رواية اخترت نفسي احلام وانور الفصل الخامس 5 بقلم شروق حسام
رواية اخترت نفسي احلام وانور الفصل الخامس 5 هى رواية من كتابة شروق حسام رواية اخترت نفسي احلام وانور الفصل الخامس 5 صدر لاول مرة على موقع التواصل الاجتماعى فيسبوك رواية اخترت نفسي احلام وانور الفصل الخامس 5 حقق تفاعل كبير على الفيسبوك لذلك سنعرض لكم رواية اخترت نفسي احلام وانور الفصل الخامس 5
رواية اخترت نفسي احلام وانور الفصل الخامس 5
تاني يوم
في بيت أهل أحلام
_" يا بابا أنا تعبت أنا عايزة أطلق منه أنا زهقت زهقت ضربت وشتيمة وإهانة وغيرة علي أتفه الحاجات أنا بني آدم من لحم ودم مش جارية "
_" ما أنا كلمته قبل كده يا حلم وشوفتي حصل إيه إتجنن وكان هيموتني "
سوسن بتدخل " جري رجله الراج مشي بيجي غير بالدلع وكلمتين حلويين ولبس جديد كده وعشا رومانسي "
_" أنا عايزة أطلق مش عايزة أسمع الكلام ده بفكر أخلعه "
سوسن بصدمة " خلع خلع إيه يا بنتي أنتِ هبلة أنتِ عارفة إن لما واحدة بتخلع جوزها كل حقوقها بتروح "
_" إستهدي بالله كده وإلبسي الطرحة علي ما أخلص لبس وننزل نشتري شوية حاجات "
أحلام جت ترفض بس باباها بص لها بترجي فإتنهدت وعملت اللي والدتها قالت عليه
....................
بليل
رجع من الشغل بتعب وفضل يدور عليها ملقهاش دخل أوضتهم لقي الأوضة متزينة بورد أحمر وأبيض والترابيزة عليها الأكل اللي بيحبه
وهي جت من وراه حضنتها علي غفلة
أنور بهيام وهو بيستنشق ريحتها " حلمي "
مسكها من إيدها ولفها ليه لقاها لابسة فستان أسود وجزمة كعب بنفس اللون بص لها بإنبهار
_" شكلك حلو أوي يا حبيبتي "
سكت للحظات وإتكلم ببرود " الطقم ده أول مرة أشوفه عليكِ "
أحلام بلجلجة " أصل أصل روحت أنا وماما وإشتريته "
_" إمممم وكان فيه رجالة في المحل مش كده "
أحلام رجعت لورا بخوف وحست إن رجليها مش قادرة تشيلها
إبتسم بشر ووقعها علي الأرض وخلاها تقعد وهو قعد جنبها وجلس علي خدها وبعدين نزل رجليها وقلعها الجزمة
أحلام بلعت ريقها بصعوبة وهي مش متوقعة هو هيعمل فيها إيه المرة دي
مسك إيديها وشبكهم في بعض قربها منه وعضها بقسوة في إيديها بعد ما كان باسها بحب
ثبت إيديها بقوة علي الأرض وإتكلم بأمر " صوابع إيدك تبقي مفتوحة ولو إتقفلت العقاب هيتضاعف "
نفذت اللي طلبه وهو مسك الجزمة السوداء وبدأ يضرب بيها بين صوابع إيديها وهي من خوفها مكنتش قادرة تشد إيديها منه فضل يكرر في الحركة وهي بتصرخ بآلم من الخدوش اللي بتنزل دم واللي هو سببها
_" عشان تحرمي تعملي كده تاني جبتي من محل فيه رجااالة إيه شايفاني مش راجل قدامك عايزة الأنظار تبقي عليكِ يا واطية عايزة الرجالة تتخيلك في هدوم النوم "
إتنفست بعنف وحطت إيديها التانية علي صدرها ووقعت أغمي عليها
ملامحه إتغيرت وبص لها بقلق وراح شايلها بسرعة وحطها علي السرير وطلع جري نادي جارتهم الكبيرة اللي شغالة دكتورة
.................
بعد نص ساعة
قامت بفزع وفضلت تتلفت حواليها بعنف
إتنهدت براحة لما عرفت إنه مش موجودة هي بتشتم نفسها إن سمعت كلام والدتها
دخل عليها وهو متعصب وشوية وهينفجر
_" إيه اللي حصل ده يا هانم أنتِ إزاي حامل "
أحلام بدهشة ممزوجة بالسعادة " حامل !!! بجد "
_" اه ما أنتِ أكيد فرحانة "
قامت وراحت وقفت قدامه وحطت إيديها علي صدره وإتكلمت بكسرة
_" أنت إتغيرت كده ليه قولي يا أنور هو أنا عملت لك حاجة عشان تعاملني زي الجارية ويمكن أقل كمان منها إحنا كنا كويسين أول سنة جواز إيه اللي غيرك "
أنور ببرود " مفيش مزاجي "
_" طب أديني سبب مقنع "
أنور إنفجر في وشها بغضب " بسببك أنتِ السبب أنا كنت بحبك وما زلت بس مش قادر أرجع أثق فيكِ أنتِ أنتِ ااااااه إبعدي عني أنتِ والبتاعة اللي بطنك ده "
أحلام حضنته علي فاجأة وبقوة وهي بتحاول تهدي عصبيته عشان متتطلعش عليها
_" طب خلينا نفتح صفحة من أول وجديد "
_" عشان إبننا أو بنتنا اللي جاي لو مش عشان البيبي فعشاني "
كملت بكذب فهي لحد دلوقتي مش قادرة تحبه " أنا بحبك "
أنور الكلمة زلزلته من جواه زي كلمة مرة وإستسلم ليها ولسحر كلماتها
.........................
عدي شهر
وأنور بيعامل أحلام زي الملكة فسح وخروجات وهدايا زي وقت خطوبتهم ويمكن أحسن وبقي يديها حريتها تخرج زي ما هي عايزة بس بردوه بعمله
_" أحلام "
_" أفندم مين "
_" أنا علاء مش فكراني "
_" لا "
مشيت خطوتين وهو راح وراها
_" كلميني أنا آسف علي اللي عملته أنا بقي لي سنين عايش في تأنيب الضمير اللي خطبتها مكنتش بتحبني وفشكلنا قبل الفرح بأسبوع "
_" أعمل إيه يعني "
_" سامحيني "
_" تمام "
_" يعني مسامحاني "
_" لا طبعًا "
_" طب عايز أقولك حاجة "
_" أووف بقي مش عايزة أعرف حاجة أبعد يا جدع أنت من سكتي زمان جوزي مستنيني "
كل ده وأنور كان بيتابع من البلكونة وهو جواه نار بتغلي هو مش سامع كلامهم بس إنه يشوف مراته واقفة مع راجل دي حاجة مفيش أي راجل يستحملها
أنور بغضب " أحلااام يلا إطلعي "
أحلام بصت له بإبتسامة وهزو رأسها بمعني حاضر ورجعت بصت تاني لعلاء بس بقرف وطلعت علي بيتها
وعلاء كان بيبص لأثرها بندم هو مكنش متوقع إنه يقابلها لا وكمان جنب بيتها
....................
أحلام كانت طالعة علي السلم وعمالة تدندن بإبتسامة وهي حاسة إن حياتها بدأت تحلو
جت تكمل طلوع وقفها أنور اللي كان واقف علي بداية السلالم من فوق بصت له بسعادة وجت تقرب منه لقت نفسها بترجع لورا وبتقع علي السلم بقوة وهو كان واقف بجمود وماتهزلهوش شعرة
أحلام بصوت ضعيف وإستنجاد " أنور إلحقني إبننا بيروح حرام عليك "
مقدرتش تكمل ولحظات وكان أغمي عليها والدم محاوطها من كل مكان
أنور بص لها ببرود ودخل الشقة ونام علي الكنبة
....................
40 دقيقة وحس بخبط جامد علي الباب
_" يا أستاذ أنور إفتح مراتك بتموت مننا "
_" يا أستاذ الإسعاف جت خدتها من شوية أفتح يا أستاذ يا أستاذ أنور "
الراجل يأس وكان هيمشي أنور فتح الباب
أنور بخضة مصطنعة " فيه إيه يا عم ممدوح "
ممدوح بدأ يحكي اللي حصل وأنور كان بيمثل الحزن والصدمة بإتقان شديد
_" أحلام أحلام حبيبتي إبني هما فين راحوا أنهي مستشفي "
ممدوح قاله علي عنوان المستشفي وهو طلع يجري علي هناك
.....................
تاني يوم
كانت فاقت من أثار البينج والمنوم اللي خدتهم
بصت حواليها بتعب لقت مامتها نايمة وساندة رأسها علي طرف السرير وباباها واقف قدام شباك الأوضة وباين عليه الهم
_" راح مش كده أنا مش زعلانة عارف ليه "
حافظ بص لها بسعادة وحمد ربنا إنها بخير
_" قولي ليه مش مهم متقولش عشان هو كان هيعيش اللي عيشته من مر وعدم إهتمام كان هيعيش بين أم بتضرب وبتتعامل زي الحيوانات وأب مختل عقليًا وهمجي ومتوحش "
_" بتبص لي كده ليه زي ما بقولك متبصليش كده دي الحقيقة أنت وماما طول عمركم بتفضلوا زياد عليا في كل حاجة كل حاجة بالمعنى الحرفي لدرجة إنِ كرهته وبدأت أكرهكم حاولت مبينش حاجة بس خلاص أنا جبت آخرى "
_" أنا عايزة الخلاص عايزة حريتي عايزة أبعد عن كل المشاكل دي "
_" بس أقول إيه دي مش غلطكم دي غلطتي أنا أنا وبس ربنا بيعاقبني أيوه بيعاقبني علي اللي عملته "
بص لها بعدم بفهم من كلماتها وهي سابته يبص لها وشردت في سقف الأوضة بتفكر في اللي جاي واللي هيحصل