- انت ايه الى جابك هنا؟؟ عرفت اني هنا منين !!! 

=  امشي قدامي حالا هنرجع البيت

= انت تاني ؟؟ انت مش بتزهق يحبيبي مش بتحس؟ 

- انتي عارفه لو مجتيش معايا هيحصل ايه؟ هعرفهم كل حاجه هخليهم يخدوكي يعملوا ليكي تحليل ويعرفوا الزفت الى شربتيه امبارح انتي مشوفتيش شكلك كان عامل ازاي ؟؟؟ بطلي قر. ف بقا !!

= يعني طلعت ورايا!!

- اه! طلعت وعرفت شربتي ايه!!

ضحكت بسخريه: بس معرفتش حد صح

= انا معرفتش حد بمزاجي!! انا فضلت معاكي لحد بليل وبعدين روحتك عشان محدش فيهم يحس بحاجه مشوفتيش نفسك كنتي هتمـ.وتي وعايزه تكرري ده تاني؟؟ انسي ! انتي هتبطلي الى بتعمله ده غصب عنك 

زعقت فوشه جامد: اخرس !!!! انت ملكش اي حق تعمل كل ده انا حره !! 

زعق بنفس نبرتي: مش حره !!!! انتي مش حره ! ومش هسمحلك ابدا تعملي اي قر*ف تاني ولا تقابلي صحابك دول حتي 

- والله ؟؟ وهتعملها ازاي؟ فاكرني عيله!! انت ياحبيبي مش قدي ! روح ارجع مطرح ما جيت يا يوسف! انت مش هتغير حاجه فا متعملش بطل! 

بصلي بخيبه أمل: خسارة المرحلة المتدنيه الى وصلتي لها الى معرفش وصلتي لها ازاي حصلك ايه خلاكي بالشكل ده.. عمي مهدي ميـ..ـت بقاله سنتين بس وانتي حالتك كده؟؟ 

" اول ما سمعت اسمه و كلمه مو*ت فنفس الجمله اعصابي باظت.. حسيت وقتها بكذا شعور كلهم سواد!! بصتله وانا مركزه عيوني عليه"

- اسكت متتكلمش! 

= انتي ضيعتي تربيته ليكي! فاكره انوه كده فرحان؟؟ عارفه لو كان موجود وشاف كل الى بتعمليه ده؟؟ 

جسمي سخن وقربت منه بكل غضب الدنيا وزعقت: انا بقولك اخرس خالص !!!! متجبش سيرته متتكلمش !!! 

كنت همشي من قدامه ولكنه مسكني: مش هتروحي في حتة !!! لو هو مش موجود فا انا موجود ومش هسمحلك تضيعي نفسك !!! ولا عاوزاني اخيب ظنه زيك؟؟ 

" بصتلي وقتها بنظره تعجب من الى قولته وكأنها مش مصدقه فضلت مركزه عيونها عليا وهي بتحاول تستوعب الجملة.. وانا سكت.. " 

- انا مكنش قصدي ان..

" صْربته بالقلم بدون تفكير بعد الجمله الى قالها وهو حط ايده على وشه ورجع بصلي " 

= اياك تتكلم معايا بالطريقة دي مره تانيه

" اتصدم من رد فعلي و كتم العْضب جواه فضل بينا نظرة طويلة.. لقيت صحابي ورايا "

نادين: ليلي انتوا هنا سوا؟

"مردتش على حد واتحركت عشان امشي" 

نادين: ليلي رايحه فين؟؟ يابنتي؟؟ 

" كملت لحد البايك و ركبت ومشيت... مكنتش عارفه اروح على فين.. ملقتش مكان اروحه وانا مضايقه وبعيط غير مكان واحد.." 

>>>>>>>>>>>>>>>>>>>>>>>>>>>>>>>>>>

" سبحان الله و بحمده سبحان الله العظيم "

|| في الفيلا  | الساعه 11 ||

" رجعت وانا حاسس اني اتصرفت معاها غلط انا مليش دعوة بكل ده هي عندها حق.. انا هاجي بعد كل السنين دي واعمل دور الكبير العاقل.. لقيت جدو قاعد فا روحت جمبه " 

- مالك يا يوسف؟ و فين ليلي

" حكيت له كل الى حصل.. بأستثناء الى هي بتعمله وقولت اني اتخانقت معاها عشان مش مرتاح لصحابها لكن مجبتش سيرة اي حاجه.. " 

جدو بصلي بقلة حيلة: دي غلطتي كان لازم اقولك 

- تقولي ايه بالظبط

= موضوع ليلي و مو*ت مهدي

- طيب فهمني

= احنا مش بنجيب سيرته حتي قدامها عشان من وقت موـ.ـته وهي متأثرخ نفسيا و جربنا نجبلها دكتور نفسي رفضت تقعد معاه دخلت في حالة سيئة جدا.. وحاولت تنتـ.حر ايدها فيها جرـ..ح اثر الموضوع ده 

"بصتله وانا متفاجئ ومش قادره افهم"

= و ليه كل ده ؟؟ مش عمي الله يرحمه ما*ت طبيعي؟ 

- مش بتتكلم حاولنا نتكلم معاها وكل مره كانت بتيجي بنتيجه عكسية فا بطلنا نجيب سيرة الموضوع خالص والى هي عملته معاك ده لأنك دوـ..ست عليها جامد من غير قصدك

- طب مش هما علاقتهم كانت كويسة! انا مش فاهم حاجه يا جدو.. طب هي هتفضل كده؟ 

= هي كده بقالها سنتين.. وانا لما كلمتك عشان تيجي كان عندي امل انها تنسي او تندمجوا سوا لكن هي مش بتخرج غير مع صحابها و ترجع متأخر و بسبب خوفنا انا و هدي عليها مش راضين نمسك عليها او نحسسها اننا بنتحكم فيها هتعاند اكتر وبرضو مش هيجيب نتيجه فا قولنا نسيبها تتلهي احسن ما ترجع وتعمل حاجه فنفسها!

- وعلاقتها كده بالكل؟! مش بتقرب من اي حد 

= ايوه بالذات مريم.. مريم حاولت تقرب منها لكن ليلي رفضت ده وشافته شفقه و اتعاملت معاها بقسوة جدا من سنه بالظبط.. اتخانقوا خناقة جامده و ليلي طردتها و زقتها بره الاوضة قالتلها متجيش هنا تاني.. وفات الوقت ومريم واخده جمب عشان كده املي فيك كان اكبر شوية

" حسيت بشعور ضيق في قلبي.. الموضوع كل مدي بيتعقد فكرت فاللحظة دي اقوله كل حاجه.. أكيد هو هيبقي ادري مني يتصرف معاها ازاي!! لكن انا.؟ " 

- جدو بصراحه انا عايز اقولك حاجه..

" قاطعنا صوت الباب وهو بيتقفل بقوة كانت هي.. طلعت من غير حتي ما تبص ناحيتنا " 

= قول يا يوسف فيه ايه؟

- مفيش.. كنت بس هقولك اني حاسس الموضوع صعب لكن هحاول 

>>>>>>>>>>>>>>>>>>>>>>>>>>>>>>>>>>

استغفروا..

" طلعت اوضتي وقفلت الباب لقيت ماما في قفايا وانا مكنتش فايقه لحد وقفت قدامي و ربعت ايدها و بصتلي نظره الى هو هدوء ما قبل العاصفه  " 

- ماما انا هنام

= والله؟ كل ما لما اجي اكلمك هتطلعي لي بمـ.ـيت حجه ؟ انتي كنتي فين انا قلقت عليكي يا ليلي

-  مش قادره اتكلم دلوقتي

= يعني ايه؟ 

- يووووووه بقا !!!

قومت من مكاني عشان اخرج وقفت قدام الباب وبصتلي بتحذير: هنتكلم يا ليلي! الوضع ده مش هينفع يفضل مستمر انتي بتدمري حياتك! 

= اديكي قولتي حياتي ! 

- وانا امك!

" نرفزتني وانا اصلا جاية مش طايقه نفسي فا خرجت البلاكونه عشان انط لاوضة يوسف واخرج ! "

" كنت طالع اوضتي بعد ما خلصت كلام مع جدو وقبل ما افتح الباب لاقيته اتفتح و ليلي خارجه منها" 

لقيتها اتكلمت بزعيق: دي بقت حاجه تقرف حقيقي!! 

لقيت طنط هدي خارجه من اوضتها: ليلي ! خدي هنا !!! 

يوسف: فيه ايه يا طنط هدي نفسك

" نزلت على السلم و جدو كان طالع اوضته هو كمان "

عزيز: حصل ايه الزعيق ده!

هدي: شايف نازلة و سيباني ازاي؟؟ عشان بس بسألها كنتي فين!! 

عزيز: طب اهدي سبيها و الصبح نتكلم يا هدي

" نزلت وراها لقيتها قعدت فالجنينه كنت متردد أروح ولا لاء.. وافتكرت كلام جدو ومكنتش لسه خت قرار هعمل ايه بالظبط! فا مروحتلهاش.. ورجعت تاني اوضتي " 

>>>>>>>>>>>>>>>>>>>>>>>>>>>>>>>>>>

|| تاني يوم الصبح | الساعه 11 في الشركة || 

" روحت الشركه افصل شوية من كل ده و بالمره اتابع الشغل.. بس كنت سرحان اغلب الوقت ..

سمعت حد بيحْبط على المكتب بتاعي " 

- اتفضل

= انت مالك يا استاذ؟

- خير يا انسه مريم

ابتسمت وقعدت: شكلك مش تمام من الصبح

= مفيش بس موضوع كده..

- طيب قول يمكن اساعدك؟

= لو حد في مشكلة وانتي عايزه تساعديه لكن مش عارفه وهو يهمك.. بس هو اصلا مش مهتم يساعد نفسه فاهمه؟ يعني كأنك بتحاربي لوحدك

بصتلي بتفكير: طيب خلينا نتكلم بصراحه

- قولي

= احنا بنتكلم عن ليلي؟ 

بصتلها وابتسمت: انا عارف انك ذكية عموما.. فا مش هتفاجئ انك فهمتي..

- انا حاولت اساعدها قبلك يا يوسف وبقولك بلاش

= ليه؟ 

- لأن شخصيتها معقده.. ولحد دلوقتي محدش فاهم بتعمل كده ليه 

= متعرفيش يوم موـ.ت عمي لو حصل اي حاجه مثلا!

- محصلش اي حاجه يابني وليلي مكنتش كده ليلي ساقطه سنه بسبب الى هي فيه ساقطه سنه بعد ما كانت الاولة على الدفعه مرتين ومفروض تدخل امتحانات السنه دي وطنط هدي بتعمل كل شيء عشان ليلي تكمل!! المفروض فاضلها سنه و تتخرج لكن هي مش بتعمل اي خطوة في حياتها! 

" اللغز كبر في دماغي ومكنتش قادر افهمها " 

= وانتي شايفه نتصرف ازاي

- مش عارفه.. صدقني معرفش انا نفسي ترجع زي زمان اوي كنت بخطط اننا هنشتغل سوا.. كانت قالت لي في مره كنا قاعدين مع عمي انها هتشتغل معاه في قسم الاجهزه و التصنيع وكده

ابتسمت وكملت: كنا بنتحدي بعض مين هيبقي اشطر وكانت حتي بتقول لعمي مهدي هبقي احسن منك فالشغل..

- مجربتيش تسأليها حصل ايه؟؟

= جربت.. من سنه كده.. وقتها اتحولت عليا و طردتني بره حياتها! مقلتش حاجه بس غير اني خايفه عليها وانها بوظت حياتها من وقت موت عمي وده مينفعش ومش هيريحه 

حطيت راسي بين ايديا: الموضوع كل مدي عمال يتعقد..

= انا عندي امل في ربنا..

>>>>>>>>>>>>>>>>>>>>>>>>>>>>>>>>>>>

لا إله إلا أنت سبحانك إني كنت من الظالمين 

" صحيت متأخر وانا دماغي وجعاني ونزلت افطر اي حاجه عشان اخد برشام الصداع و قابلت ماما في المطبخ " 

- ماما.. مش هتتكلمي معايا يعني؟

= أيوة 

- يا ماما قولتلك متكلمنيش وانا متعصبه! وترجعي تزعلي 

= فعلا؟؟ هو ده ردك على طريقتك معايا

- انا اسفه

= اسفه فعلا؟؟ شايفه نفسك غلطانه؟ ولا بتتأسفي وخلاص عشان اسكت؟ 

- طب اعمل اية؟ 

= متعمليش يا ليلي كفاية الى عملتيه

" سابتني ومشيت وانا موبايلي كان عمال يرن فا رديت" 

- ايه يا احمد عمال تزن ليه !! 

= انا بره الفيلا اخرجي

- بره!! 

= ايوه تعالي

" خرجت له و كان لوحده " 

- فيه ايه؟ 

= السبق اتحدد انتي مش بتفتحي موبايلك! 

- لا امتي!! 

= بكره! الساعه 9 بليل 

- طب و ايه التفاصيل

= متقلقيش انا رتبت كل حاجه المهم اننا لازم نكسب عشان نتأهل للجولة الأساسية 

- عيب عليك

= فيه حاجه كمان.. نادين وعمر قفشوا منك على فكره بقالك يومين تكلمينا نخرج و تمشي واخر مره ابن عمك ده بوظها ايه جابه معاكي ؟ 

- سيبك منه دلوقتي المهم مفروض نبقي اربعه فالفريق ومفيش غيري انا وانت وعمر محتاجين حد

= عمر  قال كلم واحد وهيبقي موجود 

- حد نعرفه؟ 

= مش عارف قال اسمه وليد من البحيره حاجه كده احنا كدا كدا نازلين بليل تيجي

- اها ابعتوا لوكيشن

= بس تيجي بس

- هاجي انا اصلا مخنوقه اختارو انتوا مكان حلو

= محدش بيختار اماكن حلوه زيك

ضحكت: محدش بيحب الاماكن بتاعتي غيرك

" كنا واقفين بنضحك و شوفت يوسف وصل واول لما شافنا سوا اضايق وانا قررت اضايقه اكتر وفضلت واقفة مع احمد شوية وبعدين مشي فا دخلت الفيلا لقيته واقف في وشي كالعادة حقيقي انا بقيت متعوده لو مقرفنيش في عيشتي يمو*ت "

- هو جاي هنا ليه؟؟ 

= اظن انت متوقع هقول ايه

- انت مش مقدره خالص اني ساكت ومش عايز احطك في مشكله معاهم؟

= تؤ.. حطني وملكش دعوة

- متتحدنيش يا ليلي

= انت الى متقفش في سكتي! 

- طب حلو يا انا يا انتي!

" ضحكت بسخريه ومشيت وسيبته "

>>>>>>>>>>>>>>>>>>>>>>>>>>>>>>>>>>>

صلي على محمد 

" نزلت اقابلهم بليل و استغربت انوه منطش ورايا كنت في كميه راحه غير طبيعيه ظبطنا سوا كل التفاصيل عشان السبق وبعدين روحت وتاني يوم صحيت كلي حماس! والوقت جري بسرعه او يمكن عشان انا كنت متحمسه طول اليوم جهزت وعرفت ان يوسف في الشركه هو وجدو فا اطمنت ان انهارده كمان هرتاح منه!! الساعه خمسه كنت في طريقي ليهم عشان نتقابل قولت اللحق انزل قبل ما الرزل يجي ورايا و يلزق " 

|| في الساحه ||

نادين: جيتي بدري! 

- عيب عليكي عمر واحمد فين؟

= معرفش راحوا يعملوا حاجه هناك كده 

- طب الواد الى قالو عليه جه ؟

= تقريبا اه مش عارفه

- طيب حلو انا هدخل الحمام وجاية

= خديني معاكي

" خرجنا و لقيناهم قاعدين بيتكلموا وأول ما وصلنا سكتوا " 

نادين: فيه اي يا عمر سكتوا يعني

قعدت وبصتلهم بشك: فيه ايه؟

احمد: قولها بقا قول 

عمر هرش في دماغه: الواد الى متفق معاه وليد.. مش بيرد عليا..

بصتله بدهشه: انت بتهزر صح

بصينا ليهم بجديه محدش رد نادين بصتلي: مش بيهزروا 

" فضلنا مضغوطين لحد ما السبق قرب يبدأ ولاننا اول فريق يسجل وقفنا احنا التلاته على الخط قبل السبق بتلت دقايق وكنا بنستعد ولبسنا الخوذه وجمبنا الفريق التاني من اربع اشخاص.. كنت محبطه من الموضوع ولكن في اخر دقيقة حد وصل و وقف جمبنا على الخط بصتله بتركيز يمكن اعرفه لكن الصفارة صْربت فا انطلقنا كلنا.. ! " 

" كان في اتنين منهم معدينا ويعتبر حد معديني لكن عمر واحمد كانوا متقدمين و وليد الى جه فالأخر كان ماشي جمبنا .. بدأ يزود سرعته على الآخر وبقي هو المتقدم و انا وصلت جمب عمر و احمد وكنا حاطين مايك بنتكلم فيه " 

- عمر اطلع يلا واتقدم!! 

" بدأ يزود سرعته و و مفضلش غيري انا واحمد الى مفروض نتقدم لكننا كنا بنشوش على تلاته منهم و واحد بس منهم الى تقدم وده كان في صالحنا جدا لكن فجأة اتنين منهم تقدموا مره  وقتها عمر و وليد عدوا خط النهايه وكان فاضل انا و احمد " 

- ليلي يلا زودي عشان نعدي! 

= انا خايفه الاخير يكسب يا احمد !! 

- متخافيش يلا زودي!! 

= كنت بحاول اتحكم فالسرعه معرفتش واكتشفت ان فيه غلط فالسرعات و الفرامل !!!! السرعه وقفه عند حتة معينه و فيه حاجه غلط فالبايك

اتكلمت بخضه: احمد اللحقني !! البايك مش بيقف ولا عارفه اتحكم فيه!! 

- ايه!! انتي بتقولي ايه!!! 

عمر كان سامعنا واتكلم بعدم فهم: جماعه الى بيحصل !!!! 

- عمر ليلي مالها؟؟؟ انت سامع ايه ؟؟ 

= احمد اللحقني !! 

- هقرب البايك بتاعي ليكي نطي جمبي بسرعه ! 

= مش هعرف !!! 

- لا يا ليلي هتعرفي !!!

" وفعلا قرب مني وفضل يزعق عشان انط وانا كنت خايفه حاولت اثبت بس البايك بتاعتي ونطيت لعنده و البايك بتاعتي كملت و اتقلبت الكل اتخض واحمد عدي الخط بيا نادين و عمر جريوا عليا واتفاجئت بالرابع بيقلع الخوذه وبيجري ناحيتي ! يوسف !!! " 

قلعني الخوذة وبصلي بتفحص: انتي كويسة!!!! 

" بصتله وانا مش مستوعبه حاجه وبصيت لعمر!!"

نادين قربت بحْضه: حصلك حاجه؟؟ 

أحمد بزعيق بدأ ينادي للمنظم: في حد لعب فالبايك بتاعتها وهي مركونه !!!!!

" كذا حد تبع السبق قربوا وحصلت مشكلة وانا اتفاجئت بـ يوسف بيدخل فالمشكلة و كان ماسك في واحد منهم..!! الموضوع هدي و احمد قالنا هيراجعوا الكاميرات وانا كنت مضايقه عشان البايك لكن الى كان مضايقني اني اتعمل عليا حوار " 

احمد: خلاص يجماعه يلا نمشي و بالنسبة للبايك قالو هيصلحوها..!

- تمام 

 احمد: ليلي استني

- ابعد عني !! ولا استني ولا زفت !! 

عمر: احمد ملوش دعوة دي كانت فكرتي اني اكلم يوسف

نادين بصتلي: ملاحظين انوه واقف جمبنا صح

"بصتله وهو كان ساكت"

بصيت لعمر وابتسمت: مبروك يا عمر 

عمر بعدم فهم: على ايه! 

- على السبق الي لحقته انصحك بقا تجيب حد كمان عشان من انهارده انا مش معاكم 

احمد بأعتراض: هو ايه الشغل ده ؟؟ 

نادين: علي فكره كل ده وقته! انتوا مش شايفين الى حصل

احمد: فعلا احنا محتاجين نهدي ونتكلم بعدين

- ولا هنتكلم ولا زفت انا ماشية ومحدش منكم يتكلم معايا ابقوا اشبعو بيه

" مشيت وسابتنا وكلهم بصولي بصمت و بصوا لعمر بنظره لوم.. اتحركت وراها " 

- استني هوصلك هتروحي ازاي! 

= ملكش دعوة وعلى فكره تاني مره متتخانقش عشاني انا مش ضعيفه وهعرف مين عملها واخد منه حقي 

- طيب نروح ونتكلم

= مش هروح معاك في حتة انا !! 

- متأكده؟! 

= اه متأكده

- ليلي دي اخر محاولة هعملها معاكي

= الحمدلله!!! بجد اخيرا؟؟ 

" مشيت وسابتني روحت البيت وفضلت مستنيها ولما طلعت اوضتها وعرفت انها جوه فتحت موبايلي و بعتلها مسدج " 

- انا كده مش هتدخل في حياتك تاني بس عشان تبقي عارفه انا هقول كل حاجه شوفتها و اعرفها و هو يتصرف معاكي لكن انا خلاص ومكنتش عاوز احطك فالموقف ده لكن حقيقي كان نفسي اساعدك يا ليلي بس للأسف انتي بتحاربي نفسك و بتحاربيني حاولي تفكري و راجعي حياتك وهستني ردك..

" بعت المسدج وفضلت مستني ترد و الساعه 12 لقيتها تايبينج وبعتت مسدج " 

- انت لسه صاحي؟ 

= أيوه 

- طيب انا فكرت في كلامك.. بس انا دلوقتي معايا سجاـ..ير احمد كان ادهالي وكده.. ومش عايزه اشربها بس مش عارفه اعمل ايه

= طيب اصبري..

" قلبي كان بيدق بقوة انها اقتنعت بكلامي دخلت البلاكونه وبعدين منها دخلت اوضتها وهي كانت قاعده بالبيجامه " 

- هي فين هاتيها 

= انا الأول عايزه اتأسف لك على كل حاجه يا يوسف.. بس انا فعلا مش هقدر اتغير لوحدي

- متقلقيش يا ليلي كل حاجه هتبقي تمام..

بصتله بعيون بتلمع: هما فالدرج عندك..

فتحت الدرج وانا بدور عليهم: مفيش حاجه

" وانا بكمل تدوير لقيتها صوتت مره واحده اتحْضيت وبصتلها "

- فيه اي يا ليلي !!! 

علت صوتها اكتر: ماما !!!!! يا جدوووو !!! 

" دخلوا الأوضة بسرعه و بصوا لنا وانا مكنتش فاهم حاجه جريت ناحيتهم و طنط حضنتها " 

- فيه ايه يا حببتي !!!! 

عزيز: فيه ايه يا يوسف !! 

اتكلمت بعياط مزيف: كنت نايمه لاقته دخل الاوضة عليا !!!! 

" بصولي بصدمه وانا نفسي اتصدمت ومكنتش عارف اتكلم !!! " 

- اييه! 

هدي: يعني ايه يا ليلي الى بتقوليه ده 

عزيز: ما تتكلم يا يوسف !! 

اتكلمت وانا بتلجلج: والله محصلش انا دخلت عشان!!!

بصتلها: بطلي هزار ليلي انتي عارفه جيت ليه

طنط هدي بصتلي: دخلت اوضتها ليه اتكلم؟؟ 

بصيت لـ ليلي مره اخيره: انا مكنتش عايز اعمل كده!! بس هقولكم على كل حاجه 

" حكيت لهم كل حاجه اعرفها و فالأخر طلعت موبايلي عشان اوريهم الشات وهي كانت واقفة ساكته وباين عليها الصدمه " 

" لكن انا اتصدمت للمره التانيه لما ملقتش المسدجات!! " 

- والله كانت موجوده صدقني يا جدو !!! 

اتكلمت بعياط: انت كمان بتألف عليا حورات عشان تدراي على الى كنت هتعمله !!! كل الى قاله ده كدب !!! وانت عارف صحابي يا جدو !! وعارفني!! وانتي يا ماما !!!! وبعدين انتوا جيتوا شوفتو ف اوضتي بعينكم !!!! 

عزيز بصله بحيره: يوسف انت مش هينفع تفضل هنا

بصتله بعدم تصديق: اييه؟؟

>>>>>>>>>>>>>>>>>>>>>>>>>>>>>>>>>>>>

يتبع..