رواية اخترت نفسي احلام وانور الفصل السادس 6 بقلم شروق حسام

رواية اخترت نفسي احلام وانور الفصل السادس 6 بقلم شروق حسام

رواية اخترت نفسي احلام وانور الفصل السادس 6 هى رواية من كتابة شروق حسام رواية اخترت نفسي احلام وانور الفصل السادس 6 صدر لاول مرة على موقع التواصل الاجتماعى فيسبوك رواية اخترت نفسي احلام وانور الفصل السادس 6 حقق تفاعل كبير على الفيسبوك لذلك سنعرض لكم رواية اخترت نفسي احلام وانور الفصل السادس 6

رواية اخترت نفسي احلام وانور بقلم شروق حسام

رواية اخترت نفسي احلام وانور الفصل السادس 6

عدي شهر 
وأحلام عايشة في بيت أهلها وأنور كل يوم والتاني بيجي يترجاها ترجع بيتهم بيت أي بيت ده جحيم 
_" أوووف بقي عايز إيه مني "
_" عايزك ترجعيلي "
أحلام إبتسمت بخبث مشفهوش وإتكلمت بهدوء فمخططها قرب ينجح
_" تمام يومين وتعال خدني " 
جيه يعترض بس سكت هو مش في وضع مسموح له فيه إنه يتناقش أو يجادل
.................
وبالفعل بعد يومين جيه خدها ورجعوا بيتهم ومن وقتها ولمدة شهر كمان بدأ يعاملها بدلع وحب وحنان وهي لما كانت بتشوف كده كانت بتحس بإشمئزاز وقرف منه ومن تمثيله وهي متأكدة 100 % إنه هيتغير وريما هترجع لعادتها القديمة 
وزي ما إتوقعت بعد الشهر ده بدأ يتغير تاني 
..................
كانت بتطبخ الغدا وهو عمال يزعق وعايز يأكل 
خلصت الطبخ وبدأت تفرغ في الأطباق وحطت الأكل قدامه وهي مأكلتش وفضلت بس باصة له وهو بيأكل بص لها بعدم إهتمام وفجأة حس دماغها بتلف بيه ووقع بوشه في طبق الأكل اللي قدامه 
بعد ساعة 
_" اه يا رأسي هو إيه اللي حصل "
جيه يرفع إيده عشان يحطها علي رأسه معرفش وإتصدم لما لقي إيده مربوطة في الكرسي اللي هو قاعد عليه 
_" إيه ده !!!! "
كمل بعصبية " أحلام يا أحلاااام أنتِ فين تعالي فكيني "
طلعت له وهي كانت لابسة نفس الفستان والجزمة السوداء اللي كانت لابساهم قبل كده 
بص لشكلها وإتصدم وبدأ يبلع ريقه بتوتر 
قربت منه وقعدت فوق الترابيزة من ناحيته إنحنت وبدأ تلمس وشه وبعدين ضحكت بشر وهي بتخربشه بضوافرها اللي مركباهم مخصوص عشانه 
_" اااه أبعدي يا متخلفة "
أحلام رفعت إيديها وضربته بالكف علي وشه لدرجة إن صوت الضربة سمع في الشقة
_" لما تكلم أحلام هانم تكلمها بإحترام يا عبد شكلك لسه مش فايق من أثار المنوم "
قامت ودخلت الأوضة وبعد لحظات رجعت تاني وهي في إيديها شنطة كبيرة حطتها قدامه علي الترابيزة وطلعت منها الباروكة ولبستهاله غصب ومسكت صابع الروج وبدأت تحطله منه وبدأت تصوره كذا صورة 
حاول يبعدها أو يقاوم بس معرفش 
خلعت جزمتها ومسكها في إيديها ومسكت إيده بقوة 
_" صوابعك تفضل مفتوحة وإياك تقفلها وإلا عقابك هيكون التربيل مش الدوبل كمان "
إتصدم وكان هيصرخ بس هي ضربته بالكف علي وشه وجابت بكرة اللزق وفضلت تلفها حولين رأسه لحد ما بقي فيه طبقة سميكة من اللزق
بدأت تضرب بكعب جزمتها بين صوابعه مرة واتنين وثلاثة كرات كتير متعرفش عددهم لحد ما صوابع بدأت تنزف دم وإنتقلت من إيده اليمين للشمال وعملت فيها نفس الموضوع 
فكت اللزق اللي علي بؤه بالمقص وراحت لبست إسدالها عليه الطرحة وفكت رجله وبعدين إيديه وطلعت تجري برا الشقة 
وهو طلع يجري وراها بس من سرعته إتكعبل ووقع من علي السلم في نفس المكان اللي هي وقعت فيه قبل كده بصت له ببرود وبعد 5 دقائق بدأت تصرخ إن حد يساعدها 
وفعلا الجيران إتلمت وأسعفوه علي المستشفي ولما سألوها حصل إيه قالت لهم إنها متعرفش وإنها مرة واحدة لقته بيجري وراها وعايز يضربها 
..................
تاني يوم رجع البيت ورجله وذراعه ورقبته متجبسين
وهي لآخر لحظة فضلت تمثل دور الزوجة المطيعة اللي بتحب جوزها قدام الكل 
_" أحلام تعالي ساعديني عايز ادخل الحمام "
أحلام متدهوش أي إهتمام وفضلت متابعة المسلسل وهو كان قاعد علي الكرسي لا حول له ولا قوة 
نص ساعة وكان عملها علي نفس 
_" إيه القرف ده يا حيوان "
خلصت كلامها وضربته بالكف علي وشه هي مش عايزة تعمل كده هي مش وحشة بس هو اللي جبرها تكون كده 
أنور عينيه دمعت وحس بالعجز وعرف هو عمل فيها إيه 
جيه يتكلم سابته ومشيت ودخلت الأوضة وهو فضل مكانه مش عارف يتحرك إتنهد وغفل مكانه 
لحظات وحس بمياه علي وشه فصحي بخضة 
_" إيه حصل إيه "
_" أنا منمتش عشان تنام انت تفضل صاحي أعذب فيك شوية "
_" تبدأي منين يا أحلام تبدأي منين اه لقيتها "
دخلت الأوضة تاني وغابت للحظات ورجعت وهي في إيديها مقص ومكنة حلاقته وشوية من هدومه 
أول ما شاف كده إتجنن وعرف هي عايزة تعمل إيه 
_" أحلام إعقلي وإستهدي بالله حرام اللي هتعمليه ده "
ضربته بالكف علي وشه للمرة اللي متعرفش عددها " اشش أخرس ومكنش حرام عليك اللي بتعمله فيا "  
قربت المقص من شعره اللي بيحبه وقصته بعشوائية حاول يتحرك أو يستنجد بحد بس معرفش لأنها رجعت تاني وحطت لازق علي بؤه 
بعد ما خلصت شعره راحت علي دقنه وبدأت تحلقها بعشوائية لدرجة إنه نزف دم 
خلصت وراحت رمت هدومه علي الأرض بعد ما شالت السجادة وحطت معاهم كل حاجة هو بيحبها ساعته ومحفظته والباسبور بتاعه جابته وحرقته وحطته علي الهدوم فالنار بدأت تمسك فيهم لحظات وكانت رمت عليهم مياه 
_" شوفت أنا قلبي طيب إزاي مرضتش أحولهم رماد قولت أسيبلك البواقي دي ذكرة عشان تتقهر كلما تشوفهم " 
إتكلمت بشرود " ده ميجيش حاجة في اللي عملته فيا وفي إبني اللي قتلته بحقدك وجنانك زقتني من علي السلم وأنا كنت طالعة فرحانة إن حياتنا بدأت تتحسن "
_" أنا بكلمك ليه اصلا واحد حقير والرزق ده مش هيتشال غير وأنت مطيع غير كده هتفضل بيه "
خلصت كلامها وراحت نامت علي الكنبة وجابت فيلم أجنبي كوميدي وبدأت تضحك بصوت عالي 
...................
بعد 3 أسابيع 
3 أسابيع داق فيهم العذاب أشكال وألوان عدم إهتمام ضرب لو علي صوته مش ببيأكل كويس الأكل بيجي له بالقطارة زي ما بيقولوه هدومه بتتغير كل أسبوع مرة واحدة بس وهي بتغيرله بتلبسها بعنف فبيصرخ بألم في الرايحة والجاية بتدوس علي رجليه المتابعة ولو إعتراض بتجربه في معدته بغل 
ده حتي مديره في الشغل إستغرب من غيابه ورن عليه فهي اللي ردت وقالت له إنه تعبان وهيأخد إجازة فمديره وافق لأنه من أكفأ موظفينه 
_" النهاردة يا أنوار وجبتك مختلفة عايزة تعرفي هي إيه "
بص لها بتوتر ومنطقش بحرف 
_" مفاجأة كرشة "
أنور بص للأكل اللي في إيدها وحس إنه هيموت اللي عمله فيها في سنتين وأكتر هي عملته فيه في 3 أسابيع 
مسكت واحدة بإيديها وهو كان بيهز رأسه بالرفض إبتسم بمعني هتأكلها مسكت فكه بقوة وأكلتها له وبعد ما إتأكدت إنه بلعها بعدت عنه وهو لحظات وكان إتقئ علي الأرض 
_" تؤ تؤ تؤ ينفع كده يا أنوار ينفع اللي عملتيه ده "
_" إيه رأيك ألحسك الشقة كلها وأهو بدل ما أجيب شغالة أنتِ هتساعديني "
أنور بغضب " أنور مش أنوار حرام عليكِ اللي أنتِ بتعمليه فيا ده إتقي ربنا "
أحلام بضحكة ساخرة " هههههه وأنت متقش ربنا فيا ليه ها ليه ده انتِ عذبتني طول سنين جوازنا وموت إبني بكل دم بارد وأنت ههه كنت واقف بتتفرج عليا بكل جبروت وبرود وأنا كنت عمالة أنادي عليك بقولك يا أنور تعال إلحقني إبننا بيروح وأنت لا حياة لمن تنادي "
أنور بغضب " أنتِ السبب أنتِ اللي خونتيني أنتِ واحد خاينة وحقيره وأنا حاولت أصلح اللي ما بينا وأصبر عليكِ وأقول معلش دي حب عمرك " 
_" خاينة هههه حلو السيناريو ده ده أنت هتبقي سيناريست كبير ده لو بقيت يعني "
_" اه خاينة ولا مش فاكرة علاء اللي كنتِ بتمشي معاه وإحنا متجوزين يا زبالة "
أحلام مسكته من شعره وشدته بعنف 
_" لو علي الخيانة مفيش حد هنا خاين غيرك خاين للوعد والأمانة ووصية الرسول  وخونت ثقة أهلي وثقتي "
_" وعلاء مش هنكر كنت اعرفه قبل ما أتجوزك وكانت غلطة وندمانه عليها وكنت قفلت الصفحة دي نهائي وهو مشافنيش غير هم مرتين يوم ما جيه يتقدم ويوم ما قابلته في الشارع من كام اسبوع في اليوم اللي أنت قتلت روحي فيه "
_" كدب كدب كدب أنتِ عايزة تبرري خيانتك "
_" فكر زي ما تفكر مش مهم "
سكت للحظات وبعدين إتكلم بكسرة " بعد سنة واحدة بس من جوازنا فيه صور كتير إتبعتت لي ليكِ في أماكن كتير ومع راجل غريب ده غير المحادثات والكلام الجرئ اللي مكتوب "
أحلام بجنون " هههههه هههه عشان كده عشان كده إتغيرت كان ممكن تقولي وأنا والله وتالله وبالله ما كنت هكدب عليك ده أنا كنت بدأت أحبك "
أنور بصدمة " بتحبيني "
أحلام بصراخ " كنت كنت فاهم يعني إيه كنت يعني كان ماضي وجبر ده دمرت كل حاجة حتي الحب البسيط اللي كان ناحيتك أنت فجرته مش بس قتلته "
كملت بإنهيار " لو كنت قولت لي مكناش وصلنا لهنا لو كنت قولتي كنت قولت لك ده كدب وصدقني لو كنت قولت لي كان ممكن نعرضها علي حد متخصص لو كنت قولتي لي مكنش إبني مات " 
_" كلام جرئ ده أنت تعرفي أكتر ما علاء عرفني ده أنا كنت بتكسف منك وحتي بعد جوازنا "
_" أنت مريض شك مريض نفسي وواحد سادي كنت بتتمتع بتعذيبي وضربي وبعدين ترجع تقولي معلش سامحيني دي آخر مرة "
_" آخر مرة هههه آخر مرة ده أنا جسمي إتشوه بسببك إتشوه وبقي شبه الخردة "
_" أنت بس إنهارت من كام ضربة ومن معاملة قاسية اومال أنا كنت أعمل إيه وأنت بتضربني بالحزام وبكل حاجة تتطولها ده أنا مخدتش حقي بالكامل منك "
فكها إرتعش وإتكلمت وهي بتحاول تمثل القوة " أنا هرن علي المأذون وهنطلق النهاردة وفي الساعة دي "
وبالفعل كلمت المأذون اللي في الشارع عندهم وخلال ساعة واحدة كانوا مطلقين والمأذون مشي
_" حسبي الله ونعم الوكيل فيك أنا مش عايزة أشوف خلقتك تاني طول حياتي حتي لو بتموت مش هسامحك حتي لو ندمت وجيت إترجتني مش هسامحك مش أنا اللي بيسامح ربنا بس هو اللي بيسامح وهفضل أدعي إن ربنا ميسامحكش "
_" واه الدهب بتاعي هأخده وال 250 ألف اللي في الخزنة هأخدهم ما هم حقي بردوه ما أنا مش مجهزة نفسي ببلاش مع إن المبلغ ده ميجيش حاجة بس ماشي هيقضي الغرض أنا همص دمك بكل الطرق "
وفعلا خدت الفلوس من الخزنة اللي كان بيحسب إنها متعرفش الرقم السري بتاعها بس هي كانت دايما بتراقبه وهو بيفتح فعرفت الباسورد 
جابت شنطة السفر وفتحتها ورتبت فيها الفلوس وحطت شبكتها كاملة في الشنطة وبعد ما خلصت قفلت الشنطة وخرجت برا البيت من غير ما تأخد معاها حاجة من هدومها اللي بقت تتقرف منهم ومن غير ما تبص وراها 
فضل باصص لأثره بشرود معقولة يكون ظلمها بس إزاي والصور ضغط علي شفايفه بقوة 
أنور بألم " أنا كان لازم أتأكد الأول أنا اللي موثقتش فيها أنا الشيطان في الحكاية مفيش حد غيري غلطان "
......................
بعد 4 سنين 
أنور حاول يوصل لأحلام كتير ويرجع بس هي كانت إختفت زي الإبرة في كومة قش ومعرفش مكانها ولا مكان أهلها اللي نقلوا من المنطقة اللي كانوا عايشين فيها وبقي حاسس بالعجز وبعد إختفائها بسنة مامته وباباه ألحوا عليه يتجوز فإتجوز واحدة قريبتهم من بعيد بس كان أسلوبها صعب وكل حياتها طلبات وفسح وهو كان ساكت ومستحمل بيعذب نفسه علي اللي عمله في أحلام 
وعلاء قابلها بعد طلاقها بشهر وحاول يعتذر لها ويقولها اللي عمله بس هي صدته ورفضت إعتذاره
كانت واقفة علي واحدة من الشواطئ الاوروبية وحاسة بسعادة موبايلها رن وكانت مكالمة دولية فردت من غير ما تشوف  
_" آلو ... "
_" آلو كده يا أحلام متكلمنيش طول الفترة دي "
أحلام بتنهيدة " إزيك يا ماما معلش كان ورايا ضغط شغل الشهر ده مدير الشركة بيسافر دول كتير عشان كده بنسافر معاه عشان نتمم الشغل " 
_" أنا بقي لي 4 سنين مش بشوفك يا بنتي إنزلي وحشتينا "
_" معلش أنا كده مرتاحة الشغل حلو وببعتلكم فلوس بالعملة وكمان كام يوم هبعتلك فلوس تاني "
_" هو أنا بكلمك عشان تقولي لي كده أنتِ بقي لك أسبوع مش بتكلمينا إحنا بكلمك فيديو بقي لنا 4 سنين وبالعافية "
أحلام بتنهيدة " حقك عليا يا ماما متزعليش أنا بس مرتاحة هنا والأجواء حلوة وبغير جو وبسافر من بلد لبلد المهم سيبك من كل ده بابا عامل إيه وزياد هم كويسين "
سوسن بتعب " اه الحمد لله بس أخوكِ تاعبني أوي يا حلم صحاب السوء مش سايبينه في حاله وبقي يبجح في وشي "
كملت بندم " أنا اللي عملت كده في نفسي "
أحلام بمرح " سيبك من كل ده أنا هقعد هنا شهر كمان وهبعت لكم تيجوا أسبوع زيارة "
سوسن بفرحة " بجد يا حلم "
_" بجد يا أمي هسيبك بقي خلي بالك علي نفسك "
_" وأنتِ كمان "
قفلت المكالمة وإتنهدت وبصت قدامه بهدوء هي مش عايزة تجرح مامتها في الكلام وبتحاول تهون عليا 
ضحكت بسخرية هي بتهون علي الكل بس مكنش فيه حد بيكون عليها 
هزت رأسها بقوة وابتسمت بسعادة ورمت نفسها علي الرمل وفضلت تبص علي السما الصافية بإعجاب شديد قطع شرودها صوت 
_" مش هترضي عليا وتقبلي تتجوزيني بقي "
أحلام بجدية " أنا قولت لحضرتك قبل كده كتير يا مستر أوس أنا مش ناوية أتجوز تاني مش معني إنك إبن صاحب الشركة هتفضل تضايقني كل شوية "
أوس بضحكة " بضايقك إيه يا بنتي حاش لله أنا بس مصمم علي موقفي مش اكتر "
أحلام قامت وقفت وبصت له وإتكلمت بهدوء " عارف أنا معايا مبلغ هعمل بيه مشروع وهطفش من الشركة دي "
_" معاكي كام وهخليكي شريكة معايا "
_" 25 قرش "
_" حلويين أنا راضي بيهم "
_" لو سمحت إبعد عن طريقي أنا مش هتجوز وعمري ما أفكر أعملها تاني عارف ليه "
_" ليه "
_" لأنِ أخترت نفسي أخترت السعادة والحرية عن التقييد أخترت إن أكون أنا وأنا اللي بحدد عايزة إيه "
خلصت كلامها وسابته ومشيت وهو بص لأثرها بإبتسامة وراح مشي وراح وفضل يزعجها وينكش فيها وهو بيتمني لها الرضي وهيفضل صابر عليها لحد ما توافق تتجوزه 
أحلام بهدوء وهمس وهي بتبص لأوس " أنا ثم ذاتي ثم أخترت نفسي فقط مش عايزة حاجة غير نفسي وسعادتي "
تمت

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا