رواية ما وراء صيدلية من الفصل الاول للاخير بقلم رحمة زيدان

رواية ما وراء صيدلية من الفصل الاول للاخير بقلم رحمة زيدان

رواية ما وراء صيدلية من الفصل الاول للاخير هى رواية من كتابة رحمة زيدان رواية ما وراء صيدلية من الفصل الاول للاخير صدر لاول مرة على موقع التواصل الاجتماعى فيسبوك رواية ما وراء صيدلية من الفصل الاول للاخير حقق تفاعل كبير على الفيسبوك لذلك سنعرض لكم رواية ما وراء صيدلية من الفصل الاول للاخير

رواية ما وراء صيدلية من الفصل الاول للاخير بقلم رحمة زيدان

رواية ما وراء صيدلية من الفصل الاول للاخير

بصيت ع اليافطه باستغراب _كيتوفان ي ماما ؟!
بصتلي بفخر *ماله الاسم داحتي مناسب للصيدليه جدا 
 _ماشي وماله طب حضرتك شوفتيلي حد يقف معايا فيها وياخد باله من نضافتها 
 *هجيبلك بت غلبانه كدا تساعدك 
 _لا ي ماما انا مش عاوز بنات انا عاوز راجل 
 *اسمع كلام امك ي واد البت اماتيجي هتاخد اللي تدهولها لكن الراجل بيبقي عنده مسؤوليات مش هيرضي باي مبلغ 
 اقتنعت بكلامها وانا بحرك راسي بالموافقه  _عندك حق ي ماما
 وفعلا تاني يوم جت بنوته الصيدليه اول ما فتحت وعرفتني بنفسهاواسمها حياه  وابتديت اعلمها كل حاجه 
 عدا كذا شهر ربنا كان ميسر الرزق 
كانت حياة  بتروح قبلي وتفتح الصيدليه وترتبها كانت نشيطه جدا وهاديه وف يوم روحت الصيدليه بدري وكنت متخانق مع امي ومتضايق لقيت حياة بتاكل 
بصتلي باحراج= اتفضل ي دكتور 
_ احم متشكر ي حياه 
قعدت بعيد وانشغلت بالفون بس ريحة الاكل كانت فعلا حلوة بصيتلها تاني وقتها هي ابتسمت وانا بصيت تاني ف الفون بس فوقت ع صوتها وهي بتمد أيدها بسندوتش=دا لحضرتك ي دكتور بشير 
اخدته منها ولسا بشكرها وقتها والدتي دخلت الصيدليه وهي متعصبه * ي لهووو..ي اي اللي بيحصل هنا دا 
اتوترت من طريقتها  كأني بعمل مصيبه_ اي ي ماما في اي حياة كانت بتاكل وعملتلي سندوتش مش اكتر 
بصتلها بقرف،  وبعدها بصتلي باستعطاف* كدا ي بيشو بتأكل من ايد حد غيري 
_مهو ي ماما ..
قاطعتني وهي بتبص لحياة* انتي واقفه تتفرجي علينا ولا اي اعمليلي شاي
وقعدت ع الكرسي وحطت رجل ع رجل 
بصتلها حياه بضيق والدموع اتجمعت ف عيونها = حاضر 
سابتنا وراحت ناحية الكاتل تعمل الشاى
بصيت لوالدتي باسف_ ليه كدا ي ماما انتي عمرك ماكلمتي حد كدا 
*اسكت انت ي واد انا عارفه الاشكال دي كويس لازم تعرف حدودها ومقامها من دلوقتي 
_وهي عارفه كويس حدودها ومش بتتخطاها 
• بقولك اي من اولها كسبتك ف صفها لا ي حبيبي دا انا امشيها حالا 
 قامت وقفت بعصبيه
 مسكت أيدها وبوستها _ ماما ارجوكي  بلاش قطع الأرزاق دا هي معملتش حاجه اصلا 
 * ايوا كدا انا همشي بقا ي حبيبي هشتري شويه حاجات واروح ع البيت 
 _طب والشاي ؟
 * اناضغطي عالي مش بشرب شاي متتاخرش ع الغدا سلام 
 عدا أسبوع ع الموقف دا حياة محاولتش تكلمني ف اي حاجه غير ف أضيق الحدود بخصوص الشغل وهي باصه ف اتجاه تاني كنت حاسس بالذنب بطريقه بشعه بس كنت ببرر لنفسي أن دي امي ومينفعش اردلها كلمه بس متضايق ف نفس الوقت فقررت اكلمها روحت اشتريت شوكلاته من السوبر ماركت اللي قصاد الصيدليه معروفه بنت يعني شوكلاته 
مديت ايدي بالشوكلاته_ اتفضلي ي حياه 
رفعت عيونها ليا =مرسيي ي دكتور مش عايزه
بصيت بخيبه أمل _ليه بس انا جايبها ليكي مخصوص 
=بلتزم بحدودي ي دكتور اللي انا اصلا معدتهاش 
وسابتني وراحت ترص الدوا ف الرف 
_ ي حياه ماما بس.. 
التفتت  ودموعها بتنزل  = حضرتك مش مضطر تبرر بس انا كمان من حقي اول ما الاقي شغل تاني اسيب المكان 
اتضايقت من نفسي ومن والدتي بصيت ع الصيدليه مترتبه ونضيفه وكل الناس بتشكر ف أمانه حياة وذوقها هلاقي فين زي دي وكله بيشتكي من اللي بيشتغلوا معاه اصلاا!!
فات اسبوعين  ونفسي اعمل اي حاجه عشان  حياة متمشيش 
وامي كل ما تبقي فاضي تيجي تتكلم بطريقه تضايقها صحيح حياه بتسكت بس بشوف عيونها فيها اثار دموع 
وف يوم حياه كانت بتبيع دوا لشاب وانا كنت بتكلم ف الفون بس لمحت الشاب بيحاول يلمس أيدها وهي بتعطيله الفلوس وهي شدت أيدها بسرعه قفلت المكالمه وروحت عنده مسكته من هدومه بعصبيه وخبطته بالبوكس _ انت اذاى تمسك أيدها ي حي..وان 
الناس اتلمت وخلصوه من ايدي وخرجوا من الصيدليه 
بصيت لحياه اللي كانت متوتره من الموقف _ انتي كويسه ؟
حركت رأسها بالايجاب 
_بعد كدا ي حياة خلي بالك من نفسك 
=ي دكتور والله انا ..
_ انا شوفتك وانتي بتشدي ايدك منه وعارف أنه هو اللي زبا..له بس ممكن تزعقي تنادي عليا متسكتيش كدا غلط 
= حاضر ي دكتور 
طلعت الشوكلاته تاني من درج المكتب لاني محتفظ بيها _تسمحي تخديها بقا وتهدي الموقف عدي خلاص 
اخدتها وهي بتشكرني وقعدت تاكلها وانا متابع توترها وهي بتفتحها خلص اليوم وروحت البيت لقيت ماما قاعده ف الصاله ومستنياني 
_السلام عليكم 
 *اي اللي حصل ف الصيدليه انهارده ي يا دكتور 
اتوترت بس قعدت ع الكرسي  _ محصلش حاجه ي ماما واحد قليل الادب مسك ايد حياة وانا أدبته 
ضغطت بايدها ع الكرسي بعصبيه *والله اناشكلي اللي نسيت أعلمك الادب أما تتخانق وتنسي نفسك ومركزك عشان خاطر حتة بت.. 
اتعصبت _ انا اتخانقت عشان بنت المفروض انها امانه عندي ولازم ادافع عنها واي واحده مكانها ولقيت حد بيحاول يضايقها لازم أتدخل 
*الله الله دي نغمة جديده بقا ي ابن فتحيه مروءه وجدعنه انت طول عمري ف حالك وملكش ف الخناقات ولا  دا تأثير البرنسيسه اللي 
قاطعتها _ ي امي انتي ليه حطاها ف دماغك وهي معملتش حاجه اصلا 
*اسمع ي بشير انت ابني الوحيد معنديش غيرك ومش هسمح لبت زي دي تشقلب كيانك وتعصيك عليا  البت دي اخر يوم ليها انهارده خلص الكلام 
_ ي ماما اي اللي حضرتك بتقوليه دا !؟
 قامت من ع الكرسي وهي بتدخل اوضتها والتفتت*تصبح ع خير ي دكتور 
 وقفت ف نص الصاله مش عارف اتصرف اذاى 
 ي ترا بشير هينفذ أوامر والدته ويسكن ضميره ولا هيأخد موقف لاول مره في حياته ميعرفش نتيجته ؟!
 يتبع ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
دخلت  أوضتي انام بس النوم كان أبعد مايكون عني وفضلت صاحي مش عارف اي اللي المفروض اعمله نمت وانا قاعد ع الكرسي 
صحيت تاني يوم لقيت ماما بتبصلي 
*هتعمل اي ي بشير؟
بصيت الناحيه التانيه بضيق _ حاضر ي ماما اديني يومين بس اشوف واحده تانيه عشان الشغل انتي عارفه انا مشغول اليومين دول مع شركة الادويه  وهي المسؤوله عن الصيدليه 
بصتلي بقلة حيله  * هصدقك حاضر ادامك يومين ومسمعش سيرة البت دي تاني
سيبتها ومشيت روحت الشركه خلصت تعاقد معاهم وروحت الصيدليه لقيت حياه بتسلمني فلوس 
اتخضيت وانا ببص للفلوس _  بتسلمي الفلوس بدري ليه 
=ابدًا كملوا معايا مبلغ كبير اللهم بارك فقولت اسلمه لحضرتك افضل 
اتنهدت وانا بحمدربنا أنها مش هتمشي 
*خضتيني  فكرتك عاوزه تمشي
ابتسمت وهي بتحرك رأسها بالنفي= لا انا قررت اني هفضل مع حضرتك 
ع قد مافرحت بقرارها بس فضلت افكر ف كلام امي بس طمنت نفسي أن لسا يومين 
 فكره ان حياة تمشي كانت مضيقاني ولاول مره اعترف لنفسي اني في مشاعر اتحركت تجاهي لحياه ماما عندها حق انا مليش ف الخناقات بس مستحملتش حد يلمسها 
طب ما انا بستحمل أن ماما تضايقها وتخليها تعيط فضلت الوم ف نفسي كتير فوقت ع رساله من ماما بتسألني عن مكاني 
بصيت لحياه بسرعه  _ حياه ممكن تدخلي جوا 
بصتلي باستغراب =ليه ي دكتور 
_معلش هغهمك بعدين 
وفعلا حياه دخلت غرفه صغيره مخصصها للحقن وفيهاجزء كمخزن
وبعد دقيقه كانت ماما دخلت الصيدليه دَخلةمخبرين زي  ماتوقعت 
بصت حواليها * اومال هي فين ؟
_وعليكم السلام ي ست الكل 
رفعت حاجبهاوبضيق  * بقولك هي فييين
شاورت ع الغرفه _ بتدي لمريضه  حقنه جوا تحبي تدخلي تشوفيها 
 اتوترت * لا مش هدخل انا بس جايه اقولك ..
قاطعتها _انا مسألتش ي ماما انتي جايه ليه حتي لو جايه تفتشي عليا انا تحت امرك ي حبيبتي  وغمزتلها وضحكت 
*ولد بطل الحركات بتاعتك دي انا جايه اقولك اني اسافر اسكندريه عند خالتك يومين لأنها تعبانه 
ابتسمت ابتسامه عريضه ملهاش غير تفسير واحد 
*مالك ي بشير بتضحك ع اي 
كشرت بسرعه _ ها لا مبضحكش دانتي هتوحشيني جدا ي ماما خدي بالك من نفسك وسلميلي ع خالتي كتير 
* خد بالك من نفسك انا سيبالك اكل ف الفريزر يكفيك اسبوع بحاله
_ي ماما انا مش صغير أقسم بالله متشغليش بالك انا هتصرف 
*ماشي ي بشير بس مترجعش تقول اه ي بطني 
سابتني ومشيت وانا واقف متنح هي فكراني اربع سنين ولا اي والله انا دكتور ي ست انت !!
خرجت حياه وانا بكلم نفسي حاولت تداري ضحكتها 
_اضحكي ي ستي مفيهاش حاجه 
ضحكت اكتر وانا شاركتها وضحكت ع نفسي بعدها دخل طفل ومامته الصيدليه تاخدله دوا حياه اتعاملت وكان في حقنه لازم الطفل ياخدها حياه كالعاده بتحب تهزر مع الاطفال كانت بتكلمه بس هو زعلان ومش بيرد 
= يالا بقا ي بطل شكه صغيره خالص عشان تخف 
الطفل رفض بشده وجسمه كله بقا بيرتعش وقتها مامته ضربته بالقلم الطفل كتم العياط خالص بس انا اتعصبت من تصرفها _ ليه كدا ي مدام دا طفل 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
^ انت مش شايف دلعه ؟ 
_ لا طبعا دا مش اسلوب  انتي بتدمريه وبتمحي شخصيته 
اخدت الطفل وحضنته حسيت اني بحضن نفسي لأن تقريبا اتكرر معايا نفس المشهد دا وانا صغير طبطبت ع الطفل وعطيته بونبوني فابتسم بعدها مسكت الروشته 
_ ع فكره الحقنه مش ضروريه ممكن خافض حراره شُرب عادي 
الام اقتنعت وحضنت ابنها وهو ماشي سلم عليا وقالي ببتسامه بريئه ∆ انا نفسي ابقي زيك 
ابتسمت بحزن _هتبقي احسن إن شاء الله
خرجوا وحياة بتبصلي = أجيب لحضرتك ميه؟ انت اتعصبت اوى
قعدت ع الكرسي بتعب _ ماشي 
_تعرفي ان حصلي نفس الموقف دا وانا صغير يمكن اصغر منه 
=بجد؟!
_ايوا بس وقتها ابويا الله يرحمه ساب امي تضربني ع وشي وبقا اي حاجه منفذهاش تضربني بالقلم 
بصتلي بتأثر 
اتضايقت اني صعبت عليها فقلبت الموقف _ انا جوعت اوى هطلب اكل تطلبي اي معايا 
=لالا شكرا ي دكتور انا معايا اكلي 
_طب تسمحيلي اشاركك فيه 
=بس يعني هو ..
_ بصراحه نفسي ادوقه من المره اللي فاتت اما ملحقتش اكل السندوتش 
كشرت 
_ يالا ي بخيله 
قامت بسرعه وجابت بوكس صغير وطلعت السندوتشات سندوتشات بيتي بسيطه بس ليها طعم مختلف 
_ حلوة جدا ي حياه تسلم ايدك 
= بالهنا ي دكتور 
بصتلها واتكلمت بهمس _ انتي بقيتي خطر عليا ي حياه 
=ايه؟؟
انتبهت _ها  لا ولا حاجه 
عدا كذا يوم والايام كانت حلوة بتمني متعديش   وف يوم كنت براجع اكسبير دوا ف المخزن وقتها حياه ندهت عليا 
= بعد اذنك ي دكتور في واحد عاوزك
خرجت اشوفه_ ايوا اتفضل 
~انا أحمد نادر محاسب ف شركة ic
_اهلا وسهلا أؤمر 
~ بصراحه انا كنت عاوز اتجوزحياه 
محستش بنفسي غيروانا بمسكه  من بدلته اللي شبه بتاعت المصالح الحكوميه دي _  تتجوز مين ي روح أمك 
حاول يخلص نفسه من ايدي~ في اي بس حضرتك انا قولت اي غلط 
_ انا عايزك تنسي حياه من دماغك أما قسماً عظماً هندمك 
الراجل مشي وهو خايف
  بلتفتت لقيت حياة واقفه تضحك وبتبصلي 
رفعت حاجبي _وانتي بتضحكي ع اي انتي كمان 
بصت الناحيه التانيه وهي بتضحك = ولا حاجه ي دكتور 
_انتي تعرفي الراجل دا ؟؟؟
= هو حضرتك بتسأل ليه ؟
_حياه مترديش بسؤال ع سؤالي 
تجاهلت سؤالي واتكلمت ببرود =بعد اذنك ي دكتور همشي  بدري عشان جايلناضيوف انهارده 
جايه تعدي من جمبي وقفت قصادها وبدون تفكير
_انا بحبك ي حياه
ابتسمت وحاولت تداري خجلها حطت أيدها ع وشها بس رفعت وشها وهي بتبصلي  =طب ومامتك ؟
_انا اللي هتجوز وانا اللي بحبك 
ابتسمت وبصت ف الأرض 
 _وبعدين بقا مفيش اي رد فعل كدا ولا كلمة حلوة 
= اما تكلم بابا هرد عليك 
_معاكي حق اول أما ماما تيجي هتقدملك علطول 
= ي خوفي أما ماما تيجي 
_ لا انا مش هستحمل حد تاني يجي يقولي عايز اتجوز حياه دي فيها جنايه 
ضحكت وهي بتبصلي 
= انا بقول اكلم  الحج دلوقتي وخلاص 
 تاني يوم روحت البيت لقيت ماما جت من السفر بعدماسلمت عليها وقعدت جمبها 
 *لقيتك بقا عروسه ي بيشو إنما اي 
 انتفضت وقومت من مكاني _ عروسة اي ي ماما 
 * مي بنت خالتك ي واد ف أولي طب أسنان بس زي القمر وهتبقي دكتوره زيك 
 _ ي ماما مي دي عيله صغيره الله يهديكي اتجوزها اذاى بس 
 *اسمع كلامك امك ي واد انت 
 عطيتها ضهري _ لا ي ماما لاول مره بعارض حضرتك بس انا عاوز واحده تانيه غير مي 
 *نعم !!!
كل مشكله بشير بياخدلها مسكن لكن ي ترا هيعمل اي ف وجع قلبه اللي  مينفعش فيه مسكن حتي لو كان كيتوفان 
انتظروا اخر بارت توقعوا اللي هيحصل 
يتبع ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
_ايوا ي ماما انا حبيت واختارت اللي هتجوزها 
ضحكت جامد بسخريه * والله وي ترا بقا حبيت مين؟؟ حياه  بنت سمير الموظف اللي معندوش غير وظيفته هو دا النسب اللي عايزه ي دكتور 
_ ي ماما انا بحبها بغض النظر عن اي حاجه  ، احنا كمان ظروفنا كانت بسيطه وبابا الله يرحمه كان موظف عادي 
بصتلي بتحدي *و دلوقتي بعد ما وصلنا لمستوي عالي عايز تنزلناتاني ليه انا دفعت التمن كتير اوى من عمري 
بصيت ف الأرض  فكملت كلامها
*ايوا انا اللي اشتغلت وضيعت شبابي بعد موت ابوك عشان تطلع دكتور واتحديت ظروف عيشتنا لحد ماوفرتلك كل اللي كنت بتحتاجه 
_ ي ماما انا عمري ما أنكرت فضلك عليا بس دي الانسانه اللي انا حبيتها وقلبي اتعلق بيها 
* بكرا اول ماتمشي هتنساها دا مجرد تعود اهبل و هيروح 
_ لا ي ماما انا مش مراهق ولا شاب طايش انا راجل وعارف مشاعري كويس وقادر احدد انا عاوز اي بالظبط 
* انا بتناقش معاك ليه اصلا الموضوع منتهي ي بشير مفيش جواز من البت دي الا ع جثتي 
_ ي ماما 
*ولعلمك بكرا هروح اوريها مقامها وتغو..ر في ستين داهيه وبعد بكرا هنروح نخطب مي ووريني هتعمل اي ابن فتحيه 
سابتني ودخلت أوضتها وانا بخبط ايدي ف كل حيطه  ف البيت من الضيق والغيظ بس فكرت انها ممكن تنفذ تهديدها فروحت بسرعه كلمتها ف الفون 
_حياه انتي اجازه بكرا 
= ليه ي دكتور 
اتوترت ومبقاش عندي اجابه بس كان لازم اتصرف
_عشان انا هتأخر بكرا ف الشركه ومش عايزك تبقي لوحدك 
= ي دكتور انا بعرف اتصرف 
_حياه هي كلمه واحده مش عايزحد يضايقك وانا مش موجود 
=حد مين ؟
_ها قصدي يعني اي زبون وانتي زي القمر كدا 
ضحكت وحسيت اني اقنعتها ووافقت وقفلت معاها اتطمنت شويه بس دا مجرد حل مؤقت زي المسكن بس المشكله مازالت موجودة، نمت كام ساعه وصحيت خايف ماما تعمل اي تصرف يضيع حياة من ايدي فقررت اني احاول استرضيها وفعلا قومت  جهزت الفطار وجهزتلها اللبن اللي بتحبه وعملت القهوه بتاعتي وقعدت ع السفره استناها
بصتلي باستغراب وبصت للاكل  * اي الدلع دا ي بيشو مجهز الفطار بنفسك 
_ هوانا عندي اعز منك ي ست الكل عشان ادلعه 
 بصت ف الساعه وبعدها بصتلي باستغراب*خير ي بشير مش هتروح الشركه والصيدليه انهارده ؟
حطيت فنجان القهوه من ايدي_ لا ي أمي انهارده اجازه من الشركه والصيدليه في لجان تفتيش ووَش انهارده فمش هفتح انهارده 
*اها وماله خد بالك ي حبيب أمك 
_عنيا ي ست الكل  
طبطبت ع ايدي • بشير ي حبيبي انا اكتر حد بيخاف ع مصلاحتك وبيحبك اسمع كلامي بلاش حياه دي كمان عشان سُمعتها هيقولوا بقا انكم كنتم مقضينها ف الصيدليه قبل الجواز 
 خبطت الطربيزه بعصبيه _ اي اللي حضرتك بتقوليه دا ي ماما حياة دي مفيش زيها ف كل البنات 
 * ها انا بقولك افرض يعني، الناس مش هتسكت ي بشير  
 _ ميهمنيش ولا عايز حد غيرها 
 *وانا مش عيزاها اي هتعصاني ي ولد بعد كل اللي شوفته عشانك و...
 قاطعتها _كفايه بقا ي ماما الاسطوانه دي حضرتك كنتي بتشتغلي وانا كمان كنت بكافح واذاكر وحاولت اشتغل 
 *انت اذاى تكلمني كدا 
 _انا اسف بس انا هتجوز حياة 
 عيونها دمعت *يبقي تطلع من البيت دا ي بشير وملكش أم هنا 
 ضغطت ع ايدي بعصبيه  من كلامها وفتحت باب الشقه عشان اخرج بس اتفاجأت بخالتي هي وبنتها ادامي وقفت متنح بس فوقت ع صوت والدتي  
 *اي ي بشير سايب خالتك ومي واقفين ع الباب كدا 
 انتبهت ودخلتهم والغريب أن والدتي كانت بتتعامل عادي جدا وبتكلمني ولا كأنها طردتني من دقيقه واحده
 كانوا بيتكلموا وانا مش معاهم اصلا بس انتبهت ع صوت خالتي ¥اي ي دكتور احنا ازعجناك ولا اي 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
 _لا ابدا ي خالتي تنوروا ف اي وقت 
 بصيت لمي _ ازيك ي مي عامله اي مبارك ي دكتوره 
 ابتسمت °مرسي اوى ي أبيه الله يبارك فيك 
 ف نفس الوقت امها خبطتها والبنت اتألمت اكيد عشان قالت" أبيه " يارب ارحمني من الاخوات الفاتنات دول وعمايلهم 
 والدتي قامت تجهزلهم الغدا وندهت عليا ف المطبخ 
 *انا ممكن انسي  زعلي منك وكلامك الوحش دا كله واعتبره محصلش بشرط انك تشيل حياه من دماغك
 بوست دماغها _حقك عليا ي امي اني اتعصبت بس ..
 *فكر ي بشير وحياتي عندك مي ادامك اهي زي البدر ف تمامه اتجوزها وارضيني 
 جيت اتكلم بس شاورتلي اسكت * ادامك يومين اللي خالتك قاعده فيهم وان شاء الله اسمع الخبر اللي انا بتمناه وطبطبت عليا وخرجت من المطبخ كنت محتار وقلبي بيوجعني كل ما افكر ف كلام ماما اذاى أراضيها واوجع قلبي واعيش متعذب انا مش هستحمل ولا هستحمل زعلها مني خرجت من البيت وفضلت اتمشي من غير هدف روحت الصيدليه فتحتها ودخلت وفضلت ابص ع كل ركن فيها وبصمة حياه اللي مش موجوده في الصيدليه بس دي اتحفرت ف قلبي من غير مااعرف قعدت ع الكرسي وغمضت عيني وقتها الباب اتفتح وحياه جت ابتسمت بتعب وهي بصتلي بقلق =مالك ي بشير 
  ابتسمت _اول مره تقوليلي بشير من غير دكتور 
بصت حواليها باحراج  واتكلمت بسرعه = انا انا اسفه انا بس كنت معديه من هنا ولقيت الصيدليه مفتوحه فدخلت اشوفك و..
قاطعتها وانا بضحك _اي كل دا ي بنتي بالراحه واهدي وقوليلي معاكي أي حلو ؟
ضحكت وفضلت تكلمني وانا ببص لها ونفسي احكيلها بس خايف تبعد عني 
بعدها بصت ف ساعة ايدها بخضه وهي بتمشي بسرعه =دي ماما هترميني من الشباك انا اتاخرت اوى سلام 
ابتسمت ع طفولتها اللي بقيت الاحظها مؤخرا 
روحت البيت متأخر متعمد عشان مقابلش حد بس لقيت مي صاحيه لسا هدخل اوضتي بس هي ندت عليا 
° أبيه بشير ممكن كلمتين 
 قعدت ع الكرسي _اكيد اتفضلي ي مي 
بصت ف الأرض باحراج وهي بتفرك ف ايديها   °انا انا عاوزه اقولك وبصراحه من غير زعل اني مش بفكر ف الجواز خالص وعايزه اكمل دراستي براحتي من غير ضغط 
_براڤو عليكي والله ي مي 
 اتكلمت بحماس° يعني انت مش زعلان
 _لا طبعا انا مبسوط بيكي كويس انك مورثتيش حاجه من امك ي  بس هنعمل اي ف الاختين الحلوين ؟
رفعت أكتافها بطفوله  ° اتصرف انت بقا ي دوك انا اطمنت انك مش موافق زيي خلاص كدا تصبح ع خير
_ لا واضح انك ورثتي من امك برضه حاجات
عدا يومين وامي كانت مشغوله بخالتي ومي وف اليوم التالت ماما دخلت اوضتي بعد ماخبطت 
 *  بيشو خلاص معدش وقت لازم تنزل انت ومي تختاروا الشبكه بقا قبل مايسافروا
 قومت من ع السرير وعطيتها ضهري _ لا ي ماما انا مش هتجوز مي 
 *يعني اي الكلام دا 
 بصت لها وانا حاطط ايدي ف جيبي _ يعني حتي مي مش عيزاني وانا مش هغصبها اكيد 
 * سيبك من البت الصغيره دي مش عارفه مصلحتها 
ضحكت  _يعني عاوزه تجوزيني بت صغيره ي توحا يرضي مين دا 
* وانا عند كلمتي أما تتجوز مي ي تنسي أن ليك ام وتمشي من البيت دا وابقي وريني أهل حياه هيقبلوا بيك اذاى 
_كتر خيرك ي امي انا همشي ومش عايز حاجه وهستني تسامحيني مش عايز حاجه تاني 
مكنش قرار سهل اني ابعد عن امي وبيتي وصيدليتي لأن ليها النسبه الأكبر فيها واكتفيت بشغلي ف شركة الادويه 
انهارده وبعد سنتين انهارده  فرحي انا وحياه طول السنتين كنت بحاول اراضي ماما واصالحها بس  هي كانت بترفض ،بصيت ع نفسي ف المرايه وعدلت بدلتي عشان اروح اجيب حياه من الكوافير واتفاجأت بوالدتي هناك  فخوفت تكون زعلتها بس حياه ابتسمت ومسكت ايديها وقربت مني = طنط كانت بتوصيني عليك وبتديني هدية جوازنا ي بشير 
قربت من امي وحضنتها والعياط كانت سيد الموقف *ربنا يهنيكم يابني مقدرتش محضرش فرحك 
مسحت دموعها _مبقاش فرح غير بوجودك ي ماما 
 ابتسمت وهي بتطبطب ع كتفي *يالا هات عروستك هتتأخروا كدا 
 مسكت ايد حياه وبوستها _ وانا بردد الايه( قدجعلها ربي حقًا)
 الفرح كان جميل وقرايبي كلهم حضروا وخالتي باركتلي هي ومي  وعرفت حياه عليهم كلهم 
 كنت برقص مع حياه سلو وفرحان أنها بقت ليا وحبيبتي ادام الكل 
 *شايفه ي صباح الواد ماسك فيها كدا ليه 
ضحكت  ∆ي توحا بقا كبري دماغك وادعيله ربنا يسعدهم 
 *ع رايك ربنا يسعدهم 
 خلص حفل الزفاف لكن الفرح اللي ف قلبي انا وحياه مش هيخلص هيزيد مع كل دقيقه ف عمري وهي معايا 
 تمت#💊❤️

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا