رواية قلبي في الجنوب من الفصل الاول للاخير بقلم فاطمة عبد المنعم
رواية قلبي في الجنوب من الفصل الاول للاخير هى رواية من كتابة فاطمة عبد المنعم رواية قلبي في الجنوب من الفصل الاول للاخير صدر لاول مرة على موقع التواصل الاجتماعى فيسبوك رواية قلبي في الجنوب من الفصل الاول للاخير حقق تفاعل كبير على الفيسبوك لذلك سنعرض لكم رواية قلبي في الجنوب من الفصل الاول للاخير
رواية قلبي في الجنوب من الفصل الاول للاخير
"لا يا بابى مش هسافر الصعيد يعنى مش هسافر"
- انتى بتكسري كلامي يا كارما
= لا يا بابى مقدرش بس انا مش عايزة اسافر الصعيد انا معرفش فيها حد وعمرى ما روحتها ومش بحبها
- يابنتى لازم تعرفى اهلك جدك وولاد وبنات عمك دول عزوتك
= يابابى دول فلاحين خالص وانا مقدرش اسيب القاهرة وكمان اسيب صحابى
- صحابك اه الشله البايظه الى انتى ملمومه عليها والى غيروكى 180 درجه صح وخلوكى تغيرى طريقة لبسك وتبطلى تصلى
= بابى انت اصلا مش فاضى ليا خالص ودايما فى الشغل ومامى مع اصحابها و دايما فى ندوات ومشغوله عنى محدش بيسال عليا غير صحابى دول وبس انا طول عمري وحيدة
- علشان كدا يا حبيبتى لازم نسافر
= قولت لا يعنى لا
بعد اسبوع كنا فى العربيه ومسافرين الصعيد بابى اصر انى اسافر وحاولت كتير اوى ارفض ومعرفتش انا كارما عندى 20 سنه فى كلية طب بيطرى انا متفوقه جدا وذكيه وطول عمرى لوحدى كبرت وانا مش بعمل حاجه غير انى بذاكر انا شخصيه انطوائيه شويه لازم الى يدخل حياتى يقتحمها لازم يقتحم قلبى وعقلى لازم يبقى جزء منى ولو معملش كدا عمره ما هيدخل حياتى هو انا كدا ومش اى حد ممكن يتعامل مع طبعى واسلوبى بس غصب عنى واحده طول عمرها كانت لوحدها ازاى هتبقى اجتماعيه بين يوم وليله انا اعرف ان الصعايده صعبين اوى ودماغهم ناشفه وانا خايفه لا انا مرعوبه عيلة بابا اكبر عيله فى الصعيد وجدى كبير العيله انا عمرى ما شوفته بس بابا كان دايما يقولى انه طيب اوى يارب يبقى كدا فعلا انا عندى عم واحد وعنده ولدين وتلات بنات مش عارفه هتعامل ازاى بس بتمنى الايام دى تخلص بسرعه علشان ارجع بسرعه القاهرة
_ محمد بيه وصل يا سيدى محمد بيه وصل يا ستنا
- ولدى محمد اتوحشتك جوى جوى يا ولدى
- وانا اتوحشتك جوى يا امى، كيفك يا بوي
_ زين يا ولدى لما شوفتك
- تسلم يا بوي...تعالى يا كارما تعالى يا حبيبتى
_ تعالى فى حضن جدك يا غاليه يا بنت الغالى...تعالى يا زهرة عيلتنا كلها
= حسيت فى حضنه بكمية طيبه وحنيه محستهاش فى حضن بابا...ازيك يا جدو
_ زين يا بتى
= ازيك يا تيته
- تعالى فى حضنى يابتى بسم الله ما شاء الله سبحان من خلق وصور فلقة جمر
= ربنا يخليكى ليا يا تيته
- كارما قولى يا ستى
- سيبها يا ولدى تيته منها حلوة جوى قولى اللى انتى عيزاه يا غاليه
= حبيبتى يا تيته انتى طيبه اوى انتى وجدو
- حبيبتى يا بتى استنى هنادم على بنات عمك ياجو يسلموا عليكى....صفية يا صفيه هاتى اخواتك وتعالوا بنت عمك جت
= اتعرفت عليهم هما تلات بنات صفيه ونورا وحسناء بس هما طيبين اوى وقعدنا نتكلم ونهزر ونضحك كتير اول مرة احس انى ليا عيله شعور حلو اوى انك يبقى عندك عيله بتحبك كدا
_ تعالى يا كارما افرجك على الجنينه
= يلا بينا
- احنا ورانا طبيخ مع امى...روحى انتى يا كارما وهنيجى وراكى
= اوكى اشوفكم برا بقى
خرجت فعلا كنت عايزة اتمشى كانت الجنينه جميله اوى وفيها ورد جورى وياسمين ايه دا !؟ وفيها ورد بنفسجى انا بعشق الورد البنفسجى كنت مبسوطه اوى و عايزة اقطف وردة من الشجرة بس فى صوت خلانى اثبت مكانى
- انتى مين ؟
= التفت وانا مرعوبه صوته قوى وشديد..انا كارما
- انتى بنت عمى محمد...و ايه المسخرة دى ازاى واقفه كدا بخلجاتك دى
= ايه خلجاتك دى وبعدين انت مين
- انا ابن عمك يا برنسيسه وخلجاتك يعنى هدومك امشى انجرى على الدوار وتلبسى خلجات حشمه بلاها المنطلون دى الى مبين كل تفصيله وتلبسى عبايه كيف ما بناتنا بيلبسوا
= انت ازاى تتكلم معايا كدا وانت مالك اصلا البس الى انا عيزاه
- قربت منها اوى... صوتك ميعلاش عليا متخلقتش لسه حرمه تعلى صوتها على فهد الحفيد الكبير للعيله وكلامى عن خلجاتك يتنفذ ياما متلوميش غير روحك يا بت عمى
= كانت ضربات قلبى فى السما بعد عنى وانا جريت من قدامه طلعت على اوضتى وانا منهارة من العياط خوفت منه اوى بس من تعبى وعياطى نمت وصحيت على صوت صفيه بتخبط قولتلها تدخل
_ صح النوم يا كارما يلا قومى الغدا جاهز وكمان فى قرايب لينا جايين يسلموا عليكى وعلى عمى
= حاضر يا صفيه هغير هدومى وهنزل
غيرت ولبست اضيق حاجه عندآ فى الى اسمه فهد دا ونزلت لقيتهم كلهم متجمعين على السفرة،،، مساء الخير
_ مساء النور يا غاليه تعالى جارى هنيه
= تسلم يا جدو،،،حسيت ان فى عيون بتبصلى بصيت لقيته قدامى بيبصلى بغضب وبيضغط على المعلقه الى فى ايده كبرت دماغى منه وكلت وقمنا نشيل الاكل طبعا انا مش متعودة بس صفيه قالتلى اعمل زيهم وفجاة لقيت الى بيشدنى وانا كنت هصرخ بس لقيته فهد
= انت واخدنى ورايح فين...انت يابنى ادم انت .. دخلنا المكتب وقفل الباب جامد لدرجة انى اتفزعت وقرب منى
- انا اتحدت معاكي الصبح على خلجاتك العفشه ديه صوح
=........
- انطجى ايه اللبس العفش ديه ها كانك عريانه احمدى ربنا ان اخوى مجاش كنت جتلتك لو لمح ضفرك بخلجاتك ديه
= وانت مالك ومال لبسى اصلا انت ابن عمى وبس
- وجوزك ..
يتبع.
- وجوزك
= اتصدمت طبعا جو جوز جوزى ازاى يعنى
- انا طلبت ايدك من عمى الصبح وهو وافق كتب الكتاب اخر الاسبوع مبروك يا عرووسه
= انت اتجننت ايه التخاريف دى
- دى مش تخاريف انا عجولك الى هيحصل
= مستحيل مستحيل وطلعت جريت من قدامه بس سمعت بابا وجدو وهما بيتكلموا عليا انا وفهد
_ يارب توافق كارما انا مش هأمن عليها الا مع فهد
- ان شاء الله يا ولدى هتوافق انا عارف فهد زين
طلعت وكنت مصدومه اوى وفضلت اعيط ليه بيحصل معايا كدا كنت هتجنن فضلت اعيط لحد ما نمت محستش بحاجه الا وصفيه بتخبط على الفجر
- يلا يا كارما الفجر اذن يلا علشان نصلى جماعه
= حاضر يا صفيه
قومت اتوضيت ولبست اسدال ابيض انا بحبه اوى ونزلت لقيتهم متجمعين وان الامام بتاعنا هو فهد مبصليش ولا شافنى بدأنا نصلى وكان صوته فى القران جميل اوى اوى لدرجه انى مكنتش عيزاه يخلص خلصنا وقومنا وجه اخو فهد الصغير اكرم يسلم عليا
_ حمد الله على السلامه يا بت عمى، ما شاء الله كيف البدر ليلة تمامه
= اتكسفت جدا وقولتله الله يسلمك
- اطلع نام يا اكرم عندنا شغل كتييير الصبح يلا هم امال .. طالعه كيف الجمر الخلجات الواسعه بتكون احلى عليكى يا بت عمى
= سابنى وطلع نام اول مرة يتكلم معايا بهدوء وبعدين انا وشى بيطلع نار كدا ليه انا هموت من الكسوف ... عدى كام وانا بقيت البس واسع فساتين وطرح كبيرة وبشوف فهد فى اوقات قليله اوى بس كل مرة يبصلى ويبتسم ويقولى كيف الجمر يا بت عمى ويسيبنى ويمشى كنت ببقى مبسوطه اوى فهد راجل اوى و ملتزم و محترم مش بيفوت فرض قمر فى نفسه كدا هو مش طويل اوى بس اطول منى وعنده عضلات وعيونه السودا دى تجننن حاجه كدا قمر استغفر الله العظيم يعنى عدى الاسبوع وجه يوم كتب الكتاب وكان كتب كتابى وكتب كتاب صفيه بت عمى على ابن خالتها كنت لابسه فستان ابيض فيه ورد موف وطرحه موف وحطيت مكياج هادى اوى وكتبوا الكتاب والستات ابتدت تزغرط انا مش مصدقه انى بقيت مراته ازاى دا حصل معرفش وابتدوا يغنوا ويهيصوا .. كنت بضحك ومبسوطه من الحاجات الى بشوفها لاول مرة وقومونا نرقص وانا مكنتش عارفه ارقص غير بسيط انا بعرف بس على اغانى شعبى شغلوها ورقصت وكله عجبه رقصى وبقوا يقولوا يابختك يافهد، اه منكم يا بنات البندر وجه الوقت الى كل عريس عايز يقعد مع عروسته شويه دخلت اوضتى وفهد المفروض هيجيلى قاعده متوترة وبفرك فى ايدى وفجأة لقيت الى بيقولى
- مبروك يا بت عمى
= الله يبارك فيك
- كيف الجمر يا بت عمى سبحان من خلقك وصورك
= كنت مكسوفه اوى وقرب منى
- ايه كل الرقص دا منين اتعلمتى الرقص دا
= اتصدمت انه شافنى هو انت شوفتنى
- اه شوفتك كنتى كيف لهطة الجشطه
= بقولك ايه بطل كلامك دا يا ابن عمى
- ابااااى انتى مرتى يا مخبوله
= بس انا مكنتش موافقه انا وافقت علشان بابا بس
- بصلى بغضب وحسيت انه هيضربنى فعلا بس نجدنى من تحت ايده ان الباب خبط جامد واستغربنا راح فتح الباب لقى الغفير
- فى ايه يا حمار انت بتخبط كدا ليه جبر يلم العفش
_ لامؤاخذة يا سيد الناس بس الفرسه بتولد ومحتاجينك لان الولادة صعبه
- طب نازل حالا
= فهد ينفع اجى معاك
- هو انا رايح اتفسح
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= انا دكتورة بيطريه يعنى افهم فيهم اكتر منك
- لمى لسانك بدل ما اجصهولك غيرى خلجاتك وحصلينى
= غيرت هدومى بسرعه ونزلت ودخلت الاوضه الى هما فيها وفهد عرقان وبيحاول يولد الفرسه والولادة صعبه اوى قربت منه وملست على الفرسه رفستنى برجلها لانها متعرفنيش وقعت وجرى عليا
- حصلك حاجه فى حاجه بتوجعك
= فرحت من خوفه عليا شوفت فى عيونه لهفه ملقتهاش فى حد ابدا،،،، انا كويسه خلينا نلحقها
حاولنا فعلا لحد ما ولدناها وكنا قربنا على الفجر وكنت تعبت فعلا اليوم كان مرهق اوى وقعدت فى الارض ومكنتش قادرة اقوم فجأة لقيت الى بيشلنى
= اتخضيت فهد بتعمل ايه نزلنى
- اشششش خلاص انت شكلك تعبانه
= فهد.نزلنى هقع
- مش هتوقعى متخافيش
= طب اوعى تسيبنى ... بصلى بحب
- عمرى عمرى ما هسيبك يا بت عمى
= بصتله وسرحت فى عيونه بس فوقت ان ممكن حد يشوفنا هيقولوا ايه دلوقتى فهد الله يخليك نزلنى ضحك اوى وضحكته خطفت قلبي
- يا عبيطه انتى مرتى يعنى محدش له حاجه عندينا
= سكت وطلعنى لحد اوضتى كنت مبسوطه اوى
- غيرى خلجاتك وارتاحى لحد الفجر ما يأذن وشكرا على مساعدتك
= فهد انا اسفه على كلامى الى قولته
- ولا يهمك ارتاحى يا بت عمى
نمت وصحيت على خبطه وقومنا صلينا و اول ما خلصت طلعنا ونمنا كلنا وتانى يوم نزلت لقيته راح الشغل معرفتش افطر وكنت حاسه انى مفتقداه اوى صحيح ان الليله الى فاتت غيرت حاجاات كتير اوى بس لسه بخاف منه فوجئت ان شلة صحابى بتوع القاهرة جم
= اهلا وسهلا اخباركم ايه
- كارما ايه الى عملاه فى نفسك دا ايه اللبس اللوكال دا انتى مش كنتى بطلتى اللبس دا وكمان عرفنا انك اتجوزتى وزياد يا كارما
= ماله اللبس يا شاهى دا جميل وكمان دى عوايد الصعيد واه اتجوزت الباشمهندس فهد ابن عمى زياد دا عيل
- لا انتى اتغيرتى خالص بقى عجبك ابو جلبيه دا وتسيبى زياد الجينتل اللى كلنا هنتجنن عليه
= انا اسيب الدنيا علشان فهد وابو جلبيه الى مش عاجبك دا احسن عندى الف مرة من زياد بتاعك دا فهد قربنى تانى من ربنا فهد بيغير عليا من النظره مش زى زياد كان عايزنى اقلع الحجاب شاهى انا كنت مجنونه وعقلت خلاص ومش هسيب البلد هنا وهنقل ورقى واكمل دراستى هنا
- اوكى انا اسفه انى جيتلك باى
= وقتها ضحكت وقولتلها باى وكنت فرحانه انى نهيت اى حاجه فى القاهرة وبلف ورايا لقيت فهد واقف اتلجلجت ومكنتش عارفه اقوله ايه ... حمد الله على السلامه يابن عمى
- الله يسلمك يا كرمله
= كرمله !
- اه واحلى كرمله كومان
= اتكسفت هروح اشوف صفيه فين
- تعالى نخرج سوا الجنينه شويه صفيه مع جوزها وانا كنت بدور عليكى على لو خالعه طرحتك كنت رزعتك مية كف على خدودك الى كيف الطماطم دى
= انا اصلا مش بنزل من اوضتى من غير طرحه
- طب تعالى معايا
= مسك ايدى وشدنى وراه حسيت يقشعريرة فى كل جسمى وبدات ايدى تترعش
- انتى زينه ؟ ليه بترجفى اكده ؟
= لا ابدا مفيش حاجه
- لساتك مكلكعه
= مكلكعه .. ايه مكلكعه دي
- يعني خيبانه .. اجمدي كدا انتي حرم فهد
= أنا جامدة اوى عالفكرة
ضحك جامد وضحكته كانت جميلة اوى
- مهو واضح عليكي .. تعرفى انى زرعت شجرة الورد البنفسجى دا علشانك
= علشانى انا
- اه عارف انك بتحبيه
= وعرفت منين بقى يا بن عمى
- انا اعرف عنك كل حاجه يا بنت عمى...اعرف انك بتعشجى البنفسجى، اعرف كيف كان شكل خلجاتك ايام الثانوى ولما دخلتى الجامعه اتغيرتى، اعرف انك بتخافى من الضلمه وعالطول تنامى ونور اوضتك مفتوح ....انا اعرف كل تفاصيلك يا كرمله
= كنت مصدومه ازاى عرف كل دا وواضح انه يعرف اكتر بصتله .. بابا هو الى حكالك كل دا علشان تعرف ازاى تكسبنى صح لعبتكم قديمه اوى بصراحه ...
يتبع
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= كنت مصدومه ازاى عرف كل دا وواضح انه يعرف اكتر بصتله بابا هو الى حكالك كل دا علشان تعرف ازاى تكسبنى صح لعبتكم قديمه اوى
- بصيتلها بغضب ومسكتها من ايدها الاتنين انتى غبيه غبيه اوى انا سمعت حديتك مع صحبتك وافتكرت اننا هنبدا صفحه جديدة مع بعض انا بقالى سنين براقبك وبحفظ تفاصيلك مسكت نفسى مية مرة علشان مفرغش رصاص الفرفر بتاعى فى دماغك انتى والخنفس دا تعرفى عملت دا كله ليه ....علشان بحبك يا كارما لا مش بحبك انا عشجانك يا بت عمى
= اتصدمت من اعترافه وكل اللى قاله ازاى يحصل كل دا وانا مش حاسه بأى حاجه بصيتله بدموع....فهد انا....
- خلاص اسكتى انا مسافر اسبوع تفكرى فيه واذا رجعت و عايزة تطلجى هطلجك يا بت عمى
= سابنى ومشى ومرضيش يسمعنى جريت وراه وطلعت على اوضته
= فهد انت لازم تسمعني
- مش عايز اسمع اي حاجه منيكي .. اخفي من وشي أحسلك
= لا انت لازم تفهمني انا واحده طول عمرى عايشه لوحدي لو كنت مراقبني زي ما بتقول كنت عرفت أن محدش كان بيهتم بيا ولا بابا ولا ماما ولا اي حد ياريتك كنت قربت مني .. حتى انت من يوم ما جيت وانت كل حاجه زعيق وخناق اه يمكن لمست فيك انك حنين بس حنيتك بتظهر كل فين وفين وفى الاخر فاكرني انى احبك بين يوم وليله انا يمكن مرتحالك وحاسه بأمان معاك لكن ..
نظر لها فى صمت لفترة طويله وهي كانت بتعيط بس قرب منها فى هدوء
= لو فعلا مرتحالي وحسيتي بأمان معايا يا كارما كنتي عرفتي أن دا حب أصلا .. انتي مش عارفه عايزة ايه يا كارما فكري مع نفسك الاسبوع دا ولو وافقتي تكملي معايا مش هتندمي ولو رفضتي انتي بنت عمي يا بت عمي
نظرت له فى زهول أنه بيتكلم مصري زيها بطلاقه ففهم نظرتها
- انا اتعلمت وعشت كتير فى القاهرة لتكوني فكراني جاهل ياااك وانك هتتنعمي عليا توافقي بواحد جاهل أنا معايا بكالوريوس زرعة وعايش هنا لاني بحب بلدي وشغلي وحياتي هنا .. فكري زين يابت عمي
مشي وسافر وسابني فى حيرة اكبر بس اكتشفت اني حبيته فعلا .. الايام والوقت بيمروا ببطئ صلاة الفجر من غير صوته ناقصه .. اااه انتقم منى صح بالاشتياق اد ايه هو شعور مرهق بيسال على جدو وتيته وكل اخواته الا انا وحشنى اوى فعلا مش بنعرف قيمة الحاجه الى بنحبها الى لما بنحس انها ضاعت فات اسبوع من غيره اصعب اسبوع من غير اهتمامه وغيرته اسبوع وانا بعيط كل يوم انه هيكرهنى خلاص بسبب غبائى
ساعة الاشتياق لك
ليست لها عقارب
ومع ذلك تلدغني في كل ثانية اعيشها بدونك
تبا لهذا الاشتياق الا يصوم يوما....
قعدت فى الجنينه وفضلت اعيط لحد ما لقيت جدو قصادى
_ مالها حبيبة جدها مين مزعلها
= قومت جريت على حضنه وانا منهارة
_ اهدى يابتى احكى لجدو مين زعلك يا زهرة العيله
= فهد وحشنى اوى يا جدو
_ عرفتى انه فهد بس الى يستحجك
= عرفت يا جدو بس زعلان منى وغاب عنى بقاله اسبوع
_ حبتيه يا كرمله
= اتكسفت بس هزيت راسى وهو باسنى فى راسى وسمعت صوت عربيات برا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
_ جوزك جه روحى استجبليه
= جريت على برا مكنتش مصدقه فضلت بصاله وهو باصصلى كانت نظراتنا لبعض كلها حب ولهفه واشتياق جريت عليه وحضنته من شدة دفعتى رجع لورا خطوتين وفضلت اعيط فى حضنه وهو حضنى جامد وفضل يهدينى
- اهدى يا حبة الجلب ليه كل الدموع ديه
= ضربته فى ضهره .. علشان انت مشيت وسيبتنى وزعلان منى
- رجعتلك يا ضي عيني
= وحشتنى يا فهدى
- وانا اتوحشتك كتير يا كرملتى
= بعدت عنه وانا مش عارفه عملت كدا ازاى وبصيت فى الارض
- كفاياكى دموع معارفش اشوف عيونك زين
= انا اسفه يا فهد
- اششششش انسى الى حوصل يا بت عمى فرحنا بكره
= فرحنا ازاى انا مجهزتش فستانى ولا اى حاجه
- كل حاجه جهزت يا ضي عيني وفستانك جيبته معايا
= بصيتله وانا مبسوطه اوى بجد جيبته
- وف اوضتك دلوقتى يا ست البنات
= بحبك يا فهدى،،، فى لحظه كنت فى الهوا وكنت هصرخ
- وانا عشجانك يا مهجة فؤادى
= فهد نزلنى يا فهد هقع
- عيب انتى فى حضن جوزك
= طب اوعى تسيبنى اقع
- عمرى ما هسيبك ابدا يا كرملتى هوصلك لوضتك علشان تشوفى فستانك يا حبة القلب
= بحبك يا بن عمى
- وانا عشجاااانك .
بالروح والقلب انت واللاوعي ﺣﻤﺎﻙ ﺍﻟﻠﻪ ﻟﻘﻠﺐٍ ﺃﻧﺖَ ﻭﺭﻳﺪﻩ
تمت بحمد الله
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
"يوووه ياجاسر بقى الطرحه خنقتنى وانا لسه صغيرة"
- اسمعى الكلام يا جورى ولفى الطرحه زين علشان الرجاله الى تحت مع بوي
= كل شويه تتعصب عليا انا لسه عندى 11 سنه يعنى صغيره هلبس الطرحه لما اكبر ومتقلبش صعيدى كدا بخاف منك
- جولت لا يا جورى يعنى لا ولو حد لمح خصله من شعرك هزعل منك ومش هكلمك تانى وانتى حره بجى و مفيش احلى من الصعايده يابت عمى
= اكيد طبعا مفيش احلى من الصعايده مش كدا يا بابا
_ بتتعصب على بنتى ليه يا واد انت
- عمى دى ماراتى وانا حر فيها
_ مرات مين يا واد انت يالى فى ثانويه متتعصبش على بتى عاد
= حبيبى يا بابا
_ جلب ابوكى انتى... يلا روح لأبوك يا واد
- انا مش واد ياعمى انا راجل وكلامى يتنفذ يا جورى
_ معارفش الواد ديه طالع لمين
~ فعلا متعرفش طالع لمين .... طالع لعمه يا فهدى
_ جورى على اوضتك علشان عجول لامك كلمتين سر
= حاضر يا بابا
_ بجا طالع ليا أنى يا كرمله
~ تنكر انك غيور كدا وبتكون عايز تقول لجورى تغطى شعرها بردو وبتغير عليها من جاسر نفسه لياخدها منك
_ انا عتجنن عليها انتى عارفه كيف جت بعد اشتياج جوى للخلفه والحمدلله ربنا جبر بخاطرنا وبعتلنا اجمل هديه من اجمل كرمله فى حياتى
~ انزل للرچاله يلا مش وجت حب عاد
_ اباى جلبتى صعيدى عاد ... ماشى نازل يا كرملتى بس راجعلك يا غزالى
~ مجنون والله
_ بيكى يا كرملتى
= سمعتهم وانا واقفه على باب الاوضه بابا وماما دول عمرى ما هشوف زى حبهم ابدا انا جورى بنتهم عندى 11 سنه بشبه ماما وجميله زيها ودا سبب غيرة بابا وجاسر عليا من كل عيون الناس جاسر ابن عمى اكرم مع ان بابا وماما اتجوزوا الاول بس ربنا رزقهم بيا بعد ست سنين جواز كان عمى اكرم اتجوز وخلف جاسر اكبر منى بخمس سنين ومن يوم ما وعيت على الدنيا وانا مسؤلية جاسر لعب وضحك وهزار وكلام وفضفضه وكل حاجه فى الدنيا تتلخص في جاسر و دايما بيقول انتى ماراتى و دايما بتكسف واسيبه وامشى او اجرى على اوضتى لسه بدرى احنا لسه صغيرين على الكلام دا بس كلام فى سركم انا بتمنى فعلا عدت ايام كتير واحنا زى ما حنا بس علاقتى بتقوى اكتر بجاسر وهو السنه دى ثانويه عامه وبقى مشغول اوى ودى حاجه خنقانى
= جاسر
- جورى مش جولتلك تخبطى على الباب جبل سابق
= زعقلى وانا بطبعى حساسه وهو عارف ... اسفه نسيت خلاص كمل مذاكرة
- جورى متزعليش منى مكنش جصدى اتنرفز عليكى بس احنا كبرنا يا جورى واكده ميصحش حجك عليا يا جوريتى
= بس انا زهقت وانت مش بتقعد معايا واصل ومفتقداك جدا يا جاسر
- هههههه مش هتعرفى تتكلمى صعيدى انتى شبه مرات عمى وانا مفتقدك ومشتاقلك جدا يا جوريتى بس المشكله فى المذاكرة معلش استحملينى لحد ما اخلص
= طب روح ذاكر بقى وانا هروح اذاكر
- ماشى يلا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= عدت الايام وجاسر نجح فى الثانويه بمجموع عالى اوى بس اتصدمت لما عرفت انه هيسافر يدرس برا ازاى هيسافر ومش هشوفه تانى ازاى عيطت وانهارت من العياط وخرجت قعدت فى الجنينه الداخليه لوحدى وفضلت اعيط ازاى هيسافر ويسبنى ازااااى سمعت صوته بلهفه وخوف
- جورى جوريتى بتبكى ليه
= انت هتسافر يا جاسر ،،،، قولتها وانا منهارة
- بس يا جورى اشششش كفايه بكى عاد
= مش هبطل عياط الا لو مسافرتش
- بس يا جورى دا مستجبلى وانا هكون مسؤول على شركة بوى وعمى من بعدهم ولازم ابجى جد المسؤوليه
= يعنى هتسافر وهتهملنى لحالى
- هههههههه بجيتى شاطرة فى الصعيدى يابت عمى .. هرچعلك تانى يا چورى هرچع اكيد
= صحيح هترجع ولا هتروح هناك وتنسانى
- مجدرش يابت عمى
= اوعدنى
- اوعدك يا بت عمى .. بس انتى اوعدينى انك تاخدى بالك من حالك واوعى تنزلى من غير طرحه وحدا من الحمير الى تحت يلمح شعرك واو يلمحوا طرف فستانك او جلبيتك
= اوعدك يا جاسر
سافر وفات خمس سنين ولا مرة كلمنى او اطمن عليا كان بيطمن على عمى ومرات عمى وماما وبابا وجدى وانا لا .. عمره ما كلمهم وكلمني تعبت فى بعده اوى بس اتأقلمت يمكن لانى اتجرحت منه مكنتش فاكرة انه هيقسى عليا كدا معقوله ولا مرة يكلمنى ولا مرة يسال عليا ولا مرة... حسيت وقتها انى ولا حاجه بس بابا وماما وجدوا كانوا معوضنى اوى .. خلف بوعده معايا فلازم أنساه بس ياترى هعرف .. انتبهت لدراستى وجبت مجموع اكبر منه فى الثانويه ودخلت كلية الطب بس مشوارها كبير اوى بس بابا عملى عربيه بسواق يودينى ويجبنى بس حصلت حاجه مكنتش فى مخيلتى ابدا
= انا چيييييييت ماما يا كرمله بابا يافهدى ياجدوووو
اوبس اسفه معرفش ان عندينا ضيوف
_ ضيوف ايه ياجورى دا جاسر ابن عمك معجول نسيتيه حجيجى شكله اتغير بس هو جاسر
= اتصدمت ومكنتش عارفه اتحرك ولا انطق مدلى ايده
- كيفك يابت عمى
= مبسلمش على رچاله .. حمد الله على السلامه يا بن عمى... عن اذنكم .. سيبتهم وطلعت اوضتى انا مكنتش جاهزة لمقابلته دلوقتى واتخضيت اوى ومعرفتش اعمل حاجه وبيمدلى ايده كمان وليه عين يسلم عليا قال عايز يسلم اه طبعا عاش فى بلاد برا ونسى عوايدنا ودينا الى كان بيقولى حرام ان يدى تلمس ايد حرمه غير امى وماراتي لان ربنا هيخلينى امسك جمرة من النار وانا مقدرش على غضب ربنا كان مثقف اوى وبيحب القرايه وعلمنى حاجات كتير بقى زى القمر حلو وطويل وجنتل كدا وعنده لحيه وشعره ناعم وعنده عضلات يخربيت جماله انتى اتهبلتى يا جورى نسيتى الى عمله صح لازم افوق هو غلط وانا كرامتى غاليه عندى وهو الى بدأ والبادى اظلم اعترف انى عمرى ما عرفت ابص لراجل غيره عمرى ما نسيته واه بحبه بحبه اوى بس لازم هو الى يركع ويقولى بحبك ووتجوزينى كمان ووقتها بقى ارفضه رخامه بقى حق الى عمله فيا ولو حصل فعلا عارفه ان جاسر مش هيهتم برفضى وهيتجوزنى .. انا جايبه الثقه دى منين يارب مقعش على جدور رقبتى غيرت هدومى ونزلت الجنينه شويه وقعدت وسرحت محستش غير بظل قصادى
- ازيك يا جورى
= الحمدلله يابن عمى
- مبروك على الكليه حققتى حلمك وهتكونى دكتورة
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= ايوا الحمدلله دا بفضل ربنا ثم بابا وماما وجدى
- متوترة ومتعصبه ليه
= مش متوترة ولا حاچه انا انا هجوم اطلع اوضتى
- جورى
= وقفت مكانى وملفتش اشوفه
- بجيتى جميله جوى يابت عمى كيف البدر تمام
= جريت على اوضتى وانا مكسوفه اوى ياربى انت بتدق ليه اهدا اهدى ياجورى دا جاسر الى مسالش عليكى خمس سنين مش جاسر حبيبك الى مستنياه .. عدى اليوم وتانى يوم نزلت اجيب مايه لجدى علشان اديله العلاج قبل ما اروح الجامعه وانا طالعه خبطت فيه وكنت هقع بس هو مسكنى من ايدى الاتنين
على مهلك يا بت عمى .. صباح الجورى
= صباح النور يا بن عمى سيب يدى اكده ميصحش
سيبته وجريت طلعت اوضة جدى وانا وشى احمر اوى ومكسوفه جدا من قرب جاسر ليا كان قريب منى لدرجه كبيرة كنت قربت ابقى فى حضنه يالهوووى على الكسفه
= اتفضل يا چدى الدوا
_ مالك يا حبيبة جدك خدك احمر اكده ليه
= ها لا ابدا يا چدى عادى تعرفنى انا جمر وبحمر لوحدى عادى
_ انتى جمر فعلا يا بتى كيف امك تمام
= حبيبى يا چدى تعرف لو كنت صغير شوي ومش چدى كنت اتچوزتك والله
_ هههه يا بكاشه انتى يلا على جامعتك
- صباح الخير
_ جاسر يا ولدى تعال صباح الهنا يا زينة شباب العيله
- تسلملى يا چدى
_ فكرتك نسيت انى چدك صحيح ابو مرات عمك بس چدك بردك
- اكيد يا چدى ربنا يباركلنا فى صحتك
= انا رايحه الچامعه يا چدى عايز حاجه
_ خدى بالك من حالك يا بتى
= متخافش عليا يا چدى انا بمية راجل انا بت فهد
مشيت بسرعه وركبت وروحت الجامعه وقابلت صحابى وحضرنا المحاضرات وخلصنا وقعدنا نظبط المحاضرات وواحنا رايحين نمشى وقفنا شلة زمايل لينا ولاد بس وانا بخاف منهم بس سمعتهم الوح..شه بس طبعا بوضح العكس
_ ازيكم يا بنات كنا عايزين منكم المحاضرات الى فاتت علينا
= انا همشى يابنات السواق وصل
_ هى قمر الجامعه مش حابه تقف معانا اكمنها بنت فهد و احنا على اد حالنا
= اسمع يا اخ انت متتكلمش معايا خالص ولا تچيب سيرة ابويا على لسانك .. مسكنى من ايدى جامد وانا اتصدمت
_ اتكلمى عدل يا بت انتى بدل ما اعدلك
= معرفش ازاى ولا امتى جاسر جه وشال ايده من على ايدى ولقيته بيصرخ
_ انت مين يا حمار انت عارف ديه يبجى ابن مين
- لو كان بن مين ميلمسش ماراتى بيده النچسه دِيه إحمد ربك انى كسرتلك يدك بس مجتلتكش لو شوفتك مرة تانيه بتجرب منيها هجتلك بيدى كلامى مفهوم عاد جبر يلم العفش .. شدنى من ايدى وكان ضاغط عليها قوى وركبنى العربيه بعصبيه فظيعه وركب وساق بسرعه كبيرة وانا بخاف اوى لما العربيه بتسرع كدا
= جاسر انا خايفه اوى هدى السرعه شويه
- ........
= جاسر وحياتى يا جاسر .. بصلى وهدا السرعه لما شافنى منهارة ووقف على جنب
- اعملى حسابك يا بت عمى فرحى عليكى كمان يومين مفهوم وخلى اى كلب بجى يفكر يجرب منيكى
= اتصدمت وزعقت انت عتجول ايه فرحى عليك انت .. ومين جالك انى هوافج
- انا مش باخد رأيك من امتى الحريم ليهم رأى
= من بدرى يا جاسر بيه الحرمه بجى ليها شأنها دلوقت
- جورى معطلعيش شياطينى انتى مكتوبه على اسمى من يوم ما وعيتى على الدِنيا دِيه
= اه دا كان زمان يابن عمى جبل ما تسيبنى خمس سنين من غير ما تسال عنى مرة واحده .. انا بكرهك قولتها وانهارت من العياط لانى كنت اقصد العكس كنت اقصد انى بحبك واوى كمان يا جاسر
- بصيتلها بغضب وشغلت العربيه ومشيت واول ما وصلنا نزلت جريت على حوا وانا نزلت وراها بسرعه واتصدمت من إلى شوفته وهي واقفه متصنمه مكانها والبيت كله مصدوم وبيبصولي باستغراب مستنين تفسير عن الضيقه الغريبه من كل النواحي لينا لحد ما سألت جوري
= مين دي يابابا
- الاستاذ جاسر ياريت يعرفنا دي مين
* جاسر حبيبي .. l miss you so much
يتبع ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
* جاسر حبيبي .. l miss you so much
فضلت أبصلها من شعر رأسها لحد رجلها وانا بسأل دي دخلت البلد ازاى باللبس إلى مش لبساه دا وبصتله هو لقيت على ملامحه صدمه كبيرة بس الصدمة الأكبر كانت لينا كلنا لما قربت منه فجأة بجرأة شديدة وحضنته وهو متخشب مكانه وقتها لقيت دموعي بتنزل تلقائي وهو بعدها عن حضنه بسرعه وسمعنا صوت بابا زي الرعد من الغضب ..
_ ايه المسخرة ديه عاد .. دا تعملوه فى بلاد الخواجات إلى جايين منيها انتوا الاتنين .. مين ديه يا ابن اخويا
- دي .. دي رونزا كانت زميلتي هناك فى الجامعه و...
* وحبيبته وكنا عايشين سوا
شهقه عاليه خرجت مني انا وكلهم كانوا مصدومين وهو واقف مش عارف يقول ايه جريت على اوضتي وسيبتهم
- چوري استني اسمعيني
_ اياك تقرب منيها تاني
- عمي اسمعني دا انا تربيتكم
_ واضح أننا معرفناش نربي .. رحب بضيفتك وعرفها كيف عوايدنا وتغير خلجاتها العفشه ديه ياتمشي
كلهم سابوني ومشيوا بنظرات اللوم والخذلان من عملتي بصيت ناحية رونزا لقتها بتبصلي ببراءة خبيثه انا عارفها كويس اوى روحت عندها بغضب الدنيا وشديتها من أيدها على اوضتي ..
* جاسر .. جاسر فى ايه .. ?What happened
- ايه إلى جابك هنا ها .. اتكلمنا هناك وموضوعنا انتهى وقولتلك اني هنزل مصر ومش هرجع تاني .. ايه إلى يجيبك ورايا الصعيد .. فاكرة كدا هتحطيني قدام الأمر الواقع تبقي بتحلمي فاهمه .. أنا بحب چوري وعمري ما حبيت ولا هحب غيرها وهتجوزها وعمر ما هتكون فى ست فى حياتي غيرها
* أنا بحبك ياجاسر .. ليه بتعمل معايا كدا
- لاني مبحبش غير جوري وانا موعدتكيش بحاجه
* عارفه بس انا احلى منها وبحبك وعايشه فى امريكا ومعايا الجنسيه وهتعيش معايا بدل العيشه فى البلد المتخلفة دي
مسكها من شعرها فجأة وهي صوتت وبقت تحاول تفك نفسها منه
- اياكي تجيبي سيرتها على لسانك مفيش واحده لسه اتخلقت احلى من جوري .. واياكي تجيبي سيرة بلدي احنا مش متخلفين احنا مسلمين موحدين بالله مش كا...فره منحر..فين شبهكم
رماها على الارض بعصبيه وسابها ومشي بغضب
* انا وراك لحد ماتقع ياابن الصعيد و ابتسمت بخبث شديد ..
عند جوري
طلعت على اوضتي ودخلت اترميت على السرير بإنهيار تام مش عارفه ليه يعمل فيا كدا .. دا انا استنيته كل دا معقول بعد دا كله يطلع حبي دا وهم والى فات واحنا صغيرين كان مراهقه .. قلبي حاسه أنه هيوقف من الصدمة والوجع فجأة لقيت إلى بيحسس على شعري
= بابا أنا ...
_ اهدي يا جلب أبوكي والله ما يستاهل ضفرك
= ليه يابابا .. أنا استنيته وفى الاخر يوجعني كدا .. طيب كان يقول إنه شاف حاله مع غيري وكمان فى الحرام ..
- أنا عمري ما عملت حاجه فى الحرام
= انت ايه إلى دخلك اوضتي .. اطلع برا اياك تدخل برجلك النجسه دي
_ اطلع برا ياجاسر
- ياعمي اسمعني ..
_ أسمع ايه .. أسمع انك كنت مرافق واحده وعايش معاها فى الحرام
- اقسم بالله أبدا .. أه كنت عايش بس فى بيت زي اللوكندا
وهي فى اوضتها وانا فى اوضتي ومعانا ناس تانين والله كانت مأجراه لينا واحده كبيرة .. أنا تربيتك ياعمي أكتر كمان من أبويا تفتكر إني ممكن أعمل كدا ..
_ انا حاسس إني معرفكش .. تحلف أن محصلش حاجه بينك وبين البت ديه
- والله ياعمي ابدا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= اطلع برا
- يا جوري والله كان غصب عني ارجوكي حاولي تصدقيني .. ياعمي ارجوك قول حاجه
_ ايه الى جابها وراك
* لاني مراته ياأنكل بقى ينفع اسيب جوزي
- اخرسي بتخرفي تقولي ايه انتي
* أييي اوعي ايدي .. ياعمي ابنكم عشمني بالجواز وهرب دا يرضيكم يا صعايدة
- والله ما حصل اقسم بالله ما حصل .. عمي اوعى تصدقها انا عمري ما حبيت غير جوري والله ومقدرش اخونها بالشكل دا
= اطلعوا برا .. كله برا
_ اطلعوا برا بدل ما اجتلك واجتلها .. واياك تقرب من بتي تاني
- لا ياعمي أنا بحب چوري
_ اخرس اياك تجيب سيرتها على لسانك النجس ديه
- جوري ارجوكي اسمعيني انا والله عمري ما حبيت غيرك
_ كلامك معايا انا .. جولتلك اياك تقرب منيها غور روح
خرج وانا اترميت فى حضن بابا صدمتي ووجعي ملهمش حدود
= استحاله دا جاسر استحاله يكون هو دا يا بابا صح .. هو لسه مرجعش من السفر دا مش هو اطردهم دول كدابين
_ اهدي ياجلب أبوكي اهدي والله ما يستاهل ولا دمعه من دموعك إلى كيف اللؤلؤ ديه .. تعالي ريحي شوي وانسي كل حاجه سمعتيها
سمعت كلامه وروحت ناحيه سريري وانا مسلوبة الإرادة ونمت فعلا الحل اني أهرب بالنوم يمكن مصحاش تاني وارتاح من الوجع دا .
خرجوا الاتنين لقوا كارما ( ام جوري) وقفالهم وبتبص البنت بتفحص وهدوء مرعب وقربت شدتها من ايدها وبصت لجاسر
~ اوعاك تجي ورانا
* ايه ده في ايه انت واخداني فين
~ انت تخرسي خالص عايزه ايه
* عايزه ايه في ايه انا جايه اطالب بحقي فى جاسر
~ البوقين اللي انت قلتيهم دول ما يلزمونيش عايزه ايه لو عايزه فلوس قولي
* انا بحب جاسر انا مش عايزه حاجه انا عايزه افضل جنبه بس
~ انتي عايزه ايه من الاخر دي ثالث مره بسالك واخر مره وهسيبك وذنبك على جنبك
* بصتلها بخوف من نبرتها .. انا انا عايزه جاسر
~ ابتسمت كارما بتوعد .. يبقى انتي اللي اخترتي لو عرفت بطريقتي انك كدابه استحملي اللي هيجرالك ... وعلفكرة انا مصدقه جاسر وكلنا عندنا ثقه فى ابننا .. هحاول ابقى طيبه معاكي وهديكي فرصه اسبوع تحاولي تمشي من هنا سليمه بدل ما اتاويكي بيدي
اترعبت رونزا بشده وخرجت كارما من عندها لقيت جاسر واقف قصادها وهو سمع كل الكلام اللي اتقال
- مرات عمي انتي فعلا مصدقاني
~ اه مصدقاك بس ده مش معناه ان انت مش غلطان مش معناه برده ان انت ما كسرتش قلب بنتي بس لان انا اللي مربياك بعد ما امك الله يرحمها توفت فانا عارفه ابني ما يعملش كده وحاول تكون قد ثقتي وفعلا ما تكونش عملت كده
- والله والله يامرات عمي انا عمري ما عملت معاها حاجه انا عمري ما نسيت جوري لحظه احنا كنا مجرد زمايل في السكن وفي الجامعه
~ بس جوري ما تعرفش ده يا جاسر وما اعرفش انت هتقدر تثبت ده ازاي
سابته في حيرته ومشيت وهو فضل مكانه مش عارف يعمل ايه مش عارف يراضيها ازاي ولا يصالحها ازاي مجنونه بتقول ان انا سبتها متعرفش انى بحبها من وهى عيله صغيرة لسه .. طول عمرى وانا بعتبرها مراتى اه غبت عنها خمس سنين بس كنت بخليها تكبر وتعتمد على نفسها وكنت عايزها تحدد مشاعرها يمكن متحبنيش وكنت معتقد كدا من استقبلها ليا البارد بس توترها وكلمة انا بكرهك عرفتنى اد ايه كنت غبى فى بعدى عنها وانها غضبانه وزعلانه منى لكن ريدانى زى ما بريدها كنت حاسس بنار لما شوفت العيل الو...سخ ديه ماسك يدها ومحستش غير وانا بكسرله يده وكنت رايد اجتله بس مكنتش عايزها تخاف منى اناعايز ابقى امانها بس ازاى بعد ما المشؤومه دي جت وبوظت الدنيا اكتر ما هي بايظه اصلا .. جبر يلمك يابعيده .
اليوم خلص بحزنه وجوري لسه محبوسه في اوضتها فاقت ومش عارفه تعمل ايه صحيت وهي بتفكر في حاله جمود شديد وكأن قلبها بقى عليه كتل ثلج فكرت تهرب منهم كلهم وتسافر بس في نفس الوقت بتقول لا لازم تبقى قويه وتبقى قصادهم ولا يهمها اي حاجه وده القرار فعلا اللي خدته قامت ولبست وجهزت وبقت زي القمر كعادتها نزلت لقيتهم كلهم متجمعين على العشا حتى الحيزبونا اللي جات جديد دي اول ما فهد شافها قام راح ناحيتها واخذها في حضنه وبسها من راسها وقربها ناحيه كرسيها اللي جنبه دايما وقعدت بمنتهى الامبالاه والكبرياء وكانت عارفه ان اكيد هي هتستفزها وكانت مستعده
* احنا ما تعرفناش انا رونزا
= و انا جوري اكيد سمعتي اسمي من الصبح كتير
* اه فعلا بس عارفه انتي مش بالحلاوه اللي كان بيوصفها جاسر
* رونزا اخرسي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= لا اصل هو مش بيعرف يوصف ده غير ان الحلاوه مش حلاوه الشكل بس حلاوه الروح والادب والاخلاق والحياء اكيد ما تعرفيش عنهم حاجه
* ليه انا لبست زيكم اهو وبقيت واحده منكم
= انتي عمرك ما هتكوني واحده مننا انتي مجرد ضيفه هنا هتقعدي شويه وهتمشي
* وممكن اقعد على طول مش كده ولا ايه يا كارما هانم
= يعني ايه الكلام ده يا ماما
~ ولا حاجه يا حبيبتي سيبي اللي بيخرف يخرف
_ رايحه فين ياحبيبتي
= شبعت معانا ناس تسد النفس هقعد شويه فى الجنينة يابابا
_ ماشي ياحبيبتي
خرجت وسيبتهم وقعدت عند الشجرة الى شهدت على حب بابا وماما
" ليتهم ما عادو ولا جروحنا ولا تمنينا عودتهم "
- جوري
= افندم
- ممكن تسمعيني
= ما فيش بيني وبينك كلام اسمعك ليه .. هتقول ايه هتبرر موقفك ازاي .. هتقولي انك قعدت خمس سنين من غير ما تسال عليا ولا مره .. وانا اللي كنت فاكراك اما هترجع هترجع ليا قد ايه كنت عبيطه قد ايه كنت بستنى وهم وانت كنت عايش حياتك هناك
- اقسملك ابدا انا عمري ما نسيتك انا رجعت فعلا ليكي وعلشانك انا يمكن ما سالتش عليكي زي ما انت ما بتقولي بس ده علشان كنت عايزك تعتمدي على نفسك وعايزك تتاكدي ان اللي بينا كان حب مراهقه ولا فعلا حب حقيقي وطلع حقيقي لو مكنش كدا كنت نسيتيه او انا كنت نسيته لكن انا عمري ما نسيتك يا جوري وعمري ما حبيت غيرك حتى رونزا عارفه كده .. ما فيش حد ما حكيتلوش عنك ما فيش حد ما يعرفش ان انا ليا مراتي في مصر وان مستني بس اخلص وهنزل لها وهتجوزها
= خلصت
- انا مش مصدق ان انتي بقيتي كده مش معقول قلبك اتغير من ناحيتي بالشكل دا
= ما بيغير بقلوب الناس الا افعال الناس يا ابن عمي
* تصدقوا انتوا لايقين على بعض قوي
- انتي ايه اللي جابك ورانا هنا .. رونزا لاخر مره بقولك امشي من هنا واحفظي كرامتك فعلا لان انا مش هتجوز الا جوري ما بحبش الا جوري
*جوري انتي بتحبيه وانا بحبه يعني المفروض يبقى الاختيار في ايده
- وانا اخترت جوري يا رونزا
= بس انا ما اخترتكش يا جاسر انا ما باخدش فتات حد
- يعني ايه
= يعني انا ما بحبكش
- انا مش هعاتبك على كلامك ده دلوقتي
سابها ومشي وكانت هتمشي بس وقفت لما كلمتها
* تعرفي انك جبانه
= بت انتي انا عندي الڤولت عالي ابعدي عن وشي احسنلك بدل ما اجيبك من شعرك اللي عامل شبه المكرونه ده
* حقيقي انتي جبانه ازاي تكوني بتحبيه الحب ده كله وما تثقيش فيه وما تحاربيش عشان الحب ده
= انتي مالك انتي وانتي تعرفي حاجه عننا علشان تتكلمي
* الحقيقه انا عارفه كل حاجه فعلا جاسر ما كانش بيبطل كلام عنك .. وصف كل حاجه فيكي .. كان بيحكي عن كل حاجه حصلت ما بينكم لاي حد وكل حد وكأنه بيفكر قلبه وعقله بيكي طول الوقت كأنه خايف لحد منهم ينساكي
= اتوترت جدا من كلامها .. انا ما اعرفش انا واقفه بتكلم معاكي ليه اصلا
* لو بتحبيه دافعي عن حبك لان جاسر يستحق ده
= تقصدي ايه
* اقصد ان احنا الاثنين انا وانتي في حرب مين فينا يفوز بجاسر
= انا مش في منافسه مع حد انا واثقه من مشاعره اتجاهي
* وعلشان كده بتضغطي بكل قوتك على قلبه
= انتي عايزه ايه بالظبط
* عايزه اقولك ان انا مش هسيبه لانك متستحقيهوش
= طب امشي من وشي بقى امشي من وشي احسنلك
* هتعمليلي ايه يعني ما تقدريش تعملي حاجه انتي مجرد واحده جبانه مش قادره اتدافع عن حبها
= انا هوريكي الجبانه دي هتعمل فيكي ايه من ساعة ما جيتي وانا نفسي اعمل كده
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
شمرت كمامها وقربت منها فجاه وجابتها من شعرها وبقى سريخها واصل لكل اللي في القصر وخرجوا كلهم على صوتهم وصويت رونزا جري عليهم فهد وجاسر فهد شال جوري من فوقيها وجاسر قوم رونزا وبص لجوري بغضب
- انتي ايه الى عملتيه دا
= انا اعمل الى انا عيزاه وخدها من وشي بدل ما اكمل عليها .. واخدها فوق بعيد عنها لانه عارف جنانها كويس
_ وبعدين يا جوري كده ما ينفعش
= يا بابا دي تستاهل اكتر من كدا وما خدتش اكتر من اللي تستحقه يعني لسه عايشه يعني
_ عامله زي امك متهوره
= انا مش في هدوء اعصابك مش عارفه انت هادي كده ازاي
_ يمكن لان انا حاسس ان جاسر موعدش البت دي بحاجه ولا حتى عمره قرب منها
= مش عارفه انا مش حاسه بكده
_ لان انتي غيرتك وغضبك عامينك وده غصب عنك
= يمكن يا بابا يمكن بس انا هوريها ان ما اكونش اطفشها من هنا ما بقاش انا جوري
_ هتعملي ايه يا مجنونه يا صغيره
= هتشوف هتشوف يا بابا
ثاني يوم كانت خلاص رونزا خدت اوضه ليها وكانت خلاص بتجهز علشان هتنزل الفطار تحت .. مواجهه جديده ويوم جديد بينها وبين جوري ونزلت فعلا بس كله تفاجئ ان جوري هي اللي بتحضر السفره حتى فهد ومفهمش هي بتعمل كده ليه ولا ايه السبب واول ما قعدوا بداوا ياكلوا عرضت الفول المصري على رونزا وهي عمرها ما اكلته ووافقت فعلا واكلته وطعمه عجبها قوي واكل منه كمان جاسر لانه بيحبه جدا وبقت هي كاتمه ضحكتها بالعافيه عليه لان ما كانش في حساب جوري ان جاسر هياكل منه ولكن اتبسطت اهو انتقام خفيف ولذيذ وقبل ما يكونوا خلصوا اكل بدات بطنهم توجعهم بعد كده الوجع بدا يزيد وكل واحد قام منهم وجري على الحمام وقتها فهد قام مسك ايدها وقال لها
_ عملتي ايه يا مجنونه
= انا عملت حاجه ما انا باكل اهو زيي زيكم
_ بس الطبق ده ما حدش اكل منه الا هو وهي لو اكلت منه دلوقتي هتعملي ايه
= وبعدين بقى يا بابا ما تاكلش منه بقى وخلاص وبعدين دي حاجه خفيفه كده لسه التقيل جاي ورا
_ چوري كده ما ينفعش دي ضيفه عندنا
= واكرام الضيف واجب يا بابا وانا كده بكرمها هروح اجيب لها مايه علشان هي تعبانه يعيني وكده ماشي اقعد بس انت كل يا حاج وسيبني انا اتصرف معاها
بص عليها فهد بقلة حيلة وبص على عمه وكارما لقاهم بيضحكوا
_ فرحانين بيها ايااك
راحت عند رونزا وفي ايدها كوبايه شاي خبطت عليها
= رونزا ممكن ادخل
* ردت عليها بوجع .. اه ادخلي
= مالك الف سلامه عليكي ايه اللي حصلك
* مش عارفه شكل الفول بتاعكم ده وجعلي بطني قوي
= معلش ممكن تشربي الشاي هيريحك شويه
* غريبه جايباه بنفسك
= انتي ضيفتنا ولازم نكرمك اتفضلي
* اخذت منها الكوبايه وشربت واول ما شربت ما بطلتش صويت وكلهم طلعوا على صوتها وهي بتكح جامد ووشها احمر دم وعدت من جنبهم جوري وكانها ما عملتش اي حاجه وقتها الوحيد اللي جري عليها هو جاسر
- ايه اللي حصل .. ايه اللي حصلك رونزا ايه اللي حصل
بدات تتكلم بصوت متقطع من التعب والوجع اللي في زورها وبقها من الشطه
* الشاي الشاي حطيتلي فيه حاجه مش قادره يا جاسر بُقي فيه نار حاسه اني هموت
وقتها جاب لها ميه وحاول ان هي تهدى شويه وكله سابلهم الاوضه وخرج في منهم اللي متضايق من افعال جوري وهو فهد طبعا وكارما طبعا كانت مبسوطه ببنتها وعماله بتضحك بص لها فهد وقال لها
_ مبسوطه ببنتك
~ يعني بنت كارما بصحيح
_ ماشي يا كرامله انتي وبنتك
بعد ما جاسر اطمن على رونزا ساب الاوضه ونزل بغضب يدور على جوري راح الجنينه وفعلا لقاها موجوده وقاعده تحت الشجره وهي بتدندن باستمتاع
- مبسوطه باللي انتي بتعمليه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= هو انا عملت حاجه
- جوري متجننيش حطيتي ايه في الفول حتى كمان انا اكل منه عادي عندك
= انت اللي طفس لازم تاكل من طبقها تستحمل اللي يجرالك
- وحطيتلها شطه في الشاي
= والله كنت بفكر اشربها جنزبيل وقلت ابقى رحيمه بيها بس ما عرفتش الروح الشرير اللي جوايا ما قدرتش تعمل كده بس شفتها وهي بتصوت من الشطه شكلها كان تحفه
- جوري ده اللي هيريحك
بصيت له وهي ساكته ومش عارفه تقول ايه
= لا مش هيريحني بس بتسلى انا حلفت ان انا اطفشها من هنا وانا قد يميني يا ابن عمي
- اعملي ما بدالك يا جوري مش هقولك انت بتعملي ايه
= لاان انت عارف كويس انك مش هتقدر توقفني عن حاجه انا عايزة اعملها انا بنت فهد
- مش لاني مقدرش يابنت عمي لاني بحبك وميهمنيش غيرك
= عارفه وايه يعني مش انت لوحدك الى بتحبني
طلعت المارد الى جواه اول ما قالت كدا ضرب بكل الاخلاق والحدود عرض الحائط وقرب منها ومسكها من دراعها وقربها ليه بعنف
- عيدي الى قولتيه تاني
= سيبني ياجاسر
- اقسم بالله ياجوري لو الهبل دا اتجال تاني لهتشوفي مني وش مش هيعجبك خالص انتي بتاعتي لوحدي مكتوبه على اسمي من يوم ما اتخلقتي يابنت عمي
سرحت فى عيونه ووسامته الى زادت واحشها جدا وهو كمان نسي كل حاجه وبقى يقربلها بقوة تأثيرها عليه سابها عيله رجع لقاها انسه كبيرة انثى متفجرة الانوثه وفجاة ضربته بين رجله جامد وبقى يتلوى من الوجع
- اااه يابنت المجنونة ضيعتي مستقبلي
= احسن تستاهل علشان تتحشم شويه
- طيب لما نتجوز متفكريش فى الاطفال ياختي
= وقح
سابته وجريت وهو وقف عادي بيضحك عليها وعارف انه كدا بدأ يميل قلبها تاني ليه..
يتبع ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
طلعت على اوضتها فضلت تتنطط من الفرحه وقلبها بيدق بقوة من قربه ليها فتحت تليفونها ودخلت على جروب الوتساب اللي فيه شلتها ومتسجل بالعصابه بدات تحكي لهم عملت ايه في العقربه رونزا من مقالب وبداوا يتفقوا على المقالب الجديده وعدى اليوم من غير اي جديد غير انها قاعده معاهم تحت وكانها واحده من العيله استغلت نشغلها معاهم ودخلت اوضتها وحطيت لها حاجه وخرجت بسرعه لحد ما جه وقت النوم وقفت ورا باب اوضتها تضحك بخبث وبعد شويه وقفت تعد ..
= واحد .. اثنين .. ثلاثه
* عااااااا
خرجوا كلهم على صوتها وصرخها وطبعا الوحيد اللي جري عليها هو جاسر
- رونزا في ايه
* الحق الحق يا جاسر سلحفاه انا بكره السلاحف انا بكره الحيوانات كلها
- سلحفاه سلحفاه ايه وبتاعه مين
* والله في سلحفاه جوه ومشيت على رجلي
- يا بنتي ما عندناش سلاحف هنا
~ لا في يا جاسر دي بتاعه جوري
- جوري!!! وايه اللي دخلها هناك
= في ايه يا جماعه ايه الصوت ده كل شويه صوت عالي ما ينفعش كده
* انتي اللي حطيتيها ليا انتي اللي حطيتيها علشان ترعبني
= حطيت لك ايه يا مجنونه انتي انا كلمتك
* السلحفاه بتاعتك ايه اللي جابها عندي الاوضه
= معرفش ما يمكن هي اللي مشيت لوحدها
- بصلها بغيظ وهو بيجز على اسنانه .. جوري
= نعم .. وبعدين فين السلحفاه بتاعتي عملتي فيها ايه
* هتلاقيها عندك جوه هكون عملت فيها ايه يعني ده هي اللي رعبتني
= انتي اللي قلبك خفيف في حد يخاف من سلحفاه تافهه جوي
دخلت جابتها شالتها قدامها وباستها وراحت هي مصرخه وادارت في حضن جاسر كانت كبيره فعلا و ضخمه خدتها على اوضتها بكل برود ولا همها اي حاجه دخل وراها فهد ووقف قصادها
_ وبعدين يا جوري مش كفايه شقاوه كده
= في ايه يا بابا انا عملت حاجه هو انا اللي قلت لسلحفتي تروح عندها
_ جوري السلحفاه ما بتخرجش من الاوضه ابدا من يوم ما انتي جبتيها الا لو انتي اللي خرجتيها بايدك
= يا بابا يعني انا مثلا خرجتها وحطيتها في اوضتها يعني عشان اخوفها لا لا لا لا لا طبعا ما فيش الكلام ده
_ ماشي يا جوري يا بنت كرامله اما اشوف اخرتها معاكي هتعملي فينا ايه تاني
= روح شوف كرامله بس وسيبك مني انا
_ والله ماشي يا شقيه تصبحي على خير
= وانت من اهله يا فهدي
حاطت السلحفاه في مكانها ونامت على السرير بتفكر في اليوم الثاني هتعمل فيه ايه .. ثاني يوم صحيوا على دوشه كبيره في الجنينه لقوا رونزا بتعمل تمارين الصباح مع صوت مزيكا عالي فهد راح عند جاسر
_ قوم يا زفت انت شوف الداهيه اللي جات لنا بسببك
- في ايه يا عمي بقى على الصبح انا تعبت
_ قوم شوف المسخره اللي في الجنينه للهانم عاملاها
قام اتنفض من مكانه وبص عليها من شباك اوضته وعينه مبرقه وغضبه وصل لحده وجوري بصت من بلكونه بتاعت اوضتها لقيتها بالمنظر دا اه لابسه هدومها كلها ولكن اللي هي لابساها كانها مش لابساه لانه مفصل كل تفاصيل جسمها بس بعد كده ضحكت بخبث ولقت انها فكره للمقلب الجديد وجريت جابت دوايه حبر وغرقتها في فوطه ولبسة الاسدال بتاعها بسرعه ونزلت عندها خرجت لها وهي بتسقف وبتشجعها وبتقول لها
= برافو ايه ده عرقتي جامد اوي خدي امسحي عرقك
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
اخذت منها الفوطه وهي مش مركزه من كتر ما بتنهج ومسحت بيها وشها حست ان في حاجه غريبه وهنا كانت جريت جوري وطلعت فوق وهي بتضحك بعلو صوتها حاطت ايدها على وشها لقت حبر ازرق فضلت تصوت ووقتها نزل جاسر وطفى المزيكا وقرب منها ايه اللي عمل في وشك كده
* المجنونه بنت عمك
- قلت لك اياكي تشتميها وهي هتعمل فيكي كده ازاي اصلا وانا ما شفتهاش وايه المسخره اللي انت عاملاها دي
* والله هي اللي عملت فيا كده جابت لي فوطه وانا ماكنتش اعرف ان هي فيها حبر
- طب اطلعي وكفايه بقى مسخره لحد كده ويا ريت تمشي من هنا بقى يا رونزا
* امشي بعد كل اللي عملته فيا ده مستحيل انا هوريك واوريها
- كان يوم اسود يوم ما شفتك يا بعيده
طلع جري عند جوري وفتح الباب من غير ما يستاذن انت اتجننت ازاي تدخل عليا كده انت مش هتبطلي حركاتك دي وتعقلي بقى شويه بطلي الهبل اللي انت بتعمليه ده
= ملكش دعوه بيا انا اعمل اللي انا عايزاه قلتلك
- جوري انا لحد دلوقتي سايبك تدلعي
قربت منه بدلع وجراءه غير معهوده عليها وقالت له
= طب سيبني بقى ادلع براحتي
- جوري انتي بتقربي ليه
= ايه مالك خايف ليه
- انا لو خايف خايف عليكي انتي متتخيليش انتي وحشاني ازاي فإبعدي عني احسن
= انت اصلا ما تقدرش تعملي حاجه
- لحد دلوقتي اه لكن اوعدك اول ما تبقي على ذمتي هعمل وهعمل كتير جوي كمان
= بكره هنشوف اطلع بره بقى
- انتي بتطرديني يا جوري
= ايوه
- ماشي يا بنت عمي لما نشوف اخرتها معاكي
= اخرتها طين عليك يا حبيب
كانت مبسوطه وفرحانه فطلعت البوم الصور بتاعهم القديم وقعدت تتفرج عليه بعد كده جالها تليفون دخلت البرنده عندها وبعد ما خلصت تليفونها دخلت لقيتها قاعده على سريرها بتقلب فى البوم صور بمنتهى البرود والاستفزاز دخلت ووقفت فى نص الاوضه ورعت ايدي مستنيه تفسير للهبل دا
* تعرفي انك كنتي احلى وانتي صغيرة
= انتي ايه الى دخلك هنا .. ايه لسه محرمتيش
* تعرفي ان حركاتك كلها تافهه في اني اطفش من هنا
= سيبي الالبوم اللي في ايدك واطلعي بره لان انا مش فاضيالك
* طيب بما انك كنتي بتتفرجي على الصور انا كمان معايا صور حلوه جدا ممكن افرجك عليها .. ايه رايك
= انتي عايزه ايه بالظبط
قربت منها وشوشتها في ودنها عايزه اوريكي جاسر وهو في حضني جوري بصدمه و رونزا طلعت التليفون وفرجت جوري على الصور جوري خدت منها التليفون وخرجت بمنتهى الغضب وراحت على اوضه جاسر فتحت الباب من غير ما تستاذن اتصدم من شكلها وهيئتها
- جوري انتي كويسه انا جيتلك وهسالك ولاخر مره هحاول اثق فيك انت اللي في الصور دي
برق بصدمه وواقف مش عارف يقول ايه
= جاسر رد عليا انت اللي في الصور دي
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- انا هفهمك
= مش عايزه افهم حاجه ردك عليا يكون اه او لا
- انتي لازم تسمعيني
= قلتلك مش هسمع حاجه اه ولا لا يا جاسر
- ايوا بس انتي لازم تسمعيني
= اوعى ايدك من عليا بدل ما اقطعهالك
رميت التليفون في وشه وخرجت جري وهو خرج وراها جري بس وقفوا صوت حد
° جسور واحشني
- ازيك ياممدوح عامل ايه
° ايه المقابله البارده دي يا جدع انت
- بس لحسن اختك مجنناني
° هي فين صحيح المجنونه دي
- تعال احكيلك اخر تطورات وانت لازم تساعدني
° طيب اهدى بس ايه تعال نقعد ونتكلم
حكاله كل حاجه من اول رجوعه وتغير جوري الشديد ورونزا وعمايلها
° ياه كل ده حصل ايه يا ابني كل ده
- والله انا تعبت يا ممدوح تعبت بجد خلاص
° اهدى اهدى انا هدخل اتكلم مع جوري وهشوف الدنيا يحصل فيها ايه ماشي
سابه فعلا وقام وراح عند جوري
= مين
° انا ينفع ادخل
= ممدوح
° يا قلب ممدوح .. ايه حبيبه اخوها عماله تعيط
= ممدوح انا عايزه امشي من هنا انا مش قادره اقعد معاه من ساعه ما جه
° طب اقعدي بس ونتكلم بالعقل
= لو قعدت تدافع عنه زي ما طول الوقت وانت بتدافع مش هتكلم معاك
° طب اقعدي بس احنا عايزين نتكلم بالعقل اركيني القلب على جنب دلوقتي هو وراني الصور
= ما تفكرنيش
° طب بس اهدي انت شفتي في الصور جاسر وهو مثلا مبسوط او مستمتع مع البنت دي
= مليش دعوه
° لا ليكي ما ممكن تكون الصور دي هو جاسر فعلا بس متخدر حتى هو باين ان مش هو اللي بيحضنها بايده انت تفتكري ان جاسر ممكن يعمل كده
= مش عارفه .. ممدوح انا حاسه اني مبقتش عارفاه
° لان غيرتك متحكمه فيكي فكري بالعقل هتلاقي ان هو مظلوم
= يمكن
° بس قولي لي الصاروخ اللي هو كان معاه في الصوره فين
= نعم هي دي صاروخ
° نعم الله عليك ايه هنكذب بقى على بعض صاروخ ولا مش صاروخ
= صاروخ بصراحه
° فينها بقى
= تلاقيها قاعده في اوضتها ولا في الجنينه
° اقعدي راجعي حساباتك وانا اروح اشوف حالي يمكن اريحك منها خالص
= ده انا ممكن اقطع علاقتي بيك لو فكرت ترتبط بيها
°متبقيش قطاعت ارزاق ماشي
= اشبع بيها يا اخويا ذوقك زي الزفت
° انا بحب الزفت يا ستي يلا اروح اشوف حالي بقى
ممدوح يبقى ابن صاحبة عمر ماما والاتنين كانوا حامل مع بعض فى نفس الوقت ومامة ممدوح ماتت وهي بتولده ومن ساعة ما اتولد وهو عايش معانا انا وماما وبقى اخويا فى الرضاعه وبعد ما كبر سافر مع بباه يكمل دراسته ورجع وفتح شركه مقاولات كبيرة وعايش معانا فى الصعيد وبباه عايش برا يعني بباه بيدير شغل برا وهو بيدير شغل جوا .. نزل تحت على الجنينه لقاها فعلا تحت قرب ناحيتها
° انتي مين وبتعملي ايه في بيتنا
* انت اللي مين انا هنا من بدري مشفتكش قبل كده
° مكنتش اعرف ان القمر جه لو كنت اعرف كنت حضرت
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
* نعم عايز ايه
° انتي اللي عايزه ايه
* يعني ايه مش فاهمه
° عايزه ايه من جاسر
* عايزه جاسر نفسه
° جريئه اوي انتي
* انت مين
° ملكيش دعوه انا مين كل اللي انا عايز اقولهلك ابعدي عن جاسر جاسر عمره ما شاف ولا هيشوف ولا هيحب الا جوري
* ده كلام دلوقتي تقريبا انتهى الموضوع
° اه بالصور المفبركه
* الصور دي مش مفبركه
° انا عارف بس فيها جاسر كان متخدر
ابتدت تتوتر ان حد كشفها
° انا عايز اقولك كلمتين انتي ازاي عندك كرامه ان انتي تجري ورا واحد بيقولك انا مبحبكيش
* وانت مالك ملكش دعوه انت مين انت اصلا عشان تتكلم معايا كده
° مسكها من ذراعها جامد صوتك ده ما يعلاش عليا احفظي كرامتك وامشي من هنا يا بنت الناس لانك لو مسكتي نجوم السما مش هتفوزي بجاسر برده
* اوعى ايدك انت اتجننت انت هتعمل عليا راجل
ضربها بالقلم ومسكها من شعرها جامد
° انا راجل غصب عنك وعن اي حد في الدنيا دي انا هديكي فرصه يومين وهرجع هنا لو لقيتك تاني هدفنك حيه وعلى فكره انتي بضاعه رخيصه استحاله جاسر هيبصلك لكن جوري طول عمرها شبه اللؤلؤ في قلب المحار بتاعها وجاسر هو المحار بتاعها عمرهم ما يتفارقوا عن بعض
زقها على الارض وسابها ومشي في قمه غضب وهي ضمة رجلها على حضنها وقعدت تعيط فضلت تفكر في كلامه لقيت فعلا ان عنده حق هي ليه بتجري ورا جاسر يمكن لانه اول واحد ما يطمعش فيها يمكن لانه اول واحد تشوفه راجل فعلا بس كفايه لحد كده كفايه اهانه ليها و لكرامتها طلعت اوضتها وجهزت حاجتها وخرجت خبطت على جوري جوري اول ما شافتها ما خدتش بالها من الشنطه
= نعم عايزه ايه
* ممكن اتكلم معاكي شويه
= هتقولي ايه اكتر من اللي قلتيه
* هقولك كلمتين وهمشي
وقتها بصت لها باستغراب وقتها شافت فعلا الشنطه حاولت تهدي نفسها وقالت لها
= ادخلي
* انا اسفه انا كنت براهن على لعبه خسرانه من اولها لاخرها اعترف اني كنت جايه هنا وانا عارفه ان هو بيحبك وجايه عشان افرقكم او اخطفه منك انا كنت غلطانه بس لانه اول راجل اشوفه بشهامته وجدعنته طمعت فيه .. سامحيه وسامحيني هو معملش حاجة هو عالطول كان بيتكلم عليكي وبيحبك .. انا مسافرة ومش هتشوفي وشي تاني .. اه صحيح فى واحد قابلته هو الى فوقني اشكريه ارجوكي وقوليله اني مش رخيصه واسفه على كل حاجه
= رونزا ..
* متقوليش حاجه ياجوري ربنا يسعدكم .. بعد اذنك
وفعلا خرجت وسافرت بس كان قلبها خده ممدوح معاه جوري كلمت ممدوح وحكتله الى حصل وهو قرر انه هسافر ليها فى اقرب فرصه قصة حب لسه بتبدا .. ووقتها جاسر مستناش وطلب ايد جوري من فهد وفهد راح يتكلم معاها .
_ حبيبة جلب ابوها بتعمل ايه
= بذاكر يا بابا
_ مالك يا جلب بابا مين مزعل بتى الجمر وانا اجطع خبره
كانت زعلانه انه مكلمهاش من يوم رونزا ما مشيت
= مفيش حاجه يا بابا ... حضرتك كنت عايزنى فى حاجه
_ إيوه يا جلب ابوكى والله وكبرتى يا جورى وجه بن عمك وهياخدك منى
= ايه الى بتقوله دا يا بابا
_ جاسر طلب يدك وانى موافج عليه
= بس يا بابا
_ مفيهش بس بن عمك طلع مظلوم و هيحافظ عليكى وغير كدا بيحبك يابتى
= عرفت منين يا بابا
_ لانه بيشبهنى يا بتى زى ما انا بحب امك ودايب فيها هو كومان بيحبك جوى ومجنناه يابت كرمله الل مجننانى
= اتكسفت بس ضحكت وحضنت بابا لانى كنت فرحاجه اوى
_ بعد اسبوع فرحكم
= بس يا بابا الجامعه
_ عادى هتكملى علامك ودامعتك عادى يلا يا عروسه جهزى حالك مع أمك
= اول ما بابا خرج فضلت اتنطط على السرير وكنت هطير من السعاده اه زعلانه منه بس بحبه عمرى ما عرفت ازعل منه خالص فجاة سمعت حاجه بتخبط فى ازاز البلكونه خرجت برا لقيته جاسر واقف تحت البلكونه
= خير يابن عمى
- انا جوزك من اهنيه ورايح
= لسه مش يمكن موافجش
- دا انا اجطع خبرك يوم ما اسمك يتكتب على اسم راجل غيرى لسه متخلجش الى ياخدك منى يا جوريتى
= لسه فاكر يا جاسر
- انا عمرى ما نسيت يا بت عمى جلبى ديه مكتوب بأسمك.... من يوم ما وعيتى على الدنيا وانتى مكتوبه على اسمى ياجوريتى
= اتكسفت ووشى احمر اوى ومعرفتش ارد
- معادنا بعد اسبوع يا جوريتى
= دخلت وانا قلبى هيقف معقوله بيحبنى ولسه فاكرنى ومحبش غيرى يااااه يا جاسر اد ايه كنت واحشنى يابن عمى
غيابك مُثير للمتَاعب
غيابك يُبعثر الرّوح
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
عدت الايام وجاسر مختفى لدرجة انى كنت بفكر الغى الفرح اه هو اسبوع بس كتير بنى ادم رخم ميعرفش انه واحشنى وجه يوم الفرح صحيت على فونى بيرن برقم غريب
= الووو
- صباح الجورى يا اجمل وردة جورى فى حياتى
= جاسر
- عيون جاسر
= جاسر
- قلب جاسر وروحه وحياته
= انا مخصماك
- هصالحك يا نور عين جاسر ... يلا يا عروستى فوقي وافطرى يلا علشان تجهزى انا جربت اتجنن
= اتكسفت اوى ... حاضر
- ياما نفسى فى حاجات كتير بس الليل مش بعيد وتكونى ماراتى جدام الدنيا كلها
= انا انا هقفل سلام
قومت وجهزت ولبست فستانى الابيض الرقيق وحطيت مكياج رقيق وسيبت شعرى لان طبعا الرجاله لوحديهم والستات لوحديهم وكنت متوترة وخايفه ومرعوبه اوى بقى انا خلاص هتجوز جاسر معقوله ياربى حاسه انى هنصهر من الكسوف وكله عمال يغنى ويرقص وكتبنا الكتاب وكله زغرط وهيصنا وجه الوقت الى جاسر هيدخلى كل ست اتغطت الا انا غمضت عينى لانى كنت مكسوفه انه هيشفنى كدا ... حسيت بلمسة ايده الدافيه لايدى الساقعه
- اول ما دخلت خطفتنى كان جمالها يخطف الانفاس فعلا سبحان الله فى جمالها .... مبروك عليا انتى يا جوريتى
= فتحت عينى وبصتله ... الله يبارك فيك يا بن عمى
- زى الجمر يابت عمى اجمل جورى فى الدنيا كلها اول مرة اشوف شعرك من زمن جننتى قلبى وعقلى
= جاسر الناس حوالينا
- ملياش صالح بحد أنى ... انا وماراتى احرار
= جاسر وبعدين معاك
- وبعدين معاكى انتى يا بت عمى تعبتى جاسر
= جاسر بس بقى كفايه
- معاكى حج
= عااااا جاسر نزلنى يا جاسر ... بابا والله هو الى شالنى يا بابا
_ سيب بتى يا واد انت
- دى ماراتى يا عمى اسيبها كيف يعنى ... مرات عمى خلى عمى يهملنى براحتنا انا وماراتى
~ سيبهم يا فهدى مش حاسس ان المشهد بيتكرر
_ احنا مفيش مننا اتنين يا كرملتى
~ بحبك يا فهدى .... شدنى لحضنه
_ وانا بحبك جوى يا جلب فهدك
نروح بقى للعرسان الل هربوا
= دخلنا اقرب اوضه لوحدينا وقفلها ونزلنى بس كنت لسه فى حضنه
- جوريتى بصيلى
= بصتله وفضلت ساكته
- تعرفى كنت بتمنى الحظه دى من امتى
= تعرف انت انى كنت فاكره انك نسيتنى خالص
- انا انساكى يا جورى مجدرش يا بت عمى دا انا كنت بعد الايام والليالى علشان اخلص دراستى واجيلك يا بت عمى
= بجد يا جاسر يعنى انت عمرك ما نسيتنى ولا حبيت غيرى
- ابدا يا جلب جاسر .. جلبى متحرم عليه اى ست لان صاحبته واحده بس هو انتى يا جوريتى
= بحبك يا جاسر بحب... قبل ما اكمل شدنى وحضنى جامد
- وانا بعشجك يابت عمى
= جاسر كلامك كله قلب صعيدى
- لان عارفك بتحبى اللهجه الصعيدى ولا الصعيدى بجى وحش دلوقيت
= هو فى احلى من الصعيدى دا يابختها الى صعيدى يحبها ...عااااا
- انا بجول كفايه كلام وتضيع وجت ورانا شهر عسل
= بجد هنروح فين
- خليها مفاجاة بجى وشوفى الصعيدى هيفرحك كيف
= كفايه انك جنبى يا جاسر علشان اكون فرحانه
- هتجننينى يابت عمى خفى دلع امال ارفقى بجلبى الى بينبض بأسمك
= بحبك طيب اعمل ايه
- وانا عشجانك يا جوريتى
"أنت غصني الأخضر غصني الذي أتباهى به أمام جفاف هذا العالم"