رواية ملاذ اليقين من الفصل الاول للاخير بقلم نشوه عادل

رواية ملاذ اليقين من الفصل الاول للاخير بقلم نشوه عادل

رواية ملاذ اليقين من الفصل الاول للاخير هى رواية من كتابة نشوه عادل رواية ملاذ اليقين من الفصل الاول للاخير صدر لاول مرة على موقع التواصل الاجتماعى فيسبوك رواية ملاذ اليقين من الفصل الاول للاخير حقق تفاعل كبير على الفيسبوك لذلك سنعرض لكم رواية ملاذ اليقين من الفصل الاول للاخير
رواية ملاذ اليقين من الفصل الاول للاخير بقلم نشوه عادل

رواية ملاذ اليقين من الفصل الاول للاخير

- الله يخربيت الشغل ع الاسترونج اندبندد انا كان مالى ومال ده كله ما كنت سمعت كلام الحاج وقعدت فى البيت معززة مكرمة واخدت مصاريفى منه انما لا ازاى لازم اشتغل واحقق اسم وكارير والاخر اخد فلوس الدروس اتعالج بيها من الضغط اللى العيال جابوه ليا 
كنت نازلة من السيشن بتاع ولد وبنت توام وكعادة كل يوم بمشى اكلم نفسى من الصداع اللى بيعملوه ليا كنت خارجة من الاسانسير ومأخدتش بالى من اللى قدامى فلبست فيه 
+ مش تفتحى ي انسة 
-هو ايه اصله ده ع فكرة بقا حضرتك اللى غلطان انت اللى واقف ورا الباب هشوفك ازاى انا؟!
+ ده بجد ما انتى لو باصة ادامك كنتى شوفتينى ولا الطول بالعرض ده مش شيفاه
- والله حضرتك انا فعلا مش شايفاك وبعدين كويس ان لسه عندى شوية نظر انا العيال جابولى صداع مزمن وبعدين انا واقفة ببرر ليك ليه ها ها انت تعرفنى عشان تقف تتساير معايا 
+ لا انتى مش طبيعية وربنا 
- وسع عدينى وانت شبه الحيطة كده ما شاء الله 
نزلت مشيت وانا متابعها بابتسامة هى مجنونة بس جميلة ودمها خفيف ركبت الاسانسير ووصلت الشقة 
_ مراد حبيبى حمدالله ع سلامتك 
مراد: الله يسلمك يا قلبى امال الولاد فين؟!
_ لسه مخلصين السيشن دلوقتى ودخلوا يعملوا الواجب بتاعهم تحب احضرلك الغدا؟!
مراد: لا يا قلبى انا شبعان الحمدلله بس اسكتى قابلتنى واحدة تحت باين عليها مجنونة
_ ليه ايه اللى حصل؟!
حكى ليها مراد ع البنت اللى قابلها ع الاسانسير وكمل بضحك: بس بالامانة جميلة وروحها حلوة
_كانت لابسة دريس اسود وطرحة زيتى وعيونها رمادى؟!
مراد: انتى تعرفيها؟!
_دى ميس نيرمين مدرسة كيان وكنان 
مراد: المجنونة دى مدرسة! تيجى ازاى بس يا ملك دى عيلة دى تقريبا فى اولى جامعه
ملك بضحك: هى شكلها صغير فعلا بس هى عمرها ٢٥ سنة وع فكرة شاطرة جدا جدا والولاد بيحبوها اوى وبيفهموا منها  كويس وحبوا الرياضيات بسببها
مراد: كويس 
ملك : مالك يا حبيبى حاسة ان فيك حاجة؟!
مراد: اتخانقت مع نيرة 
ملك: يووووووه تانى هو كل يوم خناق كده والمرة دى ع ايه ان شاء الله ؟!
مراد: ع لبسها يا ملك مش عاجبنى ابدا حوار انها تسيب شعرها وتلبس ضيق ومكشوف انا راجل دمى صعيدى ومهما اتمدنت فانا اصلى صعيدى ودمى حامى 
ملك: بس انت من اول ما عرفتها وهى كده ويا اما قولتلك ونصحتك انها مش مناسبة ليك لكن انت مسمعتش انت اخدتها عند مش اكتر بس يا ترى بقا بتعند ع مين علينا ولا ع نفسك!
مراد: لو سمحتى ي ملك غيرى الموضوع احسن انا بحب نيرة لا واخدها عند ولا مش عند
ملك: طالما بتحبها اتقبلها زى ما هى ومتجيش تشتكى 
مراد: انتى صح انا غلطان انى بحكيلك انا داخل انام 
مراد اخو ملك الاصغر وكيل نيابة اصلهم من المنيا وعاشوا فى القاهرة من فترة طويلة ملك منفصلة عن جوزها وعندها ولد وبنت توأم ومراد من بعد وفاة والده ووالدته عاش معاها فى شقتها 
عند نيرمين اللى وصلت ع البيت وهى مرهقة من الشغل دخلت لقت مامتها مستنياها
زينب: حمدالله ع سلامتك يا بنوتى
نيرمين: الله يسلمك يا ست الكل ها قولى عاوزة ايه بسرعة بقا كده 
زينب بضحك: جرى ايه يا بت الحق عليا انى بدلعك؟!
نيرمين: لا بس انا مش متعودة ع الدلع ده كده من الباب للطق فأكيد هناك سبب قولى يا حبيبتى؟!
زينب: بصراحة كده متقدملك عريس
نيرمين: وانا مش موافقة يا ماما طرقيه بقا بمعرفتك
زينب: يا بنتى هو عشان تجربة خطوبة فاشلة عدى عليها اكتر من ٣ سنين هتوقفى حياتك 
نيرمين: انتى شايفة انها كانت مجرد خطوبة عادية ده اول حب بحياتى واللى ع ايده فهمت معنى كلمة حب وامنت ليه ووثقت فيه وفى الاخر خانى وكسرنى يا ماما 
زينب: يبقى مينفعش نوقف حياتنا عليه لانه ميستاهلش وصوابعك مش زى بعضها 
نيرمين: تمام حضرتك عندك حق بس انا مش جاهزة حاليا لاى علاقة 
زينب: طيب عشان خاطرى انا ابوكى عطى ميعاد للشاب واهله بكرة الساعة ٧ متصغريش ابوكى وقابليه ولو مرتاحتيش خلاص محدش هيغصبك ع حاجة اتفقنا
نيرمين بقلة حيلة: حاضر يا ماما هقابله وووووووووو...........
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- حاضر يا ماما هقابله بس ده مش معناه انى هوافق انا هعمل كده بس عشان انتم ترتاحوا عن اذنك هدخل انام عشان مصدعة 
دخلت ع اوضتى وانا غصب عنى دموع خانتنى ونزلت الوقت اللى فات ده كله كنت بحاول ابين انى قوية واتعافيت وعملت موڤ اون من العلاقة التوكسيك اللى كنت عايشاها مع ممثل شاطر فى الخداع وقعنى فى حبه ورسم عليا دور العاشق ويشاء ربنا قبل كتب الكتاب اكتشف خيانته منكرش انى فرحت ان ربنا كشفه قبل ما اكون ع ذمته بس للاسف لسه لحد الان بسمع صوت قلبى بينكسر وكعادتى لما احب اهرب من وجعى وتفكيرى فوراً بنام .... تانى يوم صحيت من النوم وجهزت مع ماما الفطار وبعد الصلاة لقيت بابا بيقولى: تعالى يا نيرمين عايزك 
نيرمين: نعم يا حسونتى 
حسن بضحك: يا بت نفسى مرة اسمعك بتقوليلى يا بابا 
نيرمين: حسن عيب متقولش كده ده احنا اهل بابا دى للعيال التوتو انا مش توتو
حسن: ماشى ي اختى المهم انتى مقتنعة بمقابلة العريس دى فعلا ولا امك اثرت عليكى
نيرمين: بصراحة اه ماما اثرت عليا بس متقلقش عمرى ما هاخد قرار تحت ضغط 
حسن: لو مش عاوزة تقابليه عرفينى وانا هتصل اعتذر
نيرمين: بلاش عشان ماما هتزعل منى وتاخد موقف كالعادة انا هقابله ووقتها هيكون عندى حجة مقنعة للرفض 
حسن: اللى تحبيه يا قلبى 
فى المساء وصل العريس مع امه واخواته البنات وقعدوا فى الصالون مع حسن واولاده وبعد المقابلة ما انتهت 
زينب: ها يا حبيبتى ايه رأيك فى العريس بقا؟!
نيرمين: مش موافقة يا ماما 
زينب بغضب: نعم ليه ان شاء الله ايه عيبه ده مهندس وولد واحد ع بنتين وما شاء الله مبسوط ومحترم وشكله كاريزما ومقبول ايه اسبابك؟
نيرمين: مش مرتاحة يا ماما وقلبى من جوة مقبوض ده سبب كفاية 
زينب: لا مش ده السبب يا بنت بطنى وانا عارفة كويس اوى انتى بترفضى ليه فوقى لنفسك اللى زيك عندها عيلين العمر هيجرى بيكى وهتلاقى نفسك لوحدك وهتندمى اشد الندم
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
نيرمين: يجوز يكون كلام حضرتك صح بس كمان انا من حقى اختار شريكى اللى ارتاح لعشرته مش اوافق عشان اخلى الناس تبطل كلام عنى وعشان حضرتك تفرحى بيا وانا بالابيض واظن دى حياتى ومن حقى اعيشها زى ما احبها
كادت زينب تعترض لكن وقفها حسن لما قال: طبعا يا حبيبتى قرارك انتى وحياتك انتى ادرى بيها ومحدش هيجبرك ع حاجة 
باسته نيرمين من خده ودخلت اوضتها ... زينب بغضب: جرى ايه يا راجل انت بتقويها ع رأيها
حسن: ايوة بقويها عشان هى عندها حق دى حياتها وشريكها ومن حقها تختاره بدل ما نجبرها ويطلع مش شخص سوى وترجع تدعى علينا وتقول انتم السبب نفسى تفهمى بقا
زينب: نفسى افرح بيها يا حسن نفسى اشوفها مستورة فى بيتها 
حسن: ان شاء الله ربنا هيبعتلها نصيبها الحلو عاجلاً غير اجلا
بعد مرور تلات ايام جه ميعاد الحصة بتاعت التوأم وكالعادة وصلت نيرمين فى ميعادها وفتحت ليها ملك الباب واستقبلتها بابتسامة: اهلا يا ميس اتفضلى
نيرمين: اهلا بحضرتك 
كيان وكنان: ميس نيرمين وحشتينا 
نيرمين: وانتم كمان ي كتاكيت ها عملتوا الواجب ولا كروتناه
كيان: انا حليته كله
كنان: وانا كمان بس فيه مسألة معرفتش أحلها
نيرمين بغمزة: طب مغشيتهاش من كيان ليه؟
كنان: لو غشيتها دلوقتى وجاتلى بالامتحان وقتها مش هعرف احلها ومش هعرف اغشها يبقى الاحسن افهمها منك 
نيرمين باسته من خده: يا روحى ع الشطور طب يلا نبدأ 
قعدت نيرمين ع رأس السفرة وكيان وكنان جنبها وبدأت شرح فجأة باب الشقة اتفتح ودخل منه مراد ونيرة خطيبته 
مراد: السلام عليكم 
نيرمين بدون ما ترفع راسها: هليكم السلام ورحمة الله وبركاته
دخل مراد ونيرة ع طول وفى الطرقة وقفت واتكلمت بصوت عالى وصل لمسامع نيرمين
نيرة: مش خير ولا ايه انا مش مالية عينك؟
مراد باستغراب: هو فى ايه انا مش فاهم حاجة مالك يا بنتى!
نيرة: انت ازاى تسلم ع واحدة انت تعرفها ولا ايه؟
مراد: انتى عبيطة ولا ايه انتى شوفتينى دخلت اخدتها بالحضن انا كل اللى عملته ان رميت السلام لله 
نيرة: وترمى السلام عليها ليه ده انا معملتهاش
مراد: بس الاصول بتقول ان لما ادخل من باب الشقة ارمى السلام 
نيرة بصوت عالى: والله كيس جوافة انا بقا
مراد: صوتك ميعلاش انتى فاهمة انا زهقت منك ومن تصرفاتك الطائشة زهقت
نيرة بنبرة اعلى: زهقت طب وع ايه يا حبيبى نفضها سيرة انت من طريق وانا من طريق 
قلعت الدبلة من ايدها ورميتها بغضب وخرجت فتحت الباب ورزعته وراها خلت نيرمين قلبها اتنفض ووووووو............
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- قلعت الدبلة من ايدها ورميتها بغضب وخرجت فتحت الباب ورزعته وراها خلت نيرمين قلبها اتنفض
كنان: يووووه خناقة كل مرة انا بجد بقيت بكره طنط نيرة دى تيجى عندنا
كيان: احسن اهى مشيت يارب متجيش تانى بقا
نيرمين: احم خلينا فى الدرس يا شباب 
دخل مراد ع غرفته وهو عمال يلعن فى نفسه ع اختياره اللى جه ع دماغه دخلت ملك: مراد 
مراد بغضب مكتوم: ملك لو سمحتى انا مش ناقص منك اى كلمة دلوقتى ارجوكى عشان صوتى ميعلاش واللى برة دى موجودة 
ملك: انا جاية اطمن عليك ع فكرة واعرف السبب فى اللى حصل ده كله ليه؟!
مراد: كل اللى حصل عشان قولت سلام عليكم وانا داخل والمدرسة ردت عليا معملتش اى احترام لا ليا ولا انها فى بيتك ولا لوجود واحدة غريبة 
ملك اتنهدت: طيب اهدى هى راحت فين؟
مراد: معرفش راحت فين ومبقتش تفرق معايا خلاص انا جيبت اخرى منها ومن تصرفاتها الطايشة
ملك: جاى تقول الكلام ده وفرحك بعد شهر!
مراد: يعنى هى كانت عملت بكلامك ما هى قلعت الدبلة ورميتها 
ملك: معليش ي مراد انت عليك الاستحمال وبعدين ربنا سبحانه وتعالى قال: الرجال قوامون عن النساء 
مراد: وكمان قال لا يكلف الله نفساً الا وسعها وانا بجد مليت ده الخناق والمشاكل بينا اكتر من النفس اللى بتنفسه تعبت ونفسيتى تعبت ومش حاسس بفرحة
ملك: والله القرار فى ايدك انت لو مش مرتاح انت مش مجبر تكمل طالما لسه ع بر ومكتبش كتابكم
مراد: تمام انا هنزل دلوقتى 
كانت ملك هتمنعه بس هى عارفة انه عنيد واثناء خروجه لقى نيرمين بتقول لكنان: وبعدين بقا انا مش قولت بلاش تشغل دماغك بأى حاجة وتركز معايا بالشرح 
مراد: احم فيه مشكلة حضرتك ؟!
نيرمين رفعت وشها ولما شافته افتكرته لكن اتكلمت بجدية:لا هو بس فى وقت السيشن بيشغل تفكيره فى اى شئ تانى وده بيخلى تركيزه وقوة استيعابه وفهمه يقل 
مراد بزعيق لكنان: اسمع قسما بالله لو مافوقت لنفسك انا هفوقك انت فاهم دى مش اول مرة يتشكى منك صدقنى المرة الجاية هيكون فيه عقاب
كنان بخوف: ح ..حاضر ي خالو 
نيرمين: لو سمحت ممكن كلمة ع انفراد 
مراد باستغراب: اكيد 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وقفت نيرمين معاه ع جنب وقالت: ياريت بلاش تضربه لان ده هيخليه يعند اكتر وكمان يكرهنى ويكره المادة وكمان مكنش ينفع تزعقله قصادى انا واخته 
مراد: للاسف كنان عنيد فعلا ولو معملتش كده هيسوق فيها لما احرجه قصادك مرة هيحرم يكررها تانى وبعدين انا مش بمد ايدى عليه عقابى ليه بيكون حرمانه من حاجة بيحبها مش اكتر 
نيرمين: تمام شكرا
مراد بابتسامة: العفو عن اذنك 
نزل مراد ركب عربيته وقعد فيها سند برأسه لورا وفجأة لقى حد بيخبط ع الازاز من برة وكانت نيرة فتح الازاز ليها بصتله بعيون ندمانة: اسفة 
فتح ليها مراد الباب: تعالى 
نيرة ركبت وقفلت الباب وقالت: حبيبى بجد اسفة بس والله انا فعلا بغير عليك ومش بعرف اتحكم فى نفسى 
مراد: بس انتى عارفة كويس ان عمرى ما ابص لغيرك وانا مرتكبتش جناية انا رميت السلام مش اكتر
نيرة: خلاص اسفة مش هعمل كده تانى يا كتكوتى
مراد بضحك: ي بنتى ارحمينى ابقى وكيل نيابة ومتحكم فى شنابات اما حد يسمعك بتقوليلى يا كتكوتى هيهبونى تانى ازاى بس
نيرة: مش مهم اللى غيران مننا يقلدنا ها فين دبلتى بقا ؟
طلعها مراد ولبسها ليها وباس ايدها فجأة حضنته وقالت: بحبك اوى ي بيبى 
مراد: احم نيرة قولتلك الف مرة بلاش تحضنينى قبل كتب الكتاب 
نيرة: ده ليه انا بحبك وواثقة فيك!
مراد: وانا كمان بحبك اوى ولانى بجد نفسى علاقتنا دى تتم برضا ربنا مش عاوز المسك الا لما تكونى حلالى
نيرة بتزمر: انت مالك مكبر الموضوع كده ليه ده حضن عادى
مراد: لا مش عادى انا لسه محرم عليكى بعد كتب الكتاب انا اللى هزهقك احضان
نيرة : امممم طب يلا روحنى بقا 
ساق مراد لحد بيتها واطمن انها طلعت وبعدها قرر يرجع ع البيت لقى الدنيا بتمطر جامد 
عند نيرمين خلصت السيشن وكالعادة اتكلمت شويه مع ملك اللى قالت: انا اسفة ع اللى حصل من شويه 
نيرمين: لا عادى حضرتك مفيش مشكلة بس انا اسفة فى سؤالى هى مين دى؟
ملك: دى خطيبة مراد اخويا 
نيرمين: خطيبته بس؟!
ملك: ايوة انتى مستغربة طبعا عشان جاية معاه البيت ولوحدها من غير حد من اهلها مش كده!
نيرمين باحراج: احم انا اسفة 
ملك: لا عادى متتأسفيش بس هنا عادى وبعدين هى تربية سبور جو العادات والتقاليد ده مش فى قاموسها
نيرمين: تمام ربنا يوفقهم عن اذن حضرتك 
كانت نيرمين بتفتح الباب ولقت الدنيا بتمطر جامد وفيه برق ورعد ....ملك: يا خبر استنى مينفعش تمشى والجو كده 
نيرمين: لا عادى انا اصلا بحب المطر وكمان مينفعش اتأخر عن البيت اكتر من كده 
ملك: طب استنى بس ع اما تهدى شويه
نيرمين: عادى والله متقلقيش هاخد تاكسى من تحت البيت
فجأة ظهر مراد وقال: طالما مصممة تمشى انا هوصلك ووووووووو...........
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- طالما مصممة تمشى انا هوصلك لحد البيت لان الجو تحت لا يسمح لمشى ابدا 
نيرمين: لا لا شكرا جدا انا هاخد تاكسى من تحت البيت مش مستاهلة والله 
مراد بسرعة: تاكسى ايه مفيش حد هيقف ليكى اصلا 
نيرمين : ايوة بس يعنى.......
مراد مقاطعا: مفيش بس ما هو يا اما اوصلك يا اما تقعدى لحد ما الجو يهدى وهنزل معاكى اوقفلك تاكسى 
نيرمين: لا انا مش هينفع اتاخر عن البيت اكيد بابا وماما قلقانين عليا يلا بينا 
نزل مراد مع نيرمين وكانت الدنيا بتمطر بغزارة فتح شمسية ومشى جنبها لحد ما ركبها ولف ركب هو كمان واثناء الطريق كانت نيرمين شاغلة نفسها بالفون وبتتجنب النظر ليه اما مراد كان مركز بالطريق وفى الاشارة لاحظ ان فيه عربية جنبه كانت الصدمة ان نيرة راكبة جنب شاب نايمة ع كتفه وبتضحك كان هينزل ليها لكن فجأة الاشارة فتحت ومشى وراهم بالعربية لاحظت نيرمين انه مش ماشى بالطريق وكمان سايق بسرعة
نيرمين: استاذ مراد انت رايح فين ده مش طريق البيت 
لم يجيب مراد ... نيرمين بصوت عالى: انا بكلمك انت رايح ع فين نزلنى هنا 
مراد بزعيق وكأنه بيتحول: اخرسى خالص بقى مسمعش نفسك انتى فاهمة 
خافت نيرمين من نظراته وتحوله المفاجئ كان شكله ونظراته مرعبة وعروق وشه بارزة بشكل واضح خافت وسكتت لاحظت انه ماشى ورا عربية بعينها لحد ما العربية دى وقفت قصاد ديسكو ونزلت منها نيرة والشاب اللى معاها كان متابعهم بنظرات حارقة اما نيرمين فهمت اللى حصل ومتكلمتش نزل مراد وراهم 
السكيورتى: ع فين 
مراد: داخل ع جوة 
السكيورتى: بس دى بارتى خاصة معاك دعوة 
مراد اخرج الكارت بتاعه من جيبه ولما شافه السكيورتى سمح ليه بالدخول ... اول ما دخل مراد لاحظ أن العدد الموجود قليل وعدد الشباب مساوى عدد البنات قعد يفحصهم بعيونه لحد ما شاف نيرة ع الاستيدج مع الشاب بيرقصوا وبينهم حركات مش محترمة 
مراد بصوت عالى: رخيصة .... واحدة رخيصة وانا كنت غبى لما فكرت انى اختارت صح واختارت ام لعيالى 
نيرة بصدمة: مم...مراد انت بتعمل ايه هنا؟!
مراد: جاى اشوف مراتى المستقبلية وهى بتترقص بلبس عريان فى حضن واحد تانى 
نيرة : مراد انت فاهم غلط ده ده 
مراد بصوت رجولى عالى افزع الجميع: ده ايه ما تنطقى ولا القط اكل لسانك يا رخيصة 
نيرة: ايييييه هو ايه اللى رخيصة انت اللى قفل وعايشلى فى جو الصعيد المقفول افهم بقا احنا هنا فى القاهرة وكل العائلات الهاى حياتهم كده 
مراد: قصدك العائلات اللى متعرفش دينها ولا تعرف ربنا مش كده انتى عارفة يا نيرة كل مرة كنا بنتخانق فيها كنت ببقى عارف اننا هنرجع لكن المرة دى بقا هتكون ذهاب بلا عودة 
قلع دبلته ورماها بوشها وخرج من المكان وهو بيتف عليها واثناء خروجه لقى نيرمين بتقول لواحد: احترم نفسك ي زبالة انت فاكرنى ايه!
الشاب: هتكونى ايه يعنى امام مسجد هتكونى جاية الديسكو تعملى ايه ي حلوة 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
قبل ما ترد نيرمين لقت مراد ضارب الشاب بوكس وقع ع الارض فاقد الوعى نظرت لمراد وهى بترتعش واتكلم بغضب: ايه نزلك من الزفت العربية انتى مجنونة 
نيرمين بدموع: انا كنت هوقف تاكسى واروح عشان اتأخرت ع البيت 
مراد: وانتى شايفة الشارع عبارة عن ايه كباريهات وديسكوهات يعنى لو مكنتش خرجت دلوقتى الله اعلم كان حصلك ايه اتنيلى اركبى 
ركبت نيرمين وهى بتعيط وركب جنبها مراد ولاحظ عياطها: انا اسف انى عليت صوتى عليكى 
لم تجيب نيرمين ومسحت دموعها ولفت وشها بعيد وصلت عند البيت وكان حسن تحت اول ما شافها جرى عليها : نيرمين امتى كويسة اتأخرتى ليه ومالك انتى معيطة ولا ايه؟!
نيرمين: انا اسفة يا بابا بس الدنيا مطرت جامد ومكنش فيه تاكسيات واستاذ مراد اصر يوصلنى 
حسن بهمس: مين استاذ مراد ده؟!
نيرمين: ده خال الولاد اللى انا بعطيهم الدرس 
حسن: انا متشكر جدا يا ابنى اتفضل اشرب حاجة 
مراد: شكرا جدا لحضرتك يا عمى وحمدالله ع سلامة الانسة 
حسن: انا اللى متشكر ليك وكتر خيرك انك تعبت نفسك ووصلتها 
مراد: العفو ده واجبى عن اذنك 
حسن: اذنك معاك يا ابنى 
مشى مراد وطلعت نيرمين مع حسن ع الشقة ودخلت ع اوضتها ع طول فدخل وراها: مالك يا نيرمين انتى كنتى معيطة ؟!
نيرمين: ابدا يا بابا انا بس فيه شاب ضايقنى وانا بوقف تاكسى واستاذ مراد ضربه فأنا خوفت 
حسن: طب الحمدلله انه كان موجود كتر الف خيره 
نيرمين: اكيد انا بس هغير هدومى وانام شويه حاسة انى دايخة اوى 
حسن: طب كلى الاول
نيرمين: اما اصحى لانى مش جعانة دلوقتى 
باسها حسن من راسها وخرج وهى استسلمت للنوم ..... عند مراد اللى رجع ع البيت وحكى لملك اللى حصل 
كمل وقال: بالرغم من اللى حصل بس مش زعلان بالعكس حاسس انى مرتاح جدا كأن جبل هموم كان كاتم ع نفسى وانزاح
ملك: ده ربنا سبحانه اللى سبب الاسباب عشان يكشفها ع حقيقتها ويزيل الغشاوة اللى ع عيونك 
مراد: فعلا الحمدلله بس بقولك ايه معاكى رقم ميس نيرمين ووووووووووو................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- بقولك ايه معاكى رقم ميس نيرمين محتاجه ضرورى 
ملك باستغراب: وانت بتسأل عن رقم ميس نيرمين ليه ان شاء الله!
مراد : احم كنت عاوز اعتذرلها عن الطريقة اللى كلمتها بيها بس والله انا كنت خايف عليها
ملك بخبث: خايف عليها!
مراد: لا مش خايف عليها بالمعنى اللى فهمتيه اقصد يعنى ان لو كان حصلها حاجة مكنتش هسامح نفسى لانى انا اللى اخدتها ع الشارع ده 
ملك: ااااه قولتلى وانت من امتى بتعتذر عن تصرفاتك يا مرمور
مراد: يووووه ي ملك بالله قولتلك الف مرة متقوليش الدلع الماسخ ده بجد بيعصبنى 
ملك: خلاص يا عسل متتعصبش علينا ع العموم اعتبر اعتذارك واصل 
مراد: ازاى يعنى؟!
ملك: انا هكلمها واعتذرلها بالنيابة عنك 
مراد: مينفعش يا ملك انا اللى غلط مش انتى وانا اللى لازم اعتذر منها 
ملك : طيب استنى بقا للسيشن الجاى لانه مينفعش اعطيك رقمها بدون موافقتها
مراد : امممم تمام ممكن تجيبلى اكل عشان جعان 
ملك: عيونى
خرجت ملك وهى مستغربة حالة مراد انه مش حزين ع علاقته اللى لسه قاطعها وكمان اهتمامه الغريب بنيرمين ونظراته ليها ابتسمت وقالت: معقول يكون اللى فى بالى صح طب ياريت والله
فى المساء عند نيرمين كانت صحيت من النوم والبيت كله نايم قامت صلت فرضها ومسكت الفون لقت كذا مكالمة من ملك بصت فى الساعة لقت الوقت متأخر فقررت ترد بماسدج : السلام عليكم مدام ملك انا اسفة جدا كنت نايمة ولسه صاحية حالا خير فى حاجة؟!
لقت ملك اونلاين وردت: لا ابدا والله انا كنت بطمن عليكى وحبيت اعتذر عن اللى مراد عمله 
نيرمين افتكرت وقالت: لا ابدا حضرتك حصل خير 
ملك: حقيقى بعتذر بس مراد كان مضايق شويه ونفسيته تعبانة 
نيرمين: اخدت بالى بس انا اضايقت انه زعقلى بالشارع وادام الاشكال اللى كانوا واقفين 
ملك: حقك عليا وهو اصلا كان عاوز ياخد رقمك عشان يكلمك ويعتذرلك 
نيرمين: ايه لا طبعا مينفعش 
ملك: متقلقيش مرضتش اعطيه ليه الا لما استأذنك الاول
نيرمين: لا بلاش وقوليله انا مش زعلانه تصبحى ع خير
ملك : وانتى من اهله 
تانى يوم كانت نيرمين فى المدرسة لفت طالب عليها ببوكيه ورد وفيه شوكليت كتير ..الطالب:ميس نيرمين عمو عطانى ده وقالى اعطيه ليكى 
نيرمين: عمو مين يا حبيبى 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الطالب: معرفوش والله ممكن اخد واحدة شوكليت من دى!
نيرمين: طبعا ي روحى اتفضل 
اخدها الولد ومشى نظرت نيرمين للبوكيه باستغراب ولقت ورقة مكتوب فيها: اعتبرى ده اعتذار عن اللى عملته انا اسف ..مراد 
نيرمين بابتسامة: مراد! والله شكلك مجنون بس اعتذارك لذيذ ياريت تزعلنى تانى ..احم ايه اللى انا بقوله ده 
خلص اليوم الدراسى وكانت خارجة لقيته واقف بعربيته قدام المدرسة راحت ليه : استاذ مراد بتعمل ايه هنا؟
مراد: ابدا جاى اخد كيان وكنان لان ملك عندها شغل مهم وطلبت منى اروحهم 
نيرمين: احم ميرسى ع الورد والشوكليت
مراد بغمزة: يعنى اعتبر كده انك سامحتينى مش كده 
نيرمين باحراج : لا مفيش زعل ولا حاجة 
مراد مد ليها ايده: يعنى صافى يا لبن
نيرمين بايد مرتعشة: حليب يا قشطة
مراد: طيب تحبى اوصلك؟
نيرمين: لا كتر خيرك انا هاخد تاكسى عن اذنك 
مشيت نيرمين وسط نظرات مراد خرجوا كيان وكنان ووقفوا ادام مراد اللى مكنش واخد باله منهم 
كيان: احم احم نحن هنا يا سيادة الظابط 
كنان: تانى تانى يا بنتى قولنا وكيل نيابة مش ظابط
كيان: يعنى اقوله ايه بقا؟
كنان: قوليله يا حضرة المستشار ثم ان ده مش موضوعنا اصلا انت سرحان فى ايه يا باشا ايه اللى واخد عقلك!
مراد: واخد عقلى ازاى؟!
كيان: تصل احنا بقالنا عشر دقايق واقفين وانت دماغك مش فيك اللى واخده يتهنى بيه 
مراد: ااااه شكلكم كده فايقين عليا صح 
كيان: ع فكرة يا خالو هى جميلة خالص ياريت تتجوزها احنا بنحبها خالص
كنان: اه بليز يا خالو تخيل كده هناخد عندها درس ببلاش 
مراد: هتجننونى ادامى يلا زمان ماما مستنيانا عشان الغدا يلا يا لمضين 
عدى شهر وصداقة نيرمين ومراد اخذت منعطفها وفى يوم رن جرس الباب فى منزل نيرمين وكانت الشرطة زينب بخوف: خير حضرتك عاوز ايه؟!
الظابط: مطلوب القبض ع الانسة نيرمين حسن ووووووو.....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- مطلوب القبض ع الانسة نيرمين حسن ياريت تخليها تيجى معانا بهدوء ومن غير شوشرة
زينب تخبط ع صدرها: بنتى ليه حصل ايه؟!
الظابط: والله حضرتك تعرفى كل حاجة فى القسم اتفضلى اندهى عليها بدل ما ندخل احنا نجيبها 
خرجت نيرمين وهى تنظر لامها: فى ايه يا ماما خير يا حضرت الظابط؟!
الظابط: انتى نيرمين حسن؟
نيرمين: ايوة انا ممكن افهم فى ايه؟!
الظابط: مطلوب القبض عليكى هاتها يا عسكرى 
نيرمين بزعر: هى مين دى المطلوب القبض عليها اكيد فيه حاجة غلط انت معاك اذن نيابة 
الظابط: طبعا معايا واتفضلى معايا من غير شوشرة هاتها يا عسكرى 
نيرمين بصراخ: ماما الحقينى اتصلى ع ماما واخواتى انا مش فاهمة حاجة يا مامااااااااا
اخدها العسكرى بالغصب وراحوا ع القسم وكامت نيرمين بتعيط وتصرخ: حرام عليكم انا عملت ايه؟
الظابط: اخرسى بقا صدعتينا دخلها الحجز يا ابنى لحد ما وكيل النيابة يستدعيها
نيرمين: حجز! حجز ايه ابوس ايدك لا انا بنت ناس 
خرج وكيل النيابة من مكتبه ع صوت الزعيق: فى ايه يا وليد ايه الدوشة دى ....وبصدمة: نيرمين؟!
نيرمين شافت مراد جريت عليه: مراد الحقنى انا معرفش انا هنا ليه ارجوك متخليهمش ياخدونى الحجز 
ما انهت جملتها وقعت مغمى عليها شالها مراد بخوف ودخلها مكتبه وفوقها فتحت عيونها ببطأ وخوف شديد 
نيرمين وهى بترتعش: انا ..انا هنا ليه والله معملتش حاجة 
مراد: اهدى يا حبيبتى انا معاكى متخافيش 
نيرمين: انا هنا ليه يا مراد ؟!
مراد: فيه جريمة قت.ل حصلت فى المدرسة بتاعتك النهاردة وطبعا حصل استدعاء لكل المدرسين والعمال كمان 
نيرمين: بس...بس الظابط قالى ان مطلوب القبض عليا واخدنى بمنظر بشع 
مراد بغضب: ايييييه ودي..نى ما هرحمه 
خرج من مكتبه ع غرفة وليد فتح الباب وضربه بالبوكس: انت ازاى تجيبها بالطريقة دى يا حيوان من امتى واحنا بنستدعى شهود بالقبض 
وليد بغضب مكبوت: كذابة احنا طلبنا منها تيجى معانا عادى
مراد: محدش كذاب غيرك نيرمين مبتكذبش وانا هعرف شغلى معاك اوعى تكون فاكر ان نايم ع ودنى او مش فاهم انت بتعمل كده ليه
وليد بتوتر: مش فاهم تقصد ايه؟!
مراد: قصدى الرخيصة اللى خليتك تعمل كده وطلبت منك تراقبنى وتعرفها تحركاتى نيرة هانم 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وليد: مفيش حاجة من الكلام ده انا معرفش مين نيرة دى 
مراد: لا والله بجد ع العموم حسابى معاك بعدين 
خرج مراد ع مكتبه ولقى حسن واقف مع العسكرى: لو سمحت يا ابنى بنتى جوة عاوزين ندخل ليها 
مراد: ايه ده مصطفى حسن وحشنى يا راجل 
مصطفى اخو نيرمين وهو محامى: ايه ده مراد الزينى وحشنى بتعمل ايه هنا؟!
مراد: انا وكبل نيابة انت جاى هنا ليه؟
مصطفى: اختى هنا قبضوا عليها من البيت 
مراد: نيرمين اختك؟! سبحان الله ازاى مأخدتش بالى انها شبهك طب اتفضلوا معايا 
فتح مراد الباب ولما شافت نيرمين ابوها واخوها جريت بسرعة ع ابوها حضنته وفضلت تعيط 
مصطفى: هو فى ايه بالظبط؟!
مراد: مفيش اختك هنا مجرد شاهدة مش متهمة حصل سوء تفاهم من الظابط اللى عملها الاستدعاء وانا قومت معاه بالواجب متقلقش
مصطفى: طب الحوار ع ايه برضه؟
مراد: فيه طالبة فى ثانوى فى المدرسة اللى الانسة نيرمين شغالة فيها لقوها مدب..وحة فى الحمام عشان كده عملنا استدعاء لكل اللى بالمدرسة عشان ناخد اقوالهم 
مصطفى: ي ستار يارب راح مصطفى لنيرمين واخدها بحضنه: متقلقيش يا حبيبتى هنخلص التحقيق ونروح ع طول بس لازم تهدى 
بعد وقت لما هديت اخد مراد اقوالها ورجعت ع البيت مع اهلها ونامت فوراً من كتر تعبها 
فى مكان ما كان وليد واقف مع نيرة اللى اتكلمت بغضب: غبى ...غبى يعنى ايه كشفنا؟!
وليد: احترمى نفسك ووطى صوتك احسنلك قولتلك اتكشفنا ازاى معرفش!
نيرة: غلطتى انى بعتمد ع شوية عيال 
مسكها وليد من شعرها: لا بقولك ايه يا حلوة انتى بتلعبى مع الشخص الغلط انتى عارفة ان رقبتك تحت ايدى وانتى فاهمة قصدى ايه فالاحسن ليكى تفوقى لنفسك احسن
نيرة بغضب: انت بتهددنى انا هوريك بابى هيعمل فيك ايه يا حشرة
وليد: بابى مين يا حلوة سيادة النائب السابق ما خلاص راحت عليه 
نيرة: دلوقتى راحت عليه انت ناسى انه صاحب الفضل عليك فى تعينك ونقلك ودخولك الشرطة يا زب..الة
وليد: قسما بالله لفظ كمان وهلبسك شوية تهم تشرفى بيهم فى السجن بقيت حياتك وكل حاجة ابوكى عملها كان بياخد مقابلها فلوس اد دماغه غير البلاوى اللى داريتها عليكم كلكم خلاصة الحكاية من النهاردة مش عاوز اشوف وشك تانى 
مشى وليد وسابها تحترق بنار غضبها ..... بعد مرور اسبوع دخل حسن ع نيرمين وقالها: جهزى نفسك النهاردة يا قلبى عشان فيه ناس جاية تزورنا وووووووو...................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-جهزى نفسك النهاردة يا قلبى عشان فى ناس جاية تزورنا والزيارة مخصوص ليكى انتى 
نيرمين باستغراب: ليا انا! ناس مين دول يا بابا؟!
حسن: الاستاذ مراد واخته ملك مراد كلم اخوكى وقاله ان ملك عايزة تيجى تطمن عليكى فقولتله ينوروا فى اى وقت.
نيرمين: فيها الخير والله طيب هما هيجوا امتى؟
حسن: ع الساعة ٦ ان شاء الله 
نيرمين: تمام يا بابا حاضر
فى تمام الساعة ٦ مساءاً وصل مراد ونيرمين ومعاهم كيان وكنان واستقبلهم مصطفى وحسن وزينب بالترحيب وبعد مدة خرجت نيرمين وجرى عليها التوأم .
كيان: مس نيرمين وحشتينى اوى
نيرمين: انتى بكاشة اوى ع فكرة هى حصة واحدة بس اللى غيبتها واكيد مبسوطة
كيان: لا ابدا والله ده احنا بنحبك اوى 
كنان: اه والله يا مس بنحبك خالص وبنستنى ميعاد السيشن عشان نشوفك 
نيرمين: يا روحى تعالوا نقعد 
سلمت نيرمين ع ملك ومراد وقعدت جنب والدتها وجنبها كيان وكنان
حسن: نورتونا والله يا جماعة 
ملك: ربنا يبارك فى عمرك يا عمى مس نيرمين غالية عندنا جدا وانا شخصياً بعتبرها بمثابة اختى الصغيرة وكمان الولاد متعلقين بيها اول مرة يحبوا مدرس بالشكل ده
نيرمين: ربنا يعلم انا كمان حبيتهم اوى هو اى نعم اشقية جدا بس كيوت 
مراد: احم بصراحة يا حاج حسن احنا سبب زيارتنا النهاردة مش ان ملك جاية تطمن ع مس نيرمين بس
حسن باهتمام: خير يا ابنى انا معاك 
مراد: بصراحة انا جاى طالب القرب فى الانسة نيرمين
اتصدم كل الموجودين ما عدا مصطفى اللى مراد كان معرفه من الاول انه معجب بنيرمين وعاوز يتقدم ليها  ... حسن: والله يا ابنى انت فاجئتنى واكيد شرف لينا اننا ننسبك بس القرار فى الاول والاخر لنيرمين
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
ملك بابتسامة: ها يا مس نيرمين قولتى ايه؟!
نيرمين بتوتر: هو .. بصراحة انا مش موافقة ع طلبك يا استاذ مراد عن اذنكم
قامت نيرمين بسرعة بعد ما انهت كلامها ودخلت ع غرفتها ... حسن: انا اسف جدا يا جماعة هى بترفض الجواز والعرسان مش عارف ليه؟!
مراد: عم حسن لو سمحت انا حابب اتكلم معاها ع انفراد ممكن؟!
حسن: ايوة يا ابنى بس يعنى.......................
مراد مقاطعا: ارجوك يا عم حسن عاوز اتكلم معاها واعرف سبب رفضها مش يمكن يكون عندها سوء تفاهم وانا اقدر احله واقنعها 
مصطفى: مراد عنده حق يا بابا انا هدخل انده ليها ويقعدوا بالصالة يتكلموا تعال يا مراد 
خرج مراد قعد بالصالة ودخل مصطفى ع نيرمين قالها: مراد عاوز يتكلم معاكى 
نيرمين: مفيش حاجة عشان نتكلم فيها يا مصطفى الموضوع منتهى بالنسبة ليا 
مصطفى: غلط يا نيرمين متبنيش قرارك ع سوء ظن 
نيرمين: مش فاهمة قصدك ايه بالظبط؟!
مصطفى: قصدى تقعدى معاه وتسمعيه ولو بعد القعدة دى مرتاحتيش هنقفل الموضوع بالضبة والمفتاح 
نيرمين: حاضر يا مصطفى 
خرجت نيرمين وقعدت قصاد مراد بتوتر وخجل وهى حاطة وشها بالارض ...مراد : ممكن ترفعى وشك وتبصيلى ع القليل عشان تتأكدى من صدق كلامى 
نيرمين: انا مش فاهمة انت عاوز تكلمنى فى ايه؟
مراد: عاوز اصحح ليكى وجهة نظرك الغلط 
نيرمين: مش فاهمة 
مراد: يعنى انا عارف انتى رفضتى ليه انتى رفضتى لانك مفكرة نفسك استبن هداوى بيه موضوع خطوبتى الفاشلة مش كده!
نيرمين: طب كويس انك عارف وفرت عليا وع نفسك كلام كتير 
مراد: ايوة بس انا لسه مخلصتش كلامى بصى ي نيرمين انا خطبت نيرة عند فى اهلى لانهم دايما كانوا مغلطنى باختياراتى كنت حبيت بنت من بلدنا واكتشفت انها بتخونى مع صاحبى قررت ارتبط بواحدة تكون مختلفة تماما عنها فى لبسها وشكلها وطريقة عيشتها كنت مفكر ان بكده بتخطى الاختيار الغلط واكتشفت انى انا اللى بدفع التمن تجاهلت نصايح اهلى وكان عندى سايقنى لحد ما ربنا كشفها ع حقيقتها لو تلاحظى انى متأثرتش ان العلاقة انتهت بالعكس كنت فرحان جدا ومرتاح كمان 
نيرمين: انا ايه المطلوب منى بالظبط؟
مراد: اظن انا كده وضحت الفكرة والقرار ليكى بس ترجوكى فكرى كويس واستخيرى ربنا وصدقينى مهما كان قرارك انا هحترمه وعد 
نيرمين: تمام عن اذنك 
دخلت نيرمين ع غرفتها وهى قلبها بيدق جامد وحرفيا طايرة من السعادة بعد ما اطمنت لكلام مراد فهى ايضا تبادله المشاعر بعد يومين دخل مصطفى يسألها ع قرارها الاخير وكان ردها: انا موافقة يا مصطفى وووووووووو..........
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- دخل مصطفى يسألها ع قرارها الاخير وكان ردها: انا موافقة ي مصطفى بس ليا شرط 
مصطفى: شرط ايه ده؟
نيرمين: عايزة فترة الخطوبة تكون مدتها سنة كاملة عشان اقدر اعرفه اكتر 
مصطفى: سنة بحالها مش شايفة انها مدة طويلة اوى؟!
نيرمين: لا يا مصطفى مش طويلة ولا حاجة العشرة الطويلة هتكشف الشخص وهعرف الشخصية اكتر واعرف اذا كان مناسب ليا ولا لا فاهمنى
مصطفى: والله طالما ده هيريحك ماشى انا هعرفه ردك واشوف رأيه ايه
خرج مصطفى ووقفت قصاده زينب: ها يا ابنى قالتلك ايه؟!
مصطفى: وافقت يا ماما واخيرا
زينب بفرحة: لولولولولووووووولى اللهم لك الحمد هبقى ام العروسة اخيرا
مصطفى بغمزة: طب مش نفسك تبقى ام العريس بالمرة
زينب: ياااريت بس انت دماغك ناشفة اكتر من اختك وتاعبنى معاك 
مصطفى: متقلقيش يا ست الكل عن قريب هتسمعى خبر حلو يفرحك امال بابا فين؟!
زينب: نزل يصلى بالمسجد هيخلص ويطلع ع طول
مصطفى: تمام انا نازل اقابل مراد ونكلم بابا عشان نيجى نعمل الاتفاق بقا عن اذنك 
نزل مصطفى راح لمراد ع القهوة واخبروا بشرط نيرمين تنهد مراد وقال : موافق
مصطفى: ببساطة كده موافق كنت مفكرك هتعترض !
مراد: اعترض ع ايه هى عندها حق حتى لو القرار مش ع هوايا بس متقلقش هما ٦ شهور بالكتير وهقنعها بالجواز
مصطفى: تؤ مش نيرمين اختى دى عنيدة جدا 
مراد: لو هى عنيدة فأنا دماغى حجر وانا عارف 
مصطفى: فعلا ما جمع الا ما وفق اثنين مجانين اتلموا ع بعض 
عند ملك لقت الجرس بيرن راحت تفتح لقت نيرة واقفة قصادها وبتقول: مراد موجود؟!
ملك: لا مش موجود خير فى حاجة؟!
نيرة: ايوة عاوزة اتكلم معاه وبرن عليه كتير فونه والواتس مقفولين 
ملك: هو غير رقمه خالص وبدأ حياة جديدة نضيفة 
نيرة باستغراب: يعنى ايه؟!
ملك : يعنى ابعدى عن طريق مراد يا نيرة اخويا محبكيش وع فكرة هيخطب خلاص 
نيرة بصدمة: ايه هيخطب! هيخطب مين؟
ملك: معتقدش ان الموضوع يهمك يخطب مين او ليه؟ انتى كنتى صفحة واتقطعت من حياته وكل ذكرى ليكى معاه اتمحت عارفة ليه لان اللى بينكم مكنش حب واهو فاق الحمدلله ورجع لعقله
نيرة: وانا مش هسمح انه يكون لحد غيرى وصليله الكلام ده 
مشيت نيرة وعلامات الشر ع وشها وده قلق ملك جدا مسكت فونها واتصلت ع مراد أخبرته باللى حصل واكملت: انا مش مرتاحة للبت دى 
مراد: متقلقيش اخرها كلام لكن فعل متقدرش حتى لو حاولت مش هتعرف انا دايما سابقها بخطوة 
ملك: طيب ايه موصلكش رد نيرمين 
مراد : لا وصل خلاص يا قلبى وبكرة هنروح نتفق ع كل حاجة ان شاء الله
ملك بفرحة: مبارك يا حبيبى ربنا يتمم فرحتك ع خير
اغلق مراد معاها وعمل اتصال: فينك؟!
.......: فى المكتب ليه؟!
مراد: عاوزك تكلم نيرة وتحاول تقرب منها وتعرف بتخطط لايه وتفهمها انك هتقف جنبها وهتساعدها 
.........: ايوة بس اخر مرة أنا قفلت ملفها ع الاخر ومش حابب اغوط معاها تانى يا مراد 
مراد: يا وليد لو فعلا باقي ع العشرة وعاوزنى اسامحك اعمل كده عشانى 
وليد: حاضر بس هل هى هتصدقنى؟
مراد: هتصدق عشان عارفة ان احنا متخانقين وانت بدورك هتقنعها انى بتكرهنى وعاوز تنتقم منى 
وليد: تمام اعتبره حصل 
تعدى ٦ شهور كاملة تمت الخطبة ع خير واتقرب مراد من نيرمين اكتر واكتر واقنعها بتقديم ميعاد كتب الكتاب والفرح وفعلا تم كتب الكتاب والنهاردة فرحهم ووووووووو......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-فعلا تم كتب الكتاب والنهاردة فرحهم كانت نيرمين فى الكوافير مع امها وملك واصحابها اللى مش مصدقين ان نيرمين خلاص هتخطى لعش الزوجية
نيرمين: ايه يا بنات شكلى حلو ؟!
ملك: زى القمر اللهم بارك يا حبيبتى 
نيرمين: تسلميلى يا قلبى
زينب بدموع: عروسة جميلة يا قلب امك وأخيراً هفرح بيكى وبولادك كمان
نيرمين: طب ليه بس الدموع يا مامتى يرضيكى اعيط دلوقتى والميكب اب يبوظ
زينب: لا ميرضنيش يا قلبى
ملك: يلا يا قمر العريس وصل عايزين نبهره بالفريست لوك ويكون رومانسى 
دخل مراد وشاف نيرمين وكأنه اول مرة يشوفها حضنها بحب وطول بالحضن لحد ما دخل مصطفى: احم الزفة يا باشا والناس فى القاعة مستنياكم
مراد: هو مينفعش اخدها ونروح وانتم تحضروا الفرح مكانا
مصطفى بضحك: لا مينفعش واتلم بقا انا اخوها عيب كده
مراد:مراتى يا عم انت عبيط ولا ايه
عملوا السيشن وراحوا ع القاعة كانت ملك قلبها مقبوض ومتعرفش ايه السبب عيونها رايحة جاية بين الموجودين وفى نفس الوقت فرحة اخوها بتخطفها فجأة النور قطع 
واحد من العمال بالقاعة: اهدوا يا جماعة والتزموا اماكنكم كله مكانه وهنشغل الماكينة دلوقتى 
بالفعل النور رجع وفجأة كانت نيرة واقفة ع المسرح قصاد نيرمين ومراد 
مراد: انتى ايه اللى جابك هنا مظنش انى بعت لحضرتك دعوة عشان تنورينى 
نيرة بضحك خبيث: وهو انا لازم يجيلى دعوة عشان احضر فرحك يا حبيبى واشوفك وانت عريس
مراد: وشوفتينى خلاص اتفضلى يلا من غير مطرود
نيرة: مش قبل ما اعطى لعروستك الهدية اللى جبتها ليها 
وبسرعة اخرجت زجاجة صغيرة ورمتها ع وش نيرمين اللى صرخت بخوف لكن مراد كان واقف ثابت وكله جرى ع نيرمين عشان يطمن عليها 
نيرمين: انا ..انا بخير
شالت ايدها من ع وشها وكان طبيعى ... نيرة بصدمة: ازاى مش ممكن دى .. دى مياة نار ازاى مشوهتكيش
مراد: عشان دى مكنتش مياة نار زى ما انتى مفكرة يا نيرة هانم مشكلتك انك غبية ومش قادرة تفهمى انى دايما سابقك بخطوة 
فلاش باك ... اليوم اللى مراد كان رايح يوصل نيرمين وشاف نيرة فيه مع شاب قبلها جاله اتصال 
مراد: ايه يا وليد ؟
وليد: بقولك يا صاحبى انا شوفت نيرة دلوقتى مع شاب فى عربية وماشين ع طريق ....... اعتقد انهم طالعين ع ديسكو دى فرصتك عشان تخلص منها وتنهى العلاقة المقرفة دى
مراد: تمام يا ليدو سلام 
وقتها لمح مراد العربية ومشى وراهم 
..................................................................
مراد بعد ما ضربه بالبوكس: متفقناش ع كده يا وليد قولتلك اعملها استدعاء وبس
وليد: يا مراد افهمنى ده كان لازم يحصل لسببين الاول ان الزفتة نيرة كنت عاوز اخلص منها بسبب مقنع والتانى تاخد بوينت فى قلب الغندورة بتاعتك 
مراد: مش لدرجة انك تحط بايدها كلبشات وتمشيها كده وسط الناس
وليد: نيرة كانت بتراقبنى ولو مش مصدقنى شوف بنفسك 
اخرج وليد هاتفه واعطاه لمراد ولقى نيرة ماشية بعربيتها ورا البوكس فعلا 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
وليد: صدقتنى بقا
مراد: ولو برضه مش هسامحك بسهولة 
وليد: قلبك اسود
مراد: طول عمرى
......................................................................
فى يوم الفرح .... وليد اتصل ع نيرة : خير بترن عليا تانى ليه؟
وليد: النهاردة فرح مراد يا نيرة وعارفة ع مين ع نفس المدرسة اللى انتى كنتى شاكة انه بيحبها
نيرة بصدمة: ايييييه مش ممكن فين الفرح ده فين!
وليد: فى قاعة........... هتعملى ايه دلوقتى؟!
نيرة: مش هسيبه يتهنى بيها هشوهاله
وليد: ازاى يعنى؟!
نيرة: هجيب مياة نار وارشها بوشها
وليد: وهتجبيها منين ؟!
نيرة: مش عارفة هتصرف
وليد: انا هجيبهالك لحد عندك
نيرة باستغراب: وده ليه ومن امتى وانت يهمك امرى
وليد: لازم انتقم منه ع ضربه واهانته ليا وتهديدى انه مش هيعدى الموضوع بسهولة لازم ابرد نارى وانا بشوفه بيتحرق قلبه ع حبيبته
نيرة: حيث كده انا هلبس وقابلنى عند باب القاعة
وليد: تمام متتأخريش
بااااااك .....مراد: عرفتى بقا انك غبية 
دخل وليد وحضن مراد: مبارك يا صاحبى 
مراد: اتفضلى اطلعى برة وياريت مشوفكيش تانى حتى لو صدفة عشان صدقينى مش هعديها ع خير برة 
خرجت نيرة باحراج وهى بتجر وراها خيبات الامل ركبت عربيتها ومشيت لكن المرة دى دون رجوع 
اما مراد اخد نيرمين بحضنه وقالها: انتى بخير؟!
نيرمين: اكيد بخير طالما انت معايا 
تم الزفاف ع خير وسط فرحة كل الموجودين من قلبهم وبعدها روحوا ع بيتهم وبدأت حياتهم الجديدة 🤍
تمت بحمدلله

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا