رواية القاضي الشيطان الفصل الثاني 2 بقلم شروق حسام
رواية القاضي الشيطان الفصل الثاني 2 هى رواية من كتابة شروق حسام رواية القاضي الشيطان الفصل الثاني 2 صدر لاول مرة على موقع التواصل الاجتماعى فيسبوك رواية القاضي الشيطان الفصل الثاني 2 حقق تفاعل كبير على الفيسبوك لذلك سنعرض لكم رواية القاضي الشيطان الفصل الثاني 2
رواية القاضي الشيطان الفصل الثاني 2
بعد ما سيف خد منها اللي هو عايزه زقها من علي السرير بقوة وقعها علي الأرض
_" يلا يا بت من هنا قومي اتزفتي حضري الفطار "
_" زفت علي دماغك يا شيخ "
_" امممم شكلك مش حابة تبعدي عن حضني مش كده طب تعالي كده يا حلوة "
رفيف بصت له بخضة وقرف واضح هي قرفانة منه ومن نفسها ومش عايزة اللي حصل ده يتكرر تاني
قامت بسرعة خدت شاور وغيرت هدومها وراحت المطبخ
فضلت تبص حواليها بتوهان وهي مش عارفة تبدأ بإيه ولا بإيه هي عمرها ما دخلت المطبخ طول عمرها بتجيب أكل من برا وبتكبر دماغها
اتنهدت وقررت تبدأ تعمل بيض مقلي فضلت تدور علي حاجة تعمل فيها لحد ما لقت صينية خدتها وحطتها علي البوتجاز وولعت النار بعدين فتحت التلاجة وطلعت طبق البيض وكسرت حوالي 10 بيضات البيض نزل في الصينية ومعاه شوية من القشر فضلت مستنية شوية لحد ما الصفار والبياض لونهم يغمق لونهم بس مغمقش لأنها مكترة البيض هي أصلا مش عارفة أمتي بيكون مستوي وأنتي لأ
جابت معلقة وفضلت تقلب شوية والبيض كان لازق في الصينية وريحة المطبخ بقت مقززة ده غير إنها محطتش زيت أو زبدة قبل ما تحط البيض فكانت الريحة عاملة زي ريحة الرنجة والفسيخ اللي بتبقي مالية المكان في شم النسيم
طفت النار واتنهدت وجت عشان تمسك الصينية اتلسعت وصوابعها احمرت نزلت ايديها تحت المياه بوجع ورجعت حطتهم في بؤها
_" حسبي الله "
مسكت موبايلها وطلبت أكل وخرجت قعدت في الصالة علي الكنبة اتنهدت بتعب وفردت جسمها علي الكنبة وراحت في النوم
..............
لحظات وكانت حاسة بحاجة لا حاجات بتمشي علي وشها
فتحت عينيها بفزع ومسحت علي وشها بسرعة صرخت أكتر وهي بتشوف إن فيه سحالي وصراصير علي وشها
فضلت تنفض في هدومها وتمسح علي وشها بعنف
خلصت وراحت بصت في المرايه لقت وشها أحمر
رجعت بصت تاني لإيديها بقرف وكانت شوية وهترجع حلفت جواها إنها لازم تعمل لإيديها ووشها جلسة تقشير وتنضيف بعد اللي حصل ده
رجعت علي الأوضة وخلعت هدومها وحطتها في كيس وهي ناوية ترميهم
دخلت خدت شاور وهي حاسة بدوخة وإنها عايزة ترجع وهنا قررت بدل ما هتعمل جلسة تقشير لإيديها ووشها هيبقي لجسمها كله
بعد ساعة من التنضيف والشامبو والشاور
كانت خلصت وخرجت ولبست هدومها وهي مستغربة إنها ماشفتش سيف
اتنهدت بضيق وبصت للموبايل ملقتش صديق باعتلها رسالة حتي
بعد 5 دقائق
موبايلها رن وكان صديق
ردت بسرعة وبلهفة " آلو صديق ينفع كده مترنش عليا "
صديق بسرعة " مش وقت الكلام ده أنا في القسم "
رفيف بصدمة " ااااايه أزاي مستحيل مش ممكن القضية المفروض اتسحبت "
صديق بجنون " معرفش معرفش هم خدوني من البيت وأنا .... "
سكت واتوتر إنه كان هيقول حاحة مينفعش هي تعرفها
_" المهم هاتي لي محامي وكلمي الزفت القاضي ده "
جت تتكلم كانت المكالمة فصلت
_" هيقولك انتي الأولى وكمان الأخيرة هيقولك انتي نجمة عالية في السما وإنك لقلبه مركبة وإنتي الجزيرة وإن إنتي حلم عمره وأول فرحته هيقولك إنتي الأولى وكمان الأخيرة هيقولك إنتي نجمة عالية في السما وإنك لقلبه مركبة وإنتي الجزيرة وإن إنتي حلم عمره وأول فرحته تيررا ريرا ريرااا ررررررا "
رفيف بصت له بصدمة وغضب من اللي بيعمله
_" قصدك ايه باللي بتعمله ده يا زوجي العزيز ها قصدك ايه "
سيف ببرود " هتفهمي قصدي بعدين يا فوفو "
_" متقوليش فوفو ايه اللي أنت عملته في صديق ده ها أنطق مش وعدتني "
سيف برفعة حاجب " وعدتك ؟ وعدتك أمتي مش فاكر إنِ وعدتك بحاجة "
_" وحتي لو وعدتك أنا القاضي الشيطان عندي كل صفات إبليس من مكر وكدب وخداع "
خلص ومشي خطوتين وبعدين رجع التفت لها تاني " واه لو رجلك عتبت برا باب البيت قولي علي صديقًا صديق يا رحمن يا رحيم "
غمز لها وسابها وخرج من الشقة راحت ناحية الباب وجت تفتحه لقته مقفول بالمفاتيح
بصت للباب بخبث وقررت تستعمل ألاعيبها القديمة اللي كانت بطلتها
علي الناحية التانية كان بيتفرج عليها من علي الموبايل وبيضحك بعلو صوته لكن ببرود
_" أنا سايبك علي مزاجي يا زوجتي المصون بس والله وتالله وبالله لهعمل اللي أنا عايزه "