رواية القاضي الشيطان الفصل السادس 6 بقلم شروق حسام
رواية القاضي الشيطان الفصل السادس 6 هى رواية من كتابة شروق حسام رواية القاضي الشيطان الفصل السادس 6 صدر لاول مرة على موقع التواصل الاجتماعى فيسبوك رواية القاضي الشيطان الفصل السادس 6 حقق تفاعل كبير على الفيسبوك لذلك سنعرض لكم رواية القاضي الشيطان الفصل السادس 6
رواية القاضي الشيطان الفصل السادس 6
بليل
كانت رفيف قاعدة علي السرير وبتعيط بإنهيار وصوت عياطها كان واصل لسيف اللي كان عايز يروح لها بس عصام منعه
رنا بخضة " أهدي يا رفيف بتعيطي ليه دلوقتي ما أنتِ كنتِ كويسة وبتتفرجي علي المسلسل "
رفيف ببكاء " شوفت...شوفت... فيديو حزين...بعد ما المسلسل...خلص "
رنا بصدمة وهي حاسة بأعراض شلل " فيديو !!! "
_" اه البنت كانت بتكلم صاحبتها علي موقف حصل لها وإنها قطعت كلام مع واحدة صاحبتها عشان صاحبتها التانية اللي بتحبها أخوها سمع نص الكلام وراح لمامتهم وقالها اللي حصل وحط التاتش بتاعه وقالها إنها خصمت صاحبتها عشان واحد كانت تعرفه و الخناقات حصلت ما بينهم عشان الشخص ده والأم نزلت في البنت جلد ومحدش صدقها أنا بجد مش قادرة حاسة بقهرة مكانها "
رنا بهمس " إنها الهرمونات "
كملت وهي بتحضنها وبتواسيها " أهدي يا ريو أكيد ربنا عمل كده عشان سبب أهدي "
رفيف كانت بتعيط ورنا بتطبط عليها وبتهديها وكل ما تهدي ترجع تفتكر وتعيط لحد ما رنا بعدت عنها وجابت لها لوح شيكولاتة وهي سكتت وعينيها لمعت بفرحة ونسيت كل اللي حصل أكلته وبعدين بدأت عينيها تقفل وراحت في ثبات عميق كعادتها وبقي نومها تقيل عكس الأول كانت بتصحي من أقل حركة تحصل جنبها
رنا إتنهدت وحضنتها بسرعة وراحت علي أوضتها عشان تنام وترتاح
عكس سيف اللي مكنش مرتاح وكان علي نار وعايز يعرف هي كانت بتعيط ليه هو خايف عليها وعلي إبنه أيوه خايف عليها لأنها مراته وأم إبنه مش أكتر ولا أقل وده اللي كان بيحاول يقنع بيه نفسه
عصام بتريقة وهو بيفكره بكلامه اللي قالهوله قبل كده " دي أم إبنِ بس "
_" يا كداب ده أنت قادر ومفتري وكنت تقدر ترجع إبنك غصبًا عن أنف الكل بس أنت عايزها هي مش كده "
سيف بتوتر " أخرس يا عصام يا حبيبي أنا مش عايز حاجة غير إبنِ وبس "
عصام كام لسه هيرد عليه بس سيف سابه ودخل ينام
_" لا حول ولا قوة إلا بالله يعني أقول الحقيقة مش عاجب ولو كدبت مش عاجب إيه العالم دي بس "
_" سمعتك يا متخلف أدخل نام أحسن هكسر عضمك وساعتها ولا هتعرف تنام ولا هتطيق إنك تفضل صاحي "
_" نام ولا عايز الجن اللي في البيت يأكلك "
عصام بهمس " شكله عليه جن أو بيكلمهم ههههههه "
وبالفعل عصام دخل الأوضة التانية ونام
....................
عدي شهر وكام يوم ورفيف بقت علي أبواب الشهر التاسع
وفي الشهر ده كانت أمنية بتيجي الشقة الصبح وتمشي العصر وفي الوقت اللي كانت بتبقي موجودة فيه كانت بتحاول تقرب من رنا ورفيف وبالفعل نجحت وبقت تقعد معاهم في الشقة وبيفضلوا يتكلموا بالساعات ويهزروا
لحد ما رفيف إرتاحت لها وقالت لها علي كل اللي حصلها
_" بس أنتِ غلطانة مش بس غلطانة لا وكمان أنتِ ساذجة ومغفلة "
رفيف بضيق " ليه بس الغلط يا موني "
_" بقولك الحقيقة أنتِ ليه تضحي بنفسك وتتجوزي واحد أنتِ متعرفيش عنه حاجة ولا أصله ولا فصله بس عشان تنقذي خطيبك اللي هو أصلًا ميستحقش كل ده "
_" عشان...عشان "
_" عشان إيه بس "
رفيف بتنهيدة " عشان كنت بحبه ومتعلقة بيه لأن من بعد وفاة أهلي وأنا مبقاش ليا حد في الدنيا دي لحد ما شوفته وإتخطبنا وإتعلقت بيه وبقي زي الونيس ليا في الدنيا دي وبقي يشغل جزء كبير من حياتي ويومي "
_" أولًا ده إياكي تسميه حب عارفة ليه "
_" ليه "
_" عشان لو كنتِ بتحبيه كان زمان قلبك بيوجعك علي اللي عمله بس بالعكس أنتِ يومين بالتمام والكمال وكنتِ نسيتيه أصلًا "
_" ثانيًا بقي وده الأهم حاولي تدي لجوزك فرصة تانية مش عشانك ولا عشانه عشان خاطر اللي في بطنك سيف أكيد يستحق فرصة "
_" سيبك من اللي عملي فيها قاضي العالم السفلي ده أنا القاضي الشيطان نينينينينيني أنا اللي فيا وبيا وعليا المفروض يقول أنا حيوان عايز ضرب النار "
رفيف سكتت للحظات وبعدين بدأت تستوعب اللي إتقال
_" ثانية كده أنتِ إيه اللي عرفك إن جوزي إسمه سيف أنا مقولتش إسمه أصلًا "
_" لا قولتيه وسط الكلام "
_" أمنية "
أمنية بتوتر " بصي هقولك كل حاجة بس والله أنا حبيتك وبقيتي أختي وأكتر أنتِ ورنا ومش عايزة أخسركم "
رفيف بجمود " أحكي "
_" سيف من بعد ما أنتِ مشيتي بعت رجالته يدوروا عليكي وهو كمان كان بيدور عليكي لحد ما عربي لاقاكي أول مرة وأنتِ رجعتي هربتي تاني بس كان فيه رجالة تانية مع عربي مستنين تحت في الشارع ولما شافوكي نازلة وهتهربي كلموا سيف وهو قالهم ميعملوش حاجة وإنهم بس يمشوا وراكي وهم عرفوا أنتِ راحة فين وعرف إنك في الشارع هنا فكلم شوية ناس وجابوا الشقة دي وجهزوها بكل حاجة في الوقت اللي كانت رنا بتدور فيه علي شقة للإيجار "
رنا بصدمة " كنت حاسة ما هو مافيش شقة بكل الإمكانيات دي إيجارها 1000 جنيه "
رفيف بهدوء " كملي "
_" وبعدها دفع للسكان اللي في الشقة اللي جنب دي عشان يمشوا ويشوفوا مكان تاني وعشان كان المبلغ كبير وافقوا وهو جابني أنا وعصام أخويا عشان نفضل جنبك عشان لو حصل حاجة وعشان أبقي قريبة منك وكنت بمشي العصر وهو حاليًا في الشقة اللي جنبك ومستني الفرصة عشان ترجعي معاه "
_" تمام فيه حاجة تاني عايزة تقوليها "
أمنية بحزن " لا "
_" يبقي خلاص أنتِ ..... "