رواية عشق لا يتزعزع من الفصل الاول للاخير بقلم نشوه عادل

رواية عشق لا يتزعزع من الفصل الاول للاخير بقلم نشوه عادل

رواية عشق لا يتزعزع من الفصل الاول للاخير هى رواية من كتابة نشوه عادل رواية عشق لا يتزعزع من الفصل الاول للاخير صدر لاول مرة على موقع التواصل الاجتماعى فيسبوك رواية عشق لا يتزعزع من الفصل الاول للاخير حقق تفاعل كبير على الفيسبوك لذلك سنعرض لكم رواية عشق لا يتزعزع من الفصل الاول للاخير

رواية عشق لا يتزعزع من الفصل الاول للاخير بقلم نشوه عادل

رواية عشق لا يتزعزع من الفصل الاول للاخير

-خير يا خالتو طلبتى تقابلينى ليه فى حاجة؟!
+ تعالى معايا يا جهاد ع الاوضة نتكلم عشان فريدة متاخدش بالها من كلامنا انتى عارفة انها بتفهم لغة الشفايف والموضوع مهم 
دخلت جهاد مع حماتها وخالتها ع الاوضة وقالت: نعم 
+ بصى بقا من غير ما تعلى صوتك افهمى الكلام اللى هقوله ده كويس انا عايزة أحمد يتجوز من البت بنت عمه
جهاد بغضب: نععععععم انتى بتقولى ايه انتى عاوزانى اخلى جوزى يتجوز بنت عمه عاوزة تخربى عليا امال لو مكنتيش خالتى اخت امى وعارفة ان انا وابنك متجوزين عن حب كنتى عملتى ايه؟!
+ يا غبية افهمى دى حتة عيلة عندها ١٩ سنة 
جهاد: ١٩ سنة وعيلة حضرتك من سنها واصغر منها كمان بيتجوزوا ويخلفوا عادى انا مش موافقة
+ افهمى بقا وبطلى تعوصى زى الكلاب البت ابوها مات وسايب ليها فلوس الدنيا والدين ولو اتجوزت اى حد هيكوش ع العز ده كله طب ليه يبقى فى ايدنا ونسيبه لغيرنا يا عبيطة 
جهاد: انا مش فاهمة انتى عاوزة تقولى ايه يا سحر؟!
سحر بضحك خبيث: سحر بقيت سحر كده ماشى افهمى دلوقتى لما احمد يتجوزها هنروح نعيش معاها فى الفيلا ونمشى من الحارة الفقر دى فاهمة يعنى ايه فيلا يعنى خدم وحشم وعربيات ولبس ماركات وطبعا احمد بصفته جوزها وابن عمها هيمسك الشغل وبدل خناقتكم المستمرة بسبب قلة الفلوس والعيشة الصعبة هتلبسى دهب وتتهنى فى العز فهمتى بقا انا عاوزاه يتجوزها ليه
جهاد وقد لمعت عيونها بالطمع اللى طغى ع حبها بعد ما اتخيلت العيشة اللى هتعيشها: ايوة بس احمد مستحيل هيوافق ع حاجة زى دى وانتى عارفة انه بيحبنى ومستحيل يعمل حاجة تضايقنى 
سحر: ده دورك انتى بقا لازم تفكرى فى حاجة تخليه يقتنع انه يتجوزها 
جهاد: لا دى محتاجة تفكير طويل يا خالتى بصى انا هطلع اكمل طبيخ الا صحيح عمى يحيى فين؟
سحر: راح للسنيورة يجيبها تعيش معانا هنا 
جهاد: اللاه طب وليه انتم متروحوش تعيشوا هناك معاها
سحر: لسانى نشف بس بعيد عنك غاوى فقر
جهاد: امممم ماشى هطلع انا سلام 
طلعت جهاد والموضوع ومجرد التفكير انها هتسيب العيشة دى وتروح تعيش فى مكان راقى وفيلا مخليها طايرة من السعادة .... اما عند يحيى وصل ع الفيلا وكانت يقين قاعدة حاضنة صورة ابوها وبتعيط 
يحيى بحب حضنها: كفاية دموع بقا يا حبيبتى 
يقين: بابا مات يا عمو وسابنى لوحدى مش كفاية ماما اللى ماتت وهى بتولدنى هو كمان اتحرم منه طب ليه؟
يحيى: حرام عليكى يا بنتى انتى عارفة متقوليش كده الموت ده الحقيقة اللى مفيش مفر منها وكلنا لينا ميعاد واجل وكلنا هنروح فنسأل الله حسن الخاتمة
يقين: ان شاء الله بس انا مش عارفة ازاى هعيش فى الفيلا دى كلها لوحدى 
يحيى: ما هو ده الموضوع اللى جايلك عشانه عاوزك تلمى هدومك وتيجى تعيشى معايا بشقتى وهيكون ليكى اوضة لوحدك وفريدة واحمد اخواتك وسحر هتكون زى امك
يقين بارتباك: طب ما ينفعش انتم تيجوا تعيشوا هنا احسن
يحيى: هنتفق اتفاق لو مرتاحتيش فى العيشة عندنا اوعدك انى هجيبك تعيشى هنا تانى اتفقنا
يقين: تمام اتفقنا 
قامت يقين جهزت شنطتها وراحت مع عمها ع البيت وطبعا سحر استقبلتها احسن استقبال وكذلك جهاد وفريدة لكن جهاد كانت جواها غيرة لان يقين كانت كأميرات ديزنى فى جمالها حرفيا استأذنت ودخلت اوضتها وفضلت تغيط لحد ما نامت ..... مشى يحيى ع شغله وفريدة دخلت اوضتها 
جهاد: انا عقلى واقف عن التفكير هنقنع احمد ازاى؟
سحر: هو هيرجع من السفر امتى؟!
جهاد: المفروض بكرة بليل 
سحر: طب اسمعى بقا انا عندى خطة هى دى اللى هتقنع احمد يتجوز البت دى غصب عنه وعن ابوه كمان
جهاد: خطة ايه دى؟!
بدأت سحر تقول خطتها وكانت ووووووووووووو............
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- بدأت سحر تقول خطتها : بصى بقا لازم نفهمه انه غلط معاها عشان كده لازم يتجوزها ويصلح غلطته 
جهاد بصدمة: ازاى ده احمد مستحيل يعمل حاجة زى دى ابدا 
سحر: انتى عبيطة ما بنقولك هنمثل عليه ونقنعه انه عمل كده من غير ما يعمل حاجة فعلا 
جهاد: ما انا مش فاهمة طب فهمينى ازاى ؟
سحر: لما يجى اعمليله اى حاجة يشربها وحطيله المنوم ده فيه ينام وانا هعمل للبت كمثل والباقى انا هتصرف فيه 
جهاد : طيب ماشى 
اخدت جهاد المنوم منها وطلعت استنت احمد اللى رجع من السفر وهو فرحان بيها بعد غياب مدة طويلة عنها اخدها فى حضنه بحنان : وحشتينى اوى يا حبيبى 
جهاد بدلع: انت اكتر يا حياتى شكلك جعان مش كده 
احمد: جدا انا حرفيا واقع من الجوع ومرضتش اكل اى حاجة الا لما اوصل عشان اكل من ايد ست الستات
جهاد: حياتى انت روح خد شاور وانا هجهز الاكل حالا عشان عارفاك بتحبه سخن
بالفعل دخل احمد اخد الشاور واكل ومسك ايدها باسها دخلت جابت كوباية عصير فيها منوم وقالت : اتفضل يا قلبى بالهنا والشفا
احمد: ايه الدلع ده كله ده عصير مانجة نقطة ضعفى يا ناس
جهاد بضحك: بالهنا 
اما تحت عند سحر عملت نفس العصير ودخلت ليقين اللى كانت بتذاكر ولابسة برمودا وفاردة شعرها
سحر: اتفضلى يا ست البنات كوباية عصير حلوة لاحلى بنوتة فى الدنيا 
يقين: شكرا لحضرتك يا طنط تاعبة نفسك ليه بس ؟
سحر: تعب ايه بس يا حبيبتى تعبك راحة اشربيه كله بقى عشان انتى مش بتاكلى كويس
يقين: حاضر هخلص مذاكرة واشربه
سحر: لا اشربيه دلوقتى ادامى كله وبعدها كملى مذاكرة براحتك طول الليل 
شربت يقين العصير واعطت الكوباية لسحر اللى خرجت وهى فرحانة ومسكت الفون رنت ع جهاد 
سحر: ها عملتى ايه؟
جهاد: خلاص شربه وبينام خالص 
سحر: طب افتحى الباب انا طالعة ليكى اهو خلينا ننزله قبل ما ابوه يجى 
طلعت سحر لجهاد وبعد مجهود كبير نزله احمد لغرفة يقين وقلع..وهم ملابسهم وجابت سحر ملاية غطتهم بيها ووضعت قطرات من الميكركروم ليبان انه دم وخرجت بسرعة وطلعت جهاد ع شقتها  .... بعد ساعة وصل يحيى ولقى سحر فى نايمة ع الكنبة
يحيى بحنية: سحر ..سحر قومى يا حبيبتى 
سحر بادعاء النوم: حمدالله ع السلامة انت اتأخرت النهاردة كده ليه؟!
يحيى: معليش كان عندى جرد السنة بس ايه نيمك هنا منمتيش فى الاوضة ليه؟
سحر: هو انا اعرف انام ع السرير وانت مش جنبى ولا اطمن الا بحسك فى البيت 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
مسك يحيى ايدها وباسها : يديمك ليا يا ست الستات 
سحر: ويبارك فى عمرك يارب انا هقوم احضرلك العشا عشان تاكل 
يحيى: لا انا شبعان الحمدلله احمد رجع ولا لسه؟
سحر: مش عارفة انا نايمة من بدرى 
يحيى بص فى ساعته: الوقت متأخر يمكن يكون جه وناموا مش هرن عليه عشان مقلقهمش هدخل اطمن ع يقين وبعدين اطمن ع فريدة 
سحر : وماله يا اخويا 
دخل يحيى ع غرفة يقين الاول واتصدم لما شاف المنظر قصاده جرى بسرعة ع احمد ورمى عليه مياه فاق 
احمد بزعر: ايه ده فى ايه يا بابا حد يصحى حد كده 
يحيى بغضب رزعه بالقلم: يا كل..ب يا حقير ايه اللى عملته فى بنت عمك ده ازاى يجيلك قلب تعمل كده معقول انت احمد ابنى مستحيل 
احمد بعدم فهم: انا عملت ايه وبنت عمى مين وايه جابنى هنا اصلا 
يحيى: انت هتستهبل يلا هتنكر عملتك السودا ضيعت مستقبل البنت اعمل ايه ولا هقابل ابوها بأى عين لما اقوله انا مصونتش الامانة 
بص لاحمد ليقين اللى رايحة بالنوم وع نفسه بصدمة انه بشورت فقط : صدقنى يا بابا انا معملتش اى حاجة 
دخلت سحر وادعت الصدمة وفضلت تصرخ فيه وتشتمه .... احمد: يا ناس افهمونى والله ما عملت حاجة انا مظلوم
فاقت يقين ولقت نفسها بدون ملابس والكل واقف بيزعق اتفزعت وغطت نفسها كويس وهى مش فاهمة حاجة قعدت تعيط من خوفها راح ليها يحيى وحضنها 
يحيى بحب: متخافيش يا حبيبتى انا هنا وهاخدلك حقك
يقين: انا مش فاهمة اى حاجة يا عمو هو فى ايه ايه اللى حصل ومين ده؟!
يحيى: اهدى ..اهدى يا بنتى احنا هنقوم نخرج وانتى البسى وحصلينا ع برة يلا 
خرج يحيى وهو بيبص لاحمد بقرف اما احمد فكان حاسس انه فى كابوس وعقله مش فاكر اى حاجة خالص 
سحر: طب والعمل هنعمل ايه دلوقتى؟!
يحيى: لازم تتجوز يقين وتصلح غلطتك
احمد بصدمة: نعم يقين مين دى اللى اتجوزها يا بابا ووووووو............
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-نعم يقين مين دى اللى اتجوزها يا بابا انت ناسى انى متجوز وبحب مراتى
يحيى: دلوقتى افتكرت انك متجوز وبتحب مراتك كان فين عقلك وانت بتعمل عملتك السودا دى ضيعت البنت ومستقبلها ربنا ينتقم منك 
احمد: يا بابا قسما بالله انا مظلوم فيه حاجة غلط
يحيى: المفروض اصدق كلامك واكذب عيونى اللى شافتك ده انت كنت نايم جنبها وشبه عر..يان اسمع هى كلمة واحدة بكرة هجيب المأذون وهتكتب كتابك عليها بمزاجك او غصب عنك انت فاهم 
نزلت جهاد وهى مدعية الصدمة وبتعيط بتمثيل: انا مش مصدقة انك خونتنى يا احمد ليه عملت كده ليه؟!
احمد بحزن: والله العظيم انا معملتش حاجة هما مش مصدقنى ع القليل انتى ثقى فيا 
جهاد: كان نفسى اكذبهم واصدقك ..بس هعمل كده ازاى واكدب عيونى اللى شافتك 
يحيى بصدمة: شوفتيه ازاى؟!
جهاد: بعد العشا احمد قال هينزل يطمن عليكم ويعرفكم انه رجع من السفر لاحظت انه اتأخر ولما رنيت عليه لقيت فونه بالشقة فنزلت لقيت الباب مفتوح وخالتى نايمة وفريدة كمان ولاحظت ان نور اوضة يقين مفتوح دخلت وشوفت المنظر البشع مقدرتش انطق ولا اعمل اى حاجة غير انى امشى 
يحيى: وليه متصلتيش عليا ليه؟! ليه مصوتيش يمكن كنا لحقنا الغلبانة اللى جوة دى!
جهاد: غصب عنى يا عمى افكر ازاى وانا شايفة جوزى وحبيبى بيخونى يعنى 
احمد: لا لا لا كذب كل ده كذب انا معملتش حاجة والله ما عملت اى حاجة تغضب ربنا 
يحيى: كفاية كذب وتمثيل بقا يلا انت واعمل حسابك كتب كتابك ع بنت عمك بكرة 
جهاد بتمثيل: والمأذون اللى يكتب كتابهم يطلقنى منه
احمد: جهاد لا متعمليش كده انتى عارفة انى بحبك بجد والله العظيم انا مخونتكيش والله العظيم انا معرفش ازاى ده حصل صدقينى انا برئ 
كانت يقين واقفة ع باب الاوضة وسامعة كل حاجة قرب عليها يحيى وقال: متخافيش يا بنتى انا هخلى الحيوان ده يصلح غلطته ويتجوزك 
يقين بدموع: ابوس ايدك يا عمو رجعنى الفيلا اناا مش عايزة اقعد هنا دقيقة واحدة ارجوك 
يحيى: حاضر حاضر اللى انتى عاوزاه هعمله بكرة الصبح هنروح ونكتب الكتاب هناك بس ادخلى دلوقتى نامى يالا 
جاء النهار ولم تنم يقين او يغمض لها جفن واخدها يحيى ومعاه سحر وفريدة وجهاد واحمد ع الفيلا كانت جميلة وكبيرة وصل المأذون وكتب الكتاب ...يقين: عن اذنكم البيت بيتكم انا هطلع ارتاح فى اوضتى 
طلعت يقين ودخلت ع اوضتها قفلت ع نفسها ومسكت صورة زفاف ابوها وامها وفضلت تعيط بحرقة : يارتنى كنت انا كمان مت ليه سيبتونى لوحدى فى الدنيا الوحشة دى كنتم اخدتونى معاكم اكرملى من اللى انا فيه 
بسبب الارهاق والعياط نامت من شدة التعب .... بعد مرور ٣ شهور كاملة كان احمد ويحيى تابعوا شغل الشركة وحققوا نجاحات فيه وسحر وجهاد مستمتعين بحيات العز اللى خططوا ليها اما يقين فكانت بتحاول تتعافى من اللى حصل واتصاحبت اوى ع فريدة وحبيتها وفى يوم طلبت يقين من فريدة تروح معاها للدكتور
فريدة بلغة الاشارة اللى بتفهمها يقين كويس: احنا رايحين ع فين؟!
يقين: رايحين عند دكتور كويس اوى اوى ان شاء الله هيساعدك فى موضوع السمع
فريدة كانت قلقانة لكن فرحت ... دخلوا للدكتور وكان شاب فى اواخر العشرينات لما شاف فريدة اعجب بيها بشدة وبعد ما فحصها كويس 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الدكتور ويدعى نبيل: هى مش صماء للدرجة القوية هى تقدر تسمع لكن اصوات عالية جدا ممكن نخليها تمشى ع سماعة فترة وبعد كده نعملها زرع قوقعه
يقين بفرحة: بجد يا دكتور طب نعملها السماعة دى امتى
نبيل: موجودة هنا ديجيتال بس مكلفة شويه 
يقين: مش مهم بس نجربها الاول 
جاب نبيل السماعة واتكلم هو ويقين وسمعتهم فريدة بوضوح فرحت جدا جدا وحضنت يقين وشكرتها ودفعت يقين الفلوس بالفيزا ومشيت 
يقين: مبارك يا روحى 
فريدة بدموع: انا لو عيشت عمرى كله اشكرك وارد جميلك مش هقدر 
يقين: عيب متقوليش كده انتى اختى 
فريدة: تمام يا روحى يلا نروح 
يقين: لا انا هروح ع الشركة عشان فيه ورق مطلوب امضتى عليه تيجى معايا 
فريدة: لا انا هروح عشان ابشر ماما وجهاد 
يقين: خلاص يا روحى ع راحتك 
فريدة: ممكن متقوليش لبابا واحمد عاوزة افاجئهم انا 
يقين: اكيد اللى تحبيه 
مشيت كل واحدة فى طريقها ووصلت يقين ع الشركة وكان احمد ويحيى بانتظارها .... اما فريدة وصلت ع البيت ولقت جهاد وسحر قاعدين فى الحديقة وضهرهم ليها سمعتهم بيتكلموا 
سحر: شوفتى العز يا بت عرفتى ان خطتنا جابت نتيجة 
جهاد: اه يا خالتى لبس ماركات وخروجات وفسح وسفر وحاجة ولا فى الاحلام بس بصراحة انا خايفة اوى 
سحر: خايفة من ايه؟!
جهاد: انتى مش ملاحظة ان احمد اتصاحب ع البت دى وبقى يقعد معاها كتير ويذاكرلها ويوديها ويجيبها واغلب الوقت معاه فى الشركة 
سحر: طب وفيها ايه هو مجرد احساسه بالذنب انه ضيع مستقبلها بيحاول يعوضها
جهاد: ايوة بس انا مرعوبة انه يحبها ويلمسها ويكتشف انها لسه بنت ويعرف ان دى كانت لعبة احنا اللى عملناها عشان نعيش فى العز والنعيم ده 
سحر: طب بطلى هبل انتى عارفة كويس ان احمد عمره ما يعمل كده خصوصاً انه بيعشق التراب اللى بتمشى عليه 
جهاد: كان.... كان يا خالتى من يوم ما جينا هنا واحمد مبقاش زى الاول ع طول فى الشغل واغلب وقته برة وبيقعد مع البت دى اكتر منى 
سحر: بطلى يا بومة وانفضى الافكار دى من دماغك واتمتعى بالعز اللى كنا محرومين منه 
جهاد : ع قولك انا هخرج اجيب لبس جديد 
سحر بضحك: ايوة كده 
ضحكوا الاثنين اما فريدة انصدمت من اللى سمعته ومكنتش قادرة تصدق ان امها وجهاد ممكن يعملوا كده طلعت بسرعة ع اوضتها قبل ما يشوفوها وهى بتفكر تقول لابوها واحمد ولا لا وووووووووو...................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-انصدمت فريدة من اللى سمعته ومكنتش مصدقة ان امها وجهاد ممكن يعملوا حاجة زى دى ومكنتش عارفة تقول لاحمد وابوها ولا لا لكنها قررت انها تقول لاحمد
فى الشركة بعد ما يقين مضت ع الاوراق ...يقين: والله انا مش فاهمة اى حاجة من الورق ده كله 
احمد بمرح: متزعليش بكرة تتخرجى وتفهمى وتقولى يارتنى ما دخلت فى حوارات الشغل دى 
يقين: طب ما اعملك توكيل احسن وانت اتصرف
احمد: لا طبعا هى فلوسى ولا فلوسك
يقين: ايه الكلام الاهبل ده احنا مفيش بينا كده وبعدين انا بثق فيك جدا يا احمد 
حس احمد بوجع من كلامها اد ايه هى طيبة وبريئة حتى بعد اللى عمله فيها بتتعامل كأن مفيش حاجة حصلت سرح شويه وفاق ع طرقعة صابعها: ايه يا ابنى انا بكلمك 
احمد بضحك: ابنك! انا عندى ٢٧ سنة 
يقين: احم ايه الاحراج ده عادى ع فكرة فرق ٨ سنين حلوين برضه مش كتير
احمد: ماشى يا لمضة يلا عشان نروح 
يقين: طب وعمو؟!
احمد: نزل راح الورشة يقعد مع اصحابه شويه 
يقين: ماشى 
ركبوا الاسانسير واثناء نزله فجأة الكهرباء قطعت يقين بخوف مسكت ايد احمد برعب وهى بترتعش وبتاخد نفسها بصعوبة : احمد... احمد خرجنى من هنا ارجوك 
احمد بخوف عليها: اهدى خدى نفسك بانتظام انا معاكى متخافيش
يقين: انا عندى فوبيا من الاماكن المقفولة والضلمة ارجوك خرجنى حاسة بروحى بتتسحب منى 
احمد حضنها جامد وحس ان جسمها بيتقل نده عليها لكن مردتش فجأة النور جه ولقاها اغمى عليها شالها وطلع يجرى بيها ع برة ركبها العربية وحاول يفوقها وفعلا فاقت 
احمد بخوف واضح: يقين انتى كويسة حاسة بايه ؟!
يقين: دايخة بس شويه 
احمد: طيب نروح للدكتور؟!
يقين: لا مش لازم انا كويسة وزى القردة اهو عاوزة بس اروح عشان انام 
نظر لها احمد وفى نفسه: انا مالى كده ملهوف عليكى كده ليه معقول اكون..... لا لا مستحيل انا بحب جهاد وبس 
يقين: اممممم بقيت تسرح كتير مش هنروح ولا ايه ؟
احمد: حالا اهو 
ساق احمد عربيته للفيلا ولما وصل لقاها نايمة شالها ودخلها ع غرفتها وقلعها الطرحة والكوتشى وعدل جسمها ع السرير وغطاها وتلقائى لقى نفسه بيبوس دماغها وخرج لقى فريدة واقفة 
احمد: ايه يا حبيبى واقفة عندك كده ليه؟!
فريدة: احمد عاوزة اتكلم معاك ضرورى
اتصدم احمد لما لقاها بتتكلم عادى مش بالاشارة قالها بفرحة: فريدة انتى بتتكلمى وسمعانى 
فريدة بدموع: اه يا حبيبى والفضل فى ده كله يرجع ليقين 
احمد : يقين! ازاى؟!
فريدة: تعال معايا ع اوضتى وهفهمك ... راح معاها وحكت ليه عن جدعنة يقين معاها ومساعدتها ليها 
احمد: بنت سنها صغير لكن عقليتها وطيبة قلبها سابقة بكتير الا صحيح جهاد وماما فين؟
فريدة: خرجوا معرفش راحوا فين 
احمد: امممم مدام جهاد بقت تخرج ع طول بدون اذنى انا ليا كلام تانى معاها لما ترجع 
فريدة بتوتر: احمد انا ...انا ....كنت يعنى عاوزة ...عاوزة اقولك ع حاجة مهمة بس مش عارفة اقولها ازاى؟
احمد بقلق: فى ايه يا حبيبتى مالك احكى
فريدة: طب اوعدنى انك هتكون هادى وتحكم عقلك ومش هتتعصب الاول
احمد: هو فى ايه يا فريدة ما تنطقى ع طول 
فريدة: والله هقولك بس اوعدنى 
احمد: اوعدك حاضر احكى بقا 
بدأت فريدة تحكى لاحمد اللى سمعته من جهاد وسحر وهو مصدوم تماماً....احمد بغضب: يعنى ايه كل ده كان كذب ومحصلش طب ليه وازاى لييييييييه؟
فجأة كسر الفاظة اللى كانت ع الترابيزة قامت فريدة وقالتله: بالله عليك اهدى انت وعدتنى انك مش هتتعصب 
احمد اخد نفس واستغفر : هما عرفوا انك سمعتيهم؟!
فريدة: لا هما اصلا ميعرفوش انى بقيت بسمع 
احمد: حلو ولا عاوزهم يعرفوا دلوقتى ولا هما ولا بابا سامعة يا فريدة 
فريدة: حاضر طب ويقين؟!
احمد: انا اللى هقولها بس قبل ما اقولها لازم اتأكد من حاجة الاول 
فريدة: حاجة ايه؟!
احمد: هاخدها اكشف عليها عشان اتأكد اذا كانت بنت ولا لا ووووووووووو..............
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-هاخدها اكشف عليها الاول عشان اتأكد اذا كانت بنت ولا لا وبعدها اكيد هقولها بس انا لازم اخليهم يعترفوا بنفسهم ع الجريمة اللى عملوها
فريدة: ازاى؟!
احمد: مش عارف لسه بس الاكيد انى هحتاج لمساعدتك معايا ..المهم هما عرفوا انك سمعتيهم؟
فريدة: لا هما مش شافونى اصلا وكمان لسه ميعرفوش انى بقيت اسمع كويس
احمد: طيب مين غير يقين يعرف؟
فريدة: محدش غيرك انت وهى بس 
احمد: تمام متعرفيش حد انك بقيتى تسمعى خليه سر بينا ده هيساعدنى كتير فى الخطة اللى هعملها
فريدة: ايوة بس يقين مش هتوافق تروح للدكتورة معاك وحتى لو وافقت هيكون ايه اسبابك؟!
احمد: سبيها لله وقتها يكون فيه عندى اجابة مقنعة 
وفى اثناء كلامهم سمع صوت العربية وجهاد وسحر نازلين شايلين شنط كتير وبيضحكوا 
احمد: خليكى انتى هنا وانا هتعامل ومهما حصل اعملى نفسك مش سامعة 
فريدة: ماشى 
خرج احمد ولقاهم طلعين بيضحكوا ومبسوطين ..احمد بغضب: كنتى فين يا مدام لحد دلوقتى الساعة بقت ١ بعد نص الليل 
جهاد: ابدا يا حبيبى كنا بنشترى شوية حاجات
احمد: حاجات ايه اللى لحد بعد نص الليل بتشتريها وازاى اصلا تخرجى من غير اذنى انتى ناسية انك ع ذمة راجل ولا قعدة الفيلا هتنسيكى الاصول 
جهاد: فى ايه يا احمد انت بتزعق كده ليه انا كنت مع خالتى اللى هى امك مكنتش لوحدى وبعدين دى مش اول مرة نخرج ونتأخر 
احمد: بس دى اول مرة تخرجى من غير اذنى ولا اتعملت قبل كده وانا نايم ع ودنى 
سحر : الله جرى ايه يا ابنى انت راجع تقول شكل للبيع ما قالتلك كانت بتشترى حاجات وكانت معايا فيها ايه يعنى
احمد: فيها انها ع ذمتى ولازم اعرف كل حركة بتعملها مش دى الاصول يا امى ولا ايه ؟!
جهاد: خلاص يا حبيبى انا اسفة مش هتكرر تانى اوعدك
احمد وهو بيبص ع الشنط الكتير اللى الخدم من وراهم شايلينها: امممممم وايه ده كله ان شاء الله؟!
جهاد: دول هدوم جديدة وكام جزمة وشنطة 
احمد: وده ليه ان شاء الله من قلة اللى عندك ولا هو مال سايب وخلاص 
جهاد نفخت بضيق: اووووف بقا هو انت عاوز تخترع مشكلة عشان تزعق وخلاص 
احمد: والله لو مش عاجبك روحى لاهلك لكن ده نظامى 
سحر: استهدوا بالله يا ولاد ده شيطان اطلعى يا بنتى ع اوضتكم وانت يا ابنى الله يهديك عدى اليوم بسلام 
طلعت جهاد ع الاوضة من غير كلام ولحقها احمد دخل اخد شاور وخرج نام ع طرف السرير من غير ولا كلمة وجواه بركان نار وميت سؤال ..اما جهاد نزلت دموعها وجواها بتقول: انت اتغيرت اوى يا احمد عمرك ما كنت بعيد عنى اوى كده عمرك ما هونت عليك وخلتنى انام زعلانة ومعيطة معقولة الفلوس غيرتك بالشكل ده هو ده النعيم اللى كنت مفكرة انى هعيش فيه اهو اتحول لجحيم وبقيت بعيد عنى واغلب الوقت مش معايا حتى الكام ساعة اللى بشوفك فيهم يا اما خناق يا ما شغال برضه طب والحل ايه؟!
فضلت تفكر وتعيط لحد ما نامت ....فى اليوم التانى صحى احمد قبلها لقاها نايمة دخل غير هدومه وخرج لقى يقين خارجة 
احمد: ع فين؟!
يقين: عندى كلية تاخدنى بطريقك ولا اخلى السواق يودينى
احمد: لا تعالى معايا هنروح مشوار مهم
يقين: مشوار ايه ده؟ طب والكلية؟!
احمد: مش مهم تروحى النهاردة مجاتش من يوم يعنى والمشوار هتعرفيه لما نوصل 
يقين مكنتش فاهمة حاجة لكن وافقت ركبوا العربية وبعد فترة وصلوا لشارع مليان عيادات خاصة وقف احمد قصاد مجمع طبى كبير وقالها : انزلى 
نزلت وهى بتقوله: احنا جايين هنا ليه انت تعبان ولا ايه؟!
احمد مسك ايدها بحب وثقة وبص فى عيونها: انتى بتثقى فيا ولا لا؟!
يقين وقد احست برعشة تسرى بجسدها : اكيد 
احمد: هفهمك كل حاجة بس بعد الكشف ده اوك 
وافقت يقين وراحت معاه ولما وصل ودخلوا للدكتورة قال احمد: صباح الخير يا دكتورة انا اللى كلمت حضرتك امبارح فى الفون واتفقنا انى اجى النهاردة عشان تكشفى ع بنت عمى
الدكتورة: اه اهلا وسهلا بس زى ما قولتلك انا مش هعمل الكشف الا لما تكون هى موافقة بارادتها 
احمد بص ليقين اللى قالت بثقة: موافقة حضرتك 
دخلت الدكتورة مع يقين كشفت عليها وخرجت وهى مبتسمة: استاذ احمد انسة يقين بنت عمك صاغ سليم وزى الفل الحمدلله 
اتصدمت يقين ع عكس احمد اللى اتأكد من كلام فريدة شكر الدكتورة واخد يقين ونزلوا ...يقين: احمد انا عاوزة افهم الدكتورة كان قصدها ايه ؟!
احمد: يعنى انتى لسه بنوتة وانسة زى ما انتى يا يقين انا ملمستكيش 
يقين بشعور ممزوج بين الفرح والتوتر وعدم الفهم: انا .. انا مش فاهمة حاجة لو انت ملمستنيش امال ازاى كنت بأوضتى وجنبى وكان فيه د..م وليه اتجوزنا ووووووووووو...........
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- انا مش فاهمة حاجة لو انت ملمستنيش امال ازاى كنت بأوضتى وجنبى وكان فيه د..م ع السرير وليه اتجوزنا رد عليا يا احمد !
احمد قرب منها ومسح دموعها واخدها بحضنه: اهدى وانا هفهمك كل حاجة بس الاول بطلى عياط وتعالى نروح اى مكان هادى نقعد فيه وافهمك 
اخدها وراحوا ع كافيه هادى وبدأ يقولها كل حاجة قالتها فريدة ليه وهى مصدومة ...بدموع: طب.. طب ليه يعملوا كده عشان الفلوس والفيلا انا قولت لعمو من الاول تيجوا تعيشوا معانا وهو رفض ليه يعملوا كده وازاى؟
احمد: اولا قولتلك اهدى ثانيا عملوا كده عشان طمعهم غلبت قناعتهم وشيطانهم كان اقوى منهم لكن ازاى ده اللى هيجننى واكيد هعرفوا وهخليهم هما اللى يوقعوا بلسانهم 
يقين: طب ازاى؟!
احمد: هنعمل عليهم فيلم اننا حبينا بعض وكده ونمثل ادامهم التفاهم والحب وقتها هيخافوا لانى اكيد بكده هقربلك اكتر وخصوصا انك مراتى فتوترهم بسبب كده هيوقعهم فى شر اعمالهم ها موافقة تكونى معايا؟!
يقين: طبعا موافقة 
احمد بابتسامة : تمام يلا بينا ع الشركة فيه شوية شغل مهم هناك لازم نخلصه 
يقين: ماشى 
خلص الشغل بليل وكانت يقين حرفيا فاصلة من التعب... يقين: والله حرام كده شغل وكلية كتكوت غير قادر ع مواصلة السعى 
احمد: ههههههه حلوة كتكوت دى بعد كده هقولك يا كتكوتى
يقين: انت رخم اوى ع فكرة يلا روحنى انا هموت وانام 
احمد: حاضر يا سيتى يلا 
وصلوا ع البيت ولقوا سحر وجهاد قاعدين فى الجنينة بس مأخدوش بالهم منهم 
احمد: بقولك ايه هاتى ايدك وعاوزك تضحكى ضحكة تلفت انتباههم 
مسكت يقين ايده وضحكت بصوت عالى وبص البواب عليهم وده ضايق احمد وهمس جنب ودنها: قولتلك تضحكى بس مش بالصوت ده 
يقين: اعمل ايه وبعدين انت ضاغط ع ايدى هتكسرها
احمد بضحك: كان يوم جميل اوى بالرغم من التعب لكن فعلا تعبى كله بيهون معاكى 
يقين كانت باصة بعيونه وحاسة انه مش مجرد كلام فقالت: وانا جنبك بحس بالامان اللى افتقدته من يوم وقاة بابا خليك دايما جنبى يا احمد 
للحظة حس احمد بقلبه بينبض جامد كلماتها اخترقت قلبه مباشرة فابتسم وقال: تصبحى ع خير يا يقينى 
دمعت عيون يقين لما سمعته قال اسمها كده ولقت نفسها بتحضنه : اول مرة حد يقولها ليا غير بابا 
ضمها احمد له بقوة واول مرة يكون حضن متبادل وفيه رغبة من الطرفين ... كانت جهاد وسحر متابعين اللى بيحصل بغل وخوف ...جهاد: الله الله ايه اللى بيحصل ده يا احمد بيه وكمان فى الجنينة ع عينك يا تاجر مش مكسوف من نفسك 
احمد: واتكسف من نفسى ليه عملت حاجة غلط دى بنت عمى ومراتى كمان 
جهاد وهى بتبلع ريقها : مراتك! مراتك اه وده من امتى ان شاءالله احنا دافنينه سوى وعارفين انت اتجوزتها ليه!
احمد: اولا وطى صوتك يا مدام انتى مش فى الحارة بتاعتكم ثانيا انا عارف كويس انا اتجوزتها ليه بس احنا قررنا نتجاوز اللى حصل ونتقبل الواقع
سحر بخوف: يعنى ايه؟! 
احمد: يعنى يقين من النهاردة زيها زى جهاد فى كل الواجبات والحقوق كمان 
جهاد بغيظ راحت ومسكته من ياقة قميصه وبصوت جهورى: الكلام ده ع جثتى يا احمد انت فاهم انت ملكى انا وبس جوزى انا وبس سامع 
احمد نزل ايدها ببرود: كان زمان لكن دلوقتى يقين مراتى ع سنة الله ورسوله شرعا وقانونا وقولا وفعلا
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
جهاد: لا لا مستحيل دى تشاركنى فيك وبعدين هو ايه اللى فعلا دى هى مراتك ع الورق وبس
احمد وهو بيحط ايده بجيبه: ليه ان شاء الله هو مش انا لمستها مرة فى الحرام  فعادى لو كررتها الف مرة وهى حلالى ايه يمنعنى !؟
جهاد: لا انت ملمستهاش. ........ ملمستهاش
احمد: يعنى ايه؟!
سحر بسرعة وهى بتحاول تلم الموقف قبل ما جهاد تقع بلسانها: خلاص يا احمد اهدى يا جهاد مش كده 
جهاد : انتى مش شايفة ابنك وعمايله السودا من يوم ما جينا المخروبة دى وهو بعيد عنى ودلوقتى بيقولك مراتى زيها زيى 
سحر وهى بتغمز ليها: اهدى بس انتى عارفة احمد بيحبك اد ايه وبعدين لو ده قراره اكيد هيعدل بينكم 
كانت جهاد هتتكلم لكن لاحظت نظرات سحر الغاضبة طلعت ع الاوضة من غير كلام 
طلعت يقين ع اوضتها اما احمد راح ع غرفة تانية فاضية ....يحيى جه وكان سامع الصوت العالى لكن ملحقهمش 
يحيى: فى ايه يا سحر مالهم الولاد بيزعقوا ليه؟
سحر: لا ابدا انت عارف جهاد بقت نكدية شويه
يحيى: ليه برضه مش فاهم؟
سحر: عشان احمد مبقاش يهتم بيها ويقعد معاها زى الاول واغلب الوقت مع بنت عمه وفى الشغل 
يحيى: ربنا يهديهم 
سحر :يارب
فى اليوم التالى صحيت يقين وراحت ع كليتها واحمد ويحيى راحوا ع الشركة وكانت سحر وجهاد وفريدة قاعدين ع السفرة وفريدة حاطة وشها بطبقها عشان ياخدوا راحتهم بالكلام ولان عيونهم كانت عليها
جهاد: شوفتى يا خالتى اللى قولتلك عليه حصل اهو وابنك عاوزها تبقى مراته 
سحر: كله منك انتى 
جهاد: اناااااا ليه ان شاء الله ؟
سحر: اهملتى فيه ومكنتيش فايقة الا للفلوس واللبس والخروج وسيبتى فراغ هى مليته 
جهاد: البت دى مطلعتش سهلة زى ما اتوقعنا انا فكرت انها هتكرهه وتتجنبه بعد اللى التمثلية اللى عملناها بس خلاص كده خطتنا هتتفضح لازم نلاقى حل انتى عارفة لو ابنك قرب منها فعلا هيكتشف انها لسه بنت
سحر: بسيطة نخليها متبقاش بنت وبكده حتى لو احمد قرب منها مش هيكتشف حاجة 
جهاد بصدمة : ايه ازاى يعنى؟
سحر: زى ما خدرناهم قبل كده فى العصير ونزلناه جنبها وعملنا الفيلم هنخدرها ونوديها لدكتورة متخصصة عشان ماتموتش مننا ونخليها تفقد عذر..يتها وووووووو............
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-هنخدرها ونوديها لدكتورة متخصصة عشان ماتموتش مننا ونخليها تفقد عذر..يتها وبكده حتى لو احمد قرب منها زى ما بيقول ميكتشفش الكذبة 
جهاد بصدمة: انتى ايه يا شيخة انتى بتجيبى الافكار السم دى منين ده ابليس واخد زاوية وماسك ورقة وقلم وبيتعلم منك ازاى انتى بالجحود ده؟
سحر بغضب: اتلمى يا بت انتى بتكلمى واحدة صاحبتك انا خالتك يا غبية قبل ما اكون حماتك 
جهاد بضحك: لا انتى صاحبتى فعلا كل المصايب السوده بنعملها سوى 
سحر: يعنى عجبتك الفكرة 
جهاد: هى عجبتنى وبس دى كيفتنى الا قوليلى يا خالتى هو لو انا مكنتش وافقت مثلا كنتى هتعملى ايه؟
سحر: كنت خليت احمد طلقك يا غالية وبفضيحة وبأقل مجهود وانتى اصلا بقيتى كده كده فى حياته استبن ما هيصدق يخلص منك
جهاد: ومش خايفة اعترف عليكى وع عمايلك السوده؟
سحر بشر: لسه متخلقش اللى يهددنى يا بنت اختى ولو وصلت انى اخ..لص عليكى صدقينى مش هتأخر 
تركت جهاد الطعام وقالت: ماشى انا طالعة ع اوضتى ولو احتاجتينى رنى عليا 
ذهبت جهاد لغرفتها اما سحر قامت وملست ع شعر فريدة اللى مرفعتش وشها عن الطبق وكانت بترتعش 
سحر بخوف: فريدة مالك يا حبيبتى بترتعشى كده ليه انتى كويسه؟!
فريدة وهى تكلمها بلغة الاشارة: بردانة 
سحر: يا قلب امك قومى تعالى اوديكى اوضتك نامى واتغطى 
اخدتها سحر ع غرفتها ونيمتها وغطتها اغمضت فريدة عيونها ولما اتأكدت سحر انها نامت خرجت وقفلت الباب وبمجرد ما خرجت انفجرت فريدة بالبكاء : يااااااه يا ماما معقولة تفكيرك شر كده ازاى يعنى يوم ما اسمع وابقى كويسه اسمع خططك الزبالة مع بنت يتيمة زى دى 
لقت فونها بيرن وكان رقم دكتور نبيل فردت : الو
نبيل: احم الو انسة فريدة ازيك 
فريدة: الحمدلله يا دكتور 
نبيل: كنت عاوز افكرك ان النهاردة لازم تيجى لاعادة الكشف عشان نحدد ميعاد العملية 
فريدة: انا اسفة يا دكتور انا هأجل موضوع العملية ده شويه واحتمال كبير معملهاش اصلا 
نبيل وهو حاسس باختناق صوتها: طب ليه؟
فريدة: ظروف معليش 
نبيل: طب انتى كويسة فيكى حاجة حاسس انك بتعيطى!
فريدة باستغراب: لا ده انا عندى برد
نبيل: طب انتى لازم تيجى الاعادة عشان موضوع الالتهابات دى لازم اطمن عليكى 
فريدة: تطمن عليا؟!
نبيل: لا يعنى اقصد اطمن ان الالتهاب خف 
فريدة: تمام يا دكتور اجى لحضرتك الساعة كام؟
نبيل بفرحة: كمان ساعة ان شاء الله
فريدة: تمام مسافة السكة سلام 
اغلقت فريدة الهاتف لكن فجأة راودها سؤال: هو ليه الدكتور اللى كلمنى مش السكرتيرة ؟ دى اعادة يعنى ايه سبب الاهتمام ده ....ايه الهبل اللى انا بفكر فيه ده اهتمام ايه وبتاع ايه ده دكتور وانا مريضة عنده واكيد بيعمل كده مع كل المرضى وبعدين انا فى ايه ولا ايه اما اقوم اروح بلا دوشة 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
عند احمد بالشركة لقى يقين داخلة عليه ابتسم وقال: اهلا انسة يقين نورتى جاية برجلك يعنى مطلبتش منك تيجى انا ها مترجعيش تقولى انت اللى تعبتنى 
يقين: بصراحة محبتش اروح لانى خلصت بدرى ومش عاوزة اقعد بالبيت من دلوقتى
احمد: امممممم مكانك يا يقينى 
لمعت عيون يقين بفرحة : احمد هو انا ممكن اسألك سؤال؟
احمد: اكيد
يقين: هو انا بالنسبة ليك ايه؟!
احمد بتوتر : يعنى ايه تقصدى ايه بالظبط؟!
يقين وهى تنظر بعيونه اكثر: يعنى يقينك بالنسبة ليك ايه؟
احمد: انتى ... انتى ...... قاطعه صوت الباب وكانت السكرتيرة : مستر احمد المدام برة عايزة تقابل حضرتك 
نظر احمد ليقين باندهاش ثم نظر للسكرتيرة: تمام خليها تدخل 
دخلت جهاد ورأت احمد ويقين يجلسان الى جانب بعضهما احست بوجع شديد بقلبها لكنها حاولت الثبات وابتسمت: ازيك يا احمد ممكن نتكلم ع انفراد لو سمحت 
احمد: اتفضلى قولى اللى انتى عاوزاه هنا مفيش حد غريب
تألمت جهاد اكثر لكنها اغمضت عيونها بوجع وقالت: لو سمحت انا عاوزاك فى موضوع شخصى 
احمد: والموضوع الشخصى ده يتحكى هنا فى الشغل 
جهاد : وهو الشغل مكان للحب 
احمد: جهاد اخلصى جاية ليه ؟!
جهاد: قولتلك لازم نكون لوحدنا واه مش هينفع نتكلم بالبيت لانه حوار مهم جدا واخاف حد من هناك يسمعنى 
وجدت يقين فونها يرن وكانت فريدة نظرت لاحمد : طب عن اذنك معايا فون مهم 
قامت وردت ع فريدة اللى طلبت منها تروح معاها للدكتور ووافقت اخدت شنطتها وقالت لاحمد: بابا انا هروح مع واحدة صاحبتى للدكتور اوك 
فهم احمد انها تقصد فريدة: ماشى يا يقينى خلى بالك من نفسك
خرجت يقين وبمجرد ما خرجت نزلت دموع جهاد بحزن شديد وتعالت شهاقتها نظر لها احمد باستغراب من حالتها وهو مش فاهم راح جاب ليها مياه واعطاها ليها: فى ايه يا جهاد مالك 
جهاد نظرت له بنظرة مليئة بكذا شعور: طلقنى يا احمد ووووووووووووووو...................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- نظرت له بنظرة مليئة بكذا شعور وقالت: طلقنى يا احمد انا مش هينفع اكمل معاك وبدل ما تيجى منك ادينى بطلبها وبحررك من وجودى
احمد باستغراب: بالبساطة دى لمجرد ان غيرك اخد مكانك طلبتى الطلاق؟!
جهاد: لا مش عشان كده بس لانى مستاهلكش بسبب طمعى وانانيتى فضلت الفلوس والفيلا ع العيشة اللى كانت مليانة حب ودفا وحنان والله يجازيها اللى كانت السبب 
احمد: انتى بتتكلمى بالالغاز كده ليه انا عاوز افهم في ايه وليه بتقولى كده؟
جهاد وهى تنظر له بخوف: طب ..طب احلف لو قولتلك مش هتتعصب
احمد: والله ما هتعصب قولى
جهاد: يقين لسه بنت انت ملمستهاش يا احمد 
احمد بهدوء: عارف قولى غيره
جهاد بصدمة: عارف .....عارف ازاى ومن امتى؟!
احمد: مش مهم كل ده بالنسبة ليكى لكن المهم بالنسبة ليا انا اعرف انتم عملتوا كده ازاى انتى وامى 
بدأت جهاد تحكى كل حاجة لاحمد من اول ما حماتها اقترحت عليها الفكرة وكملت بدموع حسرة:كنت مفكرة لما اعيش فى فيلا ويكون معايا فلوس كتير هرتاح ومشاكلنا هتخلص وهخلى ولادى اللى اجيبهم منك يعيشوا عيشة هاى ويتعلموا فى مدارس انترناشونال بس ربنا مبيرضاش بالظلم ومش بيبارك فى الغلط كسبت الفلوس بس خسرتك وخسرت حبك وثقتك واتحرمت من انى اكون ام 
احمد بعدم فهم : يعنى ايه ؟!
جهاد: روحت كشفت عشان اعرف سبب تأخر الحمل والدكتور طلبت منى تحاليل واشعة للرحم واكتشفت ان عندى مشكلة كبيرة تمنعنى انى اخلف وده عقابى من ربنا اللى خلانى فوقت لنفسى 
احمد: انتى ايه اللى خلاكى تيجى وتحكيلى؟
جهاد: عشان امك الشيطان اتحكم فيها ع الاخر وناوية تإذى يقين اكتر وتخليها تفقد عذر..يتها عشان لو قربت منها متعرفش اللعبة 
احمد بصدمة: انتى بتقولى ايه امى انا فكرت فى كده؟
جهاد: هى مش بس فكرت هى اخدت القرار واتصلت ع دكتورة معندهاش ضمير واتفقت انها توديها ليها النهاردة بليل وانتم مش موجودين ولما سألتها لو رفضت اساعدها هددتنى انها هتخليك تطلقنى بفضيحة
احمد: ازاى هتوديها ازاى؟!
جهاد: بنفس الطريقة اللى دخلناك بيها اوضتها هتخدرها
احمد رجله مشالتوش من صدمته فى امه ازاى تفكيرها ممكن يجيبها لكده ازاى تعمل كده فى بنت يتيمة ابوها مأمنش حد غيرهم عليها 
جهاد بدموع: سامحنى يا احمد انا معترفة انى غلطانة ومن قلبى ندمانة بس....بس انا بحبك بجد
احمد: هششششش انتى لو كنتى فعلا بتحبينى زى ما بتقولى مكنتيش وافقتى ان واحدة تانية تشاركنى معاكى حتى لو ع الورق لو بتحبينى مكنتيش اهملتى فيا واتخدعتى فى العيشة الجديدة انتى اللى خسرتينى بسبب انانيتك يا جهاد انتى اللى ضيعتى الحب 
جهاد : عارفة ومش بلومك ولا حتى هطلب منك تدينى فرصة ارجع الحب لكن انا فعلا عاوزة اطلق يقين اولى بيك منى 
احمد: عاوز منك خدمة ممكن!
جهاد: اكيد طبعا ايه هى؟!
فى مكان تانى فى عيادة دكتور نبيل دخلت فريدة ويقين واستقبلهم نبيل بابتسامة جميلة 
نبيل: ها يا انسة فريدة طمنينى عاملة ايه دلوقتى؟
فريدة: الحمدلله يا دكتور بس حاسة بحاجة غريبة بودنى وجع غريب 
فحصها نبيل وقال: دى التهابات فى عمق الاذن لازم حقنة 
فريدة بخوف: حقنة ايه لا طبعا اكتبلى اى حاجة الا الحقنة انا بخاف منها 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
يقين: اهدى يا حبيبتى اكيد الدكتور فاهم بيعمل ايه 
فريدة بدموع: لا انا بخاف 
نبيل وهو ينظر فى عيونها بقوة: ممكن تهدى وتثقى فيا 
تاهت فريدة فى جمال عيونه ونظرته اللى كان مفعولها اقوى من البينج عليها وهزت رأسها بالموافقة فطلب نبيل من الممرضة انها تجهز ليه الحقنة وجابتها واول ما شافتها فريدة عيطت برجاء ليقين 
نبيل: ممكن تهدى وعد منى مش هتحسى بأى وجع اوك 
فريدة: حاضر
اعطاها نبيل الحقنة وفعلا محسيتش بألم ...يقين: طب يا دكتور امتى ممكن تعمل العملية؟!
نبيل: اول ما الالتهابات دى تخف تقدر تعملها فى اى وقت انا هكتبلها ع علاج تمشى عليه انتى كنتى خلصتى العلاج اللى عندك 
فريدة: بصراحة انا كنت باخده مرة اه وعشرة لا 
نبيل بضحكة رجولية: جدعة القيادات كلها مبسوطة منك 
ابتسمت فريدة ع كلماته اعطاها العلاج وخرجت ...يقين: ايه رأيك نروح ناكل برة ؟!
فريدة: موافقة بس العزومة ع حسابى 
يقين بضحك: واحد يا بنت عمى 
فى الليل وصلت يقين وفريدة من برة وكانت سحر وجهاد قاعدين فى الصالة 
سحر: اهلا يا حبايبى ايه كنتم فين كده؟
يقين: مفيش يا طنط فريدة كانت حابة تخرج تغير جو فروحنا اتغدينا برة واتمشينا شويه وجينا ع طول 
سحر: يا حبيبتى ربنا يخليكم لبعض طب يلا اطلعوا خدوا شاور وغيروا هدومكم وتعالوا اتعشوا 
يقين: لا والله مش هنقدر ناكل احنا برضه اتعشينا قبل ما نيجى كلوا انتم بالهنا والشفا انا هروح انام عن اذنكم 
طلعت يقين وفريدة كل واحدة ع اوضتها غمزت سحر لجهاد تجيب ليها كوباية العصير دخلت جابتها وعطيتها ليها طلعت سحر لغرفة يقين واستأذنت تدخل 
سحر: خدى يا حبيبتى اشربى العصير الجميل ده انا اللى عملاه بايدى 
يقين: تسلمى يا طنط بس والله بطنى مليانة مش هقدر اشرب اى حاجة 
سحر بتمثيل زعل: اخص عليكى كده تزعلينى يعنى وانا جايلاه ليكى بنفسى 
يقين: لا طبعا حقك عليا خلاص هشربه 
شربت يقين العصير واخدت سحر الكوباية وخرجت وبعد ربع ساعة دخلت لقت يقين رايحة بالنوم 
سحر: يلا يا جهاد سنديها معايا زمان الدكتورة مستنيانا 
جهاد: حاضر 
حطوها بالعربية واخدوها لمكان العيادة وكانت الممرضة بانتظارهم وساعدتهم فى انهم يدخلوا يقين ع الاوضة وكانت الدكتورة قاعدة ع الكرسى وضهرها ليهم 
سحر: البت اهى يا دكتورة خلى بالك والنبى وانتى بتعمليها لاحسن تموت منك ونروح فى داهية 
لتصدم سحر بمن يقف امامها: لا وانتى ضميرك لسه صاحى ووجعك اوى يا امى ووووووووو.............................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- لا وانتى ضميرك لسه صاحى ووجعك اوى يا امى والله انا مكسوف وانا بقولك امى مش عارف انتى ازاى بالجحود ده ازاى تفكرى تعملى كده فى بنت يتيمة خافى ع بنتك هيتردلك فيها بلاش خافى من ربنا اللى هتقفى بين ايده كل ده عشان ايه عشان الفلوس 
سحر بغضب : ايوة عشان الفلوس تلاتين سنة وانا عايشة مع ابوك فى الفقر والضنك شايفة اخواته البنات واخوه جوازتهم عدلة ومعدولين ومنصوفين وعايشين عيشة ملوكى وانا عايشة فى حارة واختك مش عارفين نعملها عملية عشان تسمع زى بقيت خلق الله ايوة عملت كده عشان من حقى اعيش زيهم واحس بالنعيم 
احمد: نعيم ايه اللى بتتكلمى عليه انتى عارفة بسبب عملتك دى انتى خربتى بيت بنت اختك ودمرتنى نفسيا وانا بلعن نفسى كل يوم لانى فكرت انى خونتها وغضبت ربنا 
ليأتى من الباب يحيى: هى مخربتش بيت بنت اختها بس لكن خربت بيتها هى كمان 
سحر بصدمة: يحيى انا ..................
يحيى مقاطعا: انتى ايه لسه عندك عين تبررى عمايلك السوده ده انا بسببك رفعت ايدى ع ابنى وهو راجل اطول منى وعمرى ما عملتها فى صغره خلتينى اندم ع تربيتى ليه مصدوم بجد انى اتخدعت فيكى كل ده 
سحر بدموع: حقك عليا والنبى يا اخويا انا عارفة انى غلطت والله والله انا بس كنت..... كنت نفسى اعيش فى الفيلا واحس بحياة الناس الغنية
يحيى: واديكى هتتحرمى منها عارفة ليه عشان هطلقك انتى طا ............
لكن قبل ما يكملها حطت سحر ايدها ع بوقه وقالت: اوعى يا يحيى اوعى تقولها ده انا سحر حبيبتك وبنتك البكرية زى ما كنت دايما تندهلى
يحيى: كنتى زمان لكن اللى واقفة قصادى دى واحدة معرفهاش
سحر: طب حقك عليا يا اخويا بص انا مستعدة منك لاى عقاب اضربنى احبسنى بس ..بس متطلقنيش ده احنا عشرة العمر كله 
يحيى: مفيش شخص يمد ايده ع اهل بيته يتسمى راجل ومعملتهاش واحنا فى بداية جوازنا لما اعملها وانا معايا شباب 
سحر: وانت طول عمرك سيد الرجال والله حقك عليا والنبى يا يحيى متعملش كده 
يحيى: موافق بس بشرط
سحر: موافقة عليه 
يحيى: مش لما تسمعيه الاول 
سحر: موافقة ايا كان هو ايه هوافق والله 
يحيى: هنروح نلم هدومنا ونرجع ع بيتنا القديم من اللحظة دى ملناش قعاد فى الفيلا 
يقين بدموع: والنبى يا عمو بلاش مش عاوزة ارجع هناك تانى
يحيى: متخافيش يا بنتى انتى هتفضلى فى بيتك زى ما انتى مع جوزك وانا واثق انه هيخلى باله منك 
يقين: ايوة بس انا اتعودت ع وجودكم حبيت جوا الدفا والعيلة اللى اتحرمت منه من بعد بابا ومن قبله ماما 
يحيى: معليش يا بنتى زى ما انتى مرتاحتيش فى بيتنا انا كمان حنيت لبيتى وعاوز ارجع ليه وكده كده ده بيتك برضه زورينا فى اى وقت تحبيه 
يقين: طب عشان خاطرى خليكم والله انا مسامحة طنط وجهاد بس خليكم معايا
احترق قلب يحيى عند سماعه لكلمات يقين اما سحر فقد احست بالندم اتجاه تلك الفتاة البريئة الخالية من الخبث ...يحيى بدموع: معليش تكرهى تشوفينى مرتاح
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
يقين بدموع: لا طبعا اهم حاجة راحتك 
اخدها يحيى فى حضنه وطبطب عليها وخرج هو وسحر اما احمد مسك ايد يقين وبخوف: انتى كويسة
يقين: الحمدلله بس هو انت عرفت ازاى ان طنط كانت هتعمل كده
احمد بص لجهاد: جهاد قالتلى ع كل حاجة وطلبت منها تساعدنا بانها متحطش ليكى حاجة بالعصير او تبدله لو امى اللى حطت المنوم واتصلت عليكى وعرفتك تعملى ايه
يقين لجهاد بامتنان: شكرا ليكى 
جهاد بصوت مخنوق: ع ايه انا معملتش الا الصح كفاية غلط لحد كده
يقين : احم طيب عن اذنكم هروح انا 
جهاد: استنى يا يقين اذا كان فيه حد لازم يمشى فهو انا
يقين: يعنى ايه مش فاهمة؟
جهاد: يعنى انا واحمد اتفقنا ع الطلاق 
يقين بشعور متناقض بين فرحة ان احمد هيكون ليها وحزن ع جهاد: طب ليه ؟!
جهاد: عشان حكايتنا انتهت والحقيقة الاهم ان مبقاش ليا وجود بقلبه مكانى غيرى اخده وخلينى اقولهالك انا لانى عارفاه صعب يعترف احمد بيحبك 
نظرت يقين لاحمد بتساؤل فأجاب وهو بيحك انفه: اممممم اه بحبك 
ابتسمت جهاد بانكسار وقالت: ربنا يوفقكم ويسعدكم 
احمد: طب استنى اوصلك 
جهاد: لا كتر خيرك انا هاخد تاكسى متتعبش نفسك 
مشيت جهاد وبمجرد ما خرجت من العيادة نزلت تجرى فى الشارع وهى بتعيط ومن غير ما تاخد بالها عربية خبطتها بس كانت اصابة خفيفة نزل شخص من العربية بخوف: انا اسف حضرتك اللى غلطانة والله طلعتى بوشى فجأة
جهاد بدموع: حصل خير 
جات تقوم مقدرتش مد ليها ايده بالمساعدة فاتحرجت جات واحدة ست قومتها والشخص ده اصر انه يوديها للمستشفى ....... عند يقين واحمد
احمد: امممممم معرفتش اجابتك يعنى؟!
يقين بتهرب: اجابة ايه؟!
احمد: انا بحبك طب انتى ايه؟!
يقين: عادى 
احمد بزعل: عادى طب تمام اعتبرينى مقولتش حاجة
لف وشه عشان يمشى مسكت يقين ايده ووقفت اتكلمت قصاد عيونه: انا اول مرة قلبى يدق لحد كان انت معرفش ليه وازاى وامتى مع ان اول لقاء بينا مكنش لطيف بس حسيت بأمان افتقدته بعد بابا الامان ده رجعلى جنبك انت يا احمد
احمد: يعنى ايه برضه؟
يقين: يعنى انا كمان بحبك اوى 
ابتسم احمد بحب وحضنها حضن طويل وقال: وانا اوعدك انى هفضل ليكى امانك وسندك وهعملك احلى فرح فى مصر 
يقين بفرحة: بجد يا احمد يعنى هلبس الفستان الابيض
احمد: طبعا احلى فستان لست البنات ووعد منى مش هقرب منك الا بعد الفرح 
يقين: ايوة بس يعنى............
احمد: قبل ما تكملى عارف انك داخلة ع امتحانات اخر السنة ومفيش حاجة هتتعمل الا بعد النتيجة ما تبان كمان 
ابتسمت يقين بحب وحضنته بفرحة ....... عند فريدة كانت بتجهز شنطتها عشان ترجع ع بيتها مع ابوها وامها لقت فونها بيرن وكان اتصال من نبيل وووووووووو..................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
- كانت فريدة بتجهز شنطتها عشان ترجع ع بيتها مع ابوها وامها لقت فونها بيرن وكان اتصال من نبيل: ازيك يا انسة فريدة عاملة ايه؟
فريدة باستغراب: الحمدلله يا دكتور 
نبيل: ها اخدتى علاجك النهاردة ولا اهملتى كالعادة!
فريدة بابتسامة:: بصراحة لسه مأخدتوش لانى انشغلت شويه بس هاخده دلوقتى
نبيل: اممممم طيب انا بعد كده هكلمك فى مواعيد العلاج عشان اتأكد اخدتيه ولا لا 
فريدة بخبث: ويا ترى بقا حضرتك بتعمل كده مع كل المرضى بتوعك وبتكلمهم عشان تخليهم ياخدوا ادويتهم؟
نبيل بتوتر: احم لا يعنى اصل ...اصل انتى اللى مهملة اوى فباخد فيكى ثواب مش اكتر 
فريدة بابتسامة: ماشى يا دكتور 
نبيل: ارفعى الالقاب بقا ملهاش لزوم دكتور احنا اصحاب ولا انتى تمانعى !
فريدة: لا عادى انا ليا الشرف
نبيل بفرحة: الشرف ليا حاسس انى معطلك عن حاجة؟
فريدة: هو انا بس بجهز شنطتى
نبيل: ليه انتى مسافرة ولا ايه؟!
فريدة: لا انا راجعة ع بيتنا 
نبيل: مش فاهم 
فريدة بضحك: لا ما انا لو قعدت اشرحلك مش هخلص النهاردة وبابا مستعجل مرة تانية بقا ان شاء الله
نبيل: تمام هستناكى 
فريدة: اشطا خلصانة
نبيل بضحك: خلصانة باى ومتنسيش العلاج ها
فريدة: اكيد باى
اغلقت الهاتف وهى تشعر بسعادة غريبة تتسلل لقلبها لقت باباها ومامتها واقفين قصادها: انا خلصت اهو 
يحيى بتفاجئ وفرحة: ايه ده انتى بتتكلمى يا قلب بابا
فريدة : ايوة يا حبيبى وبسمع كمان 
حضنها يحيى بحب وكذلك سحر ... يحيى: ازاى وامتى؟!
فريدة: من حوالى اسبوع والفضل كله بعد ربنا يرجع ليقين هى اللى اخدتنى لدكتور متخصص وجابتلى سماعة اهى بسمع بيها كويس وكمان وعدتنى لما فترة العلاج تخلص هعمل عملية زرع قوقعة وبكده مش هحتاج لسماعة تانى
سحر شعرت بالخجل من نفسها وأعمالها اكثر اما يحيى فقال: فعلا بنت اصول ومتربية نضيف ربنا يعطيها ع اد نقاء قلبها ويعوضها خير بأحمد 
فريدة: يارب يلا نمشى 
يحيى: انتى حابة ترجعى معانا ولا عايزة تفضلى هنا؟
فريدة: لا طبعا مكان ما تكونوا انت وماما انا هكون انا مقدرش اعيش من غيركم 
يحيى: حبيبت بابا يلا بينا 
امسك يحيى بيد فريدة وتجاهل سحر كأنها هواء شفاف غير مرئى وخرج ركب عربيته الصغيرة وهما معه متجها لمنزله....... عند جهاد اللى الشخص اللى خبطها بعربيته واخدها للمستشفى 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
الدكتور: الحمدلله مفيش مشاكل هى عندها كدمة بسيطة 
الشخص: طيب فيه علاج او حاجة؟
الدكتور: ايوة ده مرهم للكدمات وده مضاد حيوى ومسكن للالم وكمان كتبت ليها ع فيتامين لانها ضعيفة شويه
الشخص: تمام شكرا 
نظرت جهاد للشخص: شكرا جدا لحضرتك ع وقفتك معايا
الشخص: انا معملتش الا الواجب واى حد مكانى كان عمل كده اتفضلى اجيبلك العلاج واروحك 
جهاد: لا لا كتر الف خيرك لحد كده انا هجيب العلاج وهركب تاكسى مفيش داعى اتعبك معايا اكتر من كده
الشخص: يا سيتى انا عاوز اتعب وحابب تعبى كده هو انا اشتكيت ليكى 
جهاد غصب عنها ابتسمت وبانت غمازاتها ... الشخص باعجاب: اللهم صل على محمد ده انتى ضحكتك قمر اهو امال ليه مكشرة بس 
جهاد: شكرا صحيح انا متشرفتش بمعرفتك؟
الشخص: هنا فى المستشفى! طب نخرج الاول وبعدين اقولك انا مين 
خرجوا وجابلها العلاج وفى الطريق: انا اسمى محمد ابو العز مهندس معمارى وشغال فى شركة مقاولات كبيرة عندى ٣٥ سنة 
جهاد بصدمة: بجد ما شاء الله شكلك ميقولش ان ده سنك ابدا 
محمد: عشان بس بهتم بنفسى وجسمى ولبسى ومبحبش اشيل الهم الهم هو اللى بيكبر الواحد وبيعجزه قبل اوانه لكن لو ساب كل حاجة تمشى حسب تدابير ربنا هيرتاح ويريح والخير دايما فيما اختاره الله 
جهاد باعجاب: ونعم بالله فعلا كل حاجة قولتها عندك حق فيها انت متجوز؟
محمد: كنت ... انفصلت من سنة لاننا متفقناش كان جواز صالونات وكانت مختلفة عنى فى كل حاجة فمقدرتش اكمل ولا هى كمثل فانفصلنا بالمعروف زى ما دخلنا باحترام
جهاد: عندك اولاد؟
محمد: لا ربنا مكرمنيش منها بأولاد 
جهاد: ربنا يعوضك خير ويرزقك الذرية الصالحة
محمد: يارب وانتى بقا شكلك لسه انسة؟!
جهاد بحزن: لا انا متجوزة 
محمد : امممممممم ومالك زعلانة كده ليه؟
جهاد: عشان هطلق 
محمد: لا حول ولا قوة الا بالله ليه كده ؟
جهاد: عشان انا غلطت غلط كبير مش خيانة يعنى انا مش كده الحمدلله بس غلطت انى فرط فى حبى واهملت فيه بأنانيتى وفضلت العيشة الهاى ع الدفا والامان فدفعت التمن وخسرت حبه 
محمد : ع فكرة انتى بنى ادمة جميلة وكويسه
جهاد: انا؟! ازاى بس؟
محمد: كونك انك تعترفى انك الطرف الغلطان والمتسبب فى انهاء العلاقة دى شجاعة كبيرة اوى منك واعترافك بغلطك ده فى حد ذاته اكبر دليل ع نقاءك لو حد تانى غيرك كان حط الحق ع الطرف التانى او ع القليل جمل موقفه 
جهاد: انا مقولتش الا الحقيقة 
محمد: ومفيش احسن من الحقيقة ع فكرة 
جهاد: طيب احنا وصلنا اهو شكرا ليك 
محمد: العفو ممكن طلب بعد اذنك
جهاد: طبعا اتفضل 
محمد: ممكن رقم فونك حابب اتواصل معاكى تانى ده بعد اذنك لو مش حابة اعتبرينى مقولتش حاجة 
جهاد اعطته الرقم ونزلت طلعت ع شقتها وحكت لامها كل شئ وعن طلاقها اللى هيتم واللى حصل من خالتها هونت عليها امها بطبيعتها وتركتها تدخل تاخد شاور وتنام 
يمر شهرين كاملين ويأتى اليوم المنتظر فرح احمد ويقين وووووووووو......................
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
-يمر شهرين كاملين ويأتى اليوم المنتظر فرح احمد ويقين وكانت يقين مع فريدة وكام صديقة ليها بالكوافير بعد ما خلصت الميك اب ارتيست وقفت تتأمل ملامحها الجميلة بفرحة 
فريدة: اللهم بارك اختى قمر يا ناس يا بختك يا احمد واقع واقف 
يقين: بجد يا فريدة انا حلوة 
فريدة: حلوة وبس ده انتى ملكة جمال 
يقين دمعت عيونها وفجأة عليت شهاقتها جريت عليها فريدة وبمرح: جرى ايه يا نكد هانم بقا فيه عروسة تعيط ليلة فرحها انتى عبيطة ولا شكلك كده؟!
يقين: كان نفسى بابا وماما يكونوا جنبى فى يوم زى ده اوى كان نفسى اشوف الفرحة فى عيونهم بيا 
فريدة بمواساة: وهو انا مش مالية عيونك ولا بابا قصر معاكى فى حاجة ولا اهل مامتك اللى نزلوا مخصوص وقطعوا مسافات طويلة وعبروا قارات عشان يجوا يحضروا فرح حضرتك بطلى بقا عشان خاطرى كده الميك هيبوظ وهتبقى شبه انابيل
ضحكت يقين غصب عنها فجأة الباب خبط ودخلت سحر وقالت: بسم الله ما شاء الله عروستنا قمر
يقين بفرحة: بجد يا طنط 
سحر: بجد يا نور عينى حقك عليا يا بنتى سامحينى انا عارفة انى غلطت بحقك وجيت عليكى وطمعى عمانى بس والله غصب عنى شيطانى كان اقوى منى
يقين بطيبة: انسى اللى فات بقا يا طنط مبقاش منه فايدة نفتح فيه مادام عدى وانا بجد مش زعلانة منك
سحر دمعت: من النهاردة قوليلى يا ماما ممكن 
يقين بفرحة: بجد يا طنط
سحر: يا ايه
يقين: اقصد يا ماما 
حضنوا بعض بحب وسط ابتسامات فريدة وكان يحيى متابع كل شئ دخل عليهم وقال: الحمدلله ان جه اليوم واشوف شمل العيلة فيها بيتلم من اول وجديد 
فريدة: شوفتى يا سيتى يقين شكلك هتاخدى الحب كله لوحدك وانا مش هيكون ليا نصيب
يحيى وهو بيخبطها برفق ع خدها: بس يا بكاشة يلا عشان اسلمك لجوزك يا روح ابوكى 
اخدها يحيى وطلع بيها وكان احمد بانتظارها ولما شافها حس انه بيقع فى حبها من اول وجديد اخدها بحضنه بكل قوته وطلعوا ع القاعة وكان من وسط الحاضرين جهاد اللى طلعت سلمت عليهم 
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
جهاد: مبروك يا احلى عروسين وربنا يكملكم بخير
يقين : انتى كويسه صح
جهاد: جدا والله وصدقينى انا فرحانة ليكم من قلبى وقرار طلاقى انا واحمد كان فى مصلحتنا احنا الاثنين هو ربنا عوضه بيكى وانا ان شاء الله هكمل حياتى زى ما كنت رسمها قبل الجواز
يقين: ربنا يرفقك 
احمد: ربنا يرزقك بابن الحلال
جهاد بضحكة: شكرا يا ابن خالتى عن اذنكم 
سابتهم ورجعت مكانها وشويه ولقيت فونها بيرن وكان محمد اللى فى خلال الشهرين بقوا بيست فريند
محمد: ايه يا صاحبى الفرح حلو
جهاد: اووووى والاثنين لايقين ع بعض
محمد: هو انا ممكن اسالك سؤال
جهاد: ايوة كان لازم اجى عشان اثبت لنفسى ان حب احمد مبقاش موجود واتأكدت من ده دلوقتى لما لقيت نفسى فرحانة ليهم مش زعلانة
محمد بضحك: طب عرفتى منين انى هسألك السؤال ده؟!
جهاد: احساس
محمد: ماشى يا ملكة الاحساس اسيبك فى الفرح ولما تروحى ابقى كلمينى 
انتهى الفرح وسط فرحة الموجودين وانتقل احمد ويقين لعشهم اللى هيأسسوا بيه حياتهم الجديدة .... بعد مرور تلات شهور كانت فريدة بتجهز عشان تدخل غرفة العمليات
سحر بخوف حاولت تسيطر عليه: متخافيش يا قلبى ان شاء الله هتنجح العملية 
هزت فريدة راسها بخوف ودخلت وقبل ما يبدؤا العملية وقف  نبيل قصادها وبص بعيونها واتكلم: انا معاكى ان شاء الله هتبقى كويسة
بعد فترة خلصت العملية وفريدة بقت تسمع طبيعى بدون السماعات واتقربت من نبيل جدا واتقدملها واتخطبوا 
بعد مرور سنة كمان رزقت يقين من احمد ببنوتة سموها وتين اما نبيل وفريدة فكانوا بيجهزوا لفرحهم ومحمد وجهاد اتجوزوا وعملت عملية عشان الحمل ونجحت وحاليا حامل فى توأم 
يحيى وهو قاعد بيشرب شاى فى البلكونة: يارب لك الحمد ع نعمك التى لا تعد ولا تحصى 
دخلت سحر: الكيكة يا حبيبى
يحيى: انتى مالك كل ما تكبرى بتحلوى كده ليه اللى يشوفك ميقولش انك جدة 
سحر: نععععم جدة انا لسه فى عز شبابى يا راجل انت اللى بقيت كركوب 
يحيى: اهو الكركوب ده من اول ما عرفك لحد ما شعره شاب محدش ملى عيونه غيرك 
سحر: تسلملى يا سيد الرجال.........

انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا