت وقفلت الباب واتجهت للبلكونة أنا والقهوة ورواية ونبدأ بسم الله 
كنت قاعدة مندمجة في القراية وفجأة قطع اندماجي حاجة اتحدفت في البلكونة خضتني
بصيت لقيتها طوبة بصيت لتحت وياريتني ما بصيت
همست بصدمة_أدهم
يتبع...

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا