طلقني يا خالد امك اخدت مفتاح البيت انام في الشارع انا مش عارفه اخد راحتي في بيت جوزي..

يا زهرة دي امي م قادر اقولها حاجة؟؟

انت اتغيرت اوي وانا استحملت كتير فوق طاقتي وفي مرات كتير كنت بروح عند اهلي بحجج ملهاش لازمة.

خالد :ما خلاص يا زهره اي يعني اعتبريها امك.

زهره بغضب:امي متعملش كده هي لو اختك انت ترضي حماتها تعمل كده حرام عليكم .

خالد:بصي اولا صوتك ميعلاش ثانيا انا مستحملك بالعافيه مش كفايه انك مش بتخلفي.

زهره بكسر*ه:بتعايرني يا خالد اني مش بخلف وبعدين احنا روحنا لدكتور وقال شوية وقت.

خالد بعصبيه:وقت اي يا ام وقت ده بقالنا خمس سنين وتقولي وقت زهره انا مش هستحمل اكتر .

زهره:قصدك اي يا خالد 

خالد:قصدي يا بنت الناس أن كل واحد يروح لحاله انا نفسي اكون اب انا اخواتي عندهم اولاد وانا معنديش وانتي مش بتخلفي 

زهره:طب يا خالد انا ذنبي اي ده مش في أيدي ده ربنا ال بيرزق مش احنا وبعدين هانت عليك العشره خمس سنين هانوا عليك ده احنا اتجوزنا عن حب 

خالد ببرود: وانا  مبقتش احبك .

زهره بصدمه:مبتحبنيش ازاي يعني كل ده عشان الخلفه.

خالد:ومش كده وبس عشان انتي بقيتي مهمله في نفسك وفي البيت انا كل يوم ارجع الاقي البيت مكركب ومفيش اكل وهدومي مش بتكوي وحاجه قر*ف .

زهره: حاجه قر*ف انت عارف لما بكون تعبا*نه مش بقدر اعمل حاجه والبيت انا بعمله بس ساعات بكون تعبا*نه وهدومك ال بتقول عليها انت ال قولت متكويش انا هاخدهم  عند المكوجي والأكل انت اصلا مش بتاكله يبقي مهمله في اي ولا بتاكل بس من ايد بنت عمك ال لازقه عندنا ليل نهار وانت ما بتصدق تيجي عشان تقعد معاها ولما نطلع تقولي تعبا*ن مش قادر اقعد ولما اقولك نخرج تقولي مش فاضي اما هي لما قالتلك عاوزه اخرج يا خالد جريت عشان تخرجها يبقي مين ال مش مستحمل.

خالد :انا ال مش مستحملك يا زهره كفايه وامشي بق وورقة طلاق هتوصلك لحد البيت أما لو عاوز ترجعي معايا وتكوني ضره تانيه ماش .

زهره بسخريه:ضره تانيه ههه قول كده بق انك عاوز تجوز بنت عمك ال باعتك وراحت لغيرك ورجعت عشان معاك فلوس .

خالد:لا هي رجعت عشان بتحبني قولتي اي ترجعي معايا  ولا ترجعي لشوراع تاني اصل يا حببتي بيت ابوكي مش هيستحملك وانتي عارفه مرات ابوكي مش هتسيبك ثانيه في البيت وابنها هيحاول يعتد*ي عليكي .

زهره بق*رف:انا اهون عليا الشارع ولا اني اعيش مع واحد زيك اتفووو عليك.(قالت كده ومشيت. وخالد كمان روح بيته.)

______

تعريف الشخصيات.

(خالد المحمدي شاب وسيم عيونه سوده شعره اسود بشرته قمحيه طويل عنده ٢٩سنه عنده شركه نسيج وهي أكبر شركات نسيج في مصر).

(زهره المحمدي فتاه جميله عيونها عسلي بشرتها بيضاء طولها متوسط عندها٢٤سنه تكون بنت عم خال ابوها وامها اتوفوا)

(زين الاسيوطي شاب وسيم عيونه رصاصي طويل و طابعه حاد عنده٣٠سنه ظابط شرطه )

_______

عند زهره كانت ماشيه بتع*يط وهي مش عارفه هتروح فين راحت قعدة علي الرصيف وقالت لنفسها: اعمل اي دلوقت بعد مو*ت بابا اتبهدلت اوي ياريتك موجود يابابا وخالد اتخلي عني بمجرد رجوع بنت عمه ولو روحت البيت مرات ابويا ابنها هيعتد*ي عليا .

(فاجاءه قبل ما تكمل جالها صوت من وراها.

الشخص:انا اقدر اساعدك بس بشرط.

زهره بستغراب:انت مين.

الشخص:انا زين الاسيوطي .

زهره :طيب اعمل اي يعني اتفضل روح يا عم زي ما جيت.

زين:عم يا خربيت كده المهم عندي شرط مقابل بيت وكل حاجه تحتاجها.

زهره بعصبية:هو انت مفكرني من  البنات الشمال دول لا يا بابا فوق كده.

زين :سيبك من كل ده واسمعي.

زهره :افندم انجز.

زين :.......

زهره بصدمه:اي

يتبع.......