رواية اخترت نفسي احلام وانور الفصل الرابع 4 بقلم شروق حسام
رواية اخترت نفسي احلام وانور الفصل الرابع 4 هى رواية من كتابة شروق حسام رواية اخترت نفسي احلام وانور الفصل الرابع 4 صدر لاول مرة على موقع التواصل الاجتماعى فيسبوك رواية اخترت نفسي احلام وانور الفصل الرابع 4 حقق تفاعل كبير على الفيسبوك لذلك سنعرض لكم رواية اخترت نفسي احلام وانور الفصل الرابع 4
رواية اخترت نفسي احلام وانور الفصل الرابع 4
تاني يوم
كانت الميكب أرتست بتحط لها الميكب بعد ما جهزت وعملت تنضيف وحمام مغربي وكل الحاجات اللي أي عروسة بتعملهم
سرحت وفضلت تفكر في اللي المصيبة اللي كانت هتحصل إمبارح هي من بعد الموقف وده ونظرتها إتغيرت ناحيته وحست بشعور وحش وسئ
إتنهدت وفاقت من شرودها وبصت في المرايه اللي قدامها وعلي ملامحها اللي إتغيرت بسبب المكياج والفستان اللي لابساه اللي نازل بنفسة بسيطة
سوسن بحب " بسم الله ما شاء الله بسم الله ماشاء الله الله يحفظك ياحبيبتي ويبعد عن كل عين حسودة حاقدة "
_" آمين آمين "
شردت تاني وهي بتفتكر كلامها مع أبوها بعد ما روحت
_" بابا "
حافظ بتركيز علي الماتش " نعم "
_" أنا مش مرتاحة للجوازة دي "
حافظ قام وقف وصرخ بحماس وفرحة " جووووووووووول والله وعملوها الرجالة "
_" كنتِ بتقولي إيه "
_" أنا مش مرتاحة للجوازة دي "
حافظ بملل " أحلام الواحد مش ناقص تطلعي عليه هرموناتك علي المسا "
_" يا بابا "
_" ولا بابا ولا زفت أنا بجد تعبت منك دايمًا مش مريحاني ليه أنتِ مش زي أخوكِ مطيعة "
بلعت ريقها بكسرة وقلبها بدأت ينبض بعنف
_" مش عايزة أتجوز مش مرتاحة "
_" بعد إيه يا أحلام ها بعد إيه يا بنتي خلاص الفرح بكرا أنتِ عايزة الناس تأكل وش أبوكِ في الرايحة والجاية أنتِ عايزة تكسريني يا أحلام "
_" كسرتك في إيه بس مكنش ليه عندنا حاجة يا ما الناس إتكلمت علي بعضيها حتي لو هم مش عارفين حاجة "
_" أفهمني بس يا بابا "
حافظ قام بعصبية من علي الكنبة وإتكلم بصراخ " يووووه أنا قرفت يا شيخة قرفت فرحك بكرا وده آخر كلام عندي متنسيش يااااا هااانم إنك يعتبر متجوزة وكده هتتحسب عليكِ جوازة الراجل مش بيعيبه حاجة غير جيبه أما البنت مش بتعمل حاجة في حياتها غير إنها تجيب المصايب لأهلها "
خلص وسابها ودخل أوضته وقفل الباب جامد وراه
فاقت من شرودها وفيه دمعة يتيمة نزلت علي خدها مسحتها بسرعة وحمدت ربنا إن الميكب أب ضد المياه وإلا كان زمانها سامعة زعيق وعتاب هي مش عايزة تسمعه
.......................
عدي ساعة وإثنين وثلاثة
وأنور كان لسه مجاش والكل كان قاعد متوتر وعلي أعصابه وفجأة إتفتح الباب وأنور دخل مسك أحلام من إيديها عشان يروحوا علي القاعة خرجوا من أوضة العروسة
وبدأ الفرح ما بين رقص وأصوات الغناء العالية وبعد شوية بدأوا يرقصوا سلو وكانت باين علي أنور وإنه بيرقص بتشنج
بعد رقصة فرقصة وغناء وتقطيع تورتة كانوا المعازيم مشيوا وأنور خد عروسته وراح بيها علي عش الزوجية بتاعهم
وأول ما دخلوا وإتقفل عليهم باب قرب منها بسرعة وهي من الخوف والخضة رجعت لورا فإتكعبلت في ديل الفستان وكانت هتقع بس هو لحقها وشالها بين إيديه
_" وقعتي بين إيدي أخيرًا "
أحلام بخوف " قصدك إيه "
أنور بخبث " قصدي كل خير يا قلبي كل خير بقي بتهربي مني إمبارح "
_" نزلني وبعد بس شوية كده عيب يا قليل الأدب "
بص لها وضحك بصوت عالي ودخلها علي أوضتهم وحدفها علي السرير بهدوء وحدف نفسه علي السرير جنبها
أحلام بخوف " هتعمل إيه بتقرب كده ليه "
أنور بضحكة " عايزة تعرفي "
_" لا "
_" طب أنا هعرفك "
_" ااااااه "
غمضت عينيها بقوة وفضلت كده فترة فتحت عينيها لقته حضنها بقوة وبدأ يروح في النوم
_" أنور أنت هتنام "
_" امممم أنا تعبان كان يوم طويل "
إتنهدت وغمضت عينيها وراحت في النوم هي كمان نامت بهدوء وهي حاسة بتعب وإنها عايزة ترتاح بس دي كانت بداية التعب مش الراحة
....................
بعد 3 سنين
_" اععععع إلحقوني حد يلحقني اععععع "
_" تعالي هنا يا حيوانة مش قولتلك متنزليش من زفت الباب ليه مش بتسمعي الكلام ها إنطقي خارجة تدوري علي حل شعرك ما أنا مبقتش عاجبك مش كده "
أحلام بخوف ورعشة " خلاص حقك عليا مش هعمل كده تاني وعد بس متضربنيش أنا كنت بجيب خضار بس "
_" ده أنا هكسر عضمك "
قرب منها ووقعها علي الأرض وفك حزام بنطالونه وبدأ يضرب فيه بقسوة وبدون رحمة وبعد ما خلص سابها ودخل الأوضة
فضلت باصة شوية للسقف وبعدين قامت من علي الأرض بصعوبة وراحت المطبخ تحضر الأكل بدل ما يتعصب عليها زي كل يوم
لحظات وحست بيه بيحضنها من ظهره وباين علي نبرة صوته الندم
_" متزعليش يا أحلام أنتِ عارفة أنا بحبك قد إيه وبغير عليكِ من الهوا الطاير "
منطقتش بكلمة وبعدت عنه وكلمت تحضير الأكل حاول يمسك ذراعها بس هي بعدت وهي بتصرخ بأكل مكان الضرب
قرب منها وحضنها بهدوء " أنا آسف سامحيني مش هعمل كده تاني آخر مرة سامحيني زي ما كل مرة بتسامحيني فيها "
أحلام متجاهلة كلامه " أنا عايزة عيل أنت قولت هنجيب عيل بعد سنة وأهو عدي 3 سنين علي جوازنا "
أنور بتتويه للموضوع " لسه بدري إحنا لسه شباب علي موضوع الخلفة إستني شوية كمان "
_" أنا عايزة أروح لماما بكرا "
_" تمام هوصلك وهروح الشغل "
خلص كلامه وسابها ومشي وهي فضلت باصة قدامها ببرود وقلبها بيتقطع زي جسمها اللي بقي مشوه بسببه وبسبب تغيره معاها المفاجئ من سنتين هي نفسها في عيل يونسها ويكون سبب في تغيير أنور للأحسن إتنهد وبدأت تكمل الأكل بوجع عشان مش عايزة تسمع كل زي السم تاني